الكيزان كرهونا الدين...

... عبارة ساذجة من ناقصي عقل و فكر ،
وشماعة و اهنة لأسباب الفسق الذي يبحثون عنه ليلا ونهارا،
وإعلام فاشل لبث الثقافة البهيمية تحت غطاء الديمقراطية !

سلام يا قصي اخوي

الدين هو الدين ليس له علاقة بتنظيم او جماعة

ومن يربط بين ممارسات تنظيم حتى لو ربط التنظيم اسمه بالدين والدين نفسه فهو اما جاهل او متجاهل

مع ودي

هي نان الكيزان دايرين يتخذوا الدين مطية للتسلط على الآخر والحد من نزعاته البهيمية ... معقولة؟

والله فعلاً تكرّهوا الزول في الدين ...







... المهم ....

Quote: هي نان الكيزان دايرين يتخذوا الدين مطية للتسلط على الآخر والحد من نزعاته البهيمية ... معقولة؟ والله فعلاً تكرّهوا الزول في الدين ...

أنا أقصد الدين الإسلامي...
أي دين تقصده أنت؟

Quote: ... عبارة ساذجة من ناقصي عقل و فكر ،

صدقت والله ... لانهم ناسين الكيزان ديل ما عندهم دين فعشان كده ما مفروض
يربطو الدين بهولاء النجوس .

قصي السلام عليكم .. ومنكم نستفيد ..

ولي قدام ..

Quote: سلام يا قصي اخوي الدين هو الدين ليس له علاقة بتنظيم او جماعة ومن يربط بين ممارسات تنظيم حتى لو ربط التنظيم اسمه بالدين والدين نفسه فهو اما جاهل او متجاهل مع ودي

الاخ ياسر جزاك الله الخير فقد اوفيت


----------
الشيخ العزيز قصي سلام

Quote: قصي السلام عليكم .. ومنكم نستفيد ..

والله يا منى عمسيب ضحكت لامن اتفنقلت ....

وقايلين روحهم ما كرهوا الناس الدين ..

(العندو دين ... ما بنهب البلد العبادو موحّدين)






... المهم ....

مرحب أخي محمد،

Quote: الاخ ياسر جزاك الله الخير فقد اوفيت

فعلا الأخ ياسر أدرج عبارة حكيمة ومختصرة وموجزة،
شكرا لمرورك الطيب،
أصلا الكرهان الدين ما داير ليهو سبب،
ولكن الكثيرين اتخذوا تلك العبارة كمطية لتجاوز التجاوزات الدينية الإسلامية.

أخي ياسر منصور عثمان،
سلام وتحية

Quote: سلام يا قصي اخوي الدين هو الدين ليس له علاقة بتنظيم او جماعة ومن يربط بين ممارسات تنظيم حتى لو ربط التنظيم اسمه بالدين والدين نفسه فهو اما جاهل او متجاهل مع ودي

أستغرب لمن يجيك واحد يتكلم يستعرض فتوى معينة بالأدلة والبراهين ، من القرءان ومن الحديث،
يقوم ينط ليك كم واحد حيران ينقد الرأي بالنظر، ويقع سب وشتم في العلماء والمشايخة !
يعني ما يقول ليك الكلام ده صاح ، أو خطأ بسبب كذا وكذا...
أول ما شاف الرأي لا يتوافق مع نفسه البهيمية بدأ في سب المشايخة،
ومن ثم سحب الموضوع إلى أبواب الأخونة الإسلامية،
ومن ثم رماه في وش الحكومة،
وختمه ب" كرهتونا الدين ذاتو....................!
تحياتي مرة أخرى وتقديراتي،
وشكرا على المداخلة

Quote: يعني ما يقول ليك الكلام ده صاح ، أو خطأ بسبب كذا وكذا...

نقول ليك إجابة عامة ممكن تستخدمها في أي فتوى:

بسم الله الرحمن الرحيم والصلاة والسلام على أشرف المرسلين ... أمّا بعد، فالمفتي قد أخطأ في فتواه هذه (وفتاويه السابقة واللاحقة) لأنه ليس وكيل الله في الأرض ...

والله أعلم ...






... المهم ....

Quote: نقول ليك إجابة عامة ممكن تستخدمها في أي فتوى: بسم الله الرحمن الرحيم والصلاة والسلام على أشرف المرسلين ... أمّا بعد، فالمفتي قد أخطأ في فتواه هذه (وفتاويه السابقة واللاحقة) لأنه ليس وكيل الله في الأرض ...

الله عليك
ياسلام على المختصر المفيد

كفيت ووفيت ،،،





هوي ابدقن ..... الدين سلوك
وبسطاء الناس يتاثرون بسلوك بسلوك من يدعي انو " وكيل الله " ...

Quote: هوي ابدقن ..... الدين سلوك وبسطاء الناس يتاثرون بسلوك بسلوك من يدعي انو " وكيل الله " ...

