غنـــــاء بديع كما ينبغى، بلاى رأيكم شنو؟؟

يا لهذا الغناء الذى قلما يجود به الشباب فى هذه الأيام.
و هذه الأغنية على وجه التحديد، لم يتغنى بها أحدٌ من قبل إلا و سقط فى فخ الصراخ و اضطراب المخارج. فالتجانى سيظل نجماً عصى يسبح فى أفلاك غير مطروقة.
لأحبابٍ لهم فى النفس حبٌ لا تصفه الكلمات أهدى هذه الأغنية.



لم أكتب بوست فى سودابيز لأكثر من عام، لكنى أحب أن أشرككم السماع و الطرب.

و ما يجى زول من ناسنا يقول لى ده الله قدرك عليه؟ LoooooL

ياسلام عليك يا اباذر

اختيار جميييييييييييييييييييييييييل

واصوات اجمل ...... لي يومين

امشي واجي تاني راجع

خاصة الصباح واسحار الجمال

زيدنا زادك الله جمالا

تحاياي

Quote: ياسلام عليك يا اباذر اختيار جميييييييييييييييييييييييييل واصوات اجمل ...... لي يومين امشي واجي تاني راجع خاصة الصباح واسحار الجمال زيدنا زادك الله جمالا تحاياي

العزيز هارون دياب تحياتى و مودتى التى تعلم و زيادة.

أما عن الجمال سيدي، فهو توهج الدواخل الناصعة و انعكاسها من على الأشياء ( حقٌ عاد إلى أهله، أى أهل الجمال).
من به جمالٌ، صنيع بتحسس الجمال. تأخذنى هذه الأغنيات إلى عوالم من طرب بلا حدود مدركة ( الزول ده مبالغة).

و هنيئاً لك متعة الاستماع.

مودتى و بلا حدود.

من (عبقريٍّ)
بتشديد الياء مع الكسرة
ولكن ولدنا غناي

الزول ده مش في عقد الجلاد ؟

سلام يا أستاذي العزيز، مشتاقين ياخ و شيكاغو مشتاقة ليك ياخ طولت الغيبة.

على العموم فى دعوة مفتوحة ليك متى ما ظرفك يسمح قولي عووك.

كلمتك فى الراجل ده شهادة ليهو، و حقاً هكذا يجب أن يكون الغناء.

أما بخصوص (من عبقري الرباب). فأعتقد أنو اسم منقوص تقدر عليه علامة الكسرة ( تنطق كما نطقها هاني و الناس التانية كلها غلط). و الله أعلم . منتظرين لحدى ما يجو أهل اللغة.
أنا حي الله بتاع رياضيات ساى و معلومات متواضعة.

مودتى التى تعلم.

خالد تحياتى ياخ، عساك طيب.

نعم هو بعينه، عضو عقد المواهب و الإبداع. بس أن شاء الله الغناء عجبك؟ لأنك ما وريتنا رأيك.

مودتى..

و الله يا أبا ذر أنا في المكتب و غالباً ما بقدر أسمع غناء لكن الزول ده زول مميز في عقد الجلاد و صوتو مبالغة

تسلم يا خالد ياخ، أنا بحب عقد الجلاد جداً. لكن يبدو أن الفرقة عندها لوائح داخلية صرامة تحد من إنتاج أفرادها الخاص.

نفس الشئ البنطبق على هاني نجده ينطبق على زولو، فصوته مميز جداً. لكن لا يستطيع أن يغنى خارج إطار الفرقة.

لكن برضو سعداء بهذه النفحات، هنا و هناك و على قلتها.

و عشان الناس تشوف الفرق بين الغناء جيد و الغناء الغير، بهدى المقطع ده فقط لعمل المقارنة.


و تحياتى يا عزيزي و يسلم ذوقك.

http://www.youtube.com/watch?v=ZJhDuZqY5hE

يا سلاااام ياخ
دا زول غناي جداً
لحدي الآن سمعت غنية عبدالرحمن الريح دي
أسحار الجمال
روعة وأداء مبالغ فيه
صوتو يطلع وينزل كما يجب

بكرة بسمع واحدة وبعد بكرة بسمع التالتة

تحياتي مثنى وثلاث ورباع