Post: #1
Title: وإن فاز... الهلال تعباااان
Author: محمد البشرى الخضر
Date: 04-22-2014, 07:48 PM
الدقيقة تمانين و الهلال سجل الهدف التاني .. هدف التقدم على الخرطوم تلاتة الكانت راشّانا ومتقدّمة من الدقيقة اطناشر الشوط الأول
ومن شكل الكورة ممكن يدرّنوا في اي لحظة
لكن القصّة انو زي الكورة اللعبها الهلال الليلة كان فطّرتنا في المجموعات ما بتغدّينا, وكان غدّتنا الله اعلم تعشّينا
|
Post: #2
Title: Re: وإن فاز... الهلال تعباااان
Author: محمد البشرى الخضر
Date: 04-22-2014, 07:54 PM
Parent: #1
الجدير بالذكر أنو المجموعات المقصودة في المداخلة أعلاه, هي مجموعات بطولة إفريقيا للأندية ابطال الدوري
القال الكاف في حق الأندية الثمانية المتاهلة ليها - في ما معناه - الآن اتفرز الرجال من "الوليدات"
و الاجدر بالذكر أن الوليدات المعنيين هم الأندية الثمانية الطاروا من دور السطاشر
فيا ربي الكاف لو عايز يجيب طاري الطايرين من دور الإتنين وتلتين وناس التمهيدي الكم وكمين كان قال عليهم شنو؟
كان ناس السطاشر وليدات يبقى ديل و احدين رضّع التانين أجنّة عديل كدا
خخخخخخخخخخخخخخخخخ
|
Post: #3
Title: Re: وإن فاز... الهلال تعباااان
Author: محمد البشرى الخضر
Date: 04-22-2014, 07:58 PM
Parent: #2
دخلنا في الزمن بدل الضائع أربعة دقايق ربّك يستر
هيا نابي الهنا غن بقينا نرجف قدّام الخرطوم تلاتة أخير عايز تسو بينا شنو في المجموعات*
_______________________
* المجموعات المذكورة هي ... إلخ إلخ
|
Post: #4
Title: Re: وإن فاز... الهلال تعباااان
Author: محمد البشرى الخضر
Date: 04-22-2014, 08:00 PM
Parent: #3
أححححححححححح
إنتهت بسلام, الحمد ليك يا الله
و الله يجازيك يا النابي, ويستر عليك وعلينا في المجموعات (التي قال عنها الكاف .. إلخ إلخ )
لكن قون الجزولي سينما عديل كدا :)
|
Post: #5
Title: Re: وإن فاز... الهلال تعباااان
Author: ناظم ابراهيم
Date: 04-22-2014, 09:04 PM
Parent: #4
ود البشري بالغت
مخلى شيلسى واتلتيكو مدريد
وبتتفرج فى حمام ميت
|
Post: #6
Title: Re: وإن فاز... الهلال تعباااان
Author: د. ياسر عبد القادر
Date: 04-22-2014, 09:05 PM
Parent: #4
أبو حتوت سلامات
ماشفت المباراة......لكن كلامك خلانا نخت علامات إستفهام كتيرة
أرجو أن يتدارك النابي الامر قبل فوات الاوان....
إبتسامة:
الكاف فرز الرجال من الوليدات.......أما ناس فلانة...فديل خدج لسه....والمشكلة عاملين إزعاج شديد جدا وهم في الحضانة ......ماعارف حيعملوا شنو بعد ما يفرج عنهم في الشهر التاسع
|
Post: #7
Title: Re: وإن فاز... الهلال تعباااان
Author: طارق حرسي
Date: 04-22-2014, 10:32 PM
Parent: #6
Quote:
أححححححححححح
إنتهت بسلام, الحمد ليك يا الله |
ود البشري سلام
ده الحالة الخرطوم الوطني
الـــوحـــوحـــة دي اعمل ليها بروفة من هسي امانة ما راجياك جنس وحـــوحـــة 
84 سنة بالحالة دي
و ربنا يصيركم علي ما ابتلاكم من وحــوحـــة
مودتي
|
Post: #8
Title: Re: وإن فاز... الهلال تعباااان
Author: عبدالعزيز الفاضلابى
Date: 04-22-2014, 10:34 PM
Parent: #6
Quote: ود البشري بالغت
مخلى شيلسى واتلتيكو مدريد
وبتتفرج فى حمام ميت |
سلام ياود البشري ياخ مشتاغووون بالجد لمناكفاتكم.