لا علاقة للدين بالسلوك،
الدين منهج واضح لا يقبل الفلسفة،
ثابت سواء صلح سلوك المجتمع او فسد،
لأن الفساد الأخلاقي ذوق وسلوك راقي في ميزان الكثيرين...
المهم:
المنشور هذا يهدف أساسا لمحاولة نزع هذه الفهم من عقول ناقصي الفكر والفهم:
("من يدعي انو " وكيل الله")

يا حرامية
امسك دي عينة واحدة من فساد الكيزان
ثواني ونجيب ليك لمحة من لمحات الفاسد بتاع انصار السنة

414000 جنيه سوداني
160000 يورو
100630 فرنك فرنسي
345 ليرة لبنانية
24 ليرة سورية
15000 جنية استرليني
12000 جنية مصري
19000 ريال سعودي
26000 دولار امريكي

السلام عليكم

نحن قبلما ننبذ الناس الكرهوا الإسلام بسبب الكيزان، مفروض أولا نقول كلمة الحق في الكيزان ونواجههم مواجهة صريحة لا ريب فيها
ونبريء الدين من أفعالهم

اخونا في الله ....قصي....ممكن نتعرف

إنت كوز؟
أو متعاطف مع الكيزان؟

بعد تجاوب علي الكوز الفوق...أقصد السؤال الفوق

لا ...أعتقد أن الناس بتقول ...الكيزان كرهونا الدين
...ولكن الجميع أقتنع بأن ليس ليهم علاقة بالدين...لامن قريب ولا من بعد

وكلام الزول دا واضح



وارقد عافية

Quote: لا علاقة للدين بالسلوك، الدين منهج واضح لا يقبل الفلسفة، ثابت سواء صلح سلوك المجتمع او فسد، لأن الفساد الأخلاقي ذوق وسلوك راقي في ميزان الكثيرين... المهم: المنشور هذا يهدف أساسا لمحاولة نزع هذه الفهم من عقول ناقصي الفكر والفهم: ("من يدعي انو " وكيل الله")

الدين منهج وأضح لمن ...؟؟؟ واي دين تقصد ...؟؟
لا اريد ان اذهب معك بعيدا في حديثك اعلاه
ولكن يبدو انك لم تفهم مغزي حديثي
هل تصدق ان هنالك مناطق في السودان حتى الان لم تعرف اتجاه القبلة وكيفية الصلاه ..!!
لتفهم حديثي اعلاه فيجب ان تكون ذو نظرة واسعة لما اقصده انا
وهو ان البعض يعتقد حقا ان الانقاذ هي الاسلام وان من يقتلهم هو الاسلام وان من يجبرهم على الفرار والركود هو الاسلام
وان المبشرين لايحتاجون كبير عناء لادخال قرى كاملة في الدين المسيحي بالقول فقط ان من يقتلكم " لاسلام" ومن يغيثكم " المسيحية " ؟؟
ولا عجب ان صدق البعض
وبعدين ياغالي ... يوجد مثقفين يأخذون على الاسلام حسب نهج الانقاذ الضلالي ..
ودعني أسالك رأيك حول الانقاذ
وبالتحديد اسالك " هل تعتقد ان للانقاذ أثر سالب على الاسلام ..؟؟"
ان كانت اجابتك بنعم فهي بالتالي منكر ...
ويتبعه سؤال لم لا تحارب المنكر طالما انت قوي الايمان الى درجة اطلاق اللحية .. بيدك ...!!!!
وان كانت اجابتك بلا .. والانقاذ لاتؤثر سلبا على الاسلام
فانتهى حديثي معك ومداخلاتي في موضوعك هذا

اللهم اهلك تجار الدين

عابدين محمد علي ، ومحي الدين عثمان ، من القيادات في الاخوان المسلمين
ومن مجموعة وأقرباء علي عثمان محمد طه .

Quote: لا علاقة للدين بالسلوك،

يا زول ...... الكلام ده بتثبت عليهو؟

Quote: Ibrahim Adam و الله انا بعرف كم واحد الحد عديل نتيجة لعمايل و افعال الكيزان و هناك هئية علماء السلطان تبرر لهم افعالهم باستخدام الدين و حرب الجنوب ليس ببعيدة عن الذاكرة الكذب التلفيق في حرب سياسية بحتة ليس لها اي علاقة بالدين ‏الأمس‏ في ‏03:35 مساءً‏ Adam Wad-darfur إختشي يا مرتشي الكيزان مش بس كرهونا الدين كرهونا الدين والوطن معا ياضلالي يا صاحب الدقون الشيطانية! ‏الأمس‏ في ‏02:09 مساءً‏ Yousif Bashari قصى أو ( كبسور ) كما شبهك بعض الأخوة هنا بهذه الشخصية ( الشليقة ) .. أول مرة أقرأ لك عنوان موفق وصادق لما تكتب وهو ( الكيزان كرهونا الدين ) مع إنى بقترح عليك عنوان جديد وهو ( الكيزان طلعوا دينا ) .. هل تعرف أن الرسمة التقليدية ( للإرهابى ) هى بالظبط تشبه صورتك الواضعة فى البروفايل ... ( تبارك ) أمسك الزول دا ! ‏اليوم‏ في ‏01:02 صباحاً‏

شكرا للأخوة من الفيس بوك

الاخ قصي
الذين يتحدثون عن ان الكيزان كرهونا الدين حق لهم ذلك
لانهم لا يتحدثون عن الدين الاسلامي الذي هو براء من افعال
الكيزان و اقوالهم.
و لكن دعني اسألك سؤالا واضحا و صريحا
هل تري ان ممارسات حكومة المؤتمر الوطني و افراد المؤتمر
الوطني تمت لدين الاسلام بصلة؟
اعني الممارسات الظاهرة من فساد اعلن عنه المراجع العام و الزنى
الذي طال العديد من قياداتهم و الثراء الذي جعلهم يتطاولون في البنيان
و القتل و السحل و الخصخصة لمؤسسات و شركات و مصانع رابحة
بيعت للموالين لهم.
المهم يا قول تبارك اخوي
اجابتك على سؤالي بعدها ستتضح الاشياء
هذا مع التحية

