لهذه الأسباب شارك ولهذه يمكن للحزب الاتحادي الانسحاب من الحكومة ..

الميرغني لـ «الشرق الأوسط»: قرار المشاركة في الحكومة السودانية الجديدة أملته اعتبارات المسؤولية الوطنية

رئيس الحزب الاتحادي الديمقراطي (الأصل): توصلنا مع المؤتمر الوطني لملامح الدستور المؤقت.. وسيطرح على القوى السياسية

* لماذا تبدل الموقف من «لا للمشاركة» إلى «نعم للمشاركة»؟

- القرار بالمشاركة في مؤسسات الدولة الدستورية والتنفيذية والولائية أملته اعتبارات المسؤولية الوطنية لمواجهة المهددات والمخاطر التي تحدق بالوطن، والتي تقتضي العمل على تنفيذ البرنامج المشترك (الاتحادي والوطني) الذي أعدته لجان الحزبين على مدى أكثر من 4 أشهر، وقد أخضعنا البرنامج للمناقشة الحرة وأخذنا في الاعتبار كافة الآراء والملاحظات والتحفظات، وجرى التوافق حوله.

* ولماذا تأخر قرار القبول بالمشاركة مع المؤتمر الوطني في الحكومة الجديدة؟

- الحزب الاتحادي، حزب عريق وتاريخي ولديه مبادئ وتقاليد، وقد رأيت أعمال هذه التقاليد، فرغم أن دستور الحزب يفوض رئيسه باتخاذ القرار في قضاياه الكبيرة، فقد رأيت طرح الأمر على الهيئة القيادية للحزب إنفاذا للشورى وللممارسة الديمقراطية.

* هل طرح من جانب الحزب الاتحادي الديمقراطي قضية الدستور المؤقت بعد انتهاء الدستور الانتقالي يوليو (تموز) 2011؟

- نعم، طرح في الاجتماعات المشتركة بين الحزبين مسألة الدستور المؤقت، وأدخلنا فيه تعديلات هامة وافق عليها المؤتمر الوطني، وستعرض هذه المسودة على القوى السياسية ومنظمات المجتمع المدني للتداول والمناقشة ليكون الدستور بمشاركة الجميع.

* ألا تخشون من مفاجآت التعامل مع حزب المؤتمر الوطني؟

- الحزب الاتحادي الديمقراطي حزب عريق، وقضيته الأولى الوطن والمواطن، ولديه تجارب وخبرات للحكم منفردا وثنائيا وموسعا، ولقد قررنا في الحكومة الائتلافية عام 1988 الانسحاب منها لإثبات المصداقية مع الحركة الشعبية التي وقعنا معها اتفاقية السلام في أديس أبابا لأن رئيس الوزراء آنذاك أبدى تحفظات تسببت في تعطيلها، وسنكون قادرين تماما على التعامل مع كل موقف، بما فيه الانسحاب من الحكومة في حالة عدم التزام بالبرنامج المتفق عليه.

لن يضيرنا شيء ان صبرنا على هذه المشاركة مابين 6 أشهر الى عام على الأكثر لنري

الى مدي ساهمت المشاركة في حلحلة الوضع المعقد في السودان وخطت بالسودان خطوة الى

الامام ..... والا على الحزب الاتحادي اللجوء الى plan B باعلانه الانسحاب من الحكومة

وحتى تحقق هذه الشراكة مقاصدها ينبغي ان تتم بكل الشفافية والاقبال والجدية من قبل الطرفين

وان لا تكون شراكة مشاكسة كتلك التى كانت بين المؤتمر الوطني والحركة الشعبية . لاضير من

اختلاف الاراء وتباينها لحين الوصول الى نقطة إلتقاء وهذا يفرق كثيراً عن المشاكسة لاجل المشاكسة

وازعاج ومضايقة الشريك الأخر.

