Post: #1
Title: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 12:38 PM
Parent: #0
1- ناذر الخليفة.
2- اشرف مصطفي
3- عمر عثمان.
4- سارة كرودي (اذا فكت لينا بوست الامتداد بتاع طارق جبريل) 
5- منوووووووو تاني ..............
|
Post: #2
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 12:43 PM
Parent: #1
نديكم حاجة من طرف الدولاب .............
اوزون ........
|
Post: #3
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: امير عبدالدائم
Date: 01-25-2011, 01:01 PM
Parent: #2
الطائف كيف يا جنابو
(واللة نحن راقيين جنس ترقى)
بعدين نحن شامين ريحه تفرقة عنصرية .. شنو يعنى عشان انتو بتتعشوا شعيريه
وعاملين حلتكم الكلها شجر دى
|
Post: #9
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 01:18 PM
Parent: #3
Quote: الطائف كيف يا جنابو
(واللة نحن راقيين جنس ترقى) |
كيف ياخ انتو وناس الرياض والمنشية معانا في قلب المعركة دي ...
بقينا مهمشين في البورد ده ...........
فتحت لي بوست غناء اتلموا فيني اولاد وبنات
الديم والامتداد والصحافة والكلاكلات
استلموا البوست وطلعوني بقد القفة ............
|
Post: #4
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: Osama Siddig
Date: 01-25-2011, 01:03 PM
Parent: #2
يا جنابو يعنى طلعت "ود مصارين بيض"
تحياتى الحارة يا جنابو
|
Post: #5
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: محي الدين جبريل
Date: 01-25-2011, 01:09 PM
Parent: #4
جنابو
أولاد الضهارى ... ينفعوا ؟
|
Post: #6
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-25-2011, 01:11 PM
Parent: #5
غايتو البوست دة حا يدفق حنكشة
|
Post: #7
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: عمار عبدالله عبدالرحمن
Date: 01-25-2011, 01:13 PM
Parent: #6
اضيف اولاد السكة حديد
ولا برفع فيك شكوى ليشاشا وتراجي ,,,
|
Post: #15
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 01:30 PM
Parent: #7
Quote: اضيف اولاد السكة حديد
ولا برفع فيك شكوى ليشاشا وتراجي ,,, |
السكة حديد وحي باريس ديل ما زي الجزء من الخرطوم 3
بالمناسبة امي الله يرحمه مولودة في بيوت السكة حديد جنب جامع شروني
بعدين لمن يحصل دشمان بنخلي اولاد السكة حديد في خط المواجهة الأول ..
ناس نمرة 2 علينا اسعاف الجرحي .......
|
Post: #8
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: خضر حسين خليل
Date: 01-25-2011, 01:16 PM
Parent: #6
خلاس عايزين تنفصلو ياجنابو
|
Post: #17
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 01:36 PM
Parent: #8
| Quote: خلاس عايزين تنفصلو ياجنابو |
ايوه ياخضر يااااااخ
بصراحة زهجنا من مشاكلكم الكتيييرة دي وكلامكم
في قضايا هامشية العيش الزيت الفول ...
ونحن ماقادرين نناقش قضايانا المهمة والملحة
احسن بيتزا لذيذ والا بيتزا اطلي بيتزا .............
|
Post: #13
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 01:26 PM
Parent: #6
| Quote: غايتو البوست دة حا يدفق حنكشة |
ايسكريم وجاتو بس يابتاعين الدندرمة والدوم .....
|
Post: #12
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 01:24 PM
Parent: #5
Quote: جنابو
أولاد الضهارى ... ينفعوا ؟ |
البوست ده يامحي الدين اساساً موجه ضد اولاد الضهاري والاحياء الشعبية ..
لكن انت زول راقي ولبيس ممكن نعمل ليك عضوية بالانتساب
|
Post: #10
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: GamarBoBa
Date: 01-25-2011, 01:19 PM
Parent: #4
جنابو
والله بوست عميق جدا..ذكرتني موقف حكوه لي
ناس الشجرة والعزوزاب بينهم حبة حساسيات وناس الشجرة عاملين فيها ناس مدينة
يوم سولت ليهم نفسهم مشوا جابوا يافطة كبيرة غزوها في نهاية الشجرة..مكتوب فيها من ناحية الجنوب..مرحبا بكم في مدينة الخرطوم..ومن ناحية الشمال وداعا مدينة الخرطوم
ناس العزوزاب الحركة استفزتهم جدا اتلموا بالعكاكيز جو شالوا اليافطة دقوا بيها الواطة..وحلفوا ليهم تاني تعملوا عملية زي دي والله نحتل الذخيرة ذاتها
فإنت هسة سوق معاك ناذر وفي شارع واحد ستين امشوا غزوا ليكم يافطة مكتوب عليها وداعا مدينة الخرطوم..كان طريق جبريل ما جاكم بعكازه تشوف
|
Post: #18
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 01:42 PM
Parent: #10
Quote: والله بوست عميق جدا..ذكرتني موقف حكوه لي
ناس الشجرة والعزوزاب بينهم حبة حساسيات وناس الشجرة عاملين فيها ناس مدينة
يوم سولت ليهم نفسهم مشوا جابوا يافطة كبيرة غزوها في نهاية الشجرة..مكتوب فيها من ناحية الجنوب..مرحبا بكم في مدينة الخرطوم..ومن ناحية الشمال وداعا مدينة الخرطوم
ناس العزوزاب الحركة استفزتهم جدا اتلموا بالعكاكيز جو شالوا اليافطة دقوا بيها الواطة..وحلفوا ليهم تاني تعملوا عملية زي دي والله نحتل الذخيرة ذاتها
فإنت هسة سوق معاك ناذر وفي شارع واحد ستين امشوا غزوا ليكم يافطة مكتوب عليها وداعا مدينة الخرطوم..كان طريق جبريل ما جاكم بعكازه تشوف |
ههههههههههههههههههههههههههههههههه ......
ياقمر يافطة شنو البتحوش الناس ديل مننا
عملنا خرط عديل دايرين نبني جدار عازل
وتحكم في البوابات الا تدخل بالجواز عديييل كده ...
يااااااخ ديل ناس بتاعين مشاكل ومظاهرات
|
Post: #11
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 01:21 PM
Parent: #4
Quote: يا جنابو يعنى طلعت "ود مصارين بيض"
تحياتى الحارة يا جنابو |
كيييييييييييييف يا اسامة ياااخ
ولدونا في الرهبات وحبينا في البلاط .....
المافي شنو على قول قيقراوي ..........
|
Post: #14
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ASHRAF MUSTAFA
Date: 01-25-2011, 01:27 PM
Parent: #11
|
Post: #16
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-25-2011, 01:32 PM
Parent: #14
يا بوبا الحناكيش ديل بنات الديم كانوا بيوصلوهم لي بيوتهم عشان ناس عماد وصلاح عبد الله وابو ساندرا ما يكسروهم
تعرف مرة كنا لاعبين مع مدرسة العمارات في العمارات
نحن جايين غُبش ومكتحين
يمين حمير سااااكت غلبناهم وسقونا ببسي كمان
|
Post: #20
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: عفاف الصادق بابكر
Date: 01-25-2011, 01:49 PM
Parent: #16
غايتو بوست الواحد حا ينتسب فيهو بجميع الاتجاهات ..
بداية بالديم وتقطع الزلط تمشي العمارات وتنتهى فى شارع 61 ..
وتبداء بالامتداد ... واخير بعد الرحلة الطويله دي تقيف فى النزهة (العشش سابقاً)
يعنى حكاية بتاعت انفصال وااااضحة من غير أجندة .......
قلتو فصلنا ابوهم الكبير .. احسن نفصل الصغار ههههههههههههه
|
Post: #23
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 01:55 PM
Parent: #20
| Quote: بداية بالديم وتقطع الزلط تمشي العمارات وتنتهى فى شارع 61 .. |
ياعفاف ياااااخ اتصلحي معانا
جيرة العمارات والديم دي زي جيرة امريكا والمكسيك .......
مش ناس المكسيك ديل معذبين ليك امريكا عذاب شديد ... وتيب
|
Post: #21
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 01:49 PM
Parent: #16
| Quote: يا بوبا الحناكيش ديل بنات الديم كانوا بيوصلوهم لي بيوتهم عشان ناس عماد وصلاح عبد الله وابو ساندرا ما يكسروهم |
هم ذاتم غلطانين البوديهم حفلة في الديم شنو
النادي السوري والا النادي القبطي مالو ....
Quote: تعرف مرة كنا لاعبين مع مدرسة العمارات في العمارات
نحن جايين غُبش ومكتحين
يمين حمير سااااكت غلبناهم وسقونا ببسي كمان |
اهاااااا ياقمر عشان تعرف الناس ديل شماشة كيف وذوق ماعندهم ...
ما كان تتغلبوا ليهم ياشمش ............
|
Post: #19
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 01:44 PM
Parent: #14
Quote: يا جنابو سلامات ياخ
بجيك برواقة
وبالمناسبة نحنا قرينا في مدرسة واحدة ولعبنا في ميدان واحد |
ايوه يا اشرف يااااخ
تعال عشان الناس دي تفهم حاجة ...
|
Post: #22
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ناذر محمد الخليفة
Date: 01-25-2011, 01:54 PM
Parent: #19
سلام جنابو ..
| Quote: 5- منوووووووو تاني .............. |
عصام عبد الحفيظ
عمرو كمال
عبد المحسن السيد
شادية عبد المنعم
وضاحة
ناجي عبد المنعم
|
Post: #25
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 02:01 PM
Parent: #22
Quote: عصام عبد الحفيظ
عمرو كمال
عبد المحسن السيد
شادية عبد المنعم
وضاحة
ناجي عبد المنعم |
الله اكبر ........
وصل فريق الاسناد والدعم ...........
ايوه كده ياناذر يلا سخن الملعب ده
وريهم اللعب والفن والهندسة .................
|
Post: #24
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: nazar hussien
Date: 01-25-2011, 02:00 PM
Parent: #19
| Quote: فإنت هسة سوق معاك ناذر وفي شارع واحد ستين امشوا غزوا ليكم يافطة مكتوب عليها وداعا مدينة الخرطوم..كان طريق جبريل ما جاكم بعكازه تشوف |
باقي ليك يافطة واحدة بتكفيهم...؟
ناس الديوم براهم عايزين ليهم
كم يافطة...والسجانة يافطتين
المقرن معاكم والله ما معاكم يا جنابو؟
|
Post: #26
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: محمد عبد الماجد الصايم
Date: 01-25-2011, 02:05 PM
Parent: #24
الله لينا نحن ناس الحاج يوسف ديل!!
|
Post: #32
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 02:13 PM
Parent: #26
| Quote: الله لينا نحن ناس الحاج يوسف ديل!! |
كاااااااااااااااااااااك
ياعمك الحاج يوسف دي من شدة مابعيدة لمن نمشي ليها كنا بنشيل زوادة ..
لكن ممكن ارحل الحاج يوسف بشرط واحد .........
تلقي لي بيت جاركم ....... 
|
Post: #27
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 02:06 PM
Parent: #24
| Quote: المقرن معاكم والله ما معاكم يا جنابو؟ |
ياااااااخ ديل اسياد الخرطوم زاتم ........
ومحل الحضارة الاولي للخرطوم ...........
الحلف برضو حيضم معانا الخرطوم شرق وسنتر الخرطوم ......
ماشاء الله حلف (الخرطوم الحضارية) مشي يكبر ..............
|
Post: #29
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: nazar hussien
Date: 01-25-2011, 02:08 PM
Parent: #27
Quote: ياااااااخ ديل اسياد الخرطوم زاتم ........
ومحل الحضارة الاولي للخرطوم ...........
الحلف برضو حيضم معانا الخرطوم شرق وسنتر الخرطوم ......
ماشاء الله حلف (الخرطوم الحضارية) مشي يكبر .............. |
ايواااااا
يعني ناس توتي...الخرطوم صفر..
|
Post: #28
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-25-2011, 02:08 PM
Parent: #24
يا جنابو كان قافلين على ناذر خليفة واطاتكم اصبحت
ناذر دة من مركز السجانة ما كان بيطلع
غايتو الله يخلي الخرطوم الجديدة الجمعتنا معاكم
حناكيش ولاد لذينة
|
Post: #42
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 02:41 PM
Parent: #28
Quote: غايتو الله يخلي الخرطوم الجديدة الجمعتنا معاكم
حناكيش ولاد لذينة |
علمتو لينا اولادنا شراب السجاير وسف الصعوط ....
ومشاغلة بنات مدرسة الام (الخرطوم الجديدة) ............
تقيفوا ليهم جنب حديقة القرشي .........
|
Post: #30
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: elnawrani margan
Date: 01-25-2011, 02:12 PM
Parent: #24
معقولة ياجنابو
تفطنا كده عديل
هى الخرطوم دى اساسة من وين ؟؟؟؟؟؟؟؟؟
لو مااولاد السجانة والديوم ؟
بعدين الرقى ما خشم بيوت ولا كيف؟؟؟؟؟؟؟؟؟
|
Post: #33
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-25-2011, 02:15 PM
Parent: #30
يا أصلي
|
Post: #35
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 02:19 PM
Parent: #30
Quote: معقولة ياجنابو
تفطنا كده عديل
هى الخرطوم دى اساسة من وين ؟؟؟؟؟؟؟؟؟
لو مااولاد السجانة والديوم ؟ |
دي النوراني اسمها ......
