Post: #1
Title: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 07:04 PM
حقوق العضوية لكل البورداب ..
حــق التنفـس برئــة سودانيزاونلاين ..
وتانــى شنو ..
|
Post: #2
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 07:09 PM
Parent: #1
طـلب الى ادارة المنبر ان تسمــح لاى عضو ان يقول فى هذا البوست ما يريد دون اى التزام بلوائح
المنبر ...
فليكن بوســــت ( ليبرالـــى ) حتــى الثمــالـــة ..
|
Post: #3
Title: Re: مــا هــى حقوق الاسلاميين ( الكيزان ) فى هذا المنبــر
Author: HAIDER ALZAIN
Date: 06-06-2009, 07:14 PM
Parent: #2
| Quote: فليكن بوســــت ( ليبرالـــى ) حتــى الثمــالـــة .. |
المنبر بالليل بيكون لذيذ خالص ..
هسع انا ضحكت في الجملة دي حتي الثمالة ...
بدر الدين تحية واحترام
|
Post: #4
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-06-2009, 07:18 PM
Parent: #3
| Quote: مــا هــى حقوق الاسلاميين ( الكيزان ) فى هذا المنبــر |
والله سؤال وجيه لكن !!
لكن كان تفك الارتباط ما بين الإسلاميين و الكيزان
منتظرين الردود .. وسجلنا مشاهدين فقط ...
|
Post: #6
Title: Re: مــا هــى حقوق الاسلاميين ( الكيزان ) فى هذا المنبــر
Author: HAIDER ALZAIN
Date: 06-06-2009, 07:25 PM
Parent: #4
| Quote: وسجلنا مشاهدين فقط ... |
لا يا حبيب انت مفروض لاعب محور ارتكاز هنا ،،،
أظن وبعض الظن عشم لازم تمر من هنا بعد بوست ( الكذبة ) الشهير ..
التحايا والحي يشوفك بالمنبر
|
Post: #5
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 07:24 PM
Parent: #3
ساكتب المفردة التى يعيهـــا الكثيرون ( الكيزان )
هل يتمتعالكيزان بحقوق عضويــة متساويــة مع عموم الاعضاء ؟
هل توجد حقوق فنيــة للاعضاء ( رفــع البوستات فى قائمة المنبر ) هل هو حق للعضو ؟
|
Post: #8
Title: Re: مــا هــى حقوق الاسلاميين ( الكيزان ) فى هذا المنبــر
Author: salah ismail
Date: 06-06-2009, 07:29 PM
Parent: #5
انت قاصد عقوق اظنك!!!!!!
|
Post: #10
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-06-2009, 07:35 PM
Parent: #5
| Quote: هل يتمتع الكيزان بحقوق عضويــة متساويــة مع عموم الاعضاء ؟ |
ايوه كده .. عشان ما يكون السؤال إيحائي
لانو المعظم هنا مسلمون..
وياحيدر ازيك ..
وسنظل مشاهدين..
ونشوف الآراء..
|
Post: #7
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-06-2009, 07:27 PM
Parent: #2
شكرا بدر الدين
| Quote: حــق التنفـس برئــة سودانيزاونلاين .. |
وماهي حقوق غير الكيزان في التنفس عبرأجهزة الإعلام "القومي" في وطنهم?
_1 - بأي حق يحتكر المؤتمر الوطني الاغلبية المطلقة في أجهزة ومؤسسات
الدولة?
2- بأي حق يهيمن المؤتمر الوطني علي عصب الدولة من ثروة وسلطة وإعلام?
3- بأي حق يخرج جهاز الامن عن صلاحياته المنصوصة علي في نيفاشا(جمع وتحليل
المعلومات_) ليتغول علي الحريات العامة وحرية الصحافة?
4- بأي حق تتغول الانقاذ علي حيدة وأستقلالية الخدمة المدنية والعسكرية
بحيث يجمع البشير بين موقعه ورتبته العسكرية ورئاسة حزب سياسي ضمن
عشرات من الأحزاب الاخري?
......نعم يا بدر الدين من حقك وغيرك التمتع بحق التعبير هنا ولكننا
نطالبكم بشئيا من الأتساق وتوحيد المكيال فكيف نفهم موقف من يساند أو يؤيد
نظام يقوم بقمع الحريات وتكميم الافواه والكنكشة والهيمنة علي عصب
الدولة ثم يأتي ذات الشخص ليتباكي علي حرية التعبير في منبر يملكه فرد??
00 نرجو أن تجيب علي هذه النقاط نقطة نقطة يابدر الدين!!
|
Post: #9
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 07:35 PM
Parent: #7
كل العضوية هنــا تعبر عن اشخاصها ورؤاها دون انسحاب التعبير الى تنظيماتها السياسية
العضوية للافراد الا من نذر يســير لبعض المؤسسات رؤيتى ) انها تمارس هذا الحق المؤسسى
باكثر من رشــد ووعى ( مركز الخاتم عدلان نموذجا ) .
|
Post: #11
Title: Re: مــا هــى حقوق الاسلاميين ( الكيزان ) فى هذا المنبــر
Author: خالد عويس
Date: 06-06-2009, 07:37 PM
Parent: #9
Quote: حقوق العضوية لكل البورداب ..
حــق التنفـس برئــة سودانيزاونلاين ..
وتانــى شنو .. |
الأخ بدرالدين
ياخي ده منبر اسفيري سااااكت..لا فيهو أكل عيش ولا سجون ولا (بيوت أشباح) ولا هو وطن حقيقي.
عشان كدة خلينا من (حقوق) الإسلاميين في المنبر..ورينا (حقوق غير الإسلاميين في دولة الإسلاميين) ؟؟
|
Post: #12
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 07:41 PM
Parent: #9
لماذا (الكيزان )هــم وحــدهم مطالبون ان يكون اى واحد منهم هو الناطق الرسمى باسم المؤتمر
الوطنــى ..
.....
فتــح عضوية رسمية للاحزاب باســم ناطــق رسمــى للحزب هو الخيار ..لنتمتــع بحقوق عضوية اســوة
بالغير ( عشــق الاحمر الوهاج ) دون ربــط ذلك العشــق بالمؤتمر الوطنى .
|
Post: #13
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 07:53 PM
Parent: #12
ود الزين تكــرم على الطلـــة ...
وازيدك كمان بيوت من الشعر :
وكمان جلــد تخــين متل جلد الفيــل ..
ووش ممســح بيــه مرقـــه ..
|
Post: #14
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 07:57 PM
Parent: #13
السيد / صلاح ..
انا قاصــد حقوق .
| Quote: انت قاصد عقوق اظنك!!!!!! |
..
الظــن علم باطــن خلينا فى علم الظاهر
( تعديل فصل بين ظن وعلم )
|
Post: #15
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-06-2009, 07:57 PM
Parent: #12
سؤال مشاغب مادام فكيت الارتباط
ولي حين أن تأتي الآراء ..
إلى الآن ما شايف زول بيقول أنا كوز.. هم وينن ؟؟
وواصل بالمفردة (كوز) دي للنهاية..
خليك من حكاية مؤتمر وطني دي..
|
Post: #17
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 08:14 PM
Parent: #15
الاخ / صــلاح
مرور مقدر منك ..تكرم عليــه ..
المصطلح الشائع والمستخدم من اكثر عناصر عدم التواصل والتلاقى لكون المصطلح يلقــى فى غالبه
بظلال من التمييز والتحيز ضــد الاخـر ..
....
الاسلاميين تستخدم عند بعض الاعضاء ويقصد بها مناصرى الاسلام السياسى ...
ويقصد حينا اخر المتدينون ..
ويقصد بها ناس المؤتمر الوطنى ..
ويقصد بها المنتمين الى الحركة الاسلامية السودانية ...
امـــــــــــا مصطلح كـــوز ( فقاعــد فى السهلــة ينتظر الامطار والرعود )
فخــذ منها ما تريــد تجدنـــى انتمـــى اليــه فكرة واشواقا وسلوكا وحياة واسرة
|
Post: #20
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-06-2009, 08:29 PM
Parent: #17
| Quote: فخــذ منها ما تريــد تجدنـــى انتمـــى اليــه فكرة واشواقا وسلوكا وحياة واسرة |
خلاص اخترنا ليك كوز ..
ويداية كده نناشد بكري برفع البوست
ونجي بعد ده لي حقوقكم وواجباتكم..
وللا سوري واجباتكم دي انت ما ذكرتها
خليها لي بوست آخر ..
|
Post: #16
Title: Re: مــا هــى حقوق الاسلاميين ( الكيزان ) فى هذا المنبــر
Author: Amany Elamin
Date: 06-06-2009, 08:04 PM
Parent: #12
الأخ بدر الدين:
سلامات وتحايا..
السؤال بصيغه أخري,
هل تعود "الكيزان"(اللفظ كما ورد في مداخلاتك تماما),
علي معامله خاصه وتفضيل في الوظائف والمنح وكل الخدمات في السودان "وطن الجميع",
حتي ضاق صدرهم بمعامله كفرد عادي في منبر حوار؟
يعني هل يجب معاملة "الكوز" أو "الكوزه" كعضو غير عادي لأنهم حزب حاكم والبقيه رعيه؟
لو علي سؤالك عن رفع البوستات, فكتابة "الكيزان" أغلبها تلميع لشخصيات مواليه,
أوترويج لأخبار مسانده للحزب وأهله, وهذا ما تمارسه وسائل الاعلام المختلفه داخل الدوله,
من تلفزيون وصحف وراديو,
القارئ لا يدخل سودانيز أون لاين لسماع اسطوانات الحكومه المعاده والمكرره,
وانما لسماع الاخرين ممن كممت أفواههم وحجمت مواطنتهم كأفراد درجه تانيه لعدم الانتماء,
يبقي لابد من خروج "الكيزان من عباءة تلميع النظام والحزب الحاكم,
وترديد الأهازيج المحفوظه للجميع,
لابد من الحوار العقلاني المقنع للقارئ, والانصهار في هموم المواطن السوداني العادي,
تحياتي واحترامي,
|
Post: #18
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-06-2009, 08:16 PM
Parent: #16
شايف سؤالك بيجرجر في أسئلة
وعشان ما تشتت الحاجات ساي في الهواء وما نطلع بي شي
خلينا نحدد أنت سؤالك ده لي بكري أبوبكر وللا لينا نحنا؟؟
عشان لو لي بكري .. أنا معاك في السؤال ..
أما لو لينا نحنا .. ادينا حنتناقش..
تحت تحت كده
اها لورديت على سؤالي الفوق داك بتاع ما شايف لي كوز
او قلته انك انت كوز يعني ما بس بتدافع عنهم..
ليك علي انا حاناشد بكري بانو يرفع البوست ده فوق .. ده لو كان محور
نقاشك كلو عن احقية العناوين البارزة ..
أما لو كان سؤالك في المعاملة داخل البوستات من نقاشات وكده
فدي ليها ناسا واهم جاينك والخير وارد..
|
Post: #21
Title: Re: مــا هــى حقوق الاسلاميين ( الكيزان ) فى هذا المنبــر
Author: Deng
Date: 06-06-2009, 08:32 PM
Parent: #18
يا لسخرية القدر.
شخص ينتمي الى حزب سياسي نفذ إنقلاب عسكري على السلطة الشرعية وقاموا بألغاء جميع الاحزاب ومارسوا جميع أنواع التنكيل في الشعب السوداني، قتل، إغتصاب، تعذيب، تهجير قصري، إضطهاد ديني وعرقي وفصل وتشريد من الوظائف وتدمير تام لأقتصاد البلاد ولنظامه التعليمي والصحي. بعد كل ذلك جاي أنت وبكل قوة عين تحدثنا عن حقوق الكيزان بهذا المنبر؟ واضح جدا أن الكيزان يريدون تغير المعايير وتغير الامور وفهمها. يجب أن تتزكر أن حزبكم الشرير يتحكم في جميع أجهزة الاعلام في البلاد اليوم. يا بدر الدين أخجل.
دينق.
|
Post: #19
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 08:26 PM
Parent: #16
الاخ / كمال عباس
مراحـــب وســلام ( لــم يكذب حدسـى انك ستكون من ضيوف هذا البوســت )
النقاط دى كثيرة ...
النقاط دى جزء منها مسئول ويملك الاجابات عليها الناطق الرسمــى للحكومة ..
النقاط دى جزء منها لا يملك حتى الناطق الرسمى للحكومة الاجابة عليها ..
قــدر قــدرتــى بقول بحول الله وقوتــه ..
Quote: وماهي حقوق غير الكيزان في التنفس عبرأجهزة الإعلام "القومي" في وطنهم?
_1 - بأي حق يحتكر المؤتمر الوطني الاغلبية المطلقة في أجهزة ومؤسسات
الدولة?
2- بأي حق يهيمن المؤتمر الوطني علي عصب الدولة من ثروة وسلطة وإعلام?
3- بأي حق يخرج جهاز الامن عن صلاحياته المنصوصة علي في نيفاشا(جمع وتحليل
المعلومات_) ليتغول علي الحريات العامة وحرية الصحافة?
4- بأي حق تتغول الانقاذ علي حيدة وأستقلالية الخدمة المدنية والعسكرية
بحيث يجمع البشير بين موقعه ورتبته العسكرية ورئاسة حزب سياسي ضمن
عشرات من الأحزاب الاخري?
......
00 نرجو أن تجيب علي هذه النقاط نقطة نقطة يابدر الدين!! |
احمــد ليـــك تثبيــت حــق الكيزان فى التنفــس عبر رئـــة سودانيزاونلاين ..
ترمـــــه : عــــدم الانتماء الحزبـــى من الظواهر المعيقــة للتحول الديمقراطــى
التعديل .. تصحيح كلمة حدســى ..
|
Post: #22
Title: Re: مــا هــى حقوق الاسلاميين ( الكيزان ) فى هذا المنبــر
Author: أبو عبيدة البصاص
Date: 06-06-2009, 08:37 PM
Parent: #19
بدر الدين قول بسم الله
انت موجه سؤالك ده لي بكري
ولا لي التانيين
لان بكري قفل الباب البجيب جنس سؤالك ده بي نص لوائح الموقع
اما التانين
اللهم اجلعه خير انا عاوز اقول شنو
يعني هسي زي سؤال صلاح ليون ده تجاوبو كيف
اكان كل اسبوعين كانت في قوائم التصنيف المنبري
وتاني انت منتظر رد من ناس بجاوبو عليك بي سؤال
لانه بدل ما يجاوبو ليك حتبقى انت القاعد في الكرسي الساخن
كل واحد يجيك انا عشان ارد عليك انت جاوب لي على سؤالي ده
وانت تقع في قصة دخلت نمله وشالت حبه طلعت
تصبح على خير
البصاص
|
Post: #24
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 08:46 PM
Parent: #22
خالد يا ود عويس
تجد حقوقهم فى الدستور ...نصوص
مفوضية غير المسلمين ... كألـية تنفيذية
| Quote: عشان كدة خلينا من (حقوق) الإسلاميين في المنبر..ورينا (حقوق غير الإسلاميين في دولة الإسلاميين) ؟؟ |
|
Post: #23
Title: Re: مــا هــى حقوق الاسلاميين ( الكيزان ) فى هذا المنبــر
Author: Badreldin Ahmed Musa
Date: 06-06-2009, 08:44 PM
Parent: #19
ود اسحق
سلام
مالك يا زول، عايزين "حقكم" في انكم اكثر مساواة من الاخرين و لا شنو؟
من مزرعة الحيوان:"All animals are equal, but some animals are more equal than others."
ياخ كان عندكم ناس بلعبوا كويس لكنهم طلعوا حساسين و شتتوا، امثلة: محمد حامد جمعة، محمد فرح و
اخرين.
|
Post: #25
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 09:03 PM
Parent: #23
امانى الامين ( الاسم صحيح ) تحية طيبة
نعـــم فى فترة من فترات الانقاذ ...حين كان الكل يرفع سلاحـــه ضــدها .
Quote: هل تعود "الكيزان"(اللفظ كما ورد في مداخلاتك تماما),
علي معامله خاصه وتفضيل في الوظائف والمنح وكل الخدمات في السودان "وطن الجميع",
حتي ضاق صدرهم بمعامله كفرد عادي في منبر حوار؟
|
عضويتى لها حوالى سنتين .. لــم ولــن افتــح بوســـت لتلميــع شخــص ...بنطرح حاجاتنا
افكارنا تجاربنا اشواقنا .. بيصبح كلامــك هذا غير صحيح بتعميمه على الكل ..
Quote: لو علي سؤالك عن رفع البوستات, فكتابة "الكيزان" أغلبها تلميع لشخصيات مواليه,
أوترويج لأخبار مسانده للحزب وأهله, وهذا ما تمارسه وسائل الاعلام المختلفه داخل الدوله,
من تلفزيون وصحف وراديو, |
خســى عليك الله اجراس الحرية دى مكممــه .. والله دى ليبرالية فاتــت حدهــا
Quote:
وانما لسماع الاخرين ممن كممت أفواههم وحجمت مواطنتهم كأفراد درجه تانيه لعدم الانتماء,
|
الاخت / امانى ..برضــو انظرى الى كل مداخلتك تجدين انك تريدين تحميل عضو واحد كــل تبعات
تجربة عمرها عقدين من الزمان ... وانا ليــس الناطق الرسمى للحزب ..
برضـــو دعـــوة لــى وليك وليه الكل ..
لابد من الحوار العقلاني المقنع للقارئ, والانصهار في هموم المواطن السوداني العادي,
|
Post: #26
Title: Re: مــا هــى حقوق الاسلاميين ( الكيزان ) فى هذا المنبــر
Author: esam gabralla
Date: 06-06-2009, 09:21 PM
Parent: #25
الفيك بدربو و العيب اقدلبو
و المناسب اكتر القدلة بالعيب
غايتو قوة العين و عدم الاحساس و السغاااااااالة الواحدة دى ما ممكن تبقي غير
كووووووووز
يعنى الحقوق و المساواة اتوفرت في المليون ميل مربع و خلاص فضلت سودانيزاونلاين ??
بعدين هى مش حتة اسفيرية فيها شوية مناضلين كيبوردات لا يودو لا يجيبو?
اقدلو اقدلو بيهو العيب ده ... مختوم فوق جبينكم للأبد ...
|
Post: #27
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 09:24 PM
Parent: #25
صلاح ليون ...
الســؤال ده منبرى لاى زول شايل ( باسويرد + كى بورد )
بعدين انا ما عايز اناقش لائحــة المنبر ..
| Quote: خلينا نحدد أنت سؤالك ده لي بكري أبوبكر وللا لينا نحنا؟؟عشان لو لي بكري .. أنا معاك في السؤال .. |
كــــــدى خلينـــا نناقــش ... ولو الحكاية كانت فيها مزيد من الحريات نزيدها
| Quote: أما لو لينا نحنا .. ادينا حنتناقش.. |
وهذه منطقة من مناطق الحقوق برضــو لماذا لا نناقشها ..
Quote: أما لو كان سؤالك في المعاملة داخل البوستات من نقاشات وكده فدي ليها ناسا واهم جاينك
والخير وارد.. |
|
Post: #28
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-06-2009, 09:41 PM
Parent: #27
السيد/ بدر الدين اسحاق
طيب ما دام السؤال منبري لي اي زول اوكي نتناقش..
انت حصرت في بداية مداخلاتك بإنو من الحقوق هي تثبيت البوستات
في المنبر .. ودي حكاية مفروق منها وواضحة للعيان ومعروف انو
الامر بيد منو .. فيصبح الأمر كانك عايزنا ننادي معك بهذا الحق
أو أن نشجب هذا الشي .. ودي حسب اللوائح الكلنا وقعنا عليها
قبل الدخول للمنبر .. ممنوع..
