قائمه بأسماء البسطاء و قليلي الثقافه بالمنبر !!!

أورد الاخ أبوالريش ( قدس الله سره ) ما يلي في منبر سودان فور أول :

Quote: عندما أكتب فى ســودانيز أونلاين فأتبع أسلوب الكلام العادى المباشـر لأن هناك الكثيرين جدا من الأعضاء، إن لم تكن الغالبية العظمى بسطـاء وأيضا منهم قليلى الثقافـة، ولو أتبعت ذات الأسلوب الذى أكتب به هنا، فإن معظمهم سـوف يرى ما أكتبه غير واضح فى مجمله، وغير متماسك.

و عشان الناس ما كلها تتحسس ، و ركوبا لموجة اللست سوف أورد لسته بأسماء الأخوه و الأخوات البسطاء و قليلي الثقافه بالمنبر ، فترقبوها

عاوز تعد الغالبية العظمى ؟

امين الياسمين
قالوا : الببحت في البعر مابسلم من العقارب

القائمه حا تقسم لثلاثه أقسام :
- البسطاء
- قليلي الثقافه
- البسطاء و قليلي الثقافه في آن واحد و هم الغالبيه .

أوعك يا حمور تفتكر إنو حا أجاملك لصلة الرحم التي بيننا ، أنا في المواضيع الثقافيه دي لا أجامل أبدا !!

يمين إلا تختني في التلاتة قوائم دي ..

يآخ انا مافي قائمة بقت تطلع هنا ما اتختّ فيها .. فدحين انا متاكد تماماً اني حا اكون تبع الغالبية العظمي....

فعلى بركة الله خت عندك حيدر الزين



ـــــــــــــــــــ
إنت بتعترض على شنو يا امين نوتة ؟
ايوة بسطاء وقليلين ثقافة هو في حد بيعرف احسن من ابو الريش ؟!

Quote: امين الياسمين قالوا : الببحت في البعر مابسلم من العقارب

محجوب البسيط
بعر شنو يا محجوب ياخ ، ما ياهو ده الكلام البجيب لينا الكلام !








‎


-------
الصباح كان في لسته بتاعت كيزان حايمه ، قربت أختك فيها !!

أنا عندي لستة الرمتالة أها كيف..
كل الود

يا ابن عمي انشاءالله في قائمة الوفيات بس ختنا
ما فارقة اصلنا نوبيين وممكن نقول ما بنعرف عربي



ـــــــــــــــــــ
انت الكلام ده مذكور وين؟
شكله كده عند الجيران يعني نميمة

طار ليهم كيف ابوالريش ده؟

يا أمين وحات صلة الرحم إلا تعدني معاهم ..
محمد حسب (حذفت ما بعد الباء لحين انتهاء الخلاف عليها ) أنعم عليّ بهذه المكانة فصرت أفخر بها لدواعي العداد و كده.
فختني يا خال و لا تبالي. انت تابى لود اختك العداد ؟

وقعت ذبابة شتراء في كأس وسكي، يتبع لأحد الرفاق، فهمّ الرفيق بعطنها كاملة في الكأس، تماشياً مع الحديث القائل: جناح فيه الداء، والآخر فيه الدواء، فقبل ان يمسك بها الرفيق، طارت وأصبحت الذبابة تصيح: زِحو الصقر جاكم، زِحو الصقر جاكم؛ ظنّت الذبابة -لسكرتها- أنها صقر؛ ففي أي كأسٍ وقع هذا الأبو وترك ريشه؟

ههههههههههههه
ياسر طيفور حرم شكلك انتا الواقع في برميل شراب..


ضحكتني في قمة دبرستي

ياأحباب ليكن شعارنا:
أبو الريش زيو ما فيش

Quote: يمين إلا تختني في التلاتة قوائم دي .. يآخ انا مافي قائمة بقت تطلع هنا ما اتختّ فيها .. فدحين انا متاكد تماماً اني حا اكون تبع الغالبية العظمي.... فعلى بركة الله خت عندك حيدر الزين

لا ، أحسن تكون ما في اللسته يا الطريفي !
والله قصه !
أنا قاعد أبسط في مداخلاتي معاك من يوم ما جيت هنا و أنا متاكد إنك ما فاهم ولا كلمه من الأنا بقولو ده !
تقول لي ختني في اللسته ؟ !

ولكل البسطاء قليلي الثقافة ومن لف لفهم بالقوائم الثلاثة ..
دعونا من كاسات شرابكم واجنحة ذبابكم .. فإن كنتم مهتمين بالنقاشات الفلسفية العميــة والتأمل
نتمني ان تُرجِعو ( لاحظوا يا بسطاء التاء عليها ضمة ) هذه الكلمات لحروفها حتي يصير لها أصوات
تؤثر على خلايا عقولكم البسيطة النائمة فتخلصها من غضبها ...

Quote: تعليقك على كلامى عن (سحر الكلمة وسطوتها) الذى ضربت به كلمتان مثلا (جميلة) و (قبيحـة)، بأنه "كتابة مسيئة، وتنميط غث" أثبت لى مرة أخرى سطـوة الكلمة، وهـذا موضوع فلسفى أناقشـه هنا بأمل أن يجد بعض المهتمين، و أعتقد أنك لم تستوعبه حتى الأن. أرجعت الكلمة الى حروفها، فهل يمكن تفكيك معناها أيضـاً وتحليله والوصول الى المكون الذى يؤثر على خلايا العقل ويجعلها تتصرف وفق طريقة معينة مبيتـة فى تلك الكلمات أو ربما فى أصوات حروفها؟ وهل لو توصلنا الى هـذه النتيجـة، يمكن عزل تلك المكونات من التعابير السالبة فى قيمنا فنتخلص من الغضب عند سماعهـا؟ وهل يمكن هـذا أن يكون سببا فى السلام بين الأفراد والسـلام بين الشعـوب والأمم؟ يا سيدى بطرح هـذه المداخلـة كنت امل، وما زلت أن يتشعب النقاش ويجرنا الى لغـة البرمجمة العصبيـة NLP أو Neuro-linguistic programming

إن كان بمقدوركم فعل ذلك صدقوني اخوتي فإن صوت كلمة ( جميلة ) و ( قبيحة ) ما بإمكانه ان يكون سبب لتحقيق السلام بين شعوب العالم
واممه المتناحره حسب تعبير بيورين ميفلاديتش في كتابه الطبقة الثقافية الخامسة - بين البساطة وفن الحروف -


ـــــــــــــــــــــــــــ
عارف يا سعادتك امين خال حمور زيادة ... ابو الريش دا اصلن ما خاتي عليكم في إنكم بسطاء ومحددوي ثقافة ..
هسع بالله اصحي اشرب موية بالصدفة القي جوطتكم دي عشان ما قادرين تستوعبوا كلام زي دا الا يجو يكتبوهو ليكم مباشرة كدة
وبصورة مبتسرة ومخلة لا تشبه بأي حال من الاحوال كتابة الصفوة والمثقفين بذاك المنبر - أمثال الوليد يوسف ومحسن الفكي وحسن دوكة
يآخ عندو حق ... انا لو في محلو بكتب والاميين كمان :)
وأضيف من عندي - وما وجودي هناك إلا لمحاولة الارتقاء بفهمهم وثقافتهم لكني تعبت .. فكلما يتثقف بسيط يولد بسيط من جديد ..

طيفور سلامات

Quote: وقعت ذبابة شتراء في كأس وسكي، يتبع لأحد الرفاق، فهمّ الرفيق بعطنها كاملة في الكأس، تماشياً مع الحديث القائل: جناح فيه الداء، والآخر فيه الدواء، فقبل ان يمسك بها الرفيق،

اكتر حاجة غايظاني حقارة الرفيق دا ؛ يشرب في الويسكي بي مزاااااج ؛ وداير يغرق الضبانة لمن شربت حبة.

صاحبك دا غايتو ما بيكون متماشي مع الحديث - الا ان يكون من شيوعيي نقد غير الملحدين - ؛ بس بيكون زعلان من الضبانة المصت ليها قطرة ويسكي دي؛ نقصت ليهو الشراب؛ ويكون عايز يقتسها يطرشها ليهو او حسادة اشان ما تستمع بي وسكيهو ..

كتر خير ابوالريش الماعاوز يتفلهم عليكم ..
دى مشكلة الناس المتواضعين ..
بتفهموا غلط ..

عالم محدوده ..

ارجو انو ما تدخل اسم وليد يوسف ده هنا يا حيدر ..
الوليد ده من شدة ما كلامو كبار و بتاع مثقفين حصل انو كتب ليو كلام .. سطرين .. و جا مأمون نزل ليو كلام لزول تاني ففرح وليد و قال :


مدخل جيد جداً سأستعين به كثيراً في فك طلاسم مداخلتي عالية التكثيف ( اليوتبيا وضد التأريخ) التي تسير في نفس الأتجاه

زول من شدة فهمو كلامو ما بيتفهم الا بمداخلات ناس تانية ياخ .. عاوز تقارنو بالبسطاء الهنا ؟

لا يا أخوانا .. الموضوع ده حرقنى والله
أبوالريش ده إداخلت معاه ( غير ذات مره )
وهسع بذكر فى ردودو وزي الكان بتعامل معاى كمحدود ثقافيا

Quote: مدخل جيد جداً سأستعين به كثيراً في فك طلاسم مداخلتي عالية التكثيف ( اليوتبيا وضد التأريخ) التي تسير في نفس الأتجاه

إنا لله وإنا اليه راجعون ..

مداخلة دي والا لبن ( بوني ) العالية التكثيف :)

يآخ اقول ليك والله زول عشان يفك طلاسم مداخلتو عشان يفهمها بمداخلة زول غيرو .. دا مفروض يكون تصنيفو اسمو (الخلاصة ) .. ومن بعده تاتي الصفوة ثم زي خمسة وسبعين خانة يا قول الفاروق حتن محدودي الثقافة وبعد 764 يأتي البسطاء :)

شكيتكم على الله يا صفوة وانا بقول قدر ما ادخل هناك ما بفهم مالي :)

Quote: محجوب البسيط بعر شنو يا محجوب ياخ ، ما ياهو ده الكلام البجيب لينا الكلام !

مش كدا بالله يا أمين ياخي ناس سودان فور أوول كلامهم كله يوتوبيا و كثافة و ما تعرف شنو يجي محجوب يقول ليك بعر؟
تحياتي يا محجوب و أمين و الزوار.

Quote: يا ابن عمي انشاءالله في قائمة الوفيات بس ختنا ما فارقة اصلنا نوبيين وممكن نقول ما بنعرف عربي

يا ابن عمي تسلم من لستة الوفيات لكن لستة البسطاء و قليلي الثقافه بالمنبر محمداك و محمدانا كلنا !

Quote: ـــــــــــــــــــ انت الكلام ده مذكور وين؟ شكله كده عند الجيران يعني نميمة طار ليهم كيف ابوالريش ده؟

الكلام ده نميمه إسفيريه يا حكومه ، و أبو الريش و ناس كتار عندهم عضويه هنا و هناك لكن مافي زول غير أبوالريش قال كلام زي ده لناس بيكتب و بيتداخل معاهم و حاسبنو واحد منهم !
أتاري أبو الريش مستوسخنا و مستحمل قرفنا ، ربنا يصبرو علينا !!

Quote: وقعت ذبابة شتراء في كأس وسكي، يتبع لأحد الرفاق، فهمّ الرفيق بعطنها كاملة في الكأس، تماشياً مع الحديث القائل: جناح فيه الداء، والآخر فيه الدواء، فقبل ان يمسك بها الرفيق، طارت وأصبحت الذبابة تصيح: زِحو الصقر جاكم، زِحو الصقر جاكم؛ ظنّت الذبابة -لسكرتها- أنها صقر؛ ففي أي كأسٍ وقع هذا الأبو وترك ريشه؟

يا ياسرهمّ الذي في الضلاله يعمه !
يا أخوي الله يرضي عليك بسط لينا أسئلتك دي ، معانا عاهات هنا بعيد عنك !
بعدين ذبابه و صقر و ويسكي و باقي كلامك الني ده في سودانفورأول في الأرشيف ما يكتبك ، عندك كلمتين تلاته بذيئات ساعدنا بيهم ، ما عندك حاول إتماهي ليك باي كلام كبار و الباقي تمو مويه !

ما عارفة ليه ود الخالة قال كدا

لكن انا لازم اكون في راس القائمة
لانه نجاة ادتني شهادة عدم كفاءة للكتابة في منبرهم لاني ما مثقفة
ولا متعملة...

Quote: عارف يا سعادتك امين خال حمور زيادة ... ابو الريش دا اصلن ما خاتي عليكم في إنكم بسطاء ومحددوي ثقافة .. هسع بالله اصحي اشرب موية بالصدفة القي جوطتكم دي عشان ما قادرين تستوعبوا كلام زي دا الا يجو يكتبوهو ليكم مباشرة كدة وبصورة مبتسرة ومخلة لا تشبه بأي حال من الاحوال كتابة الصفوة والمثقفين بذاك المنبر - أمثال الوليد يوسف ومحسن الفكي وحسن دوكة يآخ عندو حق ... انا لو في محلو بكتب والاميين كمان :) وأضيف من عندي - وما وجودي هناك إلا لمحاولة الارتقاء بفهمهم وثقافتهم لكني تعبت .. فكلما يتثقف بسيط يولد بسيط من جديد ..

الطريفي
أبو الريش قال ليك شغال معانا بنص كلتش مراعاة لظروفنا ، كدي عاين لبوستو ده عشان تشوف البساطه متجليه كيف :
هل هذه الظاهـرة تستحق الوقوف عندها - حركـة عضويـة... والجماعات السياسية

Quote: ولو أتبعت ذات الأسلوب الذى أكتب به هنا، فإن معظمهم سـوف يرى ما أكتبه غير واضح فى مجمله، وغير متماسك.

وأبى الريش جزاه الله خيرا أداكم المعيار يا أمين.

Quote: القائمه حا تقسم لثلاثه أقسام : - البسطاء - قليلي الثقافه - البسطاء و قليلي الثقافه في آن واحد و هم الغالبيه .

يا أمين
أستعمل المعيار أعلاه وجيب كلام أبوالريش من فوراول..
البقول ماواضح يكون من البسطاء
والبقول غير متماسك يكون من قليلى الثقافة
والبقول ماواضح وغير متماسك يكون الطيش.

ابو الريش راجل بلديتنا وطيب

وبعدين انتو ناكرنا مالها ما نحن فعلا قليلي الثقافه وبسطاء
(ههههههههههههههههههههههههه)
اصلا دانفيشي ولا دافنشي؟؟!!(ههههههه)



عجبني لك يا الهيم
عارفين الهيم منو؟؟؟

كدي أسالوا ياسر طيفور؟؟؟!!(ههههههههه)


عليك الله يا ياسر كان ما قلت تفتكر الهيم الشمتانه فيهو يكون منو؟؟؟
(ههههههههه)


بعدين يا امين انت برلوم عشان كده زعلته
نحن متعودين على شتيمة ناس سودان فور ال دي يا اخوي من بدريوبقت ما بتهمنا.

وبعدين على فكره هم كانو هنا وهجو اسسوا منبرهم داك عشان
الغالبيه هنا قالوا محدودة الثقافه وبسطاء(هههههههه)
اها يا اخي نحن متكفيني في الفرجخه في السوق الشعبي
ده الغريبه بجوا بيقروا لينا ما عارفه ليه؟؟!!(ههههههه)

مُنِح أبوالريش وزة منذ دقائق.
إنا لله و إنا اليه راجعون.

فليتضامن البسطاء مع أخيهم ابو الريش.

أقترح تصديقا لرؤية أبو الريش أى موضوع يكتبو هنا تكون المداخلات كالآتى:
ماواضح فى مجمله
غير متماسك
أو الأثنان معا
ولايكلف الله عضوا أكثر من ثقافتو

Quote: كتر خير ابوالريش الماعاوز يتفلهم عليكم .. دى مشكلة الناس المتواضعين .. بتفهموا غلط .. عالم محدوده ..

والله يا دكتور أبوالريش ما قصر معانا ، إلا الفيهو اتعرفت !
ياخي ده إستوساخ للناس بطريقه موباااااالغه !!

يا امين
انت لستة اولاد الحرام خليتا








مع تحياتي

والله ياامين انا ماعارفكم زعلانين ليشنو اصلو الزمن دا البقول النصيحه يجى جارى عكازو انا شخصيا ماشايف ابو الريش غلطان لانو قاعد معاهو فى المنبر دا خرتميةسنه يوم واحد مافهمتو داير يقول شنو الا بعد اطناشر طلطاشر مداخله وبعداك كلو برضو بلاوز اكون مصطح عشان كدى طيلة هذه الفتره ماحصل اتداخلت معاهو وحتى لو اتداخلت فى بوست زوله تانى برضو بعمل حسابى مايجى بعدى يقوم يبستفنى

المحيرنى حيدر الزين دا المزعلو شنو ياخى انت وامين انا زاتوووعلى نطاق سوادانيزاالضيق دا شايفكم محدودين تجو تقولولى الطياره فيها بورى
كامل التضامن مع الزميل ابوالريش فى محنته وزى ماالمثل بقول التور ان وقع بكترن سكاكينو

Quote: فكلما يتثقف بسيط يولد بسيط من جديد ..

رشاريشو ده بكون شافني ؟؟؟

خفتو يقولي انتا ذاتك ما مهسوب !!

تحياتي يا أمين

مداخلتي دي
في انتظار أسماء معينة
قصدي دخلت هنا لحرمان أسماء معينة من التمتع بالدخول إلى هنا !

ولو دخل بعضهم فسوف أنبش الأرشيف

Quote: عندما أكتب فى ســودانيز أونلاين فأتبع أسلوب الكلام العادى المباشـر لأن هناك الكثيرين جدا من الأعضاء، إن لم تكن الغالبية العظمى بسطـاء وأيضا منهم قليلى الثقافـة، ولو أتبعت ذات الأسلوب الذى أكتب به هنا، فإن معظمهم سـوف يرى ما أكتبه غير واضح فى مجمله، وغير متماسك.

المحيرني أول مرة أشوف ناس يسيئوا ليهم ويعملوا الاساءة ضحكة !!!!

Quote: وقعت ذبابة شتراء في كأس وسكي، يتبع لأحد الرفاق، فهمّ الرفيق بعطنها كاملة في الكأس، تماشياً مع الحديث القائل: جناح فيه الداء، والآخر فيه الدواء، فقبل ان يمسك بها الرفيق، طارت وأصبحت الذبابة تصيح: زِحو الصقر جاكم، زِحو الصقر جاكم؛ ظنّت الذبابة -لسكرتها- أنها صقر؛ ففي أي كأسٍ وقع هذا الأبو وترك ريشه؟

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههه
هههههههههههههههههههههههه
ههههههههههههههههههه
ههههههههههههههههههههههههههههههههههههههههه
ههههههههههههههههه وش ود الصايم داك

Quote: ما عارفة ليه ود الخالة قال كدا

والله يا دكتوره ود خالتك إتلوم لوم السواد ، هسي لمن الواطه تصبح في مشارق الأرض والناس العمقاء النايمين ديل يصحو ، أقول ليهم شنو ؟!
أقول ليهم أسلوب الكلام العادى المباشـر ده الأسلوب الوحيد البتفهمو بيه ولا أقول ليهم أبو الريش كان ببسط ليكم الكلام عشان يكون متماسك من رجفتكم الثقافيه ؟!
أبو الريش يا دكتوره ذبح لغتي و اغتال فيني الكلام ، بقي ما عندي لسان اناضم بيه العمقاء لمن يصحو !!!!

Quote: أستعمل المعيار أعلاه وجيب كلام أبوالريش من فوراول.. البقول ماواضح يكون من البسطاء والبقول غير متماسك يكون من قليلى الثقافة والبقول ماواضح وغير متماسك يكون الطيش.

نحن يا دكتور لو كنا بنفهم قدر ده ، أبو الريش كان قال فينا كده ؟

Quote: بعدين يا امين انت برلوم عشان كده زعلته نحن متعودين على شتيمة ناس سودان فور ال دي يا اخوي من بدريوبقت ما بتهمنا.

يا ستهم
والله ما عندي مانع ناس فور أول يسئو لينا ، لكن ما يسئ لينا زول قاعد معانا و حاسبنو أخو إسفيري نناضمو و يناضمنا .
ياخي أنا لو عندي راي في فهم الناس لكلامي كان في الواقع أو في الاسافير و فعلا شايف الناس دي بسيطه و قليلة الثقافه يمين بالله ما أضيع معاهم دقيقه !!
الشي التاني القاطع قلبي إنو الكلام ده جا من زول لا يسوي مثقال خردله في الواقع الثقافي و الحواري هنا و حا أجيب بوستات و مداخلات لابو الريش عشان أدلل علي الكلم ده !!

Quote: يا امين انت لستة اولاد الحرام خليتا

يا شامي
أب صلعه لحق البوست الكزريمه قبل ما ننزل اللسته !!
يا أخوانا بالجد مافي طريقه نرفد بكري ده ؟!!

أعلاهو - كلووووووووو - نماذج حية للتفكير " البسيطي " ..
- من يوم الليلة و إنت طالع .. كاتبي المفضل هو أبو الريش -



......
بسطاء ياخي ..
سوفاج يا إلهي ، سوفاج و رقاد حُنبُك .
حالتو لسه ما ظهر أصحاب البساطة ود الصايم و أساسي و ود البشرى .. و دينا خالد .
هذا ، و أرجى الراجيك يا أمين .

Quote: انا شخصيا ماشايف ابو الريش غلطان لانو قاعد معاهو فى المنبر دا خرتميةسنه يوم واحد مافهمتو داير يقول شنو الا بعد اطناشر طلطاشر مداخله وبعداك كلو برضو بلاوز اكون مصطح عشان كدى طيلة هذه الفتره ماحصل اتداخلت معاهو وحتى لو اتداخلت فى بوست زوله تانى برضو بعمل حسابى مايجى بعدى يقوم يبستفنى

يا ود الجعلي
نحن ما قلنا سودانيزاونلاين صالون العقاد ولا مجلس ولاده بنت المستكفي ، لكن كمان ما لدرجة زول زي أبوالريش يجي يقول :

Quote: عندما أكتب فى ســودانيزأونلاين فأتبع أسلوب الكلام العادى المباشـر لأن هناك الكثيرين جدا من الأعضاء، إن لم تكن الغالبية العظمى بسطـاء وأيضا منهم قليلى الثقافـة، ولو أتبعت ذات الأسلوب الذى أكتب به هنا، فإن معظمهم سـوف يرى ما أكتبه غير واضح فى مجمله، وغير متماسك.

Quote: المحيرنى حيدر الزين دا المزعلو شنو

في دي معاك مليون حق ، الطريفي ما عندو سبب يزعل لانو فعلا أبوالريش لازم يتكلم معاو كلام عادي مباشر حتي يفهم !!

بعد كتبنا تاني غيرنا راينا

صحي بورنتاريا ساي!

السلام عليكم
...
غايتو يا أبوريش قولك ده
اضافة لموضوع ابراهيم بقال الشافهو الجماعة قاعد في برج البركة وهو يكتب أنه يصارع ويناضل كلاب الأمن الذين اعتقلوه ويستنجد بسفارات الدول الأوربية لإنقاذه
أظنهما أكبر سقوط لصورة عضو حدث في المنبر منذ تأسيسه
شخصياً لو مكانك
كنت عملت زغبير لفترة لا تقل عن عدة أعوام لعل الجماعة ينسوا أو يغفروا
وإن كنت أشك أيضاً أنهم يمكن أن يغفروا لك

الله يسهل عليك

....
أمين ازيك

...

Quote: رشاريشو ده بكون شافني ؟؟؟ خفتو يقولي انتا ذاتك ما مهسوب !!

المسافر يا أخوي
أبوالريش ده شكلو شاف الناس كلها و قال ما محسوبين ، لو كانت جات عليك و لا علي زول براهو ما كان في مشكله ، لكن ده مسح الناس دي كلها بنفس الإيستيكه !!

رصّيت ليك تسعة من المُخضرمين في هذا المجال على سبيل المثال لا الحصر
بس خفتة يخوِّرو ليك
أرجِّعم؟

اللهم احشرنا في زمرة البسطاء و قليلي الثقافة.

اللهم آمين.

