Post: #1
Title: سيادتو النور يوسف ... خبطة تسجيلات المنبر العام
Author: omer osman
Date: 09-26-2011, 11:53 AM
Parent: #0
سيادتو النور يوسف ....... شخصياً
مفاجاة جميلة جداً ان اجد سيادتو النور يوسف قد اصبح عضواً
بمنبر سودانيزاولانين وها هي مداخلته الأولي كانت بدفتر احوال الضابط المناوب ..
Quote: بسم الله الرحمن الرحيم
وهكذا ..
مرةً أخرى ..
على صهوة قلمٍ هرم ..
وقصاصات شوقٍ فى أوج الشباب ..
أعود إليكم سادتى ..
على رهق الإنتظار ألتمست طريقى ..
أنفض عنه غبار الذكريات ..
وسيد القهوة على الفنجرى يجابد بينى وبين مضيفنا ..
فهو لا يعلم أن بينى وبين ومحطات الإنتظار ومدن الغبار عداء سافر ..
التحية لكم ..
من نجد ..
إبنة الصحراء المتردة ..
حيث لا تشرق الشمس ,إنما تعاود الظهور ..
لا تنبيك عن فجرٍ وسيم , بل صبحك المؤود ..
على أشواك من الملل المكندش ..
الرياض ..
مدينة لا تستقر فى الذاكرة إلا بقدر إلتفاتة عنق وبعض خدر
تحذر الليل والدفء والعناق والإبتسام ..
الطريق الى
حراك الحياة ..
هو خلوتى المفضلة ..
أمارس فيه جناية التمنى وفضائل التأمل
وحيناً يكتمل هلال ( الكيف ) بدراً
أدندن بصوتى الأجش
( دايماً , دابماً ..
اطيب خاطرك الغالى , واسامحك .... )
وفى المكتب ..
الذى تتواضع فيه آمال النجيع
وتتوارى فيه موبقات الأحلام المنهكة ..
ينعش ذاكرتك هذا الشاب الصغير بابتسامة وفنجان من القهوة التركية
حالكة السواد كحظوظ هؤلاء الفتية المبعثرة ..
الرياض تعيد فيك ترتيب المشاعر والحواس ..
و أولويات لا تأبه لها كثيراً
وتعلنك أن ( غض الطرف إنك من نمير .....
فتستقيم عندك ظلال شهوات بريئةعلى عود أيامك المعوج .. .
ويبقى حلم العودة شبحاً يمشى مترنحاً بين تلك الشهوات ..
.
..
التحية لكم فى منافى تأخذكم فى أحضانها برفق ..
والشكر أجزله للأخ على سرالختم و أن منحنى هذا الفرصة لكون بينكم ..
لدى مشكلة صغيرة فى تغيير اليوزر نيم وسأحاول معالجتها مع اصحاب الشأن ..
يا سيد على همتك معانا ..
الشكر مرة أخرى لكل الزملاء ..
ومشتاقكم والله فرداً فرداً ..
أتمنى ان نكون خفيف عليكم .. |
|
Post: #2
Title: Re: سيادتو النور يوسف ... خبطة تسجيلات المنبر العام
Author: صبري طه
Date: 09-26-2011, 11:55 AM
Parent: #1
مرحباً به في بيته ...
|
Post: #6
Title: Re: سيادتو النور يوسف ... خبطة تسجيلات المنبر العام
Author: omer osman
Date: 09-26-2011, 12:26 PM
Parent: #2
ونحن ملازمين نحبو على عتبات صاحبة الجلالة (الشرطة)
كان سيادتو النور يوسف برتبة الرائد ويشغل منصب رئيس فرع الجنايات ب
قسم شرطة الخرطوم شمال وما ادراك ما قسم شرطة الخرطوم شمال !!
في اروقة الشرطة وادبياتها عندما يذكر اسم شرطة الخرطوم شمال لا يذكر إلا ومقروناً
بالفخر والعراقة والتاريخ ... وينظر الى ضباطه وافراده وكأنهم من كوكب اخر ...
ذاك زمان قد ولي واندثر واندثرت معه حتى مباني قسم شرطة الخرطوم شمال واحتلت مكانها
المباني الجديدة لرئاسة مجلس الوزراء ...
