* الارباب يحصار المجلس الجديد ويتوعد بالطعن شارع شارع زنقة زنقة..
* ومجلس الاتحاد يفرض حظرا جماهيريا على اجواء القمة..
وتتابعون في الاقتصادية :
* تدشين خمرة سيد البلد بحضور وزير الاعلام الازرق وسيف مساوي.
وتتابعون ايضا في النشرة الجوية :
* هطول امطار من الاهداف الموقعة على دائرتي عرض 18 و6 في العاصمة الهلالية.
* مرحبا بكم :
* قامت حركة 7 مارس الثورية بضرب قوات الهلال بدانتين بميدان البرير (استاد الهلال)استهدفتا المقر الرسمي لشباك الهلال الحزب الخارم..وعللت الحركة هجومها بسبب هجوم مجموعة من البلطجية يرتدون شعارا ازرق او كما قالت..
ومن ناحية اخرى هتفت الجماهير الاولمبية المعتصمة بميدان البرير ضد الحكام مطالبة باسقاطهم..بعد ان قام احد منسوبي جهاز الحكام بحرق ومسح هدفين صحيحين..كان يمكن ان يدينا ويفضحا حزب الهلال الخارم للعالم اجمع..
ومعنا من داخل الاستديو المحلل السياضي زغلول حسب الرسول اهلا بك..وما تعليقك على الاحداث الجارية الآن بمديان البرير..
** انا اعتقد ان هذا النظام الذي جاء عن طريق تزوير الانتخابات بجنود الاحتياطي المركزي لن يدوم طويلا وسيسقط بيد الشعب باذن الله يوم الجمعة القادم فيما يسمى بجمعة (الضرب)...ووزارة الساخلية بقيادة ميشو وقوات البرطة برئاسة البرنس سيدحرها الشعب وسيحل جهاز الحكام باذن الله.. واقول لاخوتي بميدان البرير اصمتوا وصابروا فجمعة الضرب سترد حقوقكم..فقد تهادى هذا النظام وسيصبح مصيره كمصير نظام شقيقه بالشرق الساحلي..!!
* شكرا زغلول...من جانبه اطلق المعارض والناشط السياضي الارباب تصريحات قوية اكد خلالها انه ينحاز لمطالب الشعب ولن يقبل بالجلوس والتفاوض مع رئاسة الحزب الخارم حاليا ،، وقد طالب الارباب الحكومة بارجاع اموال الشعب المقدرة بثلاثين مليارا يقول ان الحزب الخارم قام بايداعها في بنوك سويسرا ودول الخارج..واكد على انه سيستمر في مناهضة الحكومة الحالية باسلحة الطعون شارع شارع..زنقة زنقة..حتى يظفر بالنصر واختتم حديثه قائلا ثورة ثورة لا رجوع الى الامام الى الامام..
** وفي اجتماعه المغلق اصدر مجلس الاتحاد قرارا يغضي بفرض حظر جماهيري على اجواء القمة..بسبب الانتهاكات لحقوق (ال########)..في القمة..
ولمناقشة الموضوع معنا عبر الهاتف الناشط والمحلل سيدو البريدو..
* مرحبا بك معنا وانت تحدثنا مباشرة من داخل ميدان البرير..
** تيييييييش تش تش نعم نعم اسمعكم بصعوبة نظرا لتشويش والايقاف الجزئي لشبكات الاتصال من قبل الحزب الخارم لشبكات الاتصال...ان كنتم تقصدون الحظر الجماهيري فهذا يعني ان الشعب سينفرد بقوات البرطة الهلالية وهذا في مصلحة الشعب الاحمر..لانه الاقوى والشعب هو...تييش توووووووش...توت توت..
نأسف لانقطاع التيار والآن الى النشرة الاقتصادية :
* انطلقت اليوم بالاسواق الخمرة النسائية الجديدة من نوعها بمباركة من رجل الاعمال الممول الرئيسي للمشروع مساوي بحضور وزير الاعلام الازرق رئيس تحرير صحيفة الحزب الخارم..ويتوقع لها خسارة فظيعة..اذ يتوقع الاقتصاديون انها تحتوي على ذرات ثاني اكسيد الشمارات وكبريتات الكسبرة المعروف انتشارها بالقرب من زريبة العيش جوار ميدان البرير..
** ومباشرة للرياضية والزميل الاحول بن الاحول..
مرحبا بكم ،، يتوقع ان تشهد الجمعة القادمة..امطارا غزيرة تضرب شباك الهلال في العاصمة الهلالية.وقد يسبقها ضغط منخفض على العرض جنوب بينما ستعاني العرضة شمال بسبب الضغط العالي فوق اجوائها...ويتوقع قبل الجمعة ان تشهد الايام السابقة لها اعاصير وزوابع اعلامية زرقاء..فيما ستكون سماء العرضة جنوب ملبدة بغيوم حضرية واخرى قادمة من زامبيا..
