Post: #1
Title: وظيفة شاغرة ...
Author: omer osman
Date: 10-25-2011, 09:02 AM
Parent: #0
قبل كده اختنا ميادة كمال عملت إعلان مطلوب (طباع) المنبر ده قام وقعد
قالوا التسمية دي ما صحيحة لكن مافي زول ورانا الصاح شنو !!!
اسه وعاجل مطلوب : طباع ، طبيع ، صفيف (الاخيرة علي حسب رواية ودالصايم)
المهم في النهاية بعيد عن التسمية زول أو زولة بعرف يطبع بصورة ممتازة وسريعة يفضل (عربي و انجليزي)
المحل في سوق الخرطوم (2) ومجهز بشكل ممتاز ..
سيكون هناك (راتب + نسبة) حسب الاتفاق ...
للراغبين الاتصال على هاتف : 0183570192
|
Post: #2
Title: Re: وظيفة شاغرة ...
Author: محمد عمر الفكي
Date: 10-25-2011, 10:15 AM
Parent: #1
يا جنابو
عندي ليك مرشحين وانت اختار واحد فيهم
1 - ود الباوقة في اطار العودة الطوعية
2- دكتور سيف النصر في اطار العودة الزهجية
ملحوظة
ود الباوقة يحتاج الى مكتب واسع عشان يصوقر فيهو وما تنسى تبعد مو عشان ما يدوس كراعك وكمان الراجل خبير بمصطلحات اللغة العربية، ومبسوط يعني ما حيتعبك في الماهية دا كان ما اداك من جيبو (غايتو لو ما عندك حديدة سنينة، مصيبتك مصيبة، موظفك يجي بكامري وانت تجي بهكرة)؟
ربنا يوفقك يا حبيب وعندي ليك زول بس لو في الخاص وريني (ماهيتك كم ) (دي معاها ابتسامة خبيثة عديل كدا)
|
Post: #3
Title: Re: وظيفة شاغرة ...
Author: طارق جبريل
Date: 10-25-2011, 10:25 AM
Parent: #2
اسمها مصفف يا عمك
تحياتي للاولاد وامهم
|
Post: #5
Title: Re: وظيفة شاغرة ...
Author: omer osman
Date: 10-25-2011, 10:59 AM
Parent: #3
ولاينبئك مثل خبير ...
شكرا طارق ......
|
Post: #7
Title: Re: وظيفة شاغرة ...
Author: أيمن دياب
Date: 10-25-2011, 11:06 AM
Parent: #3
في زمننا كان اسمها (جمِّيع).. إشارة إلى الجمع الالكتروني..
|
Post: #12
Title: Re: وظيفة شاغرة ...
Author: omer osman
Date: 10-25-2011, 11:45 AM
Parent: #7
| Quote: في زمننا كان اسمها (جمِّيع).. إشارة إلى الجمع الالكتروني.. |
تعرف يا ايمن التقدم العلمي ادخل اللغة العربية
في مشكلة حقيقية وبالجد مرات في حاجة في الكمبيوتر ده
لمن تترجم للعربي بتبقي ما مفهومة اصلاً ...
|
Post: #4
Title: Re: وظيفة شاغرة ...
Author: omer osman
Date: 10-25-2011, 10:56 AM
Parent: #2
Quote: يا جنابو
عندي ليك مرشحين وانت اختار واحد فيهم
1 - ود الباوقة في اطار العودة الطوعية
2- دكتور سيف النصر في اطار العودة الزهجية |
هههههههه ...
يامحمد عمر يااااخ ودالباوقة او دكتور سيف يجو يديروا المحل وانا بطبع ..
|
Post: #6
Title: Re: وظيفة شاغرة ...
Author: محمد أبوالعزائم أبوالريش
Date: 10-25-2011, 11:03 AM
Parent: #4
شوف السنجك دا خربها كيف .......... يعني ناس المُشاط (الكوفير) يسموهم شنو؟
والله يا جنابو مشكلتك معاي مشكلة ........ كل ما تجي سيرة المحل ده، تجي سيرة الكوافير.
أقول ليك؟ خليها بالتنقليزي (تايبيست)
|
Post: #8
Title: Re: وظيفة شاغرة ...
Author: محمد عبد الماجد الصايم
Date: 10-25-2011, 11:14 AM
Parent: #6
فني جمع تصويري ^_^
|
Post: #13
Title: Re: وظيفة شاغرة ...