امين النوتة ازيك
طبعا بتكونوا لسة نايمين ويوم الربوع على قولة الخليجين
ما جاء عندكم لكن اقول ليك حاجة واصل نومك يوم الربوع
مافيه اى حاجة جديدة نحن عرفنا الفيه من بدرى
(كلام بسيط وواضح تفهما للحالة العقلية والثقافية لعموم الاعضاء هنا)

النصيحه نور يا وليداتي
انا غايتوا كان عندي شويه ثقافه
من باريت سودانيزاون لاين دي رصيدي تراجع الي ما تحت الصفر.
افكر جاده في اعتزالها .
بس ربنا يقدرني الادمان صعب

سواق اللست جاااااااااااااااااااكم

Quote: مداخلتي دي في انتظار أسماء معينة قصدي دخلت هنا لحرمان أسماء معينة من التمتع بالدخول إلى هنا ! ولو دخل بعضهم فسوف أنبش الأرشيف

سلام يا محمد
طالما قنصت ليهم و كلمتهم ، ما بجو بجاي !!

Quote: المحيرني أول مرة أشوف ناس يسيئوا ليهم ويعملوا الاساءة ضحكة !!!!

وكم بالبورد من المضحكات ولكنه ضحك كالبكاء !!

Quote: أعلاهو - كلووووووووو - نماذج حية للتفكير " البسيطي " .. - من يوم الليلة و إنت طالع .. كاتبي المفضل هو أبو الريش -

وإن شئت قلت التفكير السطحي يا عماد :
سطحيه في معني و مبني كلامو ، سطحيه - بالنسبه لي - تعدت الكلام و أصابت أبوالريش في عضمو !!

يا أمين يا عزيز

ما يحيرني هنا هو استغرابك أنت !

معقول لأول مرة تقرأ مثل هذا الكلام؟

* وطبعا بحكم علاقتنا القديمة بشقيقكم الأكبر صديقنا بدر

اضافة لكوننا دخلنا منزلكم العامر عدة مرات.... لذلك أعتقد بأنك ستجد

لنا قائمة معقولة تضعنا فيها.... (طبعا لا نعني قوائم المثقفاتية) .

Quote: رصّيت ليك تسعة من المُخضرمين في هذا المجال على سبيل المثال لا الحصر بس خفتة يخوِّرو ليك أرجِّعم؟

علاء يا حبيبنا ، التقدير متروك ليك .

باخوي ما تطلع لستتك ،
لستتك ،موش لستكك ،
أنا عارفك زول بسيط ،
زي ود اختك،
طلع لستكك ، اقصد لستتك وريحنا،
عشان علي الأقل الواحد يعرف نفسه وين.

ملحوظة:
أنا فلت لستتك ، وموش قائمتك
عشان ما تختني مع قليلي الثقافة.


تحياتي

الاخ امين
الاخوه الشباب التانين

عليكم الله ركزوا معانا شويه بالله

انتوا قايلين الموضوع بسيط يعنى وما خدنو هظار وضحك وقرقريب
الموضوع كبير بالمناسبه وفيهو اساءه للمنبر باكمله
وهسع ابو صلعه ياخد خبر بالموضوع ويقوم يزعل ويكون لجنه برئاسة
ابو الريش نفسو لحصر العضويه الغير مثقفه والفاقد الشنو داك ما عارف
وبعدين نقعد فى البكاء والثكليب بعد ما تقوم اللجنه بسحب الكثير من
باسووردات الساده الما مواكبين لاطروحات ابو الريش بالمنبر

عشان كدا لازم نكافح الموضوع دا من عصرا بدرى
مبدئيا كدا انا بقترح ابو الريش دا نسلط عليهو اخونا محمد E سليمان
يساككه فى البوستات لمن يعرف حاجه , وبعدين نشوف باقى خطة المكافحه

تانى مبدئيا كدا برضو
انا شايف نتفق مع كم واحد من المثقفاتيه ديل يتعامل معانا بالماسنجر
الداخلى , يعنى ابو الريش يكتب البوست بى هنا المثقف البيتعامل معانا
طوالى يفكك لينا البوست ويورينا ابو الريش بيقصد شنو ويرسل لينا التفكيك
دا عبر الماسنجر ونحنا نتمها مويه من عندنا ونستعين بالعم قوقل وندخل معاها
كلمات كبيره شويه شويه , بس ما نتوغل عشان ما ننكشف

رايكم شنو ؟

Quote: لا يا أخوانا .. الموضوع ده حرقنى والله أبوالريش ده إداخلت معاه ( غير ذات مره ) وهسع بذكر فى ردودو وزي الكان بتعامل معاى كمحدود ثقافيا

قرقرقرقرقرقرقرقرقرقر

والله مداخلة ود المشرف دى ضحكتنى لمن دموعى جرت

كدى النديها شوية وشوش تعبر عن حالة الضحك
عشان ما يقوم الاخوه المثقفاتيه ديل يفهمونا غلط

Quote: وطبعا بحكم علاقتنا القديمة بشقيقكم الأكبر صديقنا بدر اضافة لكوننا دخلنا منزلكم العامر عدة مرات

للمره الكم زول يتداخل مع أمين و يقول لي انا بعرف اخوك بدري ..
انت يا خال وكت ما عندك زول بيعرفك هنا غيري .. الجابك شنو ؟
ادي باسويردك ده لبدري و ريح الناس دي و ريح روحك.

وصيه يا شباب

عليكم الله والى ان نطلع من الزنقه دى
حاولوا قدر ما تقدروا انو تختصروا المداخلات وكتروا فيها من المهلبيه
واعملوا مشاهده للمداخله قبل الارسال وراجعوها لغويا واملائيا كويس

بس لحدى ما الله يعدى الايام دى على خير

Quote: لا يا أخوانا .. الموضوع ده حرقنى والله أبوالريش ده إداخلت معاه ( غير ذات مره ) وهسع بذكر فى ردودو وزي الكان بتعامل معاى كمحدود ثقافيا

same same

امين خال حمور

كيفنك

انا اعتقد انه وفي ظل هذا المنعطف

التاريخي الذي يمر به شعبنا الكريم

يجب علي الجميع الجلوس وتحكيم العقل قبل

القلب ....( اقصد العاطفة....!!!)

وذلك حتي ينجلي هذا الصبح الذي طال ليله

علينا حتي تركنا في قارعة الطريق لانقوي علي شي...

اللهم الا من بعض الاشراقات التي تأتي احيانا من هنا او هناك

ليظل هذا الاحتقان الذي اقترب انفجاره جاثما علينا ...

مخرجا لسانه وكاني به يقول لنا : انا اكتب اذا انا موجود .

اقول قولي هذا واستغفر الله العظيم لي ولكم فاستغفروه .

والسؤال

بالله عليك يارجل هل كاتب هذه المعلقة ( من رقبته ...) يجب ان

يكون من ضمن احدي تلك القوائم.....؟

يا أخوانا فترت و انتصف الليل عندنا في الغربه أم تلج دي ، ماشي أنوم و بنجيكم باكر إن شاء الله .

يا أمين ..
رسلت ليك ايميل مهم.
بالله راجعو قبل النوم. و التزم بالوصية الفيو ما تخلع أحمد.

Quote: عندما أكتب فى ســودانيز أونلاين فأتبع أسلوب الكلام العادى المباشـر لأن هناك الكثيرين جدا من الأعضاء، إن لم تكن الغالبية العظمى بسطـاء وأيضا منهم قليلى الثقافـة، ولو أتبعت ذات الأسلوب الذى أكتب به هنا، فإن معظمهم سـوف يرى ما أكتبه غير واضح فى مجمله، وغير متماسك.

صراحة ابوالريش من اصحاب الثقافات الراطنة (فرع الكجلو) من عندينا ...

انا لوصنفني رطاني كقليل ثقافة وبسيط ...بنتحر بهدوء وبنسحب من الحياة دون ضوضاء ...

ياخال خلى قائمتك دى للمنتحرين ...



ود القاضي من الاراضي الكجلجويه /فرع اقلو

زي ما عندكم بكري هم كمان عندهم د. حسن موسي , يعني بالواضح تصل حسنهم ده يقوموا يرشوكم ..
كله من وهبة العجوز وملاسي ذو السطرين !!!!
اكتبني ياعمك هو حدي ماخذ معاهو حاجة ؟؟

لا لا يا أمين
الجماعة بعضهم دخل
شوف ناس كراع هنا وكراع هناك الفوق ديل
ولسة أنا منتظر دخول ناس ((كشاشة وزنّانة، ونقريطة))

Quote: يا أمين .. رسلت ليك ايميل مهم.

امين حاف كده يا حمور.....هي الدنيا جرى فيها ايه يا جدعان .

Quote: للمره الكم زول يتداخل مع أمين و يقول لي انا بعرف اخوك بدري .. انت يا خال وكت ما عندك زول بيعرفك هنا غيري .. الجابك شنو ؟ ادي باسويردك ده لبدري و ريح الناس دي و ريح روحك.

امين يا محدود ...
عشان تاني تمشي تتحاوم جنب المثقفاتية

Quote: عندما أكتب فى ســودانيز أونلاين فأتبع أسلوب الكلام العادى المباشـر لأن هناك الكثيرين جدا من الأعضاء، إن لم تكن الغالبية العظمى بسطـاء وأيضا منهم قليلى الثقافـة، ولو أتبعت ذات الأسلوب الذى أكتب به هنا، فإن معظمهم سـوف يرى ما أكتبه غير واضح فى مجمله، وغير متماسك.

يا امين ياخي التواضع مهم

تواضع تكن كالنجم لاح لناظر على سفحات الماء وهو رفيع

ولا تكن كالدخان يسمو بنفسه الى طبقات الجو وهو وضيع

تحياتي

Quote: امين حاف كده يا حمور.....هي الدنيا جرى فيها ايه يا جدعان

ما تزعل يا دكتور ..
يا امين خال حمور و اخو بدري ..
رسلت ليك ايميل مهم.

كيف كده بعد اضافة الألقاب يا دكتور سيف ؟

Quote: يا امين خال حمور و اخو بدري ..

صحي محدودي ثقافة .. طالما بتحتاجوا تعرفوا امين بغيره :)

الإنصرافية في قمة موضوعيتها ..





ــــــــــــــــــ



غايتو "الإنتلجنسياب" ديل بري منهم ..

من كان منكم بلا ريش في رأس أرشيفه فليرم أبا الريش بحجر

Quote: ولا تكن كالدخان يسمو بنفسه الى طبقات الجوء وهو وضيع

دا الجاب لينا الكلااااااااام ذاتو..

بلاي يا امين سيد المداخلة دة ختو في لستة براهو وافرزوا مننا..
انحنا محدودي الثقافة والبسطاء ذاتنا متبرين منو...



ـــــــــــــــــــــــــــــــــ
الله يسامحك شمتنا فينا ابوالريش

Quote: قائمه بأسماء البسطاء و قليلي الثقافه بالمنبر !!!

هل من بساطة و قلة ثقافة أكثر من أن تبلغ مداخلات
البوست هذا الكم دون ورود اسم واحد ناهيك عن لستة!!

يا أخ أمـين وكل الكائنات ذوات الثقافة المحدودة،، أخوكم برضو من مهدودي السقافة ومهدودي الدخل ومهدودين الحيل والضهر الخ،، لكن (عضو أصيل) في منبر سودا فور أول لأنهم قبلانين بي ثقافتي القليلة والمحدودة دي،، بينما السيد أبو الريش أنا ملاحظ من زمان إنو لامن يكتب في فور أول ينكر عضويته في الأونلاين حطب لولا أن الأخ عثمان حامد جاهو بالثابتة.. في البداية شوفوا الإقتباس أدناه القال إنو ما بتعامل مع الناس بثقافتهم وشوفوا كمية التواضع دا وكمان عدم التسامح مع التكبر (الله يرحمك يا الطيب صالح):

Quote: لكن تقول شنـو ياخى لو الناس دايرة تعمل ليك (إختبارات مقدرة) قبل تناقشك، Placement Exam عشـان يتأكدوا أنك قدر المقام وما يضيعوا زمنهم مع زول عنقالى سـاى... شخصيـا لا أعامل أو أخاطب الناس بهـذه الطريقـة.. أنا متأكد أن الأخ كبلو يعرف معنى "سلعـة" فى التفكيـر الماركسى، إذا لا معنى أن يسألنى عن معناهـا إلا بالمفهوم الذى قلته لك هنا.. إختبار المقدرة... وأنا لو إعتمدت إختبارات المقدرة لمن إناقشهم فسوف لن إناقش إلا من يعدون على أصابع اليد.. مبدئى فى الحياة: be simple and direct وفى هـذا العمر أستطيع التغاضى عن كل شئ ما عدا التكبـر. Zero tolerance for arrogance

ثم كتب في مشاركته التالية مباشرة:

Quote: وأنا أيضا زاهد، لسبيين، أولهما أنى لست عضوا فى ذلك المنبر، وثانيهما أن الدكتورة ليست عضوا فى هـذا المنبـر

وذلك المنبر المقصود هو قشرانين أونقاشر دا.. منبر عديمي الثقافة وأنصاف الأميين..والكلام دا إتكتب يوم 19 سبتمبر 2009!،، كدا شوفوا الزول دا سجل هنا بتين.. وفي مواضع أخرى هناك وبمناسبة وبدون مناسبة كان يتحدث عن تركه لسودانيسأونلاين..وإن شئتم أتينا بها..والأخ حسن موسى في واحد من أمثاله الطريفة قال: الحاسوب ولد..
المصدر:سودان فور أول

Quote: هل من بساطة و قلة ثقافة أكثر من أن تبلغ مداخلات البوست هذا الكم دون ورود اسم واحد ناهيك عن لستة!!

ملاسي..

ساعدنا بالفهم..
الخال كان ناوي ينزل اللستة..
قومي يا اللستة انزلي براها..
واراحت الخال من عناء الكتابة..
وحرج الاساءة,,
يعني اي واحد دخل بي جاي هو ضمن اللستة بي حمورهم...


ــــــــــــــــــــــــــــــــــ
مبروك عليك شرف الانضمام لينا..

Quote: يعني اي واحد دخل بي جاي هو ضمن اللستة بي حمورهم

هوي .. أنا ما معاكم!

أسه يا حيدر و أمين خال حمور و أخو بدري تلقاكم بعد نقتكم دي كلها ما عارفين معني( سلعة) في التفكير الماركسي ؟؟

Quote: أسه يا حيدر و أمين خال حمور و أخو بدري تلقاكم بعد نقتكم دي كلها ما عارفين معني( سلعة) في التفكير الماركسي ؟؟

يا خالد عبد الله يا أيها ثعلبنا الأزرق :

تلقاها عند الغافل قال ليك منو ما فاهم السلعة في التفكير الماركسي

اسمع ( السلعة لا تُباع ولا تُقدر بثمن - علي وزن المادة لا تُفني ولا تستحدث من عدم )

لقيتني كيف ما منقطها

Quote: ( السلعة لا تُباع ولا تُقدر بثمن - علي وزن المادة لا تُفني ولا تستحدث من عدم )

إذن آن لأبا الريش أن يمد رجليه ( وفي مقولة لسانه ) و يصفكم بالفارات !!

Quote: ( سلعة)

أيوووة .. تلللك يا خالد ... ينصر دينك
أنا يادوبك وقعت لي (سلعة) دي .. تتخيل عمو ملاسي قبل كم يوم سالتو قالي يا تمبس دا كلام بتاع ناس كبار ما بتفهمو


ياخ والله أنا بسيط وقليل ثقافة عديل كدا .. أنا يادوبك القصة دي وقعت لي

هووي يا بسطاء أرفعوا كيبورداتكم عن ابو الريش الصيني .. الزول دا معاو حق .. ناس ابو الريش ديل بيتكلمو بي شفرة دافيينشي .. الواحد مننا محتاج لي تلاتة أرباع في سودانيزاونلاين الربع الكم ما عارف من العام كم ما عارف .. وعلى شرط واحد من الأرباع دي يكون موقف فيها ود البشرى .. علشان ما يفهم ليهو جملة واحدة بس

أرفعوا يدينكم عن ابو الريش الصيني

الحبيب أمين وضيوفه الكرام
شقي الحال البقع في إيدكم

لكن ابو الريش بـــــــالغ عديل .

يا اميننا أخنا الذي بمكان ما بامريكا _ جارى البحث عنه _ والله الواحد بتأسف أنو أخونا عبد الوهاب ذلكم الذي بالشعبية أن يتسبب في هذا الكم غير المحمود من الارباك بالمنبر العام , وها أنت على طريقته تستورد لمنبرنا العام ما كان قد خفي علينا كعوم سعداء بمحدودية ثقافتنا وضأله فهمنا وخصوصا فهم المثقفاتية ,



----------------
لاعتاب ولا اعتراض على رأي ابو الريش
من حق أى زول تكون لى أرؤه وأنطباعاتو البتاكيد ما حتخص غيروا في حاجة
يعني الناس ما تتحسس سأى




خارج موضوع البوست :

محمد E سليمان حكايتو شنو ؟؟؟
والرجل حتى وقت قريب كان رمز لبوستات عالية التكثيف , والتثقيف حاليا في أى بوست شعبي تلقاهو قاعد



_ عنقالي وأفتخر _

لاحول الله

Quote: وأنا أيضا زاهد، لسبيين، أولهما أنى لست عضوا فى ذلك المنبر، وثانيهما أن الدكتورة ليست عضوا فى هـذا المنبـر

دي قوية
دي والله اكجلك كجلة أقلو زاتها البقولوها


______________________________________

الحبشي النبي كان تجي تقول بعد مداخلتي دي ناس كشاشة و نقريطة ظهروا

اضحكنى الاستاذ ياسر طيفور هذا الصباح بقصة الذبابة السكرانة- الصقر جاكم . اصلو الواحد يندر يجد شئ مضحك ومفرح هذه الايام. كتر خيرك ياطيفور وكمان قل لنا ماذا قالت الذبابة ملما طارت السكرة وجات الفكرة. شكرا ياطيفور على التعريجة الصباحية الحلوة دى. المنبر ده ممكن جدا تكون فيه اشياء تزيل زغللة الروح - لكن ّ! ولكن تفتح عيون وشهية الشيطان- تحياتى لكل المتداخلين
على حمد ابراهيم

*

Quote: أنا في المواضيع الثقافيه دي لا أجامل أبدا !!

Quote: ما عندك حاول إتماهي ليك باي كلام كبار

Quote: كان ببسط ليكم الكلام عشان يكون متماسك من رجفتكم الثقافيه ؟!

Quote: ذبح لغتي و اغتال فيني الكلام

أمين يا صديق
بعيداً عن أبي الريش
وبعيداً عن حمور زيادة ومن لف لفه
ياخوى خفف كلامك دا عشان نفهموا
ما تستغلوا حالة كوننا بسيطين ومحدودي الثقافة وكمان أيتام
وتجي تقولوا لينا زى كلامكم دا

المخوفني بالجد مش عدم الفهم

المخوفني أنو المنابر ( البترودولارية ) يجو ياخدوك مننا
يقولوا ليك إنتا ما مستوى الليق دا
المقعدك معاهم شنو ؟؟؟


فـ دحين يا خوي خفف كلامك
لو كمان مع التخفيف أضفت ليهو طبزتين تلاتة إملائيات تكون برضو راعيت للعشرة المابتهون على الناس البعزوها

امين مشاكل

هسي عليك الله شوف القيامة القايمة دي ...جنك تلفح الاخبار وتجي تديها توم وشمار ..وتولع النيران
ياخ الموضوع في غاية البساطة ..يعني مافي داعي تقوم تعقدو وتلخبطو اكتر من اللازم ...اخونا ابو الريش عندو وجهة نظر ..يمكن ان نتفق معها او نختلف معها ..ويبقى الود قائما بيننا وبينه ..(شفت الموضوع بسيط كيف ولا يحتاج لاي تكتيكات او لوبي او استراتيجيات )..

Quote: وقعت ذبابة شتراء في كأس وسكي، يتبع لأحد الرفاق، فهمّ الرفيق بعطنها كاملة في الكأس، تماشياً مع الحديث القائل: جناح فيه الداء، والآخر فيه الدواء، فقبل ان يمسك بها الرفيق، طارت وأصبحت الذبابة تصيح: زِحو الصقر جاكم، زِحو الصقر جاكم؛ ظنّت الذبابة -لسكرتها- أنها صقر؛ ففي أي كأسٍ وقع هذا الأبو وترك ريشه؟

وبس

يا اخوانا هووى
كدى بالله دقيقه معاكم

الاخ محمد E سليمان لديه تصنيف مهم جدا للبسطاء وقليلى الثقافه
وقد قال الاخ محمد

Quote: ((كشاشة وزنّانة، ونقريطة))

اها دايرين نجمع الصفوف ونقسما لى مجموعات حسب التصنيفات دى
يعنى كل مجموعه نعين ليها امير وجماعه وتكون عندها مهام محدده
فى مناهضة فكرة ابو الريش عنكم

انا مبدئيا كدا بقترح انو يكون امير جماعة ( النقريطه )
صاحب البوست نفسو الاخ امين خال حمور ولانها اكبر واهم المجموعات
وعليه تعيين عضويته والاستعداد لاول مهمه

اما مجموعة ( الكشاشه ) دى فاقترح انو يكون اميرها حيدر الزين
لانو مقيم فى الدمام وكما هو معلوم الدمام مدينه بحريه
والكشاشه بتحتاج للبحر كتير , فى الكر والفر وحاجات تانيه

المحيرانى مجموعة ( الزنانه ) دى
رايكم شنو نعين ليها تراجى ؟

غايتو دى اقتراحاتى
ونشوف رايكم شنو ؟

تخريمه

ارجو من امين ان يختار الاخ خالد عبد الله امين عام لجماعة
النقريطه لانو شايفه بيفهم فى موضوع السلع والاقتصاد الماركسى

Quote: انا لوصنفني رطاني كقليل ثقافة وبسيط

سيم سيم ود خالتي لكن ما بنتحر كلو كلو

(بكجل ليهو)


الخال كيفنك

Quote: سيم سيم ود خالتي لكن ما بنتحر كلو كلو

ماتنتحرى كلو كلو ...اتقسمي على عدة اجزاء انتحارية .. وبرضو كل جزء ماحايكون قليل ثقافة وبسيط ..

Quote: (بكجل ليهو)

هههههههههه

سيم سيم طيب ..

Quote: ارجو من امين ان يختار الاخ خالد عبد الله امين عام لجماعة النقريطه لانو شايفه بيفهم فى موضوع السلع والاقتصاد الماركسى

على يا عمكـ
ياخ أنا كان بفهم في الأمور دي المقعدني معاكم شنو ؟؟ والله سودان فورأول جاكـ زول ...

بعدين عمكـ الحبشي ده كورتو فكت وشايفوا ليهو كم يوم مباري حيدر الزين يعني أديهو كم يوم تانين كده و حتلقاهوا عامل ( كاكات) للجماعة زي الما حصل حاجة ..

الحبشي بقي زي ود الصايم ما منو خوف ..

Quote: على يا عمكـ ياخ أنا كان بفهم في الأمور دي المقعدني معاكم شنو ؟؟ والله سودان فورأول جاكـ زول ...

إنا لله ..

والله يا خالد انا من قبيل متضاير منك على جمبه وخايف اسلم عليك
فى الايام المهببه دى تقوم تقول لى كلمه كدا والا كدا تخلى خديجه
تضحك فينى من البلكونه

Quote: بعدين عمكـ الحبشي ده كورتو فكت وشايفوا ليهو كم يوم مباري حيدر الزين يعني أديهو كم يوم تانين كده و حتلقاهوا عامل ( كاكات) للجماعة زي الما حصل حاجة ..

الحبشى دا كورته قويه وما بتفك وما تخاف عليهو
غايتو لو لم ليك فى البو الريش دا بينتف ليك ريشه
انتا نسيت والا شنو يا خالد .. ما ضقل بيك قبل كم
يوم كدا فى بوست مجاور قرقرقرقرقرقر

ما بخصوص حيدر الزين
فانا شخصيا قررت انو احدد علاقتى بيهو هو وود الصائم دا
لانو قررت انو اتثق شويه ..

Quote: الحبشي بقي زي ود الصايم ما منو خوف ..

المصيبه انو الخوف بقى من ود الصائم زاتو

Quote: انا مبدئيا كدا بقترح انو يكون امير جماعة ( النقريطه ) صاحب البوست نفسو الاخ امين خال حمور ولانها اكبر واهم المجموعات وعليه تعيين عضويته والاستعداد لاول مهمه

.. معليييش يا علي .. أنا حاجز أمير النقريطة دي لي ود الصايم .. أمين العايز تجيبو لينا أمير دا من نقريطـة وووين ..؟ إنت بتجيب ساي على كيفك ..؟
عايز تجيب لينا نقريطي أمريكي ..؟
عليك الله نحن نقارنطت البورد ديل ما ناقشين ليهم حاجة .. عايز تجيب لينا نقريطي .. وكمان أمريكي الجنسية ..

