الاستوساخ ............!!!!

Post: #1
Title: الاستوساخ ............!!!!
Author: أمين محمد سليمان
Date: 04-26-2010, 04:30 PM
Parent: #0

تقول الأعراب إذ إستوسخت شيئا ( عفن كيف !!...) ، فالاستوساخ لغة هو الاستعفان بلا خلاف . *

--------
* راجع (تراجم الوسخين ) لعماد عبدالله الجزء التاسع صفحة 24

Post: #2
Title: Re: الاستوساخ ............!!!!
Author: أمين محمد سليمان
Date: 04-26-2010, 04:32 PM
Parent: #1

و الاستوساخ معنا : هو إحتقار الانسان لاخيه الانسان بسبب أو بدون سبب !!
تقول الأعراب إذا ما احتقرت شخصا : (الزول ده أنا مستوسخو ) !

Post: #3
Title: Re: الاستوساخ ............!!!!
Author: أمين محمد سليمان
Date: 04-26-2010, 04:36 PM
Parent: #2

و الاستوساخ منبريا : هو تجاهل الرد علي من تداخل معك ، أو الرد فقط علي من إتفق معك !!
و هو علم يدرس في سودانيز أون لاين ، له أساطينه و فنونه و يمارسه السطحيون في هذا المكان و هم أقل الناس معرفة و أقصرهم قامة فكرا و سلوكا ، فلا علم و لا معرفه و لا حجج !!

Post: #4
Title: Re: الاستوساخ ............!!!!
Author: HAIDER ALZAIN
Date: 04-26-2010, 04:41 PM
Parent: #3

بالله وقت تصل لمرحلة النماذج كلمني

بركب وش كرتون واجي اديك النماذج بالاسماء والبوستات والروابط

والكاتل الله والحي الله ..

Post: #5
Title: Re: الاستوساخ ............!!!!
Author: أمين محمد سليمان
Date: 04-26-2010, 04:47 PM
Parent: #4

Quote: بالله وقت تصل لمرحلة النماذج كلمني
والله يا الطريفي نماذج ما عندنا ، و ده الفرق بيني و بينكم : أنا زول مفكر ، بجيب القضيه و بتكلم عنها كقضيه ، انتو جيبو نماذجكم و مشاكلكم مع الناس المستوسخاكم و أنا بحللها ليكم !

Post: #6
Title: Re: الاستوساخ ............!!!!
Author: HAIDER ALZAIN
Date: 04-26-2010, 04:56 PM
Parent: #5

يازول اصلن ما مشكلة .. إنت قائل شنو ما أساساً انا من البسطاء هنا ..
فخلينا مع النماذج

بديك هسع نموذجين لانه متوقع الباب يدق في اي لحظة واكمل الباقي بعدين او بكرة ..

ومن هسع يبقي في معلوم الجميع .. لن أرد على اي زول مخالفني

إلا لو كان من اصحاب الشان ظاااااتهم فاليبلو ويجو

Post: #7
Title: Re: الاستوساخ ............!!!!
Author: HAIDER ALZAIN
Date: 04-26-2010, 05:02 PM
Parent: #6

النموذج الاول : هو اخونا هشام هباني تقدس في المعالي ..

الشخص دا فتح بوست قمة في البذاءة واللغة الداعرة وهابطة من عنوانه ودا رابطه:

ألا يكفى كل هذا ( الاستربطيز) الى تعطيل والغاء هذه المهزلة!؟

وجوا العديد من الاخوان وضحو ليهو وين الدعارة فيهو وفي لغتو خاصة وانه اول مداخلة فيهو كانت :

Quote: بعد مرور اليوم الاول من مهزلة ما يسمى بانتخابات السودان وهو يوم مترع بكثير من حالات الغش والخداع والارباك
في مناطق شتى من السودان بشهادة مواطنين واجانب شهدوا هذه المهازل وقد ضحكوا عليها كثيرا ألا يكفى كل هذه الخروقات لتعطيل والغاء هذه المهزلة والتي اصبحت ملهاة لكثير من الشامتين وهم يرون الطغمة المجرمة المزورة لدين الله في اكثر عروض (الاستربطيز) فضائحا وهو امر بديهى لمن يزور اسم الله ودينه ان يزور ما هو ادنى!؟

وزيادة في انه يوضح سوء نيته فقد لون ما هو موضح بالاحمر ..

لكن ماذا فعل لا اقول ( استوسخ ) التداخل .. بل ( استوححش ) و ( واستهجل )
لأنه حتماً بعد الردود التي توضحت له بين مدي بذاءة ما كتبه

فاحسن حل يعمل شنو ؟!
يزوغ بالباقي بس

Post: #10
Title: Re: الاستوساخ ............!!!!
Author: HAIDER ALZAIN
Date: 04-26-2010, 05:09 PM
Parent: #7

ونموذج تاني لنفس الشخص .. اللي هو هشام هباني فقد كتب بوست بسوء فهم
تطاول فيهو واتهم اتهامات مجانية للعقيد عبد العزيز خالد واسفف فيه بدءاً من عنوانه حتي متنه
ثم بعد دشة دشتين - دون ردود منه ايضاً - كتب اعتذاراً مطولاً للعميد حمل في داخله
اسفاف واساءات اخري - يعني اساءة جديدة مغلفة باعتذار .. ورابط البوست هو :

اعتذار الى سعادة العميد عبد العزيز خالد

جاء في متنه :

Quote: سعادة العميد عبد العزيز خالد

بعد التحية

بالامس في ال18/4/2010افترعت خيطا بناء على تصريح من شخصكم لوسائل الاعلام كان بالنسبة الى غامضا ومحبطاوهو منشور في صحيفة سودانايل الالكترونية ولكون هذا التصريح مشفوعا في البدء بموقف لتنظيمكم من جملة احزاب لا زلت اعتبر موقفها خيانة للصف الوطني وهو موقف المشاركةالتي شقت الصف الوطني منذ البدء والتي لو لم تقع لظل الموقف الوطنى اقوى وامتن مما هو عليه الان لان وجودكم قد شرعن وجود هذه المهزلة التي سميت بانتخابات واعطى ذريعة بل حجة للخصم يستند عليها امام الرقيب الدولى الذي يبدو قد بنى تقديراته وتقييماته الحالية والمخيبة للامال حول شرعية الانتخابات وربما اعتماد نتيجتها من خلال وجودكم فيها كمشاركين ظللتم فيها ولم تحتجوا منذ ان اكتشفتم التزييف والخداع في اوائل ايامها وهو الموقف الافضل لو توقفتهم عنها في تلكم اللحظات ولكان لتصريحاتكم وقتها وقعا وطنيا وعالميا افضل من الاحتجاج بعد نهايتها بل سيحرج الرقيب الدولى ويقض مضاجع اعداء الشعب ولكنكم للاسف اتممتم الامر الى نهايته والان تحتجون حيث في اعتقادي ان وزن الاحتجاجات ما بعد نهاية المهزلة ليس ذا قيمة مثلما لو اقمتموها بشكل منظم في اثنائها وقاطعتموها وبناء على كل تلكم الحيثيات السالبة جاء الالتباس في تفهمي لتصريحكم عبر صحيفة سودانايل ولكن بعد تصريحكم الاخيرالذي اوردته اختنا المناضلة زهرة حيدر ادريس اليوم19/4/2010 يكون بالفعل قد زال الالتباس واتضحت الرؤيةولذلك اتقدم الى شخصكم الكريم باعتذاري عن هذا الخيط الذي كنت فيه حادا معكم وانااتوخى بحدتى وحدة الصف الوطني لا غيرها لاننى من الدعاة لها منذ البداية وبشدة ولا زلت انادى بتوحد كلمة الصف الوطني (مقاطعون ومشاركون) اقوى مما كانت عليه لان هذا الخصم المجرم لن يجابه الا بالوحدة والعزيمة الوطنية ونحن نضع مصلحة الوطن فوق مصالح الاحزاب والافراد مع خالص حبى واحترامي.

هشام هباني/دالاس/ تكساس

فتداخل من انتقده مثالاً الاخ عادل عبد العاطي في قوله :

Quote: من جملة احزاب لا زلت اعتبر موقفها خيانة للصف الوطني وهو موقف المشاركةالتي شقت الصف الوطني منذ البدءهذه اهانة وادعاء؛ ماذا لو قلت لك ان موقفك بالمقاطعة هو خيانة للموقف الوطني ؟؟ بعدين هو اعداء لانو اصلا ليس هناك صف وطني او غير وطني موحد؛ فاحزاب جوبا شاركت اغلبيتها - الحركة الشعبية في الجنوب والنيل الازرق وجنوب كردفان والامة في النيل الازرق وجنوب كردفان وكذلك الاتحادي الديمقراطي والوطني الاتحادي والمؤتمر الشعبي والمؤتمر السوداني والتحالف السوداني وحزب العدالة والناصريين الخ - ؛ ولم يكن مقاطعا حقيقة منها الا البعث والشيوعي وحركة حق؛ فعن اي صف وطني يتحدث وعن اي شق ؟؟

هشام هباني هنا مجرد مدعي ويحاول ان يهين من يختلفوا معه في الرأي ولو اردنا التخوين لاثبتنا خيانة كل الاحزاب التي يدافع عنها بكلماته هو ولو اردنا تخوينه لما اعجزنا ..

ولكن هذا طريق مسدود .

لكن ماذا فعل الوطني الغيور هباني ؟!

زاااااااغ برضو

Post: #13
Title: Re: الاستوساخ ............!!!!
Author: HAIDER ALZAIN
Date: 04-26-2010, 05:19 PM
Parent: #10

النموذج الثاني هسع هو الزميــل - بريمة محمد - الذي كتب بوست ينضح بالعنصرية

بوست لا اجد له صفة غيرها وكان يستحق انه يبلعو من اول مداخلتين ..
فقد كتب بالبوست اللي هذا رابطه :
ناس الشرق والخج: الغرباوية شرفها واصل حتى فى لحظات الخج!

الآتي :

Quote: على النعمة .. شريحة الشعب السودانى القاعدة تلبس سديرى .. تانى ما أصدقهم لو الواحد فيهم دس يده فى النار الحامية ..

وتعالوا عددوا لينا ناس السديرى: البطاحين، الهدندوة، البجه، البنى عامر، الشكرية .. بصراحة ناس الشرق كلهم هم مزورى الأنتخابات للمؤتمر الوطنى ..

وأطالب أمثال الأخ هاشم نوريت وبقية أبناء قبائل الشرق أن يأتوا هنا ليرونا كيف أندس هؤلاء المزوراتيه بينهم؟

بريمة

وزاد عليه :

Quote: والله لم أحسب أن ضمائر أبناء الشعب السودانى تكون ماتت أو تبلدت بهذه الصورة المهينة ..

كيف يصل إنحطاط الأخلاق والقيم لهذه المرحلة المزرية ..

قتل المؤتمر الوطنى لضمائر الناس وبيعه لضمائر نتيجة حتمية لفساد هذا النظام الفاسد الذى أفسد قيم وأخلاق الشعب السودانى ..

ولكنى أقف وألوم ناس الشرق .. ناس السديرى .. ناس السراويل الطوال والمجررة حتى الواطا .. ناس التفه الكبيرة واللون الأخضر .. هؤلاء الناس عرفناهم محربى سلاح بين حدودنا فى الشرق .. واليوم لقد ربحوا تجارة أخرى ..

تجارة التزوير وبيع القيم والأخلاق .. هؤلاء الناس فاسدين مثل مثل الأنقاذ الذى أفسدهم ..

يجب فضحهم

إلى الجحيم يا أمات سراويلاً كتار ..

بريمة

بعدها رد ردين تلاتة .. وبدل يبلع من سكات او يناطح الحجة بالحجة ..
فضل انه يلبس رواحات ويعمل فيها تائه

وقد كان

Post: #14
Title: Re: الاستوساخ ............!!!!
Author: HAIDER ALZAIN
Date: 04-26-2010, 05:21 PM
Parent: #13

في تلاتة نماذج تاني ...

بمشي اشوف الضيف واجيك صاد

Post: #8
Title: Re: الاستوساخ ............!!!!
Author: البدري عبد الله
Date: 04-26-2010, 05:03 PM
Parent: #6

السلام عليكم ورحمة الله

Post: #9
Title: Re: الاستوساخ ............!!!!
Author: داليا الكباشى
Date: 04-26-2010, 05:07 PM
Parent: #5

Quote: أنا زول مفكر ، بجيب القضيه و بتكلم عنها كقضيه

والله يا امين انت متفاءل شديد خلاس ..!!
انت داير حيدر الزين يفهم ليك الكلام الكبار كبار دا ..؟؟
خاطبوا الناس على قدر باسويرداتهـم ياخ

Post: #11
Title: Re: الاستوساخ ............!!!!
Author: HAIDER ALZAIN
Date: 04-26-2010, 05:13 PM
Parent: #9

شفت يا اديبنا ومفكرنا وناشطنا الانساني امين لو عاوزني اثري ليك البوست دا بكل ماهو جميل
ومقدر من الفكر الانساني .. تقوم تجلي الزول الاسمو البدري عبد الله دا ومعاهو الدكتورة الاسمها داليا كباشي ديل
هؤلاء لما ياتو لحوار بل لحرف البوستات .. وانت تعلم انه - انا وانت - عندنا رسالة في الحياة دي نؤديها
من خلال هذا الموقع الجامع للسودانيين مع الشكر لصاحبه ابصلعة الذي ارجع لي باسوويردي في تلات ساعات

Post: #12
Title: Re: الاستوساخ ............!!!!
Author: Hisham Amin
Date: 04-26-2010, 05:15 PM
Parent: #9

اها قصدكم شنو؟

نسميهو وسخين اون لاين يعنى ولا حاجة تانية (هههههه)

امين ازيك ياخ

Post: #15
Title: Re: الاستوساخ ............!!!!
Author: أمين محمد سليمان
Date: 04-26-2010, 05:26 PM
Parent: #12

Quote: النموذج الاول : هو اخونا هشام هباني تقدس في المعالي ..
أولن يا الطريفي ، هشام ماسكو ده أبعد منو ، الزول ده بيناضل بقلة الأدب دي فكل ميسر لما خلق له !!
تانين إنت دايرو يرد عليك يقول ليك شنو ؟! ماهو لم ياتي لحوار و لكن لقلة الأدب !! فما عندو حل غير الاستوساخ !!!

