Post: #1
Title: أضبط أضبط أضبط أضبط
Author: يسرى معتصم
Date: 04-22-2014, 06:03 AM
كتب أخى كريم مايلى فىاالفيس بوك
أحكي ليك قصة توضح مدي فساد مسئولي الإنقاذ. كنت أمس أشاهد الأخبار وكان الخبر إستقبال عمر البشير لمستثمر أماراتي صاحب شركة أمطار وعندها إستثمارات كبيرة في الشمالية وكان في اللقاء مصطفي عثمان إسماعيل ودا بصفته وزير الإستثمار ولكن تفاجأت بوجود المتعافي وتم تقديمه في الخبر علي أنه رئيس مجلس إدارة شركة أمطار بتاعة الأماراتي. أذكر في سنة 2008 كنت في مهمة عمل في السودان في قطاع النفط وكان معي زميل بريطاني نازل في فندق روتانا سلام مشيت المغربيه ليهو في الفندق عشان يطلع معاي مشوار وأنا متظرو في الإستقبال كان يجلس نفس المستثمر الأماراتي الكان أمس مع البشير وإتبادلت معاه حوار قصير عرفت إنو جاي يستكشف فرص إستثمار في السودان وذكر لي موضوع مشروع دريم لاند. بعد شوية تفاجأت بالمتعافي جاء داخل الفندق ماسكاهو أم فريحانة وكان وقتها والي الخرطوم وأخد معاهو الأماراتي وطلع, طلعت وراهم شايف المتعافي نزل السواق وركب معاهو الأماراتي وساق العربية بنفسه والسواق ركب المواصلات. وحقيقة إحترت وقتها كيف شخص في منصب دستوري رفيع يصغر نفسه بالصورة دي قدام مستثمر ويسيب كل مشاكل الولاية ويقعد يفسح فيهو بالمساء. وأمس لما شفت الخبر عرفت أن الراجل كان بستقل موقعه الرسمي لمصالحه
|
Post: #2
Title: Re: أضبط أضبط أضبط أضبط
Author: محمد إبراهيم علي
Date: 04-22-2014, 08:30 AM
Parent: #1
قريت امس خبر في الانتباهة ورد فيهو كلام اخوك فعلقت عليهو في تويتر
|
Post: #3
Title: Re: أضبط أضبط أضبط أضبط
Author: Asim Fageary
Date: 04-22-2014, 08:38 AM
Parent: #2
عشان كدا نحنا بنقول ونردد
المشكلة ليست مشكلة فرص إستثمار ومستثمرين
المشكلة مشكلة بلد إستشرى فيها الفساد المالي والإداري
المشكلة مشكلة بلد التدفقات النقدية لفيها غير مشروعة
فلا تنتظروا أن يستفيد الشعب أو أن تستفيد البلد (السودان) من أي إستثمار
طالما الإستثمار فوائده بتمشي لجيوب أفراد
لا تحلموا بعالم سعيد + ......................................................................................
قال فيما قال الشاعر الراحل الساخر / نجيب سرور
يا طالب السعد جالك الوعد ... أمك
يروح السعد ويفضلك الوعد و ....أمك
قالي فرص إستثمار .. تجي الفرص .. وتتنهب البلد ويفضلك .. أمك
يطلع البترول ويتم تصديره تتنهب فلوسه ويفضلك .. أمك
بالمناسبة القصيدة دي قافيتها ..................... أمـــــــــــــــــــــــــــك
_________________
البيعرفوا نجيب سرور حيعرفوا القافية
|
Post: #4
Title: Re: أضبط أضبط أضبط أضبط
Author: ismeil abbas
Date: 04-22-2014, 08:43 AM
Parent: #2
هم فاكرين نفسهم أمناء على الوطن بس هم بأمنوا أنفسهم والباقى يغرق....نسأل الله السلامة....سلام يسرى ومحمد إبراهيم على....تقديرى.
|
Post: #5
Title: Re: أضبط أضبط أضبط أضبط
Author: عواطف علي
Date: 04-22-2014, 08:47 AM
Parent: #1
سلام ,,
دي بسيطه ياخ !! المتعافي يسوق سيارة المثتثمر الاماراتي !! ,,
كويس انو ما مسح للمستثمر الاماراتي سيارته بي كم قميصة ,, وشال ليهو الشنطة !!
ديل خلو رقبتنا قدر السمسمة ياخ !! صغرونا
لك التحايا والاحترام ,,
|
Post: #6
Title: Re: أضبط أضبط أضبط أضبط
Author: يسرى معتصم
Date: 04-22-2014, 04:45 PM
Parent: #5
شكرآ الأخوة المتداخلون ..... أرتبط أسم المتعافى بالفساد ولسه مصرين عليه
|
|