تحياتي يا عمر
و يا صاحبي هو الموضوع بالعقل و لا طق حنك ساااي ؟
الموضوع و ضوح و شفافية و ديقراطية زي ما بقول السيد الميرغني
و لا غش منو ساااي في زمن بقى ما بقبل الغش ؟
و شنو يا عمر يا اخوي أنت تجي تقول نصبر 6 شهور !!؟
تصبر 6 شهور علي شنو ؟ و هو و ينو البرنامج الأتبنى عليها
المشاركه دي ذاتو عشان أنت تقول و الله اهو البرنامج فيهو
كدا وكدا وكدا و كدي ننتظر السته شهور دي!!!؟
يا عمر السيد دا قال :- ملامح دستور موقت !!! موقت يعمر وملامح
المنتظر ليها شنو !!!؟

عموماً نمشي لقدام و شوف معاي الف و الدوران هنا:-

Quote: رئيس الحزب الاتحادي الديمقراطي (الأصل): توصلنا مع المؤتمر الوطني لملامح الدستور المؤقت.. وسيطرح على القوى السياسية

بالواضح الكلام دا و احد في احتمالين :-
1- نحنا في الاتحادي الاصل فاهمين و عاقلين و و طنيين اكتر من القوى السياسية الأخرى .
2- سبق سبق نتفق مع النظام دا قبل ما يتفق معاهو غيرنا .
الاحتمالين ديل ما لقيت إي احتمال غيرهم يا عمر للأسف ، المصيبة أنو الأحتمالين ديل بخوفوا
لانه لو دا الحزب الرئيسو كان رئيس التجمع تبقى مصيبة و انو القوى الأخرى قاعده في السهلة
و على الشعب السوداني الفضل السلاااااام .

و هاك شوف الفقره دى :-

Quote: - القرار بالمشاركة في مؤسسات الدولة الدستورية والتنفيذية والولائية أملته اعتبارات المسؤولية الوطنية لمواجهة المهددات والمخاطر التي تحدق بالوطن، والتي تقتضي العمل على تنفيذ البرنامج المشترك (الاتحادي والوطني) الذي أعدته لجان الحزبين على مدى أكثر من 4 أشهر، وقد أخضعنا البرنامج للمناقشة الحرة وأخذنا في الاعتبار كافة الآراء والملاحظات والتحفظات، وجرى التوافق حوله.

الكلام دا يا عمر للأسف بدعم الافتراضين السابقين زايد انو فيهو غش و خديعه و كذب صريح لانو ببساطة المناقشة الحرة و كافة الآراء و الملاحظات و التحفظات قطعت بعدم المشاركة و ليس المشاركة و ما اشار له السيد الميرغني ب(التوافق) دى كانت الخديعه الكبرى لانو ببساطة مسوليين التفاوض مع الموتمر الوطنى لما وجدوا كافة قواعد الحزب رافضة رفض قاااطع المشاركة رجعوا للتأمر و التعطيل و وازنوا اصواتهم القليلة فقط (لا يتعدوا الخمسة فى اقصى تمنياتهم) باصوات الأغلبية لكن لان لهم حظوة و مكانة سميت موامرتهم بان الأراء مختلفه فى محاولة لانتاخذ تصنيف النصف بالنصف لذا اشار السيد الميرغني ب( جرى التوافق حوله) فى اللحظة دى يا عمر الحصل شنو !!؟ حصل انو تم تفويض للسيد الميرغني يحسم الخلاف المصطنع دا ولان السيد الميرغنى موقن في قرارة نفسه انه خلاف مصطنع رفض التفويض (طبعاً دا ذاتو كلام فارغ و يدلل على أن الحزب الاتحادي الديمقراطى تتبعه كلمة ديمقراطى في اخر اسمه لكي تنفي منه الدكتاتوريه لكنها للاسف توضحها و تثبتها) وكون السيد الميرغني للجنة لحسم ما سماه خلاف !!!.

