Post: #1
Title: لايحدث إلا في السودان ....
Author: omer osman
Date: 12-07-2010, 07:50 AM
أمس كنت اتحدث مع أحد الاصدقاء بأن الشعب السوداني له خصوصيات لاتشبه كل شعوب العالم
الاخري ........ حتى دكتاتوريتنا لاتشبه دكتاتوريات افريقيا والعالم العربي وبالتالي
جأت ثوراتنا الشعبية بنفس شبه وملامح الشعب السوداني وهي بعيد عن ملامح وخصائص الثورات
في الشعوب الاخري ....... والسبب في كل ذلك في تقديري بأننا شعب صوفي متواضع متسامح ...
تاكد لي أمر هذه الخصوصية عندما طالعت صحيفة قوون الصادرة صباح اليوم الثلاثاء 7- 12
واليكم منها هذا الخبر :
وسط اجواء روحانية وعناق حار امتزج بدموع الرجال ...الشيخ محمد خير يحتوى ازمة البرنس والهلال ... مجلس الهلال يشيد بالمبادرة والشيخ محمد خير يثمن سرعة اطراف الخلاف للاستجابة
Quote: متابعة: ابراهيم الجيلي ..تصوير: محمد دفع الله
انقشعت السحابة التي ظللت العلاقة بين لجنة التسيير الهلالية وقائد لاعبي الهلال هيثم مصطفي بعد محاولات ومساع ماكوكية قام بها الشيخ العارف بالله محمد خير ابراهيم والاستاذ محمد خير مدير قناة الشروق والعمدة سعد عثمان امين خزينة نادي الهلال السابق حيث
حضرها كل اعضاء مجلس الادارة عدا الاستاذ مالك جعفر الامين العام والاستاذ عبدالله البشير نائب امين الخزينة الي جانب الدكتور كرار التهامي امين الخزينة واستمرت مبادرة الصلح التي دعا لها الشيخ محمد خير بمسيده بالفتيحاب حتي الساعات الاولي من صباح اليوم.
وقد عبر المهندس يوسف احمد يوسف شيخ العرب عن سعادته بعودة المياه الي مجاريها في رحاب الشيخ محمد خير وقال ان الله قد اكرمهم بالتخلص من ماعلق بالنفوس واضاف بان المشكلة كانت صغيرة الا انها تصاعدت وكبرت الى ان ارسل الله الينا الشيخ محمد خير شاكرا اياه علي جهده وكرمه وقال ان مجلسه يحترم هيثم قائد الفريق ويبادله هيثم الاحترام.
ومن جانبه قال الدكتور علي قاقارين نائب رئيس لجنة التسيير الهلالية انهم سعداء بتجاوز هذه الامور الصغيرة في هذه الليلة المباركة متمنيا ان يعم الاستقرار الديار الهلالية.
وقال العمدة سعد ان الهلال كبير وحتي مشاكله تحل داخل اماكن الذكر وتلاوة القرآن متمنيا ان يسلك الجميع الطريق الصحيح.
فيما رفض اللاعب هيثم مصطفي التعليق وقال انه سوف يعقد مؤتمرا صحفيا في الساعات القادمة بقناة قوون ليطلع الشعب الهلالي علي كل الاحداث.. ومن جانبه شكر الشيخ محمد خير المجلس الهلالي واللاعب هيثم مصطفى علي استجابتهم لمبادرته متمنياً ان يستمر الاستقرار في الوسط الرياضي.
|
|
Post: #2
Title: Re: لايحدث إلا في السودان ....
Author: حمور زيادة
Date: 12-07-2010, 08:02 AM
Parent: #1
| Quote: وقال العمدة سعد ان الهلال كبير وحتي مشاكله تحل داخل اماكن الذكر وتلاوة القرآن متمنيا ان يسلك الجميع الطريق الصحيح |
ده ما فريق الهلال .. ده هلال رمضان عديل.
|
Post: #3
Title: Re: لايحدث إلا في السودان ....
Author: حمور زيادة
Date: 12-07-2010, 08:05 AM
Parent: #2
| Quote: فيما رفض اللاعب هيثم مصطفي التعليق وقال انه سوف يعقد مؤتمرا صحفيا في الساعات القادمة بقناة قوون ليطلع الشعب الهلالي علي كل الاحداث |
الموضوع ده بيجيب ليو تقرير مصير قريب.
|
Post: #6
Title: Re: لايحدث إلا في السودان ....
