نوتات !!

Post: #1
Title: نوتات !!
Author: أمين محمد سليمان
Date: 03-14-2010, 06:47 PM
Parent: #0

هذا البوست ليست برعاية سمو ولي العهد الأمير سلطان بن عبدالعزيز حفظه الله ، لذا لزم التنويه !!

Post: #2
Title: Re: نوتات !!
Author: أمين محمد سليمان
Date: 03-14-2010, 06:52 PM
Parent: #1

وجهات نظر مختلفه في موضوعات لا رابط بينها كل واحد في شكل نوته براها .

Post: #3
Title: Re: نوتات !!
Author: أمين محمد سليمان
Date: 03-14-2010, 06:54 PM
Parent: #2

نوته واحد

إيه الأرف ده !!

سامي المصري أحد أقرب الناس لي في غربتنا أم تلج دي ، صرخ ذات تمرين عندما لكزه ( واحد من الشباب) من الخلف فوقع علي وجهه ، صرخ و هو قائم يتنفض مشوحا بكلتا يديه ( إيه الأرف ده !! ) .

احتفلت جدا بجملتو العميقه دي و سرت بها ومن ثم سارت بها الركبان بعدي . بلغني أن الفرد في السودان يستعملونها بكثره حتي بعد سفري !

إيه الأرف ده !! جمله أقولها في اليوم الاف المرات ! لم أحس بمعناها ولا أنها طلعت صادقه إلا عندما قرات بوست محمد حامد جمعه لسعادة العميد محمد أحمد الريح .....

بالجد يا محمد حامد : إيه الأرف ده !!!!

Post: #4
Title: Re: نوتات !!
Author: أمين محمد سليمان
Date: 03-14-2010, 06:56 PM
Parent: #3

نوته اتنين

النور الجيلاني

إن قلت أحب النور الجيلاني كذبت ، فالنور يسكنني !!

النور يغني فتفتح الفراديس ويقف الزمن !!

غناء النور ما بتسمع بالإضنين ، بتحس بالقلب ، عشان كده الما بحب النور فاليتحسس قلبه !!

سلام علي النور أين ما كان !

Post: #5
Title: Re: نوتات !!
Author: أمين محمد سليمان
Date: 03-14-2010, 07:05 PM
Parent: #4

نوته تلاته

شيوعيين زعلانين !!

هل حق و الليبرالي شيوعيين زعلانين ؟!

ما شايف لي فرق بين حركة حق و الحزب اليبرالي من ناحيه واقعيه إلا انهم شيوعيين زعلانين ، نفس الفكر ونفس الاتجاه ونفس أي حاجه (علي الأقل بالنسبه للمواطن البسيط قليل الثقافه الزيي كده ) بس زعلانين من الحزب الشيوعي ممثل في قيادتو . بالتاكيد ما كل العضويه في حق أو الليبرالي شيوعين سابقين ، لكن بالتاكيد الأعضاء المؤثرين أو الظاهرين من مؤسي الحزبين (الخاتم عدلان - عليه رحمة الله - و عادل عبدالعاطي ) كانو شيوعين ! يعني هل لو ما الناس دي زعلو من الحزب ما كان بكون في لا حق لا ليبرالي !!

مجرد سؤال ليس إلا !!

Post: #6
Title: Re: نوتات !!
Author: أمين محمد سليمان
Date: 03-14-2010, 07:45 PM
Parent: #5

نوته رابعه

كمال بشاشا

اختلف مع 89,093% من اراؤه ، و مع 99,9999999999% من أسلوبو و طريقة إدارة معاركو الاسفيريه ، إلا إنو يظل - من وجهة نظري الغير متواضعه - أكتر الناس في هذا المكان قدره علي التعبير و علي إستخدام مفردات قادره علي توصيل ما يود قوله بوضوح .

لغتو بقت مدرسه جديده في التعبير ..

Post: #74
Title: Re: نوتات !!
Author: Abdel Aati
Date: 03-16-2010, 02:24 PM
Parent: #5

سلام يا أمين

Quote: هل حق و الليبرالي شيوعيين زعلانين ؟!

ما شايف لي فرق بين حركة حق و الحزب اليبرالي من ناحيه واقعيه إلا انهم شيوعيين زعلانين ، نفس الفكر ونفس الاتجاه ونفس أي حاجه (علي الأقل بالنسبه للمواطن البسيط قليل الثقافه الزيي كده ) بس زعلانين من الحزب الشيوعي ممثل في قيادتو . بالتاكيد ما كل العضويه في حق أو الليبرالي شيوعين سابقين ، لكن بالتاكيد الأعضاء المؤثرين أو الظاهرين من مؤسي الحزبين (الخاتم عدلان - عليه رحمة الله - و عادل عبدالعاطي ) كانو شيوعين ! يعني هل لو ما الناس دي زعلو من الحزب ما كان بكون في لا حق لا ليبرالي !!

مجرد سؤال ليس إلا !!
لا اعتقد ان حق والحزب الديمقراطي الليبرالي شيوعيين زعلانيين؛ بل هما احزاب لا علاقة لها اطلاقا بالشيوعية او الحزب الشيوعي لا ايدلوجيا ولا برامجيا

فمن ناحية الايدلوجية تجد الحزب الشيوعي يتبني الماركسية اللينيينة بينما تجد حق اقرب للاشتراكية الديمقراطية؛ بينما الحزب الديمقراطي الليبرالي يتبني نهج الليبرالية الاجتماعية؛ واذا كان هناك صراع بين الشيوعيين والاشتراكيين الديمقراطيية فان هناك تناقض كامل بين الشيوعيين والليبراليين؛ تقريبا في كل موقف .

هذا يأتي بنا للبرنامج السياسي والاقتصادي؛ فالشيوعيين من انصار تدخل الدولة في كل شي وسحق الفرد ؛ بينما الليبرالية تعول على الفرد وتقلص من سلطات الدولة ؛ والشيوعية تقف مع الدولة المركزية؛ بينما الليبرالية تقف مع اقصى درجات اللامركزية ؛ والشيوعية تضع المجتمع فوق الفرد؛ بينما الليبرالية تضع الفرد فوق المجتمع وفوق الدولة.

اما عن شخصي الضعيف؛ فنعم كنت شيوعيا ولكن كان ذلك في زمن غابر ؛ وما بين خروجي من الحزب الشيوعي - عام 1996- وتكوين الحزب الليبرالي السوداني في 2003 - الذي اندمج فيما بعض مع تنظيمات اخرى ليكون الحزب الديمقراطي الليبرالي - مرت مياه كثيرة تحت الجسر ؛ وقد كنت عضوا في اغلب تلك الفترة في قوات التحالف التي لم تكن تنظيما شيوعيا ولا حتى يساريا؛ وكنت اقف في جناحها الليبرالي - اذا كان هناك مثل هذا الجناح .. فتسميني بالشيوعي السابق ليس لها معنى هنا .

الشي الثاني ان مؤسسي الحزب الليبرالي السوداني والحزب الديمقراطي الليبرالي الاخرون ليس فيهم حتى شيوعيون سابقون؛ فاناس مثل نور تاور ود. منال وزهرة حيدر وتاج السر العطا وولاء حسين لم يكونوا قط اعضاءا في الحزب الشيوعي؛ وهم من اسسوا الحزب الليبرالي السوداني .

Post: #7
Title: Re: نوتات !!
Author: ندى عثمان حسن
Date: 03-14-2010, 08:28 PM
Parent: #3

إيه الأرف دة

اها ممكن نستلف النوتة دى , والله مغروووووووووووضة فيا

سلامو يانوتات

Post: #8
Title: Re: نوتات !!
Author: البدري عبد الله
Date: 03-14-2010, 08:36 PM
Parent: #3

Quote: لم أحس بمعناها ولا أنها طلعت صادقه إلا عندما قرات بوست محمد حامد جمعه لسعادة العميد محمد أحمد الريح .....

Quote: أكتر الناس في هذا المكان قدره علي التعبير و علي إستخدام مفردات قادره علي توصيل ما يود قوله بوضوح .

Quote: غناء النور ما بتسمع بالإضنين ، بتحس بالقلب ، عشان كده الما بحب النور فاليتحسس قلبه !!

غايتو لي هسي تلاتة ...

Post: #9
Title: Re: نوتات !!
Author: أمين محمد سليمان
Date: 03-14-2010, 08:39 PM
Parent: #8

Quote: اها ممكن نستلف النوتة دى , والله مغروووووووووووضة فيا
يا ندي ، نحن جايبنهم نبيعهم ، لكن أول مره مكن تستلفي ساي !!

Post: #10
Title: Re: نوتات !!
Author: أمين محمد سليمان
Date: 03-14-2010, 08:53 PM
Parent: #9

البدري صاقعة النجم !
Quote: غايتو لي هسي تلاتة ...
وحده من لوائح البوست ده انك تتفق مع صاحب البوست - اللي هو أنا - في كل ما يرد من نوتات .

لو ما موافق علي النوته التالته بتاعت إنو ناس حق و الليبرالي شوعيين زعلانين ، معناته عندك مشكله مع ارائي المكونه لشخصيتي وبالتالي عندك معاي مشكله شخصيه .

و أنا يا الصاقعه جني وجن الناس العندها مشاكل شخصيه معاي !!

يا تتفق معاي في كلو ، يا تخلي كلو و تجيني زول شكل ومنابذه عشان نستعدل البوست ده !

----

الله يهديك يا البدري ، قدر ما الزول يقول يوم تعقل و تخلي مشاكلك دي ما تقدر !!

Post: #11
Title: Re: نوتات !!
Author: البدري عبد الله
Date: 03-14-2010, 08:59 PM
Parent: #10

Quote: يا تتفق معاي في كلو ، يا تخلي كلو و تجيني زول شكل ومنابذه عشان نستعدل البوست ده !

يا امين الياسمين ..العجلة من الشيطان ..كدي كمل لينا باقي النوتات ..وبعدين ينظر ثم يفاد ..

Post: #12
Title: Re: نوتات !!
Author: ندى عثمان حسن
Date: 03-14-2010, 09:02 PM
Parent: #10

Quote: ياتتفق معاى فى كلو,باتخلى كلو وتجينى زول شكل ومنابذة عشان نستعدل البوست دة!

