Post: #1
Title: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 07:48 AM
Parent: #0
هل قراية الروضة وسكنة نمرة اتنين (نقطة ضعف) عند تقييم من يشغل منصب
دستوري أو تنفيذي أو خلافه !!!!
علماً بأني ساكن في نمرة اتنين لي 38 سنة !!! وخريج روضة دار الحنان كمان !!!
|
Post: #2
Title: Re: هل قراية الروضة وسكنة نمرة اتنين (نقطة ضعف) !!!
Author: عمران حسن صالح
Date: 12-01-2011, 07:53 AM
Parent: #1
إنت إتحسست ولا شنو يا جنابو 
|
Post: #14
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 08:13 AM
Parent: #2
| Quote: إنت إتحسست ولا شنو يا جنابو |
اتحسست شديد ياعمران يااااخ 
|
Post: #3
Title: Re: هل قراية الروضة وسكنة نمرة اتنين (نقطة ضعف) !!!
Author: خالد عبد الله محمود
Date: 12-01-2011, 07:55 AM
Parent: #1
| Quote: علماً بأني ساكن في نمرة اتنين لي 38 سنة !!! وخريج روضة دار الحنان كمان !!! |
عشان كده يا جنابو مافي زول قاعد يشاوركـ في حاجة !!
|
Post: #7
Title: Re: هل قراية الروضة وسكنة نمرة اتنين (نقطة ضعف) !!!
Author: خالد عبد الله محمود
Date: 12-01-2011, 08:01 AM
Parent: #3
قد تكون قريت الروضة في دار الحنان لكن بالتأكيد ليس هذا أبرز ما في سيرتكـ الذاتية ...
زولكم ده والله سيرتو الذاتية دي ما تعينو مراسلة في القصر الجمهوري
|
Post: #12
Title: Re: هل قراية الروضة وسكنة نمرة اتنين (نقطة ضعف) !!!
Author: أيمن الطيب
Date: 12-01-2011, 08:09 AM
Parent: #3
يا جنابو أمشى سجل نفسك فى رابطة قدامى الخريجين وما تضيع زمنك..
|
Post: #17
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 08:16 AM
Parent: #12
| Quote: يا جنابو أمشى سجل نفسك فى رابطة قدامى الخريجين وما تضيع زمنك.. |
المشكلة يا ايمن انو دار الحنان ذاته قفلت
|
Post: #16
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 08:14 AM
Parent: #3
| Quote: عشان كده يا جنابو مافي زول قاعد يشاوركـ في حاجة !! |
اتاريها الحكاية كده ياخالد نرحل والا شنو
|
Post: #4
Title: Re: هل قراية الروضة وسكنة نمرة اتنين (نقطة ضعف) !!!
Author: tmbis
Date: 12-01-2011, 07:58 AM
Parent: #1
ههههههههههه
يا جنابو ..
العالم اتجه في كل تفاصيلو الي القيادات الصغيرة السن .. اوباما رئيس امريكتم دا عمرو الحك بيهو امريكا ما عمر زول بياهلو لي اي رئاسة ..
في جمهورية البورد دي اتوقع اي كلام ممكن يتقال .. مش المسالة كلام والسلام ..؟
انا قريت في روضة (القوت) في الموردة واتولدته في الموردة .. حسع كان بتدي حريف الواحد كان بقى وزير بتاع اي حاجة ..
..
|
Post: #23
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 08:28 AM
Parent: #4
Quote: ههههههههههه
يا جنابو ..
العالم اتجه في كل تفاصيلو الي القيادات الصغيرة السن .. اوباما رئيس امريكتم دا عمرو الحك بيهو امريكا ما عمر زول بياهلو لي اي رئاسة ..
في جمهورية البورد دي اتوقع اي كلام ممكن يتقال .. مش المسالة كلام والسلام ..؟ |
بالمناسبة اشطر وافهم وزير خارجية عربي هو الشيخ عبدالله بن زايد مواليد 1973م
والله مشتاقين ياعمك ...
ناس المكتبة قالوا لي مالك اليومين دي رجعت تفطر معانا فول
قلت ليهم والله الجماعة بتاعين السمك سافروا
يمين ناس سودانيز ديل يحيروك .. اسه اتخيل واحد من نمرة 2 وخريج دار الحنان
مشي يتقدم لي واحدة وصادف انو ابوها بقراء سودانيز اونلاين مش احتمال كبير
يرفض العريس ده ويقول ليها ناس سودانيز قالوا الناس ديل فيهم كلام
|
Post: #5
Title: Re: هل قراية الروضة وسكنة نمرة اتنين (نقطة ضعف) !!!
Author: doma
Date: 12-01-2011, 07:59 AM
Parent: #1
لووووول وتيب دا ما السبب زاتوا يا جيل رياض دار الحنان
الذي اخر ثوره اهل الهامش الناس التعابه الغلابه الكاده الجوع
والله انا جاده في كلامي دا
لا طعنه شوكه لا ضريسه
الواحد فيكم متمتم كدي لي غرغورو
اصلوا ما بات جيعان لا يوم مشي حفيان
لا عراقيه اتشرط فوق جسدو المنحول
|
Post: #11
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 08:08 AM
Parent: #5
Quote: لووووول وتيب دا ما السبب زاتوا يا جيل رياض دار الحنان
الذي اخر ثوره اهل الهامش الناس التعابه الغلابه الكاده الجوع
والله انا جاده في كلامي دا
لا طعنه شوكه لا ضريسه
الواحد فيكم متمتم كدي لي غرغورو
اصلوا ما بات جيعان لا يوم مشي حفيان
لا عراقيه اتشرط فوق جسدو المنحول |
ياخالة دوما سلام
ده كلام ما صاح وتنميط مخل ومجحف بسكان نمرة 2
انا ود نمرة 2 خريج دار الحنان القدامك ده لمن دخلت كلية الشرطة كنت
تاني اصغر زول في الدفعة من بين 188 طالب من شتي اصقاع السودان
زحف زحفنا طوابير ذنب اخدنا شغل بيادة وعسكرية اشتغلنا شغل تكتيك اشتغلنا
ضربنار مشينا طوابير سير مشينا إداراة داخلية وقفنا .... وجيت بحمد الله وتوفيقه
الأول العام على كل الدفعة الـــ 188 طالب ديل وكنت قائد طابور التخريج في استاد
الخرطوم والاستاد مليان زي كورة هلال مريخ وكان طابور تخريج من احسن واميز
طوابير التخريج في تاريخ كلية الشرطة !!!
|
Post: #22
Title: Re: هل قراية الروضة وسكنة نمرة اتنين (نقطة ضعف) !!!
