بالله العظيم الكلام ده كلو حصل؟؟

Post: #1
Title: بالله العظيم الكلام ده كلو حصل؟؟
Author: Tumadir
Date: 04-22-2014, 12:44 PM
Parent: #0

http://www.sudanyat.org/vb/showthread.php?t=19687

انا ترجمت تلاتين حكاية شعبية من مختلف اجزاء العالم

وبلة محمد الفاضل نشرها كلها في سودانيات

وانا ماعارفة؟؟

ياجماعة بالله اقروا القصص دي شوفوها ممتعة كيف

عملتهم خلال شهر من شهور رمضان ..كل يوم اترجم قصة لمن الشهر انتهى

وجانا العيد

ياحليل زمن المنبر كان مصدر الهام لي ..حسة لو جه قطر عديل كده ..ما اظن اعمل عملية سمحة زي دي

هههههههه

لكن برضو الدنيا ما معروفة عسى ولعل

المهم انا سعيدة بالعودة للمنبر..

ولو الهمتوني بتلهم ليكم تاني ....هاها

Post: #2
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 12:50 PM
Parent: #1

http://sudaneseonline.com/cgi-bin/sdb/2bb.cgi?seq=msgandboard=...msg=1189100673andrn=72

Post: #3
Title: Re: بالله العظيم الكلام ده كلو حصل؟؟
Author: يازولyazoalيازول
Date: 04-22-2014, 12:52 PM
Parent: #1

يا تماضر الرابط الفوق احالنى الى بوست المكوة ، أرجو وضع الرابط الصحيح لقصصك الرمضانية ، وتسلمى حبيبتى

لا لا خلاص الرابط التانى زبط
ههههههههههه

Post: #4
Title: Re: بالله العظيم الكلام ده كلو حصل؟؟
Author: Asim Fageary
Date: 04-22-2014, 12:55 PM
Parent: #3

تماضر سلام ومثلها لـ هشام

تعرفي المنبر بقت عليهو مقولة: لا بندورك لا بقدر بدونك

Post: #5
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 01:00 PM
Parent: #4

هشام ود اللم

وعاصم فقيري العزيزين

http://www.sudanyat.org/vb/showthread.php?t=19687

شكرا على التنبية

(تنبيك عن سؤالك اشواقي)

ههههه

انت عارف يا هشام انا شايلة المكوة (افصد بوست المكوة) في يد ...والبوست بتاع الترجمة ده جه قاطع ..واتخلعت لمن شفتو ..

فالمكوه وقعت من يدي ...(اقصد بوست المكوه) هههه وانا مالاحظت ليها

Post: #6
Title: Re: بالله العظيم الكلام ده كلو حصل؟؟
Author: Artiga Gilani
Date: 04-22-2014, 01:10 PM
Parent: #5

بسم الله الرحمن الرحيم

ليت بورداب الزمن الجميل
يعودون تباعاً ..
فما احوج البورد لطلتهم البهية

الاستاذة تماضر
سلام ومحبة

ارتيقا

Post: #7
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 01:20 PM
Parent: #6

أرتيقا سلام ومحبة مربع

حتى المنبر بقى عندو زمن جميل؟؟ هههه

انا بفتكر انه الاحوال السايسية المعقدة في البلد
طغت على المنبر ..والواجهة الثقافية اضمحلت كتير

قلنا نجيب ثقافة زيادة

يمكن ..تنفع الناس شوية

بس شكرا ليك كتير

Post: #9
Title: Re: بالله العظيم الكلام ده كلو حصل؟؟
Author: ismeil abbas
Date: 04-22-2014, 01:26 PM
Parent: #7

مرحباً بعودتك أخت تماضر ومزيداً من ألأبداع...

Post: #11
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 01:44 PM
Parent: #9

اسماعيل عباس

لا انسى أبدا أننا تبادلنا الود التقدير والاحترام طيلة وجودنا بهذا المنبر زمان

ويبدو أننا سنعاود هذه المشاعر الايجابية السوية ..ثانية وحتى منتهى التدبير الابهي

فشكرا لك صديقا ..

Post: #32
Title: Re: بالله العظيم الكلام ده كلو حصل؟؟
Author: cantona_1
Date: 04-22-2014, 10:31 PM
Parent: #5

بنتي العزيزة تماضر سلام مربع .. بنتي دي عشان الجماعة يعرفوا أنك شباب مش قدرنا أنا وهشام.
إن شاء الله تكوني ختمت المصحف في ذلك الشهر المبارك؟
ندعو لك بالصحة والعافية وطول العمر وللزميل هشام شيخ الدين الأهلية أم درمان زمن كرف وسيد الياس ونورين أخوان ومحي الدين فارس وأبو علوان والطيب شبيكة واللوير والصاوي .. أيام لها إيقاع..
زمن السجوك بالمتر .. وجوز الحمام فيهو 3 .. ودستة البيض فيها 15 بيضة .. وهلم جرا.
تحياتي

كبـّاشي الصـّـافي
(العوج راي والعديل راي) .

Post: #10
Title: Re: بالله العظيم الكلام ده كلو حصل؟؟
Author: عبدالحفيظ ابوسن
Date: 04-22-2014, 01:38 PM
Parent: #4

ونحن سعيدين بيك
وبي وجودك
كوني النجمة
وأكتبي كأنك وحدك
المنبر فيهو وفيهو
والله مدبرس حد التقوقع لكن خشيت ابشر بيك
نلهمك وألهمينا لحدي ما نصير ضوءا يضئ دياجر اي حاجه

Post: #12
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 01:56 PM
Parent: #10

Quote: ونحن سعيدين بيك
وبي وجودك
كوني النجمة
وأكتبي كأنك وحدك
المنبر فيهو وفيهو
والله مدبرس حد التقوقع لكن خشيت ابشر بيك
نلهمك وألهمينا لحدي ما نصير ضوءا يضئ دياجر اي حاجه

لا لا لا يا استاذ

مـــــــــا تدبرسون

أصلو ما تدبرسون

تعرف أنا بضحك من جوه قلبي لي حسة

وووالله يا عبد الحفيظ ابو سن ..كان وريتك كمية الآلام والاحباطات المريت بيها في حياتي دي،
كابن آدمة كامرأة كأخت كابنة كصديقة كمواطنة سود\انية كامرأة افريقية ..كأم ..كموظفة كممثلة ككاتبة ناشطة شنو ما بعرفو داك

كمية من الاحباطات والخيبات ..يمكن تبقى جبل ..هي براها وتبقى أفق كالح تحيل بيني وبين الفرح لي يوم الجساب

وبعد ده كلو
بقرقر قرقرة وكل صباح..صباح جديد وكل يوم أمل جديد

عندي دكتور نفسية صاحبت..وانا بترجم للمرضانين حقنها ..قلت ليها مش غريبة؟؟ الناس البجوا يشتكوا ليك ديل ما شافوا نص الشفتو أنا ..وأنا تراني شديدة ولضيضة وهم يتبكوا وينهاروا وبعصلجوا ويرجفوا ...من الاكتئاب والخوف والقلق

