ترحيب حار بعودة امير الشرق ادروب للمنبر!

ادروب يا الف مركب حقيقة! هلت البشائر!

طبعا ادروب امير للشرق بالانابة، حيث الاميرة المروية لولاية الشرق هي العزيزة امنة مختار، لذا لزم التنويه!

غايتو في شرعتنا او شريعتنا الكوشية، النساء كانن، تاريخيا قوامات علي الرجال، باعتبارن اصل الحضارة ذات نفسها!

بمعني ان اول من خلق رب العزة كبشر، كان امرأة وليس برجل، والكلام ده جديد من الورقة، نتمني نلقي الفرصة نسلط الضو علي هذا الاكتشاف المذهل، المطابق تماما للخط العام لتاريخ ثقافتنا المبجلة حد التقديس لدور المراة عكس بقية ثقافات العالم قاطبة في المهد الشمالي!

عايشت عن قرب مسيرة ادروب في هذا الفضاء في عصر خطاب البديل الذهبي في هذا الفضاء، والتحول الذي حدث له بالتدريج.

السلطان الكوشي بشاشا
شكرا علي الترحيب
أخوك جاء طالع من كهفه غصبا عنه, حالة تجاذب عجيبة بين عالم التصوف والسجال الفكري...
كنت شاهد من بعيد لكل سجالاتكم, أحيانا أفرح لقدراتك الفائقة يا بشاشا, وأنت تصارع لوحدك في الميدان
وأحزن أخري لحال الصراع بين أصحاب الخندق الواحد
كنت أظن أن المبادئ ثابتة والمواقف تتبدل, لأن التكتيكات وظروف الحال أحيانا تتطلب ذلك
في ظني هناك سوء تفاهم...
يا ريت يدخل البوست ده محمد سليمان ونقدر نعمل حاجة, علي الأقل من ناحية أنا برضو مهمش ونفهم تكتيكات بعض!

شكرا مرة أخري الحبيب بشاشا

Quote: غايتو في شرعتنا او شريعتنا الكوشية، النساء كانن، تاريخيا قوامات علي الرجال، باعتبارن اصل الحضارة ذات نفسها!

شوف نضالك وحربك علي العنصرية وابعد عن الدين كلامك ده خالف القران الكريم قال الله تعالي (( الرجال قوامون على النساء بما فضل الله بعضهم على بعض وبما أنفقوا من أموالهم فالصالحات قانتات حافظات للغيب بما حفظ الله واللاتي تخافون نشوزهن فعظوهن واهجروهن في المضاجع واضربوهن فإن أطعنكم فلا تبغوا عليهن سبيلا إن الله كان عليا كبيرا ( 34 ) )

-----------
ادروب حمدلله علي سلامتك

Quote: غايتو في شرعتنا او شريعتنا الكوشية، النساء كانن، تاريخيا قوامات علي الرجال، باعتبارن اصل الحضارة ذات نفسها!

شوف نضالك وحربك علي العنصرية وابعد عن الدين كلامك ده خالف القران الكريم قال الله تعالي (( الرجال قوامون على النساء بما فضل الله بعضهم على بعض وبما أنفقوا من أموالهم فالصالحات قانتات حافظات للغيب بما حفظ الله واللاتي تخافون نشوزهن فعظوهن واهجروهن في المضاجع واضربوهن فإن أطعنكم فلا تبغوا عليهن سبيلا إن الله كان عليا كبيرا ( 34 ) )

-----------
ادروب حمدلله علي سلامتك

Quote: كنت شاهد من بعيد لكل سجالاتكم, أحيانا أفرح لقدراتك الفائقة يا بشاشا, وأنت تصارع لوحدك في الميدان وأحزن أخري لحال الصراع بين أصحاب الخندق الواحد

العزيز ادروب بركة بالطلة.

نعم الصراع بالاسلحة البيضاء ما بين رفاق الماضي، قطع شك مؤلم والاهم مكلف، ولكن فلابد مما ليس منه بد، والحدود الفاصلة هي، تبقي عندنا مبدأئية، ولاخير فينا ان لم نقلها، ولو علي انفسنا.

اذكرت ايام سجالك انتا او منعم سليمان، وان كان هادي او عدا بي هدوء.

