إعترافات أصلع : بلا تيسير عووضه بلا طحنيه !!!!

Post: #1
Title: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 07:21 PM
Parent: #0

توطئه و توضيح :
( بلا تيسير عووضه بلا طحنيه ) الفي العنوان ما ملفوحه و لا عندها علاقه ب ( بلا تيسير عووضه بلا طحنيه ) الكتبتها داليا مرة تمبس في بوست خليل : أي تشابه بين الجملتين لا يوجد إلا في خيالكم المريض !!!

Post: #2
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 07:24 PM
Parent: #1

رمقني محمود الحلاق بنظره حانيه ، و بصوت خفيض تمتم قائلا :
- يا زول إنت أحسن تاني تسرح لقدام !!
- أسرح لقدام ليه ؟
- عشان تغتي الصلعه دي !!
نزلت هذه الكلمات علي كسورة الزلزله : لسبب ما ، كنت أظن الا أحد سواي يري صلعتي !!
عرفت من محمود الحلاق إنو سر ( الصلعه ) ما بندسه !!!

Post: #3
Title: Re: إعترافات أصلع : بلا تيسير عووضه بلا طحنيه !!!!
Author: Balla Musa
Date: 07-16-2010, 07:27 PM
Parent: #2

أمين إزيك

الفايق يمشط صلعتو

Post: #4
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 07:27 PM
Parent: #2

لم تشكل صلعتي أي عائق في حياتي العاطفيه , لم تمنعني (مِراحي) لكني كنت دائما مطالبا بمجهود مضاعف حيث تلعب الصلعه في الاتجاه المعاكس لما يحب (الجكس ) و يرضي !!
كان لزاما علي أن أكون ( عميقا ) (ظريفا ) (لطيفا ) حتي أكون مع (الفالحين ) في بنشات المين !!
لم أشعر باي نقص من جراء صلعتي لا في الجامعه لا قبلها لا بعدها إلا حينما فتحت المدعوه تيسير عووضه بوستها التعيس :
مُشـاط الرجال ..

Post: #5
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 07:31 PM
Parent: #4

فتحت تيسير بوستها التعيس هذا حيث انعدمت اللباقه و اللياقه و جئ بالرجال ممشطي رؤسهم بلا أدني مراعاة لمشاعر رجال ما حملت أياديهم مشطا منذ الاف السنين !!! لم تراعي تيسير إن بالمنبر و خارجه رجال ماتت فيهم الخلايا المنبته لشعر الراس لكن خلايا الأحساس فيهم لم تمت !!

Post: #6
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 07:36 PM
Parent: #5

تجاوزنا عن الرد رغم فداحة الخطب و مشي بوستها التعيس أسفل سافلين !!!
فلمصلحة من تفتح البوستات تمجيدا لمن اسائنا و تقريظا لمن بصق علي صلعاتنا ؟!!

Post: #7
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 07:40 PM
Parent: #6

التحيه لكل الصلع في المنبر و المنابر المجاوره ، التحيه لقمرنا المنير بوبا ، لمولانا محمد المرتضي ، لطارق جبريل .
التحيه لطارق الأمين ، لحمور لكل الرجال من غير حاملي الخلايا المنبته لشعر الراس ، التحيه لكل من عرفنا أو سمعنا بصلعته و كل من لم نعرف أو نسمع بها .
التحيه لبكري ابوبكر و صلعته الشريفه قدس الله سرها !!!

Post: #8
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 07:44 PM
Parent: #7

و الخزي و العار لتيسير عووضه و كل من شارك في بوستها التعيس !!
الخزي و العار لمن يفتحون و يشاركون في بوستات تدبج فيها المقالات إعجابا و إطراء في تيسير عووضه !!!
الخزي و العار لكل من ميز ضدنا - نحن صلع الله في أرضه - فلا راعي مشاعرنا و لا رحم احساسنا !!
و الخزي و العار لاماني الأمين و لاميره الشيخ ساي كده بس !!!

Post: #10
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 07:48 PM
Parent: #8

يا دوك يا حبيبنا ، لعلك سعيد ياخي ؟
Quote: أمين إزيك

الفايق يمشط صلعتو

ياخي هو نحن لو ما فايقين بنجي نكتب هنا ؟
نسيت أذكرك مع قائمة الشرف الفوق دي : التحيه ليك و لصلعتك الظافره أبدا باذن الله !!!!

Post: #12
Title: Re: إعترافات أصلع : بلا تيسير عووضه بلا طحنيه !!!!
Author: Amany Elamin
Date: 07-16-2010, 08:08 PM
Parent: #8

Quote:
فوائد الصلع

1- تعتبر الصلعة بمثابة مراية وعاكسة لأشعة الشمس

2- الأصلع إذا أنضرب في رأسه ما يحتاج يحلقو له عشان الخياطة, على طول يخيطوا رأسه يعني فيها راحة للدكاترة

3- الأصلع شخص يسهل تمييزه مهما كان المكان مزدحما.

4- تتحرر ميزانيته من مصروفات الحلاقة والشامبو والكريمات والمشط وغيرها

5- إذا تورط في جريمة فمن الصعب أن يترك »شعرة«في مكان الحادث تسهل وصول الشرطة إليه.

6- يبدو مغريا وجذابا للأطفال ويصادقهم بسهولة.

7- لن تستطيع العواصف ولا الرياح الهائجة أن تفسد تسريحة شعره!

8- تثق فيه زوجته أو حبيبته أكثر من منطلق انه لا توجد امرأة تسرق رجلا أصلع من امرأة أخرى.

9- إذا تورط في مشاجرة فلن يجذبه احد من شعره.

10- لو كان ممثلا فسيحصل علي ادوار مهمة مثل وزير، رجل أعمال، مجرم دولي، رئيس مجلس إدارة شركة.

Post: #9
Title: Re: إعترافات أصلع : بلا تيسير عووضه بلا طحنيه !!!!
Author: انور التكينة
Date: 07-16-2010, 07:48 PM
Parent: #7

Quote: التحيه لكل من عرفنا أو سمعنا بصلعته و كل من لم نعرف أو نسمع بها .

تسلم يا حبيب

Post: #11
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 07:51 PM
Parent: #9

التكينه يا حبيبنا ، التحيه ليك والله أصلعا أجلحا و نحن ذاتو الرجال العندهم شعر في رسينهم ديل ما معترفين بيهم !!!!

Post: #13
Title: Re: إعترافات أصلع : بلا تيسير عووضه بلا طحنيه !!!!
Author: حذيفه ابراهيم الكباشي
Date: 07-16-2010, 08:17 PM
Parent: #11

اميـــن يا خــال مشتاقون يارجل

انتا زمنك فات (وحلاقك ) مــات

..

Post: #16
Title: Re: إعترافات أصلع : بلا تيسير عووضه بلا طحنيه !!!!
Author: Amany Elamin
Date: 07-16-2010, 08:29 PM
Parent: #13

Post: #17
Title: Re: إعترافات أصلع : بلا تيسير عووضه بلا طحنيه !!!!
Author: Mahir Mohammed Salih
Date: 07-16-2010, 08:32 PM
Parent: #13

يا أبو الصحب ،، نحن معكم فى نفس الزورق ،، وأتذكر نكتة لأحد أصحابى :

قال والله بقيت تغسل وشك من نص راسك ،، ولم أجد أبلغ من هذا فى وصف الصلع

مع التحية لجميع من يغسلون وجوهم من نصف رأسهم ،، والإدانة التامة لتيسير إذا تفوهت شيئاَ ضد ذلك .

المتصلع الأممى ماهر بن محمد بن صالح

Post: #14
Title: Re: إعترافات أصلع : بلا تيسير عووضه بلا طحنيه !!!!
Author: تيسير عووضة
Date: 07-16-2010, 08:20 PM
Parent: #11

هدية بسيطة أتمنى أن تقبلوها مني عساها تعبر عن بالغ أسفي لما أصابكم جراء ذلك البوست غير الموفق ..

Post: #15
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 08:27 PM
Parent: #14

أنا ماشي صلاة الجمعه و لن أكف عن الدعاء :
اللهم يا مجيب الدعوات ، أسالك لاماني الأمين و تيسير عووضه : عرسانا صلعا (ما جلحات ) !!!

Post: #18
Title: Re: إعترافات أصلع : بلا تيسير عووضه بلا طحنيه !!!!
Author: عمر التوم
Date: 07-16-2010, 08:48 PM
Parent: #15

لقد ساءنا ما أصاب (مشاعركم) جراء هذه الهجمة الشرسة

قف
ندعوكم لتبني
حركة من أجل الصلعة للتغيير الديموقراطي

للوقوف سدا منيعا امام كل المحاولات البائسة لتشويه جماليات المرحلة
--------------
التوقيع
متعاطف

Post: #19
Title: Re: إعترافات أصلع : بلا تيسير عووضه بلا طحنيه !!!!
Author: osman righeem
Date: 07-16-2010, 09:00 PM
Parent: #18

احسن حكمة سمعتها عن المصلعين البوردابي الذي احتج علي

طارق جبريل قال مفروض زول يكون عنده صلعة وجيهة زي صلعة طارق حبريل

ما يكون مريخابي

Post: #20
Title: Re: إعترافات أصلع : بلا تيسير عووضه بلا طحنيه !!!!
Author: منتصرمحمد زكى
Date: 07-16-2010, 09:03 PM
Parent: #18

رجال ما حملت أياديهم مشطا منذ آلآف السنين !!!!!

Post: #21
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 09:23 PM
Parent: #20

حذيفه يا حبيبنا سلامات يا راجل و عساك طيب !!
Quote: انتا زمنك فات (وحلاقك ) مــات
الغريبه ما مات يا حزيفه !!
جيتي السودان السنه الفاتت مشيت ليه زياره - طبعا ما ممكن كنت أكون ماشي أحلق - سلمت عليه و رجعت البيت مكسور الخاطر !!!

Post: #22
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 09:27 PM
Parent: #21

ماهر يا حبيبنا
Quote: يا أبو الصحب ،، نحن معكم فى نفس الزورق ،، وأتذكر نكتة لأحد أصحابى :

قال والله بقيت تغسل وشك من نص راسك ،، ولم أجد أبلغ من هذا فى وصف الصلع

مع التحية لجميع من يغسلون وجوهم من نصف رأسهم ،، والإدانة التامة لتيسير إذا تفوهت شيئاَ ضد ذلك .

المتصلع الأممى ماهر بن محمد بن صالح
إن شاء الله يكون عندك صلعه صلعه ، حاجه كده بتاعت رجال ما جلحات و الكلام الني ده !!!
كمان لو ساعدتنا بصوره عشان نلحقها أسبوع (صلعه و بفتخر !!! ) تكون ما قصرت والله !!!!

Post: #23
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 09:33 PM
Parent: #22

عمر التوم يا متعاطف !!
Quote: لقد ساءنا ما أصاب (مشاعركم) جراء هذه الهجمة الشرسة

والله نحن مشاعرنا دي ما عارفين ذاتو نسوي ليها شنو ، الهجمات كترت عليها : لكن الله في !!

------------
شايف اميره رخت أصحابك التلاته مره واحده !!
زي ما بقول وهبه : تاني تجو ؟!!

Post: #24
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 09:43 PM
Parent: #23

رغيم الأب
Quote: احسن حكمة سمعتها عن المصلعين البوردابي الذي احتج علي

طارق جبريل قال مفروض زول يكون عنده صلعة وجيهة زي صلعة طارق حبريل

ما يكون مريخابي
صلعة طارق جبريل عميقه و وضيئه و سئيلي الله شفت ليه صوره هنا جاني إحساس إنو الزول ده اتولد بيها !!

--------------
صلعة طارق يا رغيم اخترناها شعار للجمعيه بالاجماع السكوتي !!

Post: #25
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 09:47 PM
Parent: #24

منتصر يا حبيبنا
Quote: رجال ما حملت أياديهم مشطا منذ آلآف السنين !!!!!
يا أخوي إنت شكلك ما معانا ، ما تتلصق فينا ساي !

