ما بين سجيمان و جبرا : وجهة نظر !

ما بين سجيمان و جبرا : وجهة نظر !


07-28-2010, 09:01 PM


  » http://sudaneseonline.com/cgi-bin/sdb/2bb.cgi?seq=msg&board=468&msg=1293068070&rn=0


Post: #1
Title: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 09:01 PM

الدخول في هكذا مواضيع من التعاسه بمكان خاصة عندما يكون الأمر عالي الحساسيه مثل مصداقية الكتاب و أي كتاب : الفاتح جبرا و عادل سجيمان !!!

Post: #2
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 09:03 PM
Parent: #1

مسكت كيبوردي مسكا بل (قبضتو كربون ) عشان ما أبدي رايي في الموضوع ، لكنها الشلاقه و بعض ما نراه حقا إن قلناه نمت و إن لم نقله نمت !!!

Post: #3
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 09:06 PM
Parent: #2

الموضوع الأول حنة عواطف :
وضح إنو القصه ككل طرفه كانت بتتداول في الخليج من زمن بعيد ، لكن تطابق :
- إسم صاحبة القصه
- فكرة تسلسل الأحداث
- محددات (شيل) الحنه
- ردة فعل الزوج
لا تجعل لنا شكا أن أحد كتابنا إنتحل القصه من الأخر .

Post: #4
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 09:12 PM
Parent: #3

الموضوع التاني ( ثم مات الرجل الترطيبة) أو (حنان سكليب) :
- نفس الفكره .
- البنيه المكونه للمقالين و تطابقهم إلا من تفاصيل صغيره .
- تطابق أسماء (هاجر ردحي ) و(عوضية ردحى ) ، (المكيّف هبوبك ) و (الإسبليت هبوبك )

برضو لا تجعل لنا شكا أن أحد كتابنا إنتحل القصه من الأخر .

Post: #5
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 09:17 PM
Parent: #4

كما اسلفت لا يساورني شك أن أحد كاتبينا الكبار قد اطلع علي مقالي الأخر قبل الكتابه ، بل و كان المقالين حاضرين ساعة كتابة من كتب لاحقا :
يبقي من كتب لاحقا إنتحل ممن كتب أولا ، فلا مجال لتوارد خواطر حتي لو افترضنا شيوع الطرفتين فالتشابه في المعني و المبني و البناء الدرامي بل في الأسماء لا يمكن أن يكون صدفه !!
الأمر أوضح من الوضوح و أبسط من البساطه و لكنا كعادتنا في سودانيز أونلاين : تركنا المنطق و إنقدنا وراء عواطفنا و علاقاتنا فانقسمنا إلي :
فريق جبرا
فريق سجيمان
فدياس

Post: #60
Title: Re: ما بين سجيمان و جبرا : وجهة نظر !
Author: فدياس نجم الدين
Date: 07-29-2010, 11:32 AM
Parent: #5

Quote: فريق جبرا
فريق سجيمان
فدياس

مرور للسلام والتحيه يا دكتور أمين

Post: #78
Title: Re: ما بين سجيمان و جبرا : وجهة نظر !
Author: سجيمان
Date: 08-01-2010, 09:00 PM
Parent: #5


Post: #7
Title: Re: ما بين سجيمان و جبرا : وجهة نظر !
Author: Balla Musa
Date: 07-28-2010, 09:18 PM
Parent: #4

ياعميق كيفك

ياخى انا الغايزنى أنو الشبكة فى القصتين على بعضهن ماوصلت الصفحة الخامسة..
يعنى بوكرامى احسن من عواطف ول احسن من حنان سكليب؟

ول يعنى البكا بحرروه اهلو!!

Post: #6
Title: Re: ما بين سجيمان و جبرا : وجهة نظر !
Author: Yassir Tayfour
Date: 07-28-2010, 09:18 PM
Parent: #3

Quote: لا تجعل لنا شكا أن أحد كتابنا إنتحل القصه من الأخر .
ليس بالضرورة يا صاحب..
عضم القصة ذاتها نكتة متداولة، وما سمعنا قبل كده إتنين تنازعو في ملكية نكته..
ياخ ده أمر مؤسف ان يتنازع كاتبان مثل جبرة وسجيمان في قصة لا طعم لها ولا رائحة، ولافائدة ترجى منها، كقصة عواطف هذي، ووالله لو كنت صاحبها ومسجلة بإسمي لما نازعت فيها منازع..
___
سمعت بالمثل القائل: مرضان بسوي لي ميِّت؟

Post: #8
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 09:24 PM
Parent: #6

و حيث أن سجيمان قد كتب المقاليين أولا - حتي إشعار أخر - عليه أري أنا الدكتور أمين محمد سليمان الأديب و القاص و الصحفي الناشط في حقوق الأنسان و حسب ما توفر لي من معطيات أن الأستاذ الفاتح جبرا قد نحل مقالات من د. عادل سجيمان !

كلام إنو الأستاذ جبرا منحاز للشعب و سجيمان كاتب حكومي و كتابتو بذئيه و إنو أستاذ جبرا ما في حوجه لنحل مقالات من سجيمان أو غيره : قد يكون كلام صحيح : لكن ما عندو علاقه بالحقيقه البائنه حسب ما لدينا من معطيات .

Post: #9
Title: Re: ما بين سجيمان و جبرا : وجهة نظر !
Author: Balla Musa
Date: 07-28-2010, 09:27 PM
Parent: #8

ياعميق

قبل ماتخمنا ساكت مفروض تثبت أن جبرا وسجيمان شخصيتين حقيقيتين أولا وثانيا أنهما ليسا بشخص واحد وانقسم لنكنيمين..
أهم حاجة الآيبى أدرس..

Post: #10
Title: Re: ما بين سجيمان و جبرا : وجهة نظر !
Author: Balla Musa
Date: 07-28-2010, 09:32 PM
Parent: #9

ياعميق
إنت عارف وانا عارف إنت منو ولماذا بتستعمل أكثر من إسم فى المنبر:
1- سجيمان
2- الفاتح جبرا
3- أمين محمد سليمان

فقد تحدثت مع الدكتور الأديب والناشط فى حقوق الإنسان أمين محمد سليمان ونفى أن يكون عضو بأى منبر سودانى!

Post: #12
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 09:36 PM
Parent: #9

سلام يا دوكنا
Quote:
ياخى انا الغايزنى أنو الشبكة فى القصتين على بعضهن ماوصلت الصفحة الخامسة..
يعنى بوكرامى احسن من عواطف ول احسن من حنان سكليب؟
ول يعنى البكا بحرروه اهلو!!

قصة بوكرامي داخلين فيها ناس كتار هنا و فيهم أصحاب و أعداء لناس كتار عشان كده النقه كترت فيها !
Quote: قبل ماتخمنا ساكت مفروض تثبت أن جبرا وسجيمان شخصيتين حقيقيتين أولا وثانيا أنهما ليسا بشخص واحد وانقسم لنكنيمين..
أهم حاجة الآيبى أدرس..
سجيمان ما بعرفو ولا شفتو فما عارفو كان حقيقي ولا مجازي ، لكن الفاتح جبرا ود حلتنا ، ما أظنو يتذكرني لكن أنا متذكرو كويس .

Post: #11
Title: Re: ما بين سجيمان و جبرا : وجهة نظر !
Author: حمد فتح الرحمن
Date: 07-28-2010, 09:35 PM
Parent: #8

امين هو بالله الورث التهور ( الشلاقة ) للتاني منو فيكم ؟
انتا و لا الطريفي ؟


انا غايتو شغال بالنظرية العامة او المقولة ما عارف بتاعة انتا عارف و انا عارف و الله عارف



ـــ
ياسر و الله في شوية ( شوية حبة ) شوق كدا و كتر خير بوسجامي المرقك تاني ياخ

Post: #13
Title: Re: ما بين سجيمان و جبرا : وجهة نظر !
Author: مرتضى احمد عبد القادر
Date: 07-28-2010, 09:41 PM
Parent: #11

عجبي على كاتبين كبرين يتنازعان في ملكية نكته أو نكتتين







وعجبي على الدكتور الأديب القاص الناقد والناشط الحقوقي يفتح بوست لينصب نفسه قاضي للفصل في ملكية النكت سبب النزاع

Post: #14
Title: Re: ما بين سجيمان و جبرا : وجهة نظر !
Author: عوض محمد احمد
Date: 07-28-2010, 09:48 PM
Parent: #11

Quote: ياخ ده أمر مؤسف ان يتنازع كاتبان مثل جبرة وسجيمان في قصة لا طعم لها ولا رائحة، ولافائدة ترجى منها، كقصة عواطف هذي، ووالله لو كنت صاحبها ومسجلة بإسمي لما نازعت فيها منازع..


عوة فى ضلف

Post: #15
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 09:50 PM
Parent: #11

Quote: ليس بالضرورة يا صاحب..
عضم القصة ذاتها نكتة متداولة، وما سمعنا قبل كده إتنين تنازعو في ملكية نكته..
ياخ ده أمر مؤسف ان يتنازع كاتبان مثل جبرة وسجيمان في قصة لا طعم لها ولا رائحة، ولافائدة ترجى منها، كقصة عواطف هذي، ووالله لو كنت صاحبها ومسجلة بإسمي لما نازعت فيها منازع..
___
سمعت بالمثل القائل: مرضان بسوي لي ميِّت؟
لا يا ياسر !! بالضروره !!
أمشي أقرا كل قصتين مع بعض و كان ما منحولات معناتها الفاتح جبرا هو سجيمان و نادو لي الادرس !!!
التشابه ما في القصتين بس لانو يبدو انهم طرف معروفه , التشابه في تفاصيل - ذكرتها بالتفصيل فوق - ما ممكن تكون صدفه !
باقي كلامك كلو متفق معاك فيه ...

