براكم يا بدر .... الشعب السوداني (كلو ) ما عدا قادة المرتمرجية ..خارج دائرة الفعل ...
Post: #5 Title: Re: إتبوجنـــت !!! Author: بدر الدين اسحاق احمد Date: 07-02-2011, 09:32 PM Parent: #4
فتحـــى .. حتى من هم داخل دائرة الفعــل إتبوجنــت عليهم القضايا فلم يدرو من اين يتم الامساك بها .. اثيوبيا صراع حضارى لاكثر من الف سنة مع السودان فى ظل عدم تغير كل المعطيات الجيوسياسية بين السودان واثيوبيا
اولم يكفينــا مبادرة او قل ( فخ الايقاد ) للاتعاظ
Post: #6 Title: Re: إتبوجنـــت !!! Author: بدر الدين اسحاق احمد Date: 07-02-2011, 09:34 PM Parent: #5
Quote: ان يشكل الوعى السياسي والفعل جريدة الانتباهــة إتبوجنت جنس بوجين ..
الحمد لله الذي هداك لادراك هذه الحقيقة .. وأسأله وهو القادر أن يفتح بصيرتك لادراك بقية الحقائق التي بحت أصوات الديمقراطيين وهي تدعو لها . وتبشر بها .. قول امين يا بدر ..
كلامك صاح .. وياهو الانقلاب نحو مزيد من الرجعيه والهوس الدينى والاحاديه والتمزق والاختلاف ..
Post: #14 Title: Re: إتبوجنـــت !!! Author: محمد إبراهيم علي Date: 07-02-2011, 10:01 PM Parent: #10
الكنكشة نهايتها البوجان تريدون ان تاكلو الكيكة وتحتفظو بها في نفس الوقت البدايات الخاطئة لا تقود ابدا الى نهايات صحيحة هذا ومن جهة اخرى اتضح ان نافع بيعرف سياسة مش زي ما قال الترابي موقف يستحق عليه التحية على الرغم من كل الماخذ عليه في شخصه
Post: #15 Title: Re: إتبوجنـــت !!! Author: بدر الدين اسحاق احمد Date: 07-02-2011, 10:10 PM Parent: #14
Quote: اتضح ان نافع بيعرف سياسة مش زي ما قال الترابي موقف يستحق عليه التحية على الرغم من كل الماخذ عليه في شخصه
د. نافع على نافع مؤسســة وليس شخــص ... وعى المؤسسة بمخاطر استمرار الاحتراب فى ظل دولة تعيد تشكيل نفسها مدخل لمزيد من التدخلات الدوليــة وقهرها لارادتنا الوطنية واصدقك القول يمكن ان يكون نافع قد وقع على الاتفاقية وهو ( كاره على المستوى الشخصــى ) فقط مصلحة البلاد تبقى هى الاصــل
خليك من كلام عمك الترابـى فكمال عمــر اصبح يفتى وابراهيم السنوسى فى المدينة
Quote: برانـا يا هشام ما بينفع ... لازم اصطفاف وطنى كبير يمتد ليشمل كل مكونات المشهد السياسي حتى ( من كانو ينتمون الى الحركة الشعبية سابقاً فى ثوبهم الجديد )
نعم يا بدر الدين برانا ما بينفع ولهذا السبب قلت
Quote: لابد من اعادة كاملة لقراءة الاوراق السياسية الداخلية
واشراك كل القوى الوطنية فى الشأن السودان حتى وان ادى ذلك الى تقديم تنازلات لم تكن فى الحسبان من قبل ............................
Quote: القوات الاثيوبيــة بأمر مجلس الامن الدولــى تحت ( اى بنــد )
القرار عشان ما يكون مستفز للحكومة جاء تحت البند السادس لكن فيهو فقرة لئيمة تجعله تحت البند السابع من غير ان يشعر احد اذ ان بان كي مون بجرة قلم يمكن ان يحوله للسابع في وقت معين والتفويض ضمن له ذلك
Quote: القرار عشان ما يكون مستفز للحكومة جاء تحت البند السادس لكن فيهو فقرة لئيمة تجعله تحت البند السابع من غير ان يشعر احد اذ ان بان كي مون بجرة قلم يمكن ان يحوله للسابع في وقت معين والتفويض ضمن له ذلك
الشامى تحياتى
معلوم ان الامم المتحدة مسيرة فى قراراتها الخاصة بالسودان.
