Post: #1 Title: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-21-2011, 10:44 AM
من القلائل الذين اجادوا حد الاجادة التغني باغاني عملاق الفن السوداني الكاشف ......
الفنان محمد اسماعيل ........
Post: #2 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: ناصر احمد الامين Date: 01-21-2011, 11:13 AM Parent: #1
Quote: لماذا اختفي من الساحة الفنية هذا الفنان الرائع
يا عمر هي الساحة افنية فاضية من الجبجبة ؟؟
Post: #3 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-21-2011, 11:45 AM Parent: #2
Quote: يا عمر هي الساحة افنية فاضية من الجبجبة ؟؟
الجبجبة وانصاف الموهبين بس عينهم قوية .........
غياب مفهوم الشركات أو الرعاة الذين يتبنون المواهب التى تستحق ويهتمون بتسويقها سيكون سبباً في اندثار كثير من النجوم ......
الذين يمنعهم حياءهم من مطاردة القنوات والاذعات يتسولونها لتروج لهم ....... محمد اسماعيل ... فيصل الصحافة .... عماد الكاشف .... والقائمة تطول
وناس زعيط ومعيط طالعين في الكفر ................
Post: #4 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: طارق جبريل Date: 01-21-2011, 11:54 AM Parent: #3
العجب يا عمر لو سمعهت في اغنية ((قول ليهو قول ليهو)) تطريب للطيش
Post: #7 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-21-2011, 12:05 PM Parent: #4
Quote: العجب يا عمر لو سمعهت في اغنية ((قول ليهو قول ليهو)) تطريب للطيش
وكمان ياطارق لوسمعتو في (فتنت بيه) مووووت احمر .........
غايتو زماان كتلتا كمية حفلات بمحمد اسماعيل ده .......
Post: #5 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Mohamed Moatasim Date: 01-21-2011, 11:56 AM Parent: #3
سلامات يا عمر ياراقى
محمداسماعيل قضى اواخر التسعينات مابين كسلا والقاهره
ثماستقر فتره طويله بالقاهره ولا ادرى هل عاد ام لا
Post: #6 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: عمران حسن صالح Date: 01-21-2011, 12:02 PM Parent: #5
لكن ما لقيتكـ من سنة 2 :) الولد ده غنااااااااي يا بوليص وكان ماسكـ الصحافة من حدها ليي حدها :) يا عمر كان عندي ناس عمي في 24 ما أظهر إلا يوم حفلة محمد اسماعيل وانا زول نوم معاهم :)
Post: #9 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-21-2011, 12:45 PM Parent: #6
Quote: لكن ما لقيتكـ من سنة 2 :)
كويس البوست ده مرق كل دبايب البورد ...............
Quote: الولد ده غنااااااااي يا بوليص وكان ماسكـ الصحافة من حدها ليي حدها :)
ياسلام ياعمران على محمد اسماعيل والصحافة
Quote: يا عمر كان عندي ناس عمي في 24 ما أظهر إلا يوم حفلة محمد اسماعيل وانا زول نوم معاهم :)
اتخيل ياعمراااان حركة تبيت عن ناس خالك وعمك دي ذااااته الناس خلوووها .......
اجمل ايام تلك التى كنت اقضيها مع ناس عمتي في بيتهم في الامتداد محطة سبعة ....... أو مع ناس خالتي في 24 القرشي
Post: #8 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-21-2011, 12:13 PM Parent: #5
Quote: سلامات يا عمر ياراقى
محمداسماعيل قضى اواخر التسعينات مابين كسلا والقاهره
ثماستقر فتره طويله بالقاهره ولا ادرى هل عاد ام لا
هلا يا ابوحميد ....... مشتاقين والله
محمد اسماعيل مشكل غياب تام ليهو فترة احتمال يكون في القاهرة لسه ؟
في كل الاحوال نرجوا ان يكون بخير وعافية .....
Post: #10 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-21-2011, 08:03 PM Parent: #8
Post: #11 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: امير عوض الجمري Date: 01-23-2011, 09:13 AM Parent: #10
Quote: كويس البوست ده مرق كل دبايب البورد
محمد اسماعيل دا منو ؟؟ هههههههههههههههههها ..
يااا جنابو يا راااقي .. الزول دا ككو عدييييل في الغناء ياخي ... الكاشف وصلاح محمد عيسى كان بجلّعنا بيهم جلّيع الجن .. بسمة ونظرة دي لا حولاااااااااا تخليك تحن غصبا عنك ... وهو ذااااااااتو في رقبتو زولا سمح بالحيل وحبوووووووووب لمن صاااااح .
طبعا الكلام الفوق دا كلللو من الشرايط يعني ما حضرنا زمنو ... (غمزة عيييين)
Post: #12 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: طارق ميرغني Date: 01-23-2011, 09:36 AM Parent: #11
يا عمر
في ناس بيتركوا الغناء ما تعرف ليييه
معانا هنا في الرياض صديقي الفنان فتحي حسين "العزيزه"
لحدت الليله صوتو اجمل من اي صوت حايم في الساحه اليومين ديل
وشغاااااااااااال بس بيغني في الجلسات الخاصه
لكن ترك الغناء خالص
Post: #13 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: عبد الدائم سيد أحمد Date: 01-23-2011, 10:00 AM Parent: #12
اى زول من الصحافة فنان حتى لو ما بغنى ..
محمد اسماعيل ، فيصل الصحافة ، عمار السنوسى ، الخالدى التمنينات والتسعينات الصحافة كلها بتكون قاعدة فى واحدة من حفلات المبدعين ديل
تصدق فى الفترة دى لو جاء فنان وغنى بالاورغن كان بيكون محل اســتهزاء الجميع .
يا جنابو عساكر نقطة الصحافة كان بيكتلو معانا الحفلات ويوصلونا بالبوكس بتاعهم كمان
يا عمران ديل ناس منو قرابيك الفى 24 ...
Post: #16 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-23-2011, 10:27 AM Parent: #13
Quote: محمد اسماعيل ، فيصل الصحافة ، عمار السنوسى ، الخالدى
ديل كلهم والله 100% واضيف ليهم كمان دفعتي في المدرسة خالد الصحافة خطيييييير الزول ده ........
Quote: يا جنابو عساكر نقطة الصحافة كان بيكتلو معانا الحفلات ويوصلونا بالبوكس بتاعهم كمان
ده شغل نضيف .......... البوليس لازم يكون في خدمة الفن والشعب ..........
Post: #15 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-23-2011, 10:23 AM Parent: #12
Quote: يا عمر
في ناس بيتركوا الغناء ما تعرف ليييه
والكورة كمان ياطارق ...........
كتاااااااااار كانوا لعابين لمن غلط فجأة كده تلقي الواحد خلي الكورة أو حتى ما اتيحت ليهم فرصة اللعب في الهلال او المريخ ........
Post: #14 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-23-2011, 10:20 AM Parent: #11
Quote: بسمة ونظرة دي لا حولاااااااااا تخليك تحن غصبا عنك
ياسلالالالالالالالالالام ياجمري ياخ
حقيقة الاغنية دي محمد اسماعيل ببدع فيها ابداع ما عاااادي ..........
Quote: طبعا الكلام الفوق دا كلللو من الشرايط يعني ما حضرنا زمنو ... (غمزة عيييين)
صدقتتتتتك يا الجمري .................. طيب بتاع الساوند ده كان منو ههههههههههههه
Post: #17 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: امير عوض الجمري Date: 01-23-2011, 11:41 AM Parent: #14
Quote: Quote: محمد اسماعيل ، فيصل الصحافة ، عمار السنوسى ، الخالدى
ديل كلهم والله 100% واضيف ليهم كمان دفعتي في المدرسة خالد الصحافة خطيييييير الزول ده ........
نسيتوا اكثرهم اطراباً وامتاعاً يا عبد الدائم وجنابو .. احمد عوض (عجوز) كل من استمع لهذا الفنان (فغر فاه) طربا ودهشةً ومتعةً .. حتى حبايبنا الفنانين فيصل والمرحوم الخالدي وعمار ومحمد اسماعيل وخالد محجوب والموصلي (صحافابي برضو) كلهم يطربون حد الثمالة لهذا العجوز احمد عوض ...
لكن بصراحة محمد اسماعيل خطييييييييييييير ... عليك الله يا جنابو كتر لينا من روائعو الأدائية دي هنا وخلينا نستمتع بيهو ..
وكمان نسألك فضلك في فتح بوست لكل واحد ممن ذكروا هنا على حدا وامتاعنا بالاداء الرااائع لكل واحد فيهم .. دمتم يا حلوين
Post: #18 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: ياسر السر Date: 01-23-2011, 12:29 PM Parent: #17
يا سلام يا جنابو محمد إسماعيل فعلاً فنان حتى النخاع ,,, وعلى حسب علمي هو موجود ولكن كسول وفي شي تاني موت رفيق دربه الموسيقار سليمان أبو داؤود أثر عليه تأثير كبير ومحمد إسماعيل يخجلك بتواضعه وأدبه وهدوؤه العجيب فنان في كل شي حتى في كلامه، ((وقدحصل لي معه شي عجيب وهو أن أكون مستمع له في بداياتي وأن أكون فنان معه في حفل واحد في أحدى المناسبات)) لقد شاءت الأقدار أن أكون مستمع له في مطلع الثمانينات في حفل زواج إبن خالي وكم كانت فرحتي عندما مرت الأيام وتعرفت عليه في مركز الخرطوم جنوب ولحسن حظي في إجازتي قبل الماضية في السودان كنا سوياً في حفلة أوفر نايت في الصحافة مربع 25 وبالتحديد في بيت ناس الاخ خالد إدريس وهذا كان شرف عظيم لي أن أغنى مع فنان بقامته ،،،، وفي هذه الإجازة لم أتمكن من مقابلته بالرغم من إني ذهبت مرة أخرى الصحافة مربع 25 في مناسبة حفل زواج ولكن للأسف كنت أتمنى واتوقع ان أقابله هناك ولكن لم أتمكن من ذل وللأسف لم أجد من أسأله عنه ،،،، ولكن فعلاً الفنان محمد إسماعيل مظلوم إعلامياً وهذا حال القائمين على أمر الفن والإعلام في بلادي يتيحون فرص لفنانين أنصاف مواهب وغير جديرين بأن يسلط عليهم إي نوع من الإعلام ،،، وفي فترة سابقة كان محمد إسماعيل ملء السمع خاصة في منطقة الصحافات ولا يفوتني ان أذكر صنوه الفنان الكبير أحمد عوض ( عجوز) فقد شكلا سنائية خطيرة في تلك الفترة الجميلة التي كنا فيها نستمتع بالغناء الجميل من جيل الفنانين : محمد إسماعيل ، عمار السنوي ، أحمد عوض ، فيصل الصحافة ، الطيب مدثر ، جلال الصحافة ، عماد الكاشف ، وآخرون لا استحضرهم الآن ،، شكراً يا جنابو على هذا الألق فمحمد إسماعيل يستحق الوقوف من أجله ،، ويا ريت تواصل في البوست الجميل ده ،،
تحياتي : ياسر العيلفون
Post: #19 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: طارق جبريل Date: 01-23-2011, 01:06 PM Parent: #18
يمين انا في الاغنية دي حتيتو حت قبل كدة في الامتداد مربع 2
Post: #20 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-23-2011, 01:59 PM Parent: #19
Quote: يمين انا في الاغنية دي حتيتو حت قبل كدة في الامتداد مربع 2
دي الحت فيها ياودجبريل بكون بي حركات اليدين ........