Post: #16
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 09:53 PM
Parent: #15

Quote: امين هو بالله الورث التهور ( الشلاقة ) للتاني منو فيكم ؟
انتا و لا الطريفي ؟
والله يا حمد أنا شلاقتي بالنسبه لشلاقة الطريفي حكمة لقمان بس !!!

Post: #18
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 10:01 PM
Parent: #16

سلام يا لابورتا
Quote: عجبي على كاتبين كبرين يتنازعان في ملكية نكته أو نكتتين

وعجبي على الدكتور الأديب القاص الناقد والناشط الحقوقي يفتح بوست لينصب نفسه قاضي للفصل في ملكية النكت سبب النزاع
إنت شايف الموضوع نكته ؟
ياخي الناس ديل كتاب كبار و ده أكل عيشهم ، يعني دي ما نكته حكوها في قعده : دي مقالات بتتنشر في الجرايد الناس بتدفع دم قلبها عشان تقراها .
أنا ما نصبت نفسي قاضي ، أنا قلت وجهة نظري !!
القاضي يا لابورتا حكمو بتترتب عليهو حاجات ، أنا قلت وجهة نظر حسب ما قريت من معطيات لو في زول عندو عليها إعتراضات اليجيبها للنقاش ...

Post: #19
Title: Re: ما بين سجيمان و جبرا : وجهة نظر !
Author: الصادق اسماعيل
Date: 07-28-2010, 10:03 PM
Parent: #15

يا بروف
كيفك
دا الأنا كتبتو في بوست سيجيمان

Quote: حقيقة تداخلت في الموضوع السابق (حنة عواطف) وكنت قد سمعت الموضوع كنكتة قبل أن يكتبها سجيمان وبعد أن نشرها الفاتح، وأوضحت أنى لا أقرأ للكاتبين حتى لا يأخذ أحد كلامي لتبرئة أو إدانة أي طرف (مع العلم أن كلامي يمكن أن يؤخذ بترئة الفاتح) وكنت قد قصدت أن التكتة يمكن أن يحبك حولها سيناريو.

لكن الآن الواضح أن سجيمان بتتبعه لمواضيع جبرا يوقن تام اليقين أن الفاتح جبرا يسرق أفكارهن وهذا يتطلب تحرك قانوني منه لحفظ حقوقه، وأعتقد أن (المحاكم) ستكون قادرة على إثبات ذلك، ولأني أعتقد أن الموضوع في سودانيزاولاين سيكون دائرياً والسناريو سيكون كالآتي:

سجيمان سيعود لموضوع الكديسة مع طناش دائم لفدياس

فدياس سيأتى بإيميلات وبالموضوع ولنكات لإثبات أن الموضوع نكتة وليست من تأليف سجيمان

جبرا لن يتداخل وإذا تداخل سيقول على المتضرر اللجؤ للقضاء
تبلدينا سيحاول إثبات تحيز فدياس
ود الباوقة سيتابع حتى اول سفرة أو عدم سفرة للبشير لتفرغ لها

حقيقة أنا أتمنى من سجيمان الذهاب للمحكمة (بكل صدق) وسنال حقه كاملاً لأن المحكمة ستسعين بالخبراء.



الإقتباس دا أنا عملت فيهو تعديل بسيط، اولاً كان في حرف ناقص وأنا أضفته، التعديل الثاني هم فصل آخر سطر من السطر الذي (قبله) اقصد أن السطر الأخير كان (متشربكاً) مع السطر ا(القبليهو)، ........ ولا أقول ليك حاركب مكنة بتاعت تبارك وأقول ليك المهم.

من دروس العلامة أبو كرامي (مزيفاً كان أم حقيقياً) إنو ما تحاول أن تُثبِت تهمة على أحد بناءاً على معطيات (إسفيرية) لا تسمن ولا تغنى من جوع.

الشئ الثاني موضوع السرقة الأدبية أصبح له محاكم ومتخصصين، لذلك أن أدعو الأخ سيجيمان للجؤ للمحاكم حتى لا تتكرر الظاهرة، مع مواصلة الموضوع هنا في سودانيزاونلاين.

النقطة أعلاه سببها هو ما ذكرته يا بروف وسيأتيك أيضاً من يقول إنك مغرض وغرضك واضح يا بروف"


جبرا ود حلتك وموجود هنا في سودانيزاونلاين التى (جئتها تلميذاً بائساً تنتعل سفنجة وتحمل مخلايتك، وأصبحت فيها ناشطاً ومفكراً وأخيراً دكتوراً) وبعد كل الذي بين قوسين الفاتح جبر (لم يُعِركَ إهتماماً ولم يكتب لك مداخلة واحدة).

Post: #17
Title: Re: ما بين سجيمان و جبرا : وجهة نظر !
Author: Yassir Tayfour
Date: 07-28-2010, 09:55 PM
Parent: #11

حمدنا بن فتح الرحمن يا طويل العمر،
أخبارك وصحتك،
قبل فترة كده بالتلفون سألت منك (الطريفي الخير) وقال لي إنّك بخير وكده..
___
الله يعلم الشوق الشديد يا حمد..

Post: #20
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 10:24 PM
Parent: #17

سلام يا صادق
Quote: من دروس العلامة أبو كرامي (مزيفاً كان أم حقيقياً) إنو ما تحاول أن تُثبِت تهمة على أحد بناءاً على معطيات (إسفيرية) لا تسمن ولا تغنى من جوع.
ده كلام سليم جدا ، لكن ما عندو علاقه بما نحن بصدده : لا سجيمان ولا جبرا ما نكرو كلامهم أو مقالاتهم و لا تواريخ نشرها ، معطياتي دي أنا توصلت ليها من معلومات مبذوله هنا و قاعده :
المقالين متشابهين لدرجة إنو أنا ما شايف إنو ممكن يكون توارد خواطر ، الكتب أول برئ و التاني منتحل ، سجيمان أثبت إنو كتب أول : اليوم اللي جبرا يجيب تاريخ نشر مثبت قبل تاريخ سجيمان في التو و اللحظه سجيمان يبقي منتحل المقالات .
Quote: الشئ الثاني موضوع السرقة الأدبية أصبح له محاكم ومتخصصين، لذلك أن أدعو الأخ سيجيمان للجؤ للمحاكم حتى لا تتكرر الظاهرة، مع مواصلة الموضوع هنا في سودانيزاونلاين.
النقطة أعلاه سببها هو ما ذكرته يا بروف وسيأتيك أيضاً من يقول إنك مغرض وغرضك واضح يا بروف"
جبرا ود حلتك وموجود هنا في سودانيزاونلاين التى (جئتها تلميذاً بائساً تنتعل سفنجة وتحمل مخلايتك، وأصبحت فيها ناشطاً ومفكراً وأخيراً دكتوراً) وبعد كل الذي بين قوسين الفاتح جبر (لم يُعِركَ إهتماماً ولم يكتب لك مداخلة واحدة).
مشي سجيمان المحكمه بحددو هو وفق ما يري .
ما بقدر أمنع زول يا صادق إنو يفتكر العايزو و يكتب العايزو ، أنا قلت وجهة نظر و دللت عليها و مستعد مناقشتها مع أي كان .

Post: #21
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 10:27 PM
Parent: #20

Quote: عوة فى ضلف
يا عوض ، كلامك ده ما صاح : دي مقالات بتتنشر في الجرايد و كونها ساخره ما بخليها عوه .

Post: #22
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 10:30 PM
Parent: #21

Quote: إنت عارف وانا عارف إنت منو ولماذا بتستعمل أكثر من إسم فى المنبر:
1- سجيمان
2- الفاتح جبرا
3- أمين محمد سليمان

فقد تحدثت مع الدكتور الأديب والناشط فى حقوق الإنسان أمين محمد سليمان ونفى أن يكون عضو بأى منبر سودانى!
والله يا دوكنا جهجهت الهكر ذاتو !!!

Post: #23
Title: Re: ما بين سجيمان و جبرا : وجهة نظر !
Author: حمد فتح الرحمن
Date: 07-28-2010, 10:39 PM
Parent: #17

Quote: قبل فترة كده بالتلفون سألت منك (الطريفي الخير) وقال لي إنّك بخير وكده..

ايوااااااااااااااه
يلا حدد الفترة دي كانت بتين بالظبت كدا و جيب الاي بي ادرس بتاع ساعة سؤالك مشفوع بي برنت اسكرين





ــ
عليك الله اعفي لي يا امين لو كنت استخدمت بوستيك دا في محلا ما محلو ( او كما اقتبست من غنوة المبدعان ود وردي و اسماعين )

Post: #24
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 11:09 PM
Parent: #23

Quote: عليك الله اعفي لي يا امين لو كنت استخدمت بوستيك دا في محلا ما محلو ( او كما اقتبست من غنوة المبدعان ود وردي و اسماعين )
يا حمد ياخي إستخدم زي ما عايز : كلنا متجدعين في الباندويث بتاع بكري ، لكن بالله بس ما مع أب تفه !!

