Post: #1 Title: باركو لي الدكتوراه.........................!!!! Author: أمين محمد سليمان Date: 07-05-2010, 00:18 AM Parent: #0
ما عملت دكتوراه ولا بديتها أصلا !!! في الحقيقه أخر مره قريت قرايه اكاديميه كانت في مايو ٢٠٠٠ ، يعني قبل عشره سنين و نيف ، و بالله ركزو علي (نيف) دي !!
Post: #2 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 00:23 AM Parent: #1
الحكايه كلها إنو لقيت القابي كترت في المنبر و قررت أضيف لرقبتي لقب (دكتور) لانو بديني (أبعاد) و (أعماق) أخري و بعمل لي ( زخم ) من مافي !! و قصة إنو أمشي أقدم لدكتورة و أساكك الجامعات ل scholarship اعطوني أو منعوني و بعداك أقعد أقدد عيوني في القرايه عشان يجو يقولو لي يا دكتور لقيتها ما نافعه و ما عميقه و مافي ليها داعي من الأساس ، لييه ما أجي سودانيزاونلاين و أعلن إنو أنا بقيت دكتور بدون القرايه أم دق دي ؟
Post: #3 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 00:28 AM Parent: #2
إنه و في اليوم الرابع من يوليو من العام ٢٠١٠ ، قررت أنا أمين محمد سليمان اسباغ لقب الدكتور علي شخصي ( الثمين ) .
شكرا للباشمهندس بكري أبو بكر و شكرا لاعضاء البورد الذين لن يتوانو عن المباركه و التمنيات الصادقه و شكرا لسودانيزاونلاين التي جعلت هذا ممكنا !!!
-------------
د.أمين محمد سليمان مفكر و أديب و صحفي ناشط في حقوق الأنسان
Post: #4 Title: Re: باركو لي الدكتوراه.........................!!!! Author: MAHJOOP ALI Date: 07-05-2010, 00:42 AM Parent: #3
Quote: د.أمين محمد سليمان مفكر و أديب و صحفي ناشط في حقوق الأنسان
عقبال مانبارك ليك (الرمز)
Post: #5 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 00:52 AM Parent: #4
Quote: عقبال مانبارك ليك (الرمز)
ابرا أنا من ( الرمز ) يا محجوب ، (الرموز) ديل شكلهم غير المشاكل و الكركبه و انتهاكات في حقوق شنو كده ما عارف ما عندهم شئ ، خليني في دكتوراتي دي الله يخليك
Post: #6 Title: Re: باركو لي الدكتوراه.........................!!!! Author: Baha Elhadi Date: 07-05-2010, 01:24 AM Parent: #5
تصدق: لايقة عليك وخايلة فوقك هم يعني أحسن منك في شنو نعمنك بتكتب في سودانيزاونلاين مبروك عليك وماجستير ما يعتر ليك بهاء
Post: #7 Title: Re: باركو لي الدكتوراه.........................!!!! Author: محمد المرتضى حامد Date: 07-05-2010, 01:47 AM Parent: #6
Quote: د.أمين محمد سليمان مفكر و أديب و صحفي ناشط في حقوق الأنسان
يلا .. غيِّر صورة البروفايل لأن ما فيها من براءة لايتفق مع (الحاجات) الفوق دي، الباشمهندس abubakr كان عندو (بوست) في هذا الإتجاه فيه الكثير الطريف.
-
والله يا أمين في الدنيا دي في ناس تتشرف بهم الألقاب وهناك أيضا من يهينها.
Post: #8 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 02:29 AM Parent: #7
Quote: تصدق: لايقة عليك وخايلة فوقك هم يعني أحسن منك في شنو نعمنك بتكتب في سودانيزاونلاين مبروك عليك وماجستير ما يعتر ليك
بهاء الياباني شكرا ليك يا حبيب و نبارك ليك في السمح . واحد من العندهم دكتورات ديل اخير مني بشي مافي ، علي الأقل أنا ما ضيعت وقتي زيهم ..
Post: #9 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 02:35 AM Parent: #8
سلام يا مولانا
Quote: يلا .. غيِّر صورة البروفايل لأن ما فيها من براءة لايتفق مع (الحاجات) الفوق دي، الباشمهندس abubakr كان عندو (بوست) في هذا الإتجاه فيه الكثير الطريف.
أمشي أودي العيال ال fire-works و أجي أخت صورتي البي البدله !! تابعت بوست باشمهندس ابوبكر و شاركت فيهو .
Quote: والله يا أمين في الدنيا دي في ناس تتشرف بهم الألقاب وهناك أيضا من يهينها.
أسال الله أن أكون ممن يتشرف بهم لقب الدكتوراه
Post: #10 Title: Re: باركو لي الدكتوراه.........................!!!! Author: محمد البشرى الخضر Date: 07-05-2010, 04:24 AM Parent: #9
دكتور أمين ... مبروك اللقب خايل عليك خايل
Quote: الرابع من يوليو
يا دوك هل للتاريخ أي دلالات كدكتور عميق ومفكر أي خطوة أكيد محسوبة وليها دلالاتها
Post: #11 Title: Re: باركو لي الدكتوراه.........................!!!! Author: غادة عبدالعزيز خالد Date: 07-05-2010, 04:24 AM Parent: #9
Quote: علي الأقل أنا ما ضيعت وقتي زيهم
يعني يا أمين أنا دقست ولا شنو؟ من بكره، امشي اسحب اوراقي من الجامعة واعلن انني وبكامل قواي العقلية اصبحت احمل لقب الدكتورة.. بلا هم!! شكرا ان نورت لي طريقي واختصرت لي سنوات طويلة من عمري
Post: #12 Title: Re: باركو لي الدكتوراه.........................!!!! Author: abubakr Date: 07-05-2010, 04:31 AM Parent: #1
ياامين لما قريت العنوان وقبلما ادخل واشوف كنت علي يقين انك في سبيل ما ذكرت ؟؟ فانت كما يبدو لي من كتاباتك تعرف الناس بك بما في راسك ويقينك ومثل ذلك لا يدعو الي ان يباركو له لقبا عندة او تحصل عليه ...لزمن طويل كان اهل السودان حذريين في التعامل مع الالقاب عموما "اجتماعية او علمية " ولكن مؤخرا شاعت الالقاب حتي طغت علي الاسماء وما في الدماغ
Post: #14 Title: Re: باركو لي الدكتوراه.........................!!!! Author: محمد البشرى الخضر Date: 07-05-2010, 04:45 AM Parent: #12
نقطة تانية يا دوك هل تفضل المخاطبة باللقب كامل (دكتور أمين) أم نكتفي بالدال العظيمة أم نقطة (د.أمين) عشان بتفرق صراحةً يعني
___________________________ راجع المعيار الصفحة الأخيرة
Post: #19 Title: Re: باركو لي الدكتوراه.........................!!!! Author: انس العاقب Date: 07-05-2010, 05:14 AM Parent: #12
يادكتور أمين ..تعرف مرت أعوام قليله فى كلية الموسيقى والدراما لم يتبق من لم يحصل على الدكتوراه سوى قلة قليلة كنت من بينها ولم أهتم بالأمر ولا كنت من المتطلعين للقب وحرف الدال + صفر لكن عندما بدا الناس يعيروننى بأننى أستاذ ( سليقه)مع إنى حصلت على ماجستير فى التأليف الموسيقى وماجستير آخر فى الترجمه ومع ذلك حتى الجامعه فى الترشيح للوظائف القياديه الأكاديمية والإداريةصارت تفضل علينا حاملى اللقب فعملتها ... مره عبدالله الطيب فى محاضرة حمعته والشيخ البرعى فى القنصلية المصرية رحمهما الله قال ( سهولة الحصول على الدرجات العلمية قللت من مستوى الشهادة الجامعيةنفسهاوصارت بمستو الشهاده الثانويه )... وقال ساخرا( قالو حملة الدرجات العليا تجاوزوا 150 الف) يا عزيزى دكتور أمين والله تستحقها رجاله وفهم .. ما سمعت كيف صار هناك سوق علنى لمن يريد الحصول على درجة علمية بدون السفر لدوله آسيويه معروفه... أولا شوف ليك رساله قديمه فى جامعه تانيه أنسخها فى النهاية وقدمها للإجازه أو هناك من بكتبوها ليك نظير مبلغ محترم بل هناك بدون بحث يستخرجو ليك شهاد عديل موثقةكاملة الدسم مع إعلانات التبريكات بالصورة فى أجعص صحيفه... أهو إنت ياشيخ أمين شلتها عينى عينك ولو عملتها فى ورق مروس مافى زول حيسألك وفكركده بعد كم سنه ضيف ليها كلمة (بروف) يا أستاذ أمين أنا فهمت السخرية فنحن كما قال الشاعر حافظ إبراهيم : أمة قد فت فى سـاعـدهـا بغضها الأهل وحب الغربا تشترى الألقاب فى غيرالعلا وتفدى بالنفـوس الرتبـا هل فهمتنى يا دكتور ؟؟ ياريت نتعرف أكتر وأنا الآن دكتور بالمعاش ما مسموح لى أجى ساكت مارى بى شارع الكلية!!!!!