Post: #26
Title: Re: إعترافات أصلع : بلا تيسير عووضه بلا طحنيه !!!!
Author: عثمان محمد كرار
Date: 07-16-2010, 09:48 PM
Parent: #21

لابد من تكوين إتحاد اصحاب الصلع والجلحات الصغيره

Post: #27
Title: Re: إعترافات أصلع : بلا تيسير عووضه بلا طحنيه !!!!
Author: نصرالدين صلاح
Date: 07-16-2010, 09:57 PM
Parent: #26

يكفيك يا خال

انو صلعتك دي صلعة دكاترة عديييييل

Post: #28
Title: Re: إعترافات أصلع : بلا تيسير عووضه بلا طحنيه !!!!
Author: مرتضى احمد عبد القادر
Date: 07-16-2010, 10:03 PM
Parent: #27

Quote: كان لزاما علي أن أكون ( عميقا ) (ظريفا ) (لطيفا ) حتي أكون مع (الفالحين ) في بنشات المين !!
لم أشعر باي نقص من جراء صلعتي لا في الجامعه لا قبلها لا بعدها إلا حينما فتحت المدعوه تيسير عووضه بوستها التعيس :

أنت يا عمك مصلع من قبل ما تخش الجامعه !!!

تبش تبش عجور الصلعه تولع نور

Post: #29
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 10:09 PM
Parent: #27

عثمان يا حبيبنا
Quote: لابد من تكوين إتحاد اصحاب الصلع والجلحات الصغيره
نحن دايرين الرجال أبان صلعات عديييل ، النوع الما بتشوف بدايتها بقدام !!! ناس الجلحات ما معانا بالله : ديل ناس مذبذبين و موقفهم ما واضح !!!

Post: #30
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 10:15 PM
Parent: #29

نصر يا حبيبنا
Quote: يكفيك يا خال

انو صلعتك دي صلعة دكاترة عديييييل
صلعتي دي جزء من عدة الشغل لو لم توجد لاخترعتها !!!

Post: #31
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 10:18 PM
Parent: #30

أول حاجه حمدالله علي السلامه يا لابورتا : الليله شايف منزلنك ابدر من كل يوم
Quote: أنت يا عمك مصلع من قبل ما تخش الجامعه !!!
ياخي أقول ليك طارق جبريل مولود بيها عديييل ، تقول لي الجامعه ؟!!

Post: #32
Title: Re: إعترافات أصلع : بلا تيسير عووضه بلا طحنيه !!!!
Author: عمر التوم
Date: 07-16-2010, 10:43 PM
Parent: #31

Quote: أول حاجه حمدالله علي السلامه يا لابورتا

ده حالتك لمحت تلميح بس يادكتور

----------------------------------------
غايتو سرها باتع

Post: #33
Title: Re: إعترافات أصلع : بلا تيسير عووضه بلا طحنيه !!!!
Author: اميمة مصطفى سند
Date: 07-16-2010, 10:44 PM
Parent: #31

يا ريت لو الصٌُُلع كلهم زيك يا دكتور

كان الدنيا إتعدل حالها...

Post: #34
Title: Re: إعترافات أصلع : بلا تيسير عووضه بلا طحنيه !!!!
Author: العوض المسلمي
Date: 07-16-2010, 10:49 PM
Parent: #33

امين ولا يهمك يا عزيزي فقد قيل ان الصلعة دليل ذكاء خارق .. او كما قيل ..

Post: #35
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 10:55 PM
Parent: #34

Quote: ده حالتك لمحت تلميح بس يادكتور
و أنا معصور عليك يا ود التوم لانك بتفهمها و هي طايره : لابورتا لحدي هسي ما بكون عارف جابوه بدري كده ليه !!!
ياخي إنت والله بعماقتك دي مفروض تكون صلعه معانا ، قدر الله بس : طلعت متعاطف ساي !!!

Post: #36
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 11:03 PM
Parent: #35

اميمه يا ستهم
Quote: يا ريت لو الصٌُُلع كلهم زيك يا دكتور

كان الدنيا إتعدل حالها...
أخجلتي تواضعي حتي ظننت بان بعض الشعيرات قد نمت في صلعتي البهيه !!
لك الود يا عزيزتي شفيفا نضيفا كصلعتي البهيه !!

Post: #37
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 11:07 PM
Parent: #36

العوض يا حبيبنا: شكرا علي المواساه !!
Quote: امين ولا يهمك يا عزيزي فقد قيل ان الصلعة دليل ذكاء خارق .. او كما قيل ..
ما أظن كل الصلع أذكياء ، لكن بالتاكيد كلهم عميقين : ما ممكن نكون لا خلقه لا أخلاق !!!

Post: #39
Title: Re: إعترافات أصلع : بلا تيسير عووضه بلا طحنيه !!!!
Author: khaleel
Date: 07-16-2010, 11:12 PM
Parent: #37

وبرضو يا نوتة تقول المليجي عندو صلعة

Post: #40
Title: Re: إعترافات أصلع : بلا تيسير عووضه بلا طحنيه !!!!
Author: ياسر بيناوي
Date: 07-16-2010, 11:14 PM
Parent: #36

عاش كفاح الصلعة الناعمة

خالص الود

Post: #38
Title: Re: إعترافات أصلع : بلا تيسير عووضه بلا طحنيه !!!!
Author: اسماء الجنيد
Date: 07-16-2010, 11:12 PM
Parent: #35

Quote: أنا ماشي صلاة الجمعه و لن أكف عن الدعاء :
اللهم يا مجيب الدعوات ، أسالك لاماني الأمين و تيسير عووضه : عرسانا صلعا (ما جلحات ) !!!

الاخ امين اضحك الله سنك ياخ
اللهم لا شماتة يا اماني وتيسيسر لكن غايتو دعوة اخونا اين دي قطعت مصاريني بالضحك
وذكرتني نكتة يا امين يا خوي

والدي رحمه الله كان مدير مدرسة ودائما يحكي لنا عن نوادر تلاميذه فى المدرسة الابتدائية وفي الداخليات المره بها
مرة حكي لينا في احدي قري ضواحي مدينة القضارف
انه في الطابور المعلم المسؤل حايم فى الاولاد احلقوا شعركم والبجي مخنفس لي برجعوا البيت
ونسيت اقول ليك ابوي الله يرحمه صلعته نوع صلعة فى النص كبيرة لي نهاية الرأس والشعر كثيف وغزير بالجنبتين
اها زرزرة الشفع خلتهم كلهم تاني يوم يجو حالقين ما عدا واحد فى اولي ابتدائي كان شكلو غريب
جاري نص شعرو حالقو والباقي مكوم بالجنبات
اها المدرس جراهو ونهره قدام الاولاد والمعلمين فى الطابور .. يا واد انت بتحلق بالتقسيط ؟؟ مالك حالق نص ومخلي الباقي؟؟؟
قال ليهو لا يا استاذ بس انا داير اسرح زي عمي الناظر دة
طوالي عمو الناظر حلف انه الطفل البريء ممنوع من العقاب وكانت نكتة فى المدرسة والقرية
دحن يا بوي لا تيسير ولا اماني صلعتكم حبابا
وراها فهم وعلم وفكر
شكرا للبوست الظريف

Post: #41
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 11:26 PM
Parent: #38

Quote: وبرضو يا نوتة تقول المليجي عندو صلعة
يا خلي الصوره دي ما شكلها بالجد مش كده ؟ ياخي دي صلعه ولا بطن كراع ؟!!

Post: #43
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 11:30 PM
Parent: #41

بيناوي يا حبيبنا
Quote: عاش كفاح الصلعة الناعمة
شكرا علي الدعم و المؤازره يا ياسر لكن إنت متلبط فينا ساي !!!

Post: #47
Title: Re: إعترافات أصلع : بلا تيسير عووضه بلا طحنيه !!!!
Author: ياسر بيناوي
Date: 07-17-2010, 00:04 AM
Parent: #43

الخال امين
سلامات
Quote: شكرا علي الدعم و المؤازره يا ياسر لكن إنت متلبط فينا ساي !!!

اتلبط فيكم شنو يازول وانا شعري بقي علي المشاط
انا داعمكم بس عشان انتو اصحابي
انت وتارك اللمين (كمان اليومين ديل عامل ليهو شعر مستعار ... نظام المشتهي الحنيطير وكده )
وطار جبرين

اهاباقيلك كرتونة كرتونتين مابيحسمو الموضوع

خالص الود

Post: #42
Title: Re: إعترافات أصلع : بلا تيسير عووضه بلا طحنيه !!!!
Author: Tabaldina
Date: 07-16-2010, 11:27 PM
Parent: #38

..
.
Quote: لو كان ممثلا فسيحصل علي ادوار مهمة مثل وزير، رجل أعمال، مجرم دولي، رئيس مجلس إدارة شركة.

اكيد انت حتاخد دور المجرم الدولى .. :)

----------------

عموما حتى الاسبوع القادم لو ربنا ما حقق دعائك
اعمل نقابة الداعيين الصلع .. يمكن ..يمكن تقبل منكم ..

قولى امين يا مولانا ..

Post: #44
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 11:45 PM
Parent: #42

Quote: الاخ امين اضحك الله سنك ياخ
اللهم لا شماتة يا اماني وتيسيسر لكن غايتو دعوة اخونا اين دي قطعت مصاريني بالضحك
وذكرتني نكتة يا امين يا خوي

يا أسماء ، لو ربنا إستجاب لدعاي و تيسير ولا أماني عرسو ليهم واحد صلعه ، بجيب ود الصايم و نجيهم في الكوشه و في وش العريس نصرخ ليهم ( كاااااااااااااااك ) !!!!

Quote: ونسيت اقول ليك ابوي الله يرحمه صلعته نوع صلعة فى النص كبيرة لي نهاية الرأس والشعر كثيف وغزير بالجنبتين
من وصفك يا أسماء الوالد عليه رحمة الله كان عندو صلعه اسمها (الغتيته ) اللي هي بتبتدي من النص و بعد داك تنشر و دي من أسوأ الصلعات لا تفوقها في السوء إلا ( البلاطه ) و دي في المنبر مافي إلا عند طارق جبريل !!!
إن شاء الله حا أجيب الكلام ده كلو بالتفصيل و بصور توضيحيه عشان الناس تستفيد !!

Post: #45
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-16-2010, 11:52 PM
Parent: #44

تبلدينا اليتيم Quote: عموما حتى الاسبوع القادم لو ربنا ما حقق دعاء
اعمل نقابة الداعيين الصلع .. يمكن ..يمكن تقب منكم ..

قولى امين يا مولانا ..
يا أخوي أسبوع شنو ؟ ما تضيع وقتك ساي : أبدا نقابتك دي بليلك ده !!

Post: #46
Title: Re: إعترافات أصلع : بلا تيسير عووضه بلا طحنيه !!!!
Author: طارق الأمين
Date: 07-17-2010, 00:03 AM
Parent: #42

يا ناس الصلع

انتو فاهمننا غلط

نحن كاصحاب شعر ماحصل نظرنا ليكم كده

انتو المتحسسين

وحات شعري ماحصل نظرت ليكم نظره زي دي

عشان كده تستاهلو انو تجيكم صلعه في نص ام حله نافوخكم زاتو

خلوكم في صلعكم

وخلونا في شعرنا

بسسسس

دا شنو دا

Post: #48
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-17-2010, 00:11 AM
Parent: #46

طارق الأمين يا حبيبنا
Quote: يا ناس الصلع

انتو فاهمننا غلط

نحن كاصحاب شعر ماحصل نظرنا ليكم كده

انتو المتحسسين

وحات شعري ماحصل نظرت ليكم نظره زي دي

عشان كده تستاهلو انو تجيكم صلعه في نص ام حله نافوخكم زاتو

خلوكم في صلعكم

وخلونا في شعرنا

بسسسس

دا شنو دا
شايفك نكرتنا حطب !!
ياخي نحن كنا ديرين نديك رئاسة مجلس الأداره تطلع مستلب و كاره ذاتك ؟!!

-----------
عليك الله - تحت تحت كده - لمن أجي السودان شوف لي باروكه ، لكن كمان ما تكون ظاهره زي حقتك دي !!

Post: #49
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-17-2010, 00:17 AM
Parent: #48

Quote: اتلبط فيكم شنو يازول وانا شعري بقي علي المشاط
انا داعمكم بس عشان انتو اصحابي
انت وتارك اللمين (كمان اليومين ديل عامل ليهو شعر مستعار ... نظام المشتهي الحنيطير وكده )
وطار جبرين

اهاباقيلك كرتونة كرتونتين مابيحسمو الموضوع

و لانو نحن عارفين شعرك بقي علي المشاط ، قلنا ليك إنت متلبط فينا !!
بعدين كرتونه كرتونتين شنو ياخ ؟ نحن ريسينا دي أسهل تزرع فيها نخله مما تقِّوم فيها شعر !!!