-------
والله داليا ما خاتيه عليك كلو كلو !!

Post: #16
Title: Re: الاستوساخ ............!!!!
Author: أمين محمد سليمان
Date: 04-26-2010, 05:35 PM
Parent: #15

Quote: السلام عليكم ورحمة الله
و عليكم السلام و رحمة الله تعالي و بركاتو و إنا لله و إنا إليه راجعون ! البوست باظ خلاس !!

Post: #17
Title: Re: الاستوساخ ............!!!!
Author: Amira Elsheikh
Date: 04-26-2010, 05:40 PM
Parent: #16

السلام عليكم ورحة الله تعالى وبركاته

Post: #18
Title: Re: الاستوساخ ............!!!!
Author: أمين محمد سليمان
Date: 04-26-2010, 05:44 PM
Parent: #16

Quote: النموذج الثاني هسع هو الزميــل - بريمة محمد - الذي كتب بوست ينضح بالعنصرية
والله يا الطريفي قريت كلام بريمه ده و ما عرفت أضحك و لا أبكي !!
بريمه ماعط البورد ده بالسنيين عن العنصريه و يجي يكتب كلام زي ده في حق قبائل كريمه يوصمم بانهم مجرمين و مهربي سلاح و مزورين و بايعي قيمهم و أخلاقهم و يسخر منهم و من لبسهم بجريرة اربعه خمسه أنفار منهم : ياخي إيه الأرف ده !!

Post: #20
Title: Re: الاستوساخ ............!!!!
Author: أمين محمد سليمان
Date: 04-26-2010, 05:51 PM
Parent: #18

داليا الجكس بتاع تمبس !!
Quote: والله يا امين انت متفاءل شديد خلاس ..!!
انت داير حيدر الزين يفهم ليك الكلام الكبار كبار دا ..؟؟
خاطبوا الناس على قدر باسويرداتهـم ياخ
حيدر ده يا ستهم أنا شغال معاهو off-line و ماشي كويس جدا و إن شاء الله حا يطلع من مرحلة الطريفي الهو فيها دي و يوما ما حا يبقي مفكر زيي واحد , لحدي الوقت داك ساعدونا برفع روحو المعنويه !!

Post: #19
Title: Re: الاستوساخ ............!!!!
Author: سيف النصر محي الدين محمد أحمد
Date: 04-26-2010, 05:50 PM
Parent: #16

الأخ امين محمد سليمان
السلام عليكم و رحمة الله و بركاته
لدى سؤال و تعليق لو سمحتم
ام السؤال فهو: انت بتعاين وين في صورة البروفايل دي؟؟
و التعليق هو: قبل كده في ناس ناقشوا مسألة الردود في البوستات دي و انتهوا إلى أنو ما ضروري ترد على الجميع و ممكن الاكتفاء بمداخلات معينة ، و كمان في النهاية صفقوا للناس البعملوا كده و اشادوا بيهم، و هم في جهدهم ذاك لم يشيروا لنظريتكم حول الاستوساخ هذه ابدا و لم يزنوا الأمر بنفس الميزان الذي استخدمتموه في اخراج بوستكم هذا.

Post: #21
Title: Re: الاستوساخ ............!!!!
Author: أمين محمد سليمان
Date: 04-26-2010, 06:38 PM
Parent: #19

Quote: شفت يا اديبنا ومفكرنا وناشطنا الانساني امين لو عاوزني اثري ليك البوست دا بكل ماهو جميل
ومقدر من الفكر الانساني .. تقوم تجلي الزول الاسمو البدري عبد الله دا ومعاهو الدكتورة الاسمها داليا كباشي ديل
هؤلاء لما ياتو لحوار بل لحرف البوستات .. وانت تعلم انه - انا وانت - عندنا رسالة في الحياة دي نؤديها
من خلال هذا الموقع الجامع للسودانيين مع الشكر لصاحبه ابصلعة الذي ارجع لي باسوويردي في تلات ساعات
أولن : يا الطريفي أنا الأيامات دي مجلي قصة أديب دي لانها ما بتاكل عيش أنا أعلنت نفسي مفكر و بس !!
تانين : كونك تخت الدكتوره في نفس السطر ساي مع البدري (حيث لو بدر هناك ) فدي مسبه تتعدي الدكتوره إلي تمبس ذات نفسو ، فانا ما حا أرد عليك في الحته دي لحدي ما يجيك الأسد ذات نفسو يشوف ليه دباره معاك !!!

Post: #22
Title: Re: الاستوساخ ............!!!!
Author: Hassan Makkawi
Date: 04-26-2010, 06:40 PM
Parent: #19

.

أعلاة ليس بنقطة حمراء..
بل مراقب.... ولكن من بعيييييييييييييييييييد!!!!!!

Post: #23
Title: Re: الاستوساخ ............!!!!
Author: عبدالوهاب علي الحاج
Date: 04-26-2010, 06:45 PM
Parent: #19

Quote: انت بتعاين وين في صورة البروفايل دي؟؟
دا اسمو التحايل لدس الصلع
لكن والحمد لله صلعة الخال امين دي
زي فندق قصر الصداقة في التمانينات من اي حتة يتشوفا
وشوفو هنا لما يدقس

_____
أكشفوهم عروهم احلقوا ليهم - شكلك حتستوسخني ياخال لكن وراك والزمن طويل

Post: #24
Title: Re: الاستوساخ ............!!!!
Author: أمين محمد سليمان
Date: 04-26-2010, 07:00 PM
Parent: #23

يا وهبه فتلت البوست و الحوار و صلعتي ذاتها !!!
انشالله تكون عرفت أنا مستوسخك ليه من زمان !!!
أنا صلعتي عرفتها ، حمور ده بتراجف كده مالو ؟!!

Post: #25
Title: Re: الاستوساخ ............!!!!
Author: khaleel
Date: 04-26-2010, 07:10 PM
Parent: #24

موني النوتة

شفت امبارح استوساخ حمص للهلال جوة المقبرة

يا معز جيب من جووووووة

Post: #27
Title: Re: الاستوساخ ............!!!!
Author: Hassan Makkawi
Date: 04-26-2010, 07:19 PM
Parent: #25

Quote: أنا صلعتي عرفتها ، حمور ده بتراجف كده مالو ؟!!

بتراجف من صلعتك دى
الناس يورثو عيال أخواتم العمارات
تجى تورث الود .....صلعة؟؟؟؟
وكمان بتسأل؟؟؟

________________________

تحول الوضع من مراقبة إلى إقتحام

Post: #26
Title: Re: الاستوساخ ............!!!!
Author: أمين محمد سليمان
Date: 04-26-2010, 07:13 PM
Parent: #24

هشام يا حبيبنا
Quote: اها قصدكم شنو؟

نسميهو وسخين اون لاين يعنى ولا حاجة تانية (هههههه)

امين ازيك ياخ
المكان ده فيهو ناس يكفو لنظافة السودان الشقيق في الواقع خليه في الاسافير ، المشكله صوتهم ما بصل مع كمية الاستوساخ الحاصل ده .
بالنسبه للتسميه ، الصحيح مستوسخين أون لاين و الله أعلم !!

Post: #28
Title: Re: الاستوساخ ............!!!!
Author: Hassan Makkawi
Date: 04-26-2010, 07:27 PM
Parent: #26

Quote: المكان ده فيهو ناس يكفو لنظافة السودان الشقيق

خال حمور
أرجو أن تكمل الجملة كالآتى:
ونكن لشعب السودان الصديق كل الإحترام والتقدير...

_________________

الشعب السودانى يعتز بصداقتكم...

Post: #29
Title: Re: الاستوساخ ............!!!!
Author: أمين محمد سليمان
Date: 04-26-2010, 07:32 PM
Parent: #28

Quote: السلام عليكم ورحة الله تعالى وبركاته
و عليكم السلام و رحمة الله و بركاته !

---------
اميره : إنت و البدري بالله خلو البوست ده يعدي علي خير شابكني السلام عليكم ورحمة الله تعالى وبركاته التقول في مسجد أنصار سنه نحن !!!

Post: #30
Title: Re: الاستوساخ ............!!!!
Author: محمد البشرى الخضر
Date: 04-26-2010, 07:57 PM
Parent: #29

يا معلّم ...
البوست دا جادي نحرق رزّنا معاك فيه ولاّ كدا وكدا؟
قول جادي ..
يا امين يا عمك كونك تتجاهل زول اتداخل معاك خير شر تصرف سخيف و عديم ذوق مافي كلام
لكن أحيانا بتكون مضطر , كأن يكون البوست طبيعته لا تحتمل الردود و النقاش
أو يكون الزول الإتداخل معاك دا ثقيل على قلبك و النوع الإسمو ساي بقوّم عليك الحساسية
اها وانت ما داير تفتح معاه باب بتاع أخد ورد وفي نفس الوقت ما غلط عليك عشان تشاكلو أو تتماسخ عليه مثلا
في الحالة دي الطناش اسلم
وفي حالات تانية غير كدة
يعني الموضوع ما استوساخ واستعفان على طول الخط

Post: #31
Title: Re: الاستوساخ ............!!!!
Author: ABUHUSSEIN
Date: 04-26-2010, 07:57 PM
Parent: #29

أخونا و حبيبنا أمين

ســـؤال برئ جداً ممكن ؟؟؟

لو ممكن السؤال من وين جات تسمية أمين نوته ؟؟؟؟

لو ما ممكن طنشو و بس

Post: #32
Title: Re: الاستوساخ ............!!!!
Author: HAIDER ALZAIN
Date: 04-26-2010, 08:08 PM
Parent: #31

Quote: لو ممكن السؤال من وين جات تسمية أمين نوته ؟؟؟؟

لو ما ممكن طنشو و بس

يا عمك حمد لله سلامة ...

زولنا دا دعمو بقي سريع جداً ..

عارف انا قلت اشوفك نهاية شهر ستة حسب سوابقك

اما بخصوص تسمية امين نوتة ...

صراحة ما عارف

ـــــــــــــ
المهم الاستربتيز كيف ههههههههه

Post: #34
Title: Re: الاستوساخ ............!!!!
Author: ABUHUSSEIN
Date: 04-26-2010, 08:19 PM
Parent: #32

Quote: يا عمك حمد لله سلامة ...

زولنا دا دعمو بقي سريع جداً ..

عارف انا قلت اشوفك نهاية شهر ستة حسب سوابقك

عايز تشمت فيني شماتة ودالصائم في الطريفي ؟؟؟؟

يا خي في ناس كانو مشوهين سمعتي إبتعدت عنهم و خلاص الحمدلله سمعتي بقت زي الياقوت

و الله الباشمهندس ما قصر معاي الله إديهو العافية

Quote: المهم الاستربتيز كيف ههههههههه

الإستربتيز بالتاء و لا بالطاء ؟؟؟؟؟؟

لو بالتاء قلة أدب

لكن لو كانت بالطاء دي تبقى قلة أدب

Post: #33
Title: Re: الاستوساخ ............!!!!
Author: Hassan Makkawi
Date: 04-26-2010, 08:11 PM
Parent: #31

Quote: أخونا و حبيبنا أمين

ســـؤال برئ جداً ممكن ؟؟؟

لو ممكن السؤال من وين جات تسمية أمين نوته ؟؟؟؟

يا بو حسين
أمين البعرفو دة يكون ما عارف من هو ( أمين بن باقوراء )
تجى تقوليهو أمين نوتة؟؟؟؟

____________

قول يا لطيف بث.....

