شب وكلور بـس يا د. عبد الرحمن الخضــر والى ولاية الخرطوم

شب وكلور بـس يا د. عبد الرحمن الخضــر والى ولاية الخرطوم


22-07-2011, 08:40 PM


  » http://sudaneseonline.com/cgi-bin/sdb/2bb.cgi?seq=msg&board=461&msg=1324507211&rn=0


Post: #1
Title: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 22-07-2011, 08:40 PM

ولاية الخرطوم ...
بسكانها الــ 7 مليون يزيدون ولا ينقصون
عاصمة البلاد
اكبر بنيـة تحتية فى السودان فى كل المجالات تعليم / صحة / ...
تم افتتاح اكبر محطة تجميع مياه شرب فى افريقيا قبل اقل من سنــة واحدة فى مدينة الفتح بمحافظة كررى
اقصـى نقطة فيها لا تبعد عن النيل الابيض / الازرق / نهر النيل الا حوالى عشرون كيلو متر
ببناء سد الالفية فى اصيوبيا على بعد حوالى 30 كيلو من الحدود السودانية اصبحت المياه الواصلة الى السودان اكثر نقاءاً واقل تشبعاً بالطمى
كل المطلوب اليوم :

شــب لترويق العكر
كلور لتطهير المياه
كم تكلفة هاتان المادتان ؟
ثلاث ايام تبحث الولاية عن ماء
ماء فقط
ماء ليس نظيف
ماء ليس مطهر
ماء بيـه طينو وعكارو
السيد الوالى ..
هل الامر امر ادارة مرفق المياه فى ولاية الخرطوم
ام ان الامر ميزانية شراء ( شب / كلور )
بدر الدين اسحاق احمد احد الذين صوتو لبرنامج د. عبد الرحمن الخضر الانتخابــى

Post: #2
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 22-07-2011, 08:44 PM
Parent: #1

هل لدى الولاية كميات كافة من ( الشــب ) لتنقية المياه ؟
خل للولاية كميات كافية من الكلور لتطهير المياه ؟
هل هناك مشاكل مالية فى توفير هذه المواد ؟
هل هناك دراسة لما سيترتب عليه استخدام هذه المياه على الصحة العامة ؟
تحسباتكم الاداريــة لمواجهة تحدى المياه شنو فى ظل انعدام وتلوث المياه ؟

Post: #4
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 22-07-2011, 08:46 PM
Parent: #2

الا توجد لدينـا مشكلة ادارية فى مرفق المياه بولاية الخرطوم السيد الوالى ؟

Post: #5
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 22-07-2011, 08:48 PM
Parent: #4

د. عبد الرحمن الخضر ..
لماذا دائماً هناك من يغتال برنامجك الانتخابــى من داخل ولايتك .. لماذا ؟

Post: #3
Title: Re: شب وكلور بـس يا د. عبد الرحمن الخضــر والى ولاية الخرطوم
Author: Al-Shaygi
Date: 22-07-2011, 08:46 PM
Parent: #1


Quote:
بدر الدين اسحاق احمد احد الذين صوتو لبرنامج د. عبد الرحمن الخضر الانتخابــى


أهه يا فكي خُم وصُر
واليك ده فسادو سبق ترشيحه وبعد داك صوت ليه...!!!!
مش حاجة غريبة؟


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Post: #7
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 22-07-2011, 08:55 PM
Parent: #3

ان يصرح هئية مياه الخرطوم ان امكانيت الهيئة فقط مهياه الى نسبة عكورة تبلغ 8%
وان نسبة عكورة النيل الازرق هذا العام بلغت 38%
فى ظل تشييد وعمل سد الالفية فى اثيوبيا
يدعونتا الى البحث والمطالبة بالاتى :
بناء معمل لابحاث المياه فى ولاية الخرطوم يتبع الى هيئة مياه الولاية تكون له القدرة والاهلية والكادر القادر
على توفير المعلومات لمجلس وزراء الولاية لاتخاذ القرار الذى يحافظ على الصحة العامة لمواطنى الولاية



Post: #8
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 22-07-2011, 08:59 PM
Parent: #7



