Post: #1
Title: جريمة سرقة في صالة المغادرة
Author: omer osman
Date: 11-05-2009, 01:50 PM
Parent: #0
من ذاكرة شرطي متقاعد .........
المباحث المركزية - مطار الخرطوم.
العام 1993م
|
Post: #2
Title: Re: جريمة سرقة في صالة المغادرة
Author: omer osman
Date: 11-05-2009, 01:54 PM
Parent: #1
عندما التحقت بكلية الشرطة في العام 1987م كان لدي ثلاثة احلام ...........
الأول : ان اعمل بالجنايات (اقسام الشرطة) ..................
الثاني : ان اعمل بالمباحث المركزية...................
الثالث : ان اصبح مدير عام قوات الشرطة ...........
|
Post: #3
Title: Re: جريمة سرقة في صالة المغادرة
Author: omer osman
Date: 11-05-2009, 01:58 PM
Parent: #2
بفضل الله تحقق لي الحلم الاول والثاني ولم يتحقق الثالث ليس لانني تركت الشرطة فحسب بل لان اوانه لم يحن بالنسبة لدفعتنا فلايزال
المشوار امامهم طويل ......... لست اسفاً الان فهي ارزاق ساقتني لدخول كلية الشرطة ثم ساقتني لتركها ولاندري اين الخير ......
|
Post: #4
Title: Re: جريمة سرقة في صالة المغادرة
Author: omer osman
Date: 11-05-2009, 02:02 PM
Parent: #3
عملت في اقسام الشرطة كل الفترة منذ تخرجي من الكلية في 89 ولغاية ما نقلت الى المباحث المركزية ، شعور جميل جداً
واحساس بالتفوق والذكاء عندما تعلم انه قد تم نقلك الى المباحث المركزية. اسم له رنين وهيبة وسط الشرطة ووسط المواطنين
الاسوياء والمجرمين. وللمباحث كبرياء وآنفة تمنعها من متابعة البلاغات الساهلة او البسيطة وحتى في محاربة الخمور لا تتعامل
مع اصحاب الخمور البلدية ...... ويسكي وانت طالع لي فوق.
|
Post: #5
Title: Re: جريمة سرقة في صالة المغادرة
Author: مزمل خيرى
Date: 11-05-2009, 02:06 PM
Parent: #4
زمن المركزية كانت مركزية ياعمر ..!!
|
Post: #7
Title: Re: جريمة سرقة في صالة المغادرة
Author: omer osman
Date: 11-05-2009, 02:09 PM
Parent: #5
Quote: زمن المركزية كانت مركزية ياعمر ..!! |
|
Post: #6
Title: Re: جريمة سرقة في صالة المغادرة
Author: omer osman
Date: 11-05-2009, 02:07 PM
Parent: #4
المباحث المركزية او كما تسمي بلغة الرندوك (كرمزية) ....... عالم ممتع ومدهش تستهله بالتخلص من لبس الكاكي الذي يقيد
حركتك وتصرفاتك اينما ذهبت ....... وتتقمصك شخصيات عدة من كوجاك الى تختخ ...... وتتعلم هناك استخدام الوكي توكي الذي
لم تتعامل به ايام العمل في الاقسام فاجهزة الاتصال هناك ثابتة في الاقسام او في العربات ، الان يمكنك ان تحمل جهاز الوكي توكي
وتقشر بيهو في الحلة او سوط الشلة خصوصاً ايام زمان عصر ما قبل الموبايل .........
|
Post: #8
Title: Re: جريمة سرقة في صالة المغادرة
Author: omer osman
Date: 11-05-2009, 02:16 PM
Parent: #6
في داخل عالم المباحث المركزية الجميل تعتبر مباحث المطار هي خيار من خيار محظوظ وسعيد من يعمل بها ويظل اغلب ضباط المباحث
في انتظار الكشف الداخلي يا وداك مباحث المطار يا وداك الارشيف ..... تراب ونسوان كبار واعمامك عجايز. كنت دائماً اقول بأنني
محظوظ والحمد لله ....... حملت خطاب خلو الطرف وامر التحرك من شرطة ولاية الخرطوم لكي ابلغ وحدتي الجديدة المباحث المركزية ،
ياخي انا ماشي عليهم شعرة جلدي كلبت تقول حرامي ..... احساس بي هيبة ورهبة الاسم ....... وانا اهم بالدخول من البوابة الرئيسية
(المباحث كانت ملاصقة لمباني رئاسة الشرطة ووزارة الداخلية بشارع النيل قبل ان تنتقل الي بري) المهم عند البوابة التقيت بسعادة
العقيد عمر عبدالعزيز (كان لازم يكون اسمو كده لانه مميز في كل شيء) بعد السلام والتحية مالك ياجنابو الليلة جاي هنا ؟
والله ياسعادتك انا منقول المباحث وجاي احضر نفسي .........
|
Post: #9
Title: Re: جريمة سرقة في صالة المغادرة
Author: مزمل خيرى
Date: 11-05-2009, 02:18 PM
Parent: #8
اوع يودوك ضابط خدمات بس... واصل متابعين ...
|
Post: #11
Title: Re: جريمة سرقة في صالة المغادرة
Author: omer osman
Date: 11-05-2009, 02:22 PM
Parent: #9
Quote: اوع يودوك ضابط خدمات بس... واصل متابعين ... |
اخوك ضابط متحري كارب ...... خدمات شنو ؟
لكن بيني وبينك اشتغلت فترة في دار الشرطة لي قدام بحكي ليك اهم البلاغات الاقتني هناك
|
Post: #10
Title: Re: جريمة سرقة في صالة المغادرة
Author: omer osman
Date: 11-05-2009, 02:20 PM
Parent: #8
وهو يمسك بالسيجارة التى تفارق فمه ..... تعال ياجنابو انا رئيس قسم مباحث المطار ومن دربك ده تمشي معاي طوالي .....
اخذني من يدي دخلنا على سعادة العقيد عبدالعزيز عوض مدير الشئون الادارية ..... يا عبدالعزيز السلام عليكم ... امسك جواب
جانبو ده واعملوا ليهو خطاب لينا في المطار وهو ح يمشي معاي طوالي .......... هكذا هو عمر عبدالعزيز لا انا لا سعادة العقيد
عبدالعزيز لم يمنحنا فرصة للتفكير او الرفض او الموافقة .... وكانت ضحكة العقيد عبدالعزيز هي تأشيرة ذهابي الى مباحث المطار.
|
Post: #12
Title: Re: جريمة سرقة في صالة المغادرة
Author: أحمد طه
Date: 11-05-2009, 02:29 PM
Parent: #10
انا اتسرقت في قاعة كبار الزوار.
|
Post: #13
Title: Re: جريمة سرقة في صالة المغادرة
Author: omer osman
Date: 11-05-2009, 08:07 PM
Parent: #12
Quote: انا اتسرقت في قاعة كبار الزوار. |
سعادة الجنرال شخصياً ، لو بعرفو ياسعادتك ما كان سرقوك في زول بسرق جنرال وأديب وشاعر ........
قد لا اتذكر التقينا عدة مرات في ابوظبي برفقة اخونا هاشم الرهيو ....... تحياتي لك وله
|
Post: #14
Title: Re: جريمة سرقة في صالة المغادرة
Author: omer osman
Date: 11-05-2009, 08:21 PM
Parent: #13
العمل في مباحث المطار تجربة جديدة ومختلفة بحكم طبيعة ونظام العمل بطريقة الورديات خلال الـ 24 ساعة وبحكم الارتباط الوثيق
بين كل الادارات والاقسام العاملة في المطار كلها يجب ان تتناغم لتحقيق هدف واحد تسهيل مغادرة ووصول الركاب من والى السودان
بالطبع الامور لاتسير بهذه المثالية وكثيراً ما دخلنا في احتكاكات او مخاشنات مع ادارات اخري ........
طبيعة الجريمة في المطار تختلف عن خارجه من حيث الكم والكيف ....... صعوبة اكتشافها في وسط هذه الامواج المتلاطمة من البشر
المغادرين والواصلين .......... جرائم السرقة هي اكثر ما يزعجنا وكثيراً ما يشتكي الركاب من سرقة بعض متعلقاتهم خصوصا قي
الوصول ..............
العقيد عمر عبدالعزيز لم يمكث طويلا ونقل الى ادارة اخري واستلم بدلاً عنه الاخ المقدم خالد حسن محمد سعيد (مدرسة تعلمت منها الكثير)
قمنا بتنشيط عمل المباحث للدرجة اننا وصلنا بمعدل الجريمة في المطار في فترة من الفترات الى 0% وهي نسبة يصعب الوصول اليها ويصعب
اكثر المحافظة عليها واذكر من الاخوان الذين ساهموا بجهد وافر ومقدر في تحقيق هذه النتيجة الاخ الرائد السيوفي والاخوان الملازم أول
الرشيد قطبي والملازم ياسر
|
Post: #16
Title: Re: جريمة سرقة في صالة المغادرة
Author: omer osman
Date: 11-05-2009, 08:34 PM
Parent: #14
واذكر ان من اكثر الجرائم ازعاجاً لنا في ذلك الوقت كانت سرقة وقود الطائرات (يشبه الجاز الابيض) من مستودعات الشركات في
المطار وعندما ضيقنا الخناق على هولاء اللصوص اكتشفنا انهم اصبحوا يسرقونه من تنك الطائرة بالضغط على زر معين اسفل بطن
الطائرة ........ لذا ستظل لعبة الكديس والفار بين الشرطة واللصوص مستمرة الى يوم يبعثون .............
