في المساله اللبنانيه و ردة الفعل المنبري !!

المسيره الطلعت دي رغم بساطتها و قلة وقت تحضيرها و قلة عدد الناس المشاركه فيها ودتنا الأف السنين الضوئيه لقدام : ادتنا و أدت احزابنا و منظماتنا درس عن كيف سته ولا سبعه أنفار لو عندهم اراده و قناعه لعمل شئ ممكن يتعمل !!!
ورتنا إنو الانسان لسه ما مات فينا رغم طول المرض !!

أخطأ الأمن اللبناني في حق اخوان و اخوات لنا - بل في حقنا جميعا - فثرنا جميعا بدون إستثناء : و لاول مره - علي الأقل فيما أذكر - تبلورت هذه الثوره لعمل حقيقي علي أرض الواقع و مرقنا من قصة الشجب و الأستنكار للشارع عديل : للجرايد و الفضائيات : لكل الوسايط الاعلاميه ؛

شكرا للعوض و شول و بدر الدين و محي الدين و وليد و إنعام و عمر جبريل و معاويه و زهير و للزول الجه ماري و سال الحاصل شنو و لمن كلموه وقف مع الناس و شال ليه لافته ، شكرا لكل من شارك و لو بكلمه في بوست ، شكرا للامن اللبناني و شكرا للسفير اللبناني :شكر لكل من جعل هذا ممكنا !!

في نفس الوقت تعجبت جدا من ردة فعل بعض من نحب و نحترم في هذا المكان :
اساءات من كل الأنواع و بكميات تجاريه للبنانين ككل ، شتائم و سخريه من كل اللبنانين ، لم يستثني حتي من وقف معنا في الفضائيات و تناسي هؤلاء إن العنصريه و تعميم الأساءات تخرج من مشكاة واحده .

تعجبت جدا لتعلقات البعض : تصريحا و تلميحا ( الناس دي كان مفروض تمشي القصر ؟ ) (ليه ما طلعت المظاهرات دي لمن المصريين كتلو اهلنا في ميدان مصطفي محمود ؟ ) ( ليه الناس دي ما اتظاهرت للالاف الماتت من اهلنا في دارفور ؟) و كلها اسئله مشروعه ، التعجب مصدرو إنو الأسئله دي مفروض توجه لانفسهم في الأول و ما للناس المرقت تستنكر عنصرية الأمن اللبناني !!!
لماذا لم يخرج موجهي هذه الأسئله بانفسهم لمناصرة القضايا البتكلمو عنها دي ؟
هل العوض و شول و بقية الكرام المرقو ديل هم متعهدي المظاهرات باسم شعبنا عشان تتوجه ليه الأسئله دي ؟

Quote: تعجبت جدا لتعلقات البعض : تصريحا و تلميحا ( الناس دي كان مفروض تمشي القصر ؟ ) (ليه ما طلعت المظاهرات دي لمن المصريين كتلو اهلنا في ميدان مصطفي محمود ؟ ) ( ليه الناس دي ما اتظاهرت للالاف الماتت من اهلنا في دارفور ؟) و كلها اسئله مشروعه ، التعجب مصدرو إنو الأسئله دي مفروض توجه لانفسهم في الأول و ما للناس المرقت تستنكر عنصرية الأمن اللبناني !!! لماذا لم يخرج موجهي هذه الأسئله بانفسهم لمناصرة القضايا البتكلمو عنها دي ؟ هل العوض و شول و بقية الكرام المرقو ديل هم متعهدي المظاهرات باسم شعبنا عشان تتوجه ليه الأسئله دي ؟

Quote: هل العوض و شول و بقية الكرام المرقو ديل هم متعهدي المظاهرات باسم شعبنا عشان تتوجه ليه الأسئله دي ؟

ما عندي تعليق
وجيت عشان احييك
واحيي مواضيعك وكلامك البطلع من القلب ويخش في القلب

100% يا أمينكو
أحسبك البوردابي الوحيد الأتى لحوار في الآونة الأخيرة

Quote: اساءات من كل الأنواع و بكميات تجاريه للبنانين ككل ، شتائم و سخريه من كل اللبنانين ، لم يستثني حتي من وقف معنا في الفضائيات و تناسي هؤلاء إن العنصريه و تعميم الأساءات تخرج من مشكاة واحده .

العزيز امين تحيات مربعه


زمان كان في واحد عندو جيران جنهم (كمونيه) واخونا ده كرهتو في الدنيا الكمونيه (وملحقاتها) لكن كان صابر علي جيرتهم لكن الجيران مشو ابعد من كده بعد ما ينظفوها (بكشحو) مويتها قدام (بابو) في يوم من الايام شال (قرجتو) وتلب ليهم بالحيطه ووقع فيهم (رصع) من طرف

بعد انتهاء المشكله قامو الناس لاموه وقالوا ليهو ياخي جيرانك ديل فيهم واحدين ما بياكلو الشغلانه دي زاتو قام قال ليهم المزارعين بيدقو (القندول) كلو عشان يمرقو العيش

ونحنا كمان يا امين اخوي ما عندنا فكره عن (اخيار) اللبنانيين لاننا لم نسمع ان هناك منظمات مدنيه سعت الي تحسين اوضاع اخوانا في تلك (القريه) الظالم اهلها او علي الاقل ادانت الموقف قبل وصوله مرحلة (دق) القندول كلو


مع كامل الود

الحبشي ،
الشامي ،
البشري
و بدرنا السنوسي :
شكرا علي المرور : الحق الجمعه و أجيكم كان الله مد في العمر .

Salam brother Badr

Quote: زمان كان في واحد عندو جيران جنهم (كمونيه) واخونا ده كرهتو في الدنيا الكمونيه (وملحقاتها) لكن كان صابر علي جيرتهم لكن الجيران مشو ابعد من كده بعد ما ينظفوها (بكشحو) مويتها قدام (بابو) في يوم من الايام شال (قرجتو) وتلب ليهم بالحيطه ووقع فيهم (رصع) من طرف بعد انتهاء المشكله قامو الناس لاموه وقالوا ليهو ياخي جيرانك ديل فيهم واحدين ما بياكلو الشغلانه دي زاتو قام قال ليهم المزارعين بيدقو (القندول) كلو عشان يمرقو العيش ونحنا كمان يا امين اخوي ما عندنا فكره عن (اخيار) اللبنانيين لاننا لم نسمع ان هناك منظمات مدنيه سعت الي تحسين اوضاع اخوانا في تلك (القريه) الظالم اهلها او علي الاقل ادانت الموقف قبل وصوله مرحلة (دق) القندول كلو

Can we apply this logic to the case of Darfour war crimes ?x

العزيز محمدُ E سليمان

لا يمكن تطبيق تعليقي علي ما يحدث في دارفور لانعدام المشبه به

الجرائم التي حدثت وتحدث في دارفور مرفوضه من قبل اي شخص سوي وكثير من الجمعيات والمنظمات المدنيه ادانتها وستظل تدينها وحتي الاهالي العاديين دفعوا اتمان مواقفهم


وبعدين شايفك عزلت لي دارفور دي و(قنطرتها) لي براي كده انت قايل انو الحاصل في دارفور ده عاجبني ؟؟!!

