Post: #1
Title: أنا جديد
Author: omer osman
Date: 06-11-2007, 07:19 AM
Parent: #0
زماااااااااان في يناير 1987م لمن دخلنا كلية الشرطة(الدفعة 56) كان في مجموعة من الدفعة دخلت متاخرة بي كم يوم. واحد من التعلمجية اختار اتخن واحد فيهم وقال ليهو تكورك وتقول انا جديد والبقية يشيلوا معاك ويقولوا نحن برضوا جداد .......... وهكذا)
اسع الزمن بعيد نفسه وجينا المنبر متاخرين عشان كده بقول أنا جديد بس ما عارف الشيالين منو ؟
قلنا ندخل بطرفة لانها تفتح الطريق للود ويلا رحبوا بينا والا بنفوت
|
Post: #2
Title: Re: أنا جديد
Author: اساسي
Date: 06-11-2007, 07:22 AM
Parent: #1
ازيك يا بوليس
|
Post: #3
Title: Re: أنا جديد
Author: عبده عبدا لحميد جاد الله
Date: 06-11-2007, 07:28 AM
Parent: #2
ملايين مراحب شرفت الدار
نتمنى لكم إقامة طيبة
|
Post: #4
Title: Re: أنا جديد
Author: طارق الأمين
Date: 06-11-2007, 07:32 AM
اهلا وسهلا والله
الماعندو جديد
ماعندو قديم
مرحب يبك كتير
|
Post: #9
Title: Re: أنا جديد
Author: omer osman
Date: 06-11-2007, 07:45 AM
Parent: #4
الاخ طارق شكرا على الترحيب وبالمناسبة ما داير اقول انك كبير بس كنت الدفعة القدامنافي الجديدة ومن دفعتك كان في دفعتنا في البوليس كرودي ومعاوية جعفر وانور محمد الحسن وعلاءالدين محمد الحسن
|
Post: #13
Title: Re: أنا جديد
Author: طارق الأمين
Date: 06-11-2007, 07:53 AM
Parent: #4
صاح ديل زملائي في الخرطوم الجديده
بس انا لما كنت في اولي ثانوي
هم كانو في سابعه ثانوي
وامتحنا الشهاده سنه 2001
قت لي البوليس سنه كم؟؟؟؟
|
Post: #7
Title: Re: أنا جديد
Author: omer osman
Date: 06-11-2007, 07:37 AM
Parent: #2
شكرا يا اساسي وفعلاً انت اساسي لانك اول زول رحب بي وبالمناسبةانا بوليس معاش
|
Post: #5
Title: Re: أنا جديد
Author: Ashraf el-Halabi
Date: 06-11-2007, 07:35 AM
Parent: #1
مرحب عمر عثمان
ممكن تشرح دي | Quote: ضابط شرطة بالمعاش 1987 -1997 |
؟
|
Post: #8
Title: Re: أنا جديد
Author: omer osman
Date: 06-11-2007, 07:41 AM
Parent: #5
الاخ اشرف شكرا على المرور ودي 1987م دخول كلية الشرطة و 1997م نهاية عهدي بالشرطة
|
Post: #6
Title: Re: أنا جديد
Author: خالد عبد الله محمود
Date: 06-11-2007, 07:36 AM
Parent: #1
هلا و غلا
و مرحب بيك في دارك
|
Post: #10
Title: Re: أنا جديد
Author: أبو عبيدة البصاص
Date: 06-11-2007, 07:46 AM
Parent: #1
مليار مرحب جنابو
|
Post: #11
Title: Re: أنا جديد
Author: Ashraf el-Halabi
Date: 06-11-2007, 07:47 AM
Parent: #1
| Quote: الاخ اشرف شكرا على المرور ودي 1987م دخول كلية الشرطة و 1997م نهاية عهدي بالشرطة |
فاهم سعادتك لكن معاش في عشرة سنة دي كيف؟
|
Post: #12
Title: Re: أنا جديد
Author: samo
Date: 06-11-2007, 07:49 AM
Parent: #1
الف مراحب ...
