Post: #1
Title: كنت متاكد انو في يوم ح يحصل كده ...
Author: omer osman
Date: 09-01-2010, 07:32 AM
Parent: #0
سائق ملاكي يحاول دهس شرطي مرور حرر له مخالفة مرورية ...........
صحيفة الاهرام اليوم 1-9-2010م
|
Post: #2
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 07:35 AM
Parent: #1
بالجد حملات المرور مزعجة بشكل لايطاق ........
اختيار الزمان والمكان دائماً غلط ..........في مدخل كوبري ....... في منعطف ........... الساعة 2 ظهر .......... في نهار رمضان ............
والتركيز كلو على تحصيل قيمة الغرامة وعدم الاهتمام بازالة المخالفة نفسها ........
|
Post: #3
Title: Re: كنت متاكد انو في يوم ح يحصل كده ...
Author: SHIBKA
Date: 09-01-2010, 07:37 AM
Parent: #2
| Quote: والتركيز كلو على تحصيل قيمة الغرامة وعدم الاهتمام بازالة المخالفة نفسها ........ |
دون اختيار اسلوب جيد للحوار بين الشرطي والمخالف
|
Post: #5
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 07:43 AM
Parent: #3
| Quote: دون اختيار اسلوب جيد للحوار بين الشرطي والمخالف |
ما تسكت ليهو لو اتكلم معاك بطريقة غير لائقة .........
عندي مخالفة ايوه ......... حقارة وقلة ادب لا .........
كتر قلل .......... ادفع مخالفتك وما تخليهو امشي اشتكي لي ضباطو
|
Post: #15
Title: Re: كنت متاكد انو في يوم ح يحصل كده ...
Author: SHIBKA
Date: 09-01-2010, 08:09 AM
Parent: #5
| Quote: كتر قلل .......... ادفع مخالفتك وما تخليهو امشي اشتكي لي ضباطو |
ويروح يومك شمار في مرقة
|
Post: #17
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 08:19 AM
Parent: #15
| Quote: ويروح يومك شمار في مرقة |
صاح يومك بروح لكن ما شمار في مرقة .......
بتكون في نتيجة ..........
|
Post: #4
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 07:40 AM
Parent: #2
يوم وانا جاي بالمنطعف الماري شرق حديقة اوزون .............
وفجأة القي ليك قدامي حملة مرور بقيادة نقيب ......................
تفاديت الاصطدام بهم بصعوبة .................
وكذلك العربات التى كانت خلفي .............
اوقفت العربية قدام شوية ونزلت بالجد عفاريت الدنيا كلها بتتنطط قدامي ..........
لا قلت ليهو انا منو ولا حاجة ..........
قلت ليهو ياجنابو انت بي طريقتك دي ح تعمل كارثة ولو في بلاغ مفروض يتفتح ليك انت في الاول .........
ياخي حرام عليك لو عندك تعليمات لازم تطلع حملة وتجيب قروش وما بتقدر تخالف التعليمات دي طبعاً ....
امشي اقيف قدام شوية ...............
ما قال لي اى حاجة ............
وركبت عربيتي ومشيت ..........
في المراية شفتهم اتحركوا من ماكنم لكن بالتأكيد عشان يمشوا يقيفوا في حتة تانية !!!!!!!
|
Post: #6
Title: Re: كنت متاكد انو في يوم ح يحصل كده ...
Author: nazar hussien
Date: 09-01-2010, 07:45 AM
Parent: #4
دا اسمه الاستفزاز الشديد المفاجيء
|
Post: #8
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 07:51 AM
Parent: #6
| Quote: دا اسمه الاستفزاز الشديد المفاجيء |
المشكلة يانزار في النهاية شرطي المرور موظف عام ويقوم باجراء قانوني (بغض النظر عن رأينا فيهو) وبالتالي لايعتبر استفزاز شديد ومفاجيء
لكن في الواقع هو اكثر من استفزاز في بعض الاحيان ..........
|
Post: #7
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 07:48 AM
Parent: #4
مرة في الشارع الوراء الساحة الخضراء .......
