بت اللميـن!

بت اللمين أو "ويتني هيوستن السودانية"!
أقوى صوت نسائي بين من هن في سنها منذ اعتزال الجسورة حنان النيل
و لأول مرة أستمع لصوت نسائي أبو اللميني الطابع و هي تبدو بصوتها
القوي الجميل و كأنها بالفعل قطعة من ضلع أبو اللمين، و أجزم بأنها
الأنثى السودانية الوحيدة بين المغنيات التي في مقدورها أن تتغنى
بأغنيات الباشكاتب بإجادة و جدارة و إمتااااع! كل أغنيات محمد الأمين!
محزن أن نفقد هذا الصوت و الأداء القوي.. يا له من فقد، و أتمنى أن
تعود... عودي يا عافية عودي.

معز سلامات
حقيقة عافية فقد كبير
للساحة الفنية التي اصبحت
تعج بكل هابط واصبح مقياس
الغناء الوجه والحناء والكريمات
عودي ياعافية فالفن يحتاج ان
يتعافي
تسلم ياحبيب

مرحبا سليمان
فعلا فنانة حقيقية ظهرت في سماء الفنون ثم عبرت و اختفت مثل النيزك
كان من الممكن أن تصبح نجمة ضمن النجوم البارزة بأعمال فنية تضاف لمكتبة الغناء السوداني.
نظل نتمنى عودتها مجددا!
مودتي و تحياتي لك.

سلام وأشواق المعز

الفنانة عافية حسن جارة اهلي في جبل اولياء حيطة بالحيطة

بوصل ليها مضمون هذا البوست ان شاء الله.

نتمنى ان تعود للساحة الفنية لتشنف اذاننا بصوتها الطروب

المأساة ..انه اعذب صوتين في ذاكرة الغني السوداني ......انسحابا سريعا قبل لن يكملا المشوار ......اسرار بابكر.... وعافية حسن ......بلد منحوسة...!!!!


تاكدت انه البلد دي ما محظوظة ... مثل العافية حسن ...صوت لا يعوض ..
.شوفو التالق كيف .. من اول عمل خاص...وعمل كبير كمان.


عافية حسن - يا حنين






الحلنقي

ياحنين زي عش العصفور

معروش بالنور كلو محبة

ياالشلته حلاة كل الحلوين

مآ سبته وراك زول يتحبه

يا حنين

يا حنين قلبي متين يرتاح

من بحر الريدة وامواجه

والدمعة معاك تصبح شمعة

والزهرة كمان تلبس تاجها

لو سبته العين تتامل فيك

مابتاخد من حسنك حاجة

وعينك للريد فيني مبين

يا حنين

ياحنين بيك الليل ضواء

رقة واحساس طيبة وخوة

ولو تعرف اصل الريد هو

لا سلطة بتحكمو لا قوة

وآه منو الريد لما يصيبك

يتغلغل في الاعماق جوة

ياحنين

يا حنين لما تسيبني تروح

تروح الدنيا معاك تصبح آهة

تبقي الايام غير الايام

والبهجة بتفقد معناها

انا ليك بتقطر حنية

بتمني بسيمتك القاها

القاها متين انا عارفة.
يا حنين

عمدة يا عمدة
يا أيها الرجل الثروة
مشتاق كتير و الله و مترقب جديدك فإذا بك تفتح كوة الأمل هذه.. من غيرك!
و بالمناسبة دي وين "كوة"؟ ههههه
على كدا يانا العنقدنا فيك، لأني طرحت البوست دا و بي شئ من اليأس
نأمل أن تكلل مساعيك و تعود هذه العافية حسنة الصوت.
بعدين تعازي ياخ في النجم الفذ ماجد أبو جنزير، دعواتنا ليهو و تعازينا
لأسرته و لأهل السودان أجمعين.
شرفت يا عمدة، ونثرت العافية..
مودتي،
سأعود

المعز سلامات جد فنانة ممن طراز نادر

سلامات معز

علمت انه الفنانة عافية حسن مستقرة حاليا مع زوجها في السعودية وانجبت طفلة جميلة (اصال)

سيصلها مضمون هذا البوست ان شاء الله ولم اتحصل على معلومات أكيدة بخصوص اعتزالها

للفن حيث تضاربت المعلومات ..

ربنا يرحم الكابتن ماجد ويكرم وفادته ويجعل الجنة منقلبه ومثواه

بالنسبة للكابتن كوة موجود حاليا في الامارات بجيك راجع ليهو بصور حديثة

لازال يحدونا الامل في عودة عافية حسن لانها صوت لايتكرر

والعودة لمتين ..

أسف يا شباب على الغياب الإضطراري
عوض عمر تحياتي و شكرا على القصيدة الخفيفة و اللحن الخفيف الجميل
.
و يا باسط سلامات و شكر على الدعم و التذوق

يا عمدة تحيات، هل نحتاج لنقل البوست عند الأرشفة؟
أتوقع أن تثمر وعودك كالعادة

معذرة جميعا فأنا مقيد بنظام كوتات بكري!
إلي حين عودة
مودتي لثلاثتكما،
معز

سلامات عزنا

دوما المراة السودانية ذات نفس قصير في مجال الفن والموهوبة عافية شانها شان الاخريات

نتمني سريع عودتها لانها صاحبة صوت عذب