Post: #35
Title: Re: الاستوساخ ............!!!!
Author: ABUHUSSEIN
Date: 04-26-2010, 08:28 PM
Parent: #33

Quote: يا بو حسين
أمين البعرفو دة يكون ما عارف من هو ( أمين بن باقوراء )
تجى تقوليهو أمين نوتة؟؟؟؟

حسن مكاوي الصياد

ياخي أخونا أمين دا أنا متعشم فيه خير لكن لبس لي البدلة و غطى لي الصلعة ما عارف بفكر في شنو

بعدين يا حسن إنت شايل السنارة السنة كلها و ناس الشرقية قالو كرهتهم في السمك تقطع ليك حدود دولية علشان

تاكل معاهم السمك ؟؟؟؟؟

Post: #36
Title: Re: الاستوساخ ............!!!!
Author: أمين محمد سليمان
Date: 04-26-2010, 08:47 PM
Parent: #35

Quote: الأخ امين محمد سليمان
السلام عليكم و رحمة الله و بركاته
لدى سؤال و تعليق لو سمحتم
ام السؤال فهو: انت بتعاين وين في صورة البروفايل دي؟؟
و التعليق هو: قبل كده في ناس ناقشوا مسألة الردود في البوستات دي و انتهوا إلى أنو ما ضروري ترد على الجميع و ممكن الاكتفاء بمداخلات معينة ، و كمان في النهاية صفقوا للناس البعملوا كده و اشادوا بيهم، و هم في جهدهم ذاك لم يشيروا لنظريتكم حول الاستوساخ هذه ابدا و لم يزنوا الأمر بنفس الميزان الذي استخدمتموه في اخراج بوستكم هذا.
و عليكم السلام و رحمة الله و بركاته يا دكتور ،
ما عارف يا سيف لو ما كنت شيوعي كنت سلمت كيف ؟! شنو الليله قصة (السلام و رحمة الله و بركاته ) دي !!!
بالنسبه للسؤال : أولن أنا ما كنت بعاين أنا كنت برنو لمستقبل الوطن الشقيق و بحاول أشوف ممكن نطلع كيف من الحفره النحنا فيها دي .
و لو داير الجد ، كنت مارق عندي شغل و بشرب لي في قهوه و بعاين في التلفزيون (معلق في الحيطه ) و لانو أخوك رجرجه و ما بلبس بدل إلا مضطر زوجتي صورتني و لو عارفاني حا أعلقها هنا ما كانت صورتني من الأساس !!!
بالنسبه للتعليق ، ما تابعت نقاش الموضوع ده لمن اتفتح لكن أنا ناظر للموضوع من ناحيه أخلاقيه بحته ، لمن يكون في زول بيتكلم معاك أنت مجبر - أخلاقيا - أنك ترد عليه ما دام بيتكلم بادب و في نفس موضوعك الفاتحو .
أمبارح شفت بوست بتاع أماني الأمين لصلاح غريبه ، أماني فاتحه بوست لانو غريبه ما رد عليها لمن سالتو في بوستو ، و الموضوع مهم بيخص خصوصيتها و بسببو عملت بلوك لناس اصحابها و بعد ده كلو سيدنا غريبه ما جا بجنبها !! في قلة أدب و إستوساخ للناس أكتر من كده ؟! الأمثله من شدة ما كتيره ما حا أقدر ذاتو .
الاستوساخ أنواع و أشكال و ملل و نحل ، القاسم الوحيد للمستوسخين السطحيه و عدم الحجه : هل يعقل يا دكتور نكون بنتناقش في موضوع تجي إنت تقول رايك بكل أدب و في نفس الموضوع ، أقوم أستوسخك و كان السيره جات أقول ليهم أنا ما برد علي الشيوعيين مثلا ؟!!

المؤسف يا دكتور إنو المساله دي عند المناضلين و الناس الطارحه نفسها معارضه في منبر من لا مبنر له بتاع بكري ده !!!

Post: #37
Title: Re: الاستوساخ ............!!!!
Author: أمين محمد سليمان
Date: 04-26-2010, 08:56 PM
Parent: #36

Quote: موني النوتة

شفت امبارح استوساخ حمص للهلال جوة المقبرة

يا معز جيب من جووووووة
حمص و الاسماعيلي إستوسخونا كلنا يا خلي !!
الغريبه ما عارف ليه ما زعلان شديد زي كل مره لو الهلال مغلوب ، يبدو أن الانسان قد مات في داخلي !!
إنا لله و إنا إليه راجعون !!

Post: #38
Title: Re: الاستوساخ ............!!!!
Author: أمين محمد سليمان
Date: 04-26-2010, 09:02 PM
Parent: #37

Quote: الناس يورثو عيال أخواتم العمارات
تجى تورث الود .....صلعة؟؟؟؟
وكمان بتسأل؟؟؟

و حمور ده حبة العماقه العندو دي جايبها من وين ؟!
بعدين القال ليك منو ما حا اورثو العمارات ، بس خليني أموت ، الباقي هين !!
Quote: تحول الوضع من مراقبة إلى إقتحام
والله كانت مراقبتك أحسن يا أبو علي !!

Post: #39
Title: Re: الاستوساخ ............!!!!
Author: أمين محمد سليمان
Date: 04-26-2010, 09:06 PM
Parent: #38

Quote: الشعب السودانى يعتز بصداقتكم...
و نحن ذاتنا بنعتز بيهو والله ، من زمان الشعب السوداني الشقيق ده عندي ليهو معزه خاصه ما عارف السبب شنو !!
بالله يا أبو علي لو عرفت أدينا خبر !

Post: #40
Title: Re: الاستوساخ ............!!!!
Author: أمين محمد سليمان
Date: 04-26-2010, 09:23 PM
Parent: #39

ود البشري يا حبيبنا
Quote: يا معلّم ...
البوست دا جادي نحرق رزّنا معاك فيه ولاّ كدا وكدا؟
قول جادي ..

أنا بوستاتي كلها جاده و مطابقه للمواصفات ، المشكله إنو الواحد مصاحب ناس ما جاده في البورد حسبونا معاهم ساي .
Quote: يا امين يا عمك كونك تتجاهل زول اتداخل معاك خير شر تصرف سخيف و عديم ذوق مافي كلام
لكن أحيانا بتكون مضطر , كأن يكون البوست طبيعته لا تحتمل الردود و النقاش
أو يكون الزول الإتداخل معاك دا ثقيل على قلبك و النوع الإسمو ساي بقوّم عليك الحساسية
اها وانت ما داير تفتح معاه باب بتاع أخد ورد وفي نفس الوقت ما غلط عليك عشان تشاكلو أو تتماسخ عليه مثلا
في الحالة دي الطناش اسلم
وفي حالات تانية غير كدة
يعني الموضوع ما استوساخ واستعفان على طول الخط
نبدا من تحت :
فعلا الموضوع ما استوساخ واستعفان على طول الخط لكن يمكن يكون بنسبة 99.99% !!!!
يا ود البشري ياخي إنت كيف ممكن تكون بتحترم نفسك و الناس , و الناس بتتكلم معاك و إنت ما بترد عليهم ، بعدين العماقه انك تعرف ترد علي الناس الثقلاء علي قلبك - و ما غلطو عليك - بطريقه ما تخلي في مواصله للحوار . الاستوساخ ما ممكن يكون حاجه كويسه إلا في حالة انك تكون استنفذت الطرق في إقناع الزول أو الزوله القدامك دي أو لو في زول بلاحقك في بوستاتك بمدخلاتو بصوره مكرره مثلا ، غير كده الاستوساخ يسئ لصاحبه ولا لاحد سواه .

Post: #42
Title: Re: الاستوساخ ............!!!!
Author: HAIDER ALZAIN
Date: 04-26-2010, 09:39 PM
Parent: #40

يآخ الله دا ما رحيم !!

كنت عاوز اجيب ليك النموذج التاني العضو - محمد البشري خضر -

وبعدو الشفيع وراق ..ثم نعرج على ود الباوقة
ونختمها بكستاوي ..

لكن اهو نماذجي جات .. وللآن سوف اتجاهل اي شخص غير صاحب الشان كتجاهلي لمن هم اعلاه

Post: #112
Title: Re: الاستوساخ ............!!!!
Author: mayada kamal
Date: 04-30-2010, 08:29 AM
Parent: #42

جمعة مباركة يا خال حمور

Quote: كنت عاوز اجيب ليك النموذج التاني العضو - محمد البشري خضر -

وبعدو الشفيع وراق ..ثم نعرج على ود الباوقة
ونختمها بكستاوي ..

حيضر الزين
أيواااااااااااتك
قرررررررط على كدا واختم بي كوستاوي... عشان ما تعرج علي كنموذج

%%%% تخريمة
بالله لمن قريت مداخلتك لي في بوست التشكيل الوزاري الجديد
بـ
Quote: بطلي تستوسخي الناس

قلت الزول دا قاعد ينبذني
واكلتها جواي وسكتت

Post: #113
Title: Re: الاستوساخ ............!!!!
Author: HAIDER ALZAIN
Date: 04-30-2010, 08:58 AM
Parent: #112

Quote: بالله لمن قريت مداخلتك لي في بوست التشكيل الوزاري الجديد
بـ
Quote: بطلي تستوسخي الناس

قلت الزول دا قاعد ينبذني
واكلتها جواي وسكتت

عارفة يا ميادة بعد كتبت تستوسخي دي فكرت وقلت طيب هسع لوكانت ميادة ما متابعة
كتابات الاديب الاريب والمفكر العميق امين محمد سليمان حاتظن شنو ؟؟!
لكن طبعا نهائي استبعدت الحاجة دي لسبب إنه لا اظن في زول ممكن يفوت على نفسه حرف يخطه امين محمد سليمان
إلا يكون جنى علي نفسه او ما محتاج علم وثقافة ومعرفة
فيا اختي بنصحك لوجه الله يممي شطر ثقافتك ومعرفتك تجاه هذا الأمين

ـــــــــــ
كوستاوي بالمناسبة اشهر من استوسخ الناس على ظهر هذا البورد لا يفوقه في ذاااك الا هشام هباني والديك تور صاحبك هههه

Post: #114
Title: Re: الاستوساخ ............!!!!
Author: mayada kamal
Date: 04-30-2010, 09:24 AM
Parent: #113

Quote: عارفة يا ميادة بعد كتبت تستوسخي دي فكرت وقلت طيب هسع لوكانت ميادة ما متابعة
كتابات الاديب الاريب والمفكر العميق امين محمد سليمان حاتظن شنو ؟؟!
لكن طبعا نهائي استبعدت الحاجة دي لسبب إنه لا اظن في زول ممكن يفوت على نفسه حرف يخطه امين محمد سليمان
إلا يكون جنى علي نفسه او ما محتاج علم وثقافة ومعرفة
فيا اختي بنصحك لوجه الله يممي شطر ثقافتك ومعرفتك تجاه هذا الأمين

جمعة مباركة يا مان
وفعلا ياادووووب الليلة شفت البوست دا

Post: #115
Title: Re: الاستوساخ ............!!!!
Author: HAIDER ALZAIN
Date: 04-30-2010, 09:50 AM
Parent: #114

ومباركة عليك كمان ...

تقضيها بأطيب اللحظات مع دعواتنا

إحترامي وتقديري الذي تعلمين

Post: #41
Title: Re: الاستوساخ ............!!!!
Author: داليا الكباشى
Date: 04-26-2010, 09:38 PM
Parent: #39

امـين يا صديقـي ..

مسـاء الخير (تغيير من السلام عليكم ورحمه الله وبركاته)
ممكن عن اذنك (كلمه راس) مع ابو الحسين ..؟؟ اتفضـلي يا دلوش .. شكرا ..

Quote: يا خي في ناس كانو مشوهين سمعتي إبتعدت عنهم و خلاص الحمدلله سمعتي بقت زي الياقوت

قصــدكـ منـو ..؟؟

امين ممكن عن اذنكـ (كلمه راس) مع عمو وهـبه .. اتفضلي يا دلوش .. شكـرا ..

Quote: الخال امين

دا منـو..؟؟ دا انتا البتقول خـــال دي..؟؟
انت لاقي امين دا مسكين وبتحقر بيهو صاح ..؟؟
لو سمحتا انا (مصادري الخاصه) بتقول انو امين دا الدفعه (الوراي) في الجامعه !!
بعديـن لو سمحتـا بالله : انت زول بروفشنال ياخ صغر الصوره دي
وبطل الغتاته .. فتلتا البوست ... اذن !!

شكرا يا امين تعبتك معاي .. لا والله يا دلوش مافي تعب ..
بالله اطرد المدعو حيدر الزين دا من هنـا .. فليمارس عبثه الاسفيري في مكان اخر..
ود البشـرى ممكن تواصل معاهو لانو قرررب يبقى (مفكـر)
حسن مكـاوي ممكن ترد ليهو ساي كدا بس مزاااج منـي

Post: #43
Title: Re: الاستوساخ ............!!!!
Author: ABUHUSSEIN
Date: 04-26-2010, 09:48 PM
Parent: #41

Quote: ممكن عن اذنك (كلمه راس) مع ابو الحسين ..؟؟ اتفضـلي يا دلوش .. شكرا ..

دا الإستوساخ ذااااااااااااااااااااااااااااااااااتو

يعني زول فاتح ليهو بوست بالشى الفلاني جاية داخلة تووووووش و تخاطبي ليك زول غير سيد البوست

و أريتو لو كان موضوعك داخل في لُب موضع البوست إنما موضوع جانبي و إنصرافي

أسمعي إنتي رايحة ليك شكلة و لا شنو ؟؟؟

حركات ناس الموردة دي خليها
عموماً أنا زول مسكين و ما بتاع مشاكل عندي واحد صاحبي إسمو علاءالدين متلقى حجج بجي بكره بخلي إتفاهم معاك

Post: #45
Title: Re: الاستوساخ ............!!!!
Author: HAIDER ALZAIN
Date: 04-26-2010, 09:55 PM
Parent: #43

Quote: حركات ناس الموردة دي خليها
عموماً أنا زول مسكين و ما بتاع مشاكل عندي واحد صاحبي إسمو علاءالدين متلقى حجج بجي بكره بخلي إتفاهم معاك

علييييييك نور يا ابوحسين ..

نحن ظااااااتو لو ما صاحبنا علاء دا ما كنا عرفنا حانعمل شنو ولا نمشي في البورد دا وين ..!

إنتو بكري بيخم لينا من عينة الناس دي من وين ويكبهم في البورد ؟؟!

ـــــــــــ

Post: #48
Title: Re: الاستوساخ ............!!!!
Author: داليا الكباشى
Date: 04-26-2010, 10:09 PM
Parent: #45

Quote: أسمعي إنتي رايحة ليك شكلة و لا شنو ؟؟؟

Quote: حركات ناس الموردة دي خليها

Quote: عموماً أنا زول مسكين و ما بتاع مشاكل عندي واحد صاحبي إسمو علاءالدين متلقى حجج بجي بكره بخلي إتفاهم معاك
Quote: نحن ظااااااتو لو ما صاحبنا علاء دا ما كنا عرفنا حانعمل شنو ولا نمشي في البورد دا وين ..!