ولكن ما هو السبب او ما هى الاسباب التى ادت الى تسيس القرارات الاممية الصادرة بحق السودان ؟؟
فلا املك الا ان اترحم على روحة الطاهرة واسأل القادر المقتدر
ان يجعل مثواة الجنة وان يبارك فى زريتة وان يصبر اهلة وزوية على فقدة
Post: #33 Title: Re: إتبوجنـــت !!! Author: د.محمد حسن Date: 07-03-2011, 01:43 AM Parent: #16
Quote: حتى وان ادى ذلك الى تقديم تنازلات لم تكن فى الحسبان من قبل
دائما النبرة المتعالية للانقاذيين وكانما تقديم التنازلات منة يمتن بها لا يا اخي هاشم العبارة الصحيحة التي كان يجب ان تكتب كالاتي وذلك بتقديم التنازلات لمصلحة الوطن الذي هو للجميع
بعد اكثر من عشرين سنة من الطنبجة في الملعب يبدو ان نافع ختا الكورة واطا وعايز يلعب باص جا البشير جدع الحجار في الملعب بعد ما سبقه خاله بجديع القزاز الفاضي والحكم حيصفر موقفاً المباراة لكن الباص بتاع نافع زاتو كان مبعثه (جناً بتعرفو ولا جنا ما بتعرفو)
Post: #20 Title: Re: إتبوجنـــت !!! Author: بدر الدين اسحاق احمد Date: 07-02-2011, 10:34 PM Parent: #17
Quote: واشراك كل القوى الوطنية فى الشأن السودان حتى وان ادى ذلك الى تقديم تنازلات لم تكن فى الحسبان من قبل ............................
فوحدة الصف من اهم متطلبات المرحلة الراهنة
الحبيب هشام .. انا لا اسميها تنازلت بل هى إستحقاقات لكل القوى الوطنية الشريكة فى الشأن السودانى فى ظل اصطفاف وطنى تمليه الوطنية وحب هذا الوطن فلا احد يملك حق المزايدة على الاخرين فى الانتماؤ لهذا الوطن نحن يا هشام الحزب السياسي السودانى الوحيد الذى جعل من تلبية وتحقيق اشواق اهل الجنوب وطنــاً ( والمنصفين منهم يشكروننا على ذلك ) فنحن نحتاج الى قرارات تشـبه تجربتنا ووعينـا ..
Post: #23 Title: Re: إتبوجنـــت !!! Author: بدر الدين اسحاق احمد Date: 07-02-2011, 10:40 PM Parent: #20
Quote: القرار عشان ما يكون مستفز للحكومة جاء تحت البند السادس لكن فيهو فقرة لئيمة تجعله تحت البند السابع من غير ان يشعر احد اذ ان بان كي مون بجرة قلم يمكن ان يحوله للسابع في وقت معين والتفويض ضمن له ذلك
Quote: لازم اصطفاف وطنى كبير يمتد ليشمل كل مكونات المشهد السياسي
كلامك صاح... لكن.... من يصدق المؤتمر الوطني بعد كل الاتفاقات التي اجهضت...! المؤتمر الوطني عنده مشكلة مصداقيه يصعب الخروج منها.
الله يستر
Post: #24 Title: Re: إتبوجنـــت !!! Author: بدر الدين اسحاق احمد Date: 07-02-2011, 10:47 PM Parent: #21
Quote: بعد اكثر من عشرين سنة من الطنبجة في الملعب يبدو ان نافع ختا الكورة واطا وعايز يلعب باص جا البشير جدع الحجار في الملعب بعد ما سبقه خاله بجديع القزاز الفاضي والحكم حيصفر موقفاً المباراة لكن الباص بتاع نافع زاتو كان مبعثه (جناً بتعرفو ولا جنا ما بتعرفو)
فى اطار العمل السياسي يستحسن لك ان تكون من القادرين على تشكيل المسرح السياسى ويمكن ان يكون هذا هو الجن الذى تعرفه وهو قطعاً خيراً من الجن الذى لا تعرفــه ...