والعجب كمان لمن تلقي ليك واحد واقف لط ومنتشي في نص الحفلة ويكون رافع ليك يدينو في السماء فوووووووق ومعها صنقيعة رأس لي وراء ......
Post: #22 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: nazar hussien Date: 01-23-2011, 02:08 PM Parent: #20
Quote: والعجب كمان لمن تلقي ليك واحد واقف لط ومنتشي في نص الحفلة ويكون رافع ليك يدينو في السماء فوووووووق ومعها صنقيعة رأس لي وراء ......
ياخ انت بوليس راقي خلاص... اتلقي لما خليتا ما نهرت ليك زول
Post: #25 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-23-2011, 02:55 PM Parent: #22
Quote: ياخ انت بوليس راقي خلاص... اتلقي لما خليتا ما نهرت ليك زول
هههههههههههههههههههههههه ....................
والله يانزاز البستاهل النهر مابنقصر معاهو طب ....... وديل المجرمين بالدرب العديل .........
لكن ناس شربات الفرح ديل مابنحكها معاهم شديد كده .........
Post: #21 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-23-2011, 02:05 PM Parent: #18
Quote: يا سلام يا جنابو محمد إسماعيل فعلاً فنان حتى النخاع ,,, وعلى حسب علمي هو موجود ولكن كسول وفي شي تاني موت رفيق دربه الموسيقار سليمان أبو داؤود أثر عليه تأثير كبير ومحمد إسماعيل يخجلك بتواضعه وأدبه وهدوؤه العجيب فنان في كل شي حتى في كلامه، ((وقدحصل لي معه شي عجيب وهو أن أكون مستمع له في بداياتي وأن أكون فنان معه في حفل واحد في أحدى المناسبات)) لقد شاءت الأقدار أن أكون مستمع له في مطلع الثمانينات في حفل زواج إبن خالي وكم كانت فرحتي عندما مرت الأيام وتعرفت عليه في مركز الخرطوم جنوب ولحسن حظي في إجازتي قبل الماضية في السودان كنا سوياً في حفلة أوفر نايت في الصحافة مربع 25 وبالتحديد في بيت ناس الاخ خالد إدريس وهذا كان شرف عظيم لي أن أغنى مع فنان بقامته ،،،، وفي هذه الإجازة لم أتمكن من مقابلته بالرغم من إني ذهبت مرة أخرى الصحافة مربع 25 في مناسبة حفل زواج ولكن للأسف كنت أتمنى واتوقع ان أقابله هناك ولكن لم أتمكن من ذل وللأسف لم أجد من أسأله عنه ،،،، ولكن فعلاً الفنان محمد إسماعيل مظلوم إعلامياً وهذا حال القائمين على أمر الفن والإعلام في بلادي يتيحون فرص لفنانين أنصاف مواهب وغير جديرين بأن يسلط عليهم إي نوع من الإعلام ،،، وفي فترة سابقة كان محمد إسماعيل ملء السمع خاصة في منطقة الصحافات ولا يفوتني ان أذكر صنوه الفنان الكبير أحمد عوض ( عجوز) فقد شكلا سنائية خطيرة في تلك الفترة الجميلة التي كنا فيها نستمتع بالغناء الجميل من جيل الفنانين : محمد إسماعيل ، عمار السنوي ، أحمد عوض ، فيصل الصحافة ، الطيب مدثر ، جلال الصحافة ، عماد الكاشف ، وآخرون لا استحضرهم الآن ،، شكراً يا جنابو على هذا الألق فمحمد إسماعيل يستحق الوقوف من أجله ،، ويا ريت تواصل في البوست الجميل ده ،،
تحياتي : ياسر العيلفون
شهادة خبير ........ وزول بعرف في الفن كويس .....
ومحمد اسماعيل لايزال صغير في السن ويمكنه العطاء لسنوات ..........
ياريت يا ياسر تفتشوهو انتو زملائه وتشجعوهو على العودة لجمهوره ...........
Post: #23 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: ياسر السر Date: 01-23-2011, 02:39 PM Parent: #21
لك الشكر أخي جنابو عمر على ما وصفتني به بأنني خبير وأعرف في الفن كويس وهذه شهادة أضيفها لشهاداتي على الرغم من أنني ليس بخبير ولكن قد أكون بعرف في الفن بصورة مقبولة ،، ولكن للأسف يا جنابو أنا مقيم خارج السودان ولكن أنتم حسب علمي في السودان فيمكنكم أن تبحثوا عن هذا الفنان الجميل وتحاولو أن تبحثوا أسباب غيابه ،،، وشكراً مرة اخرى ...
تحياتي : ياسر العيلفون
Post: #24 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: رانيه محمد الشيخ Date: 01-23-2011, 02:46 PM Parent: #23
Quote: غياب مفهوم الشركات أو الرعاة الذين يتبنون المواهب التى تستحق ويهتمون بتسويقها سيكون سبباً في اندثار كثير من النجوم ......
الذين يمنعهم حياءهم من مطاردة القنوات والاذعات يتسولونها لتروج لهم ....... محمد اسماعيل ... فيصل الصحافة .... عماد الكاشف .... والقائمة تطول
أجبت السؤال
Post: #26 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: صديق حمدتو Date: 01-23-2011, 03:40 PM Parent: #24
تحياتي يا عمر ولضيوفك الكرام
قبل سنتين كان زواج شقيقتي وأصرت قالت إلا محمد إسماعيل وبالفعل أتصلت به وأنا في غربتي الحزينة فوافق مشكور بإحياء الحفل والحمد لله تمكنت من اللحاق بالمناسبة وأستمعت بالحفل إيما استمتاع.
Quote: العجب يا عمر لو سمعهت في اغنية ((قول ليهو قول ليهو)) تطريب للطيش
والله يا طارق جبريل أصريت عليه إنو يبدأ في الفاصل التاني بــ (قول ليهو قول ليهو ) وفعلا في تلك اللحظة أستعدت أجمل أيام شبابي
Quote: طبعا الكلام الفوق دا كلللو من الشرايط يعني ما حضرنا زمنو ... (غمزة عيييين)
أمير الجمري ياخ نحن دافننو سوا تحياتي ليك يا ع.......... مالك ما داير تتصل بي !!!! ياخ أنا ما دايرك، داير أسلم على الحاجة
Post: #27 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: اسماء الجنيد Date: 01-23-2011, 03:59 PM Parent: #26
سلام يا عمر وكل الشبيبة في العام 96 كان زواج خالي وممنين نفسنا بحفلة كااااااااااااااربة لفنان مخضرم ده غير عصام محمد نور فنان العائلة
اها بعد سفري الكتير ده بقيت اجهل تماما الاسماء الجديدة للمطربين جينا في سيرة الخال والعروسة بتنا والحفلة في الواحة الجو رهييييييييييب نهاية الشتاء طلع المسرح فنان اول مرة اشوفو سألتهم الفنان منو قريبي قال لي واحد قالوا غناي اسمو محمد اسماعيل ما اكذب عليكم طنطنت وزعلت وقلت ليهم معقولة بس دايرين تجربوا لينا فنان جديد في عرسنا ؟؟ اول ما بدأ بدأ للكاشف وحاتكم بحلقت عيوني لامن آآآآآآآآآآآآآآآآآآآمنت وتاني يا الرقيص جاك بلاء رقصنا لما اشتكا مننا الرقيص بجد فنان له صوت ما عادي ما شاء الله ولديه مقدره للتطريب عااااااااااالية جدا عرفت انه من الصحافة سألت منه مره الاخ فيصل الصحافة قال لي ده راجل فنان وصديق قريب لكنه مقل جدا وما مواظب في الساحة الفنية من هنا نناشد معاك يا عمر برجوع الاخ محمد اسماعيل ونتمنى ليه دوام التقدم ويا ريت لو عمل شريط خاص بيه ورجع للساحة الافتقدته جداااااااااا شكرا يا ابو عبد الرحمن
Post: #28 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: سيف اليزل جعفر عبد الرحمن Date: 01-23-2011, 04:38 PM Parent: #27
سلامات
جنابو عليك الله انت كنت ضابط ايقاع وله ضابط بوليس ؟ الظاهر عليك كنت لما تلقى الحفلة انتهت بتقول للعساكر بتاعينك اهرشو الزول ده عشان يغني تاني
يا اخي الزوق بتاعك ما زوق قاش و طبنجه .... الزوق بتاعك زوق فنان وفنان كبير
تحياتي
Post: #29 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: عماد شمت Date: 01-23-2011, 08:31 PM Parent: #28
الاخ عمر عثمان لك التحية
الفنان محمد اسماعيل صوت جميل فيهو تطريب عالي
يملك كل امكانيات الفنان لا جدال في ذلك
ولكن.. يحتاج ان يكون جاد في حياته وان يتلمس
الطريق الصحيح وبعدها سيكون نجما في سمانا بلا شك ..
واعتقد الغربه والسفر هما مقبرة الفنان
كما حدث للاخ عماد الكاشف وايضا الاخ فيصل الصحافة
والحمدلله فيصل عاد بقوة مرة اخري للساحة الفنية
وازيد في الصحافه كان الفنان الراحل حيدر حدربي 36
وشرف الدين عباس بقلد عثمان حسين في 29
ومحمدعبدالله وردي الصغير في 24 وحمزة حسن في 27
الموصلي في 27 وجلال الصحافة تقريبا22 ,محمد اسماعيل27
شكرا للجميع مع دعواتي للوقوف خلف هذا الفنان المبدع
محمداسماعيل حتي يعود لمكانه في قلوب محبيه ومعجبيه
ويساهم في رفعة كفة الغني الميل ..
لكم جميعا كيثر احتراماتي ...
Post: #34 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-23-2011, 09:59 PM Parent: #29
Quote: ولكن.. يحتاج ان يكون جاد في حياته وان يتلمس
الطريق الصحيح وبعدها سيكون نجما في سمانا بلا شك ..