لا انسي ما حييت أول يوم عمل لي (كملازم شرطة) في شرطة السودان ...
بموجب كشف التوزيع كان حظي واربعة من ابناء دفعتي ان يكون موقع عملنا
قسم شرطة الخرطوم شمال سلمنا انفسنا وامرنا الى ادارة القسم وبعد مقابلة ترحيبية
بواسطة رئيس القسم استلمنا سيادتو النور يوسف ... جداد لنج من الورقة طري العود
قليلي الخبرة كثير الحماس والاندفاع ... لجم حماسنا ورشده وقوي عودنا وصب في تنك
خبرتنا الفارغ ما تيسر من مخزونه الثر ومعرفته العميقة وإحاطته بعمل الشرطة والمباحث ....
بعد ان ان انصرف الضباط وبقيت تقريباً وحدي بالقسم انتابني نفس احساس التلميذ في اول يوم له
في الروضة لكن لم تكن هناك طريقة للبكاء كما يبكي شفع الروضة !!! وقبل ان استسلم لهواجسي
ومخاوفي من عظم هذه التجربة اكتشفت ان سيادتو النور يوسف لم يغادر وحضر الى مكتب الضابط
المناوب يصحبه رجل كبير في السن يرتدي جلابية ويكسوه وقار ونظرة ابوية عرفني به قائلاً ده عمنا
الصول (مامون) ياعمر ح يكون معاك في النبطشية وان شاء الله ما بتجيك عوجة تب ...
وكلم زملائك في نبطشية اى واحد منكم ح اخلي معاهو واحد من الصولات او الرقباء اوائل القدام ...
ديل ح تعرفوا منهم الف باء ت ث شغل البوليس وقد كان .....
ومر زمن وقررت رئاسة شرطة السودان ان وجود واستمرار سيادتو النور يوسف بالخدمة
(ضد الصالح العام) وانه لابد لتحقيق (صالح عام) الشرطة من رفد سيادتو النور يوسف واخرين !!!!
فهل ياتري تحقق ذلك (الصالح العام) !!!!!!!!!!!!!!!!!!!!!!!!!!!
شكراً سيادتو النور يوسف على كل ماقدمته لنا وحبابك في منبر سودانيزاونلاين ...
|
Post: #10
Title: Re: سيادتو النور يوسف ... خبطة تسجيلات المنبر العام
Author: النور يوسف محمد
Date: 09-26-2011, 10:50 PM
Parent: #2
بسم الله الرحمن الرحيم
شاكر أخ صبرى طه ..
مع الأمانى أن نكون جزء فاعل فى هذا الحراك ...
|
Post: #3
Title: Re: سيادتو النور يوسف ... خبطة تسجيلات المنبر العام
Author: صديق الموج
Date: 09-26-2011, 11:59 AM
Parent: #1
عمر عثمان ........صفا..انتباهـ
خشمك فوقو اللبن وحات الله العربى ود عمى ده اكبر مكسب هنا
حللت اهلا ياسعادتك كلو تمام..كتفا سلاح..ارضا سلاح مافرقت
احكى لينا فكلنا انتظار كان مسادير كان حكاوى ضباط،،،
|
Post: #4
Title: Re: سيادتو النور يوسف ... خبطة تسجيلات المنبر العام
Author: بله محمد الفاضل
Date: 09-26-2011, 12:06 PM
Parent: #3
يا سلام يا سلام
يوم أبيض للأصفر والله
تشكرات سعادتكم
في انتظار الهطول
|
Post: #17
Title: Re: سيادتو النور يوسف ... خبطة تسجيلات المنبر العام
Author: omer osman
Date: 09-27-2011, 04:38 AM
Parent: #4
Quote: يا سلام يا سلام
يوم أبيض للأصفر والله
تشكرات سعادتكم
في انتظار الهطول |
جهز المظلة يابلة امطار خير وبركة كتيرة جاية .....
|
Post: #12
Title: Re: سيادتو النور يوسف ... خبطة تسجيلات المنبر العام
Author: النور يوسف محمد
Date: 09-26-2011, 11:01 PM
Parent: #3
بسم الله الرحمن الرحيم ..
ود الموج ..
أرتال من الشوق يا ذوق ..
كلمة العربى دى كانت حكر على لسانٍ ندرة ..