الدنيا حر والناس زهجانة .........
بدون اى مقدمات حملة مرور .....
وقفت قصاد العسكري ........
عاين لي كده .........
الرخصة بالله .......
ليه في شنو ؟
كيف شنو ؟
اي وريني في شنو بتسأل من الرخصة ؟
انت ما شايف في حملة ؟
ايوه شايف لكن لسه بسأل ؟ في شنو ؟
يازول كيف في شنو دي ما حملة ؟
اى عارف حملة لكن حملة لشنو ولزومو شنو في الحر ده ؟
ياخ اسمع اتحرك اتحرك خلاص امشي .........
ختيت واحد وطلعته ...............
|
Post: #9
Title: Re: كنت متاكد انو في يوم ح يحصل كده ...
Author: ibrahim alnimma
Date: 09-01-2010, 07:51 AM
Parent: #4
Quote: اوقفت العربية قدام شوية ونزلت بالجد عفاريت الدنيا كلها بتتنطط قدامي ..........
لا قلت ليهو انا منو ولا حاجة ..........
قلت ليهو ياجنابو انت بي طريقتك دي ح تعمل كارثة ولو في بلاغ مفروض يتفتح ليك انت في الاول .........
ياخي حرام عليك لو عندك تعليمات لازم تطلع حملة وتجيب قروش وما بتقدر تخالف التعليمات دي طبعاً ....
امشي اقيف قدام شوية ...............
ما قال لي اى حاجة ............
وركبت عربيتي ومشيت ..........
في المراية شفتهم اتحركوا من ماكنم لكن بالتأكيد عشان يمشوا يقيفوا في حتة تانية !!!!!!! |
جنابو عمر سلام:
سر عدم الحديث معك هو طريقة الكلام معاهم ، بتعكس انك تستند الي ظهر قوي ... عشان كدة هم بغريزة
وفراسة اكسبتها لهم التجرب انك ليس مواطن مغلوب علي امرك وعليه اثرو الابتعاد والمشادة معك.
لاحظتها بنفسي انهم يسطيعوا ان يخمنو ماهية الراكب ......
|
Post: #10
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 07:53 AM
Parent: #9
Quote: جنابو عمر سلام:
سر عدم الحديث معك هو طريقة الكلام معاهم ، بتعكس انك تستند الي ظهر قوي ... عشان كدة هم بغريزة
وفراسة اكسبتها لهم التجرب انك ليس مواطن مغلوب علي امرك وعليه اثرو الابتعاد والمشادة معك.
لاحظتها بنفسي انهم يسطيعوا ان يخمنو ماهية الراكب ...... |
اكيد يا ابراهيم ....... كلامك سليم 100%
لكن برضو المواطن العادي ما حقو يسكت ولو الشرطي شعر بان المواطن عارف حقوقو كويس صدقني بعمل ليهو حساب ........
|
Post: #12
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 07:56 AM
Parent: #10
نقدر ونثمن لناس المرور كثير من الجهد والتعب والسهر في الشوارع تحت المطر وفي الحر والبرد .......
لكن بالجد موضوع الحملات دي بالجد محتاج لاعادة نظر عاجلة ........
|
Post: #11
Title: Re: كنت متاكد انو في يوم ح يحصل كده ...
Author: omar alhag
Date: 09-01-2010, 07:55 AM
Parent: #4
عمر عثمان
الشرطة السودانية مشهود لها بالمهنية والانضباط والعفة لإزمان خلت وهي في خدمة المواطن ....
الان اضحت الي عدو لدود بفضل بعضهم ...
شرطة المرور اصبحت (جامع اتاوت) عنيف يطارد المساكين وبعضهم من قضي نحبه جراء مطارات عنيفة لاصحاب الرقشات (كنموذج) ..
الشرطة الان خارج المهنية إسندة لها مهام اخري واسحلة متطورة (دوشكات وهاون ودبابات) وغيره ...
