Post: #1 Title: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 03-06-2011, 10:17 AM Parent: #0
السبت 5-3-2011م
المباراة الأولي : المريخ x هلال الساحل
استاد بورتسودان
حول المريخ تأخره بهدف إلى فوز غالٍ من بورتسودان بعد تغلبه على مضيفه هلال بورتسودان 2/1 مساء أمس على ملعب الأخير في ختام لقاءات الجولة الأولى للدوري الممتاز ونجح المريخ في قلب الطاولة على هلال الساحل الذي تقدم بهدف مرتضي عبدالله في الدقيقة 27 الا أن المريخ عادل الكفة في الدقيقة 31 عن طريق محمد مقدم ونجح مصعب عمر في وضع الأحمر في المقدمة في الدقيقة 42 انتهاء عليها الشوط الأول فيما لم تشهد الحصة الثانية أي جديد وكان اللقاء قد شهد طرد طلال حبني لاعب هلال الساحل في الدقيقة 90 ووضع المريخ أول ثلاث نقاط في رصيده، فيما أنهى البحارة الجولة الأولى بلا رصيد.
المصدر : الصدي.
Post: #2 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 03-06-2011, 10:20 AM Parent: #1
كتب مزمل ابوالقاسم :
Quote: أول بيان.. من بورتسودان!
* على الرغم من أن وصف (الحفرة) أصبح لا ينطبق على ملعب بورتسودان بعد أن تم فرشه بالعشب الصناعي إلا أن اللقب بقي مرتبطاً بالملعب بسبب صعوبة تحقيق الفوز على فرق الساحل فيه!
* تأخر المريخ بهدف أمام البحارة ونجح في معادلة النتيجة بأول هدف للقادم الجديد محمد مقدم وأمن النتيجة بآخر جميل ناله المتألق مصعب عمر.
* وحسب متابعة الزملاء قدم المريخ مستوى جيداً في الحصة الأولى ومطلع الثانية، وسيطر على الملعب وصنع عدداً كبيراً من الفرص السهلة، لكن سوء الترجمة حرمه من زيادة الغلة!
* وفي الجزء الأخير من المباراة تراجع مردود اللاعبين، واكتفوا بالهدفين.
* الفوز في أول مباراة للدوري يفرح!
* وعندما يتحقق في بورتسودان يتضاعف حجم الفرحة!
* وعندما يتمكن الفريق من امتصاص ضربة الهدف المبكر ويحول تأخره إلى فوز تتحول الفرحة إلى سعادة!
* أول بيان.. من بورتسودان: النقاط في أمان.
* المريخ هيبة.. وبداية طيبة!
* والأحمر سحر.. تلال البحر الأحمر!
* وبعد طلعة التلال.. الزعيم يستعد لضرب الهلال!
* وإذا نجح في إلحاق الأب بالابن سيتصدر البطولة ويمسك بزمامها تماماً، وسيؤكد جديته في الحصول على لقبها، مطبقاً مقولة (الصبي من حومتو.. والبحر من قومتو)!
* وسيكون العنوان: مريخ الحضري والبدري.. حصد النقاط من بدري!
* الله يدينا الفي مردنا!
Quote: * أمس سجل لاعب هلال الساحل رمضان جكسا هدفاً لم تشهده ملاعب السودان منذ سنوات.
* قنبلة رهيبة، لم يشاهدها أفضل حارس في إفريقيا إلا بعد أن انفجرت داخل الشباك.
* والحضري معذور، لأن التسديدة المباغتة والنارية لا تصد ولا ترد!
* فوجئنا بالتعديلات الجذرية التي أجراها البدري على التشكيلة الرئيسية عندما استغنى عن كليتشي والدافي وسعيد وطارق مختار لمصلحة الدوليين.
* كما فوجئنا أكثر ببقاء كليتشي على الدكة حتى نهاية المباراة لمصلحة طمبل البعيد عن أجواء المباريات!
* عدم ظهور الأباتشي أمام البحارة يشير إلى عدم مشاركته أمام الهلال.
* الأباتشي مهم يا بدري، لأنه يعرف كل مسارب الشباك الزرقاء!
* على نجم الدين أن يتدارك نفسه ويستعيد مستواه العالي بسرعة.
* والتحية لمحمد مقدم الجاد، صاحب المجهود الوافر على أول أهدافه الرسمية مع المريخ.