Quote: إنتو بكري بيخم لينا من عينة الناس دي من وين ويكبهم في البورد ؟؟!

Post: #44
Title: Re: الاستوساخ ............!!!!
Author: البدري عبد الله
Date: 04-26-2010, 09:51 PM
Parent: #41

كدي يا نوتة قبل ما نواصل في موضوعك الثر والمفيد اقنع لينا السيد/ وهبة يصلح الفتلة دي ..ياخ الواحد حّوص ورقبتو اتعسّمت ..

Post: #46
Title: Re: الاستوساخ ............!!!!
Author: ABUHUSSEIN
Date: 04-26-2010, 10:05 PM
Parent: #44

Quote: نحن ظااااااتو لو ما صاحبنا علاء دا ما كنا عرفنا حانعمل شنو ولا نمشي في البورد دا وين ..!

إنتو بكري بيخم لينا من عينة الناس دي من وين ويكبهم في البورد ؟؟!

عارف يا حيدر دي جات الرياض كلها كم يوم

أول ما رجعت في بوست كدا نجهت ليك ود الصائم (عجني ليهو )

وصفت ليك الموقف القدام البيت و كيف ود الصائم مستهبل ليك الجيران بوقف عربيتو و بحجز لي ضيوفو

و بتاع البقالة قصاد بيت ود الصائم بعمل شنو و حاجات كتيرة كدا ياخي دي حددت ليك مواعيد بتاع الزبالة بجي إنضف الساعة كم

واحدة زي تدخل معاها في مشكلة تبقى في التحلك منها نحن ناس عندنا عيال بنربي فيهم

أوع تكون الزولة دي حا تساهر أكتر من كدا ؟؟؟؟؟؟؟

Post: #52
Title: Re: الاستوساخ ............!!!!
Author: HAIDER ALZAIN
Date: 04-26-2010, 10:19 PM
Parent: #46

والله يا باو حسين انا عجبني موقف صاحبنا العملوا ..
\فرغم من ل شئ لكنه حذرها من السهر خاصة وفي ضبابيضن ممكن تحوم بالليل وتنقل ميكروبات عجيبة كدة
بعدين بالجد الاسد النتر دا ما هاميهو ضباننة بعوضة كلها عندو اصغر منك دوسو

المشكلة في الست دي

يآخي شيالة حيال كدة لمن تشفق على روحك ..بقالة شنو يآخ

قول ود الصائم مقطع وبيتدين من بتاع البقالة وبيغير ليهو الشارع كل اول شهر ؟؟1
في داعي تشيل حسو وكل الناس يعرفوهو !

بالغت والله

ـــــــ
ثمن بيني وبينك ود الصائم مفروض يسدد لبتاع البقالة او يبطل الاندومي البيلهطو دا .
ما ممكن يآخ ياكل اندومي ونحن ندافع عنو ؟!

Post: #47
Title: Re: الاستوساخ ............!!!!
Author: أمين محمد سليمان
Date: 04-26-2010, 10:07 PM
Parent: #44

أبو الحسين بجيك في قصة نوته دي ، لكن للمره العاشره بحذرك : الأسد النتر بكون نايم هسي و عندو بوست طويل عريض اسمو (أنا بجي الصباح ) عشان ما يفتح واحد تاني اسمو (أنا بجي الصباح يا أبوالحسين ) ، أبعد من داليا دي !!!
اللهم اني قد بلغت ، اللهم فاشهد

----------
عالم تكوس للمشاكل كواسه !!
----------
إيه الأرف ده !!!

Post: #49
Title: Re: الاستوساخ ............!!!!
Author: أمين محمد سليمان
Date: 04-26-2010, 10:11 PM
Parent: #47

Quote: كنت عاوز اجيب ليك النموذج التاني العضو - محمد البشري خضر -

وبعدو الشفيع وراق ..ثم نعرج على ود الباوقة
ونختمها بكستاوي ..

لكن اهو نماذجي جات ..
العاجبني في نماذجك انها بتجي بكرعينها !!!
والله يا الطريفي بقيت خايف عليك تكون من الثقلاء الاتكلم عنهم ود البشري فوق !

Post: #51
Title: Re: الاستوساخ ............!!!!
Author: أمين محمد سليمان
Date: 04-26-2010, 10:17 PM
Parent: #49

Quote: كدي يا نوتة قبل ما نواصل في موضوعك الثر والمفيد اقنع لينا السيد/ وهبة يصلح الفتلة دي ..ياخ الواحد حّوص ورقبتو اتعسّمت ..
وهبه يا البدري بكون نام قبل تلاته اربعه ساعات ، بلع الحبوب و أسلم الروح لبارئها ، يعني تاني إلا الصباح !!!

----------
اميره الشيخ رسلت لي ماسنجر نعلت سنسفيل اليوم البكري اداك في إشتراك ، هببت شنو يا مان ؟!!

Post: #50
Title: Re: الاستوساخ ............!!!!
Author: ABUHUSSEIN
Date: 04-26-2010, 10:13 PM
Parent: #47

و الله يا أمين إنت إستوسختني و جات جكس تمبس برضو إستوسختني و إنت غضيت الطرف عن إستوساخها لي و كمان بتشجع جكسها على إستوساخي

يعني يا أمين إنت بقيت المستوسخ الأكبر في بوست الإستوساخ

يا أمين ياخي أنا تمبس دا بعرفني قبل ما إعرف جكسو الإستوسخني دا يعني معقول إبيعني علشانها أكيد لآ

Post: #53
Title: Re: الاستوساخ ............!!!!
Author: أمين محمد سليمان
Date: 04-26-2010, 10:22 PM
Parent: #50

Quote: يا أمين ياخي أنا تمبس دا بعرفني قبل ما إعرف جكسو الإستوسخني دا يعني معقول إبيعني علشانها أكيد لآ
الكلام ده يا أبو الحسين تقولو لزول ما من المورده !!!
شايف داليا حصرت المعروضات ، نصيحتي تضرب لترجي تشوف ليك ياتو سفاره غربيه فاتحه بالليل ده !!!

Post: #54
Title: Re: الاستوساخ ............!!!!
Author: أمين محمد سليمان
Date: 04-26-2010, 10:30 PM
Parent: #53

Quote: لو سمحتا انا (مصادري الخاصه) بتقول انو امين دا الدفعه (الوراي) في الجامعه !!
والله يا داليا مصادرك الخاصه بالغت لكين !!
عصرتي علي الدفعه الوراك و الدفعات المجاوره !!

--------------
أنا بكون كنت الدفعه الورك قبل عشرين كده !!

Post: #55
Title: Re: الاستوساخ ............!!!!
Author: عبدالوهاب علي الحاج
Date: 04-26-2010, 10:43 PM
Parent: #54

اللذيذة دخلت البوست لقيتو مفتول
بفتش في الفتلو دا داير استوسخو ليك !
لقيتو دا انا ذاتي فعدلت عن الفكرة

____
معليش قبيل عملت ارسال والنت قطع
الشيكة زي الزفت اليومين دي

Post: #59
Title: Re: الاستوساخ ............!!!!
Author: البدري عبد الله
Date: 04-26-2010, 10:50 PM
Parent: #55

وهبة صباح الخير ياخ

Post: #56
Title: Re: الاستوساخ ............!!!!
Author: ABUHUSSEIN
Date: 04-26-2010, 10:43 PM
Parent: #54

البوست دا مسكون و لا شنو ؟؟؟؟

يا خي علاءالدين أمس بتكلم معاي قال لي الولية دي حلتهم الكهرباء بتقطع فيها الساعة 12 ليلاً

إكون الزول دا دقسني و لا شنو ؟؟؟؟

غايتو البورد دا ما تأمن فيهو أخوك ذاتو

أسمعي أعملي العايزة تعمليهو

و الله نحن ذاتنا نستاهل ندخل لينا بوست عنوانو الإستوساخ ؟؟؟؟؟

Post: #57
Title: Re: الاستوساخ ............!!!!
Author: البدري عبد الله
Date: 04-26-2010, 10:47 PM
Parent: #54

بالمناسبة يا نوتة ..شايف الشبل مورتا صحى من نومو وجاي كلو نشاط وحيوية ..فبالله عليك اديهو سحبة في البوست المفتول ده عسى ولعل يستعدل ويمشي لي قدام ...
اما فيما يخص اختنا بت الشيخ فقد اتصلت علي هاتفيا قبل قليل وافادتني بانها بصدد رفع دعوى جنائية ومدنية ضدك في آن واحد ..بس اول ما تخلص القضية المرفوعة من قبلها ايضا ضد تراجي وبيان ..مع انو انا كلمتها ونصحتها انو الصلح خير لكن هي رافضة مبدأ المسامحة وغض الطرف عن اخطاء الاخرين تجاهها ..فبالله حاول تعتذر ليها بي سرعة وشوف ليك اجاويد يحلوا الموضوع ..

Post: #74
Title: Re: الاستوساخ ............!!!!
Author: Amira Elsheikh
Date: 04-27-2010, 03:04 PM
Parent: #57

Quote: اما فيما يخص اختنا بت الشيخ فقد اتصلت علي هاتفيا قبل قليل وافادتني بانها بصدد رفع دعوى جنائية ومدنية ضدك في آن واحد ..بس اول ما تخلص القضية المرفوعة من قبلها ايضا ضد تراجي وبيان

الله يسالنى يالبدرى بعد دا مهاتفتك وجبت وبقت فرض عين عدييييل
لو خليتك فى تحليلاتك العميقة دى يانى المشيت لاهاى وعمر البشير اخد مؤبد فى الحكم

لا بقدر الون ولابقدر اشرح ولا بقول سمح ولا شين,,,
لانو عصرتها علىىى شدييييد,,,,,,

الليلة ووووب

Post: #76
Title: Re: الاستوساخ ............!!!!
Author: البدري عبد الله
Date: 04-27-2010, 03:51 PM
Parent: #74

Quote: الله يسالنى يالبدرى بعد دا مهاتفتك وجبت وبقت فرض عين عدييييل
لو خليتك فى تحليلاتك العميقة دى يانى المشيت لاهاى وعمر البشير اخد مؤبد فى الحكم

والله يا بت الشيخ اخوك ما عندو علاقة بي قصة التحليلات العميقة و الكلام الكبار بتاعكم انتي والسيد نوتة وما شابهكم ..القصة كلها انو انا زول حقاني وشايف عمايل الاديب الاريب اخونا امين الياسمين وهجومو غير المبرر عليك ..والقصة دي بالجد ما عاجباني ..وقدر ما كلمتو انو اميرة دي زولة بسيطة وعلى نياته وما بتشكل اي تهديد من اي ناحية على مسيرتو الابداعية ..الكلام ده اصلو ما دخل راسو الخالي من الشعر ..ومصر انو يواصل في اوهامو واغتيالو لي شخصيتك ..عموما ربنا يهديهو ....
.
.
.

دعوا الاشجار تنمو

Post: #77
Title: Re: الاستوساخ ............!!!!
Author: Amira Elsheikh
Date: 04-27-2010, 04:02 PM
Parent: #76

Quote: والله يا بت الشيخ اخوك ما عندو علاقة بي قصة التحليلات العميقة و الكلام الكبار بتاعكم انتي والسيد نوتة وما شابهكم ..القصة كلها انو انا زول حقاني وشايف عمايل الاديب الاريب اخونا امين الياسمين وهجومو غير المبرر عليك ..والقصة دي بالجد ما عاجباني ..وقدر ما كلمتو انو اميرة دي زولة بسيطة وعلى نياته وما بتشكل اي تهديد من اي ناحية على مسيرتو الابداعية ..الكلام ده اصلو ما دخل راسو الخالي من الشعر ..ومصر انو يواصل في اوهامو واغتيالو لي شخصيتك ..عموما ربنا يهديهو ....
.]

كدا عداك العيب,,,امين دا مقدور عليهو وسجلو حافل بالياسمين والهزائم وممكن استوسخو عاااادى ومافى شئ بحصل,,,
لكن فى ناس النصيحة لله ما,,,,اخير اسكت,,

البدرى امى قالت ليك انت المحرشك منو??

_______________________________________________
اول امبارح انا وامين قطعنها فيكم انت ومورتا,,,والله دى جدجد
الله يقطعنى حتة حتة,,

Post: #78
Title: Re: الاستوساخ ............!!!!
Author: مرتضى احمد عبد القادر
Date: 04-27-2010, 04:42 PM
Parent: #77

Quote: اول امبارح انا وامين قطعنا فيكم انت ومورتا,,,والله دى جدجد
الله يقطعنى حتة حتة,,

عمو أمين بوست بتاعك دا كان دايرين قطيعه ما تسوي ؟؟ قطيعه تسوي نخج ليكم بوست

Post: #93
Title: Re: الاستوساخ ............!!!!
Author: البدري عبد الله
Date: 04-27-2010, 10:35 PM
Parent: #77

Quote: اول امبارح انا وامين قطعنها فيكم انت ومورتا,, ,والله دى جدجد
الله يقطعنى حتة حتة,,

من غير حليفة يابت الشيخ مصدقك ..طبعا دا كلو في ميزان حسناتنا انا والشبل مورتا ان شاء الله ..
.
.
.

.
ياهو طبعكم ..ولا حتشتروهو من السوق كمان ؟!!

