يا شول اشوانق دينق .... كان بقيتو على المشي بالجد حتوحشونا ......

أمل الوحدة الجاذبة يتسرب من بين ايدينا ونحن نقف عاجزين عن ان نمسك به ، وها هو شبح الانفصال يلوح وسعادة الفريق أول سلفاكير

يشجع عليه. والسؤال ما هو رأي المواطن الجنوبي العادي فيما يحدث ؟ أنا اريد ان اسمع رأي المواطن الجنوبي العاااااادي القاعد في

الخرطوم او في جوبا خلينا من كلام الساسة.

يا شول نحن ما بنقعدكم معانا بالغصب لكن والله العظيم ما دايرنكم تمشو .... وكان بقيتو على المشي بالجد حتوحشونا.......



* شول اشوانق دينق : هنا بشخصه ورمزيته للمواطن الجنوبي الذي يدخل قلبك دون استئذان.

ضربت على الاوتار الحساسة ياجنابو عمر
الانفصال حاصل اكيد كما اراد لنا السياسيون لكن فى شى مافى حد حيقدر يغيروا وهو التداخل الاجتماعى بين ابناء الوطن الواحد فالحكاية ما بطيخة ويقسموها نصفين هنالك تداخل عوائل ومصالح ومعايش .
يجب ان نجعل الامور تكون طبيعية جدا, دولتين بينهم حدود وحركة بين مواطنى البلدين فى جنوبيين عايشين فى الشمال حيروحوا الجنوب ويسجلوا اوراقهم الرسمية ويرجعوا يستقروا فى الشمال عااااى
وايضا معظم التجار الشماليين فى الجنوب حيرجعوا الجنوب عااادى .
وفى مناطق فى السودن مثل جنوب النيل الابيض وشمال اعالى النيل من الجبلين الى القيقر ووداكونة حتى الرنك وملكال يوجد تداخل اجتماعى رهيب فالناس هناك شماليين 100% وايضا جنوبيين 100% لا يستطيع اى حكومة او حدود ان يمنع حركتهم وكذلك مناطق ابيى وايضا معظم الجنوبيين الذين نشأوا فى العاصمة.

وانت رجل قانون تعرف ان القانون يمنح الجنسية لاى انسان اقام فى البلد فترة معينة ناهيك عن انسان نشأ وترعرع فى هذا المكان.
البلد حق الجميع شمالا وجنوبا وبالتالى بعد الانفصال يجب ان تكون هنالك حرية للحركة للمواطنين فى الشمال والجنوب بالقانون.
يعنى انت من حقك تروح تاخد يومين فى ملكال او جوبا لصديقك شول , وممكن شول يديك تلفون يقول هو متحرك من جوبا فى طائرة الساعة 9 وحيقابلك فى قندهار الساعة 2 .

سوريا ولبنان دولتان منفصلتان والى اليوم الحدود بين البلدين شبه مفتوح وكذلك العلاقات الاجتماعية والاقتصادية وبدون سفارات منذ اكثر من 50 عاما.
فليفعل السياسيون ما يريدون ولكنهم لن يتحكموا فى حياتنا الطبيعية.

شكرا يا ياسر كلامك ده بيت القصيد :

Quote: الانفصال حاصل اكيد كما اراد لنا السياسيون لكن فى شى مافى حد حيقدر يغيروا وهو التداخل الاجتماعى بين ابناء الوطن الواحد فالحكاية ما بطيخة ويقسموها نصفين

ياخي نحن قمنا وعرفنا انو الجنوب هو جنوب السودان والجنوبي سوداني بعد العمر ده كلو نجي عشان نفهم انو الجنوب دولة تانية