تعرف ياعماد ......... الى حد قريب نفس المشكلة بتحصل مع لعيبة الكورة وخير مثال لذلك عائلة ابوالجاز
كلهم لعابين لمن غلط احمد ابوالجاز وامير ابوالجاز وعمار ابوالجاز يتم تسجيلهم في الهلال والمريخ لكنهم لايستمرون
ويرجعون سريعاً لنادي الحي الخرطوم 3 ....................
Quote: واعتقد الغربه والسفر هما مقبرة الفنان
قبل كم يوم بتكلم مع زول قلت ليهو ياخ دي مش بلد غريبة الفنانين بغتربوا !!!!
وما تنسي معاهم عبدالعزيز المبارك والطيب عبدالله وهاشم ميرغني له الرحمة ...............
Quote: شكرا للجميع مع دعواتي للوقوف خلف هذا الفنان المبدع
محمداسماعيل حتي يعود لمكانه في قلوب محبيه ومعجبيه
ويساهم في رفعة كفة الغني الميل ..
ياريت والله يكون في شغل منظم لاعادة كل هولاء المبدعين للساحة الفنية ...........
Post: #33 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-23-2011, 09:52 PM Parent: #28
Quote: جنابو عليك الله انت كنت ضابط ايقاع وله ضابط بوليس ؟ الظاهر عليك كنت لما تلقى الحفلة انتهت بتقول للعساكر بتاعينك اهرشو الزول ده عشان يغني تاني
انت قايل شنو ياسيف ........... انا دخلت البوليس ده عدم موضوع مني ساكت بالجد كده
لكن صدقني بعد داك حبيتو حب ما عااااادي والى يومنا هذا ولو عاد بي الزمن بخش البوليس برغبتي مش عدم موضوع ............
Quote: يا اخي الزوق بتاعك ما زوق قاش و طبنجه .... الزوق بتاعك زوق فنان وفنان كبير
لمن اشاغل زوجتي واقول ليها انا ذوقي احلي من ذوقك ......
بتقول لي اكيد وااااااضح من اختيارك لي واختياري لييييييييييك ...........
Post: #32 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-23-2011, 09:46 PM Parent: #27
Quote: طلع المسرح فنان اول مرة اشوفو سألتهم الفنان منو قريبي قال لي واحد قالوا غناي اسمو محمد اسماعيل ما اكذب عليكم طنطنت وزعلت وقلت ليهم معقولة بس دايرين تجربوا لينا فنان جديد في عرسنا ؟؟
هههههههههههههههههههه اتخيلت شكل الاحباط الجاك ..........
Quote: اول ما بدأ بدأ للكاشف وحاتكم بحلقت عيوني لامن آآآآآآآآآآآآآآآآآآآمنت وتاني يا الرقيص جاك بلاء رقصنا لما اشتكا مننا الرقيص بجد فنان له صوت ما عادي ما شاء الله ولديه مقدره للتطريب عااااااااااالية جدا
ههههههههههههه كيف ما بتامني يااسماء ..........
احتمال يكون عرف انو في جمهور جديد قام زاد ليكم الجرعة ..........
Quote: سألت منه مره الاخ فيصل الصحافة قال لي ده راجل فنان وصديق قريب لكنه مقل جدا وما مواظب في الساحة الفنية
ياااخ فيصل الصحافة ذاتو قولي ليهو اظهر ........... اخر شريط ليهو في اول التسعينات
كان بغني فيهو (وحياة المحنة) و (عيونك كانو في عيوني) اموووووووووت والقي الشريط ده
Post: #31 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-23-2011, 09:39 PM Parent: #26
Quote: قبل سنتين كان زواج شقيقتي وأصرت قالت إلا محمد إسماعيل وبالفعل أتصلت به وأنا في غربتي الحزينة فوافق مشكور بإحياء الحفل والحمد لله تمكنت من اللحاق بالمناسبة وأستمعت بالحفل إيما استمتاع.
زولة راقية وبتفهم في الغناء ياصديق .........
طيب ياخ ما تتصل عليه مرة تانية وتقول ليهو الناس بتسأل عن غيابك لعل المانع خير ...........
Post: #30 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-23-2011, 09:37 PM Parent: #24
Quote: أجبت السؤال
هلا رانية ..........
يبدو انه بالاضافة الى ذلك هناك اسباب شخصية متعلقة بالاخ محمد اسماعيل حسب مافهمت من مداخلات بعض الاخوان ...
إجواء الاحباط العام والخاص التى تسيطر على المشهد السوداني تلقي بظلالها دائماً على المبدعين ويكونون اكثر الناس تأثراً بها .....
Post: #35 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: طارق جبريل Date: 01-23-2011, 10:52 PM Parent: #30
Quote: والله يا طارق جبريل أصريت عليه إنو يبدأ في الفاصل التاني بــ (قول ليهو قول ليهو ) وفعلا في تلك اللحظة أستعدت أجمل أيام شبابي
يا صديق كيفنك تعرف آخر يوم لينا في امتحان الشهادة بالليل كنت مع دكتور طارق محمد حسين في مربعكم سمعنا صوت حفلة قلنا الا نكتلها لقيناها في مربع 1 في الامتداد لقينا فيها محمد دة يمين لمن غنا ((قول ليه قول ليه)) يمين اخوك كندك ليك الواطة عدييييييييييييييل
يا جنابو انت ما ملاحظ كل الناس الدخلت عندك دي من اولاد الامتداد عشان بس تآمن انه الامتداد دة ما بيطلع الا الفنانين وكونه اديناك بتنا ((الفنانة)) مفروض تحمد ربك ليل نهار
Post: #36 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: اسماء الجنيد Date: 01-24-2011, 00:12 AM Parent: #35
Quote: يا جنابو انت ما ملاحظ كل الناس الدخلت عندك دي من اولاد الامتداد
اولاد دي مي جمع ولد آ طارق اخوي ؟؟ تتجازا يا النخااااااج جنك نخجي مالنا مانا مالين عينك تخمنا مع جنيات الامتداد وكمان البسكو الحفلات ؟
بعدين اول امره اكتشف الجنيد في الامتداد لوول يا ربي تكون مربع ياتو حواشة بختتتتتتتتتكم يا ناس الامتداد ولا بختنااااا يا ناس الجنيد
Post: #37 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: طارق جبريل Date: 01-24-2011, 00:24 AM Parent: #36
Quote: اولاد دي مي جمع ولد آ طارق اخوي ؟؟ تتجازا يا النخااااااج جنك نخجي مالنا مانا مالين عينك تخمنا مع جنيات الامتداد وكمان البسكو الحفلات ؟
بعدين اول امره اكتشف الجنيد في الامتداد لوول يا ربي تكون مربع ياتو حواشة بختتتتتتتتتكم يا ناس الامتداد ولا بختنااااا يا ناس الجنيد
بت ابوي كيفنك ياخي النبي فيك كان زعلتي بس جنابوة دة معرس مننا في الامتداد وشايقيي ألتنا كمان قلنا نشاغلو شوية
وحاتك ناس الامتداد ديل غير السكسكة ما عندهم شي
Post: #38 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: اسماء الجنيد Date: 01-24-2011, 00:31 AM Parent: #37
Quote: النبي فيك كان زعلتي بس جنابوة دة معرس مننا في الامتداد وشايقيي ألتنا كمان قلنا نشاغلو شوية
وحاتك ناس الامتداد ديل غير السكسكة ما عندهم شي
حباب ود امي عاد انا بزعل منك ات آ ود ابوي جبريل ؟ كاوي ساااااااي وحاتك انا زاتي علا اكاويه معاك هو جنابو كان ما بتكم دي كان لقالو مرا فنجرية ؟ مباري لي الديش على قول حبوبتي لوولز البركة اللميتوه لينا كان لي هسي يزازي بي البلود تسلم ام عبد الرحمن يا يمة ست البنيات لالالالا حدهن وكمان مريخابي بري منو بري
مشاققة عاد يا ام عبد الرحمن ان بقيت طلعتي مريخابية علا انا اشوفلي بلد من راجلك وراجلي اتفاصح سااااااااااي وماني عارفة الجاياني ودعتكم الله
Post: #40 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: ahmed khidir Date: 01-24-2011, 01:08 AM Parent: #38
جنابو وضيوفه الكرام
اجمل مافي البوست ده مرور كل الناس الجميلين محمد اسماعيل يتملك صوت جميل وتطريب عالي وفي وقت من الاوقات كان من اكتر الفنانين حضورا لكن للاسف الشديد اختفي من الساحه الفنيه تماما قد يكون السبب الاساسي الاعتماد علي اغنيات الاخرين اذا استغل في ذلك الوقت حضوره المميز واعمتد ولو علي بعض اغنياته الخاصه افتكر كان ح يكون مواصل حتي اليوم مشكله الفنان مهما كانت امكانياته لايمكن ان يستمر الا بي اغنياته الخاصه تمنياتي للفنان محمد اسماعيل بالعوده مجددا بي اغنياته الخاصة
Post: #45 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-24-2011, 07:52 AM Parent: #40
Quote: قد يكون السبب الاساسي الاعتماد علي اغنيات الاخرين اذا استغل في ذلك الوقت حضوره المميز واعمتد ولو علي بعض اغنياته الخاصه افتكر كان ح يكون مواصل حتي اليوم مشكله الفنان مهما كانت امكانياته لايمكن ان يستمر الا بي اغنياته الخاصه تمنياتي للفنان محمد اسماعيل بالعوده مجددا بي اغنياته الخاصة
تعرف يا احمد ........
المشكلة مرات فينا نحن المستمعين ديل ما بنشجع الفنان على الخاص .......
دايرين طوالي نسمع منهم الحقيبة والكاشف وعثمان حسين ووردي ......
وتقبل الجديد منهم صراحة داير مثابرة واجتهاد شديد من الفنان وتنازل من انانيتنا نحن كمستمعين ...
Post: #39 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: عماد شمت Date: 01-24-2011, 00:52 AM Parent: #36
Quote: يا جنابو انت ما ملاحظ كل الناس الدخلت عندك دي من اولاد الامتداد
ناس الامتداد مرهفي الحس عشان كده بتذوقوا كل شي جميل وخاصة الفن والموسيقي والكوره كمان..