نجي للحتة الانت حتكون قاصدها اكتر من رفع عنوان لا بيودي لا بيجيب
وهي العدائية ..النبذ .. المهاترات .. ضد أي من تظهر عليه علامات الكوزنة
فلو توافقني في كلامي ده حاواصل معاك..
|
Post: #29
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 09:42 PM
Parent: #27
انت يا دينق مرات كــدى بتقول كلام الزول ما بيتوقعو ..
انا ما فكرت فى الحكاية بنهجك هذا ..( برضو كلامك فكرة ) ..
لكن برضو قول لينا ... حقوقهم شنو ولا ما عندهم حقوق ..
(( قتل .. اغتصاب ..تعذيب ..تهجير ...فى ذاكرتنا كثير من الشواهد بتقلب البوست الى ممارسات
احزاب وجماعات ...)) دى ما شغلتى الليلة .
الكوز ال......... بدر الدين اسحاق احمد ( الا املك حــق ان تنادينى باسمــى دون زهور )
Quote: شخص ينتمي الى حزب سياسي نفذ إنقلاب عسكري على السلطة الشرعية وقاموا بألغاء جميع الاحزاب ومارسوا جميع أنواع التنكيل في الشعب السوداني، قتل، إغتصاب، تعذيب، تهجير قصري، إضطهاد ديني وعرقي وفصل وتشريد من الوظائف وتدمير تام لأقتصاد البلاد ولنظامه التعليمي والصحي. بعد كل ذلك جاي أنت وبكل قوة عين تحدثنا عن حقوق الكيزان بهذا المنبر؟ واضح جدا أن الكيزان يريدون تغير المعايير وتغير الامور وفهمها. يجب أن تتزكر أن حزبكم الشرير يتحكم في جميع أجهزة الاعلام في البلاد اليوم. يا بدر الدين أخجل.
|
|
Post: #30
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 09:55 PM
Parent: #29
ابو عبيد البصاص ...
ما عشان جنس الاسئلة البيجاوبوها بيــه اسئلة قلت اكمل كلامى واسئلتى واجاباتى الليلة
والصباح رباح ..
|
Post: #31
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-06-2009, 09:56 PM
Parent: #29
شوف ده مثال لواحد من حبايبك .. عاين بادي البوست كيف
| Quote: فهؤلاء هم ( الرافضة) |
دي في اول مداخلة..
وشوف بعد ما مشى وجا لقى الرافضة راقدين في البوست بتاعو
شوفو قال شنو..
| Quote: واغاظكم وحرك في دواخلكم الحقد الدفين ضد الوطن |
هسه كدي قول لي انت منتظر شنو من ناس
انت في نظرك وفي نظر حبايبك هم ..
اشبه بالرافضة..
دواخلم حقد..
وكمان دفين ضد الوطن..
|
Post: #32
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-06-2009, 10:10 PM
Parent: #31
تعال الصباح وإنشاء الله تلقى بوستك ده معلق فوق
لكن غير رفع البوستات فإن
كل حقوقكم ماخدينها..
عشرة على عشرة كمان..
في الإساءة والنبذ ..
والرد بالمثل ..
والكذب..
بكرة تعال قول لينا شنو بالتحديد ما قاعدين تعملو
وما لاقين راحتكم فيهو .. والصباح رباح ..
|
Post: #33
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 10:12 PM
Parent: #31
بدر الدين احمد موسى ....
شايفها جــابت ليهاانموذج فلسفــى فكرى بيتوه بيــه ...
لا اطمع ســوى ان اتمتع بما يتمتع بـــه الاخرون ...
الاخرون الذين اسميتهم حاولو ان يفكرو بصوت مسموع فى هذا المنبر ...
فسمعو ما لــم يسمعوهو فى حياتهم ...
فأثرو ان يكونو بمأمــن من شــر كى بورد وباسويرد لا يغلم احد من هو صاحبهم
لكنها مؤشــر سالــب جدا لهم ان هولاء هــم البديل ( مفردات / سلوكا / اغتيال شخصية / ...)
فتركو هذا المنبــر وليـــس فى ذلك اى كســـب لصاحب المنبر ( فتلاقــح الافكار وتضادها من
لوازم تسويق هذا المنبر ).
وسترى فى المداخلات فى هذا البوســـت العجــب ومن المفردات ما لــم استخدمها ولم احتاج الى
استخدامها طوال سنين عمرى .
Quote: مالك يا زول، عايزين "حقكم" في انكم اكثر مساواة من الاخرين و لا شنو؟
من مزرعة الحيوان:"All animals are equal, but some animals are more equal than others."
ياخ كان عندكم ناس بلعبوا كويس لكنهم طلعوا حساسين و شتتوا، امثلة: محمد حامد جمعة، محمد فرح و
اخرين. |
غايتو الليلــة قلنــا نسمــع ونرى ونرد ...نقيس تخانة جلدنــا
|
Post: #34
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 10:27 PM
Parent: #33
غايتو ما عارف ارد عليك كيف بــــس بقــول ليك برضو حـــق الكيزان فى هذا المنبر شــنو
Quote: الفيك بدربو و العيب اقدلبو
و المناسب اكتر القدلة بالعيب
غايتو قوة العين و عدم الاحساس و السغاااااااالة الواحدة دى ما ممكن تبقي غير
كووووووووز
يعنى الحقوق و المساواة اتوفرت في المليون ميل مربع و خلاص فضلت سودانيزاونلاين ??
بعدين هى مش حتة اسفيرية فيها شوية مناضلين كيبوردات لا يودو لا يجيبو?
اقدلو اقدلو بيهو العيب ده ... مختوم فوق جبينكم للأبد ... |
|
Post: #35
Title: Re: مــا هــى حقوق الاسلاميين ( الكيزان ) فى هذا المنبــر
Author: Badreldin Ahmed Musa
Date: 06-06-2009, 10:31 PM
Parent: #33
ود اسحق
سلام
| Quote: شايفها جــابت ليهاانموذج فلسفــى فكرى بيتوه بيــه ... |
يا بدرالدين الكلام من مزرعة الحيوان جري مجري الامثال، و المثل يقال حرفيا، اتمنى انك تكون فهمتني
صاح.
| Quote: غايتو الليلــة قلنــا نسمــع ونرى ونرد ...نقيس تخانة جلدنــا |
كويس يكون جلدك تخين، صدقني اي كلمات غير مضبوطة القراء حايحسبوها لصالحك. انا كنت استمتع جدا
ببرودة محمد حامد و على الرغم ان اغلب المناوشات ضده كانت من ناس ينتمون لنفس الحزب الذي انتمي
اليه و روح كلامهم يعبر عني لكن ابدا ما ايدت الالفاظ و كنت بتعاطف مع جمعة.
لكن انا شايف في عدالة في وضع البوستات في الواجهة!
|
Post: #36
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 10:41 PM
Parent: #35
كتب صلاح ليون ...
Quote: نجي للحتة الانت حتكون قاصدها اكتر من رفع عنوان لا بيودي لا بيجيب
وهي العدائية ..النبذ .. المهاترات .. ضد أي من تظهر عليه علامات الكوزنة
فلو توافقني في كلامي ده حاواصل معاك.. |
اقول انا بدر الدين اسحاق ..
الموضوع اعلاه جزء من الحقوق ...يمكن ان نواصل فيه النقاش
|
Post: #38
Title: Re: مــا هــى حقوق الاسلاميين ( الكيزان ) فى هذا المنبــر
Author: esam gabralla
Date: 06-06-2009, 10:51 PM
Parent: #36
يا دينق كمان خليك واقعى في مطالبك
يتقطع يعنى?
ما هو يا إما يخجل أو يكون كوز
جرى و طيران للنعام ما إتلقو
|
Post: #37
Title: Re: مــا هــى حقوق الاسلاميين ( الكيزان ) فى هذا المنبــر
Author: Sabri Elshareef
Date: 06-06-2009, 10:48 PM
Parent: #35
امر عجيب من ذهنية اهل الجبهة الاسلامية الفاشية
التباكي علي رفع البوست اعلي الصفحة وانه يمثل حجر علي حرية الاسلامويين\ات
وهناك في الوطن تصادر الجريده كلها ؟
لا يسمح بنقل اخبار محكمة العدل الجنائية ؟
لا يسمح بتناول اخبار اهل كجبار والمقاومة
لا يسمح لحرية النشاط السياسي الا باذن ولا يصدق به
لا تسمح للمراة بحرية الحركة والتنقل والحياة
لا يسمح لاهل السودان بما مسموح به للفئه الباغيه الظالمه المغتصبه للعروض ناشره الدعاره الفكرية والاخلاقية
وقاتله اهلنا في ربوع الوطن
التباكي لان يكون المقال اعلي الصفحة وهو عدم حرية
وان دكتور تيراب اعتقل بالامارات وهو عضو منبر هنا لم يضع البوست عاليا وهو واجب علي وعليك وعلي بكري ولم اهرول فاتحا بوستا لعدم المساواة من ان عضو منبر لم يجد التضامن الكامل معه
الحقوق لا تتجزا
اخي بدر الدين قول الحق هنا وهناك
اترك نفس هذه المساحة في وطن مثخن بجراحات واحن ومحن الدولة الدينية المتخلفة بالسودان
الجبهة الاسلامية نموزج لها
لقد نسيت ان ابدا تعليقي ب
تحية لك ولضيوفك من الرجال والنساء
|
Post: #39
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 11:07 PM
Parent: #37
يا صلاح ليون ...
اذا جيت انا ولقيت البوســـت فى اعلــى الصفحــة صدقنــى ستجــد وتسمــع وستقرأ عنــى
شــي عجيب ..
لا اطالــب انا بالمساواة فى رفع البوستات فهى لا تمثــل لــى اى معطــى ذى دلالــة ..
فمـا يرفــع من البوستات لا يخضــع لاى معيار مهما كان هذا المعيار لذلك ليس هذا هو الموضوع
الموضوع هو ( هل للكيزان الحــق فى ان يكتبو فى هذا المنبر أسوة بأى عضو اخر ويتمتعون بما
يتمتع بــه الاعضاء من احترام وعدم إساءة لشخوصهم واسرهم وافكارهم وسلوكياتهم والاستهزاء منهم
هــل يملكون هذا الحــق ) .
|
Post: #40
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-06-2009, 11:09 PM
Parent: #35
...ونعود يا بدر الدين
شوف يابدر الدين أنتم كاأفراد لكم ماللاخريين من حقوق وعليكم ما عليهم
من واجبات ....
00 أما خط المنبر العام( أي التوجه العام للمنتدي) فكما هو واضح فهو خط معارض لسياسات المؤتمرالوطني ومع الديموقراطية الحقيقية ومع قضايا الاقليات والمهمشيين الخ ومع مبادئ وقيم تتنافي مع رؤي المؤتمر الوطني ولكنه مع هذا يكفل حق
التعبير -نسبيا- للكل بما فيهم من يتعارض مع خط المنبر ( ما قلته في هذه الجزئية عبارة عن إستقراء وتحليل)
00 ثالثا أعتقد أن المرارات التي أفرزتها سياسات المؤتمر تلقي بظلالها
وردود أفعالها هنا فمن يزرع الريح يحصد العاصفة فالكبت والقمع والقتل والتدمير والاقصاء وتكميم الافواه تعد تركة
ثقيلة وحمل باهظ علي كوادرحزبكم بالمنبر مما يصعب عليهم تسويغ ذلك النهج أو يضعهم في محك
الدفاع عنه وتحمل مسؤلية ممارسة حزبهم مما أفرز الاحن والمرارات
وروح التشفي ومحاولة تصفية الحساب مع النظام عبر كوادره الاسفيرية وكما ذكرت أنفا فإن عضويتكم هنا تواجه
بحالة فصام فكري وذلك نتاج لمساندتها لنظام يسلب الحريات ويصادر الراي الاخر ومطالبتها بكفالة حريةالتعبير
والرأي والرأي الاخر في مثل منبرنا هذا بالاضافة لعدم تتطور بعضهم وتوقفهم في محطة يونس محمود والصحاف
والتطبيل وإعلام الاتجاه الواحد وإغفال الطبيعة التفاعلية لهذا المنتدي!!
لذا يجب أن يفهم موقف كوادركم في هذا السياق ولكن هذا لايعني بالضرورة تبرير الاساءات والتجريح الشخصي...
رابعا ومع ما قلناه عن خـط المنبر الا أننا يجب الانغفل عن حقيقة أن المنبر ملكية خاصة تخضع لمزاج وميول ومصالح
ومبادئي صاحبه ومع كل ما نقوله عن أن المنبر نافذة عصرية وملتقي فكري وبؤرة أستنارةوتنوير الا أنه يتأثر بالمجتمع
السوداني وعلله لأن عضويته تتبائن في قدراتها وتحصيلها وتعليمها وخلفيتها الاجتماعية والثقافية وبالتالي
ستجد فيه روح الشللية وأعراض أمراض شخصيتنا الجمعية وبروز النعرات الجهوية والقبلية الخ
كمال
|
Post: #41
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-06-2009, 11:26 PM
Parent: #40
الاستناذ صبرى الشريف
تحيات طيبات
انت انموذج ابحــث عنــه لكم اوضحت انا فى مداخلات كثيرة مع شخصكم انك لديك مفاهيم رافضــة
لامكانية تحكيم شرائع وقوانين الاسلام فى هذا العصر ..
ولم يكن ردك الا ايضاحا اكثر لفكرتك وزودا عنها ..لماذا فى رأى لانك تحترم نفســك لذلك تحترم
خيارات الاخرين ..( سؤالــى ) ليــس لــك شخصيا ..هل يحــق لــى ان اتمتــع بنقـس المعاملــة
.....
لم اطالب انا برفع البوســت واعتبار ذلك من الحقوق ....فهو لا يعنينى فى شئ بل اتكلم انا عن
حــق الكيزان اعضاء هذا المنبر فى التمتع بما يتمتع بــه الاعضاء ( بعيدا عن اللائحـة ) ؟
|
Post: #42
Title: Re: مــا هــى حقوق الاسلاميين ( الكيزان ) فى هذا المنبــر
Author: ibrahim alnimma
Date: 06-06-2009, 11:54 PM
Parent: #40
السيد بدرالدين :
ان مساهمات منتسبي المؤتمر الوطني هنا لا ترقي لمستوي رفع بوستاتهم الي اعلي الواجهة (هذا علي
الرغم ان ذلك لا يعد مطلب اساسي من مطالبك كما اوضحت) ويعود ذلك في تقديري الي موقف التنظيم
السياسي وافعاله بالوطن والمواطن .مما حدي بالعضوية الي الكذب او التشفي في الشخصيات
وبوار الطرح السياسي ....وانا لا اقول ذلك لاني معارض فقط لسياسيات المؤتمر الوطني ولكني اقولها
لك انت لوتجردت من الانتماء الحزبي ولو الي ساعات قليلة ستجد صدق ما اقول...السبب لا يعود الي
شخوص الاخوان المسلمين ..او انتماءتهم الاسرية والقبلية ...ولكن يعود في المقام الاول لارتماءهم
ضحايا لتنظيم لم يعد يشكل قناعات اي امي في العمل السياسي ....لذلك اعتقد حرصا علي سعمة وبريق
المنبر لا يمكن ان يتم تعليق بوست بهذا التسطيح ....ويمكنني ان اقدم لك امثلة بالكوم لما اقول
من بوار السلع وهيافة الطرح الاخواني للقضيا ....وتسطيحهم لكثير من الامور....كما ان التطبيل
الاجوف والمكشوف هو من جعل القنوات السودانية تنأ بنفسها عن هذا السفهة السياسي ...لكي تكسب
مشاهدين فكيف بك ان تطلب من صاحب الموقع الذي يسهر عليه ليل نهار ان يروج الي اناس بلا مشجعين...
والسلام ...
|
Post: #43
Title: Re: مــا هــى حقوق الاسلاميين ( الكيزان ) فى هذا المنبــر
Author: عبد المنعم سليمان
Date: 06-07-2009, 00:02 AM
Parent: #42
هذا مشبوه فاجتنبوه يا اولي الالباب لو كنتم تعلمون ..
___
thats serious
|
Post: #45
Title: Re: مــا هــى حقوق الاسلاميين ( الكيزان ) فى هذا المنبــر
Author: سمير شيخ ادريس
Date: 06-07-2009, 00:28 AM
Parent: #43
Quote: هل يجب معاملة "الكوز" أو "الكوزه" كعضو غير عادي لأنهم حزب حاكم والبقيه رعيه؟
لو علي سؤالك عن رفع البوستات, فكتابة "الكيزان" أغلبها تلميع لشخصيات مواليه,
أوترويج لأخبار مسانده للحزب وأهله, وهذا ما تمارسه وسائل الاعلام المختلفه داخل الدوله,
من تلفزيون وصحف وراديو,
القارئ لا يدخل سودانيز أون لاين لسماع اسطوانات الحكومه المعاده والمكرره,
وانما لسماع الاخرين ممن كممت أفواههم وحجمت مواطنتهم كأفراد درجه تانيه لعدم الانتماء,
يبقي لابد من خروج "الكيزان من عباءة تلميع النظام والحزب الحاكم,
وترديد الأهازيج المحفوظه للجميع, |
|
Post: #44
Title: Re: مــا هــى حقوق الاسلاميين ( الكيزان ) فى هذا المنبــر
Author: عبد المنعم سليمان
Date: 06-07-2009, 00:21 AM
Parent: #42
هذا مشبوه فاجتنبوه يا اولي الالباب لو كنتم تعلمون ..
___
thats serious
|
Post: #46
Title: Re: مــا هــى حقوق الاسلاميين ( الكيزان ) فى هذا المنبــر
Author: PLAYER
Date: 06-07-2009, 00:46 AM
Parent: #44
| Quote: مــا هــى حقوق الاسلاميين ( الكيزان ) فى هذا المنبــر |
كده نجاوبك بسؤال دا
في وسائل الآعلام الحكومية مــا هــى حقوق غير الاسلاميين ( غير الكيزان )
حكمة اليوم
عجبآ....ناس الكثير دايرين حق ناس القليل
|
Post: #47
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-07-2009, 01:35 AM
Parent: #46
صدقت يا عادل player
Quote: حكمة اليوم
عجبآ....ناس الكثير دايرين حق ناس القليل |
لأخينا بدر الدين أسحق عشرات الابواق الأعلامية الرسمية وغير الرسمية ولنا
متنفس إعلامي واحد ومع هذا يريد أن يكوش عليه!!
( إِنَّ هَذَا أَخِي لَهُ تِسْعٌ وَتِسْعُونَ نَعْجَةً وَلِيَ نَعْجَةٌ وَاحِدَةٌ فَقَالَ أَكْفِلْنِيهَا وَعَزَّنِي فِي الْخِطَابِ )23 سورة ص
في طمع أكتر من كدة?
|
Post: #48
Title: Re: مــا هــى حقوق الاسلاميين ( الكيزان ) فى هذا المنبــر
Author: تيسير عووضة
Date: 06-07-2009, 05:51 AM
Parent: #47
مليون ميل مربع
بنفطها وثرواتها وصحافتها وإعلامها وكل مفاصلها
يأخذ الإسلاميون فيها (حقهم) تالت ومتلّت
بل ويتغولون على حقوق الآخرين
ثم يستخسرون على غيرهم شمة الهواء في سودانيز ؟؟
فعلاً
الكعكة في يد اليتيم عَجَبة !
|
Post: #49
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-07-2009, 08:04 AM
Parent: #48
أها البوست واترفع فووق
والصباح صبح رباح..