Quote: .. معليييش يا علي .. أنا حاجز أمير النقريطة دي لي ود الصايم .. أمين العايز تجيبو لينا أمير دا من نقريطـة وووين ..؟ إنت بتجيب ساي على كيفك ..؟ عايز تجيب لينا نقريطي أمريكي ..؟

انا يا تامبا ما عندى مانع تب
وبما انو امين طلع نقريطى امريكى ح نقوم ننزع منو الاماره النقريطيه
ونديها لى ود الصائم , ونقريطة مباشر ولا نقريطة مكاشر

Quote: عليك الله نحن نقارنطت البورد ديل ما ناقشين ليهم حاجة .. عايز تجيب لينا نقريطي .. وكمان أمريكي الجنسية ..

تتصور يا تامبا انا الحته دى ما كنت فاكر ليها
لكن تانى امين خال حمور دا النقريطه دى يشمها قدحه .. بس

مدخل اول:
الشجرة متكئة على اغصانها وعروقها مغروسة في سحب العالم السفلي.
( ده معنى سلعة )
مدخل تاني :
عجلات الركشات تتباهى بدورانها في كل الاتجاهات على جسد امراة ادمنت السكون , والكباري تخرج لها السنتها.
( ده معنى انو نحنا سطحيين ومحدودي ثقافة)

-------------------------------
الخال عليك الله طلعني من اللستة

*

يا أخوانا خفوا على الزول ده شوية ...
الزول ده كل السواه إنو ترجم القول المأثور " لكل مقام مقال " بس يمكن خانو التعبير شوية....
يعني أسي لو كان قال العبارة دي زااااااااته وبدون ترجمة واللا شرح
ما كان إعتبرتوها كلام مثقفاتية وعلماء وكنتوا أخذتوها بدون أي حساسية .......؟
ما تقعدوا للزول بالواحده كدي ...!





أسي أنا مع ياتو كوم ؟؟؟!
والله حيرتونا عديييييييل كده ...!

Quote: أسي أنا مع ياتو كوم ؟؟؟! والله حيرتونا عديييييييل كده ...!

ما تخاف يا عثمان يا اخوى
انا بتوسط ليك عند امين يختك ضمن جماعة النقريطه

علي ود بشير
التصنيف الجايبو إنت من الحبشي دا بتاع محسن خالد!

Quote: دي والله اكجلك كجلة أقلو زاتها البقولوها

يا ود البشـرى،، ياخي قاليك نحنا ناس بسطاااء ونعيش حياتنا الغالية بعيشة البساطة والنية السليمة،، فبالله تعال ترجـم لي كـلامك دا لو سمحت.. بس ما يكـون زي ترجمة حسن موسى لرسالة الإدارة لقصي، أو ترجمة قصي للرسالة متقمصاً شخصية وصورة حسن..

يا جمااااعة ..

ألحقو صحووو الريس






أمين إزيك ..

يا أمبن ياسمين خال حمور واخو بدري
وبقيه البسطاء ومحدودي الثقافه

Quote: هل من بساطة و قلة ثقافة أكثر من أن تبلغ مداخلات البوست هذا الكم دون ورود اسم واحد ناهيك عن لستة!!

اخوناحسين ملاسي ده زعلان عشان عدد المتداخلين في هذا البوست فاق عدد المتداخلين
في بوسته هيهات علي الرغم من ان هذا البوست انبثق* من بوسته

________________________________________________________________________
* عسي ولعل مثل هذه الكلمات تخرجنا من زمرة البسطاء ومحدودي الثقافه

النجيضة:

Quote: علي ود بشير التصنيف الجايبو إنت من الحبشي دا بتاع محسن خالد!

يا Isa الذي جاب خير الراجل..

Quote: يا ود البشـرى،، ياخي قاليك نحنا ناس بسطاااء ونعيش حياتنا الغالية بعيشة البساطة والنية السليمة،، فبالله تعال ترجـم لي كـلامك دا لو سمحت.. بس ما يكـون زي ترجمة حسن موسى لرسالة الإدارة لقصي، أو ترجمة قصي للرسالة متقمصاً شخصية وصورة حسن..

والله مالي في الترجمة لكن سمح الغنى في خشم اسيادو
قريت العبارة عند أمين خال حمور عن فايز و نازعه عليها كيكي
أما عن ترجمات الفور اول فما عندي خبرها انت عارف كبسطاء ثقافتنا قليلة كان فطرتنا ما بتعشينا ما في شي يودينا هناك و لولا وهبة وعاثر حظ ابو الريش ما كنا اصلا تاوقنا بي غادي




________________________________________

برة الموضوع....
يا عمك لقيتك قصّااااااص و مقصاتك عينة رميت شايب في اربعة عديل كدة
اتمنيتك زميل عشرة وست

Quote: علي ود بشير التصنيف الجايبو إنت من الحبشي دا بتاع محسن خالد!

ود الصائم وود محجوب

الحبشى والا محسن خالد ما مشكله
انتوا بس نظموا الصفوف وشدوا الهمه

والباقى هين ..

أمين
السلام عليكم
لوقت قريب كنت أظن أن سودانيز أون لاين ملي بالمثقفين
ويعج بالناس الفاهمين
يا فرحة ما تمت ! الحكاية طلعت فشنك
وبذلك تكون الفائدة الوحيدة من الانضمام لمنبر سودانيين على الهواء مباشرة
أن تكسب لقبا أو لقبين تلاتة كل يوم

Quote: لوقت قريب كنت أظن أن سودانيز أون لاين ملي بالمثقفين ويعج بالناس الفاهمين

حتى انا كنت فاكر كده ياجعفر لكن بعد إعادة التصنيف لسودانيز اون لاين ..احساسي تغير وبقيت اقول اى حاجة في اى حاجة وفي اى زقاق في المنبر دون تأنيب ضميرى لمناطحة الكبار بعد تأكد خلو المنطقة من الكبار ...


يعني ود الصايم بقى مع حمور في سرج واحد ...ربيكاتو ..


لحذف ميم زائدة في مناطحة

ود البشـرى، ولأنو حركة أخونا حسن دي عجبتني برضو زي ما كيّفت قصي سيد القصة زااتو، فتعال نثقفك شوية..فبعد حذف بوست (هيهات) الأصل، فتح قصي بوست آخر برسالة الإدارة التي أُخطر فيها بسبب الحذف، فعلق على لغتها وأنها تدل أن كاتبها ليس حسن موسى:

Quote: ربما لو كتبها حسن لقال (السيد طلاشة.. شيل وسخك ده من هنا وتاني ما تجينا وكان عجبك عجبك كان ما عجبك أمشي اتلمى على الوسخ الزيك.. ضحكتنا والله- حسن) ويردفها لك بصورته الوسيمة المبتسمة والتي تظهر نصاعة أسنانه.

جا حسن موسى بعد شوية وكتب:(وللتوضيح الإقتباس برضو تبع حسن):

Quote: العزيز قصي لقد قمت بسجب موضوعك المعنون "ماذا نصنع بـ(المُلا)حسن موسى، وماذا نفعل مع الجلافة؟!"، نسبة لتعديه لكل آداب الخلاف وأداب الحوار ودخوله في دائرة الشتائم. لا أقبل، كمشرفة على هذا الموقع، بأن يُشَبَّه عضو به أو عضو بإدارته بسيء الذكر الطيب مصطفى. كما لا أقبل بالأوصاف المجحفة في حق واحد من أبرز المساهمين في ساحتنا الثقافية. إن ما كتبته، وما أوردت من إيميلات لا يهم ولا يفيد سير الحوار بهذا المنبر، ويعكس رغبة في التشفي. أطلب منك أن لا تعيد نشره، وإلا فإنني سأقوم بسحبه مرة أخرى وسحب أي مساهمة تتجاوز حدود أدب الخلاف. يمكننا هنا بقبول النقد مهما كانت قسوته، لا فش الغبائن. وتقبل خالص شكري

ترجمة:
(السيد طلاشة.. شيل وسخك ده من هنا وتاني ما تجينا وكان عجبك عجبك كان ما عجبك أمشي اتلمى على الوسخ الزيك.. )
وجه وسيم باسم ذو أسنان ناصعة

بعـدين يا عمك لامـن أنا ألعب وست المثقفين يلعبوا شنو يعني؟ يا زول نحنا ديل ناس شـّلعت ساااكت..

Quote: ...ربيكاتو ..

حسه يا قريبي ربيكاتو دي يحسبوها ليك مع البسطاء والا الخيانة

أديهم الترجمة سريع قبل ما (يصنفوك)

دبايوا يا

أمين

سلامات

طالعت وعماد عبد الله البوست

وضحكنا بصوت عال وقهقهنا

حتى عدنا العامة من بسطاء الناس


لكن أناعقد الدونية دي ماعندي
الريش دة جد جد مثقف ولا جاكات منو ساي ؟

النجيضة في موضوع البسطاء و قليلي الثقافه ده
عند دكتور مصطفي محمود المكتئب , عضو _هنا_ من كم سنة
ولحدي الليلة ما تنازل وكتب للناس جملة مفيدة



وكل كم شهر ينزل بوست ( زمن الحمير )





------------------------------------
ياربي يكون واصل للفهم ده من بدرى

Quote: ولحدي الليلة ما تنازل وكتب للناس جملة مفيدة

عبد الناصر يا خطيبـ (هم) القاعد وين ما عارف!
جملة مفيدة شنو ياخ!
الزول الله كتب اسمو .. اسمو .. ركّز يا عمكـ!
كتب اسمو غلط!
أي والله!


Re: دعوة لتكوين قائمة مساندة في المنبر للعملية الديمقراطية الجارية بالوطن

ود الصائم أرجو أن لا تسي الظن بدكتورنا الذي في لندن _ إن كان _

Quote: كتب اسمو غلط! أي والله!

عدم التعامل مع اللغة بنسي الكتابة بيها
والاعتماد على الكوبي بيست بخلى الكتابة الايف صعبة
بعدين يحق للمثقفاتي ما لا يحق للعنقالي


----
والمناضل في حكم الاول

Quote: حسه يا قريبي ربيكاتو دي يحسبوها ليك مع البسطاء والا الخيانة أديهم الترجمة سريع قبل ما (يصنفوك) دبايوا يا

يابت الخالة ..التصنيف مابشملني باعتباري بسيط من زمان.. وعلى العكس انا واخوى الصايم مجموعتنا كبرت ..وبدل نرتقى ثقافياً بردلب جيتونا واقعين ...والبساطة مع الجماعة انبساطة ...

إتنينا يا

الزوول
طمبس
دكتور سيف
أحمد التجاني
دومه
وليد الشفت
أبو مكاوي
درديري
علي بشير
هارونا
فايز
العوض
ود الصايم
فيصل
محمد الشيخ
داليا
ساره
ملاسي
عيسي
خالد
جعفر
ناصر
ود البشري
عاطف
البدري
علي النعيم
أميمه
دغيس
معتصم
بوب
محمد الشيخ
جعفر
عشاري
كشاشة
زنّانة
نقريطة
سلام من الله عليكم و كترتو علي عشان أرد عليكم كلكم و كترتو علي أبوالريش عشان يستحمل كمية البل ده !

Quote: كمية البل ده !

وكاااااااااااااااااااااااااكـ

أدين لكم جميعـا بالطرفـة والظرف وما طالبينى حليفـة، لو عجنوا كل مثقفى العالم فلن يجدوا من يحبك
مثل هـذه التعليقات البليغـة والمؤنسـة والمسعــدة.. وكلكم مثقفين وأصحاب السهل الممتنع فوق أكبر رأس فى
هـذا المنبر الذى يعج بقلة الثقافـة.
أدين لكم بالضحك فى زمن الحزن وكأنكم تواسون عزيزا لديكم..

بالمناسبـة:
هـذا البوسيت والبوستات المجاورة فى ذات الموضوع، أثبتت لى سطـوة الكلمـة، وإنها يمكن أن تجمع الظلاميين
والمستنيرين، كما حدث هنا، ويعم المنبـر السلام، ويمكن أن يعم السلام كل الوطن أيضـا بالكلمة الناسبـة.

فى بوست اخـر رددت على هـذا الكلام فليراجع فى موضعـه.



بالنسبـة للبعض الذين خفوا بعض الشئ، سامحهم الله، فعندما كتبت أنى لست عضوا فى أونلاين، فلم أغادر الحقيقة
لأنى فعلا لم أكن عضوا هنا حين كتبته، وإن د. نجاة لم تكن عضوا فى فورأول.. لذلك لم أعلق على ما نشر
هنا فى أونلاين فى ذلك الوقت.

سلام يا ابو الريش
كدى وكت جيت نسالك سؤال
أنت قلت ناس سودنيز ما بفهو كلامك لأنهم بسطا ومحدودى الثقافة طيب ناس سودن فور اول ما بفهموك ليه وكما قال عثمان حامد

Quote: الكلام في مجمله غير واضح، وغير متماسك، بالرغم من أنّي قرأت لك مساهمات أخرى، في س. اون لاين، كنت فيها بائناً، بشكل حازق،

انا حسب فهمى انه عثمان حامد عايز يقدم ليك نصيحة وهو رجل ذكى وافتكر انه فاهم عقدتك والا ما كان ذكرك بعضويتك فى سودانيز اون لاين ( الأنت ناكرها) وتجاهل عضويتك بسودن فور اول ( الانت متباهى بيها) وانت عضو هناك منذ 2005 .

يخوانا ما ممكن...دى ما عيشه دى...أنا إسمى ده لا ألقاهو هنا لا فى لستة الأولاد ولا البنات ولا حتى مع دينا خالد.....

....الحاصل شنو؟؟؟؟؟؟أنا وين يا ربي؟؟؟؟؟



......يا أمين....أنا وين فى ياتو لسته ياخ ما تريحونا؟؟؟!!!!!!!!!!!!!

نسيت أقول يا ابو الريش رأى انا شخصيا انك تعمل بنصيحتو ..
عشان هم كمان يفهموك ..

Quote: الأخ والصديق كيكى، شكــرا، ولو ذهبت الى هناك وقرأت كلامى هـذا الذى كان ردا، ثم قرأت حديث من رددت عليه، وقارنت الكلمات التى أوردتها أنا عن سـودانيز أونلاين لوجدتها تفس كلمات ذلك الشخص فى حقى، ولعلمت أنه هو الذى كان مقصودا بها، وأنا وجهتها له فى صيغـة العام وليس مباشـرة.

ده كلامك يا أبو الريش اللي إستكترت تجيبو هنا و قلت أمشي فتشو :
جبتو لمصلحة النقاش و حا أجي افككو ليك كلو حتي يتململ دريدا - قدس الله سره - في قبره !!

Quote: والا ما كان ذكرك بعضويتك فى سودانيز اون لاين ( الأنت ناكرها) وتجاهل عضويتك بسودن فور اول ( الانت متباهى بيها) وانت عضو هناك منذ 2005 .

الأخت سلوى،

منذ بداية عضويتى فى هـذا المنبر لم أقل ولا كلمـة واحدة سالبة فى حق أخت أبداً دع عنك إستخفاف، وسيكون هـذا ديدنى إن شـاء الله، .

لماذا لا تقرئين مداخلتى التى هى أعلى مداخلتك مباشـرة.. يعنى فى اخر مداخلة بعدها جئت أنت، أتيت بصورة من إيميل
بكرى الذى فيه أعاد عضويتى فى المنبر.. وقد تدخل أخوة أفاضل فى تلك المشكلـة ولا أريد التفصيل فى هـذا.
شوفى التأريخ فى ذلك الإيميل وشوفى تأريخ كلامى حين قلت أنى لست عضوا فى أونلاين..

بعدين كيف تقولين أنى أتباهى بعضوية فوراول أو أونلاين.. شنو يعنى أتباهى؟

يا جماعـة الواحد يبسط الموضوع أكتر من كدا كيف عشـان البعض يفهمه، ياخ فى أكتر من حتة فى أكتر
من بوست نشرت إيميل بكرى لما رجعنى للمنبر، وبرضو الناس لسـه تقول انا نكرت عضويتى فى أونلاين!!

لازم يتكرر النشـر كم مـرة؟

يا جماعـة الواحد يبسط الموضوع أكتر من كدا كيف عشـان البعض يفهمه، ياخ فى أكتر من حتة فى أكتر
من بوست نشرت إيميل بكرى لما رجعنى للمنبر، وبرضو الناس لسـه تقول انا نكرت عضويتى فى أونلاين!!

لازم يتكرر النشـر كم مـرة؟

يا جماعـة الواحد يبسط الموضوع أكتر من كدا كيف عشـان البعض يفهمه، ياخ فى أكتر من حتة فى أكتر
من بوست نشرت إيميل بكرى لما رجعنى للمنبر، وبرضو الناس لسـه تقول انا نكرت عضويتى فى أونلاين!!

لازم يتكرر النشـر كم مـرة؟

يا جماعـة الواحد يبسط الموضوع أكتر من كدا كيف عشـان البعض يفهمه، ياخ فى أكتر من حتة فى أكتر
من بوست نشرت إيميل بكرى لما رجعنى للمنبر، وبرضو الناس لسـه تقول انا نكرت عضويتى فى أونلاين!!

لازم يتكرر النشـر كم مـرة؟

أولا : دي مداخلة عثمان حامد ليك

Quote: سلام لكل المشاركين ومرحب بصاحب البوست "اللحمر" بسودان فور أول.... كتب الأستاذ أبو الريش موجهاً حديثه لحسن موسى: Quote: (أتعجب من سطـوة الكلمات، وأتعجب أكثر من جهلى بســر سطوتهـا. قول لمرة جميلة إنتى شينة، ولواحدة شينة إنتى جميلة.. وشــوف حكمـة الله. الجميلة تزعل، ولا تأخذ بالحكمة العارف عزو مستريح.. والشينـة تفرح، لشنـو ما تعرف. تضرب للشرطـة، وتقول كلمة من ثلاث حروف فقط "سطــو" وتخت السماعـة.. شرطة المدينة كلها تستنفر وشركات الموبايل تحدد مكان الزول الضارب ويكون إنزال بالهليكوبتر.. ) اللون الأحمر من عندي. هذه كتابة مسيئة، وتنميط غث، أتمنى أن تعتذر عنه بكل وضوح!!! الكلام في مجمله غير واضح، وغير متماسك، بالرغم من أنّي قرأت لك مساهمات أخرى، في س. اون لاين، كنت فيها بائناً، بشكل حازق، كمساهماتك التي كنت تكيل فيها الشتائم للحزب الشيوعي، وللأستاذ نقد بشكل خاص، وبمتعة فائقة، وذلك في أكثر من مناسبة وفي أكثر من موضع. ماهذه التأتأة المجانية؟ مع مودتي للجميع عثمان حامد

يا أخانا Isa الذي مشكورا ثقّفنا
ياخي الإقتباس دا فيه لقطة بنت كلب ليها حق تعجبك و تعجب قصي نفسو
يعني كمان ما ممكن يدردقها كدا وحسن موسى يفوتها كدا بدون شوت , ياخي كيقتني لمّن مشيت كستها في محلّها

_______________________________________

طيب الوست خليها
كنت بتلعب سيرباك أكيد

ثانيا : ده ردك لعثمان حامد كاملا :

Quote: الأخ الفاضل عثمان حامـد، عندما أكتب فى ســودانيز أونلاين فأتبع أسلوب الكلام العادى المباشـر لأن هناك الكثيرين جدا من الأعضاء، إن لم تكن الغالبية العظمى بسطـاء وأيضا منهم قليلى الثقافـة، ولو أتبعت ذات الأسلوب الذى أكتب به هنا، فإن معظمهم سـوف يرى ما أكتبه غير واضح فى مجمله، وغير متماسك. تعليقك على كلامى عن (سحر الكلمة وسطوتها) الذى ضربت به كلمتان مثلا (جميلة) و (قبيحـة)، بأنه "كتابة مسيئة، وتنميط غث" أثبت لى مرة أخرى سطـوة الكلمة، وهـذا موضوع فلسفى أناقشـه هنا بأمل أن يجد بعض المهتمين، و أعتقد أنك لم تستوعبه حتى الأن. أرجعت الكلمة الى حروفها، فهل يمكن تفكيك معناها أيضـاً وتحليله والوصول الى المكون الذى يؤثر على خلايا العقل ويجعلها تتصرف وفق طريقة معينة مبيتـة فى تلك الكلمات أو ربما فى أصوات حروفها؟ وهل لو توصلنا الى هـذه النتيجـة، يمكن عزل تلك المكونات من التعابير السالبة فى قيمنا فنتخلص من الغضب عند سماعهـا؟ وهل يمكن هـذا أن يكون سببا فى السلام بين الأفراد والسـلام بين الشعـوب والأمم؟ يا سيدى بطرح هـذه المداخلـة كنت امل، وما زلت أن يتشعب النقاش ويجرنا الى لغـة البرمجمة العصبيـة NLP أو Neuro-linguistic programming يا سيدى أنا لست غاضبا من سـوء فهمك للمداخلـة، ولكن أتمنى وأعشـم أن تعطى نفسك الفرصـة ولا تتصرف بالظنون. ومرحبـا بك فى نقاش الموضوع فى مستــواه. أما موضوع نقدى للحزب الشيوعى السـودانمى فى أونلاين، فأعلم أنى أنقد كل الأحزاب، لأنها كلها فشلت فى تقديم أى شئ مفيـد للسـودان عبر 50 عامـاً، ونقدى لهـذا الحزب هناك جاء بعد تصريح محمد إبراهيم نقد عن مصريـة حلايب، وهو قول مردود عليه وعلى حزبه من ورائه.. وهـذا فرصـة لإفتراع بوستات فى هـذا المنبر أيضـا لمناقشـة تصريحات نقـد عن حلايب وأيضا عن برنامجى الحزب المتهافتين المتناقضين الذى أخرجهما بمناسبـة الإنتخابات.. ولو تعتقـد أن هنا فى هـذا المنبر ممن أخاف أن لا أنتقد الحزب أمامهم فأنت مخطئ، وأعلم من هم اليساريون هنا، ولكنى أيضا أعلم أنهم أحرار ومثقفين لأبعد الحدود، وليسوا مثل هلال/مريخ اليساريين فى المنابر الأخرى

نقطه مهمه قبل التفكيك :

Quote: يا جماعـة الواحد يبسط الموضوع أكتر من كدا كيف عشـان البعض يفهمه، ياخ فى أكتر من حتة فى أكتر من بوست نشرت إيميل بكرى لما رجعنى للمنبر، وبرضو الناس لسـه تقول انا نكرت عضويتى فى أونلاين!!

يا أبو الريش القضيه ما إنك نكرت سودانيزونلاين عشان تكرر لينا مداخلتك أم صور دي مية مره و تذكرنا ببساطتنا و محدودية ثقافتنا : سودانيزونلاين شن طعمها ما تنكرها كان داير !!
القضيه إنك إستكبرت و وصفت ناس أنت لا تسوي مثقال خردله في نعلهم الثقافي و المعرفي بانهم محدودي الثقافه و قليلي الفهم حتي أنك تحتاج ان تبسط لهم الكلام : دي القضيه ، فبالله ما تعمل رايح !!

..
.
بما انى زول بسيط
حسي ابوالريش دا بزخمه دا قاعد
ينكر ولا يعتذر ...؟؟

------------
اعذرونى واشرحوا لينا اصلو ثقافتنا قليلة
وكذا فهمنا ..




سقط حرفاً عفواًفاعدته الى موضعه حتى لا اوصف
بقلة الثقافه ..فلزم التعديل

Quote: بما انى زول بسيط حسي ابوالريش دا بزخمه دا قاعد ينكر ولا يعتذر ...؟؟

بنكر يا صالح و بشتت في الكوره بصوره توري بالجد جد إنو بفتكر الناس هنا بسيطه الفهم و الثقافه !!

Quote: الكلام في مجمله غير واضح، وغير متماسك،

عثمان حامد هنا بينتقد - و حق له - في نصك التعيس الجايبو ليك فوق بالاحمر .

