توت عنخ أمون في سودانيزاونلاين ..................!!!!

توت عنخ أمون في سودانيزاونلاين ..................!!!!


02-28-2010, 07:41 AM


  » http://sudaneseonline.com/cgi-bin/sdb/2bb.cgi?seq=msg&board=468&msg=1293074677&rn=113


Post: #1
Title: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 07:41 AM
Parent: #0

ربما تكون هذه هي القصه الحقيقيه الوحيده لحياة توت عنخ أمون .

Post: #2
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 07:47 AM
Parent: #1

كل الأسماء والأحداث و الشخصيات المذكوره في هذه القصه حقيقيه .

Post: #3
Title: Re: توت عنخ أمون في سودانيزاونلاين ..................!!!!
Author: Faisal Elrasheed
Date: 02-28-2010, 07:54 AM
Parent: #2

امين ..
مافي داعي تحلف ..
هو نحن حنغالطك في حاجه انت حضرتها (شاهد علي العصر)

Post: #4
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 07:55 AM
Parent: #2

عدت للسودان في الشهر الماضي لامر عائلي و هام ، كنت أقضي معظم ساعات النهار ما بين مصلحة الأراضي والمحكمه الشرعيه بامدرمان ، أعود بعدها لمنزلنا الكائن بابي روف .
لم يكن يوم الإثنين الثامن من شهر فبراير الجاري بدعا مما سبقه من أيام .
أطفئت نور غرفتي استعدادا لنومة هنيه ، كنت مرهقا و فرق الزمن بين أمريكا و السودان يزيد الإرهاق ارهاقا .
نمت قبل أن يلامس راسي الوساده البارده . لست أدري كم مر من الزمن حين استيقظت بطرق شديد في شباك الغرفه المطل علي الجهه الأخري من المنزل ، قمت مذعورا و ( ممغوصا ) من صديقي الذي قرر زيارتي في الثلث الأخير من الليل ، أو هكذا ظننت !
بخطوات متثاقله و بعيون ملئ بالنعاس ، فتحت الباب أقدم رجلا وأؤخر ألاخرى ، فهالني ما رأيت :
خمسه أو سته أشخاص يضعون مساحيق في وجوههم كافيه ( لسحق ) ملامحهم ، يلبسون ملابس غريبه متشابهه حتي ترآوا لي كشخصيه واحده مستنسخه !!
لم يساورني شك في أن من يقفوا أمامي هم أعضاء في جهاز الأمن الوطني ، و لأنني (أتفه) من أن أضحي باي زمن لشعبنا السوداني الشقيق : لم اتعاطي السياسه باي شكل كان ، كنت متاكدا بأن أفراد جهاز الأمن قد ضلو الطريق لمنزل جارنا الشيوعي (حسن الكاشف) فهو نزيل دائم لبيوت الاشباح و معتقلات الإنقاذ السريه منها و العلنيه ، مشكلتي كلها كانت : (الامنجيه ديل ملخبتين وشوشهم بشنو و لابسين كده لييه ؟!!!!)‎

Post: #5
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 07:59 AM
Parent: #4

- سلام عليكم ، خير يا أخوانا ...
جاء الرد من عصا أحدهم في راسي من الخلف - يبدو أنه كان مختبئا خلف الباب الذي فتحته - فما حركت بعدها ساكنا!!
اغمضت عيناي و ظننت اني أسلمت الروح إلي بارئها .

Post: #6
Title: Re: توت عنخ أمون في سودانيزاونلاين ..................!!!!
Author: Yassir Tayfour
Date: 02-28-2010, 07:59 AM
Parent: #4

أمينكوف !
متابعين..
انا مساهر معاك في البوست ده، بالله عليك تكتب سريع سريع، وما تشحتف..
___
فيصل الرشيد:
شجرتك دي شجرة عُشّر ولا عوير؟

Post: #7
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 08:06 AM
Parent: #6

مضي وقت طويل - هكذا بدا لي ‎- عندما بدات أستعيد وعيي .
كانت مفاجاه لي أن أجد نفسي ممدا في سرير غرفتي و أحد رجال الأمن يجلس في كرسي الخيزران في منتصف الغرفه . كانت الدنيا نهارا وضوء الشمس يرتع في غرفتي الصغيره .
كنت مرهقا أشعر بصداع يكاد يشقني لنصفين لكني كنت أري كل شئ بوضوح .
جعلت أسرق النظر إلي رجل الأمن ذو المساحيق و أتأمل في هذا المخلوق العجيب ، آلمني جدا أن جهاز الأمن لم يجد (امنجي) (أرجل) من هذا المخلوق الملطخ بالمساحيق لإعتقالي و ظننتها غلطه لن اغفرها لهم حتي أموت .
كنت أفكر في سبب الاعتقال و ولماذا لم يذهبو بي إلي مكان آخر ، كنت أفكر في شكل الاستجواب و شكل التعذيب الذي ساتعرض له لا محاله .
مر وقت ليس بالقصير حين قطع (الامنجي ) صمت القبور الذي يملأ الغرفه :
- ما عندكش حاجه تتاكل ؟
قالها بلكنه مصريه كانت كافيه لإغتيال ما تبقي من خلايا المخ عندي ! لم انبس ببنت شفه ، فكرر سؤاله :
- إنت ياخينا ! ما عندكوش حاجه تتاكل ؟!! انا هفتان و بقالي تلات أيام ما كلتش !!
نظرت إليه بخليط من الخوف و الدهشه و الاستهزاء ، لم يفتح الله علي بكلمه لكنه أعانني علي القيام و الدخول للمنزل .

Post: #8
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 08:11 AM
Parent: #7

ياسر انا بسرع ليك لكن عليك الله بل لي الامنجيه و الكيزان و الأشياء المشابهه ذي ناس فيصل الرشيد ديل !











----
أبو الفا ، ياسر ده كان طول لسانو عليك ، بلو طوالي

Post: #9
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 08:12 AM
Parent: #8

- صباح الخير يا حجه .
- صباح الخير شنو يا أمين ؟ أذان العصر أذن ، إنت كنت مساهر وين امبارح ؟
- عايني يا أمي عليك الله معاي واحد صاحبي ، شوفي لينا حاجه ناكلها ..
- فطور ولا غدا ؟
- أي حاجه يا أمي ، أي حاجه بس بسرعه عليك الله .

Post: #10
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 08:14 AM
Parent: #9

رجعت مسرعا لغرفتي و وجدت (الامنجي) في نفس الوضع الذي تركته عليه و بدون مقدمات ، سالته :
- يا خونا الحاصل شنو ؟ و إنت منو ؟
لم يتردد (الامنجي ) وكأنما كان يتوقع أسئلتي :
- بعد ما ناكل حا أفهمك كل حاجه بالراحه .

Post: #11
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 08:17 AM
Parent: #10

- طيب يا أخينا ، الحمد لله أكلنا و شربنا ، ممكن تفهمني الحاصل شنو ؟
- إنت أسمك إيه ؟
- إسمي أمين
- بص يا أمين إنت (أريت ) تاريخ ؟
- تاريخ شنو يا شيخنا ؟
- تاريخ ! مثلا تاريخ الفراعنه في مصر
- قريت تاريخ الفراعنه و احتمال أكون حافظو كمان !
- تسمع بتوت عنخ أمون ؟
- كيف ما سمعت بيهو ؟
- انا توت عنخ أمون !
- توت عنخ أمون منو ؟!
- توت عنخ أمون اللي إنت تسمع بيه في كتب التاريخ !!
رغم معارضتي و إمتعاصي الشديد من كلام أبوالريش إلا أني كنت أعلم في (قرارة نفسي علي الأقل ) بصحة كلامه عن بساطتي وقلة ثقافتي ، لكني لم أكن أتصور أن تصل بساطتي وقلة ثقافتي إلي حد أن يستهزأ بي أحد بانه توت عنخ أمون الذي مات منذ آلاف السنين ..
- ........................
- انا عارف إنو كلامي ده صعب عليك يا أمين ، بس هي دي (الحئيئه ) !

Post: #14
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 08:22 AM
Parent: #11

و لمدة أربع ساعات متصله حدثني (الامنجي ) عن كيف أنه كان ملكا لمصر قبل آلاف السنين و كيف تامر عليه وزيره (خپرخپرو رع آي ) ودبر محاوله لإغتياله لحكم البلاد و الزواج من زوجته .
حدثني عن إكتشاف أحد كهنته لدواء يطيل العمر لالاف السنين و تناوله - و خمسه من أصدقائه المخلصين - لهذا الدواء و من ثم الاختفاء عن الانظار في داخل الاهرمات و تقديم شبيهه كبش فداء ليقبر في مكانه .
حدثني كيف كان أصدقائه يسرقون الطعام و ياتو به إلي غرفته السريه داخل الهرم الأكبر ، عن كيف أنه مل حياته وفكر كثيرا في الانتحار .
حدثني عن كيف أنه قرر أن يخرج للحياه بعد كل هذه السنين ، عن معارضة اصدقاه لفكرته و إصراره عليها ، حدثني كيف أقنعهم بالركوب في مركب قديم و من ثم الإتجاه جنوبا في نهر النيل حتي استبد بهم التعب في شاطئ ابوروف حيث نزلو ووجدو باب منزلنا فاتحا و كيف تركه أصدقائه عائدين بعد أن اطمئنو عليه .

Post: #13
Title: Re: توت عنخ أمون في سودانيزاونلاين ..................!!!!
Author: حمور زيادة
Date: 02-28-2010, 08:20 AM
Parent: #10

الخال اذا انسطل.
داير تكتب ليك بوست نضالي عميق عندو رمزية.
مافي طريقة بعد اتصنفت ضحوكنجي.



قلت لي قلت للحاجة تسوي الفطور؟
جداد عمي اسماعيل الفي الحوش الورا كيف يا خال ؟

Post: #12
Title: Re: توت عنخ أمون في سودانيزاونلاين ..................!!!!
Author: عبدالوهاب علي الحاج
Date: 02-28-2010, 08:18 AM
Parent: #9

حضور ومتابعة

Post: #15
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 08:24 AM
Parent: #12

كان هناك شئ ما بداخلي يدفعني لتصديق هذا الكائن ، لكني كنت أحتاج لدليل مادي لإقناع نفسي .
لفت نظري خاتمه الفضي ذي الرسومات و الكتابات باللغه الهيروغليفيه ، سالته :
- ممكن تديني خاتمك ده ساعة زمن ؟ ما تخاف ما حا اسرقك ، بعدين إنت قاعد في بيتنا ...
- استغفر الله يا أمين ، بس إنت عايز تعمل بيه إيه ؟!
- عندي بيهو مشوار صغير و أرجع ليك !
خلع ‎(الرجل ) خاتمه بصعوبه بالغه و أعطاني له :
- إنت خليك قاعد هنا ولو أي زول خبط الباب ما تفتح لأي سبب .
- ماشي ...