تعال وورينا باقي حقوقكم
وخلينا نشوف الظلم والاجحاف الذي يتعرض له الكيزان بالمنبر..
|
Post: #50
Title: Re: مــا هــى حقوق الاسلاميين ( الكيزان ) فى هذا المنبــر
Author: محمد الامين محمد
Date: 06-07-2009, 08:05 AM
Parent: #48
Quote: مليون ميل مربع
بنفطها وثرواتها وصحافتها وإعلامها وكل مفاصلها
يأخذ الإسلاميون فيها (حقهم) تالت ومتلّت
بل ويتغولون على حقوق الآخرين
ثم يستخسرون على غيرهم شمة الهواء في سودانيز ؟؟
فعلاً
الكعكة في يد اليتيم عَجَبة |
|
Post: #51
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-07-2009, 08:14 AM
Parent: #50
أها يالحبيب
طبعا البوست لما يترفع فوق كده
لازم يحصل ليهو صفحتين تلاتة
فبالله عليك تعال وتابع
قلنا ليك حقوقكم ماخدينها كامل ومكمل
وبغض النظر عن الناس الجات وطالبت بواجباتكم تجاه الوطن
والمواطنين خلينا نركز على حقوقكم المهضومة في هذا المنبر
ونحنا في الانتظار
|
Post: #52
Title: Re: مــا هــى حقوق الاسلاميين ( الكيزان ) فى هذا المنبــر
Author: خالد عبد الله محمود
Date: 06-07-2009, 08:25 AM
Parent: #50
Quote: حقوق العضوية لكل البورداب ..
حــق التنفـس برئــة سودانيزاونلاين ..
وتانــى شنو .. |
الأخ بدر الدين
فقط أرجو التوضيح , طالما كان حق الكيزان في المنبر هو حق غيرهم إذا ما هي الحقوق الإضافية التى تري أنهم محرومين منها في المنبر؟؟ مع العلم إنك قلت أن رفع البوستات أعلى المنبر ليس منها
|
Post: #53
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-07-2009, 08:50 AM
Parent: #52
لا يا خالد
| Quote: مع العلم إنك قلت أن رفع البوستات أعلى المنبر ليس منها |
لا قال..
وياهو ده..
| Quote: هل توجد حقوق فنيــة للاعضاء ( رفــع البوستات فى قائمة المنبر ) هل هو حق للعضو ؟ |
|
Post: #56
Title: Re: مــا هــى حقوق الاسلاميين ( الكيزان ) فى هذا المنبــر
Author: خالد عبد الله محمود
Date: 06-07-2009, 09:22 AM
Parent: #53
والله يا أبو صلاح بالطريقة دي البوست ده بلحق بوست الكهرباء و بفوتو زاتو !!
غايتو التسوي بي كيبوردكـ
زي الشره في القندول
أو كما قال
|
Post: #54
Title: Re: مــا هــى حقوق الاسلاميين ( الكيزان ) فى هذا المنبــر
Author: محمد عبدالقادر سبيل
Date: 06-07-2009, 09:04 AM
Parent: #50
الفكرة ليست في حقوق الكيزان المنقوصة داخل هذا البورد
ولا في الدفاع الفاسد لخصومهم بأن الحكومة تفعل الشئ نفسه في وسائل الاعلام الرسمية
ولكن الفكرة في ان كلا الطرفين يثبتان عمليا ويقران اقرارا سافرا بأنهما متشابهان
فكل من تسلم زمام امر من الامور العامة ( ولو كان على مستوى موقع اسفيري كهذا ) فانه يستأثر بالميزات على حساب الآخر الذي يسعى ضد مشروعه
وبالتالي فان مقولة احترام الآخر وان سودانيزاونلاين هو الوطن البديل ( السمح ) الذي يقدم النموذج الجامع والمعافي والمنشود تظل اكذوبة مفضوحة
طالما هنالك عقائد ايدولوجية مهيمنة فلا مندوحة عن الاقصاء والاستعلاء لما هو مغاير لها.
بكري يساري منحاز للديمقراطيين اليساريين وقضاياهم ويميزهم على غيرهم ولكنه لا يقمع الاسلاميين ، كما يشتهى رفاقه اليساريون عبر مداخلاتهم كلما اغتاظوا من كوز او شبه كوز ، وانما يترك له فرصا اخالها اوسع مما تتيحه الانقاذ لغرمائها اذا حمي الوطيس
وهكذا فان الفرق بين افاعيل الانقاذ ( الكيزان ) الاقصائية على صعيد السلوك الاعلامي وافاعيل اليساريين .. فيما اذا امسكوا بزمام السلطة انما هو فرق مقدار وليس فرق نوع
يعني بكرة اذا اتيحت لليساريين فرصة الكيزان الراهنة فيسكونون كيزاننا جددا : كيزان اليسار !!!
والدليل هو : سودانيز اونلاين .
والشاهد الأول هو : عناوين المنبر .
والشاهد الثاني : مضامين البوستات والمداخلات
والشاهد الثالث : نسبة حجم المنتسبين من الفريقين الى البورد فهنالك ترجيح مبين.
والمبرر لكوزنة اليسياريين المشار اليها هو ان الاسلامويين يفعلون الشئ نفسه ، وبالتالي فان السن بالسن
وهكذا فهما في الواقع سواء ، والفرق فقط في الفرص المتاحة!
ومهما يكن
فان اخشى ما اخشاه ( وانا لست متأكدا ) هو ان يكون هامش السماح الذي يتيحه بكري لتعبير الكيزان عن رؤيتهم وقناعاتهم تمليه عليه حقيقة ان هذا المنبر سوف يفقد جمهوريته وشعبيته العريضة اذا لم يفعل .
ولكنني اتمنى ان يكون السبب هو ان المنبر سوف يفقد مصداقيته وقيمته الاعلامية فورا فيما اذا كان صرفا خالصا لوجه اليساريين والليبراليين العلمانيين يحدثون انفسهم عما تكن وتشتهي انفسهم وينظرون الى صورتهم في ماء البئر بطريقة نرجسية شيفونية خالية من الحوار والجدل الايجابي والضروري مع المختلف لتطوير الافكار وازالة سوء الفهم تمهيدا ووصولا الى التعايش والقبول بوجود الآخر في واقع وطن متنوع كوطننا.
_________________________________
رب اني تبت اليك وانني من المسلمين
|
Post: #55
Title: Re: مــا هــى حقوق الاسلاميين ( الكيزان ) فى هذا المنبــر
Author: أحمد أمين
Date: 06-07-2009, 09:16 AM
Parent: #54
كده قبل مانمشى بعيد
الاخ:
مخرج ولا ممثل
اذكرك:
الترابى قال:
"جبناهم ممثلين وبقوا مخرجين"
|
Post: #57
Title: Re: مــا هــى حقوق الاسلاميين ( الكيزان ) فى هذا المنبــر
Author: عمر صديق
Date: 06-07-2009, 09:24 AM
Parent: #55
Quote: أما خط المنبر العام فكما هو واضح فهو خط معارض لسياسات المؤتمرالوطني ومع الديموقراطية الحقيقية ومع قضايا الاقليات والمهمشيين الخ ومع مبادئ وقيم تتنافي مع رؤي المؤتمر الوطني ولكنه مع هذا يكفل حق
التعبير -نسبيا- للكل بما فيهم من يتعارض مع خط المنبر ( ما قلته في هذه الجزئية عبارة عن إستقراء وتحليل)
|
|
Post: #58
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 06-07-2009, 10:14 AM
Parent: #57
الاخ / صــلاح
اصبح الصبــح ولقيــت البوســت فى اعلى المنبر كمــا بــشرت انت او كما تنبأت
انت .... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لماذا / كيـف / ...؟
الكلام العجيــب هــو ( هذه اخــر مداخلــة لــي فى هذا البوســـت )
الشكر لكل من قال كلمة فى هذا البوســت ...
الشكر لكل من قــدم لنــا الزهــور ...
الشكر لسودانيزاونلاين لجعلها هذا البوســـت ممكنـــا .
Quote: يا صلاح ليون ...
اذا جيت انا ولقيت البوســـت فى اعلــى الصفحــة صدقنــى ستجــد وتسمــع وستقرأ عنــى
شــي عجيب ..
لا اطالــب انا بالمساواة فى رفع البوستات فهى لا تمثــل لــى اى معطــى ذى دلالــة ..
فمـا يرفــع من البوستات لا يخضــع لاى معيار مهما كان هذا المعيار لذلك ليس هذا هو الموضوع
الموضوع هو ( هل للكيزان الحــق فى ان يكتبو فى هذا المنبر أسوة بأى عضو اخر ويتمتعون بما
يتمتع بــه الاعضاء من احترام وعدم إساءة لشخوصهم واسرهم وافكارهم وسلوكياتهم والاستهزاء منهم
هــل يملكون هذا الحــق ) . |
|
Post: #59
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-07-2009, 11:06 AM
Parent: #58
يعني هسه ده يسموهو شنو !!
انسحاب تكتيكي .. وللا ما بتقدر علي كده..
وللا لقيت ما عندك موضوع يا الموضوعك هو:Quote: الموضوع هو ( هل للكيزان الحــق فى ان يكتبو فى هذا المنبر أسوة بأى عضو اخر ويتمتعون بما
يتمتع بــه الاعضاء من احترام وعدم إساءة لشخوصهم واسرهم وافكارهم وسلوكياتهم والاستهزاء منهم
هــل يملكون هذا الحــق ) . |
يعني لو على الكيزان قاعدين يكتبو في المنبر أسوة بأي عضو آخر
أما الاحترام المتبادل وعدم الإساءة فدي قلنا ليك برضو أسوة بأي عضو آخر
الفرق الوحيد الانا شايفو .. وده كلام عن قراية يومية للمنبر ومواضيعه
يعني ما قاطعو من راسي .. إنو الكيزان يغلفون إساءاتهم بالدين ويبدأو الكذبة بآية قرانية
أو حديث .. ويروجوا لسخافاتهم ببسم الله وإنشاء الله ..
عدم جيتك تاني ماليهو تفسير ..
يعني هسه نسحب البوست ده من فوق..
وللا يجي كوز تاني ويناقش..
|
Post: #61
Title: Re: مــا هــى حقوق الاسلاميين ( الكيزان ) فى هذا المنبــر
Author: Elawad Eltayeb
Date: 06-07-2009, 11:17 AM
Parent: #59
| Quote: مــا هــى حقوق ( الكيزان ) فى هذا المنبــر |
سيجد الكيزان في هذا المنبر كل ما حرموا منه الشعب السوداني.. عساهم يستوعبوا الدرس.. حتى ولو بعد فوات الأوان!
|
Post: #62
Title: Re: مــا هــى حقوق الاسلاميين ( الكيزان ) فى هذا المنبــر
Author: عبدالكريم الامين احمد
Date: 06-07-2009, 11:19 AM
Parent: #59
ياااااا الليون والجمع الكريم..
دائما المشاغل مفوتانا وجبات دسمة زي دي...
ونحمد الله انو الشباب ما قصروا مع الكوز الذي اعتلي المنبر عاليا هاتفا(حقوق الكيزان وووين..؟؟؟)
اولا يابدر الدين الحقوق دي البتكلم عندها مفروض يكون متماسك في خطابه ومبدئي جدا....
انتو ياخي ضاربين حقوق الشعب السوداني ده عشرين سنة ونيف... وين انت كنت ...؟؟؟
2- ولماذا حقوق للكيزان فقط هل هم عضوية مميزة كونها تستند علي حزب جالس بالقوي علي سدة الحكم
ولاداير منبر سودانيز يدلعك ويديكم حقوق فوووق لحقوق الاخريين المنصوص عليها في اللائحة...
المنبر ده يا بدرالدين الميزة الاساسية فيهو هي تعرية العقلية الانانية والذاتية والخطاب الضيق الافق
ومافي زول عندو حق فوق لزول تاني...
وباذن الله السودان زاااتو حيجي اليوم الفيهو مافي (دلع كيزان) ولا امتيارات ميري تعطي لبني كوزا خصما علي حقوق ابناء الشعب الاخريين..
ودي الديمقراطية البتخافو منها وتحاولو تلتفو عليها بجنس الواي واي بتاعك ده..
...................
وقووود ويرك يا صلاح الليون وعيناك زانق كيزاني برتبة مشير....!!
والمثل بقول لو لقيت العقرب والكوز
ازنق الكوز وخلي العقرب يفرتق
|
Post: #60
Title: Re: مــا هــى حقوق الاسلاميين ( الكيزان ) فى هذا المنبــر
Author: GamarBoBa
Date: 06-07-2009, 11:10 AM
Parent: #58
ياخي البوست ده لقيته مثبت فوق
خشيته والله ما فهمتك يا بدرالدين عايز تقول شنو
عجبتني دي غايتو
| Quote: افكارنا تجاربنا اشواقنا |
انتو يا جماعة أشواقكم دي شنو...عشرين سنة بسمع كلمة اشواق دي ولليلة مافي زول شرحها لي
غايتو لما تبلّو شوقكم كلمونا
|
Post: #63
Title: Re: مــا هــى حقوق الاسلاميين ( الكيزان ) فى هذا المنبــر
Author: حافظ حسن ابراهيم
Date: 06-07-2009, 11:29 AM
Parent: #60
Quote: ( هل للكيزان الحــق فى ان يكتبو فى هذا المنبر أسوة بأى عضو اخر ويتمتعون بما
يتمتع بــه الاعضاء من احترام وعدم إساءة لشخوصهم واسرهم وافكارهم وسلوكياتهم والاستهزاء منهم
هــل يملكون هذا الحــق ) |
بدرالدين و الله اسئلتك موضوعية جداً لكن انت اكثر انسان مؤهل للرد علي تلكم الاسئلة...
يمه لواية
|
Post: #64
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-07-2009, 11:47 AM
Parent: #63
طبعا ترمتك دي ..
| Quote: ترمـــــه : عــــدم الانتماء الحزبـــى من الظواهر المعيقــة للتحول الديمقراطــى |
عايزه ليها بوست براهو
وموضوع كبير وليس هو موضوع البوست..
أما دي..
| Quote: لا اطمع ســوى ان اتمتع بما يتمتع بـــه الاخرون ... |
افتكر ما ممكن نناقشها إلا بحضورك الكريم
أو بحضور الفئة المذكورة في البوست..
وفي نفس الوقت يكونو شايفين الانت شايفو..
ياخي فوتك دي حتفرق كتير
مراحب كيكي..| Quote: ازنق الكوز وخلي العقرب يفرتق |
لا لا ياخي ما في زنقة
بس نقاش جادي من غير ماهترات بس الليجي..
|
Post: #65
Title: Re: مــا هــى حقوق الاسلاميين ( الكيزان ) فى هذا المنبــر
Author: بابكر الزاكي
Date: 06-07-2009, 12:01 PM
Parent: #63
الاخ بدر الدين
السلام
حق الاسلاميين (الكيزان) في هذا المنبر وأو اي منبر سوداني حق اصيل ولايحتاجون لاي تصريح او قانون يعطيهم حق خاص لانهم سودانيون حتي الثماله يؤثون ويتأثرن بكل ما هو سوداني ...
الاسلاميون ما تعودا ان يستجدوا حقوقهم بل الحقوق تأخذوا غلابا...
كذالك انهم من مثقفي السودان وجودهم في هذا المنبر يفيد النقاش ويثريه ...وهو ما يحتاج اليه المنبر لتنويع الاطياف السياسية...
ويقدم كذالك حقائق وتجربه مهمه في تاريخ السودان
ومع ودي
|
Post: #66
Title: Re: مــا هــى حقوق الاسلاميين ( الكيزان ) فى هذا المنبــر
Author: أحمد أمين
Date: 06-07-2009, 12:59 PM
Parent: #65
| Quote: كذالك انهم من مثقفي السودان وجودهم في هذا المنبر يفيد النقاش ويثريه |
منذ ان صرت عضوا فى هذا البورد- غالبية من اعترف بانه يميل لما يسمى للتيار الاسلامى لم يضيفوا شيئا سوى النبذ والمهاتره والكلام الشين أو السخرية والمسخره- يعنى نوعية السفير (المتورك) عبد الحليم وانت ماشى لتحت.
غالبيتهم يعبر عن عجزه الفكرى باستخدام (كوبى اند بيست) مافى واحد بيقدر يكتب ليهوه سطرين ثلاثة من عنده.
الاستثناء الوحيد.........
كانت هناك عضوه تسمى امانى السنى
رغم اختلافنا الجذرى معها لكن رأسها كان فيهو حاجه............
بذكائها الواضح ماعندى شك هسع بتكون صحة من سكرة الدوقما الايدولجية التى تسمى (الاسلام السياسى)
نموذج لمداخلاتها هنا يوضح ما اقصده:
دكتوراة في أسلمة الممارسة الجنسية!!
|
Post: #67
Title: Re: مــا هــى حقوق الاسلاميين ( الكيزان ) فى هذا المنبــر
Author: محمد الشيخ أرباب
Date: 06-07-2009, 01:15 PM
Parent: #66
Quote:
حكمة اليوم
عجبآ....ناس الكثير دايرين حق ناس القليل |
|
Post: #68
Title: Re: مــا هــى حقوق الاسلاميين ( الكيزان ) فى هذا المنبــر
Author: وليد محمد المبارك
Date: 06-07-2009, 02:43 PM
Parent: #67
نفس الشي
الطبعة واحدة
بس الكيزان ساوين اقصائيتهم في عالم حقيقي فزيائي
وناس هنا ساوين اقصائيتهم في الاسافير
كلهم اقصائيين ولا فرق
|
Post: #69
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-07-2009, 02:50 PM
Parent: #68
وليد ازيك
وسودانا فوق بنين إنشاء الله
Quote: بس الكيزان ساوين اقصائيتهم في عالم حقيقي فزيائي
وناس هنا ساوين اقصائيتهم في الاسافير |
ورينا هنا كيف مقصيين الناس ديل
|
Post: #70
Title: Re: مــا هــى حقوق الاسلاميين ( الكيزان ) فى هذا المنبــر
Author: وليد محمد المبارك
Date: 06-07-2009, 03:06 PM
Parent: #69
ما من هسع يا ليون
تاريخ البورد بقول كده
من زمن بوت الاستفتاء الفضيحة الذي طلب الاستفتاء لطرد محد حامد جمعة من المنبر
لحدي حادثة طرد ميادة
|
Post: #71
Title: Re: مــا هــى حقوق الاسلاميين ( الكيزان ) فى هذا المنبــر
Author: وليد محمد المبارك
Date: 06-07-2009, 03:16 PM
Parent: #70
بعدين يا ليون
هو ده بورد بتاع شنو ؟
لو كان بتاع حوار
حوار مع منو ؟
الشخص الذي يحاور نفسه بصورة دائمة ومنسحب بعقله وفكره من العالم حوليه الى عالم وهمي يخصه هو شخص اما مجنون او منفصم
والمجموعة المتفقة مع بعض في الافكار والاراء والتوجهات والتي تحاور نفسها دائما ومنغلقة عن الاخر، نفس الشي
الحوار يكون مع الاخر يا ليون
والاخر هذا قد يكون شخصية فعلية مكلفة( زول يعني ) او شخصية اعتبارية او شخصية فرضية ( جهة ما)
فالمنبر ده بصورة تقائية كده اتكونت فيه شخصيتين فرضيتين ( معارضة ) و ( موالاة ) - على قول اللبنانيين
لو عارضت المعارضة تصنف تلقائيا مع الموالاة ثم يمارس ضدك اقصاء
الكلام ده ما حكي وونسة
دي تجربة شخصية في المنبر ده
|
Post: #72
Title: Re: مــا هــى حقوق الاسلاميين ( الكيزان ) فى هذا المنبــر
Author: خالد عبد الله محمود
Date: 06-07-2009, 03:21 PM
Parent: #69
| Quote: ورينا هنا كيف مقصيين الناس ديل |
الناس ديل بعد يكتبو موضوع ما عايزين زول يناقش و يسأل ..
اكتر تعليق ممكن تقولو .. بارك الله فيكـ .. هي لله .. تهليل تكبير و حاجات زي دي
لكن الأسئلة التعسفية و النقاش الموضوعي بيعتبر في عرف الكيزان إقصاء و خروج عن الأدب
أنت بالذات يا أبوصلاح أكتر زول إقصائي في المنبر ده ..