Author: omer osman
Date: 12-07-2010, 08:10 AM
Parent: #3
| Quote: الموضوع ده بيجيب ليو تقرير مصير قريب. |
غايتو بضمن ليك للباشمهندس خليل منصب وزاري ... ما تقول قاعد في الدوحة
محل المفاوضات زاااتو .......
|
Post: #4
Title: Re: لايحدث إلا في السودان ....
Author: أحمد ابن عوف
Date: 12-07-2010, 08:06 AM
Parent: #2
هههههههههههه
يلا يا المريخاب، شوفوا ليكم شيخ عارف بالله يحل ليكم مشاكلم برضو
لو ما عندكم بنوصي ليكم
|
Post: #7
Title: Re: لايحدث إلا في السودان ....
Author: أحمد ابن عوف
Date: 12-07-2010, 08:10 AM
Parent: #4
لكن دا شيخ حريف والله
يعني مريديه من كم الف بكرة ببقوا كم مليون، ما هلال الملايين وكده
ياخي دا رجع ليك البرنس بجرة سبحة بس لووووول
آمنت بالله
موضوعك منقا يا عمر
|
Post: #8
Title: Re: لايحدث إلا في السودان ....
Author: omer osman
Date: 12-07-2010, 08:12 AM
Parent: #7
Quote: لكن دا شيخ حريف والله
|
سرو باتع ..... على قول اهل وطن حمور الثاني والا الأول بقينا ماعارفين ...
|
Post: #5
Title: Re: لايحدث إلا في السودان ....
Author: امير عوض الجمري
Date: 12-07-2010, 08:08 AM
Parent: #2
احب السودان واحب المريخ واحب الهلال
واحبك انت ذاااااتك يا عمر ......
ياهو دا السودان ....
نسأل الله ان يديم العافية على الوسط الرياضي لنرقى
الى المصاف العلا فنحن شعباً نستاهل كل خير ورفعة
|
Post: #9
Title: Re: لايحدث إلا في السودان ....
Author: omer osman
Date: 12-07-2010, 08:15 AM
Parent: #5
Quote: احب السودان واحب المريخ واحب الهلال
واحبك انت ذاااااتك يا عمر ......
ياهو دا السودان ....
نسأل الله ان يديم العافية على الوسط الرياضي لنرقى
الى المصاف العلا فنحن شعباً نستاهل كل خير ورفعة |
الجمري ياراقي ...... وكلك ذوق وفهم ما ود الامتداد .....
ربنا يجعلنا دائماً متحابين متعافين .........
|
Post: #10
Title: Re: لايحدث إلا في السودان ....
Author: حمور زيادة
Date: 12-07-2010, 08:16 AM
Parent: #5
اميرالجمري .. سلام
ما مدحت به البلد و اعجبك في هذا الخبر كارثة عديل و ليس ميزة قط.
يعني كيف مشكلة مؤسسة تتحلا بواسطه شيخ أرسله الله.
يعني الموضوع ما بيسوا ؟ يبقى لازم محاسبة من صعدو الموضوع.
ده كلام تتحل بيو شكله في الحلة او خلاف بين اتنين اصحاب في دكان الفتة .. لكنو كلام لا يحل مشكلة داخل مؤسسة.
ياها د طريقة ادارة دولة كاملة كأنها قرية سكانها 120 نفر و كلهم أولاد عم و الحاجات ماشه بالنفوس الطيبة.
|
Post: #11
Title: Re: لايحدث إلا في السودان ....
Author: أحمد ابن عوف
Date: 12-07-2010, 08:20 AM
Parent: #10
Quote: ما مدحت به البلد و اعجبك في هذا الخبر كارثة عديل و ليس ميزة قط.
يعني كيف مشكلة مؤسسة تتحلا بواسطه شيخ أرسله الله.
يعني الموضوع ما بيسوا ؟ يبقى لازم محاسبة من صعدو الموضوع.
ده كلام تتحل بيو شكله في الحلة او خلاف بين اتنين اصحاب في دكان الفتة .. لكنو كلام لا يحل مشكلة داخل مؤسسة.
ياها د طريقة ادارة دولة كاملة كأنها قرية سكانها 120 نفر و كلهم أولاد عم و الحاجات ماشه بالنفوس الطيبة. |
شكرا يا حمور
|
Post: #12
Title: Re: لايحدث إلا في السودان ....