Author: doma
Date: 12-01-2011, 08:23 AM
Parent: #11
اتحسست يا جنابو الموضوع هظار يا اخي
lololol very impressive
افتقد البت دينا خالد بشده ه في مثل هذا البوست
قنطرت روحك براك يا جنابو استحمل
|
Post: #25
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 08:31 AM
Parent: #22
Quote: اتحسست يا جنابو الموضوع هظار يا اخي
lololol very impressive
افتقد البت دينا خالد بشده ه في مثل هذا البوست
قنطرت روحك براك يا جنابو استحمل |
المشكلة انو بقيت براي في الصقيعة دي
|
Post: #6
Title: Re: هل قراية الروضة وسكنة نمرة اتنين (نقطة ضعف) !!!
Author: nazar hussien
Date: 12-01-2011, 07:59 AM
Parent: #1
| Quote: علماً بأني ساكن في نمرة اتنين لي 38 سنة !!! وخريج روضة دار الحنان كمان !!! |
س:هل قراية الروضة وسكنة نمرة اتنين (نقطة ضعف) ؟؟؟
ج: لا ليست نقطة ضعف وانما نقطة حسادة عديل كدي يا جنابو
نمرة اتنين دي تعني عند ناس الخرطوم...عز العز...لي الطيش
فماذا تعني لمن سمع بها من أهل الهامش...او أولئك المحولين
لمستشفي الخرطوم التعليمي..وتسلل
ناحية سوقها...بعلب بينسونه الكبير
او من عبر بالصدفة ناحيتها وتكرف شية الحاتي...
|
Post: #31
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 08:50 AM
Parent: #8
| Quote: روضة دار الحنان دي خاصة بالاتحاديين بس ولا شنو ؟ |
حلوة وملعوبة ياحمد ...
|
Post: #9
Title: Re: هل قراية الروضة وسكنة نمرة اتنين (نقطة ضعف) !!!
Author: فايزودالقاضي
Date: 12-01-2011, 08:06 AM
Parent: #6
جنابو ..سلامات ..
| Quote: هل قراية الروضة وسكنة نمرة اتنين (نقطة ضعف) !!! |
وعامل لي فيها ضابط سابق ؟!!!
ربنا يغفر لي الاتصالات الاتصلتها عليك دون علم بموضوع الروضة ونمرة(2) ده ..
| Quote: انا قريت في روضة (القوت) في الموردة واتولدته في الموردة |
عاين ده كمان !!!! يقول ليك خرطوم (2) - القرا فيها خضر - تقول لينا الموردة ..
ياناس الخرطوم والسودان انا شفت الخرطوم (2) وكنت نازل الخرطوم(3) ...مقلب كبير واحياء اكثر من عادية زيها زي الموردة ..
تحياتي / هامشي من مواليد المركز
|
Post: #20
Title: Re: هل قراية الروضة وسكنة نمرة اتنين (نقطة ضعف) !!!
Author: Yassir Tayfour
Date: 12-01-2011, 08:21 AM
Parent: #9
يا عمر يا شقيق
الموضوع لا روضة ولا نمرة 2
الموضوع يا سيدي العزيز هو لماذا تم ذكر الروضة أساسا في سيرة ذاتية لمستشار رئاسي؟ من أعد هذه السيرة الذاتية؟ ولماذا أعدت بهذه العجالة وبهذه السذاجة؟
__
لا تحزن نفسك يا شقيق، الطريق الذي سلكه الحزب يشبه شكل هذه السيرة الذاتية تماماً، فلا دفاع عنه..
|
Post: #29
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 08:42 AM
Parent: #20
| Quote: الموضوع يا سيدي العزيز هو لماذا تم ذكر الروضة أساسا في سيرة ذاتية لمستشار رئاسي؟ من أعد هذه السيرة الذاتية؟ ولماذا أعدت بهذه العجالة وبهذه السذاجة؟ |
ياسر ياشقيق ...
الحزب يحتاجك قرب تعال ما تبتعد
|
Post: #32
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 08:52 AM
Parent: #9
Quote: وعامل لي فيها ضابط سابق ؟!!!
ربنا يغفر لي الاتصالات الاتصلتها عليك دون علم بموضوع الروضة ونمرة(2) ده .. |
هههههههههههه ........
فايز ياعمك اها لقيتني كيف مابشبه ناس نمرة 2
|
Post: #10
Title: Re: هل قراية الروضة وسكنة نمرة اتنين (نقطة ضعف) !!!
Author: أسامه الكرور
Date: 12-01-2011, 08:08 AM
Parent: #6
Quote: هل قراية الروضة وسكنة نمرة اتنين (نقطة ضعف) عند تقييم من يشغل منصب
دستوري أو تنفيذي أو خلافه !!!!
علماً بأني ساكن في نمرة اتنين لي 38 سنة !!! وخريج روضة دار الحنان كمان !! |
هى بالتأكيد ليست ضعفاً إن لم تكن ميزه
ولكن سؤال ياسيد عمر
هل سبق وأن كتبتها فى سيرتك الذاتيه وأنت متقدم لأى وظيفه ؟؟؟؟
|
Post: #13
Title: Re: هل قراية الروضة وسكنة نمرة اتنين (نقطة ضعف) !!!