و هاك شوف الفقره دي :-

Quote: * ولماذا تأخر قرار القبول بالمشاركة مع المؤتمر الوطني في الحكومة الجديدة؟ - الحزب الاتحادي، حزب عريق وتاريخي ولديه مبادئ وتقاليد، وقد رأيت أعمال هذه التقاليد، فرغم أن دستور الحزب يفوض رئيسه باتخاذ القرار في قضاياه الكبيرة، فقد رأيت طرح الأمر على الهيئة القيادية للحزب إنفاذا للشورى وللممارسة الديمقراطية.

ابداً برضو دا غش و تدليس يا عمر قرار المشاركة اتاخر من قبل الموافقين فى الاصل لسبب وااااحد هو انو اعضاء و قواعد الحزب رافضه المشاركه من اساسو و هم ما كانو متخيلين انو في ناس تقول ليهم لا !! دا السبب بوضوح وكلام عريق و تاريخ و مبادي وتقاليد دى كلمات انشاء ساااى لانو الصحفى دا ما سال عن تاريخ و مبادي الحزب بس دائماً الزول لما الدرب يروح ليهو بقعد يقول فى الانشاء كدا .
بعدين شنو قصة دستور الحزب بفوض رئيسه في القضايا الكبيرة دي !!! يا عمر لو الكلام دا صاح يبقى دا حزب عضويتوا ما بتعرف شورى و ممارسه ديمقراطية من اساسو لا السيد الرئيس برجع ليها القضايا و يقول ليها :- هاك يا عضوية اتشاوروا بديمقراطية فى الموضوع دا !!!.
هاك اتفرج فى الفقرة دى :-

Quote: * هل طرح من جانب الحزب الاتحادي الديمقراطي قضية الدستور المؤقت بعد انتهاء الدستور الانتقالي يوليو (تموز) 2011؟ - نعم، طرح في الاجتماعات المشتركة بين الحزبين مسألة الدستور المؤقت، وأدخلنا فيه تعديلات هامة وافق عليها المؤتمر الوطني، وستعرض هذه المسودة على القوى السياسية ومنظمات المجتمع المدني للتداول والمناقشة ليكون الدستور بمشاركة الجميع.

شفته كيف ياعمر النقطتين القبيييل رقم (1) ورقم(2) لسه موجودات في الكلام دا كيف!!؟
و شفته كيف انو برضوا النقطة بتاعة و ينو البرنامج الاتفقتوا عليهو دا ؟ و مرا على منو من العضوية و على من القوى السياسية حليفتك يا سيد الميرغني!! ليه ياخ ما تمرر البرنامج الآتفاقي و الدستور دا على القوى السياسية حليفتك دى مش كان ممكن تحل المشكلة و القوى السياسية دى كلها توافق يا (وطني) يا (غيور) و لا الشئ سبق سبق !!! هو في وطنية اكتر من انك لو برنامج دا واضح و دستورك واضح القوى دى مش حتوافق عليهو !!!؟

اها هاك دى :-

Quote: * ألا تخشون من مفاجآت التعامل مع حزب المؤتمر الوطني؟ - الحزب الاتحادي الديمقراطي حزب عريق، وقضيته الأولى الوطن والمواطن، ولديه تجارب وخبرات للحكم منفردا وثنائيا وموسعا، ولقد قررنا في الحكومة الائتلافية عام 1988 الانسحاب منها لإثبات المصداقية مع الحركة الشعبية التي وقعنا معها اتفاقية السلام في أديس أبابا لأن رئيس الوزراء آنذاك أبدى تحفظات تسببت في تعطيلها، وسنكون قادرين تماما على التعامل مع كل موقف، بما فيه الانسحاب من الحكومة في حالة عدم التزام بالبرنامج المتفق عليه.

الصحفي السألو ذاتو عارف قصة النظام و الأتفاقيات !!.
يا عمر الفقرة الفوق دى شينه و ما بقوله زول سياسي ابداً لانها بتتكلم عن الأمانى و دا بوضح انو لا فى برنامج ولا يحزنون للأسف .

ياعمر السيد الميرغني دا بتمنى أنو ما يصرح و ما يتكلم الأيام دي نهائي .

و الحمد لله انو الواحد ما بقى إتحادي ديمقراطى
زي بقية اسرتو و عائلته الحمد لله .