ده يسموهو شنو؟؟

قالت لي لكن انتي عندك مقدرة على التكيف مع الظروف

انتي بتضحكي وخلاقة ومبدعة

الألم ما بشوهك..بتحول عندك لي معنى ..ودرس وشي أعمق منه هو زاتو..(والحمدلله رب العالمين)

أها يا عبد الحفيظ ابوسن

انت معقول بعد كتابتك السمحة دي ونبشك للقضايا المطروحة بالطريقة الرااااايقة دي ..وتداخلك مع الناس في كل صغيرة وكبيرة ..ده

معقول ما قادر تكيف نفسك..(حتى لو بفنحان جبنة؟) وتتكيف مع الاكتئاب ..والقلق والاحباط والحزن والفقد..بمقدراتك الخلاقة دي؟؟

مــــــــا بصدقكم ...

كدي هاك استمتع بعثمان حسين ..بينما أنا ما مصدقاكم ...هههه

Post: #8
Title: Re: بالله العظيم الكلام ده كلو حصل؟؟
Author: الطاهر الطاهر
Date: 04-22-2014, 01:24 PM
Parent: #1

Quote: لكن برضو الدنيا ما معروفة عسى ولعل

المهم انا سعيدة بالعودة للمنبر..

عودتك للمنبر تعطينا دافع البقاء .. وان كنا لا نزال نتحسس مواضع اقلامنا فيه
عاصرناكم قبل منحنا العضوية فلا تحرمونا من مجالستكم بعدها ..
تحياتي ..

Post: #13
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 02:02 PM
Parent: #8

Quote: عودتك للمنبر تعطينا دافع البقاء .. وان كنا لا نزال نتحسس مواضع اقلامنا فيه
عاصرناكم قبل منحنا العضوية فلا تحرمونا من مجالستكم بعدها ..
تحياتي ..

زمان انا قلت كلمة حسة شايفة واحدة قريبة ليها ولا هي زاتا ما متأكده (بعيد عنك حقنا رايح بسبب النسيان كمان)

تعالوا نتش عين الضلام بالضو

ما تتحسس موضع اقلامك ولا تخاف ليك من زول

تعال أهزم الهزيمة ..بالجمــــــــــــــــــــــال

والدنيا شن فيها ..؟؟

ما نحرمكم ...

ولو حرمناكم نكون محرومين

يــــــا هلا..... فيج..(ياعملات ناس العراق)

Post: #14
Title: Re: بالله العظيم الكلام ده كلو حصل؟؟
Author: Artiga Gilani
Date: 04-22-2014, 02:03 PM
Parent: #8

بسم الله الرحمن الرحيم
الاستاذة / تماضر

Quote: حتى المنبر بقى عندو زمن جميل؟؟ هههه

فاجعتنا اننا اصبنا فى كل شيئ جميل لدينا
حتى هذا المنبر
فشتان ما بين بورد 2003 م وقتما كنا نجد الضحكة
والادب ... والسياسة (بصورة اقل حدة ).. وبين ما نطالعه
اليوم ..
وناس ما قبل 2003 م برضو بتحسرو على ما قبلها
والله هونينى

دمت بخير

ارتيقا

Post: #15
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 02:11 PM
Parent: #14

Quote: فاجعتنا اننا اصبنا فى كل شيئ جميل لدينا
حتى هذا المنبر
فشتان ما بين بورد 2003 م وقتما كنا نجد الضحكة
والادب ... والسياسة (بصورة اقل حدة ).. وبين ما نطالعه
اليوم ..
وناس ما قبل 2003 م برضو بتحسرو على ما قبلها
والله هونينى

دمت بخير

ارتيقا

والله ولا تتحسر على شي

الزمن الجميل تراكا شايلو في يدك في الصورة دي

يبقى ملااااااامح في ذؤيتك

وبس كل مايروح شي..جميل ..القى ليه بديل

ونحن قاعدين لمتين ؟؟

بس شكرا على الرجعة والتوضيح..

Post: #16
Title: Re: بالله العظيم الكلام ده كلو حصل؟؟
Author: ismeil abbas
Date: 04-22-2014, 02:29 PM
Parent: #15

Quote: عندي دكتور نفسية صاحبت..وانا بترجم للمرضانين حقنها ..قلت ليها مش غريبة؟؟ الناس البجوا يشتكوا ليك ديل ما شافوا نص الشفتو أنا ..وأنا تراني شديدة ولضيضة وهم يتبكوا وينهاروا وبعصلجوا ويرجفوا ...من الاكتئاب والخوف والقلق

ده يسموهو شنو؟؟

تسلمى يا أخت تماضر على الكلام الجميل ده..سيظل الود والتقدير قائم مادام هناك قلب ينبض بأذن الله....

إنت سألت ده شنو؟؟ببساطة التربية السوية..بتقويك ساعة المحن. نسأل الله أن يقويك ويسعدك......

Post: #17
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 02:49 PM
Parent: #16

Quote: إنت سألت ده شنو؟؟ببساطة التربية السوية..بتقويك ساعة المحن. نسأل الله أن يقويك ويسعدك......

للجميع يارب..!!!

Post: #18
Title: Re: بالله العظيم الكلام ده كلو حصل؟؟
Author: يحي قباني
Date: 04-22-2014, 03:24 PM
Parent: #17

شفتي يا تماضر الشعب السوداني بقي مغلوب علي أمره كيف؟

انتي الآن جيتي و جبتي معاك التفاؤل ... و قصص من اجمل ما يكون ...

بدل ما الموضوع يكون عن جمال القصص و الدروس الفيها ...

و بدل ما الناس تتفاءل ...

طوالي رجعنا لسيرة الزمن الجميل .. و يا حليلو يا حليل ...

الفرنسيين الدنيا ضلمت بيهم عديل زمان ... و نهضو ...

انحنا لأ ؟

راجين الدنيا تنهض براها ... و بعداك نشوف نعمل شنو ...

بقينا بنحب النكد و بندمن الضعف و الإنهزام ...

و الله بتألم بي شكل من سيرة الزمن الجميل و ايام المنبر الجميل ...

و كأن من كانو ملائكه ... و الان اتي اللصوص و قطاع الطرق ...

انا اصلوا ما بفهم انو الشخص القادر علي نثر الجمال ...

يقوم يتراجع براهو بلا سبب عشان المنبر بقي فيهو مشاكل و ما بعرف شنو ...

اما ما يحيرني تماماً ...

هناك شخصيات يضمنها البعض حينما يجترون الماضي و يسألون اين فلان و حليل فلانه ...

و بعض تلك الاسماء انا شخصياً قرأت لهم اشياء قبيحه جداً يشيب لها الرأسه ...