ما دام نسي العشره واختار سواي حبيب خليتو للايام لو لي ضميرو حسيب .....
يازول والله نحن بنحب السجانة ونمووت في الديم وندرررررررردق في الامتاد 
|
Post: #31
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: اسماء الجنيد
Date: 01-25-2011, 02:13 PM
Parent: #14
Quote: بعدين نحن شامين ريحه تفرقة عنصرية .. شنو يعنى عشان انتو بتتعشوا شعيريه
وعاملين حلتكم الكلها شجر دى |
امير عبد الدائم حبابك يا خوي
والله كيفتني في حناني زاتو
اللهم شماااااااااااتة يا عمر
والله نحن ناس الضهاري على قول محي الدين اخوي ولانا سآئلين فيكم
بعدين يا محي الدين يا خوي انت تقولوا ليه ناس الضهاري ينفعوا ؟؟؟
هم لاقيننا وين يا خوي؟؟؟
والله يكوسو لي الزينا عشان نسمح ليهم اللمة لوووووووووووولز كده من اهل العوض بي مزاااااااج
|
Post: #34
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: nazar hussien
Date: 01-25-2011, 02:19 PM
Parent: #31
مقابر فاروق معاكم يا جنابو؟
|
Post: #36
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: nazar hussien
Date: 01-25-2011, 02:21 PM
Parent: #34
والخضرجية الفي لفة مقابر فاروق...بالقرب من مركز شرطة العمارات...
ديل معاكم؟
|
Post: #41
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 02:36 PM
Parent: #34
| Quote: مقابر فاروق معاكم يا جنابو؟ |
خليييييييك محضر خير يانزار ياااااخ
الله يدينا حسنة الخاتمة اجمعين ........
|
Post: #37
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: Tabaldina
Date: 01-25-2011, 02:24 PM
Parent: #31
..
.
قصدك شنو يعنى ؟؟
ناس الامتداد والمعمورة والكلاكلة
ومايو ديل يروحوا شمار فى مرقة ..
اها والناس الجو من التهميش
وعفروا لمن اتحشروا رجاله ديل عضوية
مقبولة ...( حوش فى نمرة 3 - 200متر بشفع )
عموما ما حتتموا 7 الا .....
-------
تضيفوا دينق بالمناسبة
حنكوش من العمارات ..
|
Post: #39
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 02:32 PM
Parent: #37
Quote: اها والناس الجو من التهميش
وعفروا لمن اتحشروا رجاله ديل عضوية
مقبولة ...( حوش فى نمرة 3 - 200متر بشفع ) |
ياتبلدينا ..... كده انت ود قلبا عديييييييييييل
انت قايل 200 متر في تلاتة دي شوية ........
اقل شي ء تجيب ليك تلاتة بيوت في حلة ناس طارق جبريل ده ....
|
Post: #38
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 02:27 PM
Parent: #31
Quote: امير عبد الدائم حبابك يا خوي
والله كيفتني في حناني زاتو
|
امير ده خلاص انسوهو من حساباتكم جندناهو معانا ...
اركز معانا ياامييييير ........
Quote: والله نحن ناس الضهاري على قول محي الدين اخوي ولانا سآئلين فيكم
بعدين يا محي الدين يا خوي انت تقولوا ليه ناس الضهاري ينفعوا ؟؟؟
هم لاقيننا وين يا خوي؟؟؟
والله يكوسو لي الزينا عشان نسمح ليهم اللمة لوووووووووووولز كده من اهل العوض بي مزاااااااج |
الحق ياناذر ....... اضرب تلاتة تسعات
الناس ديل دفروا علينا ركبوا اللواري وقبلوا .......
مشروع الجزيرة وراح في حق الله تاني عندكم شنو ..
اسه عليك الله يااسماء كان اخدتي ليك قعدة في اوزون الفوق دي مابتكبي معلقة عديييييل كده
|
Post: #40
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: nazar hussien
Date: 01-25-2011, 02:35 PM
Parent: #38
Quote: اسه عليك الله يااسماء كان اخدتي ليك قعدة في اوزون
الفوق دي مابتكبي معلقة عديييييل كده |
عندها صلالة...أوزون الله في الارض...
تجي لي اوزونكم ام عجاج حافلات الصحافة
شرق دي يا جنابو..
|
Post: #43
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 02:52 PM
Parent: #40
Quote: عندها صلالة...أوزون الله في الارض...
تجي لي اوزونكم ام عجاج حافلات الصحافة
شرق دي يا جنابو.. |
اذن العيب مافي اوزون العيب في حافلات الصحافة شرق .....
لا لمرور حافلات الصحافة بشوارع الاحياء الراقية .....
|
Post: #44
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: سيف الدولة كامل
Date: 01-25-2011, 03:02 PM
Parent: #40
جنابو عمر ,,,سلامات
والله أتلومت,,,نسيت أولاد قلبها
وأهل الخرطوم الاساسيين:
جنابو يوسف أبوصلعة
أحمد أبنعوف
أحمد خليل
دينا خالد
يا عمر الخرطوم 1,2,3
ده كانت عشر وموطن ناس الخرطوم الاساسيين
بين الكباري ولامن ضاقت عليهم اتوسعوا
جنوبا 1,2,3 والسجانة والديم,, لكن بري
وتوتي والكلاكلةاقدم أحياء الخرطوم
يعني ناس الكلاكلة ( سلالة ود أم مريوم)
أولاد خرطوم قبلكم(حناكيش ضهاري) بزعامة
دكتور صديق كوستا.
يالا وزعوا الباسطة.
|
Post: #46
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 03:11 PM
Parent: #44
Quote: والله أتلومت,,,نسيت أولاد قلبها
وأهل الخرطوم الاساسيين:
جنابو يوسف أبوصلعة
أحمد أبنعوف
أحمد خليل
دينا خالد |
تعرف ياسيف دي تعزيزات برية وجوية وبحرية مقدرة جداً ................
وده ما اسميتو انا في مداخلة فوق بسنتر الخرطوم وهو جزء اصيل من حلف الخرطوم الحضارية ......
Quote: ياااااااخ ديل اسياد الخرطوم زاتم ........
ومحل الحضارة الاولي للخرطوم ...........
الحلف برضو حيضم معانا الخرطوم شرق وسنتر الخرطوم ......
ماشاء الله حلف (الخرطوم الحضارية) مشي يكبر ..............
|
|
Post: #45
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: يوسف محمد يوسف
Date: 01-25-2011, 03:06 PM
Parent: #40
يوسف محمد يوسف
محمد الكامل
الخرطوم (3)
وقبلها الخرطوم غرب .. يعنى اصل و فصل ..
اى سؤال ؟؟
تحياتى لك اخى عمر
|
Post: #47
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-25-2011, 03:16 PM
Parent: #45
Quote: ومشاغلة بنات مدرسة الام (الخرطوم الجديدة) ............
تقيفوا ليهم جنب حديقة القرشي ......... |
يا زول الجكس دة براهو كان ميت في اولاد الديم والامتداد
كنا خارتنكم
ما تخلونا نفتوا ياخي
|
Post: #48
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-25-2011, 03:17 PM
Parent: #47
ما تفضحونا مع استاذ سيف ياخي
|
Post: #51
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: كمال سالم
Date: 01-25-2011, 03:25 PM
Parent: #48
بـس !!
الكلمه الفوق دى بكسر الباء ياجماعه .
والله حاجه مافيها أم درمان مش لوبقت خرطوم 2 ولا 3 ولا لحم الرأس الإسمو الطائف والرياض
والمعموره وما لف لفهم !!
ناس أم درمان بالله بعدين أفزعونى أنا عارف النيران الحتجينى ,,,
من أبروف والمسالمه وبيت المال أهديك تحياتى ياعمر !!!
|
Post: #55
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 03:38 PM
Parent: #51
Quote: بـس !!
الكلمه الفوق دى بكسر الباء ياجماعه .
والله حاجه مافيها أم درمان مش لوبقت خرطوم 2 ولا 3 ولا لحم الرأس الإسمو الطائف والرياض
والمعموره وما لف لفهم !! |
ياكمال سالم ده شنو ده ........... 
امدرمان شنو في الصقط ده .............
غايتو غير استاد المريخ ماعندكم شيء ......
والي حد ما حلاوة المولد بتاعت الطيب سيد مكي وفتة عمر بوش وزبادي ناس كافي في الموردة وعصير الليمون في ناصية سوق الموردة
|
Post: #52
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: Tragie Mustafa
Date: 01-25-2011, 03:26 PM
Parent: #48
عمر عثمان
قلت لي دي الخرطوم القديمه قبل الانفصال ولا بعده؟؟؟
عشان شايفاك عفصته لصديقنا دينق!!
اها دينق ده من اقدم من كتب هنا عن الخرطوم القديمه.
|
Post: #54
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 03:33 PM
Parent: #52
Quote: عمر عثمان
قلت لي دي الخرطوم القديمه قبل الانفصال ولا بعده؟؟؟
عشان شايفاك عفصته لصديقنا دينق!!
اها دينق ده من اقدم من كتب هنا عن الخرطوم القديمه. |
ههههههههههه ................
ياتراجي انا ما عفصت لي دينق لكن دينق هو القارش ملحتي زي مابقولوا .......
اسه حقوا تعملي لينا صلح قبل الانفصال ما يعلن رسمياً ...........
اها الكرة في ملعبك ...............
|
Post: #49
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: nazar hussien
Date: 01-25-2011, 03:19 PM
Parent: #45
| Quote: لا لمرور حافلات الصحافة بشوارع الاحياء الراقية |
|
Post: #53
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 03:27 PM
Parent: #45
Quote: يوسف محمد يوسف
محمد الكامل
الخرطوم (3)
وقبلها الخرطوم غرب .. يعنى اصل و فصل ..
اى سؤال ؟؟
تحياتى لك اخى عمر |
تعظيم سلام لسعادتو يوسف ......
تمام سعادتك قواتنا تسيطر على الاوضاع تماماً والخسائر في صفوفنا (لايكن)
نطارد بعض فلول العدو يقودهم المدعو (طارق جبريل) ................
طارق جبريل (سلم تسلم) المكان كلو محاصر .............
|
Post: #50
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: عادل الباهي عبدالرازق
Date: 01-25-2011, 03:19 PM
Parent: #1
ياعمر عثمان
تحياتي
أها ناس الحله الجديده وأبوحمامه وديم سلك شنو موقعهم من الاعراب .
يأخي نحنا غنت لينا حنان بلوبلو في قمه مجدها
|
Post: #56
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-25-2011, 03:44 PM
Parent: #50
اها الحنكشة وصلت وين
قالوا في واحد من العمارات مشى يتغدى مع واحد من اولاد الامتداد
كان الغداء ام رقيقة بالكسرة
قام ود العمارات قال لي صاحبه:
بتاكلو ((فُلسكاب)) بالدمعة
|
Post: #57
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: يوسف محمد يوسف
Date: 01-25-2011, 03:45 PM
Parent: #50
Quote: تعظيم سلام لسعادتو يوسف ......
تمام سعادتك قواتنا تسيطر على الاوضاع تماماً والخسائر في صفوفنا (لايكن)
نطارد بعض فلول العدو يقودهم المدعو (طارق جبريل) ................
طارق جبريل (سلم تسلم) المكان كلو محاصر ............. |
تمام اخى عمر
ناس طارق حبريل ديل ما تضربوهم بالذخيرة الحية .. استخدموا معاهم الرصاص المطاطى !!
الاسرى اعملوا ليهم اعادة تأهيل حضارى ..
اما طارق جبريل بمجرد ما يتم القبض عليه .. يتم حجزه فى اوزون .. عشان يتعلم كيف يأكل الايس كريم .. و يشرب الكبجينو !!
اصلو الجماعة ديل اخوانا و بتلقوا .. فى حالة الاستفتاء .. مش اخير من اهل العوض ؟؟
تحياتى للجميع
|
Post: #58
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: سيف الدولة كامل
Date: 01-25-2011, 03:48 PM
Parent: #50
حبيبنا \ طارق جبريل ,,, كيفينك يا حبيب
خد راحتك وعيد الذكريات ,والله انت حنكوش
واساتذتك كانوا حناكيش ,,, بتذكر واحد من
من الزملاء في الجديدة قال يا أخوانا أولادنا
بجكسوابنات الجديدة ما تجوا نتضامن معاهم.
عرفنا بعدها انه صاحبنا كان مجكس ليهو زميلة
بهناك,, والله الجديدة يا طارق كان مطعمنها أولاد
السجانة الامتداد والصحافة.
مودتي
|
Post: #60
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 04:01 PM
Quote: خد راحتك وعيد الذكريات ,والله انت حنكوش
واساتذتك كانوا حناكيش ,,, |
الشهادة لله ........
استاذ سيف ده كان اكتر استاذ بتاع قشرات ......
وقشراتو زاته شكلها من بلاد بره شغل نضيف ...
|
Post: #59
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 03:49 PM
Parent: #50
Quote: ياعمر عثمان
تحياتي
أها ناس الحله الجديده وأبوحمامه وديم سلك شنو موقعهم من الاعراب .
يأخي نحنا غنت لينا حنان بلوبلو في قمه مجدها |
انتو ناس الخرطوم الغربية ح نعمل معاكم معاهدة اسمها
انا واخوي على ابن عمي وانا وابن عمي على الغريب
يعني نظام نرشكم وترشونا لكن كان جاء كلام من ناس
امدرمان وبحري نرش سوا .....................
|
Post: #61
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ناذر محمد الخليفة
Date: 01-25-2011, 04:17 PM
Parent: #59
أوووووووو
شايف السفير يوسف محمد يوسف وصل ..