يعبث برائها ـ تفخيماً وترقيقاً ـ ما شاء له الدلال ..
فإننى به معجب .. يلزمك كتير لنسمح لك بتمريرها ..
معرفتك أنت والله المكسب ..
|
Post: #16
Title: Re: سيادتو النور يوسف ... خبطة تسجيلات المنبر العام
Author: omer osman
Date: 09-27-2011, 04:36 AM
Parent: #3
| Quote: عمر عثمان ........صفا..انتباهـ |
تمام سعادتك ....... في حضرة سيادتو النور يطيب الانتباه ....
|
Post: #34
Title: Re: سيادتو النور يوسف ... خبطة تسجيلات المنبر العام
Author: عبد الرحيم محمد عبد الرحيم
Date: 09-27-2011, 09:40 PM
Parent: #3
| Quote: قسم شرطة الخرطوم شمال وما ادراك ما قسم شرطة الخرطوم شمال !! |
العزيز- عمر
اجزيت وكفى ..؟
الخرطوم شمال ايام . اما اخونا النور يوسف حكاية من زمن سابق .
التحايا لتلك الايام ولكل الزملاء ممن عاشروا تلك الفترة .
عبدالرحيم
ودبرى
|
Post: #5
Title: Re: سيادتو النور يوسف ... خبطة تسجيلات المنبر العام
Author: عاطف عمر
Date: 09-26-2011, 12:08 PM
Parent: #1
إن كانت هذه مداخلة سعادتو النور يوسف الأولى
فقد حق لك الفرح والإحتفاء به سعادتو عمر
وحق لنا التفاؤل أن ( ثمة ) قادم يستحق عناء البحث
ربما عن ظل ظليل
وكلمة أنيقة
مع جمال المفردة
و روعة التعبير
توقفت عند ( الشكل الهندسي ) البديع في لب المداخلة
فـ ( مثلثه قائم الزاوية ) يتكرر بحذق شديد
" تسلفونا سعادتو دا شوية كدا يا سعادتو ؟؟ "
|
Post: #7
Title: Re: سيادتو النور يوسف ... خبطة تسجيلات المنبر العام
Author: إدريس البدري
Date: 09-26-2011, 12:35 PM
Parent: #5
فعلا خبطة جامدة يا جنابو عمر
وكان لي شرف التعرف والاستئناس بسعادتو النور يوسف في الرياض
مرحب بالمبدع النور يوسف ......وكان في مناسبة سابقة اني قلت ليه : سودانيز اونلاين ناقصة من غيرك
تحياتي يا عمر
|
Post: #8
Title: Re: سيادتو النور يوسف ... خبطة تسجيلات المنبر العام
Author: بدر الدين اسحاق احمد
Date: 09-26-2011, 01:18 PM
Parent: #7
النور يوســف ذاتو ..
دا زول بيصل الى حد النشوة
دا زول يملاؤك بالفرح
دا زول ( سمـــح ) بكل سماحة السودانيين
دا زول اخو اخوان
دا زول تسعاهو لي ( بكره ) الى يوم القيامة
دا زول تحس بالامان معه
دا زول تفخر بمعرفتك لـه انت واسرتك
دا زول بينحب فى الله ولي الله
ليهو الدعوات الطيبات والكلمات السمحات
مشتاقين يا جنابو ياخ
شكراً شحمانة ومليانة يا بوليس عمــر على بشرياتك
|
Post: #20
Title: Re: سيادتو النور يوسف ... خبطة تسجيلات المنبر العام
Author: omer osman
Date: 09-27-2011, 04:45 AM
Parent: #8
Quote: النور يوســف ذاتو ..