الاخ الوالـــى ( الله فـي )
وسألك
وسأئل مدير المياه
وسائل ناس المياه




Elhadi شكراً على ايراد الصورة

Post: #6
Title: Re: شب وكلور بـس يا د. عبد الرحمن الخضــر والى ولاية الخرطوم
Author: محمد إبراهيم علي
Date: 22-07-2011, 08:51 PM
Parent: #1

Quote: بدر الدين اسحاق احمد احد الذين صوتو لبرنامج د. عبد الرحمن الخضر الانتخابــى


اخوكم خالد جردل شوفو ليهو استراحة محارب
او اقول ليك الزول ده بينفع في هيئة مكافحة الفيضانات لانو ايدو ناشفة
وبعد ما ينشفا نكلم ليهو حيدر حنين يشوف ليهو شغلة في اليابان عشان مكافحة التسونامي



ـــــــــــــــــ
خارج الموضوع :
ناسكم ليه بتنصتو على مكالمات الحاج ادم مافي ثقة ولا شنو والزول ده اكيد حلفتوهو مصحف
جهاز الامن يتنصت على مكالمات د.الحاج ادم

Post: #9
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 22-07-2011, 09:05 PM
Parent: #6

البرنامج الانتخابى لوالى ولاية الخرطوم عن حزب المؤتمر الوطنى ..برنامج طموح يلبى كثير من تطلعات واحتياجات اهل ولاية الخرطوم
فقبل اقل من عام تم افتتاح محطة مياه الفتح بمدينة الفتح بمحلية كررى كاكبر محطة مياه شرب فى افريقيا
لماذا الاخ الوالى يتم اجهاض هذا الكسب الكبير بإخفاقات ادارية فى التقدير والتحسب من مهندسى هيئة مياه الخرطوم

Post: #10
Title: Re: شب وكلور بـس يا د. عبد الرحمن الخضــر والى ولاية الخرطوم
Author: esam gabralla
Date: 22-07-2011, 09:21 PM
Parent: #9

الرد الرد ... كلور و شب

خالد جردل اتمرن على السرقه و اللحس من زمن الاتحاد العام للطلاب السودانيين
الطين الفي المواسير هين , طين الأمخاخ ده حلو شنو/B]

Post: #11
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 22-07-2011, 09:25 PM
Parent: #10

ومما يحزننــى ان يكون على رأس هيئة المياه فى ولاية الخرطوم
الاخ الاكبر المهندس ابن الشعبية خالد حسن ابراهيم

Post: #12
Title: Re: شب وكلور بـس يا د. عبد الرحمن الخضــر والى ولاية الخرطوم
Author: محمد على حسن
Date: 22-07-2011, 09:38 PM
Parent: #11

Quote: والزول ده اكيد حلفتوهو مصحف
ما كلهم حالفين مصحف
حلاوة السلطة والثروة فوق المصحف
بل للدنيا قد عملنا نعم للسلطة والف نعم للجاه

Post: #13
Title: Re: شب وكلور بـس يا د. عبد الرحمن الخضــر والى ولاية الخرطوم
Author: خالد العبيد
Date: 22-07-2011, 09:43 PM
Parent: #11

خالد جردل اتمرن على السرقه و اللحس من زمن الاتحاد العام للطلاب السودانيين
الطين الفي المواسير هين , طين الأمخاخ ده حلو شنو

Post: #14
Title: Re: شب وكلور بـس يا د. عبد الرحمن الخضــر والى ولاية الخرطوم
Author: Al-Shaygi
Date: 23-07-2011, 03:10 AM
Parent: #11


Quote:
ومما يحزننــى ان يكون على رأس هيئة المياه فى ولاية الخرطوم
الاخ الاكبر المهندس ابن الشعبية خالد حسن ابراهيم

مشروع كبش فداء ولا أيه؟؟

طبعاً كباشكم لا تذبح وإنما تنقل لحظائر أكبر وأكثر علفاً وأطيب نعاجاً


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Post: #15
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 23-07-2011, 07:36 AM
Parent: #14

Quote: خالد جردل اتمرن على السرقه و اللحس من زمن الاتحاد العام للطلاب السودانيين


اها كمان جابت ليها تطاول وافتراء وقلة ادب كمان يا خالد العبيد

Post: #16
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 23-07-2011, 07:39 AM
Parent: #15

Quote: مشروع كبش فداء ولا أيه؟؟



المحاسبة وتصحيح المسار احدى مطلوبات العمل العام ..
ولا الرأى شنو ؟


Post: #22
Title: Re: شب وكلور بـس يا د. عبد الرحمن الخضــر والى ولاية الخرطوم
Author: Al-Shaygi
Date: 23-07-2011, 12:21 PM
Parent: #16


Quote:
المحاسبة وتصحيح المسار


وجع الضمير ده من متين يا ربي؟؟

أكيد حالة مرضية عايزة ليها شفخانة...