* تألق مصعب لم يعد خبراً، بل صار ثابتاً في كل مباراة!
* حاج موت سوى الفوت.
* صنع هدف مقدم، وأحرز هدف الفوز.
* مصعب لاعب جاد، يحترم مهنته، ولا يتلاعب في لياقته، لذا كان من الطبيعي أن يتحول إلى رقم صعب في تشكيلتي المريخ والمنتخب.
* ومصعب في الوسط أخطر.
* يا سفاري الثقة في النفس مطلوبة، لكن الاستهتار مرفوض!
* سكواها حريف، وننتظر بصمته في أول قمة.
* غض حكم شندي كمال برو الطرف عن ركلتي جزاء للمريخ.
* وإذا قبلنا قراره في الحالة التي سبقت الهدف لأنه منح مقدم فرصة الاستفادة من مبدأ إتاحة الفرصة عقب تعرض مصعب للعرقلة فما هي مبرراته لغض الطرف عن لمسة يد أوضح من الشمس؟
* خبر عاجل: ولدك كان حلقوا ليهو!
Post: #4 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: Amira Elsheikh Date: 03-06-2011, 10:22 AM Parent: #2
نقول الارهاب بداء خلاص ؟
Post: #9 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 03-06-2011, 10:27 AM Parent: #4
Quote: نقول الارهاب بداء خلاص ؟
اميرة الشيخ يا اساسية في هذا البوست المستمر .......
لمن العجب يرفع كأس الممتاز وتعود الامور الى نصابها ........
Post: #3 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: tmbis Date: 03-06-2011, 10:21 AM Parent: #1
Post: #5 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 03-06-2011, 10:24 AM Parent: #3
تمبس بتضحك مالك ....
Post: #6 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: Amira Elsheikh Date: 03-06-2011, 10:25 AM Parent: #3
غايتو مباريات من غير جمهور دى سمحة خلاس نتمنى ان تستمر ....
Post: #30 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: محمد كابيلا Date: 03-06-2011, 04:22 PM Parent: #6
أميرة الشيخ أمنيتكــ أدناه ما تتحقق(لسان حال الإتحاد العام)
Quote: غايتو مباريات من غير جمهور دى سمحة خلاس نتمنى ان تستمر
جنابو عمر عثمان ما تحلم
الكورة السودانية ما دوامة ؟
بالجد مريخابى لكن ما على السكين..ههههه
Post: #7 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: EMU إيمو Date: 03-06-2011, 10:26 AM Parent: #3
Quote: * والحضري معذور، لأن التسديدة المباغتة والنارية لا تصد ولا ترد!
جنابو حبابك يوم الجمعة سوف يكون الفائز هو المرشح للفوز باللقب
قولوا للحضري هناك مجموعة في الهلال يجيدون الضربات المباغتة ولا عزر لمن أنذر
Post: #12 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 03-06-2011, 10:31 AM Parent: #7
Quote: قولوا للحضري هناك مجموعة في الهلال يجيدون الضربات المباغتة ولا عزر لمن أنذر
يا ايمو ....... ده تمويه من الحضري سااكت لو كان عاوز يمسكه
كان مسكه لكن عشان يعمل وهمات للحمام الميت بتاع يوم الجمعة
Post: #8 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: محمد عبد الماجد الصايم Date: 03-06-2011, 10:26 AM Parent: #3
Quote: حول المريخ تأخره بهدف إلى فوز غالٍ
كبكبة من أولا!! دي حالتا الصدى!
Post: #10 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: Maawya Hussein Date: 03-06-2011, 10:29 AM Parent: #8
Post: #13 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 03-06-2011, 10:35 AM Parent: #10
معاوية حسين رأيك شنو بالله في حركة الوهمة العمله الحضري ...
مصري ثعلب ياااااااخ .......
اها يوم الجمعة ناس قريعتي راحت يشوتو من النص ساااااااااكت وهو
يلقط فيها زي الليمون ..........
Post: #11 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 03-06-2011, 10:29 AM Parent: #8
Quote: كبكبة من أولا!! دي حالتا الصدى!
طولنا ياعمك وريقنا نشف .....
Post: #14 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: tmbis Date: 03-06-2011, 10:51 AM Parent: #11
Quote: معاوية حسين رأيك شنو بالله في حركة الوهمة العمله الحضري ...