Author: محمد عبدالرحمن محمد
Date: 12-07-2010, 08:37 AM
Parent: #11
Quote: لايحدث إلا في السودان ....
|
عمر يا فنان؛
لو فتحت بوست بالعنوان دا وخليتو [سبيل] والله إلا بكري يسويلو منبر!!
|
Post: #16
Title: Re: لايحدث إلا في السودان ....
Author: omer osman
Date: 12-07-2010, 08:58 AM
Parent: #12
Quote: عمر يا فنان؛
لو فتحت بوست بالعنوان دا وخليتو [سبيل] والله إلا بكري يسويلو منبر!! |
يازول البوست ده فيهو شيخ عديل كده ....
احسن تخلي الطرطشة دي والا السبحة في .....
|
Post: #13
Title: Re: لايحدث إلا في السودان ....
Author: امير عوض الجمري
Date: 12-07-2010, 08:42 AM
Parent: #11
Quote: اميرالجمري .. سلام
ما مدحت به البلد و اعجبك في هذا الخبر كارثة عديل و ليس ميزة قط.
يعني كيف مشكلة مؤسسة تتحلا بواسطه شيخ أرسله الله.
يعني الموضوع ما بيسوا ؟ يبقى لازم محاسبة من صعدو الموضوع.
ده كلام تتحل بيو شكله في الحلة او خلاف بين اتنين اصحاب في دكان الفتة .. لكنو كلام لا يحل مشكلة داخل مؤسسة.
ياها د طريقة ادارة دولة كاملة كأنها قرية سكانها 120 نفر و كلهم أولاد عم و الحاجات ماشه بالنفوس الطيبة. |
الاحباء حمور واحمد ابن عوف
تحياتي ..
انا عجبني حل الموضوع وعجبتني فكرة انه اتحلّ بابسط ما يكون واعجابي بالامر كان ردة فعل لبوست عمر بان هذا لايحدث الا في السودان ..
وطبعا يا حمور من الاول انا من الناس الكانوا شايقين فعلا انه الموضوع ما بيسوا والتصعيد كان ممكن يتنامى اكتر من ذلك ونصل لطريق مسدود والرجعة تبقى صعبة عشان كدا ما اهتميت كتير لكيفية الحل بقدر ما افرحني الحل نفسه وهنا الغاية تبررالوسيلة فغايتنا في المقام الاول هي حل الامر
باي وسيلة بعد كدا ممكن الناس تقعد وتحاسب من كان سببا في التصعيد ..
|
Post: #14
Title: Re: لايحدث إلا في السودان ....
Author: جمال المنصوري
Date: 12-07-2010, 08:50 AM
Parent: #13
(الملا) عمر عثمان
كل عام وانت بخير..
يا خي في شيء قادي اضاني، ماقدرت افهمو،، يا ريت لو فهمتني الموضوع ده كويس:
Quote: . حتى دكتاتوريتنا لاتشبه دكتاتوريات افريقيا والعالم العربي وبالتالي
جأت ثوراتنا الشعبية بنفس شبه وملامح الشعب السوداني وهي بعيد عن ملامح وخصائص الثورات
في الشعوب الاخري |
الديكتاتوريات دي عرفناها، الا دي (جأت ثوراتنا الشعبية بنفس شبه وملامح الشعب السوداني )
الحقيقة الما فهمتها موقع الانقاذ هنا وين ؟؟
يا ربي من ضمن الديكتاتوريات، ولا الثورات الشعبية ؟؟
مودتي
|
Post: #18
Title: Re: لايحدث إلا في السودان ....
Author: omer osman
Date: 12-07-2010, 09:09 AM
Parent: #14
هلا يامنصوري وكل عام وانت بخير .....
غايتو (الملا) دي اذا قاصد بيها المعني (الطالباني للدين) فده ما أنا .....
أما اذا كان مجرد طباق الاسم مع الملا عمر فلابأس .......
Quote: حتى دكتاتوريتنا لاتشبه دكتاتوريات افريقيا والعالم العربي وبالتالي
جأت ثوراتنا الشعبية بنفس شبه وملامح الشعب السوداني وهي بعيد عن ملامح وخصائص الثورات
في الشعوب الاخري |
العاوز اقوله باختصار (انو دكتاتوريتنا وثوراتنا الشعبية أقل دموية مما يحدث في بلاد اخري)
ولايعتبر كلامي هذا من تعديد محاسن الدكتاتورية فهي مذمة في كل احوالها ....
