Post: #1
Title: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-11-2008, 11:06 PM
Parent: #0
جامعة امدرمان الاسلامية بداية تفتح الوعــــى والمعرفـــة... لها كيانها رموزها لهم /لها كل التقدير والشكر ...
ابنك / بدر الدين اسحاق احمد ...
كلية التربية ...
يييييييييييييييييييك سنة كم كده ما عارف ...
|
Post: #2
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-11-2008, 11:17 PM
Parent: #1
توقيعكم فرصة لرد قليل من كثير لهذه الام ...
|
Post: #3
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-11-2008, 11:19 PM
Parent: #2
بوستاتكم السابقة معا لتكوين مكتبة تشاركية لبورداب الاسلامية امدرمان ...
|
Post: #6
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-11-2008, 11:23 PM
Parent: #3
صورتك / صورتها / تضــفى على بوستنا بعدا ثالثا ...
|
Post: #7
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-11-2008, 11:24 PM
Parent: #6
البوست ده حقكم لكم كل التمنيات الطيبة برمضان جميل ...
|
Post: #4
Title: Re: جامعة امدرمان الاسلامية /البورداب / توقيعك /بوستات / صور
Author: Ishraga Mustafa
Date: 09-11-2008, 11:21 PM
Parent: #2
إشراقه مصطفى حامد
خريجة اعلام الاسلامية قبل يوم واحد بس من الانقلاب
ومعاه حلت الصحف ومع ذلك مابليت شهادتى فى موية السراب
|
Post: #5
Title: Re: جامعة امدرمان الاسلامية /البورداب / توقيعك /بوستات / صور
Author: أسامة الفضل
Date: 09-11-2008, 11:22 PM
Parent: #2
يا عمك ييييك و الحركات دي ما بتنفع معانا قول سنة كم عشان نعرفك.
و رغم إنو ما عارفين سبب التوقيع لكن ما مشكلة نوقع
أسامة محمد الفضل - آداب إنجليزي 1990
|
Post: #8
Title: Re: جامعة امدرمان الاسلامية /البورداب / توقيعك /بوستات / صور
Author: Ishraga Mustafa
Date: 09-11-2008, 11:30 PM
Parent: #5
اعتقد باننا نعرف بعضنا يابدر الدين؟
كان ما اخاف الكضب من الشعبية؟
|
Post: #9
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-11-2008, 11:31 PM
Parent: #5
إشراقه مصطفى حامد
بنت الجامعة الدينية حبابك عشرة ...
البوست على قيادته انا وانت لحدى ما يجى بوردابى اقدم منا ...
|
Post: #10
Title: Re: جامعة امدرمان الاسلامية /البورداب / توقيعك /بوستات / صور
Author: Ishraga Mustafa
Date: 09-11-2008, 11:34 PM
Parent: #9
| Quote: بنت الجامعة الدينية حبابك عشرة ... |
لو قدر لهذا البوست ان يسير بآمان
بيكون مفيد نفتح دفاترنا القديمة/ دفاتر الحركة الطلابية
هل كانت الجامعة فعلا دينية يابدرالدين؟
|
Post: #11
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-11-2008, 11:36 PM
Parent: #9
اسامة ود الفضل
نوقع نحن معاك / تلاقيا / تعارفا / تواصلا / تفاكرا /وحاجات تانيــه ما حاميانى
هاك الاستاذه دهـ بنت حجتــى عديل كدهـ
Quote: إشراقه مصطفى حامد
خريجة اعلام الاسلامية قبل يوم واحد بس من الانقلاب |
|
Post: #12
Title: Re: جامعة امدرمان الاسلامية /البورداب / توقيعك /بوستات / صور
Author: أسامة الفضل
Date: 09-11-2008, 11:42 PM
Parent: #11
يعني نحن كلنا فوق سرج واحد لأنو سنيرتكم على بعدالعمر ده كلو ما صاح منكم .
دكتورة إشراقة كل الود لك و للعيال ولمن معك وكل سنة و إنت بخير
هل كانت الجامعة الإسلامية جامعة دينية ?
قبل الإجابة يجب تعريف المصلح نفسه حتي نستبين موضع أقدامنا
بالمناسبة نحن لسع ما فطرنا و لكن سأكون متابع
|
Post: #14
Title: Re: جامعة امدرمان الاسلامية /البورداب / توقيعك /بوستات / صور
Author: Ishraga Mustafa
Date: 09-12-2008, 00:05 AM
Parent: #12
Quote: هل كانت الجامعة الإسلامية جامعة دينية ?
قبل الإجابة يجب تعريف المصلح نفسه حتي نستبين موضع أقدامنا |
اهلا يا اسامة
تصوم وتفطر على خير
مصطلح شنو؟ الاسلامية ولاّ الدينية؟
لو دينية دى فى رأى بتشمل كل الديانات
يعنى المسيحى/ة من حقو يدرس فى الجامعة الاسلامية ان رغب/ت
ولو اسلامية معناها بتقتصر فقط على المسلمين/ت
ويظل السؤال قائما هل هى كانت فعلا جامعة دينية؟
ومع ذلك جميل ان نلتقى هنا
خاصة وان هناك الكثير المشترك بينا
ربما تكون بداية لتوثيق تجربة الجامعة الاسلامية خاصة فى الفترة من 1985 الى 89
قبل تلاتة ايام رنّ تلفونى
واذ به حمدتو؟
وحكينااااااااااااااااااااا لمن الحكاية بكت..
تجربة الجامعة الاسلامية وخاصة كلية البنات لايمكن نسيانها
رغم مافيها من مرارات الاّ انها الصقل ذات عينه
اهلا يابدرالدين
|
Post: #13
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-11-2008, 11:44 PM
Parent: #11
Quote: اعتقد باننا نعرف بعضنا يابدر الدين؟
كان ما اخاف الكضب من الشعبية؟ |
الاستاذه/ الدكتورة / اختنا ...اشراقة
الشعبية / اطلالة على الدنيا / الصبا / الاسلامية جامعتنا / دار الطالبات فى حى العمدة / وهبـــة / شـقل/ واخرين
معارف ...تجارب حياتية ...اظن انها مشتركة ...
سعيدين بيــه تواجدك هنا ...
|
Post: #15
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-12-2008, 00:19 AM
Parent: #13
| Quote: هل كانت الجامعة فعلا دينية يابدرالدين؟ |
زمان بنمســك المايكرفون فى كافتيريا المدينة الجامعية وفى نصف دقيقة بنجاوب على السؤال الفوق دهـ ...
اليوم بنقول مجرد خواطر وتسأؤلات منها :
ما هو الدينى وما هو غير الدينى ؟
ماهى معايير تقسيم الظواهر الحياتية الى دينى وغير دينى ؟
ماهـى مكونات الفكر الدينى ؟
هل الجامعة الاسلامية كانت من حيث المناهج الدراسية يمكن تصنيفها تحت اطار او مسمى الفكر الدينى ؟
هل النظــم الادارية للجامعة كانت تتسـق مع المبادى القيميـة الاسلامية ؟
هل الاساتذه الكرام كانوا نماذج سلوكيــة تجسـد القيم السلوكية للفكر الاسلامــى ؟
هل كنا نحن كطلاب نعبر عن التزام سلوكى فكرى قيمــى ينتمــى الى الاسلام ؟
هل وهل وهل وهل ؟؟؟؟
كان مكتوب فى اورنيك التقديم للجامعات ان لابــد ان تكون الجامعــة الاسلاميـة هــى الرغبـة الاولــى ليحظــى الطالب بالدخول الى
الجامعة ...سؤال محيــرنــى حتى الان لماذا ؟
ليسير البوست بأمان ...
وفقا لمفرداتــى انت الامير حتــى يأتـى من هــو اعرق منا فى الانتماء الى الجامعة الاسلامية ..
وعشــان الامورة الصغيرة فى الصورة ( انشاء الله بنت بنت الاسلامية ) قيادة البوست اليك ...
|
Post: #63
Title: Re: جامعة امدرمان الاسلامية /البورداب / توقيعك /بوستات / صور
Author: مزمل أبو القاسم
Date: 09-22-2008, 01:41 PM
Parent: #5
| Quote: وبعد الكأس اوريك نعمل شنو |
معقول.. أسامة زرقة شخشياً؟
والله أيام يا زمان
|
Post: #16
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-12-2008, 00:27 AM
Parent: #1
| Quote: بالمناسبة نحن لسع ما فطرنا و لكن سأكون متابع |
الاخ اسامة
انت وييييييييييييين فى ارض الله الواسعة ...على العموم الدعوات على الافطار ماتنسانا منها ...
|
Post: #17
Title: Re: جامعة امدرمان الاسلامية /البورداب / توقيعك /بوستات / صور
Author: سيف الدين حسن العوض
Date: 09-12-2008, 02:42 AM
Parent: #16
جامعة امدرمان الاسلامية
تربينا في حضنها.. تعلمنا فيها الكثير والكثير
مازلنا نحتفظ بذكرياتها الحلوة والمرة
التحية لمؤسسيها من لدن البروفسور كامل الباقر
مرورا
ببروفسور مهدي امين التوم
ثم البروف مدثر عبد الرحيم
ثم ابن الجامعة البروفسور على احمد بابكر
وانتهاءا بابن الجامعة ايضا البروفسور محمد عثمان صالح
انا دفعة اسامة محمد الفضل
واما د. اشراقة فقد عملنا سويا عبر نشاط جمعية الصحافة والاعلام
حينما كان الزمن زين والشعر مغطي الاذنين
الاخ بدرالدين اسحق احمد
لك التحية والتقدير وانت تبادر بفتح هذا البوست الرائع
والحديث عن جامعة امدرمان الاسلامية ذو شجون
وبجيكم راجع برواقة
خاصة للحديث عن الاسلامية والدينية
|
Post: #18
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-12-2008, 11:10 AM
Parent: #17
سيف الدين حسن العوض ...رمضان كريم عليكم فى ماليزيا
ان يكون القامة د. كامل الباقر فى هذا البوست لهو تعطير لسماء سودانيز اون لاين ...
الجامعة الاسلامية لها كل الفضل فى تشكيل وعينا الفكرى ...
| Quote: انا دفعة اسامة محمد الفضل |
غايتو دفعتك دهـ اقدميته الثالث حتى الان ...
...............
تعال لينا بيــه رواقــة
|
Post: #19
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-12-2008, 11:13 AM
Parent: #17
سيف الدين حسن العوض ...رمضان كريم عليكم فى ماليزيا
ان يكون القامة د. كامل الباقر فى هذا البوست لهو تعطير لسماء سودانيز اون لاين ...
الجامعة الاسلامية لها كل الفضل فى تشكيل وعينا الفكرى ...
| Quote: انا دفعة اسامة محمد الفضل |
غايتو دفعتك دهـ اقدميته الثالث حتى الان ...
...............
تعال لينا بيــه رواقــة
|
Post: #20
Title: Re: جامعة امدرمان الاسلامية /البورداب / توقيعك /بوستات / صور
Author: Ishraga Mustafa
Date: 09-12-2008, 11:31 AM
Parent: #19
| Quote: الجامعة الاسلامية لها كل الفضل فى تشكيل وعينا الفكرى ... |
اتابع ...
|
Post: #21
Title: Re: جامعة امدرمان الاسلامية /البورداب / توقيعك /بوستات / صور
Author: Elwaleed M. Ahmed
Date: 09-12-2008, 02:46 PM
Parent: #20
الاخوة الافاضل تحياتي ورمضان كريم
الوليد محمد احمد كلية الشريعة والقانون دفعة 1995
|
Post: #22
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-12-2008, 03:38 PM
Parent: #21
| Quote: الوليد محمد احمد كلية الشريعة والقانون دفعة 1995 |
رمضان كريم ... جيل التسعينات فى الاسلامية ...
تلاقــح الاجيال تجربــة موعودون بها فى هذا البوست ...
|
Post: #23
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-12-2008, 03:40 PM
Parent: #22
الى الان ...
صحافة واعلام (الاثنين )
اداب
شريعة وقانون
اصول دين وتربية
|
Post: #24
Title: Re: جامعة امدرمان الاسلامية /البورداب / توقيعك /بوستات / صور
Author: المكاشفي الخضر الطاهر
Date: 09-12-2008, 04:31 PM
Parent: #1
السلام عليكم ورحمة الله وبركاته
المكاشفي الخضر الطاهر
بكلاريوس علوم ادارية _ جامعة امدرمان الاسلامية
تمهيدي ماجستير علوم ادارية -جامعة امدرمان الاسلامية
ماجستير علوم ادارية _ جامعة امدرمان الاسلامية
...
..
...
...
..
دكتوراه علوم ادارية( عن قريب ان شاء الله )
|
Post: #25
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-12-2008, 08:25 PM
Quote: المكاشفي الخضر الطاهر
بكلاريوس علوم ادارية _ جامعة امدرمان الاسلامية
|
الاخ المكاشــفى ...مرحب بيك فى رحاب الجامعة الامدرمانية ..
|
Post: #26
Title: Re: جامعة امدرمان الاسلامية /البورداب / توقيعك /بوستات / صور
Author: Seif Elyazal Burae
Date: 09-12-2008, 09:06 PM
Parent: #25
سيف اليزل برعي البدوي
كلية الاقتصاد والعلوم الاجتماعية
شعبة العلوم السياسية
دفعة 1996
|
Post: #27
Title: Re: جامعة امدرمان الاسلامية /البورداب / توقيعك /بوستات / صور
Author: Adam Mousa
Date: 09-13-2008, 02:45 AM
Parent: #26
آدم موسى
كلية الاقتصاد والعلوم الاجتماعية
شعبة العلوم السياسية
دفعة 1996
انت يا سيف اليزل بتاع الكلاكله القبه وعندك قريبك فى ودعجيب اسموا محمد دفعتنا برضو
وشغال فى السكه حديد..ولا ما ياك؟؟
|
Post: #28
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-13-2008, 03:15 PM
Parent: #27
سيف اليزل برعي البدوي
آدم موسى
شباب الاقتصاد والعلوم الاجتماعية ... حبابكم الف ...
بداية التواصل بين الدفع يبداء من هذا البوســـت
|
Post: #29
Title: Re: جامعة امدرمان الاسلامية /البورداب / توقيعك /بوستات / صور
Author: Seif Elyazal Burae
Date: 09-13-2008, 04:14 PM
Parent: #27
الاخ الدفعة ادم موسي
نعم,أنا سيف اليزل ود الكلاكلة قريب محمد عبد الرحيم(ود حاج أحمد).
بعد التخرج عملت لي دكان اتصالات في الكلاكلة ثم هاجرت للولايات المتحدة
أنا حاليا في بوسطون,وفي أشد الشوق للدفعة ناس علي وعبد المنعم جنقو
وأيضا في حاجة لانعاش ذاكرة أتعبها السفر والمكابدة.
ولو تتذكر يا ادم الصور الاخدناها في اخر سنة يا ريت لو تكون عندك تنزلها لينا
وانا بتذكر كنت لابس فيها تي شيرت أخضر اللون.
يمكننا التواصل علي ايميلي ايضا
[email protected]
خالص مودتي وتحياتي لكل الدفعة
سيف اليزل
|
Post: #30
Title: Re: جامعة امدرمان الاسلامية /البورداب / توقيعك /بوستات / صور
Author: Adam Mousa
Date: 09-13-2008, 07:47 PM
Parent: #29
ازيك يا سيف يا اخى والله مشتاقين 12 سنه فرقت بيننا ..عبدالمنعم جنقو حسب معلوماتى فى جنيف
اما على والله ما عارفو وين وصديق فى السعوديه ..هولاء فقط من اعلم عنهم شيئا..وانا العبدلله فى ابوظبى
وحأرسل ليك تلفونى بالمسنجر..
|
Post: #31
Title: Re: جامعة امدرمان الاسلامية /البورداب / توقيعك /بوستات / صور
Author: عبد اللطيف السيدح
Date: 09-13-2008, 08:32 PM
Parent: #30
تحياتي للجميع / الشيوخ والشيخات من ابناء الجامعة الاسلامية
اخوكم في الله / عبد اللطيف السيدح / خريج اداب 1994م
رابطة ابناء نهر النيل العظيمة/ زبون مرابط بدار الاتحاد بجوار الكهرباء والموية
وزبون مرابط بمكتبة البشير الريح / وضيف في كل الرحلات التي تنظمها روابط الجامعة
محرر صحفي بعدد من الصحف السودانية/ والان محرر باحدي الصحف بالمملكة العربية السعودية
تأهلت ولدي من الذرية ولدان هما خزيمة وعبد الحي
وبرجع ليكم برواقة
وقعتوا ما سميتوا ياناس بروني والعاشرة والكليات وزخاري
دي اسماء داخليات يا براملة صندوق دعم الطلاباو قل طلاب صندوق الدعم
|
Post: #32
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-13-2008, 09:49 PM
Parent: #31
Quote: تحياتي للجميع / الشيوخ والشيخات من ابناء الجامعة الاسلامية
اخوكم في الله / عبد اللطيف السيدح / خريج اداب 1994م
|
حليل الشيوخ والشيخات ...الناس دفروا فى الدنيا ...واصبح العمل العام لا يشكل اكثر من دقائق فى العطل الاسبوعية .
مرحب حباب اخوكم فى الله ...
|
Post: #33
Title: Re: جامعة امدرمان الاسلامية /البورداب / توقيعك /بوستات / صور
Author: Seif Elyazal Burae
Date: 09-14-2008, 00:59 AM
Parent: #32
http://www.oiu.edu.sd/
هذا موقع الجامعة في الانترنت
مودتي
سيف
|
Post: #34
Title: Re: جامعة امدرمان الاسلامية /البورداب / توقيعك /بوستات / صور
Author: النذير بيرو
Date: 09-14-2008, 08:21 AM
Parent: #1
السلام عليكم
النذير حسين ( بيرو)
جامعة ادرمان الاسلامية -كلية الاداب لغة انجليزية 1996
|
Post: #35
Title: Re: جامعة امدرمان الاسلامية /البورداب / توقيعك /بوستات / صور
Author: الحاج حمد الحاج
Date: 09-14-2008, 11:15 AM
Parent: #34
التحية لك أخي بدر الدين اسحاق و لكل خريجي هذا الصرح الشامخ...
|
Post: #36
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-14-2008, 12:25 PM
Parent: #35
Quote: وقعتوا ما سميتوا ياناس بروني والعاشرة والكليات وزخاري
دي اسماء داخليات يا براملة صندوق دعم الطلاباو قل طلاب صندوق الدعم |
العزيز عبد اللطيف ..
