Post: #1
Title: والله البشير ده إلا ينزل ليكم بطيارته في المنبر ده عشان تامنو ؟؟؟
Author: omer osman
Date: 03-23-2009, 01:54 PM
مابسافر .................
لمن سافر .......
سافر بي ركشة ... بي لوري موز .................
الزول سافر بي الطيارة الرئاسية .....فوووووووووو قامت من مطار الخرطوم
وتووووووووووش تجيكم نازله في المنبر ده عشان تامنو ........
|
Post: #2
Title: Re: والله البشير ده إلا ينزل ليكم بطيارته في المنبر ده عشان تامنو ؟؟؟
Author: omer osman
Date: 03-25-2009, 01:18 PM
Parent: #1
قالو سفر بالدس دس ...
دس دس لا سك سك
|
Post: #3
Title: Re: والله البشير ده إلا ينزل ليكم بطيارته في المنبر ده عشان تامنو ؟؟؟
Author: omer osman
Date: 03-25-2009, 01:22 PM
Parent: #2
قناة الجزيرة 25-3-2009
وصل الرئيس السوداني عمر البشير إلى القاهرة في ثاني زيارة له للخارج منذ إصدار المحكمة الجنائية الدولية مذكرة بتوقيفه.
|
Post: #4
Title: Re: والله البشير ده إلا ينزل ليكم بطيارته في المنبر ده عشان تامنو ؟؟؟
Author: عبده عوض
Date: 03-25-2009, 10:02 PM
Parent: #3
يا عمر محمد عثمان حقو إنت التروًق المنقة شوية !!!
- أعتقد أنت سيد العارفين بأن قرار المحكمة الجنائية الدولية حتى الان ليس مدعوما من مجلس الامن وان هذه النقطة يجب ان لا تفوت عليك .
- اذا رفع الامر الى مجلس الامن واصدر قرارا في هذا الصدد ، ستتحول المسألة الى وضع قانوني دولي خطير ، اي الى قرار واجب التنفيذ دولياً ، لان الامر حتى الان هو مجرد خلاف بين المحكمة الجنائية الدولية وحكومة السودان . أتمنى أن لا نهلل قبل آوان الآوان .. أتمنى ذلك ...
|
Post: #5
Title: Re: والله البشير ده إلا ينزل ليكم بطيارته في المنبر ده عشان تامنو ؟؟؟
Author: ASHRAF MUSTAFA
Date: 03-25-2009, 10:15 PM
Parent: #4
| Quote: - أعتقد أنت سيد العارفين بأن قرار المحكمة الجنائية الدولية حتى الان ليس مدعوما من مجلس الامن وان هذه النقطة يجب ان لا تفوت عليك |
كااااااااااااااااااااااااااااااااك كاااااااااااااااااااااااااااااااااااك
اوكامبو ما قال اول ما طيارته تفوت الحدود السودانية حا يختطفها
عمر ازيك
عنوان جميل ومليان
تسلم
|
Post: #6
Title: Re: والله البشير ده إلا ينزل ليكم بطيارته في المنبر ده عشان تامنو ؟؟؟
Author: Al-Shaygi
Date: 03-25-2009, 11:02 PM
Parent: #5
ASHRAF MUSTAFA
Quote:
كااااااااااااااااااااااااااااااااك كاااااااااااااااااااااااااااااااااااك
اوكامبو ما قال اول ما طيارته تفوت الحدود السودانية حا يختطفها
|
ده الكلام البودي الرئيس للحفرة (حفرة صدام)....!!!!
أوكامبو وأعوذ بالله من أوكامبو وأتباعه وشيعته والدافرينو ومن هم على ملته.....
الكلام عن سفر الرئيس (أريتو ما كان) في الأجواء الدولية....
قال ليك يا أشرف الدولية....
عرفت كيف.
يعني:
أريتريا: قطع الحدود الشرقية من دولة لدولة.
مصر: قطع الحدود الشمالية من دولة لدولة.
كويس.....
الحتة دي فهمتها ولا محتاجة شرح؟؟؟؟
بس المحنة في دعوة دولة إمارة قطر ،،،،،،
وما أدراك ما أمارة قطر......
