Post: #1 Title: ياجماعة قون الهلال التاني في نيل الحصاحيصا off والا ما off (فيديو) Author: omer osman Date: 11-08-2010, 08:53 PM
خليكم من كلام وتعليق الحكم الطاهر محمد عثمان ....
ورونا رأيكم انتو شنو ؟
Post: #2 Title: Re: ياجماعة قون الهلال التاني في نيل الحصاحيصا off والا ما off (فيديو) Author: omer osman Date: 11-08-2010, 08:57 PM Parent: #1
علماً بأن المباراة كما هو معلوم انتهت 2/1 لصالح الهلال ...
وبالتالي إحتساب هذا الهدف من عدمه كان سيشكل فارق كبير في النتيجة ...
فتصبح تعادل ، إذا تغاضينا النظر عن ضربة الجزاء الصحيحة التى لم تحتسب لصالح النيل ...
Post: #3 Title: Re: ياجماعة قون الهلال التاني في نيل الحصاحيصا off والا ما off (فيديو) Author: عبدالمجيد المقابل Date: 11-08-2010, 09:14 PM Parent: #2
جنابو سلام
أمس أنا كنت متمني هزيمة الهلال, عشان يكون الفرق ثلاث نقاط و تكون لنا معكم ثلاث مباريات ( مبارة يوم تمنطاشر و الفاصلة و كأس
السودان). في كل واحدة حتاخدو ثلاثة ...=
= شايفك قنعت من الصفاقصي و مسكت في الفتح الرباطي , السنة دي حدنا ماذنمبي في السيوبر
Post: #4 Title: Re: ياجماعة قون الهلال التاني في نيل الحصاحيصا off والا ما off (فيديو) Author: motaz Date: 11-08-2010, 09:18 PM Parent: #3
رمضان زاتو وبعضمة لسانو قال اللاعب "كمّل" على الكورة
Post: #5 Title: Re: ياجماعة قون الهلال التاني في نيل الحصاحيصا off والا ما off (فيديو) Author: Ahmed Alrayah Date: 11-08-2010, 09:21 PM Parent: #2
سلامات يا عمر عثمان.
وفق الفيديو المرفق أعلاه، كاريكا غير متواجد في موضع تسلل لأنه كان متواجداً خلف بكري المدينة لحظة تلقيه الكرة، ولا يمكننا تحديد ما إذا كان بكري المدينة متسللاً أم لا، لأنه يظهر في الفيديو بعد أن لُعبت له التمريرة من مهند الطاهر.
Post: #6 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-08-2010, 09:48 PM Parent: #1
Quote: ورونا رأيكم انتو شنو ؟
الأخ عمر مساء الـخير
التّسلّل يُـحسب عند ضرب الكرة وليس عند وصولـها للاّعب الذي يستقبلها في الصّورة أعلاه وكما ترى الكرة داخل الدّائرة الـحمراء فـي منطقة بعد قطعها لـمسافة حيث ضُربت قبل منطقة الـمربّع الأخضر مع تـحرّك بكري الـمدينة للأمام لاستقبالـها والرّكض بـها ورغم وجود الكرة فـي مرحلة متأخّرة عن توقيت ضربتها فاللاعب بكري ( الـمستفيد ) من التّمريرة رغم ذلك ليس فـي وضع تسلّل ( داخل الـمستطيل الأحمر الصّغير ) وهو مغطّى بلاعب النّيل ( فـي الـمستطيل الأحـمر الأكبر ) عدا ذلك فاللاعب مُدّثّر كاريكا فـي وضع تسلّل ( داخل الـمستطيل الأخضر ) رغم أنّ الكرة ليست فـي وضع توقيت ضربتها لكنّه عموماً رغم ذلك ( ليس الـمستفيد ) من التّمريرة والتّسلّل يـُحسب فقط على اللاعب الـمستفيد من التّمريرة أو الـموجّهة إليه الكرة
مودّتـي
Post: #7 Title: Re: ياجماعة قون الهلال التاني في نيل الحصاحيصا off والا ما off (فيديو) Author: حيدر بشير Date: 11-08-2010, 09:57 PM Parent: #6
غير متسلل
اللى بعده
Post: #8 Title: Re: ياجماعة قون الهلال التاني في نيل الحصاحيصا off والا ما off (فيديو) Author: محمد عبد الماجد الصايم Date: 11-08-2010, 10:00 PM Parent: #7
يا هو خشم البقرة!
Post: #10 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لطفي علي لطفي Date: 11-08-2010, 10:06 PM Parent: #8
والله ده ابلغ تعبير يا ود الصايم لك القيام
يا هو خشم البقرة!
