تماثيل،واواني ،من الذهب الخالص بكميات مهولة بحلتنا...

انا كنت غائبا،سفري السرمدي الذي لا ينقطع، وصلت القرية بعد صلاة العشاء،كانت غارقة في العتمة ،الكهرباء كانت مقطوعة،ولكن حمدا للرب ،كان هناك نسيم عليل.
طايبت امي واخواتي ومن تيسر، قاموا لصنع العشاء ،اخبرتهم اني قد اكلت فولا بزيت سمسم في مسيد ود عيسي،كان بي شوق لذلك،اكلت بمتعة وسعادة،ذلك ان نسيم دعاش الخريف كان هابا،جوا لطيفا وحبيب.
ورغم تعب رحلة طيران معلقا في الجو،قريبا من السماء،مسار واحد كان ستة عشر ساعة،خمس ساعات اخري ،ثم خمس اخر،اكثر من يوم طيران،ونصفه انتظارا في المطارات،،رغم كل ذلك،كنت في اتم اليقظة والنشاط..
في اخر الليل،اويت الي الديوان ،كان ود النويري في الانتظار،السرائر في براحه ،تهبب ملاءتها. كان واضحا ان هناك امرا مخبا ،امرا اكبر من ان يستطيع حجبه..
- قال لي ما اظنك عرفته.
كنت واثقا من النظرات والهمهمات بين امي واخواتي وزوجة اخي ان هناك امرا ما,
- الجماعة لقو الكنز،تماثيل ومنحوتات واواني ومشغولات وعدة من الذهب،ذهب خالص ،تفوق حمولة الكنتر ده،ذهب ما انزل الله به من سلطان..
قلت ان ودالنويري لا بد قد دروش،هذه السبحة والاوراد مع فلس دائم تدروش بولي دع عنك صديقي المسيكين ود النويري..
قلت اجاريه..
الجماعة منن.
- قال لي صاحبك ود جريفات..
وعباس صديقي ود جريفات ،هو والد زوجة محمد اخي.
في تلك اللحظة ظهر محمد في فناء حوش الديوان..
قال محمد،،
- ااي صاح،،الكنتر ده ما شالو،،تماثيل دهب عجيبة.....
وتلخبت في الكلام....
اتم لكم القصة الواقعية،،،تابعوا.

سلام وتحايا ومتابعة

يا راجل ده كلام تقطع القصة بعد التشويق !

الان اتيقن مما ظل يردده ابي كل ان وحين...
- الحلة دي راقده فوق كنوز لحضارات قديمة عجيبة ..عاصمة لممالك موغلة في القدم،وضاربة بجذورها في دهور قديمة .
انا نفسي كنت دائما في شك مستمر،ان احشاء جوف حلتنا بها امر غير معتاد،تؤكد ذلك برم وبخس مستفة ذهبا ،تخرج قصة يتداولها السمار وينفيها المحظوظون،وتؤكدها قرائن وشواهد يراها كل حصيف..
ثم لماذا كان قد جاء هؤلاء الخواويج الالمان،عسكروا بالياتهم العجيبة امام القرية،،شهور عدة صنعوا حفرة ضخمة،،مساحتها ميل مربع،عميقة وغامضة،لماذا كانوا ودودين كرماء،يوزعون العطايا والهبات،ثم لماذا تركو كثيرا من اشيائهم ورحلو ذات مساء...
ما سر الغرباء الذين يداورون يملاؤون الجهة...
الان عرفت السر الذي جعل الخواجة البولندي يعرض علينا ذلك المبلغ الخرافي لنؤجر لشركته ارضا قدام الحلة...
بحلتنا سر نجهله...
ناداني ود النويري
- شوف يازول ما حتصدق لمن تشوف،حتي الان الامر محصور في نطاق ضيق،،عباس في انتظارك،،كل يوم تخرج التماثيل والتحف الذهبية الخالصة بصورة مذهلة،،بكره بتشوف براك...
بس اركز.
- ااي اركز،،،الامر عجيب...
نواصل الواقعة الحقيقية...

