هل اصبحت الشرطة مطية لتصفية الحسابات !!

كفر و وتر / خاص / علمت "كفر و وتر" من مصادر مطلعة وذات علاقة بمداهمة الشقة التي قبض فيها على بعض النجوم الدوليين وآخرين والحكم عليهم بالجلد 40 جلدة حدا ان فنانا مشهورا وصاحب شعبية كبيرة وسط الشباب لعب دورا كبيرا فى تدبير مكيدة القبض على لاعب المريخ عبد الحميد السعودى ، واشارت مصادرنا الى ان الفنان الذي شارك في برنامج اغاني واغاني الاخير والذي بثته قناة النيل الازرق في رمضان الماضي رتب لهذا الامر بدقة متناهية بسبب خلاف شخصي مع اللاعب ، مؤكدة ان لاعب المريخ راجى عبد العاطى لم يكن مستهدفا في هذه المكيدة لكن علاقته ا########دة بالسعودى جعلته يحضر في ذلك اليوم من دون تدبير مسبق ، واكدت مصادرنا ان الفنان وحتى لا يكون في الصورة سافر الى خارج البلاد في فجر نفس اليوم الذى تمت فيه المداهمة .
الى ذلك طالب عضو وقيادي مريخي بارز بكشف اسماء الضباط الذين نفّذوا المداهمة واقسم القيادى المريخى لعدد من المقربين منه انه لن يتركهم يبقوا فى الخرطوم يوما واحدا وسيقوم بتحويلهم الى دارفور اومنطقة ام الطيور التى تشهد توترات قبلية على حد " تعبيره" .
وعلى صعيد آخر احبطت دائرة الكرة بالهلال مساء امس مخططا للايقاع باثنين من ابرز نجوم الهلال فى ذات المأزق الذى وقع فيه ثنائى المريخ باحدى مناطق الخرطوم..حيث توفرت معلومات لمدير الكرة عاطف النور بان هناك اثنين من لاعبى الهلال سيذهبون للعشاء مساءا (امس) فى منطقة السجانة بالخرطوم فى بيت احد اصدقائهم الموثوق فيهم وسيتم مداهمة المنزل بعد ان يتورط الثنائى فى مخالفات تم الاعداد لها بعناية بمجرد دخولهم للمنزل وعلى الفور تحرك عاطف برفقة عضو المجلس عبد الله البشير وتم الاتصال بالثنائى المستهدف واكدا انهما بالفعل سيتناولان وجبة العشاء فى منزل احد اصدقائهم وتم افشال المخطط على الفور وتم منعهم من الخروج من فندق كنون وتدخل قائد الفريق هيثم مصطفى واوضح لجميع اللاعبين مغبة ما يحاك ضدهم كلاعبين من فئات مستفيدة ويجب تفويت الفرصة لهم لان الفترة المقبلة فى الكيان فترة حصاد تتطلب الوقفة الصلبة والانتباه لمثل هذه الاشياء.

http://cover-sd.com/news-action-show-id-5817.htm

هل نطمع في ان نسمع ان تحقيقاً موسعاً سيجري في ملابسات هذه القضية من الألف الى الياء