Post: #9 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-08-2010, 10:05 PM Parent: #6
وبالنّسبة لكاريكا يـمكنك ملاحظة الصّور أعلاه وهو مـتحرّك فيها مع ملاحظة أنّ الكرة ـالدّوائر الـحمراء قطعت مسافة من منطقة ضربـها
تـحاياي
Post: #11 Title: Re: ياجماعة قون الهلال التاني في نيل الحصاحيصا off والا ما off (فيديو) Author: Maawya Hussein Date: 11-08-2010, 10:21 PM Parent: #9
بكري المدينه ما كان اوف عند الضربه وبعد الضربه وعند الاستلام
Post: #12 Title: Re: ياجماعة قون الهلال التاني في نيل الحصاحيصا off والا ما off (فيديو) Author: Maawya Hussein Date: 11-08-2010, 10:33 PM Parent: #11
لاحظ للكورة عند الضربه كانت (في الفيديو) في الدقيقه 1 و11 ثانيه وقبل استلام بكري في الدقيقه1 و14 ثانيه ..يعني في فرق تلاته ثواني بين لحظه ضرب الباص والاستلام ..والتسلل بجي في كسر من الثانيه
Post: #13 Title: Re: ياجماعة قون الهلال التاني في نيل الحصاحيصا off والا ما off (فيديو) Author: mohmed khalail Date: 11-08-2010, 10:34 PM Parent: #11
يا جنابو بطلو جرس وارجو الراجيكم ..الغريق قدام..
شنو تسلل ..ما تسلل
شكرا يا لؤي اوفيت وكفيت
Post: #28 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 07:26 AM Parent: #13
Quote: شكرا يا لؤي اوفيت وكفيت
أخـي مـحمّد خليل صباح الـخير
لا شُكر علـى واجب يا عزيزي
تـحاياي
Post: #14 Title: Re: ياجماعة قون الهلال التاني في نيل الحصاحيصا off والا ما off (فيديو) Author: Ashraf el-Halabi Date: 11-08-2010, 10:35 PM Parent: #11
حسب التصوير الفقير دا يا عمر الهدف التاني ما أوف
لكن الأول شكله خليفة كان في الأوف
ايني واى، مش حتئدر تغمض عينك لحد يوم 18
Post: #15 Title: Re: ياجماعة قون الهلال التاني في نيل الحصاحيصا off والا ما off (فيديو) Author: Hassan Senada Date: 11-09-2010, 04:56 AM Parent: #14
الهدفين من تسلل واضح وضربة جزاء مية فى المية لنيل مفروض النتيجة 2/1 لنيل وليس لنادى الحكام
Post: #16 Title: Re: ياجماعة قون الهلال التاني في نيل الحصاحيصا off والا ما off (فيديو) Author: omer osman Date: 11-09-2010, 05:36 AM Parent: #15
Quote: الهدفين من تسلل واضح وضربة جزاء مية فى المية لنيل مفروض النتيجة 2/1 لنيل وليس لنادى الحكام
ايوه ده الكلام ياحسن .......
لؤي ومعاوية ....... معلمين كمبيوتر
لكن بنتحفظ على شهادتكم دي لمن يجي وليد الشفت
Post: #17 Title: Re: ياجماعة قون الهلال التاني في نيل الحصاحيصا off والا ما off (فيديو) Author: omer osman Date: 11-09-2010, 05:52 AM Parent: #16
Quote: التّسلّل يُـحسب عند ضرب الكرة وليس عند وصولـها للاّعب الذي يستقبلها في الصّورة أعلاه وكما ترى الكرة داخل الدّائرة الـحمراء فـي منطقة بعد قطعها لـمسافة حيث ضُربت قبل منطقة الـمربّع الأخضر مع تـحرّك بكري الـمدينة للأمام لاستقبالـها والرّكض بـها ورغم وجود الكرة فـي مرحلة متأخّرة عن توقيت ضربتها فاللاعب بكري ( الـمستفيد ) من التّمريرة رغم ذلك ليس فـي وضع تسلّل ( داخل الـمستطيل الأحمر الصّغير ) وهو مغطّى بلاعب النّيل ( فـي الـمستطيل الأحـمر الأكبر )
كدي قبل ما يجي وليد الشفت أو وليد عبدالطيف (شاهد محايد) نشوف كلام لؤي ده ونقارنو بما يقوله قانون التسلل في الجزئية الجاية دي
Quote: يعتبر اللاعب في وضع التسلل إذا "كان أقرب الي خط مساحة الهدف للفريق الخصم من كل من الكرة ذاتها وثاني أقرب لاعب للفريق الخصم" ما لم يكن في نصف ميدان اللعب الخاص به.
كلمة ثاني بالاحمر دي مش بنفهم منها انو كسر التسلل لايتم الا بوجود لاعبين اتنين من الفريق الخصم ؟
والا انا غلطان ؟ بالجد انا عاوز افهم التطبيق العملي الصحيح للنص ده شنو ؟
Post: #18 Title: Re: ياجماعة قون الهلال التاني في نيل الحصاحيصا off والا ما off (فيديو) Author: omer osman Date: 11-09-2010, 05:58 AM Parent: #17
Quote: يا هو خشم البقرة!
