Post: #1
Title: زعل رئيس التحرير الهندى عز الدين ( اذا عرف السبب بطل العجب)
Author: بدر الدين اسحاق احمد
Date: 07-24-2011, 08:09 PM
Parent: #0
صب الهندى عز الدين جام غضبه هنا على أ. على عثمان وعلى كرتى وطالب بازاحة كل من فى السلة جملة واحدة
مقال ساخن للهندى عزالدين يطالب بتنحى كرتى و على عثمان
حين البحث عن حيثيات لهذا التطور غير المنتظم فى رؤى الهندى عز الدين يتفاجـئ الانسان حين يعلم ان السبب
ابسط ما يكون :
| Quote: علم شارع الصحافة أن الأستاذ علي عثمان سيصحب في زيارته لمصر وفداً إعلامياً كبيراً.. ستة من رؤساء التحرير سيكونون في رفقة النائب.. من بين الستة الأساتذة عثمان ميرغني، عادل الباز، أحمد البلال وضياء بلال. بجانب ممثلين لأجهزة الإذاعة والتلفزيون. |
ما تزعل يا الهندى اهو الزيارة وطرشقت ...
ابحث عن تجميع البيض الفاســـد المتساقط من سلتك
رئيس تحرير ترضيهو سفرية وتزعلو سفرية ...
|
Post: #2
Title: Re: زعل رئيس التحرير الهندى عز الدين ( اذا عرف السبب بطل العجب)
Author: بدر الدين اسحاق احمد
Date: 07-24-2011, 08:20 PM
Parent: #1
انت عارف يا الهندى ...
تكنوقراطك ديل الا تشغلهم معاك فى جريدة الاهرام وما خلفها
|
Post: #3
Title: Re: زعل رئيس التحرير الهندى عز الدين ( اذا عرف السبب بطل العجب)
Author: ibrahim alnimma
Date: 07-24-2011, 08:32 PM
Parent: #2
هو زي السبب ده بزعل الانسان الذي شعاره ان خدمته ليست للسلطة ولا للجاه؟؟؟؟؟؟ أم هي عبارات للاستهلاك والدعاية السياسيان؟؟؟؟؟؟؟ ما اكنت احسب ان رجل تاسست عقيدته السياسية علي انه في كل حياته يمارس السياسية تقرباً لله ويمارس الصحافة تقرباُ لله ويمارس السلطة تقرباً لله يمكن ان تثير حفيظته بان السيد علي عثمان لن يأخذه معه في رحلة الشتاء والصيف دي؟؟؟؟؟؟ علي كل حال انت نحترم جداً عصف ذهنك ده ومعرفة السبب وراء كل هذا الغضب الهنداوي ......... معليش ياخي دي كان علي الاقل بتتدخل ليه كثير بدل تسوق ،بدل سفر ، وبدلات اخري انت ادرى بشعابها
|
Post: #4
Title: Re: زعل رئيس التحرير الهندى عز الدين ( اذا عرف السبب بطل العجب)
Author: بدر الدين اسحاق احمد
Date: 07-24-2011, 08:46 PM
Parent: #3
| Quote: معليش ياخي دي كان علي الاقل بتتدخل ليه كثير بدل تسوق ،بدل سفر ، وبدلات اخري انت ادرى بشعابها |
لا لا ايها الفلاح الاشتراكــى
فهذا الهندى من اصحاب الاموال ولا يبغى زيادة من هذا الباب
الشغل Markiting فى الاهرامات وما حولهــا واللبيب بالاشارة يمكن ان ( يتلمس بصيص ضوء )
|
Post: #7
Title: Re: زعل رئيس التحرير الهندى عز الدين ( اذا عرف السبب بطل العجب)
Author: معاوية عبيد الصائم
Date: 07-24-2011, 08:54 PM
Parent: #4
Quote: فهذا الهندى من اصحاب الاموال ولا يبغى زيادة من هذا الباب
[/QUOTE
شيخ بدر ده الهندى بتاع موضوعك بتاع عماد عدوى
ولا هندى من كشمير الصديقة....
