Post: #1
Title: دردشة مع نورالدين بتاع الورنيش ... (صور ...)
Author: omer osman
Date: 09-17-2011, 05:02 AM
ده ياجماعة هو نورالدين (بتاع الورنيش) ماشاء الله مبسوط 24 قيراط
|
Post: #2
Title: Re: دردشة مع نورالدين بتاع الورنيش ... (صور ...)
Author: omer osman
Date: 09-17-2011, 05:11 AM
Parent: #1
انت اسمك منو ؟
اسمي نورالدين.
عمرك كم يانورالدين ؟
احتمال طلتاشر او عشرة ماعارف.
كيف ما عارف ؟
اسمع انا فوق اخوي طوالي وهو عمرو 18 أنا بكون كم ؟
والله يانورالدين انا ذاتي احترت معاك يازول انسي اها بتقرا ؟
ايوه بقرا في المدرسة .
في سنة كم ؟
في سنة تانية.
طيب 5 + 4 = كم ؟
سريع جداً (9)
ماشاء الله شاطر في الحساب.
بتشجع ياتو فريق يانورالدين ؟
مرييييخ يامعلم ... هيثم مصطفي يااااااخ
لكن هيثم مصطفي بلعب في الهلال يانورالدين ؟
عارف لكن مش كابتن السودان !!!
طيب وفي الفرق العالمية بتشجع منو ؟
كريستاينو رونالدو .... ده زول كده 
يعني ريال مدريد ؟
ايوه كيف ده كلامك !! ده بدق برشلونة دق صاح
مالك الشطة سخنة معاك وال شنو ؟ (كان بياكل في سندوتش طعمية)
ايوه شطة كتيرة.
طيب هاك امشي اشتري موية من البقالة ديك وتعال.
موية شنو ياعمك (الـــــكلـــب) ده جوه التصبينة طوالي (كــــلــــب بلغة الشباب يعني جنيه)
والموية قدام بلقي لي زير.
طيب انت كيف بتقرا وشغال ورنيش ؟
انا بشتغل يومين بس الجمعة والسبت. باقي الايام بمشي المدرسة.
طيب بعدين لمن تكبر عاوز تبقي شنو ؟
انا عاوز ابقي يا كجوري (فكي) أو ضابط جيش.
وليييه يعني يا فكي ياضابط جيش ؟
الفكي بجيب قروش كتيرة وضابط جيش ده حكووووووووومة
طيب بمناسبة الحكومة عمر البشير كيف ؟
امممممك ده زول كده.
كيف يعني ؟
انا ما عارف لكن المهم ده زول تمام وأنا ذاتي مؤتمر وطني.
بتعرف ياتو حزب تاني ؟
حزب ده شنو ؟
حزب يعني زي المؤتمر الوطني ده.
بعرف الحركة الشعبية.
هاك جزمتك مورنشة تمام يازول أنا مشتت خلاس
|
Post: #3
Title: Re: دردشة مع نورالدين بتاع الورنيش ... (صور ...)
Author: omer osman
Date: 09-17-2011, 05:46 AM
Parent: #2
نورالدين منهمك في عمله ......
|
Post: #4
Title: Re: دردشة مع نورالدين بتاع الورنيش ... (صور ...)
Author: omer osman
Date: 09-17-2011, 05:50 AM
Parent: #3
ودي تحية المغادرة لنورالدين ........
|
Post: #5
Title: Re: دردشة مع نورالدين بتاع الورنيش ... (صور ...)
Author: osman abdala
Date: 09-17-2011, 06:51 AM
Parent: #4
يا سلام عليك يا جنابو اضاءة و لفتة بارعة منك
تعرف يا عمر دائما ما احس بالمتعة وانا اتعامل مع هذه الشريحة
ربنا يعلي مقامك
و يريح نور الدين وكل المسحوقين
|
Post: #6
Title: Re: دردشة مع نورالدين بتاع الورنيش ... (صور ...)
Author: omer osman
Date: 09-17-2011, 07:02 AM
Parent: #5
| Quote: يا سلام عليك يا جنابو اضاءة و لفتة بارعة منك |
الف شكر ياعثمان ......
| Quote: تعرف يا عمر دائما ما احس بالمتعة وانا اتعامل مع هذه الشريحة |
ناس مريحين بشكل ما عادي ... بساطة وصدق وتلقائية ....
الونسة معاهم مرات بتخليك تشوف الدنيا بمنظار تاني خالص ....
شوف العزيمة والعصامية في حالة ولدنا نورالدين ده واكثر ما اعجبني اصراره
على مواصلة الدراسة والعمل في يومي الاجازة .......
Quote: ربنا يعلي مقامك
و يريح نور الدين وكل المسحوقين |
اللهم آمين آمين .........
|
Post: #7
Title: Re: دردشة مع نورالدين بتاع الورنيش ... (صور ...)