مايحدث في الجنوب يفرض علينا، نديها صنة، الي الخلف خطوة، عشان نحتفظ بي مسافة نقدية معقولة من المؤسسات الحايما بي شعاراتنا كقوي بديل، كالجبهة الثورية، اللي واضح انها نمر من ورق من حيث البنية التنظيمية لغياب المؤسسية، الناجمة بدور عن غياب الدور الرقابي الفاعل، من قبل قواعد وناخبي قوي البديل اللي هم امثالنا في هذا الفضاء.

غايتو من قمت او جيت، اخوك عازف صولو، منذ ايام مقهي النشاط، زي عمنا داااك بتاع صينية الاتحاد الاشتراكي في شارع الجامعة!

كنتا عادي ببدأ يومي بالجمهوريين، مرورا بالكيزان، اختما بالشيوعيين، لمن ربتا لي سنة كاملة في الجامعة، من دك المحاضرات والتسيب الاكاديمي!

يازول وحاتك كراس زي زملاي ما كان عندي، او ما ماعارف اتخرجتا زاتو كيف من الجامعة!

نفس الشي في العالي، بنهاية سنة اولي تاني ما عتبت كطالب نظامي في الخرطوم القديمة، لدرجة الناظر حلف قال لي في زول بصصك، او لايمكن بي عرقك تدخل جامعة الخرطوم!

اذن اخوك باختيارو هو غفاري هذا الفضاء، يعيش وحده، يصارع وحده، حايم بي كلاشو، فاتح نار من طرف ضد الجميع من دون فرز!

عييييييك!

Quote: شوف نضالك وحربك علي العنصرية وابعد عن الدين كلامك ده خالف القران الكريم قال الله تعالي

محمد المسلمي مرحب بيك،

القران ده نص، فهمك انتا ليهو اجتهاد بشري بشاشا غير ملزم بيهو اطلاقا، فعلي كده وفر باقي كلامك، لانو لايعنينا في شئ اطلاقا!

يكفي فقط الشايفنو قدام عينا في روحنا بلدنا او شعبنا، كنتيجة مباشرة لفهم امثالك لنصوص القران، الذي انجب افسد وافسق مجتمع عرفه السودان في تاريخو كلو بخلاف عصر تتر الترك اي عصر الخلافة في ادبيات امثالك!

اذن القوامة من نوع الرجال او الذكور، علي نوع الاناث او النساء، لو حدثت في مرحلة تاريخية بعينها، ومجتمع بشري بعينه، له خصائص محددة ميزت العلاقة بين النوعين، فهذا الاجتهاد، من قبلك او من قبل مفسري الثقافة العربية، كان لذاك العصر، ووفق مرجعية تلك الثقافة المحددة في ذاك الزمان والمكان المحددين، المختلفة عن ثقافتي انا الكوشية، وواقع العلاقة بين النوعين في مجتمعي انا الكوشي المختلفة اختلاف جذري عن مجتمع الثقافة العربية!

اذن فهم ومرجعية القرن السابع والثقافة العربية، غير ملزمة لشخصي، واجتهاد بشر مثلي ينتمون لثقافة غير ثقافتي وعصر غير عصري، ليس بقران اخر مواز، وانما اجتهاد والسلام غير ملزم لي اطلاقا!

وقع ليك؟

نجي لي حتة ابعد من الدين:

اها براااك جبت ضقلا، يلولح!

الدين ده يبعدو منو كيف مثلا؟ ولكن وفق مرجعيتك كمستلب ثقافة عربية، فهمك للدين، مادي، تجثيمي، تجسيمي، وصنمي، يجعل من الدين شئ، كما الاشجار او الاحجار، يمكن ابعاده او تقريبو كاي قطعة اثاث منزلي!

او لانو ده فهمك لي مفهوم دين، فلا وجود للدين في حياة امثالك من بني كوز، الا كنصوص، طقوس، او ورجغة نظرية، في بطون الكتب، كما الادب، او فن الطبخ، وماشابه!

اما بالنسبة لي مرجعية بشاشا، فالدين زي ماقال ترباس، ياهو الهوا، البنتفسو، عشان الواحد يفضل حي، او بالتالي لايمكن نبعدو، او نقربو!