طارق جبريل ...
Quote: يا جنابو كان قافلين على ناذر خليفة واطاتكم اصبحت
ناذر دة من مركز السجانة ما كان بيطلع
|
يمين بالله وما طالبني حليفة إتولدت في السجانة ورحلت خرطوم تلاتة عمري سنتين وقاعد فيها لي هسي ومنها ما طالع !!
ولو ما مصدقني أسأل يوسف محمد يوسف دا ..
عليكم جنس حقد طبقي يا ناس الامتداد !!!
|
Post: #62
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: يوسف محمد يوسف
Date: 01-25-2011, 04:17 PM
Parent: #59
اخى عمر
فى الستينات كان فريق " الدينمو " اقوى فرق روابط الخرطوم (3) .. قمنا بتسجيل اربعة من اولاد الديم هم :
عبدلرحيم " بمبيتو "
اسماعيل كابو
على حسين
وعوض حسين .. لهم مودتى و تحياتى من على البعد
اولاد الديم شنوا عليهم حملة مقاطعة شديدة .. فكانوا يجلسون معنا فى الخرطوم ثلاتة حتى المساء ليعودوا لاهلهم .
و عند انشاء الدرجة الرابعة - ليق الخرطوم - .. تسجلت عدة فرق من الخرطوم و كان الدينمو من بينها .. اما اولاد الديم فسجلوا فريقهم باسم " الديم
وسط " و بدا الدورى ..
عند لقاءنا مع الديم وسط .. طلب ابناء الديم من ابنائهم الاربعة عدم الاشتراك حتى يحققوا النصر علينا .. و افهموهم عايزين الكورة دى تكون تحدى بين ابناء الديم و ابناء الخرطوم (3) .. جاء الاربعة لاعبين و اخبرونا بذلك .. فوافقنا على طلبهم .. و قلنا لهم لو تغلب علينا ابناء الديم و نحن نلعب بدونكم فنحن على استعداد لاطلاق سراحكم لتلعبوا معهم !
جاء يوم المباراة و انتهت بنتيجة ( 8-0 ) لصالح الدينمو - احرزت انا خمسة منها - .. ومنها آمنوا باولاد تلاتة .. و بقينا اصحاب !!
بس بصراحة كدة .. اولاد الديم رائعين
لهم مودتى .. ولك اخى عمر
|
Post: #64
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 04:37 PM
Parent: #62
| Quote: جاء يوم المباراة و انتهت بنتيجة ( 8-0 ) لصالح الدينمو - احرزت انا خمسة منها - .. ومنها آمنوا باولاد تلاتة .. و بقينا اصحاب !! |
والله ياسعادتك ماشاء الله ........
شغل نضيف ....... خليتوهم فهموا حاجة ........... م
|
Post: #63
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: دينا خالد
Date: 01-25-2011, 04:31 PM
Parent: #59
لوووووووب يا جارنا العزيز سيف الدولة
الواحد لو رجع بطن امو برضو تجيبو خبروا ..
بالله كلمهم ..
كلمهم لما ناس عمك هاشم شرفى كان بيتهم فى ى ى
القبه الخضراء دى ..
اها يا جانو انا
البابا من الخرطوم شرق جار ناس سيف الدولة دا
والماما من العمارات
وساكنين فى الخرطوم واحد .......
زينت البوست يا قول (حسين) مش كدا ؟
لووووووووووب
عجوة معطونة بالعسل
ــــــــــــــــ
متبرعة ارشهم ليك كلهم
كل من يتطفل على هذا البوست بس ما تغيروا
بطلوا الغيرة سمح ؟ وتقولوا لى لملمى حاجاتك
وشنو ما عارف .. سمح ؟
|
Post: #65
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ناذر محمد الخليفة
Date: 01-25-2011, 04:40 PM
Parent: #63
الأستاذة هالة عبد الحليم ..
من إندنا برضو ..
|
Post: #66
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 04:47 PM
Parent: #63
Quote: اها يا جانو انا
البابا من الخرطوم شرق جار ناس سيف الدولة دا
والماما من العمارات
وساكنين فى الخرطوم واحد .......
زينت البوست يا قول (حسين) مش كدا ؟
لووووووووووب
عجوة معطونة بالعسل |
وبكذا جمعتي المجد من اطرافه ..............
Quote: متبرعة ارشهم ليك كلهم
كل من يتطفل على هذا البوست بس ما تغيروا
بطلوا الغيرة سمح ؟ وتقولوا لى لملمى حاجاتك
وشنو ما عارف .. سمح ؟ |
بعد اذن سيادتو يوسف .......
مرسوم جمهوري رقم (1)
تعيين الاستاذة/ دينا خالد ناطقاً رسمياً
باسم بورداب الخرطوم الحضرية
اها يادينا وفرنا ليك الغطاء الدستوري ....... رشي من طرف
|
Post: #67
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-25-2011, 06:24 PM
Parent: #66
| Quote: عليكم جنس حقد طبقي يا ناس الامتداد !!! |
يمين يا ناذر ماسكني منكم استاذي سيف دة
كان رشيتكم لامن آمنتوا
وصاحب البوست دة ذاته بنحرش ليه وزارة الداخلية تخليه يسوي جلالات هسي
|
Post: #68
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: معاوية عبيد الصائم
Date: 01-25-2011, 06:30 PM
Parent: #67
Quote: وصاحب البوست دة ذاته بنحرش ليه وزارة الداخلية تخليه يسوي جلالات هسي
|
ود جبريل ركز الخرطوم 2 3 العمارات يعنى حلتنا القديمة
جنابو ما جاب سيرة كوشة الجبل.. اتمنى منك التركيز يا (فقير)
|
Post: #87
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 09:11 PM
Parent: #68
| Quote: ود جبريل ركز الخرطوم 2 3 العمارات يعنى حلتنا القديمة |
معاوية الصايم يازول حلتكم شنو
معلوماتنا بتفيد انك طابور خامس لصالح
طارق جبريل .......................................
غايتو الا تجيب لينا اشهاد شرعي
واربعة شهود عدول ...........................
|
Post: #69
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صلاح غريبة
Date: 01-25-2011, 06:30 PM
Parent: #67
سجلوني معاكم
بيتنا برضو في الخرطوم 2 جنب حديقة القرشي
صلاح غريبة - البيتهم فى الخرطوم 2
|
Post: #70
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-25-2011, 06:50 PM
Parent: #69
يا معاوية جاكم صلاح غريبة
يعني براها جاطت
نحن بعد دة نتفرج بس
|
Post: #71
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: معاوية عبيد الصائم
Date: 01-25-2011, 06:57 PM
Parent: #70
Quote: يا معاوية جاكم صلاح غريبة
يعني براها جاطت
نحن بعد دة نتفرج بس
|
طـــــــــــارق نحن رحـــــــــــــــــــــــــــلنا (ام الطيور نهائى)
|
Post: #73
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ود الباوقة
Date: 01-25-2011, 07:02 PM
Parent: #71
جنابو
حي الدوحة بالخرطوم مافي طريقة تضمو معاكم
مودتي ..
|
Post: #86
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 09:07 PM
Parent: #73
Quote: جنابو
حي الدوحة بالخرطوم مافي طريقة تضمو معاكم
مودتي .. |
هيييييييييييع ....
ودالباوقة شرفتنا والله .......
يازول حي الدوحة وين انت
من سكان الخرطوم 2 عديييييييل
معاوية الصايم وودجبريل كان دايرين
شهادة السكن بوريكم ليها ...........
|
Post: #74
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-25-2011, 07:03 PM
Parent: #71
Quote: طـــــــــــارق نحن رحـــــــــــــــــــــــــــلنا (ام الطيور نهائى)
|
شوف ود الموج اتبرا من خالته
|
Post: #72
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-25-2011, 07:01 PM
Parent: #70
والله ياجنابو كان عندى سلبيطه بخالة لى ساكنه نمرة 3 لكن
مادام جاكم صلاح غريبه خالتى زاتا اتبريت منها وانت زاتك
كان شفت ليك اولاد اشلاقات اخير ليك
جنابو لو سمجت ناذر ما يقرا مداخلتى دى منكن؟؟؟،،،
|
Post: #75
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: معاوية عبيد الصائم
Date: 01-25-2011, 07:12 PM
Parent: #72
Quote: جنابو
حي الدوحة بالخرطوم مافي طريقة تضمو معاكم
مودتي ..
|
غايتو يا جانبو نهائى ما سويت فينا خير
شوف زى ود الباوقة ..من السفارة للدوحة
الله تعلم يرجع الباوقة تانى
يامونج
يا طارق
نحنا من ام الطيور رحلنا .. ام التامسيح
الله كريم
|
Post: #76
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-25-2011, 07:15 PM
Parent: #75
يا معاوية تعالوا الامتداد انت وود الموج قابلين بيكم
ما دام جنابو جوهوا ود الباوقة وغريبة
|
Post: #77
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: معاوية عبيد الصائم
Date: 01-25-2011, 07:34 PM
Parent: #76
Quote: يا معاوية تعالوا الامتداد انت وود الموج قابلين بيكم
ما دام جنابو جوهوا ود الباوقة وغريبة
|
طارق
تانى رحلنـــــــــــــــــــــــــــــــــــــــــــــــــــــــــا
المرة رحلنا (ام الكــــــــــدسة)
غالبا صديق يكون جنبنا فى ( نعشق مستونا) مخطط
جديد شرق (ام الكتاحة)
ود جبريل يا وغــــــــــــــــــــــد مشتاقون ياااخ
|
Post: #78
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ياسر بيناوي
Date: 01-25-2011, 07:41 PM
Parent: #76
سجلوني سريييييييييييييييييع
وبالامارة
دينا خالد بت جيراننا
بالجد جد انا كنت ساكن السكة حديد
خالص الود
|
Post: #91
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 09:26 PM
Parent: #78
Quote: سجلوني سريييييييييييييييييع
وبالامارة
دينا خالد بت جيراننا
بالجد جد انا كنت ساكن السكة حديد
|
يابيناوي ياااااخ انت زول بتاع شغب ومظاهرات ..
اكتب لينا تعهد حسن سير وسلوك وتقطع علاقتك مع معاوية عبيد وطارق جبريل ...
|
Post: #79
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: لدن جعفر
Date: 01-25-2011, 07:41 PM
Parent: #76
اها جمعنا يا جنابوا
الخرطوم 3
|
Post: #80
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: معاوية عبيد الصائم
Date: 01-25-2011, 07:58 PM
Parent: #79
Quote: بالجد جد انا كنت ساكن السكة حديد
|
ينياوى انت كنت ساكن ضواحى الخرطوم 3
ووووين يا صاحب
|
Post: #81
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-25-2011, 07:59 PM
Parent: #79
جنابو معليش اشطبنى لانو جانى تلفون من الوالده هسه قالو رحلو
ارفع سدرك بعد حلة زنديه،مبروك عليكم غريبة وبتاع الواحه ده..
لدن جعفر....سلام
انت كان الخرطوم(3) تبع ناس بابكر جعفر مفروض انت التسجلى الناس
وتشطبى الما عايزاه،،،
|
Post: #82
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ود الباوقة
Date: 01-25-2011, 08:04 PM
Parent: #81
جنابو
واصل سيبك منو...
ههه
|
Post: #83
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: لدن جعفر
Date: 01-25-2011, 08:10 PM
Parent: #81
سلامات استاذ صديق الموج
Quote: انت كان الخرطوم(3) تبع ناس بابكر جعفر مفروض انت التسجلى الناس
وتشطبى الما عايزاه،،، |
ايوا انا جدى بابكر جعفر
سلامات جنابو ...جيب اللسته بالله فى تفويض
رسمى مرفق ارجو الاطلاع عليه
|
Post: #84
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-25-2011, 08:22 PM
Parent: #83
| Quote: ايوا انا جدى بابكر جعفر |
هوى اهلها جو ودى شهادة حق لبتاعين نورى والبركل والباوقه وبقية الوهم ديل..
اول شى اول تلاته قصور فى الخرطوم وحاتكم كانن حقات الشريف يوسف الهندى وقصر
المشلى والتالت قصر بابكر جعفر جد لدن دى وبالظبط قصرهم كان فى شارع السيد عبدالرحمن
واخيرا اصبح لوكوندة الخرطوم يعنى دى جدها فى الخرطوم نمرة واحد.
جنابو شيل ورقك ده واختانا.
اقعدى يا لدن يا بتى سجلى بمعرفتك خلينا من ناس ود الصايم وجنابو ده زاتو
وحاتك ديل كان ما العسكريه دى سيل ما يجيبهم ليكم..
بعدين ما تقولى لى انت بت المرحوم عبد العزيز بابكر جعفر؟ واللا بت محمد الامين؟
|
Post: #90
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 09:22 PM
Parent: #79
Quote: اها جمعنا يا جنابوا
الخرطوم 3 |
لدن يازولة حضرتوا شنو ؟
حضرنا نحن ياسعادتك ........
ياخ الموج قال جدك كان عندوا قصر في نص الخرطوم ...
اهااااا ياسعادتك صكوك المواطنة عندكم بعد ده وحفظ النظام علينا ...
|
Post: #88
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 09:14 PM
Parent: #72
Quote: والله ياجنابو كان عندى سلبيطه بخالة لى ساكنه نمرة 3 لكن
مادام جاكم صلاح غريبه خالتى زاتا اتبريت منها وانت زاتك
كان شفت ليك اولاد اشلاقات اخير ليك
جنابو لو سمجت ناذر ما يقرا مداخلتى دى منكن؟؟؟،،، |
لالالالالالا ياموج ياااخ ............
