Post: #1
Title: الكُل مدعو لإحتساء نخب الشيزوفرينيا
Author: وجن
Date: 01-28-2003, 01:05 AM
هل أنت صريح مع نفسك ....ومع من حولك؟؟
هل تحاسب نفسك لتعرف أخطاءك
أعرف حقيقتك وصارح نفسك
دون خجل
حتى يتسنى لك أن تعالج الأمور
إذا أنتقدك أحدهم بشده
أ/تتقبل النقد بصدر رحب
ب/تنهى النقاش دون رد
ج/تعنفه وترفض أن يوجه لك أى نقد لانك خالى من العيوب
إذا طُلب منك أن تُبدى رأيك وبصراحه فى شخص ماهل
أ/تقول رأيك فيه بمنتهى الصراحه ولاتخاف شيئا
ب/تختار ألفاظك قبل أن تتكلم حتى لاتغضب
ج/تتصنع أى كلام للمجامله
إذا وجدت أصدقائك يسخرون من شخص ماهل
أ/تطلب منهم الكف عن هذه السخريه
ب/تغضب من سخريتهم وتتشاجر معهم
ج/تشارك معهم فى السخريه منه
قبل أن تنام هل:
أ/تحاسب نفسك على مافعلته فى مجمل يومك
ب/تنام ولا تفعل شيئا
ج/تجد نفسك غير مخطى وراضى عن مافعلته
هل تستفيد من آخطاء الغير وتتجنبها:
أ/نعم
ب/لا
ج/لاتهتم بأحد
إذا كنت فى محل ما وصادفك شخص يسرق هل
أ/تقبض عليه وتبلغ الشرطه
ب/تذهب إليه وتسأله لماذا يفعل ذلك
ج/تتجنبه وتتصور أنك لاتراه
عارفين عنوان البوست جاء من وين
دا سؤال من زمان نفسى أسألكم ومحيرنى
هل أنتو واحد فى البورد وبره البورد
ولا كل واحد من مايصحى الصباح بشوش وحلو
ومجرد مايبدأيكتب هنا يركِّب وجهه التانى
آمال وين سماحه وحنان آهلنا
ياربى أكون غلطه فى العنوان
قبل الواحد مايجاوب على الأسئله الفوق ديك وبكل صراحه
يكلمنى دى ياتو شخصيه فيهم؟؟؟؟؟؟
وسلامتكم آهلى الحُنان
|
Post: #2
Title: Re: الكُل مدعو لإحتساء نخب الشيزوفرينيا
Author: بدرالدين شنا
Date: 01-29-2003, 10:51 AM
Parent: #1
بسم الله الرحمن الرحيم
الظريفة وجن .. بالمناسبة دا ما تملق ولا مجاملة
لك التحية والود
أنا إنتهيت أجمع الكراس ؟
عاطر التحيايا
بدرالدين شنا
|
Post: #3
Title: Re: الكُل مدعو لإحتساء نخب الشيزوفرينيا
Author: وجن
Date: 01-29-2003, 01:43 PM
Parent: #2
أستاذى الفاضل بدرالدين
هههههههه
شايفه الشعب السودانى كله بقى يلاوذمن حكايه المجامله دى
ياربى هل الشعب السودانى بقدر يعيش من غير مجامله؟؟
غايتو ما أظن
على العموم لاتلاوذ
أها ماتجمع الكراس يا أستاذالقاعدله شنو
ولو ما داير النتيجه على الملأ يبقى بيناتنا ماسنجر
أوكى
الموضوع الجاى إنشاء الله يكون فى الخوف ؟؟؟؟؟؟؟
على فكره ماقلت لى ياتو شخصيه هههههههههه
أحييك لأنك أول المتقدمين لهذا البوست البعبع
وعاطر التحايا
|
Post: #4
Title: Re: الكُل مدعو لإحتساء نخب الشيزوفرينيا
Author: Ahlalawad
Date: 01-29-2003, 01:52 PM
Parent: #1
جاوبنا لكن ما حا نجمع الكراس
|
Post: #5
Title: Re: الكُل مدعو لإحتساء نخب الشيزوفرينيا
Author: وجن
Date: 01-29-2003, 01:59 PM
Parent: #4
هههههههههه
يا أهل العوض
أما عالم جبانات بشكل
|
Post: #6
Title: Re: الكُل مدعو لإحتساء نخب الشيزوفرينيا