اسم داخلية ابناء اسيا فى الثورة كان اسمها شنو (( فطانى ...تايلاند ..الفلبين ))
|
Post: #37
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-14-2008, 12:33 PM
Parent: #36
بين اروقــة الجامعة ...معالم وشخوص
Quote: المكتبة المركزية ، جامعة ام درمان الإسلامية
إسم المؤسسة جامعة أم درمان الاسلامية
إسم المكتبة المكتبة المركزية
نوع المكتبة مكتبات اكاديمية
العنوان أم درمان; جامعة ام درمان الأسلامية; شارع العرضة-استاد الهلال; هاتف 556791; 554252
تاريخ الإنشاء 1965
أمين المكتبة
عدد العاملين 56 :1دكتوراة; 13ماجستير; 5تمهيدى; 3بكالريوس غير مكتبات; 24شهادة سودانية54اكمال ثانوى; 14 فنى ; 22عمال نظافة; 4 غفراء
مجموعات المكتبة 107249كتاب عربى ; 21700كتاب انجليزى; 7328 رسالة
التخصص الموضوعى كل التخصصات
ساعات العمل 12
عدد المقاعد 360
نوع المستفيدين طلاب; اعضاء تدريس; باحثين
|
|
Post: #38
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-14-2008, 12:37 PM
Parent: #37
الاخوة ابناء جامعة امدرمان الاسلامية
بين يديكم الاخ الكريم حاج حمد ابن الشعبية المعطأة ...مؤسس حى الشعبية الالكترونــى ...
الشكر دوما لك احى الحاج على تأزرك مع ابناء الشعبية ...
|
Post: #39
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-14-2008, 02:46 PM
Parent: #38
Quote: النذير حسين ( بيرو)
جامعة ادرمان الاسلامية -كلية الاداب لغة انجليزية 1996 |
هلا ومرحبا بأهل الاداب ...بين يدي البوست احد السناير فى اداب اللغة الانجليزية ...
اقدميتك تعبانــة غايتو نشوف ليك دفــرة من ناس اداب ديل ..
|
Post: #40
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-14-2008, 03:06 PM
Parent: #39
كليات ومعاهد جامعة امدرمان الاسلامية
الكليات النظرية
• اصول الدين
• الشريعة والقانون
• الاعلام
• اللغة العربية
• التربية
• الاداب
• العلوم الادارية
• الدعوة الاسلامية
• الاقتصاد والعلوم السياسية
الكليات التطبيقية
• الطب والعلوم الصحية
• الزراعــة
• العلوم الطبية الاساسية
• العلوم والتقانة
• المختبرات الطبيــة
• الصيدلــة
• العلوم الهندسيـة
كلية التنمية البشرية
كلية تنمية المجتمع
كلية الدراسات العليا
المعاهـــد:
معهد بحوث ودراسات العالم الاسلامى
معهد التربية القانونى
معهد دراسات الاسرة
|
Post: #41
Title: Re: جامعة امدرمان الاسلامية /البورداب / توقيعك /بوستات / صور
Author: Seif Elyazal Burae
Date: 09-15-2008, 02:42 AM
Parent: #40
الاخوة الاعزاء
من العلماء المؤسسين للجامعة جدي لامي الشيخ النذير خالد الماحي
ومسمي عليه قاعة باسمه في كلية البنات
وهو اخر قضاة المهدية
مودتي
سيف
|
Post: #42
Title: Re: جامعة امدرمان الاسلامية /البورداب / توقيعك /بوستات / صور
Author: Seif Elyazal Burae
Date: 09-15-2008, 02:45 AM
Parent: #41
بدأت خلاوي تحفيظ القرآن الكريم بالكلاكلة في القرن التاسع الهجري على يد الشيخ علي فتاي العلوم ثم تواصل هذا العطاء ممثلاً في مسيد الشيخ جادالله أبوشرى وخلوة الفكي محمد عثمان الفكي الياس ، وكان للشيخ عبدالقادر ود أم مريوم خلوة كبيرة لتحفيظ القرآن بالكلاكلة القلعة ، ومازالت بعض هذه الخلاوي قائمة حتى يومنا هذا.
وكانت الكلاكلة منارة هامة من منارات الاسلام بفضل وجود الشيخ على فتاى العلوم وحفيده الشهير جادالله ابوشرى الذى يروى عنه انه جمع حول نار القران بناته واولاده (12 بنتا + 6 اولاد) وحفظهم جميعا القران وهو بذلك يكون اول من ادخل تعليم البنت فى السودان بصفة جماعية . و كان لوجود القران والعلم بها اثر عظيم فى نفوس سكان الكلاكلة وكثر بينهم العلماء فى اللغة والشريعة وبلغوا شأواً بعيدا خاصة في
علمي الفقه والتوحيد وبرز منهم بصفة خاصة عالم السودان الشهير الشيخ النذير خالد الماحي قاضي قضاة المهدية وشيخ شيوخ معهد امدرمان العلمي في عهد الحكم الثائي وظهر ايضا القاضي العلامة الشيخ عبدالقادر ودام مريوم بالكلاكلة القلعة فاوقد نار القران وقام بتاسيس الخلوة ونشر علوم الدين وبرز كذلك الفكى ابراهيم محمد الماحى والقاضى ابراهيم الحاج محمد.
- وعلى اثر سقوط الخرطوم وانقضاء دولة المهدية رجع قاضيا المهدية الشيخ عبد القادر ود ام مريوم والشيخ النذير خالد الي الكلاكلة ووالوا رسالتهم في نشر علوم الشريعة وكان مسجد الشيخ النذير وخلوته معهدا علميا غير نظامي ضم اكثر من (30 طالبا) من خارج الكلاكلة من منطقة الجزيرة والشمالية والنيل الابيض هذا عدا الطلاب المحليين من اهل الكلاكلة وفي الثلاثينات واوائل الاربعينات هاجر الي طلب العلم بالمعهد العلمي بام درمان عدد (8) من ابناء الشيخ النذير واحفاده ومنهم من نال الشهادة العالمية ومنهم من اخذ الشهادة الاهلية ومنهم من واصل دراسته بعد ذلك بمصر ونال شهادة الليسانس من كلية دار العلوم بجامعة فؤاد الاول وهكذا ساهمت الكلاكلة في نشر العلوم الثقافية في السودان 0
وتجدرالإشارة إلى أنه مازالت الخلوة تقوم بدورها حتى يومنا هذا إلاّ أن هذا الدرو أصبح محدوداً وذلك لقلة المصادر التي تقوم بتمويل هذا الصرح العظيم وقد قام نفر كريم من أبناء المنطقة بكفالة طلاب العلم حيث تقدر تكلفة إعاشة الطالب لشهر واحد فقط مايعادل 8 دولار أمريكي وترجو لجنة المسجد من المحسنين في كل مكان أن يساهموا معها في تغطية نفقات هؤلاء الطلاب.
من موقع الكلاكلة
|
Post: #43
Title: Re: جامعة امدرمان الاسلامية /البورداب / توقيعك /بوستات / صور
Author: salah almaleeh
Date: 09-15-2008, 12:12 PM
Parent: #42
صلاح المليح نورالدئم
دفعة 1994م كلية الإعلام قسم الإذاعة والتلفاز
والطبع لم أجد فرصة للعمل بالإذاعة أو التلفزيون
وإتجهت للعمل بالصحف وكانت بدايتي بصحيفة الرأي العام
في القسم الرياضي ثم صحيفة المسار ثم صحيفة أخبار الناس
ثم الشارع السياسيوفيها إنتقلت للعمل بالقسم السياسي
رئيساً للقسم في يناير 2000م ثم صحيفة الوطن ثم الحياة
السياسية بعد توقف الوطن ثم عدت للوطن مرة أخرى في يونيو 2005م
وغادرتها بعد مضايقات تعرضت لها من رئيس تحريرها الذي كان يفرض
علينا رقابة أسوأ من الرقابة الأمنية وكذلك لتوجهاته العنصرية
ضد إنسان الجنوب ودارفور وحاول إرغامي على ترك إنتمائي السياسي
للحركة الشعبية لتحرير السودان .. وهو أشبه بالطيب مصطفى صحيفته هي
عبارة عن إنتباهة تو .. ثم توجهت للعمل بصحيفة السوداني التي وجدت
فيها نفسي كثيراً .
|
Post: #44
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-15-2008, 04:19 PM
Parent: #43
Quote: صلاح المليح نورالدئم
دفعة 1994م كلية الإعلام قسم الإذاعة والتلفاز
والطبع لم أجد فرصة للعمل بالإذاعة أو التلفزيون
وإتجهت للعمل بالصحف وكانت بدايتي بصحيفة الرأي العام
في القسم الرياضي ثم صحيفة المسار ثم صحيفة أخبار الناس
ثم الشارع السياسيوفيها إنتقلت للعمل بالقسم السياسي
رئيساً للقسم في يناير 2000م ثم صحيفة الوطن ثم الحياة
السياسية بعد توقف الوطن ثم عدت للوطن مرة أخرى في يونيو 2005م
وغادرتها بعد مضايقات تعرضت لها من رئيس تحريرها الذي كان يفرض
علينا رقابة أسوأ من الرقابة الأمنية وكذلك لتوجهاته العنصرية
ضد إنسان الجنوب ودارفور وحاول إرغامي على ترك إنتمائي السياسي
للحركة الشعبية لتحرير السودان .. وهو أشبه بالطيب مصطفى صحيفته هي
عبارة عن إنتباهة تو .. ثم توجهت للعمل بصحيفة السوداني التي وجدت
فيها نفسي كثيراً . |
د. اشراقــة ... ابن من ابناء الاسلامية شــق طريقــه وســط كل الصعاب مسجلا اسمــه فى عالم الصحافة ...
مرجب صلاح المليح بيك فى دارك ...اثراء البوست جزء من مهام البورداب ...
|
Post: #45
Title: Re: جامعة امدرمان الاسلامية /البورداب / توقيعك /بوستات / صور
Author: عبد اللطيف السيدح
Date: 09-15-2008, 05:04 PM
Parent: #44
Quote: العزيز عبد اللطيف ..
اسم داخلية ابناء اسيا فى الثورة كان اسمها شنو (( فطانى ...تايلاند ..الفلبين |
))
بدر الدين كيف حالك
داخلية اخوانا ناس قارة اسيا او الارانب كما يطلق عليهم لانهم قصار القامة وشعورهم سبيبية
كان اسمها داخلية (البعوث ) في الحارة العاشرة وطبعا كانت دائرة مقفولة للاتجاه الاسلامي في
الانتخابات وناس الاحزاب التانية فرطاقة ما بياخدوها منها لانهم كانوا مفهمنهن انو ديل شيوعيين
وطبعا ده وتر حساس جدا عند الارانب
برجع ليك برواقة
|
Post: #46
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-15-2008, 06:01 PM
Parent: #45
اخونا عبداللطيف ....سلام
Quote: كان اسمها داخلية (البعوث ) في الحارة العاشرة وطبعا كانت دائرة مقفولة للاتجاه الاسلامي في
الانتخابات وناس الاحزاب التانية فرطاقة ما بياخدوها منها لانهم كانوا مفهمنهن انو ديل شيوعيين
وطبعا ده وتر حساس جدا عند الارانب
|
ا ذكر منـهم زميل لنا منهم يدعـــى عبد الصـمد وانج من اقليم فطانى (( الدولة الاسلامية )) فى بورما بشاهد يوم فى قناة
الجزيرة فى تقرير مصور عن اقليم فطانى اذ بالاخ عبد الصمد هو الناطق الرسمى باسم المسلمين فى ذلك الاقليم ...فرج الله عليم ومتعهم
بالامن والسلام .
الرواقــة ده متين انشاء الله
دردشـــــه :
هذه هــى رسالة الجامعة الدكتورة اشراقة ...
|
Post: #47
Title: Re: جامعة امدرمان الاسلامية /البورداب / توقيعك /بوستات / صور
Author: عبدالوهاب علي الحاج
Date: 09-15-2008, 06:12 PM
Parent: #1
ناس الاسلامية السلام عليكم
ورمضانكم كريم
انا ما خريج الاسلامية
ولكني صديق لصاحب البوست
والدكتورة اشراقة
ودا مرور من اجل التحية والمجاملة
|
Post: #48
Title: Re: جامعة امدرمان الاسلامية /البورداب / توقيعك /بوستات / صور
Author: عزام حسن فرح
Date: 09-15-2008, 06:40 PM
Parent: #1
لا حَول ولا قُوة إلا بِالله العلي العظيم ... أمانة ما وقع ورل أقصُد راجِل
|
Post: #49
Title: Re: جامعة امدرمان الاسلامية /البورداب / توقيعك /بوستات / صور
Author: عبد اللطيف السيدح
Date: 09-15-2008, 08:43 PM
Parent: #48
| Quote: الرواقــة ده متين انشاء الله |
بعد ما تفك العطشة ، والفلسة
ابوخزيمة
|
Post: #50
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-15-2008, 09:06 PM
Parent: #49
الزول السمح وهبة ...
الزول السمح عزام ...
شرفتو البوســت ...بين يديكم ابناء صــرح اكاديمى عظيم هو جامعة امدرمان الاسلامية ...
|
Post: #51
Title: Re: جامعة امدرمان الاسلامية /البورداب / توقيعك /بوستات / صور
Author: Seif Elyazal Burae
Date: 09-16-2008, 00:41 AM
Parent: #50
سلامي و اليك وتحياتي
الاخ / سيف اليزل البرعي
وجدت الايمل في بوست جامعة ام درمان الاسلامية وحبيت اشارك في هذا البوست
عبر الايمل فاسمح لي بالمشاركة عبر الافذاذ الذين كانوا في جامعة ام درمان الاسلامية
و تحضرني هذ الطرفة : اذكر كنا نلعب مباراة في ملعب جامعة ام درمان الاهلية عبر دورة الجامعات
فعلقن بنات الاحفاد على شيوخ الاسلامية بأنهم لم يروا نساء (جكس) في الجامعة لذلك كثر عدد المشجعين فكان معانا شباب
مشاغبيييييييين علقوا على بنات الاحفاد بأنهن لم يرن رجااااااااااال من قبل لذلك كثر عددهن في التشجيييييييييع
اكووووووووون شاكر لو نقلت المشاركة الي بوست الجامعــــــــة
ولك شكري وتقديري اخوك ايهاب الامين
كلية الهندسة
المملكة العربية السعودية
شركة الكهرباء السعودية
|
Post: #52
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-16-2008, 04:17 PM
Parent: #51
الاخوة ابناء الاسلامية من خارج البورداب ...يمكنكم المشاركة عبر البريد الالكترونى ادناه ...
[email protected]
|
Post: #53
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-16-2008, 04:19 PM
Parent: #51
بورداب الاسلامية يمكنكم اتاحــة الفرصة لابناء الاسلامية
للمشاركة عبر بريدكم الالكترونى
|
Post: #54
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-18-2008, 11:57 AM
Parent: #53
بين يديكــم رسالة كريمــة من الاخ /محمد عبد المطلب بساطي
لــك التجـلـــه والتقديـــر وانت تساهــم معنا عبر البريد الالكترونــى ...توصيتكم بخصوص البوســت سنرفعها الى بكرى ابوبكر
نحو مزيد من المساهمات ...