انت شخصية معروفة وعندك شبكة
علاقات واسعة ماشاء الله بنديك مواطنة
فخرية وتساعدنا في صد هجمة الشمس
ديل بقيادة طارق جبريل ...........
|
Post: #89
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 09:18 PM
Parent: #88
Quote: هوى اهلها جو ودى شهادة حق لبتاعين نورى والبركل والباوقه وبقية الوهم ديل..
اول شى اول تلاته قصور فى الخرطوم وحاتكم كانن حقات الشريف يوسف الهندى وقصر
المشلى والتالت قصر بابكر جعفر جد لدن دى وبالظبط قصرهم كان فى شارع السيد عبدالرحمن
واخيرا اصبح لوكوندة الخرطوم يعنى دى جدها فى الخرطوم نمرة واحد.
جنابو شيل ورقك ده واختانا.
اقعدى يا لدن يا بتى سجلى بمعرفتك خلينا من ناس ود الصايم وجنابو ده زاتو
وحاتك ديل كان ما العسكريه دى سيل ما يجيبهم ليكم..
بعدين ما تقولى لى انت بت المرحوم عبد العزيز بابكر جعفر؟ واللا بت محمد الامين؟ |
والله العظيم ياموج لمن كتبت مداخلتي
الفاتت ليك ما كنت قريت كلامك ده لكن
عارفك تفتيحة ومقددة وبتعرف الخرطوم
دي جحر جحر ...... عشان كده انت مكسب
ومن عضوية فخرية حولناها ليك اصيلة عديل ............
|
Post: #85
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 09:03 PM
Parent: #69
Quote: سجلوني معاكم
بيتنا برضو في الخرطوم 2 جنب حديقة القرشي
صلاح غريبة - البيتهم فى الخرطوم 2 |
سجلناك ياغربية ...........
ابقي قريب ..................
|
Post: #92
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-25-2011, 09:36 PM
Parent: #85
Quote: والله العظيم ياموج لمن كتبت مداخلتي
الفاتت ليك ما كنت قريت كلامك ده لكن
عارفك تفتيحة ومقددة وبتعرف الخرطوم
دي جحر جحر ...... عشان كده انت مكسب
ومن عضوية فخرية حولناها ليك اصيلة عديل ............ |
جنابو عشان خاطرك انا قبلت بس اشطب لى غريبه ده
بقية الشماشه ناس ود الصايم وطارق جبريل مقدور عليهم وبعدين ديل زى
النوع البكون مستلم العرس داك ويقوم فى البنات للرقيص ويشبك الجماعه جيب عشاء
هنا وودى بارد هناك ولما تسال عن علاقته باهل العرس ؟يقولو ليك ده ود خالة
بت عم زوجة الترزى الخيت بدلة العريس..نفس السلبطه ياجنابو....
لو سمحتو ياشمس وراء شوية بالله لو مارجعوا شوف لينا بتاع سوارى يا سعادتك،،،
|
Post: #93
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-25-2011, 09:51 PM
Parent: #92
Quote:
بقية الشماشه ناس ود الصايم وطارق جبريل مقدور عليهم وبعدين ديل زى
النوع البكون مستلم العرس داك ويقوم فى البنات للرقيص ويشبك الجماعه جيب عشاء
هنا وودى بارد هناك ولما تسال عن علاقته باهل العرس ؟يقولو ليك ده ود خالة
بت عم زوجة الترزى الخيت بدلة العريس..نفس السلبطه ياجنابو....
لو سمحتو ياشمس وراء شوية بالله لو مارجعوا شوف لينا بتاع سوارى يا سعادتك،،، |
اهاااااا شفت كلامي اصلو ماوقع واطة ...
ذكرتني في الحفلات في السودان لازم يكون
في زول مفتح وواقع من السماء عشرة مرات
بتلقاهو عامل كنترول 100% وطبعا اهم حاجة
تلقاهو جيه ليك عساكر الخدمة الخاصة جيهة صاح
دبل صحن لكل واحد منهم يمين بعد داك يتعاماوا
معاهو كانو مدير عام الشرطة ...............
|
Post: #94
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ASHRAF MUSTAFA
Date: 01-25-2011, 10:14 PM
Parent: #93
|
Post: #96
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: اسماء الجنيد
Date: 01-25-2011, 10:14 PM
Parent: #93
Quote:
عندها صلالة...أوزون الله في الارض...
تجي لي اوزونكم ام عجاج حافلات الصحافة
شرق دي يا جنابو. |
تسلممممم اخي نزار حسين ,,, كيفك انت ان شاء الله طيب
عرفت ترد لي على ناس جنابو ديل ,,,
يا ابو عبد الحمن
اللهم شمااااااااااتة تاني
|
Post: #95
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: لدن جعفر
Date: 01-25-2011, 10:14 PM
Parent: #85
Quote: .
بعدين ما تقولى لى انت بت المرحوم عبد العزيز بابكر جعفر؟ واللا بت محمد الامين؟ |
سلامات استاذ صديق
انا بت جعفر محجوب ...
محمد الامين ومعاويه وعبد العزيز الله يرحمه خيلانى
بابكر جعفر جدى خال امى
جنابوا ما تتحسس...نحنا والله الضيوفك
|
Post: #97
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ASHRAF MUSTAFA
Date: 01-25-2011, 10:43 PM
Parent: #95
|
Post: #98
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ASHRAF MUSTAFA
Date: 01-25-2011, 10:53 PM
Parent: #97
|
Post: #99
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-26-2011, 00:29 AM
Parent: #98
Quote: سلامات استاذ صديق
انا بت جعفر محجوب ...
محمد الامين ومعاويه وعبد العزيز الله يرحمه خيلانى
بابكر جعفر جدى خال امى
جنابوا ما تتحسس...نحنا والله الضيوفك |
لدن جعفر يابت القبائل .......سلام
قلت ليك امسكى الورقه دى ساكت..
جنابو لو سمحت ناولها الورقه دى بالله..
يازوله انت جدك بابكر جعفر ناس طارق جبريل ومعاويه الصايم
وصديق الموج وعمر عثمان مع شنو كمان؟
انعل ابو القطر زاتو...
اكتبى كتابتك شطبى على كيفك..يازوله والله انت تشطبى ناس
عبد الحليم محمد كان دايره خلينى من ناس زعيط ومعيط ديل..
واكيد اولاد عوض ركابى عبد العزيز وعبد الحليم والمرحوم عبدالرحمن وبلقيس اولاد خالتك
يازوله انت الخرطوم زاتا..
المهم الشهادات بطرفك ادى العايز تديه وفطى على كيفك واقدلى..
هوى ياشمس دى حقائق تاريخية ما كسير تلج وكده فاهمين،،،،
|
Post: #100
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: عاطف نورالهدى الطاهر
Date: 01-26-2011, 00:40 AM
Parent: #98
ياعمر اجمل شي فضل في السودان الاحياء الشعبية
انا من مواليد السجانة،وساكن الصحافة شرق
وحياتي كلها قضيتها في الديم ولعبت كوره في الديم
وكل الاحياء القلتها ليك دة ماابدلها بي california
وانتا الخلاك تعرف الداندورما والدوم شنو ما حياتك
كلها في الديم واشلاقات البوليس 
انا عارف وانت عارف..... لكن المعمورة كيف...
|
Post: #101
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: الطيب العامرى
Date: 01-26-2011, 00:57 AM
Parent: #100
والله يا جنابو إتلومت مع ناس أم درمان
طلعتهم مهمشين عديل كده
|
Post: #102
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: يوسف محمد يوسف
Date: 01-26-2011, 02:16 AM
Parent: #101
يا عمر
صباح الخير - الساعة 3:27 صباحا - بتوقيت المملكة .. اكيد انت نائم عشان كدا انا استلم النبطشية حتى الصباح
طبعا بعد الاستلام عملت مرور ... وجدت فى قوات غير صديقة عملت اختراق و لكن نحن لها بالمرصاد :
معاوية عبيد الصائم : متسلل من امتداد الدرجة التالتة - تم توزيع اراضيه 1963 .. طبعا بعد توزيع العمارات .. يعنى مستجدين فى الخرطوم !!
اشرف مصطفى : عتدو ستين بطاقة ممكن ود الباوقة يعمل زيهم .. المهم عندنا يا اشرق لو عندك اى من البطاقات التالية ممكن نقبلك :
نادى الاسرة ، نادى الخرطوم ، النادى العربى ، النادى القبطى ، التادى السورى ، نادى الاغاريق ، النادى الارمنى ، النادى الكاثوليكى ، نادى الشباب المسيحى ، نادى النيل ، نادى الاهلى .. بالعدم بطاقة نادى " بوهين " مقبولة !!
لدن جعفر : دى بتنا ما فى اى كلام
دينا خالد : نوافق على تعينها ناطق رسمى
صديق الموج : عندنا ليه امتحان صغير - من سؤالين لو نجح فيهما يمكن نديه انتساب .. السؤالين :
عايزين اسماء تلاتة اسر فى الشارع الذى يسكن فيه ابناء المرحوم عوض ركابى - عليه رحمة الله - ؟؟
فى هذا الشارع يسكن صديقى الحبيب فتحى مأمون المعلا - والدته بت بابكر جعفر - ما هو لقبه ؟؟؟
اولاد سكه حديد : بالرغم من انهم زى المسيرية - رُحل - مع منطقة ابيى .. تقبل عضويتهم .. كان عندهم معانا فى الرابطة فريق اسمه النجم الاحمر
اولاد ام درمان : ما بتلوم معاكم .. انا والدتى - لها الرحمة - من امدرمان الركابية .. يعنى فى امدر برضو لنا اقدمية معتبرة !
المهم .. اى عشكبة منكبة .. انا جاهز للصباح من هنا وعلى الدوام !!
|
Post: #103
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: يوسف محمد يوسف
Date: 01-26-2011, 02:28 AM
Parent: #102
عمر
الجماعة صنوا !!
نحن اولاد الخرطوم .. ملوك الليل .. زى الوقت دا كنا يا دوب طالعين من " صحارى " او " اكسلسيور " !!
تقول لى .. معاوية عبيد الصائم .. و .. ود الباوقة - اللذيذ تفاحها - .. نحن عندنا لذيذ زاااااتو !!
|
Post: #104
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-26-2011, 02:39 AM
Parent: #102
Quote: صديق الموج : عندنا ليه امتحان صغير - من سؤالين لو نجح فيهما يمكن نديه انتساب .. السؤالين :
عايزين اسماء تلاتة اسر فى الشارع الذى يسكن فيه ابناء المرحوم عوض ركابى - عليه رحمة الله - ؟؟
فى هذا الشارع يسكن صديقى الحبيب فتحى مأمون المعلا - والدته بت بابكر جعفر - ما هو لقبه ؟؟؟ |
يوسف يا اخوى كتر خيرك على فكرة ضمى منتسبا دى،لكن انا فى القشورية دى لى 32 سنه
منهم 16 سنه متواصله (عهد الانقاذ كله الى المصالحه)لم ارى السودان مابكون السؤال صعب على عشان اتذكر كلام زى ده؟
| Quote: اولاد ام درمان : ما بتلوم معاكم .. انا والدتى - لها الرحمة - من امدرمان الركابية .. يعنى فى امدر برضو لنا اقدمية معتبرة ! |
تانيا انا من مدينه تمد لسانها لكل مدن السودان انا من امدرمان وهسه انت قلت من الركابيه
دحين انا وانت يمتحنوننا فى امدرمان دى وفى الركابيه بصفه خاصة عشان قلت اهل امك لها الرحمة
منها ونشوف الاقدمية المعتبرة بترجح وين؟
اما ماجاء فى حديثك عن اولاد الهامش المتسلبطين ديل ناس معاويه الصايم وطارق جبريل
وسكان القطاطى العاملين من الخرطوم ديل (لووووول)فانا معك..
بعدين لدن جعفر دى الساس والراس ما ممكن تقول بتنا قول نحن اولادها عشان يمكن تقبل..
|
Post: #105
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: عفاف الصادق بابكر
Date: 01-26-2011, 07:33 AM
Parent: #104
Quote: النوع البكون مستلم العرس داك ويقوم فى البنات للرقيص ويشبك الجماعه جيب عشاء
هنا وودى بارد هناك ولما تسال عن علاقته باهل العرس ؟يقولو ليك ده ود خالة
بت عم زوجة الترزى الخيت بدلة العريس..نفس السلبطه ياجنابو....
لو سمحتو ياشمس وراء شوية بالله لو مارجعوا شوف لينا بتاع سوارى يا سعادتك،،، |
موبااااااااااااااالغه يا ود الموج .. هههههههههههههههههههههه ..
والله النوع ده كان يذبحنى ذبح على قول العرب ...
|
Post: #136
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ياسر بيناوي
Date: 01-26-2011, 03:19 PM
Parent: #102
| Quote: بالرغم من انهم زى المسيرية - رُحل - مع منطقة ابيى .. |
في دي صدقت يا يوسف
انا مابتزكر انو سكن في بلد اكتر من سنتين
لكن السكة حديد في ذلك الزمن لها طعم خاص
نفس البيوت نفس طريقة التعامل من محطة لي محطة
بصراحة كنا في سودان مختلف داخل سوداننا الكبير
او كما يحلو لي ان اسميه ( سودان السكة حديد )
خالص الود
|
Post: #106
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: Mahassin Ibrahim
Date: 01-26-2011, 08:12 AM
Parent: #100
عمر سلامات :
اولا: ساره كرودى من الامتداد وفي الامتداد ولللامتداد ....وممكن تعمل استفتاء حنطالب كلنا بعدم استبعادها من بوست الامتداد .