وبعدين دارفور دي حقتك انت وحقت امين بتاع البوست ده ذاتو والعنصريه هناك (كائن) يمشي علي رجلين نسعي جميعنا لقتله ولا انت (عودك) بره ؟؟؟

الفرق بين القضيتين يا اخوي محمد في دارفور ماتو كتيرين دفاعا عن ناس بيعانو من العنصريه وهذا مالم يحدث في لبنان ولا اظنه سيحدث

فهمتني يا اخوي محمد

ولك ودي الذي تعرف

Quote: تعجبت جدا لتعلقات البعض : تصريحا و تلميحا ( الناس دي كان مفروض تمشي القصر ؟ ) (ليه ما طلعت المظاهرات دي لمن المصريين كتلو اهلنا في ميدان مصطفي محمود ؟ ) ( ليه الناس دي ما اتظاهرت للالاف الماتت من اهلنا في دارفور ؟) و كلها اسئله مشروعه ، التعجب مصدرو إنو الأسئله دي مفروض توجه لانفسهم في الأول و ما للناس المرقت تستنكر عنصرية الأمن اللبناني !!! لماذا لم يخرج موجهي هذه الأسئله بانفسهم لمناصرة القضايا البتكلمو عنها دي ؟ هل العوض و شول و بقية الكرام المرقو ديل هم متعهدي المظاهرات باسم شعبنا عشان تتوجه ليه الأسئله دي ؟

الغريبة بقولو الولد خال

حمور ده طالع لي ياتو واحد من اخوانك ؟

100%

Quote: لماذا لم يخرج موجهو هذه الأسئله بانفسهم لمناصرة القضايا البتكلمو عنها دي ؟ هل العوض و شول و بقية الكرام المرقو ديل هم متعهدي المظاهرات باسم شعبنا عشان تتوجه ليه الأسئله دي ؟

مافي أجمل من المنطق

كلام زي الطحنية يا خال!

شكرا يا الشامي
و ياخي نحن لو ما قدرنا نعمل تماثيل للناس الحولت الكلام لعمل حقيقي رد لينا بعض من كرامتنا البقت مبذوله في الطرقات دي ، و ادونا أمل لاعمال تانيه قادمه - ما شرط مظاهرات ولا مسيرات إحتجاج - لو استكثرنا عليهم ( كتر خيركم ) أحسن نلم خشومنا علينا بدل تبخيس عمل اتعمل باسمنا !!
خطورة الكلام ده : إنو بغتال في الناس دي روح المبادره و العمل الزي ده و تاني مافي زول بمرق في شان عام .

البشري يا حبيبنا : أنا والله من يومي جاي لحوار ، براك إنت ما الما شايف

بدرنا السنوسي ، سلام عليكم

Quote: ونحنا كمان يا امين اخوي ما عندنا فكره عن (اخيار) اللبنانيين لاننا لم نسمع ان هناك منظمات مدنيه سعت الي تحسين اوضاع اخوانا في تلك (القريه) الظالم اهلها او علي الاقل ادانت الموقف قبل وصوله مرحلة (دق) القندول كلو

أخلاقيا يا بدر ما ممكن نسئ لشعب كامل لانو فيه مجموعه منو أسأت لينا !!
كونك بتفتكر إنو اللبنانيين كلهم بينظرو لينا نظره دونيه فده كلام محل نظر و حتي لو بقي صاح نحن ما بنحاسب الناس علي ما في قلوبها بنحاسبها علي اعمالها : الشعب اللبناني ما طلع مظاهرات اساءه لينا : الأساؤ لينا مجموعه امنيه تابعه للحكومه و من هنا جات المسيره مطالبه السفير كممثل لحكومتو بالاعتذار ! ده من ناحيه .
من ناحيه تانيه : هل إنت كبدر و أنا كامين و الباقيين من الشعب السوداني الشقيق مسؤلين قدام باقي شعوب العالم علي الألاف من الناس الكتلوها في دارفور ؟ هل نحن كشعب مسؤلين من مقتل الدوبلوماسي الأمريكي عشان بسببو الأمريكان يسيئو لينا ؟
الكلام في شرف اللبنانيين كشعب لا يختلف عن فعل عساكرهم مع اهلنا في لبنان ، غضبنا و حنقنا من الاساءه ما بيبرر لينا إنو نسئ لناس تانيين كل جريرتهم انهم بشاركو من أساؤ لنا أرض و سماء وطن .

Quote: حمور ده طالع لي ياتو واحد من اخوانك ؟

اخواني يبرو من حمور يا وليد !! الزول ده نحن نكرناه زمااان !!!

شكرا يا محجوب و نحن لو ما قادرين ولا ما دايرين نقول شكرا للناس الخلت شغلها و مشاغلها و مرقت - باسمنا - في حر يصهر الحديد : أحسن نلم خشومنا علينا !! لكن نقعد في انتو ما عملتو كده لييه و ما طلعتو يوم ما عارف حصل شنو فهذا ما لم يكن السكوت عليه ممكنا !!












----------
يا محجوب إنت وين لخالد و مؤيد البيلي ؟

Quote: خطورة الكلام ده : إنو بغتال في الناس دي روح المبادره و العمل الزي ده و تاني مافي زول بمرق في شان عام .

صدقت يا أمين , خصوصا وأنو الجماعة ديل القاموا بالعمل الجليل ده , تركوا
اعمالهم وصرفوا من جيوبهم ووقوا فى حراية الخرطوم المعروفة ديك , وما كان فى
شئ بيجبرهم على ذلك الا احساسهم الكريم بمعاناة اخوتهم فى ذلك البلد , تشكر يا
أمين على مناصرتك للحق وياها المحرية فيك .