Author: Ahlalawad
Date: 01-29-2003, 02:13 PM
Parent: #1
جبااااان
رضيان
أحسن
بعدين أن مكجن أو بالأحرى مقاشر كلام الدكاترة
يعني ممكن تطلعيني زول كويس
وممكن
|
Post: #22
Title: Re: الكُل مدعو لإحتساء نخب الشيزوفرينيا
Author: وجن
Date: 02-02-2003, 00:25 AM
Parent: #6
يغنى يا أهل العوض
إنت كان ماطلعته زول كويس البطلع منو تانى
أسمع كدى قول بسم الله وجاوب
أبدء السكه لآخوانك
لكن بالله ماتقعدوا على طول أمشوا لاهلكم
بيحتاجولكم
|
Post: #7
Title: Re: الكُل مدعو لإحتساء نخب الشيزوفرينيا
Author: toona
Date: 01-29-2003, 10:28 PM
Parent: #1
الغالية وجن .. إسمحي لي أولا ان أعبر عن حبي لإسمك ، ولو جاتني بت حاسميها وجن ! بس ذكريني عشان للزمن داك بكون خرفت !
وبعدين فكرة ، قف ! من أنت !؟ فكرة ظريفة ، لكن بس ما لقينا النتيجة نهاية البوست ... ولا إلا بالتصحيح ؟ خلاس يبقى نجمع الكراس ! لاكين بس كراسي يتصحح قبال كراس بدر الدين ، عشان ما اضيع انا في الرجلين ، اتفقنا ؟
سلام للكل ..
|
Post: #8
Title: Re: الكُل مدعو لإحتساء نخب الشيزوفرينيا
Author: وجن
Date: 01-30-2003, 00:29 AM
Parent: #7
تونه إزيك ياحبيبتى
تتفضليهو طوالى إسمى مايغلى عليك والله
أنا زاتى حسمى بتى وجن إنشاء الله
ياربى للوقت داك البزكر التانى منو
 الله أعلم
تونه
الليله انا عايزه امارس التملق بتاعى
كيف كراسك يتلما مع أستاذنا بدر الدين
لالا أولى لك فأولى
ههههههههه
فى إنتظاركم جميعا أحبتى
جيبوا الكراريس سريع قبل الجرس مايدق
وقبل ان تقرع الطبول
فقد آزفت الآزفه
|
Post: #9
Title: Re: الكُل مدعو لإحتساء نخب الشيزوفرينيا
Author: بدرالدين شنا
Date: 01-30-2003, 04:43 AM
Parent: #1
بسم الله الرحمن الرحيم
وجن يا السمحة أم عجن
(أنا زاتى حسمى بتى وجن إنشاء الله
ياربى للوقت داك البزكر التانى منو
الله أعلم)
هيا الدايرة تسمي بتها وجن وأنا قايلها ما متزوجة وأشيل وأجامل وأتملق .. أديني كراسي أنا بطلتها المدرسة دي ذاتها
عاطر التحايا
بدرالدين شنا
|
Post: #10
Title: Re: الكُل مدعو لإحتساء نخب الشيزوفرينيا
Author: وجن
Date: 01-31-2003, 01:47 AM
Parent: #9
مالك على يا أستاذى
أسمع تسمح لى أشيل التكلفه
مالك على يابدورى
عرس شنو ياود أمى أنا رأسى دا دايرهو
كان كدى شيل كراسك وصورتك زاته
|
Post: #11
Title: Re: الكُل مدعو لإحتساء نخب الشيزوفرينيا
Author: WAD ELGAALI#4
Date: 01-31-2003, 02:49 AM
Parent: #10
وجن كيفك بس ما وريتينا نصحح كيف انا غايتو حاجز الاول والفيك اتعرفت ما كلمتينى من زمان بحكاية بدرالدين شنا دى والله بدورى كمان اوكى انا زعان وفى
احتمال لو ما اعتزرتى لى افسخ الخطوبة وموش تعتزرى
وبس كمان تكتبى لى بدر دا توقفى ما يغزل فيك تانى
وتخاطبيهو بى بدر الدين الشييييين والا لى معاك كلام رابع
لكن برضو لك كل الحب وللفنان العزيز بدر
