وين السفارة من ضرب السوداني في المدينة؟!

يا ناس السفارة
ومن تبعهم باحسان الى يوم الدين

يمكن منتظرينه يموت عشان تطلعوا بيان هزيل بأن السوداني
توفي اثر ضربات سريعة لم يتحملها

حد يلكزهم يا جماعة يكونوا ما سمعوا بالخبر

والله صحي :)

Quote: حد يلكزهم يا جماعة يكونوا ما سمعوا بالخبر

أكيد سامعين يا البشاري بس ما فاضيين من الجبايات وبعد ما يخلصوا بعدين يفضوا للقضايا الهايفة زي يتاعة السوداني المسكين دا

الامين كيفك
شايف شرطة المدينة بدأت تحقيق في الموضوع.
اعتقد انه الموضوع جديد وليس قديم واعتقد ان التاريخ الظاهر في كاميرا التصوير غير دقيق
دا من عرب نيوز اليوم وواجب على السفارة المتابعة مع شرطة المدينة

Quote: The Madinah police are looking for four suspects who assaulted a Sudanese national in his office. The incident was recorded on video and posted on WhatsApp. It shows four people assaulting the man. He tried to escape but they blocked his way out. One of the attackers also assaulted a child who was in the office after tying his hands. Colonel Fahd Al-Ghannam, spokesman for the Madinah police, said that Al-Khalidiyyah police station received a call from an Arab national who said that he was attacked by four people unknown to him. The victim was taken to hospital where he was treated and discharged. He was given medical leave for seven days. The police are still looking for the suspects who did not steal anything during the assault.

عيب يا البشاري
يعقد يخلو لحس الريالات دي ويفتشوا دا قطع اضان دا حرقوا سيارته
دا ما عنده حق التذكره .
بتحس في منو ؟

Quote: وين السفارة من ضرب السوداني في المدينة؟!

متين السفارة وللا القنصلية كانت تهتم بـ مواطنيها!!!.
المواطن آخر أولوياتهم لو عندهم أولويات أصلا غير التحصيل.
القنصلية بجدة بقت لـ بعض المتسلقين النفعيين والهتيفة أصحاب الحناجر.

ناس السفارة بلبعوا في الريالات ببيع الفورمات ومافاضين ليكم

والله صحى
انت يا امين ماعندك سالفة ولا شنو سفارة شنو البشتغلوا بالسودانيين

سلام يا شباب

واستأذنكم في الرد على عبد العظيم من نافذة الفيسبوك

Quote: الامين موسى البشاري مش ده المجتمع الأنت بتشجع أرسال السودانيات لكي يعملوا خدم لديهم أليست هذه هي السفاره التي ستكون مسئوله عن قضاياهم وهمومهم مفترض تكون آخر من يفتح بوست بهاذا المضمون

يا عظمة من الظلم تعميم حوداث فردية ومحدودة على مجتمع كامل
الشعب السعودي في عامته شعب طيب ويقدرنا كسودانيين
العمل ليس عيباً ولا حراما وأي واحدة تقرر إنها تعمل كخادمة هنا
هي الاقدر على تقدير ظروفها ومدى المخاطر التي قد تتعرض لها
عندنا بنات كتار وسودانيات شغالات في المستوصفات وحتات تانية وبراهن
العمل هو العمل مش عشان دي خادمة نمنعها من العمل واكتساب عيشها هنا
أي واحدة تجي هنا ممكن تكسب 3 مليون جنيه من عرق جبينها ولك أن تتصور كم ستعيل بهذا المبلغ
ما تسمع لي كلام ناس الضلله الباردة ديل ....
الكعب دا اصلو كعب ياما خادمات ارتكبن جرائم بحق السعوديين وياما سعوديين ارتكبوا جرائم بحق الخادمات
ثم ما الذي يجعلك مطمئنا أنها لن تتعرض لما قد تتعرض له هنا في بلدها؟
من تقبل بالعمل كخادمة هنا اكيد متفهمة للمخاطر ومستعدة للمخاطرة

كن بخير

Quote: بالله يا الامين انت من الناس الكان بشجعو قصة الخادمات السودانيات دي . . غايتو بس لكل جواد كبوة . . لاني بحب كتاباتك . . مافي مقارنة لا من قريب ولا من بعيييييييد بين العمل في مستوصف والعمل داخل بيت لا يمكن حتى للشرطة ان تدخله . .

تحياتي يا خالد ...


ليس في العمل ما يعيب ووالله ما اجبرهن على العمل الا الشديد القوي
طيب يا خالد رايك شنو في الناس الشغالين سواقين للعوائل؟
وليه ما قلته ليهم عيب وما تشتغلوا
العمل هو العمل ولو قصدك التحرش الجنسي فدا ممكن يحصل ليها في اي مكان
في السودان
في السعودية
في البيت
في الشارع


المبلغ الفوق دا لو اشتغلت 6 شهور في السودان ما ممكن تتحصل عليه
ما تفرضوا وصايتكم عليهن ..
حقو نخلي اي واحدة تحدد خياراتها وتتحمل مسؤولياتها

كن بخير