** شكرا لمتابعتكم وتصبحون على خير...!!!
Post: #28 Title: Re: ياهــــــلالاب من أنــــتم ... Author: أحمد ابن عوف Date: 03-08-2011, 06:43 AM Parent: #25
انتو بس يا جنابو امنو على الرد كاسيل (هههههه) بتاعتكم دي
الا ونلحقها مكاتب جهاز الامن المصري، بنفرتقها طوبة طوبة
Post: #29 Title: Re: ياهــــــلالاب من أنــــتم ... Author: أحمد ابن عوف Date: 03-08-2011, 06:48 AM Parent: #28
ممكن تستعينوا بطيارين سورييين بس اتأكدوا انهم شايلين جوازات سفرهم عشان ما نبقى في الغلاط
كاااااااااااك
Post: #30 Title: Re: ياهــــــلالاب من أنــــتم ... Author: امير عوض الجمري Date: 03-08-2011, 07:20 AM Parent: #29
Quote: والله ياعمك انا هلال مريخ دي بتعمل لي بوظان اعصاب عجيب خلاس
الله في
زنقة زنقة .. الله يكفينا شر الزنقات يا جنابو ....
ساكواها خطيييير .... والمصريين كشفوا الجماعة ومشاميشو قال عنده سبعة لاعبين اساسيين ما شاركوا
ديل منو ديل يا جانبو .... وهل حا يكونوا في التشكيل الخماري القادم !! وهل سيقبل الشعب بهم في التشكيل الجديد علما بانهم من النظام البائد؟!!
غايتو يا جنابو وصيتي ليك وليداتي مع وليدات هارون ...
Post: #31 Title: Re: ياهــــــلالاب من أنــــتم ... Author: عمر الفاروق Date: 03-08-2011, 07:36 AM Parent: #30
يا جنابو زي ما قلنا لي طلحة بنعيدو ليك .. الهلال في الدورة الأولى دي معاكم لحددددي 9 نقاط .. يعني نتغلب تلاتة كوور .. والدورة التانية براك عارف فيلم الإغلاقات .. إغلاق ملف حي العرب والتفرغ للأهلي شندي إغلاق ملف شندي وفتح ملف الأمل عطبرة .. إغلاق مفل عطبرة والتركيز على مباراة القمة .. إغلاق ملف القمة والتركيز على كأس السودان .. الوالي شايل مفتاح طلبتو دي ويشيل ويغلق لحدي ما نسمع بي إغلاق نادي المريخ وفتح ملف الفندق ..
Post: #32 Title: Re: ياهــــــلالاب من أنــــتم ... Author: محمد عبد الماجد الصايم Date: 03-08-2011, 07:46 AM Parent: #31
نحن أسياد بلد .. نقعد نقوم على كيفنا!
Post: #36 Title: Re: ياهــــــلالاب من أنــــتم ... Author: omer osman Date: 03-08-2011, 08:36 AM Parent: #32
Quote: نحن أسياد بلد .. نقعد نقوم على كيفنا!
واين كنتم .......... وراجي وهنو يشيلوا الكراسي من تحتكم .....
Post: #33 Title: Re: ياهــــــلالاب من أنــــتم ... Author: الصادق صديق سلمان Date: 03-08-2011, 08:12 AM Parent: #31
جنابو كيفك الحال ياااااااااااخ
انت عارف يا جنابو كلام عمر الفاروق دا أمسك فيهو قوي لكن برضو ياعمر المباراة الجاية دي إنشاء الله عندنا فيها كلام وكلام كتير خلاص
Quote: يا جنابو زي ما قلنا لي طلحة بنعيدو ليك .. الهلال في الدورة الأولى دي معاكم لحددددي 9 نقاط .. يعني نتغلب تلاتة كوور .. والدورة التانية براك عارف فيلم الإغلاقات .. إغلاق ملف حي العرب والتفرغ للأهلي شندي إغلاق ملف شندي وفتح ملف الأمل عطبرة .. إغلاق مفل عطبرة والتركيز على مباراة القمة .. إغلاق ملف القمة والتركيز على كأس السودان .. الوالي شايل مفتاح طلبتو دي ويشيل ويغلق لحدي ما نسمع بي إغلاق نادي المريخ وفتح ملف الفندق ..
فتك بي عافية ياجنابو وانا قاعد مقيم في البوست دا لا يوم الجمعة انشاء الله بعد الكورة
الصادق
Post: #37 Title: Re: ياهــــــلالاب من أنــــتم ... Author: omer osman Date: 03-08-2011, 08:41 AM Parent: #33
Quote: فتك بي عافية ياجنابو وانا قاعد مقيم في البوست دا لا يوم الجمعة انشاء الله بعد الكورة
شوف عيني بعد الكورة ما بتجي يا الصادق ...........