Post: #50
Title: Re: إعترافات أصلع : بلا تيسير عووضه بلا طحنيه !!!!
Author: Abd Alla Elhabib
Date: 07-17-2010, 01:46 AM
Parent: #49

بروف أمـين .. سلامات
أحـد أصحابي يؤكـد أن للدخان .." دخان الطلـح"
مفعـول السحـر في إنبات الصـلعـة ..
صـديقنا الأصـلع سابقا صار يباهي بشعـره
ولكنه رفض بشـدة الحـديث عـن كيفية تدخين
الصلعـة ..
للفائدة العامـة وكـده :
أجيبو ليكم هنا تقنعـوهو ?!

Post: #51
Title: Re: إعترافات أصلع : بلا تيسير عووضه بلا طحنيه !!!!
Author: عبدالعزيز حسن على
Date: 07-17-2010, 02:19 AM
Parent: #48

Quote: ياخي نحن كنا ديرين نديك رئاسة مجلس الأداره تطلع مستلب و كاره ذاتك ؟!!

شكراً يا دكتور أمين لكن مستلب وكاره ذاتك قلبت فيها الهوبة عديل
بالمناسبة يمكن ان تضيف الى فوائد الصلع المذكورة اعلاه انك ممكن تقلب الهوبة وما بتجيك الحبة

تخريمة
هذه المساهمة للتضامن الانساني مع جمعية صلع بلا حدود
و
للتعبير عن اعجابى الشديد بالمواضيع التى تطرحها في هذا المنبر

عبدالعزيز حسن علي
متضامن الى الان لكن الظروف ما معروفة

Post: #52
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-17-2010, 03:16 AM
Parent: #51

ود الحبيب يا حبيبنا
Quote: بروف أمـين .. سلامات
أحـد أصحابي يؤكـد أن للدخان .." دخان الطلـح"
مفعـول السحـر في إنبات الصـلعـة ..
صـديقنا الأصـلع سابقا صار يباهي بشعـره
ولكنه رفض بشـدة الحـديث عـن كيفية تدخين
الصلعـة ..
للفائدة العامـة وكـده :
أجيبو ليكم هنا تقنعـوهو ?!
الله يرضي عليك ما تجيبو : ما ممكن تبقي علينا صلعه و عدم شددان حيل !!!

Post: #53
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-17-2010, 05:50 AM
Parent: #52

عبد العزيز يا حبيبنا
Quote: شكراً يا دكتور أمين لكن مستلب وكاره ذاتك قلبت فيها الهوبة عديل
دي مصطلحات سيدنا بشاشا قدس الله سره ، هسي كان جا بطلعنا نحن ذاتنا معلوفين بامباز غزاتنا !!!
Quote: هذه المساهمة للتضامن الانساني مع جمعية صلع بلا حدود
و
للتعبير عن اعجابى الشديد بالمواضيع التى تطرحها في هذا المنبر

عبدالعزيز حسن علي
متضامن الى الان لكن الظروف ما معروفة
ياخي شكرا علي المرور و التضامن اللي محتاجين له بشده .
من أهم أهداف (صلعاء بلا حدود ) إنو نعامل معاملة ذوي الأحتياجات الخاصه : نحن محتاجين دعم نفسي شديد : قصة انك ما يكون عندك شعر بقدام دي قصه صعبه جدا و بتديك إحساس إنو الناس ( م س ت وس خ ا ك ) و مافي زولك بحبك و لا بحترمك ، فدحن بالله أحمد الله علي شعرك ده و أسالو لينا يلزمنا الصبر !!!

Post: #54
Title: Re: إعترافات أصلع : بلا تيسير عووضه بلا طحنيه !!!!
Author: عبدالكريم الامين احمد
Date: 07-17-2010, 06:30 AM
Parent: #53

Quote: يا أسماء ، لو ربنا إستجاب لدعاي و تيسير ولا أماني عرسو ليهم واحد صلعه ، بجيب ود الصايم و نجيهم في الكوشه و في وش العريس نصرخ ليهم ( كاااااااااااااااك ) !!!!

كيكي عوض كيكي
مرشح وموهل لتمشيطة (سودان قفل) ولكن ابت نفسي الا ان اتضامن مع الاخوة ضيوف الرحمن من ذوي الصلع
وبالذات طارق جبريل المولود بيها وطارق الامين الداسي كورة الصلعة عبر وسائط ادروبية والدكتور امين واخريين

Post: #55
Title: Re: إعترافات أصلع : بلا تيسير عووضه بلا طحنيه !!!!
Author: محمد عبد الماجد الصايم
Date: 07-17-2010, 06:32 AM
Parent: #53

لو حصل يا خال التذاكر علي أنا!

Post: #56
Title: Re: إعترافات أصلع : بلا تيسير عووضه بلا طحنيه !!!!
Author: دينا خالد
Date: 07-17-2010, 07:16 AM
Parent: #53

امين يا عسسل !
والله ضحكتااااا من الصباح ضحك شديد
رغم انى صحيت مغمووومة شكرا ياخ ..
بالذات لم ركبت مكنة بشاشا لووووووووب
دى ما حصلت ختيتها لى طارق فى حنانو ..
عارف ::
هى الصلعة براها ما مشكلة لكن بتستفحل مع
البدلة .. على اصحاب الصلع بالكاجوال دايما ..

واهديك هذه الخزعبلات لقيتها لافه فى البورد
فى مداخلة لبيناوي لتهديها لهم هو انت سائل فيهم!؟

تبالك ياشناب ...
وتبا للثعابين والثعالب والذئاب ...
وتبالكبسور ... وحيدر الزين ... وابو الشباب ....
ياخ تباللساكنين مدن الضباب

تبا للسيد المسلمي ... وداليا الكباشي ... وزميل البورض
تبا لي كيكي وحميدة
تيا للدنيا الجديد
وتبا لشاعر اغنية الجريدة
ياخ تبا للشال قريشاتي وخلاني علي الحديدة

تبا لدكتور تروتا ... وفريد اند امين
تبا لبيت الفنون وتارك اللمين
وتبا للمريح وهلال الملايين
ياخ تبا للجمكسين

تبا لتروتسكي وبدر الدين اسحق
تبا للساكنين واق الواق
وتبا للعزابة والعشاق
ياخ تبا للحاج وراق

تبا لياسر عرمان وعسكوري
تبا لكل سائق ماعندو بوري
وتبا للفنان قرقوري
ياخ تبا لوائل كفوري

تبا للعوض المسلمي العايز يعمل جمعيةعمومية
عشان يزوغ من رئاسة بورداب الخرطوم
وتبا لبوابة عبد القيوم
ياخ تبا لام كلثوم

تبا لود الصايم الجايم الجنو كاكات
تبا لكل زول عامل حركات
وتبا للكرهني البلي والجات
ياخ تبا لكل الحاجات

تبا لوهبة ... واحمد حنين
تبا للفنان ود اللمين
وتبا لعيسي الزين
ياخ تباللناس الزعلانين

تبا للعرقي النضيف
تبا لصبري الشريف
وتبا لوليد عبد اللطيف
ياخ تبا للمثل المصري وحيد سيف

تبا لهشام هباني
وناس الفريق الوراني
وتبا لتيسير النوراني
ياخ تبا لشركة سوداني

تبا لعطر نسائي ... وعابر سرير
تبا لموقف ابو جنزير
وتبا للحوش الكبير
ياخ تبا للسمؤال بدر الدين وبكري الخير

تبا لصلاح ابودية وكبري المنشية
وتبا للبعيو ومحجوب كبوشية
وتبا لتاجوج والمحلق وريا
ياخ تبا لبورداب السعودية

تبا لشول اشوانق ... وتهاني ابو سن
تبا للعامل فيها نصيح وهو راكبو جن
وتبا لقانون السن بالسن
ياخ تبا لسكان قرية امن

تبا للزوول والزول ذاتوو
تبا للجونا والفاتو
وتبا لعمات حركاتو
ياخ تبا لعيسي حياتو

تبا لكمال سالم ومعتز القريش
تبا لدينا خالد وسلبونا وابوحشيش
وتبا للاحتياطي والنجدة والفيش
ياخ تبا لزميل المنبر عليش

تبا لحمور زيادة ... وتراجي مصطفي
تبا لصاحب عمود وكفي
وتبا للكان معانا واختفي
ياخ تبا لمصنع الشفاء

تبا لسارة علي وحنين للبلد
تبا لاشراقة مصطفي ... واميمة مصطفي سند
وتبالناجي الملك ومعروف سند
ياخ تبا جد جد
تبا لاسماعيل حميم
تبا لعماد الشبلي وابراهيم عبد الحليم
وتبا للدوش ووردي ... والحزن القديم
ياخ تبا لقصي مجدي سليم

تبا لمحمد سابل
وتبا للكاتب الصحفي عبده قابل
وتبالصاحب الايادي علي السنابل
ياخ تباللحابل والنابل

تبا لشادية عبد المنعم ... وخالد ماسا ... وقيقراوي
تبا لسمير شيخ ادريس ... وبشري محمد حامد ... ومصعب الصاوي
وتبا لماو وراشد وراق والجريفاوي
ياخ تبا لبيت الكلاوي

تبا لعصمت الدسيس ... وبهاء بكري ... وهميمة
تبا لايزابيلا ومدحت غفيفي والعشرة القديمة
وتبا لباعة اللبن سليمة
ياخ تبا للزكري الاليمة

تبا لبكري ابوبكر.... وعادل عبد العاطي
تبا لنور تاور ... وعبدالله عيدروس ... وناس حي الشاطي
وتبا للعالي والواطي
ياخ تبالسكان القطاطي

تبا للبنية السميحة المسخت الهنديات علي
وتبا للبت الصارت وردة
وتبا للحاف والمرتبة والمخدة
وتبا لبورداب جدة
ياخ تبا لديك العدة

اقول ليك حاجة
تبا لياسر بيناوي

Post: #57
Title: Re: إعترافات أصلع : بلا تيسير عووضه بلا طحنيه !!!!
Author: عبدالكريم الامين احمد
Date: 07-17-2010, 07:22 AM
Parent: #56

متعة يا بنياوي متعة
وتبا شديد والله

Post: #58
Title: Re: إعترافات أصلع : بلا تيسير عووضه بلا طحنيه !!!!
Author: محمد عبد الماجد الصايم
Date: 07-17-2010, 07:48 AM
Parent: #57

تبا لبيناوي زاتو!

Post: #59
Title: Re: إعترافات أصلع : بلا تيسير عووضه بلا طحنيه !!!!
Author: Amany Elamin
Date: 07-17-2010, 07:50 AM
Parent: #57

Post: #60
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-17-2010, 06:59 PM
Parent: #59

علي سفر ، ساعود للرد غدا إن شاء الله .

Post: #61
Title: Re: إعترافات أصلع : بلا تيسير عووضه بلا طحنيه !!!!
Author: سارة علي
Date: 07-17-2010, 07:20 PM
Parent: #60

تحنن ..

Post: #62
Title: Re: إعترافات أصلع : بلا تيسير عووضه بلا طحنيه !!!!
Author: احمد الأمين على إدريس
Date: 07-17-2010, 08:05 PM
Parent: #61

يابروف
بلاتيسير وعرفناها بسببا وما اثاره بوستها المفترى عليه
اها الطحنية مالا بس...ذنبها شنو ..؟

نتضامن معاكم من شان سيل القابكم
لكن صلعكم دى ماعندنا بيها شغلة يادكتور

Post: #63
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-18-2010, 09:28 PM
Parent: #62

Quote: كيكي عوض كيكي
مرشح وموهل لتمشيطة (سودان قفل) ولكن ابت نفسي الا ان اتضامن مع الاخوة ضيوف الرحمن من ذوي الصلع
وبالذات طارق جبريل المولود بيها وطارق الامين الداسي كورة الصلعة عبر وسائط ادروبية والدكتور امين واخريين
يا خليل عبد الكريم الأمين
ياخي نحن محتاجين أكتر من التضامن ، بالله لو في إمكانية تبرعات نشتري لينا تيراب شعر نزرعو في رسينا دي عسي أن يحيل الله صحاري نجد التي في رؤسنا إلي جنات تسر الناظرين !!!

Post: #64
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-18-2010, 09:59 PM
Parent: #63

Quote: هى الصلعة براها ما مشكلة لكن بتستفحل مع
البدلة .. على اصحاب الصلع بالكاجوال دايما ..