ياخ هو زول جايبين فوقو قووون من * (طعم طفلك) يجي جنابو عمر عثمان ينفي القوون ويقوليك حركة عمله الحضري ..
... * (طعم طفلك) هي تلك اليافطة التي تم وضعها في وسط استاد الخرطوم ابان الاحتفال بحملات التطعيم ضد أمراض الطفولة ..
Post: #15 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: صبري طه Date: 03-06-2011, 10:57 AM Parent: #14
Quote: لمن العجب يرفع كأس الممتاز وتعود الامور الى نصابها ........
جنابو عمر فقد البوصلة ...
شنو يا عمّك تعود الأمور إلى نصابها ... دي كيف يعني ؟
مما قمنا الممتاز تبع الهلال ومرّة مرّة بيمشي للمريخ لمّا يكون الهلال ما عندو معاهو مزاج
Post: #16 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 03-06-2011, 11:01 AM Parent: #15
انا فهمتكم .......
شوف الهلالاب جو البوست ده اكتر من المريخاب ....
انعل ابو الخوف زاتوووووووو .......
Post: #18 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: محمد عبد الماجد الصايم Date: 03-06-2011, 11:04 AM Parent: #16
خوف شنو يا معلم! غايتو ياها الكديسة الشايفة نفسها أسد في المراية!!
Post: #32 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: هاشم محمد الحسن عبدالله Date: 03-07-2011, 10:47 AM Parent: #16
Post: #17 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: Dr.Elsadig Abdalla Date: 03-06-2011, 11:01 AM Parent: #15
Tamam
Post: #19 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: Maawya Hussein Date: 03-06-2011, 11:12 AM Parent: #17
شايف صاحبك يا عمر بدا خلاص في موسم التناقض
Quote: * كما فوجئنا أكثر ببقاء كليتشي على الدكة حتى نهاية المباراة لمصلحة طمبل البعيد عن أجواء المباريات!
الزول دا كان داقي جرس يومي لي مازدا في عدم اشراك طمبل ووصف جلوس طمبل في دكة الاحتياطي بالجريمة لان طمبل من الافضل المهاجمين في الدوري السوداني وافضل من بكري وكاريكا !!! ووو هسه بقا اشراكو مفاجاة ؟
Post: #21 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: فيصل نوبي Date: 03-06-2011, 11:28 AM Parent: #19
يا معاوية
Quote: الزول دا كان داقي جرس يومي لي مازدا في عدم اشراك طمبل ووصف جلوس طمبل في دكة الاحتياطي بالجريمة لان طمبل من الافضل المهاجمين في الدوري السوداني وافضل من بكري وكاريكا !!! ووو هسه بقا اشراكو مفاجاة ؟
داكـ الفريق القومي و ده المريخ ياخ - هناكـ فرق !! ما سمعت سوار الدهب وهو بيقول اللاعب الفلاني ( سقط سهواً )
_ سلامات يا جنابو ..
Post: #20 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: امير عوض الجمري Date: 03-06-2011, 11:16 AM Parent: #17
جنابو معليش يا دوبي شفت البوست والا ما كنت فتحت داك لانو المغزى وااااحد اخوي .
Quote: ده تمويه من الحضري سااكت لو كان عاوز يمسكه
كان مسكه لكن عشان يعمل وهمات للحمام الميت بتاع يوم الجمعة
حارس افريقيا الاول كان ممكن ينزلها بي صدرو لكن قال خلي الود يشتهر ....
يا يوم الجمعة مااا تسرع وتجيب ليا زعميط (جمعة) ...
Post: #22 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: حمزاوي Date: 03-06-2011, 11:39 AM Parent: #20
قريبي عمر مسكاقمي معاك نكمل المشوار ان شاء الله نحقق كل البطولات بس نعمل شنو مع قناة قوون ... هذه القناة مسخة مشوهة للرياضة والرياضيين
Post: #23 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: معاوية محمد الحسن Date: 03-06-2011, 12:48 PM Parent: #22
وماتنسي ياعمر أميز الاعبين فى الزعيم لم يلعبوا أمس كلتشي الدافي راجي بلة
غايتو راجي مصاب وبلة موقوف لكن تفتكر كلتشي والدافي ديل المدرب مريحهم لمنو ؟ باقي من الزمن اربعة أيام وستعرفوا الاجابة بجمهور بدون جمهور الضرب بالدور
Post: #24 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: ناصر جبريل Date: 03-06-2011, 01:22 PM Parent: #23
يا جنابو ...... سلامات
والله ربك يستر علينا ...... الخوف من اسع دخلنا.....