نمت ام لم انم ،،والله لم ادري...
كنت طوال ماتبقي من الليل تطارد في موميات من ذهب،تماثيل لالهة ،ملكات وثعابين ،ويصل الحلي في اذني حتي خشيت الصمم،،سمعت منادي الصلاة الاول،،يرفعه حسن،الارق الذي لا ينام،اكثر من ساعة من تباشير الفجر،،فتحت عيني،،نظرت فاذا عباس بطوله امامي..
تسالمنا،،ليس كثيرا كما اعتدنا،كان مجهدا وقلقا،،،قال قم،،،وتبعته...
اعذر كل من يظن في ما اقول الاساطير،،ولكني هاانذا الباحث عن الحقيقة والحق،الجوال في الافاق،من ادمن قراءة الالواح والمدونات القديمة،من داور في متاحف لا تحصي،رايت خوارق البيرني بموزمبيق،كجور السحرة بملاوي،كهف الانسان الاول،حضارة المايا،ومجد اسلافنا العظام مشوا به من شمال السودان،حتي مصر ،مدنا تحت الارض بسودري،واهرامات بلادي المنهوبة المحجوبة التي لا يضارعها مثال ولا شبيه في عموم الزمن القديم،،.
اقول لكم ياسادتي ،فليصدق من يصدق،ليكذب من يكذب ،ما راته عيناي هاتين زلزلني زلزالا حتي انهم اسندوني...
كنت قد وجدتهم يحرسون الصالون الضخم المبني حديثا ملحق ببرندة واسعة ،وجدت عثمان ودالخدر واخوه الحاج،عثمان كان متسلحا بساطور ضخم،كان هناك عوض الكريم وعثمان اخي،ود عبدالرحيم واربعة اخرين،،،
شلع عباس بطاريته في وسط الصالون بعد ان ادخلني واوصد بابه...
لو قلت لكم الان مارايت،العيون التي تتراقص من الزمرد والزهب والفضة الاوني التماثيل المشغوليلت الخرز الحجول الاقراط الزمام الثعابين الطيور..
كل ذا من ذهب وفضة...
ياقوم ،،كان هذا مارايت تلك الساعة...
ثم انهم سندوني،،خرجت للبرندة فلقد عجزت عن ان اتنفس....
جلست،،،صمت كصمت القبور...
نواصل..

كيف لا يكتب عبد العزيز قصصا مذهلة ، و حلتهم كراماتها لا تنتهى !!!!

ماشاء الله ا ن شالله ما يسمعوا بيكم الهبارين المليارين.

شكرا لاشراكنا في فرحكم

د اماني,,,
شكرا ومرحبا...
يوما ما سترين كل هذا السماح قدامك...
البلد خيرا دافق...
لكن فيها الف سارق..

تاكد اخي صديق من هسع لي و ،بكره السبت اجازة بكملها ليك تب...
بس خليك مسترخي عشان الحكاية عجيبة..
اقول ليك ياحبيب حاجة....
اعجب من عجيبة..
لك الف الف تحية ومراحب.

سلام يانعمات،،،
اصلو المساكين ديل كل مره ممغلبين..
لكن الي متي يتعلم في رؤوس يتامانا الزيانة...
الحكاية دي يانعمات عجيبة خلاص
اعجب من العجب العجاب
خليك معانا يا باهية...

وددت لو انقل لكم عوة ابناء عمومتي علي صفحتي بالفيس..
لكن علي اية حال سبق السيف العذل،،فاهل الحوش هذا ابناء عمومة..
ولابد ما يعرفوا ...
لذلك نقول لهم..

في دغش الصباح البدري اعد الشاي داخل المنزل المؤمن،المحاط من كل جانب بحائط اسمنتي فخيم ،واقف عليه رجال غلاظ شداد...
كان الصمت سيد الموقف...
حين شع ضوء الشمس دخلت وعباس مرة اخري...
ذهلت باكثر مما ذهلت في مرتي الاولي ، لو قيل لي ان البحر غاض ماؤه ماكنت لاذهل هكذا،ذلك ان ما رايت ولامست يفوق الوصف ،وتقصر عنه العبارة...
ايها السادة لن اطيل في وصف...
ولن استجديكم ان تصدقوني..
ساحاول بالصورة ان انزل لكم هذا الذي عجزت عن وصفه وتوصيفه..
وسانقل لكم بكلمات مذهلة ماحدث...تماما،من غير ما لت ولا عجن..