ثانيا : عندنا نخبه وتشكيله في بوست الامتداد ودا غير الاعضاء نباهي بهم الامم اذا طلبناهم لنزالكم حتتعبو شديد وحتنسحبو من البوست نهائيا.
ثالثا : استبعدتم المعموره ليه ؟ مش حي راقي برضو .
رابعا : عندكم اوزون وبيتزا ايطالي بس ؟
تعال شوف موروث الامتداد خليك من الاحياء التانيه؟
وبتقول بيت في نمره ثلاثه بثلاثه بيوت في حي ناس طارق ؟ انت ما كلموك انو الامتداد دا الناس تتمني تزوه خلي كمان تشترى فيهو؟
نزاصل لاحقا .
|
Post: #107
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ناذر محمد الخليفة
Date: 01-26-2011, 08:36 AM
Parent: #106
ود الموج ..
| Quote: جنابو لو سمجت ناذر ما يقرا مداخلتى دى منكن؟؟؟،،، |
قريتا يا المسنوح قريتا ..
الحاجة التانية .. صلاح غريبة دا فعلا من إندنا وأنا عارف عندو بيت في الخرطوم هنا كلمني كم مرة ..!!
يعني ما بعيد يطلع جار ناس خالتك بي هنا .. عشان كدة حاول صلح علاقاتك معاو ..
يا شباب زورو الرابط دا معاكم .:
نـادي الأسـرة بالـخـرطـوم (3 ) !!!
|
Post: #108
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-26-2011, 08:44 AM
Parent: #107
| Quote: يعني ما بعيد يطلع جار ناس خالتك بي هنا .. عشان كدة حاول صلح علاقاتك معاو .. |
ناذر والله بالطريقه دى انا خايف اقول ليك خالتى دى عندها جارتين
واحده ماعارف شنو كده والتانية برضو ماعارف كده شنو
الجماعه ديل ياتو فيهم بس نكتة ابوداؤد ديك،،،
|
Post: #109
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: خالد العبيد
Date: 01-26-2011, 08:52 AM
Parent: #100
سلام يا عمر
وتحية عبرك لاصدقائي في العمارات تحديدا
اعرف منهم مجموعة من المصادمين المناضلين
يتمتعوا بشجاعة واستبسال في مواجهة الديكتاتوريات
واحمل كثير من الذكريات معهم
لك احترامي
|
Post: #110
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: يوسف محمد يوسف
Date: 01-26-2011, 09:05 AM
Parent: #109
Quote: سلام يا عمر
وتحية عبرك لاصدقائي في العمارات تحديدا
اعرف منهم مجموعة من المصادمين المناضلين
يتمتعوا بشجاعة واستبسال في مواجهة الديكتاتوريات
واحمل كثير من الذكريات معهم
لك احترامي |
العزيز خالد العبيد
ما تنسى قلعة النضال الخرطوم (3) .. لقد كان لنا صولات و جولات منذ اكتوبر 1964 و حتى الآن
فى الجعبة الكثير .. بس فى الاول خلينا نصفى البوست من ناس معاوية الصائم و طارق جبريل .. لاننى معايش عقدتهم من الصفوفة من ابناء الخرطوم !
مودتى
|
Post: #112
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: هواري نمر
Date: 01-26-2011, 09:23 AM
Parent: #110
يا جنابو ســــــلام
يا ناس الخرطوم كيفنكم؟
عندي صحبي غايتو بقول لكيم الزول الما من (الترس , الحرس , الشاطئ أو القطاطي)
معناها ما من الخرطــــــوم.
اها كلامو أي زول جنوب السكة حديد ما معانا...!!
رأئك في الكلام ده شنو؟؟
صحبي ده (حبوبة حبوتو) مولودة في مكان (الهلال الآحمر ) الهسي ده.
بالمناسبة استاذ\ سيف كامل يشهد .
___
انا غايتو بوصل كلامو بس
لآنو أنا زول إقاليم ساي.
|
Post: #114
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: يوسف محمد يوسف
Date: 01-26-2011, 09:25 AM
Parent: #110
Quote: تانيا انا من مدينه تمد لسانها لكل مدن السودان انا من امدرمان وهسه انت قلت من الركابيه
دحين انا وانت يمتحنوننا فى امدرمان دى وفى الركابيه بصفه خاصة عشان قلت اهل امك لها الرحمة
منها ونشوف الاقدمية المعتبرة بترجح وين؟ |
الحبيب .. ود الموج
انا جدى على الخولى - له الرحمة - .. فى الركابية تقيف فى محلات العدنى وتتجه شرقا تلقى قصادك شارع ضيق .. تدخل الركابية من بداية هذا الشارع و حتى تصل مكى ود عروسة .. تسأل اى شخص عن آل الخولى .. يعتى فى الركابية فى اوائل المرابيع .. اما اذا حضرت اى مباراة فى دار الرياضة ام درمان عصرا .. اسأل عن محمد حسن على الخولى .. الشهير بـ " ود الخولى " .. دى يبقى خالى اخو امى .. دى امدرمان !
اما الخرطوم فجدى يوسف حسين - من اكبر و اشهر التاجر - .. قصره الشهير فى الخرطوم غرب فى نفس الشارع الذى يسكن فيه ال بابكر جعفر وال كشه ..
الان ابنائه و احفاده يسكن منهم ( 15 منزل ) فى الخرطوم (3) ..
و بالمناسبة الاسبوع الماضى تم تكريمى بالعضوية الذهبية من قبل ابناء رابطة ام درمان الكبرى بجدة !
وايش رأيك يا ود الموج .. اخوك مش " خاطف لونين "
مودتى لك امدرمانية خالصة
يوسف " ابو صلعة "
|
Post: #111
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: nazar hussien
Date: 01-26-2011, 09:15 AM
Parent: #100
Quote: سجلوني معاكم
بيتنا برضو في الخرطوم 2 جنب حديقة القرشي
صلاح غريبة - البيتهم فى الخرطوم 2 [QOUTE]
والله تسجلو غريبة دا...انا الا اتسجل ليكم في القصر الجمهوري.
واعمل شخيت عديل كدي...كمان جابت ليها ناطق رسمي باسم
الاحياء الراقية...والرياض وحلوان...والمؤتمر الوطني
والابيض.
|
Post: #113
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-26-2011, 09:24 AM
Parent: #111
عفاف الصادق..........سلام
غايتو بروفايلك ده من ما اشوفو بلبش بى طوالى ....
الشافع ده يذكرنى طفولتى تصدقى
بالله فولة وانقسمت النص ...
سبحان الله يشبهنى انا زمان الخالق الناطق لى البسمه..
هسه دحين ناس طارق ومعاويه بكون فيهم واحد كان كده؟؟؟
قالو من الخرطوم قالو!!!!!!!
|
Post: #115
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-26-2011, 09:44 AM
Parent: #113
|
Post: #117
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-26-2011, 10:00 AM
Parent: #115
.. | Quote: الشهير بـ " ود الخولى " .. دى يبقى خالى اخو امى .. دى امدرمان ! |
يوسف ..........سلام
انت عارف الشارع ده من دكان تاج السر على الشيخ فى اول كررى وبعده استديو الوادى
وبعده برعى الترزى ولاحدى طاحونة الملح بيوت ناس جاد المولى والزقاق الوراه
الفيه عمك ابراهيم عبد الباسط وتمشى لى بيت ناس مبارك جاد المولى وعابدين جاد المولى
دى بيوت ليها عبق وتاريخ فى امدرمان..
انت عارف زمان نادى الاصلاح ده قبل ما يقطع الاشارة كان فى الزقاق القصاد بيت ناس ود الخولى
ده بعدين ياخى نحن لعبنا كوشتينه فى بيتكم ده فى السبعينات..تقولى بتعرف ود الخولى؟؟
لا انت اصلى مافى كلام..طيب ماتطرد لى اولاد الاشلاقات ديل خلونا نعرف نتونس،،،
|
Post: #116
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: عفاف الصادق بابكر
Date: 01-26-2011, 09:59 AM
Parent: #113
Quote: الشافع ده يذكرنى طفولتى تصدقى
بالله فولة وانقسمت النص ...
|
ود الموج .. معناها أنا بشبه أمك .....
Quote:
هسه دحين ناس طارق ومعاويه بكون فيهم واحد كان كده؟؟؟
قالو من الخرطوم قالو!!!!!!! |
يا ود الموج ناس طارق جبريل ديل زمااان قالوا كان فى خور بفصل بين الديم والامتداد
أسمه خور الكليه (جامعة السودان حاليا) وقالوا لمن الخريف يجي والمطر يملا الخور ...
ناس طارق جبريل وشلته كانو بتعلموا فيهو السباحة .. اها خلى يجي ينكر ..
|
Post: #118
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: GamarBoBa
Date: 01-26-2011, 11:05 AM
Parent: #116
بوست عنصري وجهوي ويدل علي فكر أبارتيدي منظم..نشجب وندين
صديق الموج انت وكت ما عندك بيت في التلاتة حتات دي وقاعد توصف للناس بيوتهم قطع شك انت كنت بتاع لبن أو بتلم قزاز الشري الراجع؟
طارق جبريل أصلو ما تفك البوست ده...بس زح في موضوع شفتنتكم كأولاد امتداد زح من ناذر الخليفة ده..ده بعوقك
وبعدين يا جنابو نمرة 2 شنو هسة كمان...ديل كلهم اجروا بيوتهم ومشوا تكلوا في لندن..نمرة 2 هسة بقت للطبقة المارقة من صلب بزنس الانقاذ...وبعدين شايف عملوا زلطات داخلية كتيرة ..سألنا قالوا زهجوا السكان وعملوا شير وسفلتوا...دفعوك كم يا جنابو؟
|
Post: #119
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: Mahassin Ibrahim
Date: 01-26-2011, 11:16 AM
Parent: #116
طارق جبريل
حصل شوف كمان عفاف بتدلي بشهادتها للتاريخ :
ناس طارق جبريل وشلته كانو بتعلموا فيهو السباحة .. اها خلى يجي ينكر!!!!!!!
شلتك كمان؟
يارب ديل منو؟
|
Post: #120
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ود الباوقة
Date: 01-26-2011, 11:31 AM
Parent: #119
صديق الموج ورهطه
انا شخصيا لا اعترف بكم جميعا من ابناء الخرطوم
غير ابناء المرحوم نخلة عبد المسيح
وكونتومخلص واولاده
كلكم نازحين
ههههههههههه
ود الباوقة
حاليا حي الدوحة
الخرطوم
|
Post: #121
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-26-2011, 11:33 AM
Parent: #119
Quote: يا ود الموج ناس طارق جبريل ديل زمااان قالوا كان فى خور بفصل بين الديم والامتداد
أسمه خور الكليه (جامعة السودان حاليا) وقالوا لمن الخريف يجي والمطر يملا الخور ...
ناس طارق جبريل وشلته كانو بتعلموا فيهو السباحة .. اها خلى يجي ينكر .. |
عفاف ياااااااااااااى
مساكين ياخى primative society
يعنى ناس طارق ديل منذ خشونة اظافرهم شماشه..
طبعا مافى نعومه تذكر،،،
|
Post: #122
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: عفاف الصادق بابكر
Date: 01-26-2011, 11:43 AM
Parent: #119
Quote: شلتك كمان؟
يارب ديل منو؟ |
محاسن ... أنتى مش صحبتى .. !!!
ما تحرشي علي ود اهلي ده بالله ..
|
Post: #123
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ابراهيم الرشيد عبدالرحمن وراق
Date: 01-26-2011, 12:04 PM
Parent: #122
سلام يا عمر
يعنى نحن ناس امبدة ديل تطير عيشتنادايما مهمشين
حتى من ناس امدرمان!!! الله غالب
والله لو مسكنا الحكومة دى الا نبقيكم كلكم هامش
وننقل سنتر الخرطوم زاتو
تحياتى
|
Post: #124
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: عمر الفاروق
Date: 01-26-2011, 12:22 PM
Parent: #123
أااال إيه أااال بابا أااااال..
حد يصحي شمايل النووور ياااخ..
عندنا صاحبنا من اولاد الخرطوم عينة ناس دينا خالد ديل لعاااب في الكورة قاموا جماعة من حلال شندي ديك قالوا ليهو تجي تلعب معانا هناك عشان عندنا مباراة نهائية ..
أها فريقو جاهو فاول جمب خط 18 الحيطة إترصت وهو عايز يشوت قام جاهو واحد من زملانو قال ليهو دقيقة دقيقة ..إنت أعمل فيها زي التكينك عايز تشوتا وبعدين لزها لي جاي الننبولا...
صاحبي طوااالي رفع يدو للكوتش وطلب التغيير ..
تقول لي باباااااااااا!!!!!!!!!