ياخ الكيزان ديل كذب ما قادرين يكذبو معاك في المنبر ده !!
|
Post: #73
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-07-2009, 03:35 PM
Parent: #72
خالد عبدالله .. لكن ما لخصت الموضوع كلو.. في جملتين مهمات جدا..
Quote: الناس ديل بعد يكتبو موضوع ما عايزين زول يناقش و يسأل ..
اكتر تعليق ممكن تقولو .. بارك الله فيكـ .. هي لله .. تهليل تكبير و حاجات زي دي |
يا وليد البوست بوست حوار
وماعشان لو اتصنفت مرة وللا مرتين تقوم تتكلم بالطريقة الجازمة دي..
يعني شنو ما كلنا لما جينا وفي بوست واحد طلعونا يائسين ومغرضين وحاقدين ومخربين ..
وما قاعدين نمسك في الواحدة..
البوست بتاع حوار وانت اكثر من أدار حوارات هادفة
وعندك من البوستات ما يشهد على ذلك ..
إقصاء فرد بعينه .. وهو حاصل من الجهتين وحتى لو مافي عدالة
ده قلنا من أول البوست إنو أمور إدارة انت وانا وغيرنا موقعين عليها..
نحنا الآن نتكلم عن كوز وجا فتح بوست
ماذا يواجه .. وماهي حقوقه التي لا يلقاها عند فتح البوست
حنواصل وللا نمشي نشوف الكورة
|
Post: #74
Title: Re: مــا هــى حقوق الاسلاميين ( الكيزان ) فى هذا المنبــر
Author: وليد محمد المبارك
Date: 06-07-2009, 03:45 PM
Parent: #73
مرحب تاني ليون
| Quote: وماعشان لو اتصنفت مرة وللا مرتين تقوم تتكلم بالطريقة الجازمة دي.. |
وانت جزمت كيف اني اتصنفت مرة او مرتين ؟
اما وضعي في المنبر فده فرضة على مدار خمسة سنوات
اتخللتها اربعة اقصاءات من هذا المنبر لاسباب غير منطقية واحيانا تكون غير معلومة
فكيف تقول لي مرة ومرتين
هسع انا بوريك السبب الاقصي بيه كلا من هباني تراجي
انت وريني ليه انطرد وهبة تمبس ميادة
لو كان الحديث عن ادارة ولوائح موقعين عليها
|
Post: #75
Title: Re: مــا هــى حقوق الاسلاميين ( الكيزان ) فى هذا المنبــر
Author: وليد محمد المبارك
Date: 06-07-2009, 03:49 PM
Parent: #74
ملحق
ممكن تقول لي عز الدين بيلو انطرد ليه ؟
|
Post: #78
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-07-2009, 07:31 PM
Parent: #74
ياوليد..
انا بحاول امشي في الحوار لي قدام
وانت مودينا على حتة قوانين المنبر
وحالات الفصل من المنبر التي هي بيد بكري
هسه كدي اكد لينا الكود بتاعك ده..
| Quote: بس الكيزان ساوين اقصائيتهم في عالم حقيقي فزيائي |
|
Post: #105
Title: Re: مــا هــى حقوق الاسلاميين ( الكيزان ) فى هذا المنبــر
Author: وليد محمد المبارك
Date: 06-08-2009, 10:32 AM
Parent: #78
Quote: ياوليد..
انا بحاول امشي في الحوار لي قدام
وانت مودينا على حتة قوانين المنبر
وحالات الفصل من المنبر التي هي بيد بكري |
كضبا كاضب يا ليون
بكري عنده التنفيذ فقط
لكن التخطيط للاقصاء في المنبر ده يرتب له بعناية وتنظيم
ببوستات وبوستات فرعية واحتمال ماسنجرات اخلية وخارجية
| Quote: هسه كدي اكد لينا الكود بتاعك ده.. |
تاكييد
|
Post: #76
Title: Re: مــا هــى حقوق الاسلاميين ( الكيزان ) فى هذا المنبــر
Author: عمر صديق
Date: 06-07-2009, 04:17 PM
Parent: #72
الاخ بدر الدين
تحياتي
واذا نظرنا الي سؤالك الرئيس عن حقوق الاسلاميين في المنبر بكافة انتماءاتهم التنظيمية نجدها كانت قليلة في السابق وذلك لان بعضا من مدعي الديمقراطية والحداثة هم اول من انضم لهذا المنبر وكان لبعضهم اكثر من اشنراك ويذلك طغت اساليبهم علي الاتجاه العام للمنبر حتي كادت ان تكون سمة عامة له ولعل ذلك ليس بغريب عليهم فهم ظلوا علي الدوام يمارسون خداع الجماهير عن طريق استخدام الواجهات للتغلب علي قلتهم العددية و تناقص عضويتهم ورغم ما ظلو يرددونه من حجج واهية تتمثل في ان ان اهل الانقاذ اقصوهم من مؤسسات الدولة وفي ذلك يصدق عليهم المثل القائل رمتني بداءها وانسلت لانهم اول من مارس الاقصاء للاخر عندما اتو مع مايو الاشتراكية وايام شعاراتهم التي تقول ( ان نمسح حد السيف بحد اللحية اصبح اسهل من الغاء تحية ) و(بيك يامايو يا سيف الفدا المسلول نشق اعدانا عرض وطول) و( لن تكون الجامعة جزيرة رجعية في بحر ثوري هائج ) و( حاسم حاسم يا ابو القاسم واضرب اضرب يا ابو القاسم ) ولم يكتقوا بذلك فقط بل اتبعوا القول بالعمل وابادوا الالاف من سكان ود نوباوي والجزيرة ابا والضباط في قصر الضيافة ورغم فكرهم الشمولي الافصائي الذي قامو بتبيقه بكل قسوة يومئذ الا انهم عندما دارت عليهم الدائرة اصبحوا يذرفون دموع التماسيح علي الحريات وهاهم في هذا البوست لاتجدهم يردون عليك بالحجة والمنطق بل يقولون انكم ايها الاسلاميون لاتتيحون حريات في العمل السياسي العام
ولو كانت حجتهم الداحضة هذه قد قالوها ايام الشرعية الثورية أو في العقد الاول للانقاذ لكانت مقبولة ولكنها تأتي الان في زمن تجدهم كلهم اشتركو في اجهزة الدولة بصورة او باخري وتراهم رغم ذلك يدعون المعارضة مثلهم في ذلك كمن يأكل مع معاوية ويصلي لف علي
هم بذلك ينسون او ويتناسون ان احزابهم اصبحت مشاركة في السلطة
ونقول لهم اذا كان الاسلاميين لايتيحون فرصة للرأي الاخر هل ذلك يمكن ان يجعلهم يناقضون المبادئ التي يدعونها؟
عموما المنبر اصبح حاليا يمضي نحو التوازن بعد ان انكشفت كثيرا من الاسماء الوهمية التي كانت تستخدمها بعض الجهات لتضليل الرأي العام
وعلي الاسلاميين ان ياخذو حقوقهم بواسطة مقارعة الحجة بالحجة و اتباع نهج الحوار الذي يوضح من هو صاحب الافكار الوطنية الاصيلة من السراب الذي يحسبه الظمأن ماء حتي اذا جاءه لم يجده شيئا ورجع اصحابه بالخسران والبوار
|
Post: #77
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-07-2009, 04:54 PM
Parent: #76
وكتب الاخ عمر صديق
Quote: يقولون انكم ايها الاسلاميون لاتتيحون حريات في العمل السياسي العامولو كانت حجتهم الداحضة هذه قد قالوها ايام الشرعية الثورية أو في العقد الاول للانقاذ لكانت مقبولة ولكنها تأتي الان في زمن تجدهم كلهم اشتركو في اجهزة الدولة بصورة او باخري وتراهم رغم ذلك يدعون المعارضة مثلهم في ذلك كمن يأكل مع معاوية ويصلي لف علي
هم بذلك ينسون او ويتناسون ان احزابهم اصبحت مشاركة في السلطةونقول لهم اذا كان الاسلاميين لايتيحون فرصة للرأي الاخر هل ذلك يمكن ان يجعلهم يناقضون المبادئ التي يدعونها؟ |
هذه مغالطات بائسة يا عمر من يطرح نفسا محاورا في وسيط تفاعلي لا يتجاوز
المعطيات والحقائق المعاشة فالنظام لازال يكمم الافواه ويصادر الرائ
الاخر ويصادر الصحف والمقالات ويمنع حق التظاهر لمعارضيه أما التنازلات
التي أجبر عليها في نيفاشا فلم تغير شئيا في جوهره الفاشي ولك ولغيرك
من الكيزان نعيد طرح هذه الاسئلة والملاحظات :
Quote: وماهي حقوق غير الكيزان في التنفس عبرأجهزة الإعلام "القومي" في وطنهم?
_1 - بأي حق يحتكر المؤتمر الوطني الاغلبية المطلقة في أجهزة ومؤسسات
الدولة?
2- بأي حق يهيمن المؤتمر الوطني علي عصب الدولة من ثروة وسلطة وإعلام?
3- بأي حق يخرج جهاز الامن عن صلاحياته المنصوصة علي في نيفاشا(جمع وتحليل
المعلومات_) ليتغول علي الحريات العامة وحرية الصحافة?
4- بأي حق تتغول الانقاذ علي حيدة وأستقلالية الخدمة المدنية والعسكرية
بحيث يجمع البشير بين موقعه ورتبته العسكرية ورئاسة حزب سياسي ضمن
عشرات من الأحزاب الاخري? |
إن كانت لكم القدرة علي الحوار ومواجهة الاشكالات الفكرية فهيا أجيبونا!!
|
Post: #79
Title: Re: مــا هــى حقوق الاسلاميين ( الكيزان ) فى هذا المنبــر
Author: خالد عويس
Date: 06-07-2009, 07:43 PM
Parent: #77
| Quote: إن كانت لكم القدرة علي الحوار ومواجهة الاشكالات الفكرية فهيا أجيبونا!! |
الأخ بدرالدين
أثني دعوة الأخ كمال عباس
إذا كان بعض كوادر المؤتمر الوطني مستعدين وقادرين على ادارة حوار يتسم بالشجاعة والقدرة على الاعتراف بالأخطاء وتحمل مسؤوليتها الأخلاقية والسياسية فلا مانع من الحوار.أنا شخصيا مستعد لمثل الحوار وبكل احترام.
|
Post: #81
Title: Re: مــا هــى حقوق الاسلاميين ( الكيزان ) فى هذا المنبــر
Author: AnwarKing
Date: 06-07-2009, 08:38 PM
Parent: #79
أيوة كدة...أظهر وبان وعليك اللعائن السودانية متلاحقة لمدة 20 سنة من نهب حقوق السودانيين كلهم!
قلتا ليك الحاسة السادسة بتاعتي سبقت بوستك ده بزمن...
وعندما تساءلت هنا:
ما هو سبب نشاط الكيزان في سودانيزأونلاين مؤخراً؟؟؟؟ (توجد أمثلة!)
كانت ردودك كلها تصب في إتجاه إنكار الكوزنة...وصحيح الشينة منكورة!
المهم...
|
Post: #83
Title: Re: مــا هــى حقوق الاسلاميين ( الكيزان ) فى هذا المنبــر
Author: تبارك شيخ الدين جبريل
Date: 06-07-2009, 09:06 PM
Parent: #79
وكمال عباس يقول:
| Quote: أما خط المنبر العام( أي التوجه العام للمنتدي) فكما هو واضح فهو خط معارض لسياسات المؤتمرالوطني ومع الديموقراطية الحقيقية ومع قضايا الاقليات والمهمشيين الخ ومع مبادئ وقيم تتنافي مع رؤي المؤتمر الوطني |
وهو ما يتنافى مع لوائح المنبر ... المعبّرة عن الحياد .....
فما هو حقيقةً موقف منبر سودانيزاونلاين:
اللوائح المحايدة المعلنة؟
أم؛ المانفيستو المسكوت عنه الذى يتحدّث به كمال عباس؟
فهل من (معارض) جرىء ... ينبرى للدفاع عن علاقة (المعارضة) المشوّهة بالديموقراطية؟
... المهم ....
|
Post: #91
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-07-2009, 10:12 PM
Parent: #83
كتب الاخ تبارك
Quote: ما يتنافى مع لوائح المنبر ... المعبّرة عن الحياد .....فما هو حقيقةً موقف منبر سودانيزاونلاين:اللوائح المحايدة المعلنة؟
أم؛ المانفيستو المسكوت عنه الذى يتحدّث به كمال عباس؟ |
ومن قال لك أن وجود خط عام أو مبادئي تحكم الوجهة العامة للمنبر يتنافي مع لوائح المنبر? من أين أتيت بهذا التخريج? ...ياعزيزي اللوائح تنصص لحقوق وواجبات العضوية وضوابطهاولا علاقة لها بتوجه المنبر العام
فمعظم الوسائط الاعلامية لها مبادئي وتوجهات تحكمها فمن حق بكري
- أن يقف مع الديموقراطية والحريات العامة- التوزيع العادل للسلطة والثروة -ويقف ضد التعذيب والتشريد والاقصاء وحقوق المراة والاقليات
ويلقي مزيدا من الضوء علي الانشطة والفاعليات التي تتماشي مع خطه الفكري
هذا حق لأي صاحب وسيط إعلامي فالمنبر ملكية خاصة وليس أجهزة إعلام قومية
يمتلكها الشعب ولكن في ذات الوقت نري أن بكري يكفل حرية التعبير الفردي
-نسبيا-لكل الوان الطيف ..نعم يفردها حتي لمن يختلف مع خط من منبره وحتي
لمن يساند نظام الاقصاء وتكميم الافواه في الوطن!!
ومن تراني أقف مع كفالة حقوق التعبير لأي كوز أو أي فرد ولكني أحتفظ
بحقي في أثارة تناقضاتهم وفصامهم والذي يتمثل في البكاء علي الحريات
هنا ومساندة من يسلبها هناك!!
|
Post: #80
Title: Re: مــا هــى حقوق الاسلاميين ( الكيزان ) فى هذا المنبــر
Author: عمر صديق
Date: 06-07-2009, 08:36 PM
Parent: #77
Quote: هذه مغالطات بائسة يا عمر من يطرح نفسا محاورا في وسيط تفاعلي لا يتجاوز
المعطيات والحقائق المعاشة فالنظام لازال يكمم الافواه ويصادر الرائ
الاخر ويصادر الصحف والمقالات ويمنع حق التظاهر لمعارضيه أما التنازلات
التي أجبر عليها في نيفاشا فلم تغير شئيا في جوهره الفاشي ولك ولغيرك
من الكيزان نعيد طرح هذه الاسئلة والملاحظات |
الاخ كمال عباس
تحياتي
هل اذا كان النظام فاشي كما تزعم وانت تدعو الي الديمقراطية واتاحة الفرص للرأي والرأي الاخر
هل يكون ذلك سببا لممارسة الاقصاء ضد الاسلاميين؟
في الحقيقة فان دعاة الديمقراطية الحقة ليس لديهم معايير انتقائية لممارستها
|
Post: #82
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-07-2009, 08:56 PM
Parent: #80
الاخ عمر صديق
انا والحمد لله اسلامي وبفضل من الله من أمة محمد
| Quote: هل يكون ذلك سببا لممارسة الاقصاء ضد الاسلاميين؟ |
وأقولها وبالصوت العالي لا أواجه أي إقصاء في هذا المنبر
بل أمارس كامل حريتي وأناقش من منطلق إسلامي أها رايك شنو..
|
Post: #84
Title: Re: مــا هــى حقوق الاسلاميين ( الكيزان ) فى هذا المنبــر
Author: عمر صديق
Date: 06-07-2009, 09:09 PM
Parent: #82
الاخ صلاح ليون
تحياتي
ما قصدته ان امصطلح الاسلا ميين الذي يطلق علي تيارات الاسلام السياسي وهذه لاتحتاج الي بيان
ولم اقول المسلمين الذين يدينون بالدين الاسلامي وهذه فة تجمع كل اهل القبلة
وحتي ان كنت من الفئة الاولي التي تعتبر جزء من المسلمين فان الحديث عن التيارت السياسية يفيد الصفة الغالبة وليس الحصر لانه لايمكن لاي شخص ان يقابل كل اعضاء تيار فكري فردا فردا
|
Post: #88
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 06-07-2009, 09:42 PM
Parent: #84
| Quote: تيارات الاسلام السياسي |
؟؟؟؟؟
ما هذه المفردة الغريبة يعني مضاف ومضاف إليه
فهل ممكن تكون في مرادفات أخرى ك..
الإسلام الاجتماعي
الإسلام الإقتصادي
الإسلام الحياتي
الإسلام الديمقراطي..
أم نثبت السياسي ونقول عن المضاف
الصليب السياسي
الدنيا السياسية
اليهود السياسي
ياخي ما تلف وتدور قبيل نحنا فكينا الارتباط
عشان ما يحصل زي ده..
البوست هو هنا عن حقوق الكيزان وهو حزب السلطة
وماتعمل ليهو شرعية بعد نيفاشا وتقول إنو ما ياهم
ديل معاهم في السلطة .. وحتظل أسئلة كمال عباس
تطاردك .. لانها صالحة منذ 89 وهي الفترة المؤثرة..
|
Post: #89
Title: Re: مــا هــى حقوق الاسلاميين ( الكيزان ) فى هذا المنبــر
Author: عمر صديق
Date: 06-07-2009, 09:52 PM
Parent: #88
Quote: ما هذه المفردة الغريبة يعني مضاف ومضاف إليه
|
الاخ صلاح ليون
تحياتي
هذه ليست مفردة وليست غريبة
ولا اظنها ملتبسة عليك 1111111111
|
Post: #85
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-07-2009, 09:12 PM
Parent: #80
الاخ عمر صديق-تحياتي
كتبت
| Quote: هل اذا كان النظام فاشي كما تزعم وانت تدعو الي الديمقراطية واتاحة الفرص للرأي والرأي الاخرهل يكون ذلك سببا لممارسة الاقصاء ضد الاسلاميين؟في الحقيقة فان دعاة الديمقراطية الحقة ليس لديهم معايير انتقائية لممارستها |
ومن قال أنما تمارسوه من أقصاء هناك يجب أن يقابله أقصاء مضاد هناك?
أنا لم أقل بهذا وبالتالي لامجال لدمغنا بإزدواج المعائير ولا مجال للعب
دور الضحية ..أنا قلت
Quote: شوف يابدر الدين أنتم كاأفراد لكم ماللاخريين من حقوق وعليكم ما عليهم
من واجبات |
....
وقلت
| Quote: ......نعم يا بدر الدين من حقك وغيرك التمتع بحق التعبير هنا |
أزدواج المعائير وعدم الأتساق واللا مبدئية تاتي من من يؤيد نظام يسلب
الحريات ويصادر الرأي الاخر ثم يأتي هنا ليتباكي علي حرية التعبير!!
أما فاشية النظام ومصادرته للحريات فهذا ليس زعما وأنما تعبير عن
واقع لاينكره عاقل وحتي يكون الحوار مثمرا فأنت مطالب بالاجابة علي
Quote: وماهي حقوق غير الكيزان في التنفس عبرأجهزة الإعلام "القومي" في وطنهم?
_1 - بأي حق يحتكر المؤتمر الوطني الاغلبية المطلقة في أجهزة ومؤسسات
الدولة?
2- بأي حق يهيمن المؤتمر الوطني علي عصب الدولة من ثروة وسلطة وإعلام?
3- بأي حق يخرج جهاز الامن عن صلاحياته المنصوصة علي في نيفاشا(جمع وتحليل
المعلومات_) ليتغول علي الحريات العامة وحرية الصحافة?
