Post: #1
Title: منو أغني زول في السودان ؟
Author: omer osman
Date: 12-11-2011, 11:18 AM
Parent: #0
سؤال مطروح من ولدي (محمد عثمان) 8 سنوات
محمد : يابابا منو اغني زول في السودان ؟
أنا : والله يامحمد ياولدي ما عارف !
محمد : لا كدي قول لي عليك الله منو ؟
أنا : طيب خلاس بكون اسامة داؤود ...
محمد : والله اولادو بختهم يعني ممكن يشتري لي كل واحد فيهم بلاستيشن براهو و13 دوريتوس
|
Post: #2
Title: Re: منو أغني زول في السودان ؟
Author: omer osman
Date: 12-11-2011, 11:21 AM
Parent: #1
للناس الما مواكبين ده هو الدوريتوس
|
Post: #3
Title: Re: منو أغني زول في السودان ؟
Author: قلقو
Date: 12-11-2011, 11:43 AM
Parent: #2
كيفك ياسعادتو..
امبارح الله شافك , فقد حضرت لزيارتك بالمعرض وأنا أمنى نفسى بشية كاربة من البوادى (دوريتوس ما معانا) لكن لم اعثر عليك وقدر الله وما شاء فعل , لكن ما تفرح كدا خاااااالص لأنو خيرا فى غيرا وانا سوف اكرر المحاولة مرة بعد مرة ونشوف آخرتا.
مع تحياتى .
|
Post: #4
Title: Re: منو أغني زول في السودان ؟
Author: محمد يوسف الزين
Date: 12-11-2011, 11:58 AM
Parent: #3
يا عمك وحاة الله كان ما لحقتنا بالدويتز ولا البتاع القلتو دا! بالله ساعة قاعد بفهم فيهو هو شنو! بالله طلع "بطل"!
يعني اولادك قرو الروضة وسكنو نمرة 2 برضو :)
|
Post: #8
Title: Re: منو أغني زول في السودان ؟
Author: omer osman
Date: 12-11-2011, 12:14 PM
Parent: #4
| Quote: يا عمك وحاة الله كان ما لحقتنا بالدويتز ولا البتاع القلتو دا! بالله ساعة قاعد بفهم فيهو هو شنو! بالله طلع "بطل"! |
عارفكم بتكونو مسطحين
| Quote: يعني اولادك قرو الروضة وسكنو نمرة 2 برضو :) |
وربنا يوعدنا بالباقي ....
|
Post: #5
Title: Re: منو أغني زول في السودان ؟
Author: MOHAMMED ELSHEIKH
Date: 12-11-2011, 12:00 PM
Parent: #3
جنابو
كيف الحال
دا اكان"محمد عثمان ولدي" كان قال لي:
"تلقاهم يضربو في الشعيرية ساااكت.
ياخي في ناس في السودان دا غنيانين جنس غنى
ياخ الواحد يخلي نثريات في البيت زي تلتمية مليون كدي, ويجي الحرامي يسرقها وما تأثر معاهم
تقول لي جيمي كارتر شايقي
والله صحي
|
Post: #9
Title: Re: منو أغني زول في السودان ؟
Author: omer osman
Date: 12-11-2011, 12:17 PM
Parent: #5
Quote: دا اكان"محمد عثمان ولدي" كان قال لي:
"تلقاهم يضربو في الشعيرية ساااكت. |
هههههههههههه ..........
Quote: ياخي في ناس في السودان دا غنيانين جنس غنى
ياخ الواحد يخلي نثريات في البيت زي تلتمية مليون كدي, ويجي الحرامي يسرقها وما تأثر معاهم
|
نثريات شنو دي قروش الدوريتوس بس
|
Post: #6
Title: Re: منو أغني زول في السودان ؟
Author: omer osman
Date: 12-11-2011, 12:03 PM
Parent: #3
Quote: امبارح الله شافك , فقد حضرت لزيارتك بالمعرض وأنا أمنى نفسى بشية كاربة من البوادى (دوريتوس ما معانا) لكن لم اعثر عليك وقدر الله وما شاء فعل , لكن ما تفرح كدا خاااااالص لأنو خيرا فى غيرا وانا سوف اكرر المحاولة مرة بعد مرة ونشوف آخرتا.