اما عن سؤالك بتاع الانقاذ فالامر لايحتاج الى اجابة قطع شك .....
|
Post: #19
Title: Re: لايحدث إلا في السودان ....
Author: جمال المنصوري
Date: 12-07-2010, 09:15 AM
Parent: #18
الحبيب/ عمر عثمان (جنابو)
تحية مرة اخري..
الملا اصطلاح خليجي ظهر قبل ان يظهر ما يسمي ( بالملا عمر الطالباني) بمئات السنين، والملا تعني رجل الدين، او معلم الدين،،، وبما ان البوست به روح دينية صوفية،، عشان كده المحت الي الروح الجديدة التي ظهر بها جنابو (عمر) عشان كده كتبتها (الملا) عمر عثمان) وليس عمر فقط..
فقد عرفناك تكتب في الرياضة، وتكتب في الساسة، وتكتب في الاجتماع، وتكتب عن الشرطة ، والان اكتمل العقد بالكتبة الصوفية المؤثرة.. لذا ظهر لنا البعد الاخر..
تسلم اي جنابو
|
Post: #21
Title: Re: لايحدث إلا في السودان ....
Author: omer osman
Date: 12-07-2010, 09:37 AM
Parent: #19
Quote: الحبيب/ عمر عثمان (جنابو)
تحية مرة اخري..
الملا اصطلاح خليجي ظهر قبل ان يظهر ما يسمي ( بالملا عمر الطالباني) بمئات السنين، والملا تعني رجل الدين، او معلم الدين،،، وبما ان البوست به روح دينية صوفية،، عشان كده المحت الي الروح الجديدة التي ظهر بها جنابو (عمر) عشان كده كتبتها (الملا) عمر عثمان) وليس عمر فقط..
فقد عرفناك تكتب في الرياضة، وتكتب في الساسة، وتكتب في الاجتماع، وتكتب عن الشرطة ، والان اكتمل العقد بالكتبة الصوفية المؤثرة.. لذا ظهر لنا البعد الاخر..
تسلم اي جنابو |
الف شكر ياعمك ...... نحن اصلنا اولاد خلفاء بس اطرطشنا شوية كده ..
وهاك الهدية معاك .......
مدحة صلاة في سلام على غوث الأنام ... سياحة روحية وشفاء للنفوس
|
Post: #15
Title: Re: لايحدث إلا في السودان ....
Author: امير عوض الجمري
Date: 12-07-2010, 08:56 AM
Parent: #13
| Quote: وقد عبر المهندس يوسف احمد يوسف شيخ العرب عن سعادته بعودة المياه الي مجاريها في رحاب الشيخ محمد خير وقال ان الله قد اكرمهم بالتخلص من ماعلق بالنفوس واضاف بان المشكلة كانت صغيرة الا انها تصاعدت وكبرت الى ان ارسل الله الينا الشيخ محمد خير شاكرا اياه علي جهده وكرمه وقال ان مجلسه يحترم هيثم قائد الفريق ويبادله هيثم الاحترام. |
وكلام رئيس نادي الهلال دا بيأكد كلامك وكلامي يا حمور وكلام كتير من الناس بان المشكلة كانت صغيرة وتصاعدت وكانت ممكن تتصاعد اكتر واكتر .
بعدين في جانب مهم جدا وهو تأثير شيوخ الطرق الصوفية على محبيهم ومريديهم وحوارهم .. وحسب علمي ان
الكابتن هيثم مصطفى (متصوّف) وقد يكون الشيخ محمد خير هو شيخ الطريقة التي يتبعها هيثم ولذلك فتأثيره بيكون كبير على هيثم .. وتغيير المعتقدات دي صعب جدا جدا يا حمور .. وانا ايضا اعتقد بأن احد المتبعين لطريقة الشيخ محمد خير هو من لعب هذا الدور وقام بتوصيل المعلومة للشيخ (دا مجرد اعتقاد او تخمين طبعا)
|
Post: #17
Title: Re: لايحدث إلا في السودان ....
Author: omer osman
Date: 12-07-2010, 09:01 AM
Parent: #13
Quote: انا عجبني حل الموضوع وعجبتني فكرة انه اتحلّ بابسط ما يكون واعجابي بالامر كان ردة فعل لبوست عمر بان هذا لايحدث الا في السودان ..
|
وده بيت القصيد من البوست ........
حمور ده بس بتاع ناس كوره اطلعوا منو ......
|
Post: #20
Title: Re: لايحدث إلا في السودان ....