Author: محمد عبد الماجد الصايم
Date: 09-17-2011, 07:03 AM
Parent: #5
صباح الخيرات يا جنابو
كونو نور الدين دا ما بعرف إلا المؤتمر الوطني والحركة الشعبية
هل دي مسؤولية نور بنفسه أم مسؤولية بقية الأحزاب الغير معروفة ليهو؟
|
Post: #8
Title: Re: دردشة مع نورالدين بتاع الورنيش ... (صور ...)
Author: صبري طه
Date: 09-17-2011, 08:03 AM
Parent: #7
| Quote: هل دي مسؤولية نور بنفسه أم مسؤولية بقية الأحزاب الغير معروفة ليهو؟ |
يا ود الصايم ... أعتقد والعلم عند الله إنو نور الدين بشاهد الفضائية السودانية وقناة الشروق ...
وما عندو شدائد مع الإنترنت وما بقرأ جرايد ...
يعني الإعلام الموجّه هو الذي يُضلّل أمثال نور الدين ...
دة قال ليك عمر البشير كدة
أكيد سمع المقولة الشهيرة "المحكمة الجنائية ومن معها تحت جزمتي" ...
وما تنسى الزول دة بتاع ورنيش والمحفّز النفسي لنور الدين هي "الجزمة" حيث العلاقة بين مقولة البشير ومهنة نور الدين 
|
Post: #9
Title: Re: دردشة مع نورالدين بتاع الورنيش ... (صور ...)
Author: محمد عبد الماجد الصايم
Date: 09-17-2011, 08:28 AM
Parent: #8
والله يا صبري حيّرت الجزمة زتو!!
بعدين الأحزاب لقت المؤتمر الوطني مسيطر وعملت ميتة؟
عينكـ للبحر تمش تقع فيهو؟
|
Post: #16
Title: Re: دردشة مع نورالدين بتاع الورنيش ... (صور ...)
Author: قاسم المهداوى
Date: 09-17-2011, 12:50 PM
Parent: #9
Quote: المؤتمر الوطني مسيطر وعملت ميتة؟
عينكـ للبحر تمش تقع فيهو؟ |
|
Post: #11
Title: Re: دردشة مع نورالدين بتاع الورنيش ... (صور ...)
Author: omer osman
Date: 09-17-2011, 10:18 AM
Parent: #8
Quote: يعني الإعلام الموجّه هو الذي يُضلّل أمثال نور الدين ...
|
الصوت الاعلامي الواحد المسيطر هو الذي يخلق الرأي العام وسط عامة الشعب
وبخلاف كده ياصبري تعرف نورالدين كنموذج للطفل السوداني الواعي الى حد ما
بحكم السن لايعرف انه مظلوم وانه يفترض ان يحيا حياة افضل من هذه وبالتالي تجده
لايتذمر من الاوضاع القائمة ، لكن يبقي على ولاة الامر ان يدركوا هم قبل نورالدين
ان نوردالدين وامثاله من اطفال الشعب السوداني يستحقون الافضل ويستحق ان يتلقي
احسن تعليم وان لايحتاج الى ان يعمل في ايام عطلاته التي من المفترض ان يلعب ويلهو
ويرتاح ويذاكر دروسه !!!
|
Post: #10
Title: Re: دردشة مع نورالدين بتاع الورنيش ... (صور ...)
Author: omer osman
Date: 09-17-2011, 10:09 AM
Parent: #7
Quote: صباح الخيرات يا جنابو
كونو نور الدين دا ما بعرف إلا المؤتمر الوطني والحركة الشعبية
هل دي مسؤولية نور بنفسه أم مسؤولية بقية الأحزاب الغير معروفة ليهو؟ |
صباح النور ياعمك ....
سؤال في محلو والاجابة بالتأكيد مسئولية الاحزاب المقصرة في الوصول الى المواطن
العاااادي زي ناس نورالدين وهم السواد الاعظم الذي يفترض ان تهتم به الاحزاب
كان ممكن اغرق ذمتي واقول نورالدين قال هو اتحادي وختمي كمان لكن النقل بضمير
مهم فبخلاف انه قيمة اخلاقية عله يفيد في ايصال رسالة الى احزابنا النائمة !!!
|
Post: #12
Title: Re: دردشة مع نورالدين بتاع الورنيش ... (صور ...)