Quote:
لك التحية والتقدير وانت تتحفنا بماضي تليد وذكريات لا تنسى
احييكم واحي جزوة النار التي فيكم
ولكن لماذا هذا البوست تقهقهر الى الوراء
نحن نريده قدام فى المقدمة ووراء مأمن
واحسن حاجة تطلب من الزعيم بكري ان يضعه ضمن الاعلانات وهو ليس اقل اهمية من الاعلانات الموجودة اعلاه وهذا اقل شيئ تقدر به
هذه الجامعة الفتية
طبعا انا خريج دفعة 96 ادارة ولكن عندما اتينا الى الجامعة وكان مشوار مرهق الى المدينة الجامعية فتساءلنا لماذا كل
هذا البعد فوجدنا الاجابة من السناير وهي القصة المشهورة ان الرئيس نميري عندما ضاق ذرعا من طلاب الاسلامية واتحادهم
المشاكس دائما لحكومته وعندما كانت هناك حاجة ملحة لعمل سنتر كبير للجامعة وقد طلبت الادارة موقع ووصل الامر الى
نميري وكان ساعتها فى مجلس الشعب فقام بدوره وزود سيارة احد الضباط ب 5 جالون بنزين وقال له انطلق الى هذه
الناحية واشار الى ناحية الفتيحاب وقال له متى ما تعطلت سيارتك بسبب نفاذ البنزين ففي هذه المنطقة تصدق لهم
مقر الجامعة وفعلا عند نفاد بنزين سيارته كانت المدينة الجامعية0
اخوكم/ محمد عبد المطلب بساطي
كلية العلوم الادارية (اول دفعة بعد فصلها من كلية الاقتصاد
داخلية الجنوبي جوار حديقة لقرشي
تاريخ التخرج 1996م
من مدينة السريحة - محافظة الكاملين
الآن بالسعودية اعمل مدير لاحد المرافق الصحية |
|
Post: #55
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-20-2008, 00:22 AM
Parent: #54
محمد عبد المطلب بساطي ... ابن الاسلامية المبادر ...فى سعيــه لتوثيق تجارب وشخوص خريجــى الاسلامية بين يديكم رسالة او خربشات
فى لحظات صدق بين الاحباب فكانت بقايا مداد من ابن الاسلامية :الوليد احمد ...مرحب اخى الوليد كل ما تجود به قريحتك سيجد حظم من
النشر الفورى
الاخ بدر المحترم
بين يدي الآن دفتر ذكريات مدونة فيه تعاليق زملائي فى الجامعة عند الوداع فى ايام الامتحانات النهائية وختام اجمل ايام لنا
بالجامعة وقد تفارقنا بالاحضان والدموع تنهمر من اعيننا وعزائنا الوحيد كان تعاليق مكتوبة على كل دفتر واحد منا حتى نتذكره به
وهو الآن خير معين لنا فى حياة الغربة الشاقة
لذلك آثرت ان انقل هذه الكلمات العطرة من الى هذا البوست الرائع لعلها تضيف اليه عبقا من ذكريات الجامعة الجميلة واطلب من اخي
بدر الدين ان تفرد لكل تعليق رد خاص فى البوست لانه هذا التعليق يحمل تعريفا كاملا لكاتبه وهو بذلك يكون قد دون اسمه هنا بطريقة
غير مباشرة وممكن ياتي باصحاب هذه التعاليق او اقاربهم وانا سوف ارسل لك كل فترة مجموعة من هذه التعاليق
*فى اجمل لحظات الصفاء واحلى اوقات الهناء فى صفو السماء تجتاح رياح الفراق الاليم قلاعنا وتكدر صفو مياهنا وتشتت شملنا وتلاطم
امواجنا وتقتلع اشجارنا وتهوى بها فى مكان سحيق ولكي ستيقى ذكراها فى دواخلنا ما بقى الدهر ما حل بنا سفر وما قام بيننا سفر ،
امتزجت ذكراكم بدمائنا فلن ولم تفنيها الازمان ، فانتم كما انتم فى قلوبنا ودا وحبا وشوقا وتحنانا
يا من يعز علينا ان نفارقهم * وجداننا كل شيئ بعدكم عدم
اخوك/ الوليد احمد الشيخ
كلية الاداب - قسم اللغة العربية
العنوان: محلية الحاج عبد الله - قرية عمارة الخوالدة
محمد عبد المطلب بساطي
|
Post: #56
Title: Re: جامعة امدرمان الاسلامية /البورداب / توقيعك /بوستات / صور
Author: Elwaleed M. Ahmed
Date: 09-20-2008, 04:31 AM
Parent: #55
التحية لشيوخ الاسلامية اينما وجدوا
|
Post: #57
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-20-2008, 01:12 PM
Parent: #56
شيوخ وشباب وشابات الاسلامية يمكنكم التواصل عبر البريد الالكترونى فى هذا البوســــت
[email protected]
|
Post: #58
Title: Re: جامعة امدرمان الاسلامية /البورداب / توقيعك /بوستات / صور
Author: الحبر عبدالوهاب الكباشي
Date: 09-20-2008, 02:14 PM
Parent: #57
| Quote: ويظل السؤال قائما هل هى كانت فعلا جامعة دينية؟ |
لم يكن مثل هذا السؤال مطروحا من قبل ولو كانت دينية لكان خريجوها
مثل خريجي المعاهد العلمية لطالبان ولا ادري من اين اتي هذا السؤال
علي كل نرحب بيكم جميعا في هذا البوست الذي نامل ان يكون رابطا قويا
لخريجي الاسلامية
اخوكم
الشامي الحبر عبدالوهاب الكباشي
اعلام دفعة قديمة جدا
|
Post: #59
Title: Re: جامعة امدرمان الاسلامية /البورداب / توقيعك /بوستات / صور
Author: Adam Mousa
Date: 09-20-2008, 02:30 PM
Parent: #58
Quote: الشامي الحبر عبدالوهاب الكباشي
اعلام دفعة قديمة جدا |
يعنى انت اكبر من عمر ولا شنو أفصح..؟؟؟
الشامى كل سنه وانت طيب وتصوم وتفطر على خير..!!!
غايتو لو ما افصحت طوعا نحن بنعرف بنجيب الاجابه كيف من قرية الشيخ الكباشى..!!!
شفت التهديد ده كيف..!!
|
Post: #60
Title: Re: جامعة امدرمان الاسلامية /البورداب / توقيعك /بوستات / صور
Author: الحبر عبدالوهاب الكباشي
Date: 09-20-2008, 02:48 PM
Parent: #59
| Quote: يعنى انت اكبر من عمر ولا شنو أفصح..؟؟؟ |
عمر بالنسبة لي ود أمس يا اخ ادم
وشايفك مسخن مع ناس اليوم الحار
|
Post: #61
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-20-2008, 11:46 PM
Parent: #60
اخونا الشامى ...رمضان كريم
الف مرحب بيك ...
الشامى ابن الخليفة الحبر عليه رحمة الله ...
اهل الكرم والسؤدد ...
عليك الرحمة والثلة الخيرة من اهلكم ..(( المسلمى البشير ...عثمان البشير ...دفع الله البشير طه ...الكارث ...شيخ المكاشفى
ومن قبل السلام والدعء للخليفة عبد الوهاب ...
انتم اهل الاحزاب ( ما احزاب الدنيا )) حزب السيف ...
لك التحية والتجلة بمقدمك الميمون ...
Quote: اخوكم
الشامي الحبر عبدالوهاب الكباشي
اعلام دفعة قديمة جدا |
|
Post: #62
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-22-2008, 10:36 AM
Parent: #61
ورسالة اخرى من محمد عبد المطلب تجيش حبا وودا لرفقة الدراسة ..
Quote: وهذه كلمات سطرها الاخ اسكندر فى مذكراتي عند الوداع :-
أخي محمد السريحة :حقيقة لخظات الفراق تحرق الفؤاد وتدمع العيون ولا استطيع ان اتحملها على الاطلاق ولكن شاء القدر
بعد ان مضت لحظات وانا اقول لها لحظات لانها مرت سريعة كالبرق فقد تحلو الايام معك بما اتسمت به من حسن خلق وطيبة
رقيقة ومعاملة رفيعة ،فصداقتنا صداقة صادقة خالية من أي مكاسب او ماديات
وكما قال الشاعر
يمضي اخوك فلا تلقي له خلفا
فالمال بعد ذهاب المال مكتسب
اخوك: اسكندر عبد الرحيم السيد
كلية الاقتصاد – قسم المحاسبة
العنوان : كنانة – شركة سكر كنانة – الصفية – الابحاث الزراعية
التاريخ 17/10/1996م
|
الاخ اسكندر ...رمضان كريم ونسعد دوما بمشاركتك عبر الاخ محمد عبد المطلب
وعبر البريد الالكترونى الخاص بــى ...
|
Post: #64
Title: Re: جامعة امدرمان الاسلامية /البورداب / توقيعك /بوستات / صور
Author: مزمل أبو القاسم
Date: 09-22-2008, 01:50 PM
Parent: #62
Quote: جامعة امدرمان الاسلامية
تربينا في حضنها.. تعلمنا فيها الكثير والكثير
مازلنا نحتفظ بذكرياتها الحلوة والمرة
التحية لمؤسسيها من لدن البروفسور كامل الباقر
مرورا
ببروفسور مهدي امين التوم
ثم البروف مدثر عبد الرحيم
ثم ابن الجامعة البروفسور على احمد بابكر
وانتهاءا بابن الجامعة ايضا البروفسور محمد عثمان صالح
انا دفعة اسامة محمد الفضل |
بدر الدين وسيف الدين وإشراقة وآدم موسى وصلاح المليح وكل حبايب الإسلامية منورين ورمضان كريم
مزمل أبو القاسم الشريف
خريج آداب - صحافة وإعلام دفعة 91
يعني بعد أسامة زرقة وسيف الدين وبرلوم لإشراقة مصطفى
وقبل البرلوم آدم موسى بكثير مع إنه أكبر مني
سكنت أربع سنوات في داخلية البعوث مع الأرانب الثورة الحارة السادسة (برفقة زرقة وجمال بشير الناير وأبو شورة
والطيب القويز وقرشي) وبقية العقد الفريد
لن ننسى أياماً مضت
في انتظار دخول عبد الرحمن وعز العرب حمد النيل
|
Post: #65
Title: Re: جامعة امدرمان الاسلامية /البورداب / توقيعك /بوستات / صور
Author: Ishraga Mustafa
Date: 09-22-2008, 07:32 PM
Parent: #64
Quote:
د. اشراقــة ... ابن من ابناء الاسلامية شــق طريقــه وســط كل الصعاب مسجلا اسمــه فى عالم الصحافة ...
|
الاخ بدرالدين والاخوة الكرام
الشىء الطبيعى ان يجد كل منه طريقه ممهدا دون اقصاء ودون نفى للآخر
من حسن حظ البعض ان {معافرته} فى بلد قست كثيرا على ابنائها وبناتها ومنها تعلمنا ان نقسو، اتت اكلها رغم كل شىء
ده وجه ام الوجوه الاخرى فكثيرة لاتعد ولاتحصى
فليس امرّ من نفيك لا لسبب الاّ لانك تحمل وجهة نظر سياسية مغايره وتختلف فى طرحك ومنهجك
ماذا كان يمكن ان تفعل طالبه فى ريعان الحلم وخريجة نجيبة وبمرتبة الشرف وهناك دبابة عفصت على احلامها واحلام الكثيرون والكثيرات؟
شخصيا تعلمت الكثير فى الجامعة الاسلامية ولايمكن ان انسى انها تجارب صقلتنى
اتمنى ان يستمر البوست ده للفترة القادمة لان هناك الكثير الذى يجب ان يوثق وان لايندثر
سلبا او ايجابا
مع احترامى للجميع
|
Post: #66
Title: Re: جامعة امدرمان الاسلامية /البورداب / توقيعك /بوستات / صور
Author: Zakaria Joseph
Date: 09-22-2008, 07:44 PM
Parent: #1
اتمنى ان تقبل هذه الجامعة على مدرجاتها فى يوم ما السودانين الذين لا يعتنقون الديانة الاسلامية. هذه الجامعة تمولها الدولة من اموالنا. انها قمة التفرقة على اسس دينية.
رمضان كريم
|
Post: #67
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-22-2008, 08:46 PM
Parent: #66
الاخ مزمل ...رمضان كريم والف مرحب بيك ...
وانت الذى عاشرت الارانب ( البعوث ) ...اسطر لنا فى هذا البوســت هذه التجربة الثرة مع اخوة كرام تلمسو طريق العلم فى ديارنا .
بعدين اهو الحمد لله جانا زول يادوبك قرب علينا فى الفئة العمرية ...اقدميتك تسمح لك بمسارات فى هذا البوست لم تطرق ..
Quote: مزمل أبو القاسم الشريف
خريج آداب - صحافة وإعلام دفعة 91 |
نترشـــة :
انتو ناس صحافة ديل مالم كتار كدهـ ...
|
Post: #68
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-22-2008, 10:03 PM
Parent: #67
اختنا .إشراقــة :
Quote: ماذا كان يمكن ان تفعل طالبه فى ريعان الحلم وخريجة نجيبة وبمرتبة الشرف وهناك دبابة عفصت على احلامها واحلام
الكثيرون والكثيرات؟ |
كان لهــــا ان تكون إشراقة بكل ما فى حياتها من ...
Quote:
شوكة
شمعة
فانوس
انجاز
احباط
فرح
حزن
جنون
وعقل
قلب
وغناء
|
|
Post: #70
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-22-2008, 10:13 PM
Parent: #68
Quote: اتمنى ان تقبل هذه الجامعة على مدرجاتها فى يوم ما السودانين الذين لا يعتنقون الديانة الاسلامية. هذه الجامعة تمولها الدولة من اموالنا. انها قمة التفرقة على اسس دينية.
رمضان كريم |
اخونا زكريا جوزيف ...رمضان كريم عليك انت برضو ...
انا شخصيا لا اعتراض لى على ان يندرج غير المسلمين فى الجامعة بعد ان اصبحت جامعة حكومية بالكامل وتمول من وزارة التعليم
العالى أسوة ببقية الجامعات .
لكن يا جوزيف هذه الجامعة لم تكن تمول فى السابق عند نشأتها بواسطة الحكومة السودانية بل كانت تمول بواسطة رابطة العالم
الاسلامى لتحقيق اغراض ذات صلة بالدين الاسلامى او التعليم الدينى ...
وانا من ابناء الشعبية جاورت منزل القاصد الرسولى لاكثر من عشرون عاما ...تم تحويل المنزل الى كلية علوم اللاهوت لتدريس متخصصين
فى البشارة بالدين المسيحى وعلومه وتمول بواسطة الفاتيكان ...قطعا بيكون القبول لها قاصرا على معتنقى الدين المسيحى ..
زكريا سعدنا بمرورك على بوست الجامعة الاسلامية شكرا
|
Post: #71
Title: Re: جامعة امدرمان الاسلامية /البورداب / توقيعك /بوستات / صور
Author: Ishraga Mustafa
Date: 09-22-2008, 10:21 PM
Parent: #70
Quote: لكن يا جوزيف هذه الجامعة لم تكن تمول فى السابق عند نشأتها بواسطة الحكومة السودانية بل كانت تمول بواسطة رابطة العالم
الاسلامى لتحقيق اغراض ذات صلة بالدين الاسلامى او التعليم الدينى ... |
ده برضو فى زمنا يابدر الدين؟
معلومة مفيدة وجديدة بالنسبة لى
لانى لمن قدمت للجامعة قدمت عن طريق مكتب القبول وما عن طريق رابطة العالم الاسلامى
|
Post: #69
Title: Re: جامعة امدرمان الاسلامية /البورداب / توقيعك /بوستات / صور
Author: Ishraga Mustafa
Date: 09-22-2008, 10:09 PM
Parent: #66
| Quote: اتمنى ان تقبل هذه الجامعة على مدرجاتها فى يوم ما السودانين الذين لا يعتنقون الديانة الاسلامية. هذه الجامعة تمولها الدولة من اموالنا. انها قمة التفرقة على اسس دينية. |
وكأنك تقرأ يازكريا مانادينا به يوما- طلائع عزة بكلية البنات- الجبهة الديمقراطية لاحقا
اتفق معك قلبا وقالبا
|
Post: #87
Title: Re: جامعة امدرمان الاسلامية /البورداب / توقيعك /بوستات / صور
Author: المكاشفي الخضر الطاهر
Date: 09-25-2008, 12:51 PM
Parent: #69
اختلف معكم تماما
ولا اتمنى ان تقبل الجامعة اي شخص غير مسلم فهي جامعة مخصصة للمسلمين فقط حيث كانت فى بداياتها احد اجزاء معهد امدرمان العلمي الذي كان يدرس العلوم الشرعية
فقه
توحيد
تفسير حديث وعلومة
لغة عربية
وغيرها من العلوم الشرعية
ولكنها ف الاونة الخيرة اخذت تربط الدين بالعلوم الطبيعية الاخرى والفلسفات الحيثة والقديمة وتكيفها مع تعاليم الدن الاسلامي
فهذه خصوصية لجامعة امدرمان الاسلامية كما ان هناك مهاعد تدرس معتقدات النصارى واليهود وغيرها
اما غير المسلمين فهم غير محرومين فهناك جامعات كثيرة بل كل الجامعات مفتوحة لهم باثتسناء الاسلامية والقرآن على ما يحضرني هذه اللحظة
والله اعلم
|
Post: #72
Title: Re: جامعة امدرمان الاسلامية /البورداب / توقيعك /بوستات / صور
Author: Mohamed Khalid
Date: 09-22-2008, 10:36 PM
Parent: #1
السلام عليكم
الاخ بدر الدين
الدكتورة اشراقة
اشكركم على هذا البوست
ابتداءا نسجل حضور وبعدين نرجع
انا خريج هذا الصرح العظيم دفعه ٩١ عييييييييييييييكك قديم خلاس من زمن ناس دكتورة اشراقه
|
Post: #73
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-22-2008, 11:06 PM
Parent: #72
إشراقة اختنا ..
الكلام ده فى اوائل السبعينات ايام كان اسمها كلية الدراسات العربية والاسلامية ...
بالله برضو كان عندكم التحت ديل فى كلية البنات ...
| Quote: طلائع عزة بكلية البنات |
بفتش ليك شيخات الاسلامية فى اليومين ديل عشان يدونا فواصل كلية البنات وما ادراك ما كلية البنات ..
انت يا إشراقة ناسية اننا كنا نلتقــى بكم فى ارض محايدة ( منزوعة السلطات )
بجيب ليك خبرهن ...