جاري وصحبي بدر كان ضابط جيش وليس ضابط امن انتدب للامن لمدة كم شهر وبعدها انتدب لديوان الحكم الاتحادي وكان مدير مكتب علي الحاج وعضو في وفد المفاوضات من جانب الحكومة والكلام دا منشور وموثق ليهو هنا في المنبر دا راجع بوست الشعبية ... اعتقل اكثر من مرة وفي مرات كتيرة كان بجي يستخبى عندي لفترات طويلة ... مرة جاني بالعراقي الساعة 3 صباحا مطاردا من قبل ناس الامن ... بدر الدين دا اخير تختا دربو انت لا زيو ولا بتشبهو لانو لمن انتدبوهو للامن الحلة كلها كانت عارفة .. مازيك انت امنجي وداسيها ههههه والله عشنا وشفنا اب سنينة بيضحك على اب سنينتين . وبعدين انت بتفكر كيف هل بدرالدين دا شيوعي ولا حركة شعبية ؟ بدرالدين مؤتمر وطني شايف كيف يابليد وكان رابط الشجرة في بروفايلو وكان رئيس حملة غازي صلاح الدين الانتخابية يعني ممكن يوجهو يشتغل في الامن يشتغل في البوليس يشتغل كمساري اي حاجة دا زول منظم ماغريبة يكون في الامن ؟ المشكلة فيك انت دا ولكن رغما عن ذلك بدرالدين الآن بيشتغل في وزارة الثقافة مدير قسم التدريب ... ولو طلب منو يرجع الامن لا اعتقد انه سيتردد .
ودا لانو اي نظام لازم يكون عندو جهاز مخابرات ودي اسمها مقومات الدولة يعني الله لا قدر لو الشيوعيين استلموا مقاليد الحكم في البلاد ممكن جدا تلقى وائل طه سادي خدمة في الكبري او ماشي يعتغل الصادق المهدي عادي يا اوستاز مونعم عاااااادي وانا بقبلها من وائل لأنو شيوعي وبيحمي نظامو لكن الكـلاب والغواصات الزيك ديل دائما مكروهين وما مقبولين ... ووجودهم يجعلنا نحمد الله كثيرا اننا لسنا مثلهم الحمد لله .. الحمد لله الذي لم يجعلني مثلك وعافاني مما ابتلاك به ... وكان جيت بجيك تاني وتالت ولا نامت اعين الغواصات

جاري وصحبي بدر كان ضابط جيش وليس ضابط امن انتدب للامن لمدة كم شهر وبعدها انتدب لديوان الحكم الاتحادي وكان مدير مكتب علي الحاج وعضو في وفد المفاوضات من جانب الحكومة والكلام دا منشور وموثق ليهو هنا في المنبر دا راجع بوست الشعبية ... اعتقل اكثر من مرة وفي مرات كتيرة كان بجي يستخبى عندي لفترات طويلة ... مرة جاني بالعراقي الساعة 3 صباحا مطاردا من قبل ناس الامن ... بدر الدين دا اخير تختا دربو انت لا زيو ولا بتشبهو لانو لمن انتدبوهو للامن الحلة كلها كانت عارفة .. مازيك انت امنجي وداسيها ههههه والله عشنا وشفنا اب سنينة بيضحك على اب سنينتين . وبعدين انت بتفكر كيف هل بدرالدين دا شيوعي ولا حركة شعبية ؟ بدرالدين مؤتمر وطني شايف كيف يابليد وكان رابط الشجرة في بروفايلو وكان رئيس حملة غازي صلاح الدين الانتخابية يعني ممكن يوجهو يشتغل في الامن يشتغل في البوليس يشتغل كمساري اي حاجة دا زول منظم ماغريبة يكون في الامن ؟ المشكلة فيك انت دا ولكن رغما عن ذلك بدرالدين الآن بيشتغل في وزارة الثقافة مدير قسم التدريب ... ولو طلب منو يرجع الامن لا اعتقد انه سيتردد .
ودا لانو اي نظام لازم يكون عندو جهاز مخابرات ودي اسمها مقومات الدولة يعني الله لا قدر لو الشيوعيين استلموا مقاليد الحكم في البلاد ممكن جدا تلقى وائل طه سادي خدمة في الكبري او ماشي يعتغل الصادق المهدي عادي يا اوستاز مونعم عاااااادي وانا بقبلها من وائل لأنو شيوعي وبيحمي نظامو لكن الكـلاب والغواصات الزيك ديل دائما مكروهين وما مقبولين ... ووجودهم يجعلنا نحمد الله كثيرا اننا لسنا مثلهم الحمد لله .. الحمد لله الذي لم يجعلني مثلك وعافاني مما ابتلاك به ... وكان جيت بجيك تاني وتالت ولا نامت اعين الغواصات

سلام يا سعادتك
ياخي دي قصه مبالغ فيها ، البلد بقت فيها كميه من الانحطاط في المنبر مافي !!

Quote: سلام يا سعادتك ياخي دي قصه مبالغ فيها ، البلد بقت فيها كميه من الانحطاط في المنبر مافي !!

والله ياامين ان صح هذا الكلام الذي اوردته الصحيفة يكون ياشرطة عليك السلام ....