الدين سمح الخلقة والاخلاق كل حبى وتقديرى
|
Post: #15
Title: Re: الكُل مدعو لإحتساء نخب الشيزوفرينيا
Author: وجن
Date: 02-01-2003, 01:00 AM
Parent: #11
ود الجعلى
تعال لى فى بيتك هناك بيتى دا خليك منو هسى معا ى ضيوف
باكر لما تزوغ منى أقول يا منو
أسمع إتذكرته النكته دى النحكيها ليك لكن ماتتحسس ود أمى
مره فى السودان وقفنا لينا رقشه يادوب الزول وقف بجاى
أشرنا للتانى البعيد داك يعنى قلنا يمكن ما نتفق مع دا
أها الظاهر أخوك الوقف دا جعلى إتحمق من الحصل
حمر لينا كده وقال وداك شنو الإسبير الواقف داك
والله إنتوا يالبنات ماليكن آمان
الواحده حتى فى حياته العاديه برضو تلقاها كده
مباريه واحد وخاته ليها كده كم إسبير
وفرررررررررر كتحنا ليك بالتراب
الظاهر عليه أكلوهو الأونطه
طبعا نحن ناس الشهاده العربيه السطحيين ديل مافهنا كلامه
قلنا ياااااااااااى صوفاااااااج الوحش دا بقول فى شنو
دمت أخى زخراً للمحبه وحماك الله شر الإسبيرات
|
Post: #12
Title: Re: الكُل مدعو لإحتساء نخب الشيزوفرينيا
Author: بدرالدين شنا
Date: 01-31-2003, 04:51 AM
Parent: #1
بسم الله الرحمن الرحيم
الصافية/ وجن
لك التحية بس .. أما الحب أنا خليته من زمن الصحابة
(عرس شنو ياود أمى أنا رأسى دا دايرهو)
هو أنا قلت ليك سفيني ولا سجِريني؟ قلت ليك عرسيني
خلاص أنا داير أرجع المدرسة ودا كراسي هاك ليهو الله يحلك من ود الجعلي
أميري وصديقي ود الجعلي أشكر لك الفهم الراقي والسمو
عاطر التحايا
بدرالدين شنا
|
Post: #13
Title: Re: الكُل مدعو لإحتساء نخب الشيزوفرينيا
Author: وجن
Date: 01-31-2003, 03:50 PM
Parent: #12
هههههههههههه
والله دى حلوه سفينى دى
لكن السف ذاتو ماخشم بيوت
أسمع لكن أنا لو رضيت أم رُبى تطير وين
ولا تقع البئر
الله يخليهم ليك يا أستاذى الجميل
|
Post: #14
Title: Re: الكُل مدعو لإحتساء نخب الشيزوفرينيا
Author: noha_g
Date: 01-31-2003, 08:01 PM
Parent: #1
وجن
في فترة من الفترات عاتبت نفسي و كنت لها بالمرصاد
بعدها جعلت لها من نفسها حكما يقوم دربها
و بعدها اسكته زمنا لأني أحسست أنه قد أعياني عتابا و تقويما
لن أقول أنني أنحرفت عن جادتي لكني أثرت أن أرحمها و لو قليلا من الحساب العسير
كل ابن آدم خطاء و خير الخطائين التوابون
لن أقول أنني أتقبل الانتقاد بصدر رحب لكني لست من الذين يصنون آذانهم عن النقد الموجه لهم ليس تكبرا مني لأكني احزن أن من انتقدني وجد في ثغرة كان يمكن ألا تكون
أما البقية فأجمعها في الكراس
لك التحية
و لنشرب نخب الشيزوفرينيا
|
Post: #16
Title: Re: الكُل مدعو لإحتساء نخب الشيزوفرينيا
Author: وجن
Date: 02-01-2003, 01:01 AM
Parent: #14
عزيزتى نهى
أنا مثلك تماماً ضقت زرعاً بمعاتبه هذه النفس اللحوح
الآن هى هائمه على وجهها لا تلوى على شئ
وتحديدا هى الآن واقفه فى مفترق الطرق