شرفت الديار ..
وفي انتظار المشاركات الفاعلة ...
عدد السنين لا يشفع لك ولا يزيدك شيئا ..وليست مقياس نجاح ..
فقط مشاركتك وطرحك لقضايا هامة هي المقياس ..
وتانى .. الف مرحب بقدومك ..
معتصم عمر
|
Post: #14
Title: Re: أنا جديد
Author: omer osman
Date: 06-11-2007, 08:08 AM
Parent: #1
الاخوان عبده / خالد / ابوعبيدة / سامو شكرا على المرور وانشاء ما تشوفوا مننا الا كل خير
الاخ اشرف يا اخي انا يادوب جيت وبرتب في عفش البيت خلى الزرزرة الكتيرة والايام في بنشرح ليك كل حاجة بس خلينا نشوف الضيفان ديل
|
Post: #16
Title: Re: أنا جديد
Author: بكرى ابوبكر
Date: 06-11-2007, 08:14 AM
Parent: #14
|
Post: #15
Title: Re: أنا جديد
Author: انعام عبد الحفيظ
Date: 06-11-2007, 08:14 AM
Parent: #1
أهلييييييييييييييين عمر
نورت الديار
عمر محمد عثمان أعرفه جيداً
صاحب أدب جم وخلق رفيع
مهموم بقضايا السودان
وله قلم واعي وفكر متقد
ويعتبر من الشباب الذي
ينتظر منه السودان كثيراً
|
Post: #19
Title: Re: أنا جديد
Author: سيف الدين حسن العوض
Date: 06-11-2007, 08:29 AM
Parent: #15
مرحبا بك في قعلة الديمقراطية
فارسا مقداما لايشق لك غبار
|
Post: #17
Title: Re: أنا جديد
Author: صديق الموج
Date: 06-11-2007, 08:23 AM
Parent: #1
زمان الناس بقولو سجمكم البوليس جاكم
ولكن اليوم نقول بختكم البوليس جاااااااااااااااااااكم
مرحب بيك سعادتك،،،،
|
Post: #18
Title: Re: أنا جديد
Author: خالدة البدوي
Date: 06-11-2007, 08:27 AM
Parent: #1
مرحب بيك عمر
المنبر نور بقدومكم
| Quote: ويلا رحبوا بينا والا بنفوت |
تفوت وين ؟؟
ونحن ما صدقنا أنت جيت
مراااااااااااااااااااحب
|
Post: #20
Title: Re: أنا جديد
Author: تماضر الخنساء حمزه
Date: 06-11-2007, 08:38 AM
Parent: #1
ياألف مرحبا..
|
Post: #21
Title: Re: أنا جديد
Author: محمد فرح
Date: 06-11-2007, 09:00 AM
Parent: #20
صفا .. إنتباه
تمام سعادتك
منورنا
مؤونة عام من الود
|
Post: #22
Title: Re: أنا جديد
Author: ماجدة عوض خوجلى
Date: 06-11-2007, 09:15 AM
Parent: #1
Quote: أهلييييييييييييييين عمر
نورت الديار
عمر محمد عثمان أعرفه جيداً
صاحب أدب جم وخلق رفيع
مهموم بقضايا السودان
وله قلم واعي وفكر متقد
ويعتبر من الشباب الذي
ينتظر منه السودان كثي |
اهلا ومرحب بيك كتير
وطالما نعومى قالت الكلام الفوق ده فبالتاكيد بتكون انت ذى ماقالت هى وفى الحالة دى
احس اننا موعودين بكتابات متميزة ومتفردة ومنتظرين منك الكتبر انشالله
اهلا بيك تانى وتحياتى
|
Post: #23
Title: Re: أنا جديد
Author: أبو الحسين
Date: 06-11-2007, 09:20 AM
Parent: #1
آلااااااااااااااف مراحب بالغالي عمر بن الخليفة محمد عثمان...