جميلة جلال الدين ...نجوى عبد اللطيف ..مريم محمد صالح ...عفاف حسين وكل الكوزات المعتقات ديلك .
|
Post: #74
Title: Re: جامعة امدرمان الاسلامية /البورداب / توقيعك /بوستات / صور
Author: Ishraga Mustafa
Date: 09-22-2008, 11:21 PM
Parent: #73
Quote:
جميلة جلال الدين ...نجوى عبد اللطيف ..مريم محمد صالح ...عفاف حسين وكل الكوزات المعتقات ديلك . |
ياريت
عشان يدونك الخبر اليقين خاصة نجوى عبداللطيف- رئيسة احدى دورات الاتحاد وجميلة سكنت معاها فى داخلية واحدة زولة طيبانه وكنا بناكل سخينة مع بعض
قدرنا ان يكون لينا انسان يحترم الآخر واختلافو معاهو وده مثل ايجابى ام هدير الدم ده موضوع تانى ليهو ناسو وسيخهم
Quote:
بالله برضو كان عندكم التحت ديل فى كلية البنات ... |
|
Post: #75
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-22-2008, 11:23 PM
Parent: #73
Quote: الاخ بدر الدين
الدكتورة اشراقة
اشكركم على هذا البوست
ابتداءا نسجل حضور وبعدين نرجع
انا خريج هذا الصرح العظيم دفعه ٩١ عييييييييييييييكك قديم خلاس من زمن ناس دكتورة اشراقه |
محمد خالد ...الشمالية ...الرياض الخرطوم ...ثم بورسودان ولا واحد تانــى
غايتو مرحب بيك ان كنت او لم تكن .. لكن بالله عليك ادينا الكلية والسنة ولو بالتورية زى اختنا اشراقة كدهـ
|
Post: #76
Title: Re: جامعة امدرمان الاسلامية /البورداب / توقيعك /بوستات / صور
Author: معاذ منصور
Date: 09-24-2008, 10:02 AM
Parent: #75
الغالي بدرالدين والدكتورة العزيزة علينا جميعا اشراقة
وكل الداخلين من خلفهم على هذه (اللمة ) العرس
فطالما حلمنا بان نجتمع بعد سنوات طوييييلة فارقنا البعض الا من هنا وهناك
معاذ منصور الجزولي الطيب
اداب ... الصحافة والاعلام
اكتوبر 1990
ما احلاها من ايام
وخاصة تلك التي جمعتنا مع كثيرين بالعمل العام داخل الجامعة سياسيا وعلميا
وعل الدكتورة تذكر ايام عمل جمعية الصحافة والاعلام بالجامعة
يوم ان كتبنا (جمعيتا الصحافة والاعلام بكليتي الاداب والبنات ) وقامت الدنيا
نتمني ان يتواصل سيل ابناء الاسلامية لنعرف اين رست سفن الكثيرين ممن نجهل
في السادس من ابريل 91م اخترنا مغادرة البلاد الي مصر ثم ليبيا
التي عدنا منها في اكتوبر 93
والتحقنا بالعمل بصحيفة الانقاذ الوطني حتي مارس 97 ولما ضاق الحال للمرة الثانية هجرنا
المهنة .. للعمل بالمملكة العربية السعودية .. خميس مشيط .. في مجال المبيعات
نتمني ان يكون البوست فرصة للتواصل مع كل الاخوة والاخوات
د اشراقة
اخبار بنات دفعتكم كلها طويت مع النسيان ولم يظهر الا القليل
تحياتي لكم جميعا
00966506116061
[email protected]
بقينا ابو بنات : التوأم رونق ورحيق ثم عائشة
|
Post: #110
Title: Re: جامعة امدرمان الاسلامية /البورداب / توقيعك /بوستات / صور
Author: Mohamed Khalid
Date: 10-07-2008, 06:15 AM
Parent: #75
| Quote: محمد خالد ...الشمالية ...الرياض الخرطوم ...ثم بورسودان ولا واحد تانــى |
واحد تانى
الجزيره، الاداب انجليزى اليمن ثم امريكا
الرخا،برونى والكليات وواحده فى النص والله نسيتها.
|
Post: #77
Title: Re: جامعة امدرمان الاسلامية /البورداب / توقيعك /بوستات / صور
Author: مزمل أبو القاسم
Date: 09-24-2008, 01:21 PM
Parent: #1
والله مشتاقين يا معاذ
مزمل
|
Post: #78
Title: Re: جامعة امدرمان الاسلامية /البورداب / توقيعك /بوستات / صور
Author: معاذ منصور
Date: 09-24-2008, 02:16 PM
Parent: #77
تسلم مزمل وكل عام وانت بخير واحر التعازي لكم في مصابكم العظيم
ليت هذا البوست يصل ما انقطع طيلة السنوات التي مضت
وتعود الالفة بين ابناء الاسلامية ومش عارفينامكن يكون احد الزملاء قريب من المكان الذي نحن فيه
فتواصا اكثر
تحياتي لجميع كواكب الاسلامية
|
Post: #79
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-24-2008, 02:41 PM
Parent: #78
ورسالة جميلة اخرى من الاخ محمد عبد المطلب بساطي عفارم عليه كل هذا الجهد والمثابرة ليظل بوست الاسلامية عاليا
Quote: وهذه رسالة رقيقة من الاخ فخري وهو رجل وجيه ومحترم جدا وقد كان منتسب لعمله بالنك السوداني الفرنسي وما نراه الا فى ايام الامتحانات وقد سطر لي فى دفتر الذكريات هذه الخواطر:
لحظات باقية
اخي 00محمد السريحة : هاهي الايام تمضي والسنين تجري وياتي الفراق بطعم الحنظل ولكن يبقى الود دوما بين الناس—حقيقة كانت ايام ينتكس لها اليراع خجلا لانه لا يقدر ان يعطيها حقها وبالرغم من ان اعتبر نفسي غير محظوظ لانني دائما يكون وجودي معكم فى ايام الامتحانات ولكن رغم هذه الفترة القصيرة لمست فيكم الطيبة الصادقة والاخوة الحميمة والتي لم اجدها حتى من اخواننا بالرضاعة فانتم حقيقة معدن نادر ونسمة رقيقة فى خضم هذا العالم المهووس من حولنا عالم الماديات العالم الذي حطم كل القيم الجميلة والاحاسيس النبيلة
لقد وجدتكم كالشجرة الظليلة فى هذه الصحراء نعيش فيها وكم كنت اتمنى ان تطول مدة اللقاء ولكن هذا قدرنا ولابد من الفراق وهاهو ياتي الينا متوشح بثوب السواد وعلينا ان لا نتمثل له لان ابواب التواصل مشرعة بيننا واجمل اللحظات هي التي لم نعشها00000000000000000
اتمني ان القاك فى القريب العاجل واتمنى لك كل التوفيق والسعادة فى حياتك وان يسدد خطاك0
اخوك: فخر الدين على محمد عبد القادر
كلية الاقتصاد – قسم المحاسبة
العنوان : القضارف – البنك السوداني الفرنسي ص0ب 191 ت 3303
فى 20/10/1996 داخلية الجنوبي الساعة 10 مساء فى شرفة الغرفة المطلة على شارع بييوكوان
مع خالص تحياتي للاخ فخر الدين وياريت الاقدار تاتي به الى هذا البوست ويقرأ ما سطره اعلاه حتى نستعيد اياما لن ننسى ذكراها
اخوكم محمد عبد المطلب بساطي
|
وكمان تحية خاصة الى ابن الاسلامية فى الجهاز المصرفى فخر الدين على محمد عبد القادر ..ودونك البريد الالكترونى للمشاركة
[email protected]
|
Post: #80
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-24-2008, 02:50 PM
Parent: #79
Quote: الغالي بدرالدين والدكتورة العزيزة علينا جميعا اشراقة
وكل الداخلين من خلفهم على هذه (اللمة ) العرس
فطالما حلمنا بان نجتمع بعد سنوات طوييييلة فارقنا البعض الا من هنا وهناك
معاذ منصور الجزولي الطيب
اداب ... الصحافة والاعلام
اكتوبر 1990
|
البوست خطوة فى طريق تواصلنا وتألفنا وتوثيق تاريخ تشاركنا فى الجامعة الاسلامية ...
الترحيب بيك ان يكون مداد يراعكم سيلا من التجارب والخبرات والقصص وانت من اهل الصحافة تعطيرا لهذا البوست ...
ترمــــــــــــة :
الجمعية العمومية للبوست كلها اصبحت صحافة ومطبوعات ...وين الباقـــى
|
Post: #81
Title: Re: جامعة امدرمان الاسلامية /البورداب / توقيعك /بوستات / صور
Author: مزمل أبو القاسم
Date: 09-24-2008, 04:08 PM
Parent: #1
الأخ بدر الدين تحياتي لك
أرجو شاكراً تصغير صورة صغيرتك لأنه البوست بقى مفتول بسبب كبر مساحة الصورة
مزمل
|
Post: #82
Title: Re: جامعة امدرمان الاسلامية /البورداب / توقيعك /بوستات / صور
Author: محمد الواثق
Date: 09-24-2008, 07:25 PM
Parent: #1
الأخ بدر الدين
السلام عليكم
انا جيت الإسلامية من الفرع (((( شوف النقله دي ))))
خريج قانون الفرع 1991
تمهيدي ماجستير العلوم السياسية الإسلامية 1993
ضربت في الأرض ابتغي فضلاً من الله
عدت للدراسة
ماجستير العلوم السياسية 2001
دفعتنا في التمهيدي
كمال عبد الوهاب مغاربه
عبد الوهاب عبدالله
موسى الشيخ موسى
عصام عوض متولى ( القنصل الحالي في دبي )
د. سعيد هلال المنصوري ( من الامارات )
مختار ولد مين كدا موريتاني
القنصل الصومالي
امير النعمان
حسن علي حسن ود دفعتنا ورئيس اتحاد الفرع 1990 - 1991
محمد ابراهيم السنوسي
عثمان البشير الكباشي
محامي اسمو محمد على
مجموعه من موظفي النائب العام .
مجموعه كبيرة من الأسماء لا اذكرها .
الدرسونا
أ.د. على احمد بابكر وأ.د. احمد على الأزرق مقاصد الشريعه
أ.د. محمود حسن علاقات دولية + مناهج البحث
أ.د. التجاني عبد القادر الفلسفة السياسية
د. الفاتح عبد السلام السياسة السودانية
أ.د. حسن سيد سليمان سياسه دولية + منظمات دولية + مصطلحات
|
Post: #83
Title: Re: جامعة امدرمان الاسلامية /البورداب / توقيعك /بوستات / صور
Author: أسامة الفضل
Date: 09-25-2008, 03:21 AM
Parent: #82
يا ناس الإسلامية
طيبين إنشاء الله
أعذرونا للغياب اليومين الفاتت
يعني نغيب من البوست نلقاه جاب النجوم وجاب ذكريات أحلى ناس
الصحفي الكبير أخونا مزمل
تحية خالصة لك و لأيام تعيش في دواخلنا إلى الأبد
اسمح لى أن أعزيك في فقدك الكبير.
يا أخي أخبار الشباب إنشاء الله تكون عندك.اتصل على كومبلاوي ايام كنت في الرياض وعلمت أنه يعمل مدرسا في حفر الباطن. جمال الناير في قطر.قابلت عزالدين قبل خمس سنوات مصادفة في الخرطوم و كانت على الطاير. هناك أخوة لم أقابلهم منذ 1991 مثل قرشي - إسماعيل -حمودة - الطيب أرجو إرسال أي أخبار أو تلفونات إذا كنت تملكها.
لك ودي . تجد رسالة على الماسنجر
|
Post: #84
Title: Re: جامعة امدرمان الاسلامية /البورداب / توقيعك /بوستات / صور
Author: مزمل أبو القاسم
Date: 09-25-2008, 12:25 PM
Parent: #83
إزيك يا أسامة
تحياتي لك ولأيام تستعصي على النسيان
كمبلاوي ما عندي خبر منو
أب شورة معاي طوالي ولما الهلال يغلب والمريخ يتغلب يهريني رسائل
وتلفونه 00249912390027
الطيب القوير في الخرطوم وطولت ما لاقيتو
قرشي ما عندي منو خبر
زي ما قلت جمال بشير الناير في الدوحة
حمودة ما عارفو وين
إسماعيل ما عندي خبر منو
تحياتي لك وممكن تشل تلفوني من عز الدين
أتمنى أن أراك أو أسمع صوتك يا أسامة
لك الود أصفاه
مزمل
|
Post: #85
Title: Re: جامعة امدرمان الاسلامية /البورداب / توقيعك /بوستات / صور
Author: Giwey
Date: 09-25-2008, 12:33 PM
Parent: #84
عبد الرحمن حمد النيل أحمد
إدارة أعمال - 1988م
راجع للدردشة لاحقا" لأنى مسحت مداخلتى الأولى هنا بالخطأ...
لكم الود
عبد الرحمن قوى
|
Post: #88
Title: Re: جامعة امدرمان الاسلامية /البورداب / توقيعك /بوستات / صور
Author: المكاشفي الخضر الطاهر
Date: 09-25-2008, 01:01 PM
Parent: #84
مزمل ابو القاسم
سلام
|
Post: #89
Title: Re: جامعة امدرمان الاسلامية /البورداب / توقيعك /بوستات / صور
Author: المكاشفي الخضر الطاهر
Date: 09-25-2008, 01:09 PM
Parent: #84
مزمل ابو القاسم يوم الهلال يغلب المريخ بتكتب ولا بتزوغ زي الجماعة
|
Post: #86
Title: Re: جامعة امدرمان الاسلامية /البورداب / توقيعك /بوستات / صور
Author: المكاشفي الخضر الطاهر
Date: 09-25-2008, 12:45 PM
Parent: #1
التحية لؤلاء الاساتذة الاجلاء
الدكتور المرحوم احمد على الازرق
الدكتور محمد عثمان صالح
الدكتور محمد سر الختم
الدكتور حسن عباس حسن .. امين الشئون العلمية حاليا
الدكتور عبد المنعم احمد عميد كلية العلوم الادارية حاليا
الدكتور على خضر محمد نائب العميد
الدكتور عبد الماجد
الدكتور فتح الرحمن الحسن
الدكتور زين العابدين العبد محمد نور
الدكتور عبد الجبار بلال
الدكتور عبد اللطيف البوني
الدكتور عمر يوسف حمزة
يتبع
|
Post: #90
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-26-2008, 00:04 AM
Parent: #86
وكمان رسالة من الاح خالدالصادق ...رمضان كريم
الاخ خالد والله زمان ...عصام محمد نور حتـه واحدة كدهـ ...
ونحن برالمــة سنة كم كدهـ ما عارف ..امين الدار فى اتحاد كيزانى اخ يسمى ......عبد الشافع رابطة ما اقامت حفل فى الدار
وجابو فنان وبدأ الغناء وحضر امين الدار فجأة وصعد الى المنبر حاملا معـــه ((سيخــة )) وطرد الفنان والحضور والله
زمممممممممممممممان
Quote:
تحايا عطرة لكل خريجى/ات الاسلامية
فكرة البوست رائعة وفرصة لتواصل الاجيال وتبادل الاراء ، اسعد جدا بالتواصل مع كل ابناء الاسلامية حتى الكيزان ( شوفتو قبول الاخر ده صعب كيف ).
تحياتى لكل الرائعين دفعة 2000 بكلية العلوم الادارية وخاصة الذين لم التقيهم منذ حفل التخرج – وبالمناسبة ده كان اول حفل تخريج فى الجامعة مختلط ( شيوخ + شيخات ) وفى نادى الضباط والفنان كان عصام محمد نور ، وكانت لحظات لاتنسى .
خالد الصادق محمد على
خريج كلية العلوم الادارية – محاسبة
دفعة 2000
لنتواصل عبر الرقم : 0912317563 & [email protected]
|
ترمــــــــــــــــــــــــــه صغيرة ...
2000سنة دهـ فى ناس ليهـــم عشرون عاما يتذوقون قهوة السياسة ..
|
Post: #91
Title: Re: جامعة امدرمان الاسلامية /البورداب / توقيعك /بوستات / صور
Author: أسامة الفضل
Date: 09-26-2008, 01:22 AM
Parent: #90
نبتدي من وين الحكايات
من داخلية البعوث بالثورة الحارة السادسة
كنا حوالى العشرة سودانين بين جنسيات مختلفة تحصلت على منح دراسية .
طلاب من فلسطين - اليمن - زنجبار - غانا- تنزانيا- السنغال- جزر القمر - موزمبيق - الصومال - إريتريا- تايلاند - ماليزيا - أفغانستان,
من حكاوى جنابو عزالدين أبوشورة كنا مرة- إذا اسعفتني الذاكرة- مزمل -الناير- عزالدين وشخصي الضعيف - ده كان زمان هسي بقيت سمين - في طريقنا لصلاة الجمعة في مسجد السوق في الحارة السادسة و في الطريق قال عزالدين ;- أراهنكم الإمام حايقرا سورة القدر في الركعة الأولى ولما سألناه لماذا? أجاب لأنه لاحظ أن الإمام يفعل ذلك كل جمعة ثم دخلنا المسجد و بعد الخطبة قوموا إلى صلاتكم يرحمكم الله و قمنا و كان عزالدين يتوسطنا و بعد الفاتحة بدأ الإمام في قرأة سورة القدر فما كان من عزالدين إلا أن لكزنا بكوعيه قائلا; ما قلت ليكم
|
Post: #92
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 09-26-2008, 08:31 PM
Parent: #91
محمد عبد المطلب بساطي... وكمان رسالة تحمل بقايا مداد من رحلو ..لهم الرحمة
Quote: وهذه كلمات رائعة سطرها يراع المرحوم/ محمد عمر عبد الرحمن النجومي) الذي توفى فى حادث حركة بعد التخرج بسنة وكان انسان خلوق جدا ومتواضع ويقدس الصداقة ويحب الخير للكل، الا رحم الله الفقيد واسكنه فسيح جناته مع الصديقين والشهداء وحسن اولئك رفيقا 0
كلمات المرحوم :-
اخي محمد السريحة
اجمل شيئ فى الحياة ان تكون هناك لقيا واجمل منه ان نحفظ الود والشوق والعشق والهوى ، مساحات من الجمال زرعناها فى دواخلنا لشخصكم الغالي وجنينا ثمارها محبة واخوة صادقة هي اجمل ما في هذا الكون 0
دم على العهد واحفظ الود تجدنا دوما0
اخوك ابدا : محمد عمر عبد الرحمن النجومي
كلية العلوم الادارية
العنوان : محافظة البطانة – قرية أبوجلفا
فى يوم 7/11/1996م بداخلية الجنوبي
نسأل الله للفقيد الرحمة والمغفرة والعتق من النار
مع خالص تحياتي :
محمد عبد المطلب بساطي
ãÍãÏ ÚÈÏ ÇáãØáÈ ÈÓÇØí(ÇáÓÑíÍÉ 0 |
|
Post: #93
Title: Re: جامعة امدرمان الاسلامية /البورداب / توقيعك /بوستات / صور
Author: Ishraga Mustafa
Date: 09-26-2008, 09:00 PM
Parent: #92
كتابة نشرتها من قبل هنا فى بوست ودعوت خريجات وخريجى الجامعة الاسلامية لتوثيق تجاربهم، اعيدها عنا لاسترجاع الذاكرة التى مانامت يوما
Quote: فوانيس
د. إشراقه مصطفى حامد
[email protected]
بكائيات ..... تاريخ...... وحكايات
الى صديقات ذلك الزمن... رفيقات الدروب
من اقتسمن معى ملح الانسانية... والنضال... والمحبة
واليك ياصديقتى ام وائل.....ماتبقى من نبض وخفقان!!
من الصعب الكتابة عن زمن {مشربك} فى الدم والروح ومن الاقسى ان ينفك أسر الذاكرة والقلب لاكتب عنا.... عنك.... عن ذلك التاريخ وتلك الحكايات ومابقى الآن غير بكائيات العمر، نمسح دموعه المدرارا ونتبع اثر خطانا القديمة علها تنبه فينا بعض فرح {مدسوس} فى مكان بعيد لم تطاله يد الزمن الغول...
كيف أكتب عن تلك السنوات ياصديقتى الجميلة والدنيا ربيع انتفاضة، فى ذلك العام والشارع يفوح بعبق الانتصار لارادة الناس الطيبين وشجر النيل وينحاز للون التراب، فى ذلك العام من 1985 كان لقائنا الذى مرّ عليه الآن أكثر من عشرين عاما.... يأأأأأأأه... أتحسس الآن سنوات عمرنا، وهى تنسرب كالرمل، تندلق فى تاريخ بعيد تصيبة بمزيد من الظمأ.