والله يا دينا الصلعه مشكله كان بالبدله كان بالكاجول ، إنتي بس ادعي لينا : و لا مبتلي إلا عافيته !!!

Post: #65
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-18-2010, 10:30 PM
Parent: #64

Quote: تحنن ..
يعني يا ساره بدل ما تدعمينا بالكلمه الطيبه تجي تشمتي فينا ؟
غايتو كان ما already عارفين نصفكم الأخر شكلو كيف ، أخير تلمو لساناتكم دي عليكم تبقي عليكم البقت علي انصاصنا الأخري !!!

Post: #66
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-18-2010, 10:35 PM
Parent: #65

أبو اللمين يا حبيبنا
Quote: بلاتيسير وعرفناها بسببا وما اثاره بوستها المفترى عليه
اها الطحنية مالا بس...ذنبها شنو ..؟
شكرا علي الدعم و المؤازره .
سؤالك ده محول للدكتوره داليا الكباشي ما عارفها بتجيب الكلام العجيب ده من وين !!!

Post: #67
Title: Re: إعترافات أصلع : بلا تيسير عووضه بلا طحنيه !!!!
Author: عمر التوم
Date: 07-18-2010, 11:00 PM
Parent: #66

معليش يادكتور بس مسألة الأستلاب دي مفروض تراجع نفسك فيها شوية , الواحد ممكن براحة يتعايش مع الحاجة دي و(يستشعر) جمالياتها , و(يغذي ) المشاعر دي ويقويها من (جذورها )منعا (للتساقط) بفعل اراء , انا جدها في مجملها قاصرة وعاجزة عن ادراك مدى ابداع المرحلة ال انت بتعيشها حاليا.

------------------------
تعاطف ولا احسن من كده

Post: #68
Title: Re: إعترافات أصلع : بلا تيسير عووضه بلا طحنيه !!!!
Author: GamarBoBa
Date: 07-19-2010, 09:58 AM

يا نوتة
عندنا في البلد اتنين عمايا (رد الله بصرهم) واحد فيهم وهو قاعد في محله ماكل شارب ولابس ومتريح وعايش رفاهية عالية لانو الناس متعاطفة معاه هدايا من الخليج والتاني بزرع واطة الالله دي وبحش القش بشرب لبن السعايا وما بقبل عطايا
بعد شوية حصلت مقارنات قالوا ليه رفيقك يلقح في البلح وما بشيل هدية من زول..وانت مرطب كدة وبدت العطايا وعلب البينسون تقطع فأخينا اتضرر ...ركب مشي لرفيقه قال ليه يا خي انت مش عميان؟؟ما تقعد في بيتك ياخي..شلت حس العمايا ياخ

فياخي شلت حسنا الله يشيل حس صلعتك دي ياخ

Post: #69
Title: Re: إعترافات أصلع : بلا تيسير عووضه بلا طحنيه !!!!
Author: GamarBoBa
Date: 07-19-2010, 10:01 AM

يا نوتة
عندنا في البلد اتنين عمايا (رد الله بصرهم) واحد فيهم وهو قاعد في محله ماكل شارب ولابس ومتريح وعايش رفاهية عالية لانو الناس متعاطفة معاه هدايا من الخليج والتاني بزرع واطة الالله دي وبحش القش بشرب لبن السعايا وما بقبل عطايا
بعد شوية حصلت مقارنات قالوا ليه رفيقك يلقح في البلح وما بشيل هدية من زول..وانت مرطب كدة...ركب مشي ليه قال ليه يا خي انت مش عميان؟؟ما تقعد في بيتك ياخي..شلت حس العمايا ياخ

فياخي شلت حسنا الله يشيل حس صلعتك دي ياخ

Post: #70
Title: Re: إعترافات أصلع : بلا تيسير عووضه بلا طحنيه !!!!
Author: saadeldin abdelrahman
Date: 07-19-2010, 02:31 PM
Parent: #69

ساقيني بي إيدو كأسات الخمر
آسرني بي نورو الكم أخجل قمر

----
دي جلحاتنا دي صلعاتنا
بتضوي الزمان

Post: #71
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-19-2010, 11:02 PM
Parent: #70

أخونا عمر التوم كروز
Quote: الواحد ممكن براحة يتعايش مع الحاجة دي و(يستشعر) جمالياتها , و(يغذي ) المشاعر دي ويقويها من (جذورها )منعا (للتساقط)
ياخي نحن مجموعه من الرجال ابتلانا الله تعالي بخلايا غير منبته لشعر الراس ، عني شخصيا الموضوع ده بقي ما بهز فينا (شعره)
في مرحله عمريه معينه كنت كاره ذاتي و هسي إتصالحت مع نفسي : لكن في ناس كتار ما متصالحين مع نفسهم ، كلامك و مطاعنتك ليهم بتاذيهم فهلا اعتذرت لهم مشكورا ؟

Post: #72
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-19-2010, 11:25 PM
Parent: #71

بوبا يا أب صلعه يا كاره ذاتك
Quote: فياخي شلت حسنا الله يشيل حس صلعتك دي ياخ
دايرين نناقش مشاكلنا في الهواء الطلق !!
تعرف أول زول جاتو صلعه ده يكون اتحير و حير ليك الناس المعاه ظاهر باطن !!

Post: #73
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-19-2010, 11:31 PM
Parent: #72

Quote: دي جلحاتنا دي صلعاتنا
بتضوي الزمان
أبو السعود ياخي أفرز !!
ناس الجلحات ديل ناس مذبذبين (لا إلى هؤلاء ولا إلى هؤلاء ) فبالله ما تحشرهم معانا ساي !!

Post: #74
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-19-2010, 11:46 PM
Parent: #73

يا قمر الحقد الأصلع

غايتو لو داروين حبيبنا كلامو طلع صاح : ده بكون جدنا !!!

Post: #75
Title: Re: إعترافات أصلع : بلا تيسير عووضه بلا طحنيه !!!!
Author: عمر التوم
Date: 07-19-2010, 11:46 PM
Parent: #73

Quote: كلامك و مطاعنتك ليهم بتاذيهم فهلا اعتذرت لهم مشكورا ؟

اسف جدا لكل من تضايق من ما سطرته احرف كيبوردي , وللجميع العتبى حتى يرضوا يادكتور
الكل اخو ة اعزاء نكن لهم التقدير والاحترام .

--------------------
بكري قال ليك حاجة ؟؟؟

Post: #76
Title: Re: إعترافات أصلع : بلا تيسير عووضه بلا طحنيه !!!!
Author: حسبو عكاشة
Date: 07-19-2010, 11:57 PM
Parent: #75

إذا حصل و عمر التوم طلع عندو علصه برضو, كدا يا دااااب انا ح افهم سر تواجده الدائم مع الدكتور امين محمد سليمان في جميع البوستات

--
بعدين يا دكتور أمين إنت احد اهم المسببات الرئيسية لصلعتك هي الدكتوراة الاقتلعتها بالقوة دي
جابدتها كدا لمن حتت شعرك :)
عشاااان كدا نحن ما مفكرين في موضوع الدراسات العليا دا

Post: #77
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-20-2010, 00:37 AM
Parent: #76

التوم كروز يا حبيبنا
Quote: اسف جدا لكل من تضايق من ما سطرته احرف كيبوردي , وللجميع العتبى حتى يرضوا يادكتور
الكل اخو ة اعزاء نكن لهم التقدير والاحترام .

زي ما قلت ليك : أنا ما إستئت من كلامك لاني متصالح مع نفسي ، لكن ناس قمر الحقد الأصلع و طارق الأمين و باقي الصلع المستلبين ديل ، ما أظنهم يقبلو اعتذارك !!!
Quote:
بكري قال ليك حاجة ؟؟؟
سيدنا بكري قدس الله سره و سر صلعته الشريفه مستاء منك تماما ، و قال لي التوم كروز بشعرو ده حقو الواحد يحلق ليه كم شهر كده ، أنا حلفت ليه انك صلعه بطن كراع بس ، فبالله لو طلعت جيناتك المنبته للشعر شغاله : ما تجيب لينا صورتك هنا !!

Post: #78
Title: Re: إعترافات أصلع : بلا تيسير عووضه بلا طحنيه !!!!
Author: محمد عثمان ابراهيم
Date: 07-20-2010, 03:34 AM
Parent: #77

Quote: رمقني محمود الحلاق بنظره حانيه ، و بصوت خفيض تمتم قائلا :
- يا زول إنت أحسن تاني تسرح لقدام !!
- أسرح لقدام ليه ؟
- عشان تغتي الصلعه دي !!
نزلت هذه الكلمات علي كسورة الزلزله

يا دكتور أمين وينك يا راجل
تصدق القصة المؤسفة الفوق دي حصلت لي برضو قبل عدة سنوات، وقمت بحلها بطريقة سهلة جداً وهي إنني لم أذهب إلى الحلاق صاحب تلك العبارة المزلزلة أبداً بعدها. مرت سنوات ذهبت بعدها إلى حلاق (يا أخي حلاقة) في أحد مراكز التسوق الراقية فسألتني سؤالآ من كلمة واحدة نكأت بها كل الجراح القديمة: صبغة؟
الآنا أعدت كل هذا التاريخ غير المجيد ببوستك هذا...
تحياتي

Post: #79
Title: Re: إعترافات أصلع : بلا تيسير عووضه بلا طحنيه !!!!
Author: محمد البشرى الخضر
Date: 07-20-2010, 07:17 AM
Parent: #78

يا دوك على مر التاريخ و الأزمان تعارف الناس على تميز صاحب الصلعة
عادةً يكون كاتب شاعر مفكر عالم اقل شي بكون مثقف و بالعدم مثقفاتي لكن النوع النجيض
كان في الكورة بكون لعّاب و اشول غالبا
الصلعة مدعاة للفخر يا دوك هي وصنوتها الكرش
وما تتخيل كم كانت دهشتي عظيمة واحباطي اعظم عندما قابلت طلحة تنظير للمرة الأولى و اكتشفت أن لاصلعة له ولا كرش
حتى سالتو إنت قاعد تنظّر كيف يازول وأنت تفتقد الأدوات اللازمة لذلك
ولولا إنو لقب تنظير سار عليه و خال لسحبته عنه بلا تردد

Post: #80
Title: Re: إعترافات أصلع : بلا تيسير عووضه بلا طحنيه !!!!
Author: محمد عبد الماجد الصايم
Date: 07-20-2010, 07:28 AM
Parent: #79

Quote: وما تتخيل كم كانت دهشتي عظيمة واحباطي اعظم عندما قابلت طلحة تنظير للمرة الأولى و اكتشفت أن لاصلعة له ولا كرش
حتى سالتو إنت قاعد تنظّر كيف يازول وأنت تفتقد الأدوات اللازمة لذلك
ولولا إنو لقب تنظير سار عليه و خال لسحبته عنه بلا تردد

Post: #81
Title: Re: إعترافات أصلع : بلا تيسير عووضه بلا طحنيه !!!!
Author: معاوية المدير
Date: 07-20-2010, 07:39 AM
Parent: #80

Quote:
لم تشكل صلعتي أي عائق في حياتي العاطفيه , لم تمنعني (مِراحي)

مُرآح شنو يا ابوصلعة!؟
هسّع البيلي يجي يشيل حالك.
إنت مسعول من الخير، ود أُختك دحين ما عندو صليعة،
واللآ انا وهمان؟؟؟

Post: #82
Title: Re: إعترافات أصلع : بلا تيسير عووضه بلا طحنيه !!!!
Author: tmbis
Date: 07-20-2010, 09:48 AM
Parent: #81

Quote: وما تتخيل كم كانت دهشتي عظيمة واحباطي اعظم عندما قابلت طلحة تنظير للمرة الأولى و اكتشفت أن لاصلعة له ولا كرش حتى سالتو إنت قاعد تنظّر كيف يازول وأنت تفتقد الأدوات اللازمة لذلك
ولولا إنو لقب تنظير سار عليه و خال لسحبته عنه بلا تردد
.. .. والله الكلام الفوق دا ما يكتبو زول إلا يكون عندو صلعة .. الأخ مع ناس أمين ديل في الجمعية دي ..؟ طيب داسيها مالك ..؟ ..
يا أمين ..
أول ما انتهيت من قراية البوست حقك دا .. اتحسست راسي طوالي .. .. ياخ كتابتك عميقة ومعبره بتدل على انك متصالح مع (شعــورك) .. التحية للطحنية ولي تيسير عووضة .. التي رمت حجرا في بركة السكون وفتحت الباب على مصراعيه لمناقشة هذه القضية الحساسة..
من ناحية أخرى ..
والله انا متضامن معاكم شديد .. لانو قبل كدا جاتني صلعة مؤقته .. (سعلبه) .. تلاتة شهور انا شايف ليك الدنيا دي مسيخــه خلاص .. اي زول اللقاهو حالق يا بيسرح في شعرو .. بخط تحتو مية خط .. قطعت علاقاتي مع اي زول بيعمل (قطعية) .. الهنود والفلبينيين ديل بشتبك ليك معاهم بدون اي سبب
المهم
طلعت من التجربة دي بي فهم جميل وفلسفة عميقة .. إنو الصلعة دي حاجة اصلو ما كويسة
ولذلك ..
ما تشبكنا متصالح مع نفسي .. والعلماء وتقوم تصنف لينا أنواع الصلع كمان .. يازول الصلعة دي تجي للعدو عديل كدا ..
والله يا امين الواحد كان يتمنى إنو يقول كلام غير دا .. لكن دي النجيضة حقتي .. والموضوع دا ما بجامل فوقو لاني جربتو .. وشفت الفرق بين إنك ما يكون عندك شعر .. وبين عندك شعر تتحكم فوقو وتسرح بي الطريقة البتعجبك ..