..... غايتو الود مصعب عمر دا الله يحفظه من الملا كم علاء الدين يوسف
........ غايتو ناس قناة قون ديل ما عارف مشكلتهم شنو تتصور ما بتظهر عندنا هنا في المغرب .....
وفي النت تكون بتتفرج تقطع تلقي النتيجة 5 صفر وااااااااااااااااي انا ياخي
Post: #25 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: abuguta Date: 03-06-2011, 01:27 PM Parent: #23
لو الهلال ضربكم فى المباراة دى
تشموا الدورى قدحة,,,,
انا شخصيا شايف هنالك وجه شبه بين الدورى الاسبانى والسودانى يمكن يكون فى (انى) ما بعرف
المبارة دى ممكن تكون 5/1
Post: #26 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: حيدر بشير Date: 03-06-2011, 03:47 PM Parent: #25
الاخ عمر لك التحية
حلم مشروع و أى واحد من حقه انه يحلم و يتمنى الحاجة المحروم منها
و الدورى الممتاز دا شعرآ ما عندكم ليه رقبة
اللهم الا اذا كنتم تعولون على اتحاد السمكرة لاعانتكم على ذلك و دا ما بعيد
فاول ما بدا بيها هو انه الزعيم يلعب بدون جمهور مباراتين بينما الوصيف سيلعب مباراة واحدة رغم انه العقوبة كانت واحدة و السبب واحد
حصل كلام اخونا طلحة داك فوق و الحقوا نفسكم قبل فوات الاوان
Post: #27 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: khaleel Date: 03-06-2011, 03:51 PM Parent: #26
يا سعادتك
صحي كليتشي تاني ما بدقها
Post: #28 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: حيدر بشير Date: 03-06-2011, 03:56 PM Parent: #26
جنابو عمر
سلام مرة تانية
هذا ما جاء فى الصدى
النيل يشكو الهلال في عدم قانونية مشاركة بوي
أرجأت العطلة أمس تقديم شكوى نادي النيل الحصاحيصا في لاعب الهلال عبد اللطيف سعيد (بوي) لليوم، وكان النادي قد ضمن في شكواه ضد اللاعب طاعناً في عدم قانونية مشاركته في مباراة الهلال والنيل أمس الأول بحجة أن اللاعب موقوف من قبل اللجنة المنظمة للدوري من نهاية الموسم المنصرم، وكان مجلس إدارة نادي النيل أرفق كل الحيثيات الخاصة بالشكوى ظهر أمس إلا أن العطلة حالت دون تقديمها، وسيتقدم نادي النيل بشكواه رسمياً صباح اليوم وتسليمها للجهات المختصة، وأكد معتز محمد محمود رئيس مجلس إدارة نادي النيل أنهم واثقون من صحة حيثيات الشكوى، مبيناً أنهم سيلاحقون الحق القانوني بقوة في سبيل إعادة حق نادي النيل، مشيراً الى النادي سيعمل كل جهده ويقدم الشكوى الى مكاتب الاتحاد العام اليوم.
أمسكوا فى الكلام دا قوى و دى تلاتة نقاط مضمونة بى شوية جهد مع الاتحاد سيجد محمد سيداحمد سمكرة واحد من القوانين للحكم لصالح نيل المريخ الحصاحيصى
و لا تدعوا الفرصة تفوتكم أو كما قال
Post: #29 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: ALGARADABI Date: 03-06-2011, 04:07 PM Parent: #26
Quote: المريخ بطل الممتاز موسم (2011-2012)
أطرد الأحلام يا جميل وأصحى
Post: #31 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: معتصم الجمري Date: 03-06-2011, 09:30 PM Parent: #1
يا جنابو تحياتي ... الشوق بحووووووووور
شنو الجقلبه دي من قولت تيت ...
انتو من زمن الحضري البلقطه زي الليمون ... هههها الحضري ده لو فيهو عمار ما كان الفراعنه فكو ليكم .... وذي ما قال : ( اصوم اصوم وافطر على المريخ ) ... هههههههه
يوم الجمعة قريييييييييييب وحا نجي نشتري الليمون ..ههههههههه
تحياتي واششوووووووووووووواقي
Post: #33 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: haroon diyab Date: 03-07-2011, 11:18 AM Parent: #31
جنابو
سلامات ياوش الخير
شايف رشاشات بورسودان اشتكو في الحضري....!!!!