من اجمل الاشياء في المطار برغم ان العمل فيه مرهق ومزعج الا ان بيئة العمل نظيفة وجميلة جداً قياساً بالاقسام وشعب المباحث
من اكثر الاشياء التى كنا نحرص عليها ان نتواجد في صالة الوصول في مواعيد وصول طائرة طيران الخليج التى يعبق ركابها الصالة
بمزيج من العطور الجميلة بخلاف انهم زاتم نظيفين وقاشرين ........ لمن انت زاتك تتكيف. بعكس طائرات اخري لاتحمل غير تجار الشنطة
او (النمل) بلغة المباحث ومعهم اكوام من الكراتين والشنط
|
Post: #15
Title: Re: جريمة سرقة في صالة المغادرة
Author: ashraf mukhtar
Date: 11-05-2009, 08:25 PM
Parent: #13
المحترم عمر واصل متابعين
|
Post: #17
Title: Re: جريمة سرقة في صالة المغادرة
Author: omer osman
Date: 11-05-2009, 08:36 PM
Parent: #15
Quote: المحترم عمر واصل متابعين |
حاضرين يا اشرف ........ تحياتي
|
Post: #18
Title: Re: جريمة سرقة في صالة المغادرة
Author: omer osman
Date: 11-05-2009, 08:49 PM
Parent: #17
في احدي المرات حدثت جريمة سرقة (بخلاف السرقة موضوع البوست) حيث سرق عدد 1 keyboard من احدي كاونترات الجوازت بصالة المغادرة
وقتها كان الـ keyboard غالي وربما يعادل ثمن جاز كمبيوتر كامل الان ......... كل محاولتنا في اماطة اللثام عن مرتكب هذه الجريمة
انتهت الى لاشيء واصابنا اليأس تماماً ........... بطبعي لا اميل الى تصديق الروايات التى تحكي عن قدرات الشيوخ والفقرا ... الخ
وربما اصدقها لكني لا احبذ التعامل معها كمسلمات نركن لها في كل لحظة .......... في تلك الايام ظهرت طفلة صغيرة عمرها لايتعدي عشرة
الى 12 سنة في منطقة بري او امتداد ناصر لا اذكر اشتهرت بان لديها قدرات خارقة ........ احد الافراد العاملين معي اسهب في الحديث
عن قدراتها ...... وافقت على الذهاب معه لاجل شيء واحد هو اثبات كذب ادعاءات هذه الفتاة ......... كانت المشكلة في ان نوصل لها
معلومة الشيء المسروق لانها لاتعرفه ولم تراه في حياتها ......... بعد فهمت صمت لمسافة طويلة رسخت في ذهني فرضية انها لن تقدم ما
يفيد ......... لكن ماصرحت به بعد صمتها الطويل كان كفيلاً بتغيير نظرتي لها تماماً ........
|
Post: #20
Title: Re: جريمة سرقة في صالة المغادرة
Author: omer osman
Date: 11-05-2009, 08:57 PM
Parent: #18
الحاجة دي سرقه زول شكله كده لونه كده شعره كده لابس كده (زي عمال المطار بالضبط) والبتاعة كانت قاعدة في طربيزة لونه كده
والزول ده شاله ومرق بالباب القصير (الفتحة التى يمر منها العفش بعد الجمارك لغرفة الشحن) لكن ما بقول ليكم اسمو منو ؟
يازولة اقول ليك حاجة نحن اسمو زاتو ما عاوزنو ...... مرقنا من البيت وشعر رأسي واقف صوفة صوفة .... ده كلام شنو ؟
معقولة بالدقة دي ؟ اسمع يازول ما ممكن نشتغل شغل البوليس بي كلام فقرا وشيوخ انسي القصة دي وعنو الـ keyboard ما يتلقا
لكن الى اليوم لاتزال هذه الواقعة تزن في رأسي ........... بالطبع قد يظن البعض ان الفرد الذي اشار بالذهاب اليها ربما
ملكها بعض المعلومات حتى تقنعني لكن هذا لم يحدث اولاً لثقتي الكبيرة فيه ثانياً الطريقة التى كانت تتحدث بها والتفاصيل
الدقيقة وكأنها تشاهد في فيلم امامها لايمكن ان تكون وصلتها من شخصاً ما ، لا ادري ماذا حل بهذه البنت بعد ذلك او اين هي
الان .................
|
Post: #19
Title: Re: جريمة سرقة في صالة المغادرة
Author: ismeil abbas
Date: 11-05-2009, 08:52 PM
Parent: #17
ألأخ/عمر بوست مشوق....ذكرتنى أيام قراية أرسين لوبين..وألألغاز..ناس تختخ ونوسه وعاطف..ألأصدقاء الخمسة...
واصل بدون فواصل.....تقديرى.......
|
Post: #21
Title: Re: جريمة سرقة في صالة المغادرة
Author: أحمد الصديق
Date: 11-06-2009, 07:12 AM
Parent: #19
المشوق عمر عثمان متابعة لكن شحتفة الروح دي في ليها داعي ؟؟ تقبل المرور .
|
Post: #22
Title: Re: جريمة سرقة في صالة المغادرة
Author: doma
Date: 11-06-2009, 08:18 AM
Parent: #21
Quote: . بالطبع قد يظن البعض ان الفرد الذي اشار بالذهاب اليها ربما
ملكها بعض المعلومات حتى تقنعني لكن هذا لم يحدث اولاً لثقتي الكبيرة فيه ثانياً الطريقة التى كانت تتحدث بها والتفاصيل
الدقيقة وكأنها تشاهد في فيلم امامها لايمكن ان تكون وصلتها من شخصاً ما ، لا ادري ماذا حل بهذه البنت بعد ذلك او اين هي
الان ................. |
يا جنابو ي بت متل دي الزول بخليها ساكت كدا دي؟؟ كان تولونها العنايه الكافيه من مسكن وماكل ومشرب تشغلوها معاكم وتنوموا قفا اي سرقه اي جريمه ولو بقيتوا نجيضين تقدموا خدماتها لناس المخابرات الامريكيه والاسكوت لاند يارد وهلمجرا
|
Post: #23
Title: Re: جريمة سرقة في صالة المغادرة
Author: AnwarKing
Date: 11-06-2009, 08:29 AM
Parent: #22
يا عمر تحياتي...في مسلسل أسمو CSI بتعرفو؟ فيهو عدة نسخ...في ميامي الأمريكية ولاس فيغاس وموش عارف مين... مسلسل مواكب جداً ، وفيهو بعض الأحيان بتكشف أحدث وسائل التكنلوجيا للتحقيقات والفحص والخ...
![](http://www.impawards.com/tv/posters/csi.jpg)
المسلسل ده جميل للغاية والله، حتى أنو في نسخ منو محلية في الكثير من البلدان... تحياتي أنور
|
Post: #24
Title: Re: جريمة سرقة في صالة المغادرة
Author: Saifelyazal Elmaki
Date: 11-06-2009, 10:35 AM
Parent: #23
الأخ عمر تحياتي سرد جميل ورائع منتظرنك وواصل وبطل شعتفة الروح دي مودتي
|
Post: #25
Title: Re: جريمة سرقة في صالة المغادرة
Author: محمد عمر جبريل
Date: 11-06-2009, 11:01 AM
Parent: #24
Quote: من اكثر الاشياء التى كنا نحرص عليها ان نتواجد في صالة الوصول في مواعيد وصول طائرة طيران الخليج التى يعبق ركابها الصالة
بمزيج من العطور الجميلة بخلاف انهم زاتم نظيفين وقاشرين ........ لمن انت زاتك تتكيف |
![200_4e12.gif Hosting at Sudaneseonline.com](http://www.sudaneseonline.com/uploadpic/Sep09upload/200_4e12.gif)
![200_4e12.gif Hosting at Sudaneseonline.com](http://www.sudaneseonline.com/uploadpic/Sep09upload/200_4e12.gif)
ذكرتني طرفة جميلة جدا حصلت لي وأنا شغال في المطار .. بحكيها ليك بعد ما تخلص تحياتي ..
|
Post: #26
Title: Re: جريمة سرقة في صالة المغادرة
Author: بكري عباس علي
Date: 11-06-2009, 11:04 AM
Parent: #24
سيادتو عمر
الزول الاديب
كل ما مانشوف حكاية من حكاياتك المشوقة نجي جارين ونفاجأ بشحتفة الروح
بلاي بطل حركات الديش ( البوليص ) دي
وكملوا لينا القصة
التوقيع
بكري ( بتاع البرادو )
|
Post: #27
Title: Re: جريمة سرقة في صالة المغادرة
Author: سيف اليزل برعي البدوي
Date: 11-07-2009, 02:04 PM
Parent: #26
It's so interesting...go ahead omer
seif
|
Post: #28
Title: Re: جريمة سرقة في صالة المغادرة
Author: omer osman
Date: 11-08-2009, 07:25 AM
Parent: #27
التحية والتجلة لكل الاخوة والاخوات الذين مروا من هنا واخص بالشكر :
اسماعيل عباس
احمد الصديق
دوما
انور كنج
سيف اليزل المكي
محمد عمر
بكري عباس
سيف اليزل برعي
احتجبنا عنكم خلال اليومين الماضيين بسبب وفاة (عمتي) فجر الجمعة .... لها الرحمة والمغفرة انشاء الله.