Post: #83
Title: Re: إعترافات أصلع : بلا تيسير عووضه بلا طحنيه !!!!
Author: عثمان عووضة
Date: 07-20-2010, 10:28 AM
Parent: #82

بروفيسور أمين سلام
والله طحنية دي قريتها طبنجة
بحكم عمقك وعلمكك وخؤولتك لحمور يكون دا من شنو؟؟؟

Post: #84
Title: Re: إعترافات أصلع : بلا تيسير عووضه بلا طحنيه !!!!
Author: tmbis
Date: 07-20-2010, 10:33 AM
Parent: #83

Quote: يكون دا من شنو؟؟؟

يكون عاوزه تقوم ليك صلعه بس ..

Post: #85
Title: Re: إعترافات أصلع : بلا تيسير عووضه بلا طحنيه !!!!
Author: عثمان عووضة
Date: 07-20-2010, 11:01 AM
Parent: #84

يازميل السمك كيفك
والله تقوم صلعة تقوم دفرة مافارقة بعد دا
نحن راسنا دا سوينا بيهو وفيهو كل حاجة -- الدايرنو والمادايرنو --بعد دا كان دايرين تقطعوه ترموه ماعندنا بيهو شغلة

Post: #86
Title: Re: إعترافات أصلع : بلا تيسير عووضه بلا طحنيه !!!!
Author: tmbis
Date: 07-20-2010, 11:40 AM
Parent: #85

Quote: نحن راسنا دا سوينا بيهو وفيهو كل حاجة -- الدايرنو والمادايرنو --بعد دا كان دايرين تقطعوه ترموه ماعندنا بيهو شغلة
..
يا زميل كدي دقيقه ياخ .. كلامك دا ممكن اي واحد من المصلعين ديل يجي يستخدمو لي صالحو ..
ياخ بتك واللا ولدك ما عارف تيسير دي تدردق في الجماعة بي جاي .. وجاي .. وحسع دي في العام الفين وعشرة عايز تطلع فتوى بي إنو الصلعة دي يمكن التصالح معاها ..
ياخ من خبرتك دي يا حاج حقو تعمل للجماعة ديل بحث عن الصلعة وإنها ممكن تتعب نفسيات الواحد كيف ..
متمني يوم واحد بس في حياتي .. يكون عندك شوية من الغتاتة العند قريبتك تيسير دي

Post: #87
Title: Re: إعترافات أصلع : بلا تيسير عووضه بلا طحنيه !!!!
Author: Amany Elamin
Date: 07-20-2010, 12:02 PM
Parent: #85

أفضل قصات شعر 2010 :

Post: #88
Title: Re: إعترافات أصلع : بلا تيسير عووضه بلا طحنيه !!!!
Author: saadeldin abdelrahman
Date: 07-20-2010, 01:26 PM
Parent: #87

الأمور بدلالاتها

Quote: مر دريد بن الصمة بالخنساء بنت عمرو بن الشريد، وهي تهنأ بعيراً لها وقد تبذلت حتى فرغت منه، ثم نضت عنها ثيابها فاغتسلت ودريد بن الصمة يراها وهي لا تشعر به فأعجبته؛ فانصرف إلى رحله
وأنشأ يقول:
حيوا تماضر واربعوا صحبي وقفوا فإن وقوفكم حسبي
أخناس قد هام الفؤاد بكم وأصابه تبلٌ من الحب
ما إن رأيت ولا سمعت به كاليوم طالي أينقٍ جرب
متبذلاً تبدو محاسنه يضع الهناء مواضع النقب
متحسراً نضح الهناء به نضح العبير بريطة العصب
فسليهم عني خناس إذا عض الجميع الخطب ما خطبي
- قالوا: وتماضر اسمها. والخنساء لقبٌ غلب عليها - فلما أصبح غداً على أبيها فخطبها إليه. فقال له أبوها: مرحباً بك أبا قرة ! إنك للكريم لايطعن في حسبه، والسيد لايرد عن حاجته، والفحل لا يقرع أنفه. - وقال أبو عبيدة خاصة مكان " لا يطعن في حسبه " لا يطعن في عيبه " - ولكن لهذه المرأة في نفسها ما ليس لغيرها، وأنا ذاكرك لها وهي فاعلة. ثم دخل إليها وقال لها: يا خنساء، أتاك فارس هوزان وسيد بني جشم دريد بن الصمة يخطبك وهو من تعلمين،
ودريد يسمع قولهما. فقالت: يا أبت، أتراني تاركة بني عمي مثل عوالي الرماح وناكحةً شيخ بني جشم هامة اليوم أو غدٍ !. فخرج إليه أبوها فقال: يا أبا قرة قد امتنعت، ولعلها أن تجيب فيما بعد. فقال: قد سمعت قولكما، وانصرف. هذه رواية من ذكرت. وقال ابن ال######ي: قالت لأبيها: أنظرني حتى أشاور نفسي، ثم بعثت خلف دريد وليدةً فقالت لها: انظري دريداً إذا بال، فإن وجدت بوله قد خرق الأرض ففيه بقية، وإن وجدته قد ساح على وجهها فلا فضل فيه. فاتبعته وليدتها ثم عادت إليها فقالت: وجدت بوله قد ساح على وجه الأرض، فأمسكت. وعاود دريد أباها فعاودها فقالت له هذه المقالة المذكورة؛ ثم أنشات تقول:
أتخطبني، هبلت، على دريدٍ وقد أطردت سيد آل بدر !
معاذ الله ينكحني حبركى يقال أبوه من جشم بن بكر
ولو أمسيت في جشمٍ هدياً لقد أمسيت في دنسٍ وفقر

الهذا قالت إحداهن:
أريته أب صلعة طاير.

Post: #89
Title: Re: إعترافات أصلع : بلا تيسير عووضه بلا طحنيه !!!!
Author: ABUHUSSEIN
Date: 07-20-2010, 03:01 PM
Parent: #88

Amany Elamin و تيسير عووضة

لو سمحتو لو عندكم حاجة مع أمين إبقى خاطبوهو شخصياً

إنتو كدا بتجرحو شعور ناس كتيرين

أمين تباً لك و تباً لي صلعتك الشينة دي ... جبت لينا الكلام في صمة خشمنا

Post: #90
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-20-2010, 05:26 PM
Parent: #89

يا محمد عثماننا الذي نحب ، سلام عليك يا رجل
Quote: تصدق القصة المؤسفة الفوق دي حصلت لي برضو قبل عدة سنوات، وقمت بحلها بطريقة سهلة جداً وهي إنني لم أذهب إلى الحلاق صاحب تلك العبارة المزلزلة أبداً بعدها. مرت سنوات ذهبت بعدها إلى حلاق (يا أخي حلاقة) في أحد مراكز التسوق الراقية فسألتني سؤالآ من كلمة واحدة نكأت بها كل الجراح القديمة: صبغة؟
الآنا أعدت كل هذا التاريخ غير المجيد ببوستك هذا...
تحياتي
ياخي إنت علي الأقل عندك واحده بس ، أخوك عليه الاتنينن : شيب و صلعه !
لمن أمشي السودان الفرد - و كلنا دفعه وحده - بتبرو منو التبري الواحد ده فما عندنا سكه غير الحنك بتاع شباب القلب ده !!!

Post: #91
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-20-2010, 05:50 PM
Parent: #90

البشري يا صديق المدارات البعيده ، سلام
Quote: يا دوك على مر التاريخ و الأزمان تعارف الناس على تميز صاحب الصلعة
عادةً يكون كاتب شاعر مفكر عالم اقل شي بكون مثقف و بالعدم مثقفاتي لكن النوع النجيض
كان في الكورة بكون لعّاب و اشول غالبا
الصلع كلهم عميقين يا البشري لانو ما عندهم سكه تانيه !!
مشكلة الصلعه انها بتجيك في سننين المراهقه و اللي فيها معظم إهتمامات الشباب بتكون موجهه لحتات معينه ،
لو جاتك صلعه بدون ما تفكر و بال subconscious بس بتحاول تلحق السوق و تعوض النقص الفي راسك من بره بزياده ما في راسك من جوه لانو ما ممكن بلا خلقه ولا عماقه !!! مافي دكاترة علم نفس في بورد الجن ده يجو يحللو العلم البنجدع في في طرقات المنبر التعيسه دي ؟!!

Quote: الصلعة مدعاة للفخر يا دوك هي وصنوتها الكرش
وما تتخيل كم كانت دهشتي عظيمة واحباطي اعظم عندما قابلت طلحة تنظير للمرة الأولى و اكتشفت أن لاصلعة له ولا كرش
حتى سالتو إنت قاعد تنظّر كيف يازول وأنت تفتقد الأدوات اللازمة لذلك
ولولا إنو لقب تنظير سار عليه و خال لسحبته عنه بلا تردد
الكرش و تعرف عندنا إصطلاحا بال (الكاء ) و هي من أتعس و أقبح ما يمكن أن يكون في بني أدم : راجل ولا مره ، صغير ولا كبير و كونك تقول انها و الصلعه صنوان بتطلب منك إعتذار صريح و واضح لينا نحن الذين طمس الله خلايانا المنبته لشعر الراس !!
الكرش و الصلعه ديل إنت اتخيلتهم في الأخطبوط طلحه حساده منك ساي !! أنا متخيلو وسيما عميقا - زي كتابتو - و خلاياه المنبته لشعر الراس شغاله تش !!!

Post: #92
Title: السلام عليكم ورحمة الله
Author: البدري عبد الله
Date: 07-20-2010, 06:29 PM
Parent: #91

.

Post: #93
Title: Re: السلام عليكم ورحمة الله
Author: قيقراوي
Date: 07-22-2010, 04:17 PM
Parent: #92

سلام غير يا ناس
كتب ماهر
Quote: قال والله بقيت تغسل وشك من نص راسك ،، ولم أجد أبلغ من هذا فى وصف الصلع

يا دكتور أمين كونك تصرح انك ماشي صلاة الجمعة بعد استيتمينت زي دا متجاوز الحرج ( الفقهي ) في مسألة الغسيل من نص الراس دي خفة ( علمية ) ما بتتماشى مع شهاداتك الرفيعة
بما انكم عدمانين شعر ركزوا في الاخلاق و العلمية و الحاجات الزي دي بالله . . ما يطلع نصيبكم فيها كحظكم مع الشعر . .
انا بعمل لي في بحث - ما بتاع دكتوراة و لا حاجتين . . ساي كدا - و بدرس في علاقة الشعر بالشعور . . . و صراحة النتائج ما في صالحكم

------

اوع خيالك الامار بطوف في اني معاكم . .
الا دي . . دي عماكم فيها براكم يا عمك

ياخ مشتاقين رسمي و الله

Post: #94
Title: Re: السلام عليكم ورحمة الله
Author: Amany Elamin
Date: 07-22-2010, 04:59 PM
Parent: #93

Quote: انا بعمل لي في بحث - ما بتاع دكتوراة و لا حاجتين . . ساي كدا - و بدرس في علاقة الشعر بالشعور . . . و صراحة النتائج ما في صالحكم

--
قيقا حمد الله علي السلامه :)

Post: #95
Title: Re: السلام عليكم ورحمة الله
Author: أمين محمد سليمان
Date: 07-23-2010, 06:20 PM
Parent: #94

الحلوين بيجاي !
عذرا ، منعنا الأحباط في هذا المكان و خارجه من المتابعه و الرد !!