اها بدينا الزمزغة من قولة تيت ولا شنو....؟
Post: #34 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 03-12-2011, 05:54 AM Parent: #33
Post: #35 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: حمزاوي Date: 03-12-2011, 06:07 AM Parent: #34
سكواها خير من سواها وفي شباك المعز ختاها
Post: #36 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 03-12-2011, 06:24 AM Parent: #35
Quote: يوم الجمعة قريييييييييييب وحا نجي نشتري الليمون ..ههههههههه
Post: #37 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: Emad Ahmed Date: 03-12-2011, 06:41 AM Parent: #36
الف مبروك فألنا الحسن
عمر عثمان الفوز المستحق .
Post: #38 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: Abdlaziz Eisa Date: 03-12-2011, 06:51 AM Parent: #37
Post: #39 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 03-16-2011, 06:52 AM Parent: #38
هدف سكواها الذي انتهت عليه نتيجة مباراة المريخ الثانية في الدوري الممتاز بفوزه على الهلال 1/صفر
Post: #40 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 03-16-2011, 06:56 AM Parent: #39
مباراة المريخ الثالثة ضد الأهلي شندي وانتهت بفوز المريخ 3/صفر
Quote: مباراه متوسطة في شوطها الاول الذي اراح فيه مدرب المريخ البدري الدوليين المرهقين, وبعد دخول مصعب , العجب , و قلق اصبح الشوط الثاني شهد , ودرس مسائي في كيفية الهجوم المتواصل و الفعال من الاطراف ..
عيوب المباراة منها 1 عدم استفادة المريخ التسجيل من حوالي 15 ركنية !. 2 ركلة جزاء ضائعة بشكل عجيب سددها سكواها ( وان ابدع في صناعة هدفين ). 3 كرت اصفر للحضري ..
سجل الاهداف الجميلة كل من الباشا , مصعب عمر , والقدير طمبل .. شكرا لصانع الفيديو , واستمتعو ..
د شهاب الفاتح
Post: #42 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 03-16-2011, 06:59 AM Parent: #40
Post: #43 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: Abdlaziz Eisa Date: 03-16-2011, 07:12 AM Parent: #40
شكرا ليك جنابو
Post: #41 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: الصادق صديق سلمان Date: 03-16-2011, 06:58 AM Parent: #39
سلام يا جنابو الصهيوني الحلو
Quote: تمبس بتضحك مالك ....
لأنو عارف كلامك دا كلو فرفرت مضبوح ونحن ياخوي النقولة ليك عديل الممتاز دا لو نحن تمينا خمس سنوات وراء بعض بتشيلوهو ولو ما تميناها ما تحلموا بيهو نحن الموسم ناس دوري الابطال ساكت إنشاء الله
الصادق
Post: #44 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 03-16-2011, 07:18 AM Parent: #41
Quote: نحن الموسم ناس دوري الابطال ساكت إنشاء الله
الصادق
اها دي الضحكة الما زي ضحكة تمبس
ازيك يا الصادق .........
Post: #45 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: فيصل نوبي Date: 04-04-2011, 10:19 AM Parent: #44
نقول فوق عشان أخوانا يشوفو شغلهم معاكـ و نرجع ليكـ برواقة
Post: #46 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 04-15-2011, 04:05 AM Parent: #45
ويتواصل مسلسل انتصارات المريخ في طريقه لاحراز كأس الممتاز
وفي الاسبوع الرابع يهزم الموردة 3 / صفر
فيديو الاهداف :
Post: #47 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 04-15-2011, 04:12 AM Parent: #46
امس الموافق 14 ابريل 2011م المريخ يسحق حي العرب برباعية نارية
فيديو الاهداف :
Post: #48 Title: Re: المريخ بطل الممتاز موسم (2011-2012) رصد لنتائج الفريق "بوست مستمر" Author: omer osman Date: 04-19-2011, 10:46 AM Parent: #47
واصل المريخ سلسلة عروضه الرائعة وهزم بالأمس الامل العطبراوي
4 / 1 احرز الاهداف الباشا هدفين وكلتشي هدف والشغيل هدف
اها دي الضحكة الما زي ضحكة تمبس