نعم ناس ابو الجاز ديل ورثوها من ابوهم.. ربنا خلقهم للكورة لكن مابتدي حريف
لاعب الكورة عمره محدد في الملاعب لكن الفنان حتي اخر نفس..بالله ماشفت الراحل
خضر بشير وهو راقد في السرير في ايامه الاخيرة ابدع بصوته الجميل الله يرحمه
سلام مع كثير محبتي للجميع
Post: #41 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: سيف اليزل جعفر عبد الرحمن Date: 01-24-2011, 02:04 AM Parent: #39
يعني اتخارج انا وله ششنو ؟ .... نمشي على كلاكلتنا دي و نقعد تحت قبة جدنا و نشغل مديح وله كيف ؟
خلاص قلبتو البوست لناس الامتداد بس
طيب عليكم الله يا ناس الامتداد ارفعو لينا أغنية
ليه كده الظلم ده (والله الاغنية دي كان فيها صوله) الاعمي يشيل المكسر
ارفعو الاغنية عشان نتخارج منكم
Post: #42 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: خـالد سـوميت Date: 01-24-2011, 03:35 AM Parent: #41
ياسلام على الفنان المبدع محمد اسماعيل .... الرائع ده كان لمن اغني في اركويت تلقي الناس كلها منتشية خالص... عدت فترة كده كان كل خميس تلقي شغال حفلات طوالي بالذات منطقة الخرطوم جنوب من نمرة 3 وحتي اخر الصحافات محمد اسماعيل كان المطلوب رقم واحد....
راي شخصي في اتنين بس قلدو فنانيين بحس فني عاااااالي جداااااااااااااااا محمد اسماعيل -الكاشف زمراوي ود مدني -الجابري
الاتنين ديل احلي اتنين في التقليد ومتعة في الاداء والحضور وللاسف الشديد رغم اصواتهم الجميلة ماوجدو حظهم... التحية للرائع صاحب البوست
Post: #43 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: سفيان بشير نابرى Date: 01-24-2011, 05:26 AM Parent: #42
Quote: محمد اسماعيل مشكل غياب تام ليهو فترة احتمال يكون في القاهرة لسه ؟
في كل الاحوال نرجوا ان يكون بخير وعافية .....
قاااااااااااااااااااااااااااعد يحميد سيدو ولسه بيغني ورابط قروب المزيكا بتاع مركز جنوب وديل مجانين مزيكا رسممممممي
وحاتك يا جنابو المزيكاتيه لما يشتغلو مع زول بيعرف يغني صااااح بيقولو عليهو بعاتي اها محمد اسماعيل ده ياهو البعاتي ذااااااااااااتو
غايتو نحنا عيال الرميلة والقوز والحلة الجديدة ناس الصحافة ديل تعبو مننا تعب شديد حفلات محمد اسماعيل دي حقتنا رسمممممممي لا عندنا قضية بالجكس لا بالعشاء ناس غناء سااااااااكت ونمشي اهلنا مبسوطين . في القوز في واحد اسمو قاسم الاسمراني ده حكاية براهو .
سلام يا جنابو يا احمر ومحبة .
Post: #44 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: امير عوض الجمري Date: 01-24-2011, 07:35 AM Parent: #43
Quote: أمير الجمري ياخ نحن دافننو سوا تحياتي ليك يا ع.......... مالك ما داير تتصل بي !!!! ياخ أنا ما دايرك، داير أسلم على الحاجة
توأم رووووووووووووحي صديق حمدتو (قيدص وتدمح) والله مشتااااااااااااااااااااق ليك شوق العميان لي متعة النظر ....
ومشتاق لي جلسة بعد حفلة من حفلات محمد اسماعيل نتسامر فيها ونقول عليك الله شفت الزول الكارثة دا غنى قول ليهو قول ليهو دي كيف ... ياخي دا مجنون عديل كدا العجب الليل الليل ما بنومو كأني انا حارس نجومو ...
مشتاق ليك بالحييييييييييييييييييييييييييييل
Post: #47 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-24-2011, 08:06 AM Parent: #43
Quote: قاااااااااااااااااااااااااااعد يحميد سيدو ولسه بيغني ورابط قروب المزيكا بتاع مركز جنوب وديل مجانين مزيكا رسممممممي
كويس ياسفيان ياخ دي اخبار كويسة جداً والله ...
لكن يظل ايضاً محمد اسماعيل غائباً عن اجهزة الاعلام وحتى الصحف الفنية .......
لا اتذكر اني شاهدت محمد اسماعيل على احدي قنواتنا الفضائية على كثرتها او حتى سمعته على اذاعة الــ اف ام
وبالطبع لا شريط له في الاسواق ........... ما عارف هل هو عندوا رأي في اجهزة الاعلام وده من حقو ام تلك
الاجهزة عندها راي فيهو وده ما من حقها ؟!
Post: #46 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-24-2011, 07:59 AM Parent: #42
Quote: عدت فترة كده كان كل خميس تلقي شغال حفلات طوالي بالذات منطقة الخرطوم جنوب من نمرة 3 وحتي اخر الصحافات محمد اسماعيل كان المطلوب رقم واحد....
فعلاً سيطرة شبة تامة لفترة من الزمن للفنان محمد اسماعيل ..........
تحياتي خالد لمرورك الجميل ............
Post: #48 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: عفاف الصادق بابكر Date: 01-24-2011, 09:09 AM Parent: #46
عمر .. كيفنك يا اخوي ..
مالك علينا من الصباح ندخل نلقاك تنغر فى اوتارنا الحساسه ..
عليك أمان الله لمن محمد إسماعيل يغنى (رحلة بين طيات السحاب) ..
ويقول ليك ( وحدنا انت وانا) ..... أنا لي يوم الليله اركب طيارة اسمع صوته ..
شوفو لينا الزول ده وين ...؟
الله يمتعه بالصحة والعافية ..
Post: #58 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-24-2011, 12:23 PM Parent: #48
Quote: عمر .. كيفنك يا اخوي ..
مالك علينا من الصباح ندخل نلقاك تنغر فى اوتارنا الحساسه ..
عليك أمان الله لمن محمد إسماعيل يغنى (رحلة بين طيات السحاب) ..
ويقول ليك ( وحدنا انت وانا) ..... أنا لي يوم الليله اركب طيارة اسمع صوته ..
والله ياناس سودانييييييز لقيتكم خطيييرين كلكم تحبوا الغناء السمح ........
ازيك ياعفاف ...........
Post: #49 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: صديق حمدتو Date: 01-24-2011, 09:31 AM Parent: #46
(أغنية سادة جميل والكسرة أغنية ليه كده ) دي هدية للأخ سيف اليزل - بس ما عشان تتخارج بالعكس دي رشوة عشان تفضل معانا في البوست الراقي ده
Post: #50 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: عبد الدائم سيد أحمد Date: 01-24-2011, 09:55 AM Parent: #49
والله ناس الصحافة ديل تعبانين تعب شديد نلقاها من ( ضهب الامتداد ) ولا الميناء البرى الجديد
لا عليك الله يا سفيان نابرى كان ما اتعشيت وبيتـا كمان عشان تحضر الصبحية .... شوف قوة العين ......
وكمان بتاع الكلاكلة داك الاسمو سيف اليزل ، والله الا تبيت فى ابو حمامة الا كان داير جلال الصحافة بنديهو ليكم ... الصبر قاسى والكلاكلة سفر
لكن يا ياسر العليفون كيفتنى فى حنانى
Quote: ولحسن حظي في إجازتي قبل الماضية في السودان كنا سوياً في حفلة أوفر نايت في الصحافة مربع 25 وبالتحديد في بيت ناس الاخ خالد إدريس
الله .. الله من ناس 25 وحلاوة الحفلات فيها
غايتو يا جنابو زى ما قال ليك صديقى العزيز احمد خدر البوست لمة احلى الناس صديق حمدتو مشتاقين ، عماد عويس ، بت الجنيد ، امير الجمرى وطارق جبريل احكى لينا عن ميدان مدرسة الشهيد الطاهر
البوست ده ناقص معاوية محمد ولد 24 ومعاهو علووووووب
Post: #51 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: صديق حمدتو Date: 01-24-2011, 10:28 AM Parent: #50
تحياتي يا عبد الدائم وإنشاء الله تكون بلغت تمام العافية
Quote: البوست ده ناقص معاوية محمد ولد 24 ومعاهو علووووووب
على ذكر علوووب يا عبد الدائم - محمد إسماعيل حكى لي موقف طريف جداً حصل ليهو مع علوووب وقال: "علوب متعود يمر عليهو كل يوم وهو راجع من الشغل ويسأله "الليلة الشغل وين يا أستاذ؟" يوم الحفلة كانت في العزوزاب لكن محمد إسماعيل تلخبط وقال ليهو الحفلة في اللاماب وفي نادي الخرطوم جنوب محمد أكتشف إنو الحفلة في العزوزاب وليس اللاماب، فقال لي ضحكت في سري وقلت علوب الليلة حا يشرب مقلب دولي، وواصل محمد إسماعيل في الحكاية وقال لمن طلعت الفاصل الثاني وفي الأغنية الأولى ألقى ليك علوووب بنطط قدامي - تعرف علوب لف شوارع اللاماب شارع شارع ما لقى الحفلة ومن سؤال لسؤال لحدي ما وصل العزوزاب محل الحفلة. علووب تحفة ياخ وأخونا أمير الجمري عنده مقولة طريفة عن علووب: بيقول علوب ده أكثر من شخص واحد لأنو بيكون موجود في أكثر من حفلة في وقت واحد
Quote: وكمان ياطارق لوسمعتو في (فتنت بيه) مووووت احمر .........
ودي فتنت بيه عشان خاطر جنابو الراقي
Post: #52 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: ياسر السر Date: 01-24-2011, 10:54 AM Parent: #51
راي شخصي في اتنين بس قلدو فنانيين بحس فني عاااااالي جداااااااااااااااا محمد اسماعيل -الكاشف زمراوي ود مدني -الجابري
الاتنين ديل احلي اتنين في التقليد ومتعة في الاداء والحضور وللاسف الشديد رغم اصواتهم الجميلة ماوجدو حظهم... التحية للرائع صاحب البوست
الأخ خالد،،،،
وما تنسى الفنان سابقاً و المادح حالياً (الجيلي الشيخ ) فقد كان يجيد تقليد الموسيقار العملاق محمد وردي بصورة جميلة ،،، وكمان الفنان الجيلي عبد الماجد أجد تقليد الفنان الكبير عبد العزيز داؤود ،،، وكمان ما تنسى الفنان ياسر عبد الوهاب ( ياسر سيد خليفه) فقد أجاد تقليد سفير الأغنية السودانية الفنان سيد خليفه بصورة جيده أيضاً ،،، وكمان ما تنسى الفنان أحمد عثمان بركات فقد أجاد تقليد عميد الفن السوداني الفنان احمد المصطفى ،، وآخرين لا أستحضرهم الآن ..