مع تحياتى . |
اتاريهو عشااااان كده امبارح حققنا مبيعات قياسية
وانت ياقلقو قايل الدوريتس هيين ده الواحد بي سبعة جنيه
في إنتظار زيارتك التانية ان شاء الله
|
Post: #7
Title: Re: منو أغني زول في السودان ؟
Author: حامد محمد حامد
Date: 12-11-2011, 12:09 PM
Parent: #6
Quote: ياخي في ناس في السودان دا غنيانين جنس غنى
|
ياخى من كتر ما غنيانين بقو يعدو قروشهم بالاوض يعنى فلان عنده كم اوضة مليانة قروش .زالكلام دة جد
جنابو وضيوفه وكل من مر على البوست السلام عليكم جميعا
|
Post: #11
Title: Re: منو أغني زول في السودان ؟
Author: omer osman
Date: 12-11-2011, 12:20 PM
Parent: #7
| Quote: ياخى من كتر ما غنيانين بقو يعدو قروشهم بالاوض يعنى فلان عنده كم اوضة مليانة قروش .زالكلام دة جد |
وانا بعرف واحد منهم ياحامد (تاجر) لكن دوريتوس شنو ده تسالي ما بشتريهو
|
Post: #15
Title: Re: منو أغني زول في السودان ؟
Author: صلاح الدين نزلاوى
Date: 12-11-2011, 12:43 PM
Parent: #6
سلام يا جنابو
اغنى واحد فى السودان ما معرووف
بس الداهى القلتو ( دوريتوس ) انا قايلو حاجة تانى
بس طلع بسموهو البطل فى حلتنا
بس الظاهر عندكم فى نمرة 2 بسموهو بالايطالى ام الاسبانى دوريتوس
مع مودتى
|
Post: #10
Title: Re: منو أغني زول في السودان ؟
Author: نوري بطة
Date: 12-11-2011, 12:18 PM
Parent: #2
عمر عثمان ..تحياتى ..
صدقنى انا برضو ماعرفت الدوريتوس دا شنو ..يعنى زى البلى استشن كدا بياكلو...ولا انا غلطان ...وسلم لى على محمد عثمان ولدك كتير ..وبالله قوليهو عمو بقوليك ما يضحك علينا ..
وبعدين شكلو سوقكم ماشى معاكم طحنية .. كيف حقتتو المبيعات القياسية فى السوق المشخر داا...بدون دسدسا بالله
تحياتى ..تانى كمان ..
|
Post: #12
Title: Re: منو أغني زول في السودان ؟
Author: omer osman
Date: 12-11-2011, 12:25 PM
Parent: #10
Quote: وبعدين شكلو سوقكم ماشى معاكم طحنية .. كيف حقتتو المبيعات القياسية فى السوق المشخر داا...بدون دسدسا بالله
|
لمن تفتح المحل الصباح قول ياسيدي الحسن ... طوالي تلقي الزبائن واقفين صفوف
ويييييينك انت مختفي ياااخ
|
Post: #13
Title: Re: منو أغني زول في السودان ؟
Author: maman
Date: 12-11-2011, 12:32 PM
Parent: #10
سلام يا عمر
ربنا يخلي ليك محمد. غايتو مية المية حتجيهو هدية بلاي ستيشن من مجموعة دال... وكمان كرتونة شيبس.