Quote: يا زول ...... الكلام ده بتثبت عليهو؟

نعم،
لا علاقة للدين بالسلوك،
أثبت عليهو بنسبة 100 %،
هتاك علاقة للسلوك بالدين،
الدين ثابت ومعروف ووضح...
ساء سلوك البشر أو حسن،
ده كلام مافيهو نقاش،
لذلك من يريد أن يسلك المسلك الحسن فعليه بالدين، فكرا وقولا وعملا،
ومن حاد عن طريق الدين فلا سلوك حسن مرجو منه،
حتى وإن نال إعجاب مليارات شياطين الإنس!
الدين ثابت ،
سلوك البشر لا يؤثر في نقاء الدين،
ولا يزحرزحه عن ثوابته!

وبالنسبة للجماعة الجوا باسم الدين ولعبوا بينا الكورة مش اولى برضو تتكلم معاهم قبل ماتجينا بي جاي ولا كيف اذا الناس البتقول الكيزان كرهونا الدين ديل عندهم غرض ضد الاسلام برضوا اللبسوا عباية الدين واكلوا حقنا وعرقنا وكتلوا واغتصبوا برضوا لهم نصيب من الاثم

نعم أخى قصى انها مقولة تنم عن جهل بالدين وربط لدين الله بممارسة البشر لذلك الدين

والأكثر منها جهل من يقول لك يمكننى أن أستعين بالشيطان من أجل محاربة الكيزان ونيل حقوقى

كأنما هم لا يعلمون ماهية الشيطان وما معنى الاستعانة به

أخي حسن حماد محمد،
سلام وتحية،
كلام جميل ورائع يمشي في نفس مسار التذكير...

Quote: نعم أخى قصى انها مقولة تنم عن جهل بالدين وربط لدين الله بممارسة البشر لذلك الدين والأكثر منها جهل من يقول لك يمكننى أن أستعين بالشيطان من أجل محاربة الكيزان ونيل حقوقى كأنما هم لا يعلمون ماهية الشيطان وما معنى الاستعانة به

وفعلا...
في ناس منتظرة ذهاب الكيزان حتى بعد ذلك - بحسب زعمهم - يستعدلوا في الدين!
ونوعية تانية كمان منتظرين زوال الأخوان المسلمين، وطبعا قاصدين المسلمون الإخوان!
يعني دايرين شعب يفصل الحياة تماما عن الدين عشان الكل يلتزم بالدين والأخلاق الفاضلة!
كلام غريب وعجيب
تحياتي وتقديري

Quote: نعم، لا علاقة للدين بالسلوك، أثبت عليهو بنسبة 100 %، هتاك علاقة للسلوك بالدين، الدين ثابت ومعروف ووضح... ساء سلوك البشر أو حسن، ده كلام مافيهو نقاش،

طيب نحن في منبر نقاش

نعيد ليك الكلام بعد شقلبتك للغة ..

هوي ابدقن ..... الدين سلوك
وبسطاء الناس يتاثرون بسلوك من يدعي انو " وكيل الله " ...

فلو كان هنالك علاقة للسلوك بالدين ... فمعناها أنك ليست لك علاقة بالدين ...





... المهم ....

الاخ قصى
ماذا انت قائل فى انسان بسيط جدا يتوجس خيفة حين يلتقى بشخصٍ ملتحى ويزداد خوفا على ماله وعرضه حين ترتفع نبرة الاستدلال بالاحاديث والايات خصوصا اذا ما مزجت مع تعابير من شاكلة ( نحسبه كذلك ) و ( ميزان حسناتك) انها تجربة ربع قرن يا قصى لم تخف الناس فحسب بل وضعت تدين اهل السودان فى خطر حقيقى ودمتم..

الاخ امجد
ما ظنيت قصي يرد على سؤالك دا

__________
و لكن دعني اسألك سؤالا واضحا و صريحا
هل تري ان ممارسات حكومة المؤتمر الوطني و افراد المؤتمر
الوطني تمت لدين الاسلام بصلة؟
اعني الممارسات الظاهرة من فساد اعلن عنه المراجع العام و الزنى
الذي طال العديد من قياداتهم و الثراء الذي جعلهم يتطاولون في البنيان
و القتل و السحل و الخصخصة لمؤسسات و شركات و مصانع رابحة
بيعت للموالين لهم.

مرحب دكتور محمد

Quote: ماذا انت قائل فى انسان بسيط جدا يتوجس خيفة حين يلتقى بشخصٍ ملتحى

هههههههه
خلي يعمل ليهو لحية ويتساوى معاه في الشكل،
يعني زي ما يقولوا : الدقون اتلاحقت،
ويشوف خوفو ده بسبب اللحية ولا اصلا الزول داك رعديد!
وبعدين ياخي الدقون ذاتا خشوم بيون، وموجودة في كل الديانات،
يعني الذي يقيم الناس باشكالهم لا محالة راسب في نظرته للناس،
مثال بسيط:
الشيخ عبدالباسط عبدالصمد، لو ما سمعت بيهو ممكن تبحث عنه...
لم يكن ملتحي!
سلفا كير رئيس الجنوب...
ملتحي وهو غير مسلم!
أكرر:
من يعظم الإنسان أو يحتقره من خلال شكله سيظل في تيه وضلال مالم يترك هذه النظرة.

