الزميل ايمن محمود هاك دى

كلام الزميل ايمن محجوب عن صلاة الفجر للوالى والمحافظ زكرنى حاجة طريفة .
نزلت السودان اجازة وطبعا المغتربين جنهم حوامة وبالليل تحلو الحوامة وانا راجع من مشوار سمح سماحة السنين وبغنى شايف لى كم ( نفر ) ماشين فى شارع الظلط الكلام دا بالضبط جمب الاسواق الحرة فى برى قلت خلاص اقيف ليهم اقدمهم معاى والله ساعتى الوقفت اشوف ليك اتنين قفلو ليك العربية وفتحو الابواب لمن هجمونى وطيرو لى الفى راسي وشبكونى انت منو ووقفت مالك وووو قلت ليهم ياخى انا شفتكم ماشين كدارى قلت اوصلكم قدام الساعة اليجينى ليك زول بالشباك ويقول لى بارك الله فيك ياولدى والجماعة نزلو منى ومشو وانا مع الهجمة ديك اسم الزول طار لى وبقيت اقول ياربي الزول دا انا شايفو وين شايفو وين والله ما اتزكرتو الا بعد وصلت البيت وبعد شبكتى ظبطت لقيتو نافع على نافع الله لاكسبو .