Post: #16
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 08:29 AM
Parent: #15

اخذت الخاتم و إتصلت تلفونيا بصديق الوالد بروفسير عبالرحمن الفاضل رئيس شعبة الآثار بكلية الاداب بجامعة الخرطوم .
- إن انشالله ما فيها إزعاج يا دكتور لو أقدر أجيك في البيت لامر هام و عاجل .
- ده كلام شنو يا أمين يا ولدي ؟ إنت تجي في أي وقت ، البيت بيتك .
و بدون حتي شكره ، أغلقت الهاتف و انطلقت بسيارتي ، لم أقف إلا أمام منزله بالصافيه .
و بدون الدخول في أي مقدمات ناولت الخاتم لعالمنا الجليل ومعه سؤال :
- بتقدر يا دكتور تحدد إذا كان الخاتم ده اثري ولا مزور ؟
أخذ الدكتور الخاتم و طفق يقلبه بين يديه فتره من الزمن دون أن ينطق بكلمه . بعدها دخل إلي غرفته و جاء بشئ يشبه المكبر الذي يستعمله صياغ الذهب و عاود تقليب الخاتم والنظر إليه لفتره طويله ثم إلتفت إلي سائلا :
- الخاتم ده جبتو من وين يا أمين ؟
- والله يا دكتور دي قصه طويله و انا في غاية الاستعجال ، أعدك بإني أحكيها ليك كامله ، هسي انا عايز أتاكد بس من إنو الخاتم ده اثري .
- يا ولدي الخاتم ده خاتم اثري ويرجع للأسرة المصرية الثامنة عشر .
- الأسرة المصرية الثامنة عشر دي كان فيها توت عنخ أمون ؟
- بالظبط كده .....
و قبل أن يسترسل ، خطفت الخاتم و انا أشكره مسرعا إلي سيارتي ...

Post: #17
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 08:35 AM
Parent: #16

طافت بي كل الهواجس في طريق عودتي إلي المنزل ، تخيلت نفسي أقدم توت عنخ أمون لقادة و رؤساء العالم ، تخيلت كمية المؤتمرات و اللقاءات الصحفيه و البرامج التلفزيونيه و جميع الوسائط الإعلاميه التي سوف تتسابق لإجراء حورات معي .
فكرت في تعيين طاقم إعلامي و قانوني كامل لتقديم الاستشارات اللازمه ، تسألت عن كيف سأعلن للعالم عن وجود توت عنخ أمون حيا يرزق بمنزلنا الكائن بابي روف ؟ هل أعلن وجوده من السودان ، أم أنتظر حتي أعود إلي أمريكا ؟ و قبل أن أجد إجابه لأي من هذه الأسئله ، وجدتني أمام منزلنا .
أوقفت السياره و دخلت إلي غرفتي دون المرور للسلام علي والدتي مثل ما أفعل ، فتحت باب غرفتي و وجدت توت نائما علي الأرض كطفل صغير استبد به التعب .

Post: #18
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 08:39 AM
Parent: #17

Quote: داير تكتب ليك بوست نضالي عميق عندو رمزية.
حمور ،
رمزيه دي أخت أحمد رمزي بتاع الأهلي ؟!










----
التلب ما خاتي عليك أصلو !!

Post: #19
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 08:43 AM
Parent: #18

وهبه يا شمسنا
خليك قريب ، أخوك حا يفتو كلو !!

Post: #20
Title: Re: توت عنخ أمون في سودانيزاونلاين ..................!!!!
Author: محمد عبد الماجد الصايم
Date: 02-28-2010, 09:01 AM
Parent: #19

دي معناها سوائل وأخشاب مع بعض!

Post: #21
Title: Re: توت عنخ أمون في سودانيزاونلاين ..................!!!!
Author: الفاتح شلبي
Date: 02-28-2010, 11:57 AM
Parent: #20

يا أمين بالغت وقصرت كمان

أنت ما بتعرف انه توت عنخ آمون دهـ من عندينا ... كان تجيب ليه واحد محسي بس

توت والأصل النوبي تود = ولد
عنخ والاصل النوبي أنقا = إبن
آمون والأصل النوبي أمن = الماء

واصل

Post: #22
Title: Re: توت عنخ أمون في سودانيزاونلاين ..................!!!!
Author: Yassir Tayfour
Date: 02-28-2010, 12:09 PM
Parent: #18

Quote: التلب ما خاتي عليك أصلو !!
إنت يا أمين خال التاباني والياباني..
___
إنت خال ولا كائن متلامض ولا طابور خامس ولا شنو؟

Post: #23
Title: Re: توت عنخ أمون في سودانيزاونلاين ..................!!!!
Author: Faisal Elrasheed
Date: 02-28-2010, 12:12 PM
Parent: #22

Quote: إنت خال ولا كائن متلامض ولا طابور خامس ولا شنو؟


عليك الله امين ده مش فيه شبه من امنحتب ..يا زاهي حواس

Post: #24
Title: Re: توت عنخ أمون في سودانيزاونلاين ..................!!!!
Author: Yassir Tayfour
Date: 02-28-2010, 12:22 PM
Parent: #23

Quote: عليك الله امين ده مش فيه شبه من امنحتب ..يا زاهي حواس
تعرف يا ود الرشيد، أمين ده لا يشكر الناس، لولا ود أخته هذا- وأشار لحمور- أمين لاهسي كان يكون ما معروف، شوف دفعتو الدخلو معاهو المنبر، واحدين عندهم تلاتة مداخلات، وواحدين هم ذاتهم رايحين من روحهم، وواحدين إشتكو من التهميش وعدم التداخل ففتحو البوستات يشكون لطوب المنبر وأيقوناته، وواحدين حردو عديل، وقالوا البورد ده بتاع ناسات وشلليات ولوبيات وفاصوليا..
__
أمين صحى من نومو ولقى كومو وعلى جاه ود أختو بقى مشهور، وكمان في البوست ده -تحديداً- داير يبقى قاص..

Post: #25
Title: Re: توت عنخ أمون في سودانيزاونلاين ..................!!!!
Author: Faisal Elrasheed
Date: 02-28-2010, 12:34 PM
Parent: #24

Quote: أمين صحى من نومو ولقى كومو وعلى جاه ود أختو بقى مشهور، وكمان في البوست ده -تحديداً- داير يبقى قاص..


والله يا اب تفه لكن حسادتك ما تصيب ..
ياخي الواحد لو داير يغير الاستايل بتاعه تسكوهو لحدي ما يرتد ..
امين في النيو لوك بتاعه طارح نفسه كاتب للقصه القصير والطويله والمتوسطه ..
يعني ما عندك مشكله اديه راس الموضوع وهو بعمل ليك منه شوربه وفته والباقي لحمه مصاوطه ..
..
يا حليلك يا صديق ..
حطمو موهبتك قبال تشوف النور ..

Post: #28
Title: Re: توت عنخ أمون في سودانيزاونلاين ..................!!!!
Author: البدري عبد الله
Date: 02-28-2010, 12:44 PM
Parent: #25

Quote:
امين في النيو لوك بتاعه طارح نفسه كاتب للقصه القصير والطويله والمتوسطه



غايتو يا فيصل الظلامي مرات قاعد تقول النصيحة .. فبالاضافة لطرح نفسه ككاتب قصة بكل انواعها قصيرة التيلة كانت ام طويلتها ، شايفو يوم داك عامل فيها ناقد فني وبيفكك في الاتجاه الراديكالي واشكالية التذوق الفني في اغاني مصطفى سيداحمد طيب الله ثراه ..

Post: #26
Title: Re: توت عنخ أمون في سودانيزاونلاين ..................!!!!
Author: السيد المسلمي
Date: 02-28-2010, 12:38 PM
Parent: #24

Quote: أمين صحى من نومو ولقى كومو وعلى جاه ود أختو بقى مشهور، وكمان في البوست ده -تحديداً- داير يبقى قاص..

Post: #27
Title: Re: توت عنخ أمون في سودانيزاونلاين ..................!!!!
Author: GamarBoBa
Date: 02-28-2010, 12:38 PM
Parent: #24

يا اهل الله الهنا
العنده تلفون اخوكم نوتة يضرب ليه ويسمع منه باقي القصة ويجي يكبها ليناهنا

غايتو تنفع قصاص اتر

Post: #29
Title: Re: توت عنخ أمون في سودانيزاونلاين ..................!!!!
Author: Yassir Tayfour
Date: 02-28-2010, 12:52 PM
Parent: #27

يا قمر
Quote: غايتو تنفع قصاص اتر
قصاص أتّر والدرب دخل الموية؟
___
لو بقى برمائي ما يلقاهو..

Post: #30
Title: Re: توت عنخ أمون في سودانيزاونلاين ..................!!!!
Author: GamarBoBa
Date: 02-28-2010, 01:08 PM
Parent: #29

يا اب تفة
انا اصلا بعد كبرت شوية بعد الجامعة البقرا ليهم ياهم ناس امين ديل لانو بعبروا عنك بشكل ما بطال،جليت ليك ناس حيدر حيدر ومستغانمي وماركيز والناس ديك، في الاربعة سنة الفاتو قريت المنسي بتاعة الطيب صالح بس
بفكوها في الزول حامضة

فخلوا الزول ده يكتب لحدي ما يصل مرحلة كاتب ومنها هو داير يفكها في الناس نحن نفكها فيه

Post: #31
Title: Re: توت عنخ أمون في سودانيزاونلاين ..................!!!!
Author: فتحية شامي
Date: 02-28-2010, 01:27 PM
Parent: #30

ياجماعه الزول ده قطع القصه المشوقه دى مالو؟
ولا كمان يكون ختف رجله على الورش بتاعة الحديد الجنبهم فى ابروف ديك
عشان يصمم لى توت عنخ امون سريرطوييييييييييييييل قدره
اصلو با عينى جا لقاهو راقد على الارض

Post: #32
Title: Re: توت عنخ أمون في سودانيزاونلاين ..................!!!!
Author: Hussein Mallasi
Date: 02-28-2010, 01:35 PM
Parent: #31

في نهاية السرد إن ما طلع حمور زيادة هو توت عنخ آمون لوموني.

Post: #33
Title: Re: توت عنخ أمون في سودانيزاونلاين ..................!!!!
Author: Hassan Makkawi
Date: 02-28-2010, 06:56 PM
Parent: #32


Post: #34
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 07:43 PM
Parent: #33

أختنا فتحيه الشامي
الأخوان
ود الصايم
الفاتح شلبي
ياسر طيفور
فيصل الرشيد
البدري الحاقد
سيدنا
قمرنا المنير
حسين ملاسي
أبوعلي مكاوي
شكرا علي المرور و بالله كترو من المدح و الإطراء و بكلام كبار الله يرضي عليكم .
بالنسبه للناس العقدو مقارنه بيني و بين حمور :
كتاباتي أعمق وأجمل و أشد وضاءة من كتابات حمور الباهته.
حمور يكتب القصه بينما القصة تكتبني .
انا يا سادتي أحسن كاتب للقصه القصيره و الطويله و المتوسطه في السودان ، أنا رسول الكتابه الجديد و مسيحها المنتظر .
لا تقارنو حمور بي فتظلموه !!









‎--------
زي ما قال التلب (حمور شنو في السقط ده ) ....!!!!

Post: #35
Title: Re: توت عنخ أمون في سودانيزاونلاين ..................!!!!
Author: محمد حيدر المشرف
Date: 02-28-2010, 07:44 PM
Parent: #33

إستمتاع تام بأمين وهو يقتفى الخطى الادبيه الخادشه لإبن إخته ..