Post: #96
Title: Re: السلام عليكم ورحمة الله
Author: تيسير عووضة
Date: 07-23-2010, 06:37 PM
Parent: #95

يا أبصلعة بالمناسبة أنا لسة ما جيت للبوست دا ولم أنصب خيمتي عنده بعد!

حضروا حالكم إذا بتريدوا

ـــــــــ
قال طحنية قال ..

Post: #97
Title: Re: السلام عليكم ورحمة الله
Author: أمين محمد سليمان
Date: 07-23-2010, 07:03 PM
Parent: #96

Quote: يا أبصلعة بالمناسبة أنا لسة ما جيت للبوست دا ولم أنصب خيمتي عنده بعد!
و الله يا تيسير الأستحو ماتو !!
بالله عندك عين تجينا هنا بعد (مشاط الرجال ) ؟!
بدون إعتذار لكل الرجال الذين طمس الله خلاياهم المنبته لشعر الراس : وجودك غير مرغوب به في هذا البوست !!

Post: #98
Title: Re: السلام عليكم ورحمة الله
Author: محمد زكريا
Date: 07-23-2010, 07:58 PM
Parent: #97

سلام يا توت عنخ امين

ياخ مالك زعلان................... ولمتين يعنى ح نغنى........ ليه بنهرب من مصيرنا

انت ما عارف انو الصلع دى المشاهير بفتشو ليها بالكريمات وما لاقينها
شوف مثلاً عندك بريتنى اسبيرس

بعدين ما سمعت الحكمه البتقول..........وراء كل رجل حكيم صلعه

Post: #99
Title: Re: السلام عليكم ورحمة الله
Author: Amany Elamin
Date: 07-23-2010, 08:52 PM
Parent: #98

هذه القصة من أجمل القصص تبين لماذا خلق الله الألم والمعاناة

Quote: ذهب رجل إلى الحلاق لكي يحلق له شعر رأسه ويهذب له لحيته
حتى بدأ بالحديث معه في أمور كثيرة .

إلى أن بدأ الحديث حول وجود الله..

قال الحلاق :- أنا لا أؤمن بوجود الله

’قال الزبون :- لماذا تقول ذلك ؟ قال الحلاق :- حسنا ،

مجرد أن تنزل إلى الشارع تدرك بأن الله غير موجود،قل لي،

إذا كان الله موجودا هل ترى أناسا مرضى؟

وإذا كان الله موجودا هل سترى هذه الأعداد الغفيرة من الأطفال المشردين ؟

طبعا إذا كان الله موجودا فلن ترى مثل هذه الآلام والمعاناة .

أنا لاأستطيع أن أتصور كيف يسمح ذلك الاله الرحيم مثل هذه الامور.

فكر الزبون للحظات لكنه لم يرد على كلام الحلاق حتى لا يحتد النقاش وبعد أن انتهى الحلاق من عمله مع الزبون . .

خرج الزبون إلى الشارع فشاهد رجل طويل شعر الرأس مثل الليف، طويل اللحية، قذر المنظر، أشعث أغبر، فرجع الزبون فورا إلى صالون الحلاقه . . .

قال الزبون للحلاق :- هل تعلم بأنه لايوجد حلاق أبدا،

قال الحلاق متعجبا كيف تقول ذلك . .

أنا هنا وقد حلقت لك الان ‘قال الزبون ‘ لو كان هناك حلاقين لما وجدت مثل هذا الرجل

قال الحلاق بل الحلاقين موجودين . .
وأنما حدث مثل هذا الذي تراه عندما لا يأتي هؤلاء الناس لي لكي أحلق لهم (واخد بالك ياخال)

قال الزبون وهذا بالضبط بالنسبة إلى الله . . .

فالله موجود ولكن يحدث ذلك عندما لا يذهب الناس إليه عند حاجتهم . . .

ولذلك ترى الآلام والمعاناة في العالم

خالو أمين لو سمحت,,
تقدر تحسب لي كلمة حلاق ذُكرت في القصه دي كم مره؟

Post: #100
Title: Re: السلام عليكم ورحمة الله
Author: أمين محمد سليمان
Date: 07-23-2010, 09:14 PM
Parent: #99

Quote: بعدين يا دكتور أمين إنت احد اهم المسببات الرئيسية لصلعتك هي الدكتوراة الاقتلعتها بالقوة دي
جابدتها كدا لمن حتت شعرك
يا حسبو بالله ما تحاول تلقي لي مبررات في موضوع صلعتي دي : أخوك مصلع منذ كان في المهد صبيا !!

Post: #101
Title: Re: السلام عليكم ورحمة الله
Author: أمين محمد سليمان
Date: 07-23-2010, 09:24 PM
Parent: #100

المدير ود المدير ،
Quote: مُرآح شنو يا ابوصلعة!؟
هسّع البيلي يجي يشيل حالك.
إنت مسعول من الخير، ود أُختك دحين ما عندو صليعة،
واللآ انا وهمان؟؟؟
ياخي قلنا (مِراحي) بالكاء ما (مُراحي ) با لباء !!!!

Post: #102
Title: Re: السلام عليكم ورحمة الله
Author: عبد الناصر الخطيب
Date: 07-23-2010, 09:34 PM
Parent: #101

أمين سليمان
مساء الورد ,,,

Quote: يا حسبو بالله ما تحاول تلقي لي مبررات في موضوع صلعتي دي : أخوك مصلع منذ كان في المهد صبيا !!

وأخوك كان عارف لعامل الوراثة أنو حيصلع وهو في المهد صبيا
بس شكرا للصلعة المهلتنا لحدي ما وجودة وعدموا بقي وأحد

ياخي الحلاقة نمرة ( ! ) مريحة شديد وبتخليك ما تضيع وقت الصباح في التسريح
ترقد الشعر بموية حمام صباح الخير وتطلع جرى

-------------

أخوك في حزب الصلع والجلحات الصغيرة

Post: #104
Title: Re: السلام عليكم ورحمة الله
Author: أمين محمد سليمان
Date: 07-23-2010, 09:53 PM
Parent: #101

تمبس يا عريس ، سلام
Quote: أول ما انتهيت من قراية البوست حقك دا .. اتحسست راسي طوالي .. .. ياخ كتابتك عميقة ومعبره بتدل على انك متصالح مع (شعــورك) .. التحية للطحنية ولي تيسير عووضة .. التي رمت حجرا في بركة السكون وفتحت الباب على مصراعيه لمناقشة هذه القضية الحساسة..
من ناحية أخرى ..
والله انا متضامن معاكم شديد .. لانو قبل كدا جاتني صلعة مؤقته .. (سعلبه) .. تلاتة شهور انا شايف ليك الدنيا دي مسيخــه خلاص .. اي زول اللقاهو حالق يا بيسرح في شعرو .. بخط تحتو مية خط .. قطعت علاقاتي مع اي زول بيعمل (قطعية) .. الهنود والفلبينيين ديل بشتبك ليك معاهم بدون اي سبب
المهم
طلعت من التجربة دي بي فهم جميل وفلسفة عميقة .. إنو الصلعة دي حاجة اصلو ما كويسة
ولذلك ..
ما تشبكنا متصالح مع نفسي .. والعلماء وتقوم تصنف لينا أنواع الصلع كمان .. يازول الصلعة دي تجي للعدو عديل كدا ..
والله يا امين الواحد كان يتمنى إنو يقول كلام غير دا .. لكن دي النجيضة حقتي .. والموضوع دا ما بجامل فوقو لاني جربتو .. وشفت الفرق بين إنك ما يكون عندك شعر .. وبين عندك شعر تتحكم فوقو وتسرح بي الطريقة البتعجبك
النصيحه لله أنا ما إتصالحت مع (شعوري ) إلا بعد ما دخلت سن الياس !! يعني مجبر أخاك لا بطل !!
(الثعلبه ) يا علاء ما صلعه !!
الصلعه دي حاجه تانيه جدا و فيها عوامل نفسيه عجيبه : الاحساس البجيك لمن تشوف شعرك بيقع زيو و زي صفق الشجر في الخريف إحساس ت ا ف ه و ج ب ا ن و لا يمت للانسانيه و لا للأحاسيس النبيله بصله : صفق الشجر برجع لكن شعرك ما برجع !! و شعرك يقع من هنا و الجكس ي س ت و س خ ك من هنا !!

--------
يا بكري ياخي ارحمنا من الالتفاف حول برنامجك التعيس ده عشان نشتم !!

Post: #103
Title: Re: السلام عليكم ورحمة الله
Author: GamarBoBa
Date: 07-23-2010, 09:41 PM
Parent: #100

امين
صورة بروفايلك شينة..كعبة عديل كدة
يا هداك الله ساعدنا بشكل جميل برانا قرفانين من المنبر وصفحته الاولي الصفراء دي العاملة زي لون الطراش ده
محبطين طبيعي وانت تحبط فينا اكتر

خت لينا انجلينا جولي.. سلاف فواخرجي..وكان خجلان من صور الجكس خت اندرياس انيستا،ويسلي اشنايدر روبن كلهم مصلعين

خت محمد فتحي ابراهيم (مو) سوداني خطير وصلعته من حلفا واصلة الكويت هسة

_
قرد يا امين في صورة بروفايل؟؟ياخي انت لا عميق لا حاجة..شكلك بتخت دبة كبيرة في السرير وباربي وتنوم..الله يعلك ياخ..

Post: #105
Title: Re: السلام عليكم ورحمة الله
Author: عمر التوم
Date: 07-23-2010, 11:37 PM
Parent: #103

Quote: أخوك مصلع منذ كان في المهد صبيا !!

Quote: ياخي أقول ليك طارق جبريل مولود بيها عديييل ، تقول لي الجامعه ؟!!

-------------------------------------------------------
تبا لازدواجية المعايير

Post: #106
Title: Re: السلام عليكم ورحمة الله
Author: أمين محمد سليمان
Date: 07-24-2010, 03:19 AM
Parent: #100

عم عثمان يا حبيبنا
Quote: بروفيسور أمين سلام
والله طحنية دي قريتها طبنجة
بحكم عمقك وعلمكك وخؤولتك لحمور يكون دا من شنو؟؟؟
ياخي إنت ولي أمر تيسير ، كتر خيرك المتذكر القرايه من أساسو!!

Post: #107
Title: Re: السلام عليكم ورحمة الله
Author: أمين محمد سليمان
Date: 07-24-2010, 04:47 AM
Parent: #106

Quote: الهذا قالت إحداهن:
أريته أب صلعة طاير.
والله يا أبو السعود ياخي لو ده راي (احداهن) ما كان بكون في مشكله ، المشكله إنو ده رايهم كلهم !!

Post: #108
Title: Re: السلام عليكم ورحمة الله
Author: أمين محمد سليمان
Date: 07-24-2010, 04:53 AM
Parent: #107

Quote: Amany Elamin و تيسير عووضة

لو سمحتو لو عندكم حاجة مع أمين إبقى خاطبوهو شخصياً

إنتو كدا بتجرحو شعور ناس كتيرين

أمين تباً لك و تباً لي صلعتك الشينة دي ... جبت لينا الكلام في صمة خشمنا
أبو الحسين يا حبيبنا ، بالله إنت طلعت معانا ؟!
غايتو البشوف فصاحتك في البورد يقول شعرك بادي بعد رموشك بسنتمترين !!!!

Post: #109
Title: Re: السلام عليكم ورحمة الله
Author: أمين محمد سليمان
Date: 07-24-2010, 04:28 PM
Parent: #108

Quote: .
إنت يا البدري أقعد اعملها كلها نقط و مشاكل مع الناس ، اها خم و صر ستكم دايره ترخيك هسي !!!