دي يا بابا ولاية...
والله يستر على الولايا....
وينجيك من شر الفضيحة.....
والوجيعة....
في الحالة دي الطيارة لازم تعبر أجواء دولية....
شفت كيف يا الحبيب،،، بس أوعك من الزبيب....
الأجواء الدولية التي تخصنا بإعتبار أقصر الطرق،،، هي:
البحر الأحمر .... حتى تدخل الأجواء السعودية،،،
ده لو ما قالوا أخير نطير عبر مضيق عدن وبعدين المحيط الهندي ثم بحر العرب فالخليج العربي أو هورمز على قول الإيرانين.....
بس كلها دولية...
ومليانه بلاوي
طيب قول لي الحل شنو....
نقنب ننطط كدة زي قرد قصعه....
ولا نتكلم في المعقول؟؟؟
فتك بي عافي....
...
الشايقي
http://www.youtube.com/watch?v=WjNosdjuv7s
فاوضني بلا زعل
[email protected]
http://alkatwah.com
|
Post: #7
Title: Re: والله البشير ده إلا ينزل ليكم بطيارته في المنبر ده عشان تامنو ؟؟؟
Author: ASHRAF MUSTAFA
Date: 03-25-2009, 11:11 PM
Parent: #6
الشايقي
مساء الخير
في الظروف دي يا الشايقي
لو الرئيس مشي جوبا
يعتبر انه هبط في مطار جوبا الدولي (مثلا)
ما تقعد تبحت وتنكت
في الظروف والاجواء التهديدية دي الضبانة لو قالوا ليها ما تطيري والا...
تكون راجلة لو اتحركت من مكانها
اعتقد عنوان الاخ عمر كافي
وازيدك
مرة في الهايد بارك واحد بدعو للدين والناس تحاججه (زيك كده)
اجيهم بيجاي..يجوه يهناك
لمن غلب فيهم حيلة قال ليهم:
والله لو جاكم عمر بن الخطاب حسع تقولوا عايزين ابوبكر
مخارجة:
تعرف يا الشايقي من ما كنت مشلخ وخاتي الخدرة في البروفايل كنت طاعم ولذيذ
حسه شلت الخدرة وبقيت تعافر وتناطح وتراوغ
يجوك بيجاي تلف بهناك
ياخي خت الخدرة تاني وخلينا زي ما عرفناك...
|
Post: #8
Title: Re: والله البشير ده إلا ينزل ليكم بطيارته في المنبر ده عشان تامنو ؟؟؟
Author: NASERELDIN SALAH
Date: 03-25-2009, 11:14 PM
Parent: #6
Quote: أعتقد أنت سيد العارفين بأن قرار المحكمة الجنائية الدولية حتى الان ليس مدعوما من مجلس الامن وان هذه النقطة يجب ان لا تفوت عليك .
|
هاهاها
انا فايته علي
ياخ قوم كلمهم عشان يمكن تكون فايته عليهم
عندي واحد صحبي عند المحن بيقول
الله المستعان
|
Post: #9
Title: Re: والله البشير ده إلا ينزل ليكم بطيارته في المنبر ده عشان تامنو ؟؟؟
Author: محمد الطيب حسن
Date: 03-25-2009, 11:16 PM
Parent: #6
الشايقي ياخوي
Quote: بس المحنة في دعوة دولة إمارة قطر ،،،،،،
وما أدراك ما أمارة قطر...... |
ياربي قطر دي امارة ونحن ساكننها وما عارفين
|
Post: #10
Title: Re: والله البشير ده إلا ينزل ليكم بطيارته في المنبر ده عشان تامنو ؟؟؟
Author: Al-Shaygi
Date: 03-25-2009, 11:32 PM
Parent: #9
محمد الطيب حسن
Quote:
ياربي قطر دي امارة ونحن ساكننها وما عارفين
|
أهه أنا الخرابي ده قولي طاير......
أنت الساكن فيها ده قولك شنو.....
أنقر واحدة: (أمارة) (إمارة) (تمارة) (سمارة)
للإجابة الصاح: جائزة مقدارها مائة ألف قطعة معدنية من إصدارات الـ....... الذهبية.