إت ياباش مهندس لسه مباري لي ناس بوي.
اخوك الأيام دي جايب صندوق فيهو كل قنوات الدنيا لي قناة البحر الاحمر وراديو دبنقة فيهو.
وكان للكورة عييييك دورياً في العالم مابجيبو مافي.
بس الأيام دي اخوك مركز علي ليفربول عندهن شافع اسمو رحيم فرفارة ـ
تلقاهو وسط المدافعين بس زي التلجة في جك الكركدي في مغرب رمضان.
ياخ الدوري السوداني ده التقول مصورنو بي موبايل.
ياخ مسعول من الخير وين اخونا الكوتش؟
|
Post: #9
Title: Re: وإن فاز... الهلال تعباااان
Author: حيدر بشير
Date: 04-23-2014, 06:19 AM
Parent: #8
ود البشرى سلام و تحايا
ايوة نعم الهلال تعبان و لكن فى ظنى ان النابى ليس بقامة الهلال و ان اتى بكاس من قبل
انا بقول انه الفرق الاخرى تحسن مستواها فاصبحت تنافس الهلال و لكن الهلال لم يتقدم تحت امرة النابى
لذلك نجد ان المستوى قد تقارب
بعضآ من اخوانا ناس التمهيدى ديل اليومين ديل طايرا ليهم الحمى فى راسهم فهم غير مؤاخذين على ما يقولونه
|
Post: #10
Title: Re: وإن فاز... الهلال تعباااان
Author: ياسر منصور عثمان
Date: 04-23-2014, 07:42 AM
Parent: #1
تعبان شديد كمان
ما بندس راسنا في الرملة
الفريق محتاج اعادة صياغة
بالطريقة دي ما بمشي لي قدام
|
Post: #11
Title: Re: وإن فاز... الهلال تعباااان
Author: خالد عبد الله محمود
Date: 04-23-2014, 08:32 AM
Parent: #10
يا ود البشري فهمني عليكـ الله ..
ما سبب وجود كوليبالي في التشكيل الأساسي و صلاح الجزولي في التشكيل الإحتياطي !!
ما هو المغزي من إشراكـ خليفة في الطرف اليسار في وجود عبد اللطيف بوي في الإحتياطي !!
بعد كوارث جمعة الأخيرة لماذا لا تتم إتاحة الفرصة للمعز محجوب لخلق نوع من التنافس على الخانة ؟
بعدين بصراحة عمر سيدي بيه ما اللاعب اليعتمد عليهو في صناعة اللعب ..
لا يمكن يكون نزار حامد و هو أساساً لاعب إرتكاز يجيد صناعة اللعب أكثر من سيدي بيه صانع اللعب الأساسي في الفريق !!
شكلو كده يا ود البشري عايزين تغيير شامل كامل بما ذلكـ مدرب الفريق في التسجيلات الجاية دي و لا مفر من ذلكـ
|
Post: #12
Title: Re: وإن فاز... الهلال تعباااان
Author: محمد رحمة النور
Date: 04-23-2014, 12:55 PM
Parent: #11
اخونا طارق ود حرسي السلام عليكم ورحمة الله وبركاته ليك شوقة والله ياتمهيدى واخونا المغترب نحو لندن فائز ود القاضي يا اخي البروفة دي خليها طوالي علي ناسكم التمهيداب رد الله غربتهم ونحنا لو طرنا مامشكلة بعد دا المهم مع الثمانية الكبار شايف رئيسك الطوالي الوالي شاف مران الهلال وانبهر بس صار يقول ياربي النابي دا ناس الهلال ديل حايطيروا متين اصلوا انتوا بلا الهلال مابتاكلو عيش لك العتبي وسلام خالص لاخونا ود البشري الهلالي المطبوع ونحنا والله دايرين شغل كتيييير في الهلال رحماك ربي بهلال كل السودان.