ابراهيم يا نعمة ...سلامات
ونسلم على صاحب فطعة الخوجلاب ...ام مطرتن بره
ود موسى سلام....اها حصل شنو فى بيت عوض الجاز
ياخ حاول اتفق مع ود ابراهيم ممكن نخسرك انت ..انتفاضة
لا.... نهى نهى ..نهى.
معاوية الحبشى
|
Post: #8
Title: Re: زعل رئيس التحرير الهندى عز الدين ( اذا عرف السبب بطل العجب)
Author: محمد على حسن
Date: 07-24-2011, 08:55 PM
Parent: #4
Quote: هو زي السبب ده بزعل الانسان الذي شعاره ان خدمته ليست للسلطة ولا للجاه؟؟؟؟؟؟ أم هي عبارات للاستهلاك والدعاية السياسيان؟؟؟؟؟؟؟ ما اكنت احسب ان رجل تاسست عقيدته السياسية
علي انه في كل حياته يمارس السياسية تقرباً لله ويمارس الصحافة تقرباُ لله ويمارس السلطة تقرباً لله يمكن ان تثير حفيظته بان السيد علي عثمان لن يأخذه معه في رحلة الشتاء والصيف دي؟؟؟؟؟؟ |
الهندي ما براهو - كلهم كدة
المصالح الضيقة هي التي تحدد موقف هولاء وتقودهم
من أين جاء هؤلاء الناس ؟ بل - مَن هؤلاء الناس ؟
الله يرحمك يا الطيب يا ابن صالح
|
Post: #5
Title: Re: زعل رئيس التحرير الهندى عز الدين ( اذا عرف السبب بطل العجب)
Author: Ahmed musa
Date: 07-24-2011, 08:47 PM
Parent: #3
والله ده سبب ما كان بتشاف بالعين المجردة ياسعادتك
100%
|
Post: #6
Title: Re: زعل رئيس التحرير الهندى عز الدين ( اذا عرف السبب بطل العجب)
Author: بدر الدين اسحاق احمد
Date: 07-24-2011, 08:53 PM
Parent: #5
| Quote: والله ده سبب ما كان بتشاف بالعين المجردة ياسعادتك |
|
Post: #10
Title: Re: زعل رئيس التحرير الهندى عز الدين ( اذا عرف السبب بطل العجب)
Author: ibrahim alnimma
Date: 07-24-2011, 09:01 PM
Parent: #6
مرحباً ايها الاسلامي الطفيلي:قولك: | Quote: فهذا الهندى من اصحاب الاموال ولا يبغى زيادة من هذا الباب |
يفترض في القاري بساطة كتابه، إذ منذ متي ياشيخ بدرالدين ان توقف راسمالي عن زيادة دخله بحجة انه صاحب أموال ولا يبغي زيادة؟ والله شفنا عندكم حد للشبع وحد للزيادة راس المال! اما قولك هذا : | Quote: الشغل Markiting فى الاهرامات وما حولهــا واللبيب بالاشارة يمكن ان ( يتلمس بصيص ضوء ) |
فهو عين التناقض لما قلته في الفقرة الاولي........markiting هذه تعني النزهة ولا ايه؟ بعدين يابدرالدين انت مارديت عن بقية الكلام، والذي سوف اسوقه لك بعبارات اكثر صراحة! هل الاسلامي مثل الهندي الذي تربي في كنف حزب علمه بان كل عمله وحله وترحاله هو في سبيل الله ، لماذا يزعل لان علي عثمان حرمه من هذه الرحلة؟
|
Post: #9
Title: Re: زعل رئيس التحرير الهندى عز الدين ( اذا عرف السبب بطل العجب)
Author: عوض محمد احمد
Date: 07-24-2011, 08:58 PM
Parent: #5
كلامك دا ما بدخل العقل ولا بنتلة
فالسفر مع الكبار لا يمكن ان يشمل جميع رؤساء التحرير و هم بالعشرات
و الهندى نفسه كثيرا ما سافر مع الكبار ولا يمكن تزعلو سفرة و كمان لمصر (العفنة) دى
و هو سافر قبل ايام مع البشير الى الصين و معروف ان هناك عرف فى رئاسة الجمهورية باتاحة الفرصة لاكبر عدد من الصحفيين و عدم حصر السفر فى اسماء معينة