Post: #21 Title: Re: باركو لي الدكتوراه.........................!!!! Author: abubakr Date: 07-05-2010, 05:29 AM
Quote: ... مره عبدالله الطيب فى محاضرة حمعته والشيخ البرعى فى القنصلية المصرية رحمهما الله قال ( سهولة الحصول على الدرجات العلمية قللت من مستوى الشهادة الجامعيةنفسهاوصارت بمستو الشهاده الثانويه )... وقال ساخرا( قالو حملة الدرجات العليا تجاوزوا 150 الف) يا عزيزى دكتور أمين والله تستحقها رجاله وفهم .. ما سمعت كيف صار هناك سوق علنى لمن يريد الحصول على درجة علمية بدون السفر لدوله آسيويه معروفه... أولا شوف ليك رساله قديمه فى جامعه تانيه أنسخها فى النهاية وقدمها للإجازه أو هناك من بكتبوها ليك نظير مبلغ محترم بل هناك بدون بحث يستخرجو ليك شهاد عديل موثقةكاملة الدسم مع إعلانات التبريكات بالصورة فى أجعص صحيفه
واقع مؤلم جدا ....؟؟
قبل فترة كنت ابتدرت موضوعا عن الالقاب "البروفية" ....
والله يا عاطف انا دخلت من اجل نشر بضعة كلمات كتبتهابحق عمي الحبيب في بوست عزاءه وقلت في نفسي.. اصدقائي بالبورد معي في كل خطوة فابحث عن فرح افرح به وإياهم.. او حزن فاعزي نفسي معهم ووجدت طلب امين.. فدخلت مسرعة.. لاجد ان الامر كله دعابة لكن تخيل من الناحية الأخرى لو كنت ما دخلت البوست وقضيت السنوات المقبلة كله في درسة.. موش خسارة بالله.. شكرا يا امين تاني وتالت ورابع.. والله مشتاقين يا عاطف.. التحايا لك وللاسرة الحبيبة
Post: #16 Title: Re: باركو لي الدكتوراه.........................!!!! Author: معاوية المدير Date: 07-05-2010, 05:02 AM Parent: #15
Quote: ، يعني قبل عشره سنين و نيف ، و بالله ركزو علي (نيف) دي !!
دال/ امين، والله اوّل حاجة وقعت في عيني النِيّفة دي. يا اخي وحاتك احلى منها ما في. يا زول صبّغ واسمن لزوم الوجاهة للدكتوراه، ولا يهمّك... تحياتي، دال/ امين...
Post: #17 Title: Re: باركو لي الدكتوراه.........................!!!! Author: ABUHUSSEIN Date: 07-05-2010, 05:05 AM Parent: #15
شايفك ساير على خطى الترابي ... ناقصاك الضحكة الخبيثة بس
Post: #23 Title: Re: باركو لي الدكتوراه.........................!!!! Author: Sana Khalid Date: 07-05-2010, 05:32 AM Parent: #17
Quote: نقطة تانية يا دوك هل تفضل المخاطبة باللقب كامل (دكتور أمين) أم نكتفي بالدال العظيمة أم نقطة (د.أمين) عشان بتفرق صراحةً يعني
___________________________ راجع المعيار الصفحة الأخيرة
هو انت قايلو ما راجعو.. أمال الفتح شهيتو على اللقب شنو؟ كمان يكون عجبو ليك اللقب دبل كابين اللصقو لي تبارك (دكتورة د.) إلا دقستهم إنت دا يا ود البشرى.. حقتي أنا (د.) بكالوريوس ساي.. و الحبشي عارف.. إلا أكان ربنا هون و لحقت لميت لي قريشات قبال أتم (التلاتين) بشيل (النقطة) و أخت (كتورة)
____________________________
د.أمين..ألف مبروك الإنجاز..و دمت ذخراً للوطن..
Post: #18 Title: Re: باركو لي الدكتوراه.........................!!!! Author: محمد سنى دفع الله Date: 07-05-2010, 05:09 AM Parent: #15
لايقة عليك من صورتك دي تبدوا النجابة والذكاء المتوقد طالي من عينيك والان لو غيرت الصورة برضو لايق عليك اللقب من الصلعة البهية يا اخوي قسما دكتور شوية عليك انت بروفوسير عديل بعدين فيها ايقاع مموسق دكتور امين دكتور امين دكتور امين
Post: #20 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 05:21 AM Parent: #18
غيرنا صورة البروفايل عشان تواكب انجازي الكبير ده . لي المجد و أنا احصل علي الدكتوراه في ربع ساعه !!!
Post: #22 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 05:31 AM Parent: #20
البشري يا صديق ليالي التعب ، شكرا علي المرور و التباريك : إن شاء الله في عرس حتوت .
Quote: يا دوك هل للتاريخ أي دلالات كدكتور عميق ومفكر أي خطوة أكيد محسوبة وليها دلالاتها
يعني يا البشري زول بعمل دكتوراه في ربع ساعه ، بعمل خطوه بدون دراسه ؟!! التاريخ مقصود و لا يخفي عليك و علي أمثالك من النجباء : اليوم هو عيد ميلاد ماما أمريكا و as a citizen of this great nation : I wanted them to be proud فاخترت هذا اليوم ..
Quote: نقطة تانية يا دوك هل تفضل المخاطبة باللقب كامل (دكتور أمين) أم نكتفي بالدال العظيمة أم نقطة (د.أمين) عشان بتفرق صراحةً يعني
بالدال براها يا البشري ، لانها بتدي إحساس إنو أنا ما شغال بالموضوع كتير !!
Post: #24 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 05:37 AM Parent: #22
Quote: يعني يا أمين أنا دقست ولا شنو؟ من بكره، امشي اسحب اوراقي من الجامعة واعلن انني وبكامل قواي العقلية اصبحت احمل لقب الدكتورة.. بلا هم!! شكرا ان نورت لي طريقي واختصرت لي سنوات طويلة من عمري
دقستي و ساي يا غاده ؟! القصه كلها بوست و بجوك الحلوين يباركو ليك و ( لا حوجه للزبائن دول ) زي ما قال عادل إمام ، و هسي كان دايره تخلصي الدكتوراه حقتك في ليلنا ده ، رسلي لي ماسنجر نفتح ليك بوست نبارك ليك فيهو و حاولي تستفيدي من زمنك !!
Post: #26 Title: Re: باركو لي الدكتوراه.........................!!!! Author: عزام حسن فرح Date: 07-05-2010, 05:44 AM Parent: #24
د. أمين
Quote: و بالله ركزو علي (نيف) دي !!
ما عارِف ليه قريتا < نيفا > ظنك ده بِكون تداعِيات < خميس >
Post: #27 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 05:46 AM Parent: #24
Quote: ياامين لما قريت العنوان وقبلما ادخل واشوف كنت علي يقين انك في سبيل ما ذكرت ؟؟ فانت كما يبدو لي من كتاباتك تعرف الناس بك بما في راسك ويقينك ومثل ذلك لا يدعو الي ان يباركو له لقبا عندة او تحصل عليه
والله يا باشمهندس أخجلت تواضعنا .
Quote: ...لزمن طويل كان اهل السودان حذريين في التعامل مع الالقاب عموما "اجتماعية او علمية " ولكن مؤخرا شاعت الالقاب حتي طغت علي الاسماء وما في الدماغ
نحن يا باشمهندس ماشين في السكه نمد علي خطي المصريين ، لانو المصريين عندهم الألقاب دي مافيها لعب يعني لو قلت لزول يا أستاذ مثلا و هو عندو دكتوراه فدي زي الشتيمه واحد ، غايتو أنا متواضع جدا لو في زول قال لي يا أستاذ أمين بدل يا د. أمين ما حا ازعل منو !!
