Post: #1
Title: آ ياشرطة السودان ..... افعلوا مثل مافعل رئيس شعبة المباحث المركزية الخرطوم من قبل ...
Author: omer osman
Date: 12-09-2010, 10:10 AM
حدث في زمن لن يعود .........
المقدم ........... كان رئيس شعبة المباحث المركزية الخرطوم .......... تراجع الاداء في شعبته وكثرة اخفاقات الافراد وتجاوزتهم فماذا فعل ؟
|
Post: #2
Title: Re: آ ياشرطة السودان ..... افعلوا مثل مافعل رئيس شعبة المباحث المركزية الخرطوم من قبل ...
Author: omer osman
Date: 12-09-2010, 10:15 AM
Parent: #1
امر باحضار عدد من البروش ......... وامر باحضار ست الشاي القريبة من مكاتب الشعبة .....
وجمع كل القوة ضباط وافراد ....... امرهم بالجلوس على البروش ....
وطلب من ست الشاي ان توزع عليهم الشاي على حسابه .........
قال ليهم عارفين ده شنو ؟؟
ابداً سعادتك ....... بس ده زي بيت البكاء ......
ايوه ده بيت بكاء ........ بس عارفين الميت منو ؟
ابداً سعادتك ........
الميت ...... ضمائركم ياسادة ......
الفااااااااااتحة
|
Post: #4
Title: Re: آ ياشرطة السودان ..... افعلوا مثل مافعل رئيس شعبة المباحث المركزية الخرطوم من قبل ...
Author: omer osman
Date: 12-09-2010, 10:19 AM
Parent: #2
احيل سعادة المقدم .. للصالح العام بعد فترة وجيزة
فهل نطمع في فراش جديد يقام للشرطة بعد ان قتلها مع سبق الاصرار والترصد افراد منها وضحكوا عليها ...
|
Post: #3
Title: Re: آ ياشرطة السودان ..... افعلوا مثل مافعل رئيس شعبة المباحث المركزية الخرطوم من قبل ...
Author: بشير حسـن بشـير
Date: 12-09-2010, 10:16 AM
Parent: #1
.
.
الأخ / عمر عثمان
منتظرين سردك لما هو جميل
ونتحسر على زمن أغبر تجلد فيه
النساء فى بلادى.
.
.
|
Post: #5
Title: Re: آ ياشرطة السودان ..... افعلوا مثل مافعل رئيس شعبة المباحث المركزية الخرطوم من قبل ...
Author: omer osman
Date: 12-09-2010, 10:22 AM
Parent: #3
Quote: الأخ / عمر عثمان
منتظرين سردك لما هو جميل
ونتحسر على زمن أغبر تجلد فيه
النساء فى بلادى. |
فجيعتنا عظيمة يابشير ......... في الشرطة ورجولتنا وانسانيتنا ..
|
Post: #6
Title: Re: آ ياشرطة السودان ..... افعلوا مثل مافعل رئيس شعبة المباحث المركزية الخرطوم من قبل ...
Author: داليا حافظ
Date: 12-09-2010, 10:26 AM
Parent: #5
| Quote: فجيعتنا عظيمة يابشير ......... في الشرطة ورجولتنا وانسانيتنا .. |
هون عليك يا جنابو ..ما تحمل نفسك فوق طاقتها ..في كل مهنة في الصالح والطالح ..
|
Post: #8
Title: Re: آ ياشرطة السودان ..... افعلوا مثل مافعل رئيس شعبة المباحث المركزية الخرطوم من قبل ...
Author: omer osman
Date: 12-09-2010, 10:31 AM
Parent: #6
| Quote: هون عليك يا جنابو ..ما تحمل نفسك فوق طاقتها ..في كل مهنة في الصالح والطالح .. |
الشرطة لا تحتمل وجود مثل هولاء الافراد .........
ياخ دي اعراض ناس وانسانيتهم التى كرمها الله سبحانه وتعالي .........
نقبل ونسلم بان افراد الشرطة ليسوا ملائكة ......... لكن لن نقبل ان يكونوا مجرمين .........
دي جريمة ياداليا .....................
|
Post: #9
Title: Re: آ ياشرطة السودان ..... افعلوا مثل مافعل رئيس شعبة المباحث المركزية الخرطوم من قبل ...
Author: فيصل عثمان الحسن
Date: 12-09-2010, 01:27 PM
Parent: #8
| Quote: الشرطة لا تحتمل وجود مثل هولاء الافراد ......... |
الصديق عمر تحياتى , ما الافراد براهم يا عمر , وسط الضباط أيضا
يوجد قدو قدو , وعلى رأس الدولة يوجد قدو قدو , قدو قدو نظام حكم
يا عمر لا يعبأ بحقوق الناس ولا بكرامتهم ولا يعترف بانسانيتهم طالما
انهم لا يوالونه , الافراد يا عمر يمكن السيطرة عليهم وانت سيد العارفين
, التشريعات المحترمة المبرأة من العيوب هى ما نحتاجه , وتجدنى أتفق مع
ما اورده الاخ أبو الريش .
|
Post: #7
Title: Re: آ ياشرطة السودان ..... افعلوا مثل مافعل رئيس شعبة المباحث المركزية الخرطوم من قبل ...
Author: محمد أبوالعزائم أبوالريش
Date: 12-09-2010, 10:29 AM
Parent: #3
يا عُمر ياخ تدني أداء شنو؟
الناس ديل بتصرفاتهم الحيوانية دي منتظرين (ثواب من الله)
الحكاية أكبر من مجرّد إنفلات أفراد، لأنو إنفلاد الأفراد بيكون بتقبّل رشوة أو غض النظر عن مخالفة ... إلخ.
لكن هنا مؤسسة كاملة بأفرادها وضباطها وقاضيها ... يعني سلطة كاملة الأركان.
|
|