تنتظر المُنجد والمعين لينتشلها من مما هى عليه
أرجوك يا نُهى إسالى الله لها الهدايه علَّى الله جلا وعلا
أن يرحمها بفضل دعوتك ودعوات الأحبه والأخوان عن ظهر الغيب
فهى تعلم أنها مذنبه فى حق نفسها قبل كل شئ
ولنشرب نخب الشيزوفرينيا
وبصحه كل الحلوين
|
Post: #19
Title: Re: الكُل مدعو لإحتساء نخب الشيزوفرينيا
Author: noha_g
Date: 02-01-2003, 03:03 PM
Parent: #16
عزيزتي
كنت عندما أقول لصديق ادعو لي في صلاتك ان يهديني الله يقول لي لماذا ماذا فعلت ليهديك
و أنا اقول إن نفسي في غيها بين الخطأ و الصواب و ما زال الأمل في الهداية
و ربنا يهدينا جميعا
و أشرب مرة أخرى نخب الهوس و الشيزوفرينيا
لك التحية
|
Post: #17
Title: Re: الكُل مدعو لإحتساء نخب الشيزوفرينيا
Author: بدرالدين شنا
Date: 02-01-2003, 04:28 AM
Parent: #1
بسم الله الرحمن الرحيم
الغالية وجن
لك التحية والإخاء
عوووووووووووووك أنا ما نسيت أم ربى .. بهذه المناسبة أنا مسافر بعد بكرة السودان عشان أشوف ربى لأول مرة وأقضي الإجازة السنوية معاهم إنشاء الله ولنا عودة يا أعز عزيزة وأنتي تقدمي أحلى نخب للشيزوفرينياوربنا يخلي ليك إنتي كمان الطيبين من أهلك وأسرتك وكرّاسي خليتو في طاولتك
عاطر التحايا
بدرالدين شنا
|
Post: #18
Title: Re: الكُل مدعو لإحتساء نخب الشيزوفرينيا
Author: وجن
Date: 02-01-2003, 01:21 PM
Parent: #17
والله يا أستاذ زكرتنى
نكته كان بحكيها لينا جدو
قال واحد سرق ليهو حبل ولا شنو ماعارفه من المعلم بتاعو
أها صاحب الحبل الظاهر عرف الحرامى
أها يسأل فيهو إنت متأكد إنك ماشلت الحبل دا
يقول ليهو أبدا يا معلم
ياود الناس
أصلو ماشفتوا نكره تب
أها صاحب الحبل زرزره ليك زرزره شينه
أها صاحبك لما ضاقت عليه قال آآى يا معلم
إتذكرته بعته للحواتى
أها إنت قلت لى إتذكرته شنو
هههههههههههه
أستاذى الغالى
رغم إنك حتفرق علينا شديد
أقول ليك تمشى وتجينا بالسلامه
وتحياتى موصوله لربى وأم ربى
ويتربوا فى عزك إنشاء الله الإتنين
وتمشى وتجى تلقانى صححت ليك الكراس
|
Post: #20
Title: Re: الكُل مدعو لإحتساء نخب الشيزوفرينيا
Author: shiry
Date: 02-01-2003, 04:02 PM
Parent: #18
سلام مربع
انا انا
طيب ح اقول اجابتي كيف
في السر يعني ؟
غايتو نحن
مرات مرات
بنشرب الشاي
بالنعناع
وشكالين
واتخيل لي كده مرحلة الشيزوفرينيا
دي فتناها زماااااان
هسع الدكاترة بفتشو لي في دواء
عشان المرض الجديد
متى اخلص من هذه الهترشة
اطلع مني يا جني الملازمني
|
Post: #21
Title: Re: الكُل مدعو لإحتساء نخب الشيزوفرينيا
Author: وجن
Date: 02-02-2003, 00:22 AM
Parent: #20
والله ياشيرى أنا كنت جايه أشاكلك أقول ليكى
أمشى شوفى ليك حتى تانيه تنشرى فيها
هترشتك دى أنا ماقلت ليك فى بوست بدر الدين
بتاع البورد فيهو تجريح أنا بكرهك موت
لكن من ماشفتا صورتك العسل دى فجأه إبتهجتا
وقلتا الله