غايتو يا الصايم بليتني بله بقصة الطحبيه دي : تصدق مما الله خلقني ما ختيتها في خشمي !!

سلام يا فيصل و إن شاء الله أمورك كلها طيبه

Quote: الجماعة ديل القاموا بالعمل الجليل ده , تركوا اعمالهم وصرفوا من جيوبهم ووقوا فى حراية الخرطوم المعروفة ديك , وما كان فى شئ بيجبرهم على ذلك الا احساسهم الكريم بمعاناة اخوتهم فى ذلك البلد

و كتر خيرك و إنت تنصف خيارنا : ضميرنا الحي : الصاحي و شغال !!
و كلامك ده بالظبط ما حدث : ففي الوقت الأنا كنت نايم في هواء بااارد كان العوض و شول و رفاقهم واقفين في حر شايلين لافتات و بهتفو سودانا فووق , شغالين قبلها أيام و دافعيين من جيبهم عشان يستردو لي جزء من كرامتي المفقوده دي : ما ممكن أول ما اصحي أقول ليهم ليه ما مشيتو القصر الجمهوري ؟!!

أها أنا لى أسي صاحي تحت مكيق وهواء بارد

Quote: و كلامك ده بالظبط ما حدث : ففي الوقت الأنا كنت نايم في هواء بااارد كان العوض و شول و رفاقهم واقفين في حر شايلين لافتات و بهتفو سودانا فووق , شغالين قبلها أيام و دافعيين من جيبهم عشان يستردو لي جزء من كرامتي المفقوده دي : ما ممكن أول ما اصحي أقول ليهم ليه ما مشيتو القصر الجمهوري ؟!!

وممكن اهاتر وأسال نفس السؤال بس بتبقي بلاده ما بعدة بلادة
من بوستك أستاذنا أمين بحي العوض ورفاقوا وبالجد ليهم التحية والاحترام



مشوار الالف ميل يبدأ بخطوه والحمد لله الناس ديل خطوها


الاضافة اللازم منها بتبقي مبادرة عفوية وإيجابية تستحق التقدير
عن لبنان صلتي به كانت منذ وقت فيروز وخليت سماعة من زمن بقيت أسمع أستير أويكي
أكيد كاى ناس فيهم الصالحين وفيهم الطالحين


المهم عندي ديل وديل فهموا إننا ما البنداس لينا على طرف ونسكت

في بالى يا امين سليمان عدد قديم من مجلة الحوادث بتكلم عن محمد احمد المحجوب كسياسي سوداني شهير في وقتوا
عن اجازتو في فندق البستان في بيروت وتعليقات الصحفي العمل معه اللقاء في المسبح ومشاغلتوا للصبايا وجو
بهيج ...... ممكن الواحد ياخده عادي حسب اجواء الزمن داك بس ممكن يكون تهكم مبطن لرودنا الاوائل العرفوا اللبنانيين
بينا ...... ممكن تمش بعدك في الزمن شوية بس القاب الطويل من ما الدنيا أدتنا ظهرة لحدي ما ربنا ادي البشير وعصبتوا
أموال وبترول ودولارات لهم ولاهل حظوتهم الاقربون الواقع بقول لبنان دي ما عرفتنا خير شر .....
مع أنو لو جبت أى واحد أو واحدة من الفارغين حيكون عارف عنها وعن فنانينها وساسته الكتير
أساسا ما عندنا أى صلة بلبنان ممكن أحوال بعضنا أتصلحت عشان كده بعضهم عرفوا لكين غالبنا لبنان وحاجاته
شهر ماليهم في نفقه ولا عادين إياموا أصلا

لك الود

أمين السلام،

Quote: في نفس الوقت تعجبت جدا من ردة فعل بعض من نحب و نحترم في هذا المكان : اساءات من كل الأنواع و بكميات تجاريه للبنانين ككل ، شتائم و سخريه من كل اللبنانين ، لم يستثني حتي من وقف معنا في الفضائيات و تناسي هؤلاء إن العنصريه و تعميم الأساءات تخرج من مشكاة واحده .

عارف يا أمين ، مثلك تعجبت لردة فعل بعضهم لأني لم أعهد فيهم تبني الشتائم والتي هي
حكر على شخصين أو ثلاثة في المنبر ممن لاثقافة أو معرفة لهم لذا نعذرهم بسبب عجزهم
البيِّن ، لكن مصدر الدهشة يتبدى في أن الغالبية التي تعاملت مع الموضوع بعاطفة سالبة
لا أجد لها العذر لأن الكثيرين منهم يعرفون أنه لايجب أن تزر وازرة وزر أخرى ، كما أنهم
يعرفون أن كل شعب فيه السفهاء والسَفَلة وأصحاب الإعاقات النفسية وفيه الأولياء الصالحين،
وكنت أعتقد أنهم بحصافتهم يدركون أنهم إذا نسبوا لكل الشعب اللبناني قلة الأدب بسبب
تصرفات بعض منسوبي الأمن اللبناني فإن هذا -تلقائيا - يعني أن كل الشعب السوداني له
أسوأ من ذلك بسبب أن بعض منسوبي أمنه قتلوا وعذبوا وشتموا .

الشكر للأعزاء الذين سجلوا احتجاجهم لدى السفير اللبناني والذين أسمعوه صوتنا وقدموا
مذكرة احتجاج واضحة وحركوا القوى النافذة في لبنان للمطالبة بمحاسبة الهمج الذين أساءوا
إلى أهلنا هناك وثق إن أي فرد من قوى الأمن في لبنان سيفكر مرارا قبل أن يتجاوز
حدوده مع أي من أشقائنا هناك، لكن في الوقت ذاته علينا أن نعي أن صمام الأمان المستدام
لكل سوداني في الخارج هو دولته القوية واحترامه لقانون الدولة المضيفة.

أتمنى أن نواصل دعم أهلنا هناك ومتابعة الأمر حتى ينال كل مجرم ما يستحق وأن يتم
تعويض كل من تأذى مما جرى ،
هذا النداء موجه للحادبين الصادقين هنا وليس للهتيفة الذين كنت أدرك أنهم سينسون
الأمر سريعا وينصرفوا لمزايدات أخرى.

