Post: #1 Title: رسالة الى قلة قليلة من مشجعي الهلال بالمنبر Author: omer osman Date: 11-23-2010, 10:37 PM Parent: #0
رجاًء ..... اوقفوا الطرق على موضوع راجي ..
واقعة حدثت وفصل فيها القضاء وانتهي الامر لحدي هنا ...
راجي شاب صغير في السن ومن الممكن ان يفيد المريخ والسودان وربما ينتقل ذات يوم الى الهلال ...
فلنتفق على الارتقاء بمستوي التشجيع والمناكفات التى لاتجرح الاخرين ...
Post: #2 Title: Re: رسالة الى قلة قليلة من مشجعي الهلال بالمنبر Author: haroon diyab Date: 11-23-2010, 10:39 PM Parent: #1
والله راجي لعاب ياجنابو
والدليل......
Post: #3 Title: Re: رسالة الى قلة قليلة من مشجعي الهلال بالمنبر Author: khaleel Date: 11-23-2010, 10:42 PM Parent: #2
Quote: راجي شاب صغير في السن ومن الممكن ان يفيد المريخ والسودان وربما ينتقل ذات يوم الى الهلال ...
فلنتفق على الارتقاء بمستوي التشجيع والمناكفات التى لاتجرح الاخرين ...
اوافقك وابصم بالعشرة علي كلامك
Post: #4 Title: Re: رسالة الى قلة قليلة من مشجعي الهلال بالمنبر Author: omer osman Date: 11-23-2010, 10:46 PM Parent: #3
Quote: اوافقك وابصم بالعشرة علي كلامك
ياها المحرية فيك ياهندسة وفي عقلاء مشجعي الهلال بالمنبر وما اكثرهم ...
Post: #5 Title: Re: رسالة الى قلة قليلة من مشجعي الهلال بالمنبر Author: khaleel Date: 11-23-2010, 11:07 PM Parent: #4
بالمناسبة يا سعادتك
راجي لم يحرز هدف للمريخ في بطولة افريقيا هذا العام
من التمهيدي وحتي خروج المريخ
حليل ايداهور ياخ
Post: #6 Title: Re: رسالة الى قلة قليلة من مشجعي الهلال بالمنبر Author: abubakr salih Date: 11-23-2010, 11:09 PM Parent: #5
يا جماعة زول يكلم محمد عادل ... و الله الزول أشتر بامتياز
كان فى السياسية كان فى الكورة .... أخخخخخ الله يكون فى العون
Post: #7 Title: Re: رسالة الى قلة قليلة من مشجعي الهلال بالمنبر Author: محمد الامين احمد Date: 11-23-2010, 11:25 PM Parent: #6
فوق فوق مريخنا فوووووووووووووووووووووووووووووق
هنو يا هنو يا البكيت الصغار و خليتهم جنو راجى يا راجى يا بكيت الصغار و خليتهم يتلوو
====================================================== بـ قلم **اسماعيل حميم** بمناسبة فوز **المريخ العظيم** للمرة العشرين بـ كأس السودان ====================================================== أين الضيافة يا أهل الديار أين الكرم والإحترام للشعار عشان غلبوه من الكاس طار يقوم جمهوره يفلق بالحجار
بالأمس كان النصر لك واليوم في دارك بنغلبك سيبو النضم وطق الحنك الكورة أهداف في الشبك
====================================================== رغم ظلم التحكيم فزنا ======================================================
====================================================== و أغنية عراقية نظام الهيصه و كده (علي البغدادي - جاك جيك جكجكه) ======================================================
*** يقال ان المرجفين من جمهور صغير العرضة غادرو المقبرة حفاة ... لانهم فـلـعـو بـ شباشبهم
Post: #8 Title: Re: رسالة الى قلة قليلة من مشجعي الهلال بالمنبر Author: مرتضى احمد عبد القادر Date: 11-24-2010, 00:03 AM Parent: #6
والله الزول البحاول يسي لراجي بالموضوع دا ما عندو موضوع جمهور المريخ في شارع العرضه شايل اعلام المريخ وقازازات وبهتفو السكران جاب الاقوان إحتفالا بهدف راجي ومكاواة للناس الاساو ليهو يعني بالواضح كدا الجمهور قال لاي زول عايز يفتح الموضوع دا قوم لف
Post: #9 Title: Re: رسالة الى قلة قليلة من مشجعي الهلال بالمنبر Author: omer osman Date: 11-26-2010, 01:06 PM Parent: #8
up
Post: #10 Title: Re: رسالة الى قلة قليلة من مشجعي الهلال بالمنبر Author: اسماء الجنيد Date: 11-26-2010, 01:12 PM Parent: #9
Quote: فلنتفق على الارتقاء بمستوي التشجيع والمناكفات التى لاتجرح الاخرين
الله يكتر من امثالك والله عمر ازيك ياخ
يا جنابو لول
والله انت تجبر الزول يقول ليك جبل الجيش زاتو لول تسلم والله لروحك السمحة رغم حمرة عينك اقصد لونك
مبروك مرة تاني للمريخ والله من القلب ويا جماعه اتعلموا البجتهد بلقى والفاز لازم نهنيه ونكاوي بروح رياضيه برضو شكرا يا عمر يا ذوق
Post: #13 Title: Re: رسالة الى قلة قليلة من مشجعي الهلال بالمنبر Author: omer osman Date: 11-26-2010, 01:18 PM Parent: #10
Quote: الله يكتر من امثالك والله عمر ازيك ياخ
يا جنابو لول
والله انت تجبر الزول يقول ليك جبل الجيش زاتو لول تسلم والله لروحك السمحة رغم حمرة عينك اقصد لونك
مبروك مرة تاني للمريخ والله من القلب ويا جماعه اتعلموا البجتهد بلقى والفاز لازم نهنيه ونكاوي بروح رياضيه برضو شكرا يا عمر يا ذوق
هلا يا اسماء ....