وبنعمل ليك زفة في المنبر ده (الصادق شرد وينو ... )
Post: #35 Title: Re: ياهــــــلالاب من أنــــتم ... Author: omer osman Date: 03-08-2011, 08:33 AM Parent: #31
Quote: الوالي شايل مفتاح طلبتو دي ويشيل ويغلق لحدي ما نسمع بي إغلاق نادي المريخ وفتح ملف الفندق ..
ده عشم بن على في تونس
Post: #34 Title: Re: ياهــــــلالاب من أنــــتم ... Author: omer osman Date: 03-08-2011, 08:24 AM Parent: #30
Quote: غايتو يا جنابو وصيتي ليك وليداتي مع وليدات هارون ...
هههههههههههههههههههههههه
عالم جبـــانـــات بشكل ...........
Post: #38 Title: Re: ياهــــــلالاب من أنــــتم ... Author: عادل عبدالرحمن إبراهيم Date: 03-08-2011, 09:11 AM Parent: #34
جنابو
تحياتي لك ولكل الصفوة وأولهم الجميل هارون دياب
بصراحة سؤالك ياهلالاب من أنتم له إجابة واحدة هي:-
المريخ دائما فريق الحكام سابقاًفريق نميري والآن فريق البشير وتعتبرون أنفسكم الصفوة لسببين أولا لأنكم أقلية و ُثانياً لأن الحكام معكم، أما نحن فريق الجماهير والمهمشين والثوار، نتحداكم بأننا أكثر منكم عددا لأننا نمثل أغلبية الشعب و أخشوا غضب الشعب أيها الصفوة والحكام، وحينما تأتي الثورة ستعرفون أن موضوع زنقة زنقة ده حيكون ضدكم والثورة قادمة اللهم الا هل بلغت فأشهد
Post: #39 Title: Re: ياهــــــلالاب من أنــــتم ... Author: أمين يحيى Date: 03-08-2011, 09:46 AM Parent: #34
يا جنابو الجميل إزيك والله وحشة شديدة لبوستاتك الرائعة في أدب العكننة ياخ ماااااااااالك عاوزنا نفرش ليها بعد ما سبّلناها .... مريخكم الشايفة عيني دا ما بنستر - رغم إنو سيدالبلد (عيان شوية) - إلا المعلوم بنصرفو ليكم يوم الجمعة (فلا تغرنّكم الخطب الحماسية أعلاه) .... أستعير كلمات (سوداني 57) عضو منبر سودان فوروم وجهها لصديقه المريخابي (شخبتة) عشان تعرف نحن منو ؟؟؟؟
(يا شخبتة خليك من اللخبتة واوعك كمان من الختا دا الهلال.. فرح القلوب سيد البلد..حب الشعوب سودانا فوق وهلالنا فوق فوق المستحيل وهلال اصيل مرفوع جبين.. فوق الجباه مرسوم هلال.. عِزّة وحياة سبب الفرح.. جالب السرور سيد البلد.. زي ما يدور يأمر يُطاع بفنو كم هدّ القلاع ومعروف وما محتاج شرح) وزي ما قال ليك ود الصايم ... نحن أسياد بلد نقعد نقوم على كيفنا _____________________ سلام لود الصايم وخليل وكل أسيادالبلد وسلام خاص لهارون والجمري وكل بني الأحمر المضروب يوم الجمعة
مااااااااالك جبتنا لي جنس دا تاني يا جنابو ..... مودتي
Post: #40 Title: Re: ياهــــــلالاب من أنــــتم ... Author: عمران حسن صالح Date: 03-08-2011, 10:24 AM Parent: #39
وما بتبلع ليكـ " بعدين " إلا بيي فودكا روسية
Post: #41 Title: Re: ياهــــــلالاب من أنــــتم ... Author: عبدالكريم أحمد الامين Date: 03-08-2011, 10:50 AM Parent: #40
Quote: المريخ اخد شيرز قوي من ثوار مصر وليبيا وجاييكم نار منقد بس
** ابو عبدارحمن.. ** ســـلام.. ## ياخى مشيتو عسكرتو فى مصر كشحتو ابو الهول ,, تميتو المُعسكر فى ليبيا المجنون بقى فى غضب الله ,, قلتو ماشين اليمن على عبدالله صالح حلف بدينو وبالقات المخزنو فى مقيليتو ماتعتبوها ,, تمو جميلكم واكشحوا العندنا ديل ,, الكوره درون لانها حتكون تمرين بين الأحمر والأزرق (الأبيض والأصفر)..