تخريمة :
ناذر يا شفت ..عجبتني طريقة تفكيرك ..
|
Post: #125
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-26-2011, 01:01 PM
Parent: #124
أي بت شديدة بتحب ليها طُلبة (صبي بناي)
يا ود محمد يوسف كدي ادخل هنا
رصاص شنو البتقدروا عليه انتو يا حناكيش
خلونا ساكتين احسن
يا بت الصادق الفيك اتعرفت
لا يبقى شاربالك بقنيي
محاسن ابراهيم ما تهتمي لي كلام الحناكيش ديل
دي جعجعة ساااااااااااااكت
ياخي اولاد العمارات لمن يكونوا دايرين يلعبوا كورة مع ناس الديم
ناس الديم بيرسلوا ليهم البنات
|
Post: #127
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: عفاف الصادق بابكر
Date: 01-26-2011, 01:16 PM
Parent: #125
Quote: بت الصادق الفيك اتعرفت
لا يبقى شاربالك بقنيي
|
هههه ههه ههههه الله يجازيك يا قريبي ..
وقال ليك كمان بااااردة وفيها مكعبات تلج عااائمة فى نصها ...
|
Post: #128
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: عمار عبدالله عبدالرحمن
Date: 01-26-2011, 01:24 PM
Parent: #125
Quote: اولاد سكه حديد : بالرغم من انهم زى المسيرية - رُحل - مع منطقة ابيى .. تقبل عضويتهم .. كان عندهم معانا فى الرابطة فريق اسمه النجم الاحمر
|
الكلام الزي ده بدخلنا الغابة مع طارق جبريل
في رابطة الخرطوم جنوب (ميدان عبدالمنعم , ميدان الجيل) النجم الاحمر
في رابطة الخرطوم غرب (فريق العاصفة)
ولا اقوليكم اسالو عصابة الكضمي ,,,
|
Post: #126
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-26-2011, 01:15 PM
Parent: #124
| Quote: وبعدين لزها لي جاي الننبولا... |
تصدقو يا شباب قريتها التبوله؟؟
معليش انا ماشى اشرب حليبى والبس البجامه واولع الاباجورة وانام
جابت ليها اولاد اقاليم عديل!!!!!!!
|
Post: #129
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-26-2011, 01:24 PM
Parent: #126
Quote: ياخي اولاد العمارات لمن يكونوا دايرين يلعبوا كورة مع ناس الديم
ناس الديم بيرسلوا ليهم البنات |
انا الكورة ما بعرفا لكن شوف عينى اولاد العمارات لما يحضروا
حفله فى الديم بنات الديم بقدومهن لى البيوت،،،
|
Post: #130
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-26-2011, 01:26 PM
Parent: #126
Quote: يا بت الصادق الفيك اتعرفت
لا يبقى شاربالك بقنيي |
بت الصادق زولة طيبة جابت سيرة خور شارع 61
انت يابت الصادق ماسمعت بي (خور جانقي) .........
وده بفصل بين الصحافة والامتداد ......
اهااااا ياطارق جبريل انكر ده كمااااااان
خور جانقي ده ياعفاف بعد المغرب بي كومر بوليس ماتقطعوا ...
|
Post: #131
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-26-2011, 01:26 PM
Parent: #126
Quote: هههه ههه ههههه الله يجازيك يا قريبي ..
وقال ليك كمان بااااردة وفيها مكعبات تلج عااائمة فى نصها ...
|
الشي ابو تلج دة ماهو بقنييي
الله يسترنا
والله يسترنا من ناس حلاوة لكوم ديل
|
Post: #132
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: عفاف الصادق بابكر
Date: 01-26-2011, 01:33 PM
Parent: #131
Quote: الشي ابو تلج دة ماهو بقنييي
الله يسترنا |
يا طارق يا قريبي خليك مواكب الشغله فى تطور ... ههههههه
| Quote: والله يسترنا من ناس حلاوة لكوم ديل |
يا ود جبريل حلاوه لكوم شنو ياخ .. قول (كيندر سبرايس)
والله يا طارق عماد عبدالله بحكي عن حلاوه لكوم وبسكويت كوكو فى الفيس بوك ..موباااالغه ..
|
Post: #133
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: Mariam Osman
Date: 01-26-2011, 02:04 PM
Parent: #132
Uztaz Omer,
The original Amaraat populace are those who occupied their own properties from the 60s when the land was sold in auctions by the government.
I, as an Amaraat resident would not consider those who moved after the 80s, ie 89.
Those of us who enjoyed the peace and tranquillity of the area, walking to schools, spending time in St. 15 hairdressers, going to parties and fashion shows, swimming in the Arabic Club, spending new years at the Italian, Greek or Syrian clubs. Where all the residents are known to each other, bless and protect the youth of the area.
I will contribute again to your post, with a whole memoire about Alamaraat.
Stay well.
|
Post: #141
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-26-2011, 05:34 PM
Parent: #133
| Quote: swimming in the Arabic Club, spending new years at the Italian, Greek or Syrian clubs. |
هلا بناس الخرطوم الزماااااااااان
النادي العربي او المصري سابقاً اصبح اسمه النادي الوطني وهو نادي جهاز الامن الوطني على نهج نادي الجيش ونادي الشرطة ....
النادي الايطالي والنادي الكاثوليكي اصبحوا المركز العام لحزب المؤتمر الوطني ....
النادي الارمني راح في الرجلين بين مقر الاتحاد العام للكرة ونادي النفط (تبع وزارة الطاقة) ......
السوري لايزال موجود ........
كثيرون لايعلمون ان منطقة نادي الضباط (قوات الشعب المسلحة) كان منطقة خالية توجد بها فقط محطة وقود
كنا بننفخ لساتك العجلات والكور فيها .............
نادي الخليج الكان فيها سينما كل يوم ثلاثاء او الخميس مابتذكر بقي اسمو النادي الدبلوماسي ....
احسن بتاع شية في السودان كان في نادي الخليج اسمو ابودقن بعد طوالي بتاع الشية في نادي
سودانير وده كان جنب مستشفي ابن خلدون الحالي اول صينية نجيلة وانت جاي من الخرطوم
نادي الصيادلة كان في الكيرف الواقع جنب بيوت ناس مالك وناس النفيدي ........
|
Post: #134
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-26-2011, 02:21 PM
Parent: #132
| Quote: والله يا طارق عماد عبدالله بحكي عن حلاوه لكوم وبسكويت كوكو فى الفيس بوك ..موباااالغه .. |
عفاف لا كده بتظلمى طارق عماد داك بئية خالص
|
Post: #135
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: دينا خالد
Date: 01-26-2011, 03:02 PM
Parent: #124
ناذر خليفة
ذى ما قال ليك (الفاروق ) عجبتنى طريقة تفكيرك ,,
(الاستاذة) دى ساكنة فى الديم فى الديييم ان عجبها
بس لسانها طويل وممكن تقنعكم بى عكس كدا ,,
هسه يا عمر الفاروق الناس القالو ساكنين
ديل كللللهم ما عجبتك الا دينا خالد ؟
فى ذمتك ما مشيت سافنا مننا برجولك ؟ لوووووب
اطالب بفصل بوست اخر يا عمر عثمان
لبورداب الخرطوم واحد واتنيين فقط ..
حتى لا يختلط الحابل بالنابل
والصير بالقعوى ..
ــــــــــــــــــ
الصامت الرسمى حتى يحدث الانفصال ..
|
Post: #137
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ناذر محمد الخليفة
Date: 01-26-2011, 04:50 PM
Parent: #135
ود الموج والله بالغت مع الخالات ههههههههههه
|
Post: #138
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ناذر محمد الخليفة
Date: 01-26-2011, 04:55 PM
Parent: #135
عمر الفاروق ..
شكرا لأعجابك بس أنا ما قصدت كدي ههههه
دينا خالد ..
أنا البيوت البتقع غرب مقابر فاروق وشمالو كلها بعتبرا تتبع للخرطوم إتنين أو تلاتة ..
ما عارف لييه لكن من زمان عندي الأحساس دا ..
|
Post: #139
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: Abdelmuhsin Said
Date: 01-26-2011, 05:20 PM
Parent: #138
أنا البيوت البتقع غرب مقابر فاروق وشمالو كلها بعتبرا تتبع للخرطوم إتنين أو تلاتة ..
لكن يافردة لقيتك تفتيحه للطيش ...
|
Post: #142
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-26-2011, 05:41 PM
Parent: #139
| Quote: لكن يافردة لقيتك تفتيحه للطيش ... |
عشان كده قلنا نسوق معاهو ..........
|
Post: #140
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-26-2011, 05:23 PM
Parent: #138
Quote: أنا البيوت البتقع غرب مقابر فاروق وشمالو كلها بعتبرا تتبع للخرطوم إتنين أو تلاتة ..
ما عارف لييه لكن من زمان عندي الأحساس دا .. |
حائرة هذه المنطقة بين الخرطوم 2 أو الخرطوم جنوب (جنوب قديييم)
ما جنوب الخرطوم الحالي .......... لكن اغلب الناس بتعاملوا معاها على
اساس انها الخرطوم 2 نفس الملامح والشبه ..............
|
Post: #143
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: معاوية عبيد الصائم
Date: 01-26-2011, 05:42 PM
Parent: #140
اها يا شباب نمرة 2 و3 دى بيت منو فى الاهل
توجد جايزة خروف( صينى)
|
Post: #144
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: معاوية عبيد الصائم
Date: 01-26-2011, 05:42 PM
Parent: #140
اها يا شباب نمرة 2 و3 دى بيت منو فى الاهل
توجد جايزة خروف( صينى)
|
Post: #145
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: معاوية عبيد الصائم
Date: 01-26-2011, 05:49 PM
Parent: #144
الخروف الصينى ؟؟؟؟؟؟؟؟الجائزة مقدم من جنابو عمر
لاياكل
لايشرب
لا ينام
جلد بسوستة
توجد به كمونية جاهزة
والمفاجاة كبدتو مطعمة
اعرف صاحب البيت واتصل بجنابو وجنابو يصل
|
Post: #146
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-26-2011, 05:57 PM
Parent: #144
Quote: اها يا شباب نمرة 2 و3 دى بيت منو فى الاهل
|
معاوية عبيد ياطابور ازييييك
ده مجمع بيوت بشير النفيدي له الرحمة واولاده في سوبا ........
طبعا هم كانوا ساكنين في نمرة 2 لكن النصيحة لي الله نمرة 2
بقت كلها مطاعم وشركات ومحلات تجارية وزحمة مبالغ فيها
ليهم حق يرحلوا ............
تعرف يامعاوية زماااااان من شدة نمرة 2 دي مافاضية كان في بص
ابورجيلة شغال بين مطار الخرطوم والصينية الفيها حديقة اوزون اسه
اها البص عندوا تعليمات يتحرك بين المحطتين ديل على مدار الساعة
يمين غير اخوك ومعاهو كم نفر كده زول بركب البص ده مافي .........
شارع بيتنا (شارع 67) هو خط مسار البص اها ايام الاجازة ولمن
يكون مافي موضوع بتاع البص لمن يجي قدام بيتنا بلقانا قاعدين
يهدن كده ننط فيهو نصل معاهو المطار ونجي راجعين ننط قدام البيت ...
|
Post: #147
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: معاوية عبيد الصائم
Date: 01-26-2011, 06:15 PM
Parent: #146
Quote:
تعرف يامعاوية زماااااان من شدة نمرة 2 دي مافاضية كان في بص
ابورجيلة شغال بين مطار الخرطوم والصينية الفيها حديقة اوزون اسه
|
اوزون دى غربها بيت ناس مامون الكندى
جنابو اوع تقول لى قريت فى حى عبد المنعم الابتدائية
|
Post: #150
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-26-2011, 06:42 PM
Parent: #147
Quote: اوزون دى غربه بيت ناس مامون الكندى
جنابو اوع تقول لى قريت فى حى عبد المنعم الابتدائية |
ناس كندي غربها ........
انا قريت في الاتحاد الابتدائية .............
لكن ديل اولاد حلتنا مامون واخوه عبدالباسط ... واخوهم المرحوم خالد
خالد ده مات بين يدينا ونحن بنلعب كورة كنا صغار وقع وجرينا بيهو
المستشفي برانا وقفنا تاكسي لمن وصلنا المستشفي كان فارق الحياة له الرحمة
|
Post: #149
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: عمر الفاروق
Date: 01-26-2011, 06:24 PM
Parent: #146
ايواااا يا ود الموج صحي مش انت قبل كده فلقوك بي قطنة في جبهتك فخيطوها ليك تلاتة فتل؟؟؟
ياخ ارخينا منك قال حنكوش قال .. يا ود الموج ياخ انت النوع اللي لو سألوهو بتأكل شنو؟؟ تقول ليهم أااييي شي بس أختوا الشبشب والجمكسين ..:)
تخريمة :
الخرطوم عبارة عن مطعم كبيير
|
Post: #148
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: احمد خليل
Date: 01-26-2011, 06:21 PM
Parent: #140
تحياتى
على ناصية (كوريا) كان دكان العم حسن حسين منصة من صناديق الكيتى كولا تتامل اعينى الصغيرة من عليها الفلاة الممتده والى مدرج مطار الخرطوم المكان الوحيد الذى يشع نورا باهرا قبل ان يختم (العم,,,) حمولة حماره مما فاض به الارض من حشائش برية ...هذا المكان احتشد فيه عمال وبغال يزرعون غابة من الأسمنت اطلقوا عليها العمارات وكانت (اكستنشن ون) باللغة الدارجه!!!!
اثنان لاثالث لهما ينامان بامان يتوسدان ساقط الحشائش ويلتحفان السماء المرصعة بالنجوم الأعمام (قطر ) وطلقه !!! لايزعجهما سوى موسيقى البوليس او السجون حيث يعربد (شيتا) منفردا بعد انتهاء يوم عتالته للبسى كولا من سيارة نجرى خلفها لنحظى ببعض القنانى بعد انتهاء (سوكر) البلى فريد !!!!