نعم مافي "شئ" في حياة بشاشا، ووفق مرجعية ثقافة بشاشا الكوشية ما دين!

ختينا مفردة "شئ" بين قوسين، لان هذا من المجاز اللغوي لنتمكن من مخاطبة امثالك الما بفهمو الا هذه اللغة الصنمية المادية!

اذن كلو دين عندنا، بما فيهو الغنا الرقيص، المريسة وماشابه!

صعب جدا الواحد يوصل ليك هذه المعاني دي، وانت من انت كمستلب اسلام ثقافة عربية!!

ده ماتنظير ولاتاريخ غابر منذ عصر الاهرامات، وانما واقع تفتحتا وترعرت فيه في دنقلا العجوز علي مستوي الممارسة!

قال ابعد الدين قال، وهو الاسلاموي، اللي نموذج دين امثالو هو الدمر نسيج شخصية السوداني المعروفة، الكانت محترمة، او مقدرة، في محيطا الافريقي، بل حتي العربي يا للمفارقة بحق، حيث الدين المعاملة، لا التنظير، والدين السلوك لا النصوص، والدين تربية مش سفسطة، ومفاهيم نظرية، تجريدية، معلقة في الهواء الطلق!

اذن المرة الجاية لما تهم بوعظ امثالنا، تذكر انك كوز، او علي كده اخجل من روحك، دنقر راسك، او براحة فوت لي حالك!

Quote: بمعني ان اول من خلق رب العزة كبشر، كان امرأة وليس برجل،

تشيلو وتقلبنو في معطيات الواقع الراهن :)



تحياتنا لأدروب .. الأمير الشرعي للشرق
ولا عزاء لآمنه ..

مودتي يا بشاشا ..

هلا……هلا…ادروب و ين الجي بيك يا راجل؟!

سقط مبارك و قذافي وعلي عبدالله صالح وورحل عنا ملس زيناوي

وانت غايب؟!

جرت مياه كثيره تحت الجسر وفوق الجسر و بالجنبات…..وانت غايب؟!

حبابك ومنور المنبر…..


وربنا يجبي السلام…...

الفارسة تراجي ليك وحشة
أخوك فعلا كان في إعتزال وما زال, وما جابني إلا الشديد القوي, وعائد لغاية ما أكمل الفترة
شايفك مدرعة أسلحتك وتنيشي في كل إتجاه, يا رب يكون ده من الإحباط فيهم
أنا عارف جسارتك يا تراجي إنت وبشاشا, بس خلو بالكم علي أنفسكم

شكرا لك علي الترحيب

Quote: نعم الصراع بالاسلحة البيضاء ما بين رفاق الماضي، قطع شك مؤلم والاهم مكلف، ولكن فلابد مما ليس منه بد، والحدود الفاصلة هي، تبقي عندنا مبدأئية

نعم كما قلت يا بشاشا الحدود الفاصلة تبقي هي المبدئية, ولكنكما في هذا الخلاف قد ذهبتما أبعد من ذلك ولم تتركوا سبيلا لخط العودة
يا بشاشا ما أعتقد أن هناك منصف يشكك في مواقفك تجاه أبناء الهامش, من هذه الزاوية أعتقد أن محمد سليمان قد أساء الفهم لحد بعيد, وخسر خط دفاع مهم جدا لقضيته
حقيقة منذ مدة ليست بالقصيرة كنت أستغرب من أسلوب محمد سليمان لنصرة قضيته, ومن مواقفه الحادة تجاه الشمال, لدرجة كسب الأعداء وفقدان مناصريه, مما يصب في النهاية في مصلحة النظام
وقد كان يفتح بوستا تلو الآخر بالوعيد للكل, وكنت أتحفظ علي التداخل معه إلا قليلا علي إعتبار قد يكون ذلك رد فعل غير طبيعي نتيجة ما حدث لأهله أو ربما أقاربه في دارفور, مما أفقده الثقة بالكل, ويضرب دون حساب في كل إتجاه
بالطبع من ناحية التكتيك السياسي هذا خطأ فادح, لأنه ليس بوسع قبيلة ولا حتي أقليم واحد ولا أهل الهامش بأجمعهم أن يسيطروا علي زمام الأمور في السودان لوحدهم, وقد كان جون قرنق مؤمن بذلك, وقد أثبت ما يحدث حاليا في الجنوب صدق نظريته
بالفعل إختلفت من قبل مع عبد المنعم سليمان بسبب تصريحاته بالإستحواز علي أجزاء من الشرق كذلك لأن بعض ساكنيها من التكارينة أهل الغرب, وقد أثار ذلك إستغرابي, وأكثر من ذلك أن حركة العدل والمساوة التي كان ينتمي إليها طلبت من جبهة الشرق ترك المفاوضات لها للتفاوض نيابة عنها لأنهم الأقدر علي التفاوض والأكثر كفاءة, وكانت تصرقاتهم تنبئ كأنهم موعودون بحكم السودان, ولا يسعون فقط لإسترداد حقوقهم, مما أفقد حتي بقية أهل الهامش الثقة فيهم!