4- بأي حق تتغول الانقاذ علي حيدة وأستقلالية الخدمة المدنية والعسكرية
بحيث يجمع البشير بين موقعه ورتبته العسكرية ورئاسة حزب سياسي ضمن
عشرات من الأحزاب الاخري? إن كانت لكم القدرة علي الحوار ومواجهة الاشكالات الفكرية فهيا أجيبونا!! |
كمال
|
Post: #86
Title: Re: مــا هــى حقوق الاسلاميين ( الكيزان ) فى هذا المنبــر
Author: عمر صديق
Date: 06-07-2009, 09:30 PM
Parent: #85
Quote: وماهي حقوق غير الكيزان في التنفس عبرأجهزة الإعلام "القومي" في وطنهم?
_1 - بأي حق يحتكر المؤتمر الوطني الاغلبية المطلقة في أجهزة ومؤسسات
الدولة?
2- بأي حق يهيمن المؤتمر الوطني علي عصب الدولة من ثروة وسلطة وإعلام?
3- بأي حق يخرج جهاز الامن عن صلاحياته المنصوصة علي في نيفاشا(جمع وتحليل
المعلومات_) ليتغول علي الحريات العامة وحرية الصحافة?
4- بأي حق تتغول الانقاذ علي حيدة وأستقلالية الخدمة المدنية والعسكرية
بحيث يجمع البشير بين موقعه ورتبته العسكرية ورئاسة حزب سياسي ضمن
عشرات من الأحزاب الاخري? إن كانت لكم القدرة علي الحوار ومواجهة الاشكالات الفكرية فهيا أجيبونا |
الاخ كمال عباس
تحياتي
رغم ان اسئلتك اعلاه خارجة عن موضوع البوست
الا انني اجيبك بان الحكومة الحالية ليست حكرا علي المؤتمر الوطني واحقيته فيها جاءت بحكم اتفاقية السلام الشامل واتفاقية الشرق واتفاق القاهرة واتفاق جيبوتي وواتفاقية ابوجا
وهي تضم بجانب شريكي نيفاشا جبهة الشرق وحركات دارفور الموقعة واحزاب التجمع الوطني و معظم القوي السياسية مشاركة في مؤسسات الحكم
وان كانت مشاركة البعض ضعيفة فليس ذلك مسئولية المؤتمر الوطني وعليه يجب عليك ان توجه هذه الاسئلة لهذه القوي مجتمعة
|
Post: #87
Title: Re: مــا هــى حقوق الاسلاميين ( الكيزان ) فى هذا المنبــر
Author: عمر صديق
Date: 06-07-2009, 09:39 PM
Parent: #86
Quote: وكمال عباس يقول:
Quote: أما خط المنبر العام( أي التوجه العام للمنتدي) فكما هو واضح فهو خط معارض لسياسات المؤتمرالوطني ومع الديموقراطية الحقيقية ومع قضايا الاقليات والمهمشيين الخ ومع مبادئ وقيم تتنافي مع رؤي المؤتمر الوطني
وهو ما يتنافى مع لوائح المنبر ... المعبّرة عن الحياد .....
فما هو حقيقةً موقف منبر سودانيزاونلاين:
اللوائح المحايدة المعلنة؟
أم؛ المانفيستو المسكوت عنه الذى يتحدّث به كمال عباس؟
|
الاخ تبارك
تحياتي
ولقد اصبت كبد الحقيقة وقليلون هم الذين يسعون اليها ويقبلون بها
المهم علي قولك
|
Post: #90
Title: Re: مــا هــى حقوق الاسلاميين ( الكيزان ) فى هذا المنبــر
Author: عاصم ابوبكر حامد
Date: 06-07-2009, 10:11 PM
Parent: #87
الكيزان ...؟؟؟؟....
سبحان الله ...الله يبعدك منهم ...
لكن نحترم حقوقكم وبنفس القدر ان تحترموا حقوق اهلنا فى ارض السودان وان تتاح لهم حرية كاملة ..
|
Post: #92
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-07-2009, 10:42 PM
Parent: #90
كتب الاخ عمر صديق
| Quote: رغم ان اسئلتك اعلاه خارجة عن موضوع البوستالا انني اجيبك بان الحكومة الحالية ليست حكرا علي المؤتمر الوطني واحقيته فيها جاءت بحكم اتفاقية السلام الشامل واتفاقية الشرق واتفاق القاهرة واتفاق جيبوتي وواتفاقية ابوجاوهي تضم بجانب شريكي نيفاشا جبهة الشرق وحركات دارفور الموقعة واحزاب التجمع الوطني و معظم القوي السياسية مشاركة في مؤسسات الحكموان كانت مشاركة البعض ضعيفة فليس ذلك مسئولية المؤتمر الوطني وعليه يجب عليك ان توجه هذه الاسئلة لهذه القوي مجتمعة |
لا ياعزيزي أسئلتي في صميم الموضوع أي الكلام عن الحريات والحقوق فالمبادئي لا تتجزاء فلا يمكن أن تدعو لليبرالية وسيادة قيم الديموقراطية
وتساند من يغتالها هناك!!
أن ما يقوم به بعضكم لهو فصام وعدم أتساق وضحك علي الدقون وتذاكي مفضوح ...وحدوا مكائيلكم أولا ثم حاضرونا بعدها في الحريات والتوازن
أما أدرجته هنا كاإجابات علي أسئلتي فينم عن العجز الفكري (ليس تشكيكا
في قدراتك الذاتية) وعدم القدرة علي الدفاع عن تخبطات وتوجهات النظام
الفاشستية وهل كنتم ديموقراطيين قبل نيفاشا? وهل فرضت عليك نيفاشا أن تهيمن
وأن تتسلط وأن تصادر الحريات? أم أن نظامكم هو من أصر علي الهيمنة
وعلي الإستئثار علي الاغلبية المطلقة?
نيفاشا هي التي نصت علي كفالة الحريات والتحول الديموقراطي
وأقتصار مهام جهاز الامن علي جمع وتحليل المعلومات والغاء القوانين
المقيدة للحريات والقوي السياسية ظلت تنادي بهذه المعاني الا أن حزب
ظل يكرس للامر الواقع ويماـطل في إنفاذ العهود
والسؤال المشروع هو ماهو رأي عمر صديق داعية كفالة الحريات بالمنبر
في التغول علي الحريات في الوطن?
|
Post: #93
Title: Re: مــا هــى حقوق الاسلاميين ( الكيزان ) فى هذا المنبــر
Author: عمر صديق
Date: 06-07-2009, 11:11 PM
Parent: #92
Quote: ما أدرجته هنا كاإجابات علي أسئلتي فينم عن العجز الفكري (ليس تشكيكا
في قدراتك الذاتية) وعدم القدرة علي الدفاع عن تخبطات وتوجهات النظام
الفاشستية وهل كنتم ديموقراطيين قبل نيفاشا? وهل فرضت عليك نيفاشا أن تهيمن
وأن تتسلط وأن تصادر الحريات? أم أن نظامكم هو من أصر علي الهيمنة
وعلي الإستئثار علي الاغلبية المطلقة? |
الاخ كمال عباس
تحياتي
اذا كانت اجاباتي تنم عن العجز الفكري فاين هي المقدرة الفكرية
التي تجعلك تخسرون كل جولات الانتخابات واصوات الجماهير
ومن يريد او يظن انه سوف يحاسب الانقاذ علي اخطاءها دون ان يبدأ من فترة الاستغلال فهو واهم وكذلك من يظن انه سيستطيع اقصاء المؤتمر الوطني او يجعل الجماهير العريضة التي تشكل تنظيمه السياسي بمجرد كثرة ظاهرية في هذا المنبر فهو واهم
وكذلك من يظن ان الذين يدعون الديمقراطية والحداثة لديهم افكار وبرامج حقيقية في هذا الاطارفهو واهم
Quote: نيفاشا هي التي نصت علي كفالة الحريات والتحول الديموقراطي
وأقتصار مهام جهاز الامن علي جمع وتحليل المعلومات والغاء القوانين
المقيدة للحريات والقوي السياسية ظلت تنادي بهذه المعاني الا أن حزب
ظل يكرس للامر الواقع ويماـطل في إنفاذ العهود
والسؤال المشروع هو ماهو رأي عمر صديق داعية كفالة الحريات بالمنبر
في التغول علي الحريات في الوطن? |
ولا اظن ان هنالك من له الحق في المزايدة بمكتسبات نيفاشا علي المؤتمر الوطني
وقد تم تنفيذ معظم بتودها ومستحقاتها واخرها ماتم بين الشريكين من اتفاق حول قانوني الامن الوطني والصحافة ولم يبقي الا اجراء الانتخابات العامة وهي الوسيلة المتاحة للجميع لتولي قيادة البلاد لمن يحصل علي ثقة الجماهير
وكفالة الحريات لااري لها حلا غير ما كفله الدستور الانتقالي ومن يري انها منتهكة فدونه المحكمة الدستورية
|
Post: #94
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-07-2009, 11:38 PM
Parent: #93
وكتب عمر صديق
| Quote: تم تنفيذ معظم بتودها ومستحقاتها واخرها ماتم بين الشريكين من اتفاق حول قانوني الامن الوطني والصحافة ولم يبقي الا اجراء الانتخابات العامة وهي الوسيلة المتاحة للجميع لتولي قيادة البلاد لمن يحصل علي ثقة الجماهيروكفالة الحريات لااري لها حلا غير ما كفله الدستور الانتقالي ومن يري انها منتهكة فدونه المحكمة الدستورية |
أين ومتي أتفقت الحركة معكم حول قانون الصحافة والامن الوطني?
ثانيا ألم تنص نيفاشا علي أقتصار مهام جهاز الامن علي جمع وتحليل المعلومات فأين هذا النص من الواقع المعاش ومن مشروع القانون الجديد?
وأين هو التحول الديموقراطي وأطلاق الحريات العامة?
00 إجاباتك توضح فعلا العجز وتبين أنك تنهي عن خلق وتأتي بمثله
تنهي عن سلب الحؤيات بالمنبر وتؤيد سلبها بالوطن وتؤيد الاقصاء والشمولية والكنكشكة التي يمارسها المؤتمر الوطني
..........شكرا عمر صديق فقد جسدت لنا حالة الفصام والتناقض التي يعاني
منها كوادر الانقاذ بالاسفير وأعني البكاء علي الحريات والمطالبة بكفالة
حق التعبير بالمنبر وفي ذات الوقت مساندة مصادرة الحريات والقمع وتكميم
الافواه بالوطن!!
أرأيت عزيزي القارئ أين يقف هولاء ? أرايت التقية ولعب دور الضحية ?
أرايت كيف يستهين كوادر الكيزان بقيم الحرية وحقوق المواطنة ?
كمال
|
Post: #95
Title: Re: مــا هــى حقوق الاسلاميين ( الكيزان ) فى هذا المنبــر
Author: تبارك شيخ الدين جبريل
Date: 06-08-2009, 01:06 AM
Parent: #94
طبعاً يا كمال عباس .... رايك دا فى الكيزان:
Quote: فمن حق بكري - أن يقف مع الديموقراطية والحريات العامة- التوزيع العادل للسلطة والثروة -ويقف ضد التعذيب والتشريد والاقصاء وحقوق المراة والاقليات ويلقي مزيدا من الضوء علي الانشطة والفاعليات التي تتماشي مع خطه الفكري هذا حق لأي صاحب وسيط إعلامي فالمنبر ملكية خاصة وليس أجهزة إعلام قومية يمتلكها الشعب ولكن في ذات الوقت نري أن بكري يكفل حرية التعبير الفردي - نسبيا - لكل الوان الطيف ..نعم يفردها حتي لمن يختلف مع خط من منبره وحتي
لمن يساند نظام الاقصاء وتكميم الافواه في الوطن!! |
ما ممكن يأكد صحة إدعاءاتك حول اتفاق بكرى أبوبكر معاك فى الراى ..... أى زول غير بكرى أبوبكر ....
الكلام كان عن "سودانيزاونلاين" ومدى حقوق "الكيزان" (كأعضاء) فيه .... ودور المنبر الحر كمنبر بيعبّر عن الحوار بين الآراء المختلفة .... وما هى حقوق الإسلاميين (الكيزان) فى هذا المنبر (كما يقول العنوان) ....
وانت لمن حاولت تطرح تحدّى للكيزان انهم يدافعوا عن سياسات المؤتمر الوطنى .... خطر ببالى أن أضع تحدّى موازى لمعارضى المؤتمر الوطنى .... عشان نستمع لى حوار متوازن بينكم وبين الكيزان ......
أبداً ما كان فى داعى إنكم تدّعى المواقف السياسية نيابةً عن "بكرى ابوبكر" .... أقلاّها لأنو دا ما موضوع البوست ..... ناهيك عن شبهة سلطاتك فى التعبير نيابة عن بكرى ابوبكر .....
.... المهم ....
|
Post: #96
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-08-2009, 01:23 AM
Parent: #95
كتب تبارك
| Quote: أبداً ما كان فى داعى إنكم تدّعى المواقف السياسية نيابةً عن "بكرى ابوبكر" .... أقلاّها لأنو دا ما موضوع البوست ..... ناهيك عن شبهة سلطاتك فى التعبير نيابة عن بكرى ابوبكر .. |
...
ومن قال أني أتحدث بإسم بكري ? أنا مجرد عضو عادي زي وزيك وزي بدر الدين...
وماقلته هو عبارة عن رصد وأستقرأ وتحليل وقد أو ضحت هذه النقطة وبجلاء
في مداخلتي الاولي حيث قلت
Quote: أما خط المنبر العام فكما هو واضح فهو خط معارض لسياسات المؤتمرالوطني ومع الديموقراطية الحقيقية ومع قضايا الاقليات والمهمشيين الخ ومع مبادئ وقيم تتنافي مع رؤي المؤتمر الوطني ولكنه مع هذا يكفل حق
التعبير -نسبيا- للكل بما فيهم من يتعارض مع خط المنبر ( ما قلته في هذه الجزئية عبارة عن إستقراء وتحليل).........
.......... |
وأي متابع للقضايا التي يسلط بكري الضوء عليها أو يضعها في صدارة
منبره أو يهتم بتغطيتها سيصل لهذه الخلاصة ...
أما قولك
| Quote: وانت لمن حاولت تطرح تحدّى للكيزان انهم يدافعوا عن سياسات المؤتمر الوطنى .... خطر ببالى أن أضع تحدّى موازى لمعارضى المؤتمر الوطنى .... عشان نستمع لى حوار متوازن بينكم وبين الكيزان |
ودا كلام لاخلاف عليه فليعرض كلا منها بضاعته الفكرية ولنتحاور ثم نترك
الحكم للقارئ ......ويعجبني حرصك علي ديموقراطية المنبر وكفالةحقوق
التعبير فيه وأتمني أن نري لك حرصا أكبرعلي ضحايا هيمنة وشمولية وأقصاء
المؤتمر الوطني بالوطن!!
|
Post: #97
Title: Re: مــا هــى حقوق الاسلاميين ( الكيزان ) فى هذا المنبــر
Author: تبارك شيخ الدين جبريل
Date: 06-08-2009, 01:45 AM
Parent: #96
كمال يا عزيزى ....
قرايتك للقضايا البيهتم بيها بكرى مقابل قرايتك لى "الخط العام للمنبر" مضحكة شوية؟
بكرى حر فى آراءو ومواقفو ... طالما ما بتأثر فى حياد المنبر ... وحياد المنبر - بغض النظر عن موقف بكرى - هو خط المنبر العام .... وحياد المنبر هو سر نجاح المنبر .... وليس موقف بكرى ابوبكر السياسى الجاذب .......
فتاريخ المنبر ... ونجاحو .... بيأكّد الفصل الواضح بين مواقف بكرى أبوبكر الخاصة .... وحياد المنبر النسبى (بكرى ابوبكر ما نبى كمان .... وأحياناً بيفشل فى الحياد)
فإنت ما تجى الليلة تطرح لينا "قرايتك" الما مظبوطة دى ... على أساس انها "الخط العام للمنبر" ....
القضايا البتتحول لى قضايا محورية غالباً بتكون بسبب اهتمام الأعضاء بيها كقضايا سياسية راهنة .... وليس بسبب حملات منظمة من بكرى ابوبكر للإهتمام بقضايا بعينها ....
هو بيعلن عن اهتمامات معينة بين الفينة والفينة ... وانا ما بتوقع انو يكون عندو مساحة زمنية يكتب مع الأعضاء ديل ..... وفى أعضاء كتار ما عندهم زمن وبيظهروا بين الفينة والفينة يعلنوا عن اهتماماتهم بالطريقة البتنفع معاهم ....
.... بى بساطة .... مافى حاجة بتحوّل مواقف بكرى الخاصة ... وتبقّيها "الخط العام للمنبر" .....
... المهم .....
|
Post: #98
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-08-2009, 02:05 AM
Parent: #97
كتب تبارك
Quote: كمال يا عزيزى ....
قرايتك للقضايا البيهتم بيها بكرى مقابل قرايتك لى "الخط العام للمنبر" مضحكة شوية؟بكرى حر فى آراءو ومواقفو ... طالما ما بتأثر فى حياد المنبر ... وحياد المنبر - بغض النظر عن موقف بكرى - هو خط المنبر العام .... وحياد المنبر هو سر نجاح المنبر .... وليس موقف بكرى ابوبكر السياسى الجاذب |
ويبدو أنك لم تفهم ما يكتب -أنا قلت حينما أتحدث عن بكري فإني أتحدث
خط المنبر العام والوجهة الاساسية والقضايا المحورية التي يسلط عليها
الضوء أو يهتم بتغطيتها أنا لا أتحدث عن ما يدونه بكري كعضو
ومن قال أن خط المنبر العام هو حياده?
سبق أن طرحت كلاما سقيما قلت فيه أن خط المنبر العبر بالصورة التي
وصلنا اليها هو
Quote: ما يتنافى مع لوائح المنبر ... المعبّرة عن الحياد .....فما هو حقيقةً موقف منبر سودانيزاونلاين:اللوائح المحايدة المعلنة؟
أم؛ المانفيستو المسكوت عنه الذى يتحدّث به كمال عباس؟ |
ورددنا عليك
Quote: ومن قال لك أن وجود خط عام أو مبادئي تحكم الوجهة العامة للمنبر يتنافي مع لوائح المنبر? من أين أتيت بهذا التخريج? ...ياعزيزي اللوائح تنصص لحقوق وواجبات العضوية وضوابطهاولا علاقة لها بتوجه المنبر العام
فمعظم الوسائط الاعلامية لها مبادئي وتوجهات تحكمها |
في تقديري ورؤيتي أن من حق بكري أي يختط توجهات عامة لمنبره وأن
يسلط الضوء علي قضايا الحريات والاقليات والظلم والاقصاء ..
ويرفض أي حياد سلبي يدجن منبره ويفقده هويته ورسالته ..
عموما وكما قلنا ( يعجبني حرصك علي ديموقراطية المنبر وكفالةحقوق
التعبير فيه وأتمني أن نري لك حرصا أكبرعلي ضحايا هيمنة وشمولية وأقصاء
المؤتمر الوطني بالوطن!!
كمال
|
Post: #99
Title: Re: مــا هــى حقوق الاسلاميين ( الكيزان ) فى هذا المنبــر
Author: تبارك شيخ الدين جبريل
Date: 06-08-2009, 02:53 AM
Parent: #98
Quote: في تقديري ورؤيتي أن من حق بكري أي يختط توجهات عامة لمنبره وأن
يسلط الضوء علي قضايا الحريات والاقليات والظلم والاقصاء ..
ويرفض أي حياد سلبي يدجن منبره ويفقده هويته ورسالته .. |
دى الفكرة القام بيها منبر صفوى اسمو "سودانفوراول" .... ودى الفكرة الأودت بى حياتو .....
والناس الفشلوا هناك ... وفشلوا فى منابر تانية .... بسبب الإفتقار للحياد .... بجوا هنا باستمرار ويحاولوا يطرحوا ممارسات الهتافية والإقصائية باسم الخط العام والموقف الوطنى والنضال والشرف .....