وشكرا لكلماتك الطيبة في حقي ......
ربما فزت باجر فتح البوست لكني متأكد ان هذه الافكار ذاتها كانت تدور في راس الكثير جدا من الهلالاب قبل المريخاب ...
Post: #11 Title: Re: رسالة الى قلة قليلة من مشجعي الهلال بالمنبر Author: نايف محمد حامد Date: 11-26-2010, 01:13 PM Parent: #9
انا هلالابى والحمد لله لم و لن اتطرق للامر حتى ونسة ساى وادين كل الهلالاب الاتناولوا الموضوع على مستوى الصحافة او الجماهير
Post: #12 Title: Re: رسالة الى قلة قليلة من مشجعي الهلال بالمنبر Author: نايف محمد حامد Date: 11-26-2010, 01:14 PM Parent: #11
شكرا الاخ المحترم عمر عثمان
Post: #15 Title: Re: رسالة الى قلة قليلة من مشجعي الهلال بالمنبر Author: رغيم عثمان رغيم الحسن Date: 11-26-2010, 01:22 PM Parent: #12
متفق معاك يا جنابو المفروض نتعلم نضع حدود للمناكفات الرياضة لإنها ب الجد اتجاوزت كل الحدود وبدت تصل نقطة اللا رجعة
Post: #17 Title: Re: رسالة الى قلة قليلة من مشجعي الهلال بالمنبر Author: omer osman Date: 11-26-2010, 01:27 PM Parent: #15
Quote: متفق معاك يا جنابو المفروض نتعلم نضع حدود للمناكفات الرياضة لإنها ب الجد اتجاوزت كل الحدود وبدت تصل نقطة اللا رجعة
الشقيق ابن الشقيق ........
لم يخيب الهلالاب ظني .... شكراً
Post: #16 Title: Re: رسالة الى قلة قليلة من مشجعي الهلال بالمنبر Author: معاوية عبيد الصائم Date: 11-26-2010, 01:22 PM Parent: #12
شكرا جنابو
اوقع وابصم بالعشرة لا لا لا لا لتناول الخاص هنا
Post: #18 Title: Re: رسالة الى قلة قليلة من مشجعي الهلال بالمنبر Author: omer osman Date: 11-26-2010, 01:28 PM Parent: #16
Quote: لا لا لا لا لتناول الخاص هنا
فليكن هذا شعارنا دائماً يامعاوية ........
Post: #14 Title: Re: رسالة الى قلة قليلة من مشجعي الهلال بالمنبر Author: omer osman Date: 11-26-2010, 01:20 PM Parent: #11
Quote: انا هلالابى والحمد لله لم و لن اتطرق للامر حتى ونسة ساى وادين كل الهلالاب الاتناولوا الموضوع على مستوى الصحافة او الجماهير
انا متأكد من ذلك لذا تجدني عنونت الرسالة الى (قلة قليلة) من مشجعي الهلال بالمنبر ...
شكرا نايف لدعمك للفكرة .....
Post: #19 Title: Re: رسالة الى قلة قليلة من مشجعي الهلال بالمنبر Author: عبد الله كسلا Date: 11-26-2010, 05:36 PM Parent: #14
جنابو عمر عثمان .. كل سنة وإنت بألف خير يا رب ...
والله كلامك ده عين العقل .. وأكيد .. أكيد حيلقى آذان صاغية وتأييد تام من المشجعين الحقيقيين للهلال .. وياريت برضو المريخاب يعملوا بنفس النصيحة ...