والجنوبي ما سوداني ؟؟؟؟

Quote: ضربت على الاوتار الحساسة ياجنابو عمر الانفصال حاصل اكيد كما اراد لنا السياسيون لكن فى شى مافى حد حيقدر يغيروا وهو التداخل الاجتماعى بين ابناء الوطن الواحد فالحكاية ما بطيخة ويقسموها نصفين هنالك تداخل عوائل ومصالح ومعايش . يجب ان نجعل الامور تكون طبيعية جدا, دولتين بينهم حدود وحركة بين مواطنى البلدين فى جنوبيين عايشين فى الشمال حيروحوا الجنوب ويسجلوا اوراقهم الرسمية ويرجعوا يستقروا فى الشمال عااااى وايضا معظم التجار الشماليين فى الجنوب حيرجعوا الجنوب عااادى . وفى مناطق فى السودن مثل جنوب النيل الابيض وشمال اعالى النيل من الجبلين الى القيقر ووداكونة حتى الرنك وملكال يوجد تداخل اجتماعى رهيب فالناس هناك شماليين 100% وايضا جنوبيين 100% لا يستطيع اى حكومة او حدود ان يمنع حركتهم وكذلك مناطق ابيى وايضا معظم الجنوبيين الذين نشأوا فى العاصمة. وانت رجل قانون تعرف ان القانون يمنح الجنسية لاى انسان اقام فى البلد فترة معينة ناهيك عن انسان نشأ وترعرع فى هذا المكان. البلد حق الجميع شمالا وجنوبا وبالتالى بعد الانفصال يجب ان تكون هنالك حرية للحركة للمواطنين فى الشمال والجنوب بالقانون. يعنى انت من حقك تروح تاخد يومين فى ملكال او جوبا لصديقك شول , وممكن شول يديك تلفون يقول هو متحرك من جوبا فى طائرة الساعة 9 وحيقابلك فى قندهار الساعة 2 . سوريا ولبنان دولتان منفصلتان والى اليوم الحدود بين البلدين شبه مفتوح وكذلك العلاقات الاجتماعية والاقتصادية وبدون سفارات منذ اكثر من 50 عاما. فليفعل السياسيون ما يريدون ولكنهم لن يتحكموا فى حياتنا الطبيعية.

مداخلة تستحق الإشادة ..تسلم يا ياسر

سلام يا جنابو ..

تابع مع شول رايو الراقي هنا دا :

Leave no doubt


دا زول جميل يآخ .. تحياتي لك وله .. مع امنيات بوطن واحد موحد ..

هذا هو السودان وبلاويهو التى تزداد يوماً بعد يوم يا جنابو عمر
تعرف يا جنابو انا بالجد بقيت أفكر إنى اهاجر برا السودان بلا شمال بلا جنوب بلا بطيخ ... أمشى إن شاء الله إسكيمو انجدع هناك اخير لى من الهم والغم والمحن فى سودان المليون ميل مربع الما قادر يشيل أهله وكل زول فيهو محمر عيونو للتانى بسبب او بلاها.











متى نتعلم أن نعيش كبشر ونحترم الإنسان لانه إنسان لا أكثر ولا أقل


الف شكر بس ما كان فى داعى تفتح بوست بإسمى كده بقولو على مستلب

كلام أخوى ياسر يحى عبدالله ده جدير بالإشادة والتحية وصفقة كبيرة ليهو

إذا ما بنعرف نحب بعض .... على الأقل تعالوا نبطل الكراهية ....

كلامك بالحيل سمح ياجمال ........

زي اقوان مازيمبي في الهلال .......

جنابو عمر التحية ليك و انت تهبش حساسة في وجدان الشعب السوداني كلو
شمالي ولا جنوبي ، حتة وجع حقيقي و للاسف سنين طويلة ما لاقين ليها علاج !



علي فكرة كان بقت علي شول دا صدقني هو شمالي أكتر من أي شمالي حايم في
المنبر دا ، و عشان ما يجئ زول يفهمني غلط و يفتكر إني بقصد أفاضل بين
الشمالي و الجنوبي و بختار لي شول انه يكون شمالي عشان كدا افضل !
أبدا" بس حسب معرفتي بي شول ( الشين دا ) إنه عاش أغلب حياته في الشمال
و لغاية الان ما شاف جوبا ( الانا عشت فيها أحلي ايام عمري ) بي عينه !

المهم يا جماعة الموضوع دا مااااا بسيط و قرار الانفصال دا ما قرار سياسي
بقدر ماهو قرار إجتماعي و شعبي .. و إن شاء الله ما يحصل يا رب !

Quote: تعرف يا جنابو انا بالجد بقيت أفكر إنى اهاجر برا السودان بلا شمال بلا جنوب بلا بطيخ ... أمشى إن شاء الله إسكيمو انجدع هناك اخير لى من الهم والغم والمحن فى سودان المليون ميل مربع الما قادر يشيل أهله وكل زول فيهو محمر عيونو للتانى بسبب او بلاها.

ياشول هجرة لا ........ غيب وتعال عسي الحال ينصلح .........