غايتو كلامك دا بنقبلو كاجتهاد, لكن كحقيقة فاسمح لينا
|
Post: #11
Title: Re: زعل رئيس التحرير الهندى عز الدين ( اذا عرف السبب بطل العجب)
Author: بدر الدين اسحاق احمد
Date: 07-24-2011, 09:04 PM
Parent: #9
Quote: شيخ بدر ده الهندى بتاع موضوعك بتاع عماد عدوى
ولا هندى من كشمير الصديقة.... |
هو ذات نفسو بـس قايلنا نحن الهنود من كشمير الصديقة
معاوية ازيك ( عايز ليك حصة من وليد الشفت فى الاقتباس )
|
Post: #12
Title: Re: زعل رئيس التحرير الهندى عز الدين ( اذا عرف السبب بطل العجب)
Author: بدر الدين اسحاق احمد
Date: 07-24-2011, 09:18 PM
Parent: #11
Quote: فالسفر مع الكبار لا يمكن ان يشمل جميع رؤساء التحرير و هم بالعشرات
و الهندى نفسه كثيرا ما سافر مع الكبار ولا يمكن تزعلو سفرة و كمان لمصر (العفنة) دى
و هو سافر قبل ايام مع البشير الى الصين و معروف ان هناك عرف فى رئاسة الجمهورية باتاحة الفرصة لاكبر عدد من الصحفيين و عدم حصر السفر فى اسماء معينة
غايتو كلامك دا بنقبلو كاجتهاد, لكن كحقيقة فاسمح لينا |
رئاسة الجمهورية لها تراتيب ادارية فى مشاركة رؤساء تحرير الصحف مع السيد الرئيس والنائب
وفى كثير من تراتيبها تكون ( بالدور )
الدور هذه المرة لم يكن على الهندى عز الدين
فى ظل حرص الهندى على ان يكون عراب هذه الرحلة من اهل الصحافة
برامج / لقاءات / ندوات / جلسات / اخرى فى الشقيقة مصر
مع المقدرة المالية العالية للهندى لزيارة مصر متى ما اراد
الا ان مصر ( عفنة ) فى نظر كثيرون الا الهندى عز الدين فى هذه السفرية وهذه الفترة
برضو دا يمكن يكون عصف ذهنى كما تفضلت علا مدعم ببصيص ضوء
عوض ما تحت الخط لا تسألنى عنــه
________
حليلك يا بيجــو ...
|
Post: #13
Title: Re: زعل رئيس التحرير الهندى عز الدين ( اذا عرف السبب بطل العجب)
Author: Ahmed musa
Date: 07-24-2011, 09:27 PM
Parent: #12
الغريبة الهندي ده قريب كتب كلام عن على عثمان قال يا علي يا تغرق !!!
زول يجيب لينا المقالة بتاعته
بعدين يا عوض علاقة الهندي بعلي عثمان اقوى كتير من المسافرين ديل
ويقال انه كان في المكتب الصحفي للشيخ فده بخليه معتقد انه لازم يسافر
خاصة وان الهندي تجاوز في الاونة الاخيرة قصة صحفي الي منظر ومفكر للحزب
وسفره مع الرئيس عمل ليه تضخم في الذات المتضخمة بالاساس
لحد دخوله في تحدي سافر مع د.نافع
ولم يتحسب لما تحت ارجله حينها
ولن ..!!!
|
Post: #14
Title: Re: زعل رئيس التحرير الهندى عز الدين ( اذا عرف السبب بطل العجب)
Author: Ahmed musa
Date: 07-24-2011, 09:32 PM
{ «الترابي» في القاهرة.. و«علي عثمان» في طريقه إليها..!! في رأيي أن «شيخ علي» لم يختر التوقيت المناسب للزيارة.. أولاً لأنَّ هناك حكومة مصرية جديدة تضم (18) وزيراً (جديد لنج) أدوا القسم أمس، من بينهم وزير للخارجية.. فكيف ستجتمع اللجنة العليا المشتركة بوزراء لم يتعرفوا بعد على (ملفات) العمل المشترك مع السودان.. وزراء لم يدخلوا مكاتبهم بعد.. ولم تكتمل بعد إجراءات (تسليمهم وتسلمهم)..؟!