Author: omer osman
Date: 10-25-2011, 11:48 AM
Parent: #8
| Quote: فني جمع تصويري ^_^ |
ياعمك اثبت ليك على رأي 
المرة الفاتت في بوست ميادة قلت اسمو (صفيف)
|
Post: #10
Title: Re: وظيفة شاغرة ...
Author: omer osman
Date: 10-25-2011, 11:33 AM
Parent: #6
Quote: والله يا جنابو مشكلتك معاي مشكلة ........ كل ما تجي سيرة المحل ده، تجي سيرة الكوافير.
|
ههههههه بالجد ياابوالعزائم صدفة غريبة خلاس ..
| Quote: أقول ليك؟ خليها بالتنقليزي (تايبيست) |
حقيقة مرات الانجليزي فيهو الحل ...
|
Post: #9
Title: Re: وظيفة شاغرة ...
Author: محمد عبدالرحمن محمد
Date: 10-25-2011, 11:15 AM
Parent: #4
إبننا عمر،
يمين كت حاسب الصايم وطارق جبرين ديل ندادتك
لاكين بي تصفيف ومصفف ديل طلعوا من العصر الخارصيني
بالجنبه،
نحن ننفع؟*
-
* نفهم في الماك والأوفيس وهلمجرا
|
Post: #11
Title: Re: وظيفة شاغرة ...
Author: طارق جبريل
Date: 10-25-2011, 11:34 AM
Parent: #9
ود أبو العزائم والمطرطش لم يأتوا لحوار
|
Post: #14
Title: Re: وظيفة شاغرة ...
Author: omer osman
Date: 10-25-2011, 11:51 AM
Parent: #9
Quote: إبننا عمر،
يمين كت حاسب الصايم وطارق جبرين ديل ندادتك
لاكين بي تصفيف ومصفف ديل طلعوا من العصر الخارصيني |
هلا يامحمد
غايتو ودالصايم ده مابعرفوا كان اكبر وال اصغر مني
لكن لمن دخلنا الثانوي العالي (الخرطوم الجديدة) قالوا لينا انتو محظوظين
ناس الشغب بقيادة واحد اسمو طارق جبريل اتخرجوا
|
Post: #15
Title: Re: وظيفة شاغرة ...
Author: محمد عبد الماجد الصايم
Date: 10-25-2011, 12:08 PM
Parent: #14
| Quote: غايتو ودالصايم ده مابعرفوا كان اكبر وال اصغر مني |
كلو مني أنا .. أصلوا ما سمعت كلام أمي لمن قالت لي ما تصاحب الأكبر منكـ!!
_
يا جنابو .. صفيف ومصفف معروفة داخل الوسط الصحفي (الحقيقي) اللي هو المطبخ
بتاع الجريدة زاتو .. أما (فني جمع تصويري) فدا حسب تصنيف كتاب (العمل والعُمّال) السعودي!!
شايف الجماعة في السودان بقولوا (طبيّع) .. يكون ليهو علاقة بإسرائيل؟
|
Post: #17
Title: Re: وظيفة شاغرة ...
Author: omer osman
Date: 10-25-2011, 12:19 PM
Parent: #15
Quote: كلو مني أنا .. أصلوا ما سمعت كلام أمي لمن قالت لي ما تصاحب الأكبر منكـ!!
|
اكبر منك ياحلاة لقلق (زي مابقول خليل) لييه انت قايلني وهبة وال شنو
Quote: يا جنابو .. صفيف ومصفف معروفة داخل الوسط الصحفي (الحقيقي) اللي هو المطبخ
بتاع الجريدة زاتو .. أما (فني جمع تصويري) فدا حسب تصنيف كتاب (العمل والعُمّال) السعودي!!
|
تشكر يامعلم ... واحدة من ميزات سودانيز بتلقي فيها خبرات متنوعة
|
Post: #16
Title: Re: وظيفة شاغرة ...
Author: Safia Mohamed
Date: 10-25-2011, 12:13 PM
Parent: #14
سلام استاذ عمر
اقصد سعادتك
يعني لو سمحت ممكن
تفصل شوية
يعني الجوب ديسكريبشن
الرئيس المباشر
ساعات العمل
ساعة الفطور
ساعة الرضاعة لو واحدة ووالدة
والاجازة السنوية
ووالاجازات المرضية
الاجازات التانية
عرس وولادة
وفاة اقارب- لا قدر الله
التامين الصحي والاجتماعي
والاصابة اثناء العمل
الاجر الاضافي
وحقوق الاجازة
وسنين التقاعد
و...