دا زول بيصل الى حد النشوة
دا زول يملاؤك بالفرح
دا زول ( سمـــح ) بكل سماحة السودانيين
دا زول اخو اخوان
دا زول تسعاهو لي ( بكره ) الى يوم القيامة
دا زول تحس بالامان معه
دا زول تفخر بمعرفتك لـه انت واسرتك
دا زول بينحب فى الله ولي الله
ليهو الدعوات الطيبات والكلمات السمحات
مشتاقين يا جنابو ياخ
شكراً شحمانة ومليانة يا بوليس عمــر على بشرياتك |
غايتو (الامنجية) ديل جايبين خبر اى زول بتفاصيلو 
سلام يابدر ....... ياااااخ ماتعملوا لينا حاجة صغيرة كده احتفاء بالعوض وملاسي 
|
Post: #19
Title: Re: سيادتو النور يوسف ... خبطة تسجيلات المنبر العام
Author: omer osman
Date: 09-27-2011, 04:41 AM
Parent: #7
Quote: فعلا خبطة جامدة يا جنابو عمر
وكان لي شرف التعرف والاستئناس بسعادتو النور يوسف في الرياض
مرحب بالمبدع النور يوسف ......وكان في مناسبة سابقة اني قلت ليه : سودانيز اونلاين ناقصة من غيرك
تحياتي يا عمر |
شكرا ادريس على تعضيد شهادتي ...
|
Post: #18
Title: Re: سيادتو النور يوسف ... خبطة تسجيلات المنبر العام
Author: omer osman
Date: 09-27-2011, 04:40 AM
Parent: #5
Quote: إن كانت هذه مداخلة سعادتو النور يوسف الأولى
فقد حق لك الفرح والإحتفاء به سعادتو عمر
وحق لنا التفاؤل أن ( ثمة ) قادم يستحق عناء البحث
ربما عن ظل ظليل
وكلمة أنيقة
مع جمال المفردة
و روعة التعبير
توقفت عند ( الشكل الهندسي ) البديع في لب المداخلة
فـ ( مثلثه قائم الزاوية ) يتكرر بحذق شديد
" تسلفونا سعادتو دا شوية كدا يا سعادتو ؟؟ " |
انت لسه شفت حاجة ياعاطف ....
|
Post: #9
Title: Re: سيادتو النور يوسف ... خبطة تسجيلات المنبر العام
Author: النور يوسف محمد
Date: 09-26-2011, 10:42 PM
Parent: #1
بسم الله الرحمن الرحيم
الصديق الغالى ..
عمر محمد عثمان ..
هذه الأضواء ( تجهر ) العين
ونحن من محبى المقاعد الخلفية ..
با صديق ..
هناك تتاح لك متعة النظر البعيد..
وربما بعض العبث ..
شكراً لك يا عمر ..
وأنت تذكرنا بعشقنا الابدى ..
دفاتر الأحوال وسماحة الأقوال ..
الباب الغربى ومبانى المديرية ..
والشرطة فى كامل عذريتها وعنفوان تمردها ..
الآن رحل كل شئ يا عمر .. ورحلت أنت ..
( رحلت أنت
ولا تزال موقع الدار القديم تئن من وجع الرحيل
وجرحها أثراً جلياً
هلا سألت سنابك الخيل التى حملتك
كم وأدت من الأجيال .........كم )
لك التحية ايها الرجل الجميل ........
|
Post: #11
Title: Re: سيادتو النور يوسف ... خبطة تسجيلات المنبر العام
Author: عمر صديق
Date: 09-26-2011, 10:53 PM
Parent: #9
قريبي النور يوسف محمد احمد
الف مرحب بيك حبابك ياسليل الفكي حسين وابن شلال السبلوقة
حيث الماء والخضرة واوجه جميلة ورجال كطوابي الشلال
صحيح انني دفعة محمد يوسف ولكن كنا نسمع بك كثيرا ونلتقيك قليلا في المناسبات الاجتماعية
والان نحمد الله ان من علينا بقراءتك بصورة اوسع
|
Post: #13
Title: Re: سيادتو النور يوسف ... خبطة تسجيلات المنبر العام
Author: النور يوسف محمد
Date: 09-26-2011, 11:19 PM
Parent: #11
Quote: يا سلام يا سلام
يوم أبيض للأصفر والله
تشكرات سعادتكم
في انتظار الهطول |
بسم الله الرحمن الرحيم
يا بلة يا فاضل ..