و لا تختلف كثيراً عن من ما يحدث الآن ...

و لكن يبدو هم ذُكروا ضمن جاه الملوك ...
______________________________________
حتي الطاهر يا تماضر جا امس ... و قال اديتيهوا حافز للبقاء !!!

طيب كان ما تجي اصلوا وكت القصة كعبه قدر ده ... ههههههه

Post: #19
Title: Re: بالله العظيم الكلام ده كلو حصل؟؟
Author: Elbagir Osman
Date: 04-22-2014, 03:55 PM
Parent: #18

Quote: تعالوا نتش عين الضلام بالضو

ما تتحسس موضع اقلامك ولا تخاف ليك من زول

تعال أهزم الهزيمة ..بالجمــــــــــــــــــــــال

المنبر جميل .. ويظل
يقرأه الآلاف من بنات وأبناء السودان

نعم
لقد طفشت بعض الأقلام الجيدة
وهنالك مطفشون مواظبون
ولكن أهمية المنبر وعدد قرائه لم يقل
وفي زمن يستهدف الإنسان السوداني في وعيه ووجدانه
تصبح لكلمة جيدة .. من أمثال تماضر .. أثر كبير وباق في تكوين المجتمع ككل

وأوجه الكلمة لبعض الأقلام الجيدة التي ابتعدت
أو الخاملة
تحاشيا للمشاكسات وحفظا للكرامة
من المهم أن تكتبوا
حتى تطرد العملة الجيدة العملة الرديئة

سعيد بعودة تماضر
فكتاباتها من فاكهة البورد
بخواطرها الأسرع من ألكترونات الكمبيوتر

مرحبا بها إلى جانب أقلام راقية مثل
شاهين شاهين
ويحي قباني

وبوردات تدخلها كما تدخل محاضرة
أمثال بوردات
بشرى الفاضل
وفضيلي جماع

فمرحبا

الباقر موسى

Post: #22
Title: Re: بالله العظيم الكلام ده كلو حصل؟؟
Author: الطاهر الطاهر
Date: 04-22-2014, 07:30 PM
Parent: #18

Quote: حتي الطاهر يا تماضر جا امس ... و قال اديتيهوا حافز للبقاء !!!

طيب كان ما تجي اصلوا وكت القصة كعبه قدر ده ... ههههههه

يحى قباني علك بخير
بلا شك ياعزيزي ان المنبر في فترة من الفترات الماضية كان يتضمن ثقافة متنوعة وتجارب غنية للقارئ
وذلك نظرا لتعدد ثقافات كتابه حينها ،
اي ان تعدد الكتاب محمدة لابد ان نقابلها بنوع من الرضى والسرور حتى وان لم يكونوا ملائكه ، وبالتالي التباكي على اعضاء مضو
شئ لابد منه وخصوصا اذا كانو ممن يرجى منهم
وبنفس المستوى لاننقص من قدر القادمين الجدد لعلهم يرسمو حاضرا اجمل

* * *

تماضر اعذرينا ان نحينا ببوستك منحا اخر ..!!

***
الناس يرحلون اتصبح هذه القرى مهجورة ذات يوم ؟
ليس هناك سيدا ولا خدم فقط بعض المزارعين العجزة
يخدشون سفوح الجبال وهم يرون الابناء راحلين الى البعيد ..!!

* رافايل البارتي *

Post: #28
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 10:05 PM
Parent: #22

Quote: يحى قباني علك بخير
بلا شك ياعزيزي ان المنبر في فترة من الفترات الماضية كان يتضمن ثقافة متنوعة وتجارب غنية للقارئ
وذلك نظرا لتعدد ثقافات كتابه حينها ،
اي ان تعدد الكتاب محمدة لابد ان نقابلها بنوع من الرضى والسرور حتى وان لم يكونوا ملائكه ، وبالتالي التباكي على اعضاء مضو
شئ لابد منه وخصوصا اذا كانو ممن يرجى منهم
وبنفس المستوى لاننقص من قدر القادمين الجدد لعلهم يرسمو حاضرا اجمل

* * *

تماضر اعذرينا ان نحينا ببوستك منحا اخر ..!!

بالله شوفو الزول ده طيب كيف؟؟ ياخي انت زول طيب خلاص

Post: #44
Title: Re: بالله العظيم الكلام ده كلو حصل؟؟
Author: يحي قباني
Date: 04-23-2014, 00:00 AM
Parent: #28

Quote: بالله شوفو الزول ده طيب كيف؟؟ ياخي انت زول طيب خلاص

شكلي هجمتو الطاهر ده ولا شنو ؟

انا يالطاهر بس حكاية النوستالجيا دي يتزعجني شديد ...

لانها غير ما بتمرض صاحبها و تدبرس بالحوالينو ... ما بتعمل اي شئ تاني ...

Post: #47
Title: Re: بالله العظيم الكلام ده كلو حصل؟؟
Author: Tumadir
Date: 04-23-2014, 00:10 AM
Parent: #44

Quote: شكلي هجمتو الطاهر ده ولا شنو ؟

انا يالطاهر بس حكاية النوستالجيا دي يتزعجني شديد ...

لانها غير ما بتمرض صاحبها و تدبرس بالحوالينو ... ما بتعمل اي شئ تاني ...

ولا يهمك واثقين منك

انت اتعقدت ولا شنو يا يحيح؟؟

Post: #20
Title: Re: بالله العظيم الكلام ده كلو حصل؟؟
Author: نعمات عماد
Date: 04-22-2014, 04:48 PM
Parent: #1

الامورة ست الستات تماضر

يا فرحتنا بيك فى المنبر و يا فرحتنا بتلاتين حكاية

مشكورة و مشكور استاذ بلة

و منورة والله

Post: #21
Title: Re: بالله العظيم الكلام ده كلو حصل؟؟
Author: Siham Elmugammar
Date: 04-22-2014, 07:07 PM
Parent: #20

اياااااا بت شيخ الدين سلامات و تحايا و اشواق

يحيى قباني كيف حالك ... شرحو
http://www.sudaneseonline.com/board/415/msg/1255225676.html

Post: #23
Title: Re: بالله العظيم الكلام ده كلو حصل؟؟
Author: anwar abu gaidaa
Date: 04-22-2014, 07:52 PM
Parent: #21