و سلام يا صاحبي

اخى عمر

شكرى وتقديرى للتوضيح

نثق تماما فى الهئية القيادية للحزب والقرارات الجرئية والشجاعة التى تتخذها القيادة بقيادة مولانا محمد عثمان المرغنى فى القضايا المصيرية ، قد نختلف تماما مع اخواننا فى الموتمر الوطنى ونتفق فى القضايا التى تهم الوطن فالسودان اصبح فى محك وفى وضع لا يحسد عليه وللخروج منه يجب ان توضع مصلحة الوطن امام كل المصالح .

نبارك ونويد ونتمنى ان تكون المشاركة للخروج من الازمات التى تهم وطننا اولا ومواطنيننا واهلنا فالسودان ملكا لجميع وتتعاقب الحكومات بحسنها وسيئها.

Quote: نثق تماما فى الهئية القيادية للحزب والقرارات الجرئية والشجاعة التى تتخذها القيادة بقيادة مولانا محمد عثمان المرغنى فى القضايا المصيرية ، قد نختلف تماما مع اخواننا فى الموتمر الوطنى ونتفق فى القضايا التى تهم الوطن فالسودان اصبح فى محك وفى وضع لا يحسد عليه وللخروج منه يجب ان توضع مصلحة الوطن امام كل المصالح .

شكراً ود الشيخ...

وتحايا لصاحب البوست والمرور الكريم...

Quote: نبارك ونويد ونتمنى ان تكون المشاركة للخروج من الازمات التى تهم وطننا اولا ومواطنيننا واهلنا فالسودان ملكا لجميع وتتعاقب الحكومات بحسنها وسيئها.

شكرا كتير يوسف
هذا افضل ما قيل
الكل الى زوال وسيبقى الوطن شامخاً

ازيك يا جنابو

سلامات يا عمر

مشكلتنا كما أعتقد ليست فى القوانين والدستور . . رغم الملاحظات الكثيره عليها

المشكله هى فى الممارسه والإلتزام بالدستور والقانون

بمعنى أن منسوبى المؤتمر الوطنى جميعهم بلا إستثناء لايحترمون دستورهم الذى أقروه ولا قوانينهم التى أجازوها

ولا أعتقد أن قانونهم أو أى قانون فى الدنيا يبيح الفساد

ومع ذلك فالأُنُوف زُكمت من تزايده وتغاضيهم .. بل وعرقلتهم لكل محاسبه

..

هذه المشاركه ستطيل عٌمر النظام وتلوث منسوبى الإتحادى لاغير

وهو ما يرجوه المؤتمر الوطنى

للاسف ياجانبو هو دخول الحمام زى خروجة على قول اهلنا المصريين
ثم تغير بمن وبياتو برنامج وهل الفراد الشاركت بيهم بيقدروا يغيروا
حاجة والا الموتمر الوطنى بديهم فرصة.
مع الأسف دا ضحك على الدقون ساكت وورطة كبيرة وربنا يجيب العواقب سليمة.
والله يكون فى عونكم.
مع تحياتى

عبدالله
ختمى واتحادى مفجوع

اقراءوا مقال صديق محيسي يا اعضاء الحزب الاتحادي

Quote: اقراءوا مقال صديق محيسي يا اعضاء الحزب الاتحادي

ماما دوما سلام
نحنا ذاتو ممكن نقراهو
اجدعى هنا من فضلك .

جنابو عمر السلام عليكم
غايتو والله جهجهت باكاتي وجهجهت مصعب عمر ذاتو
اخر عهدي بك انك مع تيار شيلا
غبت عن المنبر كم يوم جيت لقيتك معانا تاني وضد المشاركة
تحين يا جنابو فهمنا الحاصل شنو جيتنا ولا جيناك؟
غايتو يا عمر لو جيتنا تكون كراعك ملالة عديل اما لو مولانا شال العدة وجابنا ليك فمد كراعك ماشاء لك ان تمد
تحياتنا