يا هلا بيك شرفت ونورت...
والقلوب قبل الديار مُشرعة لإستقبالك الجميل...
قواسيب مودتي...
أبو الحســـــــين...
|
Post: #24
Title: Re: أنا جديد
Author: كمال مبارك
Date: 06-11-2007, 09:26 AM
Parent: #23
مرحب بيك ،،،
الاخ / عمر
أغتسل للطهارة ،، ثم صلى ركعتين
وقبل اى موضوع لك ،،، قول بسم الله 3 مرات وتعوذ من الشيطان وتوكل
على الله
|
Post: #25
Title: Re: أنا جديد
Author: Muna Khugali
Date: 06-11-2007, 09:59 AM
Parent: #24
مرحب بك عمر عثمان..شرفت الديار
|
Post: #26
Title: Re: أنا جديد
Author: عماد محمود علي
Date: 06-11-2007, 10:58 AM
Parent: #25
الأخ الكريم عمر
يا مراحب جنابو بيتك ومطرحك ... شرفت وآنست ونورت كمان
يا زول كده قول بسم الله ، إنت قايل دخول الحمام ذي خروجه ... إستهداء بالله .
|
Post: #27
Title: Re: أنا جديد
Author: مصطفي سري
Date: 06-11-2007, 11:35 AM
Parent: #26
مرحب الضيف الجديد عمر
طالما انت دفعة كرودي
وانعام عبدالحفيظ يتعرفك
واظنك شقيق لان ودالحسين
قال ودالخليفة محمد عثمان
هل هو الوزير محمد عثمان
الخليفة
يا جنابو نورت
|
Post: #32
Title: Re: أنا جديد
Author: omer osman
Date: 06-11-2007, 12:13 PM
Parent: #27
الاخ مصطفي سري
انا ما ود الوزير ده اسم على اسم.
وبالمناسبة انا دفعة اخوك بهاء الدين في العام والعالي.
|
Post: #28
Title: Re: أنا جديد
Author: هاشم أحمد خلف الله
Date: 06-11-2007, 11:36 AM
Parent: #26
الأخ عمر طبت وطاب بك المقام ( ) وانا زيك
زمان كنت جديد لكن هسع بقيت قديم . إنشاء الله نكون عند حسن ظنك بنا .
|
Post: #29
Title: Re: أنا جديد
Author: ismeil abbas
Date: 06-11-2007, 11:41 AM
Parent: #1
مرحبآ بك/
ألأخ/عمر عثمان
ألف ألف مرحبا
والجديد بالجديد
والجديد شديد
تحياتى
إسماعيل محمد أحمد عباس...........
|
Post: #30
Title: Re: أنا جديد
Author: Moawia Mohammed
Date: 06-11-2007, 11:57 AM
Parent: #1
جنابو
مرحب حبابو
حييتو بمداخلتي
حياني بي كابو
|
Post: #38
Title: Re: أنا جديد
Author: omer osman
Date: 06-11-2007, 02:05 PM
Parent: #30
الاخ معاوية
الف شكر
حصانك ده قماشو ما كويس وإلا مالو كشه
|
Post: #31
Title: Re: أنا جديد
Author: omer osman
Date: 06-11-2007, 12:07 PM
Parent: #1
الاخوان والاخوات
بكري /انعام / سيف الدين / صديق الموج / خالدة / تماضر / محمد فرح / ماجدة / مني
ابو الحسين / كمال / عماد / مصطفي / هاشم / اسماعيل . والله عاجزين عن الشكر
|
Post: #33
Title: Re: أنا جديد
Author: انعام حيمورة
Date: 06-11-2007, 01:45 PM
Parent: #1
الجديد شديد ...