Post: #29 Title: Re: باركو لي الدكتوراه.........................!!!! Author: ABUHUSSEIN Date: 07-05-2010, 05:53 AM Parent: #24
WANTED
Post: #31 Title: Re: باركو لي الدكتوراه.........................!!!! Author: khaleel Date: 07-05-2010, 05:56 AM Parent: #24
يا دكتور توروطة
حاول ركز التخصص مهم ما تشبح نفسك وتبقي زي دافنشي
نحاتا ورساما وطبيبا وكيمائيا
امبارح شائفك هناك في بوست بتاع اريتريا
تاني شائفك هناك في بوست المعيار
تاني هناك شايفك في كاس العالم
التخصص مهم يا نوتة
وبعد داك ممكن نسميك البروف
Post: #25 Title: Re: باركو لي الدكتوراه.........................!!!! Author: Emad Abdulla Date: 07-05-2010, 05:41 AM Parent: #22
Quote: يا دكتور لقيتها ما نافعه و ما عميقه
ياخي ريحتني في قنقون حناني .. ايوه ياخ .. أصلو ما عميغة .. كان عندنا في حلتنا دكتور مصطفي .. زول عندو صدر سماوي كده و لمن يمشي تحسو بيهو عميغ عميغ .. و طوالي بيعاين شديد بدون كلام .. قام يوم في الكشف بتاع ناس عبدالرازق في عرس منصور ولدهم .. قام دكتور مصطفى إتكلم .. طلع ما عميغ .. و كمان عندو سكري ..!!
تصدق .. !
Post: #28 Title: Re: باركو لي الدكتوراه.........................!!!! Author: حليمة محمد عبد الرحمن Date: 07-05-2010, 05:49 AM Parent: #25
Quote: ياخي ريحتني في قنقون حناني .. ايوه ياخ .. أصلو ما عميغة .. كان عندنا في حلتنا دكتور مصطفي .. زول عندو صدر سماوي كده و لمن يمشي تحسو بيهو عميغ عميغ .. و طوالي بيعاين شديد بدون كلام .. قام يوم في الكشف بتاع ناس عبدالرازق في عرس منصور ولدهم .. قام دكتور مصطفى إتكلم .. طلع ما عميغ .. و كمان عندو سكري ..!!
عييييييييك! "التكاترة" الما خمج ظهروا... هو الدكترة دي كيفنها عند البعرفولا... ما طار ونغرشتو... كَنْغْ...كنغ... قدريشنها الصلاة عند البعرفولا! ----------- عتودي ود الحرام ...ضبحتو الليلة وباكر غام... افتحوا لنا افاغا جديدة من المعرفة والالقاب... مبروك امين وعغبال ما تفرخ عندك ام دالات، او دلدومات علميات اخريات.. الله يكتر عيال دالات والكنجالات!
------------- مبروك يا دكتور امين...
Post: #34 Title: Re: باركو لي الدكتوراه.........................!!!! Author: Emad Abdulla Date: 07-05-2010, 06:04 AM Parent: #28
أها .. شُفتَ يا أمين !! .. جابت ليها غنم و دلاديم .. يعني إنت لو خشيت في اللبطة دي تبقى أمين ( أب دلدوم ) خال حمور أب صلعة و عندكم غنماية والدة . كده كويس .. ؟ ده لو ما جاتك بعدها عنطظة و نفخ أوداج .. ( باللنقليزي : برومبوفيه ) . شُفتَ !!
........ حليمة ياخ باقي القصيدة حقت العتود دي بللاي .. مغرود فيها .
Post: #30 Title: Re: باركو لي الدكتوراه.........................!!!! Author: أيمن الطيب Date: 07-05-2010, 05:56 AM Parent: #25
سلام يا د.نوته,,,
ياخ ما تبطل إستهبال!! كلامك دا زاااااتو ياهو بقولو عليهو تقولو لى ناس ما عندهم حديد,,, إنت من يومك دكتور كبير خالس خالس,,
لو نسيت أذكرك الدفعة والمؤسسة التعليمية والتخسس زاتو!! قول عاوز تعمل شوية ورنيش وتلميع وتنفض غبار الزمن الأغبر,, جاكات وجلكسات وكركاسات شوية كدا يا دوك
مفروض هسة تكون شغال فى الإستاذية وقريبا نشوفك فى Who is Who
أخخخخخخخخخخخخخخخخخخخخ يا زمن,, كلو من ماما ارميكا دى
عميغ عميغ تغديرى,,,
Post: #32 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 05:58 AM Parent: #25
دكتورنا ( بالجد جد ) أنس العاقب
Quote: يادكتور أمين ..تعرف مرت أعوام قليله فى كلية الموسيقى والدراما لم يتبق من لم يحصل على الدكتوراه سوى قلة قليلة كنت من بينها ولم أهتم بالأمر ولا كنت من المتطلعين للقب وحرف الدال + صفر لكن عندما بدا الناس يعيروننى بأننى أستاذ ( سليقه)مع إنى حصلت على ماجستير فى التأليف الموسيقى وماجستير آخر فى الترجمه ومع ذلك حتى الجامعه فى الترشيح للوظائف القياديه الأكاديمية والإداريةصارت تفضل علينا حاملى اللقب فعملتها ... مره عبدالله الطيب فى محاضرة حمعته والشيخ البرعى فى القنصلية المصرية رحمهما الله قال ( سهولة الحصول على الدرجات العلمية قللت من مستوى الشهادة الجامعيةنفسهاوصارت بمستو الشهاده الثانويه )... وقال ساخرا( قالو حملة الدرجات العليا تجاوزوا 150 الف) يا عزيزى دكتور أمين والله تستحقها رجاله وفهم .. ما سمعت كيف صار هناك سوق علنى لمن يريد الحصول على درجة علمية بدون السفر لدوله آسيويه معروفه... أولا شوف ليك رساله قديمه فى جامعه تانيه أنسخها فى النهاية وقدمها للإجازه أو هناك من بكتبوها ليك نظير مبلغ محترم بل هناك بدون بحث يستخرجو ليك شهاد عديل موثقةكاملة الدسم مع إعلانات التبريكات بالصورة فى أجعص صحيفه... أهو إنت ياشيخ أمين شلتها عينى عينك ولو عملتها فى ورق مروس مافى زول حيسألك وفكركده بعد كم سنه ضيف ليها كلمة (بروف) يا أستاذ أمين أنا فهمت السخرية فنحن كما قال الشاعر حافظ إبراهيم : أمة قد فت فى سـاعـدهـا بغضها الأهل وحب الغربا تشترى الألقاب فى غيرالعلا وتفدى بالنفـوس الرتبـا هل فهمتنى يا دكتور ؟؟ ياريت نتعرف أكتر وأنا الآن دكتور بالمعاش ما مسموح لى أجى ساكت مارى بى شارع الكلية!!!!!
أول حاجه إنت ما محتاج لدكتوراه و لا لتعريف و ما أظن في زول في السودان الشقيق ما بعرف أنس العاقب . هالني والله كمية الكذب و تلميع الذات بما ليس فيها الحاصله هنا ده ، غلبني أفهم الmentality حقت الناس دي ، فقلت أجيهم بالدرب و أعلن دكتوراتي علي رؤس الأشهاد ! شكرا يا دكتور علي المرور و التبريك
Post: #33 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 06:02 AM Parent: #32
Quote: امل ان يضع امين كمان البروفية في حسبانه
والله يا باشمهندس لو الدكتوراه شالت في الناس دي اديني كم أسبوع كده و بجيكم بروفسير عديل !!
Post: #35 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 06:11 AM Parent: #33
Quote: والله يا ( ناس ) أمين تحيروا الما بحتار قلتوا تعالوا باركوا الدكتوراة جيناك جري ( قبل ما نقش عيونا من النوم ) نخش نلقى لا في دكتوراة ولا ملاريا
مافي دكتوراه كيف يا عاطف ؟!! أقول ليك فرجتها علي روحي و اسبغت عليها لقب دكتور بالباء و تقول لي ما لقيت دكتوراه ؟! والله يا عاطف تحيروا الما بحتار !!!
Post: #36 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 06:18 AM Parent: #35
ود المدير يا حبيبنا
Quote: دال/ امين، والله اوّل حاجة وقعت في عيني النِيّفة دي. يا اخي وحاتك احلى منها ما في. يا زول صبّغ واسمن لزوم الوجاهة للدكتوراه، ولا يهمّك... تحياتي، دال/ امين...
نبارك ليك السمح يا معاويه ، لكن شكلك مريت في الصوره علي عجاله !! لانو والله صلعه بصبغوها دي من الله خلقني من سمعت بيها !! و الصور كلها ( كظابه ) لانو في الحقيقه علاقتي بالوجاهه زي علاقتي بالدكتورة !!
Post: #37 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 06:22 AM Parent: #36
الضحكة الخبيثه موجوده ، الما موجود الوهم الزيك ديل عشان احركهم ينفشو البلد دي !!!