الحمد لله وبركه الجيتى
عارفه يا طم طم وده نظام اصحاب وكده؟
انا لقيت انو مسجل روحى هتا يوم 30 ابريل 2002 يعنى اكثر من عقد من الزمان
كنا فيها نشطين نمارس الحياه ونتعاطى الثقافه ما استطعنا اليها سبيلا
كنتى انتى والموصلى وعماد براكه ومنعم شوف وخدر طارق ابو عبيده والصادق شيخ الدين ابو مريم ولى عند عزيز خطاب وناس وناس
يرن جرس الحصه فنسمع لهم ونشاركهم
اها قومى يا السياسه اطلعى يا سلمى الشيخ
ويا بدر الين شنا وناس وناس
اها حالة العزوف دى خلتنى اجى اعزى واطلع
بقى لى المنبر بيت بكا؟
اقول خش هسى اكان مت تلقى ناس اترحمو عليك؟
فى خريطة البرامج لكل مؤسسه اعلاميه نسب لانواع البرامج؟
لكن مع بكرى مش ح تقدر تغمض عينيك
حبابك واليوم السعيد الليله جابك
وعقبال ما اجى السنى
ويا السنى طمنى
اخوك انور ود بتول الغناى
الشهير بابو غيداء

Post: #24
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 09:29 PM
Parent: #23

نبدا بي سهام المجمر

Quote: تعالو ننكفى على الماضى

تعالو نبكى ايامنا الضايعه وزمنا الفات و غناينا المات.. تعالو نقعد نخت ايدنا فوق جضمونا و نغز كوعنا فوق يد الكرسى و نقول يا حليل زمن الانجليز ... اللحمه كانت بتتباع بالوقيه.. و طلبة الداخليات كانو ما بعرفو اكل الطعميه.. وننسى انهم كانو منو و جو ليه؟؟ .. ونجى نقول يا حليل زمن الازهرى الرفع العلم و ننسى " لمن يهمه الامر"...و "تحرير لا تعمير"... تعالو كمان نقول يا حليل النميرى و زمنو ..وننسى قوانين سبتمبر و المعتقلات و التعذيب و المقابر الجماعيه واعدام الشيخ الجليل ...وتعالو نفول يا حليل انتفاضة ابريل وننسى المجلس الانتقالى والدكتور الكارثة وسوار الدهب و تعالو نقول يا حليل الديمقراطيه وننسى ..بشير..سليم..التايه و ننسى مظاهرات السكر وضرب الرصاص ...والصادق الممتاز

ونواصل انكفاء

بري والله ولا بننكفو ..ابنضحكو

ابنضحكو وأبنقرقرو لامن نصنقعوا وتاني ندنقرو

بري ولا بننكفو ..ابنقرقرو ..وللضحك ..نصنقرو

نصنقروا ..ابنطرد البفندرو
نقرقرو ..والمخ ده شغلاتة كلها نحفرو

نقرقرو ..وللضيف نونسوا ...نخترو

نقرقروا

يا بايع نحنا أبنشترو .

.نقرقرو ...

وليش ما نقرقرو..ضراعنا الله يخدرو ..وقلوبنا ديمة تفرفرو ..

وعدونا عينو نسهرو ..واليابانا نمرقو ندفرو

ما بننكفو ..يا دهبك المجمرو ...بنقرقرو

(اها يا سهام قصرت معاك)؟؟

Post: #25
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 09:36 PM
Parent: #24

Quote: انتي الآن جيتي و جبتي معاك التفاؤل ... و قصص من اجمل ما يكون ...

يحي قباني...

بسسسسسسسسسسسسس خليك في النقطة دي..

الناس زهجانة ما تذكرها بالمزهجها ..ألفت نظرها للبفرحها..وخلي التفاؤل يكون (الثيمة) الأساسية ..ولا شنو يا يحيح.؟؟.(زمان كنت بقول ليحي فضل الله صاحبي العزيز يحــــــيح)

وياريت يحيح فضل الله زاتو يجي يتاوق لينا هنا...

بس انت شرفت المحلة ونورتها ...

Post: #26
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 09:50 PM
Parent: #25

Quote: وأوجه الكلمة لبعض الأقلام الجيدة التي ابتعدت
أو الخاملة
تحاشيا للمشاكسات وحفظا للكرامة
من المهم أن تكتبوا
حتى تطرد العملة الجيدة العملة الرديئة

شكرا يا باقر موسى يا فنان..

العملة الرديئة ما بتنطرد الا لمن السوق يغرق بالعملة الجيدة ..(المثل بتاعك ده ما دحين مثل زول نظام مفلس وكده)؟؟؟ هههههه

بس كلامك صاح الناس تحاول نمدد مساحاتها بنشر الفأل والأمل بالمشاركة .
وزي ماقال المثل: نحن .أهل الفرحة ..جينا...
حتى بالأمارة معانا أبو غيداء يبد الجلد والراس..

شايفاك يا باقر عجبتك ابيات عكير الدامر

ممشوق القوام الماوجدت مثيلو

خصامو معاي ..اخير لي من محنة غيرو
جافاني العزـــيز الكنت ديمة نصيرو

هو يسوي الغـــــــــــلت ..ونا سوي (كتر خيرو)

أمانة ما شاعر..!!!

Post: #27
Title: Re: بالله العظيم الكلام ده كلو حصل؟؟
Author: د.محمد حسن
Date: 04-22-2014, 09:57 PM
Parent: #26

شفتي الناس دي عطشانة كيف
اي بيت ما فيه بت
تلقي مليان طاخ طوخ
غياب البنات من بنبر بكري دي
حلى الروح عدائية الا من رحم ربك
غايتو نحن مدرقين بالشعر والتهاويم في الجمال
لكن ناس هيع واللسج النتر
رايحة ليهم عرسة اصلهم بتاعين تعدد

مرحب بيك تماضر

والقصص كتار للالهام

Post: #31
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 10:24 PM
Parent: #27

Quote: شفتي الناس دي عطشانة كيف
اي بيت ما فيه بت
تلقي مليان طاخ طوخ
غياب البنات من بنبر بكري دي
حلى الروح عدائية الا من رحم ربك
غايتو نحن مدرقين بالشعر والتهاويم في الجمال
لكن ناس هيع واللسج النتر
رايحة ليهم عرسة اصلهم بتاعين تعدد

مرحب بيك تماضر

والقصص كتار للالهام

يادكتور محمد حسن ياخي شكرا على بوست المحبة الفاتحو ..وشكرا على التفاؤل وكمان أكتر شكرا على الترحيب

(بختي قال أنا بت)!!

Post: #36
Title: Re: بالله العظيم الكلام ده كلو حصل؟؟
Author: امجد الجميعابى
Date: 04-22-2014, 10:55 PM
Parent: #25

نعم ان الذهب لا يصدأ كما ان الغمام لا يسير
و تماضر هي تماضر
يا زولة بنريدك و بنريد نضمك دحين ما تهملينا

هذا مع التحية

Post: #46
Title: Re: بالله العظيم الكلام ده كلو حصل؟؟
Author: Tumadir
Date: 04-23-2014, 00:08 AM
Parent: #36

Quote: نعم ان الذهب لا يصدأ كما ان الغمام لا يسير
و تماضر هي تماضر
يا زولة بنريدك و بنريد نضمك دحين ما تهملينا

هذا مع التحية

بريدك دي جاية من بريمة ؟؟

البريمو سايب ياحليل البريمنا ههههه

كيفك يا أمجد الجميعابي

(اللاست نيم قدر الضربة last name ) ..انت من الهواوير؟؟ هههه تحياتي ومحبتي يا صديق وأنا قاعدة هنا كم يوم شهر كده ..لغاية تجي كعة ..طيب؟؟

Post: #48
Title: Re: بالله العظيم الكلام ده كلو حصل؟؟
Author: يحي قباني
Date: 04-23-2014, 00:13 AM
Parent: #25

Quote: يحي قباني...