Post: #58
Title: Re: الاستوساخ ............!!!!
Author: مرتضى احمد عبد القادر
Date: 04-26-2010, 10:48 PM
Parent: #54

سلام عمو أمين
الإستوساخ سلوك ما سمح مع إنو ممكن يكون المستوسخ (بكسر السين) عندو دوافع إضطرتو يعمل كدا

اللهم لا تجعلنا ممن يستوسخون عبادك ولا تجعل عبادك يستوسخونا

Post: #60
Title: Re: الاستوساخ ............!!!!
Author: ABUHUSSEIN
Date: 04-26-2010, 11:00 PM
Parent: #58

Quote: اللذيذة دخلت البوست لقيتو مفتول
بفتش في الفتلو دا داير استوسخو ليك !
لقيتو دا انا ذاتي فعدلت عن الفكرة

وهبه و الله العظيم السهر دا ما بتقدر عليهو

أمشي نوم ما إلم فيك الوهم داك في حالة زي دي و الله إطقطقك زي الترتيب

Post: #61
Title: Re: الاستوساخ ............!!!!
Author: احلام وهبي
Date: 04-26-2010, 11:20 PM
Parent: #58

امين ازيك . ومسكاقمي
اللهم لا تجعلنا ممن يستوسخون عبادك ولا تجعل عبادك يستوسخونا
تحياتي لحيدر الزين
اميره انتي بكره ماشغالة !!!!

Post: #62
Title: Re: الاستوساخ ............!!!!
Author: Balla Musa
Date: 04-27-2010, 03:48 AM
Parent: #61

غايتو يا أمين

أنا حصلت لى الحالة دى من زول واكلتها وسكت لكن مادام الزول براه قطع ليها إسم وفتح ليها بوست أحسن نسلما ليهو وهو يتصرف!
كاااااااك!!!!

Post: #63
Title: Re: الاستوساخ ............!!!!
Author: أمين محمد سليمان
Date: 04-27-2010, 06:10 AM
Parent: #62

لماذا يستوسخ الانسان أخاه الانسان !!

-------
سلام للجميع و كان الله مد في العمر موعدنا الصبح ، اليس الصبح بقريب ؟!!

Post: #65
Title: Re: الاستوساخ ............!!!!
Author: محمد عبد الماجد الصايم
Date: 04-27-2010, 07:35 AM
Parent: #63

الطريفي دا مستوسخني في بوست كامل!

Post: #66
Title: Re: الاستوساخ ............!!!!
Author: HAIDER ALZAIN
Date: 04-27-2010, 07:46 AM
Parent: #65

Quote: الطريفي دا مستوسخني في بوست كامل!

ماحصل ابدن وكلو كلو ..

غايتو ابسط دليلك بالرابط او انت تكون كذاب آشر

Post: #75
Title: Re: الاستوساخ ............!!!!
Author: البدري عبد الله
Date: 04-27-2010, 03:42 PM
Parent: #66

Quote: ماحصل ابدن وكلو كلو ..

غايتو ابسط دليلك بالرابط او انت تكون كذاب آشر

الما حصل شنو يا حيدر ؟ خاف الله يا زول ..ياخ اخونا ود الصايم ده اتشرّ كدة لما نشف ..وقدر ما قلنا تتكرم وترد عليهو ما اشتغلته بيه الشغلة ..بالرغم من انو انا اشيل واصبر فيهو وافتش ليك في الاعذار وانو الطريفي ده يا دوب مارق من حبس وعليهو واجبات كتيرة من فواتح وزيارات مرضى وخلافه من مشاكل الحياة اليومية ..لكن برضك اصريت ترفع القزاز ولم تتكرم حتى برفع يدك بتحية على استحياء ...
.
.
.
.
.عموما انا ود الصايم ده بضمنو ليك زول مسامح زيّ كده وبينسى زعلتو سريع ..الكلام في ناس اميرة الشيخ ومن لف لفها.. زي ديل بالجد تخاف من زعلم ..اني لك من الناصحين..

Post: #64
Title: Re: الاستوساخ ............!!!!
Author: محمد البشرى الخضر
Date: 04-27-2010, 07:15 AM
Parent: #62

أمينكو يا ....
Quote: فعلا الموضوع ما استوساخ واستعفان على طول الخط لكن يمكن يكون بنسبة 99.99% !!!!
يعني أسي عليك النبي كلامي الفوق عن الحالات المختلفة و النماذج - ياريت حيدر الزين يساعدنا و يجيبها - دا كلو حشرتو في الـ 0.01 % الباقي !! خجيتها كيف دي؟ أدروب ما سبقك عليها
Quote: يا ود البشري ياخي إنت كيف ممكن تكون بتحترم نفسك و الناس , و الناس بتتكلم معاك و إنت ما بترد عليهم ، بعدين العماقه انك تعرف ترد علي الناس الثقلاء علي قلبك - و ما غلطو عليك - بطريقه ما تخلي في مواصله للحوار . الاستوساخ ما ممكن يكون حاجه كويسه إلا في حالة انك تكون استنفذت الطرق في إقناع الزول أو الزوله القدامك دي أو لو في زول بلاحقك في بوستاتك بمدخلاتو بصوره مكرره مثلا ، غير كده الاستوساخ يسئ لصاحبه ولا لاحد سواه .
يعدين يا أمين القصة ما لدرجة احترام و ما احترام و اساءات الموضوع ما بستاهل القصة في النهاية أسافير و بيئة خائلية يا قول الحبشي
حتى قولة إستوساخ دي فيها قسوة و أوفر حبتين ليتك خففتها بقولة تجاهل أو اي شي قريب

Post: #67
Title: Re: الاستوساخ ............!!!!
Author: داليا حافظ
Date: 04-27-2010, 07:53 AM
Parent: #64

Quote: الاستوساخ منبريا : هو تجاهل الرد علي من تداخل معك

طيب لو زول ردك عليك ..لكن كتب ليك ..

التجاهل

ــــــــــــــــــــــ

التعريف ده مادقيق ..

Post: #68
Title: Re: الاستوساخ ............!!!!
Author: مرتضى احمد عبد القادر
Date: 04-27-2010, 08:00 AM

سلامات داليا
Quote: طيب لو زول ردك عليك ..لكن كتب ليك ..

التجاهل

وهذا ما سمي في (تراجم الوسخين ) لعماد عبدالله الجزء العاشر بـ الإستوساخ مع سبق الإصرار والترصد

تحياتي

Post: #69
Title: Re: الاستوساخ ............!!!!
Author: محمد عبد الماجد الصايم
Date: 04-27-2010, 08:14 AM

شـــالو العـــدة !!

في استوساخ أكتر من كـدا؟

Post: #70
Title: Re: الاستوساخ ............!!!!
Author: حافظ حسن ابراهيم
Date: 04-27-2010, 08:28 AM
Parent: #69

Quote: والله يا الطريفي نماذج ما عندنا ، و ده الفرق بيني و بينكم : أنا زول مفكر ، بجيب القضيه و بتكلم عنها كقضيه ، انتو جيبو نماذجكم و مشاكلكم مع الناس المستوسخاكم و أنا بحللها ليكم !

يا أمين يا خي انت طلعت ثقافتك عالية شديد خلاس

Post: #71
Title: Re: الاستوساخ ............!!!!
Author: محمد عبدالله حمدنا الله
Date: 04-27-2010, 10:33 AM
Parent: #70

أستاذ أمين...
.
.
ذكّرتني الجرح و قد كنت "متناسيآ"...
.
.
الإستوساخ... و المستوسخين...في هذا المكان تصدق فيهم مقولة الجاحظ الواردة في رسالة البغال "إن صادقتهم فضحوك...و إن أنكرتهم رفسوك"..
.
.
واصل لينا في "نغمة المفكر" دي....و خلى ناس ود الزين و ود البشرى يساعدونا بالشرح و الأمثلة التوضيحية...
.
.
بس سؤال "صغيرووووني" كدا....
الموود بتاع "مفكرنا"-دام ظله- في موضوع الإستوساخ دا...موود "مفكر" ممغوس...و لا "مفكر" ناصح...و لا "مفكر" ساخر؟
.
.
معليش الفهم تقيل شوية...قلنا كدي النعرف النجيضة قبل ما ندخل لفت...
.
.
.
.
مودتي...
ودحطب الله

Post: #72
Title: Re: الاستوساخ ............!!!!
Author: البدري عبد الله
Date: 04-27-2010, 10:49 AM
Parent: #71

Quote: بس سؤال "صغيرووووني" كدا....
الموود بتاع "مفكرنا"-دام ظله- في موضوع الإستوساخ دا...موود "مفكر" ممغوس...و لا "مفكر" ناصح...و لا "مفكر" ساخر؟
.

يا ود حطب الله سلامات
اجاوبك انا نيابة عن المفكر نوتة

الموود هنا ...بتاع "مفكر" ممسوخ !!

Post: #73
Title: Re: الاستوساخ ............!!!!
Author: وجن
Date: 04-27-2010, 02:57 PM
Parent: #72

ذكرتني أعز صاحباتي الله يطراها بالخير في السودان أيام الجامعة كان
جنها تستخدم الكلمة دي بس بدل حقتك كانت بتقول ( إستزبال )

على فكرة

السلام عليكم ورحمة الله وبركاته :)

Post: #79
Title: Re: الاستوساخ ............!!!!
Author: أمين محمد سليمان
Date: 04-27-2010, 04:46 PM
Parent: #73

Quote: والله يا بت الشيخ اخوك ما عندو علاقة بي قصة التحليلات العميقة و الكلام الكبار بتاعكم انتي والسيد نوتة وما شابهكم ..القصة كلها انو انا زول حقاني وشايف عمايل الاديب الاريب اخونا امين الياسمين وهجومو غير المبرر عليك ..والقصة دي بالجد ما عاجباني ..وقدر ما كلمتو انو اميرة دي زولة بسيطة وعلى نياته وما بتشكل اي تهديد من اي ناحية على مسيرتو الابداعية ..الكلام ده اصلو ما دخل راسو الخالي من الشعر ..ومصر انو يواصل في اوهامو واغتيالو لي شخصيتك ..عموما ربنا يهديهو ....
البدري حيث لا بدر هناك !!
اميره الشيخ دي ِقبلة اقدامنا إذا شكت الأقدام أشواك الطريق !!

-------------
يا البدري أمرق من بيني و بين اميره و دع الأشجار تنمو !

Post: #80
Title: Re: الاستوساخ ............!!!!
Author: أمين محمد سليمان
Date: 04-27-2010, 04:51 PM
Parent: #79

Quote: كدا عداك العيب,,,امين دا مقدور عليهو وسجلو حافل بالياسمين والهزائم وممكن استوسخو عاااادى ومافى شئ بحصل,,,
لعن الله الاستعجال !!
كتبت كلامي الفارغ الفوق ده قبل ما أقرا هراءك أعلاه !!
البدري بالله بل لي اميره الشيخ الطلعت أشواك الطريق ذات نفسو !!

Post: #81
Title: Re: الاستوساخ ............!!!!
Author: أمين محمد سليمان
Date: 04-27-2010, 04:55 PM
Parent: #80

Quote: عمو أمين بوست بتاعك دا كان دايرين قطيعه ما تسوي ؟؟ قطيعه تسوي نخج ليكم بوست
القصه كلها يا لابورتا إنو اميره ما مقتنعه انك من الأشبال ، بتفتكر انك قدر ناس عمك وهبه و مستوسخه أدائك في البورد !

Post: #82
Title: Re: الاستوساخ ............!!!!
Author: أمين محمد سليمان
Date: 04-27-2010, 04:59 PM
Parent: #81

سلام يا أحلام
Quote: امين ازيك . ومسكاقمي
اللهم لا تجعلنا ممن يستوسخون عبادك ولا تجعل عبادك يستوسخونا
غايتو نحن ما بنستوسخ عبادو ، لكن عبادو مستوسخننا عادي !!

Post: #83
Title: Re: الاستوساخ ............!!!!
Author: أمين محمد سليمان
Date: 04-27-2010, 05:03 PM
Parent: #82

يا دوك سلامات
Quote: غايتو يا أمين

أنا حصلت لى الحالة دى من زول واكلتها وسكت لكن مادام الزول براه قطع ليها إسم وفتح ليها بوست أحسن نسلما ليهو وهو يتصرف!
كاااااااك!!!!
الله يكسر وهبه و الطريفي و ياسر طيفور في يوم واحد كان متذكر ، ولو حصلت ما مقصوده ، بعدين ياخي في حاجه اسمها الاستوساخ الكاذب ، اللي هو إنو زول يستوسخك بدون ما يقصد !!

Post: #84
Title: Re: الاستوساخ ............!!!!
Author: أمين محمد سليمان
Date: 04-27-2010, 05:09 PM
Parent: #83

Quote: الطريفي دا مستوسخني في بوست كامل!
ثكلتك أمك يا الطريفي !!!!
ياخي ود الصايم ده الناس كايسه كواسه ، و إنت تستوسخو في بوست كامل ؟!!
امسحها لي في وشي يا الصايم ، البوست بكون اتفتح بالليل و الطريفي - براك عارفو - بتنقصو الحكمه انصاص الليالي !!!

Post: #85
Title: Re: الاستوساخ ............!!!!
Author: أمين محمد سليمان
Date: 04-27-2010, 05:18 PM
Parent: #84

حافظ يا حبيبنا
Quote: يا أمين يا خي انت طلعت ثقافتك عالية شديد خلاس
عاليه و ساي هي ؟!
يا حافظ أنا مبعوث العنايه الالهيه عشان أطلع الفكر السوداني من (الأرف) الفيهو ده ، ما عارف ليه مافي زول بصدقني لمن أقول الكلام ده !

Post: #86
Title: Re: الاستوساخ ............!!!!
Author: أمين محمد سليمان
Date: 04-27-2010, 05:25 PM
Parent: #85

البشري يا حبيبنا
Quote: يعدين يا أمين القصة ما لدرجة احترام و ما احترام و اساءات الموضوع ما بستاهل القصة في النهاية أسافير و بيئة خائلية يا قول الحبشي
حتى قولة إستوساخ دي فيها قسوة و أوفر حبتين ليتك خففتها بقولة تجاهل أو اي شي قريب
كلامك سليم جدا : القصة في النهاية أسافير و أنا كلامي ده كلو داخل في نطاق الاسافير دي ذاتها ، يعني تعابيري المستخدمه هنا دي تخص الاسافير لانو الواقع مختلف جدا !!