Post: #38 Title: Re: باركو لي الدكتوراه.........................!!!! Author: محمد عبد الماجد الصايم Date: 07-05-2010, 06:34 AM Parent: #36
يا د. عمكـ دكتوراه شنو العليكـ وإنت خال حمور؟؟
Post: #39 Title: Re: باركو لي الدكتوراه.........................!!!! Author: احمد التجانى احمد Date: 07-05-2010, 06:41 AM Parent: #35
Quote: و قصة إنو أمشي أقدم لدكتورة و أساكك الجامعات ل scholarship اعطوني أو منعوني و بعداك أقعد أقدد عيوني في القرايه عشان يجو يقولو لي يا دكتور لقيتها ما نافعه و ما عميقه و مافي ليها داعي من الأساس ، لييه ما أجي سودانيزاونلاين و أعلن إنو أنا بقيت دكتور بدون القرايه أم دق دي ؟
د. نوتة صباح الورد بتوقيتنا لو بتتذكر على ايامنا فى ام نخيل كان فى واحد الله يطراه بالخير مستوطن جهات المين رود وكافتيريا العلوم والاقتصاد ظابط البالطو الابيض حقو زى الترتيب ومتقمص الدكترة رجالة عديل كدة ويقال انه كان زول طبيعى سبقه زملاؤه فى الدخول لكلية الطب وكبادرة طيبة منهم دعوه ان ياتى من بلدته ليسكن معهم فى البركس حيث الظروف ممتازة للمذاكرة ومعاودة امتحان الشهادة مرة تانية وفعلا زولك جاء وبدا المذاكرة ومرة مرة بمشى معاهم الجامعة ففكر وقال القصة دى طويلة لسه ح امتحن شهادة وفيها انجح وفيها لا وحتى لو نجحت قراية ستة سنوات ... فاخيرا توصل لنتيجتك دى وشد اقرب بالطو ابيض واسبغ على نفسه اللقب
Post: #40 Title: Re: باركو لي الدكتوراه.........................!!!! Author: أيمن الطيب Date: 07-05-2010, 06:49 AM Parent: #39
يا دكتور,,,
Quote: الضحكة الخبيثه موجوده ، الما موجود الوهم الزيك ديل عشان احركهم ينفشو البلد دي !!!
مرحلة النفش دى إنتهت زمان هسه نحن فى مراحل متقدمة جدا,,
نفش دا كان زمان,,
Post: #42 Title: Re: باركو لي الدكتوراه.........................!!!! Author: Omar Bob Date: 07-05-2010, 07:10 AM Parent: #40
يا امين موضوع دكترتك ده عندو اي علاقه بصورة اميره الشيخ مع سيد صادق لانو انا عندي احساس انو من يوم الصورة نزلت وانت بتخطط لشئ يبز (ركز علي يبز دي) هذا الحدث. ___________________________ هل لقب دكتور يجب ما قبلها من القاب؟ ولا هي اضافه لها؟ من ناحيتي افضل ان تكون اضافه يعني اسمك حيكون دكتور امين الياسمين خال حمور واخو بدري فما هو رايكم دام فضلكم
Post: #41 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 07:04 AM Parent: #39
سلام يا د. سناء ، شفتي الدنيا دي بت ك ل ب كيف ، بنقرة كيبورد بقينا دكاتره زي بعض !!
Quote: هو انت قايلو ما راجعو.. أمال الفتح شهيتو على اللقب شنو؟ كمان يكون عجبو ليك اللقب دبل كابين اللصقو لي تبارك (دكتورة د.)
سئيلي الله يا دوك ما متذكر القصه شنو من بوست المعيار ، بعدين طبعا مافي سكة مراجعه لبوست من كم و عشرين صفحه !
انجازي ده يا دكتوره كان أصلا للوطن و من أجل الوطن و دمت يا سودان موفور القيم !!
Post: #43 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 07:13 AM Parent: #41
السني يا حبيبنا
Quote: لايقة عليك من صورتك دي تبدوا النجابة والذكاء المتوقد طالي من عينيك والان لو غيرت الصورة برضو لايق عليك اللقب من الصلعة البهية يا اخوي قسما دكتور شوية عليك انت بروفوسير عديل
الكلام ده ما بعرفو إلا من أتي الله بقلب سليم . و الشهاده لله نجابه كده يقولو عليها مافي ، القصه مشت و ما زالت بدعاء الوالدين ، و طالما الدكتوراه أبت تجي بالواطه بنجيبها بالكيبورد !!
Post: #45 Title: Re: باركو لي الدكتوراه.........................!!!! Author: عفاف الصادق بابكر Date: 07-05-2010, 07:22 AM Parent: #41
Quote: د.أمين محمد سليمان مفكر و أديب و صحفي ناشط في حقوق الأنسان
دكتور أمين ( غايتو موسيقيا لائقه لاووووووووووووووواقه ..
ياخ كان ما دكتور .. برضو دكتور .. من غير درس عصر ..
اسمع دي ..
واحد من اهلنا الهناك .. كان مفلس فلسه قويه خلااااس ..
يصلي ويدعو ربنا يفرجه عليهو في كل صلاة .. اها قريبنا زهج شديد خلاس ..
قال: الله كان فرجه فرجه كان ما فرجه ببيع حماري بفرجه على نفسي ..
اها شوف الحاله دي ..
من الان وصاعدا .. دكتور أمين ...
لكن الغريبه لمن اقول دكتور امين بخطر على بالى طواااااااااالي..
دكتور أمين حسن عمر ...... يا ساتر ..
Post: #47 Title: Re: باركو لي الدكتوراه.........................!!!! Author: علي الكرار هاشم Date: 07-05-2010, 07:51 AM Parent: #45
حكي عبد الله الطيب فقال
انا لست شيخ لأن الشيخ ليهو مواصفات خاصة جيت من انجلترا بالدكتوراه قاموا نقلوني الجنوب الجنوبيين كانوا راجيني بعد وصلت عرفوا اني ما دكتور حكيم قالوا دا دكتور ساكت..... نفسي مرقت من اللقب بعدين بقيت بروف قاموا في جامعة الخرطوم عينوا علينا مدير لا يحمل لقب بروف عمل لينا اجتماع وطلب ان نمنحه لقب بروف وبرضو اللقب مرق من نفسي
فاين تجد نفسك يا ابو اللمين وماها كتيره عليك
Post: #49 Title: Re: باركو لي الدكتوراه.........................!!!! Author: الفاتح ميرغني Date: 07-05-2010, 08:02 AM Parent: #47
Quote: د.أمين محمد سليمان مفكر و أديب و صحفي ناشط في حقوق الأنسان
يا أمين لو عندك دكتوراه أكيد عن إستحقاق ولو ما عندك برضك بتستاهلا عشان كده بنقول ليك مبروك في كلا الحالتين.
مودتي
Post: #48 Title: Re: باركو لي الدكتوراه.........................!!!! Author: جعفر محي الدين Date: 07-05-2010, 08:01 AM Parent: #45
د. أمين خال البروفيسور حمور نبارك ونشد من أزرك كمان انتبه من هنا وقدما لا تتداخل في أي بوستات تحط من درجتك العلمية الرفيعة
Post: #51 Title: Re: باركو لي الدكتوراه.........................!!!! Author: A.Razek Althalib Date: 07-05-2010, 08:23 AM Parent: #48
Post: #50 Title: Re: باركو لي الدكتوراه.........................!!!! Author: فايزودالقاضي Date: 07-05-2010, 08:22 AM Parent: #45
عرفنا الدكتوراة بس أمين ده منو ؟!!!
Post: #52 Title: Re: باركو لي الدكتوراه.........................!!!! Author: الرفاعي عبدالعاطي حجر Date: 07-05-2010, 08:46 AM Parent: #50
يا اخي دكتور من غير لقب اكاديمي
مش خال حمور دكتور ولو ما دكتور
ونص وخمسة يعني ونص وخمسة يا دكتور
أمين ؟؟؟
..............................حجر.
Post: #53 Title: Re: باركو لي الدكتوراه.........................!!!! Author: doma Date: 07-05-2010, 09:57 AM Parent: #52
انا غايتوا لو ما عرفت الدكتواره جابوها في شنو ما ببارك . اولا ورينا موضوع الرساله والجامعه والسوبرفايزر ودكتواره والسلام ولا Ph.D. Cum Laude???