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Post: #17
Title: Re: شب وكلور بـس يا د. عبد الرحمن الخضــر والى ولاية الخرطوم
Author: سيف اليزل الماحي
Date: 23-07-2011, 07:49 AM
Parent: #14

.


هو عليك الله عبد الرحمن خضر شنو يكون والي على الخرطوم! لو ما محن الزمان!
ياخي الخرطوم عندها أهلها .. وده كلو وضع عارض ..
ستعود الخرطوم يوما كما كانت .. أخي بدر الدين فلا تحزن

.

Post: #18
Title: Re: شب وكلور بـس يا د. عبد الرحمن الخضــر والى ولاية الخرطوم
Author: Alshafea Ibrahim
Date: 23-07-2011, 09:33 AM
Parent: #17

تحياتي يابدر
تحدثنا عن الوالي وعن برنامجه الانتخابي ، وكأنه أوفى بما وعد وأخفق فقط في توفير ماء الشرب النقي الصحي الصالح للاستعمال البشري ، وكل شيوخ وهوامير وتماسيح اللا وطني وعدوا الشعب المسكين (باستمرار وإستكمال التنمية ) والآن يعيش هذا الشعب ويجني ثمار التنمية الموعودة ،
قبل المغادرة :
لو كان الهواء مثل الماء لتعذر على الكثيرين العيش ، لكن الحمد لله وحده على نعمة الهواء الطالع ونازل ....
الشفيع

Post: #19
Title: Re: شب وكلور بـس يا د. عبد الرحمن الخضــر والى ولاية الخرطوم
Author: حمد عبد الغفار عمر
Date: 23-07-2011, 09:49 AM
Parent: #18

صورة المواسير الفوق دي حقيقية يا بدر الدين؟


ياهو شكل الموية؟

فكرت أرسل فلتر ماء

لكن بشكل الموية دي ما بشتغل
دا خبوب ما موية

لا حول ولا قوة إلا بالله

كدا السودان كلو ح يجيهو فشل كلوي



Post: #20
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 23-07-2011, 11:45 AM
Parent: #19

Quote: كدا السودان كلو ح يجيهو فشل كلوي


والله يا حمد بالامس ليلاً كنت مع دكتور فى علم الكيمياء
ذكر نفس ملاحظتك وقال ان الامر يتعدى امر مياه عكرة الى تهديد للسلامة المجتمعية لانسان ولاية الخرطوم
الفشل الكلوى اول الامراض المتوقعة من جراء شرب هذه المياه ..

Post: #21
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 23-07-2011, 12:06 PM
Parent: #20

Quote: ياخي الخرطوم عندها أهلها .. وده كلو وضع عارض ..



اراك تستبطن جهوية مــا فى الشأن العام
حق الترشح مكفول لكل اهل السودان
ومن قبل نال ابن الخرطوم بدر الدين طه احمد شرف قيادة الولاية الرائدة فى السودان


كرم الله العوض
ثم من ؟
سؤال ..
من من رؤساء الاحزاب ينتمى للخرطوم كيانا اجتماعياً ؟

Post: #23
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 23-07-2011, 12:35 PM
Parent: #21

Quote: (باستمرار وإستكمال التنمية )


دا السقف الذى الزمنا انفسنا بـه امام الناخبين
واليه نتحاكم
واليه ننسب نجاحنا وفشلنا
فما هو سقف الطموحات الذى قدمتموهو للجماهير
لا شى سوى شعارات براقة لا تطفئ ظمأ عطشان
ولا تشبع كبد جائع

Post: #24
Title: Re: شب وكلور بـس يا د. عبد الرحمن الخضــر والى ولاية الخرطوم
Author: محمد على حسن
Date: 23-07-2011, 12:42 PM
Parent: #23

Quote: اراك تستبطن جهوية مــا فى الشأن العام
الجهوية انتو ناسها واسال محمد الامين خليفة والسنوسي وخليل وغيرهم في تنظيمك
مثلث حمدى ماركة مسجلة باسم المؤتمر الوطني

Post: #25
Title: Re: شب وكلور بـس يا د. عبد الرحمن الخضــر والى ولاية الخرطوم
Author: سيف اليزل الماحي
Date: 23-07-2011, 12:46 PM
Parent: #21

.