للشرطة رجال رفضوان يشاركو في المهزلة والهرج والمرج والفساد وتسلط (المدنيين) علي المهنيين
ليكتبو صفحات من تاريخ الشرطة الناصع التي سودت بفضل بعضهم
|
Post: #13
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 08:01 AM
Parent: #11
Quote: عمر عثمان
الشرطة السودانية مشهود لها بالمهنية والانضباط والعفة لإزمان خلت وهي في خدمة المواطن ....
الان اضحت الي عدو لدود بفضل بعضهم ...
شرطة المرور اصبحت (جامع اتاوت) عنيف يطارد المساكين وبعضهم من قضي نحبه جراء مطارات عنيفة لاصحاب الرقشات (كنموذج) ..
الشرطة الان خارج المهنية إسندة لها مهام اخري واسحلة متطورة (دوشكات وهاون ودبابات) وغيره ...
للشرطة رجال رفضوان يشاركو في المهزلة والهرج والمرج والفساد وتسلط (المدنيين) علي المهنيين
ليكتبو صفحات من تاريخ الشرطة الناصع التي سودت بفضل بعضهم |
والله ياعمر لانكف عن توجيه اللوم والانتقاد للاخوة الزملاء متي ما شاهدنا عوجاً يعتري عمل الشرطة .......
وفي موضوع المرور ده بالذات واكثر من مرة بقول ليهم كيف ياجماعة يصبح للشرطي والشرطة مصلحة مادية في تطبيق القانون !!!
حيث تمنح نسبة من الغرامات المتحصلة كحوافز للضباط والافراد ........ وهذا خطأ جسيم يجب ايقافه ........
|
Post: #14
Title: Re: كنت متاكد انو في يوم ح يحصل كده ...
Author: ibrahim alnimma
Date: 09-01-2010, 08:09 AM
Parent: #13
| Quote: حيث تمنح نسبة من الغرامات المتحصلة كحوافز للضباط والافراد ........ وهذا خطأ جسيم يجب ايقافه ........ |
الله يستر عليك ياجنابو:
تعرف دي من اكبر الجرائم التي ارتكبتها الانقاذ ، وقد طبقت هذه الجريمة ايضاً في القضاء......
ومااعظم ان تربط مصالح القضاء والشرطة بتجريم المواطن...يمعني انه عندما يكون القاضي صاحب
مصلحة مباشرة في تجريم المواطن وكذا الشرطة..يستشري الفساد وللاسف المقصود.....
|
Post: #16
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 08:14 AM
Parent: #14
طبعاً في فهم تاني بقول انو الحكاية دي اتعملت لمحاربة الفساد او الرشوة تحديداً ........
لكن مهما كانت الدوافع نبيلة فهي لاتبرر وجود مصلحة مادية لرجل القانون في تطبيقه .......
اعمل ليهم علاوة والا بدل اسمو (بدل مرور) .........بفئة ثابتة ومحفزة .......
وما يكون عندوا اى علاقة بمبلغ الغرامات المتحصل ان شاء الله ما تكون جبت ولا قرش ........... تاخد (البدل او العلاوة) طالما انت مداوم وعلى رأس عملك ...
|
Post: #18
Title: Re: كنت متاكد انو في يوم ح يحصل كده ...
Author: عبدالمجيد المقابل
Date: 09-01-2010, 08:32 AM
Parent: #16
Quote: اعمل ليهم علاوة والا بدل اسمو (بدل مرور) .........بفئة ثابتة ومحفزة .......
وما يكون عندوا اى علاقة بمبلغ الغرامات المتحصل ان شاء الله ما تكون جبت ولا قرش ........... تاخد (البدل او العلاوة) طالما انت مداوم وعلى رأس عملك ...
|
جنابو عمر , سلامات
ما ذكرته عاليه يمثل حل ممتاز لمشاكل حملات المرور , و يترك رجل المرور يمارس عمله بمهنية بعيدا" عن المصلحة الذاتية ( نسبة التحصيل ) .........
إن تطبيق نظام نسبة التحصيل أثبت فشله في جميع المجالات التي طبق فيها ( الأمثلة كثيرة ) و ذلك لتقاطع المصالح بين المهنية والمنفعة المادية الشخصية...........