مرحب بيك القصة عجبتني وطرفة ودخل حلو منك ... في الخرطوم انت؟
|
Post: #35
Title: Re: أنا جديد
Author: omer osman
Date: 06-11-2007, 01:59 PM
Parent: #33
الاخت انعام شكرا على التحية
انا في الخرطوم وفي نصها كمان الخرطوم دي نفوته نمشي وين
|
Post: #34
Title: Re: أنا جديد
Author: sanaa gaffer
Date: 06-11-2007, 01:46 PM
Parent: #1
الاخ الكريم عمر عثمان ...
تحيات طيبات زاكيات ...
نورتنا يا جنابو ...
تعرف يا سعادتك انا لمن جيت جديدة المنبر دة ...دخلت تووووووووش في الناس لا احم ولا دستور ...
وفي نفس الوقت ما لقيت زولا كدي يفطمني ويوريني مناطق الخطر والشدة ...
عشان كدة اختك حتديك نصايح صغيرة للوصول الى بر الامان في سودانيز اون لاين ...
اول بالتبادي .. عاوز تفهم الاون لاين دة ارجع اتمعن في احوال بيتكم وبيت الجيران ...اواي بيت تاني يلاقيك ...
يعني هنا نسخة اليكترونية من اي بيت ...
بتلقى اخو شاكال ... واخو نكدي ... اخو شمشار .. وواحد بتاع ضرب عديل ...
بتلقى اخو منطقي ... واخو مؤدب ... اخو ظريف وبتاع نكتة ... واخو شهم واخو اخوان ...
اها يا سعادتك .. عاوز السلامة ؟؟؟ ابعد من الصنف الاول وخليك مع التاني ...
بتلقي اخوات زي ندى الصباح .. واخوات زي شجر الصبار ... عاد انت اختار ...
ممرات البيت مختلفة ... بعضها فيهو حقول الغام .. وحفر عميقة .. وخوازيق ...
وبعضها ممهد وواضح المعالم ... يلا شوف الممر البيريحك وامش فيهو ...
في حاجات في البيت ممكن تستفزك ... وتطلعك من طورك .... اركز ... خليك ثابت ... مش ثابت دي عندكم في الشرطة كتير ؟؟؟
في حيشان في البيت فيها هوا نضيييييييييييف يرد الروح ... وفي حيشان ملانة موية بلاعات ... اعمل حسابك ...
كترت عليك مش كدة؟؟ ...
والله بس قلت النكلمك من الاول عشان بكرة ما تقول دخلت على عماي وتقرر تمشي ...
ايه رايك في نصايحي ؟؟؟...
والله هسة فكرت اعمل دليل بت جعفر في التعامل مع المنبر ...
يا زول اهلا وسهلا ... الكلام الفوق دة هزار بيحتمل الجد ... وجد بيحتمل الهزار ...
|
Post: #36
Title: Re: أنا جديد
Author: Osman Musa
Date: 06-11-2007, 02:00 PM
Parent: #34
جنابو.
كلو تمام.
سعادتك _ مرحب
|
Post: #42
Title: Re: أنا جديد
Author: abdulhalim altilib
Date: 06-11-2007, 02:33 PM
Parent: #36
مرحب بيك سعادتك
وتمام يا افندم ، حوش بكري مرحب بيك
وحللت أهلاً ونزلت سهلاً
أحييك وفي خاطري كلمات راحلنا المقيم هاشم ميرغني :
(( وداير تفوت لي وين تمش ،، ما بتمش ))
(( ما شلناك في الضلوع وغطيناك بالرمش ..
لا بننساك ولا بتفوت ولا بنتوب .. و لا بتمش ..))
(( ما البحر بعدك بجف .. والزرع حزنان نشف .. ))
كيف تفوت يا جنابو ، وحال حوش بكري (ورواده) يقول لك :
(( كيفن تمش وأنا البريدك والزيي ما بنفات .. ))
******
تخريمة :
أمسك قوي في نصايح بت جعفر ، فهي طوق النجاة لك مثلما كانت لنا :
Quote: ايه رايك في نصايحي ؟؟؟...
