في انجاز رائع.. وزارة الصحة توقف استيراد عسل يحوي منشطات جنسيه ولا تجامل في صحة المواطن

Quote: أعلنت وزارة الصحة الاتحادية عن إغلاق ملف العسل الملكي الذي احتوى على منشطات جنسية، وكشف مدير الإدارة العامة لصحة البيئة صلاح المبارك أن الوزارة حسمت العسل المنشط جنسياً والذي أدخلتة الشركة الموردة له بأنه غذاء مكمل لكن التحاليل أثبتت أنه يحتوي على منشطات، جازماً بأن الوزارة تتشدد في دخول الأغذية للبلاد بصرامة ولا تجامل في صحة المواطن، صحيفة الجريده

يا وزير الصحة الحساده ليك شنو !!!
خلي الناس بعد تتخدر من سفن نافع تكمل نشاطاتها الجنسيه
بالانجاز الرائع دا كده انت شايت ضفاري ضد مصالح ناس فاطنه شاش
عجبي .. ناس تخدر في الشعب وناس عايزة تديهو دفره يا ربي الكوز الوراء الصفقة منو تبع ناس نافع

الحكاية شنو يا الدسيس الجماعة ديل ما دايرين الناس دي تفرح أصلو




العسل الملكي دي يباع منذ اكثر من خمسة سنوات في الصيدليات الجد شنو عليهو

واحد عندو قفص دجاج خاتي معاهم ديك.
مشي اشتري ليهو ديك تاني عشان البيض اكون كثير
بعد فترة لاحظ البيض الزمان وقت الديك كان واحد اختفي
مشي للديك القديم وقال ليهو: انا جبت ليك ديك عشان اساعدك والبيض اكون كثير شنو الحكاية البيض اختفي خالص ؟؟؟
رد الديك : عايزة الصراحه و ل الكذب الديك الجبتو لي احلي من كل الدجاج.

يا جماعه مفروض اكون هنالك تنسيق بين شحنات المخدرات المعاها فياغرا والعسل الفيهو منشطات جنسيه عشان ما تتضارب المصالح بتاعتكم
الي اكون حكاية العسل وهمه عشان تغطو بيها عملية تانية لو كانت وهمه تكونو خطيريين

Quote: الحكاية شنو يا الدسيس الجماعة ديل ما دايرين الناس دي تفرح أصلو العسل الملكي دي يباع منذ اكثر من خمسة سنوات في الصيدليات الجد شنو عليهو

سامي يا حبيبنا اخبارك
الجماعه شغالين ما تفرح الي بامر منهم
تقوم وتقعد علي كيفم شايف التحكم كيف في الشعب حتي العسل الشغال ليهو سنين وقفوهو
يقال ان القرار كان قبل الشحنه بتاعت المخدرات المعاها الفياغرا ودواوين الحكومة ورقيه ما لقت البثبتو تمشيا مع الاحداث وقف العسل والفياغرا اتكشفت والضايع المستورد وليس المستهلك
تحياتي وتقديري

حمدلا بالسلامة يا صاحب
كويس برضو رغم الشك انها قد تكون حرب اقتصادية بين اتنين واحد منهم واصل اكتر من التاني
يلا بعد ده حاربو كريمات تفتيح البشرة والاعشاب وووووو
وساهلة جدا
اتبعوا دعايات القنوات السودانية فيها ارقام التلفونات ووصف المحل

هذه جعجعة فالشعب يعاني من آثار فايروس حكم طويل المدى مارسته الجماعة وما أنفكت يفكهم الشديد القوي عكس الهوا ليهووا في مكان سحيق جممممبلغ.
المسألة تتعدى الحسادة فالعملية تتطلب لياقة وطاقة وراحة بال كل ده معدوم في كثير من السودانيين في هذا الزمان فالناس في عمومياتها بقت زي إبل الرحيل شايله السقا وعطشانه الراجل والمرا منكدين على بعض ، الرجل يلهث وراء الحياة ويحاول وكثيراً ما يتكس راجع ويفشل والمرأة تزهج من كثرة الوعود والتتكيس الراجع لأنه في الغالب الأعم ليست كل صاده لاعبه.
فلا عسل ينفع ولا فيجرا تشفع وفي الأساس الناس في بلدي ليسوا بحاجة إلى هذه الدفره والقومه ليك يا وطني رغم المصائب والإحن.
سؤال غير برئ
هل هذه هي الحته الوحيدة التي تهتم الوزارة فيها بصحة المواطن

شكرا يا الدسيس والله فرحتنا بالخبر الطيب ده ...