|
Post: #29
Title: Re: جريمة سرقة في صالة المغادرة
Author: جعفر محي الدين
Date: 11-08-2009, 07:28 AM
Parent: #28
لعمتكم الرحمة والمغفرة ونسأل الله أن يجعلها من أصحاب اليمين وتقبل خالص آيات العزاء
|
Post: #103
Title: Re: جريمة سرقة في صالة المغادرة
Author: أبوالزفت
Date: 11-11-2009, 06:24 AM
Parent: #29
احسن الله عزاءكم يا جنابو
|
Post: #30
Title: Re: جريمة سرقة في صالة المغادرة
Author: omer osman
Date: 11-08-2009, 07:29 AM
Parent: #28
قصة هذه الفتاة اشاهدها الان في مسلسل اجنبي لا اذكر اسمه فيه واحدة متزوجة ولديها طفل او طفلة صغيرة وتعمل في مكتب المدعي
القانوني ...... تحل القضايا عن طريق زيارة مكان الحادث وتشاهد كل الاحداث التى وقعت بكل تفاصيلها وتقدم المعلومات للشرطة
التى تتمكن وفقاً لهذه المعلومات من القبض على المتهمين ويبدو ان هذه القدرات الخارقة موجودة ومعروفة حتى لدي الغربيين.
|
Post: #31
Title: Re: جريمة سرقة في صالة المغادرة
Author: وليد عبد اللطيف
Date: 11-08-2009, 07:44 AM
Parent: #30
Quote: احتجبنا عنكم خلال اليومين الماضيين بسبب وفاة (عمتي) فجر الجمعة .... لها الرحمة والمغفرة انشاء الله. |
البركه فيكم ياسيادتو
|
Post: #32
Title: Re: جريمة سرقة في صالة المغادرة
Author: محمد عمر جبريل
Date: 11-08-2009, 07:53 AM
Parent: #31
Quote: احتجبنا عنكم خلال اليومين الماضيين بسبب وفاة (عمتي) فجر الجمعة .... لها الرحمة والمغفرة انشاء الله. |
ألف رحمة ونور تنزل عليها وأحسن الله عزاكم أخونا عمر
|
Post: #33
Title: Re: جريمة سرقة في صالة المغادرة
Author: ashraf mukhtar
Date: 11-08-2009, 08:27 AM
Parent: #32
البركه فيكم
انا لله وانا اليه راجعون
|
Post: #34
Title: Re: جريمة سرقة في صالة المغادرة
Author: رغيم عثمان رغيم الحسن
Date: 11-08-2009, 09:23 AM
احسن الله عزاءكم يا جنابو
|
Post: #35
Title: Re: جريمة سرقة في صالة المغادرة
Author: omer osman
Date: 11-08-2009, 09:33 AM
Parent: #34
البركة في الجميع ..... شكري وتقديري لكل المعزين
|
Post: #36
Title: Re: جريمة سرقة في صالة المغادرة
Author: الفاتح سليمان
Date: 11-08-2009, 09:47 AM
Parent: #35
الاخ عمر سلامات
البركة فيكم واحسن الله عزاءكم
البت دي شوقها لينا اخير من زولك بتاع المعاش القال ليك لبني مرقت بشنو داك تريح العالم دي كلها
لانو هنا الشغلة محددة زول معروف بس مرق كيف ؟
|
Post: #37
Title: Re: جريمة سرقة في صالة المغادرة
Author: omer osman
Date: 11-08-2009, 09:52 AM
Parent: #35
نواصل ما انقطع من حديث ..........
تعودت أن ابدأ يومي في مباحث المطار بالمرور على قسم شرطة المطار للاطلاع على البلاغات التى دونت خلال الـ 24 ساعة المنصرمة
والنظر في امر متابعتها من عدمه حسب اهمية ونوعية البلاغ ، ومن البلاغات التى لا انساها بلاغ (زنا) اطرافه سوداني واثيوبية
هذا السوداني وصل مبعد من دولة خليجية لاصابته بمرض (الايدز) وتفاجأت عندما وصل مطار الخرطوم قادماً من تلك الدولة بأنه لا اجراء
يمكن اتخاذه بشأنه بخلاف تدوين بيناته وعنوانه واطلاق سراحه حسب افادة ضابط الصحة بمطار الخرطوم. المهم هذا الشخص غادر المطار
وعلمت لاحقاً بأنه اقام في فندق صغير كان يقع في شارع المطار ..... بعد اربعة ايام من وصوله السودان ضبط داخل سيارة جوار سوار
المطار (شارع المطار لم يكن بشكله الحالي) وهو في حالة ممارسة جنسية كاملة مع الاثيوبية المشار اليها تم احضارهم لقسم شرطة المطار
صباح ذلك اليوم عندما مريت على القسم فوجئت بالبلاغ وتطابق اسم المتهم مع اسم الشخص المبعد ذهبت لمشاهدته في الحراسة فوجدته زولي
زاتو بشحمه ولحمه ....... لا ناس القسم ولا الاثيوبية لم يكونوا على علم بأن هذا الشخص مصاب بالايدز وعندما ابلغت افراد القسم بالمعلومة
اصيبوا بذعر شديد وهلع من ان يكون قد نقل لهم العدوي .... بعد جهد جهيد اقنعتهم بان الامر لا يتم بهذه الطريقة لكن الاثيوبية دي
الله يكون في عونه ..............
حقيقة مرات في البوليس بتقابلك حاجات كده لمن تحتار فيها اسه ديل يعملوا فيهم شنو ؟ تمشي في الاجراءات وتوديهم السجن والا تخليهم
وتكوس ليهم علاج ........... تتعاطف مع المتهمة وتشعر بغضب عارم اتجاه المتهم لانه يعلم علم اليقين انه مصاب وانه بذلك يسهم في
نشر هذا المرض القاتل ......... كان لابد من اجراء فحص طبي للاثيوبية وجأت النتيجة نجتف لكن حسب ما فهمت ان ذلك لايعني بالضرورة
انها لن تصاب بالمرض وربما يظهر في فحص لاحق ....... تحولت القضية الى المحكمة وذهب الاثنان الى السجن لمدة ليست طويلة لا اذكر
كم لكنها لا تتعدي ستة اشهر باى حال من الاحوال ........ بعد ان خرجا ياربي مع كم من البشر مارسا الجنس والى كم من البشر نقلا
عدوي مرض الايدز ؟؟؟؟؟؟؟؟؟؟؟
|
Post: #39
Title: Re: جريمة سرقة في صالة المغادرة
Author: omer osman
Date: 11-08-2009, 10:07 AM
Parent: #37
في ذلك الصباح مريت على قسم المطار بلاغات عادية لاتستحق الذكر مشيت بعدها الى مكتبي للاعمال الروتينية الاطلاع على دفتر الاحوال
الاطلاع على يومية الحوادث للسودان كله التى تصدر من رئاسة المباحث يومياً تمرير بعض الطلبات الادارية الى رئيس القسم ... الخ
ونحن نتناول الفطور حضر الشاويش النبطشي في قسم المطار وقال لي ياجنابو عندنا بلاغ سرقة والمبلغ مسافر في الطيارة القايمة
اسه اخدنا اقوله ومواصفات المسروق وعندو اخوه ح يتابع معانا ........ لم اكمل فطوري وذهبت معه لقيت المبلغ تحرك الى صالة
المغادرة لحقت به حقيقة لا اذكر اسمه الان لكنه سوداني ومتزوجة خواجية ومقيم في احدي الدول الاوربية وزوجته اول مرة تجي السودان
ويبدو ان السودان احسن استقبالها ويريد ان يحسن وداعها بسرقة كاميرا فيديو حقتها بحسب تقديرها قيمتها ثلاثة الف دولار........
مبلغ كبيرا جداً في وقتها ........
طيب الحصل شنو بالضبط ...... والله ياجنابو نحن كنا قاعدين في صالة المغادرة محل الكافتريا انا وزوجتي واخوي والكاميرا دي في
الشنطة بتاعته قاعدة تحت رجلينا بالجنبة كده لمن جينا نقوم نخش على الصالة جوه لقينا الكاميرا مافي .... وزي ما انت شايف
الصالة زحمة جداً وناس داخلين وناس مارقين وحقيقة نحن ما انتبهنا وما بنقدر نقول منو الشال الكاميرا دي ....... والخواجية
زعلانة جداً على الكاميرا وفي نفس الوقت قنعانا منها ظاهر وباطن.
|
Post: #38
Title: Re: جريمة سرقة في صالة المغادرة
Author: Saifelyazal Elmaki
Date: 11-08-2009, 09:56 AM
Parent: #28
Quote: احتجبنا عنكم خلال اليومين الماضيين بسبب وفاة (عمتي) فجر الجمعة .... لها الرحمة والمغفرة انشاء الله. |
خالص تعازينا أخي عمر ربنا يتقبلها القبول الحسن
|
Post: #40
Title: Re: جريمة سرقة في صالة المغادرة
Author: omer osman
Date: 11-08-2009, 10:16 AM
Parent: #38
سمعة السودان والشرطة السودانية والمباحث المركزية بقت على المحك قدام الخواجية دي وزوجها ... المهم وعدتهم خير الكاميرا
دي بترجع .............. كلام زي مابقولو حبال بلا بقر ........ لكن في قرارة نفسي كنت يأس من انو نلقي الكاميرا او نعرف منو
الزول الشاله من صالة فيها كمية هائلة من البشر والعاملين ..............