تعرف ياعمك ...
عندنا صاحبنا رغم انو دكتور لكن (اشتر) ...
وقعت ليهو نبطشية الخميس وهو عندو برنامج كارب ...
قدر ما شاف واحد من اصحابو يشتغل ليهو ما لقي ...
قالوا ليهو ياخ انت ما تشوف دكتورة .........
صنقر دنقر مشي ليها ...
معليش يادكتورة ياخ ممكن تشتغلي لي نبطشية الخميس دي
عشان عندي موضوع مهم ....... الخ
بكل برود وبدون ما ترفع رأسه قال ليهو : اسفة !!
صاحبنا ما كضب قال ليها : والله صحي سيد الرايحة يفتش خشم البقرة !!
الدكتورة قعدت تبكي ومحاربه ليك الزول ده قريب سنة ...
Post: #19 Title: Re: ياجماعة قون الهلال التاني في نيل الحصاحيصا off والا ما off (فيديو) Author: عمران حسن صالح Date: 11-09-2010, 06:01 AM Parent: #17
حسي كان ما لؤي ومعاوية حسين كان تاكلنا حنكـ سااااااااااي تعرف يا بوليص (على قول أساسي ) السنة دي حا تنضربوا لامن تغيروا رايكم وتقلبوا تشجعوا برشلونة وأرسنال قنعاً من خير مريخكم المرخرخ ومُكابرة ساااااااااااي
Post: #20 Title: Re: ياجماعة قون الهلال التاني في نيل الحصاحيصا off والا ما off (فيديو) Author: omer osman Date: 11-09-2010, 06:07 AM Parent: #19
Quote: حسي كان ما لؤي ومعاوية حسين كان تاكلنا حنكـ سااااااااااي تعرف يا بوليص (على قول أساسي ) السنة دي حا تنضربوا لامن تغيروا رايكم وتقلبوا تشجعوا برشلونة وأرسنال قنعاً من خير مريخكم المرخرخ ومُكابرة ساااااااااااي
غايتو هلال مريخ الجاي دي درون مافيها ..
وشكلها كده بتجيب ليها هزيمة كبيرة لواحد من الفريقين ...
نمتنع عن ذكر اسمه في هذه المرحلة الحرجة ...
Post: #21 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 06:36 AM Parent: #17
Quote: كدي قبل ما يجي وليد الشفت أو وليد عبدالطيف (شاهد محايد) نشوف كلام لؤي ده ونقارنو بما يقوله قانون التسلل في الجزئية الجاية دي
Quote: يعتبر اللاعب في وضع التسلل إذا "كان أقرب الي خط مساحة الهدف للفريق الخصم ((( من كل من الكرة ذاتها ))) وثاني أقرب لاعب للفريق الخصم" ما لم يكن في نصف ميدان اللعب الخاص به.
كلمة ثاني بالاحمر دي مش بنفهم منها انو كسر التسلل لايتم الا بوجود لاعبين اتنين من الفريق الخصم ؟
والا انا غلطان ؟ بالجد انا عاوز افهم التطبيق العملي الصحيح للنص ده شنو ؟
جنابو عمر صباح الـخير
كويّس مادام جد عاوز تفهم التّطبيق تعال نورّيك
أوّل حاجة شنو معنـى العبارة الجّات فـي إقتباسك دي ((( من كل من الكرة ذاتـها ))) ؟ بـجيك راجع بـخصوصها
اللاعبيـن الإتنيـن في تساؤلك يا عزيزي منهما حارس الـمرمى فهو محسوب لاعب ومعه لاعب آخر وهكذا يصبحا لاعبيـن إتنيـن وللعلـم هذا في حالة التّسلّل قبل تخطّي الـمدافعين هناك الحالة التـي تُلعب فيها الكرة فـي حالة لا تسلّل فيها ويتخطّـى فيها اللاعب الـمهاجـم للـمدافعين ولا يبقى أمامه غير حارس الـمرمى فـي هذه الحالة حتّـى لو مرّرها للاعب زميل لا يوجد أقرب منه غير الحارس ( كما حدث هنا بين بكري وكاريكا ) في هذه الحالة تُـحتسب تسلّل فقط فـي حالة واحدة إذا كان اللاعب الـممرّرة له الكرة أقرب لخط الـمرمى من ( الكرة ذاتـها ) أي من اللاعب الذي يـمرّرها ولكن إن كان الـممرّرة له الكرة أبعد من خط الـمرمى والأقرب إليه هي ( الكرة ذاتـها ) أو اللاعب الذي يـمرّرها إليه فلا تكون حالة تسلّل يعنـي ببساطة كدا لاعب مشى بالكورة وإتـخطّـى المدافعيـن وقرّب للقون وما فـي غير زميل ليهو والـحارس بس ولا مدافع تانـي والكورة أقرب لـخط الـمرمى من الزّميل التّانـي دا يبقـى ما فـي تسلّل لكن لو الكورة أقرب منّها اللاعب الزّميل لخط الـمرمـى تبقـى تسلّل
وسأشرح لك مقصدي بالصّور ونص قانون التّسلّل لو تـسمح لـي
تــحاياي
Post: #22 Title: Re: ياجماعة قون الهلال التاني في نيل الحصاحيصا off والا ما off (فيديو) Author: omer osman Date: 11-09-2010, 06:43 AM Parent: #21
Quote: وسأشرح لك مقصدي بالصّور ونص قانون التّسلّل لو تـسمح لـي
شكراً لؤي ...... واصل
إحتساب حالات التسلل يعد من اكثر الاشياء المثيرة للجدل والغلاط ...