Post: #87
Title: Re: الاستوساخ ............!!!!
Author: أمين محمد سليمان
Date: 04-27-2010, 05:33 PM
Parent: #86

Quote: طيب لو زول ردك عليك ..لكن كتب ليك ..

التجاهل

سلام يا داليا
التعريف ده تعريف عام ، في تفاصيل كتيره جات و لسه حا تجي في سياق البوست ، قلناالاستوساخ أنواع و أشكال و ملل و نحل ، و لو زول رد عليك و كتب ليك التجاهل ده اسمو إستوساخ مقرون بالرد !!

Post: #88
Title: Re: الاستوساخ ............!!!!
Author: أمين محمد سليمان
Date: 04-27-2010, 05:45 PM
Parent: #87

محمد عبدالله يا ود حطب الله ، سلام يا شيخنا
Quote: واصل لينا في "نغمة المفكر" دي....و خلى ناس ود الزين و ود البشرى يساعدونا بالشرح و الأمثلة التوضيحية...
.
.
"نغمة المفكر" دي جات قبل فتره و في الحقيقه أنا ما بديت مفكر ، أنا بديت قاص و أديب و صحفي ناشط في حقوق الانسان ، شويه شويه حشرت مفكر دي و أول ما لبست البدله إستوسخت قاص و أديب و صحفي ناشط في حقوق الانسان و بقيت مفكر !!
Quote: بس سؤال "صغيرووووني" كدا....
الموود بتاع "مفكرنا"-دام ظله- في موضوع الإستوساخ دا...موود "مفكر" ممغوس...و لا "مفكر" ناصح...و لا "مفكر" ساخر؟
الموود بتاعت المفكرين بتجي من روحهم و روح المفكرين دايما قلقله ما واقفه في حته واحده ،....... الكلام ده صعب و معقد ،.......
غالبا ما أكتبو في فورول و بعدين أخلي واحد يجي يترجمو للوهم الهنا ديل !!

Post: #89
Title: Re: الاستوساخ ............!!!!
Author: أمين محمد سليمان
Date: 04-27-2010, 05:50 PM
Parent: #88

أم لمار سلام
Quote: ذكرتني أعز صاحباتي الله يطراها بالخير في السودان أيام الجامعة كان
جنها تستخدم الكلمة دي بس بدل حقتك كانت بتقول ( إستزبال )

على فكرة

السلام عليكم ورحمة الله وبركاته :)
( إستزبال ) ما بتحسي بيها كعبه زي (إستوساخ ) ، و حقو تحمدو الله الما قلنا (إستعفان ) !

Post: #90
Title: Re: الاستوساخ ............!!!!
Author: HAIDER ALZAIN
Date: 04-27-2010, 06:14 PM
Parent: #69

Quote: شـــالو العـــدة !!

في استوساخ أكتر من كـدا؟

والله يا ود الصائم استوسختك في البوست دا لمن كنت عاوز اخسرك غداء قراصة

بس سمعت تحت كدة انك ما عملت القراصة وشبكت الجماعة كبسة من شواية الخليج
قلت اخير عشرة الوست واحضن النوامة

ــــــ
بالله يا مفكرنا الزول دا ما بيبالغ ... شمتانيين هو كمال على الزين وعاوزني استنضفوا

Post: #91
Title: Re: الاستوساخ ............!!!!
Author: أمين محمد سليمان
Date: 04-27-2010, 06:25 PM
Parent: #90

Quote: بالله يا مفكرنا الزول دا ما بيبالغ ... شمتانيين هو كمال على الزين وعاوزني استنضفوا
ده اسمو ( الاستوساخ العكسي ) و ده أوسخ نوع من الاستوساخ !

Post: #92
Title: Re: الاستوساخ ............!!!!
Author: ABUHUSSEIN
Date: 04-27-2010, 10:30 PM
Parent: #91

يعني مُـصـــر تستوسخني مع سبق الإصرار و الترصد ؟؟؟؟

يا خي سألتك سموك أمين نوته لييييييييييييييييييييييييييه ؟؟؟؟

و شايفك عشت حكاية إنك مُفكر بحق و حقيقة

Post: #95
Title: Re: الاستوساخ ............!!!!
Author: HAIDER ALZAIN
Date: 04-28-2010, 07:41 AM
Parent: #92

والله يا ابو حسين ما رضيتها ليك

يآخ نوتة دا مستوسخك استوساخ شديد

Post: #94
Title: Re: الاستوساخ ............!!!!
Author: احمد الأمين على إدريس
Date: 04-28-2010, 00:11 AM
Parent: #3

Quote: و الاستوساخ منبريا : هو تجاهل الرد علي من تداخل معك ، أو الرد فقط علي من إتفق معك !!
و هو علم يدرس في سودانيز أون لاين ، له أساطينه و فنونه و يمارسه السطحيون في هذا المكان و هم أقل الناس معرفة و أقصرهم قامة فكرا و سلوكا ، فلا علم و لا معرفه و لا حجج !!

الاخ امين
ياخ تشكرات كميات على اعمال الفكر فى شرح الاستوساخ والنهى عنه
وياحبذا لو تدعون القوم للا ستنضاف .... وبالمره تكوين هيئتكم العليا للامر بهذا والنهى عن ذاك.
ولا نامت اعين المستوسخين.!!
وياريت لو تواصل وتشرح لينابما انك مفكر عن الحالة التى تعترى المستوسخ وهو يأتى الفعل :)

دعوانا ان يديم الله فكرك
وان لا يستوسخ لك بوستاً ولا ردا..

Post: #96
Title: Re: الاستوساخ ............!!!!
Author: محمد عبد الماجد الصايم
Date: 04-28-2010, 07:50 AM
Parent: #94

Quote: والله يا ود الصائم استوسختك في البوست دا لمن كنت عاوز اخسرك غداء قراصة

يعني حرقكـ!

وهذا هو المطلوب إثباته
شخته .. شخته .. شختتين عكسهم

يعني #

التعديل عشان أشخّت ليكم!

Post: #97
Title: Re: الاستوساخ ............!!!!
Author: معتز تروتسكى
Date: 04-28-2010, 08:23 AM
Parent: #96

خالص التحايا
العزيز
أمين محمد سليمان

Quote: و الاستوساخ معنا : هو إحتقار الانسان لاخيه الانسان بسبب أو بدون سبب !!
تقول الأعراب إذا ما احتقرت شخصا : (الزول ده أنا مستوسخو ) !

لو اعتمدنا على تحليل المقطع ده ، بقول ليك انا شخصيا قاعد استحقر البعض ، لكن بعد تجربة وليس من نظرة انطباعية او قراءة عابرة...
لكن ببقى الاستغراب من الشخص الذي تكون نفسه "منقرفه" من الآخرين دون سبب ، وكثير هو بكون إسقاط الحالة النفسية في الأشخاص يعني بالبلدي كده زي المرأة البتتوحم لظروفها تجده تتضايق من الكثير وقد يكون زوجها شخصياً...
لكن في الخلق لا الواحد بتوحم ولا نحن معنين بان يفرغ فينا اسقاطاتو النفسية واحباطاتو ومشاكلو!؟!؟

Quote: و الاستوساخ منبريا : هو تجاهل الرد علي من تداخل معك ، أو الرد فقط علي من إتفق معك !!
و هو علم يدرس في سودانيز أون لاين ، له أساطينه و فنونه و يمارسه السطحيون في هذا المكان و هم أقل الناس معرفة و أقصرهم قامة فكرا و سلوكا ، فلا علم و لا معرفه و لا حجج !!

ده برجع فيه كثير من تحليلو للكلام الكاتبو حول الاقتباس الاول، مع إضافة عوامل أخرى مثل التضخيم للشخصية نفسها بافتراضها إنها أعلى كعباً من الآخرين بغض النظر مستواهم الفكري أو أي شي آخر..
وهنا يدخل التوهم وده بجرنا لي كلام كتير...

عموما هي ظاهرة يمكن ان تناقش ، بس انا شخصيا ما متاكد بانو شرحك لي "استوساخ" دي نجر منك ولا من مراجع علمية قايتو ياهو كبينا نقتنا بناء على حسن النية اليبقي يبقى..

بعدين ياحيدر الزين في نماذج بتعبر تماما عن موضوع البوست ده جيب بكل صراحة وحيادية...

التحايا النواضر...

Post: #98
Title: Re: الاستوساخ ............!!!!
Author: HAIDER ALZAIN
Date: 04-28-2010, 08:30 AM
Parent: #97

يا تروتسكي
سلامات

عارف انا كنت خاتي لي زي كم نموذج لا يتعدي اصابع اليد الواحدة
بعد اخدت لفة صغيرونة كدة عشان اكمل الباقي عليك امان الله قلت البوست دا نماذج ساي
يفوق بوست الشعبية في عدد الصفحات ..
فجليت الشغلة..
بس من بين كل خمسة اعضاء طلع ليك 2 بيستنضفوا وتلاتة بيستوسخوا حسب نظرية امين محمد سليمان

Post: #99
Title: Re: الاستوساخ ............!!!!
Author: أمين محمد سليمان
Date: 04-28-2010, 04:33 PM
Parent: #98

الأقطبوط أبو الحسين ، سلام من الله عليك .
Quote: يعني مُـصـــر تستوسخني مع سبق الإصرار و الترصد ؟؟؟؟

يا خي سألتك سموك أمين نوته لييييييييييييييييييييييييييه ؟؟؟؟

و شايفك عشت حكاية إنك مُفكر بحق و حقيقة
بالله عليك don't abuse المصطلح ده ، الموضوع ما إستوساخ ، ياخي ما ممكن نحن نفكر و انتو تخربو !!
عشان يقع ليك أسمع النكته دي :
قال ليك في شافع شايل ابريق و بغسل للناس في يدينهم في بيت بكاء و كل ما واحد من أعمامك يكون بغسل في يدو ، يسال الشافع ( إنت ود منو ؟ ) ، اها الجماعه كتار و الود خلاص قفلت معاه من كترة السؤال ، جاء واحد من أعمامك سالو ( إنت ود منو ؟ ) قال ليه أنا ود حرام !!! اها يا أبو الحسين يا أقطبوط أنا قربت أقول ليك أنا ود حرام بتاعت الشافع ده : من سنة البرلم 1986 و أنا بتسال السؤال ده ، امبارح دي سئيلي الله ، أنا في ولايه تانيه لشغل قابلت صديق قديم من السودان و كنا بنتكلم عن الجامعه و أيام الجامعه وفجاه سالني زي سؤالك ده : إنت يا نوته سموك نوته ليه ؟
اها أنا حا أجاوبك عشان تعرف إنو أنا من المفكرين المتواضعين :
باختصار شديد في بداية سنة البرلم كنا مجموعه كبيره أولاد و بنات بنستعمل كلمة (نوته) دي في أي جمله ، كلمه ما عندها أي معني محشوره في نص الكلام ، أخونا و صاحبنا وليد مدني بقي يناديني أمين يا نوته ، بعد أسبوع كل أمة لا إله إلا الله بقت تناديني أمين نوته .

Post: #100
Title: Re: الاستوساخ ............!!!!
Author: أمين محمد سليمان
Date: 04-28-2010, 04:46 PM
Parent: #99

أحمد الأمين يا حبيبنا ، سلام
Quote: الاخ امين
ياخ تشكرات كميات على اعمال الفكر فى شرح الاستوساخ والنهى عنه
وياحبذا لو تدعون القوم للا ستنضاف .... وبالمره تكوين هيئتكم العليا للامر بهذا والنهى عن ذاك.
ولا نامت اعين المستوسخين.!!
وياريت لو تواصل وتشرح لينابما انك مفكر عن الحالة التى تعترى المستوسخ وهو يأتى الفعل :)

ياخي لا شكر علي واجب ، دوري كمفكر إنو ارتفع بوعي الوهم الهنا ديل و زي ما براك شايف صعوبة الدور في ظل بساطة و قلة ثقافة معظم الناس في هذا المكان .
بالنسبه للمستوسخين : في معظم الأحيان الواحد بكون ما عندو رد مقنع و لا حجه يجادل بيها الناس فيلجأ للاستوساخ كوسيله ناجحه للتهرب من النقاش ، عشان كده قلنا إنو معظم المستوسخين أكثر الناس سطحيه و أقلهم حجه و معرفه .