دى حسة مش برضو نوتة؟ وبتشبه الحال شديد والله

Post: #13
Title: Re: نوتات !!
Author: ندى عثمان حسن
Date: 03-14-2010, 09:06 PM
Parent: #9

خلاس لو "زبتت"* بشترى والله

__________________

* دى يعنى ظبطت , بنكابر فى البت الرقيقة

Post: #14
Title: Re: نوتات !!
Author: أمين محمد سليمان
Date: 03-14-2010, 09:11 PM
Parent: #13

Quote: دى حسة مش برضو نوتة؟ وبتشبه الحال شديد والله
يا أماني البدري ده زول بتاع كركبات إسفيريه و متخصص كماين سايبر ، مشاكلو ما بتنتهي و اصلو ما جا يوم لحوار ، كان ما ثبتو من هسي بقلب لي البوست تراجي و هشام هباني و مشاكلو الاسفيريه الباقيه !!!

Post: #15
Title: Re: نوتات !!
Author: ندى عثمان حسن
Date: 03-14-2010, 09:20 PM
Parent: #14

Quote: يا أماني البدري ده زول بتاع كركبات إسفيريه و متخصص كماين سايبر ،

Post: #17
Title: Re: نوتات !!
Author: البدري عبد الله
Date: 03-14-2010, 09:26 PM
Parent: #15

Quote: يا أماني البدري ده زول بتاع كركبات إسفيريه و متخصص كماين سايبر ،

الجاتك في اسمك سامحتك اختنا ندى
.
.
.
.
.غايتو يا امين قدر ما وصيناك وقلنا ليك خلي الخفة ابيت تسمع كلامنا ..
..
.
.
مسئول من الخير اماني دي منو ؟!!

Post: #16
Title: Re: نوتات !!
Author: Amir Omer
Date: 03-14-2010, 09:24 PM
Parent: #14

Quote: يا أماني

اماني منو؟

Post: #18
Title: Re: نوتات !!
Author: عبدالكريم الامين احمد
Date: 03-14-2010, 09:31 PM
Parent: #16

يا امين
اعزف لي نوتاتك
وخليني اتابع كركباتك
ويا كيكي سيب القراية وكتر بريكاتك

----------------
البدري ده فعلا زول بتاع كركبات من زمن داخلية كردفان

Post: #19
Title: Re: نوتات !!
Author: البدري عبد الله
Date: 03-14-2010, 09:33 PM
Parent: #16

Quote: اماني منو؟

امير عمر well come to the club

Post: #21
Title: Re: نوتات !!
Author: ندى عثمان حسن
Date: 03-14-2010, 09:35 PM
Parent: #19

نوتة

اسلمناك الى البدرى بدون رافة

يابدرى ليك اللحم والعضم.

Post: #23
Title: Re: نوتات !!
Author: البدري عبد الله
Date: 03-14-2010, 09:45 PM
Parent: #21

Quote: اسلمناك الى البدرى بدون رافة

يابدرى ليك اللحم والعضم.

هلاّ هلاّ ..انا اخو البنيات ..ابشري بالخير.
.
.
.
..
علما بانو انا اصلا ما محتاج وصية

Post: #20
Title: Re: نوتات !!
Author: أمين محمد سليمان
Date: 03-14-2010, 09:34 PM
Parent: #16

Quote: اماني منو؟
الاجابه دي ليك إنت يا أمير ، البدري ده ما جا لحوار !!

أماني الأمين يا أمير ،لانو قبل ما أرد علي ندي ، رديت علي أماني في بوستها بتاع قيقا !!

-------

ندي يا ستهم ، امسحيها في وشي : وجود البدري في البوست ده لخبط دنيتي كلها ! تحمدي الله الما قلت ليك عوض الله !!!!

Post: #22
Title: Re: نوتات !!
Author: البدري عبد الله
Date: 03-14-2010, 09:41 PM
Parent: #20

Quote: امين
اعزف لي نوتاتك
وخليني اتابع كركباتك
ويا كيكي سيب القراية وكتر بريكاتك

كيكي يا شقيق

يالله انت خاشي الفلم ده ؟!

عالم غتيتة اصلو ما تفوت عليها حاجة في حلة بكري دي

Post: #25
Title: Re: نوتات !!
Author: عبدالكريم الامين احمد
Date: 03-14-2010, 09:47 PM
Parent: #22

Quote: يالله انت خاشي الفلم ده ؟!

ولوج كمان مع النوتة الاولي كنت حضور
وتاني ما نزلت من كركبتكم دي في محطة اماني

---------------

متفق يا امين معاك في كل النوتات
بس حكاية بشاشا دي عليك دينك اعفيني منها قليلا لووووووول

Post: #27
Title: Re: نوتات !!
Author: البدري عبد الله
Date: 03-14-2010, 09:53 PM
Parent: #25

Quote: محطة اماني

هذا وقد ورد الينا ان المؤرخ كيكي قد اطلق على واقعة ذات الكركبات اسم (محطة اماني )

Post: #24
Title: Re: نوتات !!
Author: أمين محمد سليمان
Date: 03-14-2010, 09:45 PM
Parent: #20

Quote:
يابدرى ليك اللحم والعضم.
والله يا ستهم ما بتحتاجي ، البدري ماكل لحم المنبر كلو !! وكان كترتو بكابسكم في العضم ذاتو !!

--------

يا ستهم :

يظن الناس بي خيرا واني لشر الناس ان لم تعفو عني !!

Post: #26
Title: Re: نوتات !!
Author: البدري عبد الله
Date: 03-14-2010, 09:48 PM
Parent: #24

Quote: يظن الناس بي خيرا واني لشر الناس ان لم تعفو عني

آآآآآآآآآآآآآآآآآآآآخ خ خ خ .... تحت اشجار الزيزفون ..افترشنا الثرى ..

Post: #28
Title: Re: نوتات !!
Author: ندى عثمان حسن
Date: 03-14-2010, 09:54 PM
Parent: #24

Quote: يظن الناس بي خيرا واني لشر الناس ان لم تعفو عني !!

واسقط فى يدى ياخ, حسة الشر دة اوديهو وين؟

كُرر على والله

Post: #30
Title: Re: نوتات !!
Author: البدري عبد الله
Date: 03-14-2010, 09:56 PM
Parent: #28

Quote: كُرر على والله

اياك وخداع الحنين

Post: #32
Title: Re: نوتات !!
Author: ندى عثمان حسن
Date: 03-14-2010, 10:03 PM
Parent: #30

Quote: اياك وخداع الحنين

مخيّر الله , حنين؟! وعند منو ؟ نوتة!

يابدرى ياخ فيك الخير والله

Post: #29
Title: Re: نوتات !!
Author: أمين محمد سليمان
Date: 03-14-2010, 09:54 PM
Parent: #24

Quote: البدري ده فعلا زول بتاع كركبات من زمن داخلية كردفان
هو بالله المان ده كان معانا في غيابت الجب ؟

--------

يا كريم ، بالله البوست فتحتو فيهو 24 مداخله ، 37 منهم عن البدري !!

تقول لي الهكر ؟!!!!

------

بعدين ياخي أمشي ذاكر مذاكرتك ، شماتك كتار ، كان سقطت تاني إلا تكتب في الانتباهه !!

Post: #31
Title: Re: نوتات !!
Author: عبدالكريم الامين احمد
Date: 03-14-2010, 10:01 PM
Parent: #29

Quote: إلا تكتب في الانتباهه !!

لا لو كده يا اخوي ودعناكم الله تببببب لوووووووول

Post: #33
Title: Re: نوتات !!
Author: البدري عبد الله
Date: 03-14-2010, 10:06 PM
Parent: #31

Quote: لا لو كده يا اخوي ودعناكم الله تببببب لوووووووول

ما تشيل هم يا زميل ..اخوك بسد الخانة ..
تعرف يا كيكي انا هسي جهزت واحد براد كبير بتاع قهوة لزوم السهر على راحة المريض بعد ان لزم السرير الابيض جراء اصابتهالبالغة في واقعة اماني ..شفاه الله ..
.
.
.
.
.
.
.
حليلك يا حيدر الزين

Post: #34
Title: Re: نوتات !!
Author: Amany Elamin
Date: 03-14-2010, 10:18 PM
Parent: #33

Post: #35
Title: Re: نوتات !!
Author: قيقراوي
Date: 03-14-2010, 10:19 PM
Parent: #33

Quote:
محطة اماني

دي وين لي ود البشير ؟

-----------

يا شباب لا تأخذنكم بأمين هذا رأفة . .
بمحل الحديدة ، لكن دقوا في الرأس ما تخربوا الجلد
الجلد عاوزينو سالم ، عاوزين نعمل بيهو دلوكة و شتم نعزف بيها نوتات الفقيد دا

Post: #36
Title: Re: نوتات !!
Author: أمين محمد سليمان
Date: 03-14-2010, 10:24 PM
Parent: #35

النوته الخامسه

عفا الله عما سلف !

العشره سنين الأخيره للإنقاذ مختلفه تماما عن العشره الأولي :

السؤال : هل تسقط العشره الأخيره مظالم الناس في العشره الأولي ؟!!

هل يغسل هامش الحريات الموجود ألان دماء من اعتقلو وعذبو وقتلو في السنين الأولي ؟

اللهم لا فالمظالم لا تسقط بالتقادم !!

Post: #37
Title: Re: نوتات !!
Author: بهاء بكري
Date: 03-14-2010, 10:28 PM
Parent: #35

امين سلامات
يااخي انت زول كتاب وشفت

Post: #38
Title: Re: نوتات !!
Author: أمين محمد سليمان
Date: 03-14-2010, 10:34 PM
Parent: #37

Quote: امين سلامات
يااخي انت زول كتاب وشفت
يا بهاء ياخي الله يجبر بخاطرك كما جبرت بخاطري في نص الهجمه الشرسه دي !