خلونا نحول البوست لبوست اكثر فائدة بمزيد من الشرح والنقاش ...
Post: #29 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 07:30 AM Parent: #22
Quote: شكراً لؤي ...... واصل
إحتساب حالات التسلل يعد من اكثر الاشياء المثيرة للجدل والغلاط ...
خلونا نحول البوست لبوست اكثر فائدة بمزيد من الشرح والنقاش ...
عمر يا عزيزي لا شُكر على واجب
وأهو كُلّنا نستفيد من لـخبطة تفاصيـل قوانيـن فـي ناس كتيـرة ما مدركة لـجـميع تفاصيلـها
مودّتـي
Post: #23 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 06:46 AM Parent: #21
Post: #24 Title: Re: ياجماعة قون الهلال التاني في نيل الحصاحيصا off والا ما off (فيديو) Author: ابراهيم محمد الحسن Date: 11-09-2010, 06:58 AM Parent: #23
جنابو ،، ياخي ذي ما قال ليك حسن سنادة:
Quote: الهدفين من تسلل واضح وضربة جزاء مية فى المية لنيل مفروض النتيجة 2/1 لنيل وليس لنادى الحكام
بس،،
البيقنع الجدادة منو؟
Post: #25 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 07:00 AM Parent: #23
فـي الصّورة الفوق دي زي ما مكتوب
الـمهاجم الأزرق داخل منطقة الـجّزاء ( العليهو الرّقم 2 ) ليس فـي موضع تسلّل لأنّه ليس متقدّم عن زميله بمعنـى أنّه متأخّر عن الكرة ( زميله البالرّقـم 1 الـمعاهو الكورة )
ولاحظ الـمدافعيـن بالأحـمر كُلّهـم أبعد من الـحارس والأقرب الـمهاجـميـن البالأزرق فلو رقـم 1 مرّر الكورة لرقـم 2 ما تسلّل عشان رقـم 2 أبعد عن خط الـمرمى من الكورة والكورة مع رقـم 1 هـي الأقرب لـخط الـمرمـى ( الـمنقّط بـخطوط متقطّعة ) دا رغـم عدم وجود مدافعيـن أقرب للـحارس من الـمهاجميـن
وبرجع ليك
Post: #26 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 07:13 AM Parent: #25
فـي الصّورة الفوق دي زي ما مكتوب
( The ball was played by the team mate ) الكورة إتلعبت من الزّميل ( رقم 8 ) ( He was clear no nearer to his opponents goal line than the ball ) ولـم يكن ( رقم 11 ) أقرب لـخط مرمـى الخصم من الكرة
يعنـي الـمهاجم الألـمانـي ( 8 ) قرّب للقون ومرّر الكورة للزّميل رقم ( 11 ) والإتنيـن أقرب لـمرمـى الـخصم وحتّـى لاعب الأرجنتيـن ( 4 ) أبعد من الـحارس لكن الكرة مع رقم ( 8 ) عند الـتّمرير أقرب لـخط الـمرمـى من قرب اللاعب ( 11 ) لـخط الـمرمـى وبالتّالي ( 11 ) ليس فـي موضع تسلّل لأنّه ليس متقدّم عن زميله بمعنـى أنّه متأخّر عن الكرة ( زميله البالرّقـم ( 8 ) الـمعاهو الكورة )
وبرجع ليك
Post: #27 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 07:23 AM Parent: #26
شوف الصّوَر الفوق دي دي بتصوّر الحالة الأولـى حالة استفادة بكري ( غير الـمتسلّل ) و ( الـمستفيد ) من الكورة حتّـى ولو قلنا كاريكا متسلل وهو ( ليس الـمستفيد ) من الكورة
وهنا :-
دي بتصوّر الحالة التّانية الكورة مع بكري أقرب لخط الـمرمى من كاريكا
تـحاياي
Post: #30 Title: Re: ياجماعة قون الهلال التاني في نيل الحصاحيصا off والا ما off (فيديو) Author: Zomrawi Alweli Date: 11-09-2010, 07:35 AM Parent: #27
والله يا لؤي انتو محللين جننتو الكمبيوطرررررر ظاااااطو ابو الزفت ... قال الجزيرة الرياضية قال ... شكرا على الابداع
Post: #32 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 07:39 AM Parent: #30