وين الجمهور يا نازك ديــل عندهم فيتو تستمر المباراة ولا تقيف ( واخده بال حضرتك )
Post: #25 Title: Re: إتبوجنـــت !!! Author: بدر الدين اسحاق احمد Date: 07-02-2011, 10:56 PM Parent: #24
Quote: من يصدق المؤتمر الوطني بعد كل الاتفاقات التي اجهضت...! المؤتمر الوطني عنده مشكلة مصداقيه يصعب الخروج منها.
عمر المشهد السياسي السودانى ما كان وردياً .. فهذا هو المشهد السياسي كما هو دون تزويق او تجميل يلزمنا التعاطى معه وكل حراك سياسي نجد انفسنــا اكثر ما نحتاج الى اصطفاف وطنــى
جراحات الماضى لن تبنئ لنا وطنــاً ..
Post: #26 Title: Re: إتبوجنـــت !!! Author: بدر الدين احمد موسى Date: 07-02-2011, 11:07 PM Parent: #25
ان يشكل الوعى السياسي والفعل جريدة الانتباهــة
إتبوجنت جنس بوجين ..
ود اسحق
سلام عليك يا زين
Quote: ان يشكل الوعى السياسي والفعل جريدة الانتباهــة
إتبوجنت جنس بوجين ..
يا بدر دي مش الاول امبارح كنت بتتنبر بيها و قلت بتوزع 90 الف نسخة?!!!
يبقى صحي اتبوجنت
لكن الطريق واضح يا بدر! ارجعوا الامر للشعب السوداني و سيعرف ان يحل مشكلته
Quote: مستغرب من شنو بالتحديد !. ما ياها ذات المعطيات التى كانت تسوقكم للحظه الراهنه ..
كلامك صحيح, و الشعب متبوجنه فوق راسو من سنوات قتل و جوع و مرض و مذله و قلة أدب أهل الحظوة. اتبوجنت الوارده هنا دى تحكى فقط عن احتمال ضياع السلطه و المنصب و القروش و فرص النهب و السرقه. اتتبوجن فوق راسهم و يطحنو بعض و يذهبو للجحيم , سفله و شذاذ آفاق و سواقط بشر
Quote: لازم اصطفاف وطنى كبير يمتد ليشمل كل مكونات المشهد السياسي حتى ( من كانو ينتمون الى الحركة الشعبية سابقاً فى ثوبهم الجديد )
Quote: واشراك كل القوى الوطنية فى الشأن السودان حتى وان ادى ذلك الى تقديم تنازلات لم تكن فى الحسبان من قبل ............................
فوحدة الصف من اهم متطلبات المرحلة الراهنة
بالله شوف الوقاحه و قوة العين دى. فجأة لما اتزنقتو و بقت في تولا اتذكرتو انو في قوى وطنيه؟ و كمان "حتى وان" .... وحدة صف عشان شنو؟ البلد و غتستو حجرا .... قولو بالواضح عاوزنكم تتغشو لينا تااااانى لحدى ما المحنه دى تمر .... و بنوريكم وشنا القديم مجددآ. لو في معارضه تحترم نفسها الآن .... لمره واحده تقيف موقف وطنى مشرف و تطالبكم بتسليم السلطه لحكومة وحده وطنيه و انقاذ للبلاد ... قبل القيامه الجايه تنفجر. و ما أظن في معارضه بالقامه دى ... للأسف.