Author: doma
Date: 12-01-2011, 08:12 AM
Parent: #10
| Quote: هل سبق وأن كتبتها فى سيرتك الذاتيه وأنت متقدم لأى وظيفه ؟؟؟؟ |
|
Post: #15
Title: Re: هل قراية الروضة وسكنة نمرة اتنين (نقطة ضعف) !!!
Author: علاء الدين يوسف علي محمد
Date: 12-01-2011, 08:14 AM
Parent: #10
و أنا درّستني ماما آمال وماما هُدى
وحاااااااااااااااااااااات الله جد يا جنابو
بس روضتنا كانت روضة الإشلاق (القِشلاق)
وفرق البيئة لا يُفسِد للود قضيّة يا جنابو
يا عم دي عالم ما عِندها أي موضوع
|
Post: #18
Title: Re: هل قراية الروضة وسكنة نمرة اتنين (نقطة ضعف) !!!
Author: doma
Date: 12-01-2011, 08:18 AM
Parent: #15
| Quote: بس روضتنا كانت روضة الإشلاق (القِشلاق) |
علاء يا اخي العبره بالنهايات
|
Post: #24
Title: Re: هل قراية الروضة وسكنة نمرة اتنين (نقطة ضعف) !!!
Author: محمد حيدر المشرف
Date: 12-01-2011, 08:28 AM
Parent: #18
| Quote: وخريج روضة دار الحنان كمان !!! |
كويس يا عمر ,,
وبالتاكيد شهدتم وتابعتم الحراك الطلابى فى الروضه ..
لا سيما وانت كنت الطفل الاتحادى المطبوع ..
وهنا يبرز السؤال الأهم ..
ما تقييمكم للاداء التنظيمى للسيد مساعد رئيس الجمهورية فى تلك الروضه ؟!..
|
Post: #36
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 09:01 AM
Parent: #24
Quote:
كويس يا عمر ,,
وبالتاكيد شهدتم وتابعتم الحراك الطلابى فى الروضه ..
لا سيما وانت كنت الطفل الاتحادى المطبوع .. |
يادكتور ياااااااخ انت قايلني محمد عادل وال شنو
يامحمد عادل بنهزر ما تجي ناطي لي في رقبتي اسه
|
Post: #35
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 08:58 AM
Parent: #15
Quote: و أنا درّستني ماما آمال وماما هُدى
وحاااااااااااااااااااااات الله جد يا جنابو
بس روضتنا كانت روضة الإشلاق (القِشلاق) |
وماما امال وماما هدي ديل الجابوهم الاشلاق شنو
اكيييييييييد اخدوا تقاعد مبكر .....
كامل التضامن معهم في مواجهة شفع الاشلاق ........
|
Post: #19
Title: Re: هل قراية الروضة وسكنة نمرة اتنين (نقطة ضعف) !!!
Author: أسامه الكرور
Date: 12-01-2011, 08:20 AM
Parent: #10
| Quote: علماً بأني ساكن في نمرة اتنين لي 38 سنة !!! وخريج روضة دار الحنان كمان !!! |
يعنى نفهم من كده إنك مولود فى نمره إتنين وعمرك 38 سنه ؟؟؟
ما شاءالله عينى بااااااااارده ..
يعنى دفعة مساعد الرئيس
(وش ضاحك)
|
Post: #21
Title: Re: هل قراية الروضة وسكنة نمرة اتنين (نقطة ضعف) !!!
Author: قلقو
Date: 12-01-2011, 08:21 AM
Parent: #10
صباح الخير ياسعادتو.
شايفك طنشتنى فى البوست بتاع كتاب (حبيب نورة) .أهكذا تعامل ابناء دفعتك بالروضة؟ غايتو اللوم بحر.
(مع كثير شكى بأنك قريت روضة لأنو خلقتك دى ماخلقة زول قارى روضة) وكما يقول حبيبنا ودالصايم(قوم لف).
اقتراح اقدمه للباشمهندس بكرى ابوبكر ان يضيف لبروفايل العضوية مكان وزمان التخرج من الروضة .
|
Post: #26
Title: Re: هل قراية الروضة وسكنة نمرة اتنين (نقطة ضعف) !!!
Author: doma
Date: 12-01-2011, 08:34 AM
Parent: #21
اوه ياسرنا والله ما رضينها ليكم
تصدق طول حياتي لم اجد حزبا سياسيا يسعني
الليبرالي جاء متاخرا بعد ان اعتزلت الحياه السياسيه السودانيه
غايتوا استحملونا بنشاكسكم يا اخي
حزبكم دا يا كافي البلاء ولا وعي ما قدر يقدمه للناس؟؟!!!
البتزحف علي ركبتيها لتقبيل ايادي الاسياد ديل
|
Post: #27
Title: Re: هل قراية الروضة وسكنة نمرة اتنين (نقطة ضعف) !!!
Author: nazar hussien
Date: 12-01-2011, 08:35 AM
Parent: #21
يحول البوست الي الشيخ محمد مصطفي (والله صحي)
|
Post: #30
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 08:45 AM
Parent: #21
Quote: صباح الخير ياسعادتو.
شايفك طنشتنى فى البوست بتاع كتاب (حبيب نورة) .أهكذا تعامل ابناء دفعتك بالروضة؟ غايتو اللوم بحر.
(مع كثير شكى بأنك قريت روضة لأنو خلقتك دى ماخلقة زول قارى روضة) وكما يقول حبيبنا ودالصايم(قوم لف).
اقتراح اقدمه للباشمهندس بكرى ابوبكر ان يضيف لبروفايل العضوية مكان وزمان التخرج من الروضة . |
ياقلقو ياخ انت بتطنش معقولة
بكرة بعمل ليك اسكانن لي شهادة الروضة
|
Post: #33
Title: Re: هل قراية الروضة وسكنة نمرة اتنين (نقطة ضعف) !!!
Author: أيمن الطيب
Date: 12-01-2011, 08:54 AM
Parent: #21
يا عمر,,| Quote: المشكلة يا ايمن انو دار الحنان ذاته قفلت |
ياخ أنا قلت ليك أمشى جيب منها شهادة التخرج!!