طيب يا اخ قصى خليه موضوع اللحيه ده لانه الظاهر ح يفسد علينا الموضوع..رايك شنو فى جماعة البشير الانقاذيين يعنى وحسب تقديرك ما هو الضرر الذى لحق بالاسلام فى السودان وهل ما فعلوه طوال سنيهم يشرفك كمسلم?? فى الختام لا انسى ان اشكرك على الاشاره للشيخ عبدالباسط عبدالصمد فبعد البحث عنه فى قوقل وجدت انه مقرئ واظنه مصرى وصوته جميل اشكرك على ذلك..

مرحب وحبابك...

Quote: ما هو الضرر الذى لحق بالاسلام فى السودان

لم يلحق الإسلام أي ضرر...
ولن يلحقه أبدا...

Quote: لم يلحق الإسلام أي ضرر... ولن يلحقه أبدا...

ما الفرق بين الخير والشر اذن ..
شايفك يا قصى صدقت انك من دلنى على عبدالباسط عبدالصمد!! ياخ انت راجل طيب والله..جيلى يا عزيزى استيقظ على صديق احمد حمدون وعوض عمر وعبدالباسط عبدالصمد وهؤلاء ليسوا كمن نسمع اليوم من مقرئي الربع الخالى ممن يقفزون قفزا على ايات الرحمه ويتمهلون تمهلا فى ايات الوعد والوعيد ..ارجع يا عزيزى الى ارشيف الاذاعه واستمع لمن ذكرت ولا باس من الاستماع الى حلقة او اثنين من برنامج دراسات فى القران الكريم للراحل بروفيسور عبدالله الطيب لتعرف فداحة الضرر الذى الحقه اتباع محمد بن عبدالوهاب وحسن البنا باسلام اهل السودان ودمتم..

شيخ قصى:
المقصود نسخة الكيزان. نسخة صيام الاتنين والخميس والفطوره بى ملايين من قوت الغلابة المعدمين


هسة بتاع الفيس تحت دا شم حاجة فى ريحة كلامك؟

ذول الفيس بوك تحت: ارجو ان تمسح العبارة

أرقد عافية

قصي ..حبابك يا عم..
انتا كضاب...
والكيزان اكضب منك...
وألإسلام ما ح نخليهو..لا في شانك..ولا شان الكيزان..ولا شان الماسونية الحاكمة السودان..!!!!!


كبر

مرحب الجتاري (صاحب الجتار) محمد النور

Quote: قصي ..حبابك يا عم.. انتا كضاب... والكيزان اكضب منك... وألإسلام ما ح نخليهو..لا في شانك..ولا شان الكيزان..ولا شان الماسونية الحاكمة السودان..!!!!! كبر

الكلام الفوق ده نزلتو بسلم خماسي ولا سباعي؟
ههههه
كلام جميل ورائع وراقي،
بغض النظر عن كضبي ولا كضب الكيزان.
تحياتي يا راقي

Quote: بغض النظر عن كضبي ولا كضب الكيزان.

انتو بتغضوا النظر عن الكضب ... وتستخدموا فقه السترة ...

لاكين نحن بنقول لى الاعور اعور في عينو ...








... المهم ....

الجيتار ،ستو قريبتي وصديقتي من دار نوبة...الدار التي كان يرفع فيها صوت الآذان في جبال تلشي ، الكيزان جايبين كتيبة من ايران بدعوى قتال الكفار ، وكانت الكتيبة هاجعة وهي تحسب الأنفاس لقتال الكفار في تلشي.. فاصابتها المفاجاءة حينما انطلق صوت الآذان من جبال التمرد..جبال..فصدقت في موقفها وقالت لطغمة الكفر ،طغمة الكيزان ، كيف تدعونا لقتال من يرفع الأذان؟!!..الكلام ده يا قصي سنة 1992 في جبال تلشي..!!

صاحبة الجيتار ، يا قصى ، امرأة تقيم الليل ، وتحفظ فروضها التي انزلها عليها المولى عز وجل ، هي اعجمية لا تتحدث العربية ، ولكنها اجتهدت ان تعرف العربية..ليس حبا في كبر ا و حبا في شيخ قصى ، لكن حبا في الله\ العلي القدير الذي يمكن ان ندعوه بالكلمات الطيبات التامات ويمكن ان ندعوه بمقامات اوتار الجيتار الأفريقي ،وهي انغام لا تقل شأوا عن مزامير داوود...عندك شك في مزامير داوود ياشيخ قصي؟..عندك شك في نبي الله داوود يا شيخ قصي؟...
نحن يا اخوي ناس الله والخلاء..والخلاء يعلم صاحبه التامل,.,.يعلم صاحبه حب الله في ذاته دون حاجة لإرتكاب موبقات المظاهر من اطلاق لحية و تقصير ثوب وغيرها من الموبقات التي يرتكبها البعض منا وهو يظن انه وكيل الله في الأرض..!!