وفي غمرة ذلك يجيك واحد بالمستوى دا:

Quote: مع احترامي و تقديري للسيد المسلمي لم يكن قي مستوى اللقاء و الحدث

العوض المسلمي في قناة العربية الان

كل الشعب اللبناني يستحق الردم

يكفي انه يطلق علي الفول السوداني

فستق عبيد

وبتاع الامن قال هذا بلد محترم وليس مرقص

نقول بل هي ام المراقص


الشر يعم يا صديقي

شكرا أمين فقد وضعت الأمور في نصابها الصحيح

Quote: تعجبت جدا لتعلقات البعض : تصريحا و تلميحا ( الناس دي كان مفروض تمشي القصر ؟ ) (ليه ما طلعت المظاهرات دي لمن المصريين كتلو اهلنا في ميدان مصطفي محمود ؟ ) ( ليه الناس دي ما اتظاهرت للالاف الماتت من اهلنا في دارفور ؟) و كلها اسئله مشروعه ، التعجب مصدرو إنو الأسئله دي مفروض توجه لانفسهم في الأول و ما للناس المرقت تستنكر عنصرية الأمن اللبناني !!! لماذا لم يخرج موجهي هذه الأسئله بانفسهم لمناصرة القضايا البتكلمو عنها دي ؟ هل العوض و شول و بقية الكرام المرقو ديل هم متعهدي المظاهرات باسم شعبنا عشان تتوجه ليه الأسئله دي ؟

لك التحايا يا امين
اوفيت وكفيت

يا ناصر ياخي إنت وين ؟!

Quote: ما عندنا أى صلة بلبنان ممكن أحوال بعضنا أتصلحت عشان كده بعضهم عرفوا لكين غالبنا لبنان وحاجاته شهر ماليهم في نفقه ولا عادين إياموا أصلا

ما كنت عارف الاحساس ده عند ناس تانيه برضو و لا عندي أنا براي ؟ لكن لبنان دي بالنسبه لي زي قبرص و اليونان و مالطه و الحتات ديك ، ناس بعيدين مننا و من حاجتنا كلها : مافي شي حقيقي يجمعنا بيهم كشعب !! يبدو اني ما براي في الأحساس ده !!
لكن أظنك بتتفق معاي إنو اختلافنا الجذري ده ما بيدينا الحق نسئ ليهم كلهم بجريرة بعضهم .
و يا زول أبقي أظهر ..

Quote: الغالبية التي تعاملت مع الموضوع بعاطفة سالبة لا أجد لها العذر لأن الكثيرين منهم يعرفون أنه لايجب أن تزر وازرة وزر أخرى ، كما أنهم يعرفون أن كل شعب فيه السفهاء والسَفَلة وأصحاب الإعاقات النفسية وفيه الأولياء الصالحين، وكنت أعتقد أنهم بحصافتهم يدركون أنهم إذا نسبوا لكل الشعب اللبناني قلة الأدب بسبب تصرفات بعض منسوبي الأمن اللبناني فإن هذا -تلقائيا - يعني أن كل الشعب السوداني له أسوأ من ذلك بسبب أن بعض منسوبي أمنه قتلوا وعذبوا وشتموا

مولانا محمد المرتضي ، سلام يا شيخنا و اسمح لي اشيل كلامك ده عشان أرد بيه علي حبيبنا خليل .

Quote: الشكر للأعزاء الذين سجلوا احتجاجهم لدى السفير اللبناني والذين أسمعوه صوتنا وقدموا مذكرة احتجاج واضحة وحركوا القوى النافذة في لبنان للمطالبة بمحاسبة الهمج الذين أساءوا إلى أهلنا هناك وثق إن أي فرد من قوى الأمن في لبنان سيفكر مرارا قبل أن يتجاوز حدوده مع أي من أشقائنا هناك،

شكرا يا مولانا و أنت تنصف الناس الطلعت و شاركت ، فهم والله فخرنا و عزنا لهم منا شكرا لا تحده حدود و عرفانا يبقي ما بقينا .

حذيفه ، هون عليك يا صديقي .

خليل يا حبيبنا ، عليك الله أقرا كلام مولانا محمد المرتضي الكوتو ليك فوق ده !!

شكرا يا لابورتا و حمزه و معا حتي لا تغتال المرؤة في خيارنا الذين تحدثو حين صمتنا ، و خرجو - باسمنا - في نار الله الموقده حين تخلفنا !!!

Quote: خليل يا حبيبنا ، عليك الله أقرا كلام مولانا محمد المرتضي الكوتو ليك فوق ده !!

سلام يا امين

كلام محمد مرتضي كتبو لي في سابق ونفس ما ورد في البوست بتاعك قالو لي حاتم علي

وكلامكم رومانسي لم يقدم لنا اي حلول ولم يقدم لنا كيف نرد علي الاساءة


شبكتونا لبنان فيروز والرحباني وجبران ومارسيل خليفة

اها وتاني

Quote: كلام محمد مرتضي كتبو لي في سابق ونفس ما ورد في البوست بتاعك قالو لي حاتم علي وكلامكم رومانسي لم يقدم لنا اي حلول ولم يقدم لنا كيف نرد علي الاساءة شبكتونا لبنان فيروز والرحباني وجبران ومارسيل خليفة

الحل يا خليل ياهو العملو ناس العوض و شول و رفاقهم : ما ضاع حق ورائه مطالب !!
و عشان الكلام ما يبقي رومانسي زي ما بتقول : لازم في الأول نعرف نحن عايزين شنو !!
نحن ما عايزين اللبنانيين ولا غيرهم البفتكرونا عبيد ولا بنظرو لينا نظره دونيه لاننا سود يغيرو ( إفتكارهم ) ده : اليفتكرو زي ما يفتكرو !!
نحن عايزين الناس تعاملنا باحترام و تصون حقوقنا و كرامتنا: ده البهمنا يا خليل : و مافي دوله في العالم بتحترم ناس لو بلدهم في الأساس ما إحترمتهم !! اها نحن بلدنا ما بتحترمنا لا جوه ، لا بره و امبارح السفير السوداني في لبنان بفتش للامن اللبناني في المبررات و كان لبناني أكتر من السفير اللبناني في الخرطوم ، و لو ما الشباب المرقو للادانه دي : لا كان ح يتفتح تحقيق - حتي لو وهمي - ولا كان في تلفزيون ح يتكلم ولا صحافه ح تكتب و الحصل لينا في الأوزاعي يحصل كل يوم في حتت تانيه !!!
الحل المنطقي و الواقعي ياهو العملو الناس دي : لانو لمن تكون الحكومه غير معنيه بكرامة مواطنيها ، العبء بقع علي المواطنين لاسترداد كرامتهم !!!
إنت حلك شنو يا خليل ؟
نقعد نسئ للناس دي و ننبذ شعب كامل و نوصمهم بالعنصريه كلهم كده ؟ هسي السودان ده ما فيهو عنصريه لامن مدفقه : حروب و قتلي و ناس مشرده بالملايين : هل ده بيعني انك إنت عنصري و مشارك و مسؤل في الحاصل ده ؟!
يا خلي يا حبيب : عمرها الشتيمه و الأساءات البجمله ما كانت حل لمشاكل العنصريه ، لانها زيها و زي العنصريه واحد : الاتنين ما فيهم أخلاق !!
عني شخصيا ما عندي مانع إنو أمة لا إله إلا الله تفتكر ما تود إفتكارو عني طالما أعامل باحترام و طالما حقوقي و كرامتي مصانه !!

