Post: #1
Title: أغنية تعدل المزاج ...
Author: omer osman
Date: 11-23-2011, 07:50 AM
Parent: #0
|
Post: #2
Title: Re: أغنية تعدل المزاج ...
Author: omer osman
Date: 11-23-2011, 07:54 AM
لو مني مستني الملام - عبد الوهاب هلاوي
لو منى مستنى الملام
يا سلام عليك يا سلام
يا حلو دة السكوت مرات كلام
وعدم الملام هو كمان ملام
يا سلام عليك يا سلام
***
انا يا غرامى وصلت بيك
فى الدنيا لى حد الغرام
ولقيت ملامى على عينيك
يا سيدى زى الما ملام
يا سلام عليك يا سلام
***
الورد لو فات الفراش
ما اظن تلومو مع الندى
ما بتجرح احساسو الجميل
والريدة يا حنين كدة
يا سلام عليك يا سلام
|
Post: #3
Title: Re: أغنية تعدل المزاج ...
Author: ياسر السر
Date: 11-23-2011, 12:50 PM
Parent: #2
جنابو عمر ، ياخي يا سلام عليك يا سلام ... وعزبني وزيد عزابك غايتو ما عارف يا جنابو يوم بتكتل ليك زول ,,,
تحياتي يا راقي : ياسر العيلفون
|
Post: #4
Title: Re: أغنية تعدل المزاج ...
Author: omer osman
Date: 11-23-2011, 01:00 PM
Parent: #3
Quote: جنابو عمر ، ياخي يا سلام عليك يا سلام ... وعزبني وزيد عزابك غايتو ما عارف يا جنابو يوم بتكتل ليك زول ,,,
تحياتي يا راقي : ياسر العيلفون |
والله يا ياسر راقي انت وفنان انت يااااخ ....
الشعر السوداني ده فيهو بساطة وادهاش عجيب يا ياسر
شوف كلمات الاغنية دي غاية البساطة في كلماتها لكن روعة موبالغة في المعاني
|
Post: #5
Title: Re: أغنية تعدل المزاج ...
Author: خضر الطيب
Date: 11-23-2011, 09:13 PM
Parent: #4
جميله ياجنابو
والله بسمع فيها من امبارح
الرحمه والمغفره لمطفى سيد احمد
ولمحجوب عبد الحفيظ مقدم السهره
وللصديق هلاوى
وشكرا ليك
|
Post: #6
Title: Re: أغنية تعدل المزاج ...
Author: معتصم الجمري
Date: 11-24-2011, 02:21 AM
Parent: #5
ياخي مشتاقيييييييييييييييييييييييييين .... كل سنة انت والاسرة الكريمة بالف خير ... ليك وحشة
ليه يا جنابو الابداع نضب في بلادنا .. الغناء اصبح مستعار وكلو تكرار ... وين الظواهر الفنية ... الظاهرة مصطفي سيداحمد ..
ياخي دي مشكلة كبيييييييييييرة خلاص
حاجة فيك
تقطع نفس خيل القصايد
تشده أجراس المعابد
توهتنى .. جننتنى
جننت حرف الكلام
وبرضو أدتنى السلام
********
حاجة فى شُرف المداين
وفى غرف كل السفاين
جوّة فى عمق المناجم .. والعيون
حاجة زى ماتكون محلـّق فى العواصف
فجأة .. تهبط لى السلام
حاجة زى نقر الأصابع
لمـّا ترتاح .. لى الموسيقى
حاجة زى أخبار .. تناغم من جريدة
حاجة زى وتر الموانى
لمـّا يصدح لى سفينة
.. حاجة فيك
*********
حاجة فيك
لا بتبتدى .. لا بتنتهى
خلتنى أرجع لى القلم
وأتحدى بى الحرف .. الألم
وأضحك مع الزمن .. العريض
وأنسف متاريس الطريق
وأعرف متين أبقى المطر
وأفهم متين أصبح حريق
.. حاجة فيك..
ياخي ده كلام ملاياااااااااااااان حاجات عجيبة
ما تختفي ..
|
|