ثانياً: «شيخ حسن» سيسرق أضواء القاهرة.. لا محالة.. سيملأ الساحات السياسية والإعلاميّة.. وسيبدأ من (ميدان التحرير) الذي لا أظن أن نائب الرئيس مستعد لزيارته..!
التغطية الإعلامية في الإعلام المصري ستكون موجَّهة - شاءت أم لم تشأ - ناحية زعيم الإسلاميين الأشهر المثير للجدل.
من يفكر لهذه الدولة؟.. اتفاقيَّاتها (مضروبة).. مفاوضاتها (مثقوبة).. ورحلاتها (معطوبة)..!!
http://www.alahramsd.com/ah_news/22400.html
|
Post: #15
Title: Re: زعل رئيس التحرير الهندى عز الدين ( اذا عرف السبب بطل العجب)
Author: ibrahim alnimma
Date: 07-24-2011, 09:37 PM
لم يشذ الهندي عزالدين عن الشخصية الكيزانية في تضخم ذاته والمبالغة في ذلك، فهم دائماً مايعتقدون بانهم بداية للتاريخ وصناع الحق المطلق وانهم لا يقلون طهراُ عن الملائكة ،لذلك تجد الكوز عندما يسالمك فهو الذي يمتلك زمام المبادة ويبدأ في طرح الاسئلة علي شالكة كيف
حالك؟ كيف ابوك ؟ كيف ...........كيف ويترك لك فرصة الايجابة!
فالهندي كان يعتقد نفسه اولي بان يكون علي قمة المدعوين بل ربما يطمع بان يؤكل له مهمة اختيار الطاقم كله......انها نرجسية وتعالي من هم يمارسون العمل السياسي والصحفي والاعلامي ابتغاة لمرضاة الله...........بل هم يركلون الجاه والسلطة تحت ارجلهم!!!!!!!!!
ــــــــــــــــــــــ
جاء بدرالدين يكحلها شلخها
|
Post: #16
Title: Re: زعل رئيس التحرير الهندى عز الدين ( اذا عرف السبب بطل العجب)
Author: بدر الدين اسحاق احمد
Date: 07-24-2011, 09:44 PM
Parent: #15
او لعل الهندى عز الدين اراد ان يرث بعض من صحفيي الزمن الغابر الذين يحتكرون بالونات الاختبار فى العلاقات السودانية المصرية
لســه بدرى عليك المقام ...
|
Post: #17
Title: Re: زعل رئيس التحرير الهندى عز الدين ( اذا عرف السبب بطل العجب)
Author: بدر الدين اسحاق احمد
Date: 07-24-2011, 09:47 PM
Parent: #16
ثم كيف يدرج الهندى عز الدين فى قائمة رؤساء التحرير للصحف السياسية اليوميــة
وهو ليــس بحاصل على بطاقة القيد الصحفى الا من خلال الصيغة التى تتيح له ممارسة المهنة
شهادة قيد بالانتساب لمهنة الصحافة .
تجاوزاً من اتحاد الصحفيين تم قبول رئاسته لتحرير صحيفة الاهرام
|
Post: #18
Title: Re: زعل رئيس التحرير الهندى عز الدين ( اذا عرف السبب بطل العجب)
Author: بدر الدين اسحاق احمد
Date: 07-24-2011, 09:52 PM
Parent: #17
ام لازال جرح اتحاد الصحفيين لا زال ينزف عند الهندى عز الدين
حين رشحته بعض الواجهات الاعلامية فى المؤتمر الوطنى ليكون من ضمن
قائمة الصحفيين الوطنيين ..
وتم ابلاغ الهندى بذلك ( فعرض ونقز وبشر )
ثم تكشف لهولاء النفر ان الهندى عز الدين لم يملك شهادة قيد صحفى بالاصالة
مما يمكنه من الترشح والتصويت
فهو يملك شهادة قيد بالانتساب لا تتيح لـه الترشح ولا التصويت
فهل لا زال الهندى يلعق طعم علقم تلك الايام ,,,
|
Post: #19
Title: Re: زعل رئيس التحرير الهندى عز الدين ( اذا عرف السبب بطل العجب)
Author: فدياس نجم الدين
Date: 07-24-2011, 09:55 PM
Parent: #17
Quote: هو ليــس بحاصل على بطاقة القيد الصحفى الا من خلال الصيغة التى تتيح له ممارسة المهنة
شهادة قيد بالانتساب لمهنة الصحافة .