بسسسسسسسسسسسسس خليك في النقطة دي..

الناس زهجانة ما تذكرها بالمزهجها ..ألفت نظرها للبفرحها..وخلي التفاؤل يكون (الثيمة) الأساسية ..ولا شنو يا يحيح.؟؟.(زمان كنت بقول ليحي فضل الله صاحبي العزيز يحــــــيح)

وياريت يحيح فضل الله زاتو يجي يتاوق لينا هنا...

بس انت شرفت المحلة ونورتها ...

المحله ( الكبري ) منوره بيك يا ستهم ...

و انت عارفه انا و البهجه جينا في كرتونه واحده ...

لكن العالم النكدي ده نعمل معاهو شنو ؟

Post: #30
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 10:20 PM
Parent: #23

Quote: الحمد لله وبركه الجيتى
عارفه يا طم طم وده نظام اصحاب وكده؟
انا لقيت انو مسجل روحى هتا يوم 30 ابريل 2002 يعنى اكثر من عقد من الزمان
كنا فيها نشطين نمارس الحياه ونتعاطى الثقافه ما استطعنا اليها سبيلا
كنتى انتى والموصلى وعماد براكه ومنعم شوف وخدر طارق ابو عبيده والصادق شيخ الدين ابو مريم ولى عند عزيز خطاب وناس وناس
يرن جرس الحصه فنسمع لهم ونشاركهم
اها قومى يا السياسه اطلعى يا سلمى الشيخ
ويا بدر الين شنا وناس وناس
اها حالة العزوف دى خلتنى اجى اعزى واطلع
بقى لى المنبر بيت بكا؟
اقول خش هسى اكان مت تلقى ناس اترحمو عليك؟
فى خريطة البرامج لكل مؤسسه اعلاميه نسب لانواع البرامج؟
لكن مع بكرى مش ح تقدر تغمض عينيك
حبابك واليوم السعيد الليله جابك
وعقبال ما اجى السنى
ويا السنى طمنى
اخوك انور ود بتول الغناى
الشهير بابو غيداء

سجمك يا انور الجلاد كان طولت في المنبر كده معناها حتبقى من ناس الزمن الجميل

يومداك عندي صديق ..قال لي وهو بعزيني في محجوب شريف.

انقر قال لي شنو؟؟

(فضلتي انتي وفضيلي جماع)

ههههه بالله ده صديق شنو ده عليك الله؟؟

أها وصيتي ليك اوعك من الزمن الجميل..مافضل منو نفاخ النار ..ههههههه

نسووا شنو..بس أبنقرقروا لامن نصنقعوا وندنقرو ..ومن الضحك نصنقرو
.(الله يرحمهم كلهم احبابنا وأصدقاءنا)

Post: #45
Title: Re: بالله العظيم الكلام ده كلو حصل؟؟
Author: يحي قباني
Date: 04-23-2014, 00:05 AM
Parent: #21

Quote: يحيى قباني كيف حالك ... شرحو

شرحو ساكت يا بت المجمر ...

شرحو ونص كمان ...

بس نسيتي البكاء علي الكورلا ال78 و الهيلوكس ال 80 اربعه شنكل ...

و الله يا سهام انا عندي حق في رقبة النميري و عمر محمد الطيب اصلي ما بخلي ...

لكن غير كده ... الناس مفروض تخليها مع الزمن علي قولة رمضان زايد الله يرحمه ...

Post: #29
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 10:12 PM
Parent: #20

Quote: الامورة ست الستات تماضر

يا فرحتنا بيك فى المنبر و يا فرحتنا بتلاتين حكاية

مشكورة و مشكور استاذ بلة

و منورة والله

هههه انتي مش صاحبة أحلى عنوان في المنبر؟؟

قالت
مصر يا تختي بلادي (يا تحصل مصيبة)

ههه

تقولي:

مصر يا ه ..تختي بلادي يا عقيقة

____كدي خلينا نختها هنا ونشتفل عليها بالمهلة

مصر يا أخت بلادي ياشقيقة
يا رياضا عذبة النبت وريقة
مصر يا أم جمال .. أم صابر
ملء روحي أنت يا أخت بلادي
سوف نجتث من الوادي الاعـادي
فلقد مدت لنا الأيدي الصديقــــة
وجه غاندي وصدى الهند العميقة
صوت طاغور المغني
بجناحين من الشعر على روضة لحن يادمشق
كلنا في الفجر والآمال شرق

___________

بس ياحليلك يالظريفة ..وشكرا على الترحاب

Post: #33
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 10:34 PM
Parent: #29

بلة الفاضل

قبضناك بالثابتة تاني شنو؟

كدي تعال بالدرب

عبد الاله زمراوي

تعالوا راجعين ما تخافوا منهم

انا ماسكة ليكم الباب

اجروا

Post: #51
Title: Re: بالله العظيم الكلام ده كلو حصل؟؟
Author: بله محمد الفاضل
Date: 04-23-2014, 07:59 AM
Parent: #33

الجميلةُ طمطم
صباحك عسجدٌ وأوراقٌ تتهادى فيها الأحاسيس الباهرة

هذا
"وقد كنتُ مسْتوراً وٍسٍرِيَ كامِـنٌ"
فأنتِ كما ترين
لم يقابِل ما بذلته من بذلك
عطرٌ مرتجى

ثم ما فعلتِ بها
عملٌ كهذا من الصحيح نشره في كتاب
حتى يعبر إلى كثيرٍ من القلوب والأذهان
فتنهل من معينه
وتأخذ إلى أوقاتٍ تاليةٍ لها
ما يعينها على مجابهتها
هذا ظني

وتلك
خطوة واحدة نحوك يا أخية
والخطوات قادمات
فكوني في الموعد
نكن حضوراً بإذن الله
إن تخلى عنا من لا يتخلى

سلمت روحك العطر وبنانك الذي منها يصب

تحياتي، محبتي واحترامي

Post: #34
Title: Re: بالله العظيم الكلام ده كلو حصل؟؟
Author: مامون أحمد إبراهيم
Date: 04-22-2014, 10:40 PM
Parent: #29

حياك الله أختنا العزيزة تماضر

رجعتك دي ،

هي بالضبط زي رجوع زول مسافرة ليهو زمن طويل عن بيتم في السودان ، وعن الحلة والناس وأرض الوطن ! وبعد سنوات طويلة يهبط خلسة في مطار الخرطوم ! ، وفجأة كده يظهر لى ناس الحلة ، وينزل من التاكسي قدام باب بيتم ويدق الباب !