الشعور باليأس في بعض الحالات حالة انسانية تعتري اى زول لكن عندما يضع شخصاً ما أمله فيك فيجب عليك ان تتخلص من حالة اليأس هذه
سريعاً وتصبح عند حسن ظنك الاخر فيك ......... دعانا رئيس القسم الى اجتماع عاجل تقرر بعده ان يتم تشكيل تيم برئاستي ويفرغ تماماً
لحين العثور على الكاميرا والجناة ........ طلبت منه ان يسمح لي بتسمية افراد التيم بحسب معرفتي بهم وبامكانياتهم وقد كان.
|
Post: #41
Title: Re: جريمة سرقة في صالة المغادرة
Author: omer osman
Date: 11-08-2009, 10:27 AM
Parent: #40
عقدت اجتماع مع افراد التيم لوضع تصور لكيفية التحرك ومن يمكن ان يكون قد سرق هذه الكاميرا والفئات المشتبهة هي :
1- احد الركاب المسافرين ......... استبعدنا هذا الاحتمال على فرضية انه لايعقل ان يسرق راكب الكاميرا ويدخل بها الى الصالات
الداخلية وربما يشاهده صاحب الكاميرا.
2- احد المودعين .......... وارد.
3- احد العاملين في المطار ........ وارد بنسبة اعلي لانه يعلم المداخل والمخارج ويتحرك بثقة اكبر.
لذلك كان تركيزنا على جمع المعلومات وتحريك المصادر في وسط العاملين عسي ولعل نظفر بمعلومة تقودنا الى الكشف عن الجريمة ، التركيز
لايعني اغفال الاحتمالات الاخري لكن يقل الاهتمام بها .......
نظام العمل في المطار يحدد لكل مجموعة من العاملين دائرة اختصاص معينة يعملون فيها محكومة بلون بطاقاتهم لذلك انحصر التركيز
اكثر على العاملين في صالة المغادرة دون غيرها من المواقع الاخري.
|
Post: #42
Title: Re: جريمة سرقة في صالة المغادرة
Author: omer osman
Date: 11-08-2009, 10:36 AM
Parent: #41
مر اليوم الأول والثاني بلا جديد .......... استدعينا الكثير من العمال الى مكتبنا ولم نظفر منهم باي شيء ...... حاولنا حل
القضية من الخارج للداخل بالبحث في اماكن بيع مثل هذه الاشياء ثم تتبع اثر البائع والمشتري حتى يرجع بنا الى المطار مرة اخري
ولم تقدم هذه الطريقة اى جديد.
في اليوم الثالث اجتمعت بافراد التيم وطرشتهم كلام فارغ بلغة العساكر وبانهم ما فيهم فايدة وانتو مفروض ينقلوكم الاحتياطي المركزي
مش المباحث المركزية (مع كل الاحترام والتقدير لكل ضباط وافراد الاحتياطي المركزي على ما يقومون به من اعمال بطولية في سبيل أمن
الوطن والمواطنين) ........ لو رجعنا الى بدايات هذه القصة لعرفتم معني ان يكون هناك شخص يعمل في المباحث وتقول له انت لاتصلح الا
للعمل في الاحتياطي المركزي.
|
Post: #44
Title: Re: جريمة سرقة في صالة المغادرة
Author: omer osman
Date: 11-08-2009, 10:45 AM
Parent: #42
يبدو ان الكلام الذي قلته لهم كان له مفعول السحر ..... في اليوم التالي والدوام يقترب من نهايته حضر احد الافراد اسمه عبدالعظيم
وقال لي انا عندي معلومة وما عارف اذا كانت مهمة ام لا ........ قلت ليهو كدي قوله بعدين نقيم مدي اهميتها من عدمه .....
قال لي في بنتين شغالات في التخليص دائماً بشوفهم جنب بوابة الجمارك يومي انا بلاقيهم وبعرف اسمائهم البنات ديل من يوم البلاغ
انا ما شفتهم الا الليلة ....... ولمن عيني وقعت فيهم زاغو مني وابو ما يعانو لي ؟! وانا مشيت وسلمت عليهم في يدهم وهم ارتبكوا
جداً ....... انا ما سألتهم وقلت اجي اكلمك ..........
والله يا عبدالعظيم دي ملاحظة سمحة جداً لكن انت عارف جرجرت بنات ناس في مواضيع زي دي صعبة شوية ... كدي خلينا نفكر ومبدئياً نختهم
تحت المراقبة ....... شوف لي زول يكونوا ما بعرفوه نخليه يراقبهم من الصباح لحدي اخر اليوم يومين كده وبعد داك نشوف البحصل شنو
|
Post: #43
Title: Re: جريمة سرقة في صالة المغادرة
Author: الفاتح شلبي
Date: 11-08-2009, 10:40 AM
Parent: #38
Quote: احتجبنا عنكم خلال اليومين الماضيين بسبب وفاة (عمتي) فجر الجمعة .... لها الرحمة والمغفرة انشاء الله. |
خالص تعازينا لكم ولعائلتكم ونسأل الله ان يتغمدها بواسع رحمته ويلهمكم الصبر
يا عمر لو ما كان زولك القابلك فى الباب واخذك معاهـ للمطار كان شوفت عمك شلبي من العجائز الذين خدموا المباحث اكثر من 40 سنة ... أها فى المطار برضو فى الفترة دي مدير صالة كبار الزوار برضو كان من عندينا واسمه سمسنق شلبي ... عرفته ؟
تخريمة: بعيداً عن محتوى القصة ... صدقني طريقة سردك ذاتها دايرة ليها تسمية ... فلتكن الطريقة العمرية مبدئياً
|
Post: #45
Title: Re: جريمة سرقة في صالة المغادرة
Author: omer osman
Date: 11-08-2009, 10:47 AM
Parent: #43
Quote: تخريمة: بعيداً عن محتوى القصة ... صدقني طريقة سردك ذاتها دايرة ليها تسمية ... فلتكن الطريقة العمرية مبدئياً |
ازيك يا الفاتح ......... ياخي انت احسنت بي الظن خالص خالص الف شكر ليك
|
Post: #46
Title: Re: جريمة سرقة في صالة المغادرة
Author: محمد عبد الماجد الصايم
Date: 11-08-2009, 10:56 AM
Parent: #45
يا جنابو أخباركـ ياخ! وأحسن الله عزاكم
ضارب لي صحن فول من النوع الأصلي داكـ والمكيف شغال .. أها القصة دي نهايتا هسي ولا ننغمد ننوم ونشوف الباقي بعدين؟
|
Post: #47
Title: Re: جريمة سرقة في صالة المغادرة
Author: ismeil abbas
Date: 11-08-2009, 11:18 AM
Parent: #46
Quote: احتجبنا عنكم خلال اليومين الماضيين بسبب وفاة (عمتي) فجر الجمعة .... لها الرحمة والمغفرة انشاء الله. |
أحسن الله عزاءكم..ونسأل الله لها الرحمة..
|
Post: #48
Title: Re: جريمة سرقة في صالة المغادرة
Author: عبد الفتاح زوما
Date: 11-08-2009, 12:38 PM
Parent: #47
الاستاذ / عمر اولا .. نسال الله الرحمة والمغفرة لعمتكم وصادق المواساة لكم ولجميع الاهل .. ثانيا .. بالرغم من ان الرواية حقيقية ولكن هناك تفاعل وجدانى مع الاحداث يشتعل رويدا رويدا مع كل سطر من القصة بناء على طريقة السرد والحبكة الدرامية .. عموما نهنيك بالوظيفة القادمة بعد المعاش ( كاتب قصص بوليسية ) واصل سردك وابداعك ياجنابو ..
|
Post: #49
Title: Re: جريمة سرقة في صالة المغادرة
Author: Mohamed Ibrahim Ahmed
Date: 11-08-2009, 01:14 PM
Parent: #48
Quote: احتجبنا عنكم خلال اليومين الماضيين بسبب وفاة (عمتي) فجر الجمعة .... لها الرحمة والمغفرة انشاء الله |
يا سعادتك البركة فيكم واحسن الله عزائكم - وللفقيدة الرحمة والمغفرة انشاء الله.
-------------------------------------------
فى انتظار بقية السرد يا عمنا - السرد ممتع للغاية - ونصيحة لوجه الله - اكتب مزكراتك واجعلها بهذا الشكل الجميل ( سرد وتشويق ) .
تحياتى لك.
|
Post: #50
Title: Re: جريمة سرقة في صالة المغادرة
Author: ابراهيم الرشيد عبدالرحمن وراق
Date: 11-08-2009, 01:18 PM
Parent: #48
Quote: في اليوم الثالث اجتمعت بافراد التيم وطرشتهم كلام فارغ بلغة العساكر وبانهم ما فيهم فايدة وانتو مفروض ينقلوكم الاحتياطي المركزي
مش المباحث المركزية (مع كل الاحترام والتقدير لكل ضباط وافراد الاحتياطي المركزي على ما يقومون به من اعمال بطولية في سبيل أمن
الوطن والمواطنين) ........ لو رجعنا الى بدايات هذه القصة لعرفتم معني ان يكون هناك شخص يعمل في المباحث وتقول له انت لاتصلح الا
للعمل في الاحتياطي المركزي. |
عمر عثمان
اعتذارك مابفيدك
انت ماعارف انو سيادتو خالد حسن رئيس قسم مباحث المطار العلمك الشغل اشتغل فى الاحتياطى المركزى
وكمان سيادتو على عبدالله وفيصل عثمان الحسن وعلى السر والتلب وانا شخصيا كلنا اشتغلنا فى الاحتياطى
وندين له بالولاء الشديد؟!