الفداحة حقيقة ليس في ان يسكر زيد أو عبيد لكن الفداحة في استخدام اجهزة رسمية

لتصفية حسابات شخصية ........

الهلال والمريخ ذكروني

الجمهورين والديمقراطين في امريكا
لووووووووووول

يا جنابو اولا كفر ووتر صحيفة مصداقيتها في قولان و تكتر من ناس اشار مصدر و عضو بارز وما بتجيب اسامي عشان تمرر الشتل
لكن دا لاينفي تورط الشرطة في ما هو اسوأ من كدا
وانت سيد العارفين طبعا ممكن يطلع امر قبض او استدعاء بأي سبب عادي و ما يتم تنفيذه بقصد إلاّ يوم الخميس المسا مثلا
أو قبل عيد او اجازة لأن الطرف التاني دفع للشرطي

يا عمر المشكلة كلها في غياب سلطة القانون لصالح سلطة ومزاج أصحاب الرتب
وريني سلطة القانون هنا وين في كلام الباشا الجاي يعالج الغلط بالغلط دا؟:

Quote: الى ذلك طالب عضو وقيادي مريخي بارز بكشف اسماء الضباط الذين نفّذوا المداهمة واقسم القيادى المريخى لعدد من المقربين منه انه لن يتركهم يبقوا فى الخرطوم يوما واحدا وسيقوم بتحويلهم الى دارفور اومنطقة ام الطيور التى تشهد توترات قبلية على حد " تعبيره" .

فيا قانون يمشي على الكل يا حتكون ماشية بقانون مراكز القوة زي ما حاصل دلوقت

تحية خاصة جنابو
عمر


السيوبر ده معروف يا جنابو في مجتمع الكورة والفن لكن تصل لحد الجلد مشكلة كبيرة في حقنا كمريخاب وبعدين يا جنابو مش مفروض ناسنا (اقصد ناس المريخ) يعملوا حساب الحاجه دي ما ممكن لاعب مشهور وفي القمة وفي نادي عظيم زي المريخ يقعد في اي مكان عشان يجب لنفسه المشاكل .... تحياتي

بـل وأســوأ مـن ذلـك
الكاكى فى السـودان أصبح بؤرة للفسـاد

Quote: والله ياامين ان صح هذا الكلام الذي اوردته الصحيفة يكون ياشرطة عليك السلام .... الفداحة حقيقة ليس في ان يسكر زيد أو عبيد لكن الفداحة في استخدام اجهزة رسمية لتصفية حسابات شخصية ........

جنابو عمر
سلام

اس البلاء هو فى وجود قوانين تبيح اقتحام البيوت لتعقب ممارسات شخصية, ايا كانت
ما دام الواحد قفل بيتو و (ستر) روحو, فما الداعى لهتك الاستار
افهم ان يتم مداهمة منزل تاجر مخدرات, او منزل ياؤى قاتل
لكن دا سكر و دا معاهو بت, فاسمح لى هنا الامر خارج حتى عن حدود (الرجالة)
مهام الشرطة فى بلد به جملة من الحروب, كالسودان, يفترض ان تكون اكثر من شعر الراس
فما الداعى لاقحامهم فى مهام تنال من هيبتهم و تكون على حساب مهامهم الاصلية
اسع عليك الله يا جنابو مش حاجة مخجلة ناس العدل و المساواة شغالين الايام دى (قرف) فى غرب كردفان و جنوب دارفور يقتلون الشرطة و المواطنين بالمئات, و ناس الشرطة فى الخرطوم شغالين بى دا سكر و دا (.....)

Quote: اسع عليك الله يا جنابو مش حاجة مخجلة ناس العدل و المساواة شغالين الايام دى (قرف) فى غرب كردفان و جنوب دارفور يقتلون الشرطة و المواطنين بالمئات, و ناس الشرطة فى الخرطوم شغالين بى دا سكر و دا (.....)

وحملات الشيشة .........

ياخ دي وكت حملات شيشة !!!!!!!

Quote: بـل وأســوأ مـن ذلـك الكاكى فى السـودان أصبح بؤرة للفسـاد

الخطأ والخطيئة لازموا البشرية منذ هابيل وقابيل .....

لكن تفعيل شريعة الحساب والعقاب امر ضروري ومهم بالاخص في مثل هذه الاجهزة الحساسة .....