لولا حياد سودانيزاونلاين النسبى ..... لاتبع المنبر هنا رصائفه من منابر النضال الى هوّة الفشل ....
الموقف الوطنى والنضال والشرف ما حكر للمعارضين دون الكيزان .... والمنبر "المحايد" أقدر من غيره على استيعاب الحوار بين الإثنين ....
بعدين "سودانيزاونلاين" دا منبر شعبى ..... ومحبوب الجماهير .... ومستحيل يصل المرحلة دى وعلى عاتقو خطأ فنى أساسى بيأثر على الحياد .... واسمو "الخط العام للمنبر" وبقية الشعارات الهتافية الخالية من المنطق القاعد تكرر لينا فيها انت والمعارضين للكيزان كلما تجى سيرة الديموقراطية وحرية التعبير والحوار ....
والمنبر العام لسودانيزاونلاين ما بلقى هدف ولا رسالة (كمنبر اعلامى) أهم من الحياد وحرية التعبير .... معارضة النظام (تحت أى مسمّى) هدف منافى للحياد وما ممكن يأدى إلا لى فشل المنبر ....
انت كعضو .... ممكن تستغل الحياد المتوفر فى سودانيزاونلاين .... عشان تناضل ضد الكيزان على راحتك ....
ولو الحياد دا اختفى بسبب "الخط العام" - ولامؤاخذة - فإنت حا تفقد أداة بتاعة نضال مهمة جداً اسمها حرية التعبير .....
والمؤسسة الإعلامية البتفارق الحياد والموضوعية اتباعاً للخط العام .... مصيرها الفشل .....
... المهم ....
|
Post: #100
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-08-2009, 03:25 AM
Parent: #99
كتب الاخ تبارك
Quote: والمنبر العام لسودانيزاونلاين ما بلقى هدف ولا رسالة (كمنبر اعلامى) أهم من الحياد وحرية التعبير .... معارضة النظام (تحت أى مسمّى) هدف منافى للحياد وما ممكن يأدى إلا لى فشل المنبر ....
انت كعضو .... ممكن تستغل الحياد المتوفر فى سودانيزاونلاين .... عشان تناضل ضد الكيزان على راحتك ....
ولو الحياد دا اختفى بسبب "الخط العام" - ولامؤاخذة - فإنت حا تفقد أداة بتاعة نضال مهمة جداً اسمها حرية التعبير .....
والمؤسسة الإعلامية البتفارق الحياد والموضوعية اتباعاً للخط العام .... مصيرها الفشل |
.....
أن تخلط خلطا شنيعا بين مفاهيم ورؤي مختلفة/ المفهوم الاول الذي لاخلاف
عليه هو كفالة التعبير لكل العضوية وصيانة حق الاختلاف والرأي الاخرللافراد
وخلق تربة خصبة للحوار وطرح رؤي متبائنة فهذا أمر مطلوب ومرغوب
أما المفهوم الاخر وهو التأمين علي حق الادارة في صياغة خط عام وتوجه
عام يسلط الضوء ويهتم بقضايا تتماشي مع خطه وهو ما يفعله بكري واقعيا
الاهتمام بقضايا الحريات العامة ورفض الاقصاء والتهميش والتعذيب والاهتمام
بقضايا الاقليات والتوزيع العادل للثروة والسلطة الخ
........والان دعني أسالك ياتبارك ماهو رأئك فيمن يؤيد الاقصاء وسلب
الحريات بالوطن في الوقت الذي يتباكي فيه علي الحريات في هذا المنبر?
وكما قلت وأتمني أن نري لك حرصا أكبرعلي ضحايا هيمنة وشمولية وأقصاء
المؤتمر الوطني بالوطن!! لماذا لاتندفع وبنفس الحماس للدفاع عن حيدة
الاعلام القومي بالوطن ? وللدفاع عن حيدة وأستقلالية الخدمة والعسكرية
في الوطن? ولماذا لاتتصدي لهيمنةوأقصاء المؤتمر الوطني للاخر في بلادنا/?
وبصفتك مهتم بحقوق وحريات الناس أطرح عليك هذا
Quote: بأي حق يهيمن المؤتمر الوطني علي عصب الدولة من ثروة وسلطة وإعلام?
3- بأي حق يخرج جهاز الامن عن صلاحياته المنصوصة علي في نيفاشا(جمع وتحليل
المعلومات_) ليتغول علي الحريات العامة وحرية الصحافة?
4- بأي حق تتغول الانقاذ علي حيدة وأستقلالية الخدمة المدنية والعسكرية
بحيث يجمع البشير بين موقعه ورتبته العسكرية ورئاسة حزب سياسي ضمن
عشرات من الأحزاب الاخري? |
ولا أتوقع منك أجابة وأنما تعليق علي ماحوته الاسئلة من محاور خلاف مع
سياسة المؤتمر الوطني
|
Post: #101
Title: Re: مــا هــى حقوق الاسلاميين ( الكيزان ) فى هذا المنبــر
Author: تبارك شيخ الدين جبريل
Date: 06-08-2009, 04:42 AM
Parent: #100
Quote: والان دعني أسالك ياتبارك ماهو رأئك فيمن يؤيد الاقصاء وسلب
الحريات بالوطن في الوقت الذي يتباكي فيه علي الحريات في هذا المنبر?
وكما قلت وأتمني أن نري لك حرصا أكبرعلي ضحايا هيمنة وشمولية وأقصاء
المؤتمر الوطني بالوطن!! لماذا لاتندفع وبنفس الحماس للدفاع عن حيدة
الاعلام القومي بالوطن ? وللدفاع عن حيدة وأستقلالية الخدمة والعسكرية
في الوطن? ولماذا لاتتصدي لهيمنةوأقصاء المؤتمر الوطني للاخر في بلادنا/?
وبصفتك مهتم بحقوق وحريات الناس أطرح عليك هذا |
سؤال طويل ومليان ملفات ضيقة .... لاكين نقول بسم الله:
أولاً .... لم يصادفنى بعد، فى عمرى القصير هذا، من يعلن صراحةً: تأييد الإقصاء وسلب الحريات بالوطن .... الذين تسألنى عن رأيى فيهم غير موجودين وجود واقعى .... إنما لهم وجود افتراضى يعتمد على رأيك وتفسيرك لاختلافاتهم عنك ... بالتالى ليست لدى إجابة ....
ثانياً .... انا من المتباكين على الحريات داخل هذا المنبر ... ولا زلت استنكر إيقاف "تمبس" من الكتابة ..... واحترم المتباكين على الحريات فى هذا المنبر وفى أى مكان آخر ....
ثالثاً .... ضحايا "هيمنة وشمولية وإقصاء" المؤتمر الوطنى .... هم عندى ضحايا "العداء السياسى مع" المؤتمر الوطنى (إذا كنّا نتحدث عن نفس الأشخاص) وهؤلاء لا يتعدى حرصى عليهم حرصى على المؤتمر الوطنى نفسه .... ولكل من يألوا على نفسه ممارسة السياسة فى السودان أن يتحمّل مسؤولية ونتائج خياراته السياسية وعداءاته واستراتيجياته .... حتى الذين يدّعون النضال بتمثيل دور "ضحية الجلاد" و "مساجينك نغرد فى زنازينك" و هلم جرا ..... لهم حرية اختيار منهج ممارسة المعارضة .... وتحمّل نتائج هذا النهج ....
رابعاً .... حول الإعلام القومى بالوطن .... ربما ليس لدى الحماس ... لجهلى بخارطة الإعلام القومى بالوطن .... فقد أمضيت ستة أشهر فى السودان منذ أكثر من عام .... ولم أفهم شيئاً عن الإعلام القومى وما يحاول انجازه .... وكيف يمكن تسميته إعلاماً بادئ ذى بدأ .... فأنا لست على صلة بالإعلام القومى ولم أجد له أثر فى حياة المواطن السودانى ..... من الساعة العاشرة حتى الحادية عشر كل مساء يجتمع السودانيين لمشاهدة "خليل وميرنا" فى إحدى الفضائيات ... هذا هو الإعلام الذى يؤثر على المواطن السودانى .... وسأترك لك مهمة "الحماس للدفاع عن حيدة الإعلام القومى بالوطن" .....
خامساً ... بصفتى مهتم بحقوق وحريات الناس - وأشكرك جزيلاً على هذه الصفة التى أتمنى أن تطولها قامتى المتواضعة - أهتم بحقوق الكيزان فى الحلم ومحاولة تحقيق "مشروع حضارى" لوطنهم .... كما لغيرهم مشاريع وبرامج سياسية موازية .... كل ما أفعله مختلفاً عنك هو أننى لا أطلق الديباجات الهتافية جزافاً عليك أو على الكيزان ... فما تسميه أنت "هيمنة وإقصاء المؤتمر الوطنى للآخر" أسميه انا "إذاقة المؤتمر الوطنى للآخر من نفس كأس الإقصائية التى أتى بها للطاولة" .... وكلو عند العرب صابون .....
والماعندو سلاح اليجى يتكلم عن سلاح الكيزان ....
والماعندو فساد اليجى يتكلم عن فساد الكيزان ....
والماعندو عنف اليجى يتكلم عن عنف الكيزان ....
والماعندو إقصاء اليجى يتكلم عن إقصاء الكيزان ...
والماعندو تعذيب اليجى يتكلم عن تعذيب الكيزان ....
بالمنطق القديم بتاع "من كان منكم بلا خطيئة فاليرمها بحجر" .... على الأقل نضمن انو فى لاعب سياسى عندو معايير اخلاقية احسن من غيرو ....
إجابة مختصرة ... أتمنى انها تكون وافية .....
... المهم .....
|
Post: #102
Title: Re: مــا هــى حقوق الاسلاميين ( الكيزان ) فى هذا المنبــر
Author: عبد المنعم سليمان
Date: 06-08-2009, 05:12 AM
Parent: #101
عمر صديق
| Quote: تم تنفيذ معظم بتودها ومستحقاتها واخرها ماتم بين الشريكين من اتفاق حول قانوني الامن الوطني والصحافة ولم يبقي الا اجراء الانتخابات العامة وهي الوسيلة المتاحة للجميع لتولي قيادة البلاد لمن يحصل علي ثقة الجماهيروكفالة الحريات لااري لها حلا غير ما كفله الدستور الانتقالي ومن يري انها منتهكة فدونه المحكمة الدستورية |
هذا كذب صريح
الحركةالشعبية وكل القوى السياسية المشاركة انسحبت من المجلس الوطني (البرلمان!) معبرة عن رفضها اجازة قانون للصحافة بذلك الشكل
اما قانون الامن الوطني فهو في طور المناقشان بمؤسسة الرئاسة ولم يعرض على البرلمان بعد ..!!!
__
بالله ما تخم الناس ساااي كدا
|
Post: #107
Title: Re: مــا هــى حقوق الاسلاميين ( الكيزان ) فى هذا المنبــر
Author: عمر صديق
Date: 06-08-2009, 11:25 AM
Parent: #102
Quote: هذا كذب صريح
الحركةالشعبية وكل القوى السياسية المشاركة انسحبت من المجلس الوطني (البرلمان!) معبرة عن رفضها اجازة قانون للصحافة بذلك الشكل
اما قانون الامن الوطني فهو في طور المناقشان بمؤسسة الرئاسة ولم يعرض على البرلمان بعد ..!!!
__
بالله ما تخم الناس ساااي كدا |
عبد المنعم سليمان
راجع ردي علي الاخ كمال عباس حول الخبر الذي اوردته صحيفة اجراس الحرية حول قانون الصحافة و اذاعة مرايا اف ام حول قانون الامن الوطني
واذا كنت لاتملك المعلومات الحديثة حول هذه الامور لاتتسرع لتصف غيرك بالكذب لمجرد انك خارج الشبكة
ومؤسسة الرئاسة لاتناقش القوانين بل تعتمدها في اخر مرحلة وهنالك لجنة سياسية عليا بين الشريكين برئاسة طه ومشار هي التي تجيز مشروعات القوانين قبل تقديمها لمجلس الوزراء وهي التي اعتمدت مشروع قانون الصحافة والمطبوعات الذي تنصلتمنه الحركة اخيرا بسبب تعدد الاراء والتيارات بداخلها
|
Post: #112
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-08-2009, 09:07 PM
Parent: #102
,,,,,,,,,,
|
Post: #103
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-08-2009, 05:32 AM
Parent: #101
شكرا ياتبارك فقد نزعت عن نفسك ورقة التوت وكشفت أوراقك
| Quote: خامساً ... بصفتى مهتم بحقوق وحريات الناس - وأشكرك جزيلاً على هذه الصفة التى أتمنى أن تطولها قامتى المتواضعة - أهتم بحقوق الكيزان فى الحلم ومحاولة تحقيق "مشروع حضارى" لوطنهم .... كما لغيرهم مشاريع وبرامج سياسية موازية .... كل ما أفعله مختلفاً عنك هو أننى لا أطلق الديباجات الهتافية جزافاً عليك أو على الكيزان ... فما تسميه أنت "هيمنة وإقصاء المؤتمر الوطنى للآخر" أسميه انا "إذاقة المؤتمر الوطنى للآخر من نفس كأس الإقصائية التى أتى بها للطاولة" .... وكلو عند العرب صابون ..... |
ما شاء الله ما شاء الله!!
| Quote: ثالثاً .... ضحايا "هيمنة وشمولية وإقصاء" المؤتمر الوطنى .... هم عندى ضحايا "العداء السياسى مع" المؤتمر الوطنى (إذا كنّا نتحدث عن نفس الأشخاص) وهؤلاء لا يتعدى حرصى عليهم حرصى على المؤتمر الوطنى نفسه .... ولكل من يألوا على نفسه ممارسة السياسة فى السودان أن يتحمّل مسؤولية ونتائج خياراته السياسية وعداءاته واستراتيجياته .... حتى الذين يدّعون النضال بتمثيل دور "ضحية الجلاد" و "مساجينك نغرد فى زنازينك" و هلم جرا ..... لهم حرية اختيار منهج ممارسة المعارضة .... وتحمّل نتائج هذا النهج .... |
أنا أتحدث عن من يسعي للتمتع بحق التعبير في وطنه وعن حق الناس بالكتابة في الصحف وحق التظاهر
وأنت تناصر الاقصاء وتكميم الافواه ومصادرة الحريات ما تتطرحه هنا
لم يطرحه بدر الدين ولا عمر صديق وصدق من قال التركي ولا المتورك!!
وأعتقد أنه وبعد تثبيتك علي الشمولية وكبت الحريات بالوطن تكون قد
فقدت مشروعية الحديث عن الحريات هنا لأنك غير متسق مع ذاتك وتكيل
بأكثر من مكيال........!!
كمال
|
Post: #106
Title: Re: مــا هــى حقوق الاسلاميين ( الكيزان ) فى هذا المنبــر
Author: عمر صديق
Date: 06-08-2009, 11:04 AM
Parent: #94
الاخ كمال عباس
تحياتي
| Quote: أين ومتي أتفقت الحركة معكم حول قانون الصحافة والامن الوطني? |
هذا سؤالك اعلاه وادناه ردي عليك
Quote: الكتل البرلمانية تقترب من تجاوز خلافات قانون الصحافة
بواسطة: admino
بتاريخ : الإثنين 25-05-2009 03:26 مساء
أجراس الحرية:
اقتربت الكتل البرلمانية من تجاوز الخلافات حول قانون الصحافة بعد أن أفلحت في اجتماع لها أمس بمشاركة مجلس الصحافة واتحاد الصحفيين ومجلس حقوق الانسان من تجاوز نقاط خلافية متعلّقة بتشكيل وسلطات المجلس، وتمت إحالة النقاط المتفق عليها للجنة الإعلام لتضمينها في تقريرها للمجلس.
وتمسّكت الحركة الشعبيية بحسب ممثلها أحمد عيسى للصحفيين بعدم خضوع الصحافة للرقابة القبلية بجانب تبعية مجلس الصحافة للبرلمان بدلاً عن الجهاز التنفيذي لتوفير أكبر قدر من الاستقلالية، وأضاف عيسى (الصحافة تمارس أعمالاً رقابية كما البرلمان لذا من المنطقى أن يتبع المجلس للبرلمان)، وشدد على ترك شروط رؤساء التحرير لمعايير المؤسسات الصحفية، في وقت قال فيه رئيس اتحاد الصحفيين محيي الدين تيتاوى أنّ الاتحاد طلب استدعاء الصحفى أو اعتقاله باستئذان الاتحاد وليس إخطاره كما في قانون 2004 وأعلن رفض الاتحاد للغرامة المالية،
وقال إنّها لا تعني سوى سجن الصحفيين واعتبر الإيقاف الإداري بوسطة المجلس لمدة شهرين (عملا مدمراً)، ومهددا لاستمرارية الصحف، فيما دعا عضو كتلة سلام دارفور محمد نور الدين إلى المواءمة بين قانون الصحافة وقوانين الأمن والجنائي والإجراءات الجنائية بحيث لا يحدث تعدٍ على حرية الصحفي.
|
Quote: مرايا اف ام
الاتفاق على طرح قانون الأمن الوطني للتداول في البرلمان
03/06/2009
اتفق المؤتمر الوطني والحركة الشعبية في اجتماع اللجنة المشتركة اليوم برئاسة علي عثمان طه نائب رئيس الجمهورية والدكتور رياك مشار نائب رئيس حكومة الجنوب على إيداع قانون الأمن الوطني لدى البرلمان وطرحه للنقاش والتداول.
وقال الدكتور رياك مشار في تصريحات صحفية عقب الاجتماع أن الحركة تسلمت مسودة قانون الاستفتاء لإبداء وجهة نظرها ومن ثم تحويله إلى اللجنة القانونية المشتركة التي ستحيله بدورها إلى مفوضية المراجعة الدستورية. وأضاف أن اللقاء بحث الترتيبات الإدارية للانتخابات المقبلة في شمال البلاد والجنوب.
وكان الأمين العام للحركة الشعبية، باقان أموم، اتهم حزب المؤتمر الوطني بالتراجع عما اتفق عليه بشان تقرير المصير للجنوب المنصوص عليه في اتفاقية نيفاشا. وقال أموم في تصريح خاص لمرايا اف ام أن المؤتمر الوطني ظل يراوغ في كل ما يتعلق بقانون الاستفتاء، واصفاً ذلك خيانة لحق شعب جنوب السودان.
|
Quote: إجاباتك توضح فعلا العجز وتبين أنك تنهي عن خلق وتأتي بمثله
تنهي عن سلب الحؤيات بالمنبر وتؤيد سلبها بالوطن وتؤيد الاقصاء والشمولية والكنكشكة التي يمارسها المؤتمر الوطني |
وهنا اراك تمارس اسقاكاتك علي وتصفني بما لم اقله وتقولعلي لساني ما تتخيله انت فراجو ان تكون منصفا ولا تطلق التهم جزافا
Quote: ..........شكرا عمر صديق فقد جسدت لنا حالة الفصام والتناقض التي يعاني
منها كوادر الانقاذ بالاسفير وأعني البكاء علي الحريات والمطالبة بكفالة
|
الفصام هو مرض الذين يحملون افكارا غريبة علي ثقافتنا وحضارتنا ويعانون من التناقض بين تلك الافكار والواقع السوداني
وبذلك يعيشون حالة من الغربة النفسية ويمارسون تغبيش للوعي يتمثل في حالة الترد والارتياب والتضاد بين القول والعمل
|
Post: #110
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-08-2009, 02:14 PM
Parent: #106
الأخ عمر صديق
تحياتي
| Quote: وهنا اراك تمارس اسقاكاتك علي وتصفني بما لم اقله وتقولعلي لساني ما تتخيله انت فراجو ان تكون منصفا ولا تطلق التهم جزافا |
لا يا عمر الموضوع ليس شتائم ونبذ فأنا أرفض الاقصاء وحجر الرأي الاخر
والدليل وقوفي مع حقكم في التعبير هنا وإن كنت أنت أيضا ضد الشمولية والاقصاء
ومصادرة الرأي فعليك إعلان ذلك والتصدي للأنقاذ الذي تفعل ذلك!!