غايتو ارجى الرش الراجيك .... اقعد احكى وانداح فى الحكى وانسى نفسك
طريقة واحدة للمخارجة من الكلتش ده .... مفتاح الاوت لاندر ياحبيب .. بعدين بوريك الطريقة كيف
ارقد عافية
|
Post: #62
Title: Re: جريمة سرقة في صالة المغادرة
Author: omer osman
Date: 11-09-2009, 07:29 AM
Parent: #50
Quote: اعتذارك مابفيدك
انت ماعارف انو سيادتو خالد حسن رئيس قسم مباحث المطار العلمك الشغل اشتغل فى الاحتياطى المركزى
وكمان سيادتو على عبدالله وفيصل عثمان الحسن وعلى السر والتلب وانا شخصيا كلنا اشتغلنا فى الاحتياطى
وندين له بالولاء الشديد؟!
|
ده شنو الهواء البارد من الصباح ده ......... الجماعة ديل كلهم ما عندنا فيهم رأي لكن الفيك اتعرفت ؟
بالمناسبة ما تكتب لينا عن ذكرياتك في الاحتياطي المركزي ؟؟؟؟؟؟!!!!!!!!
|
Post: #51
Title: Re: جريمة سرقة في صالة المغادرة
Author: خالد كدودي
Date: 11-08-2009, 01:21 PM
Parent: #48
للفقيده الرحمه
متابعين
|
Post: #52
Title: Re: جريمة سرقة في صالة المغادرة
Author: ناصر احمد الامين
Date: 11-08-2009, 01:26 PM
Parent: #51
ان شاء الله البركة فيكم يا جنابو
|
Post: #53
Title: Re: جريمة سرقة في صالة المغادرة
Author: بكري عباس علي
Date: 11-08-2009, 01:39 PM
Parent: #47
الاخ عمر عثمان
احسن الله عزاؤكم وللفقيدة الرحمة والمغفرة
|
Post: #54
Title: Re: جريمة سرقة في صالة المغادرة
Author: AnwarKing
Date: 11-08-2009, 02:50 PM
Parent: #53
Quote: الاخ عمر عثمان
احسن الله عزاؤكم وللفقيدة الرحمة والمغفرة |
|
Post: #55
Title: Re: جريمة سرقة في صالة المغادرة
Author: مزمل خيرى
Date: 11-08-2009, 03:27 PM
Parent: #54
متابعين متابعين متابعين متابعين متابعين والله عذبتنا عذاب .!!
|
Post: #56
Title: Re: جريمة سرقة في صالة المغادرة
Author: حيدر بشير
Date: 11-08-2009, 04:05 PM
Parent: #55
الاخ جنابو عمر
أولآ لك التعازى الحارة فى وفاة الوالدة عمتكم ونسال الله لها عالى الجنان
و الله حقيقة نعيش معك القصة لحظة بلحظة و فى انتظار المزيد و المتبقى منها
فلك الشكر اولآ و أخيرآ
|
Post: #57
Title: Re: جريمة سرقة في صالة المغادرة
Author: سيف اليزل برعي البدوي
Date: 11-08-2009, 04:28 PM
Parent: #56
البركه فيكم ياسيادتو
seif
|
Post: #58
Title: Re: جريمة سرقة في صالة المغادرة
Author: الطاهر عبد الحفيظ
Date: 11-08-2009, 04:46 PM
Parent: #57
عمر يااخوى.كيفنك..اها جيناكم بالدرب عديييييل متابعين لكل بوستاتكم..وسنتداخل كل ما تسمح الظروف وبما اننا مستجدين ..قد نحتاج عونكم فى التعامل بهذا الموقع من الناحيه الفنيه تحياتى الطاهر
|
Post: #59
Title: Re: جريمة سرقة في صالة المغادرة
Author: فيصل عثمان الحسن
Date: 11-08-2009, 05:30 PM
Parent: #56
صادق التعازى يا عمر فى وفاة عمتكم , أسأل الله أن يدثرها بشآبيب رحمته ومغفرته ويجعل الجنة مثواها , ولا حول ولا قوة الا بالله العلى العظيم .
والله يا ابراهيم الرشيد انت وعلى السر بقيتو ما بتتلحقو فى الكلتشات , ياخى ده على الطاير , أسع الزول ده يقابل سعادة الفريق كيف , ويقول شنو لسعادة العميد خالد حسن .
|
Post: #60
Title: Re: جريمة سرقة في صالة المغادرة
Author: Adil Hamza
Date: 11-08-2009, 11:22 PM
Parent: #59
الاخ عمر البركة فيكم و الدوام لله سرد شيق و جميل واصل.. انت ما عارف عندنا 3 بتاعين احتياطى مركزى معانا فى البورد.. شيل شيلتك الطاهر عبدالحفيظ يا مراحب البورد نور
عادل
|
Post: #61
Title: Re: جريمة سرقة في صالة المغادرة
Author: د.نجاة محمود
Date: 11-09-2009, 02:17 AM
Parent: #60
يا جنابو
البركة فيكم..وربنا يجبر كسركم
ما تتلومفينا قدر دا تاني اكتب القصة كولها وانشرا مع بعض نحنا ناس شمارنا حار وعجائز,,
|
Post: #63
Title: Re: جريمة سرقة في صالة المغادرة
Author: omer osman
Date: 11-09-2009, 07:33 AM
Parent: #61
التحية والتجلة والتقدير لكل الاخوان والاخوات الذين مروا من هنا معزين أو مشيدين .......
نعدكم كان ما خلصنا اليوم بكرة بالكتير ............
تحية خاصة وترحيب بالاخ الطاهر عبدالحفيظ الذي انضم لركب المنبر مؤخراً ........ الوصية بالمهلة الحفر والدقداق هنا
كتير خلاص سوق براحة ........
|
Post: #65
Title: Re: جريمة سرقة في صالة المغادرة
Author: omer osman
Date: 11-09-2009, 07:57 AM
Parent: #63
وضعنا البنتين (تماضر ونجوي) تحت المراقبة لمدة يومين خلاصة تقارير المراقبة وجمع المعلومات افادت بالاتي : تماضر ونجوي تعملان في التخليص الجمركي منذ فترة ليست طويلة بالمطار تماضر تسكن الخرطوم ونجوي تقيم بامدرمان يبدو انهما درستا في الجامعة سوياً ، شوهدتا خلال هذين اليومين برفقة (علاء الدين وماجد) اللذان يعملان في التخليص ايضاً ..... كان الاربعة كثيرون ما يقفوا مع بعض ويتناقشون ناقش طويل وعلى ما يبدو ان الشابين يسعيان الى اقناع البنتين بامر ما ؟! الشابين علاء الدين وماجد يقيمان في منزل عزابة ببحري وهما يعملان منذ فترة طويلة في المطار ولم تحوم حولهم اى شبهات من قبل.
|
Post: #64
Title: Re: جريمة سرقة في صالة المغادرة
Author: ياسر عبدالعزيز الطيب
Date: 11-09-2009, 07:40 AM
Parent: #61
ابراهيم الرشيد كتب:
Quote: عمر عثمان
اعتذارك مابفيدك
انت ماعارف انو سيادتو خالد حسن رئيس قسم مباحث المطار العلمك الشغل اشتغل فى الاحتياطى المركزى
وكمان سيادتو على عبدالله وفيصل عثمان الحسن وعلى السر والتلب وانا شخصيا كلنا اشتغلنا فى الاحتياطى
وندين له بالولاء الشديد؟!
غايتو ارجى الرش الراجيك .... اقعد احكى وانداح فى الحكى وانسى نفسك
طريقة واحدة للمخارجة من الكلتش ده .... مفتاح الاوت لاندر ياحبيب .. بعدين بوريك الطريقة كيف
ارقد عافية |
غايتـو استغلال مواقف و....... زي ده أصلو مالاقاني!! والله كشان ماخاتي عليك.