Post: #25
Title: Re: ما بين سجيمان و جبرا : وجهة نظر !
Author: Hafiz Bashir
Date: 07-28-2010, 11:18 PM
Parent: #24




Quote: عوة فى ضلف


Quote: دي مقالات بتتنشر في الجرايد و كونها ساخره ما بخليها عوه


دكتورنا أمين
سلامات

يعني نفهم من كلامك دا إنو عوة و ضلف ديل الإتنين شخصية واحدة؟؟!!



Post: #26
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 11:22 PM
Parent: #25

Quote: يعني نفهم من كلامك دا إنو عوة و ضلف ديل الإتنين شخصية واحدة؟؟!!
عوه و ضلف شخصيات مختلفه يا حافظ بدليل كل واحده فيهم عندها أي بي ادرس مختلف !!

Post: #27
Title: Re: ما بين سجيمان و جبرا : وجهة نظر !
Author: Hussein Mallasi
Date: 07-28-2010, 11:27 PM
Parent: #26

Quote: لكن الفاتح جبرا ود حلتنا، ما أظنو يتذكرني لكن أنا متذكرو كويس .

حتى الجيرة لم تمنعه من الجهر بما يراه صواب.

Post: #28
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-28-2010, 11:41 PM
Parent: #27

Quote: حتى الجيرة لم تمنعه من الجهر بما يراه صواب.
والله يا حسين إنت ما مضمون كلو كلو ، هسي كلامك ده ممكن يكون الطعن بما يشبه المدح ذاتو !!

Post: #29
Title: Re: ما بين سجيمان و جبرا : وجهة نظر !
Author: سجيمان
Date: 07-28-2010, 11:42 PM
Parent: #17



الدكتور امين
كيفنك يابا

اولك بالتبادي اشكرك.... لانك قلت ما بتعرفني وما شفتني...( تشوف النبي واصحابو).....
تاني شي.... الفاتح جبرا ما قاعد يكتب ليهو اللليلة.... ولا انا بكتب لي اللليلة.... وما حصل انا اتشبكت في زول قلت سرق مني واللا نشلني.... زول عديل وطيب اجي انضم يجو يبلعوني نضمي.. ويشتموني وما يخلو لي صفحة ارقد عليها.... وبرضو متشعبط في الكتابة وما بخليها اصلي.. اها ايشمعني انشيك في الفاتح ... وغنبينتي معاهو شنو؟... وايشمعني المقالين ديل.. حنة عواطف... والسكليب.؟؟؟... جيت وقلت يا جماعة ديل الللاتي ودا دليلي.... وشيخ الفاتح يجيب دليلو... و بس !حاجة في غاية البساطة.... ما دايرة قومة وقعدة وعوك وعاك...لكن جوني ناس سجيمان دا انا مكجنو لوجه الله... وعشان كدي اصلو ما اخليهو...وانا متاكد انهم عارفين انهم قاعدين يتلولو...ويلفو ويدورو ساكت.....لكن مكابرة منهم تزيد من مكابرة شيخ الفاتح الله يهديهو...اها اقول لك قولة انا تاني ما عندي شغلة غير مباراة نضم الفاتح جبرة واكوس لي حقي...اها لشنو جيت سودانيزونلاين... لاني اول ما بديت كتابة بديت فيهو هو قبل الجرائد... تاني شي عندي قراء لازم احترمهم والجأ ... ليهم... وانضم معاهم... واوريهم الحاصل,,, لانو ممكن جدا واحد فيهم يفرا موضوع كاتبو انا ولفحو شيخ الفاتح بعيدن ما يظن فيني خير....ويفتكرني بضحك عليهو وبستكردو...ويجيني ويقول لي انت سرقتو من الفاتح وزي ما تقال لي قبل كدا ويجي الفاتح ويحاول يثبت اني فعلا سرقتو( حاجة تغيظ ..مش؟) وانا بكل صراحة لا اقراء للفاتح الا لماما لانو اراه يمتلك ملكة سخرية متواضعة لا تثير اهتمامي !!.(افراء لبروفسير محمد عبد الله الريح واعتبره استاذي في هذا المجال وتعلمت منه الكتبر).. الاهتمام بالموضوع احتراما لعقول الفراء.(مش عشان نكتة واللا غلوتية)... قبل ان يكون انصافا لشخصي!...وقبال كدي اتعرضت لمواقف كنيرة كان منكن احرد وانفض صلبي واقوم واقول تاني ما جايي....لكن عشان القراء انا اصلو ما بحرد.. ما بعاقب الالاف عشان نفرين تلاتة عندهم اجندة بعيدة عن موضوع الخلاف.(وابشر جماهير الشعب انو انا وكديستي بالنا طوييييييييل سلبة).. وما بمارس الضغط علي القراء بان احرمهم من كتاباتي عشان ما نصروني علي الباطل اوالحق . ومهما بلغت من الغرور وعجب النفس ما بنظر لهم نظرة القطيع.. تعالو وراي يجو وراي امشو بي غادي يمشو بي غادي اطردو الكديسة يطردو الكديسة وقعو للكديسة تمشي المحكمة. يوقعو.(الادب لا تجمله او تسيئه المظاهرات..وخصوصا الادب المنهوب).. واستغرب تصدر حاجات زي دي من ناس عاملين فيها ديمقراطية وبتيخ وانبوبة غاز... انا بكتب لي نااس عندها عقل وعندها فهم...وبنقدر تميز...وكل شخص عقل قائم بذاتو...الموضوع الخلاف بيني وبين شيخ الفاتح موضوع عام يهم كل الناس الهنا... نحن ما متكتلين في ورثة... واللا في شيك طاير... عشان نمشي محكمة... وممكن تدخل الاجاويد والموضوع يموت .... نحن متكتلين في نضم بقى ملك عام نشرناهو للناس و لكل زول الحق ان يستمتع بيهو وبتناقش في مكان عام .. ويعرفو الناس البيغشهم منو؟....عشان يبقو على بينة.... شيخ الفاتح يكتب عن سرقات الدولة للمساكين وهو بيسرق في مساكين تانين ..عجبي!.... تفسرين.. (انفصام او استهبال.). وارجح الاخيرة......وبرضو انشا الله شيخ الفاتح ربنا يهديهو ويحترم الناس ويحيب ادلتو ويوري ... الحاصل شنو؟... احتراما للقراء...
اقول قولي هذا ....

واخلي ليك الكديسة دي امانة في رقبتك!




Post: #30
Title: Re: ما بين سجيمان و جبرا : وجهة نظر !
Author: abubakr salih
Date: 07-28-2010, 11:59 PM
Parent: #29

Quote: عوة فى ضلف


Highly expressive

Post: #32
Title: Re: ما بين سجيمان و جبرا : وجهة نظر !
Author: Hafiz Bashir
Date: 07-29-2010, 00:31 AM
Parent: #30




يا دكتور امين

الآي بي آدرس دا قالو ليك دايناميك فلا تعول عليه.. إنت الدكتوراة بتاعتك دي في الهندسة ولا شنو؟!!

نقطة سطر جديد
هل حصل مرة سمعت بنكتة (خديجة ماشة السوق -لا لا ماشة السوق -خلاص امشي أنا كت قايلاك ماشة السوق)؟؟!!

نقطة سطر جديد
سجيمان قال كتب قصة عواطف دي سنة 2003 و جبرا قال القصة دي كانت نكتة متداولة في التمنينات من القرن المنصرم*. و القصة محورها الحنة و لم يرد في القصة أي سيرة للبنين و البنات مما يدل على إنو عواطف دي كانت عروس جديدة حين حدوث القصة محل النزاع.. إذن الفيصل في هذه القضية هو السؤال المحوري: متي كان عرس عواطف؟ هل كان في تمنينات القرن المنصرم أم كان في بداية الألفية الثالثة؟؟ وبس

أقلب الصفحة و بلاش صلعة معاك
أب تفة: مشتاغووون ياخ


Post: #31
Title: Re: ما بين سجيمان و جبرا : وجهة نظر !
Author: Yassir Tayfour
Date: 07-29-2010, 00:27 AM
Parent: #29

يا سيجي سلامات،
إنت (ظاطك) يا قولك، صورة البروفايل دي ما قلعتها من سيدها بدون وجه حق، وسيدها معروف؟
____
العزيز سجيمان أتمنى أن لا تسوق نفسك أو تُساق لتراشق مع العزيز الآخر جبرة، وتكونا الإتنين خاسرين.. من المؤكد أن لكما قراء مشتركين فأجعلوهم خيط معاوية بينكما..

Post: #33
Title: Re: ما بين سجيمان و جبرا : وجهة نظر !
Author: سجيمان
Date: 07-29-2010, 00:37 AM
Parent: #31

ياسر طيفور
Quote: إنت (ظاطك) يا قولك، صورة البروفايل دي ما قلعتها من سيدها بدون وجه حق، وسيدها معروف؟


ياسر حبابك في سودانيزونلاين

صحيح الصورة ما بتاعتي.. ولا ادعيت انها بتاعتي... ولو جا سيدا دايرها طوالي يجي يقلعها....