Post: #36
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 08:46 PM
Parent: #35

أغلقت الباب بهدوء حتي لا أوقظ (الملك ) ، تركته ليأخذ ما يشاء من الراحه .
كان الحدث أكبر من أن استوعبه و كانت الأسئله أكثر من أن أجاوبها وحيدا ، أيقنت أني في حاجه للاستعانه بصديق : يحفظ السر و يعاون في إجابة أسئلتي الحائره .
لم أتردد في الاتصال بصديقي الصدوق عبد الوهاب علي الحاج :
- وهبه سلام
- سلام يا نوته ، الخبر شنو ؟
- كلو تمام والله ، إنت وين هسي .
- أنا في الكرين مع العوض .
- طيب شيل التلفون و أطلع لي في حته مافيها زول خالص .
حكيت لوهبه كل ما حدث بتفاصيله الممله ، لم يقاطع أو يسأل أي سؤال ، كان يصغي بإنتباه و تركيز عاليين :
- أها يا وهبه الدباره شنو ؟ راسي جايط و ما عايز أتصرف أي تصرف غلط يلخبط القصه كلها .
سكت وهبه لفتره من الزمن و باغتني بهذا السؤال :
- كدي يا أمين وصف لي شكل الزول ده .
- يعني يا وهبه إنت (توت) ده كان قرا معاك في الشعبيه الابتدائيه كان وصفتو ليك حا تعرفو ؟ بعدين ياخي أنا ما شاكي فيهو ، أنا متاكد إنو ده هو !
- يا زول بطل نقه كتيره و وصف لي شكلو ..
- الزول ده طويل و لونو فاتح شويه و ....
وهبه مقاطعا :
- أقول ليك كلام ؟ علي الطلاق و وحياة خالد ولدي : المعاك في البيت ده عمك (نقريطه) ظاااطو : ده هشام هباني متنكر !!!
- هشام هباني شنو يا وهبه ؟
- إنت حركات المناضلين دي ما بتعرفها ؟
- يا وهبه ياخي خليك من أي حاجه تانيه ، أنا شفت صور هباني ده في المنبر : ده ما هو ، بعدين ياخي أنا ما شاكي فيهو أصلا ، أنا متاكد إنو ده توت عنخ أمون الواااحد ده !!
- أنا رأيي إنك تفتح بوست و تطلب شورة البورداب
- وهبه ياخي إنت ما نصيح : إنت قايل في زول حا يصدقني ؟
- خلاص أضرب لبكري أبوبكر ، اقنعو بكلامك ده و خليه يفتح البوست هو
- أب صلعه ده ، لا بدورو لا بدورني : بعدين ياخي قصة إنو أنشر الكلام ده في اسافيرالله الواسعه دي ما نافعه من الأساس .
- طيب اقول ليك حاجه ؟ تعرف أحسن زول بفهم في الكلام ده بشاشا ، الزول ده بجنو و غباو ده كلو زول فاهم في التاريخ و ممكن يساعد !
- والله فكره يا وهبه عندك تلفونو ؟

Post: #37
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 09:22 PM
Parent: #36

يا محمد حيدر
Quote: إستمتاع تام بأمين وهو يقتفى خطى إبن إخته الخادشه
ياخي أنا كاتب مجيد و عظيم و آيه من آيات الكتابه في بلادنا تقول لي اقتفى خطى إبن إختي ؟
لو إقتفيت خطى ابن أختي حا أمشي الماسوره !!

Post: #38
Title: Re: توت عنخ أمون في سودانيزاونلاين ..................!!!!
Author: العوض المسلمي
Date: 02-28-2010, 09:34 PM
Parent: #36

وساكت الزمن ده كلو يا امين ؟؟
واصل فسردك جميل جدا وممتع والله ...

Post: #39
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 02-28-2010, 10:12 PM
Parent: #38

Quote: واصل فسردك جميل جدا وممتع والله ...
شكرا يا العوض علي الإطراء ، لكن كان تزيدو شويه .

Post: #40
Title: Re: توت عنخ أمون في سودانيزاونلاين ..................!!!!
Author: وجن
Date: 02-28-2010, 11:28 PM
Parent: #39

عسل بس

Post: #41
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-01-2010, 00:10 AM
Parent: #40

Quote: عسل بس
كمان يا وجن ما للدرجه دي !!

Post: #42
Title: Re: توت عنخ أمون في سودانيزاونلاين ..................!!!!
Author: مرتضى احمد عبد القادر
Date: 03-01-2010, 00:19 AM
Parent: #41

متااااابع

Post: #43
Title: Re: توت عنخ أمون في سودانيزاونلاين ..................!!!!
Author: Balla Musa
Date: 03-01-2010, 00:25 AM
Parent: #42

Re: ياناس المنبووووور الحاضر يكلم الغايب

Post: #44
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-01-2010, 01:00 AM
Parent: #43

- أكلم كمال لو سمحت ؟
- كمال معاك ..
- بشاشا إزيك ، معاك أمين محمد سليمان زميلك في منبر سودانيس اونلاين
- أمين خال حمور ؟
- آي يا بشاشا خال حمور ( قلتها ممتعصا ) !
و سردت لبشاشا كل القصه بتفاصيلها ، كان يكثر الأسئله و يقاطعني كثيرا و بدا و كأنه لم يصدقني :
- إنت قلت إنو الزول ده بتكلم مصري ؟
- ايوه نعم بتكلم مصري و ما خايله فيه أصلا !!!
- بالله (توت ) طلع مستلب و معلوف بامباز غزاتنا ؟ أمنت بآمون !!!!
- والله يا كمال ، (توت) طلع معلوف عليفه موووبالغه ، و مستلب لاخر حد : يشبه الطريفي و يتكلم زي عصام الحضري : لكن دي ما القضيه هسي ! أنا عايز منك نصيحه أنا أتصرف كيف ؟
حدثني بشاشا عن (انتا ديوب) و (لويس فرخان ) ، عن الملايين التي ماتت بسبب إستعلائنا العرقي ، عن إستلابنا الثقافي ، عن عقدتنا الدونيه كمثقفين تجاه مصر و المصريين ، عن جرذان الإسلام السياسي و طحالبه ، حدثني عن كل شئ إلا عن (أتصرف كيف مع الزول النايم في بيتنا ده ) !!!
- يا كمال رصيدي قرب يكمل ، أنا ضارب ليك من السودان و إنت ليك ساعه بتتكلم ما أفدتني بحاجه !!
- إنت دايرني أعمل ليك شنو هسي ؟
- دايرك تديني حل لمشكلتي الأنا فيها دي ، يعني هسي أتصرف كيف أنا ؟
- ما إنت مشكلتك الحسي دي سببها مشاكل حصلت قبل آلاف السنين ، لازم في الأول تستوعب الحصل في الماضي البعيد عشان تقدر تحل مشاكلك الحاليه و المستقبليه .
(أنا ذاتي أستاهل إنو ضربت ليك !!) قلتها في سري و شكرت بشاشا و احتسبت الخمسين جنيه التي ضاعت !

Post: #45
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-01-2010, 01:14 AM
Parent: #44

Quote: متااااابع
يا مرتضي (متااااابع) بتاعت قلبك ؟
ما تجي تكتب ليك كلمتين زي الناس ، ياخي مستخسر علي ( يا رائع ) و أنا الذي قد أكون مخلص الروايه السودانيه في العصر الحديث ؟!!

Post: #46
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-01-2010, 01:18 AM
Parent: #45

Quote: بالمناسبة
البلد دى احتمال يحكما توت ود الموية
مادام بيناتنا فى عملا مدخلنوا البلد وداسنوا فى ابروف!
والله يا بله قريبك ده مافي اي زول دخلو ، دخل براو و كان صبرت شويه بتشوف بيحصل ليه شنو !!!

Post: #47
Title: Re: توت عنخ أمون في سودانيزاونلاين ..................!!!!
Author: عبد الحكيم نصر
Date: 03-01-2010, 01:18 AM
Parent: #44

ياخي كنت ترطن معاهو تقدر تحدد الزول ده هو توت ذاته ولا ولاحد
شفت مصري ساكت...


سلام يا ود عمي ضيعت نفسك ساكت في المنبر المهبب ده
انت تملك ناصية الرواية..ياخي ناصية شنو انت براك
في ميدان وبتفتح علي الجهات الاربعة
وانا اقول حمور اتعلم من وين اتاري الود خال..
واصل دون الالتفات لاعداء النجاح..

Post: #48
Title: Re: توت عنخ أمون في سودانيزاونلاين ..................!!!!
Author: مرتضى احمد عبد القادر
Date: 03-01-2010, 01:27 AM
Parent: #47

Quote: أنا الذي قد أكون مخلص الروايه السودانيه في العصر الحديث ؟!!

كدي أول خلص لينا روايتك دي بعداك نشوف موضوع الرواية السودانية

Post: #49
Title: Re: توت عنخ أمون في سودانيزاونلاين ..................!!!!
Author: Manal Mohamed Ali
Date: 03-01-2010, 01:52 AM
Parent: #48

اوعك تتصل بالاتية اسمائهم عشان يعينوك في محنتك دي...حا يغتصوا حجرك

1- حسين ابوسطرين
2- مصطفى التجاهل
3- تراجي والحبشي ..Anti-Jalaba Movement
4- سارة الكاواية
5- عزاز منطق
6- دينق حنكشه

والله بوستاتك بتبسطني شديد ....

Post: #50
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-01-2010, 02:38 AM
Parent: #49

حكومه يا ابن عمي
Quote: ياخي كنت ترطن معاهو تقدر تحدد الزول ده هو توت ذاته ولا ولاحد
شفت مصري ساكت...


ياخي أنا لو كنت بعرف أرطن كانت دي حالتي ؟!!

Quote: سلام يا ود عمي ضيعت نفسك ساكت في المنبر المهبب ده
انت تملك ناصية الرواية..ياخي ناصية شنو انت براك
في ميدان وبتفتح علي الجهات الاربعة
وانا اقول حمور اتعلم من وين اتاري الود خال..
واصل دون الالتفات لاعداء النجاح..
أهو ده نوع الشكر الأنا عايزو يا ابن عمي ، رغم إنك خربتها بحمور في الاخر !
حمور لو كان اتعلم مني ، كان هسي بكون بيكتب في (سودان فور أول ) !!

Post: #51
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-01-2010, 02:42 AM
Parent: #50

سلام يا منال
Quote: اوعك تتصل بالاتية اسمائهم عشان يعينوك في محنتك دي...حا يغتصوا حجرك

1- حسين ابوسطرين
2- مصطفى التجاهل
3- تراجي والحبشي ..Anti-Jalaba Movement
4- سارة الكاواية
5- عزاز منطق
6- دينق حنكشه

المشكله إنو حا أتصل ببعض الناس ديل ، تصدقي ؟!!
Quote: والله بوستاتك بتبسطني شديد ....
كتر خيرك يا منال علي الكلام السمح ، بس المره الجايه لو زدتي عيار الشكر حبتين ، تكوني ما قصرتي !!