أمشى سجل إسمك فى كشوفات قدامى الخريجين وإنتظر حتى أوان رفع المذكرة..
ما عارف ليه فجأة كدا إتذكرت نادى الخليج,,,
المهم لازم تلحق الكشوفات,,
|
Post: #42
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 09:13 AM
Parent: #33
Quote: ما عارف ليه فجأة كدا إتذكرت نادى الخليج,,,
|
بتكون جعاااااان يا ايمن واتذكرت شية ابودقن بتاع نادي الخليج
|
Post: #34
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 08:56 AM
Parent: #10
Quote:
هل سبق وأن كتبتها فى سيرتك الذاتيه وأنت متقدم لأى وظيفه ؟؟؟؟ |
كاااااااااااااااك
دي بكم كرت ياسعادتك
|
Post: #28
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 08:38 AM
Parent: #6
Quote: نمرة اتنين دي تعني عند ناس الخرطوم...عز العز...لي الطيش
فماذا تعني لمن سمع بها من أهل الهامش...او أولئك المحولين
لمستشفي الخرطوم التعليمي..وتسلل
ناحية سوقها...بعلب بينسونه الكبير
او من عبر بالصدفة ناحيتها وتكرف شية الحاتي... |
هلا يانزار وينك مختفي ..
تعرف يانزار 99% من سكان نمرة 2 في السابق هم موظفي خدمة
مدنية وعسكرية و1% منهم تجار و100% من هولاء الموظفين والتجار
منحدرين في الاصل من قري واحياء اخري قديمة في الخرطوم بمعني انهم
لم يهبطوا من السماء ... ابوي ربنا يديهو الصحة والعافية كان دائماً ما يفتخر
بأنه ودالديم والسجانة وتربينا واغلب اولاد نمرة 2 على تلك القيم الاجتماعية السمحة
بالمناسبة الحاتي قفلوها وبقي سوبر ماركت ... اتاريك قديم خلاس
|
Post: #37
Title: Re: هل قراية الروضة وسكنة نمرة اتنين (نقطة ضعف) !!!
Author: khaleel
Date: 12-01-2011, 09:01 AM
Parent: #28
نبني روضة حنان حنان طول بدا
او كما قال كابلي
يا سعادتك
كثيرا من وزراء الانقاذ كانو تحت التمرين وبدون خبرة
فولدنا ما عندو مشكلة
يتعلم الزيانة في قفا اليتامي
|
Post: #38
Title: Re: هل قراية الروضة وسكنة نمرة اتنين (نقطة ضعف) !!!
Author: khaleel
Date: 12-01-2011, 09:01 AM
Parent: #28
نبني روضة حنان حنان طول بدا
او كما قال كابلي
يا سعادتك
كثيرا من وزراء الانقاذ كانو تحت التمرين وبدون خبرة
فولدنا ما عندو مشكلة
يتعلم الزيانة في قفا اليتامي
|
Post: #43
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 09:15 AM
Parent: #38
Quote: كثيرا من وزراء الانقاذ كانو تحت التمرين وبدون خبرة
فولدنا ما عندو مشكلة |
تعرف ياهندسة واحدة من انجح وزراء الانقاذ
الشابة سناء حمد .... ما عندها اى سابق خبرة وزارية
وبرغم ذلك تقدم اداء طيب في وزارة الاعلام
|
Post: #44
Title: Re: هل قراية الروضة وسكنة نمرة اتنين (نقطة ضعف) !!!
Author: صلاح الدين نزلاوى
Date: 12-01-2011, 09:16 AM
Parent: #38
Quote: هل قراية الروضة وسكنة نمرة اتنين (نقطة ضعف) عند تقييم من يشغل منصب
دستوري أو تنفيذي أو خلافه !!!!
علماً بأني ساكن في نمرة اتنين لي 38 سنة !!! وخريج روضة دار الحنان كمان !!! |
نقطة ضعف؟ حيرتنى ، نقطة سمن وسمن ( ضم واحدة من السينات والثانية خليها مفتوحة).
ولعلم الجميع الخرطوم 2 مجتمع يزيدك ولا ينقصك تتفتح فيه الاذهان ولا تضمر
سكان الخرطوم 2 هم الذين جلبوا السفر الى أمريكا بغرض النزهة والدراسة
سكان الخرطوم 2هم أول من سودنة امريكا وأوروبا
سكان الخرطوم 2 مفتحيين ومقددنها
اما نجل سيدنا فهو بالزيادة ، ويا هو دا السودان نمشى ونرجع لنفس السكة وبايدينا لا بيد غيرنا.
وقبل ظهور الاحياء الراقية كانت الخرطوم 2 تدير سياسة السودان الداخلية والخارجية وكانت تدير اقنصاد السودان
يعنى يا ريتنى كنت واحد من أولاد الخرطوم 2
|
Post: #47
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 09:29 AM
Parent: #44
Quote: نقطة ضعف؟ حيرتنى ، نقطة سمن وسمن ( ضم واحدة من السينات والثانية خليها مفتوحة).
ولعلم الجميع الخرطوم 2 مجتمع يزيدك ولا ينقصك تتفتح فيه الاذهان ولا تضمر
سكان الخرطوم 2 هم الذين جلبوا السفر الى أمريكا بغرض النزهة والدراسة
سكان الخرطوم 2هم أول من سودنة امريكا وأوروبا
سكان الخرطوم 2 مفتحيين ومقددنها
اما نجل سيدنا فهو بالزيادة ، ويا هو دا السودان نمشى ونرجع لنفس السكة وبايدينا لا بيد غيرنا.
وقبل ظهور الاحياء الراقية كانت الخرطوم 2 تدير سياسة السودان الداخلية والخارجية وكانت تدير اقنصاد السودان
يعنى يا ريتنى كنت واحد من أولاد الخرطوم 2 |
وبعد ده كلو ياصلاح انت ما ود نمرة 2 ياعمي ده انت تكون من اولاد الخرطوم 1
|
Post: #39
Title: Re: هل قراية الروضة وسكنة نمرة اتنين (نقطة ضعف) !!!