عندي صورة للموناليزا برضو في البيت..... ولو جا دانفيشي ما ح اقالعو فيها.. واي زول يسعالني ح اقول ليهو دي راسمها دافنيشي.. ما بقول راسمها انا... واقعد اتبوبر بها

Post: #34
Title: Re: ما بين سجيمان و جبرا : وجهة نظر !
Author: cantona_1
Date: 07-29-2010, 01:10 AM
Parent: #33

يا سجيمان سلامات ليك وللقاعد جنبك ولكل الشلة إياها

تاني هام: شوف كتاب الفاتح جبرا الاسمو ساخر سبيل لو حنة عواطف منشورة فيهو .. بعدين عندنا كلام لازم تعويض أو حرق الكتاب وحنة عواطف بداخله. وبعد داك يدفع تعويض. طبعاً التعويض بشيلو أنا والقاعد جنبك... عرفت منو؟

دكتور أمين يعرف الفاتح جبرا.. وأنا أعرف دكتور عادل الصادق المكي. طبيب بيطري .. ينتحل الكتابة في الجرانيل الورقية والأسفيرية.. كان مقيماً في دول البترول.. ورجع السودان. موجود الآن بعاصمة السودان. يكتب بجريدة التيار. تجد صورته في الصفحة 15 لابس نظارات طبية يعني معاه شوية عمش. في النسخة الإليكترونية لصحيفة التيار شوف صور كتّاب الأعمدة تجد صورته هناك. يعني زول بلحمه ودمه.

يكتب عموداً يومياً اسمه الباب البجيب الريح.. أها ياعادل الباب قلنا ليك أقفله ما قفلته جاب ليك الريح.

(العوج راي والعديل راي)

Post: #35
Title: Re: ما بين سجيمان و جبرا : وجهة نظر !
Author: Abureesh
Date: 07-29-2010, 01:32 AM
Parent: #34

كتابات سجيمان مليان بيها البورد.. فهل ممكن وصلات لكتابات الأستاذ الفاتح جبرة؟

قراءة الأسلوب فى كتبات اخرى تسهل المهمـة فى معرفـة كاتب هذه القطعـة الأصلى.

والى ذلك الحين فلا رأى لنا.

Post: #36
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 02:48 AM
Parent: #35

سلام يا دكتور عادل و إن شاء الله إنت و المعاك طيبين

المساله هنا - علي الأقل بالنسبه لي - مسالة مبدا لا أكتر لا أقل : قريت النصين توصلت لانو في واحد فيكم كتب نصو بعد الأطلاع علي نص الأخر و نحل منو ما شاء الله له كما اوضحنا بعاليه ، و ما مره وحده : مرتين !!! راجعت تواريخ النشر : لقيتك السابق في اثبات تاريخ نشرك للنصين - إذا غلطان في كلامي ده بالله صححوني - عليه رايت انك صاحب النصين الأصليين و لو بعد ده اكتشفنا إنو كلامنا ما صاح و أستاذ جبرا هو من نشر نصوصه أولا ، بنعتذر ليه و نقبل عليك !
لا عداوه معاك أو مع أستاذ الفاتح انتو الاتنين كتاب كبار أعلم حجم قرائكم ، لكن لا يصح إلا الصحيح و إذا في واحد فيكم منتحل مقالة أو مقالات من التاني ، لا بد من كشفه و تعريته .
شخصيا علي قناعه تامه انكم الاتنين ما في حوجه عشان واحد فيكم يسرق مقال من التاني ، لكن - في تقديري - أهو حصل ، عشان كده اتفق معاك تماما إنو السكوت بكون جريمه في حق الناس البقرو ليكم .





----------
ياخي قولة ما بعرفك قاصد بيها معرفه شخصيه ، لكن ما أظن في زول بقرا جرايد و بكتب في النت ما عارفك إنت منو .
----------
كديستك في الحفظ و الصون ، لكن كان أستاذ جبرا جاب ما يثبت نشر مقالاتو قبلك ، بتجي تلقاها معلقه من عراقيبها في أستار البورد .

Post: #38
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 03:01 AM
Parent: #36

بكري البلشفي ، وين إنت ياخ ؟!
Quote: Quote: عوة فى ضلف



Highly expressive
كلام عوض حبيبنا ده ردينا عليه فوق و كتبنا نفس معناهو للابورتا ، لكن مافي مانع نتكلم فيه من زاويه تانيه :
الكتابه الساخره دي زيها و زي المقالات الجاده و كان سالتني أنا ده بشوفها أصعب و محتاجه موهبه حقيقيه و خيال خصب ، كونكم م س ت و س خ ي ن الموضوع باعتبارو نكته الناس متشاكله فيها : فده تسطيح ما بعدو تسطيح أربا بكم منه . و لو كمان شايفين إنو كتاب كبار زي ديل ممكن ينحلو مقالات من بعض عادي و تبقي القصه عوه في زبادي , تكونو دايرين ليكم بوست براه !!!!

Post: #86
Title: Re: ما بين سجيمان و جبرا : وجهة نظر !
Author: سجيمان
Date: 08-05-2010, 11:06 PM
Parent: #38





جاااااااااااااتك................!!!

Post: #57
Title: Re: ما بين سجيمان و جبرا : وجهة نظر !
Author: سجيمان
Date: 07-29-2010, 08:33 AM
Parent: #36



Quote: كديستك في الحفظ و الصون ، لكن كان أستاذ جبرا جاب ما يثبت نشر مقالاتو قبلك ، بتجي تلقاها معلقه من عراقيبها في أستار البورد .


ثم تمغّت الكديسة واتمددت تحت اقرب عنقريب في البورد وقالت( كان كدي هاااااااادي قعدة)

Post: #37
Title: Re: ما بين سجيمان و جبرا : وجهة نظر !
Author: محسن خالد
Date: 07-29-2010, 03:01 AM
Parent: #35

شيءٌ غريب ربط الأخلاق بالحكومة والمعارضة، فعلاً شيءٌ غريب. الحق هو حقٌّ لأنَّه قائم في ذاته، لا في الأشخاص ولا الاتجاهات، خارج البغضاء والمحبّة، الصلح والسلم، الاستئناس والنُّفور، الحق حق في مبتناه وذاته.
تُرى ما الذي تُمَنِّينا به مثل هذه المعارضة!؟
هل تُريد أن تزيل حكومة الفساد هذه، لتُفْسِد هي في الأرض بدلاً عنها!؟ هل سنستبدل المنحازين، الانحياز الصغير والمذنب، بمنحازين آخرين، اللصوصَ بلصوص غيرهم، أم نحن طلاب حق وفضيلة!؟
حتى لو كان، فرضاً، الدكتور عادل عضواً في الجبهة الإسلامية هل يحق لجبرا لأنَّه معارض أن يأخذ كتابته وينسبها إلى نفسه!؟ أي بصيرة أخلاقية هذه يا تُرى وأي مآل!؟ وفِيَمَ الضجر الآن من قضاء الجبهة الإسلامية!؟
هاتان القصَّتان مؤلَّفتان تأليفاً بعيداً عن فكرتيهما كنكات أو غيره. ومن كتبهما أولاً هو صاحبهما عادل، لا يجوز لجبرا أخذهما بالصياغة التي صاغهما بهما عادل، هذا لو افترضنا أنَّهما نكات. جبرا أخذ الاستريكشر والمعمار القصصي الذي شيدهما فيه عادل، فدعونا بالله عليكم من مسألة نكات الميتة هذه! فالقصتان مأخوذتان بضبانتهما، ففي أي شيء تفيد حجة أنهما نكات، هل تقاطع عادل وجبرا في روايتهما كتابةً بالضبانة، بالنأمة!؟
إلى الآن، جبرا هو من انتحل هذه الكتابات، وإن أتى بتلك الصحيفة التي يتحدَّث عنها، يصبح عادل هو المنتحل وسأقدِّم حينها اعتذاراً غير ذي عوج لجبرا، هذا رأيي باتجاه القانون. أمَّا تقديري الشخصي للمسألة، فهو أنَّ نوعية المادَّة ذاتها وطريقة عرضها ومضمونها الخطابي يشبه عادل تماماً ولا علاقة له بما تيسّر لي قراءته لجبرا مطلقاً.



----
ياسر يا فردة، كلامك الفوق دا ممزّر، قضايا كهذه تستدعي منتهى الجدية في التعامل معها وعدم تتفيهها وعدم الانحياز فيها إلا للحق.
{وابشر جماهير الشعب انو انا وكديستي بالنا طوييييييييل سلبة} عادل.


لو تقدَّم لك الرجل باعتذار غير ذي عِوَج يا عادل، فكن كريماً ودع الأمر، هذه نصيحتي لك.
يظل رأيي في ما يكتبه عادل لا علاقة له في أن يسلبه شخصٌ ما كَتَبَه، أتحدث هنا عن تقديري لما أراه حقاً بيّناً، وليس ككاتب ناقد ولا معرفي جاء ليناقش كتابة عادل في بت أم روحها.

السلام عليكم

Post: #40
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 03:09 AM
Parent: #37

حافظ الما جادي !!!
Quote: سجيمان قال كتب قصة عواطف دي سنة 2003 و جبرا قال القصة دي كانت نكتة متداولة في التمنينات من القرن المنصرم*. و القصة محورها الحنة و لم يرد في القصة أي سيرة للبنين و البنات مما يدل على إنو عواطف دي كانت عروس جديدة حين حدوث القصة محل النزاع.. إذن الفيصل في هذه القضية هو السؤال المحوري: متي كان عرس عواطف؟ هل كان في تمنينات القرن المنصرم أم كان في بداية الألفية الثالثة؟؟ وبس

أقلب الصفحة و بلاش صلعة معاك

Post: #70
Title: Re: ما بين سجيمان و جبرا : وجهة نظر !
Author: سجيمان
Date: 07-29-2010, 11:13 PM
Parent: #37



Quote: لو تقدَّم لك الرجل باعتذار غير ذي عِوَج يا عادل، فكن كريماً ودع الأمر، هذه نصيحتي لك.