تحياتي : ياسر العيلفون
تخريمه : يا خالد أن شاء الله تكون ساكن في محطة البلابل ؟؟؟
Post: #53 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: محمد المرتضى حامد Date: 01-24-2011, 11:02 AM Parent: #51
غَنَّاي .. يمين غناي يا عمر .. أكيد بتعرف كم واحد مر عليك في الحي أو المدرسه حريف في الكوره ويتفوق على أي Messi ولكن تجده لايهتم بها ولا يسعى إلى شهرة أو مجد من ورائها ويتركها مبكرا بينما عدد من معدومي الموهبة متفرغين ليها ، أها يا عمر زولك دا من النوع الأول. تغنى بأغاني الكاشف فأبدع ، يقوقي لصلاح محمد عيسى فيُشجى..
شكرا لك ولضيوفك وودجبرين الممسوس..
Post: #54 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: طارق جبريل Date: 01-24-2011, 12:04 PM Parent: #53
كل البينا بقى حكاية
يمين يا ود المرتضى الاغنية دي مرة حضرتها في الصحافة جنب مدرسة الشهيد (اخخخخخخخخخخخخ انا) يمين وصلت الامتداد كلي قطايع
الامتداداب ناس حلوين يا شباب بيحبوا المزازيك زي عيونهم
Post: #55 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: وليد عبد اللطيف Date: 01-24-2011, 12:04 PM Parent: #53
ممكن تزحوا لينا شويه عاملين لينا فيها اولاد خرتوم وبتسمعوا ههههههه ياعمر انت بتقرا افكارنا وللا شنو في واحد من بوستاتك عايز اشاغلك واجيب ليك سيرة صاحبك ربيع الفنان محمد اسماعيل نرجع لموضوعنا طبعا محمد اسماعيل اصدر اول شريط له مابين عام 1986م و1987م وكان متوفر باستريو ( فورسكو فون ) ولابس فيهو قميص كاروهات جميل وبعد التسجيل ختفو منه صاحبنا هشام بيتي ( السجانة ) عندما نتحدث عن محمد اسماعيل لابد ان نتحدث عن عماد الكاشف واحمد عجوز ( الصحافة ) والبحرواي باعتبار انهم افضل من تغنى بروائع الكاشف في الشريط الذي ذكرته كاني يغني اغنية للكاشف كانت غير متداوله بتقول عودتني غيابك عودني ظهورك يوم شريط ممتع وجميل ولكن حفلاته يتسلطن بها بطريقته الخاصة ويغني يقول : ( ابوي ياوالد ماتبقى لي عارض == احرجت ود الناس بكلامك البارد ) الاغنية دي يجعها ليك وسط اغنية المهرجان وبسمه ونظرة وكل البينا بقى حكاية ياخي مبالغة لما يقول : (تنسى ليه وانا قلبي بتذكر كتير يوم لقيتك وهويتك ) لوما متأكد انو الفنان الكاشف قد رحل من دنيا الاحياء لقلت انه من يغني وغير تقليدة الفائق للكاشيف يضيف لمسته اثناء الغناء ويقول إت إت إت وريتني الحنان بطريقة حلوة ومزازيك الف من النوع البمتع ليك ناس الجمري تعرف ياعر جنابو لما نكون عايزين نستمتع بحفلة في بحري نحن وناس ربيع وامين الشمين وبيتي بنجيب محمد اسماعيل وطبعا صاحبك ربيع كوقتها كان عامل فيها دنجوان وكمل لينا كريم ياردلي من كل الصيدليات ببحري خوفا من الصلعة وبرضو ماخلتو هه هه هه . . يجي عبد الدايم سيد احمد يقول لينا الصحفات والكلاكلات
Post: #57 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: عبد الدائم سيد أحمد Date: 01-24-2011, 12:21 PM Parent: #55
شن جاب لجاب يا وليد
بكا فى الصحافة ولا عرس فى الكلاكلة
وسقوك من نفس الكأس آآآآالشربو منو الناس ... تذكر المقطع دااا ....
واحد يذكرنى البيت الجيران ناس محمد اسماعيل البقيفو جمبهم حافلات كتيرة اسمهم منوو .... ما ناس جاد الله طبعا" ..
وين يا معاوية اظهر ؟؟
Post: #60 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-24-2011, 12:31 PM Parent: #55
Quote: نرجع لموضوعنا طبعا محمد اسماعيل اصدر اول شريط له مابين عام 1986م و1987م وكان متوفر باستريو ( فورسكو فون ) ولابس فيهو قميص كاروهات جميل وبعد التسجيل ختفو منه صاحبنا هشام بيتي ( السجانة ) عندما نتحدث عن محمد اسماعيل لابد ان نتحدث عن عماد الكاشف واحمد عجوز ( الصحافة ) والبحرواي باعتبار انهم افضل من تغنى بروائع الكاشف في الشريط الذي ذكرته كاني يغني اغنية للكاشف كانت غير متداوله بتقول عودتني غيابك عودني ظهورك يوم شريط ممتع وجميل ولكن حفلاته يتسلطن بها بطريقته الخاصة ويغني يقول : ( ابوي ياوالد ماتبقى لي عارض == احرجت ود الناس بكلامك البارد ) الاغنية دي يجعها ليك وسط اغنية المهرجان وبسمه ونظرة وكل البينا بقى حكاية ياخي مبالغة لما يقول : (تنسى ليه وانا قلبي بتذكر كتير يوم لقيتك وهويتك ) لوما متأكد انو الفنان الكاشف قد رحل من دنيا الاحياء لقلت انه من يغني وغير تقليدة الفائق للكاشيف يضيف لمسته اثناء الغناء ويقول إت إت إت وريتني الحنان بطريقة حلوة ومزازيك الف من النوع البمتع ليك ناس الجمري
والله أنت معلم كبيييييييير ياوليد ..........
Quote: وطبعا صاحبك ربيع كوقتها كان عامل فيها دنجوان وكمل لينا كريم ياردلي من كل الصيدليات ببحري خوفا من الصلعة وبرضو ماخلتو هه هه هه
وخلي بالك لازم يكون ياردلي الانجليزي الاصلي ........
غايتو كان ماربيع مصنع ياردلي ده كان قفل ...............
Post: #59 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-24-2011, 12:27 PM Parent: #53
Quote: غَنَّاي .. يمين غناي يا عمر ..
ده بجضم الغناء جضيم صااااااح يامولانا ......
Quote: أكيد بتعرف كم واحد مر عليك في الحي أو المدرسه حريف في الكوره ويتفوق على أي Messi ولكن تجده لايهتم بها ولا يسعى إلى شهرة أو مجد من ورائها ويتركها مبكرا بينما عدد من معدومي الموهبة متفرغين ليها ، أها يا عمر زولك دا من النوع الأول.
Post: #56 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-24-2011, 12:20 PM Parent: #51
Quote: ودي فتنت بيه عشان خاطر جنابو الراقي
ياسلالالالالالالالالالالالام ياصديق
الله يديك العافية يااااااااااخ
Quote: على ذكر علوووب يا عبد الدائم - محمد إسماعيل حكى لي موقف طريف جداً حصل ليهو مع علوووب وقال: "علوب متعود يمر عليهو كل يوم وهو راجع من الشغل ويسأله "الليلة الشغل وين يا أستاذ؟" يوم الحفلة كانت في العزوزاب لكن محمد إسماعيل تلخبط وقال ليهو الحفلة في اللاماب وفي نادي الخرطوم جنوب محمد أكتشف إنو الحفلة في العزوزاب وليس اللاماب، فقال لي ضحكت في سري وقلت علوب الليلة حا يشرب مقلب دولي، وواصل محمد إسماعيل في الحكاية وقال لمن طلعت الفاصل الثاني وفي الأغنية الأولى ألقى ليك علوووب بنطط قدامي - تعرف علوب لف شوارع اللاماب شارع شارع ما لقى الحفلة ومن سؤال لسؤال لحدي ما وصل العزوزاب محل الحفلة. علووب تحفة ياخ وأخونا أمير الجمري عنده مقولة طريفة عن علووب: بيقول علوب ده أكثر من شخص واحد لأنو بيكون موجود في أكثر من حفلة في وقت واحد
ههههههههههههههههههه موووووووووبالغة ..........
ولايذكر علوب الا ونتذكر معه (عثمان ضيق) بعملوا ثنائيات في الرقيص خطيييييييرة جداً .....
Post: #61 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: اسماء الجنيد Date: 01-24-2011, 12:38 PM Parent: #56
حبابكم يا اهلنا يا سيف اليزل يا خوي ات براك ؟ كلنا راس الصوت وصلنا لكن تب ما نا متخارجين وحات خوتك وخوتهم كلهم يانا المتحكرين في نص الدارة نتفرج في جنس محن ناس ود جبريل البقى مطفق كلو تراهو الطفيق البنشوفو في الصور ده جايهو من القطايع ونقيز الحفلات
Quote: وكمان بتاع الكلاكلة داك الاسمو سيف اليزل ، والله الا تبيت فى ابو حمامة الا كان داير جلال الصحافة بنديهو ليكم ... الصبر قاسى والكلاكلة سفر
يا عبد الدائم اخوي حبابك ,, مالكم علينا آآ ناس !!! اها وناس الجنيد ينومولكم وين .؟ جياد ؟ ولا سوبا والباقير محـــــــــــــــــــنك يا ربي على قول حبوبة ود المدير الله يرحمها ويرجعوا لينا هو بالسلامة كمان مانا عارفنو وين ود المدير و لافي في ياتو حفلة؟ ما يقوم يطلع لينا هو زاتو امتدائي من امتداد وكدة والله صحي
Post: #63 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: طارق جبريل Date: 01-24-2011, 12:50 PM Parent: #61
Quote: يانا المتحكرين في نص الدارة نتفرج في جنس محن ناس ود جبريل البقى مطفق كلو تراهو الطفيق البنشوفو في الصور ده جايهو من القطايع ونقيز الحفلات
Post: #62 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: وليد عبد اللطيف Date: 01-24-2011, 12:49 PM Parent: #56
Quote: وخلي بالك لازم يكون ياردلي الانجليزي الاصلي ........
غايتو كان ماربيع مصنع ياردلي ده كان قفل ...............