Post: #102
Title: Re: الاستوساخ ............!!!!
Author: ABUHUSSEIN
Date: 04-28-2010, 04:53 PM
Parent: #100

يا خال حمور إنت إتضايقت و لا شنو ؟؟؟؟

ياخي أنا عايز أعرف علشان أتأكد من إنو لو قلنا ليك أمين إستوساخ حا تزعل و لا لأ ؟؟؟؟

خلاص إرتحت شديد الله إريحك دني و آخرة قول آمين

Post: #101
Title: Re: الاستوساخ ............!!!!
Author: داليا الكباشى
Date: 04-28-2010, 04:50 PM
Parent: #99

Quote: باختصار شديد في بداية سنة البرلم كنا مجموعه كبيره أولاد و بنات بنستعمل كلمة (نوته) دي في أي جمله ، كلمه ما عندها أي معني محشوره في نص الكلام ، أخونا و صاحبنا وليد مدني بقي يناديني أمين يا نوته ، بعد أسبوع كل أمة لا إله إلا الله بقت تناديني أمين نوته

حا يجي يقول ليك : التبرير دا ما عجبني ..
انت سموك نوته ليــه ..؟؟
انت يا امين ما عارف ابو الحسين دا كائن عنكوليبي وبيلق في الحاجه زي صباع الامير ..؟؟

Post: #103
Title: Re: الاستوساخ ............!!!!
Author: ABUHUSSEIN
Date: 04-28-2010, 04:57 PM
Parent: #101

Quote: حا يجي يقول ليك : التبرير دا ما عجبني ..
انت سموك نوته ليــه ..؟؟
انت يا امين ما عارف ابو الحسين دا كائن عنكوليبي وبيلق في الحاجه زي صباع الامير ..؟؟

الله إسامحك الحمد لله مداخلتي كانت قبل مداخلتك

إتفضحتي

علشان بس الناس دي كلها تتأكد من إني إنسان برئ

و إني مُستهدف

Post: #104
Title: Re: الاستوساخ ............!!!!
Author: داليا الكباشى
Date: 04-28-2010, 05:28 PM
Parent: #103

Quote: الحمد لله مداخلتي كانت قبل مداخلتك

انت يا ابو الحسين فاشل في اي حاجه ..؟؟
شكـل ما بتعرف تشاكل..
وشوش ما بتعـرف تختـها ..
كمان السـاعه والحساب ما بتعرفو ..؟؟

مداخلتي كانت الساعه
Quote: 03:50

ومداخلتك كانت الساعه
Quote: 03:53

يبقى ياتا القبل التانيـه ..؟؟

مششششششششم عالم تحب الغلاط بشكل

Post: #105
Title: Re: الاستوساخ ............!!!!
Author: ABUHUSSEIN
Date: 04-28-2010, 06:00 PM
Parent: #104

Quote: وشوش ما بتعـرف تختـها ..

في شكل فيهو وشوش ؟؟؟؟؟؟

Quote: مان السـاعه والحساب ما بتعرفو ..؟؟

مداخلتي كانت الساعه

Quote: 03:50

ومداخلتك كانت الساعه

Quote: 03:53

يبقى ياتا القبل التانيـه ..؟؟

علشان تعرفي إنو أنا زول الله الشكل ذاتو ما بعرفو و لو ما مصدقاني أسألي الطريفي

Post: #106
Title: Re: الاستوساخ ............!!!!
Author: ABUHUSSEIN
Date: 04-29-2010, 08:34 AM
Parent: #105

*

Post: #107
Title: Re: الاستوساخ ............!!!!
Author: أمين محمد سليمان
Date: 04-29-2010, 04:28 PM
Parent: #106

سلامات يا معتز
Quote: لو اعتمدنا على تحليل المقطع ده ، بقول ليك انا شخصيا قاعد استحقر البعض ، لكن بعد تجربة وليس من نظرة انطباعية او قراءة عابرة...
لكن ببقى الاستغراب من الشخص الذي تكون نفسه "منقرفه" من الآخرين دون سبب ، وكثير هو بكون إسقاط الحالة النفسية في الأشخاص يعني بالبلدي كده زي المرأة البتتوحم لظروفها تجده تتضايق من الكثير وقد يكون زوجها شخصياً...
لكن في الخلق لا الواحد بتوحم ولا نحن معنين بان يفرغ فينا اسقاطاتو النفسية واحباطاتو ومشاكلو!؟!؟
أن يستوسخ الانسان أخاه الانسان بسبب و بعد تجربة وليس من نظره انطباعيه او قراءه عابره فده طبيعي و عادي و يحدث في أرقي العائلات ، لكن أن يستوسخ الانسان أخاه الانسان دونما سبب غير إختلاف الراي فده المعترضين عليه .
Quote: عموما هي ظاهرة يمكن ان تناقش ، بس انا شخصيا ما متاكد بانو شرحك لي "استوساخ" دي نجر منك ولا من مراجع علمية قايتو ياهو كبينا نقتنا بناء على حسن النية اليبقي يبقى.
يا معتز ياخي أنا راجل مفكر ، يعني ما ممكن أكون بنجر ساي !

Post: #108
Title: Re: الاستوساخ ............!!!!
Author: Sidgi mattar
Date: 04-29-2010, 11:46 PM
Parent: #107

الاخ امين

تحياتى

Quote: أن يستوسخ الانسان أخاه الانسان بسبب و بعد تجربة وليس من نظره انطباعيه او قراءه عابره فده طبيعي و عادي و يحدث في أرقي العائلات ، لكن أن يستوسخ الانسان أخاه الانسان دونما سبب غير إختلاف الراي فده المعترضين عليه .

متفق معاك 100% بس نقول شنو اهو دا الحال

مودتى

Post: #109
Title: Re: الاستوساخ ............!!!!
Author: أمين محمد سليمان
Date: 04-30-2010, 01:42 AM
Parent: #108

والله يا أبوالحسين لقيتك بتاع مشاكل و كركبات لا يعلم بها إلا الذي فطر السماء بلا عمد ، داخل مع داليا في مشاكل بجاي و مطالب بايقاف تمبس بهناك ، الاسره دي خليها الله يرضي عليك !!

Post: #110
Title: Re: الاستوساخ ............!!!!
Author: أمين محمد سليمان
Date: 04-30-2010, 06:42 AM
Parent: #109

صدقي يا حبيبنا
Quote: متفق معاك 100% بس نقول شنو اهو دا الحال
شكرا علي المرور و الاتفاق .
يقول سيدي أمل في ( سفر التكوين ) :

ورأيت ابن آدم وهو يجن، فيقتلع الشجر المتطاول،
يبصق فى البئر يلقى على صفحة النهر بالزيت،
يسكن فى البيت؛ ثم يخبئ فى أسفل الباب قنبلة الموت،
يؤوى العقارب فى دفء أضلاعه،
ويورث أبناءه دينه.. واسمه.. وقميص الفتن.
أصبح العقل مغترباً يتسول، يقذفه صبية
بالحجارة، يوقفه الجند عند الحدود، وتسحب
منه الحكومات جنسية الوطنى.. وتدرجه فى
قوائم من يكرهون الوطن.

لو راي سيدي أمل ما يحدث في منبرنا من إستوساخ الانسان لاخيه الانسان لترك الشعر واكتفي ب( إيه الأرف ده !!!) !!

Post: #111
Title: Re: الاستوساخ ............!!!!
Author: ABUHUSSEIN
Date: 04-30-2010, 07:40 AM
Parent: #110

Quote: ( إيه الأرف ده !!!)

الأستاذ المفكر المبدع أمين الحته الفوق دي إستهلكتها كتير حاول جدد يا مبدع

Post: #116
Title: Re: الاستوساخ ............!!!!
Author: ABUHUSSEIN
Date: 04-30-2010, 08:49 PM
Parent: #111

Quote: والله يا أبوالحسين لقيتك بتاع مشاكل و كركبات لا يعلم بها إلا الذي فطر السماء بلا عمد ، داخل مع داليا في مشاكل بجاي و مطالب بايقاف تمبس بهناك ، الاسره دي خليها الله يرضي عليك !!

أمين ياخي إنت عارفني كويس و الله داليا دي إستهدفتني عديل كدا و الله غلبني البسوي معاها

ياخي دي بتكون شغالة ليل و سبحان الله المكان البتشتغل فيهو دا الناس بطلو إمرضو علشان هي تتفرغ لينا نحن و تمرضنا نحن

ياخي البعرفو أنا الدكاترة بعالجو لكن العكس دي ما شفتها إلا هنا إكون الزمن إتغير للدرجة دي

Post: #117
Title: Re: الاستوساخ ............!!!!
Author: أمين محمد سليمان
Date: 05-01-2010, 01:32 AM
Parent: #116

Quote: أمين ياخي إنت عارفني كويس و الله داليا دي إستهدفتني عديل كدا و الله غلبني البسوي معاها

ياخي دي بتكون شغالة ليل و سبحان الله المكان البتشتغل فيهو دا الناس بطلو إمرضو علشان هي تتفرغ لينا نحن و تمرضنا نحن

ياخي البعرفو أنا الدكاترة بعالجو لكن العكس دي ما شفتها إلا هنا إكون الزمن إتغير للدرجة دي
يا أبا الحسين ، أما ان لك أن ترعوي ؟!!
فلتترك داليا و شانها فانها في حماية بني منصور و لا حاجة لك بقتالهم !!

-------
قلت أقولها ليك بالفصحي ، إحتمال تفهم و الكلام يقع ليك !!!

Post: #118
Title: Re: الاستوساخ ............!!!!
Author: الجندرية
Date: 05-04-2010, 02:11 PM
Parent: #117

عاد يا خال حمور

بوستك دا ما عقدنا عدييييييل كدي
النعمني قصة الفط دي او عدم الرد علي كل المداخلات دي بعملها لعدة اسباب

مرات لانو الزول مزاجو ما بجي للكتابة يعني حسب تعبيرك " الرد يكتبني ولا اكتبه " هههه
ومرات لانه بتكون في ظروف منعتني من دخول النت لفترات طويلة ، اجي القي البوست اتأرشف
ومرات في ناس بكرهوك البلي لمن تخلي البوست زاتو

لكن والله مافيهااستوساخ ابداً
اها نحلها كيف
نكتب الشروحات دي عقب كل فطة ؟

Post: #119
Title: Re: الاستوساخ ............!!!!
Author: أمين محمد سليمان
Date: 05-04-2010, 06:22 PM
Parent: #118

أختنا في الله و الوطن الجندريه ، سلام
Quote: النعمني قصة الفط دي او عدم الرد علي كل المداخلات دي بعملها لعدة اسباب

مرات لانو الزول مزاجو ما بجي للكتابة يعني حسب تعبيرك " الرد يكتبني ولا اكتبه " هههه
ومرات لانه بتكون في ظروف منعتني من دخول النت لفترات طويلة ، اجي القي البوست اتأرشف
ومرات في ناس بكرهوك البلي لمن تخلي البوست زاتو

لكن والله مافيهااستوساخ ابداً
اها نحلها كيف
لو ما عندك مزاج كتابه و رد علي الناس ، ما تفتحي بوست !!!
الرد ما شرط يكون بالتفصيل ، انشالله كلمه و غتايتها !! أو ترصي الناس في لسته و تكتبي ليهم (شكرا علي المرور ) مثلا ، المهم لازم تشتغلي بعباد الله ديل !! الناس بتجي تعلق و تكتب رايها أو سؤالها فيما كتبتي : يبقي لازم تردي للناس دي : غير كده ده إستوساخ بائن بينونه كبري !!!
بخصوص مسالة الأرشفه : إذا البوست طول و كنتي بتردي علي الناس فيهو و انتهت دورة حياتو و جاء زول نكتو من الصفحه الف و اتارشف بدون ما تردي علي زول أو زيلان فيهو : ده ما إستوساخ !!! لكن تفتحي بوست و ما تردي علي الناس من قولة تيت بحجة انك مشغوله ده إستوساخ : ما عندك وقت تردي علي الناس : ما تفتحي بوست !!! الشاهد في الحديث يا أخيه إنو القصه دي زي النضمي : البنضم معاك طالما في الموضوع الانتي إبتدرتي النقاش فيهو و طالما الكلام بادب و إحترام : انتي ملزمه أخلاقيا بالرد : غير كده فانتي من الذين يستوسخون عباد الله !!

Post: #120
Title: Re: الاستوساخ ............!!!!
Author: Rihab Khalifa
Date: 05-04-2010, 09:03 PM
Parent: #119

و الراي شنو في الناس القالت انه في عميقين و عميقات في المكان ده لمن جا وكت اللستة، طلع فيها عميقين بس؟

هل يكون الزول ده بيستوسخ العميقات

-----------------
استغفرررتك يا مالك روحي

Post: #121
Title: Re: الاستوساخ ............!!!!
Author: الجندرية
Date: 05-04-2010, 09:22 PM
Parent: #120

واللهي فكرة برضك
قصة انك ترد علي الناس كللللللللللللها في سطر واحد
مع اني كنت شايفة انو احسن اكتب بمشاعر حقيقية
او نقاش جاد ومسئول ولا بلاش منها كلو كلو وما فيها من زعل
النعمني برضو بلقى الاعذار للناس الما بترد علي مداخلاتي
وما بفترض انو اي زول / ة اداخلت معاها / و ترد علي
ياخوانا انتو قصة حسن الظن ، وابحث لاخيك عن 70 عذر فان لم تجد فلم نفسك دي بطلوها ؟
بااااااااااااااااااااااااااااالغوا وما كلموني

ـــــــــــــــــــــــــــــــــــــــ

رحاب يا دكتورة الكسور والجبر زاتو هههههه
تسلمي وتسلم حساسيتك الجندرية
اردميهو مش طلعني مستوسخة
ههههههه

Post: #122
Title: Re: الاستوساخ ............!!!!
Author: Rihab Khalifa
Date: 05-05-2010, 04:42 AM
Parent: #121

لوووول - انها حرب شعواء يا اماني

ياااخ ده بيكون، بي كسر الراء، في جمعية لابادة المراة، قال كده بيييي عضمة لسانو

جات علي لستة شندلر للعمق دي؟

-------------------
براحة يا امين لمن تجي طاير فينا الاتنين جوز، سمح؟
مهيضات الجناح و كده

Post: #123
Title: Re: الاستوساخ ............!!!!
Author: أمين محمد سليمان
Date: 05-05-2010, 06:47 PM
Parent: #122

Quote: لوووول - انها حرب شعواء يا اماني

ياااخ ده بيكون، بي كسر الراء، في جمعية لابادة المراة، قال كده بيييي عضمة لسانو

جات علي لستة شندلر للعمق دي؟
إنا لله و إنا إليه راجعون !!
وين يا رحاب أنا قلت نعمل جمعية لابادة المراه ؟ يا زوله خافي الله ! أنا قلت نعمل جمعيه للقضاء علي المراه ، و القضاء هنا يعني المحاكم و كده !!
ياخي أنا من ما الله خلقني و المراه مسئوله مني : أمي كانت مسؤله مني لحدي ما سلمتني لزوجتي : كان داير أتنفس نفس الله الواحد ده ، لازم استأذن : تقولي لي اباده ؟

----------------------
لو في اباده ، ياخي أنا مباد منذ الاف السنين !!
----------------------
لا حوجه لفتح بوست جديد ، يمكنك الاعتذار هنا !!