Author: وليد عبد اللطيف
Date: 12-01-2011, 09:03 AM
Parent: #28
Quote:
علماً بأني ساكن في نمرة اتنين لي 38 سنة !!! وخريج روضة دار الحنان كمان !!! |
هههههههه
ياعمر جنابو
طبعا قريت الموضوع ضحكت شديد وكم بوست مفتوح بهذا الخصوص
لكن بيني وبينك زمان كان نكون قاعدين في ميدان الرابطة وقاعدين في الارض عايزين نضرب الفته
اول ما انت تجي ياجنابو ناس ربيع والجمري يقولو ياجماعة جيبو الكراسي ههههههههههه
| Quote: بالمناسبة الحاتي قفلوها وبقي سوبر ماركت |
ياسلام يااااااااااخ
طبعا ياعمر الان عمارات ووبيوت في قمة الجمال وناس اسكيلهم عالي
( حي راقي ) في شرق الشعبية شمال
اها واحد من ناس الشعبية قال والله الناس ديل هسه لو جاهم حرامي يقولو جانا من الشعبية
هسه ياعمر جنابو لو جاكم حرامي بتقولو حانا من الامتداد ولا الديم رغم اغلب ناس نمره اتنين اصلهم من الامتداد
والديم والسجانة والقوز
|
Post: #46
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 09:17 AM
Parent: #39
Quote: لكن بيني وبينك زمان كان نكون قاعدين في ميدان الرابطة وقاعدين في الارض عايزين نضرب الفته
اول ما انت تجي ياجنابو ناس ربيع والجمري يقولو ياجماعة جيبو الكراسي ههههههههههه |
هلا ياولي .......
الجمري بقول كده من تهذيبو
لكن ربيع الا يكون عندي غرض عندي داير ليهو رخصة
او تأشيرة .....
|
Post: #40
Title: Re: هل قراية الروضة وسكنة نمرة اتنين (نقطة ضعف) !!!
Author: سامى عبد الوهاب مكى
Date: 12-01-2011, 09:05 AM
Parent: #28
خريج روضة الشهيد أورتشيأمدرمان / بحي العمدة بس للأسف كنا مراقبين وممنوعين من العمل السياسي.
|
Post: #41
Title: Re: هل قراية الروضة وسكنة نمرة اتنين (نقطة ضعف) !!!
Author: العوض المسلمي
Date: 12-01-2011, 09:08 AM
Parent: #40
ليس نقطة ضعف يا جنابو ولكن نقطة قوة والدليل وااااااااااصح ولا شنو ؟
|
Post: #50
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 09:40 AM
Parent: #41
| Quote: ليس نقطة ضعف يا جنابو ولكن نقطة قوة والدليل وااااااااااصح ولا شنو ؟ |
اكييييييييد ياعمك .....
وكما قال الرئيس عبود (احكموا علينا باعمالنا)
خليكم من حكاية الروضة ونمرة اتنين دي ....
|
Post: #45
Title: Re: هل قراية الروضة وسكنة نمرة اتنين (نقطة ضعف) !!!
Author: أبوبكر عبد القادر العاقب
Date: 12-01-2011, 09:17 AM
Parent: #40
Quote: هل قراية الروضة وسكنة نمرة اتنين (نقطة ضعف) عند تقييم من يشغل منصب
دستوري أو تنفيذي أو خلافه !!!! |
دة حقد طبقي سااي ...
بعدين دة لو ما قرا زاتو يعتبر مكسب للقصر ،،، مع دخوله القصر سوف تتنزل البركات ولتعلمن نبأه بعد حين :)
|
Post: #51
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 09:43 AM
Parent: #45
| Quote: بعدين دة لو ما قرا زاتو يعتبر مكسب للقصر ،،، مع دخوله القصر سوف تتنزل البركات ولتعلمن نبأه بعد حين :) |
فعلاً والسياسية ما قراية ولا جامعة السياسة تجارب واحتكاك وخبرة ....
تخيل وانك منذ صغرك تعيش في دائرة الفعل والحراك السياسي وتقابل
السياسيين والروساء والملوك ....... فهل هناك مدرسة او جامعة افضل
من ذلك .....
|
Post: #48
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 09:33 AM
Parent: #40
| Quote: بس للأسف كنا مراقبين وممنوعين من العمل السياسي. |
هههههههههههههههههههه......
الليلة المنبر ده ما براهو انتو الشدايد دي بتلقوها ووووين
|
Post: #52
Title: Re: هل قراية الروضة وسكنة نمرة اتنين (نقطة ضعف) !!!
Author: بله محمد الفاضل
Date: 12-01-2011, 09:47 AM
Parent: #48
ياك تكون دفعة أمين العشي وأمير أبو الجاز والجيو
ولا من دفعة حبسة وأحمد وماجد
....
الشهادة لله
ناس نمرة 2، 3
ونعم الرجال والله
وإن كانوا خريجي الحنان ذاتو
....
|
Post: #58
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 11:37 AM
Parent: #52
Quote: ياك تكون دفعة أمين العشي وأمير أبو الجاز والجيو
ولا من دفعة حبسة وأحمد وماجد |
دفعة كورة ورابطة .... نحن كنا في فريق الجيل بتاع نمرة 2 وهم في فريق 3
Quote: الشهادة لله
ناس نمرة 2، 3
ونعم الرجال والله
وإن كانوا خريجي الحنان ذاتو |
الف شكر يابلة ......
|
Post: #49
Title: Re: هل قراية الروضة وسكنة نمرة اتنين (نقطة ضعف) !!!