Post: #54 Title: Re: باركو لي الدكتوراه.........................!!!! Author: معتصم دفع الله Date: 07-05-2010, 10:31 AM Parent: #53
هسي نحن نقول ليك .. يا دكتور .. ولا يا أستاذ .. ولا الإتنين معاً
الكلام دا يا أمين بعد هزيمة البرازيل ولا قبلها
Post: #55 Title: Re: باركو لي الدكتوراه.........................!!!! Author: Rihab Khalifa Date: 07-05-2010, 11:17 AM Parent: #54
Quote: الحكايه كلها إنو لقيت القابي كترت في المنبر و قررت أضيف لرقبتي لقب (دكتور) لانو بديني (أبعاد) و (أعماق) أخري و بعمل لي ( زخم ) من مافي !! Amin
يا دكتور امين
اولا: مبروك تانيا: you are making yourself an easy targetشيل شيلتك
غايتو كان القابك دي ما فيهن واحد من ديل٭، ولا تحسبهن يا زول، لوول:
عشميق الاصم دقر الحرايق الرايو مكملو و كلامو مو هبشي ضيف الهجعة بتعشي عكليتا كبير فرتقت ناس هكسي اب سيطا طلع شال المسافر و فات كاتم السم يا عيد الضحية البفتحولو البيت
اسي كلاما غير كلامك ده المطلعن لينا في راسنا ده مافي، بس عليهن، بي كسر الباء
ــــــــــــــــــــــــــ انصاف دي وصفت كتير، لكن شي يتفهم و شي ما يتفهم، غايتو طلعت بالفوق ديل
Post: #56 Title: Re: باركو لي الدكتوراه.........................!!!! Author: طارق جبريل Date: 07-05-2010, 11:22 AM Parent: #55
انا ما قلت ليك من لبست البدلة والكرفتة صقطة من نظري وعلي العليك خال حمور
Post: #57 Title: Re: باركو لي الدكتوراه.........................!!!! Author: عماد الدين عبدالله Date: 07-05-2010, 11:30 AM Parent: #56
Quote: د.أمين محمد سليمان مفكر و أديب و صحفي ناشط في حقوق الأنسان
تحياتي واحترامي دكتور امين والله البتابع كتاباتك في المنبر يديك بروف مش دكتور لك كل الود
Post: #58 Title: Re: باركو لي الدكتوراه.........................!!!! Author: اميمة مصطفى سند Date: 07-05-2010, 11:47 AM Parent: #57
أمين الورد والياسمين
أسمح لي أبارك لنفسنا في الأول
لأنو دكتوراتك دي بدون شك حتعود علينا نحن بالفائدة
Quote: واحد من العندهم دكتورات ديل اخير مني بشي مافي ، علي الأقل أنا ما ضيعت وقتي زيهم ..
الكلام ده بقولو دائما لكن ما في زول قدر يفهمني
ألف مبرووووووووووووووك يا خال
Post: #59 Title: Re: باركو لي الدكتوراه.........................!!!! Author: عبد القادر شادول Date: 07-05-2010, 12:03 PM Parent: #58
ماتقول مع الصلعة والغرة الاصلية دي وبوست يحي المسيحي .. عديييل دكتوراه في الفقه المقارن.. كم سنة كده ونشوف ليهو عباية انيقة كده ونمهد للقب الشيخ الدكتور.
انت يا نوتة ما تدعي النبوة وريح رقبتك وتريحنا معاك
Post: #68 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 08:13 PM Parent: #67
Quote: حاول ركز التخصص مهم ما تشبح نفسك وتبقي زي دافنشي
نحاتا ورساما وطبيبا وكيمائيا
امبارح شائفك هناك في بوست بتاع اريتريا
تاني شائفك هناك في بوست المعيار
تاني هناك شايفك في كاس العالم
التخصص مهم يا نوتة
وبعد داك ممكن نسميك البروف
كلو بنعرفو يا خلي !!! و أجمل حاجه في دكتوراتي الماخذا عنوة و اقتدارا دي إنو تخصصها حسب مقتضي الحاجه و تكاد تغطي كل العلوم المعروفه و الغير معروفه أيضا .
Post: #69 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 08:22 PM Parent: #68
عماد عبد الله أخو صلاح عبد الله الفي قطر و جابو ليه ولد سموهو عبدالله و بدلعو جدو
Quote: كان عندنا في حلتنا دكتور مصطفي .. زول عندو صدر سماوي كده و لمن يمشي تحسو بيهو عميغ عميغ .. و طوالي بيعاين شديد بدون كلام .. قام يوم في الكشف بتاع ناس عبدالرازق في عرس منصور ولدهم .. قام دكتور مصطفى إتكلم .. طلع ما عميغ .. و كمان عندو سكري ..!!
الفرق بيني و بين دكتور مصطفي الفي حلتكم إنو أنا ما بتكلم في المناسبات العامه عشان الناس ما تكتشف عدم عماقتي و ما عندي سكري و أهم حاجه ما فاره أقعد أقدد عيوني بالسنيين في حين إنو الموضوع محتاج فرد بوست و كم ساعه ترد للمهنئين .
Post: #70 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 08:28 PM Parent: #69
Quote: مبروك يا دكتور امين...
شكرا يا حليمه علي التباريك الصادقه . افتكر إنك بعد عضوية مجلس الأداره دي محتاجه ليك دكتوراه !! كدي فكري في الموضوع - و كان صليتي استخاره بكون أحسن - لو بقيتي عليها اديني ماسنجر نفتح بوست نبارك ليك و محل الرهيفه التنقد !!!
Post: #71 Title: Re: باركو لي الدكتوراه.........................!!!! Author: عبدالكريم الامين احمد Date: 07-05-2010, 08:34 PM Parent: #70
هلا يا امين وياخي انا جيت ونفسي مقطوع عديل كده وقلت النوتة عزف سمفونية الاكاديميا وصار دكتور نحريرا اذ بي احلق عبر الازمنة القديمة وهطلت سيرة صحبي الدكتور عمر اومو
وغايتو لو انت بقيت دكتور فانني لن ارضي بغير بروفسير لصحبي البدري
Post: #72 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 08:37 PM Parent: #70
Quote: ياخ ما تبطل إستهبال!! كلامك دا زاااااتو ياهو بقولو عليهو تقولو لى ناس ما عندهم حديد,,, إنت من يومك دكتور كبير خالس خالس,,
لو نسيت أذكرك الدفعة والمؤسسة التعليمية والتخسس زاتو!!
شكرا يا أبو يمن علي التباريك و الدعم و لو في حاجه الواحد ندمان عليها إنو أخر الدكتوراه لحدي الوقت ده في حين إنو كان ممكن أخدها في الزمن البتتكلم عنو ده !!! بعدين ياخي ربنا أمر بالستر ، القديم قديم داك ما تهبشو !!!
Post: #73 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 08:40 PM Parent: #72
Quote: يا د. عمكـ دكتوراه شنو العليكـ وإنت خال حمور؟؟
والله صدقت يا الصايم : واحده من أهم أسباب دكتوراتي المزعومه دي : إنو بحاول أنسي إنو أنا خال حمور !!
Post: #74 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 08:43 PM Parent: #73
Quote: لو بتتذكر على ايامنا فى ام نخيل كان فى واحد الله يطراه بالخير مستوطن جهات المين رود وكافتيريا العلوم والاقتصاد ظابط البالطو الابيض حقو زى الترتيب ومتقمص الدكترة رجالة عديل كدة ويقال انه كان زول طبيعى سبقه زملاؤه فى الدخول لكلية الطب وكبادرة طيبة منهم دعوه ان ياتى من بلدته ليسكن معهم فى البركس حيث الظروف ممتازة للمذاكرة ومعاودة امتحان الشهادة مرة تانية وفعلا زولك جاء وبدا المذاكرة ومرة مرة بمشى معاهم الجامعة ففكر وقال القصة دى طويلة لسه ح امتحن شهادة وفيها انجح وفيها لا وحتى لو نجحت قراية ستة سنوات ... فاخيرا توصل لنتيجتك دى وشد اقرب بالطو ابيض واسبغ على نفسه اللقب
متذكرو و متذكر اسمو كمان يا هندسه !! أهو أنا بالظبط عملت زيو عشان مافي زول يجي يقول لي إنت بدعت القصه دي !!
Post: #75 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 08:53 PM Parent: #74
Quote: يا امين موضوع دكترتك ده عندو اي علاقه بصورة اميره الشيخ مع سيد صادق لانو انا عندي احساس انو من يوم الصورة نزلت وانت بتخطط لشئ يبز (ركز علي يبز دي) هذا الحدث.
غايتو السويتها فينا يا عمر ما مرقت ولا شكلها حا تمرق قريب !! صورة اميره مع سيد الصادق جهجهت باكات الحكومه و المعارضه معا و قد تكون جزء من أسباب عملي للدكتوراة !!
Quote: ___________________________ هل لقب دكتور يجب ما قبلها من القاب؟ ولا هي اضافه لها؟ من ناحيتي افضل ان تكون اضافه يعني اسمك حيكون دكتور امين الياسمين خال حمور واخو بدري فما هو رايكم دام فضلكم
الدكتوراه اضافه لما لدي من القاب ، يعني هسي لقبي بقي : د. أمين محمد سليمان مفكر و أديب و صحفي ناشط في حقوق الانسان بدري و حمور و باقي أفراد الأسره ما داخلين !!