والله هسة فكرت اعمل دليل بت جعفر في التعامل مع المنبر ... |
ويا أختي سناء .. بالله اطبعي الدليل بتاعك وأديني ليهو أوزعو مجاناً
إلا لمن أبى .. !
تحياتي لك أخي عمر ، والف مراحب بك .
( ليمو )
|
Post: #39
Title: Re: أنا جديد
Author: omer osman
Date: 06-11-2007, 02:12 PM
Parent: #34
الاخت سناء
شكرا على التحية والنصائح الغالية
تعرفي كلامك ده ذكرني الاوامر المستديمة في البوليس لمن تتنقل من قسم لى قسم اول حاجة تعمله تقراء
الاوامر والتعليمات المستديمة عشان تعرف تشتغل.
بي كلامك عرفنا الاوامر المستديمة وحنعمل بيهابس خليك معانا.
|
Post: #37
Title: Re: أنا جديد
Author: أبوذر بابكر
Date: 06-11-2007, 02:02 PM
Parent: #1
حبابك يا عمر
|
Post: #40
Title: Re: أنا جديد
Author: omer osman
Date: 06-11-2007, 02:16 PM
Parent: #1
الاخوان عثمان / ابوذر
شكرا على الترحيب
ياجماعة انتو المنبر ده ما فيهو بوليس وين ناس الطيب وفارس موسي مش عيب عليكم الملكية رحبوا بينا
وإلا دي خوة الكاب ......
|
Post: #41
Title: Re: أنا جديد
Author: amir jabir
Date: 06-11-2007, 02:23 PM
Parent: #40
بوليس ما بوليس حباب عشرة نتمنا ان تكون اضافة حقيقة للمنبر ........
|
Post: #43
Title: Re: أنا جديد
Author: abubakr
Date: 06-11-2007, 04:26 PM
Parent: #1
الاخ عمر
مراحب في عالم افتراضي ما تقدر تقبض كبوليس علي واحد مخالف
بعدين كيف بوليس وجديد ؟
زمانك خالس (كدة زمن لاستقلال) واول كدة لما عرفنا الدنيا اول بوليس كان بتاع السكة حديد وكان بيربط رجلينو وبيلبس ردا(شورت بالعربي) وبعدين في حلفا كان في بوليس واحد (دة الانا شفتو لابس كاكي ) لكن كان في بوليس سري برضو واحد وما لابس كاكي وكان كمان فنان(شار بالرطانة) وبيقدم نفسو علي انو بوليس سري وبيربط راسو بمنديل مخطط بني واصفر وبيركب عجلة ..
عموما كانت علاقتنا بالبوليس انبهار ..يعني واحد بس ولابس كاكي وسجن حلفا ما كان فيهو مساجيين بشان كدة البوليس الواحد ذاتو كان زيادة عن اللزوم لكن لمان جات الكوامر بالقطر ونزلو ليك بواليس كتار ومعاهم سوط عنج وجلدونا كلنا تلامذة ومدرسيين ومدرسات وكبار وصغار في المظاهرات اها عرفنا انو البوليس دة مشكلة واها استمرت المشكلة في الثانوي والجامعة والبوليس كمان بقي يلبس منطلون وواحد اسمو بشري كان بيلبس ابيض ومحتكر صينية الجامعة ( دي يمكن من الاثار ) واها نتفرج عليهو يد فوق ويد بالجنب وصفارة ونحن نتفرج مقهيين لحدما الغدا يخلس في البركس ..
اها قصص كتيرة عن البوليس لحدما انا ذاتي بقيت مهندس مسؤول عن اسكان البوليس (كان سموها الشرطة) وبنيت بيوت كتيرة لحدما واحد لابس كاكي اسمو ابوعاج فنشني وبرضو البوليس خفنا منو وطلعنا مشرقيين ثلاثيين سنة ...بعيدين عن البوليس .. وتقول بوليس جديد ؟ دة انا والمعاش فركة كعب والبوليس من زمن السكة حديد معاي وتقول جديد ....؟
بالله اضبط لينا المخالفيين في البورد دة ؟
مودتي
ابوبكر
|
Post: #44
Title: Re: أنا جديد
Author: sanaa gaffer
Date: 06-11-2007, 06:34 PM
Parent: #1
| Quote: بالله اضبط لينا المخالفيين في البورد دة ؟ |
ابوبكر ؟؟!!..