اين الهطول ومواسم الجفاف التى لا تنتهى ؟؟
نحن من قراءك يا بلد .. فاهدنا طقساً للكتابة
فى هذا الربيع العربى المشاكس
|
Post: #14
Title: Re: سيادتو النور يوسف ... خبطة تسجيلات المنبر العام
Author: النور يوسف محمد
Date: 09-26-2011, 11:39 PM
Parent: #13
Quote: إن كانت هذه مداخلة سعادتو النور يوسف الأولى
فقد حق لك الفرح والإحتفاء به سعادتو عمر
وحق لنا التفاؤل أن ( ثمة ) قادم يستحق عناء البحث
ربما عن ظل ظليل
وكلمة أنيقة
مع جمال المفردة
و روعة التعبير
توقفت عند ( الشكل الهندسي ) البديع في لب المداخلة
فـ ( مثلثه قائم الزاوية ) يتكرر بحذق شديد
" تسلفونا سعادتو دا شوية كدا يا سعادتو ؟؟ |
بسم الله الرحمن الرحيم
الرائع عاطف عمر ...
التحايا النواضر ..
لك الود وأنت تقرأ من مقام اللطف والجمال ..
حسن المداخل وطيب المداخل ..
فحدائق التلقى عندك زاهية بالورود ..
تقاطعنا مرة فى دفتر الأحوال وحدثنى عنك الأخ الطيب
كن بخير وسنلتقى يا حبيب ...
|
Post: #15
Title: Re: سيادتو النور يوسف ... خبطة تسجيلات المنبر العام
Author: محمد عبدالرحمن محمد
Date: 09-27-2011, 00:40 AM
Parent: #14
عمر جنا خليفتنا
مرحبتين حباب النور نجهجهبو الضلام
المطرطش
|
Post: #23
Title: Re: سيادتو النور يوسف ... خبطة تسجيلات المنبر العام
Author: omer osman
Date: 09-27-2011, 04:53 AM
Parent: #15
Quote: عمر جنا خليفتنا
مرحبتين حباب النور نجهجهبو الضلام
المطرطش |
هلا وغلا ياالمطرطش .....
(النور) بجهجهلك (الضلام) تب .....
|
Post: #31
Title: Re: سيادتو النور يوسف ... خبطة تسجيلات المنبر العام
Author: بله محمد الفاضل
Date: 09-27-2011, 05:12 PM
Parent: #13
Quote: اين الهطول ومواسم الجفاف التى لا تنتهى ؟؟
نحن من قراءك يا بلد .. فاهدنا طقساً للكتابة
فى هذا الربيع العربى المشاكس |
يا ضوء
يبدو أن ربيعنا أوربي ولن يبدأ أبداً
أو ربما نكون
في انتظار ثورة الهامس في جسد الهلام
أنتم الطقس كله يا صاحب
حتى مزاجنا لم يجد من بد إلا في اللجوء إلى نوركم
لإلقاء التحايا العسكرية أظنه
أو لعمل بوشب ليرتفع بلياقته البائسة
وبعد التأكد من استعداداته
ينصرف إلينا
|
Post: #22
Title: Re: سيادتو النور يوسف ... خبطة تسجيلات المنبر العام
Author: omer osman
Date: 09-27-2011, 04:50 AM
Parent: #11
| Quote: قريبي النور يوسف محمد احمد |
والله ... القريب عندكم ياعمر صديق 
وانتهز الفرصة لتحية قريبكم الاخر سيادتو العقيد حسين الجعلي الراجل الراقي المهذب
|
Post: #21
Title: Re: سيادتو النور يوسف ... خبطة تسجيلات المنبر العام
Author: omer osman
Date: 09-27-2011, 04:48 AM
Parent: #9
Quote: الصديق الغالى ..
عمر محمد عثمان ..
هذه الأضواء ( تجهر ) العين
ونحن من محبى المقاعد الخلفية .. |
هي اضواء لمن يستحق ...
ومن باب حب لاخيك ما تحب لنفسك احببت ان انبه اخوتي
في المنبر لقلمك وكلماتك ......
|
Post: #24
Title: Re: سيادتو النور يوسف ... خبطة تسجيلات المنبر العام
Author: بدر الدين اسحاق احمد
Date: 09-27-2011, 12:14 PM
Parent: #21
Quote:
غايتو (الامنجية) ديل جايبين خبر اى زول بتفاصيلو
.. |
تصحيح اى زول سمــح / درة / جمال / ....
تفاصيلو الهينة دا .. يا زول نحنا مشينــا اعمق من تفاصيلو واصبح شريك اصيل فى حياتنا
الشخصية والاسرية ...
حليلك يا النور يوسف ...