تلك الفلاة المنبسطة تمطى من خلفها قطار المساء فى مشواره الى محطة سوبا حيث المهام الغير مرئية ولكن الخور الذى انبثق يجرى (خريفا) حمل الينا تمساحا اصابه جندى نذق تم تحنيطه فورا نيشانا على جبين نقطة السجانه حيث الاشلاق الحنين وصوت الخالدى الأحن من القمارى التى سكنت غابة السنط وكل المساجد حتى ذلك المبنى القديم وسط غابة النيم واطلق عليه مسجد انصار السنه!!!
تلال من الذكريات جلست عليها (منينه) وقدرية !!واببا وتلك سعاد بتاعة الطعمية وعلى السيد بتاع العتود المشوى فقط بعشرة قروش!!!
ونبقى نحن صناع ثورة (حلفا) واكتوبر والأنتفاضة تبدأ من هنا دائما!!!!!!
kofi
|
Post: #151
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: معاوية عبيد الصائم
Date: 01-26-2011, 07:20 PM
Parent: #148
للتكرار
|
Post: #152
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: manal eltahir
Date: 01-26-2011, 08:01 PM
Parent: #151
أنا ساكنه بس كم شارع من البيت الابيض ...ولو ما مصدقين اسألوا جاري أوباما وفي السودان شارع 37 العمارات. ....بتدوني عضويه يا جنابو؟
|
Post: #159
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-27-2011, 09:16 AM
Parent: #152
| Quote: أنا ساكنه بس كم شارع من البيت الابيض ...ولو ما مصدقين اسألوا جاري أوباما وفي السودان شارع 37 العمارات. ....بتدوني عضويه يا جنابو؟ |
عضوية شنو الهينة دي يا منال انت طوالي مكلفة بملف
التؤامة بين وشنطون ونمرة 2 لتبادل الخبرات وبحث
المصالح والهموم المشتركة بين الاحيا الراقية عبر العالم ..........
|
Post: #153
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: معاوية عبيد الصائم
Date: 01-26-2011, 08:03 PM
Parent: #148
Quote: انا قريت في الاتحاد الابتدائية .............
|
انا قريت فى حى عبد المنعم الابتدائية ...
واتذكر فى الدورة المدرسية فى نادى الاسرة
ادينا ناس الاتحاد :5 : -صفر
احرز الاهداف
1 -هود بشير , 1 - المرحوم فارس مله .1- احمد خوجلي ابو الجاز .
2 -عامر افتوس.
بناء على تلك المعلومات السليمة
على المدعو طارق جبريل ساكن كوشة الجبل مغادرة البوست نهائى ...
|
Post: #154
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: Abdelmuhsin Said
Date: 01-26-2011, 08:37 PM
Parent: #153
Quote:
بناء على تلك المعلومات السليمة
على المدعو طارق جبريل ساكن كوشة الجبل مغادرة البوست نهائى
|
انا من راي ناس طارق جبريل ديل يقعدو يتفرجو ساكت فى البوست دا العجب القال من الكلاكله داك ... ( قادرالله ) ..
أنا مريت على البوست دا كذا مره وقلتا ما استعجل امكن ود جبريل دا كان بجى يشتري سندوتشات من عم نجيب بتاع المش ومشيت ابعد من كده واتخيلته بتاع الكلاكله دا كان بيجى يتعالج عند لويس عبدو او أسو الفروض امكن كان بجى يرابط عند مدرسة الام ودا كلو عرفنا الحاجه الوحيده الما راكبه راسى قعاد ود الموج فى البوست دا loooool ....
السلام لتلك الاماكن، خصوصا
البصيلية والنقادة و حديقة القرشي و نادي الاسرة ودكان سعديه وفندق الزهرة والوطنية جنوب
ولويس عبدو ومدرسة الزهور وسوق تلاتة ودكاكينها + عمك كبروس واولاده و مقابر فاروق و زاوية البرهانية
و شارع كترينا وحلة القيامه + دكان ( مخاريس ) وفلفله ..
وننتظر أن يطل الاخ قلقو ... وسلام كثير لوضاحه
|
Post: #155
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: مريم عزالدين صديق
Date: 01-26-2011, 10:05 PM
Parent: #154
ناس الرياض معاكم ..........
|
Post: #156
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-27-2011, 01:42 AM
Parent: #155
| Quote: ناس الرياض معاكم .......... |
مريم عزالدين .........سلام
نحن اى زول ساكن بعد الفيش والكلاب البوليسيه ماتبع الخرطوم....
شوفى ناس رفاعه يا بت القبائل
لووووووووووووووووووووول....
رائك شنو يا جنابو؟؟؟عشان نتوسط ليك لى سارة كرودى دى ننقلها ليك من فريق
ريد للخرطوم..
قال سارة كرودى من بنات الخرطوم وداك قال من الامتداد قال..
قومو لفو !!!!!
غلطانين نحن البنعرس بناتنا ساكت ونهملن فى الخرطوم...
وش امدرمانى قح،،،
|
Post: #157
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: هواري نمر
Date: 01-27-2011, 08:35 AM
Parent: #156
Quote:
يا جنابو ســــــلام
يا ناس الخرطوم كيفنكم؟
عندي صحبي غايتو بقول لكيم الزول الما من (الترس , الحرس , الشاطئ أو القطاطي)
معناها ما من الخرطــــــوم.
اها كلامو أي زول جنوب السكة حديد ما معانا...!!
رأئك في الكلام ده شنو؟؟
صحبي ده (حبوبة حبوتو) مولودة في مكان (الهلال الآحمر ) الهسي ده.
بالمناسبة استاذ\ سيف كامل يشهد . |
يا جنابو
ياخ ما (تهمشني ساي) هسي اقوم أعمل لي حركة مسلحة...هههههه
عشان أنا ما من الخرطوم يعني ولا شنو؟؟
لوووووووووووووو
كدي رايكم في كلام صحبي الفوق ده شنو؟
وبعدين قال ليكم ياتو خرطوم البتتكلمو عنها, غايتو الخرطوم البعرفها قال, حدها السكة حديد والباقي ده جديد
|
Post: #158
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: nazar hussien
Date: 01-27-2011, 09:05 AM
Parent: #157
Quote: Uztaz Omer,
The original Amaraat populace are those who occupied their own properties from the 60s when the land was sold in auctions by the government. I, as an Amaraat resident would not consider those who moved after the 80s, ie 89.
Those of us who enjoyed the peace and tranquillity of the area, walking to schools, spending time in St. 15 hairdressers, going to parties and fashion shows, swimming in the Arabic Club, spending new years at the Italian, Greek or Syrian clubs. Where all the residents are known to each other, bless and protect the youth of the area.
I will contribute again to your post, with a whole memoire about Alamaraat.
Stay well.
|
اي زول ما مالك بيتو من الستينات....يرفع ايدو من البوست دا...
اي زول رحل في التمانينات...يرجع سجانتو (بلاش كلام فارغ)
عايزين تهمشونا حنك.
|
Post: #160
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: nazar hussien
Date: 01-27-2011, 09:22 AM
Parent: #158
كدي نحاول مع مريم دي كان تدينا قرين كارد...
يا مريم بتتذكري مكتبة
Sunday
العمارات...بسوق 41
|
Post: #162
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-27-2011, 10:14 AM
Parent: #157
Quote: يا جنابو
ياخ ما (تهمشني ساي) هسي اقوم أعمل لي حركة مسلحة...هههههه
عشان أنا ما من الخرطوم يعني ولا شنو؟؟
لوووووووووووووو |
هههههههههههههههههههههههههههه .....
غايتو اذا مسمنك على (هواري بومدين) الرئيس الجزائري الاسبق
بنلقي ليك فرقة لانو السفارة الجزائرية في الخرطوم كانت في نمرة 2
تحدياً في رأس شارعنا قبل ما يرحلوا الرياض .................
اهاااااا الكرة في ملعبك ........................
|
Post: #161
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-27-2011, 09:56 AM
Parent: #156
Quote: رائك شنو يا جنابو؟؟؟عشان نتوسط ليك لى سارة كرودى دى ننقلها ليك من فريق
ريد للخرطوم.. |
ياسلام على فريق ريد وزبادي ناس كافي العجيب داك .....
خلاص بالله ياموج تم الشغل ده ينوبك ثواب .....
|
Post: #163
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: هواري نمر
Date: 01-27-2011, 10:31 AM
Parent: #161
| Quote: غايتو اذا مسمنك على (هواري بومدين) الرئيس الجزائري الاسبق |
يعني إلاّنستعين بي قوات صديقة
__
لكن بالجد يا عمر , صديقي القال لي الكلام الفوق ده
والدته عايشة معاه هنا و هي فوق 80 ربنا يديها الصحة والعافية و بتتكلم عن الخرطوم القديمة
ما قبل السكة الحدية وإنت طالع حتي النيل
وهي مولودة وحبوبتها مولودة في الخرطوم , وحسب كلامها جنب مكان الهلال الاحمر الحالي و تقريبا والدها أو جدها
كان من ظباط الحرس الجمهوري..
المهم هي بتتكلم عن بيوت و اسر قديمة جداً و عن الدكاكين الموجودة والاسماء و الله كأنو خيال
عن (خرطوم الآفندية) الزمـــــــــــان
ح أحاول أنقل ليها الكلام الهنا , بحاول اخليها تحكي ليّ وأنا أجي انقل ذكرياتها و توثيقها
واستاذ\سيف كامل
سالته وطلع بعرفهم حق المعرفة.
|
Post: #164
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-27-2011, 10:38 AM
Parent: #163
عندنا بلدياتي كان كمساري في بص البعيو داك
لمن تجي محطة النجيلة كان بيكورك : السِعدي السِعدي السِعدي
عشان تعرفوا انكم سِعدي ساااااااااااكت
|
Post: #165
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-27-2011, 10:43 AM
Parent: #163
Quote: كدي نحاول مع مريم دي كان تدينا قرين كارد...
يا مريم بتتذكري مكتبة
Sunday
العمارات...بسوق 41 |
اها يا مريم شفتى صاحب المكتبه ده قريب نزار ده شديد خلاس..
يعنى ود خال ابو ايمان ودخالة ام سيد المكتبه ده ببقى لى حبوبة
جد اخلاق ابو صليب نزار ده عمو ودخالة ابو الجاب حبوبتو تصدقى..
قوم لف شوف حجر الطير بتاعتك ديك قال الرياض قال..
عمر يا اخوى قفل دفاترك دى وناولها لى لدن جعفر وخليها
تكتب عليهم خالص مع الشكر وجيب ليك كراس جرورة وسجل لى ناس نهر
النيل ديل معاوية الصايم ونزار حسين ومن شايعهم من اولاد القطاطى
بلا خرطوم بلا لمة معاكم،،،،
|
Post: #166
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: nazar hussien
Date: 01-27-2011, 10:50 AM
Parent: #165
Quote: اها يا مريم شفتى صاحب المكتبه ده قريب نزار ده شديد خلاس..
يعنى ود خال ابو ايمان ودخالة ام سيد المكتبه ده ببقى لى حبوبة
جد اخلاق ابو صليب نزار ده عمو ودخالة ابو الجاب حبوبتو تصدقى..
قوم لف شوف حجر الطير بتاعتك ديك قال الرياض قال..
عمر يا اخوى قفل دفاترك دى وناولها لى لدن جعفر وخليها
تكتب عليهم خالص مع الشكر وجيب ليك كراس جرورة وسجل لى ناس نهر
النيل ديل معاوية الصايم ونزار حسين ومن شايعهم من اولاد القطاطى
بلا خرطوم بلا لمة معاكم،،،، |
ههههههههههههههههههههههههههههههههههههههههه دي بي مليون كرت.
هي اريتا كان حجر الطير...والله اكتبا لي مريم
تقراها عل يمسكا فاق. (هي يمسكا فاق زاتا اتلقي ما بتعرفه)
هسي يتفاهموا معاكم بي عربي وين بعد دا؟
|
Post: #167
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: SILVER MOON
Date: 01-27-2011, 10:53 AM
Parent: #165
لك كل التحايا والود وأنت تزين المنبر بالحديث عن مدينة الخرطوم 2
فيها نثرت لحظات عمرى وسكبت كثير رحيق ايامى
ولكنى أراك مازلت سائحاً فى الاطراف من ناحية الغرب والجنوب
ونحن فى الانتظار حتى وصول مراكبك الينا فى وسطها وشمالها لنساهم بالحديث معك
من بداياتنا فى روضة دار الحنان حتى الوصول الى بار ريمونا
|
Post: #168
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-27-2011, 11:16 AM
Parent: #167
Quote: عندنا بلدياتي كان كمساري في بص البعيو داك
لمن تجي محطة النجيلة كان بيكورك : السِعدي السِعدي السِعدي |
عان ناس السعدى ديل ويقول ليك من الخرطوم
وحات الله شبا حقتك دى الا تقع فيها طيارة زى لوكربى حتى تنعرف..
قوم اعمل اى حاجه فى اى حته،،،
|
Post: #169
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: أيمن الطيب
Date: 01-27-2011, 11:17 AM
Parent: #167
سلامات يا شباب,,Quote: عندنا بلدياتي كان كمساري في بص البعيو داك
لمن تجي محطة النجيلة كان بيكورك : السِعدي السِعدي السِعدي
عشان تعرفوا انكم ِعدي ساااااااااااكت |
يا طارق جبريل براحة على أولاد ماما ديل,,,
أو شوف ليك مترجم لى ناس Silver Moon و Ice Farm و Khartoum Tutorial Collage ديل عشان الناس ديل ما بفكو الرندوك بتاعكم دا!!!