Post: #77 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 08:58 PM Parent: #75
Quote: دكتور أمين ( غايتو موسيقيا لائقه لاووووووووووووووواقه ..
ياخ كان ما دكتور .. برضو دكتور .. من غير درس عصر ..
من الان وصاعدا .. دكتور أمين ...
لكن الغريبه لمن اقول دكتور امين بخطر على بالى طواااااااااالي..
دكتور أمين حسن عمر ...... يا ساتر ..
شكرا يا عفاف علي التهنئه و التباريك ، لكن قصة أمين حسن عمر دي اغتالت الفرح في قلبي الحزين !! ياخي ده من قلايل الناس الما بدورهم في الزايله دي ولو دكتوراتي دي بتذكرك بيهو ، بالله قول لي أمين ساي بلا دكتور !!
Post: #117 Title: Re: باركو لي الدكتوراه.........................!!!! Author: عفاف الصادق بابكر Date: 07-06-2010, 07:24 AM Parent: #77
Quote: شكرا يا عفاف علي التهنئه و التباريك ، لكن قصة أمين حسن عمر دي اغتالت الفرح في قلبي الحزين !! ياخي ده من قلايل الناس الما بدورهم في الزايله دي ولو دكتوراتي دي بتذكرك بيهو ، بالله قول لي أمين ساي بلا دكتور !!
ياخ انا لما اتذكرته ديك تور امين حسن عمر .. كتبته ليك يا ساتر ..
ياخ ده لما اشوفه بحس بانه السودان اتبعثر من اي ناحية ..
أحبطتني يا أمين ياخي .. تعرف ليه ؟؟ أولادي مصرين على القصة دي في عمري دة .. و أنا شايف حتى الماجستير كان مجازفة ...
ربنا يقويك .. إتوكل و أدخل المعترك عشان نتشجع
دمتم
Post: #79 Title: Re: باركو لي الدكتوراه.........................!!!! Author: أمين محمد سليمان Date: 07-05-2010, 09:05 PM Parent: #76
الكرار علي ، سلام يا حبيبنا و شكرا علي التباريك
Quote: فاين تجد نفسك يا ابو اللمين وماها كتيره عليك
أجد نفسي في دكتوراتي الاسفيريه دي ، قصة أبقي حكيم دي صعبه علي جدا والله ، لانو زي ما عارف كان ممكن - و لحدي هسي - ممكن أفتح بوست أعلن فيهو تخصصي كدكتور طبيب أحب الدكاتره و أكره شغلهم و ما ظنيت إنو أنا كان ممكن أكون دكتور طبيب يوما ما .
Post: #78 Title: Re: باركو لي الدكتوراه.........................!!!! Author: السيد المسلمي Date: 07-05-2010, 09:00 PM Parent: #74
يا أبورزقه ياخي والله جيتك و مباركتك دي بالدنيا ، بعدين البوست ده ما فشنك ده بوست جادي جدا و بناقش في قضيه جاده جدا ، و بدعو الناس لانها تستثمر وقتها و جهدها فيما ينفع و الداير دكتوراه يجي يفتح بوست و مافي داعي لمضيعة الزمن البتحصل بسبب ورقه بعلقوها في الحيطه . تحياتنا ليك و لحبيبنا الهلباوي .
Post: #89 Title: Re: باركو لي الدكتوراه.........................!!!! Author: Mohamed Yassin Khalifa Date: 07-06-2010, 02:30 AM Parent: #87
أمين لو الدكتوراة دي ما أداك ليها البروف ود أختك... حرم ماني معترف بيها!
وسلامات ليك وللشباب...
Post: #90 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 02:35 AM Parent: #89
Quote: عرفنا الدكتوراة بس أمين ده منو ؟!!!
ياخي مش مفروض تبارك لي انجازي العملتو بالدم و الدموع ده ؟!! ليه يا فايز إنت زول قلبك أسود و ما بتحب الخير للناس ؟! ربنا يهديك و ينضف قلبك ده ياخي !!
Post: #91 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 02:38 AM Parent: #90
Quote: يا اخي دكتور من غير لقب اكاديمي
مش خال حمور دكتور ولو ما دكتور
ونص وخمسة يعني ونص وخمسة يا دكتور
أمين ؟؟؟
والله يا الرفاعي يا أخوي ده الذم بما يشبه المدح ذاتو !!! و زي ما قال المثل (حمور شنو في الحر ده !! ) .
Post: #92 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 02:43 AM Parent: #91
Quote: انا غايتوا لو ما عرفت الدكتواره جابوها في شنو ما ببارك . اولا ورينا موضوع الرساله والجامعه والسوبرفايزر ودكتواره والسلام ولا Ph.D. Cum Laude???
خالتو الالمانيه ! الدكتوراه موضوعها و تفاصيلها و السوبر فايزر بتاعها والجامعه بتغيرو حسب الظروف و مقتضيات النقاش زمانا و مكانا ( حربويه بس ) !!
Post: #93 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 02:49 AM Parent: #92
Quote: هسي نحن نقول ليك .. يا دكتور .. ولا يا أستاذ .. ولا الإتنين معاً
والله يا معتصم إنت بالذات أي حاجه منك مقبوله ، لكن كان قلت لي يا دوك بكون كويس !
Quote: الكلام دا يا أمين بعد هزيمة البرازيل ولا قبلها
سؤالك ده أسالو للناس البتشجع البرازيل ، أخوك من أول يوم بشجع هولندا !!!
Post: #94 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 02:54 AM Parent: #93
رحاب العميقه ، الله يبارك فيك يا دوك و عقبال ما نبارك ليك نجاح ياسين .
Quote: غايتو كان القابك دي ما فيهن واحد من ديل٭، ولا تحسبهن يا زول، لوول:
عشميق الاصم دقر الحرايق الرايو مكملو و كلامو مو هبشي ضيف الهجعة بتعشي عكليتا كبير فرتقت ناس هكسي اب سيطا طلع شال المسافر و فات كاتم السم يا عيد الضحية البفتحولو البيت
اسي كلاما غير كلامك ده المطلعن لينا في راسنا ده مافي، بس عليهن، بي كسر الباء
غايتو كلام خالتو إنصاف الجبتي دي مبالغه ، بالله الدكتوراه حقتي دي التقول جايبها في علم (الدواس ) !!!
Post: #95 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 03:03 AM Parent: #94
Quote: انا ما قلت ليك من لبست البدلة والكرفتة صقطة من نظري وعلي العليك خال حمور
يا طارق : كوني خال حمور فده قضاء الله و قدره و إنا عليه لصابرون ، بالنسبه للبدله فده لزوم الدكتوراه ما ممكن تبقي علي لا دكتوراه لا بدله !!!
Post: #96 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 03:07 AM Parent: #95
Quote: تحياتي واحترامي دكتور امين والله البتابع كتاباتك في المنبر يديك بروف مش دكتور لك كل الود
الله يديك العافيه يا عمده ، عصرت علي بكلامك ده والله !! أسال الله أن أكون عند حسن ظنك دائما .
Post: #97 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 03:13 AM Parent: #96
اميمه يا ستهم
Quote: أمين الورد والياسمين
أسمح لي أبارك لنفسنا في الأول
لأنو دكتوراتك دي بدون شك حتعود علينا نحن بالفائدة
أبارك ليك و لكل أفراد الشعب السوداني الشقيق رجالا و نساء ، شيبا و شبابا هذا الانجاز الغير مسبوق ، و مره تانيه و تالته و عاشره : شكرا أخي بكري لجعل هذا ممكنا . و بالله خليكم قاعدين حارسين الفايده الح تجيكم من دكتوراتي دي !!!
Post: #98 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 03:17 AM Parent: #97
Quote: انا بجي في الاستاذية و مع ذلك الف مبروك
الله يبارك فيك و في المعاك يا شادول ياخي . و صدقني بالانا شايفو ده : الاستاذيه بالكتير بعد اسبوعين تلاته إن شاء الله !!
Post: #99 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 03:19 AM Parent: #98
Quote: بالله شوفوا تواضع الدكتور أمين دة... مش معقول!!!!
هسي يا (مستكاوي ) فرقك شنو من فايز القاضي : إيه الحقد ده ؟!!
Post: #100 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 03:34 AM Parent: #99
Quote: ماتقول مع الصلعة والغرة الاصلية دي وبوست يحي المسيحي .. عديييل دكتوراه في الفقه المقارن.. كم سنة كده ونشوف ليهو عباية انيقة كده ونمهد للقب الشيخ الدكتور.