والاسكيمو لا ...... قالوا هناك النت بتجمد يعني في سودانيز اون لاين مابنلقاك

شكرا جنابو عمر عثمان على هذا البوست الجميل مع التحية لكافة الأخوان المتداخلين ، بسى لوسمحتم اتفاقية السلام الشامل كان أنجازا وطنيا رائعا شاركت فيه كل الكفاءات القانونية والادارية السودانية من كافة الاتجاهات السياسية وكذلك خبراء من دول صديقة وأخرى كبرى، وهو يعتبر مفخرة للسودان ولأفريقيا، ويجب المحافظة على هذه الاتفاقية وعدم التفريط بها مهما كانت الأهواء والرياح العاتية المعاكسة، وحدة السودان حارب من أجلها الآلاف وماتوا كذلك من الطرفين ولأكثر من عشرين عام ، هل بالسهولة كدا يتقرر الانفصال، لايهمنا أقوال الساسة من الحزبين الشريكين فالوحدة تهم السودان كله، ولامجال للنكوص عنها، أنا أنادى وبقوة وبكل القوى الوطنية التى تحدب على مصلحة السودان مقاومة هذا الاتجاه الخطير المدمر، لأن أنفصال الجنوب معناه بالواضح بداية تفتت السودان وتحويله الى دويلات عرقية وأثنية وهذا مايستهدف أعداء السودان ويعملون له بمختلف الوسائل والسبل، لابد من وجود انتفاضة وطنيةكبرى ضد الانفصال ، ومازلت ويظل الحادبون على الوطن الحبيب يتطلعون الى الأخوة فى الجنوب على تحكيم ضمائرهم والنظر بعين المستقبل الزاهر، وأحلامهم وآمالهم لاتنفصم عن احلام السودانيين فى الشمال، بعدين ياأخوانا والله العظيم وانا من الشمالية التخلف وانعدام الخدمات الأساسية الموجود فى المديرية الشمالية يفوق الوضع فى الجنوب بمراحل والمواطن هناك ليس من الدرجة الثانية يمكن يكون اقل من ذلك بكثير، عاش السودان واحدا موحدا بأذن الله ودمتم.

شكراً ياحيدر ......... عامل بتيختك السمحة دي.

Quote: جنابو عمر التحية ليك و انت تهبش حساسة في وجدان الشعب السوداني كلو شمالي ولا جنوبي ، حتة وجع حقيقي و للاسف سنين طويلة ما لاقين ليها علاج ! علي فكرة كان بقت علي شول دا صدقني هو شمالي أكتر من أي شمالي حايم في المنبر دا ، و عشان ما يجئ زول يفهمني غلط و يفتكر إني بقصد أفاضل بين الشمالي و الجنوبي و بختار لي شول انه يكون شمالي عشان كدا افضل ! أبدا" بس حسب معرفتي بي شول ( الشين دا ) إنه عاش أغلب حياته في الشمال و لغاية الان ما شاف جوبا ( الانا عشت فيها أحلي ايام عمري ) بي عينه ! المهم يا جماعة الموضوع دا مااااا بسيط و قرار الانفصال دا ما قرار سياسي بقدر ماهو قرار إجتماعي و شعبي .. و إن شاء الله ما يحصل يا رب !

at last you came

Leave no doubt


leave no doubt dear sister Hiba


leave no doubt



did Juba means the whole South

Quote: المهم يا جماعة الموضوع دا مااااا بسيط و قرار الانفصال دا ما قرار سياسي بقدر ماهو قرار إجتماعي و شعبي .. و إن شاء الله ما يحصل يا رب !

ده كلام صاح ياهبة ....... ليت الساسة يتركون للمواطن العادي حرية الاختيار دون ضغوط او تخويف او ترغيب

Quote: هذا هو السودان وبلاويهو التى تزداد يوماً بعد يوم يا جنابو عمر تعرف يا جنابو انا بالجد بقيت أفكر إنى اهاجر برا السودان بلا شمال بلا جنوب بلا بطيخ ... أمشى إن شاء الله إسكيمو انجدع هناك اخير لى من الهم والغم والمحن فى سودان المليون ميل مربع الما قادر يشيل أهله وكل زول فيهو محمر عيونو للتانى بسبب او بلاها.