تصوري مدى سعادتنا بيك !

ألف ألف مرحب .. بيتك ومطرحك .. ومكانك ليس له أحد سواك !

Post: #35
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 10:47 PM
Parent: #34

Quote: هي بالضبط زي رجوع زول مسافرة ليهو زمن طويل عن بيتم في السودان ، وعن الحلة والناس وأرض الوطن ! وبعد سنوات طويلة يهبط خلسة في مطار الخرطوم ! ، وفجأة كده يظهر لى ناس الحلة ، وينزل من التاكسي قدام باب بيتم ويدق الباب !

حرام عليك يامامون ليه ما كلمتني بالفكرة دي من زمان؟؟

كان بس أمشي السودان وأفاجيء الناس في الحارة السابعة

وانزل من التاكسي وانزل قدام البيت وادق الباب....

واكتشف أنه أغلاهم رحل .......

اخخخخخخخخ البركة في الجميع..

المهم شكرا على التشبية الظريف ..لكن خلاني أسرح في همي

ويا بخت من أصبح على همو القديم

Post: #37
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 11:02 PM
Parent: #35

وللجميع أهديكم هذه القصيدة الحلو ..والتي لاتخلو من طرافة كتبها الشاعر الصديق الفنان الاستاذ بشير عبد الماجد ..(شاعر أغنية كنوز محبة للفنان زيدان)
فاستمتعوا بها كما استمتعت أنا :
بعدَ الـبَـوح
******
يَقولونَ في الـبَوحِ انْـعِتاقٌ وراحـةٌ
وقد بُحْتُ لكن ما الذي نلتُ من بَوْحي
سوى أنّني أصبحتُ في الأمرِ حائِـراً
أحاذرُ من لََـيلِي وأهــرُبُ من صُبْحي
أسائِلُ نفسي هل تُرى كنتُ عـاقـلاً
أم أنَّ جنوني قادَ نفسي إلى فَضْحي
وقد كنتُ مسْتوراً وٍسٍرِيَ كامِـنٌ
وقلبيَ يُصْغي إنْ نَصَحتُ إلى نُصْحي
فما بالُهُ قد عَـقَّـني اليومَ وانْـبـرى
يُثرثِرُ نَـشْوانا ويُسـهبُ في الشِّـرحِ
وإن كنت قد أزعجْتُ غيري فانَّني
أُقدِّمُ عذري ثمَّ أطْـمَـعُ في الـصَّفحِ
ولكنَّ هـذا ليس يـعني تراجُـعـي
وإن كان عذري مثلَ ذنبيَ في القبح
فَـيا مَنْ بلاهـا الدَّهـرُ بي لا تُفكري
كثيراً بجودي في الحديثِ ولا شُحِّي
ولا تَسْأليني عن غَـدٍ كيفَ حالُـهُ
سَـيأتي بنَصْرِ اللهِ إنْ شاءَ والفتحِ
وإلاّ فإِني سوفَ أبْـقـى كما أنـا
أُنادِمُ جُـرحي كلما هاجَني جُـرحي .
بشير عبد الماجد
e

Post: #38
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 11:15 PM
Parent: #37

Quote: بنتي العزيزة تماضر سلام مربع .. بنتي دي عشان الجماعة يعرفوا أنك شباب مش قدرنا أنا وهشام.
إن شاء الله تكوني ختمت المصحف في ذلك الشهر المبارك؟
ندعو لك بالصحة والعافية وطول العمر وللزميل هشام شيخ الدين الأهلية أم درمان زمن كرف وسيد الياس ونورين أخوان ومحي الدين فارس وأبو علوان والطيب شبيكة واللوير والصاوي .. أيام لها إيقاع..
زمن السجوك بالمتر .. وجوز الحمام فيهو 3 .. ودستة البيض فيها 15 بيضة .. وهلم جرا.
تحياتي

كبـّاشي الصـّـافي

هههههه والله ياول العوض زي ما بقولو ليك
لمن قريت (بنتي) دي فرح فرحن؟؟

ليه كده يا كباشي العوض مافيها حاجة لو قلت انك اخوي وزميلي ودخلنا جامعة الخرطوم سوا ..علوم رياضيات...
الكتوف اتلاحقت ..ما قدرك لكن كمان ما قدر بتك ... هههه

انا ولدي عرس وبتب عرست الحمدلله ..وراجيين الأحفاد ..مترقبين التلفونات ههههههه وعندي اتنين لسة في الجامعات ..ولسة بشحدومي قروش ..اها انت عندك منو ؟؟

ياحليل زمن الختمة مع ابوي الشيخ شيخ الديار وشيخ البلدان كنا الحجل بالرجل انا وهو... الجزء بالجزء تلاتين يوم رمضان ..لكن حسة ما خلاس انسختنا بارينا طريق الفن... ههههههه

المهم شكرا على طلتك ...وشايفاك بقيت عاقل وما شراني زي زمان ..الحصل شنو؟؟ أوع تكون داير تبقى مسيخيت طمبرابي ..ياعملات اليمني الله يرحمو..؟؟

Post: #39
Title: Re: بالله العظيم الكلام ده كلو حصل؟؟
Author: ياسر بيناوي
Date: 04-22-2014, 11:21 PM
Parent: #37

سلامات يا استاذة
لوهمت سم لوهمت
عليكي الله اتلهمي ياخ
وانا ذاتي بجيب لهامة يابانية أصلية
واجي اصاقر المنبر دا شان استمتع بإبداعاتك وابداعات امثالك

خالص الود

Post: #40
Title: Re: بالله العظيم الكلام ده كلو حصل؟؟
Author: ياسر بيناوي
Date: 04-22-2014, 11:22 PM
Parent: #37

سلامات يا استاذة
لوهمت سم لوهمت
عليكي الله اتلهمي ياخ
وانا ذاتي بجيب لهامة يابانية أصلية
واجي اصاقر المنبر دا شان استمتع بإبداعاتك وابداعات امثالك

خالص الود

Post: #41
Title: Re: بالله العظيم الكلام ده كلو حصل؟؟
Author: Siham Elmugammar
Date: 04-22-2014, 11:37 PM
Parent: #40

Quote: بري والله ولا بننكفو ..ابنضحكو

ابنضحكو وأبنقرقرو لامن نصنقعوا وتاني ندنقرو

بري ولا بننكفو ..ابنقرقرو ..وللضحك ..نصنقرو

نصنقروا ..ابنطرد البفندرو
نقرقرو ..والمخ ده شغلاتة كلها نحفرو

نقرقرو ..وللضيف نونسوا ...نخترو

نقرقروا

يا بايع نحنا أبنشترو .

.نقرقرو ...

وليش ما نقرقرو..ضراعنا الله يخدرو ..وقلوبنا ديمة تفرفرو ..