تقول
Quote: الفصام هو مرض الذين يحملون افكارا غريبة علي ثقافتنا وحضارتنا ويعانون من التناقض بين تلك الافكار والواقع السوداني
وبذلك يعيشون حالة من الغربة النفسية ويمارسون تغبيش للوعي يتمثل في حالة الترد والارتياب والتضاد بين القول والعمل |
نحن لا نعاني من فصام وتناقض و ولا ندعو لغريب وأنما دعونا لإطلاق الحريات
العامة والديموقراطية ومثل الصيغ التي كانت نافذة في العهود الديموقراطية وهي ذات الصيغ التي ثار شعبنا وأنتفض لأنفاذها وإن كنت
تري أن رفض الاقصاء والشمولية غرابة وأستلاب فهذا شأنك وحدك!
...الفصام والتنافي مع الواقع ومع القيم والموروث هو ماتفعله جماعتك
فهي من نسفت قيم التسامح والتعائش ومزقت النسيج الاجتماعي للبلاد وأشعلت
الفتن العرقية في ربوعها وفرطت في ترابها الوطني وربطت البلاد بالتطرف
والارهاب وفتح بيوت الاشباح والتعذيب وجعلت الانسان مواـطنا من الدرجة
الثانية هذه هي بعض ممارسة الانقاذ التي تتنافي مع موروث شعبنا وقيمه
وتسامحه
000 الحركة الشعبية لم توافق علي قانون الصحافة الجديد وقانون الامن لم
يجاز بعد ولكن يبرز سؤال في هذا الصدد هل تقف مع نص نيفاشا القائل بأن
تقتصر مهام جهاز الامن علي جمع وتحليل المعلومات?
ولك التقدير رغم الاختلاف وأرجو أن الاتأخذ الموضوع بصورة شخصية فأنت
لست مستهدف كفرد وأنما كنتظيم....
|
Post: #104
Title: Re: مــا هــى حقوق الاسلاميين ( الكيزان ) فى هذا المنبــر
Author: أبو عبيدة البصاص
Date: 06-08-2009, 09:39 AM
Parent: #54
Quote: الفكرة ليست في حقوق الكيزان المنقوصة داخل هذا البورد
ولا في الدفاع الفاسد لخصومهم بأن الحكومة تفعل الشئ نفسه في وسائل الاعلام الرسمية
ولكن الفكرة في ان كلا الطرفين يثبتان عمليا ويقران اقرارا سافرا بأنهما متشابهان
فكل من تسلم زمام امر من الامور العامة ( ولو كان على مستوى موقع اسفيري كهذا ) فانه يستأثر بالميزات على حساب الآخر الذي يسعى ضد مشروعه
وبالتالي فان مقولة احترام الآخر وان سودانيزاونلاين هو الوطن البديل ( السمح ) الذي يقدم النموذج الجامع والمعافي والمنشود تظل اكذوبة مفضوحة
طالما هنالك عقائد ايدولوجية مهيمنة فلا مندوحة عن الاقصاء والاستعلاء لما هو مغاير لها.
بكري يساري منحاز للديمقراطيين اليساريين وقضاياهم ويميزهم على غيرهم ولكنه لا يقمع الاسلاميين ، كما يشتهى رفاقه اليساريون عبر مداخلاتهم كلما اغتاظوا من كوز او شبه كوز ، وانما يترك له فرصا اخالها اوسع مما تتيحه الانقاذ لغرمائها اذا حمي الوطيس
وهكذا فان الفرق بين افاعيل الانقاذ ( الكيزان ) الاقصائية على صعيد السلوك الاعلامي وافاعيل اليساريين .. فيما اذا امسكوا بزمام السلطة انما هو فرق مقدار وليس فرق نوع
يعني بكرة اذا اتيحت لليساريين فرصة الكيزان الراهنة فيسكونون كيزاننا جددا : كيزان اليسار !!!
والدليل هو : سودانيز اونلاين .
والشاهد الأول هو : عناوين المنبر .
والشاهد الثاني : مضامين البوستات والمداخلات
والشاهد الثالث : نسبة حجم المنتسبين من الفريقين الى البورد فهنالك ترجيح مبين.
والمبرر لكوزنة اليسياريين المشار اليها هو ان الاسلامويين يفعلون الشئ نفسه ، وبالتالي فان السن بالسن
وهكذا فهما في الواقع سواء ، والفرق فقط في الفرص المتاحة!
ومهما يكن
فان اخشى ما اخشاه ( وانا لست متأكدا ) هو ان يكون هامش السماح الذي يتيحه بكري لتعبير الكيزان عن رؤيتهم وقناعاتهم تمليه عليه حقيقة ان هذا المنبر سوف يفقد جمهوريته وشعبيته العريضة اذا لم يفعل .
ولكنني اتمنى ان يكون السبب هو ان المنبر سوف يفقد مصداقيته وقيمته الاعلامية فورا فيما اذا كان صرفا خالصا لوجه اليساريين والليبراليين العلمانيين يحدثون انفسهم عما تكن وتشتهي انفسهم وينظرون الى صورتهم في ماء البئر بطريقة نرجسية شيفونية خالية من الحوار والجدل الايجابي والضروري مع المختلف لتطوير الافكار وازالة سوء الفهم تمهيدا ووصولا الى التعايش والقبول بوجود الآخر في واقع وطن متنوع كوطننا.
_________________________________
رب اني تبت اليك وانني من المسلمين |
اتمنى ان يستصحب المتداخلون ما اشار اليه محمد عبد القادر سبيل
وهو كانه يعيد فكرة وليد محمد مبارك في بوست خلى ويسال من هو الكوز
حقاً بات الامر يتطلب اعادة تعريف
وكيف لمن يطلب الحرية يمارس الاقصاء ؟؟؟
وكيف لمن ينشد العدل يبحث عن تبرير لجوره ؟؟؟
وكيف لمن يبحث اوكسجين يتنفسه يخنق انفاس الاخرين ؟؟؟
مدخل للخروج :
اذن من هو الكوز مطلوب اعادة تعريف المصطلح
|
Post: #108
Title: Re: مــا هــى حقوق الاسلاميين ( الكيزان ) فى هذا المنبــر
Author: وليد محمد المبارك
Date: 06-08-2009, 11:36 AM
Parent: #104
محصلة سنوات في المنبر تقول
الكوز هو كل من اختلف مع المعارضة
ومرات بتكون كمان
الكوز هو كل من اختلف مع (فرد) في المعارضة بغض النظر الاختلاف في شنو وما بالضرورة يكون في وجهة نظر سياسية
|
Post: #109
Title: Re: مــا هــى حقوق الاسلاميين ( الكيزان ) فى هذا المنبــر
Author: تبارك شيخ الدين جبريل
Date: 06-08-2009, 12:41 PM
Parent: #108
أQuote: أنا أتحدث عن من يسعي للتمتع بحق التعبير في وطنه وعن حق الناس بالكتابة في الصحف وحق التظاهر
وأنت تناصر الاقصاء وتكميم الافواه ومصادرة الحريات ما تتطرحه هنا
لم يطرحه بدر الدين ولا عمر صديق وصدق من قال التركي ولا المتورك!!
وأعتقد أنه وبعد تثبيتك علي الشمولية وكبت الحريات بالوطن تكون قد
فقدت مشروعية الحديث عن الحريات هنا لأنك غير متسق مع ذاتك وتكيل
بأكثر من مكيال........!! |
بالله اكتشفتنى ..... وااااو ....
انا هسى لاحظت انك ممكن تكون ما بتعرف تقرا أصلاً ....
ولو داير ليك كوز تفك فيهو شحنة النضال المعذباك دى ... اقيف قدام المراية .....
.... المهم .........
|
Post: #111
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-08-2009, 02:26 PM
Parent: #109
كتب الاخ تبارك
Quote: بالله اكتشفتنى ..... وااااو ....
انا هسى لاحظت انك ممكن تكون ما بتعرف تقرا أصلاً ....
ولو داير ليك كوز تفك فيهو شحنة النضال المعذباك دى ... اقيف قدام المراية |
.....
أنا لم أكشفك وأنما مواقفك وأطروحاتك هي من تكشف من منطلقاتك ومواقعك
ولا أعتقد أن هذه المرة الاولي التي أحاورك فيها وبالمناسبة لا يهمني
أين تقف فلك الحق أن تقف حيث تشاء ولكني أطالبك بتوحيد المعيار
( يعجبني حرصك علي ديموقراطية المنبر وكفالةحقوق
التعبير فيه وأتمني أن نري لك حرصا أكبرعلي ضحايا هيمنة وشمولية وأقصاء
المؤتمر الوطني بالوطن!! )
كمال
|
Post: #116
Title: Re: مــا هــى حقوق الاسلاميين ( الكيزان ) فى هذا المنبــر
Author: عمر صديق
Date: 06-08-2009, 09:58 PM
Parent: #111
Quote: نحن لا نعاني من فصام وتناقض و ولا ندعو لغريب وأنما دعونا لإطلاق الحريات
العامة والديموقراطية ومثل الصيغ التي كانت نافذة في العهود الديموقراطية وهي ذات الصيغ التي ثار شعبنا وأنتفض لأنفاذها وإن كنت
تري أن رفض الاقصاء والشمولية غرابة وأستلاب فهذا شأنك وحدك!
|
الاخ كمال عباس
تحياتي
عليكم الاستمرار في الدعوة لاشاعة الحريات بعد ان عجزتم عن اسقاط الانقاذ بكافة الوسائل العسكرية منها او الانتفاضة المحمية
واليوم تمت اجازة قانون الصحافة وحكومة الوحدة الوطنية التي تجسد المشاركة الواسعة ستمضي في تنفيذ خطوات التحول الديمقراطي
ومعلوم لكل متابع من هو صاحب الرصيد الشعبي والجماهيري ومن هو منبوذ وملفوظ من الشعب السوداني
|
Post: #117
Title: Re: مــا هــى حقوق الاسلاميين ( الكيزان ) فى هذا المنبــر
Author: AnwarKing
Date: 06-08-2009, 10:06 PM
Parent: #116
| Quote: ومعلوم لكل متابع من هو صاحب الرصيد الشعبي والجماهيري ومن هو منبوذ وملفوظ من الشعب السوداني |
أسمع كلامك...أتعجب...!
أشوف فعايلك...أتمحّن!
رصيد وشعبي وجماهيري وعييييييييييييييك...طيّب الدبابات فوق شنو؟
ثم ثانياً: أرخو قانون الأمن الوطني ده بس إضافة لإطلاق حريّة الصحافة "حقيقة" مش قوانين تلتفوا حولها وما أكذبكم
، عشان نعرف هذا الرصيد والشعبي والجماهيري...
ما يقوم كمان ود البشير ينزل لينا في إنتخابات ملك ملوك العالم، أسوة بالجماهيرية الشعبية!
|
Post: #113
Title: Re: مــا هــى حقوق الاسلاميين ( الكيزان ) فى هذا المنبــر
Author: أبو عبيدة البصاص
Date: 06-08-2009, 09:34 PM
Parent: #108
Quote: محصلة سنوات في المنبر تقول
الكوز هو كل من اختلف مع المعارضة
ومرات بتكون كمان الكوز هو كل من اختلف مع (فرد) في المعارضة
بغض النظر الاختلاف في شنو وما بالضرورة يكون في وجهة نظر سياسية |
الاخ كمال عباس
ممكن تورينا رايك فيما اورده
الاخ وليد مبارك
|
Post: #114
Title: Re: مــا هــى حقوق الاسلاميين ( الكيزان ) فى هذا المنبــر
Author: AnwarKing
Date: 06-08-2009, 09:53 PM
Parent: #113
سؤال مهم في نظري:
هل دخل الكيزان الى هذا المنبر بصفتهم الحزبية؟؟؟
يعني هل أبرزوا توجهاتهم السياسية عند الدخول حتى يطلبوا حقوق سياسية هنا أم أن العضوية الناشطة
هي التي تحدد إتجاهات البورد؟؟؟
ياخي الكيزان المفروض يختشوا...بينما كان الكوز الهندي عز الدين عضواً هنا...كان يترجى البرلمان السوداني أن يحجب
موقع سودانيزأونلاين من السودان...
الكيزان ديل آفة الحرية...وضبع الخرفان... بيغلبوا أبليس نفسه...
حتى صاحب البوست ، نكر سابقاً كوزنته هنا:
ما هو سبب نشاط الكيزان في سودانيزأونلاين مؤخراً؟؟؟؟ (توجد أمثلة!)
والآن مع إقتراب الإنتخابات التي يعوّلوا عليها لإضفاء شرعية مفقودة طوال ال 20 سنة الماضية، يتحسسوا في
مقاعدهم الإنترنتية...التي لولا غشامة وطيبة سودانية، لما حلموا بها...
بالمناسبة، محمد حامد جمعة عمل فيها ديموقراطية شديد، وعمل ليهو منبر ل أس أم سي... ما تمشوا تهببوا ليهو
شوية هناك...ولا حلاتو الفيها ولا نفسيها دي!
...
تبارك يا حبيب...أنتا بالمناسبة ما مشيت مؤتمر الإعلاميين ده ليه؟
المهم
|
Post: #115
Title: Re: مــا هــى حقوق الاسلاميين ( الكيزان ) فى هذا المنبــر
Author: AnwarKing
Date: 06-08-2009, 09:56 PM
Parent: #114
وليد الشفت تحياتي...
قلت:
Quote: محصلة سنوات في المنبر تقول
الكوز هو كل من اختلف مع المعارضة
ومرات بتكون كمان
الكوز هو كل من اختلف مع (فرد) في المعارضة بغض النظر الاختلاف في شنو وما بالضرورة يكون في وجهة نظر سياسية |
طالما هي محصلة سنوات...معناها مدروسة كويس...وحقيقة، ليست تهمة!
يعني ما ممكن طوال سنوات تتطابق مع الكيزان...وتجي تقول لا والله ما كوز!
ولا رأيك شنو؟
|
Post: #118
Title: Re: مــا هــى حقوق الاسلاميين ( الكيزان ) فى هذا المنبــر
Author: كمال عباس
Date: 06-08-2009, 10:37 PM
Parent: #115
كتب عمر صديق
Quote:
واليوم تمت اجازة قانون الصحافة وحكومة الوحدة الوطنية التي تجسد المشاركة الواسعة ستمضي في تنفيذ خطوات التحول الديمقراطي
ومعلوم لكل متابع من هو صاحب الرصيد الشعبي والجماهيري ومن هو منبوذ وملفوظ من الشعب السوداني \ |
إن كانت لكم هذه الشعبية التي تزعم فلماذا قمتم بإنقلاب وجيتم علي ظهر دبابة ? الملفوظ من الشعب هو من يمارس الاقصاء ويصادر الرأي الاخر ويقتل
ويعذب ويخشي الجماهير ويمنعها من حق التظاهر ويكرس لنظام بوليسي يتغول
فيه جهاز الامن صلاحيات أجهزة وموسسات الدولة وحريات المواطنين
000 وهل مر قانون الصحافة علي أصحاب الشأن أي الصحفيين ليبدو رأئهم فيهم
أم أن أنضج علي نيران طبخة سياسية أقصت الصحفيين مما أدي للأحتجاج الواسع
الذي نشهده?
التحول الديموقراطي ليأتي بالكلام المجرد وأنما عبر الافعال: الغاء القوانين
المقيدة للحريات وحيدة وأستقلال أجهزة الدولة ومؤسساتها ومن ضمن ذلك الخدمة
المدنية والعسكرية والاعلام القوي بالاضافة لأطلاق الحريات العامة
أفعلوا ذلك ياعمر وأبعدوا العناصر الشمولية ثم أنزلوا بوزنكم الحقيقي
ثم أتركوا الشعب يحكم لكم أو عليكم
كتب الاخ أبو عبيدة البصاص
Quote: الاخ كمال عباس ممكن تورينا رايك فيما اورده
الاخ وليد مبارك |
نعم هناك من يدمغ الناس بالكوزنة لتشويه سمعتهم ولتصفية الحساب معهم
أو التجريم حتي لمن لا علاقة له بالكيزان.......نحن هنا نتحدث عن من يعلن
كوزنته أو يتبني خطهم وأنا هنا من دعاة كفالة حريةالتعبير للجميع ورفض
الاقصاء الاسفيري ودعني أضيف أن هناك بعض من كوادر المعارضة الذين يشوهون قيم
المعارضة وينفرون ويتنافون مع مبادئي الديموقراطية
كمال
|
Post: #119
Title: Re: مــا هــى حقوق الاسلاميين ( الكيزان ) فى هذا المنبــر
Author: وليد محمد المبارك
Date: 06-09-2009, 05:21 PM
Parent: #115
Quote: طالما هي محصلة سنوات...معناها مدروسة كويس...وحقيقة، ليست تهمة!
يعني ما ممكن طوال سنوات تتطابق مع الكيزان...وتجي تقول لا والله ما كوز!
ولا رأيك شنو؟ |
اي ممكن اتطابق مع الكيزان العمر كله موش سنوات بس وما اكون كوز ؟
الغريب شنو في كده؟
بعدين عرف لي الكوز .. عشان نعرف انك قست التطابق معاه كيف ؟
|
Post: #120
Title: Re: مــا هــى حقوق الاسلاميين ( الكيزان ) فى هذا المنبــر
Author: تبارك شيخ الدين جبريل
Date: 06-09-2009, 11:21 PM
Parent: #119
أنور كينج ...
Quote: ثم ثانياً: أرخو قانون الأمن الوطني ده بس إضافة لإطلاق حريّة الصحافة "حقيقة" مش قوانين تلتفوا حولها وما أكذبكم
، عشان نعرف هذا الرصيد والشعبي والجماهيري...
ما يقوم كمان ود البشير ينزل لينا في إنتخابات ملك ملوك العالم، أسوة بالجماهيرية الشعبية! |
بتذكّرنى فلم Rush Hour بتاع كريس تكر وجاكى شان .... بتماسكوا عشان كل واحد يدّى البى ضهر التانى شلّوت .....
لاكين نقول شنو .... عاطف خيرى قال ....
شوف الناس قنديل ....
(لو يسمع "من كان يسمع مصطفى")
__________________________________
الوليد ...
| Quote: بعدين عرف لي الكوز .. عشان نعرف انك قست التطابق معاه كيف ؟ |
داير ترجّعنا لى خانة "من أين أتى هؤلاء؟" تاااااانى ......
هو السؤال دا لمّن سيدو حى ... ما اتفهم .....
.... المهم ....
|
Post: #121
Title: Re: مــا هــى حقوق الاسلاميين ( الكيزان ) فى هذا المنبــر
Author: AnwarKing
Date: 06-09-2009, 11:27 PM
Parent: #120
Quote: بتذكّرنى فلم Rush Hour بتاع كريس تكر وجاكى شان ....
بتماسكوا عشان كل واحد يدّى البى ضهر التانى شلّوت ..... |
حلوة شديد....
في بُنية برضو أسمها بُنية الزغاوة...ودي عدد 2 أم دلدوم بجوك ورا بعض...
ده طبعاً لو ما وقعتك الأولى...!
المهم...
|
Post: #122
Title: Re: مــا هــى حقوق الاسلاميين ( الكيزان ) فى هذا المنبــر
Author: تبارك شيخ الدين جبريل
Date: 06-09-2009, 11:35 PM
Parent: #121
| Quote: في بُنية برضو أسمها بُنية الزغاوة...ودي عدد 2 أم دلدوم بجوك ورا بعض... |
هههههههههه .....