Quote: والله يا لؤي انتو محللين جننتو الكمبيوطرررررر ظاااااطو ابو الزفت ... قال الجزيرة الرياضية قال ... شكرا على الابداع
يا أُستاذ سلامات ومشتاقيـن
ياريت ياخـي لو برامـجنا الرّياضيّـة بتعفينا من الإجتهادات دي لكن معظـم حُكّامنا وناس الإعلام الرّياضـي فـي حاجة لكورسات
مودّتـي
Post: #34 Title: Re: ياجماعة قون الهلال التاني في نيل الحصاحيصا off والا ما off (فيديو) Author: الصادق صديق سلمان Date: 11-09-2010, 07:46 AM Parent: #30
غايتو يا لؤي اقول ليك شنو افحمتنا وافحمته حسن سنادة تحديداً أما جنابو فهو جنابو بي فهم واكيد وصل لقناعة انو متابعة ناس حسن سنادة دا بتودي الـ كـ و شـ (بضم الكاف وفتح الواو ياجنابو)
الصادق
Post: #38 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 09:32 AM Parent: #34
Quote: غايتو يا لؤي اقول ليك شنو افحمتنا
الصّادق سلامات
والله كُلّنا بنحاول نعرف ونستفيد بدون أيّ تعصّب أو إنتماء يؤثّر على حق وجد استبشرت خيـر بدخول العزيز وليد راجل فاهـم وحقّانـي جدّاً والله ولعب حارس ومع مـجموعة ماسّا العجيبة ودا جيل أصدقاء زمن جـميل قبل هجرتـي للسّويد وأعرفهـم جيّداً وأشهد على مواهبهم وياريت لو الـمنبـر بيتيح لينا فرص زي دي بدل البيحصل فيهو بشكل شبه دائـم
مودّتـي
Post: #31 Title: Re: ياجماعة قون الهلال التاني في نيل الحصاحيصا off والا ما off (فيديو) Author: خالد عبد الله محمود Date: 11-09-2010, 07:38 AM Parent: #27
جنابو الهدفين تسلل و الحكم مفروض يطرد مدثر كاريكا و بكري المدينة و المعز و هيثم مصطفي و المدرب و يطرد صلاح إدريس والكاردينال و عبد الله الطيب زاتو ..
بس أنت ما تزعل !!
Post: #33 Title: Re: ياجماعة قون الهلال التاني في نيل الحصاحيصا off والا ما off (فيديو) Author: فدياس نجم الدين Date: 11-09-2010, 07:46 AM Parent: #31
ياسلم عليك يا أستاذ لؤي
صحي لميت الإتنين ( كفرووتر ) جنابو عمر
بوست مهم لا يحتمل الخرمجه
متابعين
Post: #35 Title: Re: ياجماعة قون الهلال التاني في نيل الحصاحيصا off والا ما off (فيديو) Author: Hassan Senada Date: 11-09-2010, 08:05 AM Parent: #33
Quote: البيقنع الجدادة منو؟
والله ياابراهومة على سبيل المثال لا على الحصر امثال الصادق سلمان
Post: #43 Title: Re: ياجماعة قون الهلال التاني في نيل الحصاحيصا off والا ما off (فيديو) Author: وليد عبد اللطيف Date: 11-09-2010, 10:45 AM Parent: #35
Quote: كدي قبل ما يجي وليد الشفت أو وليد عبدالطيف (شاهد محايد) نشوف كلام لؤي ده ونقارنو بما يقوله قانون التسلل في الجزئية الجاية دي
بالله شوف زي ديل يزاحمونا في اكل عيشنا هههههه وعلى قول المصري نحن نشارك العبد في رزقو عمر جنابو صراحة بوست مهم ومفيد جدا واعجبني كلام معاوية حسين والفنان لؤي غير انهم ثقافتهم عالية في فهم كرة القدم يمتلكون باع في تحديد محتوياتهم تقنياً ( بالكمبيوتر ) وعيبهم الوحيد هلالاب رشاشات ( عجبتك ياعمر جنابو صاح ) طبعا ياعمر التحكيم عندنا يعاني كثيرا والان طبعا افضل نوعا ما تعرف في مشكله تحكيميه كبيرة ورثوها للاجيال انه اي باص بيني (اف سايد ) لذلك كثيرا كنا نعاني من هذه المشكلة في الوقت الذي تريد تنفيذ الباص البيني تعمل حساب الحكم ويا صدقت معاك او اجهضت المحاوله .