أنا ما عشت في الخرطوم يا عمر .. لكن سمعت كتير .. وكتير جداً .. إنه الناس زمان كانت بتجي تحضر المباريات في إستاد الموردة مخصوص عشان تحضر المناكفات البريئة .. والمعاكسات المتواصلة طوال زمن المباريات بين مشجعي الفريقين .. وكان الوقت بيكون من أجمل الأوقات لكل الحضور من الجمهور .. وبيقضوه ضحك وتقريق وإستمتاع بالمباريات .. والناس تطلع بعد المباريات حبايب وأخوان .. غالب أو مغلوب ..
أنا معك تماماً ...
لا .. وألف لا للتعرض للخاص .. وتجاوز الخطوط الحمراء في التشجيع ..
Post: #20 Title: Re: رسالة الى قلة قليلة من مشجعي الهلال بالمنبر Author: علاء الدين يوسف علي محمد Date: 11-26-2010, 05:52 PM Parent: #19
يا جنابو رغم إنّك كاواي لكن الحق حق راجي لعّاب لمّن غلط و هيثم السعودي سبب مُشْكلتو ذاااااااااتو العب مِنُّو بس الله يجازي الكان السّبب و أعني مازدا
في المُمْتاز لِعبتو معانا كورة و غلبناكم كورة هدفكم التّاني في كأس المُمْتاز من أجمل الأهداف المرّت في تأريخ الكرة السُّودانِيّة
الكورة الأخيرة لا إنتو لعبتو لا نحنا لعبنا كورة كانت عك في كل شيء من لعيبة لي حكم لي جمهور لي تدريب و خُطط
لو العملو راجي فضيحة نحن عندنا لاعب قبل كم سنة (3-4) جابوهو في ملاية في أمدرمان العرضة بس ما متذكِّر إسمو و مِنّها ما قامت ليهو قايمة يا ريت تذكِّرني ليهو يا بوليس
Post: #21 Title: Re: رسالة الى قلة قليلة من مشجعي الهلال بالمنبر Author: وليد الطيب قسم السيد Date: 11-26-2010, 05:58 PM Parent: #20
Post: #22 Title: Re: رسالة الى قلة قليلة من مشجعي الهلال بالمنبر Author: Mohamed Foto7li Date: 11-26-2010, 07:04 PM
Salam
اوافقك
Post: #23 Title: Re: رسالة الى قلة قليلة من مشجعي الهلال بالمنبر Author: علاء الدين صالح Date: 11-26-2010, 08:37 PM Parent: #22
Quote: رجاًء ..... اوقفوا الطرق على موضوع راجي ..
واقعة حدثت وفصل فيها القضاء وانتهي الامر لحدي هنا ...
راجي شاب صغير في السن ومن الممكن ان يفيد المريخ والسودان وربما ينتقل ذات يوم الى الهلال ...
فلنتفق على الارتقاء بمستوي التشجيع والمناكفات التى لاتجرح الاخرين ...
جنابو الشعب عُمر عُثمان، كل عام وأنتَ والأُسرة والأهل بألف خير
لو كُل الناس تعاملت بهذا الفهم الواعي الراقي والمُتحضِّر في كل المجالات، كَفَر، وتَر، سياسة، دِراسة..
لأدركنا اوروبا والدول المُتقدِّمة في ماراثون العدل الإنساني..
أتَّفِق مع كلامك مليون في المِيّة.. فقط اسمح لي بإضافة رِسالة إلى قِلَّة قليلة من نجوم المُستديرة ومشاهير الغناء:
ليتكُم تدفعون ضريبة حُب الناس من أبناء شعبكم الفُقراء البُسطاء (ولو بالأقساط المُريحة)..
في شكل أفعال وردود أفعال عالية القيمة والجودة..
ليتَكُم تُبادلون إذدحام شبابيك تذاكِر الجماهير المغلوبة على أمر لُقمة عيشها بالوفاء بالإلتزام الأخلاقي تجاه هؤلاء..
إنَّها أقل درجات معاني الوفاء لأهل العطاء..
لقد شرَفكُم هؤلاء الذين تظنّونهُم أغنياء من التعفُّف بأشهَر الألقاب السعيدة..
فشرِّفوهُم بالكلِم الطيِّب والأخلاق الحميدة..
إنّها أقل واجبات التشريف..
الأخلاق أمانة فحافِظوا عليها حتّى تؤدُّوها إلى أهلها
عميق احترامي يا صديقي
Post: #24 Title: Re: رسالة الى قلة قليلة من مشجعي الهلال بالمنبر Author: ismeil abbas Date: 11-28-2010, 09:26 AM Parent: #23