لكن والله بالغت ... الزول جديد وعاوز تديهو مهمة سيد البورد زاتو ما قادر عليها ؟؟؟
يضبط شنو ولا يخلي شنو ؟؟
ياخي قول كلام غير دة ...
يا عمر يا اخوي بس امسك في نصايحي قوي وانت تسلم ...
وغايتو حافكر جادة في موضوع الدليل ...
|
Post: #53
Title: Re: أنا جديد
Author: انعام عبد الحفيظ
Date: 06-12-2007, 10:23 AM
Parent: #44
Quote: يا عمر يا اخوي بس امسك في نصايحي قوي وانت تسلم ...
وغايتو حافكر جادة في موضوع الدليل ... |
عمر
امسك في كلام سناء دا كويس
وتعال راجع أسألها من الدليل
|
Post: #45
Title: Re: أنا جديد
Author: kamalabas
Date: 06-11-2007, 06:35 PM
Parent: #1
مرحب عمر عثمان
كمال عباس
|
Post: #66
Title: Re: أنا جديد
Author: omer osman
Date: 06-13-2007, 07:03 AM
Parent: #45
الف شكر ياكمال
|
Post: #46
Title: Re: أنا جديد
Author: abubakr
Date: 06-11-2007, 07:10 PM
Parent: #1
سنوية
| Quote: ياخي قول كلام غير دة ... |
ما بوليس ؟
هو قال انو "بوليس" ؟
انا غايتو ما بخاف من البوليس السوداني ما انا بعيييييد؟ انتي خايفة لانك بتمشي هناك ؟
|
Post: #47
Title: Re: أنا جديد
Author: ود محجوب
Date: 06-11-2007, 08:14 PM
Parent: #46
الأخ عمر عثمان
الاف المراحب
حللت أهلا
وسعيدين بقدومك
قول بسم الله وأبدأ
|
Post: #48
Title: Re: أنا جديد
Author: حاتم هاشم
Date: 06-11-2007, 08:26 PM
Parent: #47
بسم الله الرحمن الرحيم
سلام...
جنابو حياني بي كابو...
مرحب وحبابك الف
تحياتي...
حاتم هاشم.
|
Post: #49
Title: Re: أنا جديد
Author: خالد علي محجوب المنسي
Date: 06-11-2007, 09:09 PM
Parent: #48
مرحب بيك عمر عثمان
بين ولاد بلدك بنات بلدك
والدار دارك
أهلاً بيك
خالد
|
Post: #50
Title: Re: أنا جديد
Author: الطاهر ساتي
Date: 06-12-2007, 01:58 AM
Parent: #49
يامراحب .......
|
Post: #51
Title: Re: أنا جديد
Author: hamid brgo
Date: 06-12-2007, 02:04 AM
Parent: #50
انا بموت في المظاهرات... و عارف علاقة الشرطة بالمظاهرات
الا مرحب بيك كتييييييير
حامد
|
Post: #52
Title: Re: أنا جديد
Author: Imad Khalifa
Date: 06-12-2007, 02:07 AM
Parent: #51
مرحبا عمر عثمان
نأمل ان يطيب لك المقام.
|
Post: #54
Title: Re: أنا جديد
Author: عصام دهب
Date: 06-12-2007, 10:41 AM
Parent: #52
مرحبتين حباب جنابو ..
حباب اليوم الجابو ..
خليك مفتح و ما تدقس ..
و كلام سناء دا أبقى عليهو ألف ..