وعدونا عينو نسهرو ..واليابانا نمرقو ندفرو

ما بننكفو ..يا دهبك المجمرو ...بنقرقرو

يا تماضر ما قصرتى
وقصرتى :)
انا البوست بتذكر كتبتو و انا زهجانة من ناس الزمن الجميل المطلوق ساهى

عودتك تشجع
وانا اتفق فى بعض ماقالوا يحيوح قبانى :)

Post: #42
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 11:46 PM
Parent: #40

Quote: لامات يا استاذة
لوهمت سم لوهمت
عليكي الله اتلهمي ياخ
وانا ذاتي بجيب لهامة يابانية أصلية
واجي اصاقر المنبر دا شان استمتع بإبداعاتك وابداعات امثالك

خالص الود

مش زمان اماتنا بنهرونا يقولوا لينا (يابت اتلهي)؟؟ (ياولد اتلهي)

بس هي زيها بالضبط ياود اتلهم ..لهمك بلا يخمك..ههههه

خليني اتلهم ليك حسة ..عندي كتابة اتبادلتها مع الزول الفوق ده..بشير عبد الماجد ..

وكان مدير معهد تدريب المعلمين والمعلمات وأنا استاذة الدراما مع الاستاف بتاعو

قام ختناني في لجنة الامتحانات ..وانا كنت دايرة أكون حرة ..عشان أشتغل (بالفن) في الحيشان التلاتة

المهم لمن أداني المهمة دي.. قلت ليه (دبستني)

فهو شاعر فيهو مرونة عالية وبكتب الشعر بسهولة كتب لي:

تدبيس
عندما وضعت اسمها في لجنة الامتحانات

دَبـَّسْتني قالت فقلت مُبادراً تَدبيسُ مثْلِكِ ليس في إمْكانـي
لو كان في طوعي لكنتِ دَبيسة في غير لجنتهم وفي وِِجْداني
ولَكنتُ قد هَـيَّأتُ كلَّ بَراعتي في صُنْعِِ مِدْبسَةٍ بكلِّ حَـــنانِ
وصنعتُ من حُرِّ الحرير دّبابسي واختَرْتُ لونَ النّار في الألوانِ
وجعلتُ ما دبَّستُ عير مُـحاذِرٍ ظلاًّ ظليلاً في هـجير زَماني
لكنني أبَــــداً ألوحُ كـعاجِــــزٍ عن غرسِ دبُّوسٍ بأيِّ مكانِ
إن كنتِ قادرةً على التّدبيسِ هيَّّا دبِّسي ما شِئتِ من جُِسماني
وإذا فعلتِ فكلُّ شكري عاجــزٌ وكفاك في ظَنِّي ثناءُ جَناني
وكفاكِ أني قد أبَحْتُ لكِ الحِمى وتركت بين يديكِ كلَّ عناني
وإلى هنا فالصَّمْتُ أوجبُ ما يكونُ وها أنا أمسكت عنكِ لِساني
وإذا أردت مَجيء بيتٍ آخرٍ فلشعرُ دوماً ظلَّ طوعَ بناني .

تعليقها في نفس الورقة
طبعاً أريد وأيُّ بيتٍ آخــــرٍ من فيضِ شِعرِكَ يزدهي بمعاني
لولا الكلامُ السّمحُ ما سامحتُكم في أمـــر تدبيسي وأنتَ الجاني
والإمتحان الحقُّ لا يســري بتخطيطٍ –بظنِّي- وانعقاد لجانِ
هو أن ترومَ الرُّوح طَــفْوَاً حالماً وتتوق للآفاقِ والأشجانِ
وإذا اللجانُ تدكُّ وزنكَ بالثرى وإذا بها تأسِرْك بالــمــجــان
عُذراً فلم أكُ بالقصيد مُحدثاً والشعر أبــدا لم يُطِعْ لبناني

تعليقي على تعليقها
أقولُ لها شعراً فتجْزي بمثلهِ وليس جزاءُ الشعرِ بالشعر نافعي
وقد رُمتُ لو أني كتبتُ فأجزلت عطائي شيئاً غير تلك الرّوائع
كأنْ ..لستُ أدري كيف ذاك وإنّما هنالك إحساسٌ بهِ بين أضلعي
فهل ياتُرى أقوى وبالشعرِ مرّةً أوضِّحُ إحساسي ولا شيء مانعي
سوى أنَّ بالكتمان أقضي حوائجي وليس مجالُ البوحِ عندي بواسعِ
وإني لأرجو أن يكون جزاؤها على هذه الأبيات وفق تَطلُّعــي
وإلا فأهلاً بالقصيد مــؤقَّـــتاً غلى أن يلوحَ البرقُ من كلِّ مطلعِ
وتهمي سحاباتث الأماني وتنتشي بوابلها روحي ويخضَرُّ بلقعي
وأجني ثمارَاً قد رويت جذورها بأشواق نفسٍ جهدها غيرُ ضائعِ
وأرقصُ والدنيا بعَينيَّ جنَّـــــةٌ بلابلها تشْدو وتشفي مـواجِـعـي .

طبعا ما عرفت بأنه رد على تعليقى الا حديثا ..وما عرفت انه محتفظ بكل ذلك الا قبل شهر على ما أظن..

والله أعجبت جدا بهذا الحوار الشعري الفكه ..والمناب بتلقائية ودون أي شائبة تشوب..

(ياربي ده الزمن الجميل)؟؟ ولا الالتهام ههههههه

Post: #43
Title: Re: بالله العظيم الكلام ده كلو حصل؟؟
Author: Tumadir
Date: 04-22-2014, 11:50 PM
Parent: #42

خالد موسى سلام يا معاين من الشباك

Post: #49
Title: Re: بالله العظيم الكلام ده كلو حصل؟؟
Author: cantona_1
Date: 04-23-2014, 05:31 AM
Parent: #43

الأخت العزيزة تماضر .. سلام مربع ..
قلنا نذكرك الماضي الجميل .. علِّك تكوني نسيتي ودخل الما بِداوا كما عندنا..
العيال كبرت لكن لم نصل مرحلة الأحفاد بعد... الولد شغال .. والبت بتتخرج العام القادم بقدرة الله.
ونحن جاريين في الدنيا .. والحمد لله رب العالمين.
تحياتي

كبـّاشي الصـّـافي
(العوج راي والعديل راي) .