Quote: بالرغم من أنّي قرأت لك مساهمات أخرى، في س. اون لاين، كنت فيها بائناً، بشكل حازق، كمساهماتك التي كنت تكيل فيها الشتائم للحزب الشيوعي، وللأستاذ نقد بشكل خاص، وبمتعة فائقة، وذلك في أكثر من مناسبة وفي أكثر من موضع. ماهذه التأتأة المجانية؟

و هنا بطاعن فيك إنك لا تصلح ان تكتب إلا شاتما لمن أنت دونهم كالحزب الشيوعي السوداني و سكرتيره الأستاذ محمد إبراهيم نقد . فانت لا تكون حاذقا و ولا تكاد تبين إلا عند شتم القامات .
يعني بالواضح كده الراجل مسح بيك الواطه .

Quote: الكلام في مجمله غير واضح، وغير متماسك،

ثعلبوش المنبر المناضل أمين
التحية لك وقد ( إنبريت ) برية 3H تدافع عنا نحن أصحاب الوصفات التلاتة
سير سير ونحن من خلفك نجمع الريش الطاير والمتطاير..........................

Quote: يا أبو الريش القضيه ما إنك نكرت سودانيزونلاين عشان تكرر لينا مداخلتك أم صور دي مية مره و تذكرنا ببساطتنا و محدودية ثقافتنا

هـذه قضيتى الأن وأقرأ هنا:
كتبت الأخت سلوى صيام:

Quote: انا حسب فهمى انه عثمان حامد عايز يقدم ليك نصيحة وهو رجل ذكى وافتكر انه فاهم عقدتك والا ما كان ذكرك بعضويتك فى سودانيز اون لاين ( الأنت ناكرها) وتجاهل عضويتك بسودن فور اول ( الانت متباهى بيها) وانت عضو هناك منذ 2005 .

وتكرر هـذا أكثر من مرة فى أكثر من بوست، بعد أن رفعت الدليل.. فلم يعتذر أحد بالرغم انهم رمونى بالتضليل والكذب، ولا أرضى
هـذا وهو مردود عليهم ولا بد يقرأونه بوضوح حتى يخجلوا من أنفسهم ولو لم يعتذروا.

المنبر دا بقى مسخـرة فارغـة، والذين يقودون هـذه المسخـرة معروفون وقد أعيتهم الحيلـة فى نقاش تصريحات نقـد الخائنـة التى بها
إعترف بما لا يملك من أرض شـرق الســودان الى من لا يستحق من المصريين.

لا تعتقدوا أنى غافل عن هـذا، ولكن مداراة لكم، وهـذا موسـم إنتخابات وكل ما يكتب له علاقـة به.. وقد إنزعجوا لكشف الاعيب
حزبهم فى برنامج محلى للشرق نافقوا فيه بذكر حلايب وإنهم سيضعونها فى برنامجهم القومى، وحين أخرجوا وأعلنوا البرنامج القومى كان
خاليا من ذكر حلايب، دع عن التعليق على تصريح سكرتيرهم العام. وعندما وعندما سألناهم عن التناقض لم يجيبوا كعادتهم.. (راجع بوست
الأستاذة سعـاد إبراهيم أحمد عن البرنامج القومى).

كفايـة مسخــرة والمولد إنتهى خلاص.

ستكون كتابتنا منذ الأن فى مواجهـة حملة هـذا الحزب وزعيمه الذى يريد أن يبيـع ارض الســودان لمصـر لحاجـة فى نفسـه.

Quote: هـذه قضيتى الأن

كأحد محدودي الثقافة والفهم بسودانيز اون لاين لا يعني شئ من تصريحات نقد حيث لا (بطة) لي فيها ولا (وزة)
نحنا ناس ونسة سااااي ومضحكة وكورة مرة مرة شفت كيف؟
إنما يعنيني إركابك ( البدري عبد الله) وحيدر الزين الشهير بالطريفي (علي سبيل المثال لا الحصر) سرجاً واحداً !!!
فكيف بالله عليك يستوي (الجمال) و(القبح) وهذه بضاعتك قد إستلفناها مما يعني اننا نعي الدرس وفينا بعض من تفهم
يا ابا الريش قد جئت شيئاً فريا مسابقاً فيه من رسم ملاسي رسمته الشهيرة ومناطحاً لسيد الزبادي في نكتته الخميرة
(اوعك يا ود البشري تقول لي رسل النكتة في المسنجر)

في شان كدي ما تسوي لينا شغلة الزبون مع بتاع الزبادي الفوق داك

Quote: قائمه بأسماء البسطاء و قليلي الثقافه بالمنبر !

سجل عندك
البسطاء:-
البدري عبد الله
قليلي الثقافه:-
البدري عبد الله
البسطاء و قليلي الثقافه :-
البدري عبد الله




ولو داير يثبت العكس خليه يترجم لينا موضوع (السلعة)

المنبر دا بقى مسخـرة فارغـة، والذين يقودون هـذه المسخـرة معروفون وقد أعيتهم الحيلـة فى نقاش تصريحات نقـد الخائنـة التى بها
إعترف بما لا يملك من أرض شـرق الســودان الى من لا يستحق من المصريين.

لا تعتقدوا أنى غافل عن هـذا، ولكن مداراة لكم، وهـذا موسـم إنتخابات وكل ما يكتب له علاقـة به.. وقد إنزعجوا لكشف الاعيب
حزبهم فى برنامج محلى للشرق نافقوا فيه بذكر حلايب وإنهم سيضعونها فى برنامجهم القومى، وحين أخرجوا وأعلنوا البرنامج القومى كان
خاليا من ذكر حلايب، دع عن التعليق على تصريح سكرتيرهم العام. وعندما وعندما سألناهم عن التناقض لم يجيبوا كعادتهم.. (راجع بوست
الأستاذة سعـاد إبراهيم أحمد عن البرنامج القومى).

كفايـة مسخــرة والمولد إنتهى خلاص.

ستكون كتابتنا منذ الأن فى مواجهـة حملة هـذا الحزب وزعيمه الذى يريد أن يبيـع ارض الســودان لمصـر لحاجـة فى نفسـه.

و بدل ما ترد علي الراجل المسح بيك الواطه و هو عضو هناك معاك ، كان لازم توريهو - حسب فهمك القاصر - إنك راجل مثقف و عميق زيك زيو و جيت أول شي كتبت الكلام ده :

Quote: عندما أكتب فى ســودانيز أونلاين فأتبع أسلوب الكلام العادى المباشـر لأن هناك الكثيرين جدا من الأعضاء، إن لم تكن الغالبية العظمى بسطـاء وأيضا منهم قليلى الثقافـة، ولو أتبعت ذات الأسلوب الذى أكتب به هنا، فإن معظمهم سـوف يرى ما أكتبه غير واضح فى مجمله، وغير متماسك.

عشان تبرر ليهو ليه كتاباتك بائنه و حازقه في سودانزونلاين .
والله قريت كلامك ده عشرمية مره عشان افككو ، لقيتو مفكك براو ، واضح و فاضح و مسئ !!
إنت يا أبو الريش أساءت لنفسك قبل ان تسئ للناس و وضعت نفسك في في هذا الموضع و زي ما قال الاخ الزوول : ده أكبر سقطه لأحد أعضاء المنبر منذ زمن بعيد .

سلام تانى يا ابو الريش
معليش استحمل شوية وخلى بالك معانا طويل وانت عارف بساطتنا ومحدودية ثقافتنا ..
الأيميل الجبتو ده ايميل عادى بيجى لأى زول يفقد باسويرده لأى سبب ..
وما بيعنى انك بقيت عضو لأول مرة بالتاريخ ده انا شخصيا فقدت باسويردى عدة مرات واستلمت ايميل مشابهه وانت قاعد هنا مع محدودى الثقافة ديل قبلنا ..
راجعة ليك لأنك ما جاوبت السؤال الأساسى .. بس الآن مستعجلة شوية ..

Quote: الأيميل الجبتو ده ايميل عادى بيجى لأى زول يفقد باسويرده لأى سبب ..

يا سلوى انا ما فقدت الباسوورد.. أن عزلت من المنبر، وذكرت هـذا الأمر.. ما خايف من زول ولا طمعان فى
زول عشـان أكذب.
أسألى قبل ما تتسرعى، كيف تقولى "نكرت" وأنتى لا تعرفين شيئا عن الموضوع.. أسألى بكرى، أسألى هارون دياب،
كيكى، النصرى امين، كلهم يشهدوا أنى كنت موقوف.

أعتقد الأن وبعد تكرارك إتهامى بالنكران (الذى هو صورة من الكذب)، وحتى بعد أن أتيت بالدليل وقلت
أنه تم إيقافى، بعد كل هـذا تأتين وتتهمينى بأنى فقدت الباسورد وأمثل أنه تم إيقافى،

الأن يحق لى أطلب منك الإعتذار.

يقول تعالي في الحديث القدسي : (أبغض الغني المتكبر وبغضي للفقير المتكبر أشد)
لانو الغني المتكبر عندو ما يتكبر به ، أما الفقير المتكبر فما عندو التكتح .
عني شخصيا :لو كلامك ده ذاتو كان قالو بشري الفاضل مثلا - و حاشاهو - من هذا القول ، كنت حا أزعل لكن ولا نص زعلي ده ، لانو علي الأقل عندو حاجه تخليه يتكبر و يستعلي بيها علي الناس ، إنت يا أبو الريش : عندك شنو و فقرك الثقافي و المعرفي بائن لكل ذي بصيره ؟!!

Quote: عني شخصيا :لو كلامك ده ذاتو كان قالو بشري الفاضل مثلا - و حاشاهو - من هذا القول ، كنت حا أزعل لكن ولا نص زعلي ده ، لانو علي الأقل عندو حاجه تخليه يتكبر و يستعلي بيها علي الناس ، إنت يا أبو الريش : عندك شنو و فقرك الثقافي و المعرفي بائن لكل ذي بصيره ؟!!

كامل التضامن مع الأخ أمين محمـد سليمان.

للمره ألالف بعد المليون
القضيه ما نكرانك للمنبر ده ، لانو ده من حقك تنكر الدايرو ، القضيه إنك أساءت لناس أنت لا تسوي ان تكون غبارا في ساحتهم الثقافيه و المعرفيه !!

Quote: المنبر دا بقى مسخـرة فارغـة، والذين يقودون هـذه المسخـرة معروفون وقد أعيتهم الحيلـة فى نقاش تصريحات نقـد الخائنـة التى بها إعترف بما لا يملك من أرض شـرق الســودان الى من لا يستحق من المصريين. لا تعتقدوا أنى غافل عن هـذا، ولكن مداراة لكم، وهـذا موسـم إنتخابات وكل ما يكتب له علاقـة به.. وقد إنزعجوا لكشف الاعيب حزبهم فى برنامج محلى للشرق نافقوا فيه بذكر حلايب وإنهم سيضعونها فى برنامجهم القومى، وحين أخرجوا وأعلنوا البرنامج القومى كان خاليا من ذكر حلايب، دع عن التعليق على تصريح سكرتيرهم العام. وعندما وعندما سألناهم عن التناقض لم يجيبوا كعادتهم.. (راجع بوست الأستاذة سعـاد إبراهيم أحمد عن البرنامج القومى). كفايـة مسخــرة والمولد إنتهى خلاص. ستكون كتابتنا منذ الأن فى مواجهـة حملة هـذا الحزب وزعيمه الذى يريد أن يبيـع ارض الســودان لمصـر لحاجـة فى نفسـه.

لا والله حاشاك إنت من الغفله ، شايفك صاحي و مفتح و بتسئ للناس من هناك و بتتهم الشيوعيين إنهم كتبو المداخله دي عشان يغطو علي فضيحتهم في حلايب !!
ياخي والله أنت فارس هذا الزمان و سواك المسوخ !!











-----
أمين محمد دريدا سليمان ، كادر سري للحزب الشيوعي و مسئول أول عن خت أبو الريش في علبو !!

Quote: الأن يحق لى أطلب منك الإعتذار.

يا سلوي ياخي تعالي اعتذري لابوالريش ده عشان ما يقول علينا بسطاء و قليلين أدب كمان !

أبوعلي يا أخينا الذي مع المعسل البحريني !

Quote: ثعلبوش المنبر المناضل أمين التحية لك وقد ( إنبريت ) برية 3H تدافع عنا نحن أصحاب الوصفات التلاتة سير سير ونحن من خلفك نجمع الريش الطاير والمتطاير..........................

المجد لي و أنا أذب عن بيضة سودانيزونلاين !!

يا أبي الريش الذي ظلم نفسه

Quote: لا تعتقدوا أنى غافل عن هـذا، ولكن مداراة لكم، وهـذا موسـم إنتخابات وكل ما يكتب له علاقـة به.. وقد إنزعجوا لكشف الاعيب حزبهم فى برنامج محلى للشرق نافقوا فيه بذكر حلايب وإنهم سيضعونها فى برنامجهم القومى، وحين أخرجوا وأعلنوا البرنامج القومى كان خاليا من ذكر حلايب، دع عن التعليق على تصريح سكرتيرهم العام. وعندما وعندما سألناهم عن التناقض لم يجيبوا كعادتهم.. (راجع بوست الأستاذة سعـاد إبراهيم أحمد عن البرنامج القومى).

تعرف أنا مما قريت كلامك ده ، طوالي عرفت إنو الشيوعيين سرقو الباسويرد حقتك و كتبو الكلام المهبب ده بإسمك ، طبعا زي ما عارف الدنيا إنتخابات و كده و عايزين يلهو الناس بفضيحة حلايب الباعها نقد للحكومه المصريه و إستلم تمنها دهب و عبيد .
عشان الكلام ده تاني ما يتكرر ، رجاء تغيير الباسويرد بتاعتك في سودانفور أول و لو عايز نصيحتي غيرها في كل المنتديات و اجهزة الحاسوب خاصتك .
الرابط ده بيساعدك علي إختيار باسويردات صعبه عشان الشيوعيين ديل مكارين جدا :
http://www.wikihow.com/Choose-a-Secure-Password

شيراز يا ابنة الأكرمين !

Quote: ......يا أمين....أنا وين فى ياتو لسته ياخ ما تريحونا؟؟؟!!!!!!!!!!!!!

إنت حاشاك من لست سودانيزأونلاين الكلها مشاكل دي ، لكن كان أصريتي بنلقى ليك واحده !!

ابارو يا ممدوح

Quote: سجل عندك البسطاء:- البدري عبد الله قليلي الثقافه:- البدري عبد الله البسطاء و قليلي الثقافه :- البدري عبد الله ولو داير يثبت العكس خليه يترجم لينا موضوع (السلعة)

ياخي البدري كان ما بسيط يقول لي كلام أبوالريش ده رأي ممكن نتفق و نختلف معاه ؟
هو يفتح في البوستات يطاعن في هشام هباني و تراجي و أنور كنج و زول من الناس دي سالو مافي ، و لمن نحن نرد علي أبوالريش بكلام قالو وفيهو إساءات لكل الناس يقول ليه ما ناخد كلام أبوالريش علي إنو رأي !!

Quote: يا أبي الريش

يــــــا أبا


منادى منصوب





__________________
محاولة مني لانتشال نفسي من مستنقع سودانيزونلاين

أمـين والجمـيع،،
السيد أبو الريش كتب: لا أملك عضوية في ذلك الموقع، لكن (ببساطة) بتاعتنا دي كونو كان موقوف ما إسمها لا يملك عضوية..
الحاجة التانية إنت يا صفوة (الحقوق محفوظة للدكتورحسن موسى)، مش قلت تركت قشرانين أون قاشـر عشان فيهو ناس أكعب من (الشرامة)؟، طيب تاني رجعت لشنو لغاية ما وقفوك كمان ورجعوك، مش دا ياهـو كلامك في فور أول:

Quote: لقد تركت منبرا للنقاش بعـد سنين من العضوية الناشطـة قضيتهـا فيه، بسبب انحدار مستوى النقاش عند الكثيـر ممن يكتبون فيه.. واستعمال كلمات وتعابيـر واساليب، يترفع عنهـا حتى من نسميهـم شـرامـة.. والعجب أن بعض هـؤلاء صحفيون، لا يستطيعون مجرد التفكيـر فى كتابـة مثل تلك الألفاظ فى صحفهـم، ولكنهم لا يرف لهـم جفن وهم يسطرونها فى المنابـر!.. لا أدعى الكمال، واخطئ وأصيب، ولكن نشـر الغسيل على الملا ينم عن عدم إحترام للغيـر.

المصدر: سودافورأول والتاريخ ستة مايو ألفين وسبعة.. بعـدين حسي مناسبة كلامـك دا شـنو؟
وفي الأول من أبريل من نفس العام فتحت بوست هناك بعنوان: سـودانيز أونلاين تتحول الى مطبخ للجرائـم وصاحبها يتفـرج
كتبت فيه:

Quote: اللهـم لا إعتراض على حكمك. تهديـدات متابدلـة بالقتل (نعـم بالقتل) تنشــر على صفحاتهـا.. وهى تهديدات جادة من اناس جادين وليسـوا شفـع.. وما كان لهـم أن يتواصلوا لولا هـذا الموقـع الإلكتـرونى.. مما يعنى أنه لو وقعت لا قـدر الله، من غـد، جريمـة قتل، فإن الموقـع يكون هـو المخرج والمديـر الفنى والمصــور، وكاتب السيناريـو. كل هـذا يحدث، وصاحب الموقـع يتفرج على التهديدات، ويراقب تطـوراتهـا.. وكأنه غيـر مســؤول. وأنا هنا أقول له بصـوت الناصـح الأمين.. أتق الله يا رجل.. أتق الله.. ولا أزيــد.

ولم يتداخل أو يعلق اي شخص آخر على الموضوع
المصدر: سودانيس أونلاين تتحول إلى مطبخ للجرائم
ولو رجعنا للأرشيف، بنلقى عشرات المشاركات لك هنا في نفس الشهر مايو 2007،، فماذا تعني ب(تركت المنبر).. ولاّ يا ربي تكون قاصد منبر تاني؟؟

غايتو كتر خير اخونا عزام حسن فرح (ردّ الله باسويرده)

ادانا كبسولة مضاد حيوي الي حين .

Quote: هذا العمود مضاد حيوي لإنفلونزا أبو الريش

شكرن كثيرن.


______
تحياتي يا أمين الذي هو خال حمور.


ياخي أجدعني في أي حتة فيها بسطاء وطلقاء.

سلام يا عيسي
تعرف قصة تركت المنبر و بكري رفدني و جيت تاني و نكرت المنبر و ما نكرتو دي و قصة إنو في حمله يقودها الشيوعيين عباره عن المراقات اللي سيدنا أبو الريش - قدس الله سره - بيحاول يمرق بيها من السيك الهنا دي ، فبالله ما تدو فرقه يمرق !!
أبوالريش أساء لكل الناس : الناس اللي هو لا يسوي التراب العالق في ثقافتهم و معرفتهم والناس الرجرجه زي ناس الطريفي و ود الصايم و من لف لفهم : دي القضيه ، و المؤلم أكتر إنو جاي بعد ده يتذاكي علي الناس !!

Quote: طيب تاني رجعت لشنو لغاية ما وقفوك كمان ورجعوك، ؟

دا ما شغلك..

وديل أهلى أختلف معهم اخاصمهم اصالحهم امشى ارجع ليهم ما عندك أى دخل فى دا.
أنا هنا أرد على من أتهمنى بالكذب بأنى قلت أنى لست عضوا فيه، وقالوا أننى كنت عضوا منذ سنين.

بعدين شوف الخمج بتاعك دا:

Quote: ولو رجعنا للأرشيف، بنلقى عشرات المشاركات لك هنا في نفس الشهر مايو 2007،، فماذا تعني ب(تركت المنبر)..

دقيقة يا خال نديها معاك مداخلة ..
انا قلت لابو الريش في البوست بتاعو حاجة و ما عارفو لسه رد عليها أو لأ ..
قلت له انو عثمان انتقد كتابتك في فوراوول .. فانت بدل تدافع عنها قمت نزلت قيمة كتابتك في سودانيز اون لاين ..
فما سلم لك سودانيز و لا سلم لك فوراوول.
انا استغرب من زول يقولو ليو مالك الليلة كورتك فكت و انت امبارح كنت بتلع كويس يقول امبارح المباراة كانت مع حمام ساي عشان كده كنت بشلت و أطفش الكورة.

يا ابو الريش حتى لو ثبت ان كلامك الذي قلته عن سودانيز و عضويته صحيح فسيظل ما قاله عثمان عن كتابتك في فوراوول بلا رد.


موضوع الشيوعيين ده بالله أفرز فوقو يا ابو الريش.
ما تبقى لينا من عينة المناضل اليقولو ليهو شتمت عرض الكوزة ليه ؟ يقول انتو كلكم كيزان و أمنجية.
في شيوعيين قطع شك شمتانين فيك في وقعتك دي .. لكن في كمان الزينا كتار ما ليهم شلية في الحزب الشيوعي ما عاجبم الكلام.
ما تاكلنا حنك بالله.

Quote: محاولة مني لانتشال نفسي من مستنقع سودانيزونلاين

يعني يا راويه ما لقيتي ليك سكه تنتشلي رقبتك من المستنقع ده إلا بإنك توري الناس إنو أنا غارق حتي أذني فيهو ؟

Quote: لكن في كمان الزينا كتار ما ليهم شلية في الحزب الشيوعي ما عاجبم الكلام. ما تاكلنا حنك بالله.

هوي يا حمور هوي
إتكلم عن رقبتك ، أنا كادر سري في الحزب الشيوعي من آلاف السنين* ، كان ما عارف أعرف ، و الشغله دي كلها إنو نحن الشيوعيين ديل عايزين نلهي الناس بفضيحتنا في حلايب البعناها للحكومه المصريه و إستلمنا تمنها دهب و عبيد !!










‎--------
*يا حسن موسي لك المجد و أنت تتحفنا بالجديد و العميق كل يوم !

Quote: دا ما شغلك.. وديل أهلى أختلف معهم اخاصمهم اصالحهم امشى ارجع ليهم ما عندك أى دخل فى دا. أنا هنا أرد على من أتهمنى بالكذب بأنى قلت أنى لست عضوا فيه، وقالوا أننى كنت عضوا منذ سنين.

انشالله يا عيسي كلامي يكون وقع ليك !!
الزول ده بحاول يطلع إنو الموضوع موضوع عضويه و تواريخ و نكران و كلام ني ، لكن وييين ؟!! نحن في الحزب الشيوعي مفتحين و حزبنا ده ورده سقيناها بماء العيون* : يجي أبوالريش داير يعمل لينا فيها سبعه بقرش ؟!











------
لك المجد سيدي عثمان محمد صالح و أنت تعلمنا الكلام !

يا بشيرنا الذي في السعوديه

Quote: غايتو كتر خير اخونا عزام حسن فرح (ردّ الله باسويرده) ادانا كبسولة مضاد حيوي الي حين . Quote: هذا العمود مضاد حيوي لإنفلونزا أبو الريش

المجد لعزام و هو يذب عن بيضة سودانيزونلاين في معقل الأعداء !!



العند أبوالريش ده يا بشير ما بتداوي ، نسال الله السلامه :
سيدنا علي لمن قال الرجال أربع ، نوع أبوالريش ده ما كان جا البشريه لسه :
رجل لا يدري و لا يدري أنه لا يدري و بعد ده متكبر و متطنقع علي الناس اللي لا يسوي زراره في بدلهم المعرفيه و الثقافيه !!

ابو الريش
جيت سريع لمدة دقيقتين ..
عشان اقول ليك حاشاك من الكذب وانا بعتذر ..
لكن فى ذمتك فى مثقف بسيب الموضوع الأساسى ويرد على الجملة الإعتراضية ..
مداخلتى فيها سؤال أساسى عن سبب عدم فهم ناس سودان فوراول لمداخلتك ورأيك فى نصيحة عثمان حامد التى جاءت بطريق غير مباشر ..
وتانى بكرر أنت قلت ناس سودانيز مابفهموك اذا كتبت بطريقتك الهناك لنقص فيهم .. بس انا عايز اعرف ليه ناس سودان فوراول ما بفهموك ؟؟

يا فيلسوف يا مثقف،، خمج بتاع حنانك.. برضو ح أعيد كلامي مية مرة لغاية ما يقع ليك، مش لو تخت دايرة حمرا في التاريخ، لو تجيب بكري زااتو تختو هنا ما بخليك تعمل فيها رايح:
إنت يوم 6 مايو 2007 كتبت: لقد تركت منبرا للنقاش.. كويس معاك لغاية هنا، أها لامن داير تتفاصح
أنا بقول ليك وبالدرب عـدييل كضااااااااب وستين كضاب، ما تركتو ولا الله شن قال،، لأنو دي بعض مداخلاتك في نفس الشهـر القلت تركت فيه وكـر الجرايم والشـرامة والتهـديد بالقتل دا:


وأن عدتم لأزيدنكم..