Post: #29 Title: Re: إتبوجنـــت !!! Author: فاروق عثمان Date: 07-03-2011, 00:40 AM Parent: #28
كدده اول شئ ورونا البوجنا منو؟ والله اول مره اعرف انو الانقاذ بوجين قادر الله
Post: #30 Title: Re: إتبوجنـــت !!! Author: خالد العبيد Date: 07-03-2011, 00:44 AM Parent: #28
Quote: نحن يا هشام الحزب السياسي السودانى الوحيد الذى جعل من تلبية وتحقيق اشواق اهل الجنوب
فعلا ماتو فطايس .. جنوب بتاع ايه.. واشواق بتاع مين
Post: #31 Title: Re: إتبوجنـــت !!! Author: خالد العبيد Date: 07-03-2011, 00:48 AM Parent: #30
Quote: بالله شوف الوقاحه و قوة العين دى. فجأة لما اتزنقتو و بقت في تولا اتذكرتو انو في قوى وطنيه؟ و كمان "حتى وان" .... وحدة صف عشان شنو؟ البلد و غتستو حجرا .... قولو بالواضح عاوزنكم تتغشو لينا تااااانى لحدى ما المحنه دى تمر .... و بنوريكم وشنا القديم مجددآ. لو في معارضه تحترم نفسها الآن .... لمره واحده تقيف موقف وطنى مشرف و تطالبكم بتسليم السلطه لحكومة وحده وطنيه و انقاذ للبلاد ... قبل القيامه الجايه تنفجر. و ما أظن في معارضه بالقامه دى ... للأسف.
Quote: الحبيب هشام .. انا لا اسميها تنازلت بل هى إستحقاقات لكل القوى الوطنية الشريكة فى الشأن السودانى فى ظل اصطفاف وطنى تمليه الوطنية وحب هذا الوطن فلا احد يملك حق المزايدة على الاخرين فى الانتماؤ لهذا الوطن نحن يا هشام الحزب السياسي السودانى الوحيد الذى جعل من تلبية وتحقيق اشواق اهل الجنوب وطنــاً ( والمنصفين منهم يشكروننا على ذلك ) فنحن نحتاج الى قرارات تشـبه تجربتنا ووعينـا ..
ود اســحاق
كلامك دا فيـه تناقض , فمادمت الحزب الوحيــد الذي أقصى باقي اقوى السياسية وجماهير الشـعب السـوداني وفصل الجنوب وتفاخــر بذلك فأين كانت هـذه الاسـتحقاقات التي تتحـدث عنهـا اليـوم, أو لم يكن الشــأن ســوداني حينهـا؟ ولماذا المزايدة و التفاخـر بالجريمة التي يرفضهاكل الشــعب السـوداني ( فصـل للجنوب )
أشــواق أهـل الجنـوب كانت دولة موحـدة يتسـاوى فيها الجميع وكان اختيار الانفصـال هـو الخيار الصعـب في ظـل حـزب يرى نفســه أكبر من الكل
هـذا التناقض يقـول أن ما تطرحه هنـا ليس قناعة فكيف تطلب اصطفاف وطني و تفخـر بما نتـج عـن عـدم الاصطفاف ســابقا , بل الإقصــاء
هو بوجين الليلة!؟ تصوطوا 22 سنة قايلنو بطلع شنو يعني؟
البلدي المحن يرّكز يلولي صغارا
اها ..
اركز للبيجيبها الريح .. و الممطورة ما بتبالي من الرش
المافي شنو هو!؟
تحسبوا لعب و لّ كيف؟
نقطونا بسكاتكم بالله بعد اقراركم بالفشل و نعي مشروعكم التدميري
انتهى الموت الاضافي .. ابتدا الزمن المخصص للنماء الكلمة للشعب الآن .. و ستحاسبوا على ما اغترفت اياديكم اولاً .. و ترد كل المظالم تا الله لن ينجو مجرم بجرمه .. يمهل و لا يهمل
Post: #39 Title: Re: إتبوجنـــت !!! Author: Nazik Eltayeb Date: 07-03-2011, 10:23 AM Parent: #38
Quote: وين الجمهور يا نازك ديــل عندهم فيتو تستمر المباراة ولا تقيف ( واخده بال حضرتك )
تمام يا فندم بس المبارة كانت منقولة على الهواء اثنين و عشرين سنة بدون جمهور الجمهور خارج الاستاد ماسك كرابيج و عصى و يمكن سلاح (الليلة و الليلة ) شايفة اللاعبين و المدربين والحكام وكنبة الاحتياطي والمصورين وبتاعين التلفزة الخارجية كلهم سيسقطون في يد الجمهور .....اين المفر
Quote: لو في معارضه تحترم نفسها الآن .... لمره واحده تقيف موقف وطنى مشرف و تطالبكم بتسليم السلطه لحكومة وحده وطنيه و انقاذ للبلاد ... قبل القيامه الجايه تنفجر. و ما أظن في معارضه بالقامه دى ... للأسف.