|
Post: #13
Title: Re: وإن فاز... الهلال تعباااان
Author: ناصر المحسى
Date: 04-23-2014, 01:10 PM
Parent: #12
| Quote: اخوك الأيام دي جايب صندوق فيهو كل قنوات الدنيا لي قناة البحر الاحمر وراديو دبنقة فيهو |
ياخي عندي واحد ما بيجيب الا السودان والشروق والنيل الأزرق والطيبة مع باقي القنوات العربية حتي المشفرة
بالله رسل اسم الجهاز
|
Post: #14
Title: Re: وإن فاز... الهلال تعباااان
Author: khaleel
Date: 04-23-2014, 01:11 PM
Parent: #12
مشتاقون يا هندسة
الهلال فاقد للهوية منذ مباراة الملعب المالي
انا ما مقتنع بحكاية 433 دي محتاجة لاعبين بمواصفات خاصة غير موجودة في لاعبي الهلال
والله يستر علينا من عصابات افريقيا
|
Post: #15
Title: Re: وإن فاز... الهلال تعباااان
Author: عبدالعزيز الفاضلابى
Date: 04-23-2014, 04:40 PM
Parent: #14
| Quote: بالله رسل اسم الجهاز |
سلام يامحسي ـ الجهاز العندي ده اسمه (ATN2000) وفي الـVersion الـ قبلو (ATN500) وآخر نسخة (ATN3000)
والنسخة الأخيرة دي فيها Hard Drive يمكنك التسجيل عليها ـ بس ماعارف الأقطار الـ بشتغل فيها.
وحسب علمي انو بشتغل في امريكا واوروبا وكندا وعشان تجيب قنوات الـ BEIN Sport تدفع شهريا (35$)
ولو ماعاوز قنوات الـ BEIN باقي القنوات (ملح) بعد تشتري الريسيفر بـ (250$) الشركة الـ مُشَغِلة اسمها ايلاف تي في (ELAF TV)
وتلفونهم (1855888131) Ext. 101 . غايتو الـ عندي ده 2000 ATN حتي الصومال وجيبوتي فيهو .
كنت متابع لي مسلسل في جيبوتي غايتو مافاهمن بقولوا في شنو لكن من حرة النفس الموضوع ليهو علاقة بي بت سغيرة عاوزين يعرسوها لي زول قدر ابوها.
والمناظر غايتو تقول مصورنها في الفاضلاب وده السبب الـ خلاني اتابع المسلسل ـ
ارجو لك التوفيق.
|
Post: #16
Title: Re: وإن فاز... الهلال تعباااان
Author: عبدالعزيز الفاضلابى
Date: 04-23-2014, 04:57 PM
Parent: #15
Quote: يا ود البشري فهمني عليكـ الله ..
ما سبب وجود كوليبالي في التشكيل الأساسي و صلاح الجزولي في التشكيل الإحتياطي !!
ما هو المغزي من إشراكـ خليفة في الطرف اليسار في وجود عبد اللطيف بوي في الإحتياطي !! |
إنت ياودالبشري بقيت مدرب ونحن ماعرفين؟
كيفك ياخالد ـ مناكفة ليس الا ـ تيك إِتْ إيزي.