أما محمد سليمان كنت وحتي اللحظة أعتبره مختلف وأكثر بكثير وعيا وإدراكا لخطورة هذه المواقف, فلن يقبل بالطبع لا الهامش ولا معارضي المركز بإستبدال قبلي بقبلي مهما كان, فهذا أمر مفروغ منه!
كان أجمل شئ فيك يا بشاشا كنت ترفض لوم الضحية في حدة دفاعها عن أهلها علي أساس أنهم أصحاب حارة وأيديهم في النار, وكنت أيضا ترفض أن تحاسب رد الفعل قبل الفعل, ولهذا أرجو تجد لمحمد سليمان عذرا في مواقفه, فلا ينكر احد ما حل بأهلنا الزغاوة, وربما فقد في الحرب أفرادا من عائلته وأقاربه.... اللعنة علي الحرب والعنصرية!

ترحيب خاص بآدروب
و شديد

تحياتي بشاشا

الأعزاء محمد المسلمي والدكتور ود المشرف شكرا لكما علي الترحيب

يا جماعة الحاصل شنو المشكلة في كمبيوتري ولا في بورد بكري
ما الذي يغير لغة الكتابة؟

الباحث الجرئ ثروت شكرا لك
صدقني كنت قايلك في السابق تطرح مواضيعك مدفوعا بآيدلوجية ومواقف مسبقة
ولكن وجدتك ما شاء الله باحث ودقيق في إستنتاجاتك...
أرجو المعذرة علي سوء الفهم!

لا باس عليك
سوء الفهم من جانبنا ايضا قد وقع
و اعتذر عنه بدوري
تحياتي و مرحب بك مرة اخرى

Quote: يا جماعة الحاصل شنو المشكلة في كمبيوتري ولا في بورد بكري ما الذي يغير لغة الكتابة؟

كيبرودك اخوي ادروب ما فيهو عوجة .. العوجات في بورد بكري

الف مراحب بالعودة ادروب
و تشكر بشاشا علي الترحيب و التقدمة بعودة احد اقلام الهامش الي المنبر

يا سلام علي شوفتك يا محمدين
والله أيام ليك الوحشة شديدة كمان
طولت مننا...
كويس برضو نسمع صوتك في راديو دابنقا

شكرا

Quote: تحياتنا لأدروب .. الأمير الشرعي للشرق ولا عزاء لآمنه ..

دكتور المشرف مرحب بيك،

غايتو اميرة الشرق بلامنازع هي امنة مختار، وادروب مبايع لامحالة.

تراجي يا الف مرحب،
بعودة ادروب شوية الواحد مزاجو استعدل بعض الشئ.

اخوي ادروب لك التحية و التقدير مرحب بيك تاني

Quote: يا سلام علي شوفتك يا محمدين والله أيام ليك الوحشة شديدة كمان طولت مننا... كويس برضو نسمع صوتك في راديو دابنقا

و انحنا شوق انو نشوف المنبر يرجع لزمانو داك اللي اشار ليهو بشاشا
و في شوق انو اقرا ليك باسلوبك البحثي الفلسفي للامور و دائمأ
ما أذكر ان غيابك عن المنبر كان بدواعي اكاديمية .. و طالما
الغيبة طالت فأكيد الجاي دسم

ثروت مرحب بيك او مشكور علي المرور.