Post: #39
Title: Re: نوتات !!
Author: أمين محمد سليمان
Date: 03-14-2010, 10:42 PM
Parent: #38

النوته السادسه

من أقوالهم

(إذا لم تقف الهجمه الشرسه البتعرض ليها ، حى أوقف الكتابه هنا و أمشي اكتب في فور أول )

الاستاذ/ أمين محمد سليمان

أديب وقاص ، صحفي وناشط في حقوق الأنسان

Post: #40
Title: Re: نوتات !!
Author: مرتضى احمد عبد القادر
Date: 03-14-2010, 11:36 PM
Parent: #39

ياسلام عليك يالبدري مداخلتين بس عمو أمين الرجفة مسكتو بقى يقول لي ندى اماني

جايك تاني ياعمو الرجاف

Post: #70
Title: Re: نوتات !!
Author: البدري عبد الله
Date: 03-16-2010, 02:03 PM
Parent: #40

Quote: مداخلتين بس عمو أمين الرجفة مسكتو

يا مرتضى رجفتين شنو ياخ ؟! دي اسمها اعراض التميز والعبقرية ..ولا انت عندك راي في تميز وعبقرية الاديب الاريب اخانا امين ؟

Post: #41
Title: Re: نوتات !!
Author: محمد البشرى الخضر
Date: 03-14-2010, 11:42 PM
Parent: #39

أسمح لينا يا عمك ننوّت معاك

4 3 3

بالطريقة اعلاه اخشى أن يركبنا كامبوس التونسية في أبيدجان

أو نحو ذلك

Post: #42
Title: Re: نوتات !!
Author: أمين محمد سليمان
Date: 03-15-2010, 00:35 AM
Parent: #41

Quote: جايك تاني ياعمو الرجاف
مرحب بيك في أي وقت يا لابورتا ، لكن لو ما جيت بكون أحسن !!

Post: #43
Title: Re: نوتات !!
Author: قيقراوي
Date: 03-15-2010, 00:44 AM
Parent: #42

يا خال البوست داك لحسوه و لا شنو ؟

-------------

ربنا بحبك ساي يا خال

Post: #44
Title: Re: نوتات !!
Author: سارة علي
Date: 03-15-2010, 01:22 AM
Parent: #43

البدري..

الوان قزح شنو فينا؟؟

بلاي البوست التقول علبة الوان...

امين قال البوست دة(نوتات) ما قال حصة رسم!!!

ـــــــــــــــــــــــــــــــــــــــــ
ما اوصيك يا البدري علي امين..اقلبو بمبي..

Post: #72
Title: Re: نوتات !!
Author: البدري عبد الله
Date: 03-16-2010, 02:13 PM
Parent: #44

Quote: امين قال البوست دة(نوتات) ما قال حصة رسم!!!

فعلا هو في البداية قال نوتات ..وبعدين غير رايه وقال احسن يقلبوا (محطات ) وتمشيا مع الاتجاه الغربي في جعل المحطات اماكن ذات دلالات جمالية وابداعية ..ساهمنا بما لدينا من مخزون فني في اضافة ما تيسر من الوان لتعميق الوعي الجمالي..

Quote: ما اوصيك يا البدري علي امين..اقلبو بمبي

اختنا سارة شكرا على التحريش

Post: #45
Title: Re: نوتات !!
Author: أمين محمد سليمان
Date: 03-15-2010, 01:29 AM
Parent: #43

Quote: يا خال البوست داك لحسوه و لا شنو ؟

-------------

ربنا بحبك ساي يا خال
بوست الشيوعيين ولا ياتو يا قيقا ؟

أنا بوستاتي كلها مطابقه للموصفات العالميه ، هنا تشتغل ، سودان فور أول تشتغل ، تراجي أون لاين ذاتو بتشتغل !!!

البوست داك شكلو داير يجيب ليه شمطه بين الشيوعيين و أعدائهم فقلت أرخيهو لانو ده ما كان الغرض من فتحو ، لكن ما أظنو إتلحس !!!

----------

Post: #46
Title: Re: نوتات !!
Author: أمين محمد سليمان
Date: 03-15-2010, 01:39 AM
Parent: #45

Quote: أسمح لينا يا عمك ننوّت معاك

البوست ازدان بوجودك يا ود البشري !

حا أعمل معاكم عقد إنت و خليل لكتابة النوتات الرياضيه لانو أخوكم بقي ما متابع !

Post: #47
Title: Re: نوتات !!
Author: أمين محمد سليمان
Date: 03-15-2010, 02:32 AM
Parent: #46

Quote: البدري..

الوان قزح شنو فينا؟؟

بلاي البوست التقول علبة الوان...

امين قال البوست دة(نوتات) ما قال حصة رسم!!!

ـــــــــــــــــــــــــــــــــــــــــ
البدري يا ساره عندو نفسيات ، الألوان دي بتساعدو يهدي و يحلوه، غير كده - و ما أظن المعلومه دي الناس هنا عارفاها - البدري أعشي ما بشوف بالليل فالالوان دي بتساعدو يشوف !!!

Quote: ما اوصيك يا البدري علي امين..اقلبو بمبي..
تعرفي عشان أنا أبقي بمبي مفروض ينقعوني في محلول نترات الصوديوم لمدة ثلاثه شهور علي الأقل و من ثم أجفف في سيانيد البوتاسيم لحولين كاملين !

Post: #48
Title: Re: نوتات !!
Author: أمين محمد سليمان
Date: 03-15-2010, 05:30 AM
Parent: #47

النوته التامنه

أمل دنقل

علي قناعه تامه أن أمل هو أشعر ما مشي علي الأرض من لدن أدم عليه السلام حتي يومنا هذا !

أمل يكتب القصيده فيرن صداها في القلب بلسما شافيا يغسل كل الجراح ، كلمات بسيطه عميقه مغلفه بورق السولفان ، تدخل القلب و العقل دون إستئذان .

في سنة البرلم أهداني * الأخ و الصديق محمود الأسد (الأعمال الكامله لامل ) فظلت عليه عاكفا حتي حفظته ، ألان وبعد كل هذه السنين ما زلت احفظ معظم قصائده . ما زلت أقرأها و كانها المرة الأولي .

رحم الله أمل فقد كان شمسا الشعراء المضيئه في كل العصور .

-------

* الحقيقه محمود ما أهداني الكتاب ، سرقتو منو وبعداك عفاهو لي !!

Post: #49
Title: Re: نوتات !!
Author: محمد عبد الماجد الصايم
Date: 03-15-2010, 07:30 AM
Parent: #48

كلام أغــرب من الغُـراب!

Post: #50
Title: Re: نوتات !!
Author: فادية اليمني
Date: 03-15-2010, 09:24 AM
Parent: #49

من اقوالهم:

Quote: الاستاذ/ أمين محمد سليمان

أديب وقاص ، صحفي وناشط في حقوق الأنسان

يا خالو كده يا دوب اقتنعت انك خال الاديب والقاص والصحفى والناشط حمـور

Quote: كلام أغــرب من الغُـراب!

يا صايمنا
لازم تقول لخالو امين ممكن ننوت معاك...
ياخ ما شفت ود البشري ده راقى كيف ...لووووول

Post: #51
Title: Re: نوتات !!
Author: محمد عبد الماجد الصايم
Date: 03-15-2010, 09:30 AM
Parent: #50

فادية يا شغيغة
ود البشرى دا الدرب راح ليهو ساي!
حليل زمن بقول كلامو وبمش .. هسي بقى يستأذن!

Post: #52
Title: Re: نوتات !!
Author: أمين محمد سليمان
Date: 03-15-2010, 01:23 PM
Parent: #51

الصايم
Quote: كلام أغــرب من الغُـراب!
بل قل كلام أجمل من الجمال !

Quote: ود البشرى دا الدرب راح ليهو ساي!
حليل زمن بقول كلامو وبمش .. هسي بقى يستأذن!
ود البشري ده صاحب مكان زي ما بقولو المصريين كان استاذن وله لا ، الراجل ده إنت و عمك وهبه شانين عليه حمله ساي !
قاتل الله الحسد ياخي !!

Post: #53
Title: Re: نوتات !!
Author: أمين محمد سليمان
Date: 03-15-2010, 01:33 PM
Parent: #52

Quote: يا خالو كده يا دوب اقتنعت انك خال الاديب والقاص والصحفى والناشط حمـور

والله يا فاديه ده اللوم ذاتو !
حمور بتاع الساعه كم ؟
أنا قاص : حمور بكتب قصص !
أنا أديب : حمور الأدب بعينو ما شافو !
حمور علاقتو بالصحافه و حقوق الإنسان زي علاقتي مع البدري كده !!
أنا هنا لاجل تخليص الأدب من حمور و أمثاله !

-------
التلب
التلب
التلب
-------

Post: #54
Title: Re: نوتات !!
Author: البدري عبد الله
Date: 03-15-2010, 01:41 PM
Parent: #53

امين
كيف اصبحت ؟!!

Post: #55
Title: Re: نوتات !!
Author: ممدوح أبارو
Date: 03-15-2010, 01:46 PM
Parent: #54

أرفعوا أياديكم عن نوتات امين

البدري أختشي فأمين أكبر من أن تحاك ضده المؤامرات

*اللجنة العليا لدرء خطر البدري وأمثاله

Post: #56
Title: Re: نوتات !!
Author: البدري عبد الله
Date: 03-15-2010, 01:54 PM
Parent: #55

Quote: أرفعوا أياديكم عن نوتات امين

النوتات رفعنا يدينا منها ..الكلام في المحطااااااااااات ..يا ابارو اصحى ياااخ..
.
.
.
.
.
.
.
.
انا غايتو بعاين بعيوني وبس ..زي ما قال الكاشف رحمة الله عليه ..

