Post: #1
Title: ما خاب من راهن عليك شرطة السودان (يوجد إحصائيات) ...
Author: omer osman
Date: 07-12-2009, 06:42 AM
الشرطة السودانية ومسيرة مائة عام من الامان للسودان. ظلت الادارة العامة للمباحث والتحقيقات الجنائية منذ نشأتها تحرص على
إصدار تقريراً جنائياً شاملاً عن الجريمة ومؤشراتها واتجهاتها.بين يدي الان التقرير الجنائي السنوي للعام 2007م وهو نتاج عمل
علمي ومنهجي في جمع ورصد البيانات الاحصائية وتحليلها معبراً عن الموقف الجنائي بالبلاد للعام 2007م.
|
Post: #2
Title: Re: ما خاب من راهن عليك شرطة السودان (يوجد إحصائيات) ...
Author: omer osman
Date: 07-12-2009, 06:49 AM
Parent: #1
يقسم التقرير الجرائم الى عدة اقسام مايهمني هنا الجرائم الواقعة على النفس والجسم وهي جرائم :
1- القتل العمد.
2- القتل الخطأ.
3- الشروع في القتل.
4- الاجهاض.
5- تسبيب موت الجنين.
6- الجراح العمد.
7- الأذي.
8- الجراح الخطأ.
9- أخري.
|
Post: #3
Title: Re: ما خاب من راهن عليك شرطة السودان (يوجد إحصائيات) ...
Author: omer osman
Date: 07-12-2009, 06:59 AM
Parent: #2
* بلغ عدد الجرائم الواقعة على النفس والجسم (131.866) جريمة.
* تمكنت الشرطة من اكتشاف عدد (117.952) جريمة منها.
* النسبة المئوية للجرائم المكتشفة بلغت (89.44%)
|
Post: #4
Title: Re: ما خاب من راهن عليك شرطة السودان (يوجد إحصائيات) ...
Author: omer osman
Date: 07-12-2009, 07:16 AM
Parent: #3
السودان بلد يتمتع بنسبة امان عالية جداً. الامن حالة نسبية اما الامن المطلق فلا يتحقق إلا في الجنة ففيها يأمن اهلها من الموت
والكوارث والفقر....الخ وفي ذلك يقول الله سبحانه وتعالي في محكم تنزيله (ان المتقين في مقام أمين) سورة الدخان الآية 51
وعلينا ان لا ننسي ان الارض يوم ان كان عدد سكانها لايتجاوز اصابع اليد قتل قابيل اخاه هابيل.
|
Post: #5
Title: Re: ما خاب من راهن عليك شرطة السودان (يوجد إحصائيات) ...
Author: مصطفى توفيق
Date: 07-12-2009, 07:27 AM
Parent: #4
لكن ما تنسى فى بعض الحالات لوما اديت العسكرى حق الشاى او ما عندك واسطة بلاغك عن الحادث مابيشوف النور
|
Post: #6
Title: Re: ما خاب من راهن عليك شرطة السودان (يوجد إحصائيات) ...
Author: omer osman
Date: 07-12-2009, 07:40 AM
Parent: #5
Quote:
لكن ما تنسى فى بعض الحالات لوما اديت العسكرى حق الشاى او ما عندك واسطة بلاغك عن الحادث مابيشوف النور |
الاخ مصطفي توفيق
يعني ال (117.952) شاكي في البلاغات المكتشفة كلهم ادو العسكري حق الشاي او عندهم واسطة !!!!!!!!!!!!!!!
|
Post: #7
Title: Re: ما خاب من راهن عليك شرطة السودان (يوجد إحصائيات) ...
Author: HAIDER ALZAIN
Date: 07-19-2009, 07:26 PM
Parent: #6
شوف يا حبيبنا جنابو عمر ...
اهم تلاتة حاجات تورينا اتنين في انجازات الشرطة السودانية
(1) ماذا تم بحادثة السطو الفاشلة علي شقتك ؟!!
|
Post: #8
Title: Re: ما خاب من راهن عليك شرطة السودان (يوجد إحصائيات) ...