Author: عاطف عمر
Date: 12-01-2011, 09:37 AM
Parent: #1
Quote: ولكن سؤال ياسيد عمر
هل سبق وأن كتبتها فى سيرتك الذاتيه وأنت متقدم لأى وظيفه ؟؟؟؟ |
الضربة الفنية القاتلة للبوست
هل من المنطقي أن يحال ضابط يصل ( للهدف ) بمثل هذه البراعة المذهلة للتقاعد المبكر ؟؟؟؟
____________
تحياتي وسلامات جنابو ( تربيع )
عمر عثمان
أسامة الكرور
|
Post: #53
Title: Re: هل قراية الروضة وسكنة نمرة اتنين (نقطة ضعف) !!!
Author: SILVER MOON
Date: 12-01-2011, 09:54 AM
Parent: #49
بدار الحنان مشينا سوى يضئ النشيدويهتف بالسعد قلب الوجود
تحياتى لك ياعمر ولجميع اسرة دار الحنان كانت اسعد يام فى عهدالناظرة الفاضلة فاطمة سعد الدين
بجيك راجع برواقه عن ذكريات اول دفعة فى دار الحنان فى مقرها فى شارع المطار
|
Post: #55
Title: Re: هل قراية الروضة وسكنة نمرة اتنين (نقطة ضعف) !!!
Author: عبد الرازق سعيد
Date: 12-01-2011, 10:10 AM
Parent: #53
Quote: هل قراية الروضة وسكنة نمرة اتنين (نقطة ضعف) عند تقييم من يشغل منصب
|
عمر عثمان
أفتح ليك بوست عنوانه خريجي روضة دار الحنان بالخرطوم 2 يجمعوا هنا
حتى نعرف بقية التشكيل الوزاري القادم ..
|
Post: #54
Title: Re: هل قراية الروضة وسكنة نمرة اتنين (نقطة ضعف) !!!
Author: عبدالكريم أحمد الامين
Date: 12-01-2011, 10:10 AM
Parent: #49
** ابو عبدالرحمن ..
** سلام وصباحك خير..
** إبنى محمد فؤاد (مُسمى على الشهيد عقيد طيار محمد فؤاد على زكى) ,, خريج روضة الروزرى "الورديه" بالأمارات ,, يدرس فى كامبردج إنترناشونال بالإمارات ,, يُجيد الإنجليزيه والفرنسيه ولاعب حريف فى البلى إستشن "3" وُملم باللغه العربيه ولديه علاقات مُتميزه مع أغلب الجنسيات ..
## بالله ياجنابو شوف لى الموضوع دا:- إن شاء الله مُستشار ,, إذا وظائف المُساعدين مافيها طريقه.. (وحقك محفوظ) .. أها قصرنا معاك...
(ودام الود بيننا)
(ابو محمد فؤاد) - الماكيكى..
|
Post: #57
Title: Re: هل قراية الروضة وسكنة نمرة اتنين (نقطة ضعف) !!!
Author: أحمد ابن عوف
Date: 12-01-2011, 10:37 AM
Parent: #54
كدي يا اخوانا النتضامن مع قريبي دا
لووووووووووول يا جنابو، لقيت نفسك في الصقيعة براك انت وسيدي بس
اها يا اخوانا، انا قريت الروضة في لندن عديييل، وبعدين رجعت سكنت في نمرة 2 وقريت في نمرة 2
يا جنابو لو المؤهلات دي بتنفع بالله ما تقصر مع قريبك، ان شاء الله وزير
|
Post: #59
Title: Re: هل قراية الروضة وسكنة نمرة اتنين (نقطة ضعف) !!!
Author: omer osman
Date: 12-01-2011, 12:00 PM
Parent: #49
Quote: الضربة الفنية القاتلة للبوست
هل من المنطقي أن يحال ضابط يصل ( للهدف ) بمثل هذه البراعة المذهلة للتقاعد المبكر ؟؟؟؟
|
اثني ياعاطف .......
كان لي شرف العمل مع سيادتو اسامة بالقسم الشرقي الخرطوم ...
ولمست فيه منذ ذلك الوقت النباهة التى تتكلم عنها الأن .....
|
Post: #60
Title: Re: هل قراية الروضة وسكنة نمرة اتنين (نقطة ضعف) !!!
Author: سفيان بشير نابرى
Date: 12-01-2011, 12:47 PM
Parent: #59
Quote: وجيت بحمد الله وتوفيقه
الأول العام على كل الدفعة الـــ 188 طالب ديل وكنت قائد طابور التخريج |
انتو قصة خريجى (دار الحنان) مع الاول دى شنو بالله !!؟
ناقصك القصر يا فرده .
هسى مدام مساعد الرئيس دا عاااارف اهمية الروضه قدر دا
ما يباصر موضوع منعم رحمة دا و يفكو ياخ عشان بت منعم
تبطل خوف و تطلع تمشي الروضه ..!
|
Post: #61
Title: Re: هل قراية الروضة وسكنة نمرة اتنين (نقطة ضعف) !!!
Author: علاء الدين يوسف علي محمد
Date: 12-01-2011, 02:12 PM
Parent: #60
يمين البوست دة مُحتاج ليهو غنية ولّ هي أُنشودة من على شاكلة:
يا دُنيا خلاس اتلمينا
و الأُسرة اجتمعت في مودة
أو:
ميتين نكبر متين نكير
و تِتحقق أمانينا
أنا في حياتي بااااااااااااااااااااااااتمنّى أكون دكتور وفييييييييييي السُودان
أكون دكتور وفي السودان
حليلك يا ماما هُدى ياخ
|
Post: #62
Title: Re: هل قراية الروضة وسكنة نمرة اتنين (نقطة ضعف) !!!
Author: Dania Elmaki
Date: 12-01-2011, 03:15 PM
Parent: #61
سلام يا جنابو
المشكله انه سيره فطيره زي دي يجي زول ناطي ينشرها و يتبجح بيها. اول مره في حياتي اشوف سيره ما فيها اسم الجامعه لكن فيها ذكر روضتين بالله مش كلام ركيك؟. علي العموم المستشار عاوز ليه مستشار يشاوروا في المواضيع الزي دي.