Quote: اراك تستبطن جهوية مــا فى الشأن العام
حق الترشح مكفول لكل اهل السودان



أنا لا أستبطن ولا حاجة ..
لكن أقول بالواضح أخي بدر
فكل الذين توافدوا الى الخرطوم ليلا .. وفيهم من قال أنهم أتوا لتأديب ناس الخرطوم!!
لن يقدموا شيئا للخرطوم ولا لأهلها .. لأن فاقد الشئ لا يعطيه
نعم ..
يظفروا بالمال والبيوت والسلطان لكن صدقني مهما فعلوا لن يكون أصيلا .. لن يكون أصيلا
سيبقى على لمعة الذهب المغشوش
هذه حقيقة ..
طال الزمن أو قصر ..
حا يدوك غبشة رجليهم
لأنهم بعجزوا ان يحملوا معهم الابيض أو الازرق عند الملتقى

أنا لا أستبطن
ستبقى الخرطوم لأهلها .. لثقافتها ولو كره الغزاة


.

Post: #26
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 23-07-2011, 07:20 PM
Parent: #25

Quote: أنا لا أستبطن
ستبقى الخرطوم لأهلها .. لثقافتها ولو كره الغزاة


رحمك الله فمن هم اهلهــا ؟
وما هى ثقافتها ؟
ومنهم الغزاة ؟

Post: #31
Title: Re: شب وكلور بـس يا د. عبد الرحمن الخضــر والى ولاية الخرطوم
Author: حاتم كاهن
Date: 24-07-2011, 07:09 AM
Parent: #11

بدرالدين
Quote: ومما يحزننــى ان يكون على رأس هيئة المياه فى ولاية الخرطوم
الاخ الاكبر المهندس ابن الشعبية خالد حسن ابراهيم


أترى أيحزن أيضاً هو على قدر حزنك ؟

Post: #27
Title: Re: شب وكلور بـس يا د. عبد الرحمن الخضــر والى ولاية الخرطوم
Author: عمر محمد ابراهيم
Date: 23-07-2011, 07:33 PM
Parent: #1

ونيم يا اخ بدر
النيم برضو مهم للهضم
تحياتي

Post: #28
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 23-07-2011, 08:34 PM
Parent: #27

Quote: النيم برضو مهم للهضم



اها يا اخ عمر الا تعتقد ان مدادك يستحق اكثر منان تدلقـه هكذا ( ساكت فى البحر * )







* ساكت فى البحر بتاتى فى سياق لا فائدة يرجى منه فى تغيير لون او طعم ماء البحر




تحياتى كمان

Post: #29
Title: Re: شب وكلور بـس يا د. عبد الرحمن الخضــر والى ولاية الخرطوم
Author: أمير فتحي
Date: 24-07-2011, 06:26 AM
Parent: #28

Quote: أنا لا أستبطن
ستبقى الخرطوم لأهلها .. لثقافتها ولو كره الغزاة


الأخ أسس الخرطوم مع الأتراك الظاهر........

ورينا الخرطوم قفلوها لي ناس معينين من سنة كم عشان نشوف أنحنا في ياتو سايد ؟

Post: #30
Title: Re: شب وكلور بـس يا د. عبد الرحمن الخضــر والى ولاية الخرطوم
Author: عمر محمد ابراهيم
Date: 24-07-2011, 07:04 AM
Parent: #29

Quote: اها يا اخ عمر الا تعتقد ان مدادك يستحق اكثر منان تدلقـه هكذا ( ساكت فى البحر * )