Author: على جويلى
Date: 07-20-2009, 03:04 AM
Parent: #7
Quote: * بلغ عدد الجرائم الواقعة على النفس والجسم (131.866) جريمة.
* تمكنت الشرطة من اكتشاف عدد (117.952) جريمة منها.
* النسبة المئوية للجرائم المكتشفة بلغت (89.44%) |
شكرا زميلنا العزيز عمر عثمان على هذا الاهتمام
الكبير بالشرطة واتحافنا باخبارهااول باول .
ومبروك لشرطة السودان على هذه الانجازات
التى تؤكد بان الشرطة مازالت بخيرها
ذلك بفضل ابناءهاالبررة الذين لم تطالهم
يد الانقاذالاثمة والتحية والاجلال لسعادة
اللواء عابدين الطاهر مدير شرطة المباحث
الجنائية ورفاقه الميامين ..
|
Post: #9
Title: Re: ما خاب من راهن عليك شرطة السودان (يوجد إحصائيات) ...
Author: Amin Mahmoud Zorba
Date: 07-20-2009, 01:03 PM
Parent: #8
سلام يا جنابو
انا ماعارف انت بتدافع عن الشرطة ولا عن المؤتمر الوطني
اذا عن الشرطة الله يكون عونها هي مغلوبة على امرها
اما اذا كان عن المؤتمر الوطني
ارجوك امشي جيب نفس التقرير للعام 1988
وشوف الفرق
سوف تجد العجب
|
Post: #11
Title: Re: ما خاب من راهن عليك شرطة السودان (يوجد إحصائيات) ...
Author: مزمل خيرى
Date: 07-20-2009, 03:54 PM
Parent: #10
جنابو عمر
سلامات
أنت عارف زمان لو الواحد اذا أتعرض لحادث سطو فى بيتو كان بيمشى القسم وفى نفس اللحظة بيفتحوا ليه بلاغ سرقة (174 ق ج ) ضد مجهول ودى حاجة طبيعية جدا ،، بيتحرى معاك المتحرى المناوب ويتحرك معاك لزيارة مكان الحادث مع تيم المباحث .. هسع سبحان الله الوضع أختلف تماماً ، تجى عشان تفتح البلاغ يقولوا ليك مابنفتح بلاغ بنعمل ليك تحريات اولية (44) ق ج ، تسأل لية ماتفتحوا بلاغ يقولوا ليك دى التوجيهات كدة .!! لو عايز بلاغ تمشى النيابة ، او تصبر لحدى ما الصباح نعرض التحريات الأولية دى لوكيل النيابة وهو يفتح ليك البلاغ ..!!
عارف ليــة .؟؟
عشان يومية الحوادث (اليومية) تكون نسبة الجرائم فيها قليلة ..!
الســـــــؤال :-
لية المواطن المتضرر ما يفتح بلاغ طوالى بدل التحريات الاولية دى .؟؟؟
والمصيبة الزول المتضرر لمن يمشى الصباح النيابة عشان يفتح بلاغ يدفعوهو رسوم .!!
ممكن ياجنابو عمر تجاوب على سؤالى دة .؟؟
شرح : -
يومية الحوادث تقرير يومى يلخص فيهو بلاغات اليوم وترفع قبل انتصاف الليل الى رئاسة محافظة الخرطوم وكل الاقسام محافظة الخرطوم يرفعوا نفس التقرير ومن ثم تقوم المحافظة بتلخيص كل تقارير الاقسام وترفع لتوضع صباحا أم مدير شرطة ولاية الخرطوم .
|
Post: #12
Title: Re: ما خاب من راهن عليك شرطة السودان (يوجد إحصائيات) ...
Author: مزمل خيرى
Date: 07-20-2009, 07:56 PM
Parent: #2
6- الجراح العمد.
7- الأذي.
8- الجراح الخطأ.
-------
الفوق دى مافهمناهم مش هم المواد 142 ق ج ( الاذى البسيط )
و 139 ق ج (الأذى الجسيم) .؟؟
طيب الجراح العمد والخطأ المادة حقتهم كم ؟؟
|
|