Post: #1
Title: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: ود الباوقة
Date: 04-23-2014, 04:47 PM
دشن and#8235;#وزيرand#8236; and#8235;#النفطand#8236; م. and#8235;#مكاويand#8236; محمد عوض بداية المسح الزلزالي ثلاثي الأبعاد بحقل شوكة بمربع (6) النفطي
الذي يقع ضمن إمتياز شركة بتروإنرجي لعمليات البترول .
وقال مكاوي بان هذه الخطوة تأتي وفق خطة الشركة لتوسيع حقولها بالمربع للوصول إلى أعلى إنتاجية. وشدد
سيادته على ضرورة العمل وفق نظام موحد وبرنامج زمني محدد ومجابهة التحديات حتى يتم إدخال الحقل دائرة الانتاج ،
واشار مكاوي الى أثر زيادة الإنتاج النفطي على حركة الإقتصاد الكلي معرباً عن امله بان يتم الإنتاج الفعلي من الحقل في اقرب وقت ممكن .
وتعهد سيادته بتذليل جميع الصعاب التي تواجه قيام مشاريع الصناعة النفطية بالبلاد ، واشاد بالنظام الذي تستخدمة
الشركة في عمليات المسح الزلزالي ثلاثي الأبعاد ليتم عبره التوصل لنتائج ايجابية في وقت وجيز ، داعياً إلى التنسيق
المشترك بين الشركات العاملة بالبلاد من أجل الإستفادة من خبرات بعضهم ومواكبة تطورات الصناعة النفطية ،
مشيداً بنسبة سودنة العمل بالشركة الذي وصل الى أكثر من 90% مما يؤدي الى ترقية الصناعات النفطية في السودان .
من جانبه اكد نائب رئيس شركة بتروإنرجي فهمي عبد الله العوض ان الخبرات التي امتلكتها الكوادر السودانية
تمكنها من إنجاز العمل بصورة علمية في وقت وجيز ، وقال ان حقول الشركة الأولى ظلت هي مدرسة تخرج كوادر
سودانية يتم عبرها التوسع في إنشاء العديد من حقول الشركة الجديدة وأضاف إن العاملين بالحقل تعاهدوا على العمل
بقلب رجل واحد حتى يتم إنجاز كافة الأعمال التي وضعتها الشركة عبر خطة متسارعة من أجل إكتفاء السودان
من النفط وتصدير الفائض ، مشيراً الى ان عمليات المسح الزلزالي بحقل شوكة صاحبه إنشاء مخيم للعيون مؤكداً
ان إستخراج خيرات باطن الارض من النفط يجني ثمارها مواطني المنطقة على شكل خدمات إجتماعية وتنموية ومن ثم يعود اثرها على البلاد كافة.
|
Post: #2
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: ود الباوقة
Date: 04-23-2014, 04:51 PM
Parent: #1
غايتو ما عارف لكن عندي احساس المسالة دي
حا ( تنبهل ) علينا بهلة شديدة باذن الله
|
Post: #3
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: ود الباوقة
Date: 04-23-2014, 04:53 PM
Parent: #2
بيرين تلاتة
بمرقننا السهلة
باذن الله
|
Post: #4
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: Yousif A Abusinina
Date: 04-23-2014, 05:33 PM
Parent: #3
ود الباوقة
الغالى العزيز
البنج فكـــــــــــــــــــــــــــــــــــــــــــــــــــــــــــــــــــــــــــــــــــــة شوف مخدر اقوى حاويات بورسودان دى شوفوا ليها بصارة
يا اخى نحن لو كان عندنا انتاج السعودية ما برفع بلدنا من الوصلت اليه
صـــــــــــــــــــــــــــــــــــــــــــــــــــــــــــــــــراحة فقد الامل فى انواع البشرية الموجودة ببلادنا
املنا بالله وحدة يرفع منــــــــــــــــــــــــــــــــــــــــــــــــــــا البلاء وما يحسابنا بما فعل السفهاء منـــــــــــــــــــا
ايه من ايات رب العالمين وقادر يا كريم امرك بين الكاف والنون
مـــــــــــــــــــــــــــــــــــودتى يا اخوى صديقى العزيز
|
Post: #5
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: Hololy
Date: 04-23-2014, 05:45 PM
Parent: #4
Quote: ...
.....غايتو ما عارف لكن عندي احساس المسالة دي
حا ( تنبهل ) علينا بهلة شديدة باذن الله
... |
...
..
..ود الباوقه ..
..
..خبير زلزالي ..
..
|
Post: #13
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: ود الباوقة
Date: 04-24-2014, 05:03 AM
Parent: #5
Quote: ..ود الباوقه ..
..