كثيرا تم تحريضى ان اكتب عن تلك التجربة فى الجامعة الاسلامية بكلية البنات حتى لاتندثر، فقد كانت تجربة حقيقية عشناها بكل ايجابياتها وسلبياتها وحافزنا كان التغيير، وماكنت أحس بانى استطيع ان اكتبها رغم انها صاحية فى قلبى كنار حارقة وتهفو فى أيامى بكل ذكرياتنا ويوم أتانى صوتك، صوتك الذى لم تغييره السنين بذات نبرته الحنينة وذات ضحكتك وكانى الآن التقيك بدار اتحاد الجامعة الاسلامية بعد ساعة.. ياصديقتى النضرة القلب، صوتك الذى صحانى ذات مساء زقزقت له روحى وجاءتنى عفاف، تلك الامورة الوديعة النبيهة الذكية... كيف فعلت بها الدنيا.. وابتسام الرقيقة، نسمة بحر ابيض علها تلوح الآن وتضحك حتى تدمع عينيها الرسولة... وخالدة صديقتنا المرتبة، ذات الاهداف المحددة ونحن نخط الف باء الدراسة الجامعية وهى تهفو ليوم زفافها.
كل تلك الايام تهفو كورق أخضر فى قلبى وتعيدنى لانضر ايام العمر وبدايات ترسيخ وعينا والحياة التى كان لونها زاهيا. كانت علاقتنا مميزة بكل مافيها من احلام وشقى واوهام شجية. كانت صداقتنا تتشابك مع صديقات مشتركات تربطهن هموم واحدة بدء من حلم التغيير داخل كلية البنات مرورا بحكايات الشجن الدافىء الذى يهطل بعد عودتنا من دار الاتحاد... نحكى عن الندوة وانطباعتنا واقتراحاتنا. يسطع الآن عم حمد بوجه النبى و{صحوبيتنا لاعمامنا سواقين البصات}، ضحكنا يومها كثيرا واقتراحى لهم حين شكوا الحال المائل بان يضربوا عن العمل، وكيف لاينجح الاقتراح والعصيان المدنى اسقط اشرس مايو.. ومن يوم طباعة البيان وتوزيعه على الصحف ونيلهم لمزيد من الحقوق والتى ساهم فيها ذاك الشاب الموظف فى الادراة والذى طالته يد الصالح العام من اول شهرمن انقلاب يونيو 1989. ومن يومها توطدت العلاقة.. علاقة الاباء ببناتهم {المشاكسات} ولايمكن اغفال دور بعض الاساتذة الوطنيين اذكر على سبيل المثال استاذ بشير صالح واستاذ فضيلى جماع وغيرهم ولازلت اذكر مواقفهم التى سندتنا ضد زمهرير الاقصاء والكبت السياسى ، ولم يبخلوا علينا بالرؤية والحكمة.
انفجرت بالضحك مع {صاحبة زمن سمح} وحكينا عن رغبتنا المجنونة تلك لتنظيم الخالات عاملات النظافة فى نقابة لتحسين اوضاعهن.. هذه الافكار التى تسميها خالدة { افكار ناس مانصيحين} جعلت استاذ اللغة الانجليزية، استاذ زهير الذى ايد فكرة فصول محو أمية وشطحنا بالفكرة حينها لتشجيعهن لتكوين نقابة. كانت بنا طاقة خلاقة ونازعة للفعل فى كل اشكاله الايجابية، طاقة لصناعة نحل الفرح و {عسل الداخليةَ_ حنان الدامر} تعلن تمردها الذى لايقل عن تمرد سامية التى لاتفرط فى {جيهتها واناقتها} وهن يعلننها داوية { ماعاوزين لينا امام فى الداخلية بنصحى برانا نصلى الصبح}. كنت ضمن ساكنات تلك الصاله التى نتكدس فيها ونتدفأ بانسانيتنا ولم نعد بحاجة لبطاطين لم تستطيع اغلبنا توفيرها، من يومنا فقراء....وكان استاذ زهير الذى كنا نسميه بالاستاذ الرقيق يدعونا بعض المرات لتناول فنجان قهوة فى مكتبة المنظم بعناية فائقة ويحكى لنا متأثرا عن الغنم التى لاتجد ماتأكله وانه بالضرورة تكوين جمعية للرفق بالغنم حتى لاتأكل الورق المتسخ والمتناثر فى الشارع ونضحك حين نقول له { يا استاذ كلنا كان كده غنم ونحتاج لمن يرفق بنا} وينظر لنا متأثرا وهو لايعرف ان {السخينة} التى ادمناها فى انتظارنا حين نعود الى الداخلية.
أحببت اللغة الفرنسية لاجلكن، وكم مرة أرهفت السمع لالتقط بعض الجمل والتى كنت انطقها خطأ وتنفجرن بالضحك
ودكتور عبدالرحمن.. أستاذ اللغة الفرنسية...توطدت علاقتنا به، نزوره احيانا فى مكتبه فى كلية التربية وكنا لاننفك فى مناقشة العديد من المواضيع أهمها المناقشة التى تعقب افلام المركز الفرنسى التى كنت ادوام معكن لمشاهدتها..
كانت ايام خوالى ياصديقتى....
حكاياتنا القديمة المتجددة
تخرجنا وراحت كل الى سبيلها...
تواصلنا ما استطعنا الى ذلك سبيلا... زرت اسرة هويدا فى آخر زيارة لى الصيف الماضى وتلمست اخبارها... تزوجت من ظل اعواما يحلم بها... صديقنا اللطيف محمد ابراهيم... وهل يمكن ان يأفل نجمه وهو الرصين بالفكرة والمقاوم بتحدى؟ قبل فترة رن جرس التلفون لاسمعه... سنوات مرت الا ان هناك بشر نقابلهم لايمكن نسيانهم، انهم جزء من تاريخنا وهويتنا، حكاياتنا، افراحنا وكل حزننا.. تزكرنا عفيف {ود رفاعة} كما سميناه، احمدابراهيم وعبدالرحيم حامد.. اولئك اللذين رافقتهم ابان رحلة النضال فى تلك البقعة حيث لامكان للخوف فينا وفينا مافينا من هدير، هدير يتناسب وعمرنا ذاك {عمر الزهور عمر المنا}.
وفى الثورة حيث كانت تترواح اقامتى طلبت من { صاحب الامجاد الذى تاه فى ظلم امة الامجاد} ان يقف بى على تلك الداخلية.. لم تكن {رايحة لى بكية} حين علقن المرافقات... البقالة تلك فى مكانها، تذكرت البائع وكيف كنا نشترى منه الطماطم والبصل ودرجة الحرارة خمسين ومافى اليد حيلة، كنت اتمنى ان القاه وان {يبحت} فى {خرتويت} احلامه حين ترك ريفه ونزع للمدينة فابتلعته وابتعلت احلامه الصغيره، تلك النوتة المهترئة التى كان يسجل فيها {ديوننا} حين تكون {العين بصيره واليد قصيرة} سألت عنه وكأنى سألت عن أهل الكهف فقد ذهب مثلنا الى اين لا ادرى...
نظرت من على البعد تلك الصالة الكبيرة التى حوت عشرة سراير كنا فى نهاية السنة الاولى.. نتهامس ليلا والى وقت متأخر، كنت حينها ياصديقتى تعشقين... بل ستتزوجين... كيف وانت لم تكملى الدراسة... وبخجل... {والله انتى لو اتونستى معاه حاتعرفى ... وحاتشجعينى اطير ليهو طير}... نضحك.. سامية تطنطن وتنبهنا ان الساعة الآن قاربت الثانية صباحا... سامية بت الدويم اللطيفة.... كانت تعشق ايضا حينها ولكن {قلبها ميت} بترش فيه {موية} قبل ان تخلد الى النوم.... ربما وزعت نار أشواقها فيك.... فى نبوية تاريخ او عوضية بت كسلا.... كثيرا كنا لاننصاع لها وهى تأمرنا بان ننام... كيف ننام وانتى تلامسين قوز قزح اترسم فى قلبك وتفرهدين مثل شجر الجوافة فى بيوت اثرياء مدينة النيل.... بيت زميلنا أحمد {النظيف}... ياترى هل انتبهت صديقتنا تلك الى هفهفة شجر الجوافه والشوق فى عينيها.... إيمان... تاريخ التى صار لها شأن وحققت احلامها بالعمل فى التلفزيون وكلما اراها وانا فى غربتى تملأنى تلك الايام... من يومها تملك الموهبة... ومن زمانها حديدية الارادة. كلما ارى ابتسامتها تضىء ليل ذاك الجهاز المسمى زورا وبهتانا بالقومى... أحس بان الحياة يمكن ترتييبها على نحو أفضل... اتزكرها وصورة {عمو غريب} شباب العباسية اصحاب الدكان جوار دار الاتحاد...اصدقاء حنان الدامر وبنات غرفتها {الانيقات} واللآتى مدن لنا ولى على وجه الخصوص حبل الوصال لهؤلاء الشباب الرائعين اللذين مابخلوا يوما بتشجيعهم لنا بالرأى وانتخابات الروابط على الابواب والتى غالبا ماكنا {نكسحهها}.. رابطة نيلنا الابيض ود الريس {وسفته التاريخية} وصديقتنا التى كنا نتهمها {بالحنكشة} تشترط التصويت للريس فقط فى حالة {التخلص من السفة} اثناء الاجتماعات... ونضحك {انتى مالك ومال سفتو... كفاية انو شجاع وبيصرع الجماعة المتأسلمين}... كان العمل فى الروابط له طعم مختلف عما الفناه من الفصل التعسفى الذى مارسته الادراة حينها... دار الاتحاد مقسم... جزء للبنات وآخر للاولاد، وعند المدخل {غلبها... اى الادراة} ان تمنع طارق الجزولى حمدنا اللة، الخالدين ومحمد عبدالوهاب من {الخلط المؤسس، المؤدلج والمسيس} ولم تمنع جلوسنا فى الجانب الخلفى { كل الناس اتنين... أتنين} الا دحدوح نحلة التشبث بالفكرة واليكو الساخر اصدقائى المهمومين بكتابة الجريدة الحائطية وتعليقها اليوم قبل شمس{ بكرة تطلع} وهذا يعنى اعباء اضافية ومنعى من متعة {الونسة والضحك}... أذهب معهما الى ذاك البيت الانيق فى حى الامراء... وياله من بيت.. كنت أفضل ان اخط {المانشيتات} قبل تناول الوجبة الدسمة بعد ايام من الوجبات الفقيرة .. تزكرت {ود انصار السنة} الذى {يبارينا} لكتابة التقارير وكشف نشاط {الجبهة الديمقراطية} حينها الا ان كان يوما وامام دار الاتحاد والحياة تدب فينا وحميد سيقرأ أشعاره ويلهبنا حماسا... حين {مسكتو من يدو وقلت ليهو اياك تبارينا تانى... المسكين لم يستطيع التخلص من يدى الحرام الا بعد لأى وجهد} والحضور ينفجر بالضحك.. و{شباب الرهد} عبدالرحمن عبدالقادر صاحب الضحكة المميزة والمواقف الثابته الذى صار محاميا له شأن والذى ظل {يكابس فى البلد الظالم حكامها} وطارق منوفلى {النطيف جدا} يتدخلا ويستنطقه إدورد التزاما بان لايفعل{ ويبارينى كظلى} وقد كان... من يومها اختفى ظله ودونه بقى ظل تلك الايام ممتدا يحيكنا صمود إدورد، لم تمنعه {العكازتين} التى يسند عليهما يديه ورجليه ماتعبت من المسير... تواصلنا لفترة ومن ثم انقطع التواصل الا انه بقى فى ذاكرتى امتدداَ لخضرة الحلم {لبلدنا وكلنا اكوان}.
حكايات ياصديقتى وتاريخ ينبغى ان نكتبة قبل أن يندثر، انه ليس تاريخنا فقط وانما تاريخ الحركة الوطنية داخل الجامعة الاسلامية بشقيهيا، بناتها وبنينها... كانت الجامعة قبل ان نخطو عتباتها تضج بثمر النضال الطويل لطالبات لم تلين لهن عزيمة وطلبة هدروا فى مارس- ابريل وساهموا فى اشعال الانتفاضة المكتملة فى حالة الطوفان، كان الدرب ممهدا رغم وعورتها الشائكة، كنت حين احس بالاختناق أذهب الى معهد الموسيقى والمسرح بقصر الشباب والاطفال اذود نفسى بشحنة مقاومة للمواجهات التى لاتنفك تحدث بين الشهقة وزفرتها.. لن أنسى ابدا حين شددت الكلية حصارها علىّ ان لا امارس اى نشاط من اى نوع... خافتنى البنات وخافن من تهمة التصنيف السياسى الا قلة تواصلت معى وكنت انتى ياصديقتى احداهن... والسر الذى اعلنته لك فى ذلك العام والشتاء قارص.. لم أكن حتى دخولى للجامعة عضوة فى الجبهة الديمقراطية، عضويتى المعلنة فى تلك المدينة التى بدأت فيها بواكير وعى السياسى من خلال الاتحاد النسائى وتأتينى الآن نوال حسن الشيخ فى بيتهم الكائن بحى الرديف بكوستى ومازلنا فى بدايات المرحلة الثانوية.
ساعد ذلك الحصار الذى عشته وتشهدين ويشهد عليه الكثيرون والكثيرات مما عاشوا/ن تلك الفترة، ساعدنى ان اضبط بوصلة الانتماء وقد كان حين التقانى احمد ابراهيم وكان احد من فصلتهم الكلية حينها لنشاطه السياسى.. كان لقاؤنا ذلك بهدف اقناعى للانتماء للجبهة الديمقراطية وقبل ان يبدأ قدمت له طلب انتمائى... وأعلنتها منذ ذاك اليوم بلا خوف.. من اين أتتنى تلك الشجاعة والخوف يرسم حوافره فى جنبات الكلية... حدث هذا والدنيا ابريل.. ياللعجب!
ومن كان يعتقد ان شوكة المقاومة تقوى فى ودنوباوى وفى الداخليات وكيف تنظمن الطالبات بمختلف ميولهن السياسية ضد القمع اللذى مارسته الادارة واتحاد الطالبات حينها الذى فاز به الاتجاه الاسلامى.. حتى الآن تدهشنى شكل تلك العلاقات التى تؤرخ للحركة الطلابية فى الجامعة الاسلامية فى بعدها الانسانى، نهارا تكون القيامة على وشك القيام وصوتى مابح فى {اركان النقاش} قبالتى تقف تلك {الكوزة اللطيفة} كنت اقول لها {اول مرة اشوف كوزة رقيقة}، كيف استطعنا حينها ان نفصل بين حدتنا نهارا وتوحدنا على {صحن السخينة؟} حين قيلولة شيطان السياسة وهو يخلد الى السكون؟ ومتى هجس فيى؟ كيف استطعنا ان نتبادل التحايا والحكايا و{البلوزات} وكيف هطلت دموعنا فى غرفة بنات الشايقية{ ياحليلن} حين نغادر فى الاجازات وكأننا بكينا حينها فراقنا الابدى؟ هذا هو المشروع الانسانى الذى اعلناه حينها فى برنامجنا اليومى والانتخابى إذن من اين جاءت الاصوات فى الانتخابات الاخيرة التى خضناها ونحن على اعتاب الخروج... لم نكن ندرى انه دخول الى فوهة الوطن ولم نعلم بان شارع احلامنا ساتسده دبابة الكآبة وتعكره الاصوات التى شرخت صباحاتنا..
كل هذه الحكايات حاصرتنى وصوتك يصافحنى وهطلت أمطار الشجن، الدروب والصبا؟ مرت اكثر من عشرين عاماَ أكاد لا اصدق... وعوض الله القادم من بلاد بعيدة يغرسك فى فيافى عمره فاذدادت اخضرارا بقامتك يانخلتنا الشاهقة فى عمرنا.. تحمسنا يومها لنلتقيه، قلوبنا الصغيرة تترقب لهفتك المعطونة فى لهفتنا لنتعرف عليه.. انسانا عرفناه.. مثقفا لايشق عليه غبار... يومها لم نكف عن الحكى والضحك والترقب والامل وكأنما مابينكما باركته نسمات الديمقراطية التى نعمنا بها قبل ان تطحننا دبابات الحياة..وتحدد مواعيد زواجكما وأعددنا زينتنا وبهجتنا وكأننا نتزوج معك وسافرنا اربعتنا الى الهلالية لزواجك.. بيتكم الفسيح وقلوب أهلها الممتده بلاحدود، بالفرحة التقيناهم وبالفرحة احتونا، فى غرفة فاح صندلها.. الغرفة التى بدأتى حياتك فيها مع رفيق دربك.. تكدسنا كما نفعل فى الداخلية، لفت انتباهى الاعمال الكاملة لمظفر النواب، امازلت ياعوض الله تحفظها عن ظهر قلب ومحبة؟ قرأ لنا منها ولا زلت اذكر خطاباته لك حين عودته الى {بلاد برة}، تقرئينى جزء وتخبىء الباقى ولكن ماقرأيتيه كان كافيا لاطمئن على مسيرتك مع رجل انسان حكت {صلعته} الجميلة تاريخ ثقافته ومواقفه فى زمن اسهل مافيه ان تتغير المواقف دون ان تتمرحل وتتغير وفقا لديانماكيتها. كم اشتاق الآن الى رسائله التى كان يخص كل واحدة منا بها، قصائده التى يرسلها لنا وكنا مثلك نشتاق زيارته حين يأتى من {بلاد برة}، لم نكن ندرى ياصديقتى باننا سنكون جزء حقيقيا من هذه {البرة} البعيدة جدا، الماوراء البحار.. بلاد تستطيع ان تنتزع وريقات العمر المخضرة وتترك ملوحتها على دمنا.
معك أحسسنا طعم الامومة وانتى حبلى بفرحتك الاولى... فكيف مرت هذه الاعوام وانا متشوقة لك وللصغار.. ضحتك هى.. صوتك هو..{ وائل دخل طب السنة دى.... ماشاء الله.. ياربى أحفظه وقر عيون امه وابوه بيهو}.. ضحكنا حتى انصهرت اسلاك التلفون وحكينا عن بقيتنا وحكى عوض الله الذى انتظر كثيرا و {نحنا نرقى} ومرت الساعة سريعا وكأنها دقيقة... دوما تأتون قبل القيامة ودوما تملأون سمائى بالسحب الحنينة ودوما تهطل بالمحنة والطيبة حين قدومكم. انتهت المكالمة وبدأت دودة الذكرى تلك التى لايمكن فصلها من إمعائى.. كنت بحاجة لاسمع أغنية بصوت حنان النيل {أيامنا الزمان ياحليلن} وبكيت {قدر مالله ادانى} وحسيت بعدها بحمامة روحى تحلق بعيدا وتجوب فيافى تلك الايام وكأن ابتسام ستأتى الآن مزهوة بمباركات المحبة، وكأن عفاف ستقرع الباب وتفاجأنى بهديلها وكأنى الآن ارتدى بلوزتى الحمراء تلك لاقيك وانت كما انت فى منتهى الاناقة والانسانية.. من اين لى بك ياصديقتى الوفية.