كون الزول ما اتدرش ولا لقط عنكوليب ما عيب ولا عيب الزول يدرس في روضة دار الحنان. علي فكره انا درست الروضه في The Goddard School يا ربي ده مؤهل يديني وزاره.
احترامي و تقديري
|
Post: #63
Title: Re: هل قراية الروضة وسكنة نمرة اتنين (نقطة ضعف) !!!
Author: قيقراوي
Date: 12-01-2011, 03:29 PM
Parent: #62
Quote:
هل قراية الروضة وسكنة نمرة اتنين (نقطة ضعف) !!!
|
ما نقطة ضعف ابداً ..
--------
طيب الساكنين نمرة (مافي) .. و ما ضاقوا الروضة دي في عمرم
و بدلا مشوا خلاوي الختمية ما يضوقوا (القصر) دا كلو كلو!؟
ليه المافي شنو!؟
|
Post: #64
Title: Re: هل قراية الروضة وسكنة نمرة اتنين (نقطة ضعف) !!!
Author: Elawad
Date: 12-01-2011, 03:57 PM
Parent: #62
سلام يا أبو عمير. أبدا مافي مشكلة إنه الواحد يكون ساكن العمارات أو نمرة اتنين أو قرا دار الحنان. لكن هسع يا عمر لمن تجي تقدم لوظيفة بتكتب ليهم إنك قريت دار الحنان ولا ساكن في نمرة اتنين ولا إنك ود فلان؟ هنا الحتجاج. يعني زول عينوه مستشار للرئيس لو جا كتب إنه قبل كدا كان مستشار إن شاء الله لمدير بنك و كلمنا عن نضاله في فترة العشرين سنة الفاتت دي و كم ليلة بيت في معسكرات جيش الفتح ما كان في زول إتذكر إنه قرا وين. لكن زول سيرته الذاتية كلها روضة دار الحنان و إلقاء خطابات أبوه دا يودوه وين؟
|
Post: #65
Title: Re: هل قراية الروضة وسكنة نمرة اتنين (نقطة ضعف) !!!
Author: طارق جبريل
Date: 12-01-2011, 04:12 PM
Parent: #64
يا حبيب كيفنك
والله كان كدة نحن لو ما مجانية التعليم كان لي هسي شغالين طُلب
غايتو في سيرتي الذاتية حا اضيف قصة طُلبة دي يمكن تجيب مريسة تامزين
|
Post: #66
Title: Re: هل قراية الروضة وسكنة نمرة اتنين (نقطة ضعف) !!!
Author: محمد عبدالرحمن محمد
Date: 12-01-2011, 04:52 PM
Parent: #65
| Quote: والله كان كدة نحن لو ما مجانية التعليم كان لي هسي شغالين طُلب |
مجانية التعليم طايري آطارق..
بَلاها الخلاني امرق من حش القش، النقاحي، تمر الهبوب، قفيز التمر وحشّو، و...
ـ
روضه؟
هاك الخَلوه دي آعُمَر
طرطيشاي:
عمر وضيوفك،
شكراً محاولتكم فَشْ غبينتي
|
Post: #67
Title: Re: هل قراية الروضة وسكنة نمرة اتنين (نقطة ضعف) !!!
Author: Deng
Date: 12-01-2011, 05:07 PM
Parent: #66
Quote: ههههههههههه
يا جنابو ..
العالم اتجه في كل تفاصيلو الي القيادات الصغيرة السن .. اوباما رئيس امريكتم دا عمرو الحك بيهو امريكا ما عمر زول بياهلو لي اي رئاسة ..
في جمهورية البورد دي اتوقع اي كلام ممكن يتقال .. مش المسالة كلام والسلام ..؟
انا قريت في روضة (القوت) في الموردة واتولدته في الموردة .. حسع كان بتدي حريف الواحد كان بقى وزير بتاع اي |
تمبس.
بالله لو سمحت ما تفتي في حاجة أنت ما عارف فيها حاجة.
حاول أن ترجع وتشوف أخر ثلاثة رؤساء حكموا أمريكا كانت أعمارهم كم وخبرتهم شنو.
|
Post: #68
Title: Re: هل قراية الروضة وسكنة نمرة اتنين (نقطة ضعف) !!!
Author: اسامه خليفه
Date: 12-01-2011, 05:10 PM
Parent: #66
سلام يا عمر
انا لو مكانك ادخل الغابه واشجع الهلال ...
|
Post: #69
Title: Re: هل قراية الروضة وسكنة نمرة اتنين (نقطة ضعف) !!!
Author: أسامه الكرور
Date: 12-01-2011, 05:44 PM
Parent: #68
Quote: كاااااااااااااااك
دي بكم كرت ياسعادتك |
ياسيد عمر دى ما فهمتها!!
لكن للإحتياط كده .. أنا ما قاعد ألعب كوتشينه
وكااااااااك
|
Post: #70
Title: Re: هل قراية الروضة وسكنة نمرة اتنين (نقطة ضعف) !!!
Author: أسامه الكرور
Date: 12-01-2011, 06:01 PM
Parent: #69
Quote: الضربة الفنية القاتلة للبوست
هل من المنطقي أن يحال ضابط يصل ( للهدف ) بمثل هذه البراعة المذهلة للتقاعد المبكر ؟؟؟؟
____________
تحياتي وسلامات جنابو ( تربيع )
عمر عثمان
أسامة الكرور |
مشكور ياباشمهندس عاطف على الإطراء وحُسن الظن
والأخ عمر والذى ثنى على حديثك لايختلف إثنان فى تميزه.. وآخر مميزاته أنه أول دفعته ..
بالإضافه إلى روضة دار الحنان طبعاً ... وكاااااااااك
.....................
كلما قرأت لك إحدى مداخلاتك الممتعه فى المنبر تذكرت إبن خالتك وأحب الناس إلى قلبى وأميز ضباط الشرطه
الذين أُحيلوا للمعاش ظلماً .. المرحوم طارق محمد أحمد .. له الرحمه والمغفره
ـــــــــــ
بالجنبه كِده ياباشمهندس وفى أضانك .. موضوع الأقدميه دا ما تنساهو تانى فى ترتيب الأسماء
|
Post: #71
Title: Re: هل قراية الروضة وسكنة نمرة اتنين (نقطة ضعف) !!!