Quote: المسيره الطلعت دي رغم بساطتها و قلة وقت تحضيرها و قلة عدد الناس المشاركه فيها ودتنا الأف السنين الضوئيه لقدام : ادتنا و أدت احزابنا و منظماتنا درس عن كيف سته ولا سبعه أنفار لو عندهم اراده و قناعه لعمل شئ ممكن يتعمل !!! ورتنا إنو الانسان لسه ما مات فينا رغم طول المرض !!

Our lives begin to end the day we become silent about things that matter""
" من ماثورات مارتن لوثر"
شكرا حبيبنا أمين على التلخيص الوافي.

مودتي

الفاتح يا حبيبنا ، الشكر للناس الفكرت و نفذت و خلت شغلها و مشاغلها بحثا عن كرامتنا المسلوبه بايدي من لا أخلاق لهم !

Quote: إنت حلك شنو يا خليل ؟ نقعد نسئ للناس دي و ننبذ شعب كامل و نوصمهم بالعنصريه كلهم كده ؟ هسي السودان ده ما فيهو عنصريه لامن مدفقه : حروب و قتلي و ناس مشرده بالملايين : هل ده بيعني انك إنت عنصري و مشارك و مسؤل في الحاصل ده ؟!

شوووف يا نوتة

في لبنان اكثر من الف لاجي عراقي لم تشتمهم الشرطة اللبنانية

وكذلك الفلسطنيين لم يتعرضو لمضايقات ولم يدوس البوليس اللبناني علي رقابهم

كما داس علي السودانيين


لبنان رفضت انضمام السودان للجامعة العربية

راغب علامة شتم المراة السودانية في احد القنوات

في لبنان الفول السوداني فستق عبيد


وفي وفي وفي

سنرد الاساءة بالاساءة ولسنا هنا في مقام اخلاق نحن هنا في مقام كرامة


بلادهم مرقص

سياحتهم من الافخاذ

بلادهم طائفية

بعضهم يصوم شهر رمضان بعد سن الاربعين


برغم جمال هيفاء وثراء اليسا

يسكن اكثر من عشرين الف لبناني القبور

ياسيدي سلامات

اتفق معاك في اغلب ما جاء في بوستك وفي ناحية انو تعمييم الاساءة او النظر لما حدث وبكأنه قد صدر من

كل الشعب اللبناني وتناسي انو هناك بعض اللبنانيين قد اعترضوا على لما حدث حتى اُجبرت القوة الامنية

لاستدعاء قوه اضافية لمكافحة الشغب ( حسب رواية سودانيز اونلاين ) اتفق معاكانو تناسي ذلك في غمرة

الاستياء والغضب لما حدث لاخوانناومحاولة الانتصار للسوداني من خلال تعميم در الاساءة لمجمل الشعب

اللبناني فعل غير صحيح وقد استهجنته من صديق عزيز هنا في هذا المنبرمع تفهمي لردة الفعل .

لكن ياسيدي بس عندي تسائل مش حاجة غريبة اننا نستهجن الاساءة العنصرية والاذلال من اللبنانين

ونقبلها من ( الاشقاء المصريين ) ياامين ايو الشباب الطلعوا في مسيرة يوم الكرامة ما متعهدين

مسيرات ولا رهبان نزرو كل حياتهم لي الدفاع عن الشعب السوداني وكرامتوالمهدورة في القِبل الاربعة,

لكين كمان لمن يصدر فعل زي ده ( اقصد الخروج في المسيرة ) او حتى ردود فعل مشابهه لي ردة فعل

يوم الكرامة بيخلي الناس تتسائل شنو الممكن يخلي ذات البني ادم يقبل ذات المذلة والاهانة ويبتعها

و من شخص وينتفضل منها غضباً من شخص اخر وانا اقصد الاخر دة الماسوداني ( لانو مسألة الحكومة

ومعارضتها دي براها )

طبعا مع ملاحظة انو ما اتانا من ( اشقاءنا المصريين ) ما اهانة ومذلة بس كمان فيها قلع بي

حمرة عين واحتلال رسمي في شرق السودان وفي شمالو كمان ياامين معلوم لي القاصي والداني .


تحياتي

Quote: سنرد الاساءة بالاساءة ولسنا هنا في مقام اخلاق نحن هنا في مقام كرامة

يعني تأخذ الظاعن بالمقيم والعين بعينين والسن بالفك كاملة يا الخليل؟
إنتو قانونكم ده لو طبّقوهو عليكم بتتعبوا ، بتتعبو جد.

Quote: بلادهم مرقص سياحتهم من الافخاذ

يا خليل ، الحاجات دي لاتعترف بالحدود الجغرافيه، في أي دوله يمكنك أن تجد
أهداف زيارتك كسائح أو كسايح.
المسألة بتعتمد عليك.

Quote: بلادهم طائفية

الجزئية دي ما تهبشه يا خِلِّي ، البيتو من قزاز ما بطقِّع الناس ، اليسمعك يقول جاي من قارة انتراكتيا.

Quote: بعضهم يصوم شهر رمضان بعد سن الاربعين

عندنا ناس ما بيصوموا كلو كلو ، لا بعد الأربعين لا بعد المورده وهذا شأنهم.

Quote: برغم جمال هيفاء وثراء اليسا يسكن اكثر من عشرين الف لبناني القبور

المتشردين ديل في قلب واشنطن ونيويورك جوار بل قيتس، شوف عيني ما hear say
بعدين سكنى القبور عندنا ما مؤقت.

