خبر غريب جداً: اعلان بالصحف يمجد الخضر ويمتدح اداءهو لصلاة الفجر !!!

كلام غريب وعجيب

تناقلت بعض المواقع الالكترونية خبر نشر. اعلان. مدفوع الأجر

على صدر احدى الصفحات. اليومية ممهور بتوقيع من يسمون

أنفسهم ب (رفقاء صلاة الصبح) دون الإشارة لهم او تعريفهم

سوى انهم مجموعة من الناس تؤدى. فيما يبدو صلاة الصبح

مع والى الخرطوم. الخضر

قامت هذة المجموعة بنشر تهنئة. وتحية بدافع الوفاء تعدد محاسن

الخضر وتشير الى أعمالة الخيرية بل وتمتدح. خروجه. لأداء

فريضة صلاة الصبح فى الظلمة دون حراسة او حاشية ترافقة.

وللخبر بقية ولكن سأتوقف هنا وأتساءل

انتو نحن ناس سازجين للدرجة دى علشان ناس رفقاء صلاة. الصبح ديل

يطلعوا لينا اعلان بالشكل دة ؟

معليش سؤال تانى

يا ترى الخبر دة عندة علاقة بفضيحة

مكتب الاولى الاخيرة. ولا ما عندة ؟

الأخ هشام أمين بعد السلام

بالنهار يسبِّح وبالليل يضبِّح .. دي اسمها دبل جوب.. العرب قالت: (الدابي في خشمه جراداية ولا بعضي). الجماعة ديل بكونوا راضعين من شطراً ماكن من لدن الوالي الصوام القوام المجاهد المسبِّح السابح في بحر الفساد وغرقان فيهو لشوشته.
يا زول خليهم الكضب ما عندا عضم بخنق.. ولا كو؟

قناتي في اليوتيوب:
http://www.youtube.com/user/KabbashiSudan
تحياتي
كبـّاشي الصـّـافي
(العوج راي والعديل راي)

يأخ والله الكلام دة عيب. وما صاح يأخ

احرقوا كبدة اى زول. يسرق ويتعدى على المال العام

علشان يكون عبرة لغيرة وعليكم دينكم. ما تفترضواا

فينا الغباء

كنتونا اخبارك يأخ.

سلام اخونا هشام

ما تستغرب اكيد الزول حا يعمل حملة تلميع و علاقات عامة

القروش عندو او بالاصح البدفعو في التلميع برجعوا من اموال الشعب المسكين

تحياتي و احترامي