Author: طارق جبريل
Date: 12-01-2011, 06:29 PM
Parent: #70
Quote: مجانية التعليم طايري آطارق..
بَلاها الخلاني امرق من حش القش، النقاحي، تمر الهبوب، قفيز التمر وحشّو، و... |
|
Post: #72
Title: Re: هل قراية الروضة وسكنة نمرة اتنين (نقطة ضعف) !!!
Author: MOHAMMED ELSHEIKH
Date: 12-01-2011, 06:59 PM
Parent: #71
يا جنابو نمرة اتنين معروفة ومشهورة لكن انا نفسي اعرف اتنين:
الخرطوم 1
وولاية سكسونيا العليا.
ــــــــــــــــــــــــــــــ
يعني ان أخطأ الزملاء الذين اعدو السيرة الذاتية لممثل الأتحادي في مؤسسة الرئاسة في ايراد الروضة
البورد كلو يخلي النضال الكيبوردي(بالمناسبة انا شخصا مصنف مناتل كيبوردي مش مناضل) ويقوم يمسك في دي؟
ياخي رئاسة الجمهورية تصدر في البيان تلو الأخر عن:
- مشاركة الحزب الأتحادي الديمقراطي.
- مشاركة السيد عبد الرحمن الصادق (ماعارف حزبو شنو يكون زي حزب م.م. خير)
الناس تلف بالنقاش عن هذين العنوانين للقضايا الجانية
والله عيب يابورداب
|
Post: #73
Title: Re: هل قراية الروضة وسكنة نمرة اتنين (نقطة ضعف) !!!
Author: حمزه بابكر الكوبي
Date: 12-01-2011, 07:01 PM
Parent: #71
جنابو تحياتي
من فتحنا في الدنيا اي واحد من المشاهير لما يستضيفوهوا في تلفزيون ولا اذاعه او اي جهة اعلاميه
مش بشبكونا لك قريت في خلوة الفكي يس وخلوة شيخ احمد اب عمه هسع يعني بقت على ود مولانا
علشان قرأ روضه ......غايتوا عدم موضوع مبالغه في المنبر ده
الكوبي
خريج دار حفظ القران بشمبات ( خلوه مودرن )
|
Post: #74
Title: Re: هل قراية الروضة وسكنة نمرة اتنين (نقطة ضعف) !!!
Author: smart_ana2001
Date: 12-01-2011, 07:52 PM
Parent: #73
جنابو...ما نقطة ضعف يا اخى ...لكن ذى ما قالوا ليك الجماعة...معقولة بس تكتبها فى سيرة ذاتية??
هسي انا لى 3 يوم محيرة...نسيت اسم الروضة القريت فيها !!!1
انا فى الحقيقة قريت فى روضتين (نبريكم... ما دام موضوع الروضات ده بقى مهم كده). الاولى كانت روضة تابعة لوزارة التربية و التعليم و كانت روضة اخر ابهة. بس بعد كم يوم كده الحاج كان عندوا اجتماع و اتاخروا على. اعلنت العصيان و رفضت الذهاب للروضة. امى حولتنى لروضة فى الحلة. كلها تراب و فيها لعبة واااحده لكل الروضة.
انا حقيقي ما شفت السيرة الذاتية بتاعت ابن مولانا....لكن ان شاء الله بس يكون قرا اساس بعد الروضة و ما يكون اكتفى بالروضة!!!!1
تمبس...حمد لله على السلامة يا اخى.....كيف كانت العضة فى السودان???
| Quote: العالم اتجه في كل تفاصيلو الي القيادات الصغيرة السن .. اوباما رئيس امريكتم دا عمرو الحك بيهو امريكا ما عمر زول بياهلو لي اي رئاسة .. |
كيف الكلام ده? اوباما بتاع امريكتنا ده كان خلص الدكتوراة (من هارفرد) و اشتغل بروفسر بتاع قانون فى واحدة من اعرق كليات القانون فى العالم لمدة 12 سنة. ده غير شغلو ك محامى و كمان عضوية السند. غايتو قرا الروضة فى هواى و الابتدائي فى اندونسيا.
و بالمنسبة اوباما ما اصغر رئيس امريكى...و لا حتى تانى اصغر رئيس امريكى و لا حتى التالت و لا الرابع. اوباما خامس اصغر رئيس امريكى. لكن انجازاته (بالمقياس الامريكى) بتاهله لى رئاسة امريكا.
موضة الصغرة دى ما جديدة....اصغر رئيس امريكى هو Theodore Roosevelt و بقى رئيس فى September 14, 1901 .و عمره كان 42 سنة.
ناس سعوديتنا (او سعوديتكم) هم الى ما شغالين بموضوع العمر ده نهااائي.
|
Post: #75
Title: Re: هل قراية الروضة وسكنة نمرة اتنين (نقطة ضعف) !!!
Author: mohmed khalail
Date: 12-01-2011, 08:14 PM
Parent: #74
كامل التضامن مع جنابو عمر في روضته..
|
Post: #76
Title: Re: هل قراية الروضة وسكنة نمرة اتنين (نقطة ضعف) !!!
Author: أسامة البلال
Date: 12-01-2011, 10:54 PM
Parent: #74
يا جنابو في أهم حاجة في سيرة السيد جعفر الصادق تم تجاهلها عن قصد وأشك في أنو كاتب السيرة مريخابي حاقد عاوز يصرف الناس عنها بحكاية الروضة
وهي أنو هلالابي و بشجع سيد البلد الهلال
بمناسبة السيرة الذاتية أصلا السياسة شغل جربندية لا تحتاج ل سي في
وبعدين جربنا أولاد الخلاوي الغبش فخلو الناس تجرب أولاد الروضات يمكن يكونوا حنان
|
|