Post: #52
Title: Re: توت عنخ أمون في سودانيزاونلاين ..................!!!!
Author: abubakr
Date: 03-01-2010, 05:33 AM
Parent: #51

في الزمان القديم ياامين وعندما كانت الاثار هبطرش سااي عندنا(هناك هسع تحت الماء) كانت الخواتم زي بتاع قريبا توت والجعريين (مفردتها جعران) هبطرش عند سفح الجبل( غايت وقالو دي معناها طل الجبل) وكانو ناس حمر بيجو ويلموها وحتي العطام بغسلوها ويشيلوها ونحن كنا ممنوعيين نجي جنب اية خاتم او جعران لاننا لو لمسناها يا "ننسخط" يا يجينا التعبات العيونو في راسو ولابس تاج دهب ونروح فيها ..فانت اليوم كان متاكد انو شلت الخاتم داك من توت بتاع حلتكم غايتو شوف ليك فكي لانو حكايةة الخاتم البيسخط الزول د انا مؤمن بيهو لانو بيني وبينك انا كنت شلت مش خاتم لكن جعران ولي هسع مسخوط ما قادر اتفك من سيرة ناس توت دييل واهو كنت مصر انو قريبنا وطلع عندكم في ابرووف وبيحكي مصري ومستلب ....

Post: #53
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-01-2010, 06:46 AM
Parent: #52

Quote: ..فانت اليوم كان متاكد انو شلت الخاتم داك من توت بتاع حلتكم غايتو شوف ليك فكي لانو حكايةة الخاتم البيسخط الزول د انا مؤمن بيهو لانو بيني وبينك انا كنت شلت مش خاتم لكن جعران ولي هسع مسخوط ما قادر اتفك من سيرة ناس توت دييل واهو كنت مصر انو قريبنا وطلع عندكم في ابرووف وبيحكي مصري ومستلب ....
تعرف يا أبوبكر أنا مسخوت بالميلاد ، خاتم توت ده ما عندو طريقه ياثر فيني إلا تاثير كويس !
توت خذلنا يا أبوبكر ، شابكننا الفراعنه سودانيين و هم - سمع إضنيني - بتكلمو مصري زي عمرو أديب !!

Post: #54
Title: Re: توت عنخ أمون في سودانيزاونلاين ..................!!!!
Author: abubakr
Date: 03-01-2010, 08:22 AM
Parent: #53

ياامين

Quote: توت خذلنا يا أبوبكر ، شابكننا الفراعنه سودانيين و هم - سمع إضنيني - بتكلمو مصري زي عمرو أديب !!


هو كانو في فراعنا سود (سودانيين) لكن الاسره 25 وكثير من امهات الفراعنه كن من ألنوبة وتوت دة امو سودانية .. لكن انت هسع كان خلوك في ام الدنيا سنة كدة ما بتجي راجع بعد ما تغتس القاف في البحر الابيض المتوسط....اكييد توتنا من طولة الرمي في المتحف المصري رمي القاف وجااك عدييل .. بس ما قلت لينا اها اكلتو شنو ؟؟؟ هي ابروف ما قريبه من الموية اها جبتو ليها سمك بلطي .. هسه السكي ما بقي يعمل هوم دليفري
؟؟؟

Post: #55
Title: Re: توت عنخ أمون في سودانيزاونلاين ..................!!!!
Author: احلام وهبي
Date: 03-01-2010, 09:11 AM
Parent: #54

يا آمين انت مشيت وين !!!!!
انا من امبارح قاعدة ومتابعة باستمتاع

Post: #56
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-01-2010, 05:23 PM
Parent: #55

بعد أن فرغت من محادثة بشاشا و قبل أن أتحرك من مكاني إذا بطرق عنيف في باب المنزل .
أسرعت الخطي لفتح الباب قبل أن يتسبب الطارق في إيقاظ (مليكنا المفدي ) ، فتحت الباب فإذا بحسين ملاسي بشحمه و لحمه و إبتسامته العريضه .
كانت تلك أول مره أري فيها ملاسي ، كان كما صورته في (سودانيس أونلاين ) فقط هالني علو صوته !
- ويييييين يا أمين ؟ حمد الله علي السلامه !
قالها بصوت جهور خشيت أن يوقظ (مليكنا المفدي ) و كل ملوك الفراعنه الأحياء منهم و الأموات !!!
- أهليييييين يا حسين ، انشالله طيب .
- شنو ياخي تجي البلد و ما تكلمنا ؟
- والله يا حسين تقول شنو ، يا دوب جيت لي كم يوم و جاري جري شديد !!
كنت أتحدث مع ملاسي و أنا أسأل نفسي (الزول ده الجابو شنو ؟ ) فلم تكن علاقتنا الشخصيه أو الإسفيريه تبرر هذه الزياره !
جلسنا في الصالون القريب من باب المنزل و تحدثنا عن ( البورد ) و ناس (البورد ) .
تحدث ملاسي عن(البورداب ) بكل أدب ، لم يذكر أحد بسوء حتي من يختلفون معه و يفتحون (البوست) تلو (البوست) ذما فيه . قال إن عزائه في البورد ينتهي بإنتهاء مراسم إغلاق جهاز الكمبيوتر خاصته و أنه لا يحمل في قلبه مثقال حبة من كراهيه لأي أحد .
فجأة و بدون أي مقدمات بادرني قائلا :
- ياخي أنا عرفت إنو عنك اشكاليه كبيره و أنا هنا عشان أحلها ليك
- إشكالية شنو يا حسين ؟
- ما عارف جاني كلام كده ، أنا ذاتي ما صدقتو !
- أنا عندي موضوع عائلي كده بتاع أراضي و ما فيهو أي إشكاليات .
- أراضي شنو ياخي ...؟!!!! أنا بتكلم عن موضوع كبيييييييير تقول لي أراضي ؟!! و تبعها بضحكه مجلجله اهتزت لها ابوروف و الأحياء المجاوره !
- ما عندي أي فكره إنت بتتكلم عن شنو يا حسين ..
- يا زول ما تاخد في بالك
قالها و انتصب واقفا و بخطوات سريعه إتجه إلي سيارته متمتما بكلام غير مفهوم !!!!!

Post: #57
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-01-2010, 05:46 PM
Parent: #56

Quote: يا آمين انت مشيت وين !!!!!
انا من امبارح قاعدة ومتابعة باستمتاع
قاعد يا أحلام ، حا أحاول أنتهي من الفلم ده الليله كان الله هون .

Post: #58
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-02-2010, 07:15 AM
Parent: #57

زيارة ملاسي المفاجئه زادت من توتري .
أيقنت أن سر (مليكنا المفدي) قد عم البوادي و الحضر و أن سيف الوقت قد أصبح جاهزا لقطعي و قطع كل ما بنيت من أحلام و آمال .
أسرعت الخطي للاطمئنان علي مليكنا المفدي ، فتحت الباب دون أن أصدر صوتا يستقطع من راحة الملك ، و برجل داخل الغرفه و أخري خارجها نظرت إليه : فإذا هو في نفس الوضع الذي تركته عليه نائما علي الأرض من غير وساده أو غطاء ، نائما لا كما ينبغي للملوك أن تنام ، لكنه كان نائما في هدوء و سكينه ، بنفس الهدوء و السكينه أغلقت الباب .
كنت في حاجه إلي تركيز : كان عقلي يعمل بكل طاقته لكني لم أكن أفكر بشئ معين .
إتجهت مباشرة إلي النيل مثلما كنت أفعل في سنوات الصبا .
واجهت النيل و جلست علي نفس الحجر الصخري الذي كنت أجلس عليه و أنا صبي يافع ، عل نجابة الصبا تتسرب منه إلي عقلي الذي شاخ !
لم استغرق وقتا طويلا لاصل إلي قناعه أن الحل الأسلم أن نخرج من هذي البلد الظالم حكامها قبل أن يضعوا أيديهم عليه !! و لكن كيف ؟!!
لحظات وجاءني الفرج ، أو هكذا ظننت !
ما لها غير تراجي صاحبة العلاقات القويه و المتشعبه مع القياده الأمريكيه و أماكن صنع القرار !
إذا كانو قد أرسلو طائرة خاصه لرئيس جهاز الأمن السوداني ، فماذا عساهم سيرسلو إلي مليكنا المفدي ؟!!
لم أكن أملك رقم هاتفها ، لكني كنت أعرف كيف أحصل عليه .

Post: #59
Title: Re: توت عنخ أمون في سودانيزاونلاين ..................!!!!
Author: Hassan Makkawi
Date: 03-02-2010, 07:26 AM
Parent: #58

Quote: و بالله كترو من المدح و الإطراء و بكلام كبار الله يرضي عليكم




كشك ليمون فى عز الصيف فاتح @ سبعة شوارع...


واصل من غير فواصل

Post: #60
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-02-2010, 07:41 AM
Parent: #59

Quote: كشك ليمون فى عز الصيف فاتح @ سبعة شوارع...


واصل من غير فواصل
والله يا أبو علي ، أبو الريش ما خاتي عليكم كلو كلو .
ياخ أنا جاتني معلومه إنو الدار العالميه للنشر * مستنياني أنتهي من القصه دي عشان يدفعو دم قلبهم و ينشروها ! تقول لي سبعه شوارع ؟!!










-------
أوعي تسالني الدار العالميه للنشر دي شنو و مكانها وين !!

Post: #61
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-02-2010, 07:55 AM
Parent: #60

لم يكن فارق الزمن بين الخرطوم و وتورنتو ليثنيني عن الاتصال بتراجي و سيف الزمن مسلولا في عنقي و عنق مليكنا المفدي .
و كما توقعت جاءني صوتها كانه خارج من بئر عميق :
- الللللللللللو ....
- ام حازم سلام عليكم ، ياخي أنا أسف جدا صحيتك من النوم
- منو معاي ؟
- معاك أمين محمد سليمان زميلك في سودانيس اونلاين
- أمين محمد عثمان منو
- أمين محمد سليمان يا تراجي ، معاك في سودانيس اونلاين .
-...............
- ياخي أنا أسف جدا صحيتك من النوم ، عارف الوقت متاخر عندكم ، لكن الموضوع مهم و عاجل ...
- خير ، في شنو يا أمين ؟
حاولت أن أختصر قدر المستطاع بدون أن أخل بالقصه ...
- توت عنخ أمون منو المعاك في البيت ؟
- توت عنخ أمون الواااااحد ده يا تراجي ، أنا من قبيل بقول ليك في شنو ؟
- يا زول إنت بصحك ؟
- ااي والله يا تراجي و أنا عايزك تتصلي باي من معارفك الأمريكان أو الكنديين يشوفو لينا صرفه مخارجه للزول ده قبل ما الحكومه هنا تاخد خبر .
- إنت يا أمين شارب حاجه ؟
- شارب شنو يا تراجي ، أنا بتكلم معاك جادي جدا و ....
- غايتو يا الجلابه تمحنو ! يا زول إنت بصحك ؟!
استمرت المحادثه لاكثر من عشره دقائق لم تخرج من (إنتو يا الجلابه تمحنو ) و (قال توت عنخ أمون قال ) من جانبها و تأكيد باقسام مغلظه من جانبي :
- يا زول أسمع أنا عندي شغل الصباح وما فاضيه لتلفونات الامنجيه الضاربين يزعجونا في نومنا كمان ، بلا يخمك إنت و حكومتك يا تافه !!!
أغلقت الخط مغلقه معه أخر أمل لإنقاذ مليكنا المفدي .....أو هكذا ظننت !!!