Author: عمران حسن صالح
Date: 12-07-2010, 09:32 AM
Parent: #17
في أيقونة ناااااااقصة في حوش أب صلعة ده !!
يد مفتوحة
والتانية (مكوَرة) وبتتحركـ فوق المفتوحة في حركة دائرية
وحسب الموضوع إذ يمكن لهذه اليد أن تتحركـ في حالة إحتكاكـ قوي
أو ممكن يكون إحتكاكـ خفيف
حسب الحالة يعني 
أها الحالة بتختلف من مريخابي إلى آخر
في حالة جنابو وأمير يمكن أن يكون خفيفاً ( هلالاب زعلانين مؤقتاً ومريخاب بيشجعوا اللعبة الحلوة )
اما في حالة أساسي وكوستا ومحمد الأمين فالإحتكاكـ قوياً بما يقارب توليد شرارة من شدته . 
____________________________________________________
ومن ناحية الأصل في الأشياء فالمحاسبة لهيثم وااااجبه لأن القانون لا بد أن يظل قوياً
|
Post: #22
Title: Re: لايحدث إلا في السودان ....
Author: omer osman
Date: 12-07-2010, 09:48 AM
Parent: #20
Quote: ( هلالاب زعلانين مؤقتاً ومريخاب بيشجعوا اللعبة الحلوة )
|
اتخيل ياعمران لو حصل يوم فكرت اشجع الهلال ح اشجعوا عشان هيثم مصطفي ده ...
انا جني وجن الزول المرخرخ ....... الراجل لازم يكون قلبوا حار وده لايمنع ان يكون طيب
ومتسامح في نفس الوقت .... تشدها للناس الف احمر وبعد داك تتنازل برضاك ....
| Quote: ومن ناحية الأصل في الأشياء فالمحاسبة لهيثم وااااجبه لأن القانون لا بد أن يظل قوياً |
تعرف ياعمران مرات القانون بعقد المشكلة ما بحلها وعلى القائد او المدير ان يدرك
مع من يتعامل ومحاسن وسلبيات الشخص الواقف قدامو ده واعني بذلك مجلس ادارة نادي الهلال
ليس عليهم الانحناء لهيثم لكن لاتدفعه دفعاً لمخالفة التعليمات (كلام عساكر) ....
مرة عندنا عسكري شغال معانا وهو زول كويس المهم في موقف كده الضابط قال ليهو انتباه
قال للضابط يازول انتباه بتاعة شنو !! ولا انتباه ولاحاجة !!
الضابط طوالي عرف انو الزول ده الليلة مابراهو قال ليهو خلاس امشي ....
خمسة دقائق العسكري جاء يبكي ويعتذر ويشرح في ظروف نفسية حاصلة عليهو
كان ساهل على الضابط يختو في الحبس وقت المخالفة لكن قدر انو من الافضل التعامل
بحكمة مع الموقف ... وجابت نتيجة الحكمة دي ....
|
Post: #23
Title: Re: لايحدث إلا في السودان ....
Author: امير عوض الجمري
Date: 12-07-2010, 10:17 AM
Parent: #22
Quote: مرة عندنا عسكري شغال معانا وهو زول كويس المهم في موقف كده الضابط قال ليهو انتباه
قال للضابط يازول انتباه بتاعة شنو !! ولا انتباه ولاحاجة !!
الضابط طوالي عرف انو الزول ده الليلة مابراهو قال ليهو خلاس امشي .... |
ذكرتني قصة حكاها الحكم السيد درمة وكان يتحدث عن التعامل بحكمة وحسب الوضعية النفسية للشخص البتتعامل معاهو فقال : في واحدة من المباريات كان طرفها المريخ زكان ادوارد جلدو لاعب وسط المرخ وقتهافي حالة نفسية سيئة وضحت حتى في ادائه في الملعب فحصلت مخالفة عايز ينفذها ادوارد نفسه وكانت الفانيلا برة الشورت فقال قلت ليهو يا كابتن دخّل الفانيلا جوة الشورت ادوارد قال ليهو ابيت ما بدخلها ..
فقال قلت ليهو ان شاء الله ما تدخلها يللا العب وصفرت ليهو ...