أخونـا عمر أحسن الله عزاءكم وتقبل الله الفقيدة القبول الحسن
|
Post: #66
Title: Re: جريمة سرقة في صالة المغادرة
Author: omer osman
Date: 11-09-2009, 07:59 AM
Parent: #64
على ضوء تلك التقارير والمعلومات وضح لنا ان هناك سر او امر غير طبيعي يجمع بين هولاء الاربعة قد يكون له علاقة بقضيتنا او ر بما امر اخر لا صلة له بقضيتنا بتاتاً ، لذلك قررنا ان نضع ايدينا على سر هذه النقاشات المحمومة وهذا الاضطراب الذي اصاب تماضر ونجوي عندما شاهدتا عبدالعظيم ....... اقتحام هذا المربع كان لابد ان يتم من خلال الحلقة الاضعف وهي واحدة من البنتين او الاثنتان معاً وان يتم بعيداً عن اعين علاء وماجد.
|
Post: #67
Title: Re: جريمة سرقة في صالة المغادرة
Author: omer osman
Date: 11-09-2009, 08:00 AM
Parent: #66
الاربعة يستقلون نفس الحافلة الى الخرطوم ثم يتفرقون من هناك علاء وماجد الى بحري نجوي الى امدرمان وتماضر الى الصحافة ...... عليه قررنا ان يركب اثنان من افراد التيم في نفس الحافلة وانا وبقية التيم ننتظر في مكان معين في الخرطوم قرب مواقف المواصلات ....... بعد ان ينزل الجميع من الحافلة يتحرك احد الافراد خلف نجوي والاخر خلف تماضر وبعد ان يضمن اختفاء علاء وماجد من النظر يستوقفها ويطلب منها مرافقته الى مكان انتظارنا.
|
Post: #68
Title: Re: جريمة سرقة في صالة المغادرة
Author: omer osman
Date: 11-09-2009, 08:09 AM
Parent: #67
نجحت الخطة ولم يمضي زمن طويل على وقوفنا قرب مواقف المواصلات ويحضر احد الافراد برفقة نجوي وبعد قليل الاخر برفقة تماضر ......... كان الانهيار بادياً على وجوههم والدموع تترقرق في عيونهم حتى خطواتهم كانت مضطربة ....... افسحت لهم مجال في الكرسي الامامي في البوكس وحلولت جاهداً تهدئة نفوسهم وانو مافي مشكلة ........ الخ وتحولت الدموع المكتومة الى بكاء رأسو عديل وبدأ الناس من حولنا ينتبهون الى هذا الوضع الغريب قمت بقيادة العربة بعيداً عن ذلك المكان وهما يتوسلان الى بان لا اذهب بهما الى البوليس وان ناس البيت ح يقلقوا جداً اذا تأخرنا ...... طيب نحن ما حناخركم بس ورونا الحاصل شنو ؟؟؟؟؟؟؟ ياجنابو نحن بنوريك بس عليك الله خلينا نمشي اسه والله العظيم الصباح نجيك لحدي المكتب برانا ........... الضمان شنو تجو ؟ نحن والله العظيم اصلاً كنا عاوزين نكلم عبدالعظيم وخفنا وكنا مترددين لكن بعد كده خلاص ......... طيب بس رأس الموضوع شنو العاوزين تكلموا بيهو عبدالعظيم ؟ كنا عاوزين نكلموا بخصوص الكاميرا بتاعة الفديو.
|
Post: #69
Title: Re: جريمة سرقة في صالة المغادرة
Author: Hala Hassan
Date: 11-09-2009, 08:13 AM
Parent: #66
Quote: احتجبنا عنكم خلال اليومين الماضيين بسبب وفاة (عمتي) فجر الجمعة .... لها الرحمة والمغفرة انشاء الله. |
البركة فيكم يا جنابو، و أحسن الله عزاكم،،،
___________________________________________________ إحنا برضو أحتجبنا قلنا نرجع نلقى القصة مشت شوية، جينا لقيناكم بعذركم،،،
مباحث طبعا، أصلوا ما بنقدر نمسك عليكم حاجة،،،،
|
Post: #70
Title: Re: جريمة سرقة في صالة المغادرة
Author: omer osman
Date: 11-09-2009, 08:19 AM
Parent: #69
عمل الشرطة اذا خلا من الاحساس بالاخرين واصبح الشرطي ماكينة لتطبيق القوانين والتعليمات فسيصبح آلية مدمرة تدوس على البشر دون رحمة او تقدير فالشرطة مزيج مركب من العسكرية والقانون والانسانية اذا اختلت مقادير هذا المزيج باظت الشغلانة ........... لذا كان لامفر من إخلاء سبيلهما مع وعد بحضورهما غداً الى مكتب المباحث لسماع القصة كاملة .......... القدرة على اتخاذ القرار المبني على حيثيات منطقية وتحمل نتائجه صفة لا غني لاي ضابط بوليس عنها ........ كان من الممكن ان لاتحضر البنتين صباح اليوم التالي ونكون قد فقدنا خيط هام كان يمكن ان يقودنا للكشف عن تفاصيل ماحدث لكن الموازنات التى اشرت اليها فرضت على اتخاذ هذا القرار وطالما كانت نيتك سليمة فالله معاك هذه هي الحكمة التى كنت اعمل بها واستند عليها حتى اليوم.
|
Post: #71
Title: Re: جريمة سرقة في صالة المغادرة
Author: omer osman
Date: 11-09-2009, 08:33 AM
Parent: #70
كما توقعت وتمنيت صباح اليوم التالي حضرت تماضر ومن بعدها نجوي كانتا اكثر ثباتاً وتماسكاً من الأمس ........... طلبتا مني وعداً بمساعدتهم وعدم ادخالهم السجن قبل ان تسردا القصة وانهما اذا حدث غير ذلك سينتهي مستقبلهما الى الابد اذا لم يقتلهم ذويهم .................. قلت ليهم طبعا ياجماعة نحن مهمتنا تنفيذ القانون القانون لكننا بشر في النهاية وسنحاول جاهدين مساعدتكم بقدر ما تساعدونا انتم ............. نحن ياجنابو عندنا زملاءنا علاء وماجد ونحن اصدقاء وبنشتغل مع بعض........ ودائماً بنمشي نفطر مع بعض في اليوم داك جينا فطرنا في صالة المغادرة وكان قاعد جنبنا سوداني ومعاهو خواجية شكلها كده زوجته ... الكاميرا دي كانت قاعدة في الواطة قام علاء قال هو حيشيل الكاميرا بتاعة الخواجية لانو مفلس وماجد وافقو ونحن خفنا لكن ما عرفنا نعمل شنو ......... علاء جره الكاميرا بي رجله والخواجية ما لاحظت وبعد داك شال الكاميرا وطلب مننا نغطيهو عشان يقدر يمرق ...... نحن من الخوف ما قدرنا نقوم من محلنا ........ ماجد وقف وغطه علاء وطلعوا الاتنين مع بعض .......... نحن مرقنا لحقناهم بره وكنا خايفين ........... ماجد وعلاء قالوا ح يمشوا يبيعوا الكاميرا وبتجيب قروش كويسة وحيدونا معاهم ونحن قلنا ليهم لا نحن ما عاوزين اى قروش وهم قالوا لينا اذا اتكلمتوا نحن بنقول انتو معانا .......
|
Post: #72
Title: Re: جريمة سرقة في صالة المغادرة
Author: عبدالحفيظ حسن
Date: 11-09-2009, 08:42 AM
Parent: #70
صادق التعازى فى وفاة عمتكم , أسأل الله أن يدثرها بشآبيب رحمته ومغفرته ويجعل الجنة مثواها , ولا حول ولا قوة الا بالله العلى العظيم .
Quote: عمل الشرطة اذا خلا من الاحساس بالاخرين واصبح الشرطي ماكينة لتطبيق القوانين والتعليمات فسيصبح آلية مدمرة تدوس على البشر دون رحمة او تقدير فالشرطة مزيج مركب من العسكرية والقانون والانسانية اذا اختلت مقادير هذا المزيج باظت الشغلانة... |
كلام صاح!!!!
|
Post: #73
Title: Re: جريمة سرقة في صالة المغادرة
Author: omer osman
Date: 11-09-2009, 08:48 AM
Parent: #72
تحرك افراد التيم وقاموا بالقبض على علاء وماجد واحضروهم الى مكتب المباحث .......... لم نخبرهم بما دار بيننا وبين تماضر ونجوي او معرفتنا بهم ............. او حتى لماذ احضرناهم الى المكتب وبعد مسافة من الانتظار الصامت هم ونحن والقلق والنظرات الزائغة تسيطر على الموقف ........ اها ياجماعة بعتو الكاميرا بي كم ؟ تكتيكات التحري والاستجواب تتعلمها من خلال الاحتكاك بمن هم اقدم منك كيف تلقي السؤال كيف تراقب ردة فعل المتهم على السؤال اكثر من اجابته على السؤال نفسه ...... لمن تكن هناك اجابة لكن التفاتة خاطفة التقت فيها نظرات علاء وماجد نظرات حملت الكثير من الاسئلة التى لم يجدوا لها اجابة ......... اها ياجماعة ما قلتو لينا بعتوها بي كم ؟ هي شنو ياجنابو ؟ كلمات متلعثمة خرجت من فم علاء ........ اسمع شوف هنا انا البسأل انت يا ترد وما تكضب يا تقول ماعارف انت ماعندك حق السؤال الكلام ده مفهوم ؟ السؤال للمرة التالتة والاخيرة بعتوها بي كم ؟ نحن ما بنعرف الكاميرا البتتكلم عليها ياجنابو ؟
|
Post: #74
Title: Re: جريمة سرقة في صالة المغادرة
Author: omer osman
Date: 11-09-2009, 08:56 AM
Parent: #73
بعد ذلك قررنا ان نلعب معهم لعبة فصل المتهمين عن بعضهم وضربهم باقوالهم ...... علاء قال انت الشلت الكاميرا............. ماجد قال انت الشلت الكاميرا ........ وهكذا هذه اللعبة تجرر المتهمين في الكلام وتكسر حاجز الصمت وتبدأ الاقوال في التدفق ........... وقد كان تطابقت الروايات في النهاية مع كلام تماضر ونجوي الا في حتة صغيرة ومهمة ........... علاء بعد ما شال الكاميرا نجوي ادخلتها تحت التوب وخرجوا الاربعة مع بعض ............... هذه المعلومة الاخيرة كانت تستوجب إعادة استجواب نجوي وتماضر اللتان لم تنكرا الواقعة وبررتا اخفاءها بخوفهم من تبعات ذلك. المعلومة الاخري التى ظهرت من اقوال ماجد وعلاء ان الكاميرا لا تزال بحوزتهم حيث لم يجدا مشتري حتى اللحظة ............... وبموجب أمر من النيابة قمنا بتفتيش منزلهم وعثرنا على الكاميرا
|
Post: #75
Title: Re: جريمة سرقة في صالة المغادرة
Author: omer osman
Date: 11-09-2009, 09:05 AM
Parent: #74
حتى تلك اللحظة كنا نتولي التحقيق في القضية وبعد ان اكتملت حسب وجهة نظرنا قمنا بتسليم المتهمين علاء وماجد الى المتحري بقسم المطار ........ واتفقت معه على اعتبار البنتين مصادر وعدم اظهار اسمائهم في اوراق البلاغ ............ اعترض احد المتهمين لا اذكر ماجد او علاء باعتبار ان البنات شريكات معهم ............. حقيقة لم استطع منع نفسي من صفعه ........ حرامي وعدم رجالة ياخي اخجل ...... وافقني المتهم الاخر بانو عيب ندخل البنات ديل معانا في الموضوع. الغريبة وكيل النيابة حاول ان يسلك نفس طريق المتهم واصر على ان يظهر البنات في القضية ودخلت معاه في مشادة كلامية هددني في اخرها بانه سيفتح في مواجهتي بلاغ تستر !!!!!!!!!!!!