Post: #63
Title: Re: توت عنخ أمون في سودانيزاونلاين ..................!!!!
Author: حمور زيادة
Date: 03-02-2010, 08:00 AM
Parent: #61

اتوقع سلسلة مقالات بعنوان :
مومياء داخل مومياء.. محاولة لتخليص الأدب من هضربات خال حمّور

Post: #62
Title: Re: توت عنخ أمون في سودانيزاونلاين ..................!!!!
Author: محمد عمر جبريل
Date: 03-02-2010, 08:00 AM
Parent: #60

Quote: تعرف يا ود الرشيد، أمين ده لا يشكر الناس، لولا ود أخته هذا- وأشار لحمور- أمين لاهسي كان يكون ما معروف، شوف دفعتو الدخلو معاهو المنبر، واحدين عندهم تلاتة مداخلات، وواحدين هم ذاتهم رايحين من روحهم، وواحدين إشتكو من التهميش وعدم التداخل ففتحو البوستات يشكون لطوب المنبر وأيقوناته، وواحدين حردو عديل، وقالوا البورد ده بتاع ناسات وشلليات ولوبيات وفاصوليا..
__
أمين صحى من نومو ولقى كومو وعلى جاه ود أختو بقى مشهور، وكمان في البوست ده -تحديداً- داير يبقى قاص..

مع إنو كلام أخونا ود طيفور لا يخلو من الحسادة .. لكن كلام صاااا اح
هسي ما في عشرمية قصة نزلتها في البورد ده .. زول هببني وللا قال لي عينك في راسك مافي..
يا أمين ياخ ما تديني ود أختك ده شدة .. ربع ربعين وأرجعو ليك

Post: #64
Title: Re: توت عنخ أمون في سودانيزاونلاين ..................!!!!
Author: Hassan Makkawi
Date: 03-02-2010, 08:13 AM
Parent: #62

Quote: مومياء داخل مومياء..



اقترح إسم ( مومياء ماتريوشكا ) للرواية!!!

Post: #65
Title: Re: توت عنخ أمون في سودانيزاونلاين ..................!!!!
Author: الجندرية
Date: 03-02-2010, 11:08 AM
Parent: #64

انا برضو متااااااااابعة زي المرضي دا
الشكر ملحوق
تموه ان شاء الله موية

Post: #66
Title: Re: توت عنخ أمون في سودانيزاونلاين ..................!!!!
Author: عاطف عمر
Date: 03-02-2010, 11:24 AM
Parent: #1

الروائي ...( وحيد عصرو الما متلو شي )
القاص ... ( جوهر صدر المحافل )
الأديب ... الـ ( أمات البنات إتلموا بيقو يلدوا وعليهو يسموا )

متابعة من قول تيييت
وانبهار للطيش

لكن ياخ إتلومت في حاجة وااااحدة بس
تتصل تلفون بى تراجي الموجودة في كندا البعيدة ديييييك
وتنسى إنعام حيمورة سفيرة المهام الإنسانية الموجودة في نص الخرطوم ؟؟؟

قطع شك أم حازم تستاهل الإتصال
لكن ( تهميش ) إنعام حيمورة في ميدانها ووسط جماهيرها
أمر صعب الإحتمال

ياخ إنت ما شفتها لمن المنبر إحتار في أمر آمنة عبدالكريم
جابت خبرها كيف ؟؟

Post: #67
Title: Re: توت عنخ أمون في سودانيزاونلاين ..................!!!!
Author: Hala Hassan
Date: 03-02-2010, 11:43 AM
Parent: #66

يا أمين،
قصتك دى قاعد تنجر فيها طازة (طازجة يعنى)؟؟؟
اقصد...... قاعد تحكى فيها أو ل بأول و لا شنو؟؟؟


المهم،،،

دايرة أعرف الاتى:
1. عرفت كيييف وهبة كان بيستمع و ما كان شاغل نفسو بشى تانى؟؟؟
2. لييه عندك شك فى مصادر ملاسى الخطيييرة؟؟؟
3. جاك لغاية عندك يا زول، تمشى تتصل على اقاصى الأرض،
تستاهل الخسرت الخمسين جنيه و غيرهم،،،،،
4. كنت بتستعمل ياتو تلفون (أوبريتر)؟؟؟


خامسا و الاهم،
زولك دة لونو كيف و طويل كيف و.... بتكلم مصرى،
و لسه ما عرفتو؟؟؟؟


بالغت والله،،،،،

Post: #68
Title: Re: توت عنخ أمون في سودانيزاونلاين ..................!!!!
Author: Elawad
Date: 03-02-2010, 03:55 PM
Parent: #67

Quote: تعرف يا أبوبكر أنا مسخوت بالميلاد

يا أمين ذكرتني قصة الراجل القالو قاعد يشتم في آل الميرغني في مناسبة و الخلفا يعاينو ليهو ساكت ما دايرين يعبرو قام اتغاظ قال ليهم ما قلتو أسيادكم ديل بسختوا هسع ما سختوني مالهم؟ قالو واحد من أعمامك عاين ليه كدا و قال ليه يسختك أكتر من كدا يوديك وين يا ولدي؟
واصل يا أمين في الحكي الذي يلامس خلايا الفكرة و ينسرب من مسامات الحنين و يشعل نار التساؤلات السرمدية... (أظن كدا كفاية عارفنا ناس بسطاء و التفكير في الكلام الكبار كبار دا كان ما عوقنا بجيب لينا صداع).
بس عندي ليك حاجتين الأولى أنا عارف ملاسي كلمه منو... كلمه وهبة أثناء مكالمتهم الأمبارح... ما تشوف حركاتهم في البورد دي ديل أمنجية و برة البورد سمن على عسل. التانية إنت قفلت الخط قبل ما أم حازم تديك نصيحتها... أطبع البوست دا و توجه إلى أقرب سفارة غربية (بنهزر والله يا تراجي).

Post: #69
Title: Re: توت عنخ أمون في سودانيزاونلاين ..................!!!!
Author: MAHJOOP ALI
Date: 03-02-2010, 05:12 PM
Parent: #68

امين الياسمين
سمعنا بالحمي البتطير في الراس
لكن بردا يطير في الراس ّّّّّ!!! يطرشنا
من باب الاحتياطي ، اشرب unti-freez
اقلاها يساعدك علي التبول

Post: #77
Title: Re: توت عنخ أمون في سودانيزاونلاين ..................!!!!
Author: Yassir Tayfour
Date: 03-02-2010, 10:10 PM
Parent: #69

Quote: امين الياسمين
سمعنا بالحمي البتطير في الراس
لكن بردا يطير في الراس ّّّّّ!!! يطرشنا
من باب الاحتياطي ، اشرب unti-freez
اقلاها يساعدك علي التبول

___
Good one ya Mahjoub

Post: #70
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-02-2010, 05:23 PM
Parent: #68

محمد عمر يا حبيبنا ، سلام
Quote: هسي ما في عشرمية قصة نزلتها في البورد ده .. زول هببني وللا قال لي عينك في راسك مافي

و أنا ذنبي شنو إذا إنت لا تمتلك ناصية اللغه و الأدب و القصه بشقيها الطويله و القصيره مثلي ؟ يا محمد عمر يا أخوي (ذلك فضل الله يؤتيه من يشاء ) .
ممكن ترسل لي قصتك في الخاص أطلع عليها و أشوف ليك مكامن الخلل وين !
Quote: يا أمين ياخ ما تديني ود أختك ده شدة .. ربع ربعين وأرجعو ليك
ود أختي ده يا محمد عمر غير المشاكل و (البل ) ما جايب لي أي حاجه ، دقيت فيه جرس في المنبر ده ، زول واحد غير دكتور مجدي دق سدرو و قال دايرو مافي . و طبعا بتكون لاحظت الارتباك الحاصل ليهو بعد ما أنا نزلت (باكورة ) إنتاجي الأدبي عشان الناس تشوف وين الغث و وين السمين .
و لعلمك بحاول أتصل بالتلب لكي نعمل يدا واحده (لإسقاط حملته النجوميّة بوضوح ) هو و كائناته المتضامنه !!!

Post: #71
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-02-2010, 05:37 PM
Parent: #70

Quote: اقترح إسم ( مومياء ماتريوشكا ) للرواية!!!
يا أبو علي
مشيت قوقلت ''ماتريوشكا'' طلعت ( دمية مزخرفة تعتبر رمزاً روسياً ) . و ده شغل جميل جدا و تشكر عليهو .
لو استمريت بنفس نوعية شغلك العميق ده : احتمال تقدر تكتب في فوراول بعد أربعين سنه ، جنبا إلي جنب مع قاماتنا الفكريه أمثال الوليد يوسف و أبوالريش و كده !

Post: #72
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-02-2010, 05:48 PM
Parent: #71

الجندريه سلام
Quote: انا برضو متااااااااابعة زي المرضي دا
الشكر ملحوق
تموه ان شاء الله موية
متابعتكم تسعدنا !
لكن الشكر ولا ملحوق و لا شيتين !
طالما ضنيتي علي بكلمتين حلوات ، بفرجها علي رقبتي براي :
لي المجد و أنا أعيد الروايه و الأدب السوداني إلي سيرته الأولي !!

Post: #73
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-02-2010, 06:30 PM
Parent: #72

Quote: الروائي ...( وحيد عصرو الما متلو شي )
القاص ... ( جوهر صدر المحافل )
الأديب ... الـ ( أمات البنات إتلموا بيقو يلدوا وعليهو يسموا )

متابعة من قول تيييت
وانبهار للطيش


تعرف يا عاطف لمن وصلت كلامك ده ، كنت داير أرسل لبكري يقفل البوست ونقرط علي كده !! القصه ذاتها ما نتمها !!!
ده بالظبط الكلام البيستاهل يكون رد علي الإبداع البسوي فيه ده !!! ‎
شكرا ليك يا عاطف و أنت تنصفني و تضعني حيث يجب أن أكون : قمة الأدب السوداني !
Quote: لكن ياخ إتلومت في حاجة وااااحدة بس
تتصل تلفون بى تراجي الموجودة في كندا البعيدة ديييييك
وتنسى إنعام حيمورة سفيرة المهام الإنسانية الموجودة في نص الخرطوم ؟؟؟

قطع شك أم حازم تستاهل الإتصال
لكن ( تهميش ) إنعام حيمورة في ميدانها ووسط جماهيرها
أمر صعب الإحتمال

ياخ إنت ما شفتها لمن المنبر إحتار في أمر آمنة عبدالكريم
جابت خبرها كيف ؟؟
حسب مقياس (بنشر ) في المنبر : كل بورداب الداخل - بدون إستثناء - امنجيه !!
و عليه تصبح أنعام حيموره امنجيه مثلها مثل باقي البورداب في السودان ، ما كان لي تعريض حياة مليكنا المفدي للخطر و الاتصال باي من بورداب الخرطوم !
براك شفت لمن غلطه و كلمت وهبه ، حصل شنو ؟ جاني ملاسي ناطي بعد ساعه !!