لا حولاااااااااااااا
اسوء حاجة انه مداخلات امين خال حمور خلع عنه لبوس
البسطاء و اتحول في مداخلاته الاخيرة لمثقف كامل الدسم
و الانفعال.. و برضو نقول طوبا للبسطاء قليلي الثقافة


ابو الريش امرك يحير، جيت تداهن الناس بمداخلتك الاولي
هنا بانهم اضحكوك بخفة ظلهم و حبكة قولهم التي لا يستطيع
مثقفو العالمين لها سبيلا.. مداخلة مداخلتين رجعت لسيرتك
الاولي تبسط لهولاء المخلوقات التي لا تفهم و لا قدرة لها
علي ذلك كأنهم قد استأصلوا عقولهم من يافوخهم و تسممت
اعصابهم فما عادوا الا خشب مسندة.. ياخي انت الجابرك علي
الكتابة في الظرف الحرج دا شنو؟؟ اعمل فيها ما شايف البوستات
الحاشراك في خانة اليك دي و تعال بعد شهر شهرين واصل عادي
كان ما يلموا فيك العكاليت يعملوا ليك حكاية شردة اب ...
(النقاط تحل محل كلمة دارجية تعني اخراج ريح)..

Quote: ابو الريش امرك يحير، جيت تداهن الناس بمداخلتك الاولي هنا بانهم اضحكوك بخفة ظلهم و حبكة قولهم

أداهن الناس أنا يا نصـار؟

هل أسأت اليك لتوجه لى هـذه الإسـاءة البالغـة؟

يا لك من خفيف رخيص.

إخسـأ فقد خسرتك اليوم.

Quote: لا حولاااااااااااااا اسوء حاجة انه مداخلات امين خال حمور خلع عنه لبوس البسطاء و اتحول في مداخلاته الاخيرة لمثقف كامل الدسم و الانفعال.. و برضو نقول طوبا للبسطاء قليلي الثقافة ابو الريش امرك يحير، جيت تداهن الناس بمداخلتك الاولي هنا بانهم اضحكوك بخفة ظلهم و حبكة قولهم التي لا يستطيع مثقفو العالمين لها سبيلا.. مداخلة مداخلتين رجعت لسيرتك الاولي تبسط لهولاء المخلوقات التي لا تفهم و لا قدرة لها علي ذلك كأنهم قد استأصلوا عقولهم من يافوخهم و تسممت اعصابهم فما عادوا الا خشب مسندة.. ياخي انت الجابرك علي الكتابة في الظرف الحرج دا شنو؟؟ اعمل فيها ما شايف البوستات الحاشراك في خانة اليك دي و تعال بعد شهر شهرين واصل عادي كان ما يلموا فيك العكاليت يعملوا ليك حكاية شردة اب ... (النقاط تحل محل كلمة دارجية تعني اخراج ريح)..

الناس الفوق دى كلها ما فى زول إتهمنى بالمداهنـة.

Quote: هل أسأت اليك لتوجه لى هـذه الإسـاءة البالغـة؟

إنت يا أبو الريش زعلان من نصار عشان قال ليك إنك جاي تداهن الناس الإنت أساءت ليها و ما زعلان من كلامك القلتو في حق سبعه ألف نفر ؟
ياخي بالجد : يكجل كجلوا اقلو !!

الاخ ابو الريش سلام

ياخي ما تتجاهلني كدا ياخ... يعني عشان انا ما مثقف تقوم تعفص لي كدا
دا حتى حرااااااام. تعال لي هنا يا ابو الريش وما تعمل فيها ما شايف
انا طعمي دا لما يجلي بقبض بردة فدحين عندي معاك كلاما كتر وانت علي كيفك
كان داير تجيني لما تفضى من محدودي الثقافة الهنا ديل خير وكمان كان
بدور دخول داري هداااااااك بابي فاتح ويسعدني طرقك له هنا:

يا ابا الريش ... ما هذا الهباب الذي هببت !


ولي ابا الريش الخيار ولي محدودي الثقافة الرماد

Quote: انا طعمي دا لما يجلي بقبض بردة فدحين عندي معاك كلاما كتر وانت علي كيفك كان داير تجيني لما تفضى من محدودي الثقافة الهنا ديل خير وكمان كان بدور دخول داري هداااااااك بابي فاتح ويسعدني طرقك له هنا: يا ابا الريش ... ما هذا الهباب الذي هببت ! ولي ابا الريش الخيار ولي محدودي الثقافة الرماد

الخير ، الاخ شيوعي و جاي تغطي فضيحة نقد زينا كده و لا النوع الداير يغتال شخصية أبوالريش كده ساااي ؟
حدد لينا بالله عشان نعرف نتفاهم معاك .
أخوك طبعا مسؤل الملف ده في الحزب . كادر سري و كان ما مصدق عاين لصلعتي في الصوره العلي يمينك دي !!

امين كيفنك ابوي
النبي فيك من ما رشيتني في اول اللائحة ألتك دي
ياخي ماني مكجن شي في الدنيي دي غير الثقافة دي
وماني رايد شي في دنية الله دي غير البساطي

Quote: الزوول طمبس دكتور سيف أحمد التجاني دومه وليد الشفت أبو مكاوي درديري علي بشير هارونا فايز العوض ود الصايم فيصل محمد الشيخ داليا ساره ملاسي عيسي خالد جعفر ناصر ود البشري عاطف البدري علي النعيم أميمه دغيس معتصم بوب محمد الشيخ جعفر عشاري كشاشة زنّانة نقريطة

ديل كلهم ما في واحد أتى لحوار
وخسوسا التلاتة الاخيرين ديل
بجيك راجع خلف يا ابوالريش
الصبر بس !!!!

Quote: بجيك راجع خلف يا ابوالريش الصبر بس !!!!

أوو أوو عبد الوهاب علي الحاج !!!
نعمل ليك تعريف سريع عن المدعو ده يا أبو الريش لانو شايفو قال جاي تاني :
قائد كتيبة الجهل و مسئول أول عن كل البسطاء في منبرنا هذا و المنابر المجاوره
عضو و كادر علني للحزب الشيوعي و هو الذي إستلم الذهب و العبيد من الحكومه المصريه نيابة عن الحزب .
أينما وجد عبدالوهاب وجدت معه المحدوديه ، البساطه و قلة الثقافه : يعني يا أبوالريش وهبه ده مش كان بسطت ليه الكلام ، كان دوبتو ليه في مويه و شربها ما بفهمك ، عاهه و آيه من آيات الله في المنبر .
نصيحتي ليك ما طرد عليه و أعمل رايح تماما .

Quote: وتانى بكرر أنت قلت ناس سودانيز مابفهموك اذا كتبت بطريقتك الهناك لنقص فيهم

شكرا يا سلوى وأنا سعيـد جدا بعودتك، ويجب أن تعلمى أنى لم أطلب إعتذار من أجل عقابك، ولكن من أجل
إعادة الصورة الناصعـة التى أحتفظ بها عنك، منذ لقائنا فى واشنطون فى مناسبـة أحد الأعياد التى أقامتها
رابطـة المرأة بالجالية الســودانية فى منطقـة واشنطون الكبرى قبل عدة سنين.. فشكــرا مرة أخرى.. وسلامى
للأخ الشاعـر الخواض..
شيوعيين كلكم لكن نعمل شنو! ضيعنى صغيـرا وحملنى دمه كبيرا

طبعا ما قلت ناس البورد ما بفهموا لنقص فيهم.. يا أخوانا الكلام دا فى حسيب ورقيب بيكتبوه.
خافوا الله ونقد والحزب ديل زايلين ونحن كلنا زايلين، الغاية لا تبرر الوسيلـة.

كما ترين يا سلوى فأنا ما زلت أتغاضى عن القصد السيئ للبعض (ليس أنت)، ونحن عندنا الملائكـة وعندنا
الجن، الجن لسـه يتفرج.

ابو الريش طلب صغير ..
قصة رايك في ناس البورد دي خليتا للخال امين رافع بيها بيرق.
انا عاوز اسألك من موضوع انو دي جوطة شيوعيين.
ممكن لو سمحت تفرز لينا الناس الهاجوا ضدك ديل الشيوعي منو و الماشيوعي منو و توضح اشمعنى اخترت تدمخ الهوجة بانها شيوعية ؟
لو الناس كتروا عليك ممكن تفرزا لينا بالبوستات .. اصلو البوستات كتيرة خلاص.

لأنو صراحة كده انت جبت ليك مصيبة تانية انك تجي تقول زعل الناس ده شيوعيين زعلانين من كلامك في نقد.
فمن لم يدخل في جملة البسطاء في عبارتك في فوراوول دخل هنا في الغاء وجوده و عدم اعتبارك له و انك لا ترى الا غضب الشيوعيين. نمشي نبقى شيوعيين عشان تقدر زعلنا يعني وله كيف ؟

Quote: امين كيفنك ابوي النبي فيك من ما رشيتني في اول اللائحة ألتك دي ياخي ماني مكجن شي في الدنيي دي غير الثقافة دي وماني رايد شي في دنية الله دي غير البساطي

طارق سلامات

وروك الفلم؟

وبعد دا تقول ما مثقف؟

المهم.. لو التصوير عجبك فبالله أدعو لى يكون فى ميزان حسنـاتى، والله يجزينى خير.

يا أمين معليش جات فيك ساكت
لكن كنت عاوزة لي سكة أدخل بيها بعد ماشفت مداخلات أبو الريش
وفي أخر مداخلة بيحاول يأثر على هيئة المحلفين وبيفتش ليهو على تعاطف

Quote: الزينا كتار ما ليهم شلية في الحزب الشيوعي

...يخس عليك يا حمور....هسه انا من زمان قايلاك كادر سرى مع خالك ده....!!





---------------------
يا بسيط يا قليل" السغافه!!"

الإخوة الأعزاء
تحياتي و سلامي
يا جماعة كلام الأخ أبو الريش رأيي شخصيا أن فيه إساءة لأعضاء المنبر لكن ربما كانت غير مقصودة و قد بين كل شخص موقفه منه و صراحة كدا حتى لو الأخ أبو الريش عايز يعتذر نحن بطريقتنا دي بنشجعه على عدم الاعتذار... مجرد رأي.

Quote: امين كيفنك ابوي النبي فيك من ما رشيتني في اول اللائحة ألتك دي ياخي ماني مكجن شي في الدنيي دي غير الثقافة دي وماني رايد شي في دنية الله دي غير البساطي

طارق يا حبيبنا
اللسته راحت في حق الله ، لكن للضمان إنت كنت فيها وش كده .
إنت يا طارق الكادر السري حقنا في المغرب منو عشان كان مافي زول نعينك و أخلي وهبه يرسل ليك كم قنطار من الدهب الما عارفين نودي وين ده ؟

Quote: الإخوة الأعزاء تحياتي و سلامي يا جماعة كلام الأخ أبو الريش رأيي شخصيا أن فيه إساءة لأعضاء المنبر لكن ربما كانت غير مقصودة و قد بين كل شخص موقفه منه و صراحة كدا حتى لو الأخ أبو الريش عايز يعتذر نحن بطريقتنا دي بنشجعه على عدم الاعتذار... مجرد رأي.

العوض يا حبيبنا
أبوالريش مش ما داير يعتذر للناس و بس ، أبو الريش بيهدد فينا إنو صابر علينا و ما طلع لينا جنو لسه !!

Quote: طارق سلامات وروك الفلم؟ وبعد دا تقول ما مثقف؟ المهم.. لو التصوير عجبك فبالله أدعو لى يكون فى ميزان حسنـاتى، والله يجزينى خير.

ابو الريش كيفنك ابوي
وحاتك لاني عارفلي فيلم لاني فارزلي حاجة
يا زول وكيلك الله انا فعلا جايي بالبساطة ألت اهلي ديك
ويبقى فعلا مانا فاهمين انت داير تقول شنو
ياخي عدم الفهم لاهو عيب ولا شيتين

بس النبي فيك ما تطلعني شيوعي.. دة شرفا ماني قدره
ولا تبقى زي ناس منبر جماهير المريخ.. مشيت قلتلم كيفن الوالي
دة يصوطلو وثيقي فيها عهد ومبايعة بي اسمنا
وحاتك طلعوني نقد عديييييييييييييييييل
وان بقى للحسنات الله يديك ليهن ويملاك في العافي

ويا زول اكتبلنا باللغة النفهمها فشان ما نتعبك بالحيل

Quote: أوو أوو عبد الوهاب علي الحاج !!! نعمل ليك تعريف سريع عن المدعو ده يا أبو الريش لانو شايفو قال جاي تاني :

أمين ما تتعب نفسك، بعرفو..

موش قالوا هنا إنو من جهاز الأمن.. أصحاب سليمان حامد والتجانى الطيب؟
ولقبه وهبـة؟



إفرنقعـوا عنى.

Quote: إفرنقعـوا عنى.

اميـــن والله ما قريت المداخلات كلها ...

بس متوقع تماماً شكلها حايكون كيف طالما إتلميتو انت وود اختك هنا ودي كانت محصلة كلام ابو الريش ...

المشهد دا حضرتو قبل كدة للمثقف الجهبوذ ابو الريش عندما تضيق امامه السبل ويلقي انه ما قادر يلقي انسان يستوعب لغته المعقدة مهما بسطها

للبسطاء ومحدودي الثقافة امثالكم ..

فيآخي اعتقو الرجل وإنفرنقعوا عنه ..

Quote: يا لك من خفيف رخيص. إخسـأ فقد خسرتك اليوم.

لا حول و لا قوة الا بالله
خفيف رخيص و أخسأ و اطرد من جنتك مرة واحدة..
لو انت ما عارف معني الخفة فهو الذي تمارسه
انت هنا.. تضاحك الناس و تشتمهم دون ان تأخذ
نفسك.. شوف خسرتك دي بتعني انك كنت تحتفظي
لي بمكانة كويسة بنيتها علي مدي سنين و حين
تنسفها تستفرغ اكثر مما يمكنك اكله.. هذه هي
الخفة.. هذه هي بضاعتك التي اضاعتك في الاسواق
هي رخيصة و خاسئة، بضاعتك ليس انت، لا ارد لك
قبيح الصفات و ازيد عليها فقط لحظ النفس الامارة

مداخلتك الاولي هنا لا يمكن وصفها بغير المداهنة
فبدل توضيح موقفك لزملاء شعروا بانك تعمدت اهانتهم
و الحط من قدرهم، تدخل عليهم من مدخل عجيب فيه
كثير من الاستغفال لكسب ودهم بالمجان.. و لما لم
ينخدعوا لحيلتك الواهنة عدت لتوزيع الاهانات من
نفس صنف التي اغضبتهم مبتدءاَ...

Quote: للبسطاء ومحدودي الثقافة امثالكم .. فيآخي اعتقو الرجل وإنفرنقعوا عنه ..

NEVER
هو دخول الحمام زي خروجو

Quote: فيآخي اعتقو الرجل وإنفرنقعوا عنه ..

حيدر،

لا يعتقنى أرقاء حزب شمولى إرتمى فى حضن الجبهة الإسلامية وأجهزة أمنها.

قل لهم يعتقوا أنفسهم من هـذا الحزب الذى احالهم الى مجرد HITMAN فصاروا يوزعون السخرية والإساءات
للناس من أجل ما يتوهمونه دفاعا عن الحزب.

يا ابوالريش
أنت تعلم تماما إنو أنا ما عندي معاك أي مشكله شخصيه بالعكس توجد موده و مداخلات كتيره و معارك حواريه وقفنا في بعضها في خندق واحد و في بعضها كنا طرفي نقيض فما غاب الاحترام يوما .
إنت كتبت كلام مسئ و قبيح في حق ناس كانو بيحترموك و يقدروك و الناس دي كلها علي إختلاف مشاربها و اتجاهاتها السياسيه و الفكريه قالت ليك كلامك ده أعوج .
كلنا بنغلط حق أنفسنا و في حق الناس فلماذا لا تعتذر للناس و ننهي مسرح العبث ده و ننصرف راشدين ؟!

نصـار،

الله يعدل دربك، ودى اخـر مدخلة لى معك فى هـذا المنبر.

Quote: طارق يا حبيبنا اللسته راحت في حق الله ، لكن للضمان إنت كنت فيها وش كده . إنت يا طارق الكادر السري حقنا في المغرب منو عشان كان مافي زول نعينك و أخلي وهبه يرسل ليك كم قنطار من الدهب الما عارفين نودي وين ده ؟

امبن ابوي كيفنك
هو نحن يا الحبيب كلنا ستة بورداب
واحد مقابل الناس الدرسوا في فاس
وواحد مقابل التهاني والتعازي
وواحد متصفح
وواحد مباري ناس توتي
وواحد حرد المنبر
وانا مباري كلام الحبوبات
دحين دهب وهبة دة لموهو عليكم

Quote: لا يعتقنى أرقاء حزب شمولى إرتمى فى حضن الجبهة الإسلامية وأجهزة أمنها. قل لهم يعتقوا أنفسهم من هـذا الحزب الذى احالهم الى مجرد HITMAN فصاروا يوزعون السخرية والإساءات للناس من أجل ما يتوهمونه دفاعا عن الحزب.

دي يا ابو الريش بتعيدك لمداخلة حمور زيادة الانت جليتها فوق دي ...

خطابي موجه لامين وحمور فهل افهم من كدة إنك حاشرهم في زمـــرة هؤلاء الارقاء من أتباع الحزب الشمولي ؟!

ما تخلط الروكة ساي وفرز فيمن يخاطبك هنا ... والبوست البيتحدث عن الشيوعية موجود وما شايفك شغال بيهو الشغلة

Quote: موش قالوا هنا إنو من جهاز الأمن..

جهاز الامن دا كان زمان يا ابوالريش
انا اليومين تابع للجهاز التنفسي
اترقيت المعنى يعني
شايف كيف !!!






____
Freedom for me & the goose

الأخ طارق جبريل،

أعذرنى فقد خلطت بين إسمك الكريم وبين إسـم أخ كريم أخـر.

مشكلتك يا بو الريش فكيت قنبلة الدخان وما انسحبت
بمجرد ما تجاوب على سؤال حمور حا ترجع السماؤ صافيَتون تاني

--------------
سلامات يا أمين

.......كتب الأخ أبو الريش مخاطبا الاخ علاء نصار

Quote: يا لك من خفيف رخيص. إخسـأ فقد خسرتك اليوم.

......... حرام عليك يا أخ أبو الريش دا كلام شنو? رخيص دي تعبير
جارح ومسئ وعلاء الدين نصار زول محترم ومالي مركزوا ....يازول مالك الحاصل
عليك شنو مالو سمك فائر وشغال تضارب من طرف ?
......... مانقل عنك يا أبو الريش أغضب ناس كتيرة بمختلف تياراتها
السياسية ومشاربها الفكرية وقد تصدي لك : الكيزان ومن يتعاطف معهم\\
والمستقلين واللي ماعندهم شغلة بالسياسة وناس حزب أمة وإتحادي وحركة شعبية
وقلة من الشيوعيين! أها تعرف ليه قلة من الشيوعين !! لأنو معظهم حا يشوفوا من المصلحة يلبدوا وما يخشوا يبوظوا الموضوع ويحولوه لتصفية حسابات سياسية!!
........أها ومادمت قد دخلت هنا للومك علي مخاشنتك لنصار دعني أوضح
رأي في الحاصل : كلامك في فور أول غلط ولو كنت مكانك لأعتذرت عنه وطيبت خاطر الناس اللي جرحوا وأختفيت بعدهاأسبوعين تلاتة ........
وطبعا من حقك ترفض ا كلامي دا ومن حق القارئ أن يعرف أن هناك خلفية
صراع بيني وبينك وأن يتعامل بحذر مع ما كتبته هنا أو يصنفه بالتحامل!!

Quote: يا لك من خفيف رخيص

والله يا ابو الريش كلمتك دي توجع في المصارين
الله بيسألني نصار دة لاهو رخيص لاهو خفيف
يمين زولا يملا العين



الله يهدي النفوس غايتو

الأخ أبو الريش سلام
خلينا من الشيوعين وموضوع انك كنت موقوف من سودانيز أون لاين انت وصفت إنو غالبية أعضاء سودانيز اون لاين بسطاء وقليلي الثقافة فلو أنت مصر على الرأي دا ورينا أو أعتذر ليهم ما تشغل لينا أمين دا اكتر من كدا

سلامات للجميع
العزيز امين :
انا جديد في المنبر كما ترى
ومن غير مقدمات ادخل ليك في الموضوع
طبعا عارف الظروف الفي البلد هنا يعني بدل ما امشي افتش دهب في المكان البعيد داك
حقو ترسل لي كم كيلو دهب من بتاع حلايب باي مسمى كدا
رسلو لي لحدي اي مكان في ام درمان
اقول اتصرف .
وسجلني في اي قائمة تريد .
اها العبارة دي ( جميلة ) ولا ( قبيحة )

Quote: يا أخوانا الكلام دا فى حسيب ورقيب بيكتبوه.

قصدك رقيب عتيد ... بالمناسبة هل هم ملكين ولا ملك واحد ؟

Quote: خافوا الله ونقد والحزب ديل زايلين ونحن كلنا زايلين، الغاية لا تبرر الوسيلـة.

الواو بين اسم الجلالة الله وعبد الله ( نقد ) والحزب ونحن مع تكرار زايلين (زائلين ) تذهب بالمعنى لقارئه وتورده مورد الهلاك .....

الغاية لا تبرر الوسيلة من فضول الكلام ....

تحياتى

ابراهيم ... لستة محدودى الدخل

هذا ما كتبه الاخ أبوالريش - قدس الله سره - بالجد جد في بوست إفترعه :

Quote: ما كتبته فى فوراول عن بعض أو معظم أعضاء اونلاين يحتج عليه من تضرر منه شخصيـا.. أى إحتجاج من اخرين فلا رد عليه. ولا ينبرى أحد بأنه الممثل الشرعى للأعضاء.. وحين أقول من تضرر أقصـد من يرى أنه ينطبق عليه ما كتبته أنا هناك. أنتم الأن تكتبون إسم ابوالريش وهو لم يكتب إسم أى منكم، وهـذا تعدى.

جبت الكلام ده هنا عشان الناس اللي بفتكرو إنو الناس متكالبه علي أبوالريش و ما مدياهو فرصه يعتذر !!

العزيزان كمال عباس و طارق جبريل
دا من اصلكم و نقاءكم يديكم العافية

الاخ ابو الريش
احترم موقفك مني بعد التداخل معي بعد يومنا هذا في منبرنا هذا
لكن من ناحيتي لن امتنع من تناول ما اراه يحتاج التناول من
مشاركاتك او اي امر انت طرف فيه او اصيل.. و لا حرج عليك ان لم
ترد علي م قد اقوله عن متعلق بك..

كدي قبل ما نخش في موضوع أبوالريش ده تاني ، داير أصحح معلومه مهمه للأخوان طمبس و علي بشير لانو شايفهم قدحو باحقيتي للإ ماره :

Quote: وبما انو امين طلع نقريطى امريكى ح نقوم ننزع منو الاماره النقريطيه

أول حاجه يا علي بشير أنا من نقريطة ابوروف أبا عن جد ، عندي تلاته (كشاشات) و( نقريطي) و ( زنانه) أهو دي قاعده جنبي ، أمريكا دي ساكنين فيها بس لكن السودان ساكن فينا من جوه !!
طمبس البتفاصح ده (زنانتو) في حته و هو في حته ،لا كشاشه لا نقريطه ما عندو ، فمن أحق بالإماره ؟!!

Quote: يا جماعـة الواحد يبسط الموضوع أكتر من كدا كيف عشـان البعض يفهمه، ياخ فى أكتر من حتة فى أكتر

هو في اسنو ؟؟

لم يتكرم ابو الريش عليّ بالإجابة ..
اذن و الله المستعان ..
في فوراوول غالبية عضوية المنبر هنا بسطاء و قليلي الثقافة.
و في سودانيزاون لاين من يغضبون من هذا الكلام هم شيوعيون و آخرون لا يستحقون حتى التصنيف.

المسافر و حمور اللحمر
إنتو حركات الشيوعيين دي ما دايرين تخلوها ؟











-------
بالمناسبه يا أبو الريش التجاني الطيب مرات بكتب بإسم المسافر ده ، و ماشين في السكه نمد !!

Quote: حمور اللحمر

للتوضيح فقط ..
أنا لا علاقة لي بالوز .. لا من قريب و لا من بعيد .. لا من الأمام .. لا من الخلف.