نعم يا صديقي ، لن نترك الأسلام في شانك أو شان الكيزان أو شأن الماسونية الحاكمة في السودان..!!!

يا قصي ، لوكنت سوداني متلنا عاش في بيوت الجالوص والزبالة ، واكل الكسرة بالموية...فالجيتارات اقرب الى الله ،واصدق من عمائم الوهم والنفاق التي تبحث عن التقرب الي الله عبر السلطة والسلطان فترتكب الإفك والموبقات كلها..!!
صاحبة الجيتار اطهر من أي لحية حامت في فضاء السودان...والله صحي ياقصي...وانا اعرف ماذا يعني ان تقسم بالله..!!!
فهي لم تنتهك حرمة احد...
لم ننتهك حدود الله...
لم ترتكب جرائم مثل الإبادة العرقية أو جرائم الحرب او الجرائم ضد الإنسانية...!!
لم ترتكب الفساد باسم السلطة والسلطان...
لم تغش احد بالتظاهر والمظاهر...!!
هي امرأة صادقة....و اقولها لك صادقا ، هي اصدق من أي لحية حايمة في العالم الإسلامي من كوالمبور لغاية تبمكتو,,,!!!

انتا كضاب لأنك لم تعرف بعد قيمة ومعاني كلمات الله الصادقات التامات قولا وعملا وصدقا ينجيك من عذابات طرا..!!
انتا كضاب ..لأنك تظن انك وحدك من يعرف الله العلي القدير ولا احد غيرك يعرفه..!!
انتا كضاب لأنك لاتعرف عن نبي الله داوود..نبي المزامير الجميلة...الذي علمنا ان الموسيقى طريق سوف يوصلك الي الله والى جمال الله والى طيبة الله والى رحمة الله,..!!
والكيزان اكضب منك بصورة يعجز العاقل ان يحصي اقانيم كضبها الضليل..!!!

نعم ياصديقي..بي جيتاراتنا...بي نقاقيرنا...بي مزاميرنا...لن نترك الإسلام في شانك اوفي شان الكيزان...او في شان الماسونية الحاكمة في السودان..!!!!!!



كبر

Quote: لكن حبا في الله\ العلي القدير الذي يمكن ان ندعوه بالكلمات الطيبات التامات ويمكن ان ندعوه بمقامات اوتار الجيتار الأفريقي ،وهي انغام لا تقل شأوا عن مزامير داوود

الجيتاري سلام،
مزامير داوود صوتية تخرج عندما يرتل الزبور إذا ترنم بقراءة كتابه يقف الطير في الهواء، يُرجع بترجيعه، ويسبح بتسبيحه، وكذلك الجبال تجيبه وتسبح معه، كلما سبح بكرة وعشياً!
سؤال:
لازم بمقامات الجدار الأفريقي؟
الجيتار الشامي ما ينفع؟
ههههههههه
ياراجل شن جاب تفخيم وترقيق الحبال الصوتية لكواريك اليكاه والدوكاه والكردان؟

لا علاقة للدين بالسلوك،
الدين منهج واضح لا يقبل الفلسفة،
ثابت سواء صلح سلوك المجتمع او فسد،
لأن الفساد الأخلاقي ذوق وسلوك راقي في ميزان الكثيرين...

كلامك دى كلام فلسفى.
فهو يبدا ب "hypothesis" بكون الدين
ما عندو علاقة بالسلوك و لمن جيت لل "argument"
جليتو لا لانك ما بتعرف تفكر, لانك بتعرف بؤديك التوج
فخلصت ب مئة فى المئة و بدون نقاش.
سوالى لك كمعلم تجهز اجيال للمجتمع:
انت بتدرس شنو لازم يفكر الاود ام كيف يجب ان يفكروا?

سلام ..

هاك الفيديو دا ..
دا زول بسيط لا علاقة له بالديمقراطية ولا البروقراطية
كرهوه الدين .. والله أكبر

Quote: كرهوه الدين .. والله أكبر

كيف يعني عارف الله أكبر ... ويكره الدين بسبب واحد!
دي تتوزن كيف؟

Quote: من يعظم الإنسان أو يحتقره من خلال شكله سيظل في تيه وضلال مالم يترك هذه النظرة.

حسع انت بعد الدقن دي ما شاعر انك اكثر عظمة :)

دخلت اقول ليك .. ما الكيزان براهم الكرهونا الدين
السلفية برضهم .. وده بسبب جهلهم بجوهر الدين ..

انحنا الدين عندنا سلوك .. وجزء من تربيتنا
يعني حتى ونحنا كارهنو فيكم .. بنطبقو صاح

لو انت عندك غيرة على الاسلام .. مثلا .. فالاولى ذي ما قالو ليك
فوق تبدا بمن يتاجر ويقتل ويسرق ..و...و.... به او باسمه . . وخليك
من مقولات فردية لابتودي لابتجيب.

Quote: لا علاقة للدين بالسلوك، الدين منهج واضح لا يقبل الفلسفة

يا قصي انا سألتك فوق سؤال و ما رديت علي فدعني اصيغه بشكل آخر اتكاء على قولك اعلاه
هل تري ان ممارسات حكومة المؤتمر الوطني و افراده تتسق مع هذا المنهج؟
اتمني تجاوبني من غير فلسفة

مع التحية

Quote: ده كلام مافيهو نقاش،

يا ناس، إنتو بتعملوا في شنو؟

الزول ده بالواضح، قال ليكم ما داير نقاش..