Author: عبدالكريم أحمد الامين
Date: 09-17-2011, 11:11 AM
Parent: #10
Quote: انا عاوز ابقي يا كجوري (فكي) أو ضابط جيش.وليييه يعني يا فكي ياضابط جيش ؟
الفكي بجيب قروش كتيرة وضابط جيش ده حكووووووووومة |
** جنابو أبو عبدالرحمن..
** سلام..
## ياخى دا أجمل حوار اقراهو فى المنبر دا..
## زمان الواحد فى سن نورالدين بيكون اُمنيتو :- يا يكون دكتور أو مهندس أو طيار..
## لكن نورالدين وعلى حسب التوجه الموجود إختصر الموضوع فى المهن البتأكل عيش فى هذا الزمن الردئ ,, غايتو الأولى "كجورى" مُمكن وماعايزا واسطه التانيه "ضابط فى الجيش" مُحتاجه لتزكية من تلاته كيزان .
(ودام الود بيننا)
(ابو محمد فؤاد)
|
Post: #13
Title: Re: دردشة مع نورالدين بتاع الورنيش ... (صور ...)
Author: وليد عبد اللطيف
Date: 09-17-2011, 12:12 PM
Parent: #12
Quote:
نورالدين منهمك في عمله ...... |
ياحنابو ماكنت بتلبس مقاس اتنين واربعين الان بقيت تلبس 45 وللا شنو
جنكم سحسه انت واصحابك
صاحبك داك كمان كان بكون خاتي ليهو فوطة في الشراب هههههههههههههه
|
Post: #15
Title: Re: دردشة مع نورالدين بتاع الورنيش ... (صور ...)
Author: omer osman
Date: 09-17-2011, 12:29 PM
Parent: #13
| Quote: ياحنابو ماكنت بتلبس مقاس اتنين واربعين الان بقيت تلبس 45 وللا شنو |
لالا ياوليد ياااخ دي زواية التقاط الصورة بقت الجزمة 45 ... لكن في السودان الشايفو ده ممكن
عااااااادي تكون بتلبس 45 تقوم رجلك تكش تبقي 43 ...
Quote: جنكم سحسه انت واصحابك
صاحبك داك كمان كان بكون خاتي ليهو فوطة في الشراب هههههههههههههه |
كااااااااااااااااااااااااااااااااااااااك ........
صاحبي داك كمان ببالغ انت ما شفتو بنضف خاتم الفضة بتاعو داك كييييف
|
Post: #14
Title: Re: دردشة مع نورالدين بتاع الورنيش ... (صور ...)
Author: omer osman
Date: 09-17-2011, 12:23 PM
Parent: #12
Quote: ## ياخى دا أجمل حوار اقراهو فى المنبر دا..
## زمان الواحد فى سن نورالدين بيكون اُمنيتو :- يا يكون دكتور أو مهندس أو طيار..
## لكن نورالدين وعلى حسب التوجه الموجود إختصر الموضوع فى المهن البتأكل عيش فى هذا الزمن الردئ |
الف شكر يامولانا ....
تمنيت لو نقلت هذا الحوار بالصوت والصورة ... نورالدين ده زول ظريف جداً
وفي نفس الوقت مفتح جداً وعارف درب الوصول السريع يا سلطة يا ثروة ..
|
Post: #17
Title: Re: دردشة مع نورالدين بتاع الورنيش ... (صور ...)
Author: وليد عبد اللطيف
Date: 09-17-2011, 02:15 PM
Parent: #14
| Quote: صاحبي داك كمان ببالغ انت ما شفتو بنضف خاتم الفضة بتاعو داك كييييف |
ههههههههههههه
وللا ماشفت ساعة يقول ياوليد جيب لي كريم ياردلي اصلي
عشان حركاتو دي صاحبك الان بغسل وشو من نص راسو
والله مشتاقين ليكم يعلم الله
الجمري اتصل علي من امريكا بالمناسبة وبيسلم على كل الناس
|
Post: #18
Title: Re: دردشة مع نورالدين بتاع الورنيش ... (صور ...)
Author: omer osman
Date: 09-18-2011, 05:09 AM
Parent: #17
Quote: ههههههههههههه
وللا ماشفت ساعة يقول ياوليد جيب لي كريم ياردلي اصلي
عشان حركاتو دي صاحبك الان بغسل وشو من نص راسو
والله مشتاقين ليكم يعلم الله
الجمري اتصل علي من امريكا بالمناسبة وبيسلم على كل الناس |
كااااااااااااااااااااك ...
سمعت قالوا وكيل كريم ياردلي الاصلي في السودان اغترب
قال اصلوا كان عندوا زبون واحد بشيل كل الكمية وسمع انو اغترب
تحياتي وسلامي للعزيز الجمري .........
|
Post: #19
Title: Re: دردشة مع نورالدين بتاع الورنيش ... (صور ...)
Author: صبري طه
Date: 09-20-2011, 12:05 PM
Parent: #18
أخونا عمر عثمان
بس اللقاء دة ما يكون عملتو عشان تملح الزول دة ساي
أو عشان تدّيهو نص القيمة ...
|
|