|
Post: #77
Title: Re: جريمة سرقة في صالة المغادرة
Author: omer osman
Date: 11-09-2009, 09:41 AM
Parent: #75
العلاقة بين الشرطة والنيابة في ذلك الوقت كانت دائماً متوترة وروح التعاون مفقودة وكل طرف يتربص بالاخر ........ الشرطة السودانية جهاز عريق وقديم قدم السودان ولها تجربة ثرة في العمل الجنائي والقانوني تستحق الاحترام كانت تتعامل مباشرة مع القضاة في اقسام الشرطة والعمل يسير في تناغم وتعاون مذهل ونادراً ما يحدث خلاف بين الجهازين ............. قانون الاجراءات الجنائية لسنة 1991م اقحم النيابة في النص بين الشرطة والقضاء ودخل وكلاء النيابة العمل الجنائي بصورة لم تعجب او ترضي لا الشرطة ولا القضائية .......... لذلك كثرة المشاكل والاعتراضات واكثر شيء لم يعجب الشرطة هو ان القانون الجديد منح النيابة الكثير من الصلاحيات التى كانت تمارسها الشرطة منذ قانون 1925م خصوصاً صلاحيات اطلاق السراح بالضمان ......... اضف الى ذلك قلة خبرة وكلاء النيابة وعدم معرفتهم بقواعد واصول التحري الجنائي وتكتيكات وفنيات عمل المباحث ...........
|
Post: #76
Title: Re: جريمة سرقة في صالة المغادرة
Author: عماد محمود علي
Date: 11-09-2009, 09:06 AM
Parent: #72
جنابو ... انشاء الله البركة فيكم وعظم الله أجركم .... وجعلها آخر الاحزان
ملازم أول الرشيد قطبي هو جاري بامتداد الدرجة الثالثة سابقاً . وصديقي الشخصي .... لك وله التحية والتقدير والاحترام .......
|
Post: #78
Title: Re: جريمة سرقة في صالة المغادرة
Author: omer osman
Date: 11-09-2009, 03:33 PM
Parent: #76
بعد جهد جهيد وتدخل من القاضي المقيم اقتنع وكيل النيابة بحصر الاتهام في علاء وماجد واستبعاد البنتين تماضر ونجوي والاخيرة كان موقفها اكثر تعقيداً بحكم انها اخفت الكاميرا داخل توبها الا انها كانت تقول لي بانها كانت اشبه بالمخدرة من الخوف والرهبة ولم تدري حقيقة ماذا تفعل وانصاعت لكلام وضغوط علاء وماجد وسلمتهم الكاميرا خارج الصالة .............. قدم علاء وماجد للمحاكمة ونظراً لانهما لم يكونا من اصحاب السوابق ولظروف مخففة اخري حكم عليهما بالسجن ثلاثة اشهر فقط وسلمت الكاميرا الى شقيق المبلغ الذي كان يتابع معنا الاجراءات الذي عاد بعد فترة وابلغني بأن الخواجية زوجه شقيقه ارسلت رسالة شكر الى السفارة السودانية في بلدها ......... مدير المباحث المركزية وقتها سعادة اللواء عبدالغني خلف الله الربيع منحنا ثناء ميدر المباحث أنا والتيم العامل في القضية ........ واغلق بذلك ملف قضية جريمة سرقة في صالة المغادرة.
THE END[/red]
|
Post: #79
Title: Re: جريمة سرقة في صالة المغادرة
Author: omer osman
Date: 11-09-2009, 03:34 PM
Parent: #78
انتظرونا في القصة القادمة (طعنة واحدة تكفي)
|
Post: #80
Title: Re: جريمة سرقة في صالة المغادرة
Author: doma
Date: 11-09-2009, 03:36 PM
Parent: #76
Quote: . حقيقة لم استطع منع نفسي من صفعه ........ حرامي وعدم رجالة ياخي اخجل ...... وافقني المتهم الاخر بانو عيب ندخل البنات ديل معانا في الموضوع. |
حقيقه يا جنابو موقفه تافه لكين انت كرجل بوليس قد خرقت القانون ولا ما كدا ؟؟؟
|
Post: #81
Title: Re: جريمة سرقة في صالة المغادرة
Author: omer osman
Date: 11-09-2009, 03:44 PM
Parent: #80
Quote: حقيقه يا جنابو موقفه تافه لكين انت كرجل بوليس قد خرقت القانون ولا ما كدا ؟؟؟ |
قطع شك ........... ولامبرر قانوني لما فعلته ..... لكن هي نفسها المشاعر الانسانية تجعلك تتفاعل سلباً او ايجاباً
مع الاحداث التى تمر بها برغم كل محاولات السيطرة وضبط النفس.
|
Post: #82
Title: Re: جريمة سرقة في صالة المغادرة
Author: الطاهر عبد الحفيظ
Date: 11-09-2009, 04:00 PM
Parent: #81
حبيبنا عمر..تحياتى مره اخرى ..ومتابعين نستأذنك اولا بشكر الاخ عادل مره اخرى على مساعدتنا والتى من خلالها يزيد استمتاعنا بما يخطه يراعك خاصة ونحن لدينا فرصة التعليق(يعنى ما فراجه ساكت)
|
Post: #83
Title: Re: جريمة سرقة في صالة المغادرة
Author: omer osman
Date: 11-09-2009, 04:05 PM
Parent: #82
Quote: ونحن لدينا فرصة التعليق(يعنى ما فراجه ساكت) |
اذنك معاك ياحبيبنا ......... البوست بعد كده بقي على الشيوع
|
Post: #84
Title: Re: جريمة سرقة في صالة المغادرة
Author: الطاهر عبد الحفيظ
Date: 11-09-2009, 04:27 PM
Parent: #83
مشكوووووووور..وبخصوص وصية السواقه بى مهله برضو نشكركم عليها وبعدين احنا عارفين موضوع الدقداقات (جمع دقداق)..وهو اصلو ما اظن تشوفونا كتير مش خوفا من الوقوع فيها ..بس الشغله دايره شوية وقت فاضى ومع ظروفنا اللى عارفنها ما أظن نلقاهو بالساهل تخريمه مازلنا فى انتظار عونكم الفنى فى موضوع البروفايل وكده
|
Post: #85
Title: Re: جريمة سرقة في صالة المغادرة
Author: بكري عباس علي
Date: 11-09-2009, 04:39 PM
Parent: #83
جنابو عمر الاديب الذي ضل الطريق شغل نضيف والله بقينا طوالي خاتين كراسينا ومنتظرينك لانو بنحب الشغل بتاع الاثارة والتشويق دا بس ماتطول علينا تاني
الحتة دي قلبتا فيها هوبه عديل كده
تحياتي
بكري (بتاع البرادو)
|
Post: #86
Title: Re: جريمة سرقة في صالة المغادرة
Author: خالد كدودي
Date: 11-09-2009, 08:15 PM
Parent: #85
شكرا جنابو عمر ومنتظرين القصه القادمه
شكرا جنابو للصفعه الجامده للمتهم
|
Post: #87
Title: Re: جريمة سرقة في صالة المغادرة
Author: الطيب بشير
Date: 11-10-2009, 06:29 AM
Parent: #86
.
بنحيي السعادة,, مع مراعاة قيام نفر البيادة
العلاقة بين الشرطة والنيابة في ذلك الوقت كانت دائماً متوترة وروح التعاون مفقودة وكل طرف يتربص بالاخر ........ الشرطة السودانية جهاز عريق وقديم قدم السودان ولها تجربة ثرة في العمل الجنائي والقانوني تستحق الاحترام كانت تتعامل مباشرة مع القضاة في اقسام الشرطة والعمل يسير في تناغم وتعاون مذهل ونادراً ما يحدث خلاف بين الجهازين ............. قانون الاجراءات الجنائية لسنة 1991م اقحم النيابة في النص بين الشرطة والقضاء ودخل وكلاء النيابة العمل الجنائي بصورة لم تعجب او ترضي لا الشرطة ولا القضائية .......... لذلك كثرة المشاكل والاعتراضات واكثر شيء لم يعجب الشرطة هو ان القانون الجديد منح النيابة الكثير من الصلاحيات التى كانت تمارسها الشرطة منذ قانون 1925م خصوصاً صلاحيات اطلاق السراح بالضمان ......... اضف الى ذلك قلة خبرة وكلاء النيابة وعدم معرفتهم بقواعد واصول التحري الجنائي وتكتيكات وفنيات عمل المباحث ...........