تعرف في واحد من أئمة المساحد في مكة اسمو المحيسن من عائلة ثرية ويمتلكوا أبراج سكنية في مكة باسمهم.. في واحد مصري
سمعوا مرة يقرأ القرآن ويبكي.. فسأل: (هو مين الإمام دا؟) قالولو اسمو المحيسن..صاحب أبراج المحيسن.. فقال المصري: (أمال بيعيط ليه)
يقال أن الإمام المحيسن سمع بتعليق المصري فناداهو وناولوا عشرة ألف ريال
|
Post: #14
Title: Re: منو أغني زول في السودان ؟
Author: طارق جبريل
Date: 12-11-2011, 12:37 PM
Parent: #13
يا عمك
ياخي نفسي ابقى غني
عايز اتجدع ياخي واشتري لي شقة في مجمع النصر
تليشة:
خياناتك انت وود الصايم عينة
والحاج دة تقول موقت مرضتو دي مع الخيانات الفاتتني دي
|
Post: #16
Title: Re: منو أغني زول في السودان ؟
Author: علي الكرار هاشم
Date: 12-11-2011, 12:49 PM
Parent: #14
يا عمر سلامات
تصدق في يوم من الايام
كتبت اغنيه
مع صاحبي محمد احمد المعروف بالشاعر
بتقول
يا ربي بس مليون جنيه
آمين يارب
بس جيبها فكه
طرادات ولو دمغات فئة واحد قرش
آمين يارب
عشان نعمل فيلا
في نص الحله
ونملاها بي احسن فرش
والمرسيدس ترصف هناك ما تنهبش
........
والخ
قام جنيه الجن.....بقي يساوي الف ريال
يعني انا شخصيا ما من الجماعه
|
Post: #17
Title: Re: منو أغني زول في السودان ؟
Author: ابن عفان
Date: 12-11-2011, 01:20 PM
Parent: #16
.
ما أستغرب له هو أن يهتم طفل فى عمر 8 سنوات بمعرفة من هو غنى و من ليس بغنى.
فى هذا العمر من المفترض أن ما لا يكون لدى طفل كهذا أى إحساس بفوارق الغنى و الفقر.
يا حليل اللعب بكورة الشراب فى الشارع و السكسك و كمبلت وووو. الكانت لا تعرف غنى أو فقر.
تلعب و معاك ود المليونير وود الغفير و كلنا نمشى المدرسة كدارى.
فى شى غلط حصل.
.
|
Post: #19
Title: Re: منو أغني زول في السودان ؟
Author: قلقو
Date: 12-11-2011, 01:29 PM
Parent: #16
يا سعادتو..
رجائى حذف صورة الدوريتوس من البوست لأنو بكرة بعد بكرة يجوك ناطين ناس طارق جبريل وودالصايم وسجيمان واشباههم ويعملوا لينا فيها مقددنها وانهم بيعرفو الدوريتمس من ما كانوا شفع... وكمان شوية يقولوا لينا نحن اتخرجنا معاكم من (دار الحنان), فأحسن اقصر الشر واحذف الصورة .
|
Post: #18
Title: Re: منو أغني زول في السودان ؟
Author: الفاتح شلبي
Date: 12-11-2011, 01:20 PM
Parent: #14
محمد : والله اولادو بختهم يعني ممكن يشتري لي كل واحد فيهم بلاستيشن براهو و13 دوريتوس
جنابو
رسالة ابنكم محمد واضحة
معناها هو حاطي إسمك ضمن أغنى الأغنياء
بطل زوغان واشتري ليه بلايستيشن براهو و13 دوريتوس
|
Post: #20
Title: Re: منو أغني زول في السودان ؟
Author: سفيان بشير نابرى
Date: 12-11-2011, 01:53 PM
Parent: #18
Quote:
ما أستغرب له هو أن يهتم طفل فى عمر 8 سنوات بمعرفة من هو غنى و من ليس بغنى.
فى هذا العمر من المفترض أن ما لا يكون لدى طفل كهذا أى إحساس بفوارق الغنى و الفقر.
|
شافع شوايقه كمان ياخ لوووووول
ياعمر ياخ ابحبح مع الشافع دا
اهو هسى طااااخ طلعك مفلس ساااكت
أنت فرحاااااان كمان تشيل و ترد !!!
كاااااااااااك
مشتاقين و الله بس بعد عمليتكم بتاعة
المشاركه دى بفكر اقاطعك .
|
|