عارف يا خليل ، ما زلت أكتب في هذا المنبر دون أن أحكي عن أحداث شهدتها
بعيني منذ طفولتي ذبح فيها نفر كثير أمام ناظري على أساس عرقي في بلدنا
السودان ولا أسعى لنبشها لعدة أسباب لاتخفى عليك وكغيري من أبناء العاملين
بالتربية والتعليم تنقلت وعشت سنوات في أرجاء السودان المختلفة فرأيت ما
لايتوفر لعدد من هواة الهتاف هنا وعندما أكتب أستصحب الكثير الذي تساوى
على أساسه الإنسان في كل بقعة جغرافية في الأرض، نحن شعب جميل ولنا عيوبنا
ومزايانا وكذا هو الحال في الإكوادور وتسمانيا والنفس البشرية هي ذاتها
في جون كيتس ومحمد ودالرضي ودييجو مارادونا وقِرعِم، حديثنا أعلاه ليس
رومانسيا كما وصفته بل هو براغماتي لآخر رف، عليك دراسة اسباب ما حدث
لتشخيص الحاله ومعرفة الأسباب وبعدين شيل الروشته وأمشي الصيدلية ،
لكن عرض صور هيفاء وهبي والنَبَذ المجاني كرد ليس بحل وأنت أعلم مني بذلك .


حبيتك بالصيف.



وعشان ما تتحسس يا ود يا رومانسي أقول ليك :



روح واعرض حالي.

امين كاتبنا الكبير امد الله في عمره..

اتفق معك في ان تعميم الشتايم شي غير مقبول - لكن ما كل تعميم ضار ..

مثلا طلب المقاطعة فيه تعميم لان اصحاب البضائع لا علاقة لهم بالامن العام وضع علامة cross على العلم اللبناني هو تعميم لان هناك من يعتز بهذا العلم وفي نفس الوقت يدافع

عن حقوق اللاجئين ايا كانت جنسياتهم - لكن يا صديقي لعمل التوازن الازم لازم ندق قندول العيش - دون شتائم طبعا- لانها قد تضر بالقضية اكثر من ان تنفع -

انزال المثالية في علاقات الدول ببعضها كحكومات او شعوب هو امر مستحيل مهما حسنت اخلاق الحكام اوالشعوب -

مثلا التلميح بوجود مستثمرين لبنانين في السودان "قد" يعانوا من ردة فعل الشعب السوداني هو عمل غير اخلاقي بالحسابات المجردة للاخلاق

ولكنه عامل ردع يجب استخدامه لتذكير حكومة و شعب لبنان ان هناك فاتورة واجبة السداد في حال تاخرهم في القصاص لاخواننا هناك..وهكذا

هناك شي اخر وانت من اكثر المجيدين له في هذا المنبر وهو وضع نفسك في حالة المعتدى عليهم وايجاد عذر لهم حتى لو جانبهم الصواب

في ردة فعلهم لان المحاسبة تكون في الاصل للفعل لا ردة الفعل فاذا استاء احدهم من كم الشتائم النازلة عليهم "دون فرز" عليهم اذا كانوا صاديقين مع انفسهم ان يجدوا لها العذر -

ويعملوا على ازالة الفعل ومن ثم العتاب على ردة الفعل..

وهذا عكس ما فعلهم سفيرهم الذي راح يروج لعلم بلاده المكرس وكان هذا هو الجرم الحقيقي ..

خليني أشارك بالفيديو ده يا خال لو سمحت

امين كيفنك ابوي
ياخي التعميم مضر لا شك
لكن ياخي لمن الناس بدأت محاولة ادانة الموضوع برمته
جاء هنا في المنبر دة من قال انه مرته نفستها لبنانية وعايزنا نطنش
وجاء هنا من قال انه صاحبه لبناني وعايزنا نعمل ميتين
ياخي هي لبنان دي شنو هي ذاتها بي رمتها
انا شخصيا طارق الزول الضهبان دة يا امين لبنان ما بيجمعني بيها اي شي
لا شي سمح ولا شي شين ولا بيهموني في شي
وعندي قناعة اللبناني دة لو دخل الجامع بيشوف ممكن يكسب شنو
واي زول قريب مني حا ادعوه لي مقاطعة كل ما هو لبناني
ياخي زول عفصوه في راسو بي جزمة ونعتوه بالفاظ تحير
يجي البعض هنا يسمينا هتيفة وعندنا ما عارف شنو
امين انا لا زول مثقف لا ميتين حجر
بس وجعتني اهانة الناس ديل لسودانيين..
واقوليك شي والله لا عا ج ب ا ني هيفاء وهبي البتجرجر في جلدها دة لمن صُرتها قربت تصل حنكها
ولا كمان عا ج ب ا ني نانسي عجرم العاملة زي البشاورة دي

بصفة شخصية احي كل من قام بهذا الجهد المقدر
وهو مصدر فخر كبير بالنسبة لي
واداني بصيص من امل في هذا البلد السعيد



التعديل عشان الشلوخ العملها بكري دي

100%

وأضيف بسؤال يا أمين عن مدافع صلب عن حقوق الإنسان في العالم "أو هكذا يقال"...الدكتور
صلاح البندر...!

التحية...

شول سلام
جوز السفراء ديل مسخرة عديل كدا
وديع الأسمر اللبناني يستحق الإحترام بحديثه المنطقي والمحترم وأكيد مثله الكثيرين في لبنان

Quote: لكن عرض صور هيفاء وهبي والنَبَذ المجاني كرد ليس بحل وأنت أعلم مني بذلك .

صورة هيفاء ليست هي غاية بل هي وسيلة اردت ان اقول لبتاع الامن اللبناني

ان بلادكم مرقص ومرقص خليع كمان

شكرا امين علي ذكرنا بالخير وشكرا للجميع وما نحن الا منكم وما انتم الا اخواننا الذين نعتز بكم
ومتاكدين ان ما يقال من تقليل من شان الاخرين ليس مقصودا في حد ذاته ولكن اعذر من بعدت مسافتهم او طال غيابهم
عن السودان .. ومتاكدين ان ما قمنا به لولا مشاركتكم ومساندتكم لما كانت هذه المسيرة ..
ولتكن بداية انطلاق واننا لها ...والشكر للجميع ناقدا او موجها او مصححا او مبسوطا ..