تجاوزاً من اتحاد الصحفيين تم قبول رئاسته لتحرير صحيفة الاهرام
|
غايتو يا شيخ بدر الدين
الزول لمن تقبلوا عليهو تطلعوه خريج إبتدائي
|
Post: #20
Title: Re: زعل رئيس التحرير الهندى عز الدين ( اذا عرف السبب بطل العجب)
Author: بدر الدين اسحاق احمد
Date: 07-24-2011, 10:03 PM
Parent: #19
ام لازال اثار عراك الدائرة الانتخابية بتاعت اخونا وليد الشفت فى الذاكرة
تأبى وترفض ان تعود الى قعر الذاكرة
يا ترى اعتاب على شيخ على عثمان لعدم مقدرته على افساح الدائرة للاستاذ الصحفى الهندى عز الدين ليكون الصحفى الاوحد
فى المجلس الوطنى الذى يفوز عبر دائرة انتخابية جغرافية
|
Post: #21
Title: Re: زعل رئيس التحرير الهندى عز الدين ( اذا عرف السبب بطل العجب)
Author: بدر الدين اسحاق احمد
Date: 07-24-2011, 10:06 PM
Parent: #19
النعمة اخوى ..
الــMarkting ..
تسويق لسلعة اهرامات مروى والمصورات هناك عند هرم خوفو
وتحت سطوة ابو الهول ...
|
Post: #22
Title: Re: زعل رئيس التحرير الهندى عز الدين ( اذا عرف السبب بطل العجب)
Author: بدر الدين اسحاق احمد
Date: 07-24-2011, 10:10 PM
Parent: #21
Quote: { «الترابي» في القاهرة.. و«علي عثمان» في طريقه إليها..!! في رأيي أن «شيخ علي» لم يختر التوقيت المناسب للزيارة.. أولاً لأنَّ هناك حكومة مصرية جديدة تضم (18) وزيراً (جديد لنج) أدوا القسم أمس، من بينهم وزير للخارجية.. فكيف ستجتمع اللجنة العليا المشتركة بوزراء لم يتعرفوا بعد على (ملفات) العمل المشترك مع السودان.. وزراء لم يدخلوا مكاتبهم بعد.. ولم تكتمل بعد إجراءات (تسليمهم وتسلمهم)..؟!
ثانياً: «شيخ حسن» سيسرق أضواء القاهرة.. لا محالة.. سيملأ الساحات السياسية والإعلاميّة.. وسيبدأ من (ميدان التحرير) الذي لا أظن أن نائب الرئيس مستعد لزيارته..!
التغطية الإعلامية في الإعلام المصري ستكون موجَّهة - شاءت أم لم تشأ - ناحية زعيم الإسلاميين الأشهر المثير للجدل.
من يفكر لهذه الدولة؟.. اتفاقيَّاتها (مضروبة).. مفاوضاتها (مثقوبة).. ورحلاتها (معطوبة)..!! |
هل الهندى عز الدين من مستشارى نائب رئيس الجمهورية ...
عليه تقديم استقالته اذا لم يعرها النائب التفاتة
مستشار من مكتب رئيس التحرير
|
Post: #24
Title: Re: زعل رئيس التحرير الهندى عز الدين ( اذا عرف السبب بطل العجب)
Author: MAHJOOP ALI
Date: 07-24-2011, 11:22 PM
Parent: #23
الاخ بدرالدين
سلام
سببك غير مقنع اطلاقا
المقال انعكاس لصراع مراكز القوي داخل الحزب
خاصةً بعدالهزة المهينة لجناح نافع التي اثمرة
اعتذار وتراجع علي الهواء مباشرتا(لم يكتفوا بالتقريع الحزبي)
ومن ضمن مايستشف ،اذا كانت جريرة نافع اتفاق فاشل فعلي عثمان
اورثنا نيفاشا واستحقاقاتها، وهو ايضا مدين بالاعتذار وموصوم بالفشل
القصة يابدر الدين ماقصة سفر ،القصة قصة صراع وصل لنهاياته ،ونقله
نقلتين وكش ملك .