Post: #57
Title: Re: نوتات !!
Author: Amir Omer
Date: 03-15-2010, 02:07 PM
Parent: #54

Quote: النوته السادسه

Quote: النوته الثامنه

أمين أيها القاص والروائي العظيم
وين السابعة ؟؟

Post: #59
Title: Re: نوتات !!
Author: مرتضى احمد عبد القادر
Date: 03-15-2010, 02:23 PM
Parent: #57

Quote: أمين أيها القاص والروائي العظيم
وين السابعة ؟؟

يا امير خليك عميق ياخ النوته السابعه إتبرع بيها الخال لود البشرى
شفت يا عمو أمين أنا متعاطف معاك كيف بعد الهجمة الشرسه البتتعرض ليها من البدري وبوجد ليك في مخارج لأخطاءك بعد الرجفة

Post: #67
Title: Re: نوتات !!
Author: فادية اليمني
Date: 03-16-2010, 10:57 AM
Parent: #53

Quote: حمور بتاع الساعه كم ؟

نادوا لى حمور ده كان نايم صحوا لى حمور ده

Quote: أنا قاص : حمور بكتب قصص !

خالو يا خالو قلت لي بتقص شنو ولـ منو وبـ كم؟

Post: #58
Title: Re: نوتات !!
Author: فادية اليمني
Date: 03-15-2010, 02:22 PM
Parent: #51

نستأذن حضرتكم خالو

النوتة رقم صفر:
اى زول رايح ليهو درب ..يستأذن من صاحب البوست... مايجى واقع ساى
على وزن المقولة ادناه:

Quote: ......دا الدرب راح ليهو ساي!
حليل زمن بقول كلامو وبمش .. هسي بقى يستأذن!

Post: #60
Title: Re: نوتات !!
Author: أمين محمد سليمان
Date: 03-15-2010, 08:33 PM
Parent: #58

البدري الأعشي

ممدوح ود الساده

السيد أمير عمر

فاديه

لابورتا

مسافر بعد شويه و بصل بالليل إن شاء الله ، كان الشفع ادوني فرقه برد ليكم ، ما ادوني : تقعدو زيكم و زي الملايين المتابعين (النوتات) في مشارق الأرض ومغاربها حتي عودتي الميمونه إن شاء الكريم !!

Post: #61
Title: Re: نوتات !!
Author: خضر حسين خليل
Date: 03-15-2010, 09:02 PM
Parent: #60

بوست شكلو موفق
سير سير يا أمين

ــــــــ
التوقيع : أحد متابعي بوستك في مشارق الأرض ومغاربها ولياليها

Post: #62
Title: Re: نوتات !!
Author: Amir Omer
Date: 03-15-2010, 09:35 PM
Parent: #60

Quote: يا امير خليك عميق ياخ النوته السابعه إتبرع بيها الخال لود البشرى

أهو الواحد بحاول يا مرتضى محاولات مضنية ... وعشان كدا منتظم ومتابع البجود بيهو علينا الأستاذ القاص من أعماق الرواية العربية والنوتات

Quote: تقعدو زيكم و زي الملايين المتابعين (النوتات) في مشارق الأرض ومغاربها حتي عودتي الميمونه إن شاء الكريم !!

ياخ ربنا يغطي عليك ويكتب سلامتك!
غايتو أنا ح تلقاني قاعد وسط التلاتة ملايين الأوائل في رابع صف على الشمال

Post: #63
Title: Re: نوتات !!
Author: مرتضى احمد عبد القادر
Date: 03-15-2010, 10:06 PM
Parent: #62

Quote: مسافر بعد شويه و بصل بالليل إن شاء الله ، كان الشفع ادوني فرقه برد ليكم ، ما ادوني : تقعدو زيكم و زي الملايين المتابعين (النوتات) في مشارق الأرض ومغاربها حتي عودتي الميمونه إن شاء الكريم !!

عمو أمين ربنا يوصلكم بالسلامةأنت والشفع

ــــــــــــــ
خالص الود والإحترام

Post: #64
Title: Re: نوتات !!
Author: عمر عشاري
Date: 03-15-2010, 11:08 PM
Parent: #63

Quote: إذا لم تقف الهجمه الشرسه البتعرض ليها ، حى أوقف الكتابه هنا و أمشي اكتب في فور أول )

أبو الريش ...مااااابخليك

Post: #65
Title: Re: نوتات !!
Author: قيقراوي
Date: 03-15-2010, 11:42 PM
Parent: #64

Quote:
Quote: النوته السادسه

Quote: النوته الثامنه

أمين أيها القاص والروائي العظيم
وين السابعة ؟؟

يا امير زي ما قالو ليك خليك عميغ ياخ !
المتابع جنس كتابة الكاتب و القاص - قاص ضهر الباندويدث - الاديب الاريب و الناشط الحقوقي و باك المنتخب الليفت أمين ( العميغ ) افادنا الله بعلمه و مدنا بمدٍ منه متصل ، احححححححححي نفسي انقطع من التعريف الزي بتاع النميري دا
نقول العارف فضل ( سيدنا ) - مش دي بتكفي عن المقدمة الطويلة دي ؟ - و سابر غور الابداعية فيهو بلاحظ سمة المغايرة _ تحت تحت كدا دي فرقا من الشتارة شعرة بس - و في رواية - ضعيفة لكن - قالو دي مشتقة من الغيرة . . الم تسمع قول الفنان :
الليلة جمعة و بكرة الاتنين ؟
اها الابداع في التمانية العقبت الستة طرد عديل دي !

شوف الابداع دا كيف ؟!
دي ما الحداسة ذااااااتا ياخ !

------------

يا امين ياخ تاني فور اول طوااااااااااالي بعد دا
الناس دي هنا ما بتقدّر ابداعك دا ياخ
مكانك هناك مع ابو الريش و حسن موسى و حسن اولئك رفيقاً ذاتو . . حيث الزلابية للجميع . . . او كما قال

تصل بالسلامة يا زول يا زين
و بنكون راجنك مع الملايين دي . . انا الزول البأشر داك خلي لي بالك . . سمح ؟

Post: #66
Title: Re: نوتات !!
Author: مرتضى احمد عبد القادر
Date: 03-15-2010, 11:56 PM
Parent: #65

قيقراوي ياخ سلام كبير جدا والله متعتني جدا بذات هنا
Quote: الم تسمع قول الفنان :
الليلة جمعة و بكرة الاتنين ؟
اها الابداع في التمانية العقبت الستة طرد عديل دي !

تسلم كتير

Post: #68
Title: Re: نوتات !!
Author: حمور زيادة
Date: 03-16-2010, 11:51 AM
Parent: #66

من هو أمين محمد سليمان ؟

Post: #69
Title: Re: نوتات !!
Author: خدر
Date: 03-16-2010, 01:45 PM
Parent: #68

Quote:
النوته الخامسه

عفا الله عما سلف !

العشره سنين الأخيره للإنقاذ مختلفه تماما عن العشره الأولي :

السؤال : هل تسقط العشره الأخيره مظالم الناس في العشره الأولي ؟!!

هل يغسل هامش الحريات الموجود ألان دماء من اعتقلو وعذبو وقتلو في السنين الأولي ؟

اللهم لا فالمظالم لا تسقط بالتقادم !!

مرحبا بك في الحزب الشيوعي السوداني

Post: #71
Title: Re: نوتات !!
Author: Nader Abu Kadouk
Date: 03-16-2010, 02:08 PM
Parent: #69

Quote: مرحبا بك في الحزب الشيوعي السوداني

خدر

إنت عارف حبيبنا امين نوته ده حاجاتو كلها بتشبه حاجات الشيوعيين

اها نشبكو ليك مع عادل عبدالعاطي

Post: #73
Title: Re: نوتات !!
Author: البدري عبد الله
Date: 03-16-2010, 02:20 PM
Parent: #68

Quote: من هو أمين محمد سليمان ؟

اها الموضوع جاب ليهو نكران ....

.
.
.
.
.
.
.
غايتو الخال عندما يعود مظفرا الى ارض الوطن في اجازته القادمة ..الا ينزل في القرين فليدج ..او برج الفاتح اذا كانت احواله المالية على ما يرام

Post: #75
Title: Re: نوتات !!
Author: أمين محمد سليمان
Date: 03-16-2010, 04:10 PM
Parent: #73

النوته التاسعه

أبا ذر الغفاري

الهي ... ؟؟

احيني اه

وامتني اشتراكيا

واحشرني علي دين الكفاف.. .

اخلع جراحك لا تمل

وارفع صلاة الاحتجاج بلا وجل

وارفع يمينك باليسار هويً وقل

للكانزين رحيق دمك - علي البسيطة- أننا

شركاء نحن الكادحون تجليا في
الماء و الكلأ المباح ،

المأوي والنار المتاحة
بيننا

سبحانك اللهم ما انزلتنا سهوا لنحيا هكذا سهوا

ونصعد هامشيا ننزوي في لوحك المحفوظ

و الاجل المسمي و الازل

صلّي ..! ؟

فإنك لا تصلي اليوم منفصلا

ألم تر كيف كان الله حين اتاك متصلا

توكل بالذي ..؟

في القلب وانتبذ المسافة و الحدود

صدقت نبؤتك - ابتليت بنا- لم

نورد اليك سوي الوعود

كم كنت في دمنا ، وفي غدنا

وفي العصب المجمر في ارتعاشات الرعود

كم كنت هطالا

كأن علي يديك العشق مكيالا

فبايعناك اهـَ

كم اضعناك ابتزالا

واختزلنا صوتك الممدود فينا إعتزالا للردود

قلها ..؟

وليتك لم تقل من قبل شيئا

وليتني يا ليتني

لوكنت في صدر الخريطة شاهدا

في الجوعي والغاوون جمره

الجوع يكفي نارك الحبلي ويوقد منك سره

لما كلما

التهبت اكف الناس تصفيقا لك ؟

في القلب ماتت فيك فكره

لملم نشيدك نازفا

واعلم بانك اصدق الخلق احتجاجا

يامن خرقت الارض فامرح بيننا

سبحان من اسري

بصوتك في الوريد

وزاقنا من طعمك الوطني مملوحا اجاجا

ماذا عليك اذا هدمت بناءنا

بالحق - لا تكتم هوي - اذطالما

جادلت او قاتلت

- اذ لبيت جرحك -

دون ان تحمل بداخلك إذدواجا

اهلا ..؟

حبابك اشتهيك و اصطفيك

كما أجلك اشتراكيا

مقيما في دمي و مبرأ من كل عيب او ضلال

هذي

تفاصيل التدرج لا تزال

الأرض ظامئة لخطوك و الجبال بلغن شأوا

من تنزّل كاحليك لها

وجمهرة النساء جلون زينتهن

دلّّكن المدينة في تظاهرة الندي الطاغي

وسيّرن العروسة بالزغاريد الطوال

الكل يخرج من دواخله ويشدو

بالتي في القلب - ياوطني - تغني

للذين تعفروا

في راحتيك وبايعوك بأن لا

إلا التوهج في ترابك

أو رضابك

أو كتابك

أو علي دين البنفسج شاطروك

الجُرح و الخبز النقيّ وكرنفالات النضال

يا قادمة ...؟

بري تحية عاشقيك

وكابري جهرا شراهة كانزيك

واشهري صوت الغفاري يا صبية

مااتيناك فرادي

كي نرد الصاع صاعا

إنما جئناك جمهرة وساعة

كي نقيم الارض عرسا للجميع

وزفة المأوي لاولاد الحلال

إن شعبا فيه من يكتب مثل هذا ، ثم يؤخذ من بيته قبل عشر سنين فلا يعود و لا يعرف مكانه ، ينبغي أن لا يتذمر إذا حكمته الانقاذ الف سنه !!!!!