Post: #110
Title: Re: السلام عليكم ورحمة الله
Author: عبد الناصر الخطيب
Date: 07-24-2010, 08:41 PM
Parent: #109

وكت لسه الرد ما وصلني أسمح لى أتبع المداخلة بالشرح ده للأخ قمر بوبا
أنو أستاذنا د. أمين سليمان في بروفيلوا للربع ده ضرب قردين قصدي موضوعين بقرد
متماشي مع قصة الصلع ومن ناحية متسق مع ربع القرود لاخونا الحبشي
فالفكرة في حد ذاته فيها تجديد وإبتكار أنا شخصيا قاعد أفتش في القوقل لصورة قرد يكون مناسب لبروفيلي
ما مصلع زي قرد دكتور امين ممكن بس جلحات

-------------------------------
ومساء الجمال على كل الناس هنا في بوسط الصلع

Post: #111
Title: Re: السلام عليكم ورحمة الله
Author: أمين محمد سليمان
Date: 07-25-2010, 00:45 AM
Parent: #110

قيقا يا ريح الصبا الجايه من زمن لسه !!
ترحيب و شوق شديد و إن شاء الله تكون لقيت الأهل و الناس في سوداننا الشقيق بخير و صحه و عافيه !
Quote: بما انكم عدمانين شعر ركزوا في الاخلاق و العلمية و الحاجات الزي دي بالله . . ما يطلع نصيبكم فيها كحظكم مع الشعر . .
انا بعمل لي في بحث - ما بتاع دكتوراة و لا حاجتين . . ساي كدا - و بدرس في علاقة الشعر بالشعور . . . و صراحة النتائج ما في صالحكم
عن علاقة الشعر بالشعور : أقول و بالله التوفيق :
العلاقه عكسيه : فكلما زاد شعرك قل شعورك !!!
الشعور ده خليه لينا نحن الذين طمس الله خلايانا المنبته لشعر الراس : عميقين ، حساسين ، وجاهتنا و ضيائنا بجوه !! المافي شنو يا قيقا ؟!!
كونو زول زي قمر بوبا صلعه و سمين و ما تقدر تعاين ليه إلا تقرا المعوذتين ، ما معناتها إنو ما بحس و ما بمنع إنو من جوه وجيه و جاهة الأولاد الما شادين حيلهم الجابتهم أماني في الصفحه الفاتت !!
Quote: اوع خيالك الامار بطوف في اني معاكم . .
الا دي . . دي عماكم فيها براكم يا عمك
يا قيقا ياخي عمانا ده ما دايرين فيهو زول معانا ، و صلعاتنا دي نباهي بها الشمس ، و ما شايفين أي زول أحسن مننا و محل الرهيفه التنقد !!!

Post: #112
Title: Re: السلام عليكم ورحمة الله
Author: أمين محمد سليمان
Date: 07-25-2010, 00:52 AM
Parent: #111

Quote: انت ما عارف انو الصلع دى المشاهير بفتشو ليها بالكريمات وما لاقينها
شوف مثلاً عندك بريتنى اسبيرس

عليك الله يا أبو الزيك كلم الوهم الهنا ديل !!
Quote: بعدين ما سمعت الحكمه البتقول..........وراء كل رجل حكيم صلعه
يا أبو الزيك إنت شكلك معانا و كاتم ايمانك ساي ، يا أخوي أفصح أبن و أرفع راسك : أنت أصلع !!!

Post: #113
Title: Re: السلام عليكم ورحمة الله
Author: أمين محمد سليمان
Date: 07-25-2010, 00:55 AM
Parent: #112

Quote: هذه القصة من أجمل القصص تبين لماذا خلق الله الألم والمعاناة
الألم و المعاناه الجد جد حا تحسيها لمن في عرسك نجيك أنا و عمك الصايم نكاكي ليك في الكوشه إنت و أب صلعه القاعد جنبك !!!

Post: #114
Title: Re: السلام عليكم ورحمة الله
Author: أمين محمد سليمان
Date: 07-25-2010, 01:35 AM
Parent: #113

ناصر يا حبيبنا : سلامQuote: أخوك في حزب الصلع والجلحات الصغيرة
أكون واضح و صريح معاك يا ناصر : أنا ما بحترم ناس الجلحات ديل علي الأطلاق و في نظري أخير منهم الأولاد أبان شعور الما شادين حيلهم ا الجابتهم أماني ديل !!!
ياخي قصة الجلحات دي ما نافعه ابدا لانها موقف رمادي و ضبابي و بينم عن نفس مرتبكه و متذبذبه : يا صلعه زوت كده ، يا كمان عندك شعر بادي بعد حواجبينك :
باختصار كده :الجلحات موقف ما رجولي ابدا : أسال الله أن يرزقك بصلعه بلاطيه النوع و أن يفرغ عليك معها صبرا لا حدود له !!!

Quote: فالفكرة في حد ذاته فيها تجديد وإبتكار أنا شخصيا قاعد أفتش في القوقل لصورة قرد يكون مناسب لبروفيلي
ما مصلع زي قرد دكتور امين ممكن بس جلحات
اللهم اني ابرا اليك من أبان جلحات : انسهم و جنهم ، رجالهم و قرودهم !!

Post: #115
Title: Re: السلام عليكم ورحمة الله
Author: Amjed
Date: 07-25-2010, 01:54 AM
Parent: #114

تزرع؟؟؟

الجماعة ديل بيضمنو ليك السرية الكاملة وانتا بعداك قول ليهم قام براو
في حاجة كتيرة على الله كمان يا خال

Post: #139
Title: Re: السلام عليكم ورحمة الله
Author: طارق جبريل
Date: 08-02-2010, 10:35 AM
Parent: #100

Quote: صلعة طارق جبريل عميقه و وضيئه و سئيلي الله شفت ليه صوره هنا جاني إحساس إنو الزول ده اتولد بيها !!

--------------
صلعة طارق يا رغيم اخترناها شعار للجمعيه بالاجماع السكوتي !!

ياخي بجيكم بي مزاااج

Post: #116
Title: Re: إعترافات أصلع : بلا تيسير عووضه بلا طحنيه !!!!
Author: على محمد سليمان
Date: 07-25-2010, 02:10 AM
Parent: #21

رغم غزارة شعري وكترت اعلن كامل تضامني مع الصلع لان من اطيب من قابلت في حياتي كانوا اصحاب الصلع
اوقع

Post: #117
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-25-2010, 07:09 AM
Parent: #116

قمر الحقد الأصلع !!
Quote: امين
صورة بروفايلك شينة..كعبة عديل كدة
يا هداك الله ساعدنا بشكل جميل برانا قرفانين من المنبر وصفحته الاولي الصفراء دي العاملة زي لون الطراش ده
محبطين طبيعي وانت تحبط فينا اكتر

خت لينا انجلينا جولي.. سلاف فواخرجي..وكان خجلان من صور الجكس خت اندرياس انيستا،ويسلي اشنايدر روبن كلهم مصلعين

خت محمد فتحي ابراهيم (مو) سوداني خطير وصلعته من حلفا واصلة الكويت هسة

_
قرد يا امين في صورة بروفايل؟؟ياخي انت لا عميق لا حاجة..شكلك بتخت دبة كبيرة في السرير وباربي وتنوم..الله يعلك ياخ..
ده جدنا الكبير يا قمر !!!
الخليفه الفي بروفايلي ده جدي و جدك و جد كل من طمس الله خلاياه المنبته لشعر الراس !!!
إنت كنت قاعد وين لمن عمك داروين طلع أصولنا قرديه و جو ناس هشام أدم و شهاب كونان ايدو الكلام ده ؟!! يعني إنت داير جدنا يكون قرد بخلايا شغاله ؟!! كنت دايرنا نشبه الأولاد أبان شعر الجابتهم أماني ؟!!
يا قمر ياخي لازم تتصالح مع نفسك و مع صلعتك التي لا حدود لها دي و تبطل الاستلاب و كراهية ذاتك الحاصله ليك دي ياخي !!!

------------
محمد فتحي ابراهيم (مو) لو بدفع أخت صورتو تاتو في صلعتي ذاتها خليه من البروفايل !!!

Post: #118
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-25-2010, 07:15 AM
Parent: #117

Quote: الجماعة ديل بيضمنو ليك السرية الكاملة وانتا بعداك قول ليهم قام براو
في حاجة كتيرة على الله كمان يا خال
والله يا دوك خذلتني !!
هسي عليك الله دي صلعة راجل ؟!!
ياخي ده صلعتو البقدام دي عند ناس قمر الحقد و طارق جبريل بالجنبه ، تقول لي نزرعها ؟!!

Post: #119
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-25-2010, 07:22 AM
Parent: #118

سلام يا علي
Quote: رغم غزارة شعري وكترت اعلن كامل تضامني مع الصلع لان من اطيب من قابلت في حياتي كانوا اصحاب الصلع
اوقع
سعيد جدا بتضامنك معانا و البوست أصلا مفتوح للدعم و المؤازره : ظروفنا صعبه و نفسياتنا بطاله جدا لكننا صامدون !!!
بعدين لمعلوميتك الصلع لازم يكونو طيبين و فيهم كل صفات الخير المكتسبه ، مجبورين يا حبيبنا ، ما عندنا سكه تانيه !!!

-----------
يا علي في إحتمال نكون اخوان و ما عارفين ؟

Post: #120
Title: Re: إعترافات أصلع : بلا تيسير عووضه بلا طحنيه !!!!
Author: البدري عبد الله
Date: 07-25-2010, 07:25 AM
Parent: #117

السلام عليكم يا قبيلة (الصلّعاب ).
.
.
.
والله يا نوتة اخشى ما اخشى ان يكون مصيرك مصير احدهم ويدعى ود منصور !!

Post: #121
Title: Re: إعترافات أصلع : بلا تيسير عووضه بلا طحنيه !!!!
Author: مرتضى احمد عبد القادر
Date: 07-25-2010, 07:39 AM
Parent: #120

Quote: والله يا نوتة اخشى ما اخشى ان يكون مصيرك مصير احدهم ويدعى ود منصور !!

البدري يذكر أسم ود منصور ولا يذكر قصته ويلعب الباص البيني لحسبو عكاشه الذي هو عم الكاتب المصري الراحل أسامه أنور عكاشه بالسلّبطه ليأتي ألينا حسبو ويروي قصة ود منصور !!!

يا عمو أمين تكتيكات بت الشيخ بقت مكشوفه والفضل يرجع ليك ولي صلعتك الكبيره دي

Post: #123
Title: Re: إعترافات أصلع : بلا تيسير عووضه بلا طحنيه !!!!
Author: البدري عبد الله
Date: 07-25-2010, 07:55 AM
Parent: #121

Quote:
البدري يذكر أسم ود منصور ولا يذكر قصته ويلعب الباص البيني لحسبو عكاشه الذي هو عم الكاتب المصري الراحل أسامه أنور عكاشه بالسلّبطه ليأتي ألينا حسبو ويروي قصة ود منصور !!!

طبعا يا مورتا انا لي فترة طويلة وعندي شك قوي تسنده معايير وبراهين لا قبل لك بها انو المدعو حسبو عكاشة شخصية من نسج الخيال ..وهو شك اشبه باليقين ..لكن الشي المانعني افتح بوست تحت عنوان (من هو حسبو عكاشة؟) انو انا شغال اليومين ديل في منهج جديد بعيد عن نقة الاي بي والجوطة البيعملوا فيها المتحوسبين ومن شاكلهم ...وهو منهج لو تعلم شديد الاحكام ونتائجه نسبة نجاحها تفوق المائة بالمائة ...عموماانا قربت اوصل لي الزول المنتحل شخصية حسبو عكاشة ..تابعونا..

Post: #122
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-25-2010, 07:40 AM
Parent: #120

البدري حيث لا بدر هناك !!
Quote: السلام عليكم يا قبيلة (الصلّعاب ).
.
.
.
والله يا نوتة اخشى ما اخشى ان يكون مصيرك مصير احدهم ويدعى ود منصور !!
و عليكم السلام و رحمة الله يا أخا الأسلام ...
قبل ما نخش في قصة ود منصور ، داير اتاكد إنو خلاياك المنبته لشعر الراس شغاله : أرجو انك ترسل لي صوره حديثه بالاشعه المقطعيه لراسك من كل الجهات و تجيب لي إقرار مشفوع باليمين و شهادة نفرين ممن يعتد بهم و الأيبي أدرسس حقتهم : غير كده يا البدري ما حا يكون في تفاهم من اي نوع معاك !!!
الأيبي أدرسس لازم يكونو ستاتيكس ، داينمكس ما بنفعو و لا تتعب روحك !!

Post: #124
Title: Re: إعترافات أصلع : بلا تيسير عووضه بلا طحنيه !!!!
Author: البدري عبد الله
Date: 07-25-2010, 08:03 AM
Parent: #122

Quote: داير اتاكد إنو خلاياك المنبته لشعر الراس شغاله : أرجو انك ترسل لي صوره حديثه بالاشعه المقطعيه لراسك من كل الجهات و تجيب لي إقرار مشفوع باليمين و شهادة نفرين ممن يعتد بهم و الأيبي أدرسس حقتهم : غير كده يا البدري ما حا يكون في تفاهم من اي نوع معاك !!!
الأيبي أدرسس لازم يكونو ستاتيكس ، داينمكس ما بنفعو و لا تتعب روحك !!