بعدين أنا يومداك ما كلمتك!!
للمدينة عدة أوجه يا رجل 
أها ياشباب,, برى وما جاورها معاكم ولا نلخبتا ليكم الشغلة دى!!!
*يا عمر عثمان بالمناسبة دى ما عندك غنية (الرمبزا) الشهيرة حتى يكتمل البوست!!!شايف عندك غنا قديم
|
Post: #170
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-27-2011, 11:26 AM
Parent: #169
Quote: عان ناس السعدى ديل ويقول ليك من الخرطوم
وحات الله شبا حقتك دى الا تقع فيها طيارة زى لوكربى حتى تنعرف..
قوم اعمل اى حاجه فى اى حته،،،
|
يا عربي الضهاري انت شبا دي الاصل
لكن عيب لي الامتداد منبع الحضارة
Quote: أو شوف ليك مترجم لى ناس Silver Moon و Ice Farm و Khartoum Tutorial Collage ديل عشان الناس ديل ما بفكو الرندوك بتاعكم دا!!!
|
ود الطيب كيفنك ابوي
يا اخوي حتى اسامي المحلات عندهم زي اسامي الادوية
ودي كانت كرهتي في الكلية اسامي الادوية دي
|
Post: #173
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-27-2011, 12:03 PM
Parent: #169
| Quote: *يا عمر عثمان بالمناسبة دى ما عندك غنية (الرمبزا) الشهيرة حتى يكتمل البوست!!!شايف عندك غنا قديم |
هو فضل فيها غناء يا ايمن حليل زمن الاعراس تلاتة فنانين ....
واحد شعبي وواحد حديث وبعدين فرقة جاز او ديسكو للصباح ....
وحليل زمن حفلات رأس السنة للصباح تلقي اعلانات الجرائد
تتطاقش .............. رأس السنة اسه البوليس المرتكز في نفطة
العمارات اكتر من الناس الفي الحفلات ............ زمن تلقي عمك
عسكري واحد شايل ليهو سوط ينظم ليك شارع النوادي كلها ....
|
Post: #171
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-27-2011, 11:41 AM
Parent: #167
SILVER MOON وين ياجارنا العزيز
اها ياصديق الموج اسياد البلد وصلوا ديل ناس قلب نمرة 2
وحليل نمرة 2 ياصديق وحليل سلفر موون من محل ايسكريم
بقي محل قراصة وشيشة (فتأمل) .............
وحليل روضة دار الحنان ..... اتقفلت وينعق فيها البوم اسه خسارة والله ........
السنة فيها بي (5 جنيه) فيها ترحيل + فطور + كباية لبن ........
طبعا بار ريمون مابنقدر نقول حليلو يلم فينا قدوقدو ولا حاجة ..............
لكن حليل بقالة الجمهورية كانت فيها (المزة) اكياس صغيرة صغيرة
فيها المخلل والمش والطعمية ...............
وعندهم شواية الفراخ (يعني الجداد ياطارق جبريل) ........
الزمن داك اكياس بلاستيك وتلوث مافي يدوك الفرخة في
كيس ورق (زي ورق الجلاد بتاع الكراسات زماان) تلقي بعد
شوية الزيت نز من كيس الورق كده ........ اييييييييييييه ايام
|
Post: #172
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-27-2011, 11:59 AM
Parent: #171
Quote: اها ياصديق الموج اسياد البلد وصلوا ديل ناس قلب نمرة 2
وحليل نمرة 2 ياصديق وحليل سلفر موون من محل ايسكريم
بقي محل قراصة وشيشة (فتأمل) ............. |
جنابو تستاهلو القال ليكم دخلو ناس طارق جبريل عليكم شنو؟؟
والله الشاقيه ديل البتزا دى يقلبوها ليكم قراصه ويملحوها..
و تسكتوا ليهم كده، كان ما بكرة تسمع بى سبروق قوودى لومنى ،بدل الكاتشاب!!!
اسمع دس المداخله دى سارة لا تشوفا الشى باقى هى فيها
عرق ناس طارق المر ده،،،
|
Post: #174
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-27-2011, 12:08 PM
Parent: #172
Quote: عرق ناس طارق المر ده،،،
|
يا عربي الضهاري انت
انت قايل عمر دة من وين
عمر دة من جلاس يا حبيب
ما تشوف اللمعة دي
|
Post: #176
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-27-2011, 12:19 PM
Parent: #174
Quote: يا عربي الضهاري انت
انت قايل عمر دة من وين
عمر دة من جلاس يا حبيب
ما تشوف اللمعة دي |
بالله قريب كمال سابل والواثق عبد الرحمن
علا بكون جاء بدرى لووول..
ياخى اولاد العمارات لى هسه بخجلو لما يقرو نادى الباسا..
وطبعا الشاقيه بياكلو الالف ويبدو من اللام ويتمو الباقى
يطلعو الاسم بكينى...لوووول
معقول ياخى ياااااااااى،،،
اوصى بنقل تلك الاندية الى خلف عد حسين لان اسماءها قاعد تعمل
لى اولاد العمارات لوز بصراحه كده ،كرمكاكول، والكرفاب ،وهلمجرا،،،
|
Post: #177
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: omer osman
Date: 01-27-2011, 12:31 PM
Parent: #176
Quote: ياخى اولاد العمارات لى هسه بخجلو لما يقرو نادى الباسا..
وطبعا الشاقيه بياكلو الالف ويبدو من اللام ويتمو الباقى
يطلعو الاسم بكينى...لوووول |
هههههههههههههههههههههههههههههههههههههه ..................
عليك الله ياودالموج انت وطارق جبريل المسنوح ده ماتمرقوا من البوست ده ...
Quote: بالله قريب كمال سابل والواثق عبد الرحمن
علا بكون جاء بدرى لووول.. |
اكيد اهلنا وسامع بالاسماء دي بس ماشفتهم ..........
جدي الخليفة عبدالحليم صديق الله يرحمه زول مفتح من عمرو 19 سنة مرق من جلاس
استقر في الديم زمن الديم مكان حديقة القرشي الحالية دي ..........
ونادي جلاس ده اسسو ابوي (عثمان عبدالحليم) ومعه بعض شباب جلاس وقتها ...
ناس جلاس الفي الديم والسجانة اكتر من الفي جلاس ذاااااااته ..........
|
Post: #175
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: عفاف الصادق بابكر
Date: 01-27-2011, 12:13 PM
Parent: #172
Quote: والله الشاقيه ديل البتزا دى يقلبوها ليكم قراصه ويملحوها..
و تسكتوا ليهم كده، كان ما بكرة تسمع بى سبروق قوودى لومنى ،بدل الكاتشاب!!!
|
ههههههههههههههههه موباااااااااالغه هههههههههههههههههههههه...
|
Post: #178
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-27-2011, 12:32 PM
Parent: #175
يا ود الموج لا حولااااااااا
انت بتعرف كمال سابل من وين
ياخي دة بلدياتي عديييييييل وصديق طلحة جبريل
|
Post: #179
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: Mariam Osman
Date: 01-27-2011, 12:33 PM
Parent: #175
| Quote: كدي نحاول مع مريم دي كان تدينا قرين كارد... |
I am sorry my friend I don't live in the US , I live in Europe, Switzerland. They don't have green cards they have red passports. lol
|
Post: #180
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-27-2011, 12:36 PM
Parent: #179
صديق الموج ود الصلوعاب
|
Post: #181
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: Mariam Osman
Date: 01-27-2011, 12:38 PM
Parent: #179
Quote: هي اريتا كان حجر الطير...والله اكتبا لي مريم
تقراها عل يمسكا فاق. (هي يمسكا فاق زاتا اتلقي ما بتعرفه)
|
I did not understand - what do you mean by Fag?
|
Post: #182
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: طارق جبريل
Date: 01-27-2011, 12:42 PM
Parent: #181
Quote: I did not understand - what do you mean by Fag?
|
عاد نبقى في زي دة
اريتها حنكشة السواد
نان ان قالولك ام دلدوم تقبلي وين
|
Post: #183
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: صديق الموج
Date: 01-27-2011, 01:00 PM
Parent: #182
| Quote: I did not understand - what do you mean by Fag? |
Mariam fag is something between Azma & Cought
Loooooooooooooooooooooooooooools
|
Post: #184
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: nazar hussien
Date: 01-27-2011, 01:20 PM
Parent: #183
Quote: عاد نبقى في زي دة
اريتها حنكشة السواد
نان ان قالولك ام دلدوم تقبلي وين |
هههههههههههههههههههههههههههههههههههههههههههههههههههه
دي موباااااااااالغة يا طارق
ويا ود الموج...مالك عايز تودينا الكرنتينة
الفاق شنو؟؟؟؟
fag is something between Azma & Cought
Loooooooooooooooooooooooooooools
هي لوووووووووووووووووووووووووول نصاح
هههههههههههههههههههههههههههههههههههههه
|
Post: #185
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: Mariam Osman
Date: 01-27-2011, 04:02 PM
Parent: #184
Gentlemen, my Arabic is impeccable – If I don’t know certain words because they were never used in my milieu. I don’t have to use this vocabulary/lingo to confirm my identity as Sudanese. It just happens that I prefer to speak differently.
Sorry, I wish I had an Arabic keyboard but I don’t.
Cheers
|
Post: #186
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: Mariam Osman
Date: 01-27-2011, 04:02 PM
Parent: #184
Gentlemen, my Arabic is impeccable – If I don’t know certain words because they were never used in my milieu. I don’t have to use this vocabulary/lingo to confirm my identity as Sudanese. It just happens that I prefer to speak differently.
Sorry, I wish I had an Arabic keyboard but I don’t.
Cheers
|
Post: #187
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: nazar hussien
Date: 01-27-2011, 06:28 PM
Parent: #186
Quote: Gentlemen, my Arabic is impeccable – If I don’t know certain words because they were never used in my milieu. I don’t have to use this vocabulary/lingo to confirm my identity as Sudanese. It just happens that I prefer to speak differently.
Sorry, I wish I had an Arabic keyboard but I don’t.
|
البركة في لغتك الانجليزية الزي الرصاص دي يا مريم
العربي بتدوري بيه شنو؟
هسي امبيكابل دي الخواجات زاتهم ما بعرفوها
والعجب ميليو !!!
|
Post: #188
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: يوسف محمد يوسف
Date: 01-27-2011, 07:45 PM
Parent: #187
Quote: Gentlemen, my Arabic is impeccable – If I don’t know certain words because they were never used in my milieu. I don’t have to use this vocabulary/lingo to confirm my identity as Sudanese. It just happens that I prefer to speak differently.
Sorry, I wish I had an Arabic keyboard but I don’t.
Cheers |
معاوية عبيد الصائم .. و جاره .. طارق جبريل
شفتو جنس الطقطقة دى .. كلام يا .. " [unity high school .. sister school "
عاملين لسانكم الاغلف .. واحد شايقى و التانى دنقلاوى .. ولآ شنو ما عارف !!
انتو عشان لسنكم الاغلف دا .. لمن ادوكم ارض للسكن ختوكم قصاد عشش فلاتة !
الواحد يطلع من بيتم و يقول لاهله انا ماشى .. الكرتوم ..
لو سمحتوا فرتقو خلونا نشوف الجكس الراقى بتاعنا ..
ملمومين فى الجكسوية زى ضبان الخريف !!
|
Post: #189
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: ناذر محمد الخليفة
Date: 01-28-2011, 04:06 PM
Parent: #188
لا حوللاااااااااه !!
في حصر الأسماء نسيت جارتنا العزيزة عضو البورد سناء جعفر ..!!
برضو من ناس الخرطوم تلاتة القدام ..!!
|
Post: #190
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: دينا خالد
Date: 03-15-2011, 08:57 AM
Parent: #189
ودا الفرق بين ناس المركز والهامش دائما ...
بوستكم حتتل مافى اى زول بعتتل ..
ـــــــــــــــ
بعدين تعالوا هنا ما شايفاكم فى بوستات المظاهرات
الكلام دا عيب وبدينا من ادانه ..
|
Post: #191
Title: Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا
Author: أحمد ابن عوف
Date: 03-15-2011, 09:50 AM
Parent: #190
لا حولا
البوست دا فاتني كيف
يا جنابو ما تلكزنا ياخي
تحية لكل شباب وشابات الخرطوم سنتر و 1 و 2 و 3 والعمارات، طارق جبريل عارفو ما ح يفوت من البوست
دا كلو كلو هههه
هوي يا ناس الضهاري، ما تخلونا نصعب عليكم المسالة كمان وكمان، المعيار ممكن ننفخو لمن
تفهموا حاجة عشان تنتسب للجماعة ديل، يعني مثلا: القصة مرات ما لانك ساكن في الحتات دي
معناتا خلاص، نو، جدك وعمك وعماتك وحبوباتك وخيلانك وخلالاتك برضو ساكنين ويين
خد عندك واحد زيي مثلا:
4 بيوت في سنتر الخرطوم
1 بيت في نمرة واحد
7 بيوت في نمرة 2
زي تاشر بيت في نمرة 3
7 بيوت في العمارات
وانا بتلكم عن first degree relative
بنجيكم بي مهله
|
|
|