Post: #1
Title: أسرقنى وتحلل......... وموظفين مكتب والى الخرطوم الدكتور عبدالرحمن الخضر .. وقصيدة
Author: بشرى مبارك ود السقاى
Date: 05-05-2014, 01:04 AM
طفحت فى الاونه الاخيرة العديد من القضايا والتى تدور معظمها فى ( أكل المال العام والاستيلاء عليه بطرق غير قانوية ) ولكن المصيبة تبقى فى المعالجات الفطيرة التى يقوم بها نظام الانقاذ من شاكلة ( التحلل من الاموال ) والعفو على اللصوص دون تقديمهم الى محاكمة أو أى تحقيق قضائى أو نيابى أو مجرد فتح بلاغ !!!! رأيت أن أوثق لحادثه موظفين مكتب والى الخرطوم الدكتور عبدالرحمن الخضر والذين نهبوا عن طريق تزوير الاختام والخطابات الرسمية لوزارة التخطيط العمرابى فحصلو على العديد من الاراضى والامتيازات قُدرت بمبلغ 960 مليار جنية سودانى المليار ينطح المليار رأيت أن أوثق بهذه القصيدة وقد قلت فيها :
أسرقنى وتحلل ....... وبالدموع اتبلل
زوّر الاختام ... وفى الرئيس ما تسأل
إنت كاسر قيدو ..... إنت أصلو مُبجّل
الغف المليار .... المليار إنت بس ادلل
الوالى نايم نووووم .... همو بس تحلل
لو شلت كم مليار .... أبقى بس أستهبل
لا بلاغ لا شهود .... والوزير لو مسّكل
إنت حر مطلوق ....... والخلوق تتحوقل
ما بخاف من غُل ... يشيل عمارة بمشتل
وينو داك إسلامك !؟؟ والناس بتاكل حنطل
وإنت بالمليار ..... ليك الجموووع تتوسل
فى زمن غابر .. .. يا ربى كيف نستحمل
فى زمن غابر ..... يا ربى كيف نستحمل
|
Post: #2
Title: Re: أسرقنى وتحلل......... وموظفين مكتب والى الخرطوم الدكتور عبدالرحمن الخضر .. وقصيدة
Author: munswor almophtah
Date: 05-05-2014, 02:07 AM
Parent: #1
أسرقنى وتحلل
|
Post: #3
Title: Re: أسرقنى وتحلل......... وموظفين مكتب والى الخرطوم الدكتور عبدالرحمن الخضر .. وقصيدة
Author: بشرى مبارك ود السقاى
Date: 05-05-2014, 10:05 AM
Parent: #2
يا منصور المفتاح سلام ، ما تساعد البوست بى مسدار على نفس المنوال ، لعلك تشجع الاخرين على التواجد والاندياح ولك ودى الذى تعهد ومن بيرمنجهام سلام .
|
|