يا محمد علي : الصلعه قاعده والغره الكاذبه قاعده و البوست قاعد و خير البر عاجله ! كان هفت لي بليلنا ده أشد لي سلك للطريفي يرسل لي عبايه و باقي عدة الشغل (جلاليب وسبح و خلافو ) صباحات الله بخيرها أخوك يكون عندو البتاعه بتاعت الفقه المقارن ، إنت قايلنا كمان بنلعب ؟
Post: #101 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 03:42 AM Parent: #100
أبو الحسين يا حاقد !!
Quote: لكن حكاية دكتور دي و الله ما لايقة عليك........ ولو لبست ليك عشرين بدلة برضو نهائي ما لافقة معاك
زي ما قالت عفاف : لايقه جنس لووووواقه !! مشكلتك إنو الحقد كبس علي قلبك بقيت ما عارف اللايق شنو و الما لايق شنو : ربنا يهديك يا أبو الحسين يا أخوي العندك ده ما بعالجو إلا رافع السماء بلا عمد !!!
Post: #102 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 03:51 AM Parent: #101
(تبارك) الذي بيده (العماقه ) !!
Quote: الدكتور د. أمين محمد E سليمان (طبعاً مستحق اللقب دبل قبينة عميغ خالس)
المثل بقول ليك: الما بعرف ... ما بدّوهو يغرف ...
(هسى المشكلة تتخلص من حموّر كيف؟ ... أقول ليك حاجة: ختّ ليو مسدس فى كباية الشاى)
شكرا علي التباريك و اللقب الدبل قبينه . حمور ده كان ختيت ليه المسدس في الشاي بترصص أنا !!! لي سنين عددا صابر و محتسب في موضوع حمور ده ، عظم الله الأجر !!!
Post: #103 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 03:56 AM Parent: #102
دكتور قور يا حبيبنا
Quote: عليك الله شوف الدكتور دا!! ياخى انت دكتور كده مالك؟ امش يا دكتور
الواحد ببوست واحد بقي دكتور زيك واحد !!! بعدين البشوفك بتنبذ فيني بالدكتوراه ، يقول إنت ما عندك وحده !!!
Post: #104 Title: Re: باركو لي الدكتوراه.........................!!!! Author: محمد المرتضى حامد Date: 07-06-2010, 04:04 AM Parent: #103
كيفك يا بروف؟ قلنا نمسي،
_ العافيه درجات.
Post: #105 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 04:05 AM Parent: #103
يا دكتوره درجتي العلميه و مكانتي الجديده ما بتسمح لي أتعاطي مع المذكورين أعلاه قاطبة ، بالله لو في زول من الناس دي عايز يتعاطي معاي في الشان العام أرجو أن يتم عن طريقك !!
Post: #106 Title: Re: باركو لي الدكتوراه.........................!!!! Author: صلاح عباس فقير Date: 07-06-2010, 04:07 AM Parent: #103
ما شاء الله مبارك دكتور أمين!
صدّقني لافقة جداً جداً!
وده الدكتور الإحنا عايزنو!
يعيش في قلب الأحداث،
ويتعامل معها بمنطق بسيط غير معقد!
بيد أنه هادف!
أجدد التهانئ الخالصة!
Post: #107 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 05:27 AM Parent: #106
Quote: يا دكتور والله ليتقاصر اللقب ويعجز عن ايفاءك حقك, يا من منحت (البورض) زخما وعمقا وابعادا لامتناهية , فهنيئا للقب بك
شكرا يا عمر علي المحلبيه الزايده دي
Post: #108 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 05:32 AM Parent: #107
قمر الحقد المظلم
Quote: انت يا نوتة ما تدعي النبوة وريح رقبتك وتريحنا معاك
أخوك كضاب و مفتري علي خلق الله لكن كضب و إفتراء علي ربنا دي ما بقدر عليها !!!
Post: #109 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 05:41 AM Parent: #108
Quote: هلا يا امين وياخي انا جيت ونفسي مقطوع عديل كده وقلت النوتة عزف سمفونية الاكاديميا وصار دكتور نحريرا اذ بي احلق عبر الازمنة القديمة وهطلت سيرة صحبي الدكتور عمر اومو
والله يا كريم أخوك دربوكه ما يعزفها !! بعدين كدي وريني سبب واحد إنو أعزف نوتة الدكتوراه دي ! إذا كان ممكن أفتح بوست و الناس تبارك و تهني : الشقا و التعب في شنو ؟!
Quote: وغايتو لو انت بقيت دكتور فانني لن ارضي بغير بروفسير لصحبي البدري
مافي زول اسمو البدري عبد الله يا كريم ، الشخصيه دي لا وجود لها علي أرض الواقع : شخصيه وهميه من (أولاد ) أفكار اميره الشيخ !!
Post: #110 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 05:48 AM Parent: #109
الريس ابا جهينه
Quote: أولادي مصرين على القصة دي في عمري دة .. و أنا شايف حتى الماجستير كان مجازفة ...
ربنا يقويك .. إتوكل و أدخل المعترك عشان نتشجع
أوعك تسمع كلام أولادك ديل : العمر أقيم من انك تضيعو في قرايه اكاديميه ، خاصة لو ممكن تعملها في عشره دقايق بفتحة بوست : لو أولادك أصرو رسل لي في الخاص نفتح ليك بوست زي حقي ده و بعداك بورداب الرياض بتمو الباقي !!
Post: #111 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 05:52 AM Parent: #110
شرف الله قدرك يا سيدنا و إن شاء الله عقبال المسلمي . الدكتوره عرفنا جبناها ، لكن الحنيه دي نجيبها من وين ؟
Post: #112 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 05:59 AM Parent: #111
عمار يا حبيبنا ، ياخي عقبال من نبارك ليك (حجة الأسلام ) و إنت جاي من قم المقدسه ياخي
Quote: د.امين ,, دامت افاداته ,,,,,,,,, مبروك
اصح يا دكتور دي موضه قديمة ,, الزمن زمن فنانين ومداحين ,,
كده ما تجي تبارك لي البوماتى الجديده
خاصة المدايح طبعا البوم الاغاني الشبابية والكليب دي انت ما تنفع معاك ,, والاغانى الوطنبة , عارفك معارضه ,,
ومعا فنان لكل بيت
ورينا شهادات الفنانين و المداحين بجيبوها من وين و أمشي أجيبها في ثانيه !!
Post: #113 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 06:08 AM Parent: #112
لابورتا التعيس
Quote: يا دكتور الف مبروك وعقبال الأستاذيه الربع الجاي
الربع الجاي البعيييد داك ؟ ياخي قول الاسبوع الجاي البعدو بالكتيير ! الشخصيات الاسطوريه الزيي دي عاملها بتاع الزمن بيختلف عن الناس العاديه و ده نقاش كبير اتركو لمجال أوسع و أرحب .
Post: #114 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 06:13 AM Parent: #113
Quote: سلامات دكتور امين.
سيفنا البتار ، ياخي سلمك الله ومن معك من كل أذي ، الواحد تعب في الدكتوراه يا سيف و مروركم يغسل هذا التعب !!
Post: #115 Title: Re: باركو لي الدكتوراه.........................!!!! Author: محمد عبد الماجد الصايم Date: 07-06-2010, 06:14 AM Parent: #113
Quote: ختّ ليو مسدس فى كباية الشاى
لو الشاي فيهو نعناع ممكن يأثر نفسيا على حمور!
Post: #116 Title: Re: باركو لي الدكتوراه.........................!!!! Author: abubakr Date: 07-06-2010, 06:16 AM Parent: #113
اربع وعشرين ساعة كلها وانت لسه دكتور وما بقيت بروف ؟؟ شوف ليك واحدة تانية (cut and paste) وانشاء الله ما حد حوش ....