فالحكمة مطلوبة في التعامل مع البشر ونفسية الشخص هي البتتحكم في تصرف معين حدث اثناء تلك الحالة
وما حدث من هيثم اظنه ردة فعل قوية لما تعرض له وهنا لا ابرر الخطأ الارتكبو بعدم الاستجابة لطلب مجلس الادارة ولكن لابد من مراعاة كل هذه الامور حال اتخاذ قرار بانزال اي عقوبة على كابتن هيثم من قبل المجلس يا عمران يعني ممكن تكون (لفت نظر) كفاية ...
والله بالجد هيثم لاعب كبير وكاريزمتو عاااالية جدا وتأثيره قوي على زملائه اللاعبين سواء في المنتخب او في الهلال ...
وبالجد عجبني جدا موقفه مع راجي والبتحكي عنه الصورة وهو يواسيه ويطيب خاطره ودي فعلا ما بتحصل الا من لاعب فنان في كله شيء .. وحتى لو اخذنا عليه ملاسنته مع كابتن فيصل العجب الا وان جو الميدان بيختلف كتير عن الاحوال خارجه وكلنا لعبنا كورة وعارفين البحصل شنو جوة الميدان مع حرة النفس ...
المهم يا عمران انا في حالات زي دي بس ممكن اشجع الهلال يعني برة الميدان (لمن تتصالحوا وتتصافحوا) انا بالمناسبة اصصصصلي ما بدور التشاحن والزعل بكرهه جددددددددددداً وبحب الجو النقي النضيف
الصافي (مش انا صفوة وللا شنو) غمزة عين .. بالمناسبة ياخي ما تعلموني بختوا الوش البضحك والبغمز والحاجات دي كيف انا امي جدا في الحاجات دي .
|
Post: #24
Title: Re: لايحدث إلا في السودان ....
Author: omer osman
Date: 12-07-2010, 10:23 AM
Parent: #23
Quote: ذكرتني قصة حكاها الحكم السيد درمة وكان يتحدث عن التعامل بحكمة وحسب الوضعية النفسية للشخص البتتعامل معاهو فقال : في واحدة من المباريات كان طرفها المريخ زكان ادوارد جلدو لاعب وسط المرخ وقتهافي حالة نفسية سيئة وضحت حتى في ادائه في الملعب فحصلت مخالفة عايز ينفذها ادوارد نفسه وكانت الفانيلا برة الشورت فقال قلت ليهو يا كابتن دخّل الفانيلا جوة الشورت ادوارد قال ليهو ابيت ما بدخلها ..
فقال قلت ليهو ان شاء الله ما تدخلها يللا العب وصفرت ليهو ...
|
بالمناسبة درمة زاتو صول قدر الضربة ......
|
Post: #25
Title: Re: لايحدث إلا في السودان ....
Author: محمد البشرى الخضر
Date: 12-07-2010, 10:40 AM
Parent: #24
الحمد لله ... شكرا يا جنابو
يا عمران حركتك دي مش للمريخاب بس بل بعض الهلالاب ايضا للاسف من اصحاب الاجندات و بعض جهلاء الاعلاميين ايضا يستحقوها
هم من كبر الموضوع و زادوا النار حطب و رفعوا والدة هيثم كقميص عثمان للنيل من مجلس الهلال و من الاتحاد بل و من الهلال نفسه
ديل يستحقوا الواحد يجبّص ليهم عديل
|
Post: #26
Title: Re: لايحدث إلا في السودان ....
Author: عمران حسن صالح
Date: 12-07-2010, 10:58 AM
Parent: #25
Quote: انا جني وجن الزول المرخرخ ....... الراجل لازم يكون قلبوا حار وده لايمنع ان يكون طيب
ومتسامح في نفس الوقت .... تشدها للناس الف احمر وبعد داك تتنازل برضاك .... |
تمام شديد
عشان كدي في لعيبة لو الواحد حا يجيب في كل شهر كاس أخير يتخارج .
وده القلناهو كتير هنا في الفرق بين هيثم ( وغيرو ) .
تسلم يا عمر
وتحياتي أمير الجمري
____________________
ود البشرى يعني نجهز الأيقونة ؟؟
|
Post: #27
Title: Re: لايحدث إلا في السودان ....
Author: محمد البشرى الخضر
Date: 12-07-2010, 11:34 AM
Parent: #26
نقلا عن منتدى الهلال
جهز يا عمران أما بتاعة التجبيص ارجى بيها ود الصايم
|
Post: #28
Title: Re: لايحدث إلا في السودان ....
Author: ناصر جبريل
Date: 12-07-2010, 11:35 AM
Parent: #25
Quote:
ما ود الامتداد .....
|
دي ريحتني شديد
|
|