Quote: و تشكر بشاشا علي الترحيب و التقدمة بعودة احد اقلام الهامش الي المنبر

العزيز محمدين مرحب بيك،

اها بي بركة ادروب شايف الصفحة الاولي ابتدت ترجع زي ما كان زماااان!

أدروب حمداً لله على السلامة
أها إن شاء الله تكون كونت نفسك في هذه المدة الطويلة التي لم نراك فيها، أما إذا سألتم عنا فنحن بحمد الله لا ينقصنا شيء سواء (عدم) رؤياكم الغالية ;)
وأهم حاجة تكون فصلت عيشتك من آمنة وتراجي ;)
الباقي هيِّن ;)
____
وتعالوا هنا إنت وهو، بشاشا وأدروب، الأوصاف المجانية وغير مدفوعة القيمة دي ما بتملو من توزيعها؟
بشاشا ينادي أدروب ب: أمير الشرق
أدروب تشيلو الهاشمية وينادي بشاشا ب: السلطان
وينفح أمرشيرش بلقب الفارسة

__
سأعود ;)

يا و د طيفور قول بسم الله خلى الراجل يقعد خلاص قمنا هو يا داب الناس بتسلم عليهو




بدل التفه دى حقو تغير الاستايل وتجرها صلعه اصله الجو بقى يسخن

الصديق ياسر تيفور مشتاقين
إطمئن إنت مرفوع منك القلم, مهما قلت لست مؤاخذ

الحبيب حمد إسماعيل
شكرا لك علي دفاعك الأخوي

شكرا يا مواطن .وتحياتى للمواطنة بت مختار .شكرا تانى

Quote: طبعا ادروب امير للشرق بالانابة، حيث الاميرة المروية لولاية الشرق هي العزيزة امنة مختار، لذا لزم التنويه!

يابشاشا سلام
الخطبة الطويلة حقتك دي في الرد علي أظن ماكان في داعي ليها
انا شخص متابع لما تكتب وعند غيابك يشهد الله فقدتك وعبرت عن
رأي فيما هو صريح للقران انت ناقده ومحبة كدي قلتة أد يك
النجيضة (:

---------
وبعدين مملكة كوش دي شربت زمان (:

ادروب ابوبكر
عوداً حميداً مستطاب

الأخ أدروب أبوبكر مرحب بك بالبورد ومرحبا بقلمك القوي مرة أخرى.


شكرا بشاشا.

ياسر طيفور يامراحب،
مشكور علي المرور.

Quote: يا و د طيفور قول بسم الله خلى الراجل يقعد خلاص قمنا هو يا داب الناس بتسلم عليهو

حمد اسماعيل مرحب بيك,

اخونا ياسر كده!

ما بديك تب فرقة، او جمبة ترقد عليها خالس!

نعم بفتح نار في الاول او بعد داك، يسووي، سلام!

ادروب
تحياتنا وعودا حميدا
وان شاء الله تكتب لينا عن الصوفية المرة دي


الhouse nigga بشاشا
تحياتنا

وجود ادروب مهم في هذا المنبر، وهو ليس أمير للشرق فقط بل هو أمير للوعي وهذا هو الاهم

نُرحب بعودة أدروب.
قال أمير مملكة كوش الغفاريّ:

Quote: اذن اخوك باختيارو هو غفاري هذا الفضاء، يعيش وحده، يصارع وحده، حايم بي كلاشو، فاتح نار من طرف ضد الجميع من دون فرز! .

ثم قــال:

Quote: بعودة ادروب شوية الواحد مزاجو استعدل بعض الشئ.

.

معاوية عبيد مرحب بيك او كتر خيرك.

Quote: انا شخص متابع لما تكتب وعند غيابك يشهد الله فقدتك وعبرت عن

محمد المسلمي مرحب بيك تاني،

مقدر جدا لي مشاعرك، او مصدق كلامك، او اطلاقا ماتاخد كلامنا بي صورة شخصية، لانو كلامنا ده حدو ساعات الدوام.

بمعني بي نهاية اليوم بالنسبة لينا بنتهي كل شئ، عشان نبدا بكريتو يوم جديد او دواس جديد من الورقة!

الخصومة الفكرية عندنا، تظل خصومة فكرية والسلام، كقاعدة، ولكل قاعدة شواذ طبعا.