هههههههههههه دي قوية دي ومحتاجة تلفون مباشر الى دبي ودي بعد التلفون ... ياخي ربيع بقول هو من علمكم ثقافة الكريمات وانت عاملين ليهو فيها اولاد اتنين قال : لكن انا مافضي ليك ولو فضيت ليك بخليك تخلي السودان واحسن ليك ماتجمجر فيني ... هههههههه صاحبك حرقتو وبسلم عليك كتير
Post: #64 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: صديق حمدتو Date: 01-24-2011, 01:13 PM Parent: #56
Quote: شريط ممتع وجميل ولكن حفلاته يتسلطن بها بطريقته الخاصة ويغني يقول : ( ابوي ياوالد ماتبقى لي عارض == ود الناس احرجتو بسؤالك البارد ) الاغنية دي يجعها ليك وسط اغنية المهرجان وبسمه ونظرة وكل البينا بقى حكاية
كمان جابت ليها سلبطة من ناس بحري!!! حبيبنا وليد عبد اللطيف - كيف أخبارك ياخي؟ تعرف يا وليد نحن بنفتخر بإنو مراكز الفنانين في الخرطوم (جنوب والسجانة) فرخت أفضل الفنانين الشباب (فيصل الصحافة ومحمد إسماعيل وأحمد عوض :عجوز" وعمار السنوسي وعبد المنعم الخالدي وعمر إحساس وعماد عويس وعماد الكاشف والطيب مدثرومحمد عبد الله "وردي الصغير" وعثمان زيدان وعوض الشادي والمرحوم حيدر حدربي وهاشم حسن ......) أكيد برضو نسيت فنانين كتار
وهدية خاصة ليك يا وليد أغنية "برانا" - ياخ محمد إسماعيل ده بيرفع الهابط ذاتو لمكانة عالية
Post: #65 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Moawia Mohammed Date: 01-24-2011, 01:37 PM Parent: #64
يا سلااااام يا سلااااام يا جنابو عمر الليله هيجت علينا الشجون و رجعتنا السودان و تحديدا الصحافة مربع 24 بيتنا و حلتنا و أصحابنا و فناننا و جارنا و حبيبنا محمد إسماعيل
حبيبنا عبد الدائم ود مربع 25 و حبايبنا الحلوين ناس الإمتداد
و ضيوف البوست الكرام
الليلة أنا بأجز عديل للبوست دا
Post: #66 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: طارق جبريل Date: 01-24-2011, 01:52 PM Parent: #65
ود حمدتو مالك علي ياخي يمين براي يا خلا دي خلت عضامي ترجف براها زي السمكة المطلعنها من الموية جننتنا ياخي انا قاعد في المكتب
Post: #67 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Moawia Mohammed Date: 01-24-2011, 02:16 PM Parent: #65
Quote: يا عمر كان عندي ناس عمي في 24 ما أظهر إلا يوم حفلة محمد اسماعيل وانا زول نوم معاهم
ناس عمك ديل ناس منو يا عمران ؟
Quote: البوست ده ناقص معاوية محمد ولد 24 ومعاهو علووووووب
جيتك يا عبد الدائم أخوي و محمد إسماعيل دا ما بلعب فيهو تب و كل يوم بسمع غناهو و حدي معاكم الأرشفة
Quote: واحد يذكرنى البيت الجيران ناس محمد اسماعيل البقيفو جمبهم حافلات كتيرة اسمهم منوو .... ما ناس جاد الله طبعا" ..
وين يا معاوية اظهر ؟؟
دا بيت المرحوم بابكر قسم السيد
أولاده ناس هاشم فريدة و أمير فريدة
عندهم حافلات و متخصصين يقلبوا الحافلات الكوستر جاز و يركبوا ليها كرونة لاندكروزر
و إسم فريدة دا جاء من الحافلة الكان مكتوب عليها فريدة
و أمير دا كان لعاب لمن غلط و يحاورك في كباية لكن ما كان شغال بيها كتير
أما ناس جاد الله ديل أولاد عمنا عوض بطارية ديل بيتين غرب من ناس محمد إسماعيل
و بعدهم ناس خالد هاشم من الفنانين الأصواتهم جميلة شديد لكنه ما واصل في الساحة و إغترب
بالمناسبة:
معانا هنا في دنفر صالح العربي كان بيسوق حافلة الفنانين بتاعين مركز جنوب
و إبراهيم الحاج من ناس المشتري ( مربع 23 ) كان بتاع ساوند و بيأجر أورغنات
و حبيبنا عمر كافي ود الإمتداد و عازف الجيتار بمركز جنوب و مدير فرقة المبدع عمر إحساس ( له التحايا من بعد و في إنتظار عودته )
و معانا من شباب 24 خالد عطا و أسامة مدرعات
Post: #68 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Moawia Mohammed Date: 01-24-2011, 02:32 PM Parent: #67
Post: #69 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: وليد عبد اللطيف Date: 01-24-2011, 02:44 PM Parent: #68
معاوية مالك علينا ياخي جايبها يوتيوب عديل اغنية برانا اظرفة حاجة لما بتاع الكشكوش يديها لفه وكشفة في هذه الاغنية هههههههههههههههه والناس ترفع الايادي ومحمد اسماعيل يكررها قابلت بي ريدي وسالمني في ايدي قلت ليهو ياسيدي الليله يوم عيدي وججججججججججججججع ياجماعة الجمري وين وين وين اها اليله يامعاوية الاغنية دي انا مساهر بيها عديل كده
Post: #73 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-24-2011, 03:16 PM Parent: #69
Quote: معاوية مالك علينا ياخي جايبها يوتيوب عديل اغنية برانا اظرفة حاجة لما بتاع الكشكوش يديها لفه وكشفة في هذه الاغنية هههههههههههههههه والناس ترفع الايادي ومحمد اسماعيل يكررها قابلت بي ريدي وسالمني في ايدي قلت ليهو ياسيدي الليله يوم عيدي وججججججججججججججع ياجماعة الجمري وين وين وين اها اليله يامعاوية الاغنية دي انا مساهر بيها عديل كده
الاغنية دي كمان ياوليد لو صادفت ليها في الحفلة زولة من اثيوبيا الشقيقة او زولة بتعرف ترقص زيهم ...
نزلت في نص الحفلة كده ......... يمين ناس طارق جبريل الا يجيبوا ليهم الاسعاف .......
خطيييييييير يامعاوية لكن ...
Post: #70 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Moawia Mohammed Date: 01-24-2011, 02:56 PM Parent: #68
المهرجان
Post: #71 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Moawia Mohammed Date: 01-24-2011, 03:01 PM Parent: #70
Post: #72 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Moawia Mohammed Date: 01-24-2011, 03:06 PM Parent: #71
Quote: مالك علينا ياخي جايبها يوتيوب عديل اغنية برانا اظرفة حاجة لما بتاع الكشكوش يديها لفه وكشفة في هذه الاغنية هههههههههههههههه والناس ترفع الايادي ومحمد اسماعيل يكررها قابلت بي ريدي وسالمني في ايدي قلت ليهو ياسيدي الليله يوم عيدي وججججججججججججججع
يا وليد دي أيام ما أظن تاني تتكرر
يا حليل أيامنا السمحة
Post: #74 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Moawia Mohammed Date: 01-24-2011, 03:30 PM Parent: #72
يا جنابو
محمد إسماعيل قاعد و شغال حفلات
و عندو إنتاج جديد و شرايطه ماليه السوق
لكن الإعلام بتاعنا جبـان و إنتقائي
Post: #75 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: سيف اليزل جعفر عبد الرحمن Date: 01-24-2011, 03:59 PM Parent: #72
الرائع صديق حمدتو
تحيات الف
Quote: (أغنية سادة جميل والكسرة أغنية ليه كده ) دي هدية للأخ سيف اليزل - بس ما عشان تتخارج بالعكس دي رشوة عشان تفضل معانا في البوست الراقي ده
الف الف شكر يا غالي على الرشوة يا ريت رشاوي السودان كلها تبقى غنى و كلام جميل
تسلم و تسلم وتسلم يا غالي
Post: #76 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: سيف اليزل جعفر عبد الرحمن Date: 01-24-2011, 04:11 PM Parent: #75
عبدالدائم سلامات
Quote: وكمان بتاع الكلاكلة داك الاسمو سيف اليزل ، والله الا تبيت فى ابو حمامة الا كان داير جلال الصحافة بنديهو ليكم ... الصبر قاسى والكلاكلة سفر
يا زول ابو حمامة شنو الببيت فيها مع ريحة المجاري ؟؟ نحن لما نصل ابوحمامة الواحد بيدخل يدو في جيبو عشان يطلع مفتاح البيت يعني وصلنا خلاص.
يا زول نحن عايزين الجوكر عديل كده ... شنو بترمي لينا في البايص بتاعكم
Post: #77 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: نادر النور آدم Date: 01-24-2011, 04:20 PM Parent: #76
جميل الكاشف
وجميلة الأغنية
وجميل أداء محمد اسماعيل
تلويشة: جنابو .. بقيت مرهف الفترة الفاتت
Post: #78 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: سيف اليزل جعفر عبد الرحمن Date: 01-24-2011, 04:23 PM Parent: #76
Quote: شن جاب لجاب يا وليد
بكا فى الصحافة ولا عرس فى الكلاكلة
الكلاكلة مالههههههههههههههههههههها عيبها لي .... تلقاك انته اسع زاااااتك ساكن في الكلاكلة
يا زول القبة اوربا
Post: #79 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: سيف اليزل جعفر عبد الرحمن Date: 01-24-2011, 04:44 PM Parent: #78
سلامات بنت الجنيد
Quote: حبابكم يا اهلنا يا سيف اليزل يا خوي ات براك ؟ كلنا راس الصوت وصلنا لكن تب ما نا متخارجين وحات خوتك وخوتهم كلهم يانا المتحكرين في نص الدارة نتفرج في جنس محن ناس ود جبريل البقى مطفق كلو تراهو الطفيق البنشوفو في الصور ده جايهو من القطايع ونقيز الحفلات
يا زولة نتخارج وين ؟ انا قايتو مسمر هنا بعد ما مسكت لي رشوة كاربة شديد من الاخ صديق حمدتو..... زمان الواحد فينا كان متحكر في نص الدايرة واسع في نص البوست الجميل ده مع الناس الحلوين ديل يعني بوليس ما بيطلعنا و لو في زول عايز يطلنا بفرتقاه ليهم ..اصلو اخوك فرتاق حفلات .