لو تقدم الرجل باعتذار. يا محسن...سوف اقبله برحابة صدر... صدر معلم رؤوف رحيم بتلميذه الذي اخطاء وجنح( لكن ح اعصر على "غير ذي عوج "دي)
على ان يكون الاعتذاز نص النهار وقدام الناس
والله اعفي ليهوعفو الله والرسول!
هي الدنيا دي شن فيها......... يا محسن اخوي؟؟؟
(ثم يزحزح في قعدتو .. ويبتسم ويجيب طاقيتو فوق جبهتو)
اها عاين لي......... ماني فنجري؟




الفقير لله
سجيمان سيد الكديسة

Post: #39
Title: Re: ما بين سجيمان و جبرا : وجهة نظر !
Author: عبد المنعم عبدالله
Date: 07-29-2010, 03:07 AM
Parent: #35

سلام


قد قلت اخي سجيمان
Quote: شيخ الفاتح يكتب عن سرقات الدولة للمساكين وهو بيسرق في مساكين تانين ..عجبي!


اظنك يا دكتور سمعت بروبن هود؟
كان زول تلب كبير حرامي ساي لكن ما بسرق غير الحكومه (الاغنياء)

عندو متحف باسمو يزوره الملايين طوعا وخلده التاريخ!
ومافي زول اقدر الومو او اشتمو الا زول همباتي ساي او شامت او طالب شهره ؟
لانو كان في سرقتو منحاز لطبقه المساكين وسرقته من اجلهم

واليوم انقلب السحر علي الساحر فاكبر حرامي لاموال الشعب هو الحكومه
ويا سجيمان الزول ده لو سرقك في 4 او 5 كلمات والسرقه وان كانت لم ترقي الي
موضوع كامل (ويوجد رئيس تحرير قد فعلها موضوع كامل بضبانتو)
ولي يوم الليله رئيس التحرير رئيس تحرير !
ولو كان حرامي (سرق 5 ل 6 كلمات) فانت وما تقوم به يندرج تحت طائله
الابتزاز وتلميع الشخصيه علي حساب استاز الفاتح جبره
واتمني ان تسخر موهبه الكتابه عندك لصالح المساكين كما الفاتح جبره
فعندها ولو سرقت سوف ندافع عنك ولو استكبارا ...
فالقرود المدربه تجلب للترفيه علي عليه القوم من المتخمين ولذا يظل القرد قردا
ووالله لا اشبهك ابدا بهكذا حيوان ولا اشبه موهبتك بالانحياز للمتخمين
ولكن فقط اتمني ان اري موهبتك تتجه نحو قضايا المساكين والفقراء والمظاليم
كما الفاتح الذي اجبرنا علي قراءه كل ما يكتب وهو يعالج ماسي المساكين باسلوب ساخر
وشكرا

Post: #41
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 03:13 AM
Parent: #39

Quote: العزيز سجيمان أتمنى أن لا تسوق نفسك أو تُساق لتراشق مع العزيز الآخر جبرة، وتكونا الإتنين خاسرين.. من المؤكد أن لكما قراء مشتركين فأجعلوهم خيط معاوية بينكما..
معاك يا ياسر أتمني أن لا يقطع دكتور عادل شعرة معاويه مع أستاذ الفاتح .

Post: #42
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 03:18 AM
Parent: #41

كونتا العميق ، سلام
Quote: دكتور أمين يعرف الفاتح جبرا.. وأنا أعرف دكتور عادل الصادق المكي. طبيب بيطري .. ينتحل الكتابة في الجرانيل الورقية والأسفيرية.. كان مقيماً في دول البترول.. ورجع السودان. موجود الآن بعاصمة السودان. يكتب بجريدة التيار. تجد صورته في الصفحة 15 لابس نظارات طبية يعني معاه شوية عمش. في النسخة الإليكترونية لصحيفة التيار شوف صور كتّاب الأعمدة تجد صورته هناك. يعني زول بلحمه ودمه.
عادل سجيمان ككاتب لا يحتاج إلي وصف و تعريف ،
قصة إنو أنا ما بعرف د. عادل دي جات في معرض شرح إنو مافي شي شخصي ، لانو لو في شي شخصي فمفروض يكون في صالح أستاذ جبرا البعرفو و بشوفو مما أنا شافع صغير !
و أرقد عافيه ...

Post: #43
Title: Re: ما بين سجيمان و جبرا : وجهة نظر !
Author: محسن خالد
Date: 07-29-2010, 03:23 AM
Parent: #42

أمين إزيك ياخي
ومشكور على إتاحة الفرصة وإبداء رأي موزون في تقديري
مداخلتي افتكرتها والله مفترعة بالسلام
أخوك ياخي بسالم بلا سبب
كن بألف خير، أنت ومن معك

Post: #66
Title: Re: ما بين سجيمان و جبرا : وجهة نظر !
Author: Yassir Tayfour
Date: 07-29-2010, 06:21 PM
Parent: #43

حافظ بشير
يعلم الله الشوق يتلتل، أخبارك وصحتك؟ الواحد بقى قدر ما يلبس ليهو جينز بتذكرك، لوول..

المُحسن بن خالد
أنتم أدرى بهذا الشأن يا صديقي، ولكن لو كان هنالك نسبة 1% أن جبرا لم يستعين بفكرة وصياغة سجيمان، سوف أعطي جبرا الـbenefit of doubt، لأن القصة ذاتها وبكل حبكاتها السجيمانية والجبراوية لا تستحق الوقوف والقراءة، كرأي شخصي، وجبرا وسجيمان كتبا الكثير، وشاركناهما الضحك والدهشة..
____
{وابشر جماهير الشعب انو انا وكديستي بالنا طوييييييييل سلبة} عادل، عليك الله السطر ده براهو موش مليان إبداع، وياقول كيكي يدعو للضحك المجلجل؟ غير حقيقة الكديسة البقت ماثلة أمامنا وتوقيع في كل المداخلات..

Post: #44
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 03:26 AM
Parent: #42

سلام يا أبو الريش
Quote: كتابات سجيمان مليان بيها البورد.. فهل ممكن وصلات لكتابات الأستاذ الفاتح جبرة؟

قراءة الأسلوب فى كتبات اخرى تسهل المهمـة فى معرفـة كاتب هذه القطعـة الأصلى.
والى ذلك الحين فلا رأى لنا.
افتكر إنو أستاذ الفاتح عندو صفحه في الفيس بوك ، لو قوقلتها بتلقاها ، لكن دي ما القضيه .
القضيه إنو في مقاليين محددين حصل فيهم نزاع ، ما أوردتهم لانو في ظني الناس كلها قرتهم لانو في أكتر من بوست عن الموضوع ، لو ما قريتهم قول عوك بجيبهم ليك .

Post: #45
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 03:29 AM
Parent: #44

Quote: شيءٌ غريب ربط الأخلاق بالحكومة والمعارضة، فعلاً شيءٌ غريب. الحق هو حقٌّ لأنَّه قائم في ذاته، لا في الأشخاص ولا الاتجاهات، خارج البغضاء والمحبّة، الصلح والسلم، الاستئناس والنُّفور، الحق حق في مبتناه وذاته.
تُرى ما الذي تُمَنِّينا به مثل هذه المعارضة!؟
هل تُريد أن تزيل حكومة الفساد هذه، لتُفْسِد هي في الأرض بدلاً عنها!؟ هل سنستبدل المنحازين، الانحياز الصغير والمذنب، بمنحازين آخرين، اللصوصَ بلصوص غيرهم، أم نحن طلاب حق وفضيلة!؟
حتى لو كان، فرضاً، الدكتور عادل عضواً في الجبهة الإسلامية هل يحق لجبرا لأنَّه معارض أن يأخذ كتابته وينسبها إلى نفسه!؟ أي بصيرة أخلاقية هذه يا تُرى وأي مآل!؟ وفِيَمَ الضجر الآن من قضاء الجبهة الإسلامية!؟
هاتان القصَّتان مؤلَّفتان تأليفاً بعيداً عن فكرتيهما كنكات أو غيره. ومن كتبهما أولاً هو صاحبهما عادل، لا يجوز لجبرا أخذهما بالصياغة التي صاغهما بهما عادل، هذا لو افترضنا أنَّهما نكات. جبرا أخذ الاستريكشر والمعمار القصصي الذي شيدهما فيه عادل، فدعونا بالله عليكم من مسألة نكات الميتة هذه! فالقصتان مأخوذتان بضبانتهما، ففي أي شيء تفيد حجة أنهما نكات، هل تقاطع عادل وجبرا في روايتهما كتابةً بالضبانة، بالنأمة!؟
إلى الآن، جبرا هو من انتحل هذه الكتابات، وإن أتى بتلك الصحيفة التي يتحدَّث عنها، يصبح عادل هو المنتحل وسأقدِّم حينها اعتذاراً غير ذي عوج لجبرا، هذا رأيي باتجاه القانون. أمَّا تقديري الشخصي للمسألة، فهو أنَّ نوعية المادَّة ذاتها وطريقة عرضها ومضمونها الخطابي يشبه عادل تماماً ولا علاقة له بما تيسّر لي قراءته لجبرا مطلقاً.
كلمه زايده عشان الزول يقولها مافي !!!

Post: #46
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 03:42 AM
Parent: #45

Quote: فالقرود المدربه تجلب للترفيه علي عليه القوم من المتخمين ولذا يظل القرد قردا
منعم يا حبيبنا ، ياخي والله بنتحسس من موضوع القرود ده !