تسلم , و ما زلت مصرا" بأنك فقد كبير للشرطة السودانية...........
|
Post: #19
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 08:45 AM
Parent: #18
Quote: نابو عمر , سلامات
ما ذكرته عاليه يمثل حل ممتاز لمشاكل حملات المرور , و يترك رجل المرور يمارس عمله بمهنية بعيدا" عن المصلحة الذاتية ( نسبة التحصيل ) .........
إن تطبيق نظام نسبة التحصيل أثبت فشله في جميع المجالات التي طبق فيها ( الأمثلة كثيرة ) و ذلك لتقاطع المصالح بين المهنية والمنفعة المادية الشخصية...........
|
بقول للزملاء ............
رجل المرور في الحملات اصبح زي سيد الدكان .......... المنتظر الزبائن من الصباح !!!
| Quote: تسلم , و ما زلت مصرا" بأنك فقد كبير للشرطة السودانية........... |
شكراً يا عبدالمجيد ............ وده من ذوقكك وحسن ظنك .........
|
Post: #20
Title: Re: كنت متاكد انو في يوم ح يحصل كده ...
Author: Mohammed Awad
Date: 09-01-2010, 08:51 AM
Parent: #16
غايتو حأحكى ليك قصة وعارف تعليقك من اسى
مرة اتصل على الحاج قال لى تعال لينا فى قسم ********
ليه ياحاج انشالله خير؟ قال لى اخوك فى الحراسة!!
ليه مالو؟ قال لى بس كدى انت تعال شوف طريقة للزول دا
المهم قلت اصل الاول اشوف الحاصل شنو..
وصلت القسم لقيت ليك العربية اول شى القزاز القدام مكسر والكبوت مطفج
قلت الجماعة ديل عملو حادث لكن شكلو زول وقع ليهم من السما...
وانا داخل عساكر القسم كلهم يصرصرو لى... استغربت طبعآ
المهم لاقيت الحاج.. فى شنو انشالله سلامة؟
قال لى والله ما عارف اضحك ولا ابكى!! ليه؟
قال لى ماشين فى الشارع وكان فى حملة مرور
بعدين العسكرى اشر لينا واخوك داير يقيف لكن الظلط عالى فقدم
العربية شوية قدام... اها بتاع الحركة قال لى ياحيوان ماتقيف قلنا ليك !!
فالمهم قال لى انا بتاع الحركة شفتو جاى على العربية واخوك نزل
المرة التانية الشفتة فيها بتاع الحركة كان فى كبوت العربية والقزاز
ولو ماشوية كدا اخوك دا كان جابو لى بى جوة... ياخ بالله اخوك دا مايسوق لى زاتو تانى
طبعآ قبليها بى يوم الحاج جاتو صدمة سكرى بالليل وقام اخوى ساقو المستشفى
فابوى بيحكى لى انو لما العربية وصلت باب المستشفى سامع شمطة مع ناس الهدف لكن
فى انو يدخل بالعربية ولا بالنقالةتانى غبا وماوعى بالحاصل شنو...
قال لى لما فتحت عيونى فى غرفة الطبيب لقيتو ماسك واحد معلقو فى الحيطة والتانى تحت كراعو
والدكتور بيحنس فيهو يسوق ابوى ويمشى خلاص ادوهو علاجاتو...
طبعآ الحاج دفُعو ليك حق قزاز وسمكرة زى الترتيب
اخوى قال لى طيب ما كان ابوى دا يفتح فينى بلاغ
قلت لي عارف العساكر مابيحوشوك بتجيهو راجع 
|
Post: #21
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 08:58 AM
Parent: #20
Quote: فالمهم قال لى انا بتاع الحركة شفتو جاى على العربية واخوك نزل
المرة التانية الشفتة فيها بتاع الحركة كان فى كبوت العربية والقزاز |
ماااااااااااااا اظن غايتو رميتوها في اخوكم ساكت ......
عمك زاتو هو البكون عمل المنظر ده ......................... 
طبعا ناس المرور بكونوا حفظو ليك عربيتو ............
اول ما يشوفوا عربيتو جاية من هناااااااااك .........