با شباب فرتيق الحفلة محتاج لشنو ؟ و بكم أسع ؟
Post: #80 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: بكري عباس علي Date: 01-24-2011, 05:33 PM Parent: #79
والله يا جنابو الليلة اتلومت مع اولاد الصحافات وما جاورها
هيجت عليهم الشجون وذكرتهم بما كان زماااان
ياخي محمد اسماعيل دا زول فنان شديد ولكنه ظالم نفسه وظالم جمهوره معاها
تسلم يا راقي
Post: #81 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: إبراهيم عبد الحليم Date: 01-24-2011, 07:11 PM Parent: #80
الكاشف فنان الزمن الجميل هنيئا لمن يغنى له
دخلت البوست مخصوص لاسلم على ود العيلفون المليان فن وغنى ياسر العيلفون كم سعدت بملقاته بالسودان. تحياتى جنابو عمر
Post: #82 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: حمزه بابكر الكوبي Date: 01-24-2011, 08:30 PM Parent: #81
سلام ناس البوست وعلى راسهم صاحب البوست جنابو ووليد عبداللطيف والله انا كنت تقريبا لحد نهاية التمنينات او بداية التسعينات لا ازكر بالضبط صعب جدا وضد مسألة التقليد جملا وتفصيلا ومابحب الغنيه الا من خشم سيدها الاصلي وكنت بعشق الكاشف لدرجة الجنون وكان رائد مدرسة التقليديه الكاشفيه في التمنينات هو صديق سرحان ورغم انه ادائه ممتاز في تقليد الكاشف الا انه كان لايعجبني لرفضي للتقليد ولكن حينما استمعت صدفه لمحمد اسماعيل في حفل في شمبات وازكر جيدا اول اغنيه كانت " المقرن في الصباح " وبعدها تغيرت فكرتي تماما في مسألة التقليد واصبحت اقبل كل من يقلد بصوره جميله !!!
Post: #83 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Moawia Mohammed Date: 01-25-2011, 06:20 AM Parent: #82
.
Post: #84 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: امير عوض الجمري Date: 01-25-2011, 07:14 AM Parent: #83
إيييييييييييييييييييييك يا جماعة مالكم ما بتكلموني الحفلة اتملت بالناس الحلوين والله روعة روعة روعة ... وتسلموا معاوية وصديق على الدرر النزلتوها دي ونحنا اتارينا مقفلين جوانا جمال ما بعدو تاني جمال جيتو انتو وفتحتوهو وخليتونا نشم ريحتو السمحة يا سمحين وعفيت منك يا بت الجنيد محليّة لينا البوست ومدياهو رونق وانتي هنا مرة بي عشرين راااجل .. وحلاة الكلاكلة يا سيف اليزل (كلاكلة لفة لفة لفة ) واحب بحري واموت في الشعبية والمزاد يا وليد امّا الصحااااافة يا عبد الداااائم السهاااااافة دا ما الهناااان ذاااااتو ... وامتدادناالجميل المتفرد في حضرتو تجلس كل الاحياء في ادب واحترام ......
Quote: علووب تحفة ياخ وأخونا أمير الجمري عنده مقولة طريفة عن علووب: بيقول علوب ده أكثر من شخص واحد لأنو بيكون موجود في أكثر من حفلة في وقت واحد
طبعا يا صديق البكون حضر الحفلة في العزوزاب دا ما السأل محمد اسماعيل دا بكون السأل اسياد الحفلة .. لكن السأل محمد اسماعيل بكون لغاية اسي مضهّب في اللاماب وممكن يكون لقى ليهو حفلة هناك بي عبد الوهاب الصادق وكتلها .. وهو ياهو علووووب ذاااتو ، غايتو ما عارف دي تتحلّ كيف ؟
Quote: ولايذكر علوب الا ونتذكر معه (عثمان ضيق) بعملوا ثنائيات في الرقيص خطيييييييرة جداً .....
وثالثهم الشيطان احمد كُشر .. كانوا مثلث طرب خطييير جداًوكانوا حتى لو الحفلة بايخة يهججوها ليك زي عصام الشوالي مع المباريات ...
تسأل عنك العافية يا وليد يا فنان ..
ياسلااااااااااااااااااااااااااام يا جنابو غايتو بوستيك دا يستاهل بوسة .. لمانا مع جوغة حلللللوة جدا ..
Post: #85 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: ياسر السر Date: 01-25-2011, 08:00 AM Parent: #84
إبراهيم عبد الحليم الدكتور الفنان يا جميل يا غاية المنية أنا شوفتك عندي بالدنيا ،، تسلم يا شفيف وبالجد أنا السعدت بملاقاتك ومعرفتك في السودان وطبعاً رحلة سودانيز أون لاين حسنتها الوحيده إنها عرفتني بناس زيك وفي أخوان جد برضوا الواحد تشرف بمعرفتهم وما عايز أذكر الأسماء علشان ما ادخل في إحراج ،،، وأشكرك على لطفك وكرمك والواحد كان بتمنى إنو تطول بنا الساعات ولكن كان لقاء عابر وإن شاء الله نلتقي قريباً،،والسي دي الجميل كان هدية رائعة لك الشكر عليه ،،، وما تنقطع عندك العنوان ،، تقبل ودي ..
ياسر العيلفون
Post: #86 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: عبد الدائم سيد أحمد Date: 01-25-2011, 08:32 AM Parent: #85
ما قلت ليكم البوست عاوز معاوية
بالله يا معاوية لو لقيت غباشى هاتو معاك
مشتاقين ليهو ياخى
غريبة حيمورة اخوان ما دخلو هنا
انعام دى الا يكون عندها نزلة برد
Post: #87 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: وليد عبد اللطيف Date: 01-25-2011, 09:32 AM Parent: #86
امير الجمري ...
Quote: تسأل عنك العافية يا وليد يا فنان ..
ياسلااااااااااااااااااااااااااام يا جنابو غايتو بوستيك دا يستاهل بوسة .. لمانا مع جوغة حلللللوة جدا ..
بالله عمر جنابو مابالغ معانا تخيل اول مره اشوف واسمع ندى القلعة عند ناس معتصم الجمري كلكم بتاعين طرب وهجيج ناس حلوين للطيش
معاوية ... ياسادة ياجميل انت لونك اسمر ياخي داك زمن وجميل كما تفضلت ولم يرجع للاسف كما قال فنانا الراحل المقيم الكحلاوي داك زمن ما بحيى مين تاني البعيدو العمر ساقو ومشابو واللي كان كان وين زمان وكان اهلنا بقولو كان الحب حلال ماكان حرام وكان كرومة وكان سرور
وهكذا تمر الايام بنا واجملها معرفتك ياراقي
Post: #88 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Salah Abdulla Date: 01-25-2011, 11:05 AM Parent: #87
جنابو ومعازيمك الحلوين ، والله إنتو حلوين كلكم..
محمد غناااااااااي والله ، وعندنا معاههو ومع حفلاتو ذكريات وذكريات .. الله على أيام الحب والشفتنه ، والكبسيبة حفلات وكورة وريدة ، وانتشار في الديم والامتداد والصحافة واركويت والحلة الجديدة والقوز واللاماب والشجرة واللحماداب ولغاااااااية العزوزاب .. والعشرة ونمرة تلاتة ،، بس نمرة اتنين لا يا جنابو ، ما بنحب حفلات ( الحنافلة ) ..هههههههه محمد إسماعيل جبتو في حنتي سنة 2004 ، والحفلة الكبيرة والبعدها كانت بالخالدي ، وعامر الجوهري.. الخالدي - عمار السنوسي - عامر الجوهري - فيصل الصحافة - محمد اسماعيل كان قالوا ليك ناس صلاح عندهم حفلة وكان فنانها ما واحد من الفنانين ديل تبقى دي حفلة جيراننا محمد اسماعيل كان بيغني من الابتدائي في السجانة وبالمناسبة الزول ده ما كبير ، ما تشبكونا ستة وتمنين وسبعة وتمنين ، مشكلتو بدا الغنا وهو صغير ويا وليد عبداللطيف أسأل قرايبو ناس هشام (بيتي) عن عمرو.. محمد بيغني مرتاااااااااح ، وما بيتحرك من مكانو ، بس بيحرك نصو الاعلى.. عماد الكاشف من الديم مش من الامتداد ما تتصلبطوا ساي وعندو في الامتداد أولاد خالتو وهم ناس مصطفى سكو
غايتو نحن الديامة عندنا حق الفيتو في الامتداد والصحافة واركويت وما جاورنا من الأحياء لأنو بنعتبرهم امتداد طبيعي للديم وكده، وحفلاتهم كذلك..
Post: #89 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: طارق جبريل Date: 01-25-2011, 11:14 AM Parent: #88
يا صلاح انا على قناعة تامة انه مثلث الديم- الامتداد- الصحافة دة دة مثلث بتاع ابداع غريب منبت لي كل شي جميل في السودان اخد الريادة من ناس اللاماب والرميلة والعزوزاب والشجرة حتى ناس السجانة اكلو نيم معانا
Post: #90 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: وليد عبد اللطيف Date: 01-25-2011, 11:19 AM Parent: #88
صلاح عبد الله ... حبيبنا ياخي والله اشوف صورتك ساكت اتذكر مليون حاجة وحاجة حركة بس كنت ماليها هجيج الجامعة زمن ناس ضياء عبد الرحمن
Quote: محمد اسماعيل كان بيغني من الابتدائي في السجانة وبالمناسبة الزول ده ما كبير ، ما تشبكونا ستة وتمنين وسبعة وتمنين ، مشكلتو بدا الغنا وهو صغير ويا وليد عبداللطيف أسأل قرايبو ناس هشام (بيتي) عن عمرو.. محمد بيغني مرتاااااااااح ، وما بيتحرك من مكانو ، بس بيحرك نصو الاعلى.. عماد الكاشف من الديم مش من الامتداد ما تتصلبطوا ساي وعندو في الامتداد أولاد خالتو وهم ناس مصطفى سكو
فعلا كان صغير محمد اسماعيل و هشام بيتي قريبة وورفيقه في سلاح الطيران (فهمتها) ياخي ماتجيب لينا سيرة مصطفى سكو وتموتنا من الضحك مره واحد قال ليهو ابوك راسو زي عكرة الباب قال ليهو عاجبني ابوك يطلعوهو بكرسي ويدخلوة بكرسي زي التلفزيون هههههههههههههههههههه
Post: #91 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: سارة كرودى Date: 01-25-2011, 11:20 AM Parent: #88
وتعرفي في الزمن داك بعلك دا كان بيقالع عديييل في خور جانقي ... (انا بتاع الساوند يا جنابو مو كدي !!! ) اها خُم وصر ... هههههههههها
ياخي زمن محمد اسماعيل وفيصل واحمد عوض ديل بيغنوا نحن وناس سارة ديل بنقرا في روضة (فاطنة)
يا جماعة والله لقيت لي حلاة موقع وفيه كترة اغاني لي محمد اسماعيل دا لكن غلبني انزلن او اسرقن بالاحرى .. وطبعا انا امي في قصة اشيل وانزل وما عارف دبل كليك وامبيد والحاجات دي .. هو انا ود متين عشان اعرف ليكم الحاجات دي .. ههههههههههههههها .
المهم يا جماعة واحد يدخل لي على الخاص يوريني بسووهن كيفن والله بعد داك امحنكم محنة ...