Post: #47
Title: Re: ما بين سجيمان و جبرا : وجهة نظر !
Author: عبد المنعم سليمان
Date: 07-29-2010, 03:45 AM
Parent: #46

المشكلة في شنو يا دكتور
في هاجر ولــ عوضية
في المكيف ولــ الاسبليت
والله ما عارف ....!!
___
انت خال حمور وخاتي ليك قرد كمان
دي زي عراقي في ليبيا هههههههههه

Post: #48
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 03:47 AM
Parent: #46

Quote: أمين إزيك ياخي
ومشكور على إتاحة الفرصة وإبداء رأي موزون في تقديري
مداخلتي افتكرتها والله مفترعة بالسلام
أخوك ياخي بسالم بلا سبب
كن بألف خير، أنت ومن معك
يشهد الله يا محسن عدم سلامك سغربني سغربه شديده لاني عارفك طاياب و جنك سلام
و ياخي كتر خيرك علي كلامك الفوق داك .

Post: #49
Title: Re: ما بين سجيمان و جبرا : وجهة نظر !
Author: Amjed
Date: 07-29-2010, 03:51 AM
Parent: #45

لا ادري من اين جاء الاتهام لدكتور عادل بالتماهي مع النظام
فلم اقرأ له او اسمع عنه ما يوحي بذلك و لو من طرف قصي


دا شنو يا خال؟؟

Post: #50
Title: Re: ما بين سجيمان و جبرا : وجهة نظر !
Author: Amjed
Date: 07-29-2010, 03:51 AM
Parent: #45

لا ادري من اين جاء الاتهام لدكتور عادل بالتماهي مع النظام
فلم اقرأ له او اسمع عنه ما يوحي بذلك و لو من طرف قصي


دا شنو يا خال؟؟

Post: #51
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 04:02 AM
Parent: #50

يا دوك يا حبيبنا
Quote: لا ادري من اين جاء الاتهام لدكتور عادل بالتماهي مع النظام
فلم اقرأ له او اسمع عنه ما يوحي بذلك و لو من طرف قصي


دا شنو يا خال؟؟
تسالني أنا ؟
الكلام ده جابو واحد معاكم هنا في منبر من لا منبر له ، ما عندي حيل أفتش كوتات لكن كان زروني شديد أجيب ليك ناظرها ذاتو !!!

Post: #52
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 04:08 AM
Parent: #51

منعم يا حبيبنا : شايفك الأيمات دي كركبه تقيله !!!
Quote: المشكلة في شنو يا دكتور
في هاجر ولــ عوضية
في المكيف ولــ الاسبليت
والله ما عارف ....!!
___
انت خال حمور وخاتي ليك قرد كمان
دي زي عراقي في ليبيا هههههههههه
مافي مشاكل يا بيجو ، القصه دي بتنتهي بخير إن شاء الله .
بعدين ياخي أنا حمور ده نكرتو ظاهر باطن و قطعت علاقتي بيه و اعلنتها هنا فبالله ما تجيب لي سيرتو و ما تشبه لي قردي الوجيه ده بيهو !!

Post: #53
Title: Re: ما بين سجيمان و جبرا : وجهة نظر !
Author: عبد المنعم سليمان
Date: 07-29-2010, 04:14 AM
Parent: #52

غايتو يسالني الله لو بالشكل
الحرامي هو سجيمان
الله يقبحه الكريه
___
الموضوع دا تجيب اي وكيل عريف في المباحث يقبضوا ليك بس ما يكون معاه ###### بوليسي
ما لانه ال###### البوليسي بعرف الحرامي
لا ,, لانه ال###### البوليسي أليف وبخاف من سجيمان

Post: #54
Title: Re: ما بين سجيمان و جبرا : وجهة نظر !
Author: بهاء بكري
Date: 07-29-2010, 04:18 AM
Parent: #53

Quote: لا ادري من اين جاء الاتهام لدكتور عادل بالتماهي مع النظام
فلم اقرأ له او اسمع عنه ما يوحي بذلك و لو من طرف قصي


Post: #55
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 04:22 AM
Parent: #54

بهاء يا حبيبنا
Quote: لا ادري من اين جاء الاتهام لدكتور عادل بالتماهي مع النظام
فلم اقرأ له او اسمع عنه ما يوحي بذلك و لو من طرف قصي
ما قلنا :
Quote: تسالني أنا ؟
الكلام ده جابو واحد معاكم هنا في منبر من لا منبر له ، ما عندي حيل أفتش كوتات لكن كان زروني شديد أجيب ليك ناظرها ذاتو !!!
شكلي حا أمشي أجيب الكوتات !!

Post: #56
Title: Re: ما بين سجيمان و جبرا : وجهة نظر !
Author: عبد المنعم سليمان
Date: 07-29-2010, 04:26 AM
Parent: #55

Quote: لا ادري من اين جاء الاتهام لدكتور عادل بالتماهي مع النظام
فلم اقرأ له او اسمع عنه ما يوحي بذلك و لو من طرف قصي

والله الا تجيب الكوتات
هههههههههههههههه

Post: #58
Title: Re: ما بين سجيمان و جبرا : وجهة نظر !
Author: إدريس محمد إبراهيم
Date: 07-29-2010, 09:40 AM
Parent: #56

د. أمين الرجل العميق والمفكر الذي لا يشق له غبار .. والذي يفخر (حمور) بإنك خاله ويباهي بذلك الثريا ... تحية طيبة أيها المفكر الذي أرى أنه سبق زمانه بفراسخ من العلم والتفرد ..

أرجو يا دكتور أمين في البداية ألا تتسرع في إصدار الأحكام في هذه القضية الشائكه .. ولكني أرى أن الموضوع مشاع لحكاوي شعبية قد تناولها كل كاتب بإسلوبه الخاص ...

لقد كتبت في البوست الأصلي إنه قد تم الاستيلاء على موضوع يخص د. سجيمان بواسطة إحدى الزميلات هنا (وأصر على عدم ذكر الأسماء) وكنت أنا أول ما تصدى لها حيث كنت قد قرأت الموضوع (مراحل حياة المغترب . القردية الخ ..) في أحد الصحف السودانية منذ أمد بعيد بقلم د. عادل .. وعندما أصرت الزميلة الكريمة على ملكيتها للموضوع تصدى لها الزملاء وأذكر من ضمنهم الأخ ( اساسي الأساسي) وأتي لها بالروابط الداله على ملكية سجيمان للموضوع .. وانتهى الأمر عنذ ذلك ...

ودائماً أقول الحق أحق بأن يتبع ...

Quote: وانا بكل صراحة لا اقراء للفاتح الا لماما لانو اراه يمتلك ملكة سخرية متواضعة لا تثير اهتمامي !!.(افراء لبروفسير محمد عبد الله الريح واعتبره استاذي في هذا المجال وتعلمت منه الكتبر)..



يا د. عادل أن تقرأ للأستاذ جبرا أولا تقرأ فهذا لن يزيد كثيراً أو يقلل من قيمته ككاتب ساخر جداً له باع طويل في هذا المجال وقد سبق الكثيرين من حيث الجودة والتفرد واحترام الذات والآخرين .. ولك مطلق الخيار في أن تتعلم ممن تريد وتنتقي من تقرأ كل كتاباتهم .. ولكني أكاد أجزم بأنه ليس لك الحق أبداً في التقليل من موهبة كاتب كبير كالأستاذ / جبرا قد أجمع الكل على أستاذيته في مجال الكتابة الساخرة ... وهو لا يحتاج أصلاً لشهادتك حتى يثبت موهبته الفذه وإبداعه الذي لا يضاهى ...

وأخيراً أتمنى أن نتروى قليلاً قبل إطلاق الأحكام .. وننظر في الدلائل والبراهين الدالة على كل ذي حق ...


ولكم جميعاً خالص احترامي وتقديري ؛؛؛

Post: #59
Title: Re: ما بين سجيمان و جبرا : وجهة نظر !
Author: سجيمان
Date: 07-29-2010, 10:07 AM
Parent: #56




قردك عينو عسلية ....ماشاء الله.. زي عيون السيد/ قرد ندى القلعة( خليك شاهد انا قلت السيد...عشان ما بيقولو بذئ) ....ربنا يغتي عليهو... ما تحوم بو طواااااالي كدي.... بيسحروهو ....ياعاجبلك ناس البوردي ديل عيونهم حااااارة

Post: #61
Title: Re: ما بين سجيمان و جبرا : وجهة نظر !
Author: سجيمان
Date: 07-29-2010, 02:13 PM
Parent: #39





مع تحيات
بُرة.. العُرة



Post: #62
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 05:17 PM
Parent: #61

Quote: والله الا تجيب الكوتات
هههههههههههههههه
سئيلي الله يا بيجو قريت فيما معناه إنو سجيمان كتاباتو ت اف ه ه و بتخدم خط الأنقاذ عكس كتابات جبرا الناقده لخط الأنقاذ ، لكن وين و في ياتو بوست والله ما عارف .

Post: #63
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 05:50 PM
Parent: #62

إدريس يا حبيبنا سلامات ياخي و شكرا علي اعترافك بفضلنا الأدبي و العلمي
Quote: د. أمين الرجل العميق والمفكر الذي لا يشق له غبار .. والذي يفخر (حمور) بإنك خاله ويباهي بذلك الثريا ... تحية طيبة أيها المفكر الذي أرى أنه سبق زمانه بفراسخ من العلم والتفرد ..