Post: #74
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-02-2010, 07:14 PM
Parent: #73

يا الهاله الكلك ضي ! سلام
Quote: يا أمين،
قصتك دى قاعد تنجر فيها طازة (طازجة يعنى)؟؟؟
اقصد...... قاعد تحكى فيها أو ل بأول و لا شنو؟؟؟


المهم،،،

تصدقي و تأمني بالله ، أنا بديت القصه و ما عارفها ذاتها حا تنتهي كيف ، يا دوب عرفت .
بالنسبه لسؤالك : القصه ما طازه ، في فرق بتاع أسبوع كده ( حا تعرفي السبب في النهايه ) . الليله الحلقه الأخيره بالمناسبه !!
Quote: 1. عرفت كيييف وهبة كان بيستمع و ما كان شاغل نفسو بشى تانى ؟؟؟
لانو كان سافي !!
و وهبه يا هاله لمن يسف بيحلق في سماوات أخر ، بكون مركز علي الأخر و ما بشغل نفسو بشى تانى !!
Quote: 2. لييه عندك شك فى مصادر ملاسى الخطيييرة؟؟؟
ملاسي - بإعتبارو من بورداب الخرطوم - امنجي !
غير كده بيلعب لصالح ورقو !! يعني شخص لا يمكن الوثوق به !!
Quote: 3. جاك لغاية عندك يا زول، تمشى تتصل على اقاصى الأرض ،
إتصلت باقاصى الأرض لأن كل حلول مشاكلنا تاتي من الخارج و هو سبب تخلفنا الأصلي .
بعد ما القصه تخلص حا افكفكها و أوريكم - بإعتباركم بسيطين و قليلي ثقافه - أشياء مخفيه في القصه لا يراها إلا من قرا عملي هذا بقلب سليم !
Quote: 4. كنت بتستعمل ياتو تلفون (أوبريتر)؟؟؟
كنت بستعمل زين يا هاله لكن لو أي من الشركات الأخري (عصرت لي ) ممكن نغيرو في النسخه المطبوعه لزوم دعايه و إعلان !
Quote: خامسا و الاهم،
زولك دة لونو كيف و طويل كيف و.... بتكلم مصرى،
و لسه ما عرفتو؟؟؟؟


بالغت والله،،،،
الزول الكان معاي في البيت يا هاله ده (توت ) حبيبنا ذاتو ، و لا أقبل أي تشكيك فيهو :
غير الخاتم الأثري ( و دي معلومه ما ذكرتها في السياق ) ، توت تحدث لاولاد عمي الرطانه عبدالحكيم و أدهم نصر . و حكومه حلف طلاق تلاته إنو زولنا ده ياهو ود عمك أمون رع بذاتو و صفاتو !

غايتو يا هاله أسئلتك تعسفيه و يبدو إنك واقفه مع طحالب الثقافه و ادعيائها ، الجانب المظلم في أدبنا المعاصر : حمور زياده و أمثاله !
أغلب الظن لن أدعوك للإحتفال بتدشين الكتاب في حزيران القادم !

Post: #75
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-02-2010, 09:07 PM
Parent: #74

العوض يا حبيبنا ، سلام
Quote: واصل يا أمين في الحكي الذي يلامس خلايا الفكرة و ينسرب من مسامات الحنين و يشعل نار التساؤلات السرمدية...
خايف بعد كلامك ده أبوالريش يجي يقول ليك (إنت وكت بتعرف تكتب جنس ده ، المقعدك مع الطير ديل شنو ؟!!)
Quote: بس عندي ليك حاجتين الأولى أنا عارف ملاسي كلمه منو... كلمه وهبة أثناء مكالمتهم الأمبارح... ما تشوف حركاتهم في البورد دي ديل أمنجية و برة البورد سمن على عسل. التانية إنت قفلت الخط قبل ما أم حازم تديك نصيحتها... أطبع البوست دا و توجه إلى أقرب سفارة غربية (بنهزر والله يا تراجي).
(اولن) أنا ما أشرت للكلم ملاسي منو ، تركتها لفطنة القارئ ! و طبعا ده شغل بتاع كتاب كبار ما أظن الغالبيه الغالبه في المنبر هنا يفهمو !!
(سانين) تراجي يا العوض ما ادتني و لا أدت رقبتها فرصه تساعدني ، نطت لي في حلقي و قفلت السماعه في وشي لمن عملت لي ارتجاج في المخ !! و أنا الكنت قايلها من ساعتها بتضرب لاوباما !!

Post: #76
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-02-2010, 09:16 PM
Parent: #75

محجوب الكوز ، سلام يا حبيبنا
Quote: امين الياسمين
سمعنا بالحمي البتطير في الراس
لكن بردا يطير في الراس ّّّّّ!!! يطرشنا
من باب الاحتياطي ، اشرب unti-freez
اقلاها يساعدك علي التبول
أخوك راسو غير الأدب و كتابة القصه القصيره ما فيهو أي شئ حاليا ! إن شاء الله حا انتشل الروايه السودانيه من الحضيض الوصلو ليها ناس حمور و بقية الطحالب الثقافيه !
بعدين ياخي مداخلاتك كلها بقت (بول) و يوماديك (بعر ) و قصتك بقت بايظه جدا !! نقلوك الجهاز (الهضمي) ولا شنو ؟؟!!

Post: #78
Title: Re: توت عنخ أمون في سودانيزاونلاين ..................!!!!
Author: الفاضل يسن عثمان
Date: 03-03-2010, 00:04 AM
Parent: #76



امين:

تتصل بتراجي،وتستقبل بالبيت ملاسي،وتلفوناتك تطاقش،بس تتغافل ود جبرين طارق
زميل توت عنخ امون،والجامعي وحافظ سره المسهراني.
ومنقب موسيقاه الالمعي.


مودتي

Post: #79
Title: Re: توت عنخ أمون في سودانيزاونلاين ..................!!!!
Author: awad okasha
Date: 03-03-2010, 00:18 AM
Parent: #78

شكلوا كان حلم طويييييييييييييييل ...

Post: #80
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-03-2010, 02:06 AM
Parent: #79

سلام يا فاضل
Quote: تتصل بتراجي،وتستقبل بالبيت ملاسي،وتلفوناتك تطاقش،بس تتغافل ود جبرين طارق
زميل توت عنخ امون،والجامعي وحافظ سره المسهراني.
ومنقب موسيقاه الالمعي.
أنا توت ده داسي من ناس طارق ديل ، تقول لي أتصل بيه ؟ ياخي طارق ده غير البكا و النخجي ما حا يعلم (الملك ) ده أي حاجه !!!

Post: #81
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-03-2010, 02:14 AM
Parent: #80

Quote: شكلوا كان حلم طويييييييييييييييل ...
حلم شنو يا عكاشه ؟
أنا كان حلمان : وهبه ، ملاسي و تراجي ديل حلمانين برضو ؟
ياخي ده تاريخ حاصل و حاضر و شهودو أهو ديل بيقرو في البوست قدامك
ليه يا عوض التشكيك في مصداقية الناس ؟

Post: #82
Title: Re: توت عنخ أمون في سودانيزاونلاين ..................!!!!
Author: Yassir Tayfour
Date: 03-03-2010, 03:09 AM
Parent: #81

أطالب بتغيير عنوان القصة لـ: توت عنخ مـ(امون) لم يعد يضحك..

Post: #83
Title: Re: توت عنخ أمون في سودانيزاونلاين ..................!!!!
Author: Hassan Makkawi
Date: 03-03-2010, 05:58 AM
Parent: #82

Quote: مشيت قوقلت ''ماتريوشكا'' طلعت ( دمية مزخرفة تعتبر رمزاً روسياً )



أمين

بس كدة؟؟؟؟

طبعاً ما قريت عن سر الدمية!!!

ما خاتى عليكم أبو الريش....

Post: #84
Title: Re: توت عنخ أمون في سودانيزاونلاين ..................!!!!
Author: Egbal Elmardi
Date: 03-03-2010, 01:52 PM
Parent: #83

هى يا أمين
ما خلاص إشتهرته.....
لما بقو الناس يستعملو مصتلحاتك...
داك ياهو عاطف عمر بى هناك مستعين بيك
ومستعمل أحد المصتلحات التى إستعملتها فى غضبتك المضريه أو قل الغصنفريه (حين كُسّح الطريفى )
وذاكر المصدر....
Quote: تأتي عادة بعد تكرم بكري ( قدس الله سره ) - حقوق الإسم محفوظة للروائي الأعظم أمين سليمان في عليائه الفني -




________________
أحي...
جريت لمن نفسي إنقطع من الفرحه
ونسيت أسلم عليك....

إزيك أيها القاص العبقرى
الذى لا يشقُ له غُبار.....
(يشق له غُبار ) دى لما عجبتنى...
صحيّ دُول مصحرنه.....غبار شنو فى جنس الجليد العلينا ده!!!؟؟؟؟

Post: #85
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-04-2010, 00:01 AM
Parent: #84

Quote: أطالب بتغيير عنوان القصة لـ: توت عنخ مـ(امون) لم يعد يضحك..
أب تفه













اختشي !!

Post: #86
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-04-2010, 00:04 AM
Parent: #85

Quote:
أمين

بس كدة؟؟؟؟

طبعاً ما قريت عن سر الدمية!!!

ما خاتى عليكم أبو الريش....
ياخي أنا مش كتر خيري المشيت قوقلتها و عرفت معناها ! دايرني أفتش أسرارها كمان ؟
عالم (موتعسفه ) !!!

Post: #87
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-04-2010, 00:15 AM
Parent: #86

Quote: هى يا أمين
ما خلاص إشتهرته.....
لما بقو الناس يستعملو مصتلحاتك...
داك ياهو عاطف عمر بى هناك مستعين بيك
ومستعمل أحد المصتلحات التى إستعملتها فى غضبتك المضريه أو قل الغصنفريه (حين كُسّح الطريفى )
وذاكر المصدر....
الشهاده لله يا إقبال : أنا مشهور قبل إستعمال المصطلح ده ، لكن ما لدرجه إنو عظماء المنبر - زي عاطف عمر - يستعملو كلامي !!
Quote: أحي...
جريت لمن نفسي إنقطع من الفرحه
ونسيت أسلم عليك....

إزيك أيها القاص العبقرى
الذى لا يشقُ له غُبار.....
(يشق له غُبار ) دى لما عجبتنى...
طبعا بعد الروايه دي إسمي حا يبقي الأستاذ أمين محمد سليمان الأديب و القاص المعروف ، فضل لي بس صحفي و ناشط في حقوق الانسان و تاني سلام الله ده ما بديكم ليه !

Post: #88
Title: Re: توت عنخ أمون في سودانيزاونلاين ..................!!!!
Author: محمد عثمان ابراهيم
Date: 03-04-2010, 00:36 AM
Parent: #87

Quote: - أمين خال حمور ؟
- آي يا بشاشا خال حمور ( قلتها ممتعصا ) !

Quote: طبعا بعد الروايه دي إسمي حا يبقي الأستاذ أمين محمد سليمان الأديب و القاص المعروف

وبالطريقة دي حيبقى حمور هو حمور إبن أخت أمين..
لكن بالجد أنا مستمتع بالحكاية دي فأرجوك واصل وبالله لو ظهر ليك بعانخي أديه خبر إنو كنوز الدهب بتاعت أهله الناس نبشوها بالأجهزة الحديثة وما تركوا منها دبلة ولا خاتم.
تحياتنا يا أمين

Post: #89
Title: Re: توت عنخ أمون في سودانيزاونلاين ..................!!!!
Author: عبد الحكيم نصر
Date: 03-04-2010, 00:55 AM
Parent: #88

ما اراه تشتيت متعمد من القراء لجهود القاص والاديب
الرجاء مواصلة الكتابة ودع الردود جانبا...