تجولت فى غابات الذكرى والتقيتك وحكيت ليك نجاحاتى، انكساراتى وماتبقى من امل ازرعه فى صحراء العمر. ستخضر وماء روحك النقية ترش صحراء الايام التى باعدت بيننا ومازالت حروف عوض الله بعد المكالمة {الزمر لايسقط ياصديقتنا.} ومن قال ياصديقنا الانسان ان الرموز لاتسقط؟ نظرة واحدة على خارطتنا تكفى وحين
نلتقى سانزيح ستارة الليل وحينها فقط يمكن ان نحدد مجرى نهرنا الانسانى...
انتهت المكالمة و{ولعت} فوانسينا تلك، صحوت على صوت منال فى بيتهم بالثورة... وكنا الثورة وطلائع عزة وجريدتنا التى سهرنا فيها الليل منال وأنا وعند الرابعة صباحا {أكلنا فول... كلما اكل فولا اتذكر الحاج وراق حين تتلمذت على يديه فى أسلوب الخطابة وهو ينبهنا ان لانأكل فول قبل ركن النقاش} يومها شبعت فولا وحكينا عن توقعاتنا وردة الفعل التى يمكن ان تحدث ونحن نرمى بثمرة باكورتنا {درب الانتفاضة... تصدرها طلائع عزة بكلية البنات} يومها ذكرنى بيوم الانقلابات، {الجو مكهرب، اسلاك المكرفونات فى الكافتيريا تبنىء بخطب جلل} وقد حدث والاصوات تعلو ضدنا.. لا لطلائع عزة... لا لبنات اليسار... ثلاثة اعداد فقط وتناقشنا منال وانا وصديقتنا هويدا,,, من الافضل الاعلان عن هويتنا وان نمارس نشاطنا السياسى علنا والدنيا ديمقراطية وقد كان... لاول مرة فى تاريخ كلية البنات تصدر الجبهة الديمقراطية نشرتها علنا، نشرة مهدن لها طلائع من البنات اللآتى خاضن النار لاجل ان يعلو صوتهن ويالصوتك يامديحة عبدالله وصوت رفيقاتك فى زمن كان نميرى وزمرته يقبضون على {زمارة الهواء}.ولم تبدأ الجبهة الديمقراطية بنا، فلها تاريخها البعيد الضارب جزوره فى كلية البنات وظلت تمارس نشاطها سرا لسنوات طويلة. عند السادسة صباحا تحركنا الى الكلية وزينا الكافتيريا ب {المتاريس... تصدرها الجبهة الديمقراطية بكلية البنات} حينها كنا ثلاثة عضوات فقط، منال، هويدا وشخصى.
يومها كانت المواجهة عنيفة والصحيفة الحائطية تم تمزيقها، مزقت مرات ومرات وتم {غسل} الجدران ولكن هيهات
النور سطع ولايمكن ارجاعه الى ماوراء التاريخ..
ولم تلين عزيمتنا والتى قويت حين انضمن بعض البنات اللآتى كن يدرسن فى الخارج وتم توزيعهن على الفرع والاسلامية ويومها قويت شوكتنا، كنتى حينها مع رفيقك خارج البلاد ولكن انسانك كان ينبض داخلى.. الانسان الذى فيك ياصديقتى بعض منه ينبض فى قلب تلك البنية من حزب التحرير التى بالكاد نرى وجهها المغطى بالخمار الاسود. لن انسى حين تم هدر دمى مرة قبيل الانتخابات كانت هى من حزرنى ان لا ابيت اليوم فى الداخلية، فى {ركن نقاش} والتهديد والوعيد المباشر والغير مباشر.. كانت تجربة رغم قسوتها الا انها ذادتنا رسوخا فى المضى قدما فى برنامجنا... وخضنا الانتخابات {39} صوتا كانت كافية لاشعال الغضب فى بنات الاتجاه الاسلامى، فحين كنا بعدد اقل كثيرا من اصابع اليد الواحدة.. واعلنت النتيجة وفازت قائمة الاتجاه الاسلامى.
39 صوتا كانت كافية ان تهز طمأنيتهن والهتاف الهستيرى {سقطت.. سقطت ياجبرالله}، مشيرات بذلك لبنات عم جبرالله، آمال وناهد اللآتى ناضلن حينها بصمود {فى زمن النضال الصاح}. هذه التجربة لابد من تدوينها لتبقى للتاريخ وساكتبها يوما كما عشتها بتفاصيلها المملة ولتكن هذه البداية ... ليكتب ولتكتب كل من عاش وعاشت فى تلك الفترة من 1985 الى1989بل من قبل ذلك لاننا ماكنا سوى امتداد للحركة الوطنية داخل الجامعة التى ساهمت بترسيخ أسس العمل السياسى. بعد كل هذه الاعوام اعيد النظر الى تلك التجربة بكل مافيها من سلبيات وايجابيات، اقرؤها الآن بزوايا مختلفة، ولست عضوة فى اى حزب ومنذ أعوام بعيدة. ولكن تلك التجربة صقلتنى وجزء اصيل من هويتى وتحرك رمالها بحثا عن افق اكثر انسانية.
هناك وجوه وعلامات مميزة فى الحركة الطلابية التى انصهرت فيها لحد ما حركة الديمقراطين ممثلة فى الجبهة الديمقراطية، المستقلين وحركة الطلاب الناصرين أمازال صديقنا منتصر عبدالماجد مؤمنا بها؟ {الاحباء والحبيبات} فى حزب الامة و{الاشقاء} من الاتحادين ومواقفهم الصلبة، تعرفين صلتى الانسانية بهم ولايمكن للذاكرة ان تقفز دون ان تقف فى ركن أساسى لعزالعرب، طارق الجزولى وعبدالرحمن عبدالقادر. انى اسمع الآن دندنات عبدالرحمن قوى ولازلت اذكر فى احدى نشاطات المنتدى الأدبى حين غنينا ثلاثتنا على خشبة مسرح الاسلامية، كيف يمكن ان تنسى الذاكرة هشام حميدة و حبه للمسرح ومحمدعبدالوهاب الذى صار له شأنا فى مصاف العلماء ومازال انسانا مرهفا ومهذبا كما عرفناهم وعايشناهم حين كان {الزمن زين والشعر مغطى الاضنين}
. كيف يمكن ان ننسى {المنتدى الأدبى} واللذى كنت ضمن من اسسوه وصوت عزالعرب يشق كهوف الخوف فى تلك الدار ، كيف يكمن ان ننسى المسرح والبروفات التى يشرف عليها {هشام حميدة} ، لن أنسى يومها وتمثيلى لذاك الدور فى تلك المسرحية التى مثلها معى كوهين، يومها لم اتمكن من مراجعة النص و {هرج} و {مرج} صديقنا هشام و{حرنا} ان يراعى موهبتنا المزعومة وان {لا يعمل لينا فيها مخرج ولا خطاب حسن أحمد} ولكن الحق يقال لقد كان موهوبا ومبدعا بالفطرة.
حتى {شقاوتنا} المحببة التى كنا نمارسها بفرح الاطفال فينا، كنا نخطط بان نقضى جزء من الاجازة فى كل عام مع واحدة من المجموعة، المرة الاولى سافرنا كوستى وتم تدبير التزاكر والسنة التى تلتها كانت الخطة عطبرة، اذن كيف نسافر ونحن لانملك {حق الطماطم} تم تدبير جزء ومع ذلك قررنا السفر، ذهبنا الى المحطة وفرحنا حين كانت هناك {سيرة عرس} متجهة الى عطبرة، قررنا خوض التجربة بان {نعمل فيها ناس السيرة} وقد حدث، الا ان تلك المرأة {الشمشارة} التقطتنا وبدأت {اسئلة نكير} وقررت ان نتحول من مكاننا الى عربة اخرى وهدأت الاصوات لترتفع الاذان بالفضول، طل وجه من الحضور، انها رحمة السماء، كان استاذ اللغة العربية التى حببنى فيها اللذى درسنى فى المتوسطة ولولاه لكنا فى خبر كان، الطريف فى الامر اننا ذهبنا معهم الى {بيت العرس} واصروا أهل البيت الكرام ان نبيت ولم يتركونا الا بعد ان اطمئنوا اننا فطرنا {فطور السرور والهنا} وظلت هذه الحكاية الطريفة تفرحنا كلما مر فى الخاطر عطبرة وحى الداخلة وصديقنا عثمان {الاسلامى.... المثقف} شقيق صديقتنا الوديعة عفاف. قرأت اليوم احدى رسائلها التى داومت ترسلها لى فى عامى الاول فى غربتى، الرسالة الاولى ابكتنى، كلما اقرأها لا استطيع حبس دموعى { بعد سفرك يا اشراقه حسيت باليتم... انا بعدك يتيمة...}، الآن اعرف من اليتيمة فينا؟
تلك التجربة الثرة والكثيفة ياصديقتى تصهل الآن فىّ وتملأ سكون الليل وبرودة الغربة فى المفاصل بالدفء.. لذا دعينا نحكى.. وهل يمكن ان نحكى عن هذه التجربة دون ان يحاصرنى الآن الخاتم عدلان، يحاصرنى برؤيته العميقة واسلوبه السلس فى الحوار، قبيل الانتخابات كان الشرارة التى أشعلتنا ولازالت وجوه البنات المتطلعات للمعرفة والكافتيريا لم تسعنا عددا وفرحة... مات الخاتم ولم استطيع ان ابكية ياصديقتى.. حتى الآن لم أستطيع...وهو من ساهم فى تربيتنا سياسيا، من علمنا الخطابة وأسس العمل التنظيمى ورفع الهامة.. وهل يمكن ان أغفل وجه الحاج وراق ونزار ومامون سيداحمد... هل يمكن ان ننسى نازك القدال وجميلة عبدالرحمن؟ وخالد الطيب وكلية التربية؟ هل يمكن ان ننسى عدلان وطارق التقى؟ على سبيل المثال اذكرهم وأذكرهن والقائمة تطول... لوممبا.. اين انت الآن؟ مانديلا وفريق كلية التربية... هل يمكن ان ننساهم فى يوم ندوة الاستاذة فاطمة احمد ابراهيم.. ذلك اليوم الذى هدرن فيه {اخوات نسبية} وكيف لا ولم يبقى فى الكلية فى موقعه.. اشلاك البوليس بودنوباوى عن {بكرة ابيه} فى داخل الكلية... وحين اشتد {الحمى والوطيس} والهتاف المضاد فى محاولة لتعطيل الندوة،كانت المرة الاولى التى ارى فيها {السيخ} علنا فى كلية البنات. كنت يومها ادير الندوة وفى لحظة كاد ان يذوب فيها الخيط الواهن بين الصمود والخضوع خوفا من الهجمة الشرسة وخوفا من يطال الاستاذه فاطمة أذى، مازلت اسأل نفسى كيف فكرت هكذا وهى اشد باسا؟ قلتها كتابة وردت على بالميكرفون ببسطاتها تلك { يابنات هى لمن سيخكن... انا من هنا ماطالعة وكلامى بقولوا} وضج المكان بالتصفيق والهتاف ويالجمال {ناس الاشلاك}.
اشتدّ عودنا وفرهد و{عينا قوت}.. مرة ابوعركى ومرة حميد... النهر يهدر ولن نتراجع...
مرت تلك الايام ياصديقتى بعضها عشتيه وبعضها لم تكونى موجودة وهانذى استدعى الذاكرة، ذاكرتى وذاكرة ذلك التاريخ البعيد الذى لا يمكن ان يندثر. فى السنة الاخيرة فى الكلية وثمة حزن يخيم على المكان... انتهت الامتحانات يوم 29 يونيو 1989 ورغم النتيجة المتوقعة للتخرج بدرجة الشرف التى حصلت عليها ايضا منال الا ان كابوس جثم يومها على صدرى... كنت يومها على موعد مع {خالتى مريم الانصارية} أمنا التى عرفناها صلدة وقوية والدة صديقاتى ليلى وسوسن وصديقنا عفيف عوض الكريم عرفنا الاسرة عن طريقه وتوطدت صلتى بها، اسرتى التى احتضنتنى ومازال فى الخاطر دفئها وانسانها...
أذكر يومها كان خطاب الميزانية الشهير الذى قدمه نقد، لم تكن بى رغبة لاسمعه وماكنت قبل ذلك اليوم افعل.. كنت حريصة فى متابعتى للجلسات البرلمانية واكثر حرصا لاسمع ارائة وحجته المنطقية. سألتنى ليلى بعد ان لاحظت التوتر النفسى الذى كنت فيه.. قلت لها أحس بالانقباض، شىء ما بلوح فى الافق، شىء كريه... لم نواصل فى النقاش، حاولنا الاستماع لصوت محمدالامين فى حفلة زواج جيرانهم.. كنت اشتاق ان انوم عميقا بعد أ سابيع من الامتحانات النهائية ولكن كانت تلك الليلة كابوس جاسم على صدرى حتى اللحظة.. صحوت مفزوعة بعد حلم هو الكابوس بعينه.. رأيت شوارع الخرطوم مغفرة كصحرا، الاشجار التى على النيل تساقطت اوراقها وفى فروعها التفت ثعابين مبرقطة اللون وكانت الشوارع خالية الا من الدبابات التى انتشرت فى كل مكان. كنت مفزوعة واليقين يملوؤنى بان الموسيقى العسكرية ستصك قلوبنا بعد ساعات.. كنت عطشى ولكنى لم استطيع الحركة، حلم اشبة بالتراجيديا، ناولتنى ليلى اللطيفة كوب ماء وحكيت لها الكابوس وقلت لها بشىء أشبه بالتأكيد {لو عندكم وثائق لموها} ولم استطيع بعدها النوم، انتظرت حتى بانت خيوط آخر صباح وفتحت باب الشارع لارى مايؤكد الحقيقة... الكابوس لم يكن حلما.. حقيقة.. الحفل لم يتفرق لان الطرق المؤدية للخرطوم وبحرى كانت مغلقة.. وبحثنا عن جهاز الرايو.. طنين الموسيقى العسكرية يارب العباد.. يالنا من جيل ويالها من بلد.
من يومها وانكسار ما لازم روحى ولعنة مافارقتنى الى يومنا هذا.
هزة نفسية عنيفة لازمتنى لسنوات من حكم الانقلابين، تغيير كل شىء، مشاورينا، غنانا، احلامنا {وياترى ماذا أصير عندما أغدو كبيرا؟} لاشىء، حلت الصحف، التضيق والاختناق، سلمت مقاليد حياتنا لهم.. ذهبت يومها الى هويدا فى الهجرة ولم أجد غير الوجوم والحزن وكل الانكسار.. سيرا على الاقدام ذهبت الى الداخلية فى مدينة النيل، فرحة ما حسيتها فى عيون {النسيبيات} وشدو فرحتهن بهزيمة المشروع الديمقراطى وكأنى كنت ارى عمنا عبدالمنعم سلمان يكابد ظلم الجلادين فى كوبر وكأنى المح وجه على فضل وكأنى... وكأنى...واشتاق الآن لصوته وتواضعه حين نزورهم فى بيتهم... كلما تزكرت عم عبدالمنعم سلمان احس بان فى انتظارى الهدير.
لماذا تزامن هذا الانقلاب اللعين مع تخرجنا؟ لماذ سدت منافذ الشمس فى وجوهنا؟ ولماذا.. ولماذا... و
لماذا الآن ومؤتمر الانتفاضة بمدنى ينتح بنداه فى القلب؟ لماذ الآن والاناشيد التى تلتها ام الحسن مازالت سحابا تمطر
وعم الشريف... ذلك الشرطى المستنير اللذى علمنى مالم نجده فى الكتب، عم الشريف المثقف واسرته الرائعة وتلك المشاوير تحكى وصبرى الشريف يحكى والشوارع والناس وبأأأأأأأأأأأأ بلد
عشرون عاما مرت...
ومرت معها خيول، اشجار وشموع
مرت ياصديقتى.. بقى فيها الكثير الذى ينبغى ان نعيشه
مرت وفيها الكثير الذى يبنغى ان نحكيه
مرت وتغييرت اشياء واشياء
نضج وعى السياسى بعد تجارب عديدة وصرت مهجسة بالهوية الانسانية
ولتكن سانحة لنؤرخ لتجربة الحركة الوطنية فى الجامعة الاسلامية...لنكتبها قبل ان تندثر... تفاصيل ستبقى ملح يطعم الحركة الطلابية فى السودان. الى ذلك الحين دعينى اهمس لك.. كم أحبك.. فاهانتى تعيدنى الى.. الى روحى.. شكرا ياصديقتى الجميلة
شكرا ياصديقنا النبيل عوض الله
إنسانك يفرهد فى دربى ويمنحنى بعض الامان
شكرا وانتما تندهانى فى أبريل
ومعكم انده ذلك التاريخ... لنكتبه الآن!
فيينا الموافق يوم من ايام الشجن الخاص من أبريل 2007
|
|
Post: #94
Title: Re: جامعة امدرمان الاسلامية /البورداب / توقيعك /بوستات / صور
Author: سيف الدين حسن العوض
Date: 09-27-2008, 07:54 AM
Parent: #93
كتب الاخ بدر الدين
Quote: نترشـــة :
انتو ناس صحافة ديل مالم كتار كدهـ ... |
اولا : ما تسحرنا ياود اسحق
تاني هام : نحن ما كنا طب الاسلامية قبل الطب ما يلج الجامعة.
ولطب الاسلامية هذه حكاية..
ثالثا: اذا لم يدخل الاعلاميين فمن سيدخل ويوثق لهذه الجامعة العريقة.