اذا لم يثر عثور ناس حلتنا لمجد اجدادنا الغابر الناس...
فشكلي حا اخبئ سرهم كما ارادو هم...

كل ماحدث بعد ذلك لن يكون متاحا ان يعرفه احد.
وحدها الدائرة الضيقة...
وجميل جدا ،لو ظن الناس،ان هذه الواقعة الحقيقة تنتمي للاساطير..
- اختم -

يا حبيب

قول بسم الله

واحنا ! نمشي وين !
كدي براحة براحة وقع لينا الكلام القلتوا دا أو دخلنا في (الدائرة الضيقة) دي وبعد داك الداير تسويهو سويهو
يعني زي الزول البيخت لي العربية نمرة 4 ويقوم يبطلها (عربات زمان)
لو أساطير أو حقيقة كلامك دا حلو شديد بس تمو لينا ياخ الله يرضى عليك

؟؟؟؟

ليس مواصلة لما قيل....
ولكنه ذكر لما كان قد جري...
يا اسامة ويا عادل....
حسنا،،،سنظل دوما ننتظر الاغراب حتي يخبروننا عن اسرار بلودنا..
كان دوما عندي ذلك الشك،،والقلق الخلاق..وهو اصل بداية خيط ايجاد الحقيقة،تتبعت الخيط فقادني للاكتشافات المذهلة...
في يوم بعيد،،ساقني جدي زروق،لما علم شغفي بالاسرار الخفية،ساقني لاحد فجاجنا،دخلنا حوشا،كانت به شجرة ضخمة،،يتخذها السمبر ماؤي وملاذا في رحلاته المقدسة،،شجرة لا اظن انكم مررت بمثلها من شبيه...
هناك غرفة طينية ،ازاح قفلها..وجدنا مغارة بها مدخل ضيق واحد،يتسع لمرور شخص،ثم بعد حوالي الستة امتار يتسع كسرداب،وجدنا فتحة اخري نزلت بنا الي نفاجات واسعة ومتفرعة في كل الاتجاهات...
لاحظت اثار نحت المعاول في الصخور الصلبة،تقدمنا قليلا ،طرق علي الجدار ،قال لي هاهنا فوقنا،يوجد بيت خالك عتمان،انار البطارية الثانية،فرايت حوالي رحايا طحن الذهب،ومكمن الاحجار الثمينة..
وقفت مشدوها،انتهرني صائحا ما جئت بك لهذا..
ساقني لغرفة بالجدار،بها خزائن مصبوبة ،مؤمنة بباب معدني فخيم،،ادار مغبضه فانفتح،،كانت الخزانة ملاي بالمخطوطات،اخذ واحدة من مكان داخلي ،مجلد مزخرف،،مكتوب عليه بحروف مذهبة،،،
كتاب سر الاسرار،،مخابئ النفائس والاحجار...
اخذت الكتاب بلهفة،،انتزعه مني بقوة...قال...
- لم يحن الوقت بعد...
ثم ساقني،،قال يقودك هذا السرداب الي ام ممالك الزمان القديم...
وخرج بي,,,,
اسامة،،،لا حظ شكل قريتك جيدا ،ستحس صدق ما اقول...
حاشية،،،ستقول انها الخرافة...
حسنا تبدا الحقيقة بخيط...

سلامات عبد العزيز
حضور ومتابعة وماتقطعنا
في الفرقة عليك الله
تسلم

قبل فترة قلت ياخ أنا الزول دا أرجاهو لامن يكمل كلامو تب
والبوست يحتل صفحتين تلاتة لا تحت
أمشي أقراهو كللللللو مرة واحدة
لكن أقعد أساكك فيهو كل يوم زي المسلسل دي صعبة شوية علي
المرة دي إيدي أكلتني على البوست دا، استعجلت

الحقيقة بوستات عبدالعزيز دي عندي ليها تشبيه لو ختيتو هنا يا البوست مشى الخور
يا أنا مشيت الخور
يا كلنا رحنا فيها ..

الله يهون غايتو يا صاحبي، إنت ما مجبور علينا نحن مجبورين عليك

تحياتي مثنى وثلاث ورباع