هييييييييييييييه أنت الفائز،،، أرسل لنا عنوانك لنرسل لك الجائزة.........
_____________________________________________
حرم صغيرونه كمان....
تقول لي اللستك ما فيهو أمبوبه؟؟؟؟
أمال الواير ليس يقولوا عليه شنو؟؟؟؟
...
الشايقي
http://www.youtube.com/watch?v=WjNosdjuv7s
فاوضني بلا زعل
[email protected]
http://alkatwah.com
|
Post: #11
Title: Re: والله البشير ده إلا ينزل ليكم بطيارته في المنبر ده عشان تامنو ؟؟؟
Author: Mohamed Yassin Khalifa
Date: 03-26-2009, 01:41 AM
Parent: #4
| Quote: اذا رفع الامر الى مجلس الامن واصدر قرارا في هذا الصدد ، ستتحول المسألة الى وضع قانوني دولي خطير ، اي الى قرار واجب التنفيذ دولياً ، لان الامر حتى الان هو مجرد خلاف بين المحكمة الجنائية الدولية وحكومة السودان . أتمنى أن لا نهلل قبل آوان الآوان .. أتمنى ذلك ... |
أصحاب السعادة عمر عثمان وعبده عوض
قرار الـ ICC قرار قانوني ملزم لجميع الدول الأعضاء في إتفاقية روما وبموجبه يجب عليها إلقاء القبض على المتهم عمر حسن أحمد البشير وتسليمه للمحكمة... وسيتم تسليم القرار للحكومة السودانية وسيطلب منها تنفيذه أيضا
ويمكن للمحكمة الطلب من مجلس الأمن أصدار قرار أممي يلزم كل الدول الأعضاء بالأمم المتحدة بالقبض على المتهم البشير... ويمكنها أيضا طلب إستخدام الفصل السابع وتنفيذ القرار بالقوة بأرسال قوات عسكرية أو إعطاء الأوامر للقوات الدولية العاملة في السودان ومنحهم تفويض إلقاء القبض عليه
وليس هناك جدول زمني لتتسارع بموجبه الأحداث ... ولكن وبلاشك فأن لقرار طرد المنظمات الإغاثية الدولية من دارفور وتأثيره على الوضع الإنساني... وإستفزاز الرأي العام ومثل هذة السفريات وتحدي العدالة الدولية وإستمرارية إرتكاب المتهم لمثل تلك الجرائم الموجودة على لائحة إتهامه... كل هذة العوامل بلا شك ستؤدي لتسريع وتيرة الأحداث
المهم هنا أن القرار قد صدر ولا تراجع فيه ... فالبشير متهم مطارد من قبل العدالة الدولية... ويجب القبض عليه بموجب أمر قضائي نافذ وحقيقي... فهو إن كان مذنبا أوبريئا... هو حاليا يعتبر خارج عن القانون... وسيأتي اليوم الذي سيقبض عليه فيه
وأنتما أدرى بإجراءات تنفيذ أوامر المحاكم بالقبض على المتهمين وتسليمهم العدالة... وللعدالة الدولية حبال طويلة... وطبيعة الجرائم التي أتهم بها البشير لا تسقط... ولا أمل له بالنفاذ منها سوى بتسليم نفسه للقضاء الدولي ومحاكمته وإدانته وعقابه أو بأثبات برائته وإطلاق سراحه وعودته لبلده... الذي عانى ويعاني من إتهامه
دعونا ننظر للأمر من ناحية قانونية بحتة... وبعيدا عن العواطف لنعرف كيف نواجه هذة المعضلة القانونية والدستورية... فعمر البشير شخص متهم وسيقبض عليه آجلا أو عاجلا... فدعونا نتفادى إحراج السودان ووضعه الريادي والسيادي والقانوني على مستوى الدول وداخل المنظومة الدولية ومستقبل علاقاته مع دول العالم تجاريا وسياسيا وإقتصاديا دونما التعرض للإعتداء أو العقوبات
ليسافر البشير حيثما أراد... و ليعلم علم اليقين أن طائرته ستحط حتما بلاهاهي... وعليه.. علينا أن ندعوه لحفظ ماء وجهه بأن يسلم نفسه طوعا... لتلافي الحرج القانوني والسياسي والدبلوماسي الذي وضع بلده السودان فيه... والذي أدى... وقد يؤدي لتمزقه وتعرضه للهوان بسبب تعنته وعدم إنصياعه لحكم القانون
ستنأى الدول قريبا عن إستقباله وستبتعد عنه... وسيتخلى عنه أصداقاؤه ... ولنتذكر مقولة بوش (الأب) والتي صارت تحكم العلاقات بين الدول حين قال: "لا توجد صداقات دائمة... ولكن توجد مصلحة مشتركة بين الدول"
ليذهب البشير إلى لاهاي بكرامته... وليدافع عن نفسه.... وليبقى السودان
ودمتم....