يالاّ .... كل زول يطبق نعلاتو ويتخارج.

Quote: انحنا الدين عندنا سلوك

إنتو منو؟

الأخ قصي محمد عبد الله
السلام عليكم ورحمة الله
- النفور من الدين ليس جديدا ويمكن أن يحدث باستمرار، فما هي أسبابه ودواعيه؟
- إذا كان الدين المعاملة؛ فإنّ المعاملة يمكن أن تذهب في اتجاهات عدة: ترغيب .. ترهيب .. تنفير ..إلخ
- هل يمكن أن نستصحب في فهمنا لهذا الموضوع تحديدا الآية القرآنية: (فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ فَاعْفُ عَنْهُمْ
وَاسْتَغْفِرْ لَهُمْ وَشَاوِرْهُمْ فِي الْأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ) 159 آل عمران
- وكذلك الحديث المنسوب إلى النبي صلى الله عليه وسلم: (عن أنس رضي الله عنه عن النبي صلى الله عليه وسلم قال: "يسّروا ولا تعسّروا وبشّروا ولا تنفّروا " متفق عليه).

Quote: - إذا كان الدين المعاملة؛

غير كده ...... منو الجاء ليتمم مكارم الأخلاق؟

ما هي الأخلاق ... وما هي السلوك التي - حسب كلامك - ليس لها علاقة بالدين؟

أبو الريش سلام ورحمة وبركة،

Quote: غير كده ...... منو الجاء ليتمم مكارم الأخلاق؟ ما هي الأخلاق ... وما هي السلوك التي - حسب كلامك - ليس لها علاقة بالدين؟

مافي شك في حديث المصفى صلى الله عليه وسلم الخاص ب"جئت لأكمل مكارم الاخلاق"
طبعا الحديث ده تنضوي تحته كل السنة ( أي كل الأحاديث) دون نقصان أي واحد منها!
بدءا من العبادات والآداب والمندوب والمكروه والحلال والحرام.
هذا هو الدين............
********************
يجك واحد بيصلي ويصوم كمان الإثنين والخميس،
وفي مسائل اجتماعية متفق على حرمتها الدينية يقول ليك ما تخليك متشدد!
يجيك واحد لا بصلي ولا بصوم يقول ليك ياخي الدين المعاملة!
ولا واحد الليل كلو سكران ويقول ليك قلبي نظيف!
يا خي القلب النظيف وال######ان خصائصه علمها عند الله ،
ولا يأمن مكر الله إلا القوم الخاسرون، ونسال الله الهداية والثبات لنا جميعا...
ولكن الكفر أو التكذيب بالآيات أو الأحاديث أو الأحكام الفقهية الثابتة بالكتاب والسنة حتى بدون ممارستها( مجرد اعتقاد وفكر)
أخطر من الإعتراف والإيمان بالحكم الشرعي مع المعصية والاستغفار وتوبة والندم على الذنب،
تحياتي وتقديري

و عليكم السلام ورحمة الله وبركاته،
حياك الله أخي طه ومشكور على المداخلة

Quote: السلام عليكم ورحمة الله - النفور من الدين ليس جديدا ويمكن أن يحدث باستمرار، فما هي أسبابه ودواعيه؟ - إذا كان الدين المعاملة؛ فإنّ المعاملة يمكن أن تذهب في اتجاهات عدة: ترغيب .. ترهيب .. تنفير ..إلخ - هل يمكن أن نستصحب في فهمنا لهذا الموضوع تحديدا الآية القرآنية: (فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ) 159 آل عمران - وكذلك الحديث المنسوب إلى النبي صلى الله عليه وسلم: (عن أنس رضي الله عنه عن النبي صلى الله عليه وسلم قال: "يسّروا ولا تعسّروا وبشّروا ولا تنفّروا " متفق عليه).

أسباب النفور من الدين ودواعيه هي بلا شك الإبتعاد عنه واعتماد الفلسفة والمنطق كميزان لمجريات الاحداث.
يقول تعالى:
{وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ }العنكبوت69
للاسف كثير منا يفهم الجهاد بأنه حمل السلاح فقط، ناسيين جهاد النفس والسعي في طلب العلم.
ملحوظة: أخذي للموضوع من أوله فقط من زاوية فردية ، تخص السلوك والفهم الشخصي ،
لا اقصد به العمل الجماعي، بالرغم من أن العمل الجماعي أيضا لا يخرج عن النوايا الشخصية.
الآن الفقه اصبح في متناول الجميع، وعدم قناعتنا فمفتي معين أو فقيه بعينه ليس سببا في قفل باب البحث والتحري،
باختصار:
كل الفقه الآن بين يدي كل شخص، مسلم ولا غير مسلم،
ومن يسعى ويجتهد من أجل الطريق المستقيم فليس له سبيل سوى عن طريق مصدري التشريع،
أما طرق الفلسفة والمنطق والإلحاد، والتي اصحابها لا يعترفون بأحاديث ولا آيات ، فهي بلا شك تقود غلى ظلام وتيه.
خلاصة الموضوع:
ما يحدث من سلوك مخالف لشرع الله من اي جهة كانت لا يحسب سلبا ولا إيجابا عن الدين،
هو سلوك شخصي او عام من فرد أو مجموعة ليس إلا.
تحياتي وتقديري

Quote: قصى: لا علاقة للدين بالسلوك، ابوالعزائم: Quote: لا علاقة للدين بالسلوك، يا زول ...... الكلام ده بتثبت عليهو؟ قصى: نعم، لا علاقة للدين بالسلوك، أثبت عليهو بنسبة 100 %، هتاك علاقة للسلوك بالدين،

الفاهم حاجه من الغلوتيه يشرح لينا!!