القائمة تطول
حقوقو انسان وكدة
وشوش كتاار يا ناس-
المهم كان ما لقيت زول بنسد ليك فرقة لو الشروط اعلاه متوفرة
مع تحياتي
صفية
|
Post: #18
Title: Re: وظيفة شاغرة ...
Author: omer osman
Date: 10-25-2011, 12:25 PM
Parent: #16
Quote: يعني لو سمحت ممكن
تفصل شوية
يعني الجوب ديسكريبشن
الرئيس المباشر
ساعات العمل
ساعة الفطور
ساعة الرضاعة لو واحدة ووالدة
والاجازة السنوية
ووالاجازات المرضية
الاجازات التانية
عرس وولادة
وفاة اقارب- لا قدر الله
التامين الصحي والاجتماعي
والاصابة اثناء العمل
الاجر الاضافي
وحقوق الاجازة
وسنين التقاعد
و...
القائمة تطول
|
ههههههه
كان كده ياصفية انا ذاتي حقو اقدم في الوظيفة دي
Quote: المهم كان ما لقيت زول بنسد ليك فرقة لو الشروط اعلاه متوفرة
مع تحياتي
صفية |
مابتقصري والله ياها المحرية في اخوان المنبر ....
حبابك .....
|
Post: #19
Title: Re: وظيفة شاغرة ...
Author: سفيان بشير نابرى
Date: 10-25-2011, 12:36 PM
Parent: #18
| Quote: يا جنابو .. صفيف ومصفف معروفة داخل الوسط الصحفي (الحقيقي) |
انت مش قالوا الجراءة في المنبر!!!
خليك راكز وقول قاصد ملاسي وحاج العوض رسممممي بالكلام الفوق دا
وبطل همز ولمز .
سلام يا صفوة يا جنابو
عليك الله الصوت كيف ؟
مش انفع مذيع للترجي و الهليل ؟
|
Post: #21
Title: Re: وظيفة شاغرة ...
Author: محمد أبوالعزائم أبوالريش
Date: 10-25-2011, 12:57 PM
Parent: #19
| Quote: ود أبو العزائم والمطرطش لم يأتوا لحوار |
والله يا طارق، لما قلت (شوفوا السنجك) ..... كنت عايز أقول (السنجك المطرطش ده) ... بس خفت يجيني ناطّي المطرطش سيد الإسم.
أها .... برضو جاء ناطّي ........ أسوي شنو ... وقعت في تلاتة سناجك .... بعد دا كلامي يبقى (يا خرابي) و(ضُمّة) ..... وهلم جرّا
الله في
|
Post: #23
Title: Re: وظيفة شاغرة ...
Author: omer osman
Date: 10-25-2011, 01:32 PM
Parent: #19
Quote: سلام يا صفوة يا جنابو
عليك الله الصوت كيف ؟
مش انفع مذيع للترجي و الهليل ؟ |
ياسفيان يااااخ كورة الترجي والهليل دي داير ليها مذيع
الكورة طول الوكت عند الترجي باص باصين جب جوه الشبكة
المهم منتظرنك بالفول ...
|
Post: #20
Title: Re: وظيفة شاغرة ...
Author: علاء الدين يوسف علي محمد
Date: 10-25-2011, 12:46 PM
Parent: #18
يعلم الله يا جنابو الواحد خرم عديييييل للشغل معاك
إضافي تقبل؟
|
Post: #22
Title: Re: وظيفة شاغرة ...
Author: omer osman
Date: 10-25-2011, 01:28 PM
Parent: #20
| Quote: يعلم الله يا جنابو الواحد خرم عديييييل للشغل معاك |
والله ياعلاء كانت لنا ايام لا تنسي وتجربة ستظل عالقة في الذاكرة ..
هههههههه ..
كدي في الأول تعال لينا زيارة
عندنا فول كارب ، ياحليل الميزانيات المرصودة
بمناسبة الميزانية المرصودة دي تتذكر فتة السليقة ديك والله حاجة فنانة خلاص 
|
Post: #24
Title: Re: وظيفة شاغرة ...