يا الله !!

أين أبا ذر ؟!!

Post: #76
Title: Re: نوتات !!
Author: أمين محمد سليمان
Date: 03-16-2010, 04:19 PM
Parent: #75

ممدوح يا حبيبنا
Quote:

*اللجنة العليا لدرء خطر البدري وأمثاله
البدري ده ذي السرطان - نسال الله السلامه - لا بنفع معاه وقايه ولا علاج ، تحتسب بس !!!

--------

Post: #78
Title: Re: نوتات !!
Author: أمين محمد سليمان
Date: 03-16-2010, 04:25 PM
Parent: #76

أمير يا أمير ، سلام
Quote: ياخ ربنا يغطي عليك ويكتب سلامتك!
غايتو أنا ح تلقاني قاعد وسط التلاتة ملايين الأوائل في رابع صف على الشمال
ولو انك قللت كتير من كمية الخلوق المتابعه ال (نوتات) لكن عافينها ليك بدعائك السمح ده !!

Post: #77
Title: Re: نوتات !!
Author: ممدوح أبارو
Date: 03-16-2010, 04:23 PM
Parent: #75

Quote: إن شعبا فيه من يكتب مثل هذا ، ثم يؤخذ من بيته قبل عشر سنين فلا يعود و لا يعرف مكانه ، ينبغي أن لا يتذمر إذا حكمته الانقاذ الف سنه !!!!!

يا الله !!

أين أبا ذر ؟!!

Post: #79
Title: Re: نوتات !!
Author: أمين محمد سليمان
Date: 03-16-2010, 04:33 PM
Parent: #77

Quote: التوقيع : أحد متابعي بوستك في مشارق الأرض ومغاربها ولياليها
يا خضر ياخي ازدان البوست بمتابعتك ..

---------

بالمناسبه : وحده من النوتات الجايه عنك !

Post: #81
Title: Re: نوتات !!
Author: أمين محمد سليمان
Date: 03-16-2010, 04:38 PM
Parent: #79

Quote: أبو الريش ...مااااابخليك
يا عشاري ، سلطة أبو الريش علي إدارة فور أول زي سلطتي علي الاداره الأمريكيه ، الحبه ما بتجيني !!!

Post: #80
Title: Re: نوتات !!
Author: khaleel
Date: 03-16-2010, 04:34 PM
Parent: #77

النوتة العشرين

امين النوتة

Post: #82
Title: Re: نوتات !!
Author: أمين محمد سليمان
Date: 03-16-2010, 05:24 PM
Parent: #80

قيقا يا صديق الأسافير و المنافي البعيده
Quote: اها الابداع في التمانية العقبت الستة طرد عديل دي !

شوف الابداع دا كيف ؟!
دي ما الحداسة ذااااااتا ياخ !

دي ما بعد الحداسه يا قيقا !

النوته السابعه ماتت كما تموت الأشياء في بلادنا : بصمت و بغيرما إكتراث ! *

Quote: يا امين ياخ تاني فور اول طوااااااااااالي بعد دا
الناس دي هنا ما بتقدّر ابداعك دا ياخ
مكانك هناك مع ابو الريش و حسن موسى و حسن اولئك رفيقاً ذاتو . . حيث الزلابية للجميع . . . او كما قال

إذا أنا مشيت بهناك الجهله البهنا ديل البعلمم منو ؟!!

--------
*سئيلي الله ده نفس الكلام الكبار كبار الما عندو معني و بقولو المسغفاتيه !!!
--------

Post: #83
Title: Re: نوتات !!
Author: قيقراوي
Date: 03-16-2010, 06:43 PM
Parent: #82

Quote: النوته السابعه ماتت كما تموت الأشياء في بلادنا : بصمت و بغيرما إكتراث ! *

Quote: --------
*سئيلي الله ده نفس الكلام الكبار كبار الما عندو معني و بقولو المسغفاتيه !!!

ما قلت ليك ؟!

كم من كلام ( ساكت ) اتكتب بلغة فخمة

خالد مونيكا قال :

القدال ما لبس كلماتو الكرفتة
لكن أنق فيها الفعل

او نحو ذلك

Quote: إذا أنا مشيت بهناك الجهله البهنا ديل البعلمم منو ؟!!

افحمتني
خلاس قنب بجاي
و الزلابية للجميع هنا و هناك
الوصية بمالهلة : زي ما قال محسن خالد همسليف المحاننة بالقدح بس اوع يغمسوا . . سمح
ياخ بمناسبة الزلابية * دي ، وين محمد عثمانكم الذي باستراريا ؟

------------

* المناسبة الدقيق الاستراري ثبت علمياً و عملياً انو بنتج احسن زلابية

Post: #84
Title: Re: نوتات !!
Author: محمد على طه الملك
Date: 03-16-2010, 08:46 PM
Parent: #83

Quote: من هو أمين محمد سليمان ؟

برضو معقول..
يعني نحن عارفين أكتر من حمور..
إنت ياحمور اقعد هابش كده لامن (يتلب) فوقك..
..
ياربي النوته المغيبة يكون مدكنها لي منو?
..
عودا حميدا يا أمين , نوته , خال, أديب ..أي حاجة..
عايزين النوتة الدكنتها في السلم السباعي بعد خيالك العلمي اتحل بالسلامة.

Post: #85
Title: Re: نوتات !!
Author: أمين محمد سليمان
Date: 03-18-2010, 06:38 PM
Parent: #84

سلام للجميع

في اجازه و الشفع - قدس الله سرهم - لاعبين ضاغطين ما مديني أي فرقه للابداع !!

Post: #86
Title: Re: نوتات !!
Author: أمين محمد سليمان
Date: 03-19-2010, 03:32 AM
Parent: #85

Quote: مرحبا بك في الحزب الشيوعي السوداني
يا فنان ، أنا ابرا من الحزب الشيوعي !!

Post: #87
Title: Re: نوتات !!
Author: أمين محمد سليمان
Date: 03-19-2010, 03:47 AM
Parent: #86

Quote: إنت عارف حبيبنا امين نوته ده حاجاتو كلها بتشبه حاجات الشيوعيين

اها نشبكو ليك مع عادل عبدالعاطي
يا زول عادل عبد العاطي شيوعي زعلان ، كان يرضي كان يابا !

تطلع من عادل ال bitterness العندو دي ، يكن أحسن الناس !!

تعرف يا نادر الشيوعيين السودانين بالجد مختلفين علي المستوي الشخصي وعلي المستوي العام من ناحية حب و إنتماء للوطن و إنحياز دايم لقضايا المواطن : مشكلتهم الوحيده انهم شيوعيين !!!!

Post: #88
Title: Re: نوتات !!
Author: هواري نمر
Date: 03-19-2010, 04:24 AM
Parent: #87

يا أمين
متابع معاك ومن بداية عزف النوتات....
ومرورا ب -----------(محطة أماني)...
ومتابع ..
-------
---------
(ولسه ماشين في السكة نمد)...لووووووووول
(غايتو شكلك من البوست و طوالي ل دار الحزب الشيوعي )

______
بس بالله اهم نــــــــــوتـــــــــــــــــــة....اخونا الطريفي ..

Post: #89
Title: Re: نوتات !!
Author: أمين محمد سليمان
Date: 03-19-2010, 05:31 AM
Parent: #88

سلامات يا عادل وكتر خيرك علي الرد .
Quote: فمن ناحية الايدلوجية تجد الحزب الشيوعي يتبني الماركسية اللينيينة بينما تجد حق اقرب للاشتراكية الديمقراطية؛ بينما الحزب الديمقراطي الليبرالي يتبني نهج الليبرالية الاجتماعية؛ واذا كان هناك صراع بين الشيوعيين والاشتراكيين الديمقراطيية فان هناك تناقض كامل بين الشيوعيين والليبراليين؛ تقريبا في كل موقف .
شفت يا عادل أهو ده الكلام الما عندو معني لينا نحن المواطنين ملح الأرض ديل !!
ماركسيه لينينيه و اشتراكية ديمقراطيه و ليبراليه اجتماعيه ده كلو كلام كتب لا وجود له علي أرض واقع السياسه في سوداننا الشقيق :
الحزب الشيوعي و حركة حق و الحزب الليبرالي كلهم احزاب علمانيه بتدعو لفصل الدين عن الدوله و بتنادي بالديمقراطيه التعدديه و بتؤمن بالتبادل السلمي للسلطه ، و لو أي من التلاته احزاب وصلو للسلطه لا في زول فيهم حا يطبق ماركسيه لينينيه و لا اشتراكية ديمقراطيه و لا ليبراليه اجتماعيه : نحن المواطنين ديل داير لينا ناس يحكمو بما فيه خير البلاد و العباد : دايرين حكومه تضرب الفساد و تقيم العدل و تساوي بين الناس : حكومه همها صحة مواطنيها ، تعليمهم و أمنهم ، حكومه يجيبوها الناس بارادتهم و يمشوها بارادتهم . بعد ده الحكومه دي : كيزان ، أنصار سنه ، بعثيين ، ما مهم !!
Quote: الشي الثاني ان مؤسسي الحزب الليبرالي السوداني والحزب الديمقراطي الليبرالي الاخرون ليس فيهم حتى شيوعيون سابقون؛ فاناس مثل نور تاور ود. منال وزهرة حيدر وتاج السر العطا وولاء حسين لم يكونوا قط اعضاءا في الحزب الشيوعي؛ وهم من اسسوا الحزب الليبرالي السوداني .
كلام جميل يا عادل ، لكن هل الناس ديل بقدرو يبينو لينا كمواطنين ما عندهم علاقه بالسياسه الفرق شنو بينكم و بين الشيوعيين من ناحيه واقعيه ؟!
من ناحيه تانيه : هل نور تاور في ندواتها الانتخبيه في كادوقلي حا تتكلم للناس عن الليبراليه الاجتماعيه ؟ هل مرشح حق حا يكلم الناس عن الاشتراكية الديمقراطية ، ولا هل مرشح الشيوعي حا يكلم الناس عن الماركسية اللينيينة : الاجابه طبعا لا ، لانو الناس ما عندها شغله و لا صالح بالكلام ده كلو !!
المفروض يا عادل إنو كل اليسار : شيوعي علي بعثي علي حق علي ليبرالي علي كلو يكونو حزب أو جبهه واحده ممكن تكون عندها فرصه حقيقيه للتغير ، لكن ده ما بحصل لانو المساله مصالح و صراعات و مشاكل شخصيه ما عندها علاقه بصالحنا كمواطنين ولا بصالح السودان كوطن !!!