* ساكت فى البحر بتاتى فى سياق لا فائدة يرجى منه فى تغيير لون او طعم ماء البحر

والله يااخي بدر مع احترامي لكل ما تكتب لكن
اظنه يذهب للبحر ايضا (سااااكت )
تابعت كل رسائلك من قبل لوالي الخرطوم
ايام اغتصاب صفية
ورسائل اخري اذكرها
ولكن : مش مشت ساااكت للبحر ولا جابت حقها؟؟؟
مع احترامي الأكيد لما تكتب ولكن اتمني ان تهيئ اذن تسمع اولا اذ : لاحياة لمن تنادي
عشان كدي قلنا مع الشب والكلور شوفو لينا نيم برضو
تحياتي

Post: #32
Title: Re: شب وكلور بـس يا د. عبد الرحمن الخضــر والى ولاية الخرطوم
Author: خالد عبد الله محمود
Date: 24-07-2011, 07:18 AM
Parent: #29



Quote: لا شى سوى شعارات براقة لا تطفئ ظمأ عطشان

بدر الدين يا عمكـ
و الله مفروض سيرة ( الظمأ ) دي تعمل منها رايح اليومين ديل ؟؟

Post: #33
Title: Re: شب وكلور بـس يا د. عبد الرحمن الخضــر والى ولاية الخرطوم
Author: سيف اليزل الماحي
Date: 24-07-2011, 07:27 AM
Parent: #29

.


Quote: ورينا الخرطوم قفلوها لي ناس معينين من سنة كم عشان نشوف أنحنا في ياتو سايد ؟


الأخ المحترم أمير ... سلام
شوف وفودكم للخرطوم كان سنة كم عشان تعرف إنت في ياتو سايد!

الأتراك بالمناسبة خرطوميون بأكثر من الذين تراهم الآن يزحمون فرندات السوق العربي، يضرسون نهاراتها، ويجلفون مساءآتها
يلعقون الببسي بصوت جهير، يطالعون اللعنة في صحف كرة القدم، ويمتطون السيارات الكورية المكيفة بدحاشه تخرج من نوافذها ..الخ

ذلك أو كما قيل: التركي ولا المتورك!

.

Post: #34
Title: Re: شب وكلور بـس يا د. عبد الرحمن الخضــر والى ولاية الخرطوم
Author: علاء الدين صلاح محمد
Date: 24-07-2011, 08:11 AM
Parent: #33

Quote: ورينا الخرطوم قفلوها لي ناس معينين من سنة كم عشان نشوف أنحنا في ياتو سايد ؟
الخرطوم ما للاثرياء الجدد او الكيزان الجابوهم من الواق الواق عشان يأمنو انقلابهم وتنظيمهم
معليش الاجابة دي مني انا واجابة مخصصة للمجاهد معاش امير الدنقلاوي بتاع القولد الكان مغترب
وفنش اغترابوا ليستلم وظيفتو الكيزانية في الخرطوم وسمعنا الراجل مرتاح ودخلو فوق وسبب الترف الفيهو ( كوز )
يعنى ما مؤهلات ولامتطلبات وظيفة
ما حسد يا امير ولا شك في مؤهلات
بس دي الحقيقة في سودان انقلاب البشير الترابي
وانت جست اكسابل
ولانك قريب اخدتك كعينة وما تزعل
فهمتي يا كوز

Post: #35
Title: Re: شب وكلور بـس يا د. عبد الرحمن الخضــر والى ولاية الخرطوم
Author: Alshafea Ibrahim
Date: 24-07-2011, 02:02 PM
Parent: #34

))))))))))))))فما هو سقف الطموحات الذى قدمتموهو للجماهير
لا شى سوى شعارات براقة لا تطفئ ظمأ عطشان
ولا تشبع كبد جائع )))))))))))))))))))

عجيب أيها المجاهد ... وكأنكم أشبعتم الجياع وذهب عطشهم ؟؟؟ يازول شوال العيش من 65 ج إلي 115 ج الآن بسوق مدني ، المخزون الاستراتيجي من الذرة والقمح صفر كبير ، متى تستحون ؟؟؟ أرحموا أنفسكم ... المواطن ثقته فيكم تجاوزت الصفر سالب ...
الكيزان شعب لا يعرف الحياء
الشفيع

Post: #36
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 24-07-2011, 07:11 PM
Parent: #35

Quote: المواطن ثقته فيكم تجاوزت الصفر سالب ..