_____
الواحد نفسو يلقي حاجةفي بلدنا ما اترمت في الماء الاسن للفساد والمفسدة؟؟ .. ما ذنب اجيال قادمة من نسلنا نحن الذين سهلنا بصورة او اخري امر الفساد بسوء ادارتنا لبلادنا وانانيتنا وتعلقنا بالشكليات دون مضمون ؟؟؟
امين يا بياع . . . تدقسونا تخلونا نمش السودان الشغيغ و تعمل ليك دكترة من ورانا !!؟؟ لا تثريب عليك اليوم - 4 يوليو - فقد حلل الله البيع و حرّم الربا . . . اوعك من تربي دكترتك دي لي برففة عديييييييييييييل . . . سمح ؟
---------
دا يوم مبارك عديل . . و ح نعلنو في حزبنا يوم عيد رسمي ففيه تحررت امريكا الشغيغة و فيه تحرر اميينا العام من ربقة ( السائية ) و صار دال جنرال موتورز عديل
ياخ بمناسبة الاعياد دي . . تصدق في نفس اليوم دا تم نجاح عملية تفاوض شاقة و مضنية و بعد مخاض عسير طلعنا باتفاق مع ناشط حقوق الانسان ( الكبير ) خضر حسين خليل الشهير بخضر حسين ساي ، تم قبوله الكريم بالانضمام لصفوف حزبنا ( القيادة الثورة ) و يكون هو شخصياً ظلكم في الخرطوم و ممثل حصري لفخامتكم - بعد الدكترة اخدت ليه ألق خاص كمان ! - و في انتظار مباركتكم
مشتاقين و الله و تقبل تحيات خضر حسين ( طبعاً لو ما دي ما كان خلاني دخلت من لابتوبو ذاتو )
Post: #119 Title: Re: باركو لي الدكتوراه.........................!!!! Author: جعفر محي الدين Date: 07-06-2010, 01:34 PM Parent: #118
أخونا قيقا الذي بالسودان ياخي بعد 48 ساعة ونيف حتى تبارك الدكتوراة يبدو أن الحزب ترهل وأصابته حالة من الخمول وأرجو من الدكتور أمين أن ينظر لينا في علاج هذه الحالة
خارج النص:
وينك يا رجل تكتب لينا ميثاق لكأس العالم وتفر تخلينا لبنات حواء ينتاشونا من كل صوب وحدب !
Post: #121 Title: Re: باركو لي الدكتوراه.........................!!!! Author: خضر حسين خليل Date: 07-06-2010, 04:37 PM Parent: #120
معليش ياعمو امين للتهنئة المتأخرة يتربي في عزك ويتقطع بي عرق العافية
Post: #122 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 06:01 PM Parent: #121
محمد عثماننا الذي نحب ، إنت وين ياخ ؟
Quote: يا د. أمين مبروك غايتو تاني لو قلت لي قريبي محمد إي سليمان يا دكتور حيقول لك دكتور إنت مشتاقين يا صديقي
الحبشي يا محمد عثمان أنا بناديه بي يا دكتور عايزو يوم ينسي ما يصلحني إنو ما دكتور عشان كان يوم كركب معاي - وبراك عارفو ما مضمون - بطلع ليه من الأرشيف إنو عامل فيها دكتور و إنو ما صلحني لمن قلت ليه يا دكتور !!! الزمن بقي صعب و أهم حاجه الواحد يامن ضهرو من نوائب الزمن الأسفيريه
Post: #123 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 06:07 PM Parent: #122
محمد ياسين يا حبيبنا ، وينك قاطع الحركه ؟
Quote: أمين لو الدكتوراة دي ما أداك ليها البروف ود أختك... حرم ماني معترف بيها!
وسلامات ليك وللشباب...
ود أختي حدو الابتدئيه !! تقول لي بروف ؟!! و بعدين أرجع للمثل الشعبي (حمور شنو في الحر ده !!! ) !!!
Post: #124 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 06:10 PM Parent: #123
Quote: كيفك يا بروف؟ قلنا نمسي،
ياخي يسعد مساك إنت و المعاك يا مولانا .
Post: #125 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 06:27 PM Parent: #124
صلاح يا حبيبنا ، إن شاء الله أمورك كلها طيبه ياخي .
Quote: ما شاء الله مبارك دكتور أمين!
صدّقني لافقة جداً جداً!
وده الدكتور الإحنا عايزنو!
يعيش في قلب الأحداث،
ويتعامل معها بمنطق بسيط غير معقد!
بيد أنه هادف!
أجدد التهانئ الخالصة!
شكرا لطيب تبريكاتك و عميق تهانيك يا صلاح ، الواحد بيحاول يعيش في قلب الأحداث، و يتعامل معها بمنطق بسيط بالذات لمن يكون بتعامل مع ناس بسطاء و قليلي معرفه زي الناس الهنا ديل ، قدرنا أن نشتعل لننير الدرب للاخرين !!!
Post: #126 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 06:32 PM Parent: #125
Quote: لو الشاي فيهو نعناع ممكن يأثر نفسيا على حمور!
تعرف يا الصايم ، حمور ده من الفقاريات التي لا تحس و لا تتاثر بما حولها و ما عندو نفسيات ذاتو !!
Post: #128 Title: Re: باركو لي الدكتوراه.........................!!!! Author: أمين محمد سليمان Date: 07-06-2010, 06:45 PM Parent: #126
Quote: اربع وعشرين ساعة كلها وانت لسه دكتور وما بقيت بروف ؟؟ شوف ليك واحدة تانية (cut and paste) وانشاء الله ما حد حوش ....
_____
يا باش ، الواعي ما بوصو !! أخوك مستني الناس تتعود علي قصة دكتور دي ، بعدين ببقي بروف في ظرف اسبوعين كده إن شاء الله .
Quote: الواحد نفسو يلقي حاجةفي بلدنا ما اترمت في الماء الاسن للفساد والمفسدة؟؟ .. ما ذنب اجيال قادمة من نسلنا نحن الذين سهلنا بصورة او اخري امر الفساد بسوء ادارتنا لبلادنا وانانيتنا وتعلقنا بالشكليات دون مضمون ؟؟؟
والله يا باشمهندس كلامك بيوجع و يحرق لانو حقيقي !! We kept passing the buck generation after generation لحدي ما بقي مافي حاجه نباصيها للاجيال الجايه غير خيبتنا !!!
Post: #129 Title: Re: باركو لي الدكتوراه.........................!!!! Author: أمين محمد سليمان Date: 07-07-2010, 02:12 AM Parent: #127
قيقا يا خيمة حزن منصوبه في قلوب الغلابه !! الشوق يعصر مهجتي كالبرتقاله يا صديق ، بالله كيف وطننا الشقيق ؟!
Quote: تدقسونا تخلونا نمش السودان الشغيغ و تعمل ليك دكترة من ورانا !!؟؟
أبدا والله ، الساعه ١١ بالليل هفت لي أعمل دكتوراه ١١ و ربع اسبغت اللقب علي ذاتي الشريفه : تعبايه واحده ما تعبتها !!!
Quote: ياخ بمناسبة الاعياد دي . . تصدق في نفس اليوم دا تم نجاح عملية تفاوض شاقة و مضنية و بعد مخاض عسير طلعنا باتفاق مع ناشط حقوق الانسان ( الكبير ) خضر حسين خليل الشهير بخضر حسين ساي ، تم قبوله الكريم بالانضمام لصفوف حزبنا ( القيادة الثورة ) و يكون هو شخصياً ظلكم في الخرطوم و ممثل حصري لفخامتكم - بعد الدكترة اخدت ليه ألق خاص كمان ! - و في انتظار مباركتكم
يا قيقا ياخي أنا انسلخت من حزبكم ده كما ينسلخ جلد الخروف صبيحة العاشر من ذي الحجة !! الأسباب كتيره و حا اعلنها في استقالتي العلنيه الحا أقدمها في القريب العاجل إن شاء الله . الحزب يا قيقا بقي حقك إن شاء الله تجيب فيه عمر ود التومه مافي زول عندو كلام معاك !!!
Post: #130 Title: Re: باركو لي الدكتوراه.........................!!!! Author: أمين محمد سليمان Date: 07-07-2010, 02:28 AM Parent: #129
شكرا يا اميره علي المرور و التبريكات و نرد ليك وردك ده في تخرج حسبو و لابورتا !!
Post: #131 Title: Re: باركو لي الدكتوراه.........................!!!! Author: أمين محمد سليمان Date: 07-07-2010, 02:33 AM Parent: #130
Quote: يبدو أن الحزب ترهل وأصابته حالة من الخمول وأرجو من الدكتور أمين أن ينظر لينا في علاج هذه الحالة
الحزب مات يا جعفر كما تموت الأشياء الجميله في وطننا الشقيق !! الحزب إغتالتو العناصر المندسه !! ختو ليه المسدس في الكبايه ذي ما قال تبارك !!
Post: #132 Title: Re: باركو لي الدكتوراه.........................!!!! Author: أمين محمد سليمان Date: 07-07-2010, 02:39 AM Parent: #131
Quote: امين سلامات
والف مبروك ... وانشاء الله دائما من نجاح لنجاح
احتراماتى
مداخلة أخونا الكوتش دي نبهتني لانو في بوستات التهنئه و العزاء الناس ما بتقرا البوست ، بتجي تخت كلامها و تمشي . شكرا يا طارق علي حسن ظنك لكن أخوك أقصر قامه من إنو يعمل دكتوراه . و يا اخوانا طالما القصه ممكن تتفهم جد ، أنا حا أرخي البوست و العاقبه عندكم في المسرات !!