طيب ليه ما تحبب (انت) او (نحن) الناس في الدين ؟؟

الكيزان ليسوا (الدين الاسلامي) ولا غيرهم بل هم جماعة سياسية ارتبطت بالدين..

مع ودي

يا جماعة عملتو لينا شنو في موضوع (السلوك)؟

نفهم إنو واحد يقضي يومو كلو في الجامع وسلوكو (مش ولا بد) ما فيها حاجة؟

شفتو كيف البوست عايز يقول إنو الكيزان أحسن ناس؟

فما تحاولو تضربوهم بحكاية السلوك دي ...... طلعت ما جايبة حقها.

Quote: نفهم إنو واحد يقضي يومو كلو في الجامع وسلوكو (مش ولا بد) ما فيها حاجة؟

كيف يعني ما فيهو حاجة؟
فيهو بلا شك، يحسب سلبا على صاحبه، ولكن...
لا يحسب سلبا على الدين!
يعني بمجرد مصيبة حصلت من عالم كبير أو في دور عبادة،
يجيك أهل الإلحاد يسبو ويشتمو ويلعنو كل أصحاب الديانة بدون فرز!

الأخ ياسر،
حببك الله إليه وإلى جميع خلقه.

Quote: طيب ليه ما تحبب (انت) او (نحن) الناس في الدين ؟؟ الكيزان ليسوا (الدين الاسلامي) ولا غيرهم بل هم جماعة سياسية ارتبطت بالدين.. مع ودي

الدين وصل إلينا عن طريق التواتر الشفوي ومن ثم المخطوط،
يعني كل واحد يصفي نيته وينقل ما قسمه الله لعقبه ولمن حوله أو لمن بعده.
الآيات والأحاديث لا تقبل اي إضافة او تعديل او حذف،
ولكن الحديث حولها يعتمد على الاسلوب الشخصي.
أما قصة تحبب ولا تكره دي ما بيدك ولا بيدي،
في ناس بمجرد ذكر الله بتشمئز!
في ناس لو لقت طريقة تحذف آيات معينة من القرآن حذفوها،
في نوعية ما تقدر تنقد الكلام أو الفتوة - لأنها تتناقض مع هواهم - فتقع سب وشتم غير مؤسس على علماء المسلمين عامة.
المهم:
كل واحد يخلص النية ويقول العندو...
وكلنا علينا أن نحسن الظن في إخواننا المسلمين.
تحياتي وتقديري

الوالي القرأني
http://www.sudaneseonline.com/board/460/msg/1398592690.html

Quote: الدين وصل إلينا عن طريق التواتر الشفوي ومن ثم المخطوط، يعني كل واحد يصفي نيته وينقل ما قسمه الله لعقبه ولمن حوله أو لمن بعده. الآيات والأحاديث لا تقبل اي إضافة او تعديل او حذف،

هل يتطور الدين كما يتطور العلم؟

يعني هل "حديث الذبابة" يحرّم البف باف؟

هل حج النبي على ظهر ناقة يحرّم كراسي العجلات؟

هل يمكن قياس عمليات الكي بالليزر على تحريم الكي بالنار؟

ياخي يا تقوم بتعديل وحذف وإضافة هذه السنة الموثقة ... يا تكون داير تكرّهنا الدين ...

نحن ناس كلوروكوين ما ناس حجامة ...







... المهم ....

الدين لله و الوطن للجميع. من يوم حشرتوا الدين الكان قاعد كويس بالقوة في اادارة الوطن، اتفرتق الوطن. كدي خلونا نرجع الوطن والذي لا يمكن ان يرجع الا بالفصل التام بين الدين و ادارة الوطن. يعني الدين يرجع دين زي ما كان

Quote: ياخي يا تقوم بتعديل وحذف وإضافة هذه السنة الموثقة ... يا تكون داير تكرّهنا الدين ...

يا تبارك إنت ما جاي لحوار ....

إنت زول مغرض.

قال ليكم، ما تقولوا كرهتنا الدين. ....... بس ممكن تقولوا كرهنا الناس البتكلموا بإسم الدين.

مثال للتقريب: زي ما الشيوعيين بيقولوا كارل ماركس ما قال (الدين أفيون الشعوب) .... ده كلام مغرضين ..... كارل ماركس قال (رجال الدين ..... إلخ).