Author: معاوية عبيد الصائم
Date: 10-25-2011, 01:42 PM
Parent: #22
بوست مخالف للمادة 46 (ا)مقرونة مع 444(ب)...من قانون التوظيف لسنة 2066...
جنابو سلامات ياخ...غايتو الشغلة اكان فيها جمع قريشات ..بلا ايصالات احذرك
تحذير مبطن وظاهر ..من صاحبى داك
|
Post: #25
Title: Re: وظيفة شاغرة ...
Author: omer osman
Date: 10-25-2011, 01:48 PM
Parent: #24
Quote: بوست مخالف للمادة 46 (ا)مقرونة مع 444(ب)...من قانون التوظيف لسنة 2066...
|
وانت يامعاوية قايل بطاقة بوليس معاش دي خاتنها في جيب القميص لييييه
ما عشان الشبك الزي دي .......
Quote: جنابو سلامات ياخ...غايتو الشغلة اكان فيها جمع قريشات ..بلا ايصالات احذرك
تحذير مبطن وظاهر ..من صاحبى داك |
لا يااااخ صاحبك داك احسن زبون عندنا في المكتبة
|
Post: #26
Title: Re: وظيفة شاغرة ...
Author: محمد عبد الماجد الصايم
Date: 10-26-2011, 08:42 AM
Parent: #25
يـُرفع للبحث عن (صفيف)!!
|
Post: #27
Title: Re: وظيفة شاغرة ...
Author: omer osman
Date: 10-26-2011, 08:49 AM
| Quote: يـُرفع للبحث عن (صفيف)!! |
تشكر ياعمك .....
تصدق بعدد (2) عيزومة في مطعم البوادي مقابل المكتبة
طبعاً مطعم البوادي ياعمك عندو احسن فراخ مشوي وبروست في الخرطوم
|
Post: #28
Title: Re: وظيفة شاغرة ...
Author: محمد عبد الماجد الصايم
Date: 10-26-2011, 09:11 AM
Parent: #27
تعرف يا جنابو .. أمس جايبين لقاء مع البرتغالي باولو جورج المحترف
في نادي الاتحاد السعودي .. أها سألوهو: أكتر حاجة مزهجاكـ في السعودية؟
قال ليهم: أكل الجداد أربعة وعشرين ساعة دا!!
|
Post: #29
Title: Re: وظيفة شاغرة ...
Author: عمر الفاروق
Date: 10-26-2011, 09:53 AM
Parent: #28
يا ود الصايم انا صاحبي زي باولو جورج ده..قال يا عمر والله الواحد بقا لما يشوف ليهو ديك يخجل..
|
Post: #31
Title: Re: وظيفة شاغرة ...
Author: محمد عبد الماجد الصايم
Date: 10-26-2011, 10:01 AM
Parent: #29
| Quote: .قال يا عمر والله الواحد بقا لما يشوف ليهو ديك يخجل.. |
كاااااااااااااااااااااااااااااااااااكـ ياخ!!
أها نحن لينا كم وعشرين سنة بالحالة دي!!
ويجي جنابو يقول ليكـ بروست وفراخ!!
بعدين يا جنابو البروست والفراخ
زي البامية والبامية المفروكة!!
|
Post: #30
Title: Re: وظيفة شاغرة ...
Author: انعام حيمورة
Date: 10-26-2011, 09:59 AM
Parent: #28
غايتو يا ########و انا بسد ليك خدمة لحدي ما تلقى ليك زول
قصرت معاك ؟؟ حق الجيرة وكدة ..
موفق ان شاء الله ...
مسمى الوظيفة : جامع أو جامعة من جمع الاحرف هههههه
|
Post: #32
Title: Re: وظيفة شاغرة ...
Author: عمر الفاروق
Date: 10-26-2011, 10:09 AM
Parent: #30
بامية ومفروكة شنو..والله التقول جايبننا بي فيزا ثعلب..
|
Post: #33
Title: Re: وظيفة شاغرة ...
Author: محمد عبد الماجد الصايم
Date: 10-26-2011, 10:16 AM
Parent: #32
والغريبة أغلب الناس دي جاية (كابوي) يعني الإنتي فايروس بتاع الثعلب!!
|
Post: #34
Title: Re: وظيفة شاغرة ...
Author: omer osman
Date: 10-26-2011, 10:27 AM
Parent: #33
ياودالصايم عندنا خيارات تانية برضو ....