أتمنى ان تخيب المعارضة ظنوننا هذه المرة ، رغم شكى فى ذلك ياعصام
Quote: تمام يا فندم بس المبارة كانت منقولة على الهواء اثنين و عشرين سنة بدون جمهور الجمهور خارج الاستاد ماسك كرابيج و عصى و يمكن سلاح (الليلة و الليلة ) شايفة اللاعبين و المدربين والحكام وكنبة الاحتياطي والمصورين وبتاعين التلفزة الخارجية كلهم سيسقطون في يد الجمهور .....اين المفر
واخدبال حضرتك من كنبة الاحتياطي
أجمل تعليق ، شكرا نازك
تحياتى
Post: #42 Title: Re: إتبوجنـــت !!! Author: بدر الدين اسحاق احمد Date: 07-03-2011, 03:10 PM Parent: #41
البوجنــة ( عندى )
تهتك الوعاء بحيث لا تدرى من اين يمكن ان يتدفــق ما بداخل الوعاء
Post: #43 Title: Re: إتبوجنـــت !!! Author: بدر الدين اسحاق احمد Date: 07-03-2011, 03:19 PM Parent: #42
Quote: يا بدر دي مش الاول امبارح كنت بتتنبر بيها و قلت بتوزع 90 الف نسخة?!!!
يبقى صحي اتبوجنت!
يا سمي ... ما هى دا ذاتها البوجنة ان تكون الانتباهة هى الصحيفة الاكثر توزيعاً بتبقى المشكلة فى الناس يا ( بدر )
Quote: يا
لكن الطريق واضح يا بدر! ارجعوا الامر للشعب السوداني و سيعرف ان يحل مشكلته
تاني مافي ديكتاتورية!
وهو كذلك .. نحن نفسنا بتتكلس مقدراتنا التنظيمية فى ظل عدم اشاعة الحريــة وهو النزال الذى نريد ان نحتكم فيه مجدداً الى الشعب
Post: #44 Title: Re: إتبوجنـــت !!! Author: بدر الدين اسحاق احمد Date: 07-03-2011, 10:19 PM Parent: #43
Quote: ??
دا النسخة الاصلية يا هشام بعد نفاذ ادوات ومساحيق التجميل
Post: #45 Title: Re: إتبوجنـــت !!! Author: بدر الدين اسحاق احمد Date: 07-04-2011, 07:18 PM Parent: #44
Quote: ولماذا المزايدة و التفاخـر بالجريمة التي يرفضهاكل الشــعب السـوداني ( فصـل للجنوب )
يا ود الاحيمر الجماعة ديل بعد اربع ايام سيرفعون علم بلادهم وانت لازلت تتحدث بالنيابة عنهم يملكون كل الحق فى تحقيق خياراتهم وهذا ما جعلناهو ممكناً كحزب لا يملك احد حق الوصاية عليهم والحديث بالنيابة عنهم ولى هذا العهد ...