أرجو يا دكتور أمين في البداية ألا تتسرع في إصدار الأحكام في هذه القضية الشائكه .. ولكني أرى أن الموضوع مشاع لحكاوي شعبية قد تناولها كل كاتب بإسلوبه الخاص ...
أنا ما اتسرعت يا إدريس ، أنا قريت القصتين لكل من الكاتبين و جبت وجه الشبه بيناتهم و قلت حتي لو الطرفتين شائعتين طريقة السرد و مبني القصه و حتي بعض الأسماء فيها متطابقه و عليك الله راجع كلام محسن خالد في الحته دي لانو كلام زول متخصص ما رجرجه زينا :
Quote: هاتان القصَّتان مؤلَّفتان تأليفاً بعيداً عن فكرتيهما كنكات أو غيره. ومن كتبهما أولاً هو صاحبهما عادل، لا يجوز لجبرا أخذهما بالصياغة التي صاغهما بهما عادل، هذا لو افترضنا أنَّهما نكات. جبرا أخذ الاستريكشر والمعمار القصصي الذي شيدهما فيه عادل، فدعونا بالله عليكم من مسألة نكات الميتة هذه! فالقصتان مأخوذتان بضبانتهما، ففي أي شيء تفيد حجة أنهما نكات، هل تقاطع عادل وجبرا في روايتهما كتابةً بالضبانة، بالنأمة!؟
يا إدريس ، أوضحت أكتر من مره إنو مافي شي شخصي ضد أستاذ جبره و جبت معطيات الكلام ده : ببساطه شديده : النشر أول كتب القصه و التاني نحلها منو : حتي ألان د. سجيمان هو من أثبت نشره أولا : اليوم اللي أستاذ جبره بيثبت العكس بنقبل علي سجيمان !!
Quote: ولكني أكاد أجزم بأنه ليس لك الحق أبداً في التقليل من موهبة كاتب كبير كالأستاذ / جبرا قد أجمع الكل على أستاذيته في مجال الكتابة الساخرة ... وهو لا يحتاج أصلاً لشهادتك حتى يثبت موهبته الفذه وإبداعه الذي لا يضاهى ...
أستاذية جبره و تفردو ليست محل شك بالنسبه لي : لكن سجيمان و غيرهم لهم حق النقد مثلما لجبرا و غيره حق نقد سجيمان .

Post: #64
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 05:59 PM
Parent: #63

Quote: قردك عينو عسلية ....ماشاء الله.. زي عيون السيد/ قرد ندى القلعة( خليك شاهد انا قلت السيد...عشان ما بيقولو بذئ) ....ربنا يغتي عليهو... ما تحوم بو طواااااالي كدي.... بيسحروهو ....ياعاجبلك ناس البوردي ديل عيونهم حااااارة
يا دوك ، بالله قردي ده ما تشاغلو :
قرد صلعه و عيونو عسليه و كل حاجه فيهو قصه براها ، بعدين ياخي قردي ده مقارنة بالسيد قرد السيده ندي القلعه توم كروز بس !!

Post: #65
Title: Re: ما بين سجيمان و جبرا : وجهة نظر !
Author: الصادق اسماعيل
Date: 07-29-2010, 06:01 PM
Parent: #63

Quote: ما بقدر أمنع زول يا صادق إنو يفتكر العايزو و يكتب العايزو ، أنا قلت وجهة نظر و دللت عليها و مستعد مناقشتها مع أي كان .


وجهة نظرك وصلت تب وبناءاً على معطياتك، وزي ما قلت ليك إنو عندي صديق نبهني إنو سرقة الأفكار والصياغة تعتبر أيضاً نوع من السرقات، لذلك قلت أن على سيجيمان أن يذهب للقضاء لحفظ حقه مع مواصلة الموضوع إسفيرياً، وتُشكر يا بروف على التوضيح.



ملحوظة:
خطاب التعيين عملتو لينا فيهو شنو

Post: #71
Title: Re: ما بين سجيمان و جبرا : وجهة نظر !
Author: سجيمان
Date: 07-30-2010, 01:00 PM
Parent: #61


السادة
متابعي قضية عواطف التي اتحننت سنة 2003
والراجل الترطيبة الذي مات سنة 2006
والجاي ما معروف سنة كم؟

افيدكم انه وفي جلسة مغلقة انا والكديسة نشاورنا وقلنا النضم دا ما نخليهو لحدي اخر فار...
ووضعنا خطة عشرية معاكم لي عن 2020.....
دا ان الموت خلانا.... كمان ان ما خلانا يبقى موت فارغ ساكت وما عندو شغلة... يسوي بينا انا وكديستي شنو؟ بلا شيل حال ساكت وشناة سمعة ليهو.... سجيمان مات ...سجيمان مات ..والكدبسة ماتت... والكدبسة ماتت!
(ثم يلتفت الي الكدبسة مستشيرا اياها)

اها..... شن فولك يا بُرة؟

Post: #77
Title: Re: ما بين سجيمان و جبرا : وجهة نظر !
Author: سجيمان
Date: 08-01-2010, 02:53 PM
Parent: #61





مع تحيات بُرة
العُرة


Post: #67
Title: Re: ما بين سجيمان و جبرا : وجهة نظر !
Author: سجيمان
Date: 07-29-2010, 07:09 PM
Parent: #6



Quote: مرضان بسوي لي ميِّت؟

ثم طيرت الكديسة عيونا مهجومة... ثم غتت وشيها بايديها الاتنين وقالت وهي مدنقرة"انت يا يابا تتجازا..و... يحموك الاجازة"!!!!

Post: #68
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-29-2010, 07:41 PM
Parent: #67

شكرا يا صادق علي حسن التفهم
Quote: ملحوظة:
خطاب التعيين عملتو لينا فيهو شنو
ياخي شايفك ليك يومين ما شغال ، قلنا ناجلو شويه .

Post: #69
Title: Re: ما بين سجيمان و جبرا : وجهة نظر !
Author: abubakr salih
Date: 07-29-2010, 10:08 PM
Parent: #68

Quote: فده تسطيح ما بعدو تسطيح أربا بكم منه


غايتو انتا بعد ما أعلنت الحصول على الدكتوراة بقيت ما متقدّر قُدر شديده. حتى الاديب حمّور الذى قدمك للجمهور فى هذا المكان كسحته بفراسخ عديدة
بالمناسبة دى وين الراجل ده؟. شكلو جاتوا نفســيات بعد ان سحبت البساط، النجومية و الجكس من حوله. بالله بلّغه تضامنى و سلامى و التحية.

Post: #72
Title: Re: ما بين سجيمان و جبرا : وجهة نظر !
Author: أمين محمد سليمان
Date: 07-30-2010, 07:43 PM
Parent: #69

يا بكري الذي في العلوم
Quote: غايتو انتا بعد ما أعلنت الحصول على الدكتوراة بقيت ما متقدّر قُدر شديده. حتى الاديب حمّور الذى قدمك للجمهور فى هذا المكان كسحته بفراسخ عديدة
بالمناسبة دى وين الراجل ده؟. شكلو جاتوا نفســيات بعد ان سحبت البساط، النجومية و الجكس من حوله. بالله بلّغه تضامنى و سلامى و التحية.
الشهاده لله أخوك قادر و متقدر بحول الله قبل الدكتوراه !
بالنسبه لحمور ، فالزول ده شانه شان كل جرذان الأدب و فئران الثقافه ، لا يقوي علي الصمود في ساحات الفكر في وجه من يري بنور الله من أمثالنا !!
حمور يا بكري لا مكان له معنا نحن الذين غسل الله قلوبنا ببصيرة من عنده و أنار دروبنا بنور الفكر و الأدب !!!

Post: #73
Title: Re: ما بين سجيمان و جبرا : وجهة نظر !
Author: سجيمان
Date: 07-31-2010, 11:01 AM
Parent: #72


Post: #74
Title: Re: ما بين سجيمان و جبرا : وجهة نظر !
Author: سجيمان
Date: 07-31-2010, 11:31 AM
Parent: #72



Quote: كل جرذان الأدب و فئران الثقافه

ما لهم....الا..... بُرة

Post: #75
Title: Re: ما بين سجيمان و جبرا : وجهة نظر !
Author: فدياس نجم الدين
Date: 08-01-2010, 09:10 AM
Parent: #74