رابعا: الصحيفة الجيدة امة تتحدث عن نفسها ولن تجد افضل من خريجي الاعلام
يوثق لهذه الفترة من تاريخ جامعتنا الفتية
طبعا انا دفعة معاذ منصور الجزولى وجمعناالعمل سويا في جمعية الصحافة والاعلام
انا كنت الرئيس وهو الامين العام للجمعية
ويومها كرمنا الرعيل الاول من الاعلاميين السودانيين
وشرفنا بالحضور عدد غفير من الاعلاميين الافذاذ نذكر منهم
الاستاذ صادق عبد الله عبد الماجد
والاستاذ/ محجوب محمد صالح
والمغفور له الاعلامي الضليع بشير محمد سعيد صاحب الايام
وكان بشير محمد سعيد قد حضر بعربته المرسيدس
وكان الاحتفال بقصر الشباب والاطفال
فسرقت مرايا سيارته
فكتب في عموده في اليوم التالى
انساني تكريم ابنائي في الجامعةالاسلامية ما سرق من سيارتي
واذكر في هذا الاحتفال صديقنا ود الحصاحيصا مجذوب عبدون
ذهب الى عاصمة الضباب ولم نلتق به مجددا ارجو لمن يملك
عنوانه ان يمدنا به
اما حبيبنا مزمل ابو القاسم فهو الدفعة التى تلينا
وجمعتنا هو وجنابو عز الدين رابطة ابناء النيل الكبرى
قبل أن تشظى
وللحديث بقية
|
Post: #97
Title: Re: جامعة امدرمان الاسلامية /البورداب / توقيعك /بوستات / صور
Author: Ishraga Mustafa
Date: 09-28-2008, 10:01 PM
Parent: #94
Quote: طبعا انا دفعة معاذ منصور الجزولى وجمعناالعمل سويا في جمعية الصحافة والاعلام
انا كنت الرئيس وهو الامين العام للجمعية
ويومها كرمنا الرعيل الاول من الاعلاميين السودانيين
|
الاخ سيف الدين
تشرفنا بالمعرفة
ممكن تكتب تاربخ المرحلة دى
لانو من 85 الى 89 تناوبت مع زميلاتى فى اللجنة التنفيذية لجمعية الصحافة بكلية البنات
وكنا بنعمل دائما مع جمعية البنين
كانت تجربة ثرة اضافت لى الكتير
تحياتى وكل سنة وانت طيب
اشراقه
|
Post: #104
Title: Re: جامعة امدرمان الاسلامية /البورداب / توقيعك /بوستات / صور
Author: سيف الدين حسن العوض
Date: 10-06-2008, 02:27 AM
Parent: #97
الاخت ورفيقةالاعلام / د. اشراقة
سلامات وكل عام وانتم بخير
بالطبع انا اعرفك حق المعرفة لانك كنت معروفة جدا ومشهورة بنضالك
اما نحن فقد كنا نعمل في صمت واحيانا من خلف الكواليس
وحينما كنافي الجمعية كنا تراك كثيرا ونسمع عنك كل طيب
بالطبع كانت الاجتماعات بين الطلبة والطاليات فرصة لتلاقح الافكار
واذكر ان رئيسة جمعية الصحاقة والاعلام من الطالبات الاستاذة تهانى
وهي على ما اعتقد اصبحت من كبار المحررين بالاذاعة السودانية
اما بقية العقد الفريد من الطالبات فكن: الدكتورة زكية النور الاستاذة الجامعية حاليا بكلية علوم الاتصال بجامعة الجزيرة والاستاذة امل ودنوباوى امدرمان والاستاذة مثاني والاستاذة امانى الريح شقيقة لاعب الكورة المشهور الريح كاريكا على ما اظن اما الشباب فكانوا : الاخ مجذوب عبد الرحمن والاستاذ معاذ منصور الجزولي وجنابو محمد ابو القاسم ابو الحرم والاخ نصر الدين عبد العزيز ابو الشباب والاستاذ احمد الطاهر حارن والاستاذ الصحفي حسن البشاري وآخرين ربما يذكرهم الاخ معاذ منصور الجزولى اكثر منى ولنا عودة ان شاء الله
تعديل اسم فقط
|
Post: #95
Title: Re: جامعة امدرمان الاسلامية /البورداب / توقيعك /بوستات / صور
Author: السوباوي
Date: 09-27-2008, 10:15 AM
Parent: #1
الأخ بدر الدين ...
الأخت إشراقة ...
وكل المتداخلين والمحلقين على حواف هذا البوست الأنيق ...
معذرة للتأخير في الحضور ....
جامعة أمدرمان الإسلامية .. صرح ملئ بالأسرار وبزملاء استثنائيين
وأصدقاء لا يكررون ولا يستهلكهم التكرار ..
هنا وقفة لاجترار ذكريات ثرة وتفاصيل متداخلة عن جامعة أمدرمان الإسلامية ...
صرح ملئ بالأسرار لا يعلمه إلا أهلها ...
مجاهد الأمين الفاضل "سوباوي"
كلية الشريعة القانون للعام 1999م ..
تمهيدي ماجستير جامعة النيلين 2000م .
المملكة العربية السعودية - الشئون القانونية بمجموعة شركات ..
سأعود لالقاء الضوء على الكثير من الأحداث في الفترة ما بين 1994 - 1999م
مؤكد تحياتي للجميع وخالص مودتي ،،،
|
Post: #96
Title: Re: جامعة امدرمان الاسلامية /البورداب / توقيعك /بوستات / صور
Author: العبيد الطيب عبدالقادر
Date: 09-28-2008, 09:54 PM
Parent: #95
الاخوة رفق الدرب بالجامعة الاسلامية
من العرضة الي الفتيحاب وودنوباوي
الي كل ابناء هذه الجامعة العريقة
ابعث خالص تحياتي
العبيد الطيب عبدالقادر
كلية الدعوة الاعلام حينها والاعلام حاليا (السجانة)
خريج 1994
الغريب لم يظهر من دفعتنا الا الصديق العزيز عبداللطيف السيدح وله مني خالص التحايا في غربته
|
Post: #98
Title: Re: جامعة امدرمان الاسلامية /البورداب / توقيعك /بوستات / صور
Author: Nasruddin Al Basheer
Date: 09-29-2008, 11:29 AM
Parent: #96
رمضان كريم وكل عام وأنتم بخير يا شيوخ البورد..
|
Post: #99
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-01-2008, 10:47 AM
Parent: #98
تقبل الله صيامكم
|
Post: #100
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-03-2008, 10:58 AM
Parent: #99
|
Post: #102
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-03-2008, 11:17 AM
Parent: #100
Ishraga Mustafa
أسامة الفضل
مزمل أبو القاسم
سيف الدين حسن العوض
Elwaleed M. Ahmed
المكاشفي الخضر الطاهر
Seif Elyazal Burae
Adam Mousa
عبد اللطيف السيدح
النذير بيرو
salah almaleeh
الحبر عبدالوهاب الكباشي
مزمل أبو القاسم
Mohamed Khalid
معاذ منصور
محمد الواثق
السوباوي
العبيد الطيب عبدالقادر
Nasruddin Al Basheer
|
Post: #107
Title: Re: جامعة امدرمان الاسلامية /البورداب / توقيعك /بوستات / صور
Author: معاذ منصور
Date: 10-06-2008, 06:33 AM
Parent: #99
كل وعام وانتم بالف خير وربنا يجمعكم جميعا في ساعات الخير
اخر مشوار مشيناه مع الدكتورة اشراقة كان الي دار الفنانين بامدرمان للقاء الفنان ابوعركي
البخيت واذكر اننا كنا (كداري ) هذا في اطار العمل المشترك للجمعيتين (البنين والبنات )
لاستقبال البرالمه وقتها
الي الدكتورة اشراقة :
ياريت ايميل الدكتورة زكية النور
ولكم تحياتي
|
Post: #119
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-29-2008, 07:22 PM
Parent: #98
ناس الاسلامية ...
شباب وشابات الاسلامية ...
قلنا نفقدكم بعد التهكير ...
|
Post: #120
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-29-2008, 07:24 PM
Parent: #119
الاحياء اسفيريا من هــم...
الذين يواحهون الصعاب فى الدخول هـــم ؟
|
Post: #121
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-29-2008, 07:25 PM
Parent: #120
وفعوا لينا تاكيد على سلامتكم...
|
Post: #122
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-29-2008, 07:28 PM
Parent: #121
اوقع انا بدر الدين اسحاق احمد
كامل الصحة اسفيريا ...
سليم الكـــى بورد ...
سليم الباس ويرد...
|
Post: #101
Title: Re: جامعة امدرمان الاسلامية /البورداب / توقيعك /بوستات / صور
Author: عبدالوهاب علي الحاج
Date: 10-03-2008, 11:02 AM
Parent: #1
ناس الاسلامية قلنا نعيد عليكم
ونقلب ليكم الصفحة
وكل سنة وانتم طيبين
|
Post: #103
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-06-2008, 00:48 AM
Parent: #101
جيناكم راجعين بعد العيد
|
Post: #105
Title: Re: جامعة امدرمان الاسلامية /البورداب / توقيعك /بوستات / صور
Author: عبد اللطيف السيدح
Date: 10-06-2008, 05:12 AM
Parent: #103
Quote: Quote: الاخوة رفق الدرب بالجامعة الاسلامية
من العرضة الي الفتيحاب وودنوباوي
الي كل ابناء هذه الجامعة العريقة
ابعث خالص تحياتي
العبيد الطيب عبدالقادر
كلية الدعوة الاعلام حينها والاعلام حاليا (السجانة)
خريج 1994
الغريب لم يظهر من دفعتنا الا الصديق العزيز عبداللطيف السيدح وله مني خالص التحايا في غربته[/
QUOTE] |
ود الطيب المحرر بتلفزيون جمهورية السودان
لك ودي وتحياتي وشكراً علي وفائك اخي العبيد
فعلاً الغربة البطالة اكلت من ذاكرتنا شيئاً غيرقليل
وشكراً للعزيز بدر الدين وللدكتورة اشراقة فقد اعادا بهذا البوست وهجا من ذاك النور الباهر
انا الان اعمل بالصحافة السعودية ومعنا الزملاء يوسف ادم بخيت وعلي عبد الرحمن العقيد وعدد غير قليل
من الزملاء
ومعاذ منصور بقي تاجر كبير لكنه رغم ذلك فتح امتع البوستات و وصف فيه رحلته الي السودان براً
|
Post: #132
Title: Re: جامعة امدرمان الاسلامية /البورداب / توقيعك /بوستات / صور
Author: العبيد الطيب عبدالقادر
Date: 11-04-2008, 02:01 AM
Parent: #105
الاخ عبد اللطيف
من علي البعد لك خالص التحايا
وانتم بعيدين عن الوطن
وربنا يرد غربتكم سالمين غانمين
|
Post: #106
Title: Re: جامعة امدرمان الاسلامية /البورداب / توقيعك /بوستات / صور
Author: Mohamed Khalid
Date: 10-06-2008, 05:57 AM
Parent: #1
دى المداخله التانيه وعرفت من المتداخلين
الصحفى الاستاذ مزمل ابو القاسم برلومى دفعة ناس البدوى يوسف والحاج تباع،
الدكتوره اشراقه عرفناها عن طريق موتمر الطلاب المستقلين، ولو جيتى امريكا مره تانى ادينا خبر يادكتوره
الاخ معاذ منصور الرجل النشيط والحبوب
نصر الدين بشيرسينيرنا فى شعبه اللغة الانجليزيه
انا اتخرجت من اداب انجليزى دفعة ٩١
ومن الطرائف فى امتحان القران القسم الشفهى
البرلوم القال والله يامولانا انا الحمد لله حافظ كل الجزء الا سورة الاحفاد،
وواحد اخر قال والله يامولانا حافظ الايطار العام للجزء.
وقصص ومواقف لا تنسى ياجماعه دى احسن
فتره من عمرنا رغم العزوبيه ، كنا لمن ندخل الدار زى التقول دخلت عفراء موول
لكم التحية جميعا وكل عام وانتم بالف خير،
|
Post: #108
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-06-2008, 05:49 PM
Parent: #106
Brother Muhammad:
Would you please tell me\us when my\our face is dirty
| Quote: only your friends will tell you when yuor face is dirty. |
|
Post: #109
Title: Re: جامعة امدرمان الاسلامية /البورداب / توقيعك /بوستات / صور
Author: Mohamed Khalid
Date: 10-07-2008, 04:53 AM
Parent: #108
الاخ بدر الدين كل الحكايه هى عدم خبره فى السيقنيتشر وكيفيه استخدامه، لك العتبى حتى ترضى،
احيى عبرك كل الزملاء والزميلات الاتخرجو من هذه الجامعة ،
كل الطلاب من ٨٧
حتى ٩٣
|
Post: #111
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-07-2008, 06:59 PM
Parent: #109
العزيز محمد خالد ... كل عام وانت بألف خير
ياخى التوقيع دهــ جميل جدا وعاجبنى عشان كده قلنا ندخل نفسنا فى زمرة مقربيكم وحبايبكم عشان تشركونا فى حاجاتكم ...
Quote: الاخ بدر الدين كل الحكايه هى عدم خبره فى السيقنيتشر وكيفيه استخدامه، لك العتبى حتى ترضى،
|
|
Post: #112
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-10-2008, 06:39 AM
Parent: #111
شباب / شابات / الاسلامية
شيوخ /شيخات / الاسلامية
انتو العيد دهـ ما كمل خلاص ...
تعالو مارقين ...
ورونا عيدتو كيفن ...
|
Post: #113
Title: Re: جامعة امدرمان الاسلامية /البورداب / توقيعك /بوستات / صور
Author: الصادق ضرار
Date: 10-10-2008, 03:50 PM
Parent: #112
مرحب بشباب الجامعة الاسلامية
لنا عودة على مهل
|
Post: #114
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-10-2008, 08:21 PM
Parent: #113
قال الصادق ضرار ....
يلا يا الصادق باقى البوست ده عايز ليــه روح ونفس شباب ...
|
Post: #115
Title: Re: جامعة امدرمان الاسلامية /البورداب / توقيعك /بوستات / صور
Author: Elwaleed M. Ahmed
Date: 10-11-2008, 02:59 AM
Parent: #114
كل سنة وانتم طيبين
|
Post: #116
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-11-2008, 09:50 AM
Parent: #115
وانت بألف خير الاستاذ الوليد ..
وانشاء الله مكتب ىالمحاماة يكون باب خير لك ولاسرتك الكريمة
|
Post: #117
Title: Re: جامعة امدرمان الاسلامية /البورداب / توقيعك /بوستات / صور
Author: Ishraga Mustafa
Date: 10-11-2008, 11:32 AM
Parent: #116
Quote: شباب / شابات / الاسلامية
شيوخ /شيخات / الاسلامية
انتو العيد دهـ ما كمل خلاص ...
تعالو مارقين ...
ورونا عيدتو كيفن ... |
سلامات يابدرالدين
كل سنة انت واسرتك بخير
بتابع مرة مرة فى البوست ده
اتوقعت انو يكون فى كلام تانى عن الجامعة الاسلامية
صحيح اضافت لينا كتير لكن برضو اخدت مننا {راجع الصفحة الاولى/ موضوعى بعنوان حكايات و..} عن بعض تجارب فى الاسلامية
بقول كدى واعتقد انو فى الكتير اللى ممكن يتحكى يابدر الدين
دور الحركة الطلابية داخل الجامعة وفى كلية البنات تحديدا
الصراعات الفكرية
دور {الكيزان} تحديدا فى الحاصل الليلة { كم منهم فى مواقع صنع القرار ياترى}؟
هل كانوا/كانن فعلا مؤهلين/ مؤهلات ولاّّ الانتماء السياسى هو الى حدد؟
حتى التعيين داخل الجامعة وبالدليل القاطع لعب فيهو الانتماء السياسى الدور الاساسى
يتخيل لىّ بيكون مفيد نمشى فى اتجاه زى ده، مجرد اقتراح؟
-----
شيخة دى مرتبطة بايدلوجية معينة يابدرالدين عشان كدى ماكل اللى قرن الاسلامية شيخات
واختك اشراقه اولهن!!
----
واصلوا مرة مرة بنزور ديارنا القديمة وايامنا الخوالى
|
Post: #118
Title: Re: جامعة امدرمان الاسلامية /البورداب / توقيعك /بوستات / صور
Author: الشامي الحبر عبدالوهاب
Date: 10-11-2008, 12:30 PM
Parent: #117
كل عام وانتم بخير يا ناس الاسلامية
وبما اني شايف اقلب الاعضاء اعلاميين
ايه رايكم نتكلم عن الشخصيات التي كان
لها الدور الاساسي في انشاء قسم الاعلام
بالجامعة
|
Post: #123
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-30-2008, 06:21 AM
Parent: #118
ناس الاسلامية ...
شباب وشابات الاسلامية ...
قلنا نفقدكم بعد التهكير ...
|
Post: #124
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-30-2008, 06:22 AM
Parent: #123
الاحياء اسفيريا من هــم...
الذين يواحهون الصعاب فى الدخول هـــم ؟
|
Post: #125
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-30-2008, 06:24 AM
Parent: #124
وقعوا لينا تاكيدا على سلامتكم...
|
Post: #126
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-30-2008, 06:25 AM
Parent: #125
اوقع انا بدر الدين اسحاق احمد
كامل الصحة اسفيريا ...
سليم الكـــى بورد ...
سليم الباس ويرد...
|
Post: #127
Title: Re: جامعة امدرمان الاسلامية /البورداب / توقيعك /بوستات / صور
Author: عثمان بقال سراج
Date: 10-30-2008, 10:19 AM
Parent: #1
شكرا على صاحب البوست
للتعارف مع الاخوة الزملاء
كلية الاعــــــــــــــــــــــــلام
السجـــــــــــــــــانة
(مطلوب من خريجى الاعلام الظهور والتعارف اكثر )
ا3
|
Post: #128
Title: Re: جامعة امدرمان الاسلامية /البورداب / توقيعك /بوستات / صور
Author: عثمان بقال سراج
Date: 10-30-2008, 10:19 AM
Parent: #1
شكرا على صاحب البوست
للتعارف مع الاخوة الزملاء
كلية الاعــــــــــــــــــــــــلام
السجـــــــــــــــــانة
(مطلوب من خريجى الاعلام الظهور والتعارف اكثر )
ا3
|
Post: #129
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-31-2008, 08:20 PM
Parent: #128
الاخ عثمان بقال
مرحب بيك ...