|
Post: #17
Title: Re: وإن فاز... الهلال تعباااان
Author: ناصر المحسى
Date: 04-23-2014, 05:06 PM
Parent: #15
يا عبد العزيز انا عندي smart TV box
بتجيب كل العربية حتي المشفر ة حتي bein فاتحة وقنوات الأفلام المشفرة
وكل قنوات شرق افريقيا بالاضافة لباقة قنوات تركية وباقة قنوات
تركية وإمكانية التسجيل وبها كمرة ممكن تصور او
تتكلم في اسكايب
|
Post: #18
Title: Re: وإن فاز... الهلال تعباااان
Author: طارق حرسي
Date: 04-23-2014, 05:24 PM
Parent: #17
Quote:
اخونا طارق ود حرسي السلام عليكم ورحمة الله وبركاته ليك شوقة والله ياتمهيدى واخونا المغترب نحو لندن فائز ود القاضي يا اخي البروفة دي خليها طوالي علي ناسكم التمهيداب رد الله غربتهم ونحنا لو طرنا مامشكلة بعد دا المهم مع الثمانية الكبار شايف رئيسك الطوالي الوالي شاف مران الهلال وانبهر بس صار يقول ياربي النابي دا ناس الهلال ديل حايطيروا متين اصلوا انتوا بلا الهلال مابتاكلو عيش لك العتبي وسلام خالص لاخونا ود البشري الهلالي المطبوع ونحنا والله دايرين شغل كتيييير في الهلال رحماك ربي بهلال كل السودان. |
اوووووووووووو
الصفيرابي
محمد رحمة
سلام يا حبيب
كبار شنو يا عمك و هلالك ده لا زال صفراً يحبو 
Quote:
ونحنا لو طرنا مامشكلة |
وانتو ما دائماً طايرين .. وبالـــــصــــــفــــــر محملين
يا ود رحمة اخير ليكم تمدو رجولكم قدر اصفاركم
لاعبين ليكم اربعة مباريات في الدوري الممتاز
خسارة
وتعادل
وفوز بشق الانفس علي الامل عطبرة والخرطوم الوطني وفي المباريتين هدفي الفوز تم احرازهم في الدقائق الاخيرة من زمن المبارة
يا حبيب هلالكم ده .. ما هلال بطولات ... هلال مـــشــاركـــات سااااااااااااااااااااااي
تحياتي
|
Post: #19
Title: Re: وإن فاز... الهلال تعباااان
Author: طارق حرسي
Date: 04-23-2014, 05:34 PM
Parent: #18
من المبارة هدف صحيح ملغي لفريق للخرطوم الوطني
|
Post: #20
Title: Re: وإن فاز... الهلال تعباااان
Author: عبدالعزيز الفاضلابى
Date: 04-23-2014, 05:46 PM
Parent: #19
| Quote: يا عبد العزيز انا عندي smart TV box |
ياناصر جربت تتصل علي ناس الـ Smart TV وتعمل Upgrade؟
حسب علمي إن الـ ATN ده البث حقهم موجود في اوروبا جرب مع فكي قوقل بعد ترمي بياضك.
الـ ATN الـ عندي ده فيهو كل القنوات القلتها دي بالإضافة للقنوات الرياضية الألمانية. وبرضو فيهو نظام الاسكايب وكثير من التطبيقات.
بس بيني وبينك مافي وكت ليه وماقاعد اشوف فيهو الا الكورة وعناوين الاخبار.
|
Post: #21
Title: Re: وإن فاز... الهلال تعباااان
Author: نادر الفضلى
Date: 04-23-2014, 06:16 PM
Parent: #20
ود البشرى
تحياتى
(هلال تعبان) دى ما جديدة .. دا إسم سموه ليهو أهلنا فى جنوب السودان ليلة مباراة إفتتاح جامعة جوبا ! (وجه ضاحك)
فريق الخرطوم الوطنى فريق منظم منضبط تكتيكياً بتعليمات مدربه الشاطر المستفيد من مفاتيح اللعب خاصة قلق والأمير وعاطف خالد
الهلال أنقذه خطأ أحمد مارتن الذى تسبب فى تحقيق التعادل. وقبل التعادل الهدف المنقوض للخرطوم صحيح (هدف تأمين النتيجة)
والحالة التى إحتسبت على قلق مع جمعة جينارو حالة معكوسة هى ضربة جزاء على جمعة. جمعة سقطت الكرة من يده فهو لم يكن
فى وضع حارس مستلم الكرة بيده ليجد أى حماية خاصة، وقلق ببراعة إستلم الكرة وحولها وقبل نحو االمرمى، جمعة إرتكب معه مخالفة
واضحة داخل خط ستة .. ضربة جزاء .ثانية كانت ستحقق التعادل للخرطوم ...
كوليبالى لاعب جيد عكس ما أقرأ عنه .. لم أشهده كثيرا قد يكون حساسيتة فى التهديف ليست عالية.
|
|