طبعا بعد ده ما حايلقوا اطفال مرمين فى الشوارع والكوش واكيد حا يقفلوا المايقوما
ويحولوها لمشروع كيزانى استثمارى ...

Quote: حمدلا بالسلامة يا صاحب كويس برضو رغم الشك انها قد تكون حرب اقتصادية بين اتنين واحد منهم واصل اكتر من التاني يلا بعد ده حاربو كريمات تفتيح البشرة والاعشاب وووووو وساهلة جدا اتبعوا دعايات القنوات السودانية فيها ارقام التلفونات ووصف المحل

شيخ العرب سلام
حبابك ودابوسن
شكلة الجماعات المنتفعه بطلع البلاوي
ناس التلفزيون في الشريط الدعائي البتابعو إقول مشكلة الامراض في السودان اتحلت اغرب دعايه عندهم كريم بعالج الصلعه وعلاج اشيل الشيب اما الضعف الجنسي والسكري والضغط جابو اجلو زمااااان
في عهد حكومة الدجل والكذب الايقاع بقي ماشي الكل عايز اكذب
تحياتي وتقدير

يا ركس .... سلام
شفت ناس الحكومه ديل اولاد لذينا كيف ؟؟؟؟
هم خايفين المنشطات دي .. لو انتشرت بين العامه ...
يقوم الشعب دا يصحصح كده ويفنجل وبعدين يطلعوا ليك مظاهرات هادره ..
فقالوا احسن نخليهم نايمين خاملين ... ولا وجع الراس ....

Quote: هذه جعجعة فالشعب يعاني من آثار فايروس حكم طويل المدى مارسته الجماعة وما أنفكت يفكهم الشديد القوي عكس الهوا ليهووا في مكان سحيق جممممبلغ. المسألة تتعدى الحسادة فالعملية تتطلب لياقة وطاقة وراحة بال كل ده معدوم في كثير من السودانيين في هذا الزمان فالناس في عمومياتها بقت زي إبل الرحيل شايله السقا وعطشانه الراجل والمرا منكدين على بعض ، الرجل يلهث وراء الحياة ويحاول وكثيراً ما يتكس راجع ويفشل والمرأة تزهج من كثرة الوعود والتتكيس الراجع لأنه في الغالب الأعم ليست كل صاده لاعبه. فلا عسل ينفع ولا فيجرا تشفع وفي الأساس الناس في بلدي ليسوا بحاجة إلى هذه الدفره والقومه ليك يا وطني رغم المصائب والإحن. سؤال غير برئ هل هذه هي الحته الوحيدة التي تهتم الوزارة فيها بصحة المواطن

حبيبنا almulaomar سلام وتحية
فعلا البلد الحال فيها يغني عن السؤال
اهم شيء في الخبر الصحفي وزارة الصحة يهمها صحة المواطنيين ...بلد لو ما عندك قروش ما تتعالج فيها اتملت مستشفيات خاصة ...برضو اهمهم صحة المواطن
غايتو غلبنا حيلة ،،،
تحياتي وتقديري

الأخ عباس الدسيس بعد السلام
الحيكومة مشكورة قبضت المخدرات وهي أصلها مخضرات تخضِّر حياة الشعب البقت ناشفة. والشركة المستوردة فص ملح وذاب. وهسع منعوا عسل الملكات الليهو 5 سنين شغال تنشيط في الشعب النائم...
الحيكومة مهتمة بصحة المواطن الغلبان وضد بهجة الإنسان النديان...
أها الحيكومة قصّرت معاكو؟ كو ما قصرت .. يعني إنتو بتعرفوا أكتر من الحيكومة يا ركس؟
تحياتي.