..خبير زلزالي |
ضاقت لي فرج
|
Post: #6
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: محمد المسلمي
Date: 04-23-2014, 05:50 PM
Parent: #4
المجاهد عمر ودالباوقة سلام وأبشر بالخير البلد مليانة دهب وبترول
وشوال البصل ب 35 جنيه وكرتونة الطماطم 50 جنيه وكيلو العجالي
35 جنيه بالمكرفون والحياة الحمدلله ماشة مستهلة وأي شي الحمدلله
متاح ونحمد الله علي نعمة الاسلام مساجد في كل حي وخلاوي راقدة
في الصيف ده وكورسات في المساجد للطلاب مجان
-------
الله يكفيك شر دينق مايجي يخرب البوست ده ومقدما دينق اختشي
|
Post: #14
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: ود الباوقة
Date: 04-24-2014, 05:32 AM
Parent: #6
Quote: المجاهد عمر ودالباوقة سلام وأبشر بالخير البلد مليانة دهب وبترول
وشوال البصل ب 35 جنيه وكرتونة الطماطم 50 جنيه وكيلو العجالي
35 جنيه بالمكرفون والحياة الحمدلله ماشة مستهلة وأي شي الحمدلله
متاح ونحمد الله علي نعمة الاسلام مساجد في كل حي وخلاوي راقدة
في الصيف ده وكورسات في المساجد للطلاب مجان |
شيخنا المسلمي
هؤلاء المبربرون لا ينظرون الى خلف ارجلهم وينظرون للوطن بعيون العقوق والتشفي
باذن الواحد الاحد تنبهل كل الخيرات من من ظاهر الارض وباطنها
بترولا وقمحا وذهبا وفضة وكروم ومنجنيز
Quote: الله يكفيك شر دينق مايجي يخرب البوست ده ومقدما دينق اختشي[/QUOTE
اطمئن دينق تاني ما بجي بي جاي هس شغال تجهيزات امس قالوا حجز كل العيوش الفي القضارف
واليوم بشتري البراميل
ومقدم لي مصنع تلج عشان المريسة الحارة قال سوقا نايم
شكرا شيخنا المسلمي
|
Post: #7
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: ود الباوقة
Date: 04-23-2014, 08:34 PM
Parent: #4
ابو سنينة ... ليك وحشة والله .. اخبار الشغل شنو
|
Post: #8
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: جمال خضر
Date: 04-23-2014, 08:49 PM
Parent: #7
Quote: غايتو ما عارف لكن عندي احساس المسالة دي
حا ( تنبهل ) علينا بهلة شديدة باذن الله |
عندما تهطل الأمطار تسبقها دلائل ومؤشرات سحب - بروق
من زمن ناكل مما نزرع ونلبس مما نصنع منتظرين إنبهال الخيرات
وبعد ربع قرن من الزمان مات الزرع وجف الضرع وتوقف المكن
وضرب الفقر والعوز الغالب الأعم من الشعب السودانى الفضل
فأصبح الناس يهربون من السودان زرافاتا ووحدانا .
وود الباوقة يبشرنا سنويا بالإنبهال الذى يجعلنا فى مصاف
الدول الغنية والمتقدمة ولكن إنبهاله كان مزيدا من العذاب
والمعاناة والضيق والعنت .
مع التحايا أخونا ود الباوقة وفى إنتظار الإنبهال الذى طال
إنتظارنا له .
|
Post: #9
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: د. ياسر عبد القادر
Date: 04-23-2014, 09:11 PM
Parent: #8
عمر سلامات...كيفك و العيال؟
عندي صاحبي بجيب نسيبتو من السودان زيارة كل ما زوجتو توضع.....وقبل ماتنتهي تأشيرة الزيارة النسيبة بتصر علي أن ترجع السودان.....كل مرة بي عذر...مرة بناتي هناك ما بفوتن...ومرة غنمي و مرة جدادي....المهم هي مابية قعادها مع نسيبها دا تماما كعادة أهلنا الجعليين....المرة دي جابها قبل شهرين و الزيارة خلصت...وقايلها كالعادة ما حتوافق...قال ليها: أها يا حاجة ...الزيارة خلصت....نجددها ليك ...ولا لاحقة بناتك.....ردت ليهو علي طول: أرجع؟ أرجع وين؟؟؟؟؟ متيمنة لو ما سويت لي إقامة....لاك نسيبي و لا ني أم مرتك ههههههههههههه
حأرسل ليهو بوستك دا يا عمر يمكن الحاجة تشوف الزلازل دي تقتنع و ترجع هههه
تحياتي
|
Post: #10
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: جمال خضر
Date: 04-23-2014, 09:23 PM
Parent: #9
Quote: بيرين تلاتة
بمرقننا السهلة
باذن الله |
بيمرقن ليهم غابات أسمنتية تملأ السهلة .
|
Post: #11
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: ود الباوقة
Date: 04-23-2014, 09:48 PM
Parent: #10
تصبحون ع خير
|
Post: #15
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: صبري طه
Date: 04-24-2014, 06:01 AM
Parent: #11
بالضغط على أقرب دائرة للرقم (6) سيظهر لك اسم شركة بتروإنيرجي ممّا يدعم احتمالات مصداقية ود الباوقة ...
|
Post: #12
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: جمال خضر
Date: 04-23-2014, 09:48 PM
Parent: #10
( رسالة ود الباوقة الى المغتربين والمهاجرين )
على كل المغتربين والمهاجرين فى مشارق الارض ومغاربها
لملمة أطرافهم والإستعداد للعودة الى أرض الوطن فالخيرات
فى طريقها الى الإنبهال . 
|
Post: #16
Title: Re: وزيرالنفط يدشن بداية المسح الزلزالي ثلاثي الابعاد بحقل شوكة ....
Author: Yousif A Abusinina
Date: 04-24-2014, 07:50 AM
Parent: #12
ود الباوقة الحبيب
على قول شيقوق موبايلى عندك طقى لى وبرد عليك وكان ضعيتو تانى حول ما ما بديك ليهههههههههههو
حبيبى والله السودان بالبترول او بدونة بلد خيرات ونعم يعصب حصرها وعدها
تكفينا هذة الاراضى الشاسعة والمستوية على مد البصر
مشكلتنا الان اصبحت مشكلة بشر كيف لنا ان تصبح هذه النفوس سويه ومعتدله وتعرف حدود الله وتخاف الله فى من كان تحت رعايتهم
يا ود الباوقة الشغلة بقت راعى وراعية كله خـــــــــــــــــــــــــــــــــــــــــــــربان
الله يستر علينا من تبديل البشر
|
|
|