أهة هسع انتا شايت وين ؟؟
|
Post: #55
Title: Re: أنا جديد
Author: hamid brgo
Date: 06-12-2007, 11:36 AM
Parent: #54
عصام دهب: ازيك
| Quote: أهة هسع انتا شايت وين ؟؟ |
شايت مع محمد عادل..... فهمت حاجة
يقطع ضراعي حبيبنا الانصاري محمد عادل عندو سنه في المنبر دا لهسي ما عارفو شايت وين
|
Post: #56
Title: Re: أنا جديد
Author: عصام دهب
Date: 06-12-2007, 11:47 AM
Parent: #55
| Quote: شايت مع محمد عادل..... فهمت حاجة |
يعني فهمت إنك حتشوت .. ضفاري !!
غايتو الله يستر على الكشافات !!
|
Post: #58
Title: Re: أنا جديد
Author: hamid brgo
Date: 06-12-2007, 01:23 PM
Parent: #56
Quote: يعني فهمت إنك حتشوت .. ضفاري !!
غايتو الله يستر على الكشافات !! |
عصام عزيزنا
الواحد كل ما يصحى الصباح يلقى قوون في شبكة حزب الامة.. يا جماعة الجاب القوون دا منو ؟ يقولوا لي محمد عادل الانصاري و ال حزب الامة!
والله حيرني وحير الثعلب (لاعب الهلال السابق) وحير معانا الاهلي المصري
|
Post: #72
Title: Re: أنا جديد
Author: omer osman
Date: 06-13-2007, 07:27 AM
Parent: #56
ياجماعة انا لسع بسخن وحكاية الشوت دي خلوها شوية لمن نعرف الهوا معنا والا ضدنا
|
Post: #57
Title: Re: أنا جديد
Author: Semsema
Date: 06-12-2007, 11:50 AM
Parent: #55
عمر عثمان .
مرحب بيك.
قلت انت جديد؟؟
ناس محمد مرزوق برضو جداد..
مع محبتى..
|
Post: #71
Title: Re: أنا جديد
Author: omer osman
Date: 06-13-2007, 07:22 AM
Parent: #51
الاخ حامد
الف شكر بس المشكلة انو المنبرده مافيهو بمبان
|
Post: #70
Title: Re: أنا جديد
Author: omer osman
Date: 06-13-2007, 07:19 AM
Parent: #50
الطاهر ساتي شخصياًالف شكرا
|
Post: #69
Title: Re: أنا جديد
Author: omer osman
Date: 06-13-2007, 07:16 AM
Parent: #49
شكرا خالد
المنسي ده اسم والا لقب
|
Post: #68
Title: Re: أنا جديد
Author: omer osman
Date: 06-13-2007, 07:14 AM
Parent: #48
الاخ حاتم هاشم
شكرا على المرور. وعاش ......
|
Post: #67
Title: Re: أنا جديد
Author: omer osman
Date: 06-13-2007, 07:05 AM
Parent: #47
ود محجوب شكرا على المرور وانشاء الله السعادة تدوم
|
Post: #59
Title: Re: أنا جديد
Author: طارق جبريل
Date: 06-12-2007, 01:34 PM
Parent: #1
نورت يا جنابو
شفت طارق الامين وكرودي ديل دفعتي عديل كدة
يعني لو اتلاقينا اكيد بتذكر ايام الخرطوم الجديدة
انا غايتو كنت دايما في ميدان الطائرة
|
Post: #74
Title: Re: أنا جديد
Author: omer osman
Date: 06-13-2007, 07:31 AM
Parent: #59
الاخ طارق
الف شكر بمناسبة ميدان الطائرة تتذكر استاذ الرياضة كان اسمو منو بتذكر انو شكلو مصري سوداني
|
Post: #60
Title: Re: أنا جديد
Author: essam&amal
Date: 06-12-2007, 01:42 PM
Parent: #1
اخير وابرك
اخير ليك حبايبك هنا