والله ذكرتوني الدعايات بتاعت مسلسل رمضان...

Post: #90
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-04-2010, 00:57 AM
Parent: #88

سلام يا محمد عثماننا الذي بأوستراليا (سيد الإسم ذاتو )
Quote: وبالطريقة دي حيبقى حمور هو حمور إبن أخت أمين..
لكن بالجد أنا مستمتع بالحكاية دي فأرجوك واصل وبالله لو ظهر ليك بعانخي أديه خبر إنو كنوز الدهب بتاعت أهله الناس نبشوها بالأجهزة الحديثة وما تركوا منها دبلة ولا خاتم.
تحياتنا يا أمين
حمور ده أنا إتبريت منو هنا و فتحت بوست نكرتو حطب و هسي فرفرتو في البوست ده لانو عرف إنو بقصتي دي والجايات حا أسحب البساط منو و من كل طحالب الثقافه في سوداننا الشقيق .
بالنسبه لمواصلة القصه ، القصه هي البتكتبي يا محمد ما أنا البكتبها !*
ليها يومين ما جات و ما زلت في الإنتظار !!!









---------
غايتو بعد قصتي دي و كلامي الكبار ده كان ما شفتو لي سكه في فوراول ، تكونو إتلومتو !!!
--------

Post: #91
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-04-2010, 01:25 AM
Parent: #90

Quote: ما اراه تشتيت متعمد من القراء لجهود القاص والاديب
الرجاء مواصلة الكتابة ودع الردود جانبا...

والله ذكرتوني الدعايات بتاعت مسلسل رمضان...
مافي تشتيت يا حكومه !
أنا أديب و قاص إستثنائي ما زي ناس حمور و الرجرجه المعاو ديل .
لمن تجي الروايه تكتبني ، بجي بكبها زي ما ياها : ليها يومين ما جات !!

Post: #92
Title: Re: توت عنخ أمون في سودانيزاونلاين ..................!!!!
Author: عبد الحكيم نصر
Date: 03-04-2010, 01:51 AM
Parent: #91

Quote: مافي تشتيت يا حكومه !
أنا أديب و قاص إستثنائي ما زي ناس حمور و الرجرجه المعاو ديل .
لمن تجي الروايه تكتبني ، بجي بكبها زي ما ياها : ليها يومين ما جات !!


عادي ..
الرسول ذاته الوحي انقطع عنه فترة طويلة
وكنت داير اكب كلام كتير بس في ناس حيجوا
يقولوا حلفاوي ووووو
غايتو.... تدثر يا قريبي او تزمل او....
نخليهو برضو عشان نفس الكلام الفوق..

Post: #93
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-04-2010, 07:20 AM
Parent: #92

Quote: عادي ..
الرسول ذاته الوحي انقطع عنه فترة طويلة
وكنت داير اكب كلام كتير بس في ناس حيجوا
يقولوا حلفاوي ووووو
غايتو.... تدثر يا قريبي او تزمل او....
نخليهو برضو عشان نفس الكلام الفوق..
والله يا ابن عمي كترت المحلبيه لمن احتمال يودونا أنا و إنت والبوست وعمك توت محكمة الرده !!!

Post: #94
Title: Re: توت عنخ أمون في سودانيزاونلاين ..................!!!!
Author: Hala Hassan
Date: 03-04-2010, 07:27 AM
Parent: #92

أمين ايها القاص البارع المتمكن.... الـ الـ،،
ياخى غلبنى ذااتو أوصفك بشنو؟؟

أنا خليت موضوع وهبة و ملاسى ديل،
لأنو بالضرورة إنت الأدرى،،
الراجل قاعد فى بيتك ونايم فى غرفتك،،،
يعنى لازم كمان نديك فرصة... إحم.. نحترم وجهة نظرك يعنى،،،


Quote: بعد ما القصه تخلص حا افكفكها و أوريكم - بإعتباركم بسيطين و قليلي ثقافه - أشياء مخفيه في القصه لا يراها إلا من قرا عملي هذا بقلب سليم !

أولا...تانى،،
أنا شاكرة و مقدرة جدا إنك ضميتنى للزمرة،،
دة جميل،
ما ح أقدر أنساهو ليك بالهين،،،،



Quote: كنت بستعمل زين يا هاله لكن لو أي من الشركات الأخري (عصرت لي ) ممكن نغيرو في النسخه المطبوعه لزوم دعايه و إعلان !

غايتو هنا عندك فرصة تتراجع ،،،،


Quote: الزول الكان معاي في البيت يا هاله ده (توت ) حبيبنا ذاتو ، و لا أقبل أي تشكيك فيهو :
غير الخاتم الأثري ( و دي معلومه ما ذكرتها في السياق ) ، توت تحدث لاولاد عمي الرطانه عبدالحكيم و أدهم نصر . و حكومه حلف طلاق تلاته إنو زولنا ده ياهو ود عمك أمون رع بذاتو و صفاتو !

قلت لى أكل معاكم ملاح شنو؟؟؟؟

غايتو أنا ابتديت اشفق جدا على مصير توت،،،،


Quote: غايتو يا هاله أسئلتك تعسفيه و يبدو إنك واقفه مع طحالب الثقافه و ادعيائها ، الجانب المظلم في أدبنا المعاصر : حمور زياده و أمثاله !
أغلب الظن لن أدعوك للإحتفال بتدشين الكتاب في حزيران القادم !


غايتو النقد دة حار،
اصلو ما (بتبلع)،،،، :)




_______________________________
بالنسبة للحلقة الأخيرة،،
لو لسه ما جات،
ممكن نتصل عليها نستعجلها،،،

Post: #95
Title: Re: توت عنخ أمون في سودانيزاونلاين ..................!!!!
Author: حمور زيادة
Date: 03-04-2010, 02:07 PM
Parent: #94

اتعجب ممن يسمي هذه السطور المفككة قصة.

Post: #96
Title: Re: توت عنخ أمون في سودانيزاونلاين ..................!!!!
Author: مرتضى احمد عبد القادر
Date: 03-04-2010, 04:51 PM
Parent: #95

حمور سلام
Quote: اتعجب ممن يسمي هذه السطور المفككة قصة.

العن الشيطان يا حمور ما تخلي الحسد يعميك هههه.
المبدع أمين محمد سليمان القراءة لك لها طعم خاص حضور ومتابعه في إنتظار بقية القصة
__________________
النصيحه ليك يالله أمين مداخلاتو سمحة ممتعة اكتر من القصه

Post: #97
Title: Re: توت عنخ أمون في سودانيزاونلاين ..................!!!!
Author: حمور زيادة
Date: 03-04-2010, 07:12 PM
Parent: #96

فعلا كائنات.

Post: #98
Title: Re: توت عنخ أمون في سودانيزاونلاين ..................!!!!
Author: محمد على طه الملك
Date: 03-05-2010, 02:04 AM
Parent: #97

هووووي البورداب والبوردابيات المشاهير..
افتحوا عينكم..
الزول ده بدأ بالمجموعة الأولى وفتاهم..
حسع صنته دي عايز يشوف ردود الفعل..
إن باصوها ليهو يا هو الرماد كال حماد..
أنا حاسس لستتو لسع طويله..
وياما حتشوفوا ناس طيفور والزينين ودالصايم .... الخ الخ
ويمكن الريس زاتو ما يمرق منها..
الزول ده لو ما رشيتوه زي حمور أول اول..
لاحقكم لاحقكم..

..
الا هل بلغت اللهم فأشهد..

التوقيع:
الأمن الخاص بالملك توت.
الختم:
foto1.jpg Hosting at Sudaneseonline.com



بوست ظريف والله ياأمين.

Post: #99
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-05-2010, 04:46 AM
Parent: #98

Quote: أولا...تانى،،
أنا شاكرة و مقدرة جدا إنك ضميتنى للزمرة،،
دة جميل،
ما ح أقدر أنساهو ليك بالهين،،،،
والله يا هاله دي زمره أسأل الله ما ينضم ليها حبيب ولا قريب ! عمك أبو الريش - الله يديه العافيه - عمل لينا نفسيات !
Quote: غايتو النقد دة حار،
اصلو ما (بتبلع)،،،، :)

و إنت يا هاله (ناقداني) مالك لمن مبلعاني ليه ؟!
بالله العندو كلمتين حلوات يجيبهم و يجي ، نقد و ( بل) والله ما ناقصين !!

Post: #100
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-05-2010, 05:12 AM
Parent: #99

Quote: اتعجب ممن يسمي هذه السطور المفككة قصة.
Quote: فعلا كائنات.
يا أخوي أنا تاني ما عندي ليك غير :

التلب
التلب
التلب

Quote: وإن كان حمّور مُحاطاً بأربعة أضلاعٍ تحميه تماماً من تغوّلات أمثالنا، فتعالوا نصنع سلاحاً مكوّناً من أربعةِ أسنّةٍ حادّةٍ لمواجهة الكائنات المُتضَامنة مع كائنهم "المتضَامَن مَعَه"، وهو سلاحٌ قوامه: الدفاع عن الأدب والنأي به عن هذه الصراعات الساذجة، والتي لا تمتّ إلى جسده بشيء. ودعونا نؤكّد ونصرِّح بصورةٍ قطعيةٍ واضحة: نحن، في ملف (تخوم) لا نتضامن مع حمور زيادة بتاتاً، بل سنعمل لإسقاط حملته النجوميّة بوضوح.






--------


Post: #101
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-05-2010, 05:17 AM
Parent: #100

Quote: العن الشيطان يا حمور ما تخلي الحسد يعميك هههه.
المبدع أمين محمد سليمان القراءة لك لها طعم خاص حضور ومتابعه في إنتظار بقية القصة
كلمو بالله يا لابورتا !
ياخي أنا أكتب بمداد من نور لا يراه حمور و أمثاله !!

Post: #102
Title: Re: توت عنخ أمون في سودانيزاونلاين ..................!!!!
Author: أمين محمد سليمان
Date: 03-05-2010, 05:27 AM
Parent: #101

Quote: حسع صنته دي عايز يشوف ردود الفعل..
إن باصوها ليهو يا هو الرماد كال حماد..
أنا حاسس لستتو لسع طويله..
أبدا والله يا محمد علي ، أنا داير أسقف علي كده لكن الكتابه مابيه تجي !
إنتو بس كترو في الشكر ، الباقي هين !

Post: #103
Title: Re: توت عنخ أمون في سودانيزاونلاين .................!!!!
Author: أمين محمد سليمان
Date: 03-05-2010, 11:44 PM
Parent: #102

يا أخوانا أنا قررت أسقف علي كده !!
النهايه مفتوحه بمعني كل زول يختم علي كيفو : الداير يلفلفني علي الناس هنا واحد واحد ممكن ، الداير توت يستقر في ابوروف و يعرس من ناس شيخ كامل في الحله الوراء ممكن ، الداير يجيبو غربتنا أم تلج علي كيفو ، كل زول يسوي الدايرو .
و بكده أكون أول روائي في التاريخ قدم قصه ما عندها نهايه ، و إن شئتم الدقه : نهايتها عند القراء ، كل زول علي كيفو !!









-----------
ياخي أنا المجد يمشي علي قدمين !!