حمور اللحمر صديق الوز
تصدق و تامن بالله ، أبوالريش ده مره فتح بوست قال إنو عمر سليمان مدير المخابرات المصري و رجلها القوي جاء السودان زياره لدعم حزبنا الشيوعي بعد أن كشف - أبو الريش الكشف - عمالة الحزب الشيوعي ، تاني أعيد الكلام لانو عارفو صعب ما بتفهم ببساطك دي :
أبوالريش فتح بوست في سودانيسونلاين حقت بكري أب صلعه الواحد ده كشف فيهو عمالة حزبنا الذي سقيناه بماء العيون ، شايف كيف ؟ قامو المصريين رسلو عمر سليمان مدير المخابرات عشان ياكد لحزبنا إنو هم حا يكونو معاهم في الانتخابات و ...الخ ، شايف كيف ؟
و اللذيذه إنو أنا اداخلت معاه لانو ما صدقت إنو هو قاصد كده
كان ما مصدقني ، عاين هنا :
زيارة عمـر سايمان أمس للخرطوم، وعلاقتها بكشف عمال... الشيوعى للمصريين!
تعرف لو كنت اتذكرت الفلم ده ، ما كان فتحت البوست ده ذاتو .








------------
عندنا إجتماع للكوادر السريه للحزب بيبدا بعد ساعه كده ، لو ما رجعت تاني معناتها العناصر المندسه إغتالتني !!

Quote: حمور اللحمر صديق الوز تصدق و تامن بالله ، أبوالريش ده مره فتح بوست قال إنو عمر سليمان مدير المخابرات المصري و رجلها القوي جاء السودان زياره لدعم حزبنا الشيوعي بعد أن كشف - أبو الريش الكشف - عمالة الحزب الشيوعي

دا أمين اللى حالك تؤمن بالله تقولنى ما لم أقل بأنى قلت "إنو عمر سليمان مدير المخابرات المصري و رجلها القوي جاء السودان زياره لدعم حزبنا الشيوعي"؟
ما قلته كان محاولة تحليل لتوقيت الزيارة وحتى الأن لا أستبعد ذلك، ولكن لا العنوان ولا الموضوع يعطيك الحق أن تقول أنى قررت بأن الزيارة
كانت لمكافأة الحزب (الذى فعلا خان الوطن وإعترف على لسان سكرتيره بمصريـة حلايب).

هـذا ما قلته تسهيلا للقراء:

Quote: لماذا فى هـذه الأيام التى كشفت فيها عمالة الحزب الشيوعى لمصـر فى موضوع حلايب، يزور أكبر جاسوس فى مصـر وهو اللواء عمر سليمان الســودان؟ هل هـذه صدفـة؟ حلايب من القضايا الإستراتيجية لمصـر، ولا يمكن أن تفوت فرصـة إعتراف قائد سياسى سـودانى بحلايب للمصريين ويتركونها تفوت دون أن يضربوا على الحديد وهو سـاخن.. وهم يرون الحزب الإتحادى الديمقراطى ضعيفـا وممزقا لا يعتمد عليه كحليف... ومن جهـة أخرى فإن الشيوعيين قد يغتنموا الفرصـة لملئ فراغ الإتحاديين فى السياسة المصرية.. وربما لذلك، وعمدا، سـرب محمد إبراهيم نقـد ذلك التصريح الذى فيه يعترف بمصرية حلايب وينفى أنها أرض ســودانية! فهل جاء سعـادة اللواء عمـر سليمان ليؤكد للشيوعيين أن مصـر ستقف معهم فى الإنتخابات القادمة؟ وإنها أى مصـر تعتبرهم حليفا إستراتيجياً فى الســودان؟ لا أستبعـد ذلك، فمن المعلوم أنه، وكما بدأت أمريكا فورا فى البحث عن عدو بديل بعد الإتحاد السوفييتى، ووجدوه فى الإسلام المتطرف والأصولى، فإن الحزب الشيوعى الســودانى لم يقدر العيش فى فراغ، فكان لا بد من البحث عن (صديق) بديل للإتحاد السوفييتى، لأن هيكل الحزب النظرى والنفسى مبنى (ومدبوغ) على الإعتماد على الخارج، ولا يستطيعون كسـر هـذه الحلقة إلا إذا غيروا المنهج والإستراتيجية التى يقوم عليها الحزب، وهـذا ما سـار عليه المرحوم الخاتم عدلان ورفاقه.. والشيوعين لا يرون ذلك بطبيعـة الحال، لأنهم داخل القوقعـة، فلا لوم عليهم، ولكن الأذكياء منهم ربما لاحظوا تقرب قياداتهم من الأخوان المسلمين وزعيمهم الترابى، ومرة (التلبط) فى الحركة الشعبيـة... ولكن كل هـذه التحالفاات أو المناجاة لم تجدى وهى فى أحسن أحوالها مؤقتة ببرنامج معين مثل موسم الإنتخابات... وفى ذات الوقت فإن مصـر دولة كبيرة وقويـة، وهناك كلمـة سـر واحدة فقط تمكن من كسب (صداقتها) وهى كلمة "حلايب"! فمن كان مستعـدا لبيع ارضه ووطنه فيستطيع الإعتماد عليه (ويستحق الدعم الكامل)... الأيام سـوف توضح.

نتفتفو ريش الراجل وخليتوهو يفقد المنطق لكن ،، وياحمور مش كويس
انو بيتكلم معانا وبي كل بساطة وسذاجة ويقول ليك انت شيوعي وملحد
زكرني حركات الكيزان زمان لما يفقدو المنطق ،، فبالله خلوهو لغاية كده
عشان لو بدا يتكلم بمستوى اعلى يمكن يطلعكم ماسونيين

Quote: أنا لا علاقة لي بالوز .. لا من قريب و لا من بعيد .. لا من الأمام .. لا من الخلف

الفي راسو ريشة قالو بيحسس على بطتو

الأخوين كمال عباس وطارق جبريل،

لو فى زول واحد كان يحترم نصار أكون أنا القدامكم دا..

لكن لن أسمح لأحد أن يعتدى ويقول أنا مهادن وو..الخ، فى الوقت الذى كنت أسطر فيه شعورى بكل إخلاص.

هـذا إتهام بالنفاق مردود عليه ولن أسمح لأحد أن يتهمنى بالنفاق.

لو علق أى واحد منكم على هجومه وتعديه لما رددت عليه إحتراما لكم.. لكن عشان تتركوا ما قاله لى من

إهانة ولا تعلقوا عليه حتى الأن ثم تدافعون عنه فهـذا أمر غريب.. ما قاله كان صدمـة لى فى الحقيقـة لأنى

لم أتوقع هـذا منه هو شخصيـا.

البوست ده زي لما تجي راس السنة الجديدة
وتلقاك في مكان غير المكان الكنت فيهو
رأس السنة القبل الفاتت..


----------------
في حد فاهم حاجة?

أبو الريش من بوست كيكي :

Quote: هسى إفتكروا ممكن يسكتوا ابوالريش لحد ما يمرروا خزعبلات الحزب ونفاقه لأهل الشرق أثناء الإنتخابات. يعضهم يقول ليك نحن ما أعضاء فى الحزب، هو إنتو تلاميذ الترابى كيف ما تقولوا كدا؟

ياخي الله يرضي عليك ما تجهجهنا ، عندنا إجتماع بعد أقل من ساعه ، شيوعيين ولا مع الترابي ؟ لانو ناس الترابي عندهم إجتماع بعد ساعه و نص !!
حدد لي سريع ، جزاك الله خيرا أخي أبا الريش .










-------
ما معروف خاشين ياتو إجتماع لكن للضمان كده : جاهزين جاهزين لحماية الدين !!

Quote: البوست ده زي لما تجي راس السنة الجديدة وتلقاك في مكان غير المكان الكنت فيهو رأس السنة القبل الفاتت..

عبد المنعم البسيط ده يا أبوالريش كوز ورجل لا نزكيه علي الله : النوع البكون بعذب الناس في بيوت الاشباح بيد و شايل المصحف في اليد التانيه !









‎---------------
لا لدنيا قد عملنا ، نحن للذين الفداء !!

Quote: عبد المنعم البسيط ده يا أبوالريش كوز ورجل لا نزكيه علي الله : النوع البكون بعذب الناس في بيوت الاشباح بيد و شايل المصحف في اليد التانيه !

هههههه



أسكت ياعميل ياخاين..
لا نسمح بأي تدخل أجنبي..
وفتح الباب للصهاينة
واليهود..

يا أبا الريش الذي برمج بينا من امبارح
لانو كلامك الجبتو فوق كان عايم أنا سالتك :

Quote: سلام يا أبو الريش و كل سنه و إنت و أسرتك طيبين عندي سؤال قبل ما أعلق علي كلامك Quote: لماذا فى هـذه الأيام التى كشفت فيها عمالة الحزب الشيوعى لمصـر فى موضوع حلايب، يزور أكبر جاسوس فى مصـر وهو اللواء عمر سليمان الســودان؟ هل هـذه صدفـة؟ هل الضمير في كشفت راجع ليك إنت و ببتقصد بوستك بتاع محمد إبراهيم نقد ؟ ولا راجع لجهه أخري هي الكشفت عماله الشيوعيين و لو ده القاصدو ممكن تسمي الجهه دي ؟

و دي إجابتك :

Quote: الأخ امين محمد سليمان، فعل ماضى مبنى للمجهول. الأستاذ نقد هو الذى كشف رأيه هـذا فى حديث لوفد من كجبار. ارجو أن أكون قد اجبت على الســؤال.

و ده ردي ليك :

Quote: أجبت يا أبو الريش ، أجبت تماما ! إذا إنت تقصد إنك من كشف عماله الشيوعيين بفتحك للبوست المذكور و إيرادك لشهادة الأخ عبدالحكيم عضو وفد كجبار اللي هو نفسو مستنكر نتيجتك الوصلته ليها بعمالة محمد إبراهيم نقد خليه عماله الشيوعيين كلهم !!. و بتتسآل : Quote: لماذا فى هـذه الأيام التى كشفت فيها عمالة الحزب الشيوعى لمصـر فى موضوع حلايب، يزور أكبر جاسوس فى مصـر وهو اللواء عمر سليمان الســودان؟ هل هـذه صدفـة؟ يعني يا أبو الريش الحكومه المصريه قرت البوست حقك ده و لقتك كشفت عماله الشيوعيين ليهم ، قامت رسلت رئيس مخابراتها اللي هو أكبر جاسوس في مصر حسب كلامك !! عليك الله خلينا نحن البنقرا ديل ، إنت بينك و بين نفسك ما شايف إنك جافيت الموضوعيه بكلامك ده ؟!

و تاني ما تداخلنا ، و ده ما كان فهمي أنا بس ، ده فهم كل الناس الشاركو ، و كلامك ده واضح يا سعادتك .









--------
الثورة ، الحرية الحمراء شمس لا تغيب !!

ليك علي يا أبو الريش : طالما أنا صاحي و ما عندي إجتماع كادر بعرفك بالمتداخلين :
الاخ الجا خت الفيديو ده إسمو علي بشير ، من نقاريط الشماليه : شايقي مشلخ كان أنصار سنه و بقي جبهه ديمقراطيه و هسي كادر عنف سري لحزبنا ، يعني بديك بونيه و بختفي ، شايف كيف ؟
بتكون لاحظت الاحترافيه في ختة الفيديو بكل هدوء و سريه .

أمين محمد سليمان

أهنئكم علي جدارتكم ببوستكم هذا في نيل كاس البسطاء وعديمي...

شايف ما شاء الله جمهورك كبير وواعي

كتر الله من أمثالكم

والبسطاء لا غني للناس عنهم

موافق؟؟

حسن طه ده يا أبوالريش شيوعي منذ آلاف السنين ، كنا بنجتمع في بيتهم و بنطبع المنشورات بمكنة الرونيو الداسنها في المطبخ .

أها يا أبوالريش مواعيد الاجتماع جات ، حا اتطلب الله وأوعي تفتكرني ماشي أنوم ، نحن من السادس ما نمنا !!












--------
ننوم و كيف و إنت كشفت مخططاتنا كلها ؟

Quote: ننوم و كيف و إنت كشفت مخططاتنا كلها

تمام سعادتك
بسطاء ما حول الوادى الغير ذى زرع يؤكدون جاهزيتهم
لسد الورديات (حتى لو نتمها ليكم موية ساى)

______________________
سهر الوز (الجداد سابقا) ولا نومه

Quote: حتى لو نتمها ليكم موية ساى

كضاب يا ود التجاني
إنت ال stock بتاعك ما قاعد يكمل

نوته إزيك والله مكالمتك معاي الليله ردت لي الروح

والله ياخال قريت البوست دا كلو .. مداخلة مداخلة ( تبقي علينا عدم قراية كمان ) ؟
ووصلت لي إنك زي البتنفخ في قربة مقدودة ( إذا كنت منتظر إعتذار من الأخ ابوالريش )
فحقو ياخال تكون واقعي شوية وتجلي الموضوع ..




ـــــ
وبإختصار رسالتك وصلت .. وربنا يجزيك عننا كل خير ..
التوقيع :
واحد من الأعضاء المسجلين في لستاتك التلاتة .

Quote: كضاب يا ود التجاني إنت ال stock بتاعك ما قاعد يكمل

ابكدوك يا اخو الضلال
والله استوكاتنا بقت بس بامبرز
وادوية الحموضة لاغير

وين الكاهن صاحبك

بدر الدين اسحاق احمد

Quote: قائمه بأسماء البسطاء و قليلي الثقافه بالمنبر !!!

اذا كانت الثقافــة عنوان بيــت ..

تب ودالصايم

Quote: هوي .. أنا ما معاكم [ انا مع ود الصايم

---

Post: #231 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-18-2010, 05:15 PM Parent: #229 Quote: طبعا عارف الظروف الفي البلد هنا يعني بدل ما امشي افتش دهب في المكان البعيد داك حقو ترسل لي كم كيلو دهب من بتاع حلايب باي مسمى كدا رسلو لي لحدي اي مكان في ام درمان اقول اتصرف . أبو القاسم الجديد ياخي نحن في الحزب كمان ما عووره بنوزع ذهبنا ساي كده قبل ما نتاكد منك ، هسي إنت كادر سري تبع وين ؟ إدارة نقد ولا الترابي ؟

---

Post: #232 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-18-2010, 05:19 PM Parent: #231 Quote: بسطاء ما حول الوادى الغير ذى زرع يؤكدون جاهزيتهم لسد الورديات (حتى لو نتمها ليكم موية ساى) أحمد التجاني يا صديق الوز في المدارات البعيده ياخي والله أبوالريش ده تعب معاكم ، قدر ما يبسط برضو ما دايرين تفهمو . هسي هو بدرس في إختراع لكتابة المداخله في شكل محايه ، عسي و لعل !!

---

Post: #233 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-18-2010, 05:29 PM Parent: #232 Quote: نوته إزيك والله مكالمتك معاي الليله ردت لي الروح والله زمن يا نادر !! عليك الله يا أبوالريش إنت بتبسط كلامك عشان زول زي نادر ابوكدوك ده يفهمو ؟ والله يا أبا الريش (لقد جئت شيئا فريا ) !!!

---

Post: #234 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-18-2010, 05:33 PM Parent: #233 Quote: اذا كانت الثقافــة عنوان بيــت .. يا بدر ربما لو لم يكن هذا (الأبوالريش ) ما عرفنا قيمة الضوء الطليق !!

---

Post: #235 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-18-2010, 05:38 PM Parent: #234 Quote: انا مع ود الصايم طيب إنت ما البساطه و محدودية الفهم و قلةالثقافه ذاتها ! ود الصايم ده سبب أساسي إنو أبوالريش حا ينزل مداخلاتو تاني في شكل دربات في العضل !!

---

Post: #236 Title: Re: قائمه بأسماء البسطاء و قليلي الثقافه بالمنبر !!! Author: Tragie Mustafa Date: 02-18-2010, 05:45 PM Parent: #235 اسماء قتلة الطالب محمد موسى يا صلاح غريبه ياها جرائمكم ياها.....موثقه...تقول لي شنو؟؟؟ كتب عاطف عابدون.... Quote: تحصلت مصادرنا في الداخل عن معلومات هامه وخطيره حول اغتيال الشهيد محمد موسي وتعذيب رفاقه القابعين الان بسجون النظام منذ مايقارب العام شننشر عبر هذا البوست اسماء ومعلومات وتفاصيل غايه في الخطوره ولان الامر لا يتحمل المقدمات لان الامر يتعلق بارواح من هم بالداخل الان ولان صمتنا عن فضحهم سيجعلهم يتمادون في جرمهم لذلك وبدون اي مقدمات Quote: المتهم الاول هو المسؤل الاول عن ملف الطلاب بحركة تحرير السودان الجبهه الشعبيه المتحده UPF المتهم هو الذي تولي امر اعتقال وتعذيب مستشار مني اركو مناوي عبد هاشم لمدة شهرين وهو الان يعاني من مشاكل صحيه جراء التعذيب تخرج المتهم في الكليه الحربيه 2001 ثم التحق بجهاز الامن 2004 تحصل علي ترقيه إستثنائيه لرتبة رائد لدوره الفعال في التحقيق مع ابناء دارفور بعد احداث امدرمان وهو الذي حقق مع عُشر وتولي تعذيبه هو احد الضباط الذين اغتالوا الجمالي متزوج ويسكن منطقة (السلمه) المتهم الرائد عثمان ابو شنب Quote: المتهم التاني معاويه كمال 1975 الزعيم الازهري علوم سياسيه كان الكادر الخطابي لحركة الطلاب الاسلاميين الي ان تخرج عام 2001 ثم التحق بالكليه الحربيه ثم جهاز الامن 2002 حصل علي درجة الماجستير في الاسرائيليات متزوج احد الذين تولوا التحقيق مع الشهيد وتعذيبه Quote: المتهم الثالث معتصم 27 عاما يسكن منطقة الكلاكله القبه كان احد المسئولين عن تعذيب المناضل عمار نجم الدين بصفته مسؤولا عن الملف النوبي ايضا عثمان ومعاويه ومعتصم هم الآن يواصلون جرمهم بشكل يومي بتعذيب الشرفاء من ابناء دارفور اننا نحملهم بشكل شخصي المسؤوليه في حالة حدوث مكروه للمعتقلين الدارفوريين بسجون النظام سنحاول هنا حصر من وردتنا معلومات عنهم مصطفي شريف محمد upf من ابناء زالنجي تم اعتقاله 21 ابريل 2099 عبد السلام الشيخ 23 عاما من ابناء نيالا اصيب برصاصه في (الحوض) اثناء هروبه حيال مداهمة جهاز الامن لمنزلهم طه محمد زكريا هندسه المستوي الثاني من ابناء الجنينه الغالي ابراهيم تنمية مجتمع جامعة جوبا من ابناء كتم حامد ادم آداب النيلين المستوي الثالث عبد المنعم احمد جامعة الخرطوم عمر عبد الصمد امدرمان الاسلاميه كلية الاعلام تريخ الاعتقال 21 ابريل حسن جمعه الامام المهدي اداب احمد عيسي شرف الدين 22 عاما السودان تجاره نور الدين زكريا الزعيم الازهري من ابناء زالنجي اعتقل في 3 يونيو 2009 حنفي عبد الرازق امدرمان الاسلاميه زراعه اعتقل 3يونيو 2009 حنفي ونور الدين اعتقلا معا امام بوابه جامعه الخرطوم الرئيسه عبد السلام الشيخ اعتقل في 15 ابريل 2009 ثم تم تحويله الي سجن دبك بتاريخ 4 يوليو 2009

---

Post: #237 Title: Re: قائمه بأسماء البسطاء و قليلي الثقافه بالمنبر !!! Author: احمد محمد بشير Date: 02-18-2010, 05:52 PM Parent: #236 , , , إعــــلان .. هذا البوست يجب أن يرفع كل لحظة لتذيد المشاهدة ويستفيد البسطاء من مــاء كُتِبَ فيه

---

Post: #238 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-18-2010, 06:30 PM Parent: #237 سيدنا الذي في شغاف قلوبنا Quote: والله ياخال قريت البوست دا كلو .. مداخلة مداخلة ( تبقي علينا عدم قراية كمان ) ؟ ووصلت لي إنك زي البتنفخ في قربة مقدودة ( إذا كنت منتظر إعتذار من الأخ ابوالريش ) فحقو ياخال تكون واقعي شوية وتجلي الموضوع .. يقول سارتر " الجحيم هم الآخرون" ! أنا أقول " الجحيم هم أبوالريش و أمثال أبوالريش " الذين لا يتورعون أن يوصمو أكتر من سبعه ألف بشر من المبشورين بالبساطه و قلة الثقافه ، سبعه ألف بشر منهم زي سته ألف و تسعميه تسعه و تسعين مبشور أعمق منه منطقا و أكثر منه ثقافة و معرفه , شايف كيف ؟ الترموميتر العاطفي بتاعي في البوست ده يا سيدنا بدا بزعل عبرت عنو في شكل سخريه ، كنت مستني أبوالريش يجي يدينا تبرير للكلام ده ، إعتذار ، إبانة ما خفي عنا نحن البسطاء ديل ، أبوالريش جا في الأول عملها مضحكه و بعد داك جا بالتبريرات الفطيره بلبن من شاكلة إنو هو ما أساء لشخص بعينه و إنو الهجوم عليهو ما هو إلا مخطط من الحزب الشيوعي لإلهاء الناس عن فضيحتهم في حلايب ، تبريراتو ممزوجه بإستعلاء و عزه بالإثم عجيبه جدا وصلت لحد التهديد و إنو لحدي الآن ما نزل لينا شواطينو ، شايف كيف ؟! بعد ده جا كلام العوض . والعوض هذا من أعمق الناس في هذا المكان و قال إنو لعل أبوالريش عايز يعتذر و نحن ما مدينو فرصه ، و لأن القصد من هذا البوست ما إغتيال شخصية أبوالريش و لا عندي معاهو أي مشكله شخصيه أو غبينه من أي نوع ، كتبت هذا الكلام : Quote: يا ابوالريش أنت تعلم تماما إنو أنا ما عندي معاك أي مشكله شخصيه بالعكس توجد موده و مداخلات كتيره و معارك حواريه وقفنا في بعضها في خندق واحد و في بعضها كنا طرفي نقيض فما غاب الاحترام يوما . إنت كتبت كلام مسئ و قبيح في حق ناس كانو بيحترموك و يقدروك و الناس دي كلها علي إختلاف مشاربها و اتجاهاتها السياسيه و الفكريه قالت ليك كلامك ده أعوج . كلنا بنغلط حق أنفسنا و في حق الناس فلماذا لا تعتذر للناس و ننهي مسرح العبث ده و ننصرف راشدين ؟! كتبت الكلام ده يا سيدنا ، بفتش لي في مخرج لابوالريش عشان يمرق من الحته الدخل نفسو فيها دي بدون ما نريق ماء وجهه و هو الذي أراق ماء وجوهنا في اسافير الله الواسعه ، شايف كيف ؟ و بدل ما يعتذر للناس و ننهي الفلم ده ، مشي فتح بوست (مشيت أجيب كوتات منو ما لقيتو ، ما عارف أب صلعه وده الكزيرمه و لا حاصل شنو ما عارف ) فيئست من اعتذاره كما يئس الكفار من أصحاب القبور ، عشان كده ماني مستني منو إعتذار . و وقع لي تماما بساطتو و سطحيتو و عدم فهمو للأمور و لو أبوالريش ما سطحي و بسيط يا سيدنا من الأساس ما ممكن يكتب كلام زي ده و لا يجي يبرر تبرير زي ده . شايف كيف* ؟ --------- شايف كيف* ؟ : إحدي تجليات سيدي حسن موسي قدس الله سره !!

---

Post: #239 Title: Re: قائمه بأسماء البسطاء و قليلي الثقافه بالمنبر !!! Author: rani Date: 02-18-2010, 07:14 PM Parent: #238 امين الذول دا وصلتو معاهو وين؟

---

Post: #240 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-18-2010, 07:36 PM Parent: #239 شكرا تراجي و أحمد لرفع البوست .

---

Post: #241 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-18-2010, 07:40 PM Parent: #240 Quote: امين الذول دا وصلتو معاهو وين؟ والله يا راني ، الزول ده ما وصلنا و لا دايرين نصل معاهو لأي حته ، هو إختار الانتحار علي أسوار المنبر قافزا من عيون الناس في هذا المكان ، حاولنا ننقذو فشلنا . لله الامر من قبل ومن بعد .