فول مزبط ... فتة عدس موبالغة ... زغني لحمة ... بيتزا ... سندوتشات تونة بالسلطة ...... الخ
سوق نمرة 2 عااامر والشيشة برضو في ........
|
Post: #35
Title: Re: وظيفة شاغرة ...
Author: عادل فضل المولى
Date: 10-26-2011, 02:21 PM
Parent: #34
سلامات يا عمر
| Quote: في زمننا كان اسمها (جمِّيع).. إشارة إلى الجمع الالكتروني.. |
امسك في كلام ايمن دياب دا وسيبك من ود الصايم
لانو برضو هسي اسمها جِمِّيع
اها لو عايز ليك زول سرعتو 220 كلمة في الساعة تلقانا عندك
وانجليزي برة مننا
اها نرسل ليك السي في
|
Post: #36
Title: Re: وظيفة شاغرة ...
Author: سيف الدين عبد الجبار
Date: 10-26-2011, 06:25 PM
Parent: #35
تابيست ... ... عربي إنجليزي فرنسي ألماني ... أكثر من 15 سنة طباعة... 4 سنوات ببنك أم درمان الوطني .. 1 سنة بشركة إبداع للطباعة و 10 سنة بسوق الأوقاف أبو جنزير (سابقاً)...
الآن أمارس الطباعة والترجمة عبر النت ومن المنزل مع زبائن ... من داخل وخارج السودان...
إذن
كم الراتب الشهري؟
وكم النسبة؟
سيف الدين بابكر
ماجستير ترجمة
جامعة جوبا
0916056366
|
Post: #45
Title: Re: وظيفة شاغرة ...
Author: omer osman
Date: 10-27-2011, 06:41 PM
Parent: #36
Quote: تابيست ... ... عربي إنجليزي فرنسي ألماني ... أكثر من 15 سنة طباعة... 4 سنوات ببنك أم درمان الوطني .. 1 سنة بشركة إبداع للطباعة و 10 سنة بسوق الأوقاف أبو جنزير (سابقاً)...
الآن أمارس الطباعة والترجمة عبر النت ومن المنزل مع زبائن ... من داخل وخارج السودان...
إذن
كم الراتب الشهري؟
وكم النسبة؟
سيف الدين بابكر
ماجستير ترجمة
جامعة جوبا
0916056366 |
والله ياسيف ماشاء الله عديييل كده ....
اذا في امكانية تزورنا في المحل يوم السبت يكون 100%
|
Post: #46
Title: Re: وظيفة شاغرة ...
Author: omer osman
Date: 10-27-2011, 06:44 PM
Parent: #35
Quote: ها لو عايز ليك زول سرعتو 220 كلمة في الساعة تلقانا عندك
وانجليزي برة مننا
اها نرسل ليك السي في |
ياعادل سي في شنو انت قايل ده شركة دال
تعال لينا بالدرب عدييييييل نقعد في الواطة ونتفاهم ...
|
Post: #37
Title: Re: وظيفة شاغرة ...
Author: عمر صديق
Date: 10-26-2011, 06:57 PM
Parent: #28
سلامات اخونا زمان
والمهم توضح الراتب عشان يمكن نقدم
|
Post: #38
Title: Re: وظيفة شاغرة ...
Author: Ahmed musa
Date: 10-26-2011, 07:08 PM
Parent: #37
والله ياجنابو قالوا في العربي سكّن تسلم
اها إسمه عندنا (فني طباعة) ...
وأنا عندي ليك واحد فُرّيرة
بس خليني (أبركت) ليك تلفونه وبكلمه
بجد ده كان بطبع لينا في المحكمة
موبالغة على قول ناس الهيلاهوب
ماشاء الله لكف عينا عنه
|
Post: #39
Title: Re: وظيفة شاغرة ...
Author: mohmed khalail
Date: 10-26-2011, 07:47 PM
Parent: #38
يا جنابو والله ضححكتني بحلاة لقلق دي...
صدقني انت لو ما دفعة العم وهبه قررررررررربت ليهو بكلمتك دي..(تكون كنت كلية شرطة ناضجين)؟
|
Post: #40
Title: Re: وظيفة شاغرة ...
Author: أميرة فاروق عبد العال
Date: 10-26-2011, 08:14 PM
Parent: #39
الـ closing date متين،
نلحق نعمل لينا كورسي كورسيين،
|
Post: #41
Title: Re: وظيفة شاغرة ...