كبـّاشي الصـّـافي
(العوج راي والعديل راي)

Quote: شكرا يا الدسيس والله فرحتنا بالخبر الطيب ده ... طبعا بعد ده ما حايلقوا اطفال مرمين فى الشوارع والكوش واكيد حا يقفلوا المايقوما ويحولوها لمشروع كيزانى استثمارى ...

نوري يا رفيق المشاوير اخبارك يا حبيبنا
الفياغرا اتقبضت والعسل وقف سمعته نكتت القاضي
بعد كده نوم من المغرب
وموظفين المايقوما اشوفو ليهم شغله نتانية سابقه تاريخيه لحكومة البشير صالح عام بدون خصخصه
تحياتي يا حبيبنا

Quote: يا ركس .... سلام شفت ناس الحكومه ديل اولاد لذينا كيف ؟؟؟؟ هم خايفين المنشطات دي .. لو انتشرت بين العامه ... يقوم الشعب دا يصحصح كده ويفنجل وبعدين يطلعوا ليك مظاهرات هادره .. فقالوا احسن نخليهم نايمين خاملين ... ولا وجع الراس ....

مجيدو يا وجيه اخبارك
ياخ اولاد لذينا ساكت فاتو الذين هم ذاتم
اخيرا فكرو ما امنحو الشعب أي طاقه ربما تخزن لاغراض اخري
بالله تخيل زول عذابي ضرب العسل اعمل شنو غير كلامك القلتو فوق
حسبوها كويس اعتقد الفكرة بتاعت ايقاف العسل جات من اللمبي
تحياتي وتقديري

سلام

Quote: وكشف مدير الإدارة العامة لصحة البيئة صلاح المبارك أن الوزارة حسمت العسل المنشط جنسياً والذي أدخلتة الشركة الموردة له بأنه غذاء مكمل لكن التحاليل أثبتت أنه يحتوي على منشطات

المهم انها خطوة صحيحة ....حتى و لو جاءت من الزول الغلط .........

Quote: الأخ عباس الدسيس بعد السلام الحيكومة مشكورة قبضت المخدرات وهي أصلها مخضرات تخضِّر حياة الشعب البقت ناشفة. والشركة المستوردة فص ملح وذاب. وهسع منعوا عسل الملكات الليهو 5 سنين شغال تنشيط في الشعب النائم... الحيكومة مهتمة بصحة المواطن الغلبان وضد بهجة الإنسان النديان... أها الحيكومة قصّرت معاكو؟ كو ما قصرت .. يعني إنتو بتعرفوا أكتر من الحيكومة يا ركس؟ تحياتي.

كباشي سلام يا حبيبنا
الحيكومه هي ست المعرفه في التنويم والتخدير يا حبيبنا
احيانا لو خلوك نايم احسن ليك ... وهم اكونو صاحيين لو ربنا كان راضي عليهم كان نامو والشعب صحي .... نوم الظالم عبادة...
ربنا ما قاسم ليهم أي نوع من العبادة حتي ولو بالنوم
تحياتي الصافي

Quote: المهم انها خطوة صحيحة ....حتى و لو جاءت من الزول الغلط .........

مدثر صديق مرحب يا شيخنا
خمسة سنين معاك يا زينة الأيام
يا نوّارة الحلوين مرّت حِلوة زي أنسام
وزي أحلام صبيّة نديّة، زي ياسمين
وزي لهفة بعيد مشتاق
يلاقي أحبّته الغايبن
خمسة سنين

صحيحه بعد خمسة سنين التحاليل عملوها وين اخذت خمسة سنين ثم بعد ذلك القرار بايقافها ... عجائب
تحياتي

سلامات يا عباس.