Post: #98 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: طارق جبريل Date: 01-25-2011, 11:53 AM Parent: #97
امال نحن قاعدين نغرف من وين يا الجمري ههههههههههههههههههههههه
Post: #99 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: امير عوض الجمري Date: 01-25-2011, 12:03 PM Parent: #98
Quote: امال نحن قاعدين نغرف من وين يا الجمري ههههههههههههههههههههههه
لالالالالالالالالالالالالالا يا ود جبرين هيلكم مو متل الليلي .. بس انتو ورووووني الطريقة ومش ها تقدروا تفتحوا عينيكم هههههههههههههههههها
Post: #100 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: سارة كرودى Date: 01-25-2011, 12:05 PM Parent: #98
واحـده من حفـلاته كـان فـى مـربـع 10 بعدينا بى تلاتة شوارع تحضير من الصباح مكوة شعر وشى هدوم وشى جرى لحدى الترزى زمان عرس جيرانكم الفى المربع البعد بعديكم عرسكم اها لمن قرب مواعيد الحفلة ابوى ربنا يديه طولت عُمر بتعشاء فى مواعيد محدده مع التجهيز نسينا العشاء... بس وجاك لافى بهناك اول زول لمه ليك فينى ماشه وين بى كل براءه عرس ناس فلان حرم عرس ماف ليه وعليك الله الفنان محمد اسماعيل والله لوقام الكاشف ماكن ماشين قعدناوقلنا نتابع من على البعد .. وبعد شويه وديت ليه العشاء لقيتو ليك شايل الكبريته ويغنى مع محمد اسماعيل سألنى مالكم مامشيتو لحدى اسع قلته انت ماحلفته طلاق قال لى خلاص مرجوعه امكم فى مسماه انتظرونى بوصلكم شكلو كان داير فرقه ويشوف الفنان الرايع الصوته زى الكاشف ومالقه حجه غيره...
Post: #101 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Abd-Elrhman sorkati Date: 01-25-2011, 12:22 PM Parent: #100
عمر عثمان لك الود
بوستك جميل بما يحويه من معاني وأغاني ،،،
محمد أسماعيل فنان حقيقي لكن ضاع في الزمن الاغبر دة ،، هو موجود الآن بالصحافة بمنزله المعروف ولكنه مقل أو يمكن ان نقول ان من يطلبه هم عارفي قدره ومكانته ،، ( قبل سنة طلبت منو يغني لي في زواج ابن اختي ولبي الطلب مشكورا ،، مع فرقة جميلة وابدع ايما ابداع )
ولكن علي حسب علمي ان وفاة صديقه عبد المنعم الخالدي تركت فيه أثرا سيئا ،،،
من أغانيه الخاصة أغنية من كلمات محجوب شريف مطلعها :
مرة شفتك في المنام وانتي بين سربين حمام
ماشة سكة وادي أخضر ، شايلة سلة ورد أحمر
وحزمتين أحلي الكلام
Post: #102 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: طارق جبريل Date: 01-25-2011, 12:24 PM Parent: #100
انا يا طير بشوفك عشان عمنا الجميل كرودي
Post: #103 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: سارة كرودى Date: 01-25-2011, 12:25 PM Parent: #100
زمان اول ماتدخل بتركب وش الحفلة طوالى نوع سرحان مع الاغنية والعجب لو بقى الشعر مكوى اها دخلنا لقينا الكتاحه قايمه والناس دى ترقص من بدايت الصيوان لى نهايته كان بغنى ليك فى من نظرة و بسمة اتغير حالى ليه والدنيا برد طوالى على الحلبه الممتده من بدايت الصيوان حت شديد يجيك طاير علوب يحتو جمبنا وبعدين كان مركز شديد مع الايقاع لاحظته ليك لكن مافهمته داير يسوى شنو اها لمه الاغنية بتختم نظام ظرافة انت بتقعد قبل النهاية بشوية فى كرسيك جات بت جيرانا تقعد انت ياعثمان السجم اقعد مع الختمه طق وجرا الكرسى ودقت الدلجه وهو كأنو ماسوا شى .وبعد شويه بقه يضحك لمن يقع وراء . ايام اكتر من رايعه ..
Post: #105 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: طارق جبريل Date: 01-25-2011, 12:41 PM Parent: #104
فيها حناكيش يا جنابو
Post: #106 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: وليد عبد اللطيف Date: 01-25-2011, 12:44 PM Parent: #104
Quote: من بدايت الصيوان حت شديد يجيك طاير علوب يحتو جمبنا وبعدين كان مركز شديد مع الايقاع لاحظته ليك لكن مافهمته داير يسوى شنو اها لمه الاغنية بتختم نظام ظرافة انت بتقعد قبل النهاية بشوية فى كرسيك جات بت جيرانا تقعد انت ياعثمان السجم اقعد مع الختمه طق وجرا الكرسى ودقت الدلجه وهو كأنو ماسوا شى .وبعد شويه بقه يضحك لمن يقع وراء . ايام اكتر من رايعه ..
Post: #112 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Moawia Mohammed Date: 01-25-2011, 02:39 PM Parent: #111
Quote: انتو قايلين نمرة 2 دي مافيها فنانين والا شنو
حامد كترينا يا جنابو
Post: #113 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: omer osman Date: 01-25-2011, 02:45 PM Parent: #112
Quote: حامد كترينا يا جنابو
ودحلتنا ياااااخ التحية ليهو ولي اخوهو عازف الاورغن محمد .......
قول واحد لحدي ماناذر الخليفة يجيب ليك باقي اللستة ........
Post: #114 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Moawia Mohammed Date: 01-25-2011, 02:59 PM Parent: #112
علي دهب ( علوب ) - من سكان الصحافة مربع 29
Post: #115 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Alsa7afa_30 Date: 01-25-2011, 04:13 PM Parent: #114
يا سلام على محمد اسماعيل
و يا سلام على علوب دهب
و يا سلام على ناس الصحافة و (امتدادهـا) .. . . .
شكراً أ عمر على البوست الجميل ..
Post: #116 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Moawia Mohammed Date: 01-26-2011, 09:17 AM Parent: #115
.
Post: #117 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: وليد عبد اللطيف Date: 01-26-2011, 09:30 AM Parent: #116
معاوية ... ياسلام عليك جيتنا بصورة علوب شخصيا ياخي في مرة يوم مفتوح في الجامعة وطبعا علوب اساسي والعسكري قعد يتلايق مع علوب عشان يطلع والجمهور مستمتع برقيص علوب والناس تصرخ في البوليس والفنان محمد ميرغني يضحك يازول العسكري غلبو اليسويهو وساب علوب وطالع وعلوب ماشي مسيرو وينقز ويرقص والجمهور يصفق ايام اجميل من جميله ذاتو
Post: #118 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: Moawia Mohammed Date: 01-26-2011, 10:11 AM Parent: #117
تعرف يا و ليد
آخر مرة شفت علوب دا كان في 2002 م و كان بيجي معاهوالحفلات واحد أطرش ما بيسمع نهائي علوب يدخلو ليك الدارة و يمسكو الزمن صدق تاني زمنو ما يفرق لحدي ما الأغنية تنتهي
طبعا علوب غير الرقيص كان عندو هواية إنو يهدي الأغاني للناس في برنامج ما يطلبه المستمعون
ياخ دا ما خلي زول ما أهدي ليهو أغنية
و من القصص البيحكوها عنو قالوا لما ما لقي زول يهدي ليهو قام هدي الأغنية لنفسه
قال علوب بالصحافة مربع 29 يهدي الأغنية لعلي دهب بحلفا الجديدة و المبالغة قالوا سافر حلفا الجديدة عشان يسمع الإهداء
شفت الزول دا حلو كيفن
Post: #119 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: عبد الدائم سيد أحمد Date: 01-26-2011, 10:31 AM Parent: #118
Quote: و المبالغة قالوا سافر حلفا الجديدة عشان يسمع الإهداء
امانة ياالصحافة ما فيكى محن
يا ربى الزمن ده ممكن يرجع تانى !
Post: #120 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: عبد الدائم سيد أحمد Date: 01-26-2011, 10:46 AM Parent: #119
يعنى هسه يا سارة كرودى انتى جايه مع ضهب الامتداد ولا جنابو عزمك ، ولا جيتى تسألى عن زميلات دراسة من الصحافة ممكن تلقيهم هنا.
عشان نعرف هل نديك كرسى تقعدى فى الحفلة قدام ولا نطبق مقلب علوووب
آبو عناب
Post: #121 Title: Re: لماذا اختفي من الساحة الفنية هذا الفنان الرائع ؟ (توجد أغنية) Author: صديق حمدتو Date: 01-26-2011, 11:02 AM Parent: #117
Quote: طبعا يا صديق البكون حضر الحفلة في العزوزاب دا ما السأل محمد اسماعيل دا بكون السأل اسياد الحفلة .. لكن السأل محمد اسماعيل بكون لغاية اسي مضهّب في اللاماب وممكن يكون لقى ليهو حفلة هناك بي عبد الوهاب الصادق وكتلها .. وهو ياهو علووووب ذاااتو ، غايتو ما عارف دي تتحلّ كيف ؟
هههههههههها والله يا أمير الجمري دي بالغت فوقها عديييل كده !!!!
تعرف يا أمير في الاحتفال بأخونا عامر تيتاوي لمن قرر السفر والإغتراب عملنا ليهو رحلة نيلية وأحياها لينا محمد إسماعيل - الكلام ده كان في نوفمبر (بس ما في داعي لذكر السنة عشان خاطر عامر وكمان عشان خاطر أخونا صلاح عبد الله من قبيل شابكنا محمد إسماعيل ده ما كبير لكن بدأ الغناء وهو صغير) قصدت بذكر التاريخ إنو الجو كان جميل يعني الشتاء لسه ما بدأ وجو الرحلة ذاتو كان جميل. في لحظة محمد كان بيغني وهو متكئ على درابزين الباخرة "وريلاكس خالص" - مشيت بشرت عليه وقلت ليه شنو يا محمد ما تغني لينا بنفس شوية ياخ!!! تخيل وهو بغني قال لي براحة كده ياخي إنتو مصحيني من صباح الرحمن يوم الجمعة إحمدو الله إني ما جيتكم بسفنجة !!!!! محمد زول حبوب ومجامل وبحب الغنا عشان كده ببدع فيهو. تصدق يا أمير شريط الرحلة دي "فيديو" موجود عندي نسخة منو وكلما أشوفو بضحك علينا لأنو نحن كنا عاملين فيها الأولاد وجيهين والله لمن تعاين للشريط هسه تقول بالله عاين للوهم ديل!!!!!
..
ة 