Quote: التّسلّل يُـحسب عند ضرب الكرة وليس عند وصولـها للاّعب الذي يستقبلها
( تأمل ) طيب نحن نقول شنو
-------------------- بجيكم للبوست الممتع دا عندي كلام كتير
Post: #45 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 10:57 AM Parent: #43
Quote: صراحة بوست مهم ومفيد جدا واعجبني كلام معاوية حسين والفنان لؤي غير انهم ثقافتهم عالية في فهم كرة القدم يمتلكون باع في تحديد محتوياتهم تقنياً ( بالكمبيوتر ) وعيبهم الوحيد هلالاب رشاشات ( عجبتك ياعمر جنابو صاح )
بالله شوف جنس المغرض دا ههههههههههههههه
سلامات يا وليد ياخـي
Post: #36 Title: Re: ياجماعة قون الهلال التاني في نيل الحصاحيصا off والا ما off (فيديو) Author: وليد محمد المبارك Date: 11-09-2010, 08:16 AM Parent: #33
Quote: والتّسلّل يـُحسب فقط على اللاعب الـمستفيد من التّمريرة
المعلومة دي غير صحيحة يا لؤي
التسلل يحسب على اي لاعب مشارك في اللعب
مشارك في اللعب يعني لو شتت انتباه المدافعين والحارس يعتبر مشارك وحتى لو الكورة ما وصلتو
هل مدثر كاريكا شتت انتباه الحارس والمدافعين لو كده بكون سارق
Post: #37 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 09:25 AM Parent: #36
Quote: المعلومة دي غير صحيحة يا لؤي
التسلل يحسب على اي لاعب مشارك في اللعب
مشارك في اللعب يعني لو شتت انتباه المدافعين والحارس يعتبر مشارك وحتى لو الكورة ما وصلتو
هل مدثر كاريكا شتت انتباه الحارس والمدافعين لو كده بكون سارق
وليد العزيز سلامات
كلامك صاح بالنّسبة للتّعبيـر وأنا ذكرت الكلام دا هنا :-
بس أنا غرضي وقصدي فـي حالة التّمريرة لبكري كاريكا ما كان مستفيـد بأيّ حال من الأحوال الـمنصوص عليها
ونواصل ونستفيـد
تـحاياي
Post: #39 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 09:40 AM Parent: #33
Quote: ياسلم عليك يا أستاذ لؤي
صحي لميت الإتنين ( كفرووتر ) جنابو عمر
بوست مهم لا يحتمل الخرمجه
متابعين
فدياس سلامات
لا والله بنـحاول نستفيد بس وياريت لو فـي حالات مـماثلة لفرق أُخرى وخصوصاً الـمرّيخ عشان النّقاش والآراء تكون عامّة للفائدة ما لقصد مصلحة أو ضرر فريق وعشان الـمنبر دا يبقـى جد مفيد لينا
وُدّي
Post: #40 Title: Re: ياجماعة قون الهلال التاني في نيل الحصاحيصا off والا ما off (فيديو) Author: Maawya Hussein Date: 11-09-2010, 10:08 AM Parent: #39
سلام يا وليد ولؤي
حتي مدثر كاريكا ما كان سارق عند الضربه لاحظ بعد الضربه بي ثانيتين وضع مدثر كان وين
Post: #41 Title: Re: ياجماعة قون الهلال التاني في نيل الحصاحيصا off والا ما off (فيديو) Author: omer osman Date: 11-09-2010, 10:28 AM Parent: #40
شكراً لؤي وشكراً معاوية وشكراً وليد....
بالجد فتحت البوست للتشويش ومشاغلة الهلالاب لكن جرت الأمور بافضل من ذلك ...
الف شكر لؤي على المحاضرة الدسمة دي والبوست ده انا شخصياً ح ارجع ليهو تاني
وتالت ورابع لحدي ما القصة دي تقع على تماماً ........
Post: #44 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 10:45 AM Parent: #41
Quote: شكراً لؤي وشكراً معاوية وشكراً وليد....
بالجد فتحت البوست للتشويش ومشاغلة الهلالاب لكن جرت الأمور بافضل من ذلك ...
الف شكر لؤي على المحاضرة الدسمة دي والبوست ده انا شخصياً ح ارجع ليهو تاني
وتالت ورابع لحدي ما القصة دي تقع على تماماً ........