Post: #124
Title: Re: الاستوساخ ............!!!!
Author: أمين محمد سليمان
Date: 05-06-2010, 05:29 AM
Parent: #123

العوض المسلمي ليهو يومين مستوسخني إستوساخ من لا يخاف الله و لا عبادو !!
يا ممكون ، لحدي صباح الرحمن بموعيدنا ما بترد علي ماسنجري بجيبو هنا ، إنشاللة القيامه تقوم !!!

Post: #125
Title: Re: الاستوساخ ............!!!!
Author: ندى عثمان حسن
Date: 05-06-2010, 05:51 AM
Parent: #124

Quote: ياخي أنا من ما الله خلقني و المراه مسئوله مني : أمي كانت مسؤله مني لحدي ما سلمتني لزوجتي : كان داير أتنفس نفس الله الواحد ده ، لازم استأذن : تقولي لي اباده ؟

نعلن عميق إعجابنا بالسيديتين أعلاه, ونقول ليهم الله ح يعوضكن الجنة.

ياأمين , مافى إستوساخ إيجابى؟

Post: #126
Title: Re: الاستوساخ ............!!!!
Author: osman righeem
Date: 05-06-2010, 10:56 AM
Parent: #125

الاستاذ أمين

هل تقصد الاستفطاط؟؟؟

غايتو انا مره واحد عنده عزاء عزيتو وترحمة علي ميته

شكر الناس كلهم وفطاني ... افترضت حسن النية دخلت تاي عزيتو في أول

الصفحة التانية برضو فطاني .... يكون ده استوساخ

انت مش خال حمور برضك؟؟؟؟

Post: #127
Title: Re: الاستوساخ ............!!!!
Author: Rawia
Date: 05-06-2010, 02:25 PM
Parent: #126

أمين سلامات
ياخ أنا في زول حاقر بي عينك عينك
مع إنه مرة كدا
ولفافة مني ساكت
نزلت ليهو أغنية لطيفة

(ماوحشتكش)

Post: #128
Title: Re: الاستوساخ ............!!!!
Author: أمين محمد سليمان
Date: 05-06-2010, 07:30 PM
Parent: #127

Quote: ياأمين , مافى إستوساخ إيجابى؟
بالنسبه لسؤالك يا أختاه ، أقول و بالله التوفيق :
يوجد إستوساخ إيجابي و هو عدم الرد علي من رددت عليه سؤاله مرارا و تكرارا أو علي من إمتهن تخريب بوساتتك أو علي من يات بافعال إتفق عليها الناس أنها من سوء الأدب كاغارق البوستات و نحوه !!
هذا و الله أعلم !

Post: #129
Title: Re: الاستوساخ ............!!!!
Author: أمين محمد سليمان
Date: 05-06-2010, 07:43 PM
Parent: #128

رغيم الأب ، سلام يا حبيبنا
Quote: هل تقصد الاستفطاط؟؟؟

هو الاستفطاط كما جاء ببعض المراجع و إن كان هناك ضعف في هذه الروايات !!!
Quote: غايتو انا مره واحد عنده عزاء عزيتو وترحمة علي ميته

شكر الناس كلهم وفطاني ... افترضت حسن النية دخلت تاي عزيتو في أول

الصفحة التانية برضو فطاني .... يكون ده استوساخ

ده إستوساخ بائن بينونه كبري ، مفروض تحمد الله الما طردك من البوست
Quote: انت مش خال حمور برضك؟؟؟؟
الكلام ده كان زمان يا رغيم ، حمور الان زميل في المنبر و أحد جرذان الأدب و طحالب الثقافه الذين أوصلو الأدب في السودان الشقيق لما هو عليه ألان !!!
-------

--------
Quote: انت مش خال حمور برضك؟؟؟؟

Post: #130
Title: Re: الاستوساخ ............!!!!
Author: Balla Musa
Date: 05-06-2010, 07:46 PM
Parent: #129

نزلت خطأ
مكانا بى هناك

Post: #131
Title: Re: الاستوساخ ............!!!!
Author: أمين محمد سليمان
Date: 05-06-2010, 07:51 PM
Parent: #129

أختنا راويه ، سلام
Quote: أمين سلامات
ياخ أنا في زول حاقر بي عينك عينك
مع إنه مرة كدا
ولفافة مني ساكت
نزلت ليهو أغنية لطيفة

(ماوحشتكش)
ده ما إستوساخ !!
وعليك الله ما تتحسسي و تكبري الموضوع ساي ، الزول ده ببساطه كده انتي ما وحشتيو !!!

Post: #132
Title: Re: الاستوساخ ............!!!!
Author: Magdi Ahmed Elsheikh
Date: 05-06-2010, 07:57 PM
Parent: #131

خال حمور ..

السلام عليكم وبث...!!

Post: #133
Title: Re: الاستوساخ ............!!!!
Author: ندى عثمان حسن
Date: 05-06-2010, 08:44 PM
Parent: #128

Quote: يوجد إستوساخ إيجابي و هو عدم الرد علي من رددت عليه سؤاله مرارا و تكرارا أو علي من إمتهن تخريب بوساتتك أو علي من يات بافعال إتفق عليها الناس أنها من سوء الأدب كاغارق البوستات و نحوه !!

اها ياأمين , مش ماشة كويس؟

Post: #134
Title: Re: الاستوساخ ............!!!!
Author: أمين محمد سليمان
Date: 05-07-2010, 05:30 AM
Parent: #133

Quote: خال حمور ..

السلام عليكم وبث...!!
و عليكم السلام و رحمة الله و بركاتو يا مجدنا !!

Post: #135
Title: Re: الاستوساخ ............!!!!
Author: أمين محمد سليمان
Date: 05-07-2010, 05:33 AM
Parent: #134

بله يا حبيبنا ، سلام
Quote: نزلت خطأ
مكانا بى هناك
بجيك بهناك أرد ليك ، لكن الفيك اتعرفت

Post: #136
Title: Re: الاستوساخ ............!!!!
Author: أمين محمد سليمان
Date: 05-07-2010, 05:37 AM
Parent: #135

Quote: اها ياأمين , مش ماشة كويس؟
سؤالك ما كان كعب لكن كمان ما معناته انك ماشه أي حته !!!

Post: #137
Title: Re: الاستوساخ ............!!!!
Author: Rihab Khalifa
Date: 05-07-2010, 05:39 AM
Parent: #135

Quote: يوجد إستوساخ إيجابي و هو عدم الرد علي من رددت عليه سؤاله مرارا و تكرارا أو علي من إمتهن تخريب بوساتتك أو علي من يات بافعال إتفق عليها الناس أنها من سوء الأدب كاغارق البوستات و نحوه
Amin

و ضف الي الاستوساخ الايجابي، كما جاء في الاثر عن امين، في نقاشة عن المعيار الاخلاقي، استوساخ بوستات باكملها، لاقصاء الكتابات غير مقبولة

------------
I am liking this post more and more

Post: #138
Title: Re: الاستوساخ ............!!!!
Author: Rihab Khalifa
Date: 05-07-2010, 06:14 AM
Parent: #137

بالمناسبة، عشان ما يفهم العكس من مداخلتي السابقة
اعتقد انه ده اسلوب فعال ايضا

Post: #139
Title: Re: الاستوساخ ............!!!!
Author: أمين محمد سليمان
Date: 05-07-2010, 06:49 AM
Parent: #138

Quote: I am liking this post more and more
ياخي والله كلمك ده يسعدنا و يشرفنا ، لكن ما بعفيك من الاعتذار عن موضوع الاباده !!!

Post: #140
Title: Re: الاستوساخ ............!!!!
Author: محمد البشرى الخضر
Date: 05-18-2010, 01:04 PM
Parent: #139

يا سيدي أمين بن محمد صاحب النوتة
لي مسألة شغلتني فافتني في أمرها زادك الله علما على علمك
إن كان تجاهل الرد يُسمى في عرفكم بالإستوساخ فما تقولون في نقيضه
وهو حركة إنتظار الرد أيّاما وليالي و "وسك" البوست و صاحبه حتى يتم الرد
أهو " إلإستجداء" مثلا أم ماذا؟

أفدنا أصلحك الله

Post: #141
Title: Re: الاستوساخ ............!!!!
Author: أمين محمد سليمان
Date: 05-18-2010, 07:19 PM
Parent: #140

أخانا البشرى ، اني أحمد لك الله الذي لا إله إلا هو و أصلي و أسلم علي المبعوث رحمة للعالمين و بعد .
تقول أخي الكريم :
Quote: يا سيدي أمين بن محمد صاحب النوتة
لي مسألة شغلتني فافتني في أمرها زادك الله علما على علمك
إن كان تجاهل الرد يُسمى في عرفكم بالإستوساخ فما تقولون في نقيضه
وهو حركة إنتظار الرد أيّاما وليالي و "وسك" البوست و صاحبه حتى يتم الرد
أهو " إلإستجداء" مثلا أم ماذا؟

أفدنا أصلحك الله
أقول و بالله التوفيق :
لا أعلم أحد ممن يعتد بهم إختلف في أن الاستوساخ يقع لحظة رد المستوسِخ علي شخص أخر جاء ترتيب مداخلته بعد المستوسَخ بغير إذن أو عذر معلوم .
أما إذا طفق المستوسَخ يكرر سؤاله و لم يكن الغرض إحراج المستوسِخ أو بيان تناقضه أو ما شاكل انما فعلها إستجداء و استرخاصا أملا في اجابه أو رد فهو استوساخ النفس أعاذنا الله و اياك منه .

و الحمد لله من قبل و من بعد .

Post: #142
Title: Re: الاستوساخ ............!!!!
Author: HAIDER ALZAIN
Date: 05-18-2010, 07:32 PM
Parent: #141

بالله عامل فيها شيخ وتفتي كمان ؟!

ما اهو إنت مستوسخ ماسنجراتي البشحدك فيها ليك شهرين؟!

يآخ ان اصابتني المسغبة لمن شحدت بالشوارع وانت لافي لي وراء كلام المثقفاتية والمعايير ما اديتني وش..

هو الاستوساخ دا كيف ؟!

اكترها مش الشحدة .. عاين اليد الممدودة في بروفايلي دي أقنعك كيف تاني ؟!

بالله بطل استوساخ ورسل لي ان شاء الله عشرة الف دولار بس ومعاها كم كرتونة علوفة كدة ...

خلينا نقيم اودنا ونقدر نجي نناقشكم في الاستوساخ الحواري بعدها ،،،

ـــــــــــ
حركات استوساخك المالي دي طفشت لابورتا من البورد وخلتو حايم في سوق ستة في عز ظهيرة السودان القائظة

Post: #143
Title: Re: الاستوساخ ............!!!!
Author: أمين محمد سليمان
Date: 05-18-2010, 10:11 PM
Parent: #142

Quote: بالله عامل فيها شيخ وتفتي كمان ؟!

ما اهو إنت مستوسخ ماسنجراتي البشحدك فيها ليك شهرين؟!

يآخ ان اصابتني المسغبة لمن شحدت بالشوارع وانت لافي لي وراء كلام المثقفاتية والمعايير ما اديتني وش..

هو الاستوساخ دا كيف ؟!

اكترها مش الشحدة .. عاين اليد الممدودة في بروفايلي دي أقنعك كيف تاني ؟!

بالله بطل استوساخ ورسل لي ان شاء الله عشرة الف دولار بس ومعاها كم كرتونة علوفة كدة ...

خلينا نقيم اودنا ونقدر نجي نناقشكم في الاستوساخ الحواري بعدها ،،،

ـــــــــــ
حركات استوساخك المالي دي طفشت لابورتا من البورد وخلتو حايم في سوق ستة في عز ظهيرة السودان القائظة
الأخ الطريفي ود الزين ، السلام عليكم و رحمة الله و بركاته ،
اني أحمد لك الله الذي لا إله إلا هو و أصلي و أسلم علي سيدنا و نبينا محمد و علي اله و صحبه و من تبعهم باحسان و أسلم تسليما كثيرا ، أما بعد ،
لست شيخا ، و لكني طالب علم أسال الله أن يعلمنا ما ينفعنا وأن ينفعنا بما علمنا ،
أما عن الأستوساخ فانت به جدير و عليه حقيق طالما ظلت عاكفا علي شتم شاعرنا و أديبنا أخي الأستاذ صديق مهدي علي .
و أما عن المال و العليفه ، فالمال مال الله و العليفه عليفته و ما أنا إلا وكيل عليهم ، أرسل لنا حاجتك نرسل لك ما يقيم الاود و يكفيك شر السؤال .
و أما عن لابورتا فقد ارسلنا له مما قسم له الرازق فانكر و بطر ثم جاء المنبر فطغي و تجبر ، لم يراعي حقنا عليه فاكثر المزاح و اللعب و أمن عقابنا فساء الأدب !!
نسال الله أن يجمعنا و اياكم علي طاعته و أن و يوفقنا لما يحب و يرضى ، و (أخر دعواهم أن الحمد لله رب العالمين ) .