Post: #50
Title: Re: بالله العظيم الكلام ده كلو حصل؟؟
Author: عبدالكريم عبدالله
Date: 04-23-2014, 05:40 AM
Parent: #43

تماضر
الزمن الجميل عندي ناس زيك .. البخلو الاخرين فرحين و متفائلين بجمال باكر
البورد بجد فاقد كتير من الجانب الثقافي و عودتِك بركة و فيها منافع و إلهام
علي العموم قدامي تلاتين قصة ، و تلاتين يوم قراية
و بيناتن إستراحة مع كل جديد جاي منِك
من مداخل فرحتي لكِ القياما ... و إحتراما

Post: #52
Title: Re: بالله العظيم الكلام ده كلو حصل؟؟
Author: Tumadir
Date: 04-23-2014, 03:04 PM

Quote: تماضر
الزمن الجميل عندي ناس زيك .. البخلو الاخرين فرحين و متفائلين بجمال باكر
البورد بجد فاقد كتير من الجانب الثقافي و عودتِك بركة و فيها منافع و إلهام
علي العموم قدامي تلاتين قصة ، و تلاتين يوم قراية
و بيناتن إستراحة مع كل جديد جاي منِك
من مداخل فرحتي لكِ القياما ... و إحتراما

والقومة ليك انت كمان

وانش الله زمنك كلة تفاؤل ومحبة واحترام

والسعادة هي الرضا والقبول

ربنا يسعدك

Post: #53
Title: Re: بالله العظيم الكلام ده كلو حصل؟؟
Author: Tumadir
Date: 04-23-2014, 03:09 PM
Parent: #52

Quote: الجميلةُ طمطم
صباحك عسجدٌ وأوراقٌ تتهادى فيها الأحاسيس الباهرة

هذا
"وقد كنتُ مسْتوراً وٍسٍرِيَ كامِـنٌ"
فأنتِ كما ترين
لم يقابِل ما بذلته من بذلك
عطرٌ مرتجى

ثم ما فعلتِ بها
عملٌ كهذا من الصحيح نشره في كتاب
حتى يعبر إلى كثيرٍ من القلوب والأذهان
فتنهل من معينه
وتأخذ إلى أوقاتٍ تاليةٍ لها
ما يعينها على مجابهتها
هذا ظني

وتلك
خطوة واحدة نحوك يا أخية
والخطوات قادمات
فكوني في الموعد
نكن حضوراً بإذن الله
إن تخلى عنا من لا يتخلى

سلمت روحك العطر وبنانك الذي منها يصب

تحياتي، محبتي واحترامي

بلة محمد الفاضل

وانت الذي وقدت هذه النار الصديقة ..وأججت ضريمها

أشكرك على متابعتك

وعلى حلو المقال ..وحسن الظن

تباعا..تباعا

سنقف عند بوابة الدنيا

ونبشر بيوم سعيد
كل يوم

وسيأتي اليوم على حسن ما نظن ...

وعلى أجمل من التوقع ...كذا..

تباعا تباعا

فماذا سيفعل الاعداء؟؟

Post: #54
Title: Re: بالله العظيم الكلام ده كلو حصل؟؟
Author: Tumadir
Date: 04-24-2014, 02:08 AM
Parent: #53

Quote: العيال كبرت لكن لم نصل مرحلة الأحفاد بعد... الولد شغال .. والبت بتتخرج العام القادم بقدرة الله.
ونحن جاريين في الدنيا .. والحمد لله رب العالمين.

ربنا يديكم الصحة والعافية ..ليهم وتحضروا جديدهم

تحياتي لأم العيال ..والعيال

Post: #55
Title: Re: بالله العظيم الكلام ده كلو حصل؟؟
Author: munswor almophtah
Date: 04-24-2014, 02:21 AM
Parent: #54

وين يا تمودا شكرا على تجميل وجه المنبر بعفويتك والمباشره
وألف سلام عليك وأعفيلنا العوه

Post: #56
Title: Re: بالله العظيم الكلام ده كلو حصل؟؟
Author: علي محمد الفكي
Date: 04-24-2014, 03:48 AM
Parent: #55

كان في برنامج سهرة في تلفزيون السودان اسمو من الامس ببث مواد قديمة من برامج التلفزيون ..
المهم
ما حقت تبارك
الواحد بكون بشاهد في مواد حضره لايف في وقتها ..
فبضحك واقول للجماعة معقول بقينا من الامس
ناس التلفزيون ديل مالم مستعجلين علينا يختونا في الرف الخلفي
اها البرنامج دا زي حكاية الزمن الجميل الكان زمان
انا بعتقد انو كل الزمن جميل اذا اردنا ان نراه جميل والعكس
يعني احنا البنحدد
وكل زمان فيهو كل انواع البشر
وتاني كنت بقرأ في مقال للاستاذ محمد احمد محجوب نشرو في مجلة الفجر سنة 1932
ويتحسر فيهو على الزمن الجميل
شفتي كيف
الجميل حقيقة تواجدك وعودتك للكتابة في المنبر فانتي من الاقلام البتدي للمنبر القو وتجعل زمنو جميل
واتمنى كل الاقلام الجميلة ترجع عشان نخلي زمن المنبر جميل
وزي ما قلتي ندش عين الضلام بالضو ونقدم رسالة الجمال والحب للجميع
عسى ولعل ان يدخلوا فيها ويكون ليكم ايها الكتاب الجميلين اجر كل من ولج الى عالم المحبة والجمال مؤمناً
تحياتي تماضر
وما تغيبي قدر المستطاع
قدر المستطاع دي حلوة صاح
غايتو انا اتكيفت منها
عليك الله قولي لي حلوة

Post: #57
Title: Re: بالله العظيم الكلام ده كلو حصل؟؟
Author: Tumadir
Date: 04-24-2014, 05:29 PM
Parent: #56

يا علي محمد الفكي

يا حنظلة المحتار في عمايل الزمن وناس الزمن

شكرا على المساهمة اللطيفة دي

وحقيقة صحي هو دايما الماضي أجمل من الحاضر؟ ولا دي كفوة الله ابتلانا بيها ساي؟؟

زمان لما كنا صغار كنا بنعول على المستقبل اي حاجة بتتعلق بالمستقبل كانت شي الانسان بتتطلع ليهو ..ولي حسة انا شخصيا عندي (امل) في المستقبل

قلت لي عشة اختي مرة ..لي حسة عندي شعور اني حأحفظ الغنا الرايح مني ده وحأغني ..ههههه

يعني بتساءل كيف انقلبت الموازين وبقى الماضي احلى والزمن الاجمل هو الزمن الراح ومشى ؟؟

الله يجازي ناس الانقاز ديل ياخي ..قلبوا لينا الموازين...هههه

طبعا ما بتجاهل عمدا فكرة التجارب الجميلة البمر بيها الانسان في شبابو وبين ناسو والاعمال الثيمة الاتقدمت والتجارب الفنية والادبية الاوجدتها ظروف اجمل حسة ما متوفرة

Post: #58
Title: Re: بالله العظيم الكلام ده كلو حصل؟؟
Author: Tumadir
Date: 04-24-2014, 05:36 PM
Parent: #55

منصور المفتاح اخوي ...كيفك وماك طيب؟؟

شكرا لانك جملت لي حضرتي ..واديتها معنى

وبنتشاوف كان الله مد في العمر..