جنابو العزيز سلامات
ياخـي ياريت لو كُلّ الـمشاغلات والـمكاواة والتّشويش زيّك وزي العزيز صلاح أبو ديّة وطلحة وأساسـي ووليـد ووليد وأميـرة وإلـخ ... كأمثلة لا حصر وعدد مقدّر من الـمحترميـن والـمحترمات لكن الـمشكلة لـمّا هلالاب أو مرّيـخاب الكراهيّة الحقيقيّة تبقى هـي الدّافع وتبقـى القصّة فيها أمانـي موت وتشهير وضرر لا يـمتّ للإنسانيّة بِصِلة
أها قلت لـي لغاية ما القصّة تقع ليك تـماماً قصّة القون أوف ولاّ ما أوف ؟ كان كدا القونيـن أوف زي ما قال العزيز خالد
مـحبّتـي
Post: #42 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 10:38 AM Parent: #40
Quote: سلام يا وليد ولؤي
حتي مدثر كاريكا ما كان سارق عند الضربه لاحظ بعد الضربه بي ثانيتين وضع مدثر كان وين
معاوية العزيز سلامات
صح يا معاوية وأنا قلت الكلام دا وبالصُّوَر لكن بـحاول أقول : حتّـى ولو إفترضنا تسلّل مُدّثّر فلا يُـحسب نسبةً لعدم إشتراكه فـي اللعب
وُدّي
Post: #46 Title: Re: ياجماعة قون الهلال التاني في نيل الحصاحيصا off والا ما off (فيديو) Author: عمر الفاروق Date: 11-09-2010, 02:55 PM Parent: #42
يا وليد :
Quote: هل مدثر كاريكا شتت انتباه الحارس والمدافعين لو كده بكون سارق
مدثر ده زي حسبو ..بشتت قصبو .. أها تشتيت القصب ده أوف سايد ؟؟
Post: #47 Title: Re: ياجماعة قون الهلال التاني في نيل الحصاحيصا off والا ما off (فيديو) Author: Elfadil Sabeil Date: 11-09-2010, 07:15 PM Parent: #46
Quote: الهدفين من تسلل واضح وضربة جزاء مية فى المية لنيل مفروض النتيجة 2/1 لنيل وليس لنادى الحكام
حسن سنادة هل أنت الشاام يا زلمة أنت مالك و مال تسلل زول، التسلل حقك أنت في بوستك الهارب منه. فأنا وراك يا إنت كراكر بوستات يا توضح لينا التسلل الذي قمت به الناس كالفواكه فتعامل معها بحسب نوعها
Post: #48 Title: Re: ياجماعة قون الهلال التاني في نيل الحصاحيصا off والا ما off (فيديو) Author: Magdi Algorashi Date: 11-09-2010, 07:41 PM Parent: #47
السلام للجميع
سؤال الي الاخ لؤي
بعد تحليلك الواقعي والمنطقي بخصوص موضوع التسلل
عايزين فتوي عن ضربة الجزاء لفريق نيل الحصاحيصا
ولك ودي
Post: #49 Title: Re: ياجماعة قون الهلال التاني في نيل الحصاحيصا off والا ما off (فيديو) Author: mohmed khalail Date: 11-09-2010, 08:02 PM Parent: #48
Quote: بالجد فتحت البوست للتشويش ومشاغلة الهلالاب لكن جرت الأمور بافضل من ذلك ...
أبلع أبلع يا جنابو أبلع وبنساعدك بالسكات والمويه الباااااااارده
Post: #50 Title: Re: ياجماعة قون الهلال التاني في نيل الحصاحيصا off والا ما off (فيديو) Author: omer osman Date: 11-09-2010, 08:30 PM Parent: #49
Quote: أبلع أبلع يا جنابو أبلع وبنساعدك بالسكات والمويه الباااااااارده
ياخ جانا وجع حلق من البلع وكلو بسبب الهلال ......
تحت تحت قبل كم يوم بلعت لي بوست برضو بسبب مقطوع الطاري الهلال بس ما شافوهو ناس كتار ..
Post: #51 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-09-2010, 08:57 PM Parent: #48
Post: #52 Title: Re: ياجماعة قون الهلال التاني في نيل الحصاحيصا off والا ما off (فيديو) Author: منتصرمحمد زكى Date: 11-09-2010, 09:22 PM Parent: #51
يا لؤي كان قلبت الهوبة برضو الهدفين تسلل كل الجهد الذي بذلته هنا مبني على تصوير بائس وغير واضح من المصدر ( قوون تي في ) فكل اللقطات التي جلبتها ليس من بينها لقطة تبرز اللاعبين في خط واحد عند الضربة كل اللقطات جانبية تدل على بؤس التصوير وعدم الاحترافية .. وفقر قناة الهلال الرياضية .........
Post: #53 Title: Re: ياجماعة قون الهلال التاني في نيل الحصاحيصا off والا ما off (فيديو) Author: محمد البشرى الخضر Date: 11-09-2010, 09:33 PM Parent: #52
طيب يا منتصر ما دام التصوير بائس وغير واضح عرفتهم كيف تسلل
Post: #54 Title: Re: ياجماعة قون الهلال التاني في نيل الحصاحيصا off والا ما off (فيديو) Author: Ashraf el-Halabi Date: 11-10-2010, 00:29 AM Parent: #53
Quote: طيب يا منتصر ما دام التصوير بائس وغير واضح عرفتهم كيف تسلل
أحساس ساي يا ود البشرى!