Quote: في لبنان اكثر من الف لاجي عراقي لم تشتمهم الشرطة اللبنانية وكذلك الفلسطنيين لم يتعرضو لمضايقات ولم يدوس البوليس اللبناني علي رقابهم كما داس علي السودانيين

يا محمد مرتضي

رديت علي كل ما ورد في مداخلتي

الفوق دي غلبتك مالا

Quote

Quote: : Quote: في لبنان اكثر من الف لاجي عراقي لم تشتمهم الشرطة اللبنانية وكذلك الفلسطنيين لم يتعرضو لمضايقات ولم يدوس البوليس اللبناني علي رقابهم كما داس علي السودانيين يا محمد مرتضي رديت علي كل ما ورد في مداخلتي الفوق دي غلبتك مالا

يا خليل كيفك ياخ،
يا دوب شفت كلامك دا وما غلبني الرد عليهو لأنو الرد عليهو متوفر في كافة وسائط الإعلام.
شوف يا سيدي ، الآن يدور جدل كبير حول مسألة الفلسطينيين في لبنان حيث لايسمح لهم
بممارسة 70 وظيفة حكومية واثارت هذه المسألة جدلا عنيفا بين اليمين واليسار من
حيث منحهم حقوقا مشابهة للبنانيين ، لكن داير أقول ليك حاجه ربما تدركها أحسن
مني ألا وهي أن الوجود الفلسطيني في لبنان له أسس وقواعد وتوازنات تحكمه ولايمكن
مقارنته بالوجود السوداني بأي حال وهناك موازين قوى معقده بشأن الوجود الفلسطيني هناك
الذي اكتسب شبه شرعية واتيحت لي فرصة رؤية مخيماتهم في برج البراجنه وعين الحلوه
في 1996 ورأيت ما فعله الصهاينة وعملاء الصهاينة معهم هناك ، لقد دفعوا فواتير عالية
أقلها (صبرا وشاتيلا) في 1982 على يد عملاء إسرائيل وتحت إشراف القبيح شارون.
لاتوجد مقارنة يا خليل ، أما العراقيين فلهم وجود مؤسسي أقدم بكثير من جاليتنا
الطيبة ولهم سند قوي جدا ضمن تلك التوازنات ولهم قوة تسندهم على المستوى الطائفي
حيث أن معظم العراقيين هناك من الشيعة ، والله أعلم ، لكن أظن أنك من سؤالك رميت إلى
إيصال رسالة فحواها أن غيرنا من العرب لايجد عنتا في لبنان بسبب لونهم ولكن هذا
غير صحيح فالمسألة في لبنان لاتتصل باللون بل بالطائفة وقد سقط ضحايا كثر بسبب
الطائفية وما زالت المسبحة تكر ولكن السودانيين لم يتعرضوا للعنف الذي يزهق
الروح من ذلك النوع الذي تعرض له الفلسطينيين أو المصريين أو العراقيين وكثير من
الأوربيين والأمريكان بل تعرض له لبنانيين تتراوح ألوانهم بين توني بلير وستريدا جعجع.
رغم ذلك ندين كل عنف مادي أو لفظي وكل عنصريه وعنصرية مضادة.
ما يهمني في كل الإعصار الدائر هنا أنه لايجب توجيه الشتائم لكل اللبنانيين بسبب
جريرة بعضهم وقلت ليك كان أنا غلطان صححني. أها هسع كل الحكومة اللبنانية أدانت
السلوك الهمجي ورسالة سودانيزأونلاين وصلتهم ، مش كان أولى ندين الهمج فقط؟
مره تالته بقول ليك ، خلِّي عندك دوله قويه واحترم قانون البلد المضيف ، تاني عوجه ما بتجيك.

Quote: سنرد الاساءة بالاساءة ولسنا هنا في مقام اخلاق نحن هنا في مقام كرامة

و ليه ما نرد الأساءه بالاخلاق يا خلي ؟
الرد بيكون بالمظاهره العملوها الناس دي و بالضغط الأعلامي و المطالبه المستمره بحقنا في معامله كريمه طالما حكومتنا و سفيرنا بتهمهم الحكومه اللبنانيه أكتر من شعبهم !!!
شتيمة الشعب اللبناني لن تسترد حق و لن تجبر أحد بمعاملة اهلنا هناك معامله كريمه .

الشفيع يا حبيبنا ، سلام

Quote: لكن ياسيدي بس عندي تسائل مش حاجة غريبة اننا نستهجن الاساءة العنصرية والاذلال من اللبنانين ونقبلها من ( الاشقاء المصريين ) ياامين ايو الشباب الطلعوا في مسيرة يوم الكرامة ما متعهدين مسيرات ولا رهبان نزرو كل حياتهم لي الدفاع عن الشعب السوداني وكرامتوالمهدورة في القِبل الاربعة, لكين كمان لمن يصدر فعل زي ده ( اقصد الخروج في المسيرة ) او حتى ردود فعل مشابهه لي ردة فعل يوم الكرامة بيخلي الناس تتسائل شنو الممكن يخلي ذات البني ادم يقبل ذات المذلة والاهانة ويبتعها و من شخص وينتفضل منها غضباً من شخص اخر وانا اقصد الاخر دة الماسوداني ( لانو مسألة الحكومة ومعارضتها دي براها ) طبعا مع ملاحظة انو ما اتانا من ( اشقاءنا المصريين ) ما اهانة ومذلة بس كمان فيها قلع بي حمرة عين واحتلال رسمي في شرق السودان وفي شمالو كمان ياامين معلوم لي القاصي والداني .

مافي زول يا الشفيع قبل بما حدث من المصريين ، كل الناس هنا بمختلف اتجاهاتها أدانت و شجبت و استنكرت ما حدث و بالنسبه لسؤالك ليه الناس دي ما طلعت تتظاهر ضد الحكومه المصريه ؟ و طالما إنت متفق معاي إنو الناس الطلعت في مسيرة السفاره اللبنانيه ديل ما متعهدين مسيرات باسمنا هنا أو باسم الشعب السوداني فالسؤال مفروض توجهو لنفسك و لمن تسالو معك : ليه انتو ما طلعتو زي ما الناس دي طلعت للبنانيين ؟!!
الناس لو جاده و فعلا حريصه علي كرامتنا و توصيل صوتنا لكل من سولت له نفسه اللئيمه بالنيل من كرامتنا : ما مفروض يرجعو لوراء و يتسالو زي سؤالك ده ، مفروض الناس تبني علي العملوه العوض و شول و رفاقهم الأشاوس عشان تمشي لقدام .

حسين يا حبيبنا ، سلام يا صاحب

Quote: امين كاتبنا الكبير امد الله في عمره.. اتفق معك في ان تعميم الشتايم شي غير مقبول - لكن ما كل تعميم ضار .. مثلا طلب المقاطعة فيه تعميم لان اصحاب البضائع لا علاقة لهم بالامن العام وضع علامة cross على العلم اللبناني هو تعميم لان هناك من يعتز بهذا العلم وفي نفس الوقت يدافع عن حقوق اللاجئين ايا كانت جنسياتهم - لكن يا صديقي لعمل التوازن الازم لازم ندق قندول العيش - دون شتائم طبعا- لانها قد تضر بالقضية اكثر من ان تنفع - انزال المثالية في علاقات الدول ببعضها كحكومات او شعوب هو امر مستحيل مهما حسنت اخلاق الحكام اوالشعوب - مثلا التلميح بوجود مستثمرين لبنانين في السودان "قد" يعانوا من ردة فعل الشعب السوداني هو عمل غير اخلاقي بالحسابات المجردة للاخلاق ولكنه عامل ردع يجب استخدامه لتذكير حكومة و شعب لبنان ان هناك فاتورة واجبة السداد في حال تاخرهم في القصاص لاخواننا هناك..وهكذا هناك شي اخر وانت من اكثر المجيدين له في هذا المنبر وهو وضع نفسك في حالة المعتدى عليهم وايجاد عذر لهم حتى لو جانبهم الصواب في ردة فعلهم لان المحاسبة تكون في الاصل للفعل لا ردة الفعل فاذا استاء احدهم من كم الشتائم النازلة عليهم "دون فرز" عليهم اذا كانوا صاديقين مع انفسهم ان يجدوا لها العذر - ويعملوا على ازالة الفعل ومن ثم العتاب على ردة الفعل.. وهذا عكس ما فعلهم سفيرهم الذي راح يروج لعلم بلاده المكرس وكان هذا هو الجرم الحقيقي ..

قريت مداخلتك دي كذا مره عشان القي لي حته اختلف معاك فيها عشان أعلق عليها ، ما لقيت غير دعوتك لي (امد الله في عمره ) و الدعوه ما مابيها لكن الفيك اتعرفت !!!

طارق يا نجمنا الثاقب ، سلام يا حبيبنا

Quote: ياخي التعميم مضر لا شك لكن ياخي لمن الناس بدأت محاولة ادانة الموضوع برمته جاء هنا في المنبر دة من قال انه مرته نفستها لبنانية وعايزنا نطنش وجاء هنا من قال انه صاحبه لبناني وعايزنا نعمل ميتين ياخي هي لبنان دي شنو هي ذاتها بي رمتها

و ده بالذات بيؤكد أهمية كلامنا إنو التعميم مضر لانو نحن ما ضد زوجة فلان اللبنانيه و لا أصدقاء علان اللبنانيين ولا ضد اللبنانين كشعب : نحن ضد من إنتهك حقوق اهلنا و ضد من انتقص من كرامتهم و ضد من رفض الأعتذار عما حدث لاهلنا !!

Quote: بصفة شخصية احي كل من قام بهذا الجهد المقدر وهو مصدر فخر كبير بالنسبة لي واداني بصيص من امل في هذا البلد السعيد

و البوست ده واحد من أغراضو تحية الناس دي و شكرهم و اعلامهم بتقديرنا و عرفاننا بما عملو .

مليكنا المفدي أنور و أخانا لابورتا الذي هو في نفس الوقت البدري و حسبو و اميره !
شكرا علي مروركم .

Quote: و ليه ما نرد الأساءه بالاخلاق يا خلي ؟ الرد بيكون بالمظاهره العملوها الناس دي و بالضغط الأعلامي و المطالبه المستمره بحقنا في معامله كريمه طالما حكومتنا و سفيرنا بتهمهم الحكومه اللبنانيه أكتر من شعبهم !!! شتيمة الشعب اللبناني لن تسترد حق و لن تجبر أحد بمعاملة اهلنا هناك معامله كريمه

يعني يا امين اللبناني يشتمنا ويضع الجومة فوق عنق السوداني

ونحن نعمل مظاهرة ياخي (خليك طبيعي )

تقول الاعراب

تعوي الذئاب لمن لا كلاب له وتتقي ثورة المتاسد العادي


خلاص نخلي ناس العوض تعمل مسيرة ونحن بنشتم

انا غايتو المسيرة لن تشفي غليلي

انا اذا بتاع مسيرات خليك مع الجماعة ديلاك

العوض و شول و باقيكم المعاكم
شكرا لكم و أنتم تعيدون لنا العافيه بعد أن سقمنا من الشجب و الأستنكار بلا عمل ...
شكرا لكم و أنتم تضخون الدم في دورتنا الدمويه العاطله إلا من ساقط القول و بذئ الكلام ...
شكرا لكم و أنتم تذكرونا بانا ما زلنا بشر أسوياء نمتلئ عزة و كرامة و نعمل حبا لهذا الوطن !!!

Quote: انا غايتو المسيرة لن تشفي غليلي

يا خليل ، ياخي نحن ما عايزين نشفي غليلنا ، نحن عايزين الناس تعاملنا بما نستحق من إحترام .

اللاجئون الفلسطينيون في لبنان يطالبون بحياة كريمة!
يا عزيزنا الخليل ،
أستاذنا بكري الصايغ - جوزي خيرا - عندو بوست فيه إجابة على مقولتك
أن أحبابنا الفلسطينيين يجدون معاملة أحسن من أهلنا السودانيين في
لبنان ، وحتى لو صحت مقولتك أو بان خطلها فهذا لايغير من رأيي الفوق.
معليش يا أمين ، سويت الدَرِب ساساقا بس خليل دا أنا مَغرود فيهو.

Quote: يا خليل ، ياخي نحن ما عايزين نشفي غليلنا ، نحن عايزين الناس تعاملنا بما نستحق من إحترام

طيب يا امين هسع اللبنانين ما عاملونا باحترام


حا نعمل فيها المسيح ول شنو

من ضربك علي خدك الايمن ادر له خدك الايسر

المكنر يغير باليد واللسان والقلب