Quote:
سلام يابدر ....... ياااااخ ماتعملوا لينا حاجة صغيرة كده احتفاء بالعوض وملاسي |
ختفت الفكرة من رأســى ...
نيستــا تلقــى الخبر عندو الليلة ان شاء الله
|
Post: #25
Title: Re: سيادتو النور يوسف ... خبطة تسجيلات المنبر العام
Author: الصادق خليفة
Date: 09-27-2011, 01:15 PM
Parent: #24
ترحيب حار بالأخ النور يوسف وقطعاً من ملامح ما كتب يبدو انسان يحمل الكثير
حبابك الف النور و اضافة لبورداب الرياض وان كان في الحلقة غصة بأن كل كوادرنا مشردة ان كان بإرادتهاأو بغير ذلك .
و تشكيرات كترات للمريخابي الأنيق عمر عثمان
|
Post: #26
Title: Re: سيادتو النور يوسف ... خبطة تسجيلات المنبر العام
Author: امينة عيسى
Date: 09-27-2011, 01:24 PM
Parent: #9
نورنا واميننا العام وتاج راسنا
مرحب بيكم اهلا حللت وسهلا نزلت
سيك سيك معلق فيك شفت كيف وعلى قول قيقا المجنون
المــــــــــــــــــــــــــــــــــــــافى شــــــــــــــــــــــــنو
|
Post: #27
Title: Re: سيادتو النور يوسف ... خبطة تسجيلات المنبر العام
Author: بدر الدين اسحاق احمد
Date: 09-27-2011, 02:10 PM
Parent: #26
Quote: نورنا واميننا العام وتاج راسنا
|
نوركم وين وامينكم ويــن ..
امينة ذات نفسها !!!
|
Post: #28
Title: Re: سيادتو النور يوسف ... خبطة تسجيلات المنبر العام
Author: باسط المكي
Date: 09-27-2011, 02:20 PM
Parent: #27
مرحبايامرحبا بالنور يوسف
اضافةللمنبر
|
Post: #29
Title: Re: سيادتو النور يوسف ... خبطة تسجيلات المنبر العام
Author: قيقراوي
Date: 09-27-2011, 03:18 PM
Parent: #27
بدر الظلامي
( مفارقة غريبة مش!)
كدي خليك من امينة*
Quote:
ومر زمن وقررت رئاسة شرطة السودان ان وجود واستمرار سيادتو النور يوسف بالخدمة
(ضد الصالح العام) وانه لابد لتحقيق (صالح عام) الشرطة من رفد سيادتو النور يوسف واخرين !!!!
فهل ياتري تحقق ذلك (الصالح العام) !!!!!!!!!!!!!!!!!!!!!!!!!!!
شكراً سيادتو النور يوسف على كل ماقدمته لنا وحبابك في منبر سودانيزاونلاين ...
|
في ذمتك البياكلا الدود دي ياتو صالح عام في التفريط في نورنا الهادي دا!؟
النور نورك يا نورنا
نورت شديد
-------
* يا امينة انتو بساي نبي** يجيكم تطلعوهو مجنون!؟
** قاصد متنبي سااي!
النور معانا يا بروف ما تغشانا
|
Post: #30
Title: Re: سيادتو النور يوسف ... خبطة تسجيلات المنبر العام
Author: أسامه الكرور
Date: 09-27-2011, 04:50 PM
Parent: #29
Quote: ونحن ملازمين نحبو على عتبات صاحبة الجلالة (الشرطة)
كان سيادتو النور يوسف برتبة الرائد ويشغل منصب رئيس فرع الجنايات ب
قسم شرطة الخرطوم شمال وما ادراك ما قسم شرطة الخرطوم شمال !!
في اروقة الشرطة وادبياتها عندما يذكر اسم شرطة الخرطوم شمال لا يذكر إلا ومقروناً
بالفخر والعراقة والتاريخ ... وينظر الى ضباطه وافراده وكأنهم من كوكب اخر ...
ذاك زمان قد ولي واندثر واندثرت معه حتى مباني قسم شرطة الخرطوم شمال واحتلت مكانها
المباني الجديدة لرئاسة مجلس الوزراء ...