Post: #55 Title: Re: ياجماعة قون الهلال التاني في نيل الحصاحيصا off والا ما off (فيديو) Author: عمر الفاروق Date: 11-10-2010, 05:57 AM Parent: #54
Quote: طيب يا منتصر ما دام التصوير بائس وغير واضح عرفتهم كيف تسلل
قناة قوون بائسة فقط في عدم كشف التسلل ..لكن في كشف التسلل ده واااضحة يا ود البشرى .. والعجب في ضربات الجزاء ..والله التقول شغالة بي نظام ال HD تخريمة : شايف صاحبك مزمل عمل ليهو توزيعة كده طلع فيها الهلال ده خسران 12 نقطة والمريخ البطل المتووج وكده ..يا كافي البلا اصلو ما جاب سيرة كور المريخ وضربات جزاءه هو قايل الدوري الممتاز ده بادي ليهو خمسة اسابيع؟؟
Post: #56 Title: Re: ياجماعة قون الهلال التاني في نيل الحصاحيصا off والا ما off (فيديو) Author: لؤى Date: 11-10-2010, 09:12 AM Parent: #52
Quote: يا لؤي كان قلبت الهوبة برضو الهدفين تسلل
الأخ الكريـم منتصر تحيّة طيّبة
أنا لا أحتاج لقلب هوبة ولا لأيّ إنفعال فـي هذه الأمور أنا هنا لتبادل الآراء بكُلّ هدوء صحّت أو ضلّت قُبلت أو رُفضت ما عدا ذلك صدّقنـي لا يعنينـي مطلقاً هوس الإنـجراف وراء فكرة الدّعـم فقط لدواعـي إنتـماء فليست هذه من طباعـي أو شِيَمـي أنا لا أودّ هنا التّحدّث عن نفسـي لكنّـي لا أخشى فـي الحقّ لومة لائـم والـحق عندي لا يـحتاج لهوبة أو أكروبات وجـمباز ولا أراه حتّـى مؤثّراً فـي نتيجة مباراة أو غيرها ويلاّ يا سيدي الهدفيـن تسلّل والـهلال طيش البلد دا رأي برضو بدون هوبة
تـحاياي
Post: #57 Title: Re: ياجماعة قون الهلال التاني في نيل الحصاحيصا off والا ما off (فيديو) Author: هشام المجمر Date: 11-10-2010, 09:49 AM Parent: #56
البوست القادم لعمر عثمان( بعد يوم 18 وكده)
هل هدف الهلال الثانى فى المريخ من تسلل
Post: #58 Title: Re: ياجماعة قون الهلال التاني في نيل الحصاحيصا off والا ما off (فيديو) Author: Hassan Senada Date: 11-10-2010, 10:31 AM Parent: #57
Quote: هل هدف الهلال الثانى فى المريخ من تسلل
احلم كويس ياالمجمر
Post: #59 Title: Re: ياجماعة قون الهلال التاني في نيل الحصاحيصا off والا ما off (فيديو) Author: هشام المجمر Date: 11-10-2010, 10:45 AM Parent: #58
يا حسن سنادة
ما اصلو انحنا بنحلم بس بغلب المريخ لأنو غالبنا طوالى
و السنة الفاتت ادانا 2 فى نهائى كأس السودان
وفى نهاية الدورة الاولى من الدورى الممتاز رجع و ادانا اتنين
Post: #60 Title: Re: ياجماعة قون الهلال التاني في نيل الحصاحيصا off والا ما off (فيديو) Author: Hassan Senada Date: 11-10-2010, 11:38 AM Parent: #59
Quote: يا حسن سنادة
ما اصلو انحنا بنحلم بس بغلب المريخ لأنو غالبنا طوالى
و السنة الفاتت ادانا 2 فى نهائى كأس السودان
وفى نهاية الدورة الاولى من الدورى الممتاز رجع و ادانا اتنين
حبيبنا المجمر بس السنة دى غير مغلوب من الصفاقصى رايح جاى على اعتبار ماسيكون ومن الزعيم فى
فى الممتاز وكاس السودان انشاءالله
Post: #61 Title: Re: ياجماعة قون الهلال التاني في نيل الحصاحيصا off والا ما off (فيديو) Author: محمد البشرى الخضر Date: 11-10-2010, 02:32 PM Parent: #60
Quote: شايف صاحبك مزمل عمل ليهو توزيعة كده طلع فيها الهلال ده خسران 12 نقطة والمريخ البطل المتووج وكده ..يا كافي البلا اصلو ما جاب سيرة كور المريخ وضربات جزاءه هو قايل الدوري الممتاز ده بادي ليهو خمسة اسابيع؟؟
يا فاروق كويس مزمل عملهن 12 حسب احصائية بابكر سلك مفروض الهلال يكون بنافس مع اهلي مدني على البقاء