امك عمك طبنجة الكبير كبس .......... اتخارجو .............
|
Post: #22
Title: Re: كنت متاكد انو في يوم ح يحصل كده ...
Author: Mohammed Awad
Date: 09-01-2010, 09:04 AM
Parent: #21
| Quote: عمك زاتو هو البكون عمل المنظر ده ......................... |
يازول مناظر عمك كتيرة... نوردها لك حسب المناسبات
مدير القسم طبعآ ميت من الضحك والموضوع حلاهو سلميآ
لكن قال لى الحاج انا لو عندى ولد زى دا بخش بيهو بنك السودان المركزى كل يوم
|
Post: #23
Title: Re: كنت متاكد انو في يوم ح يحصل كده ...
Author: محمد عبد الماجد الصايم
Date: 09-01-2010, 09:05 AM
Parent: #21
تعرف يا جنابو .. لو قعدت تحكي من الليلة لحدي الأرشفة
الجاية قصص ناس المرور دي ما بتخلص! ياخ ديل الواحد لما
يشوفهم في الشارع طوالي يقول: أعوذ بالله من الشيطان الرجيم ..
(وجعلنا من بين أيديهم سدا ومن خلفهم سدا فأغشيناهم فهم لا يبصرون).
طبعا البعملوهو فينا عشان اللوحات الأجنبية حاجة ما تخلص!
مسلسلات عديل كـدا!
غايتو أهو ماسكين الصبر لحدي هسي!
يوم بعمل عملية أخوكـ أبو طبنجة دا!
|
Post: #24
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 09:35 AM
Parent: #23
Quote: (وجعلنا من بين أيديهم سدا ومن خلفهم سدا فأغشيناهم فهم لا يبصرون).
|
مرة ونحن في الكلية واحد من الضباط بفتش في الطابور ............
واحد دفعتنا قعد يقرا في الاية دي ...............
الضابط لاحظ لحركة شفايفو ........ جاء جاري عليهو .....
قال ليهو قبضتك قبل ما تتمها ...............
اها ياعمك احسن تقرها قبل ما تمرق من البيت زاتوووو
|
Post: #25
Title: Re: كنت متاكد انو في يوم ح يحصل كده ...
Author: محمد عبد الماجد الصايم
Date: 09-01-2010, 09:41 AM
Parent: #24
مرة لاقتني حملة وأنا راجع من أم درمان!
المكان وين ما عارف غايتو .. عارف أخوكـ بمش بالوصف!
العسكري عشمان، بعاين يمين شمال عشان يمرق لي حاجة ما لاقي
قال لي أرفع قزازكـ .. كاااااااكـ فكيت فيهو الضحكـ .. قلت
ليهو يعني العربي قدامكـ كلها فاضية ح أظلل قزازي بس!
صحبكـ إضايق .. كان داير يعمل لي مخالفة ضحكـ في وش عسكري!
|
Post: #28
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 10:03 AM
Parent: #25
Quote: العسكري عشمان، بعاين يمين شمال عشان يمرق لي حاجة ما لاقي
قال لي أرفع قزازكـ .. كاااااااكـ فكيت فيهو الضحكـ .. قلت
ليهو يعني العربي قدامكـ كلها فاضية ح أظلل قزازي بس! |
انا لو محلو بعمل ليك مخالفة عدم تظليل + تخريب الاقتصاد الوطني
افو ........ كيف زول يسوق برادو من غير ما يظلله .......
والناس الببيعو التظليل ديل يعملوا شنو يشحدو يعني ........... ونحن ذاتنا ناس المرور نعمل شنو ؟ نرجع القسم يد وراء ويد قدام ..........
|
Post: #26
Title: Re: كنت متاكد انو في يوم ح يحصل كده ...
Author: أميرة فاروق عبد العال
Date: 09-01-2010, 09:46 AM
Parent: #24
هــــم مالـــم!!!
والله تحلف تقول عندهم معاك تـــار..
|
Post: #27
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 09:55 AM
Parent: #26
Quote: هــــم مالـــم!!!