|
Post: #13
Title: Re: والله البشير ده إلا ينزل ليكم بطيارته في المنبر ده عشان تامنو ؟؟؟
Author: عبده عوض
Date: 03-27-2009, 05:30 PM
Parent: #11
الأستاذ محمد ياسين الخليفة .. تحياتي وودي ..
- ليس هنالك خلا ف في أن أمر المحكمة الجنائية الدولية الصادر بحق الرئيس البشير هو أمر قضائي ملزم وواجب النفاذ ، ولكن يظل السؤال في كيفية تنفيذه ، ونعلم أن المحكمة بنظامها الحالي لا تملك الآلية ولا القوة الكافية لتنفيذ أوامرها سوى إعتمادها على إلتزام الدول المنضوية تحت عضويتها على الأقل في هذه المرحلة ، والدليل تحركات الرئيس الخارجية في نطاق بعض الدول التي ترى أنها غير ملزمة بتنفيذ الأمر بحكم عدم عضويتها في نظام المحكمة ، ولكن قد يأخذ الأمر بعداً آخراً يحمل قوة الإلزام في حالة أن ترى المحكمة عدم إمتثال الرئيس لأمرها بالمثول أمامها، وقامت بإحالة الموضوع إلى مجلس الأمن وإصداره لقرار يتبنى ضرورة مثول الرئيس البشير أمام المحكمة وهنا يجب على كل الدول واجب الإلتزام والتنفيذ بموجب إتفاقية روما، ولا يمكن بعدها لدول مثل أرتريا ومصر وليبيا وأثيوبيا وقطر أن تتجرأ لدعوة الرئيس البشير لزيارة أراضيها مرة أخرى أو تغامر بإستقباله لأن الوضع سوف يكون مختلفاً في ذلك الوقت . ويظل البشير قابعاً في مكانه ومحدود الحركة .
- مداخلتي للأخ عمر محمد عثمان قصدت منها عدم الإفراط في الفرح والتهليل لتحركات الرئيس الأخيرة لأنها لا تشكل إنتصاراً ضدأحد .. بل هي في المقام الأول إستفزاز للمحكمة وتحدي غير مبرر للنظام الدولي القانوني .. لأن الأمر في النهاية هو أمر قضائي نافذ لا محالة رضينا أم أبينا .. ويجب على الحكومة أن تحًكم صوت العقل والحكمة وتستجيب لنداء العاقلين والخبراء بالحفاظ على وحدة وأمن البلاد وسلامة المواطنين بضرورة التعامل مع الأمر بحكمة وتنأى عن الإستفزاز والتخبط والتهريج قبل فوات الآوان لأن ما تقوم به يشكل تحدياً خطيراً للقانون ويعرض الطائرة المقلة للرئيس إلى الخطر في أي لحظة طالما هي محلقة في الفضاء ، فليس في كل مرة تسلم الجرة . وهذا ما قصدته في مداخلتي .
- شكراً عمر محمد عثمان .. وللأستاذ محمد ياسين الخليفة كل الود والإحترام ،،
|
Post: #12
Title: Re: والله البشير ده إلا ينزل ليكم بطيارته في المنبر ده عشان تامنو ؟؟؟
Author: omer osman
Date: 03-26-2009, 07:18 AM
Parent: #4
Quote: يا عمر محمد عثمان حقو إنت التروًق المنقة شوية !!!
|
سيادتو عبده عوض طلباتك اوامر حاضر سعادتك بس كلم الجماعة التانين.
|
|