ثق تماما، اطلاقا ماعندي شئ شخصي تجاهك.

نعم او ما اظن حتحترمني لو نافقتك، مهما كان دواسي معاك قاسي.

احمد ابكر مرحب بيك.

دينق يامراحب،

Quote: وجود ادروب مهم في هذا المنبر، وهو ليس أمير للشرق فقط بل هو أمير للوعي وهذا هو الاهم

الصادق اسماعيل حاف كده، مرحب بيك.

مرحب بأدروب في البورد

وان كنت انا نفسي غايبة زمن وما عارفاه غاب متين ..

بس بركة الجيت

الشرق ده بلد أهل أمي السمحين ...

وبنعزو وبنعز ناسو ...

بشاشا يا قريبي ..مالك ما بترحب بي ..انا ما نوبية وملكة زيك وزي أخواتك؟؟

ههههه

حصل خير

والله أصدقاء البورد ديل أجمل أصدقاء....
شكرا لكم جميعا إبتداء بسلطان الكوشيين بشاشا
والأعزاء
معاوية عبيد
يا معاوية المواطنة آمنة بالفعل إستلمت قبلنا أمارة الشرق
بالأمر المقضي بهو ولا سبيل لمنازعتها
لكن منك حكاية مواطنة ده!

الأستاذ أحمد أبكر
مشتاقين والله ليك وحشة...
يا رجل يا أكاديمي مشتاقين لحواراتك الموضوعية

الحبيب دينق
ألف شكر علي الترحيب
وعزاءنا كلنا لما آل إليه صراع الإخوة في الجنوب
ولكنك دائما كنت الحكيم الحليم في مواقفك
بالجد موقفك يزكرني بحكمة مولانا أبيل ألير

الأستاذ الصادق إسماعيل
جيتك والله هنا مفيدة , بس لأني داير أوكد لك أنه بشاشا ما زي ما تعتقد أنه مستنكح
ليس من سبب يجعلنا نعتبر دفاعه عن الهامش إستنكاح إطلاقا, بل من العيب أن نتهمه بذلك
يا ريت لو تتعرفه به عن قرب, أوكد لك أن مواقفه لا غبار عليها....
أشكرك كثيرا علي الترحيب

الأستاذ محمد آدم
سعيد جدا بطلتك البهية
شكرا جزيرا علي الترحيب

الأستاذة والأميرة الكوشية بلا منازع تماضر شيخ الدين
ألف ألف شكر علي طلتك, نورت البوست و البورد كمان
و بدوري أرحب وأتمني أن تكوني بيننا دائما

محمد ادم يا مراحب،

المقصود بي كلامي عن بشاشا كغفاري المنبر، انو فاتح نار من طرف، وان التقي مع افراد بعينهم كالعزيز ادرواب، والعزيزات امنة او تراجي في نقاط محددة.

بنقول كده، عشان ما يحاسب هؤلاء بي جريرة كلام الطير بتاع بشاشا في الكثير جدا من القضايا الشائكة، وبالذات قضايا تاريخ الثقافة السودانية، وتحديدا قضايا الاعتقاد اي الدين.

هلا بعزيزنا ادروب ابكر وسلامات لبشاشا صاحب صالون الترحيب

Quote: بشاشا يا قريبي ..مالك ما بترحب بي ..انا ما نوبية وملكة زيك وزي أخواتك؟؟

قريبتي تماضر ليكي وحشة.

معليش اخوكي بكون طاشي من المنبر ده مرات سنة كاملة او بجي صادي، او يبدأ من محل وقف، من دون مايكون عارف الحاصل!

حقيقة ماعندي فكرة انك برضك زينا كده كتي بعيدة او جيتي راجعة!

يازولة انا عندي واحدة من اهم بوستاتي اهديتا ليكي او لي فرقة عرائيس النيل، والي اليوم ما هببتي لي زاتو يا تماضر!
ايو البوست ده:
الاصل السوداني للاديان(1):اليهـــــــودية.

حيث كتبت:

Quote: الاهداء: الي المبدعة تماضر شيخ الدين وفرقة عرائس النيل.

اما كونك اميرة كوشية فهذا يحتاج الي نظر!