اذن ايها الشيوعى الهمام فقد تكاملت وتوفرت الشروط الموضوعية للثورة
موعدنا معكم الشارع لقيادة الشعب السودانى ..

Post: #37
Title: Re: شب وكلور بـس يا د. عبد الرحمن الخضــر والى ولاية الخرطوم
Author: Alshafea Ibrahim
Date: 25-07-2011, 06:27 AM
Parent: #36

وماذا أعددت للشارع والشعب أيها الكوز المجاهد ... (اذن ايها الشيوعى الهمام فقد تكاملت وتوفرت الشروط الموضوعية للثورة
موعدنا معكم الشارع لقيادة الشعب السودانى .. ) أي قيادة وأي شعب تتحدث ... شعب عايش نكد في نكد حتى ماء الشرب معدوم ... وانتم مع استثماراتكم وعمرتكم وحجكم الفاخر المجاني - حتما الثورة آتية وأنت بأم عينك تراها تكبر يوم بعد يوم وأسباب قيامها تزيد كل ساعة - كم أتمنى أن أكون شيوعيا ...
الشفيع ابراهيم

Post: #38
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 25-07-2011, 12:03 PM
Parent: #37

Quote: كم أتمنى أن أكون شيوعيا ...


اسف جداً الشفيع اخوى
لك كل العتبى حتى ترضى
سهوت وغفوت فى اشكال اسمكم الكريم واسم الاخ الكريم ( كنت اقصد ابراهيم النعمة وليس شخصكم الكريم )



___________

بعدين الشيوعيين مالم انا قلت عليهم حاجه حســـى ( غير ان قطار التغيير قد سبقهم بكم الف ماخ * )


* ماخ وحدة قياس بيقولها الشيوعى القح احمد طراوة

Post: #39
Title: Re: شب وكلور بـس يا د. عبد الرحمن الخضــر والى ولاية الخرطوم
Author: بدر الدين اسحاق احمد
Date: 25-07-2011, 07:56 PM
Parent: #38

Quote: أعلن د.عبدالرحمن الخضر والي الخرطوم عن قبول إستقالة المهندس خالد حسن

إبراهيم مدير هيئة مياه ولاية الخرطوم وصدور قرار باعفائه من منصبه

كمدير لهيئة مياه ولاية الخرطوم.

وكان المهندس خالد قد طلب عدم تجديد تعاقده الذى إنتهي نهار اليوم

وتقدم باستقالته ..



السيد عبد الرحمن الخضر ...
قبول استقالة المهندس خالد حسن ليـس هى الحل لمشاكل المياه فى الولاية
تم قبول الاستقالة ثم هل تدفقت المياه عبر المواسير
لا اعتقد ذلك
ولن تتدفق خلال يوم او يومين فهى مشاكل حقيقية تواجه قطاع المياه
تحتاج الى خبرات وقرارات وميزانيات ومعلومات يجب ان تملك الى المواطنين
دون اخفاء شى
اذا ليس فى استطاعة الولاية حل مشاكل المياه فى سنة فليعلم كل مواطن فى ولاية
الخرطوم ذلك ..

Quote:

الجدير بالذكر أن اللجنة التى كونها الوالي لدراسة أسباب الأزمة الأخيرة

والأزمات السابقة للمياه لا زالت مستمرة فى أعمالها لتتوصل الى

حلول بناء تضمن عدم تكرار الأزمات ومن المتوقع أن يصدر

والي الخرطوم عقب إستلامه توصيات اللجنة قرارات هامة

تضمن إنتظام إمدادات المياه بالولاية.


عمل مقدر ان نسعى لمعالجة قضايانا ومشاكلنا بروح البحث العلمى
وكوين اللجنة يجب ان يكون معلوم لكل مهتم بالشأن العام ليعلم الكل
جدية واهتمام الولاية باختيارها للخبراء واهل العلم والمعرفة بمشاكل هذا القطاع



____________________

الاخ الاكبر المهندس خالد حسن ابراهيم ... اعانكم الله فى حياتك العامة والخاصــة
نسأل الله ان يقبل جهدكم وصدقكم وبذلكم ..
لكن هذه هى ضرورات العمل العام