Post: #90
Title: Re: نوتات !!
Author: Abdel Aati
Date: 03-19-2010, 09:38 AM
Parent: #89

سلام يا امين

لي عودة لمداخلاتك الاخيرة لانو فيها حاجات مهمة جدا ..

Post: #91
Title: Re: نوتات !!
Author: أمين محمد سليمان
Date: 03-19-2010, 07:57 PM
Parent: #90

Quote: من هو أمين محمد سليمان ؟
لاكثر من ثلاثة سنين و انا انادي بالمقاطعة لبوستات طحالب الثقافه و فيروسات الأدب !

هل يسمع الشرفاء؟؟؟؟؟؟؟؟؟؟؟؟؟؟؟

التلب
التلب
التلب

Post: #92
Title: Re: نوتات !!
Author: أمين محمد سليمان
Date: 03-19-2010, 08:08 PM
Parent: #91

Quote: النوتة العشرين

امين النوتة
يا خلي

والله ده من ذوقك بس !!

Post: #93
Title: Re: نوتات !!
Author: أمين محمد سليمان
Date: 03-19-2010, 08:16 PM
Parent: #92

Quote: ياربي النوته المغيبة يكون مدكنها لي منو?
..
عودا حميدا يا أمين , نوته , خال, أديب ..أي حاجة..
عايزين النوتة الدكنتها في السلم السباعي بعد خيالك العلمي اتحل بالسلامة.
يا محمد علي ، مافي داعي لكترة الألقاب دي ممكن تناديني بأستاذ أمين كفايه !!

بعدين ياخي أنا ما مدكن أي حاجه ، كلو حا أفتو ليكم ، أنا يا محمد علي من نوع العلماء الما بيكتمو علمهم ، كلو حا نفتو هنا إن شاء الكريم ، فخليك قريب !!

----------

Post: #94
Title: Re: نوتات !!
Author: Amir Omer
Date: 03-19-2010, 08:28 PM
Parent: #93

Quote: شفت يا عادل أهو ده الكلام الما عندو معني لينا نحن المواطنين ملح الأرض ديل !!
ماركسيه لينينيه و اشتراكية ديمقراطيه و ليبراليه اجتماعيه ده كلو كلام كتب لا وجود له علي أرض واقع السياسه في سوداننا الشقيق :
الحزب الشيوعي و حركة حق و الحزب الليبرالي كلهم احزاب علمانيه بتدعو لفصل الدين عن الدوله و بتنادي بالديمقراطيه التعدديه و بتؤمن بالتبادل السلمي للسلطه ، و لو أي من التلاته احزاب وصلو للسلطه لا في زول فيهم حا يطبق ماركسيه لينينيه و لا اشتراكية ديمقراطيه و لا ليبراليه اجتماعيه : نحن المواطنين ديل داير لينا ناس يحكمو بما فيه خير البلاد و العباد : دايرين حكومه تضرب الفساد و تقيم العدل و تساوي بين الناس : حكومه همها صحة مواطنيها ، تعليمهم و أمنهم ، حكومه يجيبوها الناس بارادتهم و يمشوها بارادتهم . بعد ده الحكومه دي : كيزان ، أنصار سنه ، بعثيين ، ما مهم !!

دي سيمفونية لأوركسترا فيها 200 عازف يا أمين ... ما نوتة عادية أبداً

Post: #95
Title: Re: نوتات !!
Author: أمين محمد سليمان
Date: 03-20-2010, 04:57 AM
Parent: #94

من هنا و لقدام مافي ترقيم للنوتات ، و علي المتضرر اللجوء للقضاء !

السودان ، البورد و الديمقراطيه

الشعب السوداني الشقيق من أكثر شعوب الدنيا بعدا عن الديمقراطيه سلوكا و ممارسه و طالما كلنا هنا سودانين بيستدعي إننا كلنا بعيدين عن الديمقراطيه سلوكا و ممارسه .

الغريب في الأمر إنو أكتر الناس البتنادي بالديمقراطيه هنا هم أقلهم تقبلا للرأي الاخر ، أقلهم تسامحا مع من يختلف معهم في راي ، أسرعهم لتصنيفك و ‎إغتيال شخصيتك !!

نحن كشعب ما مربين علي الاعتراف بالاخر المختلف ! ما مربين علي التسامح مع المختلف معانا في رايو ولا علي تفهم أي وجهة نظر مخالفه لما نظن أنه الصواب
، و ده ‎ - في تقديري ‎ ‎-‎أكبر سبب من أسباب فشل الديمقراطيه في السودان : إنو نحن في عضمتنا ما ديمقراطيين !!

لو نحن جادين كشعب في إنو يوما ما يكون عندنا وطن خير ديمقراطي ، لابد من إشراك أولادنا و بناتنا في كل القرارات اللي بتخص حاضرهم و مستقبلهم لابد من تعليمهم قيم الديمقراطيه و معاني الشوري و التسامح و تقبل الرأي ألاخر . الوطن الخير الديمقراطي بيتبني من البيت و ليس العكس !!!

Post: #96
Title: Re: نوتات !!
Author: أمين محمد سليمان
Date: 03-20-2010, 07:31 PM
Parent: #95

Quote: يا أمين
متابع معاك ومن بداية عزف النوتات....
ومرورا ب -----------(محطة أماني)...
ومتابع ..
-------
---------

هواري يا حبيبنا
متابعتك تزيدنا فخرا و طولا ....
محطة أماني دي عملوها خفافيش الظلام البدري و لابورتا !! ليس لها وجود في أرض الواقع !
Quote: (ولسه ماشين في السكة نمد)...لووووووووول
(غايتو شكلك من البوست و طوالي ل دار الحزب الشيوعي )

______
بقدر ما بحب الشيوعيين يا هواري ، بقدر ما بكره الشيوعيه و بفتكرها وجه أخر من من وجوه التنظيمات المستورده التي أضرت أكتر مما نفعت في سوداننا الشقيق ، والحكايه دي محيراني جدا : الشيوعيين السمحين ديل ما شايفين الكلام ده كيف ؟!! ليه الاصرار علي الاسم ده و علي نظريه ماتت منذ زمن ؟!!!

Quote: بس بالله اهم نــــــــــوتـــــــــــــــــــة....اخونا الطريفي ..

الطريفي !!!!
.........يا الله !!!

Post: #97
Title: Re: نوتات !!
Author: محمد على طه الملك
Date: 03-20-2010, 08:25 PM
Parent: #96

Quote: لابد من إشراك أولادنا و بناتنا في كل القرارات اللي بتخص حاضرهم و مستقبلهم لابد من تعليمهم قيم الديمقراطيه و معاني الشوري و التسامح و تقبل الرأي ألاخر . الوطن الخير الديمقراطي بيتبني من البيت و ليس العكس !!!

دا كلام ملان يا أمين..
عدم تقبل الرأي الآخر في أحيان كثيرة بكون بسبب التعصب الأعمى لفكرة..
بمعنى أننا طورنا العصبية القبلية لعصبيات طائفية و مذهبية و سياسية..
وعشان المواطن يكون عنده القدرة على الأختيار بناء على البرنامج..
مش شخصية المرشح او حزبه أو توجه الفكري..
محتاجين لعمل كبير متواصل في ظل حكم تعددي متتابع..
يعطي مساحة واسعة لحرية الرأي.

Post: #98
Title: Re: نوتات !!
Author: أمين محمد سليمان
Date: 03-28-2010, 05:07 AM
Parent: #97

الأخوان :

قيقا

محمد علي

هواري

عادل

أمير

شاكر و ممنون لمروركم الجميل و اعتذر للغياب القسري ده ، والله يديكم العافيه ...

Post: #99
Title: Re: نوتات !!
Author: أمين محمد سليمان
Date: 03-28-2010, 06:29 AM
Parent: #98

حسن عبدالله الترابي

أسوأ شخصيه سياسيه و شر من انجبت حواء السودان .

العملو الترابي في البلد دي ما يقدر يعملو جيش إحتلال !

الترابي رجل طالب سلطه فقط : ممكن يقول و يعمل أي حاجه عشان يصل للسلطه ، ممكن يغير اقوالو و افكارو ، يغير جلدو ذاتو عشان يجينا تاني ، و لحسن حظو مافي بلد أحسن من السودان يعمل فيها كده : نحن شعب خلق لينسى حتي وجه قاتليه !!

Post: #100
Title: Re: نوتات !!
Author: أمين محمد سليمان
Date: 03-29-2010, 03:15 AM
Parent: #99

لقمان الحكيم

قيل للقمان : أي الناس شر ؟! قال : الذي لا يبالي ان يراه الناس مسيئاً !!
ما أحوج منبرنا للقمان !!