كلامك صحيح، بالطبع، يا سعاتك
لكن اسمح لي أن أضيف
أن سلطات القبض و إطلاق السراح بالضمان هي سلطات (أصيلة) للنيابة كانت الشرطة تمارسها (بالوكالة) بسبب تخلف النظام العدلي في بلدنا الجميل..و نعيب على شركائنا في مثلث العدالة، وكلاء النيابة، شفقتهم على تثبيت سلطتهم قبل أن يفهموا طبيعة العمل..و لا أبريء زملائي كمان نحن الضباط لمن نزعل بنجوط الحاجات... تقديري
|
Post: #88
Title: Re: جريمة سرقة في صالة المغادرة
Author: Amin Mahmoud Zorba
Date: 11-10-2009, 07:15 AM
Parent: #87
يا السيد عمر
سؤال
مقاس جزمتك
لو سمحت
|
Post: #94
Title: Re: جريمة سرقة في صالة المغادرة
Author: omer osman
Date: 11-10-2009, 08:44 AM
Parent: #88
Quote: يا السيد عمر
سؤال
مقاس جزمتك
لو سمحت |
43
|
Post: #89
Title: Re: جريمة سرقة في صالة المغادرة
Author: الصادق صديق سلمان
Date: 11-10-2009, 07:39 AM
Parent: #87
جنابو عمر تحياتي واحتراماتي الكتيرة جداً
Quote: عاد بعد فترة وابلغني بأن الخواجية زوجه شقيقه ارسلت رسالة شكر الى السفارة السودانية في بلدها |
لو عملكم القوي واحترافيتكم لما اتصلت الخواجية بسفارتنا في بلدها لو ما شغلكم الرجولي ما كان راجل الخواجية رفع نخرتو عليها متباهياً بشرطته السودانية (أكيد عملها طبعاً). أعجبني بشدة سردك اللطيف والسلس وأعجبني فهمك للعمل الشرطي وخلطه بالانسانية وحفظك وسترك لبنات الناس وكمان سمعة البنات التي صنتها.
ياريتك لو ماخليت الشرطة
أبوفتحية
|
Post: #95
Title: Re: جريمة سرقة في صالة المغادرة
Author: omer osman
Date: 11-10-2009, 08:46 AM
Parent: #89
Quote: ياريتك لو ماخليت الشرطة
|
ياريت يا الصادق ..... لكن الشرطة ولود لا خوف عليها
|
Post: #90
Title: Re: جريمة سرقة في صالة المغادرة
Author: عبدالله كع
Date: 11-10-2009, 08:11 AM
Parent: #87
تحيات وارفات عمر - يا زول انا عرفت ليكم تماما - بعاين للبوست من ما بداء - دخلته هسي وقرضه القصه مرااااااااه واحده - اخير من الجرجر ه .. واللا ما كدا ؟؟
البركه فيكم - وربنا يتقبل عمتكم قبولا كريما
كع
|
Post: #96
Title: Re: جريمة سرقة في صالة المغادرة
Author: قلقو
Date: 11-10-2009, 08:48 AM
Parent: #90
الأخ عمر : احسن الله عزاءكم. :Quote . بالطبع قد يظن البعض ان الفرد الذي اشار بالذهاب اليها ربما
ملكها بعض المعلومات حتى تقنعني لكن هذا لم يحدث اولاً لثقتي الكبيرة فيه ثانياً الطريقة التى كانت تتحدث بها والتفاصيل
الدقيقة وكأنها تشاهد في فيلم امامها لايمكن ان تكون وصلتها من شخصاً ما ، لا ادري ماذا حل بهذه البنت بعد ذلك او اين هي
الان .................
يا جنابو ي بت متل دي الزول بخليها ساكت كدا دي؟؟ كان تولونها العنايه الكافيه من مسكن وماكل ومشرب تشغلوها معاكم وتنوموا قفا اي سرقه اي جريمه ولو بقيتوا نجيضين تقدموا خدماتها لناس المخابرات الامريكيه والاسكوت لاند يارد وهلمجرا اضم صوتى لصوت الأخ دوما.
|
Post: #98
Title: Re: جريمة سرقة في صالة المغادرة
Author: omer osman
Date: 11-10-2009, 08:53 AM
Parent: #96
Quote: اضم صوتى لصوت الأخ دوما. |
صعب جداً ان يحدث تعامل رسمي يعترف بمثل هذه الظواهر والقدرات ، وزي ماقلت في مداخلة سابقة هناك مسلسل اجنبي فيه واحدة
تقوم بعمل مشابه لما قامت به تلك الفتاة وربما يكون مستمد من الواقع لديهم.
|
Post: #97
Title: Re: جريمة سرقة في صالة المغادرة
Author: omer osman
Date: 11-10-2009, 08:49 AM
Parent: #90
Quote: يا زول انا عرفت ليكم تماما - بعاين للبوست من ما بداء - دخلته هسي وقرضه القصه مرااااااااه واحده - اخير من الجرجر ه .. واللا ما كدا ؟؟
|
يا كع دي ذي حركات الجماعة البخشو الكورة الشوط التاني بعد ما الجماعة يفتحوا البوابات
|
Post: #93
Title: Re: جريمة سرقة في صالة المغادرة
Author: omer osman
Date: 11-10-2009, 08:42 AM
Parent: #87
Quote: و نعيب على شركائنا في مثلث العدالة، وكلاء النيابة، شفقتهم على تثبيت سلطتهم قبل أن يفهموا طبيعة العمل..و لا أبريء زملائي كمان نحن الضباط لمن نزعل بنجوط الحاجات...
|
كلام سليم ......... يا الطيب
وين الغيبة دي ؟
|
Post: #92
Title: Re: جريمة سرقة في صالة المغادرة
Author: omer osman
Date: 11-10-2009, 08:35 AM
Parent: #85
Quote: بكري (بتاع البرادو) |
البرادو بتاع ود الصايم والا واحد تاني
|
Post: #100
Title: Re: جريمة سرقة في صالة المغادرة
Author: بكري عباس علي
Date: 11-10-2009, 11:47 AM
Parent: #92
Quote: البرادو بتاع ود الصايم والا واحد تاني |
سيادتك
خلينا اول حاجة نتاكد من البرادو بتاع ود الصائم دا كيفنو و بعدين نجاوبك
بالجد كده
انت عارف انو ممكن تجمع حكاويك دي وتعمله في كتاب كارب كده تسميهو ( مذكرات رجل شرطة سابق ) وتستفيد منها بدل ما انت قاعد تحكيها للجماعة ديل بلوشي ساي كده رايك شنو ؟
بكري ساي كده
|
Post: #91
Title: Re: جريمة سرقة في صالة المغادرة
Author: omer osman
Date: 11-10-2009, 08:30 AM
Parent: #76
Quote: ملازم أول الرشيد قطبي هو جاري بامتداد الدرجة الثالثة سابقاً . وصديقي الشخصي .... لك وله التحية والتقدير والاحترام ....... |
ازيك ياعمدة .......
الرشيد قطبي ضابط مباحث كارب امضينا ايام جميلة جداً في مباحث المطار وحقيقة كان هو دينمو المكتب
هاجر من السودان منذ عدة سنوات واظنه الان بفرنسا ....... لك وله التحية والتقدير.
|
Post: #99
Title: Re: جريمة سرقة في صالة المغادرة
Author: حمزاوي
Date: 11-10-2009, 09:12 AM
Parent: #91
الصفوة عمر مسكاقمي يبدوا انك كنت صفوة حتى في عملك خسارة ان تفقد الشرطة رجل مثلك
|
Post: #101
Title: Re: جريمة سرقة في صالة المغادرة
Author: الفاتح شلبي
Date: 11-10-2009, 01:32 PM
Parent: #99
الرائع عمر عثمان
أها ترانا قاعدين مصنقرين منتظرين القصة التالية" طعنة واحدة تكفي "
بيني وبينك الشحتفة ديك نحن ادمناها لكن الجديد لنج كرت كرتونة هو هذا العنوان العجيب ... وخليني أنظر (بتشديد وكسر الظاء) وأقول أنه تهديد من أحد المجرمين موجهة ليكم ... صح ول ما غلط ؟
وتاني قول لينا عوك لمن تبدأ القصة
|
Post: #102
Title: Re: جريمة سرقة في صالة المغادرة
Author: omer osman
Date: 11-10-2009, 02:31 PM
Parent: #101
Quote: وخليني أنظر (بتشديد وكسر الظاء) وأقول أنه تهديد من أحد المجرمين موجهة ليكم ... صح ول ما غلط ؟
|
لا يا الفاتح ما صاح بس شيل الصبر بتعرف سبب العنوان تحياتي
|
Post: #104
Title: Re: جريمة سرقة في صالة المغادرة
Author: عثمان جلال الدين
Date: 11-11-2009, 11:38 AM
Parent: #1
الجرائم كتيرة في صالة المغادرة: أولها: أن تدفع رسوم مغادرة وأنت قد دفعت لشراء أورنيك للتأشيرة ثم دفعت ثانية رسوم التاشيرة ثم تدفع ثالثاً رسوم المغادرة.. معليش المغتربين بدفعوا دم قلب عشان اتخارجوا ومعاها قطامة ووجوه مكفهرة ونظرات غريبة..
أحتراماتي
|
|