Post: #104
Title: Re: توت عنخ أمون في سودانيزاونلاين .................!!!!
Author: قيقراوي
Date: 03-06-2010, 00:42 AM
Parent: #103

Quote:
لمن تجي الروايه تكتبني ، بجي بكبها زي ما ياها : ليها يومين ما جات !!


شتت ليها سكر يا عمك










ما تشتتا لينا نحن ديل




-------------

شكرن على الامتاع يا استاذ امين محمد عثمان*
دي كتابة ماتعة ، و بتأكد المتاع السغافي العتيد
عليك وزر استلابي من بين كل البوستات. . . الخ الخ

بل راسك يا عمك الرش جاييك . . ما تتبل من اول قطرة بس !!

* يا عمك النقط شنو كمان . . رفعوا ليك ؟
عشان تاني تكابس في التلفونات و الناس نيام

Post: #105
Title: Re: توت عنخ أمون في سودانيزاونلاين .................!!!!
Author: عبد الحكيم نصر
Date: 03-06-2010, 01:40 AM
Parent: #103

Quote: يا أخوانا أنا قررت أسقف علي كده !!
النهايه مفتوحه بمعني كل زول يختم علي كيفو : الداير يلفلفني علي الناس هنا واحد واحد ممكن ، الداير توت يستقر في ابوروف و يعرس من ناس شيخ كامل في الحله الوراء ممكن ، الداير يجيبو غربتنا أم تلج علي كيفو ، كل زول يسوي الدايرو .
و بكده أكون أول روائي في التاريخ قدم قصه ما عندها نهايه ، و إن شئتم الدقه : نهايتها عند القراء ، كل زول علي كيفو !!


هذا وسيجتمع المجلس الاسري في موطن المدعو امين محمد سليمان بقرية تولا
وسيصدر قراره النهائي بعد ان اصيبوا بخيبة امل كبيرة..واصبحوا ملطشة
للي يسوي واللي ما يسواش...

وقالت امراة كبيرة من اهالي القرية(امين ويكون اربموا ولا اوي تكا فرقمو)

Post: #106
Title: Re: توت عنخ أمون في سودانيزاونلاين .................!!!!
Author: عبد الحكيم نصر
Date: 03-06-2010, 01:40 AM
Parent: #103

Quote: يا أخوانا أنا قررت أسقف علي كده !!
النهايه مفتوحه بمعني كل زول يختم علي كيفو : الداير يلفلفني علي الناس هنا واحد واحد ممكن ، الداير توت يستقر في ابوروف و يعرس من ناس شيخ كامل في الحله الوراء ممكن ، الداير يجيبو غربتنا أم تلج علي كيفو ، كل زول يسوي الدايرو .
و بكده أكون أول روائي في التاريخ قدم قصه ما عندها نهايه ، و إن شئتم الدقه : نهايتها عند القراء ، كل زول علي كيفو !!


هذا وسيجتمع المجلس الاسري في موطن المدعو امين محمد سليمان بقرية تولا
وسيصدر قراره النهائي بعد ان اصيبوا بخيبة امل كبيرة..واصبحوا ملطشة
للي يسوي واللي ما يسواش...

وقالت امراة كبيرة من اهالي القرية(امين ويكون اربموا ولا اوي تكا فرقمو)

Post: #107
Title: Re: توت عنخ أمون في سودانيزاونلاين .................!!!!
Author: وجن
Date: 03-06-2010, 02:07 AM
Parent: #106

ياخ بتبالغ
بقيت بصل بس

Post: #108
Title: Re: توت عنخ أمون في سودانيزاونلاين .................!!!!
Author: أمين محمد سليمان
Date: 03-06-2010, 04:47 AM
Parent: #107

Quote: دي كتابة ماتعة ، و بتأكد المتاع السغافي العتيد
عليك وزر استلابي من بين كل البوستات. . . الخ الخ
والله يا قيقا أخوك ملان سغافه لمن مدفقه ، لكن تقول شنو البلد ما فيها إعلام !
Quote: بل راسك يا عمك الرش جاييك . . ما تتبل من اول قطرة بس !!
لا بل علي أخوك بعد اليوم : القصه إنتهت كما أسلفنا و علي المتضرر اللجوء للقضاء !











-----
يا قيقا لو بتعرف ليك زول من ناس فور اول يتوسط لينا ! أفتكر أنا بقيت جاهز و حرام بعد ده أكون بكتب مع الوهم الهنا ديل !!
-----


Post: #109
Title: Re: توت عنخ أمون في سودانيزاونلاين .................!!!!
Author: أمين محمد سليمان
Date: 03-06-2010, 05:12 AM
Parent: #108

Quote: هذا وسيجتمع المجلس الاسري في موطن المدعو امين محمد سليمان بقرية تولا
وسيصدر قراره النهائي بعد ان اصيبوا بخيبة امل كبيرة..واصبحوا ملطشة
للي يسوي واللي ما يسواش...

قل لاهلي في تولا ارفعو رؤسكم فمنكم جاء المجد يمشي علي قدمين !

Quote: وقالت امراة كبيرة من اهالي القرية(امين ويكون اربموا ولا اوي تكا فرقمو)
قول ليها و قول لي ناس تولا كلهم (أي إكه دًلِر ) لحدي ما اجيكم بالدرب !*









---------
*غايتو الويب سايد الجبت منو الكلام ده لو ما طلع معناهو زي ما مكتوب أعفو لينا !!

Post: #110
Title: Re: توت عنخ أمون في سودانيزاونلاين .................!!!!
Author: أمين محمد سليمان
Date: 03-06-2010, 05:22 AM
Parent: #109

Quote: ياخ بتبالغ
بقيت بصل بس
البدايات دائما صعبه يا وجن !!
كل العظماء تعرضو للاستهزاء و الازدراء : لست بدعا منهم !
(النهايه المفتوحه) ستكون فتحا جديدا في عالم الروايه !

Post: #111
Title: Re: توت عنخ أمون في سودانيزاونلاين .................!!!!
Author: قيقراوي
Date: 03-06-2010, 06:47 PM
Parent: #110

Quote: والله يا قيقا أخوك ملان سغافه لمن مدفقه ، لكن تقول شنو البلد ما فيها إعلام !

تعرف يا زميل - ما تخاف ، دي زمالة طحلبة سغافية ساي - بما انو المشهد السغافي حالة كونه يعاني إلتواث ، بعد داك الاعلام ذاتو ما مهم . . و لا انت شايف شنو في الحتة دي ؟


Quote: لا بل علي أخوك بعد اليوم : القصه إنتهت كما أسلفنا و علي المتضرر اللجوء للقضاء !

دا تناقض واضح يا زميل و كلام ما مؤسس

Quote: يا قيقا لو بتعرف ليك زول من ناس فور اول يتوسط لينا ! أفتكر أنا بقيت جاهز و حرام بعد ده أكون بكتب مع الوهم الهنا ديل !!

يا ابو الزمل احسن تنيخ زاملتك بكلكلها بعيد عن المضارب ديك ! يا زمل انت بي صحك ؟!!
ماش لي الـ " البلال " في محلو ، و تقول لي لا بل و لا دموع بعد الآن ؟
و الله جنس بل هو ؟ . . يا زول هو بل نصاح ؟ . . غايتو بل راسك ساي كان عندك نوايا زي دي
عالم الله و شاهد زي ما جا في الكتاب . . " كتاب البل " للعالم العلامة الحبر الفهامة ابو بلّا البلال ود خرات البلي . . و دا ما الجلا . . دا ما بجلي تب . . و عندو كبير الجمل و جوز لا يخسر ، بنيشك انت و البتشدد ليك .
غايتو بلو دا اكان في راسك دا تتكيف ! بل بي فهم عدييييييل




و لا يسعني في الختام الا ان اعلن اني لا استنكف ان اشارك حسين ملاسي شرقتو بالزول دا

----------

انت ناسك ديل ما بعرفوا : يس امبسلين ، نو سقنل توو كلهم ؟
اظنهم سـvـنتي فايف سااااااااااي يا عمك !

Post: #112
Title: Re: توت عنخ أمون في سودانيزاونلاين .................!!!!
Author: أمين محمد سليمان
Date: 03-08-2010, 02:23 AM
Parent: #111

Quote: يا ابو الزمل احسن تنيخ زاملتك بكلكلها بعيد عن المضارب ديك ! يا زمل انت بي صحك ؟!!
ماش لي الـ " البلال " في محلو ، و تقول لي لا بل و لا دموع بعد الآن ؟
و الله جنس بل هو ؟ . . يا زول هو بل نصاح ؟ . . غايتو بل راسك ساي كان عندك نوايا زي دي
عالم الله و شاهد زي ما جا في الكتاب . . " كتاب البل " للعالم العلامة الحبر الفهامة ابو بلّا البلال ود خرات البلي . . و دا ما الجلا . . دا ما بجلي تب . . و عندو كبير الجمل و جوز لا يخسر ، بنيشك انت و البتشدد ليك .
غايتو بلو دا اكان في راسك دا تتكيف ! بل بي فهم عدييييييل
يا قيقا ياخي أنا بعد الروايه الاسطوريه دي مكاني بهناك ياخي !!!
و زي ما قال المثل (لأن تكون فردا في (فوراول) ، خير من أن تقود (البسطاء و قليلي الثقافه ) في (سودانيس اونلاين )) !!

Post: #113
Title: Re: توت عنخ أمون في سودانيزاونلاين .................!!!!
Author: حسين نوباتيا
Date: 03-08-2010, 03:22 AM
Parent: #112

بوست يؤكد ان الكاتب العبقري امين سليمان يتعاطى نوعا نادرا من حشائش السافنا

Post: #114
Title: Re: توت عنخ أمون في سودانيزاونلاين .................!!!!
Author: أمين محمد سليمان
Date: 03-08-2010, 07:55 AM

Quote: بوست يؤكد ان الكاتب العبقري امين سليمان يتعاطى نوعا نادرا من حشائش السافنا
تعرف يا أبوحسين أنا بعبقريتي بتاعت الكتابه دي لو كنت بتعاطي من حشائش السافنا المجيده كان نزلت ليكم عمكم توت مرشح في الدائره 53 عن الحزب الليبرالي .

Post: #115
Title: Re: توت عنخ أمون في سودانيزاونلاين .................!!!!
Author: ود الخليفه
Date: 03-08-2010, 12:33 PM
Parent: #114

الاستاذ الاريب الاديب امين اخو خال حمور

تحياتي وانت تفترع* اول مدرسه قصصيه اسمتها انا المدرسه الممتده tensor school

وطبعا دا تعريف خاص بادب القصه المفتوحه النهايات المتعدده الاتجاهات

يكملها القارئ الحصيف حسب متابعاته ورؤاه


طبعا بمجرد ما الفكره الاساسيه وقعت لي قدرت اشوف ردة فعل اي زول تجاه

هذا الظهور لتوت عنخ

واصل يا عمك هذا الابداع الثر

لغاية الان مافي زول جاب ليك كميه من القصص القصيره يرفع ليك من مستواك

الادبي مما يدل علي تفوقك علي ابن اختك

دحين لو امريكا فيها قيد قصصي امتحنو عشان ما تمحنا

*لقيتني كيف؟

ود الخليفه
ناقد متضامن