شول .. كيفنك ..
المثل كان بقول :- تطلع من بيتك حزين تلقى الفرح عند مين ..
لكن الحصل البيت الكبير ملان احزان محل ما تقبل ..
كل ما تقول بكره احلى يزداد الحزن بالحيل ..
جنابو عمر .. تحيات زاكيات وانت تهبش محل الوجعه

Quote: والاسكيمو لا ...... قالوا هناك النت بتجمد يعني في سودانيز اون لاين مابنلقاك

يا جنابو ... بعد الإنفصال طبعاً عضوية فى سودانيزاونلاين بكون زى العمل فى مخابرات أجنبية وكده عشان كده اخير لى اقبل على الإسكيمو والفيس بوك

Quote: شول .. كيفنك .. المثل كان بقول :- تطلع من بيتك حزين تلقى الفرح عند مين .. لكن الحصل البيت الكبير ملان احزان محل ما تقبل .. كل ما تقول بكره احلى يزداد الحزن بالحيل ..

خلى ساى يا عفاف الحال مايل ميلان عجيييييييييب

الله فى

Quote: تعرف يا جنابو انا بالجد بقيت أفكر إنى اهاجر برا السودان

يا شول ..
يااااااااااااااادوب كـ بقيت تفكر ..؟؟
خيارات القبلكـ كانت ضيقة يا شول .. عشان كده اتخارجو
وحسي ضاقت حد الخنق ..

Quote: أمل الوحدة الجاذبة يتسرب من بين ايدينا ونحن نقف عاجزين عن ان نمسك به ، وها هو شبح الانفصال يلوح وسعادة الفريق أول سلفاكير يشجع عليه.

أنت بى جدك يا جنابو ..

عشان الكلام ما يبقى طار جارى بيه زى الفرحان .. أجيب ليك مداخلتى مع ناذر الخليفة فى بوست دوت مجاك توضيح حول ما نسب الى القائد سلفا كير دعوته للجنوبين بالتصويت للانفصال
.

Quote: Quote: قال سلفاكير حرفيا فى الكنيسة للملصين (ان الاستفتاء سياتي ولكل شخص خياره وان اوجدتم انكم مواطنين درجة ثانية فعليكم التصويت للانفصال وان وجدتم انكم متساون فى الحقوق مع الاخرين فعليكم التصويت للوحدة) Quote: سلام يا دوت الحسابات واضحة يا ناذر وما دايرة ليها درس عصر .. قلناها قبال سلفاكير .. ما نبوئة ولا شطارة ولا حسابات دقيقة .. واضحة زى الشمس .. منو البكون عندو الخيار ويختار يعيش مواطن درجة تانية فى وطنه .. لا مهاجر ولا متجنس ولا طالب لجوء .. من أختار إنفصال الجنوب هم الكيزان .. أما الشعب ماليه يد .. من فرض عليه هذا الخيار هم الكيزان وليس سلفاكير .. ناقشوهم هم .. فهم الذين صنعوا هذا الوضع مع سبق الإصرار والترصد ..

شوف تاريخ اللنك ده نعم للإنفصال .. نعم للشريعة .. لا للإنفصال .. لا للشريعة

لى بتين نقعد نغش فى روحنا

الحبيب شول اشوانق دينق...
مُـروح وين مخلينا .؟؟








حاشية : الصورة فى منزل الريس بكرى بعدسة الفنان ناجى الملك أمد الله فى ايامة...

Quote: يا شول اشوانق دينق .... كان بقيتو على المشي بالجد حتوحشونا

يازول انت جادي يمشو وين والله محل ما يمشي انا غايتو معاهو الحجل بالرجل


هي كاملة ياالله يالله ..... كمان دايرين تقسموها


خالص الود

جنابو عمر ياصفوة الصفوة ,,
سلام مربع ليك ولضيوفك فقد جمع بوستك كل كل الذين نحبهم وفى انتظار الخال زكريا.
حبيبنا شول.
انت كالمطر اينما تهطل تجيب لينا ريحة الدعاش والزيفة ,, نحبك اينما تكون .
روفة ياحبيب ,, انت قاعد قاعد معانا والبزعلك ,, اختف رجلك لاحد اهلك الصعايدة وبالشوم دغدغوا راسو.

Quote: أمشى إن شاء الله إسكيمو انجدع هناك اخير لى من الهم والغم والمحن فى سودان المليون ميل مربع

وأي واحد يكسر ليك تلج بعد دا يكون نبذك عدييييل يامان،،



الحمدلله كسرنا ليك تلج سيلين ديون أيام كنت في خط الأستواء،،


مشتاقون ياخ ، وملعون أبو السياسة،،

تمشي معانا هاوااي أنا وأبو جهينة؟؟