Quote: السيوبر ده معروف يا جنابو في مجتمع الكورة والفن لكن تصل لحد الجلد مشكلة كبيرة في حقنا كمريخاب وبعدين يا جنابو مش مفروض ناسنا (اقصد ناس المريخ) يعملوا حساب الحاجه دي ما ممكن لاعب مشهور وفي القمة وفي نادي عظيم زي المريخ يقعد في اي مكان عشان يجب لنفسه المشاكل .... تحياتي

كلامك صاح ياانس ....... لكن المشكلة الاكبر هي اقحام الشرطة في تصفية حسابات بالشكل الذي اوردته الصحيفة ...

Quote: وريني سلطة القانون هنا وين في كلام الباشا الجاي يعالج الغلط بالغلط دا؟:

غلط كبير ومفاهيم مختلة ....

الحساب والعقاب يجب ان يتم وفقاً للاجراءات الصحيحة المتبعة في مثل هذه الحالات .....

وان لايقوم على فكرة الانتقام ...........

Quote: يا جنابو اولا كفر ووتر صحيفة مصداقيتها في قولان و تكتر من ناس اشار مصدر و عضو بارز وما بتجيب اسامي عشان تمرر الشتل

في القانون قالوا (السكوت في معرض الحاجة الى بيان بيان) ....

الشرطة الان (في معرض الحاجة الى بيان) يجلي الحقائق لكن سكوتها يصبح (بيان) بصحة ما ورد في الصحيفة

Quote: الهلال والمريخ ذكروني الجمهورين والديمقراطين في امريكا

الضرب تحت الحزام ده ماهو العمله في نيكسون ......

الحال من بعضه!
جنى

عاشت وحدة وادي النيل

وعاشت الافلام المصرية

وعاش المتعافي محرر مشروع الجزيرة






يا عمر ياخ السمكة معفنة ومعفنة جدا جدا

!!!!!!!!

Quote: النور بان هناك اثنين من لاعبى الهلال سيذهبون للعشاء مساءا (امس) فى منطقة السجانة بالخرطوم

هسي كلمة أمس دي تستاهل يختوها بين قوسين ولا كلمة للعشاء دي ..!

Quote: والله ياامين ان صح هذا الكلام الذي اوردته الصحيفة يكون ياشرطة عليك السلام .... الفداحة حقيقة ليس في ان يسكر زيد أو عبيد لكن الفداحة في استخدام اجهزة رسمية لتصفية حسابات شخصية ........

الله يسسسسسسسسسسسسسسسسسسسسسستر على البلد يا عمر
يا جنابو تصدق سلطة الحماية تحمي البعض على حساب الآخرين
والفنان المشار اليه والذي لم يتعدى عمره الـ 24 سنة ..
كان حايم بي عربيتو في اوحد من شوارع الخرطوم وكان يستهتر في القيادة
وكان يسير خلفه ضابط شرطة برتبة عميد ومعه ابنته فاوقف الفنان مؤنباً
ففوجئ بالفنان يسأله باستغراب انت ما عرفتني وللا شنو !!!!
رد الضابط مغتاظاً لا ما عرفتك انت منو !!!!
قال ليهو : اسأل بتّك دي بتوريك انا منو !
طبعا بعد داك اكيد انت بحس ضباط الشرطة بتكون عرفت الممكن يكون حصل شنو !!

Quote: أن فنانا مشهورا وصاحب شعبية كبيرة وسط الشباب لعب دورا كبيرا فى تدبير مكيدة القبض على لاعب المريخ عبد الحميد السعودى ، واشارت مصادرنا الى ان الفنان الذي شارك في برنامج اغاني واغاني الاخير والذي بثته قناة النيل الازرق في رمضان الماضي رتب لهذا الامر بدقة متناهية بسبب خلاف شخصي مع اللاعب

يا لها من طاقية ,, فكلهم يدعي بأنه مشهور و صاحب شعبية كبيرة وسط الشباب !!

عزيزى
والله الموضوع يستحق التحقيق والتعليق .
فهل سوف تحفظ رئاسة الشرطة وجوهنا فى هذا المنبر
هل ؟؟؟؟؟؟؟؟؟؟؟؟؟

ودبرى