طيب أخبار الجرجير شنو، منعوهو برضو ولا لسه؟

Quote: طيب أخبار الجرجير شنو، منعوهو برضو ولا لسه؟

والزنجبيل ؟؟ أقصد الجنزبيل ،
جاء في أحد كتب الأعراب ،
عن الزنجبيل ...
"أما مع فستق العبيد" وهو ،
لعلم القوميين العرب والبعثيين والناصريين ،
فإنه الفول السوداني ،
"أما مع فستق العبيد" فإنه عجب !!

تحياتي

Quote: سلامات يا عباس. طيب أخبار الجرجير شنو، منعوهو برضو ولا لسه؟

دينق ياوجيه اخبارك
انت في الجرجير و ل البصل بقي مافي خالص عايزين الناس تكون نظرا ضعيف ما تشوف الحاصل
تحياتي يا حبيبنا

Quote: الفول السوداني

سلام dardiri satti
الفول السوداني قالو بقتل الحيل اما خلطو مع الزنجبيل ليهو مفعول تاني جديده علينا
خلطات زي دي ما تصرح بيها بكره بتلقاها في شريط قناة النيل الازرق والصيدليات
لو ما وجدت دعم من كوز 5 سنين بتلقاها وقفت
تحياتي

عباس كيفنك
ازيك ... تاني إلا دفه .. بس قالك الماليزي وصل

Quote: يلا بعد ده حاربو كريمات تفتيح البشرة والاعشاب وووووو

ابو سن
ابر النفخ شي ورك وشي صدر كيفن العمل

Quote: عباس كيفنك ازيك ... تاني لا دفه بس قالك الماليزي وصل

عادل سلام يا وجيه
الناس مشت مرحلة الدميه الصينيه وجماعتنا عاصرين الناس مخلنهم افكرو في الماليزي
اخبارك يا حبيبنا

البصل راقد هبطرش زرعناهو وخزناهو في قطاطي القش ، لكن للأسف أسعاره في السوق ضاربه الدلجة ويبدو أن صيفنا سوف لن يكون على كيفنا هذا العام ، من هنا ننفي نفياً قاطعا أي محاولات لزعزعة سوق البصل بعد الحصل ، فالبصل راقد بكميات كبيرة بس البصل براهو ما بسوي الملاح فساعدوهو بي جكه أو هرولة أثابكم الله.
أما الجرجير فربما تكون فعاليته قلت لأسباب يأتي في مقدمتها الإستعاضة بالأسمدة العضوية بسماد كيميكال يعني غذاء غير صحي على شاكلة البيرجر بيفاً كان أم جيكناً أوهوت دوق السيد الرئيس فكلها أشياء فشنك تملأ المعدة وتزيد الوزن وتكثر النتوءات والتعريجات في البطن والصدر والمؤخرة والجضوم بالقدر الذي يصبح فيه الراجل ظل ذي ثلاث شعب.
فات علينا حكاية تلك المدائد التي تملأ الساحات أكشاكها والتي يعتبر مفعولها سريع وفتاك على رواية الراوي ومن أشهرها تلك المديدة التي قال فيها البائع مستحثاً ومستفزاً الناس الحايمة المديدة الشديدة من الكوره للماسورة أو الأباجورة ما عارف بحسب توارد الروايات في شأن المدايد.
النظام الحاكم يبدو أنه كفر بالكثير من الثوابت ولم يعد يرغب في أن يباهي بنا الأمم من حيث التعداد فأباد الكثير من القرى وهجر الكثير من القبائل قسراً وهاهو ذا يحارب الناس في عناقريبها وإتيان نساؤهم لا أنى شاؤوا ولكن عند اللزوم وذلك أضعف الإيمان.
الحسد هو تمني زوال النعمة الوحيدة التي يمتلكها الناس في بلادي وكان من اللائق أن تغبطنا الحكومة على ما آتنا الله من قوة أو نشاط أو فورة أو فحولة لكن أن تتسلح هي بكل هذه الكونتينرز المليئة عن بكرة أبيها بمنشطات وينكشف أمرها أمام الملأ فهذا مجرد إنذار لهم والقادم أصعب وأتعس.
سيادة الرئيس إنت وأعضاء حكومتك المبجلين إن شاء الله ما تنفعكم