بعدين منو القال كل الشعب السودانى ( انت ما شايف جمهور الانتباهة ) ومؤيدى الحركة الشعبية ولا شنو
Post: #46 Title: Re: إتبوجنـــت !!! Author: بدر الدين اسحاق احمد Date: 07-04-2011, 07:29 PM Parent: #45
Quote: يا ود الاحيمر الجماعة ديل بعد اربع ايام سيرفعون علم بلادهم
مبروك عليهم وايضا تظـل بلادهم وطننا الأول يا بدر الدين انت فاكـر بعـد الـ 4 ايام دي ح تسـتقط جريمتكم وبعـد رفـع علمهم نريد أن نعيش في ســلام و انتم لا تريدون ذلك
Quote: وانت لازلت تتحدث بالنيابة عنهم
لا اتحدث نيابة عن احد بل اتحدث اصالة عن نفسـي وما بداخلي وكلامي ليك يعني لماذا تطلب الاصطفاف الآن وقـد رفضتموه عند الاسـتحقاقات الأهـم ( نيفاشـاوما فيها من بتوكولات وترســيم حـددود , كنتوا وما زلتوا تتعاملوا معنـأ كضيوف في هـذا الوطن , تقســموا وترســموا وتهـدوا قايلين البلد حقتكم براكم , وجاي اليوم وبعد ما فات الأوان جاي تتكلم عن اصطفاف , يا بدر الدين دا لعـب على الدقـون و بعد ما و ســعتوا الشــقة )
Quote: يملكون كل الحق فى تحقيق خياراتهم وهذا ما جعلناهو ممكناً كحزب
ود اســحاق انت ســيد العارفين ان الخيار كان الوحـدة الجاذبة , فهـل كنتم بقـدر ذلك الخيار ( منذ توزيع الوزارات ) أم انطبق عليكم ( ألقى به في اليـم مكتوفا ..............الخ )
Quote: لا يملك احد حق الوصاية عليهم والحديث بالنيابة عنهم ولى هذا العهد ...
اتفـق معـاك لكنكم حاولتوا أن تكون أوصـياء ودا الوصـلنا لما نحـن فيـه
Quote: بعدين منو القال كل الشعب السودانى ( انت ما شايف جمهور الانتباهة ) ومؤيدى الحركة الشعبية ولا شنو
بالله يا ود اسـحاق خليك من جمهـور الوجه الآخـر من العملة وخلينـا في جمهـور الانتباهة المحــبط الذي يخـرج نفســه الحار عند قراءتها لينســى آلامه و أحزانه ويهـرب من واقعــة الى الانتباهة ليقنع نفســو أن ما حدث هـو الأفضــل وانت الآخرين هـم بالسـوء الذي تروج له الانباهة و ناســكم
ود اسـحاق انت قلبت ولا شــنو وبقيت من مجموعة قوش التي طالبت بالحـوار حتى لو بلغ رفض الشـريعة
يا زول تحسس كرســيك
Post: #48 Title: Re: إتبوجنـــت !!! Author: بدر الدين اسحاق احمد Date: 07-05-2011, 01:49 PM Parent: #47
Quote: يا زول تحسس كرســيك
يازووووووووووووووووووووووووول قول يا لطيف الا تكون قاصــد موقعى كاحد الضباط الثلاث فى اللجنة الشعبية لحى شمبات الاراضى شمال بس دا انا جبتو بالانتخاب وليس بالتعيين
ود الاحيمر ازيك يا زول قطعا ساعود لك ..
Post: #49 Title: Re: إتبوجنـــت !!! Author: أحمد أمين Date: 07-06-2011, 11:00 AM Parent: #48
الاخ بدرالدين
شكرا علي صراحتك وهذا امر نادر فى حزبك هل في امكانك ان تشرح لنا كيف يتخذ القرار في المؤتمر الوطني؟ ومن هم الصقور والحمائم؟ ام هذا تقسيم ادورا كم يشكك الكثيرين، يعنى الحمامة ممكن تبقي صقر والعكس حسب اتجاه الريح. باختصار مافي معيار .
Post: #50 Title: Re: إتبوجنـــت !!! Author: بدر الدين اسحاق احمد Date: 07-06-2011, 09:03 PM Parent: #49
Quote: هل في امكانك ان تشرح لنا كيف يتخذ القرار في المؤتمر الوطني؟
هذا سيكون موضوع البوست القادم ان شاء الله
فكن معنــا
Post: #51 Title: Re: إتبوجنـــت !!! Author: خالد العبيد Date: 07-07-2011, 01:14 AM Parent: #50