والله تحلف تقول عندهم معاك تـــار.. |
رغم انو ممكن عادي وما بتكلفو اى حاجة يعمل كل الاجراءات القانونية العاوزه بكل تهذيب ومعاها ابتسامة ......... بدون غبينة ...........
|
Post: #29
Title: Re: كنت متاكد انو في يوم ح يحصل كده ...
Author: طارق جبريل
Date: 09-01-2010, 10:49 AM
Parent: #27
يا جنابو كيفنك
تعرف مرة الحاج عنده مشكلة في البساتم بتاعة القندران
قام نزل المكنة قدام البيت يومين بيصلح فيها
يوم بالصباح نسمع ليك صوته يكورك في الشارع
طلعنل لقينا ليك بتاع حركة قال ليه نمرتك دي مسجلة انك عملت مخالفة امبارح وعفصت خروف في السوق الشعبي
والحاج يقول ليه: ياخي انا لي يومين من قدام بيتي دة ما طلعتة بصلح في المكنة
جينا طالعين نحن ستة اولاد بالاضافة لي اولاد الجيران بقينا زي 30 واحد تقريبا
وزولك كان موقف بتاع تاكسي منتظره
شغالينا: الزول دة لازم يمشي النقطة
انا زعلت جدا جدا وقلت ليه حا تمشي من هنا ولا (أ... أم حلتك) ونسيت ليك الحاج ذاته
شويتين اولاد الحلة مشوا علي بتاع التاكسي قام جاري
اخوي الكبير قام قال ليه ادينا البلاغ ونحن بنتصرف
زولك طلع قالب الارقام وجات في قندران الحاج
شلناهو انا وولدين من الحلة رميناهو في التاكسي وقلنا لي بتاع التاكسي لو تاني جيت الامتداد كرعينك بنكسرهم ليك
قام طلع راسه من الشباك وقال للحاج: والله يا حاج شكلها الحلة انت كلها ابوها... يمين كان كتلت بتاع الخرفان ذاته انا ما حا اقبضك
|
Post: #30
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 11:06 AM
Parent: #29
| Quote: زولك طلع قالب الارقام وجات في قندران الحاج |
اهاااااا شوف لو اتمسكـنـتو كان الحاج راح التخشيبة ..........
* اتاريهم ناس الامتداد ديل كلهم رباطة والا شنو ؟
|
Post: #31
Title: Re: كنت متاكد انو في يوم ح يحصل كده ...
Author: مرتضى احمد عبد القادر
Date: 09-01-2010, 11:29 AM
Parent: #29
سلامات يا عمر
| Quote: كنت متاكد انو في يوم ح يحصل كده |
| Quote: سائق ملاكي يحاول دهس شرطي مرور حرر له مخالفة مرورية |
شكلها جلت الجايه ممكن يزبط الشغله يفك الفرامل من بدري يدهسو ويدهس الحمله كلها معاهو ومستقبلا تنتشر ثقافة الدهس
|
Post: #32
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 11:37 AM
Parent: #31
| Quote: شكلها جلت الجايه ممكن يزبط الشغله يفك الفرامل من بدري يدهسو ويدهس الحمله كلها معاهو ومستقبلا تنتشر ثقافة الدهس |
حراق الروح من تصرفات افراد المرور في الحملات .......... ح يعمل اكتر من كده
الله يستر ..................
|
Post: #33
Title: Re: كنت متاكد انو في يوم ح يحصل كده ...
Author: ابراهيم الرشيد عبدالرحمن وراق
Date: 09-01-2010, 11:38 AM
Parent: #29
سلام ياعمر
والله فعلا مسالة الحملات المرورية دى عايزة ليها علاج لانه بالجد كترت
ومع انه كل يوم بتتكشف سلبياتها لكن لا احد يحرك ساكنا.