Quote: كتب نصر الدين بشير

Quote: الأخ العزيز دكتور عادل (سجيمان)
تحية طيبة وبعد،،

تابعت في هذا المنبر بعض البوستات الأخيرة التي تناولت زعم سرقة الأستاذ الفاتح جبرا لموضوع (حنة عوضية)، وقرأت رد الأستاذ جبرا على أن هذه الحكاية كانت منتشرة بين المغتربين وتناولها هو ونشرها في تاريخ سابق، وأنا شخصياً لا أشك في كلامه أبداً مع أنني لا أعرفه شخصياً ، حيث إن القصة عبارة عن طرفة أو تنميط لسلوك بعض الرجال السودانيين الذين يخافون ويموتون في حب زوجاتهم، فلا أنت ولا الفاتح جبرا هو أول من تناول ذلك، لكن أغلب ما كتب وصور لم يجد حظه من النشر لأسباب كثيرة منها عدم وجود جهة تنشر ذلك، ولعدم توفر المواقع الالكترونية في ذلك الوقت، وليس قصة حنة عواطف وحدها التي اشترك الكثيرون في تناولها، كلٌ بأسلوبه ولغته وتفاصيله وطريقة إخراجه، وكنت أتمنى أن تكون منصفاً وتكون أول المدافعين عن الفاتح جبرا، فأنتما الاثنان وغيركما لستم تجار سيخ وأسمنت تتنافسون على السوق، ويحاول كل منكم أن يستفرد بالسوق لوحده، بل أنتم كتاب أهدافكم مختلفة لكن وسيلتكم واحدة هي الكتابة، لكن للأسف ظهرت في الموقع بعد اختفاء طويل ربما كان بسبب الهجوم الذي ظللت تتعرض له من بعض الزملاء الذين يرون في كتاباتك إسفافاً وتلميحاتٍ جنسية غير كريمة وعنصرية وشخصنة للأمور، ظهرت للناس كبطل ينتظر التتويج على بطولة لم يخضها وبالتالي لم يحصل عليها، ثم استمرأت عملية فرية سرقة الفاتح جبرا الغير مثبتة فرجعت بهذا البوست الذي تتهم فيه الفاتح جبرا بالسرقة، وأنا استغرب لماذا الاتهام للفاتح جبرا وحده دون غيره، مع أن الكتاب الساخرين منتشرون في صفحات الجرائد والمواقع الالكترونية؟
مرجعيتك أنت في كتاباتك إما رد واستهزاء ######رية من غيرك من عباد الله أو هي الطرف والنكات والمواقف الشعبية التي تحدث كل يوم وتنقلها أنت وأنا وغيرنا، وادعاؤك ملكيتها أشبه بإدعاء إنسان ملكية الهواء..
وتمنيت ألا ينسحب الفاتح جبرا من المعركة لكن ربما تكون له ظروفه ودوافعه في الانسحاب، وليس من بينها (حسب وجهة نظري الشخصية) أنه أقر بالهزيمة أو بسرقته للموضوع سالف الذكر..
يا سجيمان لا أعتقد أن هناك منافسة أو مقارنة بين ما تكتب أنت وما يكتب الفاتح جبرا، هذه وجهة نظرية شخصية، فالفاتح جبرا كاتب كبير وصاحب أسلوب مميز ولغة أخاذة ساحرة وساخرة، ويميل للوصف الجميل المعبر، بالإضافة إلى أنه اختط لنفسه خطاً معيناً للكتابة وهو تناوله بالنقد الساخر للظلم والغبن الذي يتعرض له المواطن السوداني البسيط وتناول تراجيديا تفاصيل حياته اليومية، وهو صحفي ابتدأ الكتابة قبلك في الصحف وصاحب رصيد غني من المواضيع المختلفة التي كتبها والتي تساوي عشرات أضعاف ما كتبته أنت، مع اختلاف الكيف كذلك، وهو عندي غير متهم على الإطلاق، وهو لا يحتاج إلى أن يسرق من سجيمان، لأن ما تكتبه أنت في وادٍ وما يكتبه هو في وادٍ آخر..
الكتابة من أجل الكتابة فقط ربما أمر يرضي غرور الكاتب، لكن الكتابة من أجل توصيل غاية أو هدف أو درس أو إلقاء حجر في بركة ساكنة أو معالجة قضايا هي الكتابة المسئولة التي يفضلها الكثيرون، وهذا هو الفرق بين سجيمان وبين الفاتح جبرا.. أنت تكتب لإرضاء نفسك وقرائك، لكن ليس لديك هدف من كتاباتك، اللهم إلا التعريض بمن يخالفونك الرأي والسخرية منهم، إنت يا سجيمان كاتب تكتب لنفسك وتشخصن كتاباتك في كثير من الأحيان، وتستخدم الهمز واللمز للنيل من خصومك ـ وما بوست بيان لجماهير الشعب السوداني بخصوص الكديسة والقابع في هذه الصفحة عنا وعنك ببعيد ـ وقد تأذى منك هنا الكثير من الزملاء والزميلات .. أنت كاتب يفتقد لبوصلة الكتابة.. يا سجيمان ليس عندك ما يسرق، صدقني، مع احترامي لما تكتب، هذا رأي خاص عن ما تكتب وما يكتب جبرا، فأرجو ألا تصنع لنفسك بطولات زائفة ومعارك في غير معترك.. ما تكتبه يا سيجمان لا ينفع مع جبرا، ففصيلة دم كتاباتكما مختلفان..
أرجو أن تتجاوز محطة الفاتح جبرا وتترك الدوران في حلقة مغلقة وتتجه للكتابة المفيدة حتى تقنع الجميع هنا بأنك كاتب يستحق أن تسرق مواضيعه، أما مواضيع الكدايس والفئران والحمير هذه، فهي لا تستحق القراءة ناهيك عن السرقة..
اصحى من أوهامك يا سجيمان..

Post: #76
Title: Re: ما بين سجيمان و جبرا : وجهة نظر !
Author: سجيمان
Date: 08-01-2010, 10:38 AM
Parent: #75


Post: #79
Title: Re: ما بين سجيمان و جبرا : وجهة نظر !
Author: سجيمان
Date: 08-02-2010, 07:49 AM
Parent: #1





مع تحيات بُرة
العُرة


Post: #80
Title: Re: ما بين سجيمان و جبرا : وجهة نظر !
Author: سجيمان
Date: 08-02-2010, 08:35 PM
Parent: #79




مسعولين من الخير..

جمعة.. خبرو شنو.؟... القالو عندو الارشيف بتاع جريدة الخرتوم..... والقال شيخ الفاتح انو ماشي يجيب ليهو العدد.. الكتب فيهو (حنة عواطف).. سنة 97.... من قاهرة سجيمان

اما بيت البكا.... داك.. شيخ الفاتح اخير لو في طناشو.....


مع تحيات

بُرة

العُرة

Post: #81
Title: Re: ما بين سجيمان و جبرا : وجهة نظر !
Author: Hafiz Bashir
Date: 08-03-2010, 01:01 AM
Parent: #80








Post: #82
Title: Re: ما بين سجيمان و جبرا : وجهة نظر !
Author: سجيمان
Date: 08-03-2010, 03:19 PM
Parent: #81




مسعولين من الخير..

جمعة.. خبرو شنو.؟... القالو عندو الارشيف بتاع جريدة الخرتوم..... والقال شيخ الفاتح انو ماشي يجيب ليهو العدد.. الكتب فيهو (حنة عواطف).. سنة 97.... من قاهرة سجيمان

اما بيت البكا.... داك.. شيخ الفاتح اخير لو في طناشو.....


مع تحيات

بُرة

العُرة

Post: #83
Title: Re: ما بين سجيمان و جبرا : وجهة نظر !
Author: سجيمان
Date: 08-04-2010, 08:28 AM
Parent: #82




شكرا معروف...... وربنا يكتر من ناس الخير الزيك

Quote: وفي النهاية مشيت مركز الدراسات السودانية بشارع "معروف" وووجدت ضالتي بكل سهولة!


واهو يا شيخ الفاتح .. معروف لقى ليك حل يلا... دربك عديل علي شارع معروف... او لو بتعرف زول هناك وصيهو يمشي يكوس ليك العدد...وبرضو حقو توصيهو يشوف ليك العدد بتاع حنان سكليب...عشان تبقى سُترة و صُلحة.... والله ولي التوفيق!!!


مع تحيات
بُرة
العُرة

Post: #84
Title: Re: ما بين سجيمان و جبرا : وجهة نظر !
Author: فدياس نجم الدين
Date: 08-04-2010, 08:43 AM
Parent: #83

حقيقه إستغرب من رفع هذا البوست بالتحديد في هذا التوقيت

إنت مش في أكتر من بوست فاتح في الموضوع ده


بالجد ........ سجيمان

Post: #85
Title: Re: ما بين سجيمان و جبرا : وجهة نظر !
Author: عبدالفتاح أبوشيمة
Date: 08-04-2010, 01:00 PM
Parent: #84

Quote: بالجد ........ سجيمان



أها أها

ياخي ما قلنا ابتسم



[B]--

لك التحية يا راعي البوست الهمام


معليش اسمح لي داير أهظر وأونس صاحبي دا شوية




بندق الطار لي كل محتاج
من ظلم الناس بيقول ستّار
لو كنت تظن أن كل ما يكتبه كدّاس الدار
ياهو المختار
تكون داقس في متاهة الفار
ولو رب الدار بالدف سيّار
كمان حوار شايلين مسدار
لو قال لك روح خش جوة الغار
تركب لي دربك من دون هظار
والهظار بيجيب كجار
واللوعة خربشة الحوار
.



تعرف يا فدياس هو ما سجيمان
نحن ديل!
السجمانين
وين تكون إت يا سجيمان
نحن بقينا سجمانين ورمدانين
وحلنا كمان في طين الطين
بقينا شماتة لعدوّين
ولي عيشتنا ما فارزين
أسوم كفرانة بالجنبين
يا راعي الصنم دورين

Post: #87
Title: Re: ما بين سجيمان و جبرا : وجهة نظر !
Author: سجيمان
Date: 08-07-2010, 05:23 PM
Parent: #84





جاااااااااااااتك................!!!

Post: #88
Title: Re: ما بين سجيمان و جبرا : وجهة نظر !
Author: سجيمان
Date: 09-10-2010, 02:18 PM
Parent: #87



كل عام وانتم بخير
مع تحيات
برة...
العرة

Post: #89
Title: Re: ما بين سجيمان و جبرا : وجهة نظر !
Author: سجيمان
Date: 09-28-2010, 12:47 PM
Parent: #88


معقولة يا بكري

تسحيب بوستي ( تاااااااااااااااني يا الفاتح جبرا... سرقة ادبية جديدة ؟؟؟)
تسحبو ليه سوى بك شنو؟؟؟؟