لا انسي ما حييت أول يوم عمل لي (كملازم شرطة) في شرطة السودان ...
|
تعرف يا عمر
فى العام 1987 ونحن فى كورس الضابط النوبتجى عملت بالخرطوم شمال .. وكان حينها النقيب النور يوسف يُشغِل ذات المنصب
(رئيس فرع الجنايات) .. كنا نُكثِر اللُقيا به وهو يحدثنا عن بعض القضايا- وبالتفصيل عن قضية مقتل أحد السودانيين بالسعوديه
وبدايته للتحرى فى هذه القضيه من لا شىء حتى القبض على القاتل وإعترافه وتنفيذ حكم القتل عليه فى السعوديه - هى قصه طويله
مؤلمه فى ذاتها وممتعه فى طريقة حلها. ليت أخى النور يستدعى الذاكره ليحدثنا عنها. فهى تصلح أن تُدرَس فى أكاديميات الشرطه
..
الشاهد فى مقابلتنا الأولى تِلك كلمات قالها سيادتو النور يوسف بقيت لى نبراساً فى ما بعد ( الضابط البضرب المتهم عشان يستخرج منو معلومات
هو ضابط ومتحرى بليد ) .. هذه الكلمه بقيت فى ذاكرتى وحفزتنى للإبتعاد عن البَلادَه فيما بعد
وقبلكم بعام تخرجنا من كلية الشرطه ووضعتنى الإقدار فى قسم الخرطوم شمال تلميذاً وزميلاً للأخ النور فأخذنا منه الكثير ..
وبعدها سكنا سوياً لسنين عددا.. وأمتدت العلاقه لأُسرتينا ... وما زالت وستستمر إلى أن يقضى الله أمراً بإذنه تعالى
Quote: ومر زمن وقررت رئاسة شرطة السودان ان وجود واستمرار سيادتو النور يوسف بالخدمة
(ضد الصالح العام) وانه لابد لتحقيق (صالح عام) الشرطة من رفد سيادتو النور يوسف واخرين !!!!
فهل ياتري تحقق ذلك (الصالح العام) !!!!!!!!!!!!!!!!!!!!!!!!!!! |
وخسرت الشرطه والصالح العام من كان يُفترض فيه أن يكون أحد قادة الشرطه الآن
| Quote: شكراً سيادتو النور يوسف على كل ماقدمته لنا وحبابك في منبر سودانيزاونلاين ... |
| Quote: شكراً سيادتو النور يوسف على كل ماقدمته لنا وحبابك في منبر سودانيزاونلاين ... |
| Quote: شكراً سيادتو النور يوسف على كل ماقدمته لنا وحبابك في منبر سودانيزاونلاين ... |
|
Post: #32
Title: Re: سيادتو النور يوسف ... خبطة تسجيلات المنبر العام
Author: الامين موسى البشاري
Date: 09-27-2011, 08:55 PM
| Quote: سيادتو النور يوسف ... خبطة تسجيلات المنبر العام |
جنابو يا صفوة
سلامي وتحياتي...
يا سلام يااااخ يعني اللعب بعد دا حيكون fair play
وفي الهواء الطلق .. وفي الضو... وفي النور
اخشى أن تكون قد بالغت في مدح ..سيادتو
عموما فرصة سعيدة جدا
..
..
تحياتي
|
Post: #33
Title: Re: سيادتو النور يوسف ... خبطة تسجيلات المنبر العام
Author: Emad Abdulla
Date: 09-27-2011, 09:10 PM
Parent: #32
النور يوسف ؟؟ ..
يا سلام يا سلام .
...........
يا منبر سودانيز ياخي حظك جد جد ..
هذا النور من أبدع خلايق الله .. و الايام ح تثبت ده .
هنيئاً لنا به .
شكراً يا عمر ياخ , اسعدت مسائي .
|
Post: #35
Title: Re: سيادتو النور يوسف ... خبطة تسجيلات المنبر العام
Author: حسين عوضاى
Date: 09-28-2011, 08:51 AM
Parent: #33
اووووووووووووه حبابك يا قومندان ..
اشواق فاقده مرسى ..
واندلقت قوارير الطيب والمسك لتعطر هذا البوست كرمانآ لفارس يمتطى صهوة الابداع والامتاع ..
مرحب سعادتك مثنى وثلاث ورباع ....
شكرآ سيد عمر
|
|