اوعى من البوليس
مرحبتين حبابك
اها رحبنا بيك اوعى تفوت
تحياتى
ام وضاح
|
Post: #61
Title: Re: أنا جديد
Author: mohammed marzoug
Date: 06-12-2007, 03:58 PM
Parent: #60
ياسيدى حبابك الف..انحنا ناس مرزوق الجداد
|
Post: #76
Title: Re: أنا جديد
Author: omer osman
Date: 06-13-2007, 07:35 AM
Parent: #61
ازيك ياجديد تعرف نحن ناس مرزوق الجداد بتذكرني فلم عادل امام بتاع نحن بتوع الاتوبيس
|
Post: #75
Title: Re: أنا جديد
Author: omer osman
Date: 06-13-2007, 07:33 AM
Parent: #60
شكرا يا ام وضاح بعدين ياجماعة ناس البوليس ديل ما كلهم كعبين
|
Post: #62
Title: Re: أنا جديد
Author: أحمد الشايقي
Date: 06-12-2007, 07:55 PM
Parent: #1
مرحبتين حباب
مرحب بالأخ الكريـم عمر عثمان,
ليك التحية ويطيب لك المقام
تحياتي
أحمـد الشايقي
|
Post: #63
Title: Re: أنا جديد
Author: غادة عبدالعزيز خالد
Date: 06-12-2007, 08:47 PM
Parent: #62
مرحبا يا جنابو
|
Post: #78
Title: Re: أنا جديد
Author: omer osman
Date: 06-13-2007, 07:43 AM
Parent: #63
شكرا ياغادة
تعظيم سلام لسيادة العميد
|
Post: #77
Title: Re: أنا جديد
Author: omer osman
Date: 06-13-2007, 07:39 AM
Parent: #62
كيفنك ياشايقي بالمناسبة انا برضو كده وعارف انك قانوني وبرضو انا كده
......... وبرضوا نفس الملامح والشبه
اتلاقينا قبل كده في فطور قبل سنتين لو بتتذكر
|
Post: #64
Title: Re: أنا جديد
Author: Alsa7afa_30
Date: 06-12-2007, 09:36 PM
Parent: #1
ألف مرحـب نورت الــدار..
|
Post: #65
Title: Re: أنا جديد
Author: عصام عبد الحفيظ
Date: 06-12-2007, 09:58 PM
Parent: #64
Quote: الجديد شديد ...
مرحب بيك القصة عجبتني وطرفة ودخل حلو منك ... في الخرطوم انت؟ |
الجديد شديد ...
قالوا
وانت كيف
ومرحب بيك
|
Post: #73
Title: Re: أنا جديد
Author: Saifeldin Gibreel
Date: 06-13-2007, 07:31 AM
Parent: #65
100 مليون مرحب بيك يا عمر عثمان والمنبر نور بيك وأعتقد انك دفعة صديقى ياسر الزبير المحينة فى الخرطوم الجديدة وعلى ما اعتقد ايضآ انت دفعة صديقى اسامة احمد الحسين ودالجريف فى كلية الشرطة طبعآ بحاول امرن فى زاكرتى ربما اكون مشاتر ومشبهك ساكت.
سيف الدين محمد جبريل
|
Post: #81
Title: Re: أنا جديد
Author: omer osman
Date: 06-13-2007, 07:53 AM
Parent: #73
الاخ سيف الف شكر
كلامك صاح الاتنين دفعتي بس ياسر ده سنيين ما شفتو لو عندك ليهو عنوان دلني عليهو
|
Post: #80
Title: Re: أنا جديد
Author: omer osman
Date: 06-13-2007, 07:50 AM
Parent: #65
شكرا ياعصام
لو ما خاف الكضب اقول اتلاقينا في مطار الخرطوم في 93 او 94 انت كنت مسافر بتتذكر حاجة زي دي
والا اسم على اسم
|
Post: #79
Title: Re: أنا جديد
Author: omer osman
Date: 06-13-2007, 07:47 AM
Parent: #64
شكرا على الترحيب
|
|