يا نوتة بيني وبينك اخوك منتسب للنادي بتاعكم ليه فترة من الزمان ..وقريبا سيصبح لديه عضوية كاملة ان شاء الله بذلك ..عموما كترة الشعر غير القشرة والتهابات فروة الرأس والمساسقة من حلاق لي حلاق .... الناس بتستفيد منها شنو عليك الله ؟!!

Post: #125
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-25-2010, 08:03 AM
Parent: #122

Quote: يا عمو أمين تكتيكات بت الشيخ بقت مكشوفه والفضل يرجع ليك ولي صلعتك الكبيره دي
الصلعه الكبيره دي يا مورتا كلها علم ، الخلايا ما ممكن ما تكون شغاله بره و جوه !!!

Post: #127
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-25-2010, 08:09 AM
Parent: #125

Quote: يا نوتة بيني وبينك اخوك منتسب للنادي بتاعكم ليه فترة من الزمان
البدري ... تعال لحمو يا حبيبي !!!
طيب ياخي مالك بالينا الزمن ده كلو ؟! الغريبه انو بقيت بالاحساس ساي بعرف المعانا من الخيانه !!
صباحات الله بخيرها أجي أعرفك بباقي اخوانك !!!

Post: #126
Title: Re: إعترافات أصلع : بلا تيسير عووضه بلا طحنيه !!!!
Author: مرتضى احمد عبد القادر
Date: 07-25-2010, 08:08 AM
Parent: #122

Quote: طبعا يا مورتا انا لي فترة طويلة وعندي شك قوي تسنده معايير وبراهين لا قبل لك بها انو المدعو حسبو عكاشة شخصية من نسج الخيال ..وهو شك اشبه باليقين ..لكن الشي المانعني افتح بوست تحت عنوان (من هو حسبو عكاشة؟) انو انا شغال اليومين ديل في منهج جديد بعيد عن نقة الاي بي والجوطة البيعملوا فيها المتحوسبين ومن شاكلهم ...وهو منهج لو تعلم شديد الاحكام ونتائجه نسبة نجاحها تفوق المائة بالمائة ...عموماانا قربت اوصل لي الزول المنتحل شخصية حسبو عكاشة ..تابعونا..

متابعه لصيقه وها نحن نجلس القرفصاء بإنتظار بوست كشف الإنتحال الكبير بس عليك دينك ابعد لينا المحقق خضر حسين من بوستك لمن تفتحو الزول دا ليهو 5 يوم عامل فيها مخبر في بوست الإنتحال بتاع بوكرامي وشايل ليهو جريده مخرومه ولابس نضاره سوداء وبراقب في المداخلات والناس وصلنا الصفحه الخمستاشر لا جاب نتيجه لا جاب دليل

يا عمك راجينك تقول الو

Post: #128
Title: Re: إعترافات أصلع : بلا تيسير عووضه بلا طحنيه !!!!
Author: البدري عبد الله
Date: 07-25-2010, 08:17 AM
Parent: #126

Quote: وشايل ليهو جريده مخرومه

والله يا مورتا زمني دا كلو كنت قايل اخونا الناشط شايل ليهو (قربة مخرومة ) اول مرة اعرف انو القربة دي جريدة !!!

Post: #129
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-25-2010, 08:27 AM
Parent: #128

هي هي لابورتا و البدري ، شايفكم عاملين لي فيها شهاب كرار !!
البوست ده عن الصلع انسلو أمرقو : البدري بصفتك معانا صباحاتها بيض عندنا إن شاء الله تعال لموضوع تقديمك و تعريفك باخوانك الهنا ، لابورتا خلاص اتخارج !!!

Post: #130
Title: Re: إعترافات أصلع : بلا تيسير عووضه بلا طحنيه !!!!
Author: مرتضى احمد عبد القادر
Date: 07-25-2010, 08:34 AM
Parent: #128

Quote: والله يا مورتا زمني دا كلو كنت قايل اخونا الناشط شايل ليهو (قربة مخرومة ) اول مرة اعرف انو القربة دي جريدة !!!

القربه المخرومه ديك ينفخ فيها في نفس البوست يا بدروز ياخ ركز معانا الجريده المخرومه ديك بيعاين من خلالها للأشخاص موضع الإتهام حسب رأيو كمخبر سري في ذاك البوست

يا بدروز شايف حيلتك بتاعة أنك عندك صلعه صغيرونه انطلت على عمو أمين ياعمو وحاة مدينه أم أحمد البدري دا غير حواجب وشنب ما عندو شعره في راسو قال قريبا سيصبح لدي عضويه كامله ،، يعني متين لمن حواجبينك وشنبك يتحتو

عالم كلها ضلع أقصد صلع طبعا جات ضاضد بدل صاد لانو شعري بيقع لي قدام عيوني فما بشوف الكيبورد كويس

Post: #131
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-25-2010, 08:37 AM
Parent: #130

Quote: يا بدروز شايف حيلتك بتاعة أنك عندك صلعه صغيرونه انطلت على عمو أمين ياعمو وحاة مدينه أم أحمد البدري دا غير حواجب وشنب ما عندو شعره في راسو قال قريبا سيصبح لدي عضويه كامله ،، يعني متين لمن حواجبينك وشنبك يتحتو
قاتل الله الاستلاب و كراهية الذات يا لابورتا ، لكن إن شاء الله أعالجو ليك زي ما عالجت قمر الحقد الأصلع !!!

Post: #132
Title: Re: إعترافات أصلع : بلا تيسير عووضه بلا طحنيه !!!!
Author: قيقراوي
Date: 07-25-2010, 03:38 PM
Parent: #131

يعجبني فيك يا دكترة تصالحك مع ذاتك ( المصلعة ) و واقعيتك - امانة ما وقعة ما سوداء هي لكن !؟ ، تلقاكم تحلموا بالشعر حلم - اهو كدا بقيت تتنبأ كويس :
Quote: بعدين لمعلوميتك الصلع لازم يكونو طيبين و فيهم كل صفات الخير المكتسبه ، مجبورين يا حبيبنا ، ما عندنا سكه تانيه !!!

نحن قبيل شن قلنا

اسمع يا دكترة :
اوع يكون زي نوع ( الصلعة الحقارة )* الظاهرة على مؤخرة راس البوردابي الجداوي ( اساسي ) دي محسوبة برضو !؟
حليلو قبلو طيب كان الاجابة آآآآآآآي !! . .
ما بالسمنة ؤ كدا . . آآآآآآآآآيه يا حليلنا فيها !!

---------

يا دكترة انت صدقت انو البدري حيث لا بدر هناك منتسب سااااااااااي !؟
يا زول !؟
لومك علي كان ما نصبتوه قائد و أب روحي للصلعان ببلاد السودان و وما وراء مجاهل افريقيا
شوف عين . . و المثل بقول " و ليس من رأى كمن سمع . . او جابوهو ليهو "
اها يا بدري تجي و لا نجي ؟
توجد صور و آي بي و فحص حمض نووي . . النشوف آخر منهجك البتشكر لينا في راكوبتو قبل ما نشوفو دا حدو وين ؟

Post: #133
Title: Re: إعترافات أصلع : بلا تيسير عووضه بلا طحنيه !!!!
Author: saadeldin abdelrahman
Date: 07-25-2010, 03:44 PM
Parent: #132

أساسي متجلي لكن!

Post: #134
Title: Re: إعترافات أصلع : بلا تيسير عووضه بلا طحنيه !!!!
Author: قيقراوي
Date: 07-25-2010, 04:10 PM
Parent: #133

Quote: أساسي متجلي لكن!

الناس في شنو و سعد الدين في شنو !؟
ياخ خليك عميغ ياخ ! . . ما تعاين لاساسي (المتجلي ) . . عاين للاساساً ( مجلي ) القدامو دا
الموضوع خطير يا سعد اخوي . . موضوع نكون او لا نكون . . فركز معانا ياخ

---------

سلامات يا زول يا زين

Post: #135
Title: Re: إعترافات أصلع : بلا تيسير عووضه بلا طحنيه !!!!
Author: محمد عثمان ابراهيم
Date: 07-26-2010, 02:44 AM
Parent: #134

يا أمين عندي مزاج أفتح لي بوست بعنوان:
صلعة أمين محمد سليمان
لأنو عندي معلومات إنو ما عندك صلعة ولا أي حاجة وإنك منتحل بس.
أرسلت الآي بي بتاعك للفحص حتى أحصل على الأكيدة.
صحيح إنت صاحبي لكن ما أقدر أسمح ليك إنك تنتحل شخصية اصلع وإنت ما أصلع ...
_________________
هذا بالإضافة إلى إنو إنت ما عندك دكتوراة ولا ناشط في حقوق الإنسان ذاتو

Post: #136
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-26-2010, 02:52 AM
Parent: #135

Quote:
عندي معلومات إنو ما عندك صلعة ولا أي حاجة وإنك منتحل بس.
أرسلت الآي بي بتاعك للفحص حتى أحصل على الأكيدة.
صحيح إنت صاحبي لكن ما أقدر أسمح ليك إنك تنتحل شخصية اصلع وإنت ما أصلع ...
_________________
والله يا ريت يا محمد عثماننا : صلعتي دي شرف أدعيه و تهمه لا استطيع انكارها !!

Quote: هذا بالإضافة إلى إنو إنت ما عندك دكتوراة ولا ناشط في حقوق الإنسان ذاتو
دي دونها خرط القتاد !!!
دكتوراتي دي نوقشت في المنبر ده و أي تشكيك فيها معناتو تشكيك في الالاف الشاركت و ناقشت دي و قد تجبرك لاعتذار !!! و نشاطي في حقوق الأنسان لا ينكره إلا مكابر !!

---------
يا محمد عثماننا ياخي ما عندك معلومه - كان بالحق كان بالباطل - تدين الحبشي : الناس دي بقت desprate

Post: #137
Title: Re: إعترافات أصلع : بلا تيسير عووضه بلا طحنيه !!!!
Author: محمد عثمان ابراهيم
Date: 07-26-2010, 03:05 AM
Parent: #136

Quote: يا محمد عثماننا ياخي ما عندك معلومه - كان بالحق كان بالباطل - تدين الحبشي : الناس دي بقت desprate

يا زول أي حاجة ولا كلام الإيبيهات دة.. ياخي أنا بحسن نية عملت لي مداخلة هناك قام إتعلق ليك في رقبتي واحد وسألني إنت من وين؟
ووين كنت الساعة 8:15 يوم 17 شعبان 1427؟ وهل في حلتكم في أي زول عندو موبايل ألكاتيل؟ وهل تفكر في زيارة إيسلندا؟
قمت يا حبيب خميت مداخلتي كلها بلا تحريات بلا وجع راس ..(وجوه ضاحكة)

Post: #138
Title: Re: إعترافات أصلع : بلا تيسير عووضه بلا طحنيه !!!!
Author: أمين محمد سليمان
Date: 07-28-2010, 01:17 AM
Parent: #137

قيقا يا وش الليل النايم في حضن الفجر القادم
Quote: اوع يكون زي نوع ( الصلعة الحقارة )* الظاهرة على مؤخرة راس البوردابي الجداوي ( اساسي ) دي محسوبة برضو !؟
حليلو قبلو طيب كان الاجابة آآآآآآآي !! . .
ما بالسمنة ؤ كدا . . آآآآآآآآآيه يا حليلنا فيها !!
يا قيقا ياخي صلعه يعني مافي شعر ، يعني الراس بفوق بكون زيو و زي سيراميك الحمام : قدر ما عاينت في الصوره عشان أشوف لي صلعه ما لقيت !!!
Quote: لومك علي كان ما نصبتوه قائد و أب روحي للصلعان ببلاد السودان و وما وراء مجاهل افريقيا
شوف عين . . و المثل بقول " و ليس من رأى كمن سمع . . او جابوهو ليهو "
اها يا بدري تجي و لا نجي ؟
توجد صور و آي بي و فحص حمض نووي . . النشوف آخر منهجك البتشكر لينا في راكوبتو قبل ما نشوفو دا حدو وين ؟
ياخي سالتك بالذي سواك تنزل صورة البدري ده !! علي الأقل نثبت للناس دي إنو شخصيه حقيقيه !!