Author: معاوية عبيد الصائم
Date: 10-26-2011, 08:18 PM
Parent: #40
Quote: نلحق نعمل لينا كورسي كورسيين،
|
جنابو
فى تخفيض وللا شنو....ياخوى اكلتنى فى صورة البنك الاسلامى..
|
Post: #42
Title: Re: وظيفة شاغرة ...
Author: محمد عبدالرحمن محمد
Date: 10-27-2011, 04:13 PM
Parent: #41
طالما لَبَدت بعد الناس الفوق ديل كووولهم قدمو لي وظيفتك دي،
شكلو قريبتي أم أبوي عينتلها زول| زوله من تالاها
يا جنا اركز
_
بت كرودي،
عمر الليدجر تشممي لي قدحه
المطرطش
|
Post: #43
Title: Re: وظيفة شاغرة ...
Author: أميرة فاروق عبد العال
Date: 10-27-2011, 04:35 PM
Parent: #42
| Quote: الناس الفوق ديل كووولهم قدمو لي وظيفتك دي، |
والله يبقالي كلهم ما أتوا لحوار،
اليلحق يدبر حالو كان هو كان سروره...
|
Post: #44
Title: Re: وظيفة شاغرة ...
Author: معاوية عبيد الصائم
Date: 10-27-2011, 04:40 PM
Parent: #43
الله ده ما كريم ...شكرا جنابو ...ياخ سلم ع ياسر جعفر
|
Post: #51
Title: Re: وظيفة شاغرة ...
Author: omer osman
Date: 10-27-2011, 06:55 PM
Parent: #44
| Quote: الله ده ما كريم ...شكرا جنابو ...ياخ سلم ع ياسر جعفر |
يبلغ ان شاء الله يامعاوية ..........
|
Post: #50
Title: Re: وظيفة شاغرة ...
Author: omer osman
Date: 10-27-2011, 06:53 PM
Parent: #40
Quote: الـ closing date متين،
نلحق نعمل لينا كورسي كورسيين، |
انت يا اميرة شايلنك لي عوزه (على قول المصريين)
ركزي لينا على الاحبار اسود وملون ......
|
Post: #49
Title: Re: وظيفة شاغرة ...
Author: omer osman
Date: 10-27-2011, 06:51 PM
Parent: #39
| Quote: صدقني انت لو ما دفعة العم وهبه قررررررررربت ليهو بكلمتك دي..(تكون كنت كلية شرطة ناضجين)؟ |
كااااااااااك ..........
يامحمد يااااااخ انا من شدة ماصغير اى زول بقول لي انت فطيت العام والعالي
من الابتدائي طوااااااالي كلية الشرطة .....
|
Post: #48
Title: Re: وظيفة شاغرة ...
Author: omer osman
Date: 10-27-2011, 06:47 PM
Parent: #38
Quote: وأنا عندي ليك واحد فُرّيرة
بس خليني (أبركت) ليك تلفونه وبكلمه
بجد ده كان بطبع لينا في المحكمة
موبالغة على قول ناس الهيلاهوب
ماشاء الله لكف عينا عنه |
تشكر يامولانا .....
لو لميت في تلفونو اديهو خبر خليهو يمر علينا
|
Post: #47
Title: Re: وظيفة شاغرة ...
Author: omer osman
Date: 10-27-2011, 06:45 PM
Parent: #37
Quote: سلامات اخونا زمان
والمهم توضح الراتب عشان يمكن نقدم |
ياعمر صديق يااااااخ انت تجي تمسك المحل وانا بطبع ..
يااااااخ زورنا مرة ان شاء الله ..
|
Post: #52
Title: Re: وظيفة شاغرة ...
Author: محمد عبدالرحمن محمد
Date: 12-27-2011, 00:44 AM
Parent: #47
أها يا عمر،
اتملت ولا لاهسع شاغري؟
أدنا عقادن نافع بلييز
|
Post: #53
Title: Re: وظيفة شاغرة ...
Author: الطيب عثمان يوسف
Date: 12-27-2011, 05:33 AM
Parent: #52
*** كلامى ما بتسمعو !!! تابع ود الصايم و الخور قدامك لا محاله
.........نص كلتش..................
***وياعزابة تحياتى ليكم وللمدام .
|
|