مثلا تلقى بتاع المرور فى وش الكبرى موقف ليه حافلة ركاب ودى طبعا مستحيل
تمرق منه ساكت بدون مايلقى ليها مخالفة, طيب الركاب ديل ذنبهم شنو يتعطلوا
وفيهم المريض والطالب والموظف والعامل وكل واحد عنده شئ محصله يعنى ما كان ممكن
حملات عربات الخدمة العامة تكون من نقطة الانطلاق بالموقف مثلا قبل ما تتحرك وتتملى ركاب
او عند اخر نقطة وصول بعد ماينزل الركاب عشان المواطن المسكين ما يتعذب بدون سبب؟
زمان ياعمر العلاقة بين شرطى المرور وكل مستعملى الطريق سائقين ومشاة كانت
سمن على عسل وتجسد اسمى معانى الاحترام وحسن العلاقة بين الشرطة والجمهور
موش لانه الشوارع كانت شوية وعددالعربات اقل.... بل لانه شرطى المرور كان ميالا للدور
الارشادى ولم يكن يلجا للغرامات الا فى المخالفات الكبيرة التى تستوجب ذلك, خد مثلا عمك
عبد السميع الشهير ببريش(تقاطع القصر البلدية)لم يسجل اكثر من خمسة بلاغات طوال مدة
خدمته حتى تقاعد بالمعاش لانه كان يعتمد الجانب الارشادى والناس كانت تحبه وتحترمه.
بعدين اسوا مافى الامر النظر لسائق المركبة (ملاكى / تجارى) نظرة عدائية من قبل شرطى
المرور يعنى ارتكابك لاى مخالفة معناه انتقاص من حقه كانما يقول... انا الدولة ..انا القانون
مع انهم بممارساتهم الخاطئة يشجعون الناس على ارتكاب المخالفات وتمريغ انف القانون فى التراب
مثلا انا سايق حافة ركاب وترخيصها منتهى... امرق من الصباح وعلى اقرب حملة فى الشارع وادفع غرامة
المخالفة ...وبكده اشتغل باقى اليوم بدون غرامة تانية يعنى الايصال بغطينى لمدة 24 ساعة!!!!!
اح.... الكلام كتير .... والمغصة اكتر لكن ماشى اصلى يمكن اجيك راجع ويكمن لا
تحياتى
|
Post: #34
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 11:45 AM
Parent: #33
حليل زمنكم يا ابراهيم وايامكم في المرور ............
الحملات والغرامات الفورية دي كانت نادرة او تكاد تكون معدومة ........
وحليل ايام صينية المستشفي وصينية الاتحاد الاشتراكي .................
وحافلات الترحيل ديييييييييييييييييييييييييييييييك انت ودفعتي الوجيه ........
|
Post: #35
Title: Re: كنت متاكد انو في يوم ح يحصل كده ...
Author: ود شاموق
Date: 09-01-2010, 11:53 AM
Parent: #16
| Quote: طبعاً في فهم تاني بقول انو الحكاية دي اتعملت لمحاربة الفساد او الرشوة تحديداً |
والله دي سببها واضح ، لكن العاوز يعاين للفيل ويطعن في ضله، ما حيغلبو التبرير .
عسكري المرور ما أظن راتبو يفوت الـميتين جنيه كان بالغ، فيها الايجار والأكل والشراب والعلاج واللبس والمواصلات - حتى إلخ ذاتا داخلا في الميتين جنيه - تفتكر البحميهو يرتشي شنو؟ الحـل الوحيد إنو الحكومة الظريفة دي ترفع رواتب الناس دي ويخلوا الحلول العشوائية، وسياسة رزق اليوم باليوم، المودية السودان في ستين ألف داهية.
|
Post: #36
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 12:02 PM
Parent: #35
| Quote: عسكري المرور ما أظن راتبو يفوت الـميتين جنيه كان بالغ، فيها الايجار والأكل والشراب والعلاج واللبس والمواصلات - حتى إلخ ذاتا داخلا في الميتين جنيه - تفتكر البحميهو يرتشي شنو؟ الحـل الوحيد إنو الحكومة الظريفة دي ترفع رواتب الناس دي ويخلوا الحلول العشوائية، وسياسة رزق اليوم باليوم، المودية السودان في ستين ألف داهية. |
العسكري ما بعرفو بياخد كم بالضبط لكن حسب علمي راتب (العقيد) المنو رتبة والزول يبقي (لواء) لايتجاوز 800 جنيه !!!!!!
|
Post: #39
Title: Re: كنت متاكد انو في يوم ح يحصل كده ...