منور البوست وازداد ابناء الاسلامية ابنا اخر ..
رجاء تعديل مداخلتك لانها فتلت البوست
|
Post: #130
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 10-31-2008, 08:37 PM
Parent: #129
*****
|
Post: #131
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 11-03-2008, 10:02 PM
Parent: #130
يا شباب ...
كدى ورونا كل فى حقبته الزمانية ما هــى الاحزاب السياسية المتواجدة فى الجامعة ..
اول حزب ... الطلاب غير المنتمين لاى فصيل سياسى.
|
Post: #133
Title: Re: جامعة امدرمان الاسلامية /البورداب / توقيعك /بوستات / صور
Author: سيف الدين حسن العوض
Date: 11-04-2008, 11:41 AM
Parent: #131
نحن رجعنا ليكم بعد غياب وكده
|
Post: #134
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 11-04-2008, 06:17 PM
Parent: #133
سيف الدين حسن العوض
| Quote: نحن رجعنا ليكم بعد غياب وكده |
التعاطــى السياسى اصبح هو الشغل الشاغل للمنبر ...
قلنا تعاطى بعيد عن السياسة ... وجدنا البوســـت يشكو زيارات ابنائــه ...
مرحـــب بعودتــك ...
قلنا نقلبو سياسـة ؟؟؟
|
Post: #135
Title: Re: جامعة امدرمان الاسلامية /البورداب / توقيعك /بوستات / صور
Author: keiga2000
Date: 11-04-2008, 06:54 PM
Parent: #134
محمد مصطفى العبيدكيقه
اقتصاد وعلوم سياسية
سنه التخريج 1996
السكن ايام الدراسة، شمبات داخليات كلية الزراعة جامعة الخرطوم (الصندوق القومي لدعم الطلاب)
ابومصطفى
|
Post: #136
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 12-31-2008, 09:13 PM
Parent: #135
كان الزمان صيفاً ثمانينيا
والمكان كافتيريا النشاط بكلية اصول الدين والتربية
والعام الدراسى فى اوليات ايامه
ونحن قادمون من الثانويات التى اشبعتنا مظاهرات السكر فى النميرى
نبحث عن اهل السياسة فى الجامعات
واستقبالنا كان برسالة :
تمزيق صحيفة الجبهة الديمقراطية فى كافتيريا النشاط
وصاحب صوت جهور يصدح :
ان هذه الجامعة لا مجال فيها لهذا الفكر الالحادى
وان د. الطاهر محمد على عميد الطلاب اذ كان غير قادر على الحفاظ على رسالة الجامعة فليذهب غير مأسوف عليــه
وان كتائب الحــق جاهزة للزود عن حرمــة وعزة هذه الجامعة
______________
رحمة الله تتنزل على د. الطاهر محمد على العميد الاسبق للطلاب .
|
Post: #137
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 12-31-2008, 09:20 PM
Parent: #136
مفردات تحت المجهر :
عرفنا الجبهة الديمقراطية فى الثانويات فى الخرطوم التجارية وهــى جزء من جامعة الخرطوم فى زماننا
كنا نتسامع بالحزب الشيوعى
الاخوان المسلمين
وكيان الانصار
والبعثيين
كلهم كانت الصورة اكثر واقرب الى طور شبابنا منها الى الجدية والصرامة
بدايات البحث عن من نحن فى محيطنا
|
Post: #138
Title: Re: جامعة امدرمان الاسلامية /البورداب / توقيعك /بوستات / صور
Author: Ishraga Mustafa
Date: 01-08-2009, 08:38 AM
Parent: #137
Quote: كان الزمان صيفاً ثمانينيا
والمكان كافتيريا النشاط بكلية اصول الدين والتربية
والعام الدراسى فى اوليات ايامه
ونحن قادمون من الثانويات التى اشبعتنا مظاهرات السكر فى النميرى
نبحث عن اهل السياسة فى الجامعات
واستقبالنا كان برسالة :
تمزيق صحيفة الجبهة الديمقراطية فى كافتيريا النشاط
وصاحب صوت جهور يصدح :
ان هذه الجامعة لا مجال فيها لهذا الفكر الالحادى
وان د. الطاهر محمد على عميد الطلاب اذ كان غير قادر على الحفاظ على رسالة الجامعة فليذهب غير مأسوف عليــه
وان كتائب الحــق جاهزة للزود عن حرمــة وعزة هذه الجامعة
______________
رحمة الله تتنزل على د. الطاهر محمد على العميد الاسبق للطلاب . |
سلام يابدرالدين
حجا مبرورا
بكدى تكون وضعت البوست فى احدى اهمّ دروبه الصاح
ساعود لتلك الفترة ودعنا نتحاور بهدوء
يهمنى فى ذلك الحراك الفكرى والذهنى اللذى حدث لنا بعد كل هذه السنين
الى حين عودة تقبل تحياتى
|
Post: #139
Title: Re: جامعة امدرمان الاسلامية /البورداب / توقيعك /بوستات / صور
Author: عادل فضل المولى
Date: 01-08-2009, 12:42 PM
Parent: #138
عادل فضل المولى
كلية الاداب - قسم الصحافة والاعلام
دفعة 1992
سلام حاج بدر الدين وكل احباب الاسلامية
|
Post: #140
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 01-08-2009, 01:29 PM
Parent: #139
عادل فضل المولى
مرحب بيك فى بوستك ..
قطعا ستكون اضافة لنا ولهذا البوست ..
وانشاء الله تحج هذا العام ..
|
Post: #141
Title: Re: جامعة امدرمان الاسلامية /البورداب / توقيعك /بوستات / صور
Author: عادل فضل المولى
Date: 01-08-2009, 04:24 PM
Parent: #140
سلام تاني يا حاج
وان شاء الله نحج سوا
اها عندي مجموعة بتاعة صور تخريج لزملاء وزميلات منذ حوالي (15) سنة
ساحاول عرضها هنا وعلى اصحابها التكرم بذكر الاسماء "ما امكن" لأن الذاكرة خربت تماماً
وشكراً بدرالدين تاني
|
Post: #142
Title: Re: جامعة امدرمان الاسلامية /البورداب / توقيعك /بوستات / صور
Author: خالد العبيد
Date: 01-09-2009, 01:14 AM
Parent: #1
بدرالدين اسحق احمد
بدرالدين اسحق احمد
مدير المركز الوطني لاعداد وتأهيل القادة
كوز من كوادر العنف والقتل في الجامعات
زملائنا في الحزب والجبهة الديمقراطية في جامعة امدرمان الاسلامية
يعرفونه جيدا ويعلمون كل صغيرة وكبيرة عن تاريخه العنيف
لنا ذاكرة خضراء يا بدر وكل افعالك واقوالك في محاضرنا!
لا تتعلل بطردك من بوست الحزب !
قلت لك نريدك هنا في دواس فكري لنعريك قطعة قطعة
لتظهر شخصيتك الحقيقية .
: Quote: لكن سؤالى كان فى اتجاه واحد زايد واحد تساوى اتنين
عرفتك منتميا للاتجاه الاسلامى حينذاك |
هذه سؤال الاخت اشراقة مصطفى احدى معاصريك في الاسلامية
ولن تجاوب !
للمشاركين والمشاركات الذين عاصروا الكوز بدرالدين اسحق احمد
من خارج المنبر يمكن ان يرسلوا مشاركاتهم هنا في ايميلي :
[email protected]
المركز الوطني لاعداد وتأهيل القادة
|
Post: #143
Title: Re: جامعة امدرمان الاسلامية /البورداب / توقيعك /بوستات / صور
Author: خالد العبيد
Date: 01-09-2009, 01:26 AM
Parent: #1
Quote: الى اي جهة تتبع هذه اللافتة؟
وماعلاقتها بالمؤتمر الوطني ؟
ومن هم القادة الذين يتم تأهليهم؟
ومن اين يأتون ـ اي الجهات التي ترشحهم ـ ؟
وما المنهج الذي يدرسونه ؟ ومن اعده ؟
وما مؤهلات الذين يقومون بالتدريس والاعداد ؟
ومن يزكيهم للعمل في هذا المركز ؟
اكثر شخص مؤهل للرد على هذه الاسئلة
عضو المنبر بدرالدين اسحق احمد
مدير المركز الوطني لاعداد وتأهيل القادة
وجزاك الله خيرا |
المركز الوطني لاعداد وتأهيل القادة
للمشاركة من خارج المنبر
[email protected]
|
Post: #144
Title: Re: جامعة امدرمان الاسلامية /البورداب / توقيعك /بوستات / صور
Author: Dania Elmaki
Date: 01-09-2009, 04:54 AM
Parent: #1
يا جماعه معليش ما قصدي اخرب لكم البوست لكن والله بفتش على صديقة الطفوله خريجة طب الاسلاميه ما متأكده من الدفعه لكم 2000 ل 2003 و تخصصت جراحه اسمها دكتوره منار محمد الامين الحاج, عليكم الله لو في زول بيعرفها او بيعرف زول بيعرفها يوصلني ليها, أتصالي بيها اتقطع من 11 سنه و مشكورين
|
Post: #145
Title: Re: جامعة امدرمان الاسلامية /البورداب / توقيعك /بوستات / صور
Author: اسماعيل عبد الله محمد
Date: 01-09-2009, 07:28 PM
Parent: #144
الاخ بدر الدين
مشكور على جمع شيوخ وشيخات امدرمان الاسلامية فى هذا البوست
تسجيل حضــــــــــــــــــور
اسماعيل عبد الله محمد
كلية العلوم الادارية
دفعة 1999
|
Post: #146
Title: Re: جامعة امدرمان الاسلامية /البورداب / توقيعك /بوستات / صور
Author: عبد اللطيف السيدح
Date: 01-09-2009, 07:40 PM
Parent: #145
نحن هنا
سلمنا من التهكير
لدينا جدار عازل ضد القراصنة، كالذي كان مضروباً بيننا وبين زميلاتنا بالجامعة
ابو خزيمة[/B]
|
Post: #147
Title: Re: جامعة امدرمان الاسلامية /البورداب / توقيعك /بوستات / صور
Author: عادل فضل المولى
Date: 01-10-2009, 02:49 PM
Parent: #146
السيدح
تحيات يا حبيب
| Quote: كالذي كان مضروباً بيننا وبين زميلاتنا بالجامعة |
لذا كنتم تمتطون ضامر الكرعين باتجاه الدار
وفي رواية ملح حتى صينية الاربعين
تحياتي لعضوية رابطة نهر النيل بالاسلامية
|
Post: #148
Title: Re: جامعة امدرمان الاسلامية /البورداب / توقيعك /بوستات / صور
Author: haroon diyab
Date: 01-10-2009, 02:55 PM
Parent: #1
بدر الدين
ازيك ياحبيب
وياناس الاسلامية
تحية من الاستاذ/ عبد الاله دياب
ماجستير اداب لغة عربية
للجميع.....
بس دفعة كم دي لازم اتأكد منها
بس ماكبير خالص يعني في الالفية التانية
|
Post: #149
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 01-10-2009, 09:08 PM
Parent: #148
ابن الاسلامية
اسماعيل
الف مرحب بيك
البوست ملك لكل ابناء / بنات الاسلامية
اكتب / صور / ناقش / وجه / + ( ي ) الياء دى بتاعة نأس اختنا د. إشراقــة
باقى خوفو ناس كتار بيه ( قصة وحكاية ) الجندر دى
|
Post: #150
Title: Re: جامعة امدرمان الاسلامية /البورداب / توقيعك /بوستات / صور
Author: سيف الدين حسن العوض
Date: 01-12-2009, 05:38 AM
Parent: #149
الاستاذ/ بدر الدين اسحاق احمد
حجاً مبرورا وذنباً مغفورا
وتقبل الله منا ومنكم صالح الاعمال
وعودا حميدا ان شاء الله
|
Post: #151
Title: Re: جامعة امدرمان الاسلامية /البورداب / توقيعك /بوستات / صور
Author: عبد اللطيف السيدح
Date: 01-12-2009, 05:50 AM
Parent: #150
| Quote: تحياتي لعضوية رابطة نهر النيل بالاسلامية |
آه ياعادل فضل المولي لقد قلبت علينا المواجع وذكرتنا اياماً خلت
(ايام لاهم ولاغم ولا جاهلاً بكاي )
تحياتي لكم جميعاً من علي البعد
|
Post: #152
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 01-12-2009, 10:21 PM
Parent: #151
هارون يا دياب
تسلم انت ودياب الاصغر
حريــة الحرف عبركم متاحـــة ومبسوطـــه لك ولــه ولاخرين
Quote: بدر الدين
ازيك ياحبيب
وياناس الاسلامية
تحية من الاستاذ/ عبد الاله دياب
ماجستير اداب لغة عربية
للجميع.....
بس دفعة كم دي لازم اتأكد منها
بس ماكبير خالص يعني في الالفية التانية |
|
Post: #153
Title: Re: جامعة امدرمان الاسلامية /البورداب / توقيعك /بوستات / صور
Author: Nasruddin Al Basheer
Date: 01-13-2009, 04:47 AM
Parent: #152
الأخوة والأخوات الزملاء الأعزاء
لكم التحية والتجلة والتقدير
والشكر للزميل بدر الدين على هذه الفكرة
نصر الدين البشير
خريج كلية الآداب قسم اللغة الإنجليزية وآدابها
أغسطس 1990
الكتابة عن جامعة أم درمان الإسلامية من الأشياء الجميلة والصعبة على نفسي
لنا فيها ذكريات ومواقف وصداقات وحكاوي لا تنتهي..
منذ مدة وأنا ألقي نظرة على هذا البوست وأحدث نفسي بأنني سأتداخل في المرة القادمة..
وأتمنى أن أجد الوقت الكافي لأكتب الكثير عن هذه الجامعة العريقة..
أنتهز هذه الفرصة لألقي التحية لولدنا البرلوم محمد خالد عبد القادر
وأرجو أن يكون بخير وأن يواصل معنا في هذا الخيط..
وأحيي عبرك الزملاء معاذ منصور، حسن البشاري، أسامة الفضل، إشراقة مصطفى، عادل فضل المولى،
عبد اللطيف السيدح وبقية الزملاء الأعزاء..
|
Post: #154
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 01-13-2009, 07:37 AM
Parent: #153
ود الاسلامية نصر الدين
تحيات طيبات
الواحــد فينا بيطمئن عندما يجــد ما تقاربــت تجربتــه الدراسية معنا انا واخرين
بالله عليك قل لنا واسكب علينا كل الذكريات النواضر عن ( الجامعة الدينية ) حقتنا
دار الاتحاد ( المنطقة المحايدة التى يمكننا فيها مشاهــدة اخوات عازة ( وليــس طلائع عازة ) حقت اختنا د.إشراقة مصطفى
الاسلامية اليوم صــرح اكاديمــى متميز كليات متخصصة / بنيات تحتية / كوادر
Quote: نصر الدين البشير
خريج كلية الآداب قسم اللغة الإنجليزية وآدابها
أغسطس 1990
الكتابة عن جامعة أم درمان الإسلامية من الأشياء الجميلة والصعبة على نفسي
لنا فيها ذكريات ومواقف وصداقات وحكاوي لا تنتهي.. |
|
Post: #155
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 01-23-2009, 06:04 AM
Parent: #154
وين اهل الاسلامية
شباب
شابات
|
Post: #156
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 01-23-2009, 06:06 AM
Parent: #155
كــدى محتاجين الى توثيق الحياة السياسية الطلابيــة
كل زول وحقبتـــه
|
Post: #157
Title: Re: جامعة امدرمان الاسلامية /البورداب / توقيعك /بوستات / صور
Author: الصادق ضرار
Date: 01-23-2009, 02:31 PM
Parent: #156
ذكرياتي ليست جميلة بالطبع
|
Post: #158
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 02-01-2009, 00:41 AM
Parent: #156
فوق
|
Post: #159
Title: Re: جامعة امدرمان الاسلامية /البورداب / توقيعك /بوستات / صور
Author: Elwaleed M. Ahmed
Date: 02-01-2009, 01:35 AM
Parent: #158
الاخ بدرالدين تحياتي
وين الاخوة شيوخ الشريعة والقانون ما ظاهرين
والسلام
الوليد محمد احمد المحامي-نيويورك
|
Post: #160
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 02-01-2009, 01:46 AM
Parent: #159
والله يا الوليد
خايفهم يكونو مشـــو مؤتمر الحزب الخامــــس
Quote: الاخ بدرالدين تحياتي
وين الاخوة شيوخ الشريعة والقانون ما ظاهرين
والسلام
الوليد محمد احمد المحامي-نيويورك |
|
Post: #161
Title: Re: جامعة امدرمان الاسلامية /البورداب / توقيعك /بوستات / صور
Author: سيف الدين حسن العوض
Date: 02-02-2009, 06:04 AM
Parent: #160
نحن هنا
متابعين معاكم
| Quote: خايفهم يكونو مشـــو مؤتمر الحزب الخامــــس |
ناس الاسلامية ما بيمشوا المناطق المشبوهة هذه
|
Post: #162
Title: Re: جامعة امدرمان الاسلامية /البورداب / توقيعك /بوستات / صور
Author: ABU QUSAI
Date: 02-02-2009, 07:18 AM
Parent: #161
Quote: اخوكم
الشامي الحبر عبدالوهاب الكباشي
اعلام دفعة قديمة جدا |
يا دفعة مادام باقي ليك 1977 بعيدة الدخلك وسط الشباب ديل شنو ؟؟؟ غايتو ضحكتني ضحك الله يجازي محنك .
أبوقصي
خريج صحافة وإعلام دفعة الشامي الحبر 77
|
Post: #163
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 02-12-2009, 10:44 AM
Parent: #162
الاحباب / الشامى / قصى
تحيات طيبات
إنتو سنة 1977 م دخلتو ولا إتخرجتو ؟
البوســت دى حلال عليكم بكل المعيير لادارته
الشباب المتداخلين ديل كلهم موديلات إنقاذية الا من نذر يسير ناس بدر الدين اسحاق واشراقة مصطفى واخرين
|
Post: #164
Title: Re: جامعة امدرمان الاسلامية /البورداب / توقيعك /بوستات / صور
Author: بدر الدين اسحاق احمد
Date: 02-27-2009, 08:39 AM
Parent: #163
الاسلامية
وين اولادك
فى لجاجـــة الحياة
والاسافير البعيدة
|
|
|