شفت كيف الزول ده بيتمثل بكارل ماركس؟

Quote: نفهم إنو واحد يقضي يومو كلو في الجامع وسلوكو (مش ولا بد) ما فيها حاجة؟

استاذنا ابوالعزائم سلامات

الفهم البتتكلم عليهو لا علاقة له بما كتبة الأخ قصى

ومحاولة ربط كلام اخونا قصى والدفاع عن كيزان السودان ما عارف جبتوهو من وين ؟؟؟؟

يا شيخنا والله فى ناس كدا مهما حاولت معاهم ما بينفع كلامك وسادرين فى غيهم وزى العندهم غبينة مع الدين

وبيحاولو بشتى الطرق يلولو الكلام لاخراجك عن مسار البوست ولكن هيهات

لكن برضو خليك راكز كما نراك وواصل كلامك سمح وللقراء عقل

تحياتى للجميع

Quote: مافي شك في حديث المصفى صلى الله عليه وسلم الخاص ب"جئت لأكمل مكارم الاخلاق" طبعا الحديث ده تنضوي تحته كل السنة ( أي كل الأحاديث) دون نقصان أي واحد منها! بدءا من العبادات والآداب والمندوب والمكروه والحلال والحرام. هذا هو الدين............ ******************** يجك واحد بيصلي ويصوم كمان الإثنين والخميس، وفي مسائل اجتماعية متفق على حرمتها الدينية يقول ليك ما تخليك متشدد! يجيك واحد لا بصلي ولا بصوم يقول ليك ياخي الدين المعاملة! ولا واحد الليل كلو سكران ويقول ليك قلبي نظيف! يا خي القلب النظيف وال######ان خصائصه علمها عند الله ، ولا يأمن مكر الله إلا القوم الخاسرون، ونسال الله الهداية والثبات لنا جميعا... ولكن الكفر أو التكذيب بالآيات أو الأحاديث أو الأحكام الفقهية الثابتة بالكتاب والسنة حتى بدون ممارستها( مجرد اعتقاد وفكر) أخطر من الإعتراف والإيمان بالحكم الشرعي مع المعصية والاستغفار وتوبة والندم على الذنب،

الكلام ده كلو ما وصلني لي عبارتك القلت فيها إنو الدين ما عندو علاقة بالسلوك

Quote: ولكن الكفر أو التكذيب بالآيات أو الأحاديث أو الأحكام الفقهية الثابتة بالكتاب والسنة حتى بدون ممارستها( مجرد اعتقاد وفكر) أخطر من الإعتراف والإيمان بالحكم الشرعي مع المعصية والاستغفار وتوبة والندم على الذنب،ا

أين ورد ذكر "الأحكام الفقهية" و "الحكم الشرعي" في الكتاب أو الحديث؟

إنت يا زول بتتقوّل على الله بغير علم؟

الفقه البنعرفو ياهو دا:

قُلْ هُوَ الْقَادِرُ عَلَى أَن يَبْعَثَ عَلَيْكُمْ عَذَابًا مِّن فَوْقِكُمْ أَوْ مِن تَحْتِ أَرْجُلِكُمْ أَوْ يَلْبِسَكُمْ شِيَعًا وَيُذِيقَ بَعْضَكُم بَأْسَ بَعْضٍ انظُرْ كَيْفَ نُصَرِّفُ الآيَاتِ لَعَلَّهُمْ يَفْقَهُونَ * وَكَذَّبَ بِهِ قَوْمُكَ وَهُوَ الْحَقُّ قُل لَّسْتُ عَلَيْكُم بِوَكِيلٍ * لِّكُلِّ نَبَإٍ مُّسْتَقَرٌّ وَسَوْفَ تَعْلَمُونَ

(فقه البيعمل فيها هو "وكيل الله في الأرض" دا الكفر والتكذيب بآيات الله كما يقرأ من هذه الآيات)




... المهم ...

مثال من الواقع، من تجربة تندرج تحت مظلة الإسلام السياسي، وفيها تأكيد لما أشار إليه الأخوان أبو الريش وتبارك بالتسلط على الناس وممارسة الظلم باسم الدين
وما يمكن أن يؤدي إليه من نفور الناس عن الدين.

Quote: مقديشو (الشاهد) – في رسالة صوتية أرسلها اليوم زعيم حركة الشباب المجاهدين الشيخ مختار عبد الرحمن أبو الزبير طالب عناصر حركة الشباب المجاهدين بشكل عام والمسؤولين منهم بشكل خاص بعدم تنفير الناس من دين الله، ومعاملتهم بالتي هي أحسن، وعدم المحاباة فيما بينهم وأن يكونوا جميعا سواسية عندهم. وحذر أتباع الحركة من القادة والجنود من ممارسة الضغط وتعمد الإساءة إلى أفراد الشعب بدون أدنى ذنب مهددا من أقدم على ذلك بتمثيله أمام محكمة مختصة قائلا: أوجه تحذيرا إلى كل المجاهدين أينما كانوا، وأوجه إليهم أوامري بالتوقف عن تضييق أفراد الشعب والكف عن أذاهم، وأذكرهم بأنهم سيحاسبون على كل ما يفعلونه في الآخرة، وأناديهم بالفصل بين الناس بالعدالة، يجب عليهم أن يكسبوا ود إخوانهم المسلمين. وأضاف: وأوجه رسالتي إلى مسؤولي ولايات الإدارات الإسلامية، المعلقاة على عاتقهم أعباء ثقيلة تجاه دينهم وأمتهم، يجب أن لا تتسببوا في كراهية الناس لدين الله، يجب أن لا يكون سلوكنا سببا لنفور الناس من دين الله.

http://arabic.alshahid.net/news/34780

يعني الدين عندو علاقة بالسلوك، والا ناكل باسطة؟