شيزوفرنيا شنو وهترشه شنو
عسل بس الصوره بتعبر عنك بالتمام والكمال
دمتى عزيزتى لفتح نافوخنا بحديثك الذى لايُمل
وعندى طلب سغمبروتى كده لو أمكن
ممكن تسلفونا أندنوسيتكم دى لموسم الحج دا بس
نحججه ونجيبه ليكم
سلمتى للطله على قولك عزيزتى
|
Post: #24
Title: Re: الكُل مدعو لإحتساء نخب الشيزوفرينيا
Author: EXORCIST7
Date: 02-02-2003, 01:48 PM
Parent: #20
تعرفى يا شيرى
الدلائل تدل على أن الجنى ميمون ساكنك وما عاوز يطلع حتى يملأ كل البورد بالهترشة وباللغة السريانية لغة عموم أهل الجن
داخل علينا كل بسلاماته المربعة رغم هم بحبوا المكعبات والزوايا
على كل أنت عاوزة ليك كم جلسة من
exorcist
عشان يطرد منك ميمون
والسلام
|
Post: #26
Title: Re: الكُل مدعو لإحتساء نخب الشيزوفرينيا
Author: وجن
Date: 02-03-2003, 00:34 AM
Parent: #24
الناس الدايره تحب ليها زول
أو تطفش ليها زول من البورد
وساكاهوا من بوست لبوست تركز شويه
وتشوف ليها حته تانيه غير بيتى
لكن الشعبطه الليله ما جلَّت و ماركبت عدله
ولا شنو
|
Post: #23
Title: Re: الكُل مدعو لإحتساء نخب الشيزوفرينيا
Author: alsngaq
Date: 02-02-2003, 12:14 PM
Parent: #1
الاخت وجن تحياتى
والله موضوع المجاملة ده كان مجنني عديل فى البورد، بس نحن عندنا شي كده حقو نشوف ليهو اسم تاني غير المجاملة، لانو في نوع منها كثيرا ما يكون ضرب من ضروب الرقي في التعامل. بهديك البوست ده قديم بتناول الموضوع ده بش من التفصيل
البورد وروح المجاملة
مع خالص تحياتى
لقد فرغ كأسي
فمن يملأ كأس أحلامي
|
Post: #25
Title: Re: الكُل مدعو لإحتساء نخب الشيزوفرينيا
Author: وجن
Date: 02-03-2003, 00:31 AM
Parent: #23
عزيزى السنجك
شرفت البوست وست البوست الله يخليك
معاك حق والله فى كلامك
أنا دائماً بقول على نفسى ما بعرف أجامل
وفى ناس كتار بقولوا لى إنتى بتجاملى
لكن تانى أجى أقول دى ما مجامله دا المفروض يحصل كده
والواحد يتعامل بالطريقه دى
يعنى الزول يكون عنده ذوق شويه ولاما كده
والله فى ناس تستغرب فى تعاملاتهم
تقول ديل مابشر أسمى من البشر فى تعاملاتهم
يعنى الواحد نفسه دى مابفكر فيها أبدا بس همهم المصلحه العامه
لكن طبعاً عامل النُدره بيغطى على المجموعه الراقيه دى
مرسى على هديتك وطبعاً أنا إطلعته عليه
لكن ولا يهمك نجدد الرؤيه وننظر للأمور بمنظور آخر
|
Post: #27
Title: Re: الكُل مدعو لإحتساء نخب الشيزوفرينيا
Author: omdurmani
Date: 02-03-2003, 08:08 AM
Parent: #1
ياوجن الغالية:
بعد فرغت من القراءة ثم الاجابة وجدت انى 100 من 100
ولكن دا ماصحيح....يكون شنو؟؟؟
|
Post: #28
Title: Re: الكُل مدعو لإحتساء نخب الشيزوفرينيا
Author: وجن
Date: 02-05-2003, 01:41 AM
Parent: #27
الغالى أمدرمانى
طبعاً إنت من كلام دافئ عنك
إتضحت شيزوفرينتك
هسه بقت عليك مُركَّبه
الله يكون فى عونا عليك
|
|