قرقرقرقرقر!

ياتماضر زي ماعارفة احنا ناس ضد المحسوبية او كده!

احنا نسايب ايوا، ولكن ان تكوني اميرة كوشية زي امنة مختار مثلا، فهذا محتاج لي مجهود منك!

نعم ليس هناك في طرحك مايدل علي وجود وعي كوشي!!!!

ادروب شايفو تبرع بهذا اللقب ليكي، دون مراعاة للشروط والمؤهلات المطلوبة!!

Quote: هلا بعزيزنا ادروب ابكر وسلامات لبشاشا صاحب صالون الترحيب

العزيز دكتور بشار صقر، ليك وحشة.

يازول الشوق مطر، او تستاهل بوست ترحيب كهذا، ولكن اخوك مفحط كالعادة!

اكل عيش!

ايوا المعايش جبارة يا حبيب.

غايتو لما نرجع لو حيينا، حنبعد من السياسة بي معناها المباشر التقليدي "لوقدرنا".

نعم عندي مشاريع مواضيع كبيرة وعديدة، خليك جاهز.

عايزنو يكون عمل جماعي زي ما كنا بنعمل زمان انا او فردتي "طناش"، الجرو معاهم ناس دكتور بولا او دكتورة نجاة!!

ألف مرحب بالاخ ادروب ابوبكر
وشكراً لاستاذنا بشاشا

مليون مراحب بعودة أدروب أبوبكر

شكرا بشاشا علي الترحيب

Quote: اما كونك اميرة كوشية فهذا يحتاج الي نظر! قرقرقرقرقر! ياتماضر زي ماعارفة احنا ناس ضد المحسوبية او كده! احنا نسايب ايوا، ولكن ان تكوني اميرة كوشية زي امنة مختار مثلا، فهذا محتاج لي مجهود منك! نعم ليس هناك في طرحك مايدل علي وجود وعي كوشي!!!! ادروب شايفو تبرع بهذا اللقب ليكي، دون مراعاة للشروط والمؤهلات المطلوبة!!

خلاص عرفناك شلت مني تاجي وعرشي كملكة نوبية ليه؟؟

انت بس زعلان ....ههه

ووالله آسفة جدا اني ما شفت البوست ده في وقتو ..لكن نقول شنو (متاعب الشهرة) هههه ..وأصلك لمن أهديت لي البوست كنت عارف انك بتتكلم مع ملكة ..بس لمن ما شفت البوست وما علقت عليهو ..طوزااااالي قلعت مني الصولجان والبلاط

بنصلحها معاك ..والملوك عندهم طرايقهم..

برسل ليك رسالة ..اقول ليك (لو دخلت في الانقاذ، لتزوجناك ..وأهديناك ..دارفور) ...هههههههه

احترامي للعزيزات آمنة مختار وتراجي مصطفى ..بس هم مداخلهم سياسية بحنة ونحن ناس ثقافة وفن..دواسنا نوعو تاني..

والله يولي من يصلح!!!

العزيز ادم شحوتاي مرحب بيك.

كيفك أبوبكر ؟
مشتاقووون يا قريبي .
إنت جيت ونحنا ماشين ..
ياخي الحكاية دي قربة مقدودة ..حلوقنا وجعتنا رسمي وشعبي ههههه
أخير لينا العزلة ..وكل زول يشوف مشاغله أحسن .

.......
شكرا يا أمير ..
وبالله ما تحرجني مع أستاذتنا تماضر دي هههههه

عبدالعظيم عثمان لي قدام!

Quote: احترامي للعزيزات آمنة مختار وتراجي مصطفى ..بس هم مداخلهم سياسية بحنة ونحن ناس ثقافة وفن..دواسنا نوعو تاني..

العزيزة تماضر،

اها ناس الفن والثقافة الزيكم كمان دورم اكبر واهما من دور ناس السياسة.

اها مشروع جاهز:

ايدك معانا نودي الشغل ده السودان:



نعم هذا العمل طاف حول امريكا وحول العالم ولكنو زي كل شئ اخر من حاجاتنا لسة ما وصل السودان!
اها ديل كمان الكوريين:

تنفسو الصعداء يا قبللي السودان، بشاشا كسح!]