انا طبعاً الزغاوة قاعدين يسنّوا لى فى "البُنية" التحتية ........ ولامؤاخذة .....
... المهم .....
|
Post: #123
Title: Re: مــا هــى حقوق الاسلاميين ( الكيزان ) فى هذا المنبــر
Author: BAKTASH
Date: 06-10-2009, 04:19 AM
Parent: #122
في ناس كدا لاعبين (بوعي او بدون) دور Dr Jekyll and Mr Hyde لكن for some time
المهمات شنو !!!!
|
Post: #124
Title: Re: مــا هــى حقوق الاسلاميين ( الكيزان ) فى هذا المنبــر
Author: محمد عبدالقادر سبيل
Date: 06-10-2009, 09:59 AM
Parent: #123
Quote: يعني ما ممكن طوال سنوات تتطابق مع الكيزان...وتجي تقول لا والله ما كوز!
ولا رأيك شنو؟ |
أنور كنغ اخوي
السلام عليكم ورحمة الله تعالى وبركاته
كدي اول حاجة برد لي اعاصبك وافهمني
انا ما دخلت معاك في جوطة وخرمجة قبل كدا
لكين دحين الليلة اتكرم علي وجاوبني بصراحة وامانة:
هسع لو ناس او قول زول واحد بس اتلحك كلما طرحت راي : دا شنو يا شويعي
وفي مرة تانية : بطل شوعنتك دي انت من زمنها؟
وانتو الشويعيين ديل متين تعقلوا وتنعدلوا
ويا انور بتمثل فيها دور الخلا الشيوعية يعني على مين ماهو ظاهر في العيون يا حبيب !
والله شيوووعي وريحتك طاقة دم احمر !
واهلك الشيوعيين الابوك وعافوك ديل لسع بتخدم اجندتم وبتحنس فيهم وترقد ليهم لمتين يا مسكين
يا شويعي
والله شفنا عولقة شيوعيين كتير في حياتنا لكن جنس شيوعيتك المغتغتا وخجلان منها وناكرة دي ما شفناها
أها في الحالات دي كلها بتقول ليهو : حبابك مش؟
وبتقول الزول دا معاهو حق طالما مواقفي ضد الانقاذ والاسلاميين عموما متطابقة مع اليسار
________________
رب اني تبت اليك وانني من المسلمين
|
Post: #125
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 07-03-2009, 02:08 PM
Parent: #124
ما هي حقوق الكيزان في هذا الربع ؟
ونصيبهم كان شنو من الارشفة؟
والاهم من كده سيد البوست ده ليه خلاهو؟
|
Post: #126
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 07-04-2009, 12:02 PM
Parent: #125
في هذا الربع تجدني حاضرا يا اخي صلاح
|
Post: #127
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 07-05-2009, 11:38 AM
Parent: #126
والبوســت غير فى العلالى نجــــئ بهدو لنحكــى ...
تركت البوســـت للتدليل على ان المعايير التى تحكم هذا المنبر غير واضحة لشخصى ...
والبوســت فى الاعماق برجو ان ادير مع اخوة كرام حوارا جادا حول مساحات الاخر فى العقلية السياسية
والحزبية السودانية ...
مستعرضا نماذج الاساءة للاخر فى هذا المنبر ...
مستعرضا تدخلات الادارة لتحقيق التوازن وانصاف الاعضاء من الاشتطاط اللفظـــى ...
شاكرا الاخوة المتداخلون الذين ادارو حوارا مفيدا لشخصى وللمشاهدين ...
|
Post: #128
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 07-07-2009, 08:27 PM
Parent: #127
الاخ صلاح ليون ... تحية طيبة ( انشاء الله تكون قد تقبلت فكرتى حول عدم مواصلتى لبوست فى السابق ))
يسعدنى مواصلتك للنقاش حول الفكرة ...
بـــس عندى حاجات اولا :
من انتم الذين تسحبون البوســت من فوق ...
| Quote: عدم جيتك تاني ماليهو تفسير ..يعني هسه نسحب البوست ده من فوق..وللا يجي كوز تاني ويناقش.. |
مع تأكيدى بأن رفع البوســت لا يعنى لــى اى اضافه ..
|
Post: #129
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 07-07-2009, 08:43 PM
Parent: #128
ود الزاكــــى ...تحيات طيبات بعد غياب متعمد من شخصــى ...
يسوق الاخرين انفســهم كانقـى ما يكون ...متناسين ان لنـــا ذاكرة سياسية نشطة جدا ...
ففــى كل فترات حراكنــا السياسي كان الاخــر ينفــض عــن نفســـه كل مرتكزات حزبــه واطروحاته
ويصبح جسم واحد لا لون لــه ولا رائحــة الا مـــن تجمــع يعمل على إقصائنـــا من الواقع السياسي
سلكو معنــا كل السبل :
البندقيــة الحزبية ( جيش الامة )
الاتحاد فى جسم التجمع الوطنى الديمقراطى ...
اصبحو جزء من دول (( المواجهة )) فى عهد ســئ الذكر (( كوهين ... سفير / مساعد وزير الخارجية
الامريكى )) ..
ارادو ان يديرو معنــا كل معاركهم بالبندقية من الخارج على ان نسمــح لهــم فى ذات الوقــت
بالحراك السياسي لتحقيق امنياتهم الثورة الشعبية المحمية بالبندقية ..
..
الاسلامييون فى السودان ليـــس من اصول تفكيرهم الاحتراب بين ابناء الوطن الواحد لكنها تحديات
مفروضــه علينــا ..ولدينــا المقدرة والاهلية للعمل فــى كل الظروف والمعطيات ...
...
مــن هــم الاسلاميون ( ليــس هناك من لا يعرف قدراتهــم وامكانياتهــم السياسية داخل احزابنا
السياسية / فى الاطار الاقليمى / فى الاطار الدولــى ..
Quote: الاخ بدر الدين
السلام
حق الاسلاميين (الكيزان) في هذا المنبر وأو اي منبر سوداني حق اصيل ولايحتاجون لاي تصريح او قانون يعطيهم حق خاص لانهم سودانيون حتي الثماله يؤثون ويتأثرن بكل ما هو سوداني ...
الاسلاميون ما تعودا ان يستجدوا حقوقهم بل الحقوق تأخذوا غلابا...
كذالك انهم من مثقفي السودان وجودهم في هذا المنبر يفيد النقاش ويثريه ...وهو ما يحتاج اليه المنبر لتنويع الاطياف السياسية...
ويقدم كذالك حقائق وتجربه مهمه في تاريخ السودان
ومع ودي |
ود الزاكــــى ..
الفكرة ( هذا هو النموذج الذى يبشرون بــه فكيــف يكون لنــا / لهــم ..مساحات تلاقــى ؟؟
|
Post: #130
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 07-07-2009, 08:51 PM
Parent: #129
الاخ وليد ... برضو انا مــش قديم منبريا
كــدى ادينــا نماذج كما ذكرت علهـــا تحــدد لنــا تجارب إقصــاء إسفيرى
كما لنا تجارب إقصاء فيزيايئ كما تقول انت ...
Quote: تاريخ البورد بقول كده
من زمن بوت الاستفتاء الفضيحة الذي طلب الاستفتاء لطرد محد حامد جمعة من المنبر
لحدي حادثة طرد ميادة |
|
Post: #131
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 07-07-2009, 08:58 PM
Parent: #130
الاخ صــلاح ....
ســألت من قبل عن (( نحــن ))...
مقرونــه مع كلام وليــد بيجعل الانســـان يعلم ان المنبر بــه احزاب سياسية (( عضوية ))
تعمل فى اطار جمعـــى ( السؤال هو ما هى علاقة الادارة بهذا النشاط هل تبيح مثل هذا النشاط
او هل يتوافق هذا النشاط مع لوائح المنبر ( توظيف الماسنجر )) ؟
Quote: لكن التخطيط للاقصاء في المنبر ده يرتب له بعناية وتنظيم
ببوستات وبوستات فرعية واحتمال ماسنجرات اخلية وخارجية
|
|
Post: #132
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 07-07-2009, 09:14 PM
Parent: #131
الاخ / عمر صديق ...
يظــل اهل اليسار اكثر التنظيمات السياسية تأثرا بالاستخدام الامثل والاكمل للاعلام بواسطة الاسلاميين
فعملهم على احتكار وسائط الاعلام الاسفيرية يمثل اكثر من تحدى لمستقبل رسالتهم الاعلامية التى ارى
انها ليســت موجهة الى داخل السودان ..فاليسار فى السودان معلوم التجارب وسيرته الذاتية التاريخية
تجعل منـــه تيار سياسي مكمــل فقط للحراك السياسي وليــس لــه امــل فى قيادة هذا الشعب ..
...
وانا صغير جدا شاهدت فى التلفاز قوات الجيش يدخلون قصر الامام الهادى فى الجزيرة ابــا ويعرضون
زجاجات للخمــر وملابس نسائية داخلية فى اشارة الى ان الامام الهادى كان معاقرا للخمر ومعاشرا
للنساء ( صدقت ما اشاهــد بعينــى ) فى ظل دعوات ابـــى ان هولاء ظلمــة وكاذبين وانه ما كان للامام
الهادى ان يسلك مثل هذا الدرب وهو قدوة الانصار ..
ثــم تطاولــت بنــا السنوات فوجدنــا اخوة لنــا كبار يقولون ان معركتنا وحراكنا مع اهل اليسار يقوم على الاعلام ...
لذلك تجدهــم اكثر انزعاجا من مجموعة اقلام تكتب ما تؤمن بــه فى هذا المنبر .. تقول مجرد قول ان
السودان ليس كما يعرض فى سودانيزاونلاين .. وان التوثيق الذى يتم فيه ليــس بهذه القراءة غير
المحايدة ..
| Quote: واذا نظرنا الي سؤالك الرئيس عن حقوق الاسلاميين في المنبر بكافة انتماءاتهم التنظيمية نجدها كانت قليلة في السابق وذلك لان بعضا من مدعي الديمقراطية والحداثة هم اول من انضم لهذا المنبر وكان لبعضهم اكثر من اشنراك ويذلك طغت اساليبهم علي الاتجاه العام للمنبر حتي كادت ان تكون سمة عامة له ولعل ذلك ليس بغريب عليهم فهم ظلوا علي الدوام يمارسون خداع الجماهير عن طريق استخدام الواجهات للتغلب علي قلتهم العددية و تناقص عضويتهم |
|
Post: #133
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 07-07-2009, 09:19 PM
Parent: #132
الاخ خالد عويس ... مرحب بــك محاورا ...
كل الذى اطلبــه ان اقدم اطروحاتى بكل موضوعية واسمع من الاخر (( بكل احترام ))
Quote: الأخ بدرالدين
أثني دعوة الأخ كمال عباس
إذا كان بعض كوادر المؤتمر الوطني مستعدين وقادرين على ادارة حوار يتسم بالشجاعة والقدرة على الاعتراف بالأخطاء وتحمل مسؤوليتها الأخلاقية والسياسية فلا مانع من الحوار.أنا شخصيا مستعد لمثل الحوار وبكل احترام. |
|
Post: #134
Title: Re: مــا هــى حقوق الاسلاميين ( الكيزان ) فى هذا المنبــر
Author: صلاح ليون
Date: 07-07-2009, 09:20 PM
Parent: #131
الاخ بدر الدين
مافي فائدة من معرفة معايير أو من يتحكم في رفع أو خفض البوستات
في مساحة ليكم انتم الكيزان فاستغلوها كما احببتم ..
هتاف او تطبيل كما يفعل الكثيرين منكم
او تقارب .. كما تحاول انت ..
فالحكاية ما إقصاء كامل كما تقول انت او ما لمحته به في بداية البوست
لكن المنبر ومنذ نشأته كان معارضة.. صح..
لي هسه ما عرفته فكرة انك تنسحب من البوست لما اترفع فوق
وجاي هسه تاني تناقش ..
على العموم تحياتي..
|
Post: #135
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 07-07-2009, 09:36 PM
Parent: #134
كتب الاخ كمال عباس ....
اقبــل انــا بكل ذلك ان تقول وتبين ما تراهو تناقض / فصام / بكاء على الحريات
فقــط اطمع ( بما اننــى كما تقول مساند ) انا ان تقول / يقول / تقولون / يقولون
دون الاساءة الى شخصــى ( ليســت صعبــه ).
Quote: ومن تراني أقف مع كفالة حقوق التعبير لأي كوز أو أي فرد ولكني أحتفظ
بحقي في أثارة تناقضاتهم وفصامهم والذي يتمثل في البكاء علي الحريات
هنا ومساندة من يسلبها هناك!! |
|
Post: #136
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 07-07-2009, 09:49 PM
Parent: #135
كتب الاخ تبارك شيخ الدين ...
Quote: القضايا البتتحول لى قضايا محورية غالباً بتكون بسبب اهتمام الأعضاء بيها كقضايا سياسية راهنة .... وليس بسبب حملات منظمة من بكرى ابوبكر للإهتمام بقضايا بعينها ....
|
* التعبير الجماعــى لبعض الاعضاء هل يجعل من المنبر يعبر عن رؤية واحدة ويجير المنبر لصالح
احادية سياسية ؟
* رفع البوستات يوحــى بأن هذه هى القضايا الاساسية للشعب السودان فى رسالة الى خارج السودان
ان السودان اشبــه بدولــه تنهار بعد ( 24) ساعة ..
* هل هناك توظيف للاحزاب السياسية لعضويتها لطرح قضايا ومواضيع بصورة (( بيانات ...اوراق عمل
.. مؤتمرات )) وهل يتسق ذلك مع لوائح المنبر التى تتكلم عن التعبير الفردى (( عضوية فردية ))
مع تجاوزها لذلك بمنح العضوية لبعض المؤسسات الثقافية ( مركز الخاتم عدلان ) ..
* هل يمكن ان تمنح عضوية لمؤسسات ترعــى الفكر الاسلامى فى اطار الرأى والرأى الاخر ...
|
Post: #137
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 07-08-2009, 08:46 AM
Parent: #136
كتب الاخ تبارك ...
Quote: خامساً ... بصفتى مهتم بحقوق وحريات الناس - وأشكرك جزيلاً على هذه الصفة التى أتمنى أن تطولها قامتى المتواضعة - أهتم بحقوق الكيزان فى الحلم ومحاولة تحقيق "مشروع حضارى" لوطنهم .... كما لغيرهم مشاريع وبرامج سياسية موازية .... كل ما أفعله مختلفاً عنك هو أننى لا أطلق الديباجات الهتافية جزافاً عليك أو على الكيزان ... فما تسميه أنت "هيمنة وإقصاء المؤتمر الوطنى للآخر" أسميه انا "إذاقة المؤتمر الوطنى للآخر من نفس كأس الإقصائية التى أتى بها للطاولة" .... وكلو عند العرب صابون .....
والماعندو سلاح اليجى يتكلم عن سلاح الكيزان ....
والماعندو فساد اليجى يتكلم عن فساد الكيزان ....
والماعندو عنف اليجى يتكلم عن عنف الكيزان ....
والماعندو إقصاء اليجى يتكلم عن إقصاء الكيزان ...
والماعندو تعذيب اليجى يتكلم عن تعذيب الكيزان ....
|
اقول انا بدر الدين اسحاق ...
* الخطاب السياسي للاحزاب يختلف تماما حين الوصول الى السلطة عنه حين يكون الحزب خارج السلطة
ممارســة الاحزاب السياسية لدور الضحيــة ( حتما سيقودنا الى التاريخ لنبحث عن ممارسة الاحزاب
فى تاريخنا السياسي حال تسلمها لقيادة العمل السياسي فى البلاد ) وسنظل فى نفس الدائرة ..
* للمعارضة مشروع ثورة شعبية فى الداخل محمية بالبندقية من الخارج ( التجمع الوطنى ) ومن بعد ذلك
يطالبون بحرية التعبير السياسي ( قلنا فى اطار الوطن الواحد لنضع البندقية ثم نواصل حراكنا
السياسي متحولين الى ممارسة ديمقراطية تكفل لمن يكسب ثقة المواطنين قيادة البلاد سياسيا ..
* افتقاد الاحزاب السياسية المعارضة للارادة السياسية والمبادرة لخوض التحدى الديمقراطــى يجعلها
احرص ما تكون على البحث عن آليــات غير ديمقراطية مهما كانت المسميات لمشاركتها فى السلطة
دون اوزانها الحقيقية ( الحكومة القومية ....اخرى ) ..
* وكل هذا الاخفاق الحزبى اوجد مساحات من البدائل ( للبندقية ) العنف اللفظــى ...اساءات شتائم
علامات تجارية مسجلة ( كوز .. امنجى ..نفعى ..منافق ...الخ ) مما يجعل من امكانية التواصــل
الحوارى يمكن ان يقال عليها منعدمــة ( بين المنتمين حزبيــا ) ..
* الى حــد مــا الحوارات الموضوعية الهادفة ( حسب اطلاعى ) يقودها فى هذا المنبر غير المنتمين
حزبيا ( مع انتماءهم الفكرى الى طرف او اخر ) وما ذلك الا للروح الاقصائية عند الحزبيين ( احادية
الرؤية ...وليس نحن منهم مستثنئين ) ..
الفكرة ( البديل حوار موضوعى يحترم انسانية الانسان ) ..
|
Post: #138
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 07-08-2009, 11:04 AM
Parent: #137
الاخ صلاح ليون ...
فى اطار منبر حــر يعمل كوسيط اعلامــى تصبح اى ( عنوان / موضوع / صوره / بيان / بوســت ..
لــه دلالــة معرفية ورسالة اعلامية يريد ارسالها الى المشاهدين / القراء ) ..
لا توجد عفوية فى عمل الوسائط الاعلاميــة ..
((قبلــت عــدم الاجابة .. امكن لا توجد لديك اجابة ..او انت تمتنع عن الاجابة ..))
الفكرة عنــدى ان هناك من يتحكم فى ابراز المنبر للواقع السودانى فى مختلف القضايا
كان البلاد ستنفجر اليوم قبل الغــد ...
Quote: الاخ بدر الدين
مافي فائدة من معرفة معايير أو من يتحكم في رفع أو خفض البوستات
|
الشكر لبكرى ابو بكر لجعل الاستفاده من هذه المساحــة ممكنا نعبر فيها عن ما نؤمن بــه ..
الشكر ايضــا لكل من جعل الحوار موضوعيا مع كل الاحترام للشخوص ..
والشكر لك انت لعدم وضعى فى قائمة الهتيفــه والمطبلاتيــه ..
Quote:
في مساحة ليكم انتم الكيزان فاستغلوها كما احببتم ..
هتاف او تطبيل كما يفعل الكثيرين منكم
او تقارب .. كما تحاول انت ..
|
|
Post: #139
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 07-09-2009, 09:12 PM
Parent: #138
الاخ باكتاش ...
انا اريد ان افهــم ما تعنـــى ان كان ذلك ممكنا ؟
Quote: في ناس كدا لاعبين (بوعي او بدون) دور Dr Jekyll and Mr Hyde لكن for some time
المهمات شنو !!!! |
|
Post: #140
Title: Re: مــا هــى حقوق الاسلاميين ( الكيزان ) فى هذا المنبــر
Author: بدر الدين اسحاق احمد
Date: 09-24-2009, 09:43 AM
Parent: #139
كتبــت من قبل :
ان المعايير التى تحكم هذا المنبر غير واضحة لشخصى ...
والبوســت فى الاعماق برجو ان ادير مع اخوة كرام حوارا جادا حول مساحات الاخر فى العقلية السياسية
والحزبية السودانية ...
مستعرضا نماذج الاساءة للاخر فى هذا المنبر ...
مستعرضا تدخلات الادارة لتحقيق التوازن وانصاف الاعضاء من الاشتطاط اللفظـــى ...
شاكرا الاخوة المتداخلون الذين ادارو حوارا مفيدا لشخصى وللمشاهدين ...
|
|