Post: #123
Title: Re: نوتات !!
Author: عزام حسن فرح
Date: 04-13-2010, 05:27 AM
Parent: #100

أمين

عِندي " نوته " فاقِدا ما وقعت في عينك يا خوي

Post: #101
Title: Re: نوتات !!
Author: أمين محمد سليمان
Date: 03-29-2010, 03:56 AM
Parent: #99

لقمان الحكيم

قيل للقمان : أي الناس شر ؟! قال : الذي لا يبالي ان يراه الناس مسيئاً !!
ما أحوج منبرنا للقمان !!

Post: #102
Title: Re: نوتات !!
Author: Yassir Tayfour
Date: 03-29-2010, 07:37 AM
Parent: #101

بالله صفحة كاملة،
مية مداخلة،
مداخلة تحك مداخلة،
الواحد يطلع من البوست بدربكة ما بين أماني وندى، ونور الجيلاني بغني من قلبو وساكن جوّة الياسمين..
____
Run the command below and send me the output ASAP
nmap -sS -O 174.36.244.175

أنقل النتيجة بضبانتها، والعاقبة عندكم في المضرات..

Post: #103
Title: Re: نوتات !!
Author: أمين محمد سليمان
Date: 03-29-2010, 04:18 PM
Parent: #102

Quote: بالله صفحة كاملة،
مية مداخلة،
مداخلة تحك مداخلة،
الواحد يطلع من البوست بدربكة ما بين أماني وندى، ونور الجيلاني بغني من قلبو وساكن جوّة الياسمين..
____
Run the command below and send me the output ASAP
nmap -sS -O 174.36.244.175

أنقل النتيجة بضبانتها، والعاقبة عندكم في المضرات..
تعرف يا ياسر أنا شكلي بالجد حا أمشي فوراول ، لا كرامه لنبي في وطنه !
يعني أنا قاعد أصب في خبراتي و تجاربي صبا صبا ، تجي تقول لي مرقت بالبدري و ما عارف منو ؟!!

--------
كوماندك ده لمو عليك بتحتاج ليه لمن الهكر حبيبنا ينفش حنانك !!!

Post: #104
Title: Re: نوتات !!
Author: أمين محمد سليمان
Date: 03-31-2010, 06:22 PM

هذا الخبر نشر في صفحة " اجتماعيات ثقافيه " في جريدة الصحافه يوم أمس :
" الاستاذ أمين محمد سليمان الأديب و القاص و الصحفي الناشط في حقوق الانسان البسيط قليل الثقافه في منبر بكري أبدي سعادته بعودة الاستاذه اميره الشيخ للمنبر ."

Post: #105
Title: Re: نوتات !!
Author: Amira Elsheikh
Date: 03-31-2010, 06:46 PM
Parent: #104

Quote: " الاستاذ أمين محمد سليمان الأديب و القاص و الصحفي الناشط في حقوق الانسان البسيط قليل الثقافه في منبر بكري أبدي سعادته بعودة الاستاذه اميره الشيخ للمنبر ."

الاستاذة اميرو الشيخ سااااااااااااااى كدا ما معاها اى ملحق .؟؟

ولا حتى قليلة الثقافة ....

استخسرت فينى كل الصفات ...؟؟

شيل ابداك لسعادتك دا ما بخارج معاى اصصصصلو

-------------------------------------
مابقدر اقول انا مابقدر اصرح

Post: #106
Title: Re: نوتات !!
Author: أمين محمد سليمان
Date: 03-31-2010, 07:11 PM
Parent: #105

Quote: الاستاذة اميرو الشيخ سااااااااااااااى كدا ما معاها اى ملحق .؟؟
اميره
الملاحق دي كنت بتجيبيها هناك في الجامعه ، هنا مافي ملاحق !!

-----------
Quote: مابقدر اقول انا مابقدر اصرح

الله يكسر ياسر طيفور حته حته كان فهمت دي !!

Post: #107
Title: Re: نوتات !!
Author: مرتضى احمد عبد القادر
Date: 03-31-2010, 11:41 PM
Parent: #106

لقيتني مافي وقاعد تنوت ساي مش قايلني حأزوزي بي بره كتير معاك معلم ياااااا
انت البدري طفش وين ما يكون طلع ابيض في النوتات ومابيفرق بين الفا ميجر والمي ماينر

________
مشتاقين يا عمك

Post: #108
Title: Re: نوتات !!
Author: أمين محمد سليمان
Date: 04-01-2010, 00:53 AM
Parent: #107

حاتم علي

لي زي شهر و شويه كايس لي طريقة إعتذار ليك ، لكن ما لاقي لي كلام معبر و لا طريقه مناسبه !
ما عرفت اعتذر ليك في بوست مصطفي ولا أفتح بوست منفصل ولا أرسل ليك ماسنجر ؟ ما عرفت !!
اها كلام بالعربي كده عشان اشرح ليك مقدار أسفي و إعتذاري والله ما لقيت و دباره أعرف بيها اتصرف كيف و اعتذر ليك وين ما لقيت !!
ما كان في أي مبرر لكلامي السخيف معاك ، فان تساميت و قبلت إعتذاري فانت احسن الناس ، و إن رفضت فليك مليون حق ! وربنا يعدلها عليك في الحالتين !!

Post: #109
Title: Re: نوتات !!
Author: أمين محمد سليمان
Date: 04-01-2010, 01:04 AM
Parent: #108

Quote: لقيتني مافي وقاعد تنوت ساي مش قايلني حأزوزي بي بره كتير معاك معلم ياااااا
غايتو يا لابورتا كان قايل رقبتك رجعت براك ، تكون معلم بالجد !!!

سئيلي الله شديت سلك لاب صلعه عشان يحل ليك مشكلتك دي ،لكن بساطك و قلة ثقافتك صورت ليك انك رجعت براك ،
في زول برجع براو في الزمن الصعب ده ؟!!

--------

البدري كنت بتكلم معاهو امبارح ، متربسنو في شيكات ،
زول مشاكلو كتيره زي البدري ده من ما الله خلقني ما لقيت !!

-------

Post: #110
Title: Re: نوتات !!
Author: مرتضى احمد عبد القادر
Date: 04-01-2010, 01:27 AM
Parent: #109

Quote: سئيلي الله شديت سلك لاب صلعه عشان يحل ليك مشكلتك دي ،لكن بساطك و قلة ثقافتك صورت ليك انك رجعت براك ،
في زول برجع براو في الزمن الصعب ده ؟!!

انت يا يابا لا تفوت لا تموت

والله يا عمو أمين نوتت حاتم علي دي والله أجمل نوته قريته ليك وياريت أشوف حاتم من جديد بيتداخل معاك

_________________
البدري كعادته فتح بوست إسمو دبايب البورد قبل الأرشفه وذكر صفاتهم وأساميهم عديل وبسبب الأرشفه تم بلع البوست لكن انا كنت متابع وجاهز لكشف اسامي دبايب البورد حسب رؤية البدري وهم ناس ما ساهلين وقادرين يحسمو البدري

Post: #111
Title: Re: نوتات !!
Author: Amira Elsheikh
Date: 04-01-2010, 09:29 AM
Parent: #110

Quote: لي زي شهر و شويه كايس لي طريقة إعتذار ليك ، لكن ما لاقي لي كلام معبر و لا طريقه مناسبه !
ما عرفت اعتذر ليك في بوست مصطفي ولا أفتح بوست منفصل ولا أرسل ليك ماسنجر ؟ ما عرفت !!
اها كلام بالعربي كده عشان اشرح ليك مقدار أسفي و إعتذاري والله ما لقيت و دباره أعرف بيها اتصرف كيف و اعتذر ليك وين ما لقيت !!
ما كان في أي مبرر لكلامي السخيف معاك ، فان تساميت و قبلت إعتذاري فانت احسن الناس ، و إن رفضت فليك مليون حق ! وربنا يعدلها عليك في الحالتين !!

شكيتك على ياسر طيفور وبكرى والبدرى وودمحجوب كان هبشت حاتم على وزعلتو
ماعافية ليك كلو كلو,,,

قلة الثقافة بتسوى اكتر من كدا,,,,

من بوست البوسة بتاع ايمان لندن قلبى كان حاااااسى,,,

Post: #112
Title: Re: نوتات !!
Author: وليد عبد اللطيف
Date: 04-01-2010, 12:35 PM
Parent: #111

Quote:
نوته اتنين

النور الجيلاني

إن قلت أحب النور الجيلاني كذبت ، فالنور يسكنني !!

النور يغني فتفتح الفراديس ويقف الزمن !!

غناء النور ما بتسمع بالإضنين ، بتحس بالقلب ، عشان كده الما بحب النور فاليتحسس قلبه !!

سلام علي النور أين ما كان !

اخي امين
اتفق معك في هذه النوته 100%
دا جرحك ياغرام الروح لاطاب لابدور يبره .... (متين يبره ) ؟؟؟
دا جرحك مهما طول وغار مطبوع فيني بالذكرى

Post: #113
Title: Re: نوتات !!
Author: أمين محمد سليمان
Date: 04-01-2010, 10:44 PM
Parent: #112

Quote: كان هبشت حاتم على وزعلتو
ماعافية ليك كلو كلو,,,

يعني أنا لو ما كنت هبشتو و زعلتو ، جاي اعتذر ليه ساي ؟!!!

------

بساطك و قلة ثقافتك بقت تحنن !

Post: #114
Title: Re: نوتات !!
Author: أمين محمد سليمان
Date: 04-01-2010, 10:51 PM
Parent: #113

Quote: اخي امين
اتفق معك في هذه النوته 100%
دا جرحك ياغرام الروح لاطاب لابدور يبره .... (متين يبره ) ؟؟؟
دا جرحك مهما طول وغار مطبوع فيني بالذكرى
النور يا وليد غناهو بيطلع من القلب و يسلم للقلب : مافي وسائط !!!
و المقطع ده بالذات فيهو واحد مكامن الألم !!