|
Post: #25
Title: Re: زعل رئيس التحرير الهندى عز الدين ( اذا عرف السبب بطل العجب)
Author: Haitham Elsiddiq
Date: 07-25-2011, 06:24 AM
Parent: #24
الاخ بدرالدين
ياخ الأولي فوتناها قولنا امكن سهيت ساي
| Quote: الشغل Markiting فى الاهرامات |
لكن مرتين وكلة مرة غلطة جديدة
ياخوي أكتب بالعربي ساي الجابرك شنو
|
Post: #26
Title: Re: زعل رئيس التحرير الهندى عز الدين ( اذا عرف السبب بطل العجب)
Author: الحاج حمد الحاج
Date: 07-25-2011, 01:07 PM
Parent: #25
Quote: خاصةً بعدالهزة المهينة لجناح نافع التي اثمرة
اعتذار وتراجع علي الهواء مباشرتا |
بالله بدل الحمراء محل الخضراء لأنها عملت ضريسة
|
Post: #28
Title: Re: زعل رئيس التحرير الهندى عز الدين ( اذا عرف السبب بطل العجب)
Author: عبد اللطيف السيدح
Date: 07-25-2011, 01:18 PM
Parent: #26
| Quote: و هو سافر قبل ايام مع البشير الى الصين |
معلومة غير صحيحة
شكراً
|
Post: #27
Title: Re: زعل رئيس التحرير الهندى عز الدين ( اذا عرف السبب بطل العجب)
Author: بدر الدين اسحاق احمد
Date: 07-25-2011, 01:14 PM
Parent: #25
هيثم الصادق اعتذر لك عن الرسوب فى مادة الاسبلينق
ارجو وضع حرف ( E ) فى مكانه الصحيح لتصبح الجملة صحيحة من حيث الاسبلينق
|
Post: #29
Title: Re: زعل رئيس التحرير الهندى عز الدين ( اذا عرف السبب بطل العجب)
Author: Haitham Elsiddiq
Date: 07-25-2011, 05:03 PM
Parent: #27
يابدر الدين القصة ما تعيير أو إنت سقطت ولا لأ....كلنا بنغلط كان عربي و لا إنقليزي ....
القصة إنو الغلطة إتكررت ووجب التنبية....وشايفك اختها بروح جيدة وماظنيتك حاتنسي ال E تاني أو تبدلها تاني...ودي حسنة
العوافي (هيثم الصديق وليس الصادق )
|
Post: #30
Title: Re: زعل رئيس التحرير الهندى عز الدين ( اذا عرف السبب بطل العجب)
Author: nadus2000
Date: 07-25-2011, 06:58 PM
Parent: #29
سلامات يا بىرالدين
كنت اتمنى ان تستمر في تحليل وتقديم راي تحليلي من وجهة نظر (من جوة الجك) مبنية على اسباب موضوعية حتى ولو لم تقنعنا
ولكنك بعد مداخلتين أتيتنا بما يجعل نقدك في السهلة ويؤكد على ان ردك ومقال الهندي ما هما الى جزء تداعيات. صراعات الأجنحة
وهذا واضح جداً في استدعائك لمسألة تعيين الهندي كرئيس او مدير تحرير, فالحقيقة أنا لم اقرأ لك راي رافض او معترض على هذا التجاوز
فلماذا الان جئت تعييره الان، وانت سيد العارفين ان مرافقة الرئيس او نائبه لم تضع ضمن شروط الاهلية لها ان يكون بالانتساب او بالوكالة.
|
Post: #31
Title: Re: زعل رئيس التحرير الهندى عز الدين ( اذا عرف السبب بطل العجب)
Author: بدر الدين اسحاق احمد
Date: 07-25-2011, 08:47 PM
Parent: #30
Quote: او لعل الهندى عز الدين اراد ان يرث بعض من صحفيي الزمن الغابر الذين يحتكرون بالونات الاختبار فى العلاقات السودانية المصرية
لســه بدرى عليك المقام ... |
هل عمود الاستاذ موسى يعقوب ياتــى فى اطار الرد على مقال الهندى عز الدين ( سؤال اول )
وهل ياتى عمود الاستاذ موسى يعقوب ياتى فى اطار ( الاقتباس اعلاه .. ( سؤال ثانى )
|
|
|