Author: ود شاموق
Date: 09-01-2010, 12:40 PM
Parent: #36
| Quote: العسكري ما بعرفو بياخد كم بالضبط لكن حسب علمي راتب (العقيد) المنو رتبة والزول يبقي (لواء) لايتجاوز 800 جنيه !!!!!! |
لاحول ولا قوة الإ بالله العلي العظيم ، والراتبو 800 جنيه دا عنده طبنجة في البيت ولا ما عندو ؟ كيف لا يخرج على الناس شاهراً سيفه ؟ يمين الجماعة ديل المفروض يخشوا الغابة .
|
Post: #37
Title: Re: كنت متاكد انو في يوم ح يحصل كده ...
Author: Alshafea Ibrahim
Date: 09-01-2010, 12:18 PM
Parent: #35
جنابو
رمضان كريم
حالتو ده الخفيف التقيل جاي بعد العيد ، 50 ج اقل مخالفة فورية ، وعاشت الشرطة الرسالية ، وعاشت حكومة اللا وطني ، اشهد الله عسكري المرور البدون شريط عايش في بحبوحة لا تتوفر عند الأطباء النواب ، والله سيارات ، أمجادات ، رقشات ، جوالات آخر صيحة ، سكن فاخر ألخ ، والضابط عارف ورئيس القسم عارف والوزير عارف ، يجب أن تكون هناك يوميا بالخرطوم وحدها ماءة حالة دهس عمدي لعساكر المرور لكن الرجالة تطير ، الكل يبجث عن (مخارجة) ورحم الله الرجال والرجالة ..
ياربي لو أنفصل الجنوب وضاع البترول كم سيكون الحد الأدنى للمخالفة المرورية ؟؟؟
الشفيع إبراهيم
|
Post: #38
Title: Re: كنت متاكد انو في يوم ح يحصل كده ...
Author: omer osman
Date: 09-01-2010, 12:25 PM
Parent: #37
Quote: جنابو
رمضان كريم
حالتو ده الخفيف التقيل جاي بعد العيد ، 50 ج اقل مخالفة فورية ، وعاشت الشرطة الرسالية ، وعاشت حكومة اللا وطني ، اشهد الله عسكري المرور البدون شريط عايش في بحبوحة لا تتوفر عند الأطباء النواب ، والله سيارات ، أمجادات ، رقشات ، جوالات آخر صيحة ، سكن فاخر ألخ ، والضابط عارف ورئيس القسم عارف والوزير عارف ، يجب أن تكون هناك يوميا بالخرطوم وحدها ماءة حالة دهس عمدي لعساكر المرور لكن الرجالة تطير ، الكل يبجث عن (مخارجة) ورحم الله الرجال والرجالة ..
ياربي لو أنفصل الجنوب وضاع البترول كم سيكون الحد الأدنى للمخالفة المرورية ؟؟؟
الشفيع إبراهيم |
الله اكرم يا الشفيع ..........
غايتو ناس المرور ديل ماقدر عليهم الا المدير العام الاسبق محجوب حسن سعد ......... خلاهم يمشوا في العجين ما يلخبطوهو ........
محاربة الفساد يجب ان تكون واجب كل ضابط وعليه ان لاينتظر مديره او مدير الشرطة او الوزير ......
|
Post: #40
Title: Re: كنت متاكد انو في يوم ح يحصل كده ...
Author: Hisham Ibrahim
Date: 09-01-2010, 01:17 PM
Parent: #38
| Quote: ادفع مخالفتك وما تخليهو امشي اشتكي لي ضباطو |
يا جنابو أنت قايل كل الناس دي عندها كارنيه زيكـ والا شنو ؟
والله تقول ليهم كلام زي دا بدل مخالفتين يعملوهم ليكـ عشرين
وفيها سجن وفي السجن يوصوا عليكـ !!
أدينا كلام نستسيغوا في رمضان شهر الخير دا يا جنابو ،،
|
|