Post: #115
Title: Re: نوتات !!
Author: Amira Elsheikh
Date: 04-01-2010, 10:54 PM
Parent: #113

Quote: يعني أنا لو ما كنت هبشتو و زعلتو ، جاي اعتذر ليه ساي ؟!!!

معترف كمان ؟؟؟
السبب شنو...

حاتم دا حسب متابعتو ليهو هنا زول بالو طويييييييييل وناقاااش وصاحب حجة ومنطق
وقلمو سنين ,,, ولا يوم شفتو اتطاول على زول ولا هبش زول ,,,,,

شان كدا كنت متاكدة 100 & انك غلطان ...

اها تانى زعلت منو من الناس الانا ما برضو فيهم ؟؟

انشاءالله اشوف فيك يوم يا امين شان اشمت

____________________________________________________
يومها مشيت نمت القاك شمتان فينى فى مداخلة تراجى؟؟
رغم تراجى قالت ليك انا مامقصودة ..
حالتك بقت صعبة ؟

Post: #116
Title: Re: نوتات !!
Author: أمين محمد سليمان
Date: 04-01-2010, 11:07 PM
Parent: #115

Quote: معترف كمان ؟؟؟
السبب شنو...

حاتم دا حسب متابعتو ليهو هنا زول بالو طويييييييييل وناقاااش وصاحب حجة ومنطق
وقلمو سنين ,,, ولا يوم شفتو اتطاول على زول ولا هبش زول ,,,,,

شان كدا كنت متاكدة 100 & انك غلطان ...
من أدب الاعتذار يا اميرة الاسافير ، انك لو عايز تعتذر لزول ما تلت و تعجن في الموضوع و تسوق المبررات ، حاتم عارف أنا زعلتو في شنو و ليه ، أنا غلط عليه و اعتذرت ليه : إن شاء قبل - و هو ما اتمناه - وإن شاء رفض ...
عليك الله لو عندك كلمه حلوه كان بها ، ما عندك نقطينا بسكاتك !!!
Quote: اها تانى زعلت منو من الناس الانا ما برضو فيهم ؟؟
غايتو لي زمن بحاول أزعلك ، لكن شكلك النوع الما بحس داك !!!

-------

Post: #117
Title: Re: نوتات !!
Author: Amira Elsheikh
Date: 04-01-2010, 11:22 PM
Parent: #116

Quote: غايتو لي زمن بحاول أزعلك ، لكن شكلك النوع الما بحس داك !!!

والقال ليك منو انا من الناس المابرضو فيهم؟

حاتم ,,,, ياخ انا بعتذر ليك نيابة عن امين اللعين
تعال خلينا نعمل ليهو كمين......

______________________________________________
موضوع حاتم سكتها منو فى اللحظة دى
حاسة بيك اتضايقت لكن بلاقيك فى زقاق وبخلص حق حاتم

Post: #118
Title: Re: نوتات !!
Author: أمين محمد سليمان
Date: 04-03-2010, 07:37 PM
Parent: #117

Quote: حاتم ,,,, ياخ انا بعتذر ليك نيابة عن امين اللعين
يا اخوانا حاتم وين ؟!

Post: #119
Title: Re: نوتات !!
Author: أمين محمد سليمان
Date: 04-05-2010, 00:59 AM
Parent: #118

صورة بروفايل كيكي

لعلها أعمق صوره لبروفايل ، و لعل وجه هذا الرجل أكثر تعبيرا من مئات الصور !!

Post: #120
Title: Re: نوتات !!
Author: أمين محمد سليمان
Date: 04-08-2010, 05:55 PM
Parent: #119

Face Book

من يوم ما الله خلق ال Face Book و لله في لله كده ما مرتاح ليهو ، حسابي فيهو ماعملتو أنا أصلا ، لا بدخل الفيس بوك و لا بعرف بكتبو فيهو وين و لا قصتو ذاتها شنو .
اشتركت في بورد بكري ده و كل يوم يومين القي لي رساله فلان الفلاني added you as a friend on Facebook. We need to confirm that you know (him/her) in order for you to be friends on Facebook و لانو الجهل مصيبه خفت إنو يكون في هكر جاب الناس دي باسمي لانو ما بعرف معظمهم بالذات الناس الما معانا هنا ، ضربت لياسر طيفور أستفتيه الحاصل شنو و أب تفه طبعا خبير فيس بوك ما تفرزو من صلاح غريبه إلا بالنضارات ، نصح بقبول طلبات من أود و هذا ما فعلته اليوم ، و دي عباره عن دعايه لحدي ما أشوف الحاصل شنو .

Post: #121
Title: Re: نوتات !!
Author: أمين محمد سليمان
Date: 04-13-2010, 02:48 AM
Parent: #120

سجود السهو
البتاعه دي رسلها لي صديق عزيز ، مختصره و مبسطه لسجود السهو

Post: #122
Title: Re: نوتات !!
Author: abubakr
Date: 04-13-2010, 05:17 AM
Parent: #121

عفوا امين للمقاطعة ..
ارجو ان تواصل .. اكتب كذا نوته قبل ان ياتي الافاضل والفضليات (وانا منهم) بتعليقات....الواحد فينا (زي انا كدة) كلما يشعر بانه كبر وهرم يجيه شعور طاغ بانه جاهل ولذا يحاول في الباقي ان يتعلم ..واصل من فضلك تكسب اجر

Post: #124
Title: Re: نوتات !!
Author: أمين محمد سليمان
Date: 04-13-2010, 06:27 PM
Parent: #122

Quote: أمين

عِندي " نوته " فاقِدا ما وقعت في عينك يا خوي
يا عزام ياخي إنت ما محتاج ليك نوته ، شغلتك كلها في الراس !!

Post: #125
Title: Re: نوتات !!
Author: أمين محمد سليمان
Date: 04-19-2010, 08:05 AM
Parent: #124

Quote: عفوا امين للمقاطعة ..
ارجو ان تواصل .. اكتب كذا نوته قبل ان ياتي الافاضل والفضليات (وانا منهم) بتعليقات....الواحد فينا (زي انا كدة) كلما يشعر بانه كبر وهرم يجيه شعور طاغ بانه جاهل ولذا يحاول في الباقي ان يتعلم ..واصل من فضلك تكسب اجر
والله يا أبو بكر عقدتني !!!
ياخي أنا هنا لتعليم البسطاء و قليلي الثقافه من شاكلة الطريفي و ياسر طيفور و الأشكال دي ، الناس الزيك ديل نقعد نتعلم منهم !!!

Post: #126
Title: Re: نوتات !!
Author: محمد البشرى الخضر
Date: 04-19-2010, 09:05 AM
Parent: #125

النوتة الـ (كم يا ترى)

إنفصال الجنوب

ليه بنسمع كلام كتير يصف إنفصال الجنوب بأنو جريمة و مش عارف إيه
حتى بعض حجج مقاطعة الإنتخابات كانت عدم المشاركة في الجريمة المعنية
يعني مش هو في النهاية خيار شعب الجنوب
كيف نسمي خيارهم أياً كان جريمة
في أمر الإستفتاء غير الجنوبيين ليهم فقط التشجيع و الصفقة و الموية الباردة
شأن خالص للجنوبيين و فقط الجنوبيين يعني قطاع الشمال في الحركة ذات نفسو يطلع مدرجات الجمهور

Post: #127
Title: Re: نوتات !!
Author: أمين محمد سليمان
Date: 04-19-2010, 06:05 PM
Parent: #126

Quote: النوتة الـ (كم يا ترى)
ود البشري يا حبيبنا ، وقفنا الترقيم لدواعي امنيه !
تغلط في الترقيم يجوك البدري و لابورتا التعيس يعملو ليك مية مداخله عشان يقنعوك إنو عندك زهايمر !!!
Quote: إنفصال الجنوب

ليه بنسمع كلام كتير يصف إنفصال الجنوب بأنو جريمة و مش عارف إيه
حتى بعض حجج مقاطعة الإنتخابات كانت عدم المشاركة في الجريمة المعنية
يعني مش هو في النهاية خيار شعب الجنوب
كيف نسمي خيارهم أياً كان جريمة
في أمر الإستفتاء غير الجنوبيين ليهم فقط التشجيع و الصفقة و الموية الباردة
شأن خالص للجنوبيين و فقط الجنوبيين يعني قطاع الشمال في الحركة ذات نفسو يطلع مدرجات الجمهور
متفق معاك في خطل تسمية الانفصال جريمه طالما ده خيار الأخوان في الجنوب . و مختلف معاك في استنكارك إنو حق التصويت يكون للجنوبين فقط :
ما أظن في سوداني بينكر كمية المظالم الحصلت في الجنوب منذ الاستقلال حتي صار الجنوبي مواطن درجه الف في وطنو ، يبقي من حقو - و من حقو هو بس - يقرر يقعد مع الناس ولا يمشي !!!!

Post: #128
Title: Re: نوتات !!
Author: البدري عبد الله
Date: 04-19-2010, 08:26 PM
Parent: #127

اوووووووووووو حبيبنا الاديب الاريب ..النابغة الامدرماني
ياخ حمدا لله على السلامة ..بعودتك اخرست ألسن المتشككين والمتوهمين من امثال لابورتا وابارو (وتحت تحت ) ناس حيدر الزين واميرة بت الشيخ ..واخرون لا داعي لذكر اسمائهم ) ...عموما سعداء جدا بتواجدك البهي ..وكتاباتك النيّرة ..

Post: #129
Title: Re: نوتات !!
Author: أمين محمد سليمان
Date: 04-19-2010, 08:31 PM
Parent: #128

Quote: اوووووووووووو حبيبنا الاديب الاريب ..النابغة الامدرماني
ياخ حمدا لله على السلامة ..بعودتك اخرست ألسن المتشككين والمتوهمين من امثال لابورتا وابارو (وتحت تحت ) ناس حيدر الزين واميرة بت الشيخ ..واخرون لا داعي لذكر اسمائهم ) ...عموما سعداء جدا بتواجدك البهي ..وكتاباتك النيّرة ..
شكرا يا البدري علي الاطراء الفي محلو ...
المذكورين ديل ربنا يهديهم ، ما عارفين قيمتي !!