---

Post: #242 Title: Re: قائمه بأسماء البسطاء و قليلي الثقافه بالمنبر !!! Author: السيد المسلمي Date: 02-18-2010, 08:45 PM Parent: #241 شكراً ياخال علي الرد الضافي .. ـــــ اعف لي ياخال لاني شايف نفسي أتعبتك شديد !! منك لله يا أخانا الذي كايرو

---

Post: #243 Title: Re: قائمه بأسماء البسطاء و قليلي الثقافه بالمنبر !!! Author: الصادق اسماعيل Date: 02-18-2010, 08:52 PM Parent: #242 ==

---

Post: #244 Title: Re: قائمه بأسماء البسطاء و قليلي الثقافه بالمنبر !!! Author: احمد صديق Date: 02-19-2010, 06:43 AM Parent: #243

---

Post: #246 Title: Re: قائمه بأسماء البسطاء و قليلي الثقافه بالمنبر !!! Author: Amany Elamin Date: 02-19-2010, 09:22 AM Parent: #244 أمين خال حمّور سلامات .. Quote: يا أخوانا الكلام دا فى حسيب ورقيب بيكتبوه. حسيب ده منو؟ بيكتب معانا هنا؟

---

Post: #247 Title: Re: قائمه بأسماء البسطاء و قليلي الثقافه بالمنبر !!! Author: حمور زيادة Date: 02-19-2010, 09:25 AM Parent: #246 غايتو يا اماني الانا عارفو انو حسيب دي داخلية.

---

Post: #248 Title: Re: قائمه بأسماء البسطاء و قليلي الثقافه بالمنبر !!! Author: Amira Elsheikh Date: 02-19-2010, 12:23 PM Parent: #247 فترنا من القراية والجرى ,,,, اقتراح ,,,, نقترح ابو الريش يفتح بوست باسمو وينسخ مداخلتو واى زول عندو كلام ,,تعليق,,, تفكيك ,,,راى,,, شجب ادانة,,,اشادة ,, كسير تلج ,,,ردم ,,,اعتراض ,,, دعم ,,مؤازة,, زعل,, حقد طبقى, يجو يختو ويبقى يا دار ما دخلك شر لانو والله بالجد تعبنا من المساسقة بين البوستات وراسنا ضرب ,, اما يبفى انكم لم تاتو لحوار ولا نقاش ,, _____________________________ امين عليك الله الخلاصة

---

Post: #249 Title: Re: قائمه بأسماء البسطاء و قليلي الثقافه بالمنبر !!! Author: خضر حسين خليل Date: 02-19-2010, 12:31 PM Parent: #248 ما أتيت لحوار يا أمين حرم ما أتيت لحوار ولا يحزنون البوست ده فخ لصرف الناس عن القضايا الرئيسية

---

Post: #250 Title: Re: قائمه بأسماء البسطاء و قليلي الثقافه بالمنبر !!! Author: الوليد محمد الامين Date: 02-19-2010, 03:51 PM Parent: #249 العزيز أمين التحايا والاحترام الذي تعلمه ، أها ، اذا فككنا كلام الاخ ابو الريش مثار الخلاف قد نخرج ببعض الملاحظات : Quote: لأن هناك الكثيرين جدا من الأعضاء، إن لم تكن الغالبية العظمى بسطـاء وأيضا منهم قليلى الثقافـة طيب ، اذا اعتبرنا المنبر دا صورة مصغرة للسودان ، وهو بالنسبة لي كذلك ، فنسبة الامية في السودان مرتفعة جدا ، ولفظة البسطاء الاستعملا ابو الريش هنا لولا انها وردت في سياق كلامو ما كان اثارت الحساسية دي ، فغالب الناس في السودان من البسطاء ، هل زعل الاخوة في البورد من وصفهم بالبسطاء مقرونا بقلة الثقافة بيعني انهم كلهم غير بسطاء وذوو ثقافة عالية ؟ الكلام هنا عن الغالبية : هل الغالبية بهذا المنبر من اصحاب الثقافة العالية ؟ اعتقد انو المسألة الزعلت ناس كتار هنا من الاخ ابو الريش هي زي دي : Quote: عندما أكتب فى ســودانيز أونلاين فأتبع أسلوب الكلام العادى المباشـر و Quote: ولو أتبعت ذات الأسلوب الذى أكتب به هنا، فإن معظمهم سـوف يرى ما أكتبه غير واضح فى مجمله، وغير متماسك. بمعني انو الناس شافت او رأت انتقاد واستصغار لشأنها بالمقارنة مع كتاب منبر اخر هو سودانفوراول في الحالة دي ، من ناحية تانية عند المقارنة بين سودانيزاونلاين وسودانفوراول فسودانيزاونلاين اصبح اكثر اتجاها للناحية الخبرية منو للناحية الفكرية التحليلية ، بأقول اكتر لأنو لا تزال هناك الكتبات الجادة والمفيدة هنا ...و لكن ! بالمقابل سودانفوراول بعضويتو القليلة بالمقارنة بسودانيزاونلاين بيتجه اكتر للحراك المثاقفي مع وجود استثناءات برضو ، الملاحظة او المفارقة هنا انو عددكبير من كتاب الفوراول ان لم يكن اغلبهم هم كتاب او مشتركين هنا بسودانيز ، المدهش اكتر انك تجد نشاطهم هنا اكتر من هناك ! الأكيد انو سودانيز بيدي فرصة اكبر للظهور كونوا المزقع السوداني الاكثر قراءة ، لكن في النهاية كم يمثل القراء في سودان الراهن وكم يمثل منهم قراء الانترنت ! خلاصة الكلام بطريقة اخري هل تظن ان الغالبية هنا - علي تعبير ابو الريش نفسه مرتفعي الثقافة ؟ السؤال ليس تقريري ولا تجريمي ، السؤال فقط للنظر لكلام ابو الريش الذي قيل بطريقة غير لائقة في نظري - النظر اليه من جهة أخري . اخر حاجة استغربت جدا انو تتفتح للموضوع دا زي خمسة ستة بوستات !

---

Post: #251 Title: Re: قائمه بأسماء البسطاء و قليلي الثقافه بالمنبر !!! Author: محمد البشرى الخضر Date: 02-19-2010, 05:00 PM Parent: #250 Quote: خلاصة الكلام بطريقة اخري هل تظن ان الغالبية هنا - علي تعبير ابو الريش نفسه مرتفعي الثقافة ؟ بعد إذن أمين أجاوب على السؤال من وجهة نظري لا تعتبر الغالبية هنا او تصنّف تفسها من مرتفعي الثقافة - أو المثقفين ساكت حتى طيب دا بقود لتساؤل تاني , مادام كلام أبوريش صاح الغالبية دي قوّمت الدنيا ليه؟ لأن الغالبية دي نفسها لا ترى في أبو ريش - وكثيرين غيره - أولائك المرتفعي الثقافة الذين قد يجوز لهم تقييم الآخرين ووصفهم بالبساطة وقلة الثقافة

---

Post: #252 Title: Re: قائمه بأسماء البسطاء و قليلي الثقافه بالمنبر !!! Author: الوليد محمد الامين Date: 02-19-2010, 10:28 PM Parent: #251 التحايا يا محمد البشري وشكري الجزيل لاهتمامك بالرد .... طيب ، Quote: لا تعتبر الغالبية هنا او تصنّف تفسها من مرتفعي الثقافة - أو المثقفين ساكت حتى الكلام دا صحيح من الناحية النظرية ، يعني الغالبية دي كلها او جلها ح تجاوب نفس اجابتك دي نظريا ، لكن في اول اختبار حتنفي الاجابة دي عمليا ، بمعني انها ح تنتفض لكرامتا الثقافية والتقليل من درجة مثاقفتهم ، والامثلة لا تحتاج لايراد ! قبل كم سنة كدا يا محمد حصلت حاجة قريبة لي دي في المنبر هنا ، مجموعة من المبدعين طلعوا بيان في شأن يخص المنبر ، وسموه بيان من مجموعة من المبدعين بسودانيزاونلاين او حاجة زي كدا ، وتعال شوف : الغالبية اعترضت علي الجماعة ديل لوصف نفسهم بالمبدعين دون الاخرين ، يعني الاعتراض في درجة منو ما كان علي انو الجماعة ديل مبدعين والا لا ، لكن في مسألة الحصر ! المجموعة دي كان فيها يحيي فضل الله وخطاب حسن احمد ومحسن خالد واخرين لا أذكرهم ، المهم ، الغالبية اعترضت وبدت بالاستهزاء بيحيي فضل الله وخطاب وهكذا ! طيب ، بالنسبة لي انا ما بفهم في الكورة ، لا يضيرني ابدا انو اوصف باني من البسطاء هنا ، الكلام بطريقة تانية : هل اذا كان الاخ ابو الريش قال انو ناس المنبر هنا بسيطي المعرفة فيما يخص الكورة او الانتاج السينمائي كانوا ح يزعلوا ؟ رأيي لا ! لكن اول ما القصة تبقي ثقافة السودانيين كلهم بيبقوا مثقفين ! اهي المشكلة هنا ، واحد كل كده الثقافي بوستات في سودانيزاونلاين علي شاكلة : باركوا لي شبطي الجديد ، أو سبحان الله: غنماية تضع توأما برأس بوكيمون ! أو : عاجل: انفجار بلونة في حدايق الشعب .... واحد او واحدة زي ديل بيعتبر كتابتو في الانترنت دليل ثقافة ، اذا كان المثل بتاعنا بيقول القلم ما بزيل بلم ، فبرضو الكيبورد ما بزيد الفهم ! Quote: طيب دا بقود لتساؤل تاني , مادام كلام أبوريش صاح الغالبية دي قوّمت الدنيا ليه؟ اذا افترضنا جدلا صحة كلام ابو الريش - وانا لم أقل بذلك - فاعتقد اني جاوبت علي سؤالك في كلامي القبل شوية دا ، لو كان ابو الريش قال ما بفهمو في الكورة كان حتي البفهمو في الكورة ما اعتبروها اساءة ! Quote: لأن الغالبية دي نفسها لا ترى في أبو ريش - وكثيرين غيره - أولائك المرتفعي الثقافة الذين قد يجوز لهم تقييم الآخرين ووصفهم بالبساطة وقلة الثقافة في دي باتفق معاك ، لكن باضيف ليك انو الغالبية دي ما شايفة اي زول من حقو يوصفا بالبساطة وقلة الثقافة ، كان ابو الريش كان اكبر مثقف في البلد دي ! ودي يا محمد انا باعتقد انا مشكلة فينا في التعامل مع الحاجات كلها ، عليك الله استحمل شوية واقرا بعض الكتابات السياسية في البورد دا ، بعضها يكتبها ناس ذوي تجربة في العمل السياسي ، شوف الغالبية دي بترد عليهم كيف ! غايتو: ربك كريم .

---

Post: #253 Title: Re: قائمه بأسماء البسطاء و قليلي الثقافه بالمنبر !!! Author: محمد حيدر المشرف Date: 02-19-2010, 11:14 PM Parent: #252 الوليد سلامات وعساك بخير بالرغم من غضبى ( البسيط والمحدود الثقافه ) من أمين سيد البوست لتجاهلى التام وكأنى لم أكن بأونلاين شيئا مذكورا , بيد أنى استشعر شيئا من الخطوره الابداعيه والثقافيه تكفى لبذلها فى محاولة الرد عليك , أو تجاوزا إن شئت والتجاوز صفقة كبري لبيع الاحتمال .. نبدأ وفى شان مفهوم الثقافه ذاتو , أعتقد لزاما على المصطلح تفريقه أولا عن الابداع .. وإلا كان كل مثقف هو مبدع بالضروره , وذا غير صحيح يا عزيزى .. بالنتيجه أن بيان ( المبدعين ) إذ أدانوا هجمة التهكير كان موقفا قابلا ( للممايزه ) عن الآخرين وبعيدا عنهم بعصمة الابداع , وذا حقهم عنوة وإقتدار .. ورغم ذلك إستهجنا فرزهم العيشه عن سائر الجسد وكان ما كان من فتنة يستوى فيها القائم والقاعد و لا نعلم فيها الطالح من صالح الاعضاء أجمعين .. فالقياس إذن مختلف جدا .. كونى لست مبدعا - وأنا لست مبدعا - مقبول عندى أكثر من إتهامى بالبساطه حين إقترانها بالترفق فى اللغه وبسط المفاهيم شيئا فشيئا , رحمة بجهلى ربما ,, وربما لعدم القدره على مجاراة النسق العالى للغه .. هل تدرك ما أريد يا عزيزي .. أو دعنى أترفق فى بسط المعنى أكثر كى تفهم ؟!.

---

Post: #254 Title: Re: قائمه بأسماء البسطاء و قليلي الثقافه بالمنبر !!! Author: الوليد محمد الامين Date: 02-19-2010, 11:30 PM Parent: #253 سلامات يا محمد حيدر Quote: أعتقد لزاما على المصطلح تفريقه أولا عن الابداع .. وإلا كان كل مثقف هو مبدع بالضروره Quote: فالقياس إذن مختلف جدا .. كونى لست مبدعا - وأنا لست مبدعا - مقبول عندى أكثر من إتهامى بالبساطه حين إقترانها بالترفق فى اللغه وبسط المفاهيم شيئا فشيئا كامل اتفاقي معك هنا ، أوردت المثال للاشارة الي سلوك الغالبية ولم انتبه للخلط بين المفاهيم . Quote: .. هل تدرك ما أريد يا عزيزي .. أو دعنى أترفق فى بسط المعنى أكثر كى تفهم ؟!. أدركت ذلك مع الشكر يا محمد .

---

Post: #255 Title: Re: قائمه بأسماء البسطاء و قليلي الثقافه بالمنبر !!! Author: أبوبكر أبوالقاسم Date: 02-19-2010, 11:34 PM Parent: #252 Quote: قبل كم سنة كدا يا محمد حصلت حاجة قريبة لي دي في المنبر هنا ، مجموعة من المبدعين طلعوا بيان في شأن يخص المنبر ، وسموه بيان من مجموعة من المبدعين بسودانيزاونلاين او حاجة زي كدا ، وتعال شوف : الغالبية اعترضت علي الجماعة ديل لوصف نفسهم بالمبدعين دون الاخرين ، يعني الاعتراض في درجة منو ما كان علي انو الجماعة ديل مبدعين والا لا ، لكن في مسألة الحصر ! سلامات لأمين خال حمور وجميع الرهط والباقين وعديمى الثقافة .... اللهم أحيينى معهم وبهم. الوليد محمد الأمين سلامات ... منطلق كلامك الفوق دا ما صحيح ... أنا كنت من الباقين اللذين استنكروا كيفية صدور البيان ولكن ليس غيرة أو حسد أو غل ..... تعرف شجعتنى على التداخل والمشاركة بإعتبارى من الغالبية العظمى التى عناهاأبوالريش .... بس بعدما أحاول أقلل عنه أى مسحة يُمكن أن تُوصف بإدعاء الثقافة ... ولى عودة لإبراز وجهة نظرى.

---

Post: #256 Title: Re: قائمه بأسماء البسطاء و قليلي الثقافه بالمنبر !!! Author: محمد حيدر المشرف Date: 02-19-2010, 11:51 PM Parent: #255 الامين سلامات .. أوقن تماما أنك أدركت ما أريد .. إذن .. دعنا نتحدث عن مفهوم الاغلبيه , ويعتقد الكثيرون أنه - كمصطلح - يشير نوعا ما للغوغاء . وأوقن أن مفاهيم كبيره كالديمقراطيه مثلا ترعرت فى حضن هذا الاعتقاد الخاطى , ما علينا من هذا التطرف الفكري ولكن .. وكأنك تريد انتزاع الاعتراف منا وبالدونيه الفكريه أو الثقافيه لمجرد أن الكلام قد قيل فى forall !!.. وبإعتبار واقع الحال , أليس كذلك ؟..

---

Post: #257 Title: Re: قائمه بأسماء البسطاء و قليلي الثقافه بالمنبر !!! Author: الوليد محمد الامين Date: 02-20-2010, 00:11 AM Parent: #256 التحايا يا محمد حيدر Quote: وكأنك تريد انتزاع الاعتراف منا وبالدونيه الفكريه أو الثقافيه لمجرد أن الكلام قد قيل فى forall !!.. وبإعتبار واقع الحال , أليس كذلك ؟.. ليس كذلك يا محمد ، بل لا تهمني علي الاطلاق مسألة المقارنة بين هنا وهناك كمعيار للدونية الثقافية علي الاقل في اطار هذا النقاش ، فوراول منحاه العام هو ثقافي فكري احيانا بينما سودانيز يتحول شيئا فشيئا الي مصدر خبري مع وجود استثناءات مبهرة ربما للعد الكبير من المشتركين هنا ، ان عن لي انتزاع اعتراف فهو الخلل في الطريقة التي نعبر بها هنا كعقل جماعي - الغالبية - عن القدح في مكانتنا الثقافية لمجرد اننا كتاب بهذا الموقع ! ينطبق ذلك علي اشياء كثيرة في مجمل حياتنا السودانية . مودتي .

---

Post: #260 Title: Re: قائمه بأسماء البسطاء و قليلي الثقافه بالمنبر !!! Author: محمد حيدر المشرف Date: 02-20-2010, 00:35 AM Parent: #257 الامين .. والدنيا ليل , غريه وشجن لا شئ أكثر عبقريه من العقل الجمعى للمجموع , لا شئ أكثر إفصاحا عن كنهه كالعقل الجمعى يا عزيزى , ومنه تتمايز الاشياء لتستقل بذاتها فى عمليات الانتخاب والصلاحيه وتبدأ رحلة حجها المقدسه وصوبه ومن جديد ( صوب العقل الجمعى ) .. لذا دوما ما يكون فحوي ما يريد العقل الجمعى إنتخابا لمضامينه الشديدة الابداع .. أنوه هنا لزيف الادعاءات الهاتفه بجهل الغالبيه .. وإتهامها بالغوغائيه والخ .. عبقرية الاستمرار فى الحياة تتطلب ابداعا أكثر من مراهقة اللغة .. بسودانييزاونلاين حياة أكثر واقعيه من إتهامات بالضحاله الفكريه .. وأطعن وبصوره مباشره فى مصداقية ما يجري بسودان فورآول .. وهل كان - ما يجري هناك - انتخابا طبيعيا لما نشتهيه وطنا بحجم الوجود ؟! وهل كانوا تمثيلا ديمقراطيا أمثل للسودان ؟!.. وأى ديمقراطية تلك التى وبلا أعداء ؟.. بدون ( ودالباوقه ) مثلا .. وقطعا بدون ( غريبه ) ؟!!

---

Post: #268 Title: Re: قائمه بأسماء البسطاء و قليلي الثقافه بالمنبر !!! Author: الوليد محمد الامين Date: 02-20-2010, 01:59 AM Parent: #260 العزيز محمد حيدر Quote: لا شئ أكثر عبقريه من العقل الجمعى للمجموع , لا شئ أكثر إفصاحا عن كنهه كالعقل الجمعى يا عزيزى , ومنه تتمايز الاشياء لتستقل بذاتها فى عمليات الانتخاب والصلاحيه وتبدأ رحلة حجها المقدسه وصوبه ومن جديد ( صوب العقل الجمعى ) ذلك اذا لم تتم مصادرة العقل الجمعي من قبل جهة او ايدلوجية معينة ، هل ما نراه الان في الشارع السوداني هو تعبير عن عقلنا الجمعي ؟ ما نراه من الممارسة السياسية وتفسير البسطاء - تحتها خط - للدين هو تعبير عن عقلنا الجمعي ؟ في مسألة الدين دي انظر لما فعلته السلفية بالسودانيين ، صوتها العالي جهجه قطاعات كبيرة من الناس كنت تحسبهم اكثر وعيا واستنارة ، لاحظ قلة عدد المجموعة القايمة بالمصادرة وعلو صوتها رغم ذلك ، دا بينطبق هنا علي سودانيز باعتبارا مرآة لواقعنا بطريقة او بأخري ، ارجع لاي بوست حاول يناقش اي جزئية تمس الفهم السائد للدين ، شوف بعد داك اتجاه الحوار بيمشي لي وين اذا جاز تسميتو بالحوار ، ناهيك طبعا عن الكتابات البتتكلم عن الشيعة مثلا ببعض الانصاف او الموضوعية ، لا تزال طبعا للعقل الجمعي قوتو وسطوتو الكامنة الحتظهر متي اتيحت الفرصة بالسعي الدؤوب كان ذلك او بتصاريف القدر ، Quote: أنوه هنا لزيف الادعاءات الهاتفه بجهل الغالبيه .. وإتهامها بالغوغائيه والخ .. عبقرية الاستمرار فى الحياة تتطلب ابداعا أكثر من مراهقة اللغة .. معاك في النقطة دي لكن ما علي الاطلاق ، شوف الحاصل في الصومال وافغانستان علي سبيل المثال Quote: بسودانييزاونلاين حياة أكثر واقعيه . صحي ... لكن ما بالضرورة Quote: كثر واقعيه من إتهامات بالضحاله الفكريه فالحياة الواقعية لا تخلو من الضحالة الفكرية ... وسودانيز لا تخلو من ذلك ، بل احيانا يكون دا الجو المسيطر .... Quote: وأطعن وبصوره مباشره فى مصداقية ما يجري بسودان فورآول .. وهل كان - ما يجري هناك - انتخابا طبيعيا لما نشتهيه وطنا بحجم الوجود ؟! وهل كانوا تمثيلا ديمقراطيا أمثل للسودان ؟!.. اظن انو من الصعب الطعن في المصداقية اجمالا كده ، اما مسألة الانتخاب الطبيعي فهم حسب علمي لم يدعوا ذلك ولم يدعوا التمثيل الديمقراطي للسودان ، صحي اسمو منبر الحوار الديمقراطي لكن دا ما بيعني ادعاءهم تمثيل السودان ، غالب ظني انهم بيحاولوا يؤسسوا لي منبر يهتم بالشأن الفكري والثقافي ورافضين للمهاترات والضحالة الفكرية حسب فهمهم وتوصيفهم ليها ، Quote: وأى ديمقراطية تلك التى وبلا أعداء ؟.. بدون ( ودالباوقه ) مثلا .. وقطعا بدون ( غريبه ) ؟!! لا ينبغي ان يكون العداء للديمقراطية ، العداء قد يكون لمنتجات الديمقراطية وتغيير ذلك بالسبل الديمقراطية ، الاسماء التي ذكرتها لا اظنها تؤمن بالديمقراطية من اساسه بمعني حق الاخر في الوجود وفي التعبير عن نفسو وحقو في الاحترام والكرامة ، المفارقة انو الحقوق دي كفلتا الاديان قبل ما تكفلا القوانين البشرية ، الان باسم الاديان يرغب البعض في تجريدنا منها ، عن نفسي افضل ديمقراطية باعداء - تماشيا مع تسميتك - من امثال ....... ( تعرف حاولت القي لي اسم من ناس البورد هنا اعداء الديمقراطية ولكن بفهم فخانتني الذاكرة ) المهم ، امين قال رجع من الشغل يادوب خليهو يستلم البوست بتاعو دا ، الساعة هنا هسه 4 صباحا ..... تصبحون علي وطن !

---

Post: #258 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-20-2010, 00:20 AM Parent: #256 يا أخوانا إستميحكم عذرا أجي ناطي لكلام أخوانا محمد حيدر : Quote: بالرغم من غضبى ( البسيط والمحدود الثقافه ) من أمين سيد البوست لتجاهلى التام وكأنى لم أكن بأونلاين شيئا مذكورا والله يا ود المشرف إتلومت عديل في حقي و شمت فينا أبوالريش بإعتبار انتمائنا كلنا لحزبنا الذي سقيناه بماء العيون . ياخي أنا فتحت البوست ده بالليل خالص بمواعيدنا و بعد زي ساعه ساعتين كده مشيت نمت : صحيت الصباح لقيتو عجاجتو قايمه : اعتذرت للناس دي كلها و هسي بعتذر ليك علي عدم الرد عليك لانو ما إنت الزول البتجاهلو ، و أنا ما تشوف بساطي و قلة ثقافتي دي : الزول العميق بعرفو من علي بعد آلاف الفراسخ الاسفيريه !! و رغم إنو أنا لا أذكر إنو نحن إتداخلنا قبل كده أصلا ، إلا إنك واحد من قلايل الناس الذكرتهم بالإسم في بوستي ده : الناس العميقه !! فطب نفسا يا محمد حيدر الأمر غير مقصود و لك العتبي حتي ترضي !

---

Post: #259 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-20-2010, 00:33 AM Parent: #258 أماني Quote: حسيب ده منو؟ بيكتب معانا هنا؟ تعرفي زي ما قال ليك حمور الذي في الضياع : حسيب دي داخليه ، و ممكن أضيف ليك إنها كانت تابعه لناس طب في زمنا لكن هسي الكيزان قلبوها شنو ؟ الله أعلم . أخانا أباالريش ممكن يكون قالها ليك من باب تبسيط المساله لقلة ثقافتك التي لا تغيب عن فطنة القارئ . ----- أماني دي يا أبوالريش من كوادرنا الخطابيه ، كانت أطول النخلات في حزبنا ، كانت إذا تمشي ترافقها طواويس و تتبعها أيائل الأمن !! الموت و الدم لكلاب الأمن !!

---

Post: #261 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-20-2010, 00:44 AM Parent: #259 يا أميره التي في الاسافير Quote: امين عليك الله الخلاصة الخلاصه إنو أبوالريش مستوسخنا و مستعفنا إستعفان ما طبيعي و الوقت ده كلو مستحمل قرفنا ده : لمن يمشي يفضفض مع الجيران النضيفين تندمو علي الكلام القالو ؟ ------ أميره دي يا أبو الريش مسؤلة المرأة في الحزب منذ الجبهه المعاديه للاستعمار .

---

Post: #262 Title: Re: قائمه بأسماء البسطاء و قليلي الثقافه بالمنبر !!! Author: الوليد محمد الامين Date: 02-20-2010, 00:50 AM Parent: #261 الأخ ابوبكر التحايا Quote: منطلق كلامك الفوق دا ما صحيح ... أنا كنت من الباقين اللذين استنكروا كيفية صدور البيان ولكن ليس غيرة أو حسد أو غل ..... اشرت في حواري مع الاخ محمد حيدر انني اتيت بالمثال دا فقط لتوضيح رد فعل الغالبية ، لم اشر الي كون الرافضين وقتها فعلوا ذلك عن غل او حسد ، واعتذر اذا فهم من كلامي مثل ذلك ، ارجو انو نخلي الموضوع دا لصالح موضوع البوست الاساسي ، عشان امين دا شايفو رجع !!!!!!

---

Post: #264 Title: Re: قائمه بأسماء البسطاء و قليلي الثقافه بالمنبر !!! Author: محمد حيدر المشرف Date: 02-20-2010, 01:03 AM Parent: #262 Quote: الناس العميقه !! والله يا أمين مشيت هناك ولامن إتكيفت , وفرحت فوق كلامى مع الوليد محمد الامين ..

---

Post: #263 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-20-2010, 00:59 AM Parent: #261 خضر الكوز Quote: البوست ده فخ لصرف الناس عن القضايا الرئيسية بعد ما رفدتو الناس بناء علي إتجاهاتم السياسيه ، و حاربتوهم في رزقهم حتي ضاقت عليهم بلادهم بما رحبت ، و بعد ما بنيتو القصور في بلاد يموت من الجوع مواطنيها و بعد ما عذبتو الناس حتي ماتو في المعتقلات و بيوت الاشباح و شغالين تقسمو في البلد زي المراره ، عندك نفس تجي تتكلم عن القضايا الرئيسية ؟! -------- خضر ده يا أبوالريش من مؤسسي جبهة الميثاق و أول من طالب بتطبيق الشريعه الإسلاميه في الجنوب ..

---

Post: #265 Title: Re: قائمه بأسماء البسطاء و قليلي الثقافه بالمنبر !!! Author: حاتم علي Date: 02-20-2010, 01:22 AM Parent: #263 Quote: أماني دي يا أبوالريش من كوادرنا الخطابيه ، كانت أطول النخلات في حزبنا ، كانت إذا تمشي ترافقها طواويس و تتبعها أيائل الأمن !! الموت و الدم لكلاب الأمن !! إذ و ليس إذا خذ هذا دليلاً يا أبا الريش أن أمين هو من: Quote: البسطاء و قليلي الثقافه بالمنبر !!! إضرب على يده و لا تأخذك بالبسطاء و قليلي الثقافة بالمنبر طرفة شاشة حاسوب محمول أو نواح لوحة مفاتيح ____________________________________ جئنا على سبيل التحية يا أمين الياسمين خال حمور أخ بدري

---

Post: #266 Title: Re: قائمه بأسماء البسطاء و قليلي الثقافه بالمنبر !!! Author: أبوبكر أبوالقاسم Date: 02-20-2010, 01:25 AM Parent: #263 Quote: اشرت في حواري مع الاخ محمد حيدر انني اتيت بالمثال دا فقط لتوضيح رد فعل الغالبية ، شكراً أخى الوليد ... فتوضيحى لن يخرج عن رد فعل الغالبية وهو جوهر ومقصد بوست أخونا الجالس فى نواحى أمريكا

---

Post: #267 Title: Re: قائمه بأسماء البسطاء و قليلي الثقافه بالمنبر !!! Author: ابو القاسم حسن Date: 02-20-2010, 01:32 AM Parent: #231 في داعي للاحراج دا يا امين : (زول بسيط وقليل من الثقافة) (نَقد) ادبي فهمتها و لكن (ترابي) ما تخرجنا من بدري منها . على اي حال : فارقه شنو ما تتصرف يعني سيرة ذاتيه عني وتبعني لي اي واحد لو تختني مع العواليق ما فارقه . المهم الدهب بتاع حلايب دا وصلو لي (تُرب ابو حبيب) وافضل يكون هنا جنب (ابوصليب) . ويُقال انو مافاضي ليكم . بركز على الرئيس . قاصد منو ؟ بكري صاح؟ (وجه بسيط وقليل الثقافة وعامي جديد)

---

Post: #269 Title: Re: قائمه بأسماء البسطاء و قليلي الثقافه بالمنبر !!! Author: محمد حيدر المشرف Date: 02-20-2010, 02:23 AM Parent: #267 شكرا يا الوليد تصبح على وطن ..

---

Post: #270 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-20-2010, 08:34 AM Parent: #269 الوليد ومحمد حيدر ود البشري وأبو بكر وحاتم و أبو القاسم . كلامكم كتير و عميق و أنا الفيني راحت : صباحات الله بخيرها إن شاء المولي !

---

Post: #271 Title: Re: قائمه بأسماء البسطاء و قليلي الثقافه بالمنبر !!! Author: محمد عيسي محمد Date: 02-20-2010, 11:34 AM Parent: #270 تعرف يا أخ أمين أنا جديد لنج لي يوم واحد بس في منبركم دا .. وكان كنت قرأت كلام السيد/ أبو الريش الكاتبوا فيكم دا ما كان أتلميت عليكم .. ورطونا معاكم ..واناكنت قائلكم سناير فاهمين وعميقين وتفهموها طائرة طلعتوا ناس كلآم عادي وماتعرف شنو كدة..

---

Post: #272 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-20-2010, 09:01 PM Parent: #271 الوليد سلام يا أخ الياسمين Quote: اذا اعتبرنا المنبر دا صورة مصغرة للسودان ، وهو بالنسبة لي كذلك ، يلا أنا هنا من الأول مختلف معاك في الكلام ده ، المنبر ده أي زول مشترك فيهو بعرف يقرا و يكتب و يرد وعلي الأقل يكتب كلمات بالإنجليزي عشان يفتح بيها الإنترنت ، أقل زول تعليما في بورد أب صلعه ده يا وليد عندو شهاده ثانويه ، و ده كلو مختلف عن السودان و واقعو الثقافي و المعرفي و التعليمي . لكن دي ما هي القضيه الأساسيه . Quote: هل زعل الاخوة في البورد من وصفهم بالبسطاء مقرونا بقلة الثقافة بيعني انهم كلهم غير بسطاء وذوو ثقافة عالية ؟ الكلام هنا عن الغالبية : هل الغالبية بهذا المنبر من اصحاب الثقافة العالية ؟ البزعل في كلام أبوالريش من وجهة نظري حاجتين : استسهال أبوالريش للاساءه لغالبية أعضاء منبر فيهو سبعه ألف نفر و بطقة كيبورد مرقهم بسيطين و قليلي معرفه . الشي التاني إنو الكلام ده جا من زول زي أبوالريش ما عندو منتوج ثقافي ولا معرفي : زول بالبساطه و السطحيه البتخليه يفتكر إنو في احتمال تكون الحكومه المصريه رسلت رئيس مخابراتها نتيجه لبوست فتحو هو هنا !! البزيد الزعل إصرار أبوالريش و تبريراتو السخيفه بتاعت إنو مافي زول معني كشخص من كلامو و بالتالي مافي متضرر و إنو دي حمله قايم بيها الحزب الشيوعي ضدو . Quote: خلاصة الكلام بطريقة اخري هل تظن ان الغالبية هنا - علي تعبير ابو الريش نفسه مرتفعي الثقافة ؟ يا دكتور ، كدي من الأساس : ليه أبوالريش بقيم الناس : ده مرتفع الثقافه و ده منخفضها ؟! كلام أبوالريش سطحي و بسيط حتي لو كان حقيقي و هو ما حقيقي !! هسي ياخي الله يسألك زول زي أبوالريش ده ممكن يكون بيبسط كلامو ل زول زي : (و ممكن أكتب ليك أسماء ألف نفر بيشاركو بصوره يوميه في المنبر ) والإجابه تكون : ما ممكن !! أبو الريش أقصر قامه من تقييم الناس أصلا يا دكتور خليك من تقييمو الظالم و القبيح ده !!

---

Post: #273 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-20-2010, 09:07 PM Parent: #272 Quote: لا تعتبر الغالبية هنا او تصنّف تفسها من مرتفعي الثقافة - أو المثقفين ساكت حتى طيب دا بقود لتساؤل تاني , مادام كلام أبوريش صاح الغالبية دي قوّمت الدنيا ليه؟ لأن الغالبية دي نفسها لا ترى في أبو ريش - وكثيرين غيره - أولائك المرتفعي الثقافة الذين قد يجوز لهم تقييم الآخرين ووصفهم بالبساطة وقلة الثقافة تسلم يا ود البشري علي حلو كلامك . ياخي أنا معترض علي مبدأ تقييم الناس أصلا و بعداك الإساءه ليهم بتقييم ظالم و غير حقيقي و ده كلو كوم و كونو التقييم ده يجي من شخص في قامة أبوالريش الفكريه و المعرفيه ده كوم تاني !!

---

Post: #274 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-20-2010, 09:17 PM Parent: #273 Quote: بسودانييزاونلاين حياة أكثر واقعيه من إتهامات بالضحاله الفكريه .. وأطعن وبصوره مباشره فى مصداقية ما يجري بسودان فورآول .. وهل كان - ما يجري هناك - انتخابا طبيعيا لما نشتهيه وطنا بحجم الوجود ؟! وهل كانوا تمثيلا ديمقراطيا أمثل للسودان ؟!.. وأى ديمقراطية تلك التى وبلا أعداء ؟.. بدون ( ودالباوقه ) مثلا .. وقطعا بدون ( غريبه ) ؟!! محمد حيدر هسي إنت لو كنت عضو بهناك كان رفدوك بكلامك ده ، تقول لي ديمقراطيه ؟!

---

Post: #275 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-20-2010, 09:25 PM Parent: #274 Quote: إضرب على يده و لا تأخذك بالبسطاء و قليلي الثقافة بالمنبر طرفة شاشة حاسوب محمول أو نواح لوحة مفاتيح تعرف يا حاتم بساطي و قلة ثقافتي لو كانت بالاف الزايده دي كان ما عندي عوجه . الغريبه إنو أنا كتبت بيت الشعر ده من راسي ، بعد كلامك مشيت مشيت قوقلوتو و لقيت كلامي صاح ! عليك الله قبل اتهامي بقلة الثقافه و البساطه ، قول كلامك ده لنزار قباني !!

---

Post: #276 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-20-2010, 09:36 PM Parent: #275 محمد عيسي يا حبيب سلامات Quote: تعرف يا أخ أمين أنا جديد لنج لي يوم واحد بس في منبركم دا .. وكان كنت قرأت كلام السيد/ أبو الريش الكاتبوا فيكم دا ما كان أتلميت عليكم .. ورطونا معاكم ..واناكنت قائلكم سناير فاهمين وعميقين وتفهموها طائرة طلعتوا ناس كلآم عادي وماتعرف شنو كدة.. ياخي مرحب بيك بإسم البسطاء و قليلي المعرفه و أنا لو منك ما بخش غيابة الجب بتاعت أب صلعه بعد كلام أبوالريش ده ، لكن شكلك إنت ذاتك بسيط و قليل معرفه زينا !!

---

Post: #277 Title: Re: قائمه بأسماء البسطاء و قليلي الثقافه بالمنبر !!! Author: أمين محمد سليمان Date: 02-20-2010, 09:38 PM Parent: #276 أبا بكر يا رفيق رحلة الجبل ما زال طعم السمك عالقا في القلب !! تعرف يبدو إنو نحنا - علي الأقل أنا - أدينا أبوالريش أكتر من الوقت البستحقو ، أبوالريش قال كلام و الناس ورتو رايها في كلامو و سمعت تبريراتو و بعد داك كل زول مسؤل مما قال !! سيبقي كلام أبوالريش دليل ناصعا علي بساطو و قلة معرفتو ما بقي في هذا المنبر !! ما حا أكتب في البوست ده تاني إلى ردا علي معلق !! و إنا لله و إنا إليه راجعون !

---

Post: #280 Title: Re: قائمه بأسماء البسطاء و قليلي الثقافه بالمنبر !!! Author: أبوبكر أبوالقاسم Date: 03-26-2010, 03:58 PM Parent: #277 تعرف يا أمين ... نحن نستاهل الأيام دى فى ظاهرة غريبة وعجيبة فينا نحن المساكين والبسطاء: تلقى فى صدر عنوان البوست إسم شخص .. ثم شوية عنوان ... وتمشى للكاتب تلقاه نفس الإسم الأول ------------------------------------------- طبعاً اللستة طويلة وبتجيب الهواء وكلها حلاقة على رأسنا نحن المساكين والبسطاء.

---

Post: #281 Title: Re: قائمه بأسماء البسطاء و قليلي الثقافه بالمنبر !!! Author: عاطف مكاوى Date: 03-26-2010, 10:54 PM Parent: #280 Quote: نحن نستاهل

---

Post: #282 Title: Re: قائمه بأسماء البسطاء و قليلي الثقافه بالمنبر !!! Author: Abureesh Date: 03-27-2010, 01:54 AM Parent: #281 حنشوف نهاية الفتوة والبلطجـة بتاتكم دى الليلة يا عاطف مكاوى.. أبشــر يا عاطف مكاوى.. الليلة الأخ بكرى حيديكم الحاجـة العايزنهـا من زمن. خدعوا الجنوبيين ووعدوهم بتلبيـة رغبتهم فى الفدرالية حتى يضمنوا تصويتهم للإستقلال من داخل البرلمان وحين تم الإستقلال وقف الشيوعيين مع الطائفيين وحرموا الجنوبيين مما وعدوهم به.. إن نقض العهود فى الحكومات الشمالية وأحزابها هو أيضـا من صفات الحزب الشيوعى الســودانى. Quote: من منا يعلم أن الشيوعيين وقفوا ضـد إعطاء الجنوبيين الحكم الفدرالى وساندوا فى ذلك الأحزاب الطائفيـة عشيـة الإستقلال؟!! كتب الدكتـور منصـور خالد: Quote: ومن المدهش أن الحزب الشيوعي السوداني (الجبهة المعادية للاستعمار) الذي كان الأكثر تقدماً من بين الأحزاب البرلمانية المعارضة في نظرته للمشكل الجنوبي ودعوته لحكم ذاتي للجنوب انضم إلى معارضي الفيدرالية بقيـة النص: Quote: الفيدرالية وحق تقرير المصير في عشية الاستقلال أعلن جنوب السودان بلغة لا مواربة فيها، عبر ممثليه في البرلمان، استعداده ورغبته في إقرار وحدة السودان شريطة أخذ تطلعات الجنوبيين في الاعتبار. عبر عنهم بنجامين لوكي عضو البرلمان عن دائرة «ياي» في جنوب الاستوائية عندما طالب في 12 ديسمبر 1955 بتكوين مؤتمر من كل الأحزاب للاتفاق على «أن يتضمن إعلان الاستقلال بياناً يُعلَنُ فيه عن قيام دولة فيدرالية تضم الجنوب والشمال في إطار سودان موحد». ذلك الاقتراح رفضته أحزاب الحكومة والمعارضة على السواء، ولكن رغبة منها في إعلان الاستقلال في البرلمان في أول يناير 1956م، وافقت تلك الأحزاب على إضافة فقرة في إعلان الاستقلال تتعهد فيها بأن مطلب الجنوب بالحكم الفيدرالي «سيؤخذ بعين الاعتبار» في دستور السودان الجديد عند صياغته. ولئن كان رفض الأحزاب الشمالية لمطلب الجنوب بالفيدرالية أمراً يفتقد أي مبرر معقول، فإن قبول نواب الجنوب لذلك الوعد الغامض موقف يُحسب لهم إذ أن الذي دفعهم إليه هو الحرص على إعلان الاستقلال في اليوم المعين. ? ماذا كان مصير ذلك الوعد الغامض؟ ما أن ناقشت الاقتراح اللجنةُ التي توفرت على صياغة الدستور حتى رفضته باستهانة بالغة. أعلنت اللجنة أنها، بعد إعطاء الاقتراح ما يستحق من عناية، «وجدت أن أضرار الفيدرالية تفوق مزاياها». ولا شك لدينا في أن الميزان الذي رَجَح مضار الفيدرالية على مزاياها ميزان باخس، إذ لم يولِ اي اعتبار لمخاوف وقلق الذين طالبوا بالفيدرالية ابتداءً. الرد على ذلك التقدير الذي اجتزف على غير روية جاء على لسان واحد من الأعضاء الجنوبيين الثلاثة في لجنة الدستور (ساتيرنينو أوهورو نائب توريت). قال النائب لزملائه في اللجنة: إن «الجنوب لا يُضمر أية نوايا سيئة للشمال. وأنه، بكل بساطة، لا يرغب في شيء غير تصريف أموره المحلية في إطار سودان موحد». أضاف النائب أن «الجنوب لا يريد الانفصال عن الشمال، وإن كان ذلك هو مبتغاه فلن تستطيع أية قوة في الأرض الحيلولة دون ذلك». ثم مضى ساتيرنينو للقول: «إن الجنوب يطالب بالارتباط فيدراليا بالشمال، باعتبار أن ذلك حق أصيل يملكه بموجب مبادئ حق تقرير المصير» تلك كانت هي المرة الثانية التي يتحدث فيها سياسي جنوبي بارز عن حق تقرير المصير في خطاب سياسي عام. المرة الأولى كانت في رسالة بعث بها بنجامين لوكي بوصفه رئيساً للمؤتمر الجنوبي في 16 نوفمبر 1954م، أي قبل ما يزيد قليلاً على العام من إعلان الاستقلال، إلى الحاكم العام البريطاني ووزيري الخارجية المصري والبريطاني. قال لوكي في تلك الرسالة: «إذ تعذرت الفيدرالية فلا مناص من أن ينفصل الجنوب عن الشمال بالطريقة التي انفصلت بها باكستان عن الهند» (كتاب الشرق الأوسط في ثورة بقلم السفير البريطاني في القاهرة، السير همفري تريفيليان). حكمة عبد الرحمن المهدي ذلك الحديث المنذر، وتلك الرسالة المتوعدة، لم تتوقف النخبة السياسية في الخرطوم عند رفض المطلب الجنوبي البسيط: الفيدرالية، وإنما ذهبت في جرأة بالغة إلى التضييق على السياسيين الجنوبيين الذين يدعون للفيدرالية. مثال ذلك تقديم عضو مجلس الشيوخ، ستانسلاوس بياساما للمحاكمة بعد إعفائه من الوزارة وتجريده من الحصانة البرلمانية. ومما يدعو للأسى أن ستانسلاوس هذا كان من أكثر الساسة الجنوبيين حرصاً على وحدة السودان على أساس الحكم الفيدرالي، بل كان من أكثرهم إلماماً بثقافته. ولد ستانسلاوس في دارفور وحفظ القرآن عن واحد من شيوخها ثم ارتحل إلى بحر الغزال حيث تنصر على يد قس قبطي يدعى بطرس غالي، ولا نحسب أن للرجل صلة ببطرس غالي باشا. ومع تنصره ظل ستانسلاوس يستشهد في الكثير من مداخلاته البرلمانية بالقرآن الكريم. واظب ستانس (كما كان يسميه أصدقاؤه تصغيراً أو ترخيماً لا أدري) على الدعوة للفيدرالية منذ ابريل 1955 عندما أعلن عن قيام حزبه: حزب الأحرار. ولتأكيد حرصه على الوحدة، يروي ستانسلاوس في مذكراته التي نشرت في عام 1990 قصة لجوئه إلى الإمام عبد الرحمن المهدي، أحد الراعين للحكومة القومية، ليستنجد به. استدعى الإمام ثلاثة من أهل الحل والعقد في تلك الحكومة للحوار مع السياسي الجنوبي: الصديق المهدي رئيس حزب الأمة، وإسماعيل الأزهري رئيس الحكومة القومية، وعبد الله خليل الأمين العام لحزب الأمة ووزير الدفاع في تلك الحكومة وقال لثلاثتهم، حسب رواية ستانسلاوس: «لقد عجز الأتراك عن هزيمة الجنوبيين، ولم يستطع والدي المهدي السيطرة عليهم. كما لم يتمكن الإنجليز من دحرهم إلا بصعوبة. هؤلاء الجنوبيون، كما أبلغني بياساما، يريدون أن يحكموا بلدهم بالطريقة التي تُطمئنهم في إطار السودان الموحد. اذهبوا وأعطوهم ما يريدون». هذا ما لم يحدث. ومن ذلك التاريخ، أخذت حكومة الخرطوم «القومية» تعامل كل جنوبي يدعو للفيدرالية وكأنه شوكة في الخاصرة. قُدم ستانسلاوس للمحاكمة بتهمة الدعوة للفيدرالية وكأن تلك الدعوة قد أصبحت جريمة. أما ساتيرنينو فلم يتعرض لمحاكمة وإنما ترك أمر محاكمته وعقوبته للأجهزة الأمنية التي اغتالته في الحدود اليوغندية. في ذات الوقت، اندفع بعض السياسيين، كما اندفع ذوو التأثير على الرأي العام في صحف الخرطوم، إلى حملة عنيفة ضد الفيدرالية تشي بغير قليل من سوء الفهم لها أو، على الأقل، وهم مريب حولها. فمن بعض دعاواهم، مثلاً، أن الفيدرالية «استراتيجية استعمارية» تهدف إلى تقطيع أوصال السودان جاء بها المستر لوس، مستشار الحاكم العام. ومن المدهش أن الحزب الشيوعي السوداني (الجبهة المعادية للاستعمار) الذي كان الأكثر تقدماً من بين الأحزاب البرلمانية المعارضة في نظرته للمشكل الجنوبي ودعوته لحكم ذاتي للجنوب انضم إلى معارضي الفيدرالية، ربما لظنه أنها فكرة أراد بها الاستعمار زرع جيب له في جنوب البلاد. فشل هذه الطبقة السياسية، ومن والاها من المعلقين الصحافيين، في ان تعي أن الفيدرالية لم تكن، عبر الانقسام الايديولوجى في العالم، عائقا لوحدة الدول الاتحادية، وإنما كانت اللحُمة التي حافظت على تماسك تلك الدول، أمر يدعو للأسف. يخيل لنا أن ذلك الجيل من رجالات السياسة والصحافة كان يتظنى أن السودان نسيج وحده، لا يسري عليه ما يسرى على الدول الأخرى، أو بلسان سوداني فصيح هو «فريد عصره ما مثله شيء». المصــدر: http://sudaneseonline.com/forum/viewtopic.php?t=4147&sid=...584c8e005eae40045222 وبذلك يكون الشيوعيون ليسوا مختلفين من بقيـة قوى الطائفيـة التى همشت الاقاليم بصـورة رسميـة ومؤسسيـة.. وأبدوا رجعيـة فى التكير والممارسـة.. ثم لو صح تحليل د. منصـور خالد من أنهم وقفوا هـذا الموقف المخزى من حق الجنوبيين فى الحكم الذتى والفدرالية من أجل خدمة إستراتيجية الإتحاد السوفييتى، فإن لم تكن هـذه عمالة لأجنبى فماذا تكون؟